08-04-2011
|
#41
|
~([ الجـــــــــــــــزء العشــــــــــــــرون و الأخيـــــــــــ(20)ــــــــر ])~
بعد ثلاثة اسابيع
ميرة كانت مع اختها مهره ( تحسنت اللحين حالتها وايد )
مهره: ههههه بس بس و الله بطني عورني
ميرة: ههههه عسى هالضحكة دوووم
مهره ابتسمت: وياج حبيبتي
رن تلفون ميرة
ميرة ابتسمت: الو ،، هيه هيه ،، خلاص ما عليه ،، انتو جاهزين ،، تمام ،، اوكي ( و عقب سكرت )
مهره: ما شاء الله منو هذي اللي تكلمينها و انتي مستانسة لها انا بديت اغار ههه
ميرة: احم احم مهره حبيبتي عندي لج مفاجأة
مهره بفرح: شوو
ميرة: ممم تتوقعين اللحين منو ياي
مهره: حد من الاهل
ميرة: لا
مهره: منو عيل
ميرة ابتسمت: مهاري حبيبتي فيه ناس يايين يشوفونج و الله الشاهد المدة اللي كنتي فيها بالمستشفى هالناس كل مرة تتصلي يطمنون عليج و اللحين عاد يوم قلت لهم ان الزيارة مسموحه لج بأي وقت يو هني يطمنون على حالتج
مهره دمعت: انــــتي تتكلمين عن ربعنا اللي بالمدرسة صح
ميرة هزت راسها و هي مبتسمة: هيه هم اللي يايين لج
مهره: فديتهم و الله
سمعوا دق على الباب
و دخلن كلن البنات ( مب خمس و لا عشر لاااا بنااااات الصف كلهن 18 طالبة )
أول ما حدرن تتوقعون شو سووو
غنوا اغنية تخرجهم ( لأن اغنية التخرج هي مهره اللي حفظتها لهم و هالاغنية لحمود الخضر )
غريبة مرت الايام ** سريعة كأنها أحلام
وصلنا لآخر المشوار ** تخرجنا بعزم و اصرار
في رحلة عمر بالابداع ** رواية تحلى بالاسماع
بنرويها بطرب و ايقاع ** فلا احلى من الابداع
ياما الهم وحدنا ** و ياما الفرحة عمتنا
و آخرتها تخرجنا ** عسى الله لا يفرقنا
( بنات كلاسي اللي كانو بالثانوية و اللحين يقرون روايتي من خلف الكواليس بشو تذكركم هالاغنية هههه )
مهره تأثرت و صاحت
و كل وحده من البنات يت و لمتها و تسلم عليها ( عاد انتو ادرى بسلام البنات اللي ما يخلص )
موزة: وحشتيــــــــــــــــــــنااااااااااااااااااااااا
مهره: هههههه فديتكم
و قامت كل وحده منهم تظهر هديتها و تحطها صوب مهره
مهره: ليش مكلفين على عمركم
سميرة: لا مكلفين و لا شي هذا واجبنا و انتي تستاهلين حبيبتي
سلمى: مهاري شخبارج اللحين
مهره: و الله حالتي تتحسن كل يوم
موزة: هيه صح الوالدة تسلم عليج
مهره: الله يسلمها من كل شر يا رب
سلمى: و انا يدوووه تسلم عليج هي و امي و اختي تقولج الحمدلله على السلامة
مهره ابتسمت: الله يسلمهم كلهم
خديجة: الا مهره شو رايج باغنيتنا اخترناها عسب نغير لج الجو و نذكرج بيوم تخرجنا
مهره: هههه يعطيكم العافية و الله انكم عسل على قلبي
قامت ميره و فتحت الباتشي و قامت توزع على البنات
آمنة: مهره تصدقين اشتقت لصوتج بالقران لما كنتي تقرين الايات بحصة الاسلامية و يوم تقرين بعد بالاذاعة الصبح
جميلة: ايه و الله وحشتينا يوم تأذينا و تقوليلنا نذاكر و نحن كنا نتشيطن بالحصص
راية: الله على ايام المدرسة يوم كنتي تنصحينا و تعلمينا و تدرسينا الدروس اللي مب فاهمينها
سناء: و اشتقت اشوفج بالحجاب الابيض و النظارة كنج دكتورة
مهره: هههههههههههه الله يا سلام و الله ايام حلوة كانت
روضة: مهره تصدقين من يوم ما قلتيلي ما اسمع اغاني فليل لانه مب زين قمت اخاف اللحين و ما اسمع اغاني موليه
مهره: و الله زين طلع مني فايده
موزة: احم احم مهره
مهره: هلا حبيبتي
موزة: عاد انا قبل ما اطلع من البيت لزمت علي يدوة اخذ لج من خبزها و حلفت علي اشوفج تاكلينه لأنه صج انتي غادية حطبة و عووود لازم تاكلين زين و تمتني على الاقل شوية ( طلعت موزة الخبز و عطته مهره )
مهره: الله يا سلام على خبز الرقاق ذكرني بيدوه المرحومة يوم كانت تسويه لنا
الكل: الله يرحمها
موزة: و بصراحة فيه شي بعد بقوله لج
مهره: شو
موزة نزلت راسها و احمرت
مهره: شو قولي هههه
سلمى: يقولج طال عمرج موزة انخطبت لولد عمها
مهره: صــــــــــــــج ألف ألف ألف مبرووووك
موزة: الله يبارك فيج حياتي و عقبالج
مهره: لا ما اظن
موزة: جب يلا جب عن البزا و لا ترا بيوزج سليم راعي الداكان
الكل: هههههههههههههههههههههههههه
مهره: هههههه هين هين ( عقب طالعت اختها ) بنات اقولكم
الكل مستعد يسمعها
مهره: يقولكم إن ميرة بتعرس جريــــــــــــــــب
الكل احتشر و الكل يسأل ميره و ميرة مستحية
مهره: ههههه بشوي شوي عليها بروحها تستحي
جميلة: يـــــلااا عاد قولولنا منو خطبها
مهره: أحمد ولد عمنا
موزة: ياااااااااااااااااااااااااااااااااااي ميــــــــــــــارررررررري عروووووووووس
كل وحده من البنات قامت تبوس ميرة و تسلم عليها و تبارك لها
ليلى: يالله يالله من قدج عروس ،، ترفع ايدها : يالله يا رب اتزوج بعد انا فارس احلامي باسرع وقت
سلمى: ان شاء الله ما تعرسين الا من بعد ما تخلصين دراستج الجامعية
ليلى ردت ترفع ايدها للسما: لا يا رب لا تسمع منها ذي حسووودة ،، يا رب باجر اييني المعرس هذاك الغاوي
الكل: هههههههههههههههههههه
موزة: بنات بنات انا يوم بعرس بلبس جوتي رياااااااضة عسب اركض بسرعه للكوشة ما اريد اكسر البيض بطريجي شرات ما العرايس يمشن بطيئ
الكل: ههههههههههههههههههههههه
ميره: هههههههههه اويه ما اتخيل
سلمى: أنا يوم بعرس ان شاء الله بحط عدساااات حمر و بلبس فستان اسود عسب اول ليلة اخرع فيها ريلي و اخر شي اقوله كنت اتغشمر معاك
الكل: هههههههههههههههههههههههههه
موزة: ههههههههههه الله يخسج بطني ،،، هههههه آخر شي بيطلقج و بيفرج ببيت ابوووج
جميلة: عاد انا تدروون شبسوي ،، راح اكشخ لريلي بليلة الصباحية و بلبس له سروال دق و كندورة ثوب مالت عيايز و بحط عطر عيايز و غير كل هذا بلبس كعب عسب يقول عني مطووورة
الكل: هههههههههههههههههههههههههههههههه
سلمى: هههههههههههه حسبي الله على بليسكن و على افكاركن الداهية
مهره لا تسألون عنها ميتة من الضحك و ضايعه بالوناسة مع ربعها
في بيت بو فهد
منال: يـــلا بسرعه سنتيا تحركي و ييبي هالفرش الذهبي على هالطاولة
نورة: سنيتيا خلصتو من البالونات
سنيتيا: هيه كلو خلص
ظبية: دام خلصتوا منهن عيل منصور تعال يلا معاي بنحط كل البالونات على المسبح كامل و انتي كارينا تعالي ساعدينا
منصور: بس لحظة بييب السلل بنجمع فيه البالون أول
فهد يا صوبهم: اقولكم ميره بعدها عند اختها
منال: هيه بعدها هناك ( تكلم الشغالة: عدلي الفرش شوي على الجانب )
فهد: خلاص متى تبوني اييب مهره و ميرة
منال: ممم بنخلص من ترتيبات حفلة مهاري بعد شوي يعني تقريبا على الساعة سبع روح ييبها
فهد: خلاص ما عليه بس خبروهم اني بييهم على الساعه سبع انزين
منال: ان شاء الله
و عقب راح
منال تنهدت بتعب: ما شاء الله باقي ثلاث طاولات ( مسحت ويهها بيدها ) يلا سنيتيا نكمل تعديلات مممم و اللحين ناوليني الفرش الاحمر ( و كملت شغل معاها )
ام فهد يت: هاه بنات يت خالتكم و لا بعدها
نورة: لا بعدها
ام فهد: ليش تأخرت ترا الصندوق لازم تييبه بسرعه عسب نحط فيه الهدايا
راحت ام فهد تتصل عليها
ام فيصل: هلا ام فهد
ام فهد: وينج فيه يلا لااا تتأخرين ماعندنا وقت و يبي الصندوق
ام فيصل: يالله انا عند باب بيتكم اللحين بيي
ام فهد و ام فيصل يايبين لمهره صندوق حجمه شوي كبير بيحطون فيه هدايا ام فيصل و ام فهد مع بعض
يا أحمد و دخلت معاه ام فيصل
ام فيصل: السلام عليكم
الكل: و عليكم السلام
احمد: وين ظبية ردت من دوامها و لا
ام فهد: ترتب البالون بالمسبح و يا منصور
احمد: زين زين الا ما وصلت اللوحة اللي طلبناها
ام فهد: امبلا هناك انا قلت لهم يحطونها بالحديقة روح انت ركبها
اللوحة على شكل مستطيل مزينة مكتوب فيها ( يا نفوس الفرح زفي النواوير و ارسلي أجمل السلام لشيختنا مهره )
و الكلام مكتوب بليتات صغيرة ملونة و كانت روعة
سار أحمد و علق اللوحة بمكان مناسب و ملفت
طبعا هم اتفقو يسوون الحفلة بالحديقة
اتصل جاسم على احمد
احمد: هلا جسوووم
جاسم: هاه خلصت امور البوفيه
احمد: هيه بعد نص ساعة بييبونها
جاسم: اقولك احمد شورك شو اخلي راعي محل الكيك يكتب على الكيكة احترت انا
احمد: مممم اكتب فيه بيت شعري اهداء لسلامتها او جملة حلوة
جاسم: شورك يعني
احمد: هيه هيه بيعجبها
جاسم: خلاص ما عليه بفكر اللحين ،، يلا برايك الغالي
احمد ابتسم: الله يحفظك
راح جاسم و قال لراعي المحل يكتب
على الكيكة " من هالثانية ما للهم تبرير برجعة الغالية مهره بوسط محبينها "
و تحت هالجملة كتب " نورتينا برجعتج لنا "
عند أم فهد و أم فيصل
ام فهد يابت الكيسة الكبيرة
ام فيصل: يالله ان شاء الله يعجبها ذوقنا
