أوراق غيرت لونها / البارت السادس

البارت السادس

لف عبد الحافظ ناحية الباب وطلع بسرعة هائلة..
عبد الحافظ: شباب انتبهوا للبنت لما أرجع..
دور عليها بطول الشركة ما لقاها.. راح مباشرة لمراقب الدوام..وسأله عنها..
المراقب : الأخت مرام أخذت إجازة اليوم من المدير مباشرة .. وطلعت قبل شويه..
رجع على المكتب وجلس وحط يده على راسه..
شاف الشباب يتأملوه بعتب شديد..
أيمن بنص عين: حصلتها ؟
هز رأسه بمعنى لا..
عبد الحافظ هو ساند راسه على الكرسي ويطالع السقف: أخذت إجازة ..وراحت..
محمد بسخرية: حلو.. اليوم خميس .. وبكرة جمعة .. يعني بيظل ضميرك يأنبك يومين .. هذا طبعا إذا كان عندك ضمير..
طالع عبد الحافظ في ساعة يده .. وأطلق تنهيده..
وقف عبد الحافظ وخرج للصالة وكأنه بيلاقي مرام... بعدين رجع وراح ناحية بنته اللي كانت جالسة على كرسي جنب محمد..
عبد الحافظ: الآن يا بنيتي موعدك مع الدكتور .. يلا لا نتأخر..
ومسك يد شهد وخرج..
*****
في المساء..مرام جالسه تحاول تكتب ..أو تكمل بعض الأعمال على اللاب..علها تشغل نفسها .. وتخفف على عينيها.. أو تأخذ بهما رحمة.. لانها مجرووووووووحة ورب السماء... كلما مسحت عيونها انهمروا مثل الشلال ..
ماعادت تشوف شي... تحاول تقوي نفسها مافي فايده..
تتنهد وتمسح على شعرها بيديها وتتمتم من بين دموعها :يااللــــــــــــه..

سمعت طرقات على الباب ..
قامت راحت على الحمام وغسلت وجهها.. ووقفت خلف الباب .. سمعت نورا تنادي بصوت خفيف: مرام..
ولما عرفت أنها نورا .. رجعت جلست على السرير سوت نفسها نايمه.. بس الطرقات مستمرة ..
ماطاوعها قلبها تتجاهل اكثر..حطت طرحه على راسها عشان تغطي وجهها الاحمر قدر المستطاع..
تفتح الباب وهي مسويه نفسها نايمة..كانت عيونها متورمة .. وأنفها أحمر..
أول ما شافتها نورا .. شعرت مرام بالإحراج..

نورا: العفو مرام إذا كنت أزعجتك .. بس يعني ما ظنيت تنامي في هذا الوقت .. عادو (لسه)بدري..الساعه لسه ثمانيه..
مرام بتثاقل: لا عادي .. خير..كان صوتها مبحوح عالآخر..
نورا: يعني أفهم من كلامك ما تحبي أدخل؟!
كان بود مرام لو تقول نعم .. مش لأنها ما تحب نورا.. بس عشان ما يدري خالد ويسوي قضية الشرق الأوسط..
بس انحرجت منها ..
مرام : لا ولو.. تفضلي .. إذا ما وسعتك الغرفة أحطك داخل عيوني..
نورا تتأمل في مرام: مرام ايش فيك؟ تعبانه؟ ليش تبكي؟ في شي مرام؟ احكي لي..
مرام تنزل الطرحه على وجهها اكثر.. مافي شي نورا ادخلي..
دخلت نورا وقبل ما تسكر مرام الباب سمعت شجون تجري..ماما .. ماما ..
وارتمت في حضنها وهي تقول: زعلانه زعلانه من ماما أنا زعلانه..
نورا وهي مستغربه : أيش حكاية ماما هذي فهموني؟
شهقت شجون : ماما آسفه .. نسيت أن عمه هنا.. يعني خرج السر؟؟
مرام تضم شجون وكأنها فعلا ترمي بكل همومها لما تضم هذا الملاك البشري الصغير.. .. وتحضنها وتوقف وهي في حضنها : هو خرج لكن مش مشكله عمتو نورا حبوبه مابتكلم حد..

