أوراق غيرت لونها /البـــارت الــثانـــــي عشــــــــــر

خالد مبهوت...
كأن كهرباء صعقته وهو يقرأ الاسم...
محمد يوقف: طيب دكتور نقدر نروح؟؟
خالد يهز رأسه: أي نعم . . وما تقلق ما يصير إلا الخير...
.......................
في المساء...
منار ونورا في الصالة يشوفوا التي في..
منار : نورا اقولك لاتلمسي الريموت مره ثانية استقري على شي
نورا بضحكة :معك تلفزيون في غرفتك روحي شاهدي هناك
منار بتريقه : ووووالله لاهذا عاجبني
تخرج أم خالد : اقول ممكن تحطوا لنا على محطة اخبار شوية؟
منار : على طول عمه .. يلا نورا غيري المحطة .. وتتشفى في نورا ترفع حواجبها وتنزلهم
نورا بزعل : امي يعني خلصنا من خالد جيتي انتي؟ ليش انتو هكذا ماتخلوا الواحد يأخذ راحته حتى باللي يشاهد؟
أم خالد تضحك : انتي ماتشاهدي شي يابنتي انت كل ثلاثين ثانية في محطه !!
........................
منار تدخل غرفتها تشوف خالد ممد على السرير ويدياته تحت راسه ويطالع السقف..
منار: خالد ليش سرحان؟
خالد يلتفت ناحية منار: ناموا شجون وأحمد؟
منار: من زمان..
خالد يتأمل وجه منار ويتذكر السيدة .. ومحمد..
تشبهها.. خالد يكلم نفسه.. والاسم نفس الاسم.. لا إله إلا الله ..يمكن تشابه في الأسماء..
لازم أتأكد..
منار: خالد!!!!!!!!
خالد يعدل جلسته ويوقف : خليني أصلي عشاء .. عادنا ما صليت..
منار باستغراب : تخوفني أحيانا بتصرفاتك خالد..
يقرب خالد منها ويرفع وجهها لوجه بيده: قلت لك ما تخافي وأنتي معي...ويبتسم من قلب..
ويروح يتوضأ
..................
بعد أسبوع... وبعد المراجعات والذهاب والاياب.. تتم عملية أم محمد
خالد يدخل الغرفة رقم 27 يطمن على ام محمد..
وهي نفس الغرفة اللي كانت منار نايمه فيها
خالد: الحمد لله على السلامة..يا خاله..
أم محمد: .............بس تهز راسها..
محمد : مشكور دكتور .. والله تعبناك معنا..
خالد: ما تقول كذا يا رجال.. يشهد الله أمك في مقام أمي..بس تعال معي المكتب..
..........
خالد يدقق في بعض الاوراق..
ومحمد جالس وساكت..
خالد يسترق نظره بين لحظة والثانية ناحية محمد..
محمد شخصية هااادئة وواضح انها صبورة.. بدليل انه لو شخص ثاني منتظر الدكتور هو يطالع الاوراق ماظل ساكت بهذا الشكل مانطق بحرف..
خالد يحط الاوراق : محمد تشرب شي؟
محمد: لا تسلم دكتور.. خير دكتور في أمي شي؟..
خالد: نفسية أمك جدا متدهورة..شفتوا لها طبيب نفسي؟؟
محمد: لا..
خالد: ليش؟
محمد: لأننا نعرف علاجها .. وهو مش موجود...
خالد يحط يداته على دقنه ويتكئ بمرفقه على المكتب : خير إن شاء الله..من بيجلس مرافق مع أمك .. ولا نشوف لها ممرضه..
محمد: لا .. بيجو الأهل..(زوجته)
..................
خالد جالس مع احمد في المجلس ..من فتره احمد مغيب عليهم.. والكل مستغرب..
لكن هو حاضر جسد فقط .. اما فكره فكان في عالم ثاني..
أحمد: خالد.. أيش فيك سرحان؟ لي ساعة أكلمك..
خالد بنص عين : ما في شي .. مشاكل عمل..
أحمد: وليش حامي علينا.. خلاص قلنا نسينا الزعل .. وحياتك أنت حر فيها...
خالد بسخريه : وأيش غير وجهة نظرك.؟
أحمد: عادي .. حياتك.. وأنت حر..
خالد : أنا أشك يا أخي أن هذا الهدوء الذي يسبق العاصفة..