ام فهد بفرحة: و اخيرا بترجع لنا بهالبيت و بتم تحت عيوني يالله شكثر كنت احاتيها
ام فيصل: حليلها من يومين ما سرنا لها انا و انتي اخافها تحاتي
ام فهد: لا ان شاء الله ما تحاتي تراها اليوم بتي و بنحتفل برجعتها لنا
ام فيصل رفعت ايدها للسما: الحمدلله لك يا ربي يوم شفيت هالمسجينة بس ما باقي الا نقول لها عن فهد و ان شاء الله توافق
ام فهد: يالله يا ام فيصل ما تتخيلين شقد بفرح اذا وافقت على ولدي فهد لاني متاكده انهم يليقون ببعض
ام فيصل: ان شاء الله بس توافق ،، يلا اللحين هاتي الكيس عسب نرتب الاغراض بالصندوق
عند ظبية و منصور
ظبية: منصور يالدب أنا شو قلت
منصور: هههههههههههه
ظبية تتحرطم شرات العيايز: مرة نسخة من عمك محمد نفس الطبع و المقالب
منصور: هههههههههههههه
ظبية: بعد تضحك ما عليه ما عليه
يا فهد صوبهم و هو يشرب عصير: ههه انا جم مرة اقولكم لحد يتنازع على ولدي
منصور سار عند ابوه
فهد مسح على راس ولده بحنيه: شو مسوي فديتك هالمرة
منصور: نقعت بالونتين بويه عموه ظبية و هي تخرعت
فهد: ههههههه وابوي عليك
ظبية: يلا يلا بلا هذرة زايده منصور تعال باقي الجهة الثانية
فهد قعد على العشب تحت
منصور قعد معاه: مااااااااا روووم
ظبية: ههههه منصووور عن النذالة يلا ما عندنا وقت
فهد: يلا حبيبي قوم ساعدها لعيون مهره و لا ما تستاهل بنت عمي
منصور قام و نفخ عمره: لا تستااااهل و نص بعد ،، يلا ياينج اللحين
سار منصور ورى ظبية
منصور: ظبية
ظبية لفت صوبه تشوفه شو يبا
طااااااااااااااااااااااااااااااخ ( نقع بالونه بويهها )
ظبية تيبست: منــــــــــــــــــــــــــصوووووووووووووووور و بعدين معاااااااااااااااك طيحت قلــــــــــبي
فهد و منصور: هههههههههههههههههههههههههه
في بيت بوفيصل
بوفهد تنهد: و جيه السالفة
بوفيصل: بهالسهولة يا سلطان
بوفهد هز راسه بالايجاب
بوفيصل: مالي كلمة من عقب كلمتك يا خوي
بوفهد: انا اتصلت على المحامي و كل شي بيتم بالسر لكن راح اخبر مها
بوفيصل: ايه زين يوم اخترت مها اعقلهم
بوفهد: يا خوي انا تعباااااان و الله تعبااااان
بوفيصل: بسم الله عليك ليش تقول جيه انت السبع
بوفهد: انا كنت اناني و احب المراكز الراقية بالمجتمع و اركض ورى التجارة و احسب لها الف حساب سعيت بهالدنيا ورى الفلوس و الاملاك و العقارات و صار همي اتابع اخبار محلاتي للسيارات و سلسلة مطاعمي و اشوف الاراضي اللي املكها و ابني عليها مشاريعي ،، يا خوي احس اني ضيعت شبابي بشي
ما يستاهل اهتمامي هالكثر ،، اهملت نفسي و اهملت علاقتي بعائلتي و كل هذا بسبب اشغالي بهالمؤسسات و بالاسهم و متابعة الاخبار و الجرايد ،، كنت اعتقد بالبداية ان فرحتي هي باملاكي و ثروتي لكن هالشي للاسف ما حقق سعادتي اللي كنت اتمناها ،، تصدق يا عبدالله اني احس بتودد كبير لبنتي ظبية لكني اكابر و ما ابين لها عسب ما اضعف جدامها و هي من تشوفني تحبني على راسي و تقولي اذا ابا شي و انا مول مب معطنها سالفة بس مع ذلك هي كانت صابرة علي و عمرها ما قالتلي كلمة اف لا هي و لا عيالي الباقين ،، ربي رزقني بعيال الكل يحسدني عليهم من طيبهم و حلو اخلاقهم ،، محمد مهما شافني جاف مع ذلك كان دوم يسولف معاي و ينكت و يضحك و احيانا يتمسخر علي و انا اوني احرج عليه لكن انا من داخل مستانس له وايد ،، فهد السند الكبير و الايد اليمنى بالنسبالي هذا الغالي عمره ما جاملني و عمره ما عصاني الا اذا شافني اسوي شي غلط فهد ياما وقف معاي بشغلي وقفة رياييل و مازال كل يوم يسولف معاي و اذا ما شافني بالليل و هو راجع متأخر يدخل الحجرة و يحب راسي و يطلع و انا مسوي عمري نايم و نورة بنتي الغالية اللي دوم تستحي مني يمكن لاني مب وايد اخالطها فمن جيه هي مب متعوده علي بس مع ذلك يعجبني حياها و احمد الانسان الطيب و الخلوق هذا دومه حبوب معاي و كان مثل ما يتصل لامه يوم يكون بالدوام حتى انا يتصلي يطمن علي ،، و اذا شافني مضايق ما يتركني الا لما يشوفني اضحك و اسولف معاه شرات قبل ،، يا عبدالله انا ببدي حياتي مرة ثانية و بحاول اعدل من اخطائي عسب الكل يتم راضي علي و انت بعد يا عبدالله لازم تسوي مثلي
بوفيصل ربت على كتف اخوه: و هذا هو الكلام الصح و الله اثرت فيني و احس اني ندمان شرات ما انت ندمان لكن يا خوي قولي امي المرحومة سامحتنا قبل ما تموت و لا شايلة علينا بخاطرنا
بوفهد: اذكر لما كنا مع المحامي معضد يوم الوصية قال ببالبداية ان المرحومة كانت راضية علينا الحمدلله من هالناحية لا تخاف و شوف نحن عسب نوفي للمرحومة لازم نعتني بالبنات كلهن و انا بحطهن بعيوني و بعاملهن شرات بناتي و بحاول اتقرب منهم و انا مرتاح اللحين لان فيصل خذ ميثة و حمدان اللي حشرنا يبا يتزوج بمنال بنزوجه جريب ان شاء الله و مهره ان شاء الله توافق على فهد لان بصراحة ولدي فهد يبيها من خاطره و قال بيحطها بعيونه و مها اللحين عند زوجها خالد و هالريال و النعم فيه و ما عليه قصور و انا مطمن على مها دامها معاه
بو فيصل: ريحتني بكلامك يا خوي بس مع ذلك نحن لازم ندعي للوالدة الله يرحمها بصلاتنا دوووم و لا اقولك بعد بنتصدق عنها بشكل مستمر و يا رب ربنا يسامحنا على عقوقنا لها
بوفهد: شو كيف ربنا رحيم لانه بامكانه يرزقنا بعيال عاقين علينا لكن ربنا رحمنا برحمته و رزقنا بعيال ماشي مثلهم بهالدنيا و الحمدلله يوم ربي ابصرني على غلطتي و ان شاء الله انا و انت بنصلح كل شي
بوفيصل ابتسم: راحة يا ريال لما الواحد يصفي نيته و لا انت شرايك
بوفهد: راحة و ما مثلها راحة لكن انا ما برتاح كامل الا اذا شفت سعادة بنات المرحوم عبيد و سعادة زوجتي و عيالها
بوفيصل: الا تعال متى بتخبر مها عن الورث اللي قالك عنه المحامي معضد
بوفهد: بتصل للمحامي جريب و بخلي خالد و مها يحضرون و نكمل اجراءات تحويل الورث باسم بنات عبيد
بوفيصل: هم جم لهم تقريبا
بوفهد: على حد علمي مبلغ ( ______ ) جيه قالي المحامي لما خبرني ان المرحومة تاركة ورث للبنات بدون ما يدرون
بوفيصل: بس و الله غريبة شمعني المحامي تكلم اللحين ماتكلم عن هالشي من قبل
بوفهد: يمكن المرحومة قايلة جيه حقه
بوفيصل: و ليش يدوه لما خذت ورثها من حلال ابونا ما صرفته مول و ليش خلته هالفترة الطويلة و ما فكرت تعطيه لحد الا لما توفت كان بامكانها تعيش بنات عبيد المرحوم ببيت فله دام عندها هالمبلغ
بوفهد: انا متاكد انها ما رضت تقول لهم عن هالمبلغ لانها تخاف الفلوس تفرقهم مثل ما فرقتنا
بوفيصل: صح كلامك معقول ليش لا
بوفهد تنهد بعمق و غمض عيونه
يتذكر الماضي
بوفيصل تنهد و قال: تصدق يا بوفهد إن صورة عبيد ابو البنات بعدها براسي يوم كان يصارخ علينا و يبي الفلوس و نحن رديناه و ما طعنا
بوفهد: الله يرحمه ،، بروحه كان شري ما يتفاهم مووول و نحن ما كنا نطيقه لأنه من ابو ثاني و غير هذا كله كان يطالبنا بفلوس و هو ماله حق
بوفيصل: و يوم كثرت مشاكله معانا قبل ما يتزوج اصر انه يطلع من البيت و امي الله يرحمها لحقته و ما رضت تخليه بروحه لانه حزتها كان ريال مستهتر وايد و كله يضارب فخافت تخليه بروحه الين ما تزوج و استقرت معاه امي الله يرحمها
بوفهد: بس نحن غلطنا يوم كنا قاسين عليها و يوم طلبت منا نخلي عبيد يشاركنا بالحلال و نعطيه مكان بشركتنا اللي كانت صغيرة بزمن اول ،، و تمت تحن علينا و اخر شي قالت لنا لا انا امكم و لا اعرفكم اذا ما عطيتو ولدي مكان بشركتكم او تشاركونه بحلالكم ،، و نحن عاد ساعتها كنا بالبداية و نبا نأسس عمارنا عسب تكثر فلوسنا و ما نبي واحد شرات عبيد يخرب علينا و خصوصا انه ما يتأمن على شي ،، و هو بصراحه كان طماع ،، و بعدها احتشرنا و قلنا ما بنعطيه ربع الحلال و لا بنعطيه منصب بالشركه و عقب ازعلت امي الله يرحمها و ما كلمتنا من عقبها مول و نحن ما ادري كيف قسينا عليها و لا سألنا عنها إلين ما كبرنا و صار عندنا حلال وفير و كثير و غير هذا كله سكنا بفلة اللي يشوفها يقول قصر و غيرنا أرقامنا و كل شي عسب امي ما تعرف عنا شي و اتيي تفتح الموضوع لنا مرة ثانية لأن حزتها كنا ما بنتحمل واحد يخرب علينا شرات عبيد اللي بنيناه سنين
بوفيصل: بس قلب الوالده الله يرحمها كان رحوم لدرجة إن نحن ما نهون عليها و يت لنا لحد الشركة و نحن انكرناها جدام ضيوفنا و الله اني مفتشل ليش اني سويت عمري ما اعرفها ،، يا رب ربنا يسامحنا على غلطتنا و يغفر لنا خطايانا ،، صدق ان الفلوس ساعات تعمي بصيرة الواحد و تخليه يبتعد عن اهله و اقرب ناسه مثل ما سوينا بأمنا
.:.( يعني اللحين خلاص مها و خواتها بياخذون حقهم كامل ).:.