نورا تعيد سؤالها: مرام .. ليش تبكي.. فيك شي..
مرام:.............
نورا: إذا فيك شي احكي لي ..
مرام: لا تشغلي بالك ما في شي..
نورا: لا في شي وكبير كمان.. شوفي شكلك كيف ؟
مرام: نورا.. ما في شي .. وبعصبية.. مرهقة بس...
نورا: خلاص لا تزعلي براحتك..
مرام: لا عادي ما في مشكلة ..
نورا تدخل الغرفة وتجلس على الارض وتسند ظهرها بالجدار بعدما اخذت مخده من على السرير : مرام ما يقارب الاسبوع وأنتي تتهربي مننا ..حتى يوم جبتي الإيجار عطيتيه أمي من الباب ونزلتي..ما عليك من خالد .. وبعدين أنا ما ذنبي..
مرام: .............
وتجلس جنب نورا..
نورا: مرام .. عادك زعلانه؟
مرام بطريقة جافة : نورا انتبهي يجي أخوك وأنت عندي..
مرام مجروحه وما عندها قدره تتحمل اكثر من اللي فيها..
نورا: ما عليك أنتي ..
مرام: لا علي ونص .. أنا ما أحب أسبب مشاكل لحد..
نورا بزعل: هذي طرده؟
مرام شعرت في نورا: نورا.. ما أدري ليش أخوك حاطني في راسه..وما أدري ما نظرته لي عشان يزعل .. إذا طلعت عندكم .. أو جيتي عندي ..
عشان كذا اقصري الشر.. وما تعقديها علي وعلى نفسك..
نورا متأثرة من كلام مرام : واضح أنك جالسه زعلانه ومتحسسه..وما ألومك اللي سواه أخي مش هين..
بس أرجوك لا تأخذيني بذنبه عندك..والله أني أحبك مثل واحده من أخواتي.. بالعكس .. والله ما اتكلم مع وحدة منهن براحة زيما أكلمك..
مرام بغصه: ما علينا .. ولا تفتحي لي موضوع أخوك أبدا..
نورا تسند ظهرها اكثر وتتنهد : إذا هيك حاضر من عنوني.. قصدي عيوني..وتحاول تبتسم حتى لو ابتسامة صفراء كذابه..
طبعا شجون بس حست بحضن مرام راحت في سابع نووووومه..
نورا تشوف ناحية مرام: لحظه .. أيش حكاية ماما وسر وو...؟
تبتسم مرام من بين دموعها.. وتحكي لها القصة..
*****
من الظهر .. ومن ساعة ما وصلت هي وأبوها وهي ما وقفت كلام عن الخالة اللي راحت اشترت لها شبس .. ولبستها شالها..و جالسه تحكي لأمها عن حلاوتها معها..
شهد: ماما .. حبوبه.. حلوه.. وعيونها ماما تجنن..
طبعا أمل في كلام عجبها .. وهو أن بنتها ما ضاعت وأن في حد أخذها واعتنى فيها..وفي كلام ما عجبها أبدا.. وهو وصف شهد لمرام اللي هي ما تعرفها..إذا كانت هذي بنتها فكيف بزوجها..
نومت الأولاد .. وكوت الشال بعدما غسلته .. وبخرته..وواضح أن صاحبته في قمة الذوق والأناقة..
حطته في كيس ورقي أنيق..
ولفت لعبد الحافظ اللي من ساعة ما جاء وهو ما هو معهم خالص..
تتأمل فيه وهو في عالم ثاني..
حطت الكيس من يدها عشان يصدر صوت ومافي فايده..
أمل: الشال جاهز..
عبد الحافظ: .....
أمل: حلوه .. صح؟
التفت لها عبد الحافظ بضيق : أمل .. مش وقت غلاستك..
أمل بعصبية : ليش؟ شايفني عمياء؟
عبد الحافظ بصوت حاد: أمل ايش قصدك.
أمل بعصبيه: من فتره وأنت مش على بعضك.. وكنت حاسة أن وحده السبب..
عبد الحافظ معصب جدا: أي وحده وأي واحد ؟؟ الله يهديكم الحريم أنتوا وهذي الخرابيط
أمل بنفس حدة الصوت: لا مش خرابيط.. لو ما كان صح ما كان وصل شالها لعند بنتك..
عبد الحافظ: أوووووف اللهم طولك يا روووح..أمل حكينا لك كيف وصل..
وما كانت تعرف أنها بنتي .. وإذا مش مصدقه روحي المكتب واسألي..
أمل : المهم أنك مهتم فيها..
يوقف عبد الحافظ من مكانه: من قال لك هذا الكلام؟
أمل: طيب وليش سرحان وزعلان؟ وبدأت دموع عيونها تتجمع..
عبد الحافظ بغيض : أنا مش سرحان .. بس نعم زعلان .. أنا غلطت على البنت ..
أمل بدأت تبكي: وأيش فيها يعني؟
عبد الحافظ بسخرية لااااااااذعة : ووووالله ..هذا بدل ما تقولي أعتذر منها؟
أمل: ليش يعني كنت خايف على بنتك..
عبد الحافظ : صح بس أنا ما خليت كلمه ما قلتها لها..
أمل دموعها صارت سيل: شكلك متيم عالآخر..إذا ما طلعت لك ولها النجوم بعز الظهر..
عبد الحافظ : أمممممممممل.. أقصري الشر..
أمل : لا وبكيفي .. وهذا الشال اللي ناوي ترجعه لها وتتحجج به لخلق موعد ما بيرجع..
وأخذت المقص وقطعته...
عبد الحافظ عصب فوق ماهو متعصب من فعلتها : يا غبية لا تحطيني بموقف محرج مع البنت..
أمل : أنا غبية؟ أكيد انا من بعدها غبيه .. ماهي ورتك الذكاء على اصوله.. انااصبحت غبيه هاه؟ طيب ياعبد الحافظ ..
عبد الحافظ وصل ضغطه لـ 1000: يا رب صبرني .. قولي لي أيش يرضيك؟
أمل: تقول لي اللي بينكم؟؟!!
عبد الحافظ :من الصبح وأنا أحلف لك أني ما أطيقها وما بيننا شي وأنت راسك متحجر ..ايش اسوي بعد؟؟
