 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
10-29-2019
|
||||||||||||||||||||||||||||||||
|
||||||||||||||||||||||||||||||||
رواية / لآ تعتذر لي حبيبي خلني بجروحي أموت ولآ تنحني لي ..~/البارت الرابع
البارت الرابع ^^
خذني منّي .. و الا منّي ... خذ غلاك ! مقدر اتحمّل خلاص .. ياللي احساسي بوجودي .. منتهي ... إلا معاك ! </B> صحت وهي تحس راسها بينفجر ما نامت زين اصلا ما قدرت تنام تحس عيسى كابوس كلامه جراته خافت منه ايه خافت حست انه ممكن يعمل أي شي و قفت عند المرايه و تنهدت وش هالشكل ؟وجه منفخ و عيون حمراء أخذت نفس و زفرت بقوه لازم اروح الجامعه ما يمديني اطنش خلاص راح اوصل حرمان شافت جو الها ع الارض سحبته و كانت في رساله منه((صباح الخير تأخرتي على الدوام يلا بس نص ساعه و تبدأ محاضرتك)) رفعت حواجبها مستغربه وش عرفه جد مو طبيعي دق الجوال و كانت هيفاء اعطتها مشغول و دخلت تسبح عشان تجهز للجامعه و تحاول تتناسى عيسى و قلقه لبست بسرعه و نزلت ركض تأخرت و هيفاء كل شوي تدق كان ابوها على السفره مع امها:هااااااااي حبايبي ابو حمد:هلا يبه تعالي فطري جوري:نو تأخرت حيل باي ام حمد: لا تتاخري اليوم ترى اهل سعود معزومين عندنا سكت الباب بقوه على الخبر اللي لخبطها مابشرتيني ابد بالخبر هذا بيجي ايه بيجي و يرز الفيس بعد مشت لسيارتها الخاصه فيها وركبت دقت على شجون اختها اكثر من مره ما ردت عليها بعد وقتك :حرك بسرعه و راي محاضره ورجعت سندت راسها على المرتبه و تفكر بعيسى أنا ضحكتـه ‘ وانا دمعتِـه ’ وانا حزن القصايد فيـه أنا صمتِـه ‘ وانا صوتـه ’ وانا " لبـييييه " بـ لسانِـه :$ كان و اقف عند المرايه و يغني ام سعود:غريبه انت تجي معانا عيسى:ايه ام سعود:زين اجل تمر خالتك و سوسن عيسى وهو رافع حواجبه و يلبس الساعه :عفوا ليه امرهم؟سواق عندهم بعدين انتي معزومه ام سعود وهي توقف و ترجع شعرها لوراء:ايه مو هم معزومين معانا ام حمد اصرت يجون معانا عيسى:امي انتي شايفتني مجنون؟ ام سعود:بدينا عيسى:جد تبين اركب وهو يقلد سوسن اووووووووه عيسى حبيبي التكيف مرررره عالي خفضه مامي فستاني ام سعود:ههههههههه والله هالبنت تحبك حرام عليك عيسى:يمه ماله داعي تاخذي ذنب فيني بعديني عنها وارسلي لهم السواق انا ما راح تقابلوني الا هناك و بس انا طالع باي ام سعود:الله يعين عليك خل اكلمهم و اقول لهم ابرسل السواق لهم وش بيفكني من دلع سوسن للحين صوتك داخلي حي مامات أتذكّره وأحنّله وأستعيده !! للحين أحسّه غير عن كل الأصوات هذي مواويله وهذا نشيده !! عند فجر جالسه وسط الاطفال هذا جوها هنا تحس بوجودها تنسى نفسها وحزنها حتى فرحها تنساه وتصير لهم تعيش بجوهم هم وبس أبتسمت ل سعاد اللي جالسه تلعب برضاعتها من بعد ما خلص الحليب مشت لعندها و جلست على الكرسي:سوسو بيبي زعلان سعاد بابتسامه تحبي لحد فجر و تمد يدها لها جلستها بحضنها وجلست تلاعبها وهي تسمع ضحكه و كلماتها الطفوليه:نا