بلا رقيب / لعاشقه ديرتها ، كاملة

((5))

(..العريس الئطــه ..)

ملاك

ماهنت علي ضحــى تطلع وهي زعلانه مني .. ياربي انا مأقدر امسك لساني المفروض اكون عارفه ان ضحى مستحيل تعترف بخطاها اوتقتنع بكلامــي هي اصلاً ماتشوفني عندها شـــي ..حز بنفــسي كثير انها تكلم كل خواتي قبل ماتطلع الا انا ..
قالت لي سارا اللي من الصبح صجيت راسها بهالسالفه ..
سارا :خلاص ملاك ضحى هي عارفه انك ماتقصديني .. يالله فليها ..
ملاك :ليه مربوطه هـي ..
سارا :تهي تهي تهي تبكي ماتضحك ..
توقعت سارا تزعل مني لأني كلمة ضحى بطريقه ذيك بس بالعكس وكالعاده سارا وقفت معـــي ..
سارا :خلاااص ملاااك والله كبدي تلوع من شكلك وانتي عبسانه ..
كتمت ضحكه كانت على طرف لساني الا صدق الضحكه تطلع من اللسان ولامن ورى اللسان ولامن تحت اللسان ..
ملاك :وشي عبسانه هههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههه ..
سارا بجديه:مؤنث عبسان ..
ملاك :احلفي عبسان تزوج من متـــــــي ..
سارا :بدرررري توك تدرين منذ بزوغ التاريخ وعبسان متزوج بس قبل شهرين جت له بنت وسماها عبسانه ..
وطرت في بالي فكررره منذ مبطي نسيتها ..
ملاك :الاصدق المنيل جابر للحين ماسوى عرسه ..
سارا :وععع وش ذكرك فيه ..
ملاك :ماأدري كذا تذكرته توقعين ينقهر لادرى انك انخطبتي ..
سارا :مأدري لو انتي مكانه تنقهرين ..
رديت عليها بقهر وقدامي صورة المايصه شوق ..
ملاك :الا بموووت قهر ..
سارا اللي فهمت قصدي رمت نفسها بقوه على ظهرها وغمضت عيونها وهي تقولي بقهر ..
سارا :كل يوم اقرأ الوفيات بالجريده ماعمري قريت ان اسباب الوفاه القهـــــــرر ..
سحبت من قميصها لين جلستها وظليت ماسكتها معه ولافته على يدي يعني شبه خانقتها ..
ملاك :تستهبلين انتــــــــــــــــــــي ..
سارا :لا انتي تستهبلين ..
ضغطت على اسناني بقهر ..
ملاك :تسهبلين انتــــــــــي ..
سارا :انتـــــــــي تستهبلين ..
ملاك :لاتجلطيني انتي تستهبليــــــن ..
سارا :يييييييييييييييييه انتي تستهبلين اجيب لك كرت العائله عشان تأكدين ...
ورجعت ترمي نفسها على ورى وهي تضحك ..
سارا:ههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههه..
ملاك :والله لوفيه احد بهالبيت المفروض اسمه تستهبلين فهو انتي ..
عدلت جلستها سارا وهي تمسح دموعها اللي نزلت من الضحك علي ..
سارا :وانتي تستخفين وش رايك والله اسمـــــــاء كشخه ومميزه ماتلقين مثلها بالوطن العربي كله ..
قلت بقرف ..
ملاك :بليز لاتكلمين عن الوطن العربي ترى كبدي انقرفت منهم ..
ظربت سارا راسها بغباء كالعاده ..
سارا :ايه صح نسيت انك مقاطعه الوطن العـربي ..
ملاك :أكيد بقاطعهم من زين فعايلهم ..
سارا :اصلاً هم مايفعلون عشان نقول من زين فعايلهم ..
ملاك:خليها على ربك يابنت مكتوب لنا نشووف الضيم ونسكت عليه ..
سارا :قسم بالله انقهر يوم اشوف والأحتفالات والحفلات الغنائيه اللي بدولنا العربيه بأعياد النصارى والأموال اللي تصرف عليها وأهل فلسطين يعانون الجوووع والبـــــرد ويذوقون ويلات الحصــــــار ..
ملاك :يأختي لاتشكيلي ابكيلك ...
سارا :طيب وش رايك نترك شكوى والصياح لبكره ونروح اللحين نرقد ..
ملاك :فكره لاتقاوم بس مأعتقد يجيني النوم بعد مازعلــــت ضحـى ..
بعد عشــر ساعات ..
قمت على قصف جو ارضي بر بحــــري ..
ملااك :وجععععععع وش تسون ...
كنت اقصد سارررووه ووعد ونوف وهندووه اللي جالسات يرمني بالمخدات ويكبني علي مويا من بعيد ..
سارا :اصحي ذبحتيني ترى بنروح للعزيمه ونخليك ...
يووووه عزيمه وش صار بالدنيا كله عزايم صدق عطله بس لحضه وش سالفة هالعزيمه ..
ملاك :عزيمة مين ..
سارا :ام خاااالد مسويه غداء بالسرررعه قووومي ..
ملاك :وهالأم خالد ماكن احد عنده ولد توظف الا هي ترى اشغلتنا فيه ..
هند :يااااه يأنتي قديمه خالد بيعرس اليوم مسوين عزيمه لأنه امس ملك ...
نطيت بحماسه ازغرط ..
ملاك :كلوووووووووووووووووووش كلوووووووووووووووووووووووووووووووش ..
سارا :على ايش تزغرطين فرحانه يالخبله هذا عريس لئطه طااار ..
ملاك :وليش ماأفرح هذا خوي الطفوله لازم نفرح له ..
بس لحضه موكنها قالت عريس لئطه لايكون خاطبني وابوي رفض وانا ماأدري ..
ملاك :عريس لئطه لمين ..
ردت علي سارا وهي تقول مالت ..
سارا :لي انا يعني ..اناخلاص ضمنت المستقبل لك انتي ولاوحده من خواتك الخايبات ...
ملاك :وعععععععععععييييييييييييه ضاقت مالقيتي الاخويلد على جثتي ..
سارا :انثبري بس والله لو خاطبك لتزوجينه ورجلك فوق راسك ..
خيبه تهدد بعد هذي من انخطبت انتفخت علينا ولاا كن السالفه كلها لعب .. لحضه مو كنها قالت ضامنه مستقبلي وماأدريش وش فيها الخبله لايكون بتقلبهاجد ..
سحبتها بعيد عن الخبلات اللي مستمرات بحرب المخدات ..
سارا:وجعع بشويش خلعتي يدي ..
ملاك :وبخلع راسك بعد وش هالكلام اللي جالسه تقولينه ..
سارا :أي كلام انا كل كلامي كلام ..
ملاك :عارفه قصدي ضامنه مستقبلي وماأدري وش فيها ..
سارا :وش فيها لايكون عندي خطأ املائي اونحوي تراني دجه لاتدققين ..
يوووووه بتبط كبدي هذي بغباوتها ..
ملاك :لاتستغبين علي قصدي لاتكونين مصدقه ان الموضوع صدق ..
بهت وجها وهي تحط يدها على فمها الصراحه انهبلت من شكلها ..
سارا :قصدك انهم يكذبون علينا ..
ملاك :ساااااارااااااااااااااااااااااااا ..
سارا :خلاص امزح اعوذ بالله محد يصتخف دمه عليك ..
هند :ايييييه انتم يحبكم لسوالف اللي ماأدري من وين تجيبونها ولاكأنكم اربع وعشرين ساعه لاصقات بوجيه بعض ..
ملاك :اعوذ بالله من شرك اذكري الله لاتنحتين سوالفنا ..
سارا :وبعدين نطيح بكبود بعض ماعندنا سوالف نقرق فيها ..
ملاك :وتضيع بلارقيب وعاشقه التوهق وتخلص القصه وسارا وملاك بح ..
وعد :وليه ترى ميته جووووععع انا ..
ملاك :اوووف طيب ضفوا وجيهكم لبرى بصلي الظهر بعدين نطس لبيت ام خالد ...
سارا :هع أي ظهر الساعه توها احدعش ..
ملاك :الله يفشلكن بتروحن للعزيمه من اللحين ..
سارا :ايه يالخبله وش ورانا بنروح نرتز يمكن احد يخطبنا ..
ملاك :ايه صح فكره مش بطاله عصفور باليد ولاحمامه على الدريشه يالله هيا بنا وين عباتي ..
سارا :عباتك تحت امشيييي بس ..
ونزلنا نتمخطر للأسفل مستعدين للأنقضاض على العزيمــه .. يالله عرفتونا من اللحين لحد منكم يتهور ويعزمنا ترانا بالعربي الكلمه اللي بحرف الصاد ..