وأخذ مفاتيح السيارة من فوق الطاوله..
وخرج من البيت .. وأمل تبكي.. وتلعن الساعة اللي حطت صاحبة الشال قدام زوجها..
*****
غسل يديه وبدل ملابسه ..وأخذ مفاتيح سيارته .. بس قبل ما يخرج من الغرفة جاء صديقه ..
يوسف: خالد يا ريت اليوم توصلني على طريقك .. سيارتي في الورشة..
خالد : على الرحب والسعة يا شيخ.. بس ما كأنها طولت سيارتك في الورشة هذي؟
يوسف وهو يتنهد: طالبين مبلغ كبير .. ما توقعته .. رحنا قلنا لهم بتهرب زيت.. طلعوا لنا فيها مية عله جنبها!!!
خالد وهو يضحك : هههههه زينا إحنا الدكاترة لما يجي المريض وهو عنده صداع ونقوله عندك كذا وكذا يقول أنا جيت وعندي صداع بس .. والباقي من عندك يا دكتور!!!
يبادله يوسف نفس الضحكة :ههههه في هذي أنت الصادق .. شكل الله ينتقم لهم منا.. وخرجوا جنبا إلى جنب..
*****
حط يده على راسه يغطي عيونه بذراعه وهو ممدد على الكنبه..في الصالة في بيت ريم..
ريم: عبد الحافظ يا أخي لا تحمل نفسك فوق طاقتها
عبد الحافظ:....
واحتارت ريم ايش تسوي في هذه المشكله؟ عبد الحافظ جاء رمى لها الكرة وجلس ساكت..
ريم : أخي .. الآن أنت زعلان عليها ولا على أمل؟
عبد الحافظ وهو على نفس الجلسة: لا.. زعلان عليها .. ومن أمل..
ريم ما كانت تتوقع هذه الإجابة..
عبد الحافظ يكمل: مرام ما خليت شي ما غلطت عليها به... كيف أواجهها بعد اليوم ما أدري..
بس أمل ما تفهمت موقفي مع أني طلبت منها تحط نفسها في الموقف..
ريم: عبد الحافظ .. أمل زوجة..
رفع يده ووجه نظراته لأخته: الآن ما جيت عشان أسمع محاضرة ... عندك حل أسعفيني فيه..
ريم تعقد حواجبها: وأي حل تشوف أنه يرضيك؟
عبد الحافظ يعدل جلسته: يعني كيف أعتذر منها؟ كيف ألاقي في السوق نفس شالها ..
ريم ما عجبها الكلام خاصة أن أخوها ناسي زوجته وباله كيف يرضي زميلة العمل!!!
ريم: إذا على الشال بتحصله في مركز عالم الأنوثة في شارع جمال..
وكيف تعتذر ..أعتذر وأنت وحظك .. بس بصدق يا أخي ما أقدر أوقف معاك ضد أمل..وصدقني لوكنت شايفة أن في أمل شي ينعاب كنت ساندتك.. بس..
لكن ما كملت كلمتها إلا وعبد الحافظ يغلق باب البيت ..طلع وهو أكثر ضيقا .. كيف تشوف أخته أن وقوفها معه وقوف ضد زوجته!! كيف يحسبوها الحريم هاذول؟؟؟؟
*****
خالد وهو يسوق:يوسف أنت متأكد من الكلام الذي قلته لي عن...وسكت..
يوسف فهم عليه: أكيد مليون في المية .. كيف تحب أثبت لك..
خالد : خلاص مش وقته ..
*****
ومر يوم الجمعة.... بطيء على عبد الحافظ اللي ما راح مكان .. غير الجامع ورجع ونام ..وما أحد يدري عن اللي في قلبه..
وأمل حابسه نفسها في الغرفة الثانية وما واجهت عبد الحافظ..
وأبطئ على مرام اللي كانت مجروحة ..وما نامت طول الليل ..وكلما زعلت جراح كتفها وذراعها وظهرها تألمها أكثر..
وجاء يوم السبت.....
وعبد الحافظ أول شخص في المكتب..وتواجد الكل ما عدا مرام.. واللي كانت آخذه إجازة من يوم الخميس..وهو ما يدري.. ما عرف كيف يشتغل .. وفي البيت ظل معصب .. واشتدت المشادات بينه وبين أمل زوجته..
وكان يوم الأحد.....
وكان أول المتواجدين..ولما شاف أن الكل جاء ما عدا مرام ..شعر بصداع شديد..
لكن مرام في آخر لحظة ظهرت...
سكت الكل .. وجلست على مكتبها وما حيت حتى تحية الصباح..
عبد الحافظ تنحنح: مرام..
مرام:..........
محمد وأيمن ساكتين ومكتفيين بالمراقبة..
عبد الحافظ: مرام .. والله ما كان قصدي أغلط عليك .. بس كنت خايف على بنتي..
بس مرام ولا كأن في غيرها في المكتب..
عبد الحافظ: طيب قولي لنا أيش يرضيك.. والله لو تقولي إذبح جمل لروح أجيبه..بس يرضيك..وأنا والله آآآآآآآآآسف..
( طبعا في اليمن إذا غلط حد على حد يذبح له الذي غلط عليه ذبيحة في باب بيته أو عمله .. يعني في المكان الذي غلط عليه فيه..ويسمى الهجر..)
بس مرام ولأول مرة تسوي هذه الحركة .. طلعت سماعة الكمبيوتر من الدرج.. وحطتها على أذانها.. وحطت لها فلاش فيه أناشيدها المفضلة..
والتفتت ناحية أيمن ومحمد:شباب إذا فيه مع أحد منكم عمل حطوه على المكتب..وشغلت مشغل الموسيقى.....
عبد الحافظ شعر بإهانة ما بعدها إهانه.. بس تمالك نفسه وهو يقدر ردة فعلها..
قام وتحرك ناحيتها: مرام أقولك حقك عليا..خلاص..وحط جنبها كيس ورقي فيه شال نسخه من شالها .. لكن مرام عرفت من نظرة خاطفة أنه مش الشال تبعها.. ما تنازلت حتى تناظر ناحيته..