أحمد يضحك : يعجبني ذكائك يا أخي..
خالد: صدق ما أحد يجلس معك..
أحمد: خلاص ولا تزعل .. أمزح معك..
...................
خالد بدأ يتحرك في كل الاتجاهات من اجل أن يتأكد من الذي يدور في خلده..
يمشي بالسيارة ونظره يدور هنا وهناك .. إلى ان وجد ظالته..
توقف .. ونزل...
شركة الـ.....

محمد بسعادة فيها ود : يا أهلا وسهلا.. يا مرحبا.. والله شرفتنا دكتور..
خالد يبتسم: شيل الكلفة والله أحسبك أخي..
محمد: والنعم فيك دكتور..
خالد: كيف الوالدة؟
محمد: كل يوم وهي أحسن من الأول..
خالد: الحمدلله طمنتني.. طيب .. أولا آسف جيت من غير موعد.. بس كنت ماشي من هنا .. وشفت مجموعتكم.. قلت أمر أسلم عليك..
(محمد وأخوته معهم مجموعة شركات للأثاث المنزلي والمكتبي.. والمطابخ الجاهزة..)
محمد: الشركة شركتك.. وقت ما تحب كلنا تحت أمرك..
خالد: تسلم.. ماتقصر الآن استأذنك...
محمد:لا أيش تستأذن .. والله مانتغدى إلا سوى..
خالد: خليها مره ثانية..
محمد: أنا حلفت.. والبيت مش بعيد..
..............
نورا تنادي منار : منااااااااار جوالك يرن شكله خالد أرد؟
منار تطلع من المطبخ وتمسح يدها بمنديل من الماء .. لا خلاص انا جيت
وترد على الجوال ..
منار: طيب..
خالد في الطرف الاخر: ............
منار تعقد حواجبها : يعني ما بترجع إلا في المساء..؟
.خالد :............
منار: الله يكون في عونك.. القلب داعي لك..
منار تسكر الجوال: نورا .. مدري أيش فيه خالد هذي الأيام؟
نورا بغلاسه: ناوي يتزوج عليك..
منار تمتعض : يخ منك.. ما أحد يكلمك..
نورا بجدية: صدق أيش فيه أخي؟
منار: ما أدري.. يسرح كثير..
نورا: يمكن مشاكل عمل؟
منار: هو يقول كذا .. بس ما أدري ليش ما اقتنعت..
تسمع بكاء أحمد الصغير.. وتروح له...
.................
خالد: أكل طعامكم الأبرار.. وصلت عليكم الملائكة.. وذكركم الله في من عنده..
محمد: تسلم.. دكتور خالد.. شوي ويجي الشاي..
خالد: إذا ماتركت الكلفة بيننا ما أشرب شاي..
محمد يضحك : خلاص ..ولا يهمك..
خالد: محمد..ممكن أشوف الوالد؟
محمد شعر بسعاده : أكيد..تفضل..
ومشى هو وخالد لغرفة أبو محمد..
يطرق محمد الباب طرقات خفيفة ويدخل هو وخالد
أبو محمد ممد على سريره .. واضح انه تعبان.. ستيني شعره انتصف بياضا وسوادا..
ملامح قوية لكن الارهاق قد اكل منها وشرب..

محمد: السلام عليكم يا أبي..
أبو محمد: وعليكم السلام ورحمة الله وبركاته.. بس بصعوبه.. كونه مصاب بجلطه..
خالد يتقدم ويسلم عليه : طهور إن شاء الله يا والد..
أبو محمد يهز راسه..
تدخل بنت صغيرة شعرها اسود قصير وعيونها وساع وواضح عليها الدلال في حدود عشر سنوات تقول بخجل : بابا.. تقول ماما الشاهي جاهز..
خالد: بسم الله ما شاء الله.. هذي بنتك؟
محمد: أيوه..
خالد: معاها إخوان..؟
محمد: هذي الكبيرة.. بعدها ولد وبنت..
خالد يتأمل البنت .. تشبه لمنار ..
محمد: عجبتك؟ لو كانت أكبر.. ولو ما كنت متزوج كنا زوجناك..ويضحك..
خالد يضحك : وين أم أحمد تسمع؟
ويضحك هو ومحمد..
خالد: عادي بنت أخوك؟
محمد وهو يضحك: عبدالله أخي اللي تغدينا إحنا وياه ما معاه أولاد ما صار له سنه متزوج..