ماما دا ابتسمت بقهر وهي تطالع بالغرفه الوسيعه اللي يلعبون فيها اشكالهم مختلفه عن بعض فيه الاسمر و الابيض الطويل القصير الهادي و العنيد مختلفين حيل الا بالشي اللي جمعهم يتمهم لا أب و لا أم هي نفسهم ما تفرق شي عنهم عشان كذا أختارت قربهم تشتغل معهم تلاعبهم تكلمهم هي تفهم ويش يبون ويش ينقصهم لانها مثلهم نزلت سعاد و ظلت تمشي و تطالع فيهم طلعت لبرا وقابلتها وحده من الموظفات:هلا فجوره بعدك هنا فجر:ايه شوي و بطلع سناء:اوكي و اللي يسلمك حطي هالاوراق بالغرفه ابي اروح اتأكد من المطبخ و اللي فيه فجر:و لايهمك مشت لمكتبهم ورمت الاوراق بملل على الطاوله و ارخت جسمها ما تبي ترجع البيت أكيد خالها أحتفل و سهر مع ربعه مو توه راجع من سفر أكيد البيت زباله و قرف و بعد ما قاموا من سكرهم اوووووووووووووف توب علي يارب يارب كان صوت فيروز مالي غرفتها تحب صباحها مع هالصوت الهدوء الكلمات و قفت عند الشباك و غمضت عيونها حياتها ملل برود لا هدف و لا شغل ولا دراسه عايشه لنفسها وهمها بس سوق بحر فجر أروى أمها ومشاكلهم بس هي حياتهم خذت نفس وجلست تردد مع فيروز وينن وينن وين صواتن وين وجوهن وينن صار في وادي بيني وبينن وينن ركبوا عربيات الوقت وهربوا للنسيان وتركوا ضحكات ولادن منسية ع الحيطان تركولي المفاتيح تركوا صوت الريح وراحوا ما تركوا عنوااان وينن !! وينن !!! وين صواتن وين وجوهن وينن !! صار في وادي بيني وبينن !! وينن !! واقف ببلكونة فلته يطالع الحديقه وسرحان من سمع صوتها يحس شوقه لها ضعف ضعف مشتاااااااااق مشتاق عشاق الطرقات أفترقوا لا حكى لا مواعيد أنا وحدى صوت الشوارع أنا طير القرميد هربت بهالليل من مربط هالخيل وأنا قنديل الحزن الوحيييد وينن وين صواتن وين وجوهن وينن ؟ صار في وادي بيني وبينن وينن !!! ااااه ااااه وينن :وينك أدق ما تردي وش تسمعي فيروز؟ :ايه ما أنتبهت سرحت مع صوتها راشد بغيره:أحلفي انا اكلمك تسرحي مع هذي و ينن و ما أعرف ايش؟ ريم وهي تكتم ضحكتها وتمثل الزعل:ليه تصرخ علي وبعدين انا احب اسمعها دوم و الاغنيه هذي بالذات غير واذا انت زعلان لا تصرخ علي راشد بأرتباك:شنو زعلتي حياتي لا والله مو بقصدي بس أشتقت لك و طول الليل أدق عليك ما تردي و من صحيتي ما رديتي علي ولا طمنتيني وبعدين اصلا فيروز آآآآكوس وحده بالدنيا ريم:هههههههههههههههههههههههههههههههههههههههههههههه هههههههههه راشد وهو يعض ع شفته :مقلب زعلك مقلب زي العاده ريم بدلع:ابي اعرف غلاي راشد وهو يوقف سيارته و يفتح الراديو على فيروز و كانت أغنية حبيتك تنسيت النوم:طيب يا بعد طوايفي وعاشقة فيروز غني معها ريم:أنا راشد:ايه سمعي معاي بس انا ماابي صوتها ابي صوتك انتي ريم بخجل:لالالا انسى راشد:مشكوره اعرف من غلاتي ما تردي لي طلب ريم:ما تزعل راشد: لاعادي لازم تنفذي اللي ابيه من اكون ريم وهي تأخذ نفس وتغني مع فيروز بصوتها الهادي حبيتك تنسيت النوم يا خوفي تنساني حابسني براة النوم