مها ريلها نزلها بيت بوفهد و راح قال ما يبي يخرب عليهم او يحرجهم بوجوده
ام فهد حاول معاه يتم لكنه رفض ( الوحيد اللي بيكون محد هو حمدان لانه دوام و ما قدر يطلع موول و طبعا فيصل و مرته لازالو بالخارج )
و عقب ساعة
ام فهد تتحرطم: ما يت مهره للحين و فهد محد
مها: اللحين فهد بيروح اييبهم لا تحاتين خالوه
ام فهد: و فهد وينه الله يهداه ليش تاخر توه كان بالبيت ليش يطلع من الاساس
ام فيصل: اللحين يت الساعه سبع و نص
ام فهد: بتصل لفهد عل و عسى هالمرة يرد
فهد: الو
ام فهد: الله يهداك انت وينك
فهد ابتسم: انا توني واصل المستشفى بطلع مهره و اختها
ام فهد بفرحه: هيه و نحن حسبالنا نسيت
فهد ابتسم من خاطره: مستحيل انسى العروووس
ام فهد: يالله فديتك أنا ،،، فذمتي انك تستاهل كل خير
فهد: تسلمين الغالية الله لا يحرمني منج ،، بخليج اللحين بسوي اجراءات خروجها
ام فهد: الله الحافظ يا ولدي
فهد: مع السلامة فديتج
ام فهد بصوت شوي عالي: يــــــــلا بســــــــــرعه الكـــــل يكشـــــخ و تجــــهزوا
نورة بحماس: كاااااارينا كااااارينا
كارينا: يس نورة
نورة: الله يخليج روحي شيكي للمرة الاخيرة انتي و سنيتيا على الحديقة و اذا شي ناقص بلغيني
منال: انزين هذيل بعدهم يحطون البوفيه ما خلصوا
ام فيصل: منصور اماية روح لاحمد و جاسم ينبهونهم عشان يخلصون بسرعه
منصور: ان شاء الله يدوووه ( سار حليله يركض لهم )
ميرة: سنيتيا تمي هناك بالحديقة انتي و كارينا اول ما يخلصون كل شي بندوا كل الليتات
.:.عند منصور.:.
منصور: هاه خلصوا و لا بعدهم
احمد نزل على مستواه و مسح على شعره: اللحين خلصوا حبيبي ها بتي اللحين مهره
منصور: هيه ابوي اللحين سار اييبهم
جاسم: يلا عيل احمد خلنا نسير نبدل بسرعه
منصور: و انا بعد غتروني و عطروني
جاسم مسك ايده و قامو يمشون: من عيوني تامر امر
بهاللحظة دخل بوفهد و بو فيصل و على طول دشو داخل عندهم
بوفهد و بوفيصل: الســـلام عليـــكم
الكل: و عليكم الســـلام و الرحمة
بوفهد: هاه كل شي جاهز
نورة سارت صوب ابوها تدخنه: هيه فديتك جهزنا كل شي
بوفهد: و مهره ( بنتي ) متى بتي
الكل صخ يوم سمعوا كلمة بنتي ( هم لاحظوا تغير بوفهد للأفضل بس مب لهدرجة )
بوفهد ابتسم و طالع منال: اختج يا بنيتي متى بتي
منال بحب: بعد نص ساعه بتكون موجودة
بوفيصل: من هاللحظة يا جماعة الخير نبا نعوض هالمسجيينة بالسعاده و لازم نكون يد وحده عسب ننسيها كل شي مر عليها بالحادثة
ام فيصل: حاضر يا بوفيصل ،، هيه هذا هو الكلام الصح
سارت نورة تدخن عمها من بعد ما خلصت من ابوها
الكل تم بالصالة التحتية
تمو يسولفون و يضحكون
و الكل كان مرتبش
ظبية: اففف مرة نص ساعه ما دقلي فهد
شوي الا يرن تلفونها رنه و عقب سكر
ظبية قامت فجاة: هذا فهــــــــــــــد يعني وصلو يــــــــــــــــلااااا يــــــــــــلاااا بسرعه تجهزوا
الكل طلع على الحديقة و طبعا كل الكهربا اللي بالبيت مبندة
و الكل تم صااااخ محد يتكلم
.:. عند فهد و التوام.:.
فهد قال بحنان: وصلتي لدار الأمان يا مهره
مهره صدت صوب البيت و تمت تتأمله للحظات
تذكرت آخر مرة طلعت من البيت و الحدث المشؤوم اللي صار لها
دمعت مهره و يات اختها ميره ترص على ايدها تحسسها بالامان
ميرة: تبين تصيحين صيحي برايج لكن اللي اعرفه انا ان اختي مهاري حبيبتي و حبيبة الكل أقوى عن جيه
فهد نزل من السيارة و سار صوب باب مهره و بطل عنها
فهد: لا تخافين انزلي حبوبة كلنا بنحميج و كلنا يمج
مهره لأول مرة تحط عينها بعين فهد مباشرة بقصد و قالت و هي تمسح دموعها: يعني ما بتخلوني بروحي
فهد بحنيه: و نحن اصلا نقدر نخلي وحده مثلج بروحها ،، انتي شمعة هالبيت يلا حبوبة نزلي انتي و اختج
مهره طالعت اختها و مسكت ايدها بالقو
و نزلن هن الثنتين مع بعض
فهد دق مرة ثانية لظبية و عقب سكر ( يعني اللحين بيدخلون ) ~~~> هو و ظبية متفقين على هالحركة
ظبية نبهت الكل بالاستعداد
و احمد و جاسم مجهزين الالعاب النارية
دخلوا التوام و فهد من الباب الرئيسي
مهره و قفت: ليش
ميرة صدت ناحيتها و هي مبتسمة: شو ليش
مهره مستغربة: ليش اللاضاءة مبندة وين اهل البيت ما اسمع صريخ منصور و لا ضرابة نورة و منال و
قاطعها فهد: مهره لفي على جهة اليمين
لفت مهره على جهة اليمين و تفاجأت
شافت لوحة فيها كلام مزين بليتات تلمع
مهره قرت بهمس و هي تدمع بفرح: (يا نفوس الفرح زفي النواوير و ارسلي أجمل السلام لشيختنا مهره)
مهره حطت ايدها على حلجها و بدت تصيح
ميرة حضنت اختها بقو: لا تصيحين نحن كلنا نحبج يا مهره
مهره: فديتكم و الله عسى ربي لا يحرمني منكم يا رب
فجـــــــــــــــــــــــــــــــأة سمعوا اصوات الألعاب النارية
و كان شكله رووووووووووعــــــــــــــــــــــــــــــــــــــ ـة
و اشتغلت الكهربا كلها اللي بالبيت و اللي بالحديقــــــــــــــــــــة
و لازالت الالعاب النارية موجودة
مهره فرحتها ما تنوصف بهاللحظة
منصور قال بصوت خفيف: واحد اثنين ثلالثة
كل اللي بالحديقة قال: الــــــــــــحمدلله ع الســــــــــــــلامة يالغاليــــــــــــــــة
بوفهد ما سمح لحد يقرب منها قبله
أول واحد سار صوبها بوفهد قال و هو يتقرب بخطوات سريعه صوبها: نورتينا نورتينا
مهره يوم شافته يتقرب
ركضت له بســـــــــرعه بشكل تلقائي
و خانتها دموعها مرة ثانية و مسكت ايده و تمت تبوسها
مهره و هي تصيح : ســــآمحـــــــني عمــــــــي ســــــآمحنــــــــي
بوفهد دمعت عينه و حضنها
و مهره مثل الياهلة ماسكتنه بقوة و كأنها خايفة يروح عنها
الكل احترم هالموقف و تم ساكت
بوفهد حب راسها و قال: انتي اللي سامحيني يالغاليـــة
محد قادر يصدق و لازالو محترمين الموقف و ساكتين
مهره دافنه راسها بحضن عمها و لازالت تصيح: عمي أنا أبااااااااااااك لا تتركني
بوفهد: اوعدج اعوضج بخير عن اللي فات انتي و خواتج اوعدج
مهره قمت من حضنه و حبت راسه
و عقب طالعت الكل
حست انها مشتااااقه للبيت و لهم وايد
منصور ما يتريا حد على طووووووول نط صوووبها
منصور عطاها وردة و سلم عليها و قال: اشتقتلج واااايد واااايد
مهره: ههه فديتك و الله حتى انا اشتقتلك وايد
منصور: عاد اسمحيلي نورة حفظتني شعر اقوله لج اليوم بس نسيته كله ههههه
الكل: ههههههههههههههههههههه
بوفيصل سلم عليها بحب و حنان و ام فيصل و ام فهد تجدموا صوبها و سلموا عليها و هن ما قصرن بعد سون مناحة
و خواتها و بنات عمها سلمن عليها بالاحضان و اخر شي احمد و جاسم سلموا عليها
و عقب تمو شوي واقفين يسولفون
بوفهد: ليش واقفين هني خلونا نسير صوب الحديقة حذال المسبح ( هناك محطين الطاولات و الوفيه )
كان المنظر روووعه المسبح كان متروووس بالونات بالوان مختلفة و الاضاءة كانت حلوة و محلية المكان
الكل أول شي قعد صوب الطاولات ( شكل الطاولات كان دائري و ترتيبهن كان بعد على شكل دائري )
و البوفيه كانت محطايه على جنب خاص بمسافة قليلة عن المسبح
ام فهد: يالله يعلني اشوفج عروس يا مهره ( تبا تشوف ردة فعلها )
الكل يطالع مهره
مهره تروعت هههه
مهره: بسم الله بلاكم تطالعوني جيه
ام فيصل تكمل رمسة ام فهد: و يعل ان شاء الله ياخذها واحد عاقل شراتها قولوا امين
الكل: آميــــــــن
مهره نزلت راسها
بوفهد: لا تنزلين راسج انتي ما سويتي شي و انتي الف من يتمناج و الكل عرف ببرائتج و الكل افتخر فيج لما عرف انج دافعتي عن شرفج لاخر لحظة
مهره رفعت راسها تطالع عمها
بوفهد: خلج واثقة من عمرج مثل ما عهدناج
ابتسمت له
عقب دق تلفووون بوفهد
بوفهد: الو
محمد: اووووووووووووووووووونكم هاااااااه مسوين بوفييييييييه و انا مب موجود ( ههه على فكرة محمد دومه عادي ويا ابوه يرمسه على طبيعته )
بوفهد: سود الله ويهك وين الســــــــلآم
محمد: ههههههههه السلام عليكم و رحمة الله و بركاته
بوفهد: و عليكم السلام اشحالك ابويه ربك الا بخير
محمد: انا بخير دام اسمع هالصووت
بوفهد: بدت اللواته
محمد: ههههههههههه علني افدا خشمك يالغالي شخباركم كلكم زينين
بوفهد: طيبين ما نشكي الا وجودك
محمد: لا تسوالي اللحين بحجز و برد الامارات
بوفهد: هههه قصووورك
محمد: ابوية حطني سبيكر
بوفهد حط سبيكر
محمد: الســلام عليكم يا الخونة
الكل: هههههههههههههههههههههه
فهد: هههه محمد اصطلب
محمد: لا لا لا انا كلامي مب معاكم كلامي ويا شيختكم مهره ،، مهرووه يرضيج يسوونلج حفلة و انا مب موجود
مهره: هههههه شنسوي يعني نحتفل عندك بامريكا
محمد: هههه هيه تعالوا ،، تستاهلين السلامة ما بغيتي تنوري البيت و اخييييييييييييرا
مهرة: تسلم يا محمد
محمد يقلد العيايز: واعليه عليج يا مهره
الكل: ههههههههههه
محمد: اللحين انتي بخير ما تشتكين من شي
مهره: لا ابد ما اشكي من شي الحمدلله
محمد: الحمدلله على كل حال عيــــــــل امي وينها مالها حسسس
ام فهد صدوا صوبها شافوا تصيح عليه
بوفهد: هههه امك تصيح عليك
محمد: امي لا تخافين علي انا الحمدلله اموري زينه هناك بس اسكر و اشرد من المحاضرات و ارابع بنات و اسير ادخن سجاير بالليل و
ام فهد منفجعه: شوووووووووووووووووووووو سلط الله على ابليسك يا الهرررررررررررررم اليووووووووووووم تررررد الامارات سااااااااااامع
الكل: ههههههههههههههههههههههههههه
محمد: هههههههههههههه امايه عاد انتي صدقتي و الله اتمصخر هههههههههههه
ام فهد ايدها على قلبها: حسبي الله على بليسك من ولد خرعتني كنت بتييبلي الجلطة
محمد: ههههههه فديتج انا يعله بعدوينج يا رب
بوفهد: يلاا الغالي ما بنطول عليك هالله هالله بعمرك
محمد: ان شاء الله و انتو بعد هالله هالله بعماركم ،، ( ينادي على منصور ) منصوووووووور ما اوصييك كل بدالي
منصور: هههههههه انزين
بوفهد: ما توصي على شي بعد
محمد: ابد سلامتك يلا مع السلامة
بوفهد: لك الرب حافظ
فهد: هههههههه اسميه سوالف و لا بيترك هالعاده
ام فهد: فديته الله يحفظه وين ما يكون
الكل: أمين
عقب ربع ساعة ساروا صوب البوفيه بيبدون أكل
لكن سمعوا صوت حد
.......: لا عـــــــــــــــاد أنـــــــــا مـــــــا اسمحلكم تاكلون قبلنا
الكل صد صوب صاحب هالصـــوت الجهوري
