10-06-2016
|
|
|
سهام عيونك رميوني
كوني نجمة باحلامي وبعلمي روح
حتى شوفك بمنامي ترجع لي الروح
رح احلفلك بحياتي بحبي رح بوح
ورح قلك ع امالي بقلبي المجروح
كنت العمر بايامو وسنين العمر
بنظرة منك ياعيوني بمشي ع الجمر
حتى الخمر بكاسو ماعاد يسر
بنظرة منك او بسمة بتسكرني دهر
شعرك قطعة من ليلي وكفك من نور
سهامك دخلت ع قلبي جرحتني دهور
رموشي كانو خدامك داخل القصور
اخرتا طلعتي شامة ع خدر بدور
نظراتي عملت عملتها وركبت ديون
سهامك كيف بدي ردا بغمزة العيون
اذا غمزة عيني ماكفت عمري بيهون
وعيني ان بعدت عن عينك روحي بتكون
والخال اللي ع خدك اخدني بعيد
بحبك كم مرة قلتا برجع وبعيد
حنانك رجعلي قلبي طفل من جديد
وقلبك علم لي قلبي يفرح بالعيد
سهام عيونك رميوني وقالولي فل
عطرك عطر ايامي بورود وفل
حبك عمرو بقلبي لحظة ما قل
عيونك صارو قدامي ع عيوني تدل
جاهر ياقلبي بحبك علم القلوب
كل قلب الو سهامو للعين دروب
بعمرك ماتعمل جاهل وبسرعة تدوب
خلي عيونك لقلبا تبعت مكتوب
بقلمي
سيرين
(كتبتها عام 2007 سنة اولى جامعة كمحاولة اولى للكتابة بالشعر العامي )
ارجو ان تنال اعجابكم |
|
|
|
|
المواضيع المتشابهه
العرض الشجري