ومر أسبوع كامل....
لكن لا حياة لمن تنادي..
مرام ماتكلم عبد الحافظ ابدا وتحاول تخلص عملها بسرعه عشان تطلع بسرعه من المكتب..
اليوم الخميس .... شعرت بتعب شديد وتقدمت لمراقب الدوام بطلب اجازة لباقي اليوم ولما شاف انها فعلا تعبانه وقع على الاجازة وراحت على البيت...

*****
اليوم جمعة ومرام تعبانه ونايمة..ما نامت بعد صلاة الفجر إلا الساعة ثمانية..الآن تقريبا الساعة عشرة..
فتحت الباب على الطرق المستمر.. طلت خالة سلمى وفي حضنها شجون:صباح الخير .. صحيناك يا بنتي..
مرام بصوت متعب: لا عادي تفضلي يا خالة..
خالة سلمى: والله شجون شغلت الأمة بكاء تشتي تشوفك.. وأنا قلت فرصة من فترة ما عد شفتك.. قلت يمكن تذكريني يابنيتي حتى لو زعلانه منا ..
ابتسمت مرام بتعب: لا ياخاله بس انا مشغوله انا مش زعلانه منك..
وطلبت منها تدخل .. ولما دخلت جلست على السرير..
وجلست مرام بعيد عنها..جرت شجون وجلست في حضنها..وهو واضح عليها أنها جدا تعبانه..
أم خالد: مرام أنتي تعبانه شي؟
مرام : لا يمكن إرهاق..
تقدمت أم خالد منها وحطت يدها على جبهتها وأطلقت شهقة: لا يا بنتي.. أنتي مسخنه.. واضح أنك محمومة..
ما ردت مرام وما كان عندها قدرة ترد من تعبها..
حطت شجون في حضن جدتها : خذي الصغيرة يا خالة.. بعدين أعديها .. هو شوية زكام وبيروح..
سمعوا ساعتها وقع خطوات على الدرج وتأكدت كلا منهما أنه خالد..
أسرعت أم خالد وفتحت الباب: خالد
التفت لأنه كان قد تجاوز بابها..
بس أول ما شاف أمه وكمان بنته كشر تكشيرة واضحة: خير يا أمي؟ وبعدين أيش وداك عندك؟
أم خالد بعتب: خالد..
خالد بصوت مضغوط: أمي خلاص أنت ما نقدر ونمنعك.. بس نورا وبنتي.. محجورين ينزلوا عندك..
أم خالد بغضب : طيب مش وقت هذا الكلام نتفاهم بعدين..الآن مرام تعبانه ومسخنه .. يمكن زكام والتهاب اللوز.. ايش أسوي لها..
خالد بترقية: ما أدري.. أنا مش طبيب يجي للبيوت .. إذا شافت نفسها تعبانه بجد تجي للمستشفى..
حنا مش عاملين عند أحد..وما نعالج حد بالمجان..
أم خالد : خالد..
خالد: هاتي بنتي يا أمي..
ونزل وأخذ شجون وطلع..
مرام شعرت بالبرد يقطع اوصالها اخذت البطانية وتغطت بها والحمى شكلها بتنتصر عليها..
بس...سمعت كل شي..
أم خالد لما شافت هذي حالتها.. طلعت بسرعة ولبست بالطوها وشيلتها وبرقعها..وهي ناوية تروح على أقرب صيدلية...شافها خالد
خالد: خير يا أمي على وين؟
أم خالد بنظرة كلها عتب : ما أنت ابني اللي ربيته خسارة فيك الطب ياولدي.. هذا القسم اللي أديتموه؟
والتفتت لنورا: سوي شوربه دافيه ونزليها لمرام وأنا بروح الصيدلية وأرجع بسرعة..
تدخل خالد: أمي قلنا نورا مالها نزله..
أم خالد بغضب: شوف لهنا وبس ..البنية بين الحياة والموت يكفي يا دكتور..
وراحت بسرعة..
نورا سوت شوربة حليب سريعة ونزلت..
ولأنها جمعة فأكثر الصيدليات مغلقة ..
دخلت نورا لأن أمها ما سكرت الباب .. وشافت مرام تحت البطانية ما هي دراية وين هي..
خافت عليها..نادتها ..فتحت مرام عيونها بتعب..
نورا: مرام قومي كلي لك ملعقة شوربه..
مرام تهز راسها بمعنى لا..
دخلت ساعتها أم خالد وفي يدها كيس علاج
أم خالد: هاه أكلت
نورا: لا .. حاولت وما رضت