ام فيصل بفرررررررررررحة: فيــــــــــــــــــــــــــصل انت هنـــــــــــــــــــي
فيصل مبتسم: هي انا هني بلحمي و دمي
ام فيصل و بوفيصل من فرحتهم ساروا بسرعه صوبهم و الكل وراهم
ام فيصل اول شي حضنــــــــــــــــــت عبدالعزيز اللي لاول مرة تشوفه يمشي جداماه
ام فيصل بفرحة تغمرها: يالله علني افدا هالويه يالله فديتك يا ولدي انت بخير اللحين زين ما تشكي من شي ( حبته على راسه مرتين )
عبدالعزيز مبتسم: هيه تراني البطــــــــــل فاكيد بكووون بخيــــــــــــر
بوفيصل: خوزي خوزي عن حفيدي فاعصتنه من مساعه
الكل: ههههههههههههه
بوفيصل شل عبدالعزيز و باسه على خده
بوفيصل: شخباره اللحين البطل ما في شي يعورك مووول
عبدالعزيز ضرب ايده على صدره: ان بطل يعني شجاع ما يعورني شي
بوفيصل:هههههه فديتك انا
و عقب الكل تزاحم على عزوز يبي يتكلم معاه و يسولف معاه و يسلم عليه
و عند فيصل ربشة و ضحك و الكل يسلم عليه و هو مستانس
منال: شو هالخيانة و ميثة وين
فيصل: نسيتها و سافرت عنها ههههه
منال: لا صدق وينننننننها لا تحرق اعصابنا نبي نشوفها
فيصل صد على ورى: هذي العيوز توها نازله من السيارة ههه
ميثة كانت مبتسمه و فرحانه و يت سيده لمهره
و تمت حاضنتنها لدقايق و كل وحده تصيح
بدون ما يقولن شي لبعض
ام فيصل قطعت هالصمت: فديتج يا امايه لج وحشه الحمدلله على السلامة
مسحت ميثة دموعها و صدت على ام فيصل و سارت تسلم عليها: شخبارج الغالية عساج بخير
ام فيصل: انا بخير يعلج الخير شحالج انتي
ميثة: زينه الحمدلله
و عقب صدت صوب منال
ميثة: توووووووووووووأم رووووووووووووحــــــــــــــــــــي لك اشتئتلك كتييييييييييييييييير
منال حضنتها: لك تؤبوريني يا عسسسسسسسسسسسسسسل انتي
وعقب سلم ميثة على البقية
بوفيصل: عيل وينه عمك وعمتك
فيصل و هو مبتسم: البارحة قلت لهم يرجعون البحرين احسن يريحون شوي حليلهم وايد تعبو معاي انا و ولدي ما قصروا ناس و النعم فيهم و هم يسلمون عليكم
ام فيصل: الله يسلمهم يا رب و انت شله ما تقول لنا انك بتي اليوم
فيصل: ههه حبيت اسويها لكم مفاجاة
جاسم: و احلى مفاجأة بعد
احمد كان مقعد عزوز صوبه
احمد: تشوف عزوز هالاكل
عزوز: هيه
احمد: انت اليوم بتاكله كله
عزوز ببراءة: ما اروووم بطني صغير
فيصل: ههههههههههه فديت روحك انا بس لازم تاكل زين عسب تمتن شوي
جاسم شل عزوز : يالله انه خفيف و معصقل لازم ياكل وايد من اليوم ورايح ( عقب باسه على خده )
احمد: قوم قوم خلنا نوديه ياكل من البوفيه
بوفيصل: يالله يا جماعة خلونا ناكل انا يوووعان
الكل: هههههههههه
ام فيصل: يالله اللحين يايين
|
|
|
|
|
08-04-2011
|
#42
|
قام الكل يسير صوب البوفيه
صوب البنات
ظبية: يالله يا محلات هاليوم
نورة اللي قاعده تصور كل شي: هيه و الله روووووووعه هاليوم
ميثة تنهدت: و الله و لكم وحشششششـــــــــــــــــة
مها: و نحن اكثر حبيبتي
ميثة مسكت مهره: تعالي انا بحطلج اكل
منال: بنات بنات صدوا صوب منصور شوفوه فديته و الله رحوم مثل ابوه
كلهم صدوا صوبه
منصور ما خلى حد يحط لعزوز شي قال لهم اونه انا بحطله بروحي و بياكل معاي بصحن واحد
و اللحين عزوز و منصور ( ثنائي يديد ) كل واحد منهم يسولف للثاني و يخرط على الثاني و يضحك على الثاني ( انسجموا مع بعض بسرعه )
ميثة: احم احم حتى عزوز فديته رحوم مثل ابوه
مها: هههههههه يالله ما نرووم
نورة: هههه اللحين صار فيصل حبيب القلب
ظبية: ههه الله يسعدج حبيبتي معاه
منال: آميــــــــــن يا رب و يوفقها معاه بكل شي
ميثة بفرحه: فديتكم و الله
منال تخزها بعين: مب كنج استويتي شوي دبدوبه
ميثة: هههه شسوي فيصل يقولي انا حلوة جيه يوم دبدوبه و مب حلوة اذا كنت ضعيفة ( فعلا ميثة مبين عليها انها متنانه شوي بس احلى عليها )
ميثة عطت الصحن لمهره من عقب ما حطت لها اكل
ميرة: ميثاني قربيلي المحشي شوي
ميثة: تفضلي حبيبتي
مهره: ميثة عيل البارحة لما كلمتيني ما قلتيلي انج بترجعين اليوم
ميثة: هههه شسوي فيصل قالي لا تخبرين حد اونه مفاجاة
ميرة: بس تصدقين حلو يوم رديتوا اليوم صارت بدل الفرحة فرحتين و فديته عزوز ردت صحته زينه
ميثة: هيه الحمدلله بس مع ذلك لازم نراجع فيه كل شهرين الين ما نطمن عليها بشكل كامل
مها: يلا فديتكم تعالو نسير ناخذ اكلنا و نقعد على الطاولات
منال: يلااا اوكي
ميثة شلت طاسة كبيرة شوي و كانت تمشي مع منال
فيصل انتبه عليها: ميثة انا شوو قايلج
ميثة صدت صوبه معقده حياتها: ليش انت شو قلتلي
فيصل: نسيتي شووو ،، انا مب قايلج لا تشيلين شي ثقيل
ام فيصل بفرحة: لا يـــــــــــكون..
فيصل ابتسم: ابشـــرج ميثة حامل
بوفيصل بسعاده: صدق و الله
ام فيصل قامت و يببت: كلولولولولولولولوش
منال شلت الطاسه عن ميثة و عطتها كارينا
منال باست اختها ( الف مرة ): ياااااااااااااااااااااااااااااااااي و اخيـــــــــــــــــــــــــــــــــــراااااا بصير خااااااااااااااله ألف ألف ألف ألف مبروووك حبيبتي
ميثة استحت: الله يبارك فيييييج غناتي تخيلو بعد 8 شهور بصير ام
مهره: انا اليوووووووم بطير من الفرحة الف مبروووك حبيبتي
ميثة: الله يبارك بحياتج حبيبتي بس عاد تراني استحي لا تطالعوني جيه
الكل سار و بارك لها و قعد يهنيها و يوصيها على عمرها
و ام فيصل استلمتها هزاب
ام فيصل: و انتي من مساعه قاعده تتمشين و مرة تركضين و مرة تشيلين هالثقيل مرة ثانية ان شفتج اتعبين عمرج يا ويلج مني
ميثة: ههههههه ما اسواااج يالغالية
نورة: ههه و الله و كبرتي يا ميثة
مها: ههه شفتي عاد منو اصلا كان يتخيل ميثة تصير ام
ميثة صار ويههاا احمر: عقبالج يا مها
مها: الله يسمع منج يالغالية
منال: يا رب يا رب تكون بنية
ميثة: هههه اللي من عند الله حياه الله
مهره: يا سلام على فرحة اليوم يعلها دوم قولوا امين
البنات: آميـــن
بعد دقايق
......: حشــــــــى أثاري انا بس الوحيد اللي ما كنت موجود حليلي
ام فيصل: انت طلعت من الشغل ههههه
حمدان: هههه طلعوني اليوم و ييت لكم بسرعه ،، الســـــــلام عليــــــــــــكم يا جماعة الخيـر
الكل: و عليــــكم الســــــــــلآم الرحمة
فيصل قام بيسلم عليه
حمدان تفاجا بوجوده: بووو عبدالعزيز هني
فيصل: هههه اشحالك عسااك بخير
حمدان سار يسلم عليه: يا مرحبااابك انا بخير ما اشكي باس من صوبك
فيصل: بخير و نعمة
حمدان صد تحت فيصل: منوووو هالحلوو لا تقولون عزوز ( قام شله و باسه على خده )
بوفيصل: ههه هيه فديته
فيصل سار صوب حمدان وولده: عزوز هذا عمك حمدان
حمدان: اشحالك باباتي بخير
عزوز: انا بخير عمي
حمدان: فدتيك انا و قام عقب حمدان يلاعبه و مستانس عليه
الين ما يا عقب منصور و شل عزوز يلعبون
ام فيصل سارت تحط اكل لولدها و عطته ياكل و عقب يابوا الكيكة الكبيرة و قصوها و وزعوها على الكل
و صارت الساعه متاخرة و بعدهم يسولفون و
ما انكر عليكم الحريم كالعالده شغالين سوالف + اكل
يت الساعه 12 قرروا الشباب كلهم يفجروا البالونات اللي بالمسبح
حمدان و أحمد و جاسم و منصور معاهم بدلوا ثيابهم و نزلوا
للمسبح و كل واحد يمسك بالونه و يفجرها
صارت الاجواء ربشه و طبعا نورة تصور كل شي و ما خلت حد ما صورته
الكل يضحك و هو مستانس الكل يتصرف عادي ويا مهره عسب ما يحسسونها انها بخطر و لا شي
جاسم: شرايكم ايطفون كل الليتات و يخلون بس اضواء المسبح
احمد: فكرة حلوة
حمدان: منصور ازعج على شغالتكم خلها تبند الليتات بس تخلي مال المسبح
منصور نادى عليها و سوت مثل ما يبون
و صار المنظر روووووعــــــــــــــــه بمعنى الكمة
اللحين بس اللي ينشاف الماي و البالونات بالوانها المختلفة
و اللي داخل الحوض
و البقية سارو و يابوا الكراسي و قعدوا صوب اطراف الحوووض
ظبية: هههههههه اسميني ما احب صوت البالون و هو ينفجر يزيغني خصوصا اذا كان بويهي
مهره: ههه شراتي انتي
نورة: يا جماعة بصور اللحين فيديو استعدوا انزين
احمد: اوكي جاهزين
( و هذا هو كان حفل رجعة مهره و استقبلتو فيه عدة مفاجآت سارة )
في المستشفى
ريم بصدمة: ماتت
ام ريم: من متى
الدكتورة: المدام سارة توفت قبل اربعة ايام تعذبت وايد من آثار الحرج ،، جسمها كان جدا حساس لأنه متفحم على الأخير و نحن حطيناها بالعناية المركزة و شددنا على حالتها لكن الله خذ عمرها
ريم: إن لله و إنا إليه لراجعون
ام ريم: الله يرحمها يا رب اللهم لا شماته و انزين اختي ما تعرفين شي عن زوجها
الدكتورة: ليش انتو ما كنتو تتابعون الجرايد
ام ريم عقدت حياتها: ليش
الدكتورة: زوجها ناصر الــ،،،،ـي توفى من أول يوم احترج فيه
ام ريم: شــــــــــــــــــــــــــــووو
الدكتورة: قبل ما انسى ترا نحن اتصلنا عليكم عسب نقول لكم ان المرحومة تركت رسالة كتبها واحد من اشخاص الطاقم الطبي و ما طاع يقولها لنا الين ما تييون انتو بنفسكم تسمعونها
ام ريم من هول الصدمه ما قدرت تتحرك او تنطق بشي
ريم بحزن: و وينه فيه هذا الشخص
الدكتورة: استريحوا هني بروح اناديه
عقب شوي دخل عليهم واحد
الدكتور: السلام عليكم
ريم: وعليكم السلام
الدكتور: انتي الانسة ريم و هذي هي امج
ريم: هيه انا ريم و هذي امي خير فيه شي
الدكتور اشر للدكتورة تطلع و تخليهم بروحهم
عقب ما طلعت
الدكتور تنهد: الله يحسن خاتمنتا
ريم: آمين
الدكتور: يا آنسة ريم سارة تطلب منج انتي و امج السماح لأنها ما تبي تتعذب وايد و هي قالتلي ان الحلال خلاص بيرجع لكم كامل لكن الشركة من بعد ما طلعت عليها الشبهات سكروها كامل و ما بتقدرون ترجعونها بحكم القانون
ريم تحاول تمتص دموعها عقب حطت ايدها الثنتين على ويهها
الدكتور: و الشي الثاني سارة تقول اطلبوا السماح من وحده اسمها ظبية و هذي رسالة لها وصلوها لها
ريم: ظبية طليقة راشد ليش
الدكتور: قالت انها ظلمتها و هي سبب طلاقها من زوجها راشد
ريم مستغربة: يعني سارة هي السبب
الدكتور: هيه للاسف هي
ريم: فيه شي ثاني بعد
الدكتور: لا اختي
ريم: يلا اماية خلينا نرووح ما باقي عن طيارتنا الا ساعتين
قامت ام ريم و هي تصيح
( طبعا مثل ما تعرفون بيروحون العمرة )
ريم عطت الرسالة لظبية عن طريق حد يوصلها لها يوم تكون بالجمعية الخيرية مالتها
و طبعا انتو ادرى بظبية قلبها رحيم و اكيد بتسامح..
