قصائد و أشعار عبدالمحسن بن سعيد

كان البحر قيثارة الملح والخوف
................................. والريشه المجداف بكفوف قارب
ياعين لامن صارت دموعك حروف
.................................... هلـّي قصيد يبل دقن وشوارب
شعبان قلبي تنبت رماح وسيوف
................................ وأنا عجزت أعرف من اللي بحارب
قالت وهي تغزل عروقي مع الصوف
..................................... كم لعربك مهاجرين المضارب
قلت الضيا خبري به العام مشيوف
................................. في وادي اسمه وادي أم العقارب
وأذكرني البارح وأنا اقهوي ضيوف
............................... شفت الأمل من جيب الإحساس هارب
تمشي بنا خطواتنا لين مـ نشوف
................................... عماير ملوك المحبـه مخارب
وإن مأثمرت مزارع الحب معروف
.................................... صار البعيد أوفى من أغلا الأقارب
ياعاجنين الضي والفي بكفوف
....................................... ماعمر حنا لونت في توارب
أنا : أنت , وأنت : الجرح , والجرح : في جوف
...................................... قصه تسربها الدموع السوارب
ياسر مايخفا ولاهو بمكشوف
....................................... الى متى للناس بابك موارب
ليت البحر مالحن أنشودة الخوف
........................................ ولا جمعني بك مع الملح قارب



وسلامتكم

اربع قصائد
للشاعر عبدالمحسن بن سعيد



بعض الحكي .!


والله وخطت شوارب جرحي الثاني
................ والجرح الأول نبت له لحيه وشابت
يا كلها شف بعضها وين وداني
................ ياظلها النور..وجروحي متى طابت
من ينقل عتاب عدواني لخلاني
.................. من ينزع الهم كانه بالصدر ثابت
يابنت جيت ألحق أعذارك ولا أمداني
............... والشمس ماتشرق إلا إن كانها غابت
طيب..نقول الرعد خاين وخلاني
................ بس المزن عقب هالغيبات وش جابت
كان الخطا بأن أنا مانيب أحد ثاني
................ فأنا أعترف رميتك ياعاذلي صابت
ياليت بعض الحكي ماجا على لساني
................... أو ليتني ماهقيت الهقوه وخابت
واليوم لو أملك النسيان لأنساني
................... وأهز صملان عين ٍ بالبكا رابت
والله مأسأل من المجني من الجاني
................... لكن هي شـموعنا تندم إذا ذابت
مدري أنا أكبر بكم دمعه من أحزاني
................ بس أدري بساعتي من عقربك هابت
والخوفه أنسا من اللي فيهم أشقاني
................... الحظ وإلا خفوق ٍ بالرجا سابت
من وين أنا جيت؟مدري! اسأل أوطاني
............... الظاهر أني مثل بعض الشجر نابت
والموت ياناس لوجرحي تعداني
............... والصالبه من ركيزات الصبر عابت
والله لأحلق شوارب جرحي الثاني
............... كان آخر أربع جروح من القهر شابت