وأخي بلال عايش في بيت مستقل ومعاه ولدين..يعني ما في أمل..
خالد: يعني أنت الكبير..
محمد: أكيد..
خالد ما يحب الفضول .. وطول عمره ماكان فضولي.. بس اليوم تحول المحقق كونان!!!
خالد: أحم.. خلاص.. أكيد باقي كريمة(أخت)
محمد يضحك : هذا صدق ناوي على عليها!!!يقصد الزواج
خالد يرفع اكتافه وينزلهم : مش أنت من فتح الموضوع؟
محمد: استاهل.. بس ما عندي خوات .. كلهم متزوجات.. هم واحده أكبر مني.. وثنتين أصغر مني..
خالد لازم يستمر في الموضوع..
خالد: يعني إحنا أكثر منكم
محمد:بكم؟
خالد: بولد واحد.. بكر أبي .. بس مش من أمي..
واستمر الكلام..............
................
الساعة التاسعة مساءا .. وصراخ احمد الصغير مالي البيت
منار رايحه جايه بالولد وهو مستمر بالبكاء..
أم خالد: منار أيش فيه أحمد ما سكت؟
منار وهي تهز الولد: ما أدري يمكن مغص..
خالد يدخل : أيش فيه أحمد...
منار: ما أدري حتى جبت له من قطر المغص ما سكت..
يحضن خالد أحمد يهزه بين يديه.. ويبدو أن مفعول الدواء بدأ ينفع.. سكت أحمد..
خالد يلاعب احمد : يا حبيبي.. كان تقول لهم من الصبح . . أشتي حضن بابا وأنا أسكت..
أم خالد تضحك..
منار راسها مصدع من صراخ احمد : طيب ما راحت له هالولد..
خالد: وين شجون؟
منار: هي ونورا تعرفهم مثل توم وجيري..
....................
منار تغطي احمد .. على سريرة الصغير ..
منار :خالد بروح اشوف شجون
خالد : هي عند نورا اليوم
منار :ولو بروح وارجع بسرعة
راحت طرقت بخفيف باب غرفة نورا..
نورا : ادخل ..
تدخل منار تشوف شجون نايمه جنب عمتها ..ونورا سرحانه
منار : خير نورا فيك شي؟
نورا تتنهد : لا مافي شي ماتشغلي بالك..
منار : طيب نورا انا جيت اشوف شجون بس مادام هي عندك اطمنت
تصبحي على خير..
نورا : وانتي بألف خير..
....................

خالد: منار ..
منار: خير حياتي..
خالد: أشوفك ما تنامي هذي الأيام تمام..
منار: من قال لك؟
خالد بنوع من الاسى: تحسبيني ما أعرف؟
أنا أصحى في الليل دائما وأعرف أنك صاحية.. في شي مقلق لك..
منار:............ولفت ظهرها له..
خالد: منار.. التفتي لي..
التفتت منار وعيونها مليانه دموع..
خالد يمسح دموعها بيده..
خالد: منار..والله هذا ما يصح..
منار:..........بس دفنت وجهها في صدر خالد وراحت في بكاء صامت .. علها تخرج ما في نفسها..
اشتاقت لحسام.. واشتاقت لكل قلب محب لها ..
ومحبة لهم..
...................
خالد في المستشفى ..يمشي في الممر الواسع وهو ماشي يصادف محمد...
خالد يمد يده يسلم على محمد : اهلا محمد ..
محمد : حياك الله دكتور .. الحمدلله اني لقيتك.. كنت احب استفسر عن موضوع..
خالد : طيب تعال نروح على العيادة نجلس ونتكلم
محمد : بس مااكون معطلك..
خالد : معي نص ساعة تكفي؟
محمد بإمتنان :تكفي وزياده دكتور خالد
...................
خالد بعدما اطلع على الاوراق ..تنهد..

محمد بقلق : يعني ما في أمل ؟
خالد بأسى: أنا أشوف أن الأمل ضعيف .. الجلطة كانت قوية.. وكل شي بيد الله..
محمد بأسى اكبر: يارب لطفك..
خالد بعد تردد: محمد.. ممكن أسألك سؤال؟
محمد: تفضل..
خالد: ممكن أعرف ما سبب جلطة الوالد.. وصدمة الوالدة؟ طبعا إذا ما كان سؤالي غليظ وثقيل دم.. يشهد الله اني حبيتكم.. وحابب أساعدكم لو في يدي شي..