سارن ريم و ام ريم على المطار
و ياهم هناك بو ريم ( اللي سامح بنته و ردت المياه لمجاريها )
بو ريم: هالله هالله بعمرج
ريم بهدوء: ان شاء الله ابوي انت ما توصي على شي من هناك
بوريم: سلامتج يا بنتي اذا احتجتي اي شي اتصلي علي
ريم: ان شاء الله
بو ريم: و اذا اتصلتلج ردي على طول لا تخوفيني عليج
ريم: تامر امر يا بوي ،، بوس اخواني عني و سلم على يدوه و فاطمة
بوريم: ان شاء الله ،، يلا ماشي وقت عن طيارتكم ،، مع السلامه
ريم: مع السلامة
هدت ريم ايد ابوها و سارت صوب امها بيتجهون صوب الطيارة مالتهم
بعد شــــهر و نص..
الصبــح..
ألـــف صلــــــــــي و سلم عليـــــــــــــــك يا حبيب اللــــــــــــه محمد
أم فيصل + أم فهد: كلوووووولوووووووولوووووولووووووش
أم فهد: يــــا لله بطيـــــــــــر من الفرحة ألـــف ألــــف مبروك فديتج و الله تستاهلين السعد كله
أم فيصل: كلووووووووولوووووولووووووووش
يات أم فهد و باست بنتها ظبية
ظبية: ههه يالله يعلني أشوف هالفرحة دووم على ويهج
يت أم فيصل و حضنت ظبية: فديتج يا ظبية و أخيرا فرحنا فيج مرة ثانية و أنا متأكدة ان سعيد بيحطج بعيونه
نورة تدمع عيونها دموع فرح: جم صبرتي و صبرتي يا ظبية و اخيرا حصلتي مرادج
مها بفرح: الله الله من قدها عروستنا خلاص صرتي زوجة سعيد و أم لغلا شو تبين بعد
ظبية: و الله ما اعرف شقول من سعادتي ( حضنتها أمها )
أم فهد: يا سلام على فرحتنا من قدنا هالليلة ما شاء الله اسبوع تميتي تفكرين إذا بتوافقين على سعيد و يوم وافقتي حسيت اني بعدي ما صدقت و يوم ملجتي عليه اليوم ،، حسيت عمري بطير من فرحتي فيج الحمدلله لك يا رب الحمدلله يوم عوضت بنتي بخير
دخلت ميرة: يــالله العروس جاهزة
ظبية: على وين
ميرة: شو على وين اكييييييد على الصالون ليكون تبين تطلعين عادية جدام ريلج بالملجة بالليل
ظبية استحت
دخلت منال: نووووورة نوووورة
نورة: هلا حبيبتي
منال: يلا تعالي معاي شتسوين هني أنا محتارة شلبس اليوم بليز تعالي ساعديني
نورة: يايتج اللحين حبي
مها: بنوتات ظبية بنخليها تروح الصالون و نحنا بنخلي صالون ديمة اييونا هني بالبيت و بنتصل لميثة اتيي معانا بعد تتعدل
نورة: و الله زين عسب ما نتأخر مهاري فديتج روحي اتصلي على ميثة و قوليلها اتيي هني بتتعدل معانا
مهره: من عيوني و عقب طلعت بتكلم اختها
ميرة: و ام فيصل و ام فهد اليوم لازم تتمكيجون و لو على الخفيف عشان خاطر ظبية و اخيرا فرحنا فيها من بعد ما عانت حليلها بحياتها
ام فيصل: مستعده اكشخ لها بملجتها و بعرسها بعد هذي الغالية بنت الغالية
ام فهد: يالله عساني ما اذوق حزنكم يا عيالي و اشوف الفرحة دوووم على محياكم
دق الباب فهد
ام فهد: ادخل فديتك ادخل
فهد: اماية انا رايح اشوف الذبايح و بشلهن المطعم و على الساعة 9 بيوصل العشا للمعازيم
ام فهد: زين و الله الا الخضرا يا بويه ما وصلت
فهد: لا خلاص توها وصلت و خليت الشغالات يرتبن الميالس
ام فيصل: الا شغالاتي ين و لا بعدهن
فهد: امبلا ين توهن و بعد ينظفن مع شغالاتنا
منصور يا لهم: ظبية
ظبية: آمر حبيبي
منصور: يدي يبــيج
ظبية ابتسمت: خلاص اللحين بييه
منصور راح
ظبية راحت لأبوها
ظبية دخلت عليه و سارت و حبت راسه
ظبية: يعطيك العافية يالغالي
بوفهد ابتسم: ويعافيج ،، انتي مرتاحة
ظبية: مدام ابوي رضا عليه و استانس على زواجي فاكيد بكون فرحانه ( تحقق حلمها الثاني و رضا عليها ابوها باقي الحلم الثالث اللي هو شهرتها خليجيا )
بوفهد: يا بنتي يا ظبية انا يايبج هني اقولج جم من كلمة
ظبية: قول الغالي اسمعك
بوفهد: ظبية بنيتي سامحيني فديتج أنا ظلمتج وايد
ظبية حبت ايده: لا فديتك لا تستسمح مني انا نسيت كل شي
بوفهد ابتسم: لا تقاطعيني
ظبية ابتسمت: تفضل اسمعك
بوفهد: سعيد ريال و النعم فيه و انا ادري انكم تبون بعض و انا اللحين مالي حق اوقف بويه سعادتج انتي بنتي و تهمني مصلحتج خلاص اللحين ما يهمني الفلوس و مركز الواحد كثر ما تهمني اخلاقه ظبية انتي اثبتي برج لي و عمرج ما رديتي علي مع اني وايد ظلمتج و غير هذا كله وقفتي على ريلج و بنيتي جمعية بروحج بمعاونت اخوج فهد الله يخليه لنا ما يقصر هالانسان دومه راعي واجب ظبية انا صارت عندي امنية اتمنى ربي يحققها لي
ظبية دمعت دموع فرح: و شو هالامنية
بوفهد مسح على راس بنته: اتمنى أشوف عيالج قبل لا موت
ظبية: بتشوفهم يا بويه بتشوفهم و بتلاعبهم ان شاء الله الين ما تمل منهم
بوفهد: هههه مستحيل امل منهم دامهم عيالج ،، اللحين قوليلي انتي شايلة بخاطرج علي
ظبية: لا حشى يالغالي مب شايلة بخاطري عليك لانك ما تهون علي ،، و تاكد مهما سويت فيني بحطك بعيوني و برعاك و بحرسك دامني حية
بوفهد: الله لا يحرمني منج يا بنيتي ولا يحرمني من سعادتج و من بسمتج الحلوة
ظبية: يالله يا بوي و الله ما تتخيل شقد هاليوم حلو بالنسبالي كل هذا يصير لي بفضل ربي و من ثم رضاكم عليه
بوفهد: الله يديم عليج هالفرحة يا رب
ظبية: وياك يا ربيه
رن تلفون بوفهد
بوفهد شله: هـــــــــــــــــلااااا محمــــد
محمد: ابوووووووووووووي شهالخياااااااانة ظبية تزوجت اليوم و لاحد خبــــــرني
بوفهد: هههههه انت سلم بالاول
محمد: هههه اشحالك فديت راسك
بوفهد: بخير دامك بخير و انت عساك مرتاح
محمد: اف يالله مب مرتااااااااح و الله اشتقت للبلااااااد
بوفهد: ما عليه يا ولدي هانت الا هي جم من سنة و بترجع لنا بالسلامة
محمد: تصدق ابوي يوم خبرني فهد عن زواج ظبية طرت من الفرحة ،، الحمدلله يوم ربي عوض هالمسجينه بدل الجلب راشد اللي ما منه أمان
بوفهد: ربك كريم و ما ينسى عبده و ظبية عانت و صبرت و نالت النتيجة اللي تفرح
محمد: اللحين بتصل ببارك لها
بوفهد بدون ما يقول شي عطا التلفون لظبية
ظبية: هلا بالغالي هلا باللي واحشنا و مفتقدينه حيل
محمد: ظبـــــــــــــــــــــــــــــية
ظبية: هيه ظبية ههههه
محمد يقلد الحريم: كلوولولووووش
ظبية: ههههههههههههههه محمد انت ما تيووووز عن سوالفك
محمد: ههه لا تتخبرين هني حتى ربعي مب مخلنم بحالهم ،، يالله يالله من قدج اونه عروووس و صرتي حرم الشيخ سعيدان
ظبية: ههههههههه شو سعيدان انته بعد
محمد يحرك حواجبه: يالله يالله و صرنا ما نرضا عليهم بعد
ظبية: حموووووود اصطلب هههه
محمد: مبرووووووووووك مبروووووووووووووووك و الله اني فرحانلج حيييييييييل ودي حتى ايوووووووووول من فرحتي
ظبية بفرحة: الله يبارك فيك و عقبالك يا رب
محمد عفس ويهه: فال الله و لا فالج تونا حلوين
ظبية: هههههههههههه و الله انك ما تتغير
محمد: دبــــــــوووووووه مشتااااااااااااااق لكم وايـــــــــــد
ظبية: و نحنا أكثـــــــــــــر و الله
و تمو يرمسون
و عقب سكرت عنه
ظبية: تفضل تلفونك
بوفهد ابتسم لها: خلاص عيل برايج اللحين بس ناديلي مهره
ظبية: من عيوني
سارت ظبية و نادت مهره
و عقب دقايق يات مهره لعمها
سمع بوفهد دقات الباب: تفضلي ياا بنتي
مهره مبتسمه: السلام عليكم
بوفهد: و عليكم السلام
سارت مهره و حبت راسه: وينك ما شفتك اليوم الا اللحين
بوفهد: كنت مشغول بملجة ظبية قعدي يا بنيتي
قعدت مهره على الكرسي و طالعت بوفهد اللي كان لابس نظارة طبية
و الشيب ظاهر بشعره و لحيته كانت خفيفة
بوفهد: ها يا مهره شو قررتي تبين فهد و لا لأ ،، ترانا عطيناج فرصة شهر تفكرين فيهم و محد ضغط عليج ،، و تاكدي قرارج الكل راح يحترمه
مهره: انا صليت استخارة و
دق تلفون بوفهد ( حطه على الصامت و قال ): اسمعج يا بنتي كملي
مهره: صليت استخارة و ارتحت لفهد
بوفهد ابتسم: نقول الف مبروك
مهره ابتسمت و نزلت راسها
بوفهد: بالمبارك يالغالية
مهره بصوت خفيف: الله يبارك فيك عمي
مها: الو خالد
خالد: هلا فديتج
مها: خلاص أنا ما بيي البيت بتي راعية الصالون و بتعدل هني معاهم
خالد: على راحتج ،، هاه شو الاجواء عندكم اسمع ازعاج
مها: ههه بكل مكان ربشة هذا و الملجة ما بدت عيل لا بدت شبيصير
خالد: ههه شرايج نعيد عرسنا
مها: هههه لا خلاص راحت علينا و صرنا معاريس جدام
خالد: ههه ارمسي عن عمرج انا بعدي معرس