بعض الاغاني الحزينة



ياعـنّها ماجت حياتي لو أقفيت=
وش ينفع المجداف عقب السفينه

ياللي تتم اليوم عامك من أخطيت=
وأنكرت من شالك بقلبه وعينه

إن كثرت البيبان لاتامن البيت=
وأذكر ترى بعض الأغاني حزينه

ياشمع بلغ وردتي كم تمنيت=
إن الشوارع تفهم أهل المدينه

واني غريب وكل ماقلت حنيت=
تعلقت في رجل الإحساس طينه

يابنت وإن طعت الليالي ولا جيت=
بعت المطر للغبم بيعة غبينه

وش عاد لو مره أنا أقول مليت=
قبل انفجر مثل الجروح الدفينه

مرّه وفي نفسي مع العيد ياليت=
يطري على السجان يعتق سجينه

وياعـنّها ماجت حياتي لو أخفيت=
اني مع المجداف خنت السفينه








حطين




كانت المصيبه عندي






أنها تتنقل مابين هنا وهناك











فوجدت الحل











وهو أن آتي بهناك إلى هنا














فأصبحت المصيبه عندي

















أنها ليست هنا ولا هناك


++++++++++++++++++++++++++++



حــطــيـــن


حـطـين بابل إرم وشـيوخ نجـد وسـبأ=
قريت عنهم بعـينك يوم كحـلك يسـيل

وحـلفت بأن الشعر في وصف غيرك غبأ=
وبأن أكبر الناس حظ اللي بحبك قتيل

إن قالوا الشمس فيها منك قلت تهبا=
ولو مانشمك قبل تاصل بليله قليل

ياحبي اللي غرامك في عروقي دبا=
كريم انا بس مهما قلت أحبك بخيل

الصبح والليل ومسيان منك تعبا=
إن جيت ضاعوا وصار الوقت طرفٍ كحيل

كم حاش رمشك وأستبد وسبا=
وكم خلفت بسمتك مجنون عاشق عليل

وكم طفل باسك بحلمه وأستدار وحبا=
وكم شايب أمسا شباب وجاك يصهل صهيل

مالومهن لو يغارن منك كل الضبا =
مزيون فتان مترف ذرب هرج وطويل

الله ياجرحي اللي من زمان الصبا=
القلب راوي غلا والجسم ضامر نحيل

حطين بابل إرم وشيوخ نجد وسبا=
تاريخ أخونه وأكون لطرف عينك عميل





الغياب

في مثل هذا اليوم قبل 36 عام كان لي موعد مع الوجود
والحقيقه بأنني حضرت حسب الموعد
ولكنني ما أن إكتشفت أن الواو مكرره في الوجود , إلا وتلقائيا ً
قمت بحذف الواو الثانيه .. فإذا بي بينكم على موعدٍ مع الوجد

وللعلم .. فإن كل هذه العمليه لم تستغرق سوى دقيقه إلا 24 ثانيه فقط
نعم 36 ثانيه وليست 36 عام وذلك لسبب بسيط
وهو أن الحب يختصر الزمان ويختزل الأحداث

وبما انني لا اطيق الانتظار فقد إستكثرت من الحب
فأحببتها وأحببتكم وأحببت الحب نفسه
إلى أن غدوت مهما أحب كثيرا ً
احس بأنني
آسف على انه لم يكن أكثر

وبعــد

بما أن لكل شئ أكثر من زاويه ممكن ان نراه منها

فلماذا لا نبحث عن الزاويه الأكثر حبا ً وبالتأكيد

ستكون هي الزاويه الأكثر وضوحا ً


والآن لم يبقى لي أن أقول

إلا

كلمتين ..

أو
لـعـلـهـا

بوســتين ..

ََ َ َ
ََ َ َ
ََ َ َ
العشب أذن الثرى .. والغيم صوت السما
هي كلها كلمتين .. وكل قاع ٍ تسيل

حبيبتي كانك الما .. قلت كلي ظما
وإن صرتي أنتي ظما .. أصير أنا سلسبيل

من قال بس إن زينك فيه كن وكما
ياروحي أنتي مثال لشي ماله مثيل

ياعل عين ٍ ترف بحضرتك للعما
وياعل عز ٍ مهو ماطاك يمسي ذليل

ماشفتي النور في حضن الظلام أرتما
مثله ترى الحب في حضنك يدوّر مقيل

خليك من كل ما .. أين ما .. طالما
حتى عيون المحال .. تشوفك المستحيل

الزين في الناس قاع وزينك أنتي غما
وحتى على النور لك ولظل ظلك جميل

ولو مامسحتي جبين الشمس أبد ماحما
والورد إلى شم عطرك قام عوده يميل

والخلق من طين ونور ونار وأنتي بـ ما
والا الهوى به خلق لي هالخفوق العليل

شفتي الى من كبر شوق الحبيب ونما
تلقين لمعه لدمعه في عيونه تخيل

حبيبتي كان قلبي بالضلوع احتما
لك رمش من حربته مايسلم الا قتيل

والعشب وجنة ثرى والغيم شفة سما
هي كلها بوستين وكل حبٍ يسيل


ََََََ َ ََ
ََ َ َ
ََ َ َ

مسسسآءً / صبآحً

آلعشششق حد آلهذيآنْ ..








؛؛






ياحبيبي ياحبيبي ياحبيبي لين أموت
كلمة ٍ لوعشت مأسمعها بأموت أقولها

ووالله اني لوسكت .. أقولها لك بالسكوت
وشفت وش طول الحياه ..أقول أحبك طولها

قلت أحبك وأنتثر في كل فمي طعم توت
قلت مشتاق وتجمع كل عمري حولها

أكتب اسمك تلبس حروفي غتر بيض وبشوت
أرسمك تنسا الحياه .. اللي قبل قد جولها

وإن بغيت أحكي لغيرك مانبت للحكي صوت
وكيف أببعد والليالي ماتشيل رجولها

ومن غدا قلبي مداين صارت عيونك بيوت
آه يابحور المشاعر .. كيف أبجمع لولها

ليلتين أطوي هدبك وخايف الرحله تفوت
وماوصلت إلا المدامع جف وقت وصولها

ألف مره يبتلعني في بحر خرساك حوت
نفسي هالمره عيونك ..يندفن مقتولها

لا تخوفني حبيبي لو تعاندني البخوت
وأنت كل حظوظي اللي ضحكتك مدلولها

خاشع ٍ قلبي بحبك مثل مأخشع بالقنوت
آه ياشمس ٍ تسولف والنجوم أصغوا لها

كل بسمه منك عيد ..ونظرتك للقلب قوت
وريحة أنفاسك مداخن عثورة معمولها

وياحبيبي ياحبيبي ياحبيبي قبل أموت
كلمة ٍ لك جيت أبسمعها ورحت أقولها






دوكمْ } ..