محمد يصمت...: وبعد صمت رآه خالد كأنه سنين...
محمد يتنهد ويسكت............
خالد شعر بغصة محمد : أنا آسف ماقصدت اضايقك .. لكن حبيت أساعد لو اقدر ..
خالد : طيب دكتور الان انت مشغول اول ماتخلص تقدر تجي للشركة وانا بحكي لك كل شي...
خالد يبتسم وقلبه يخفق : اوكي إن شاء الله الساعة 2 الظهر واناعندك...
....................
في المساء......
خالد يفتح الباب ويدخل يشوف الكل جالس في الصالة ..
خالد : السلام عليكم..
منار : وعليكم السلام .. هلا خالد ..
أم خالد: خير ياولدي شكلك تعبان اليوم مره .. حتى غدا ماجيت تتغدى.. الله يكون في عونك..
خالد يرد بابتسامة صفراء ويروح على غرفته..
منار تلحق به..
تدخل هو يعلق جاكته على الشماعة..
منار : خالد تعشيت ولا اجيب لك عشا؟
خالد يتأمل منار بعيون شارده ...
منار : خالد حبيبي فيك شي؟ لا تخوفني..
خالد يجلس على كرسي ويخلع شرباته : لا تخافي حياتي شوية ارهاق.. انا ميت جوع جيبي لي أي شي آكل..
وراح على الحمام عشان يتوضأ..
.....................
منار راحت جابت لخالد عشاء وجلست تتألم فيه بعيون كلها وجل..
خالد الاكل قدامه لكن سرحان ..
منار تشعر بقلبها يقفز من صدرها : خالد ...
خالد : نعم منار؟
منار : ليش ماتأكل؟؟
خالد : هاه؟؟ طيب ...ومد يده
.................................
منار تخرج من الغرفة وتغلق الباب بهدوء.. تروح على الصالة وتجلس جنب نورا..
أم خالد: أيش فيه خالد يا بنتي؟
منار باستغراب : والله يا عمه ما أدري من ساعة ما رجع وهو على هذه الحال..ساكت وما يتكلم..
نورا: كله كوم ونظرات الأسى في عيونه كوم.. ياربي لطفك بأخي...
.....................
منار تدخل الغرفة: خالد...
خالد يلتفت لها...
منار: خوفتنا عليك حبيبي.. في شي حصل في العمل..؟
خالد مجمد نظراته على منار.. وهو يتذكر كلماتها:
أقولك الإجابة وتصدقني..
خالد: أكيد..
ـ بس أوعدني عندما تسمع إجابتي.. ما تسأل ولا تجادل..
خالد: طيب ..أوعدك..
ـ حتى أنا ما أعرف ما سببها.....
يقطع عليه سرحانه صوت منار..
منار بخوف وبصوت باكي: حبيبي فيك شي..
خالد يجلس بعدما كان ممدد :منار تعالي..
منار تجلس جنبه وتحط يدها على جبهته..
خالد يضحك من ردة فعلها : ما تخافي ما فيني شي..
منار: كيف ما فيك شي .. وأنت على هذه الحالة من ساعة ما جيت..
خالد يهمس في أذنها: منار.. أحبك.. والله أحبك..
منار ترفع حواجبها بدهشة وخوف : لا تخوفني.. قلبها يدق بسرعة
خالد يبتسم لها : ما تشغلي بالك..وتعالي...
.....................
أم خالد في الصالة تدعي لخالد..
نورا : امي وأنا؟
أم خالد : نورا مش وقت غلاستك شكل اخوك في محنه ادعي له انتي كمان
.............................

منار نامت .. بس خالد ما جاه نوم .. يتأمل وجه
منار بشرود وهو يتذكر محمد...
محمد: احنا ثلاث أخوه وثلاث أخوات..
تزوجت أنا وتزوجت أختي الكبيرة وأختي الوسطى.. وبقيت آخر العنقود..لما دخلت الثانوية جاها عريس ما يتعوض.. ..
وبالأصح ما يتعوض بالنسبة لأبي..لأن أبي كان تاجر وله اهتمامات يكبر تجارته وكان هذا المتقدم صاحب شركات.. عرض على أبي أنه يشغل له تجارته اكثر برأس مال معين..مع أنه أحنا كان حالنا الحمد لله زيما انت شايف وما معانا يكفينا وزياده كمان وفي عيش كريم ولا اطيب...