أم خالد :لازم تأكل..
وأخذت الشوربة من يد نورا..وحاولت تأكل مرام..
بس مرام رافضة تماما..
أم خالد: بنتي لازم تأكلي..
مرام بصوت مرة تعبان: خالة أرجوك رجاء خاص .. ما أشتهي آكل شي..
احتارت أم خالد ونورا أيش يسووا لها ..
أم خالد : طيب يا بنتي أشربي هذه الحبة المهدئة ولما تخفي نضرب لك الإبرة..
مرام: طيب.. بس.. بكم العلاج؟..
فتحت أم خالد عيونها عالآخر: مرام مش وقت هذا الكلام..
بس مرام لفت ناحية الجدار..بدون ما تتكلم .. وأصلا ما عد كان فيها حيل تتكلم..
كانت الدنيا تظلم شوية شوية..بس سمعت صوت مثل الخيال لأم خالد: نورا روحي نادي أخوك البنت بتروح من بين يدنيا..
لفت بجهد ومسكت يد أم خالد بيدها الساخنة: خالة سلمى حلفتك بالله ..حلفتك بالذي لا إله إلا هو ..لو يحصل لي اللي يحصل لا تخلي الدكتور خالد يعالجني..
وما عد درت هي وين من شدة التعب لاهي اللي غابت عن الوعي ولاهي اللي قادرة تميز... وما عرفت كمان أن خالد كان على وشك الدخول للغرفة ووقف لما سمع كلامها.. وقف مصدوم .. ومتفاجئ..
*****
فتحت عيونها .. شافت كل شي أبيض .. لفت يمين ويسار .. شافت أم خالد جالسة جنبها..
أول ما شافتها أم خالد ابتسمت: الحمد لله على السلامة..
مرام: الله يسلمك.. أيش حصل يا خالة؟
أم خالد: تعبتي علينا فجبناك هنا المستوصف عشان تأخذي اللازم..
مرام: ومن متى وأنا هنا؟
أم خالد: من الصباح .. والآن الساعة ثلاث العصر..
تذكرت مرام اللي حصل..
وناظرت خالة سلمى: من جابني لهنا؟
سكتت أم خالد..
شافت مرام أنها لابسه عبايتها وطرحتها ..
أم خالد : لا تخافي .. والله خرجتي متغطية ما باين من وجهك شي ..
ارتاحت لما سمعت هذا الكلام.. بس حزت في نفسها أن خالد من جابهم..
دخل الدكتور وحطت مرام على وجهها طرحتها..
الدكتور: الحمد لله على السلامة ..
مرام: الله يسلمك..
الدكتور: خلاص أنتي الآن زي الفل ..بس بتأخذي هذا المضاد مع هذا الفيتامين لمدة عشرة أيام.. الالتهاب عندك حاد وإذا أهملتيه بيصير مزمن..كلي كويس .. التغذية مهمة جدا..
وأعطى الورقة لأم خالد..
طرق خالد الباب : أمي يقول الدكتور عادي نطلع..وما دخل..
قامت مرام ولفت طرحتها على وجهها بشكل نقاب: خالة أعطيني الورقة..
ما جادلتها أم خالد ومدت لها بالورقة..
مرام: كم تكاليف العلاج من الصباح للآن؟
أم خالد بعتب: مرام..
مرام: خالة ما أنا خارجة من هنا إلا لما أعرف..
أم خالد: مرام.. هذي على حسابي أنا ..وماله أي دخل خالد
شعرت مرام بالحرج من خالة سلمى... خرجت من الغرفة .. ولما وصلت عند باب المستوصف..شافت خالد جالس فوق السيارة ينتظر يطلعوا ..
مرام: خالة سلمى ..
التفتت لها أم خالد بدون ما تتكلم..
مرام: روحي أنتي وأنا بمشي مشي..
أم خالد : لا .. أنتي تعبانه..
مرام : خلاص باخذ تكس..
أم خالد: مرام لايكون راسك يابس..
مرام: ما تشيلي همي خالتي.. كفيت ووفيتي .. ووالله لو سويت ما سويت ما جازيتك..روحي أنتي..
سمعوا زمور السيارة بس بدون ما يلتفت ..
خرجت أم خالد من شنطتها مبلغ وحطته في يد مرام..
أم خالد: خذي العلاج .. واستأجري تكس.. ووقت ما تجيبي الإيجار رديه..أظن هذا يرضيك..
وراحت ركبت السيارة جنب ابنها..


