وكان قدري ....قصه بقلمي حصريه على منتديات قصائد ليل

رووووووووووووووووعه البرق استمري وواصلي

مُبدعه يَ البررررق
بس ياليت بعد إذنك تكون بالعآميه
بإنتظار التكمله
لقلبك السعاده

وانا مع جمانه


تثبيت ،،،

الجزء الثاني ........

رفعت هيفاء راسها ورات عيون حبيبها ومغليها ناصر وهو يطالعها بكل حنان فطبعت قبله ناعمه على جبهته تقديرا منها له على وقوفه معها وبعت بكائها ودمعتها وقالت له بكل دلع
الظاهر انت مو ناوي تفكني اتركني والله قرفت من حالي ابقوم اتحمم عن هالريحه عقب البحر ضحك ناصر طويلا من قلبه على رقتها فقبلها بين عيونها وتركها تروح تتحمم
دخلت هيفاء الحمام وجلست فيه حوالي النص ساعه او اكثر لما طلعت حصلت ناصر في سابع نومه فجلست تمشط شعرها واسندت راسها على الكرسي واخذت تتذكر قبل خمس سنوات كيف كانت حياتها
قبل ان تصير زوجة لناصر الذي كان حلم حياتها من صغرها ولكن مرت فتره في حياتها ذبح فيها هالحلم وبكت فيه هيفاء بدل الدموع دم ..
غمضت هيفاء عيونها وتذكرت بيتهم القديم في تلك الحاره القديمه وتذكرت حياتها مع امها وابوها واخوها الذي كان سبب في مأساتها وضياع احلا ايام عمرها رجعت بالذكريات الى الخلف كثيرا
كيف كانت هي وصديقتها ساره يدرسون مع بعضهم البعض في معهد لتعليم الخياطه وكيف كانت فنانه في شغلها وتذكرت مزوحها مع سارونه المجنونه وتعليقاتهم على كل شي يشوفونه
وساره هذي هي اخت ناصر وكانت تعرف انه ناصر منجذب لهيفاء وايضا هيفاء معجبه فيه ..
مره كانو خارجين من المعهد والباص راح وخلاهم وتمشكلو مين يرجعهم للبيت فسارونه المخروشه دقت على ناصر وقالت له انه الباص راح وخلاهم فقال لها كيفك تعالي على رجولك او شوفي حل مالي خص فيك
قالت له وهو تغمز لهيفاء وهيفاء تضربها على كتفها انا عادي اجي على رجولي بس الناس الي معي كيف يتحملون يمشون في هالحر هنا ناصر قام قلبه يرقع قال لها هيفاء معك قالت ايه قال لها خلاص خمس دقائق وانا عندكم
وسكر الخط هنا سارونه ماتت من الضحك وهيفاء ماتت من الفشيله وفي نفس الوقت ماتت من الخوف ماتحب احد يشوفها راكبه مع انسان غريب ماتبي احد يتكلم عليها لو حرف واحد بس ايش تسوي الشكوى لله
لازم توصل للبيت عشان امها وابوها

الجزء الثالث ..........