ومع ان اختي كان مدللة العائلة خاصة من جهة ابي.. إلا ان مركز الرجل المتقدم لها اعمى بصيرته تماما.. وزوجناها ..
وما درينا ما كانت تعانيه أختي من ضرب وإهانات.. وكانت إذا جاءت يرجعها أبي..وتعرف إذا كان الرجل نذل ما يكبرها في نظره .. بالعكس يصغرها..
ومره جت وجلست سنه.. ورجعها أبي وما أحد راضي مننا اللي احنا اخوتها .. .. كانت تشوفه كل دنيتها..وكانت طموحة .. خلصت الثانوية..وبعدها جابت ولد.. ودخلت جامعة..وتحدت الكل.. وكل الصعوبات..
خالد ساكت.. ومحمد يكمل..
وفي يوم.. كبرت بينهم المشكلة..وامتدت عليها يده.. وجاءت تترجى أبي ما تحب ترجع..بس أبي ما سمع منها كلمة.. وأنا ما كنت موجود..كنت في عدن كان معي شغل..
بس بلال وقف له بكل معنى الكلمة..وكبرت المشكلة.. وانتهت بانفصال أختي عن زوجها..
ومرت سنه وهي متحملة تجريح أبي ليل ونهار..وبعد ولدها عنها..لأن أبوه رفض يخليه عندها.. وأبي رافض أنها تأخذه..ومرت سنه كاملة..وأبي ينهرها ليل ونهار..ويهزئها كل ست ساعات .. وكأنها جرعة مضاد حيوي.. ..وفي يوم كانت في المطبخ..جاء أبي مثل الزوبعة ما درينا ماله أو ايش اللي قالب حاله.. وضرب أختي..ولاول مره يمد يده لها .. وكان على النار ماء يغلي.. أخذ أبي القدر وسكبه عليها هي حاولت تهرب من الماء ووقع الماء على ظهرها ..وهو يسب ويلعن ويزبد ويرعد وما أحد يدري ليش..وكمل وضربها على جروحها الساخنة.. وأسعفناها..وحالها تألم..
وجلست في المستشفى ثلاث ايام ..وهي ماتدري ايش الموضوع لاهي ولااحنا .. وكلما كلمنا ابي ثار مثل البركان..وبعد خروجها من المستشفى بيوم.. ما سمعنا أبي إلا وهو يتوعد ويجري زي المجنون وفي يده مسدس ناحية أختي..زوجتي أسرعت ولبستها البالطو وطلبت منها تخرج من البيت..
كانت الساعة 11في الليل..
وخرجت أختي وما رجعت بعدها.. بس تقول زوجتي أنها سمعتها وهي تقول بخرج بس ما برجع.. والأهل كان قصدهم أنها تروح عند أي أحد من أقاربنا بينما..
وجن جنون أبي...
أنا ماعرفت انها خرجت.. ظنيتها في غرفتي.. لما شفتها تخرج مع ام العيال من غرفتها ..
مسكت المسدس من يد أبي: طيب قول لي أيش سوت..
أبي بصوت يرعد ويزبد: هذه الحقيرة ما تدري أيش سوت..
أنا بغضب: طيب قل لي..
أبي: رحت أمس العصر عند مختار أطلب أرباح السنة ...تعرف أيش قال..
قال جاءأمس الصباح وما في أحد في البيت إلا أختك..وفتحت له الباب ودخلته وأعطاها الشيك..ومكتوب عليه لحامله..
أنا ساعتها جن جنوني اصلا ماوافقت على زواجها على هذا مختار وكان يوم عيد عندي يوم تخلصت منه وانا اكثر شخص يعرف خسته وخسة امثاله ..
أنا : وصدقت مختار هذا؟ما طاقته وهي على ذمته فكيف تفتح له أو تأخذ منه شي.. أحسبها صح يا أبي..وبعدين ليش جالس تتعامل معاه. .
أبي: أنا سألتها أحد جاء يدور عليا؟ قالت لا بس مختار اتصل قال تمر له بكره..
واليوم سمعتها وهي تكلم بلال وتقول له إذا كنت بحاجة فلوس يا أخي ما تهتم بعطيك من المية للألف.. سرقتني وأنا على الحياة..