و تاركني سهراني أنا حبيتك حبيتك أنا حبيتك حبيتك بشتاقلك لا بقدر شوفك و لا بقدر احكيك بندهلك خلف الطرقات و خلف الشبابيك بجرب إني إنسى بتسرق النسيان و بفتكر لاقيتك رجعلي اللي كان و تضيع مني كل ما لاقيتك حبيتك حبيتك أنا حبيتك حبيتك يا خوفي إبقى حبك بالإيام اللي جايي و اتهرب من نسيانك ما اتطلع بمرايي حبسي أنت أنت حبسي و حريتي أنت و أنتا اللي بكرهو و اللي بحبو أنت يا ريت ما سهرت و خفيتك حبيتك حبيتك أنا حبيتك حبيتك راشد وهو يصفر:حبببببببببببببببببببببيبتي ريييييييييييييييم أحبك احبك ريم وهي تمسك خدها اللي تحسه نار:راشد راشد:قلبه روحه حياته روحي انتي كل يوم سمعي فيروز و سمعيني معاك ريم:صوتي حلو راشد وهو يتنهد من قلب:ايه حلو يبه ما ابي دوام ماابي شغل ابي اشوفك ريم بخجل:انسى راشد:ليش؟ ريم:شنو امي وخالاتي هنا انسى راشد:ويش يصبرني ريم بهيام:نفس اللي يصبرني حبيبي غمض عيونه على صوت يوسف اخوه:وش عندك فيروز مره وحده؟من متى؟ راشد بداخله من زماااااااااااان من زمان من يوم دخلت هالريم قلبي هنا يوسف:معاااااي راشدرجع يسرح:ليه تحبيها؟ ريم وبطفوله:يووووو يا راشد بابا الله يرحمه علمني اسمعها من صغري وهو دايم يسمعها تعودت عليها و بحزن صارت الذكرى الوحيده منه اللحين يوسف:رااااااااااااشد راشد:هلا بغيت شي يوسف:ابد مو معاي من متى اتكلم اسمع امي تبيك تحت و بطلع وراي دوام مشى وقفل المسجله من هالصوت اللي يرجعه لورى كل ما حاول ينسى يرجع لها يرجع لها بدل الخطوه الف سحب جواله ودق رقمها من جديد كانت تشرب الكوفي بهدوء لفت و استغربت نفس الرقم ردت بسرعه:آآآآآآلو ابتسم وهو يسمع فيروز و حبيبته لسى على نفس عاداتك ريم:آآآآآآآآآلو قفل بسرعه قبل ما تخونه اتفاسه و تنفس بقوه بدل و نزل لامه اللي تقلب بالمجلات بملل باس راسها:صباح الحب ام راشد برواق:صباح النور حبيبي كيفك؟ راشد:تمام انتي شلونك؟ ام راشد:الحمدالله راشد:يوسف قال انك تبيني؟ ام راشد:ايه راشد خلاص اشتقت لبلدي متى بنرجع؟ راشد ابتسم:خلاص يمه مابقى شي صبرتي 3 سنوات تحملي كم شهر ام راشد:خلاص يمه انت قلتها 3 سنوات مو يوم والا يومين هذا عمر يروح منا ماابي اموت بعيد عن ديرتي راشد بضيق:يمه وش هالحكي اسم الله عليك وش المناسبه وقفت وهي تعدل جلابيتها الموف رمت شعرها لورى وبحسره:تغربت وتعبت كبرت يا امك ما عاد فيني حيل للغربه ابي ارجع و ازوجك انت و اخوك راشد بابتسامه:طيب زوجيني من هناام راشد: لا الله لا يقولها ازوجك من هذولاء لذمه و لادين ابي من بنات بلدك ديرتك تعرفك و تعرفها راشد وهو يبوس يدها:هانت بس لازم ارتب اوضاعي هناك البيت الشركات و شغلات كثير ونرجع راح الكثير نصبر كم شهر ام راشد:زين يمه انا بروح ارتاح وانت انتبه على نفسك مشت و ظل يطالعها شلون تغيرت من مات ابوه كانت تحبه فوق الخيال وهو بعد تغيرت كثير نست المظاهر و العز و الفلوس اللي كان يبعدها عنهم رجعت مثل ما كانت بسيطه تهتم فيهم تسأل عنهم تخاف عليهم اخذ أغراضه و مشى لشركاته خلاص بيرجع لسعوديه قدر يرجع شركاته زي ما كانت صار منافس قوي ثلاث سنين تعب وهم و سهر وشوق لها بيرجع لها بس ما يدؤي كيف و الا وش عذره وش بيقول؟