.
.



لعيونهـا نحيـا ولعيونهـا نمـوت
والعمـر مايسـوى علينـا عتبهـا

مرّيت فوق الجفن وسمعت لي صوت
زلّيـت لكنـه قضبـنـي هدبـهـا

وأمسيت في كحلٍ به خيـام وبيـوت
وأصبحت في غرّه كسانـي ذهبهـا

حبيبتي لو تـذرف الدمـع ياقـوت
صلّـى الزمـرد ركعتيـن وطلبهـا

حبيبتـي لاربّـع بثغرهـا الـتـوت
شال الهجيني مـن غلاهـا عنبهـا

حبيبتي وإن صار لي وصلها قـوت
ماجوّعـت بالبعـد مغلـي تعبـهـا

حبيبتي لو الرجا فـي بطـن حـوت
لاماتركـت اليـاس يطفـي حطبهـا

حبيبتي لو السحـر سحـر هـاروت
مافرّعت في نجـد وأرتجـت أبهـا

حبيبتي لو تلمـس جـروح بيـروت
طابت وغنى المجد وأزهـر طربهـا

في بعدها يملى السهر عين جالـوت
وإن جت تفيض الجوف عشق بسببها

في وصفها كل الحكي صمت وسكوت
كلمه قراهـا النـور والمـا كتبهـا

تضحك وينسى الجرح مبلي ومبهوت
حتى العسل جت منه تشرب شربهـا

وفي ليلةٍ جاها الشتا لابـسٍ كـوت
غنت عليـه ونـام حاضـن لهبهـا

تمشي وكن العمر لحضـه وبتفـوت
تجلس وكن الوقت يمشـي حسبهـا

صلبه وكن طبوعها صخر منحـوت
خجلى وكن الهـرج شهـمٍ خطبهـا

ماهيب زينه لا بها الزيـن منعـوت
أحلى من التوصيـف وأحـن وأبهـا

لعيونهـا نحيـا ولعيونهـا نمـوت
والعمر مايسـوى قصيـدٍ عجبهـا

أنا خبري بهالورده وهي بيضا قبل ما أجيك

ولكن من خجلها جيت أقدمها لك أحمّرت

يفزّ العشب من صحرا لهاجاب البدو طاريك

ومن يقدر يلوم أرضٍ وطيتيها لو أخضّرت

حبيبي والجبل وادي .. وقف بقدومك يحييك

حبيبي والكلام أطفال هابت حسنك وفرّت

أحبك والسما بحرٍ .. سما يومه غسل رجليك

ولو ما أنك لمست الشمس ما اشتعلت ولا احترّت

أحسب أن الضحى ظلك وأعرف أن القمر باقيك

وخدك عذر لأحلى البيض لين أقبلت وأسمرّت

وأنا لأشتقتلي وجّه سواد العين يم ايديك

وإذا ماني بها فأعرف ترى أهدابك علي مرّت

وإذا إن الشمس طاف بها كواكب فأنت مايكفيك

تطوفـبك المجرات وكواكبها وماجرّت

حبيبي ما انت الأحلى .. أنت الحلى خذ بعض ما فيك

حبيبي والليالي لو تناثر شعرك اشقرّت

وأنا مدري ورا الورده معك حمرا بلا تشكيك

ولكن خذتها منّك بشم العطر واصفرّت

’’