مها: الا ما قلتلي متى بتي
خالد: بيي لهم المغرب
مها: خلاص على راحتك
خالد: يلا بخليج تامرين على شي فديتج
مها: ما يامر عليك عدو الا بغيت اسالك قبل ما تسكر
خالد: شو
مها ترددت: أأ شيخة ردت و لا بعد رفضت هالمرة
خالد تنهد: رحت لها و بعدها مصرة على طلاق
مها: هيه خلاص عيل برايك
خالد: مع السلامة
سكرت مها عن ريلها
و عقب راحت لمنال
منال: بلاج احسج مب على بعضج
مها: انا بروح لشيخة
منال عقدت حياتها: شيخة شو تبين فيها اللحين اكيد بتشوفينها بالملجة
مها: لا اخاف ما تحضر بسبتي فبروح اللحين لها اشوفها و بحاول اصلح الوضع
منال ابتسمت: و هذا عين العقل ،، روحي بس لا تتأخرين لأن بعد ساعة بتي راعية الصالون
مها: خلاص ان شاء الله
راحت مها و ركبت هي و الشغالة السيارة بيشلهم الدريول لبيت شيخة
وصلت مها و دقت الباب
فتحت ام سعيد
مها: السلام عليكم ( فتحت الغشوة )
ام سعيد: مها
مها: ايه خالتي مها ( حبت راسها )
ام سعيد ترددت تدخلها
مها: خالتي بكلم شيخة ضروري
ام سعيد: قبل شوي مكلمنها خالد و اللحين قافلة على عمرها ما تبي تكلم احد
مها ابتسمت: ما عليه خالتي انا راح اخليها تطلع من حالتها هذي ممكن تخليني ادخل
ام سعيد: اكيد دامج بتطلعين بنتي من اللي هي فيه
دخلت مها البيت
و ام سعيد راحت تنادي شيخة
شيخة بطلت الباب: هلا اماية فيج شي
ام سعيد: مب انا اللي فيني فديتج انتي اللي فيج حتى اليوم يوم ملج اخوج الصبح باركتيله و انتي حزينة و الظهر لما ياج خالد رديتيه و انتي تحسين بألم يعصر قلبج و انا مب هاين عليه اشوفج جيه يا بنيتي و الله من اللي صارلج خلاني الين مع كل حد بس لأني متألمة على حالتج اللي ما تسر لا عدو و لا رفيج تعالي فديتج تعالي فيه شخص يبغي يشوفج اللحين
شيخة استغربت: منو
ام سعيد: انتي تعالي
شيخة: اماية راسي يعورني مب متفيجة اشوف حد
مها يت: حتى انا ما تبين تشوفيني
شيخة عقدت حياتها تفاجأت من وجود مها: مها انتي هني
ام سعيد خلتهم بروحهم
مها: ممكن ندخل بحجرتج ابي اكلمج
شيخة حست بضعف و دموعها طاحن بغصب عنها
يت مها و مسحت دموعها بيدها
مها: شيخة انا حلفت اليوم ما اطلع من هني الا و انا مصلحة كل الامور بيني و بينج و بينج و بين ريلج خالد
شيخة: خالد ريلج انتي و بس انا خلاص ما يبيني
مها: غلطانة يالغالية خالد ريلي و ريلج لا تنسين هالشي و لا تخلين العاطفة تسيطر على كيانج
شيخة: بس
مها حطت صبعهاعلى شفاة شيخة: اوووص انا بتكلم و انتي بس اسمعيني
هزت شيخة راسها بالايجاب
مها ابتسمت: شيخة بقولج شي ،، خالد يحبج و يعزج ،، فوق ما تتصورين ،، خالد من يوم ما تزوجني كانت فرحته ناقصة تدرين ليش لأنج انتي مب موجودة يمه ،، انتي حسبالج يوم ريلج تزوجني يعني عافج لا حبوبة خالد شهم لازال يحبج و الله العظيم ما يمر يوم ما يذكرج فيه بالخير ،، تدرين اني عمري ما شلت عليج و لا حقدت عليج لان هذا مب طبعي ،، بالعكس أنا كنت اتضايج لأنج مب يم خالد لأن فرحة خالد ما بتكتمل الا بوجودج ،، يا شيخة فحالة خالد مستحيل و من سبع المستحيلات ينسى زوجته الاولى ،، لأنج شي خاص و مميز عند خالد ،، شيخة خالد يبني احلامه معاي لكن كلما كان يخطط مستقبله معاي لازم يذكر اسمج تدرين ليش لأنج انتي الركن الاساسي ،، ردي يا شيخة البيت و فرحي خالد و فرحي ام خالد المسجينة اللي دوم تسأل عنج ،، على فكرة ام خالد اشتاقت لطبخج اللذيذ كانت تمدحج مدح بالطباخ عاد تدرين أمس سويت براتا ام خالد قالتلي مستحيل اسويه شرات ما تسوينه انتي ( ضحكت شيخة بوسط دموعها ) ،، ( سارت مها و مسكت ايد شيخه ) شيخة انا ادري انج تحبين اليهال و ودج باليهال و من اليوم اقولج اذا انا يبت يهال لخالد بفرح اذا شاركتيني بتربيتهم ،، بعترفلج بشي يا شيخة أنا بصراحة ما بعتبرج ضرتي أنا بعتبرج اختي و صديقتي و يشرفني اكون جريبة منج ( شيخة حضنت مها بقو و صاحت و مها كملت كلامها ) و الله يا شيخة و يشهد علي ربي اني بستانس اذا رجعتي البيت و اليوم ملجة اخوج ابغيج تروحينها و تكشخين و ترقصين بعد بالملجة ( قالت شيخة و هي تضحك بوسط دموعها : ههه استحي ارقص ) مها: هههههه لا عادي شو فيها ترانا كلنا بنات ،، اقولج شيخة انا و انتي بنكون غير نبا نكون جريبات من بعض و لا شو رايج ( ابتسمت شيخة و هزت راسها بالايجاب ) مها: يا بعد عمري يا شوااخ و يلا اللحين قومي اشووف
شيخة: على وين
مها: على الصالون
شيخة ابتسمت: اوكيك بشرط تروحين معاي
مها: لا لا لا انا بوديج صالون سبشل عسب تغدين ملكة جمال و غير عن الكل
شيخة: هههه لا تبالغين
مها: لا صج ما ابالغ و لا شي و سمعيني عدل عقب ما تخلص الملجة لا تمسحين المكياج خليه عسب لما ترجعين بيتج يشوفج فيه خالد و على فكرة عيونج وايد حلوين ما شاء الله فانصحج ما تكثرين عليهم ألوان غامجة لأن عيونج وساع ما شاء الله و يبيلهم اي لاينر خفيف مع اي شدو ناعم و ترا خالد مشتااااااقلج حييييييييل و انا الليلة ببات ببيت عمي عسب يخلى لكم الجو انتي و خالد و تستانسون
شيخة: و الله ما ادري شقولج يا مها انتي غير عن كل الناس قلبج ابيض و حنونة و طيبة عسى الله لا يفرقنا قولي آمين
مها: آميـــــــــــــــــن يا رب و يلا اللحين سيري طمني امج عليـــــج و انا اترياج بالسيارة بوديج على الصالون
شيخة قامت و سارت لأمها
شيخة راحت و باست امها حيل: اماااااااااااااااااااااية أنا فرحااااااااااااانه فرحاااااااااااانه أنا اسعــــــــد انسانة بهالوجووووووود و قعدت تدور بفرح
ام سعيد دمعت: فديتج و اخيييييييرا رجعتي مثل ما كنتي الحمدلله الحمدلله
شيخة: اماية لولا ربي و من ثم مها ما كانت حالتي بتتحسن
غلا طلعت لهم: وين بابا تأخر
شيخة راحت لها و حضنتها بقوو من فرحتها
غلا: آخ فعصتيني
شيخة: غلوووية حبيبتي بلبسج فستانج الاحمر و بنسير نشوف بابا سعيد و ماما ظبية انزين
غلا فرحت: هيــــــــــــه هيــــــه بروووح معاااج و بنشل يدوه بعد انزين
شيخة تأشر على عيونها: من عيوني
مها كانت بالسيارة تتريا شيخة تطلع
مها اتصلت على خالد قبل ما اتيي شيخة
خالد: هلا حبيبتي
مها: خالد ابشرك ابشرك شيخة رضت و خلاص بترد البيت
خالد وقف مكانه: و اللــــــــــــــــــــه
مها: خالد اسمعني عدل انا بوديها الصالون و عقب بروح عنها و بقص عليها و بقول لها يوم بتخلص تتصلي برجعها و لكن انا ما بروح لها بتصلك انت تروح لها و عقب سولف معاها و طيب خاطرها
خالد: فديـــــــــــــــــــتج مهاااااااااااوي الله لا يحرمني منج يا رب
مها بفرحة: و لا منك حبيبي و هاه لا تنسى تشترالها هدية حلوة
خالد: اكيـــــــد
مها: خالد طلبتك
خالد: تم فديتج
مها: اليوم ببات ببيت عمي و ابغيك الليلة تتفرغ لشيخة انزين
خالد: و الله انتي شو من البشر يا مها قلبج صافي و طيوبة و عقلج يوزن بلد
مها: لازم اشوفك فرحان يا خالد لان جنتي بيدك يلا باي باي يات شيخة
و عقب سكرت عنه
|
|
|
|
|
08-04-2011
|
#43
|
فالليل بالملجة:
حمدان يتحرطم و قالب الدنيا: اشووو هاااا انا ابا اعــــرس شمعنا سعيد خطب من بعدي و عرس قبلي كله من منوول هي اللي رافضة الزواج اللحين ويا ويهها ( محتشر الاخ من يوم ما ردت عليه منال بالموافقة و هو يحن عليها يتزوجها بسرعه لكن منال تقوله يصبر لكن هو مافي صبر و انتو ادرى بحمدان )
جاسم: هههههههه اقبض عمرك اشفيك بتتزوج لا تخاف العروس ما بتشرد
احمد: هههه ياخي انا مالومه و الله حتى انا مستعيل على ملجتي ( احمد خطب ميره رسمي و اكيد وافقت و الكل فرح لهم و اولهم مهره و بيملجون خلال الشهر الياي )
سعيد كان معاهم فهذي اللحظة: هههه اصبر ترا الصبر يمدحونه
حمدان مبوز: هيه شعليك ترا اليوم ملجتك و محد يروم يقولك شي إلا انا حليلي مظلووووم
سعيد: هههههههههههه البنية بتاخذه مب طايرة عنك لا تخاف
حمدان قال بصوت خفيف يتحرطم: الود ودي اغصبها بسرعه نتزوج لكن راسها يااابس
احمد دزة بخفيف: ههههههه بس بس من التحرطيم يا الشيبه إلا انت مثلها راسك ايبس منها
.:.( و مرت ملجة ظبية على خير و الكل كان مبسوط و كل الأمور كانت على ما يرام ).:.