خايف عليها مو منها مستعد يتحمل اي شي عشانها هي حبيبته و بنته و اخته و حلمه هي ريم اللي ما نسى بيوم غلاها و لا راح ينسى *** . . وش بلا الدنيا تفرق ما تلم !! كل يوم تااخذ و تمحي رفييق !! رشا بقهر :لا مجنون لا مجنون مدى:مين؟ رشا:زوجي ولد عمي يقول يبي زواجي الاسبوع هذا مو أنا لعبه مدى اللي تطالع بالساحه و البنات مو مستوعبه:طيب فجأه صرخت تزوجي اللحين؟كيف وليش؟ وانا؟ رشا وهي تزفر:متخلف غبي اختباراتي و شلون؟مدى تكفين ماأبي مدى لفت و طالعت برشا:و لو اعترضتي ابتسمت بقهر وعيونها مليانه دموع:ابوي الغالي يطالب فيني يبيني ارجع له لفت مدى بقهر:تو الناس يعني كذا كذا بتزوجيه رشا:ايه مدى:وش بتسوي؟ دراستك ؟ رشا وهي توقف بعربجه:عادي ابي أدرس وخل يفكر وهو عمه يمنعوني والله لا اوريهم شي ما يجي ببالهم مدى أبتسمت لها تعرفها قد كلامها:رشو وش رايك بأكشن قبل الامتحانات رشا:ايه وعقاب بالدار مدى وهي ترمي العصير:اوووووووه من متى نخاف ولا نهتم رشا بخبث :بشرط مدى:شنو؟ رشا:تعرفي مدرسة العربي اللي رفعة ضغطي وظغطك متزوجه مدى وكانها فهمت عليها: ولازم لزوجها صوره رشا:ههههههههه يلا قدامي كملوا يومهم بضحك ولعب زي العاده brb 
 
|
|
10-29-2019
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
آروى جالسه مع شيخه بالمدرج بس سرحانه ومتملله
شيخه:اروى الله يهداك انتبهي مع الدكتور اروى يااااااااليل البزارين طنشت شيخه:اروى في نقطه مهمه بالامتحان يتكلم عنها اروى:احد قالك ما اسمع؟ شيخه بخجل:لا بس شفتك سرحانه اروى بطفش:خلاص لا شفتيني سرحانه خليني بروحي اوووووش شيخه رجعت تكمل كتابه مقهوره منها غرور لا بعد حد و المشكله ما تعترف بالخطأ سعود اللي راجع من دوامه من بعد مااستأذن ظل يطالع للغرفه وهي مبعثره من وقت أروى رافض احد يرتبها فتح الدرج و جلس يطالع بحلقاتها اللي لقاهم على الكرسي أبتسم وهو يتخيلها بغرفته بس ليش سوت كذا؟شيخه تقول دخلت بس تكلم رفع ثيابه ورجعهم لمكانها و رتب الغرفه يفكر يخطبها بس يخاف ينصدم من ردها يخاف من عمه يفشله هذي دلوعته ما يرفض لها طلب تذكر كلامها مع شيخه وتأففها غريبه هالانسانه وش تبي؟مافي شي عاجبها بحياتنا رفع جواله يدق على شيخه يسألها خلصت والا لا؟ شيخه:هلا بالغالي سعود:هلا بشيخه ها خلصتي شيخه:ايه يمديك تجي؟ سعود:ايه يمديني بس أجي راح اتصلك وقبل يقفل سمع صوتها أبتسم غصب:شيخه وينك؟ شيخه:هلا اروى:تعبت ادور لك شيخه:زين يلا سعود انتظرك باي سعود:باي نزل بسرعه خالد عنده دوام ومستحيل يطلع اللحين مستحيل يعني ممكن تركب معاه دقت على خالد وهزاها زي العاده و أبوها جواله مقفل:اووووف شيخه:خير أروى:ابي اموت حر و خويلد مو فاضي لي و ابوي مقفل جواله شيخه:يمكن مشغول عمي خل ننتظر شوي ابروح اجيب لي ماي تبين أروى:يب و يالييييييت بارد شافت جوال شيخه اللي يدق أكثر من مره و طنشت كان سعود أنتظرت لحد ما تجي شيخه شيخه :اووووووووه سعود وصل أروى وهي تشرب :جد هو بيجيك بالعاده عمي شيخه:يوم كذا و يوم كذا جت ناله بنت جيران أروى :هااااااي صبايا أروى :هلا شيخه:اهلين و شلونك ناله ناله:بخير اروى يلا بتمشي معاي السواق جاء أروى وهي تقوم بسرعه:أكييييييييييييد يلا باي شيخه مشت بسرعه مع ناله شيخه وش فيها طيب تجي معاي:أروى اروى أروى لفت لها:نعم شيخه وهي تضبط عبايتها:تعالي معاي سعود بيوصلك أروى:وع لا واللي يسلمك خل اتنفس من خالد و اشكاله شيخه بقهر:بس ما عطيتي أحد خبر أروى:مو شغلك شيخه خليك بحالك وبعدين هم جيراننا ناله تأشرلها:يلا مشت وتركت شيخه مصدومه وراها طلعت مع ناله كان واقف عند الباب ينتظر شيخه انصدم من شكلها نفس العبايه ضحك سواليف مو مستوعب أروى شيخه:يلا سعود حر سعود:هذي أروى مو؟ شيخه:ايه بتروح مع سواق بنت جيرانهم رفع حواجبه:على كيفها خذي المفاتيح و راح اجيك هناك السياره مشى بسرعه وهو مقهور وين خالد عنها و الا عمه ؟ معقوله عادي عندهم :أروى لفت بسرعه و انصدمت سعود كان لا بس ثوب أبيض و كاب أسود و رافع طرف ثوبه:تعالي هنا أروى خير وقفت وهي تطالع فيه قرب من عندها :ما تسمعي أروى:نعم سعودبهدوء:تعالي معاي انا و شيخه أروى بثقه:مو كانك مصدق حالك؟ امش من قدامي سعود يطالع فيها مو مستوعب تكلمه بهالاحتقار و قدام الكل:أروى قدامي أروى:و اذا لا سعود بضحكه أستهزاء ونفس حركات خالد معها سحبها بهدوء أروى بهمس:أنت اتركني طنش لحد مافتح باب السياره ودخلها قفل الباب بقوه ومشى لقدام أروى مصدومه خالد يسويها معها وترد حقها منه بسرعه بس هو لا طالعت لشيخه اللي جالسه قدام و ساكته ركب وقفل الباب ومشى أروى بصراخ:انت وقفني مالك شغل فيني سعود بعصبيه:تركبي مع أجنبي ليه أخوانك موجودين أروى:مو شغلك انت كلمتك على اللي بجنبك أما أنا لا سعود وهو يتعوذ بداخله ما ينلام خالد:أنتي بنت عمي وبعدين وش ه العبايه؟ أروى بصراخ:أنت من معطيك الحق تتحكم ألبس اللي أبي وقف لا أقول حق أبوي وقف سعود:اوقف؟ ووين تروحي ؟ أروى:مو شغلك اروح المكان اللي ابيه سعود:أكلم خالد أروى بضحكة أستهزاء:ههههههههههههههههه يا مامي خفت منك أنت وهو أثنينكم تحت رجولي مافكرت والله ثم والله لا أندمك على حركة ياتبن شيخه شهقت لان سعود أخذ بريك قوي ولف عليها وهو معصب:عيديها أروى بقوه:قلت أنك تبن ما سمعتها؟ سعود سحبها لعنده:لولا غلا عمي وخالد كان دست ببطنك وربيتك دفها بقوه على الباب صرخت وهي تتألم:آآآآآآآآآآآه شيخه كانت ضايعه بينهم أروى وقحه في نظرها و سعود ناااااااااااار عصبي و ما يحتمل أبد أروى:حقيير دق جوالها و كان خالد ردت بسرعه:تو الناس كان ما دقيت خالد ببرود:انطمي وش تبين أروى:أسمع تقول لولد عمك التبن هذا ينزلني و ماله شغل فيني و .... سحب سعود وبقهر:هلا خالد خالد