وصل ناصر للمعهد وكانو البنات ينتظرونه طلعت سارونه وفتحتالباب وركبت جنب اخوها وهو كان يتكشخ ومسوي ثقيل مرره وهو بالفعل انسان رزين وعاقل بس حبه لهيفاء
يعميه عن التصرف احيانا ..
ركبت هيفاء السياره وسلمت بمنتهى الهدوء وبصوت يالله ينسمع رد ناصرالسلام ومشى فيهم كان يتمنى انه مايوصل هالحين او انه بيتهم بعيد حييل بس حظه كان سىء
وصولو البيت ونزلت هيفاء وسارونه المخروشه قالت لها انها بتتصل عليها العصريه او تمر قالت لها هيفاء حيااك انتظرك
دخلت هيفاء البيت وبيتهم كان عباره عن بيت شعبي من دور واحد بسيط جدا ولكنه على لاقل كان ملك لابو هيفاء فسخت هيفاء عبايتها وحطت كتبها على الطاوله وطلعت لامها
المسكينه التي كانت مريضه جدا كانت تشتكي من القلب ويالله يالله تتحرك سلمت عليها هيفاء وباست راسها ويديها ثم دخلت غرفه غلاها الي هو ابوها كان مريض بعد ومصاب بشلل
في قدميه والسبب فيها كان ابنه فهد اخو هيفاء ؟ حبت راس ابوها وسلمت عليه وقالت شلونك يابوي اليوم قال لها انا بخير ياقلب ابوك ومادامك طيبه انا طيب يابنيتي الله يوفقك ويسعدك يارب
طلعت هيفاء صلحت الغداء ونظفت البيت وعطت ابوها غداه وعلاجه وبعد امها كان حال امها مو عاجبها كانت كل يوم اردى من الثاني وكانت هيفاء تتألم من هالشي بس ماكان بيدها حل
المرض هد حيل امها مررره ومشكله قلبها كبيره سدحت هيفاء امها وغطتها وحطت جنبها وجنب ابوها كاس مويه اذا احتاجوها وطلعت في الحوش وجلست جنبها اغراض المعهد وقعدت تنسج
الى ان اذن العصر صلت العصر وصحت امها للصلاه وصحت ابوها وساعدتهم على الوضوء وصلو وحطت ابوها على الكرسي المتحرك وطلعته للحوش شوي يغير جو عن السرير
اما امها لما راحت تبيها تطلع معاهم لقتها تعبانه حييل وماتقدر تطلع هيفاء كانت تضيق الدنيا فيها من مرض امها وكانت تتذكر كلام الدكتور انه لامل بيد رب العالمين وانه مالها علاج
طلعت عند ابوها وهي تمسح دمعها وجلست وياه شوي ودقت سارونه وسولفت مع هيفا ءشوي وناقرت فيها وكل شوي تقول لها يامرة اخوي وهيفاء تهاوش فيها
جاء العشا ودخلت هيفا ءعلى امها لقتها على حالها اخذت ابوها وساعدته يدخل في سريره وعطتها عشاه وعلاجه وحاولت في امها وعطتها بس شوي حليب عشان تاخذ علاجها
تركتهم ينامو وراحت غرفتها فتحت درج طاولتها وطلعت دفترها لاحمر كان فيه كل ذكرياتها كل لالامها وكان فيه صوره اغلا انسان في حياتها ابوها جلست هيفاء تكتب في دفترها
كل شي صار لها وكانت تضحك على تعليقات سارونه وفي نف سالوقت تشكر الله انه عندها صديقه راائعه مثل ساره وجيران رائعين مثل ساره واهلها رغم انه بينهم مسافه بس
كانو وافين معاهم ويهتمون فيها وفي امها وابوها كانت هيفاء تعبانه مرره قامت وانسدحت في سريرها ونامت على طول ...
لما صحيت الفجريه صحيت هيفاء على مصيبه ؟؟؟؟؟؟؟؟؟؟؟؟؟؟ياترى ايش هي ؟؟؟وكمان اخو هيفاء كيف كان سبب في مرض ابوه وطيحته .؟؟ وايش دوره في لاجزاء القادمه ؟؟
في الجزء القادم بنعرف هالشي ؟؟؟؟؟؟؟؟

رح انتضر المصيبه وشكل ابو هيفا مات
بس اخوها جاب العيد

روعه وبنشتاق للتالي

لا خطا عود
امها اللي ماتت ... صح بروقه ؟

واخوها تحصلينه مسويء مصيبه <<< جبتي شيء جديد



باانتظارك

واو حمستينا البرق
يالله بانتظار التكمله

تحمسسسسست وش المصيبه الله يستر
بإنتظآر التكممممممله لاتتأخرين علينآآآآآآآآ

بروووووووووووووووووقه وينك << فيس ماسك عصا