مع مرور الأيام..
في بيت بو فيصل الساعه 12 الظهر
جاسم شم هوا بعمق و قال: أحمد
أحمد: يا لبيه
جاسم صد له و هو يبتسم: مرتآح وآيد أنآ هالأيام مآ أدري ليش
أحمد: تصدق و الله مثلي غريبه أحس إني مطمن على الآخر يعني شعور حلو يتملكني من أيام ما أدري شسببه
جاسم حط ايده اليمين على كتف احمد: و الله يا أحمد يوم أنت ترتآح أنا بالي يرتاح وياك
أحمد: سبحان الله مثل شعوري ،، الله يديم علينا هالنعمة يا ريال
جاسم غمز لأحمد: و لا عشان ملجتك جريب و فرحان على الآخر
أحمد: هههه عقبالك يا جاسم ،، بس مب جنك خنتني
جاسم: فشو خنتك ،، حليلي دووم كنت أخلصلك
أحمد: هيه هيه صح ،، تذكر يوم كنا يهال و اتفقنا أنا و أنت نسوي عرس جماعي
جاسم: هههههه خل عنك أنت اللي طلعت خاين مب أنا محد قالك عرس قبلي
أحمد: ههههه و الله محد قالك انت بعد لا تخطب كان خطبتلك عشان نسوي عرس جماعي
جاسم: عيل ماشي لازم نتفق من أول و يديد
أحمد: قول و أنا حاضر
جاسم: لا تييبون عيال إلين ما اتزوج أنا
أحمد: هههههههههههههه مب كيفي هو يوم ربنا بيكتبلي ولد و لا بنت ذيج الساعه بتكون ارادة ربنا مالي خص انا
جاسم: هههههههههههه خااااااين
أحمد: هههههههه لا تعق اللوم عليه شوف عمرك اول أنت اللي مب طايع تعرس
جاسم: يابويه أنا وين بحصل وحده متواضعه مب خقاقه أحسها نادرة هالايام
أحمد: أكيـــد فيه بس انت ما دورت
جاسم: ترا قلتلك نادر و صعب احصلها بسهولة أنا حاط ببالي أخذ وحده تستحي و مب قوية لحد الوقاحة و أبغيها تعرف تطبخ عيوووش أنت تحيدني ما احب كيك و حلويات و ما ادري شو
أحمد: هههههه كله دسم في دسم هاه
جاسم: هيه عيل شو
احمد: كمل كمل كيف تباها بعد
جاسم: ابغيها تكون بالبيت ما تشتغل و ما عندها خقة بنات هالايام اللي يلبسون عبايات جنهن فساتين عافان الله و ابغي طيبها يسبق غضبها و ابغي كرمها يسبق بخلها يعني باختصار اخلاقها حلوة و صح تذكرت
احمد: شو نسيت
جاسم: ابغيها هادية مب ناقص وحده حنانة و رنانة و ثرثارة تقول بالعة راديو اسميني ما اداني الحشرة
أحمد: تستاهل يا جســــوم بنت تكون شيخة الحريم
جاسم: الله يسمع منك كان الا ما حصلت بمثل هالمواصلات يعلني ما تزوجت مول ،، يا خوي انزين نصهن حريم هالايام ما ينبلعن انا احيد الزواج استقرار و عيال و حب و مودة لكن اللي اشوفه اللحين لا الزوجة توفي بحق زوجها و لا الزوج يوفي بحق عائلته طبعا مب الكل
أحمد: تدري يا خوي فرمضان اللي طاف من شهر سمعت محاضرة للقرني يقول فيها أساس السعادة الزوجية هو التعاون لعمل الخير استعدادا للآخرة ( موجودة المحاضرة على موقع التسجيلات الاسلامية للي يبا يسمعها ) المهم نكمل..
جاسم: بس وين اللي يسمع و يطبق
يا حمدان صوبهم
حمدان: اووه بوشهاب شحقة ياي هني
احمد: اطلع من بيتكم يعني
حمدان: هههههه هيه يلااا
احمد: هههه مسود الويه
حمدان: خيبة بلاك تخزني جيه ( يقصد جاسم )
جاسم: كنك إلا نسيت شو مسوي الفجر
حمدان: ههههههههه كنت مسطل و الله
أحمد: خير شصاير انا شايفنكم الفجر بالمسيد ما فيكم شي
جاسم: لا بس يوم طلعنا من المسيد حضرة الشيخ حمدان سار عني و نساني هناك و لا انا اللي قاهرني يعني ابوي ما تنطق ما قال وينه ولدي ما ركب السيارة
حمدان و احمد: ههههههههههههههههههه
حمدان: هههههههههه و الله كنت مسطل شسوي يعني و ابوي حليله كان تعبان اول ما ركب السيارة صد على الجامة سرحان
احمد: انزين كان لحقت علينا انا و فهد و ابوي
جاسم: دورتكم ما حصلتكم آخر شي ركبت مع واحد اعرفه و وصلني البيت فشلتوني الله يسامحكم
حمدان: الا انتو ليش قاعدين هني ما سرتوا تتريقون
جاسم: اي ريوق اللحين الساعه 12
حمدان: سير لااا انا بروح آكل لازم اخزن طااااقة
في قسم فيصل و ميثة
فيصل مندمج بالجريدة
ميثة: اصبلك شاي
فيصل: لا
ميثة: تبا تاكل بسكويت
فيصل: لا
ميثة: ااففف هد الجريدة شوي و طالعني
فيصل: لا
ميثة: فيــــــــــــــصل عــــــــــاد
فيصل ببرود: هممم
ميثة: اللحين منو اهم انا و لا هالجريدة
فيصل: ميثة عن الصدعة اقرا خبر مهم اللحين مب فايج لج
ميثة قامت: بروح عند عمووه بالمطبخ ابركلي
فيصل يطالعها بنص عين: قايلج من قبل ما تتحركين وايد مب زين لج
ميثة: ما ادري عنك إلا يوم ارمسك ما تسويلي سالفة
فيصل رد يطالع الجريدة: ليش هالحساسية اللي مالها لزوم
ميثة: فيصــــــــل تراك تقهرني ببرودك متى بتودر هالعادة متى
فيصل ( ما انتبه على كلامها ): يصير خير
ميثة ( عصبت ): احسنلي اروووح اجابل الطووووووووفة بدل ما اجابلك
زعلت و راحت عنه
فيصل هز راسه بالنفي و قال: مشكلة اليهال
عقب قام سار صوبها
قعد على الكرسي عدالها و يلس يعلب بشعرها من جدام
فيصل: هههه ما يسوى عليج هالحمل اللي مخلنج حساسه و على طول تعصبين
ميثة: لا روح خل الجريدة تنفعك
فيصل: هههه لا حول ،، حرام يعني اقرا الأخبار
ميثة زعلانة صدق: يعني الاخبار اهم مني
فيصل: يا ميثة يا حبيبتي تراها هذي عادتي يوم اندمج بشغله ما احب حد يقاطعني
ميثة لفت ويهها الجهة الثانية
فيصل حط ايده على بطنها: خلاص و لا تزعلين عشان خاطر البيبي
ميثة تخوز ايده: البيبي بعد زعلان منك
فيصل: ايــــــهي امصخت السالفة اسميني ما احب الزعل الماصخ
قام بيروح عنها
ميثة دموعها بعينها: و الله حرام عليــــــك انت ما تحبني
فيصل صد عليها: ههههههههههه و الله اسوووولف وياااج ،، لا تصيحين ،، حشى حتى السوالف ما تقهرينها
قامت ميثة بتطلع من الغرفة لكن فيصل مسكها و حضنها يراضيها
في بيت بو فهد
دخل منصور و ابوه البيت
منصور و فهد: الســـلآم عليـــكم
الكل: و عليكم الســـلام
ام فهد: الله يهديك يا فهد ليش مطلع ولدك من المدرسة من وقت كان خليته للحصة الاخيرة
فهد: برايه فديته اليوم الخميس خله يستانس
شوي و دخل أحمد راد من الدوام: الســـلام عليـــكم
الكل: و عليــكم الســلام
ام فهد: خلها ابويه عنك الشنطة نورة سيري ساعديه
نورة: ان شاءالله
سارت و شلت الشنطة
نورة: حشة شو محطي
احمد: ههه الا ملابسي
سار احمد و حب راس امه
ام فهد: فديتك انت مب يوعان تباني اغرفلك عسب تتغدى و تنام ترتاح
احمد: لا فديتج بتغدى معاكم و عقب بنام عيل ابويه وين
ام فهد: ابوك يتوضا اللحين بيطلع المسيد بعد شوي
فهد: الا شخبار الشغل معاك
احمد: الحمدلله كل شي تمام
فهد: بشر حصلت اجازة
احمد: لا للاسف ما حصلت حاولت معاهم بس ما قدرت
ام فهد تقرب له صحن الفواكه
ام فهد: كل كل يا بوك غادي شرات العصا
فهد: هههه صدقها امايه شياك فجاة و ضعفت
احمد: هههه تدري الصيف مالي نفس اكل كثر ما اشرب سوائل
نزلن البنات
البنات: السلام عليكم
الكل: و عليكم السلام
ام فهد: هاه توكن قايمات صح النوم ،، مرة ثانية ان سهرتن للفجر بزوالكن
ظبية: ههههه شو نسوي و الله خذتنا السوالف
منال: و تمينا نطالع البومات الصور
أحمد انتبه على ميرة و ابتسم: اشحالج ميرة عساج بخير
ميرة منزلة راسها: بخير الحمدلله
منال: يالله ما احيد عمري قزمة عشان ما تشوفني و تسال عني انا و خواتك
احمد: ههههه بس ميرة غير
نزل بوفهد
سار احمد و حب راسه
احمد: اشحالك ابويه
بوفهد: بخير الحمدلله تاخرت اليوم
احمد: سرت ببيت عمي بوفيصل اسلم عليهم و عقب رجعت البيت
بوفهد: زين زين ،، يلا انقفضوا صلاة
الشباب كلهم راحوا المسيد
بس قبل ما يطلع احمد نادى على نورة
احمد: نورة تعالي شوي
سارت عنده نورة: هلا امرني
احمد طلع من جيبه ورقة
احمد: نورة امانه ما تعطينها هالورقة لميرة الا باجر بالليل
نورة استغربت: شمعنى
احمد: انتي نفذي و بس
نورة ابتسمت: خلاص مثل ما تريد
احمد: هاه لا تفتحينها
نورة: لا اعتمد اكيد ما بفتحها
على العصر
ظبية تدخل المطبخ
ظبية بمرح: شتسوين يا حلوة
ميرة ابتسمت: اسوي محشي
مهره: ههه مب لنا لا تستانسين
ظبية: عيل لمنو
مهره: لشخص اسمه احمد اليوم قال انه يشتهيه و ميره ما صدقت عاد نطت على المطبخ تسويله اياه
ميرة انحرجت: لا انا بعطيكم بس اول شي لازم يذوقه احمد