في السيارة..
خالد يسوق بدون ما يتكلم..
أم خالد : فيك شي يا ولدي؟
يلتفت خالد لأمه : لا ولاشي يالغالية..ليش؟
أم خالد:أشوفك سرحان..
خالد: بصراحة ...وسكت شوي.. محتار من هذي مرام..
أم خالد: في أيش بالضبط؟
خالد: في كل شي..
أم خالد: خالد ياولدي...ليش آخذ من هالبنت موقف.. تعرفها شي؟ سمعت عنها شي؟
خالد: لا..
أم خالد : طيب .. ليش تتعامل معها هكذا؟
خالد: هي شايفة نفسها.. وبعدين ليش عايشه لحالها؟
أم خالد : طيب أنت مالك ومالها؟تشوف حالها .. تعيش لوحدها..
سكت وما رد..وكان قد وصل للبيت .. نزلت أمه .. وهو راح على المستشفى..
........
في المساء خالد جالس في الصالة أمام التلفزيون يقلب في القنوات ما استقر على شي..
شاف نورا داخلة من باب البيت ..
خالد: من وين جاية؟
نورا بتردد: من عند مرام
خالد : كيف هي الآن ؟
نورا: أحسن شوية .. بس فيها عناد الأرض ..ما رضيت تأكل إلا بعدما نشف ريقي..
خالد: ليش هالحركات؟؟
نورا بصوت منخفض: أنت السبب..وراحت من أمام خالد قبل ما تعطيه فرصة يتكلم أو يرد........
خالد يفكر في هذه البنت وتصرفاتها... والكلام اللي سمعة عنها؟؟؟ بس كيف تجي هذه؟؟؟ ما قدر يربطهم ببعض؟؟؟حط الريموت وراح على غرفته .. بدأ يشعر أنه مصدع....
........
في اليوم التالي..
راحت مرام على عملها وهي باين عليها الإرهاق..فطرت في المصلى وأخذت العلاج..
راحت للمكتب..وقبل ما تجلس... شافت وردة بيضاء على لوحة المفاتيح..
كان الكل متواجد .. على طول عرفت أنها من عبد الحافظ..
أخذتها وعلى طول على سلة المهملات...
وبكل هدوء جلست وتبدأ عملها..
عبد الحافظ تنرفز من ردة فعلها.. من أسبوع وهو يعتذر لها .. وسوى كل شي .. واستخدم كل الأساليب والطرق..
ايش يسوي بعد.. وراح وقف أمامها..
عبد الحافظ بعصبيه: أنت من تحسبي نفسك؟ صح غلطنا .. والكل يغلط .. واعتذرنا.. والكل يقبل ويتقبل الاعتذار..بس أنتي على راسك ريشة؟؟
مرام ولا كأنه موجود تطبع في الأوراق ..
عبد الحافظ بصوت حاد: هاي نحن هنا .. يا أهل البيت..
مرام ترفع راسها : تكلمني؟؟؟؟؟؟؟؟؟؟
عبد الحافظ وهو يكاد ينفجر: لا..
رجعت على طول تكمل شغلها..ولا كأن في شي..
عبد الحافظ: طيب براحتك..
وخرج من المكتب....
أيمن: مرام ما كأنك زوديتها شويه؟
محمد: يعني الرجال غلط .. واعترف .. واعتذر.. والمسامح كريم..
مرام: وأنا ما طلبت منه يعتذر.. بعدين ليش هو مصر يكلمني؟؟؟؟
أنا ما أحب يكون بيني وبينه أي كلام؟؟؟حتى لو في إطار العمل..
وعلى فكرة أنا قدمت على طلب نقل مكتبي لأي قسم ثاني.. بس الآن ما في مكان شاغر..
المسألة مسألة وقت...
رجع عبد الحافظ وجلس على مكتبه أمامها.. وظل يتأملها..
عبد الحافظ: مرام...
مرام: ................
عبد الحافظ: فيك شي؟؟؟
مرام شافت ناحيته بس ما ردت..
عبد الحافظ: شكلك تعبانه ..
أخذت مرام نفسها وخرجت من المكتب...

