قصيدة المدلهمه ...

يارب ماني عبد صالح أو رسول
ولاني من أصحاب النبي والأئمه

أنا على الله عبد يطلبك القبول
ولو بعض أعمالي عليها مذمه

جيتك كأني ورد يغشاه الذبول
وقلبي أبيك تشيل يارب همه

في خاطري يارب أحزان(ن)تجول
ماكنها ألا داب يغرز بسمه

مالي بهالدنيا تمني ولا حول
واحسني عايش بهم(ن) وغمه

لكني أعرف إن مولايه يقول
من تاب يغفر له خطاويه جمه

يارب عطني لين أنا أصير مذهول
من كثر ماجاني بيديني ألمه

أنا لرحمة خالقي أنوي الوصول
يارب عندي رحمتك بي مهمه

مولاي أنا والله من ذنبي خجول
وانت الذي أرجوك في المدلهمه

والله ماني شخص كاذب أو جهول
وعندي بحمد ألله ضمير( ن) وذمه

وفي النهاية قوم صلِ عالرسول
المصطفى إللي أُمته خير أُمه

منقول