ظبية: ههههه ما نسواج يا ميرة
دخلت ميثة
ميثة: لي ساعة ادوركم و انتو هني
ظبية: ههه الناس تسلم اول
ميثة: السلام عليكم
الكل: و عليكم السلام
مهره: شحالج و شحال اللي فبطنج
ميثة تنهدت: الله يعيني كل يوم بمزاج
ظبية: ههه الله يعين فيصل عيل
ميثة: حليله مستحملني ههه ،، الا ميرة مندمجة بالاكلة شتسوين
ميرة ابتسمت: اسوي محشي
ميثة ابتسمت: احيد احمد يموت على المحشي
مهره: هههه انزين ترا هذا حقه
ميثة : و الله
ظبية: ههه شفتي عاد
ميثة: يا حيج يا ميرة ،، عيل منول و نورة وينهم ما لقيتهم فوق
ظبية: رايحات الجمعية و يا امي
ميرة خلصت كامل من المحشي
ميرة: مممم شو اسويله من المشروب
ميثة: ههه لا تدلعينه كان يبا يشرب بيشرب ماي عادي
ميرة: ههه لا ما يصير
ظبية: عصير برتقال
ميرة: خلاص عيل اللحين بجهزه
سمعوا حس حمدان و احمد و جاسم بالصالة
ميرة: سنيتيا شلي صحن المحشي و وديه لهم بالصالة الين ما اطرش العصير
شلت الشغالة المحشي
و وصلته الصالة
حمدان: اوووه محشي اسميني يوعان
احمد: هاه هاه لا تمد ايدك قبلي انا بذوقه اول
حمدان: رووح لاااه و الله يوعان
احمد شل الصحن صوبه و كل اول واحد و عقب حطه لهم
حمدان تناوله: ممم لذيذ منو مسونه
احمد: ميرة ،، جاسم خذلك
جاسم: مب يوعان بس خاطري اشرب شي بارد
شوي و يات سنيتيا و حطت لهم العصير
جاسم: ههه لو طارين المليون
حمدان تناوله كوب: آآآآآح منعــــــــــش ،، كل يوم بيي بيتكم هههه
احمد: ههه حياك
جاسم تم صاخ يتذكر اللي مضى
" الله يهنيج يا ميرة مع أحمد ،، و الله انكم تستاهلون الخير كله ،، عساني ما اذوق حزنكم ،، بس ليـــش شعور بشع ينتابني و يقولــي ان فيه شي بيخرب عليهم ،، استغفرك يا ربي ،، يا ليت اتخلص من هالاحســاس اللي مضيج فيني من البارحة ،، ( عقب تم يطالع احمد اللي يضحك و يسولف على حمدان ) ،، أحمد يالغالي عساني دوم اشوف ضحكتك و ما تفارق محياك ،، ( عقب تنهد ) "
احمد: جسووم بلاك صاخ
جاسم: هاه و لا شي
احمد: هههه بمنو تفكر
حمدان: يفكر فيني من كثر ما يحبني
جاسم: فديتك يا خوي اذا ما فكرت فيك افكر بمنو
حمدان خاف من نبرة جاسم: جاسم فيك شي
جاسم: ابد ما فيني شي يالغالي
دخلن ام فهد و البنات
و الشغالة شاله اكياس
ام فهد: السلام عليكم
الكل: و عليكم السلام
راح جاسم و حمدان و حبو راسها
ام فهد: افا يا حمدان ويـــــــــــنك ما تنشاف إلا جاسم فديته دوم يزورني و انت مول ما تنشاف
حمدان: ههه السموحه منج فديتج ،، تبيني اييج كل يوم خلي منال توافق على الزواج بسرعه
منال خزته بعينها
حمدان: شو شو مب عايبتنج ارمسة
ام فهد: هههههه و انت الا دوم تناجرها المسجينه
منال: ترا ما عنده ذوووق
حمدان: ههه استريحي ،، لو ما كان عندي ذوق كان ما اخترتج زوجتي
منال انحرجت : نورة تعالي نسير فوق عند البنات
احمد: البنات بالمطبخ
راحن منال و نورة عند البنات
منال: هاي صبايا
ظبية: هاي بعينج جم مرة اقول سلمو بتحية الاسلام
منال: ههه السلام عليكم
الكل: و عليكم السلام
ميثة: منــــــــال يالخاينة
منال: ههههه شو ما نسيتي
ميثة: جب لا تكلميني
مهره: شصاير ههه
منال: قلت لها البارحة بدقلج الساعه 9 لكن من التعب رقدت و ما حسيت بعمري
ميثة: و انا حليلي اتصلج عنبو ما تسمعين
ظبية: ههههه صج ميثة اشوفج صايرة حساسه مع انج مب جيه
ميثة: ههه شسوي عاد انتو قدروني و لا تزعلوني
منال باستها: و هذي بوسه و حقج علي
ميثة: هههه خلاص رضيت
ميرة كانت سرحانه
نورة: احم احم نحن هنا
ميرة ابتسمت
منال بنص عين: اللي ماخذ بالج يتهنابه
مهره: خلو توامتي بحالها ههههه
ميرة: ههه صح كلامها خلوني بحالي
مهره: تعالي انسير فوق
ميرة: يلا
و عقب طلعن
و سارن فوق من عقب ما سلمن على اولاد عمهن
ميرة: مهره
مهره: هلا حبيبتي
ميرة: انا مستانسة
مهره: من حقج حبيبتي تستانسين
ميرة: و اخيرا باخذ اللي اتمناه و الله يا مهره سبحان الله انا مرتاحه لاحمد وايد
مهره ابتسمت: احمد طيب و انسان ملتزم و انتو تناسبون بعض الله يهنيكم يا رب
ميرة: الله يسمع منج يا رب ،، تدرين كل ليلة اتخيل اني لابسة الفستان و اكون قاعده بالكوشة يم احمد
مهره: ههههههههههههه عاد الله يعين انتي تستحين منه مووت
ميره: هههه شسوي المستحا لازمني دووم
باليوم التالي على العصــر..
ام فهد: معقــــــــــــــــولة
بوفهد: هيه و اللحين بييبه من المطااااااار
ام فهد بفرحة: لحظة لحظة بلبس عباتي بسرعه و بيي معاك
بو فهد: ما يحتاي بييبه بروحي و برجع
ام فهد: يالله فديتك يا محمد و اخيرا بكحل عيني بشوفتك
طلع منصور مع يده بييبون محمد من المطار ( هالفترة عنده اجازة فقرر ينزل الامارات )
ام فهد صعدت فوق
دخلت حجرة نورة
ام فهد: نورة منال اللحيــــــــــن بيي محمد
نورة نطت: و الله صج
ام فهد: هيه ابوج اللحين بييبه من المطار
منال: و اخيرا نزل الامارات
عقب راحت ام فهد على غرفة ظبية
ام فهد شافت الباب مفتوح
شافت ظبية تعابل بهالاوراق
ام فهد: يا اميه ارحمي حالج من الشغل اليوم الجمعة اجازة اجليه ليوم الاحد بدوامج
ظبية: ههه لحظة لحظة نبرة صوتج احسها غير اليوم
ام فهد بفرحة: ابشرج محمد اللحين بيي
ظبية: و الله
ام فهد: هيه فديته
ظبية: وناسة و الله عيل ما جهزنا غرفته و لا نظفناها
ام فهد: فديته و الله لو يبا ينام بغرفتي بطلع انا و بوفهد لعيونه عشان بس يرتاح
نورة كانت طالعة و سمعت الرمسة: هيه هيه بدينا بالتفرقة
ام فهد: هههه فدتيه عاد محمد غير هذا الغالي
نورة: ههه ما عليه ما عليه
ام فهد: سيري يا اميه و خبري احمد اخوج عن محمد
نورة: ان شاء الله
راحت نورة و دخلت بحجرته و كانت باردة ثلج
شافته يقرا قرآن
احمد انتبه عليها
و عقب لف راسه صوبها
احمد ابتسم: بغيتي شي حبوبة
نورة: ما شاء الله الجزء كم واصل
احمد: واصل الجزء 21
نورة: ما شاء الله غلبتنا انا و منال حليلنا بعدنا بالجزء 15
( ظبية ما خلت حد بالبيت ما قالتله يحافظ على قراءة القران حتى ابوها قالتله )
نورة: ابشرك ترا محمد ياي بالطريج
احمد: محمد رد من السفر
نورة: هيه اللحين ابوي سار مطار دبي اييبه
احمد: و الله زين بس النذل ما قالي انه بيرجع اليوم انا قبل امس مكلمنه
نورة: المهم انه يرد و الله افتقدناه حيــــــــــل
و بعد ساعة وصل محمد للبيت و صارت الربشة
و الكل يسلم عليه من صوب و يسولف معاه من صوب و محمد
طبعا كله سوالف و ضحك و فرفشة و يو قوم بوفيصل يتغدون ببيت بوفهد و بالمرة
يسلمون على محمد ،، بعد ما سلموا على بعض..
محمد سار صوب عبدالعزيز
محمد: حيبه بو سعود
عبدالعزيز: لا اسمي عزوز
محمد: هيه ترا بو عزوز ينادونه بو سعود ،، الا فيصل حرام عليك انت ما تأكل ولدك شوف كيف صاير يلد على عظم
فيصل: ما عليه مع الايام بيرد جسمه طبيعي و نحن ما نخلي شي ما نطعمه
محمد شل عزوز و قال: منصور تعال ويانا بنروح الدكان
بوفهد: اللحين الظهر وين تبا تم هني ارتاح
محمد: لا بسلم بعد على راعي الدكان حليله و الله اشتقت للنجره معاه
بوفيصل: هههه حتى راعي الداكن ما سلم منك
راح منصور و يا عمه و عزوز
لكن قبل ما يطلع محمد سار صوب الحريم تقرب من نورة
و مط شعرها
نورة: آآآخ يالدب يــــعور
محمد: اشتقتلج وايد
ظبية: ههه عيل جيه تعبر عن اشتياقك لها
محمد: ههه شسوي عاد هذا اسلوبي ( عقب صفع نورة بخفيف )
نورة: محمد هههه وبعدين معاك
محمد: ههه اللي يبا يعرف انوثة البنت على اصولها يسبهم او يضربهم و يشوف ردة فعلهن كيف
نورة: هههه انا كلي انوثة عندك شك شوو
محمد: عــــــــــدال يا ام الانوثة
ام فهد: اشوفك شال الصغاريه وين ابها
محمد: بوديهم الدكان
ام فيصل: ارتاح شوي لاحق على الدكان
محمد: لا انا مب تعبان دخيلكم خلوني اطلع و اشم هوا الامارات و الله مشتاق لكل شي هني و لربعي و للمزرعة و لكم و للحواطة
ام فهد: سير بس لا تتاخر فديتك
محمد: ان شاء الله
و عقب طلع و هو و الصغاريه
ظبية: يلا نورة تعالي نسير المطبخ نساعد البنات
|
|
|
|
| | |
العرض العادي