...........
بعد أيام.....
صحت من النوم على صوت الباب..شافت الساعة ثنتين في الليل..استغربت .. بس حست بخوف.. قامت وحطت المنشفة على راسها وقربت من الباب...
مرام: من ؟؟
نورا: أنا يا مرام افتحي..
شعرت بخوف أكبر.. وفتحت..
مرام : خير نورا في شي؟؟
نورا: شجون..
مرام : خير أيش فيها؟
نورا: تعبانه .. ومحمومة .. جينا نشربها علاج.. راسها وألف لا ما تشربها إلا ماما.. اللي هي أنتي..وكمان معاها إبرة.. حاول خالد بكل السبل.. بس ما في فايدة..حتى... وسكتت..
مرام: حتى أيش؟
نورا: حتى أنه ضربها..لما عرف أنها ما تشتيك(تريدك) إلا أنت..
مرام: قصدك أطلع؟
نورا: ماباليد حيله..
مرام ما عاد دخلت بيتهم من يوم العزيمة...لكنها الآن مضطرة ..بس هي وعدت هذا الخالد ما تدخل في الأمور الطبية في عائلته؟؟؟ كيف تسوي؟؟؟ سمت بالله ولبست عبايتها وبرقعها..وطلـ؛ـعت.....
دخلت هي ونورا.. وكان خالد في الصالة واقف وهو باين عليه معصب..
صوت شجون كان مالي البيت.. كانت في حضن جدتها..
حضنتها مرام والصغيرة تبكي بحرقة مقهورة من أبوها..
شجون من بين شهقاتها: ماما .. ماما ضربوني ياماما .. وتبكي بحرقة..
ضمتها مرام بكل حنان الأرض: شجون حبيبتي طيب ليش ما تشربي العلاج..
شجون: ماما إبرة ..
مرام: عشان أميرتي تطيب .. وتلعب وتجري
شجون: لا لا لا أنا خايفة..
وقبل ما تنطق مرام بأي كلمة .. جاء صوت خالد غاضب: أمي .. ما هي آخرتها معاكم؟ ومن متى أم بنتنا ما نعرفها؟ البنت تحتاج بس ضربة على أصولها..زادت عليك الحنية..خليني أربي بنتي .. أحسن ما أدري إلا وقد مع البنت أب ثاني..
كانت الكلمات على مرام كالسم الزعاف..
وشجون زاد خوفها لما سمعت صوت أبوها.. ضمتها مرام أكثر..
مرام: شجون أنا بضرب لك الإبرة..
شجون: لا لا لا ..
مرام: ولك اللي ودك..
شجون: لا لا لا
مرام: هذا وعد مني ..
شجون يزيد بكاها..
أم خالد تعطي مرام الشراب الخاص بالاطفال: خلاص يامرام بلاش الابره خليها تشرب لنا هذا العلاج راضين ..
وبعد جهد جهيد اقتنعت شجون بعدما وعدتها مرام انها تجيب لها الاشياء اللي طلبتها مقابل انها تشرب ملعقة العلاج...
نامت البنوته بعد العلاج بشويه حطتها مرام على سريرها ورجعت على غرفتها....
..............
حاولت تنام.. بس ما جاها نوم وهي تتذكر كلماته عندما خرجت..
خالد: هاي أنتي.. لهنا كفاية.. آخرتها تكوني أنتي أم لبنتي.. أخاف بكرة تجيبي لها أب كمان..روحي دوري لك على سكن بعيد عنا..
دموعها شاركتها كل حسراتها..وآلامها
استغفرت ربها..وقامت على صوت أذان الفجر وصلت فرضها ..وقرأت وردها .. وأذكارها..
.............
خالد جالس قرب بنته بعدما نامت..
ولسان حاله يقول:
(ياما ضحكت بدنيتي ضحكة افراح
وياما بكيت من الفرح بعد الأحزان..
ياما ذرف دمعي على خدي نضاح
وياما نشف لحظة على كف الأوجوان..
عيني جفاها النوم أيام وانزاح..
باتت سهيره تنشد أحوال إنسان..
إنسان غالي نوره في قلبي صباح..
نبضه يحرك خافقي ودم شريان..
في ليلة عشنا بها هم واتراح
بنيتي فيها الألم بات سكان
غطت براءة حسنها أتعاب وصياح
على سرير فاقدن حب وتحنان..
صارت كما وردة لفحها غبرة رياح..
وارتجينا ربي يجلي عنها ما كان..
بدعوة صادقة بسجدة والحاح..
وجمعنا مع علاجها سنة وقران..
رحلة ألم تمت أيام ما ترتاح..
تشكي ببكاها لهلها ورب الأكوان..
سميتها شجون يوم طيفها لاح..
بعد الشفا سميتها شعاع الأكوان...)
منقول
............