تطول السالفة وأنسى ضيوفي وأحتفي برضاك
..................وإلى جبت ألتفت عنك نسيت آخذ معي شوفي
هلا بك.. مرحبا.. مليون طلقه .. وأرحب.. وحيـّاك
........................تنق اللي تبي منها ولوالهرج ما يوفي
وأنا لو عشت لك باقي حياتي .. لو أموت فداك
...................عجزت أرد لك بعض الجميل اللي ملا جوفي
تسند لا تحسسنيبنية بعدك وممشاك
.......................ترى لو الهوى حرك ثيابك هدني خوفي
نعم قد قلت لك بنسا ولكني نسيت أنساك
.......................مثل مأنك نسيتالعطر يملا عقبك كفوفي
عسا الله يلعن الشيطان كان القلب ما قهواك
.......................تركت الدلـّه وصبيت لك حملي من كتوفي
جلست أقراتعابيرك ولوي لا بغيت أقراك
.......................يلعثمني هدبك وتنتحر فيعينك حروفي
تكلم .. قل أحبك .. قل عشقتك ..قل حرام أجفاك
.......................وأمانه فكني من كل عذر وقولة ظروفي
وأبكتب لك( ) بياض وفيه تقرا كل مايهناك
...........وأسولف لك(------)سكوت ٍ منه تسمع آخرحلوفي
تطول السالفه وأنسى مجيك وأجلس أستناك
......................وأصب آخرفناجيل الغلا وأوادع ضيوفي

‘‘

للطرب معنى وانا فينـي طـرب
للحزن دمعه وانـا كلـي حزيـن
ياعرب خلونـي احيـا ياعـرب
عاشق ٍ والله يعيـن العاشقيـن
والظمي من همه وياسه شـرب
والوفي ماغربله كـود الحنيـن
يانخيل ٍ ظامهـا مـوت الكـرب
شامخه مـاودك الخافـي يبيـن
ايه اناادري بالفراق اللي قـرب
وأعرفك لامن طرالـك تبعديـن
والشعاع اللي قبل يشرق غـرب
كنه الضحكه على ثغر السجيـن
والرجا لامـن تغافلنـي هـرب
والرضا في عبرة الحسره دفيـن
والحزين اللي من الهم اغتـرب
يدري انـك لوصدقتـي تكذبيـن
كن قلبي طفل ٍ اخطـا وانظـرب
وكنك الحكمه عقب طول السنين
آه لولا الدلو وش يمـلا القـرب
وألف آه ان مارضى القاسي يلين
للطرب عبره وفي صدري طرب
للحزن نبره وانا صوتي حزيـن

ــــــ

هذي مجرد فاصله

والا الجروح
دايم تجي متواصله
:
مت
واصله
:
مت
و
آصله


يا ساعة الفرقا...
صدق السما زرقا..
أو دمها حبري..
وياصبح ياضاوي..
بالله وشناوي ..
وياشين بك خبري..

وياشمع ياطافي ..
لوخانك الوافي ...
قدرت لي صبري..
وياليل ياقاسي ..
لو تشرب بكاسي ..
لأدفنك فيقبري..
وياشعر لو تعرف ..
كم عين لك تذرف..
صدقت وش كبر ي..

وياويلهالأمّه ..
لا صار بالقـمّه..
كل الحكي عبري..
ولو يدري الحاسد...
عندمي الفاسد...
مايركض بشبري..
ركض

</B></I>

تجــين..؟؟
.
.


تجين نشاور أهداب السحاب اللي جلس يرتاح
....... وش أحلا لون فص الشمس وإلا لون وجناتك

تجـين نعـلّم التوت المشي ونـزخـرف التفاح
......>. ونشـرح بالكـرز والثلج كيف تسيل ضحكاتك

تجـين نجدّل خيوط الشعاع ونكسـر المصباح
....... ونشـعل في حنـايا العمر نور زهور خطواتك

تجـين نقـفّـل أبـواب الفـراق ونبلع المفتاح
.......... بعد مانسـترد اللي من أحلام الوصل فـاتك

تجـين نحـارب الدنيـا ومن فيها بدون سلاح
......... أنا بالحب وإنتي بالجـمال وسـحـر نظـراتك

تجـين بفالنا الطيب نقوّم حظنا لو طاح
......... ونربـط في جناحين الأمل شـرطان هقواتك

تجـين نغمض عـيون القلوب ونتبع الأرواح
......... وأراهن شـمسـك أني لأزور أبعـد مـداراتك

تجـين نصارح القمرى بنور ظلالك الوضـاح
........ ونكشـف للسـحاب ان البروق اسـباب لفتاتك

تجين نسـابق أنـوار الفنـار لنظـرة الملاح
............ ونكتب للـسـفر مافـيك لـّذه غـير آهـاتك

تجين أبدل الباقي بعـمري عـمرك اللي راح
......... وأكـون أول حـبيب ٍ في نهـايـاته بدايـاتك

تجين نعد كم نجم ٍ تعثر في سناك وطاح
............ وكم بـدر ٍ تمـنى لو قبـالـه مثل تقـفـاتك

وتجين نشاور أهداب السحاب اللي عجز يرتاح
....... يحسب الصبح نور الشمس وهو ظلال وجناتك