منصدم:وينكم وهي وش جابها عندك تكلم سعود وهو يسوق بهدوء:اعصابك خالد بعصبيه:تكلم سعود :بس لا تصارخ مو كافي الهبله اللي وراي تصارخ و بعدين ليه ما جيت تاخذها ليه مخليها تروح مع جارتكم هذي اللي دوم تعيب فيها طيب قول لي راح أخذها راح أوقف عند الكوفي اللي متعودين عليه تعال خذها مو راضيه تسكت خالد وقف وهو يشد على يده:رجعت تركب معها ما تفهم عطني هي سعود خاف من عصبيته:لا هي خالد:سعوووووووووووود مد الجوال لها :كلميه حاولت تمثل القوه خافت من خالد هو حذرها من ناله وهي تعاند:نعم خالد:نعامه ما تفهمين انتي ماتفهمين أروى بدلع عفوي:لا تصارخ أنت و هذا بعدين دقيت لك تطنش مو شغلي أنا خالد:يذبحك يصارخ ما الومه حسابك معاي قفلت في وجهه و رجعت تتصل لابوها مارد رجعت تدق أستغرب الهدوء اللي هي فيه بس أنصدم منها وهي تبكي وتكلم عمه:آآآآآآآلو يبه ابو خالد:يبه أسم الله عليك وش فيك أروى وهي تبكي:ألحق علي يبه تعال شوف سعود و خالد وش يبون يسون فيني ابو خالد مو قادر يجمع:سعود و خالد أروى ببكاء:ايه انا عند كوفي...... تعال بسرعه أبو خالد:بس يبه لا تبكي دقائق و انا عندك قفلت وهي تبكي خافت من خالد ومقهوره من سعود سعود يطالع بشيخه مستغرب وبداخله معقول عمي بهيبته بيركض عشانها اللحين لا وبعد هي غلطانه مع عبايتها هذي غريبه هالانسانه وبعدين عمي كان ماجاه بنت غيرها مدلعها بقوه شهقت وهي تشوف خالد يفتح الباب رجعت على الباب الثاني خايفه وبصوت يرجف:بعد خالد:نزلي بالبيت أتفاهم معاك أروى:ابوي جاي أنت ما اركب معاك خالد:لا أحلفي خل نقول لناله تجيك أروى تطالع بالشارع:ليش تأخر أبوها ليش سعود برواق ولا كان صار شي:خل نجلس بالكوفي شوي ع بال مايجي عمي خالد مو مصدق:كلمتيه أروى:ايه كلمته خالد:لا وش دعوه سحبها بقوه:أنا اخذك له تعالي أروى:هدني لا تقرب مني سعود:اووووووه خالد خلاص هدي أروى:أنت انكتم خالد قبل ما يمسكها فتحت الباب ومشت بسرعه لسيارة ابوها ابو خالد:يبه وش فيك أروى:سعود صارخ علي وخالد بيضربني ارتمت بحضنه وبكت ركبها السياره وهو يكلمها و يهديها مشى لعند خالد وسعود:خير؟ خالد:سلامتك ابو خالد طنشه ولف لسعود:وش فيها؟ سعودببرود:عادي كانت تبي تركب سواق وحده من صحباتها أخذتها وهي زعلت بس أبو خالد:تصرخون عليها و تهزون فيها عشان كذا خالد يطالع في سعود بنظره هذا هو معها سعود:عمي لو البنت اللي هي ماشيه معها زينه ماقلنا شي انت بنفسك مانعها من بنت جيرانكم هذي وبعدين لا تخلي دلعك لها ينسيك عاداتنا لو احد شافها وش بيقول عنا؟عن أذنك يا عمي وركب بسرعه معصب دلعها بيضيعها بيضيعها و خالد تعب معها أبو خالد:الحقني للبيت مشى بسرعه للبيت خالد بكل رواق أخذ له كوفي وجلس يشربه مو مستعجل على الخصام والدلع طول الطريق ساكت ما تكلم ما يحب يزعلها بس هو حذرها من ناله ما يحبها ولا يحب تربيتها بس عاندت ورجعت لها بالرغم انها وعدته brb
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