في المكتب تنجز عملها.. ساكتة.. هادئة..تفكر وين تروح ..
رن هاتف المكتب...
مرام بصوت كله حزن: ألو...
.............
مرام: طيب ، ثواني..عبد الحافظ تلفون لك..
قام عبد الحافظ : ألو..
......
"نعم؟ الآن جاي ثواني بس...
التفت ناحية الشباب: شباب من يخلص لي عملي ؟ التسليم بكرة..عشان نبدأ التنفيذ..
بس ما أحد رد عليه..
عبد الحافظ: محمد أيمن.. أنا لازم أروح المستشفى زوجتي في حالة ولادة ..
محمد: عيب أقولك اركن وأنا مشغول..
وقبل ما ينطق أيمن حرف أشرت له مرام بإيماءة من رأسها أنه يقبل العمل..
انحرج أيمن: طيب خلاص بحاول أخلصه روح..
عبد الحافظ: من زمان أنا عارف أنك رجل المواقف.. مش زي بعض الناس ويطالع محمد..وخرج على عجل..
أيمن: بس يا مرام أنا عندي عمل يمكن أكثر من محمد حتى..
مرام: عادي.. ومن قال أنك بتخلصه؟؟؟!
محمد: قصدك هذي فرصتك تنتقمي منه؟؟
مرام بدهشة: يا ساتر كيف تفكروا!! لا أنا بخلصه ..بس هو يظن أنه أيمن..
محمد وايمن حاسين ان في مرام شي.. لكن ماسألوا وماحبوا يتدخلوا شكلها وصوتها مبين عليها كل شي اليوم....
ومرام قامت واتجهت لكمبيوتر عبد الحافظ..

راقني انتقائك الماسي
تسلم يمينك
ودام عطائك العذب
پآقة ورد

سلمت يمناك
طرح جميل جدا

الله يعطيك العافية

سلم ذوقك واختيارك
ربي يعطيك العافيه
وما ننحرم من جمال طرحك
لروحك الجوري

يسلمو ع المرور

سلمت أناملك لروعة ذوقك
يسعدك ربي ويحقق أمانيك

يسلمو ع المرور

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

يسلمو ع المرور