لحن الندى المجنون


أفـا .. قل غيرها ياليل .. متى مات السهر مغبون
..................متى روّح مسا البارح وجا باكر وأنا واعي

حلفت أرقص النرجس على لحن الندى المجنون
.....................حلفت أطبّع القمرى على كيفي وبأطباعي

جنوني سري الشايع وعقلي جرحي المدفون
...................ذكرتك أو تناسيتك سوى دامك من أتباعي

بدايه مالها معنى , نهايه مالها مضمون
.....................تعبت أشقلب الدنيا وأعدل فيني أوضاعي

نسيت أقول لأيامي ( على هامان يافرعون)
...................نسيت أوقف الغربه وأدورها على أصباعي

هلابك دامني مثلك .. كسير وميّت ومطعون
................تعال اسكن معي صمتي ولا تنشد عن أوجاعي

تعبت أقول أنا أعمى وغيري له ثمان عيون
.......................كفا لا تنبش بجرح ٍ يقرّب لوية ذراعي

حبيبي والشقا حاصل ولا تسأل شقا وشلون
................عذاب إن عشت في قربك وموتي فلـّة شراعي

نعم قد قلتلك بأبقا معك واللي يكون يكون
.........................وشفني قدها ماقلت لك يابعد مرباعي

نبت مثل الشجر جرحي.. غدا كلي ورق وغصون
....................عرفت إنه سخيف اللي يحاول ياصل إقناعي

أجل وشلون أبنسى الجرح وفهد عافت يعيش بدون
............................حرام الوقت يكتبنا قصايد مالهاداعي

وأنا يوم الشليل اللي جمعنا علقته سنون
.......................كتبتك حلم لا جاني دريت إني معك واعي

انالامـن دعـيـت..الله يجيـبـك زدتـنـي بإبـعـاد



رح .. الله لا يـردك ..... يمكـن الدعـوات مقلوبـه




نفش ريـش الظـلام وقلـت عـل المبطيـات جـداد



رقـص وجـه النهـار وقلـت يـادوبـى ويـادوبـه




هنوفٍ لابغت..ترمش هدبهـا .. يرتفـع .. بالكـاااااد



يعذبهـا إلـى منـه علـى الوجـنـه فـتـق ثـوبـه




أميزها عن القمرى .. إلـى مـن جـت بـلا ميعـاد



وإلى من جت مـع القمـرى غـدا.. كـلٍ وأسلوبـه

سحابـه جدهـا مـن يـم أبوهـا بــارق ورعــاد



بغيت أسقى بها روحى ....؟؟؟؟ لقيت ا لروح مشروبه

تهـادى كنهـا طـفـلٍ يمشـيـه الـهـوى بـركـاد



تعطـف كنهـا نـار ٍ بــراس طـويـق مشبـوبـه

تجـي وإن زادهـا قلبـي غـلا زادت غـلا وعنـاد



وإلـى مـن قلـت يكفـي بمـوت تقـول ملعـوبـه

لهـا فـوق القـدر عنـدي مكـان ٍ ماعليـه اسـيـاد



ولـي فـي عينهـا نظـرة هـلاك ٍ غصـب مكتوبـه

أشـوف المـوت لاغابـت وعمـري لأقبلـت ينعـاد



وإلى ابتسمت غشا ظلي مـن الفرحـه وراحـوا بـه

بعضهـا آدمـي لكـن بعضهـا مأحتـوتـه أجـسـاد



ملَـك واحلـى الخلايـق ماوصـل بالزيـن عذروبـه

تجي مثـل الفجـر لـو الفجـر ماهـوب دوم أعيـاد



أنـا افـدا ظلهـا .. لا والله افـدا ظــل منـدوبـه

تسولف للندى يسهر على النرجس .. !! ؟؟؟ يبي يزداد



تغني.. للمطـر ..لليـل .. تصيـب الكـون غيبوبـه

وأبـد ماكنـت أحـس بلسعـة الكربـاج والـجـلاد



الـيـن البـارحـه دمــي عواذيـلـي تقهـووابـه

وأنا وش جابني للحـب مـادام اللـي مضـى مافـاد



أنـا وش لـي ووش للمـوت لجـل عيـون رعبوبـه

حبيبـي لا تعلمنـي أبـد كيـف أرضـي الحـسـاد



حبيبـي لا تعلـم جسـمـي ان الــروح منهـوبـه

وانـا لامـن دعيـت الله يجيبـك ..رح وزد فبـعـاد



كذا..... دايم .....هي..؟؟!اصلاً فرحة العشاق معطوبه