يتنهد محمد بأسى ...... ويلتفت لخالد المتجمد في مكانه : تدري من مختار...
خالد يكتفي بهز راسه ..بمعنى لا...
محمد بضحكة سخرية : مختار الـ.........
خالد بصدمة : مختار الـ...... مدير شركات الـ....
محمد : ماغيره ... عشان كذا ابي تطمع فيه .. مع اننا مااحنا ناقصين تجاره..
خالد يعدل جلسته على الكرسي :وبعدين يامحمد؟
محمد: بلال ما كان موجود..واتصل فيه جواله مغلق..وأسبوع واحنا ندور على أختي .. وما في فايده.. وبعدها رحت لمختار..
فتحت باب المكتب بقوه..
مختار : هاي من أنت عشان تسوي كذا أيش فاكر نفسك؟
محمد: شوف إذا ما قلت لي أيش اللي حصل بالضبط والله ما أخرج من هنا إلا براسك..
مختار بغطرسه : من تظن نفسك.. الأمن بيرموك زي الزبالة..
محمد يمسك برقبته: أقولك أيش حصل ومتى جيت للبيت؟ ساعتها بنشوف من هو الزبالة ... ولأول مره في حياتي ياخالد.. استخدم الفاظ ما اعرفها عمري..
ولأول مره اهدد بنفوذ عمي واولاده في السلك العسكري.....
وبنشوف من بيرمي الثاني في الجب ولا من شاف ولا من درى..

وفعلا كبر الموضوع اشتبكنا بالايدي.. وانحبست شهر..
وبعدها عرف مختار أن أختي مختفية..
وجاء للبيت العديم الاخلاق : شوف يا عمي..أنا حولت برأس مالك لحسابك في البنك ..لأن بصراحة ما منه فايده.. وبعدين يكفي ما جاني من عيالك..وإذا على الشيك أو اني جيت للبيت والله ما حصل من هذا شي.. أنا اتصلت أدور عليك للتلفون الثابت لأن جوالك كان مغلق وعرفت أن ما في أحد في البيت.. بس كان لي دين عند بنتك وحبيت ترده لي بس على
طريقتي..
أمي من بعد خروج أختي صمتت..وأبي من بعد كلام مختار مرض وأصابته جلطة..
هذي قصتنا يا أخي.. وما يعرفها إلا القليل..وإذا سأل أحد عن أختي نقول هي في البلاد..(يعني القرية)
خالد كأنه الان في غيبوبه ..
خالد : إنا لله وإنا إليه راجعون..
ويكمل : يعني هي بريئة .. وما تدري عن شي.. وللآن ما تعرف أن ما لها أي دخل في شي؟وما تعرف ماهي القصة أصلا..!!!!!
محمد: هذا إذا كانت عايشة كانت في المستشفى تسألني ليش أبي عمل اللي عمله وأناماكان عندي اي رد.. لأني انا كمان ماكنت اعرف.
.. وعلى فكرة ..أنا سألت بلال أمام أبي عن عرض أختي له أنها بتعطية فلوس.. وعرفنا أنها كانت تقصد ذهبها اللي ما زال عند مختار..و كان كثير ويساوي ثروة.. وكانت مصرة أنها تطالب فيه...لأن بلال كان ناوي يفتح مشروع صغير خاص فيه بس..
خالد :يعني يا محمد لو تعرفوا مكان أختكم بيتحسن الوضع؟
محمد بحسرة:أكيد.. فأمنية أبي الوحيدة أنه يستسمح منها قبل ما يموت..
يخرج خالد من معمعة ما يجول بخاطرة صوت الأذان الأول..
يقوم يتوضأ ويفرش سجادته ليصلي ركعتين لله.. يدعوا فيها بما في نفسه..
................
وبعد مضي أيام... كان أحمد ومحمد أكثر من صديقين..بعدما عرف خالد أخوة أحمد بمحمد وأخوته متعمدا .. وزار أبوه كمان..
وتوطدت العلاقة بينهم..
.............
منار على حالها في قلق على حال خالد..
وخالد يحاول انه يبدو طبيعي .. لكن احساس منار مايخيب.. ولاحظت تغيره..
منار تحاول تعرف مابال زوجها ..
وخالد يحاول بأي طريقة يصلح مابين منار وأسرتها ..
منار قلبها يخفق وجل..
وخالد قلبه يخفق ألم..
..........................



يتبع ..