((6))

(..!!!..)

سارا

خشينا لمجلس الحريم حق ام خالد وحنا مبسوطين هع من قدنا صايرين كبار شخصيات ولنا وزنا بالحاره مايغزون خيط بثوب الا بشورنا ..
خيبه وش جابها ذي هنا اقصد ام كايد ياحليلها والله من مبطي عنها تصدقون عاد اني حبيت راسها من بد كل حريم الحاره ياحبيلها احسها تذكرني بجدتي .. يووووه ياوجهي صارر الوان وحرارتي وصلت الف فهرانيت .. يوم قالت لي مبررووك الخطوبه .. يعععععع ياشين طعم الأحراج مقرف نفس طعم الفيفادول ..وبلعت لساني مارديت عليها بس ملاك ردت عليها ياحليلها صايره مؤدبه ماعرفت صوتها ..
ودار حوار العجايز المعتاد من تزوج ومن طلق والبنزين بيغلا والشؤون ماصرفوا مستحقاتهم ويسرقون نصها ام فلان جارت ام فلان ببيتها القديم شغالتهاسرقت ذهبها وهجت وامريكا تكذب صدام حي مامات طيب هاللحين اللي ضحوا فيه على التلفزيونات من هو ..؟!..
فجأه حسيت بهوء محمله بالغبار تجتاحني وبعد تحليل وتدوير وتنقيب وتفكير طلعت ملاك بتقولي كلمة راس بأذني كيف مركبه هالجمله ماأدري اسألوا ميشو هذا اختصاصها ..
ملاك :الحقييي مصيبه ..
رديت عليها وأنا متأكده انها غلطانه بتوقيت قول الجمله لأن المصايب ماتجي الا وحنا ببيتنا ..
سارا :وش مصيبته وحنا ببيت الناس ..
ملاك :اصصص قصري صوتك ..
ولفت تشوف اذا احد منتبه علينا ..
ملاك :طارررر علينا ..
همست لها بس صوتي شوي ارتفع ..
سارا :وش هو الغداء ..
ردت علي بالضيق ..
ملاك :لاخالد ..
يالهوووووي ياهي كلمه اللي قالتها يافضحيتنا جلست اتصدد ادور اذا احد يسمعنا ولاقاط اذنه عندنا وناسيها بس ولله الحمد ماكان احد يمنا على مرمى البصر ..اللحين هالخبله وحنا بالبيت واخذين راحتنا ماتندمت عليه اللحين تندم عليه يوم جينا لبيته .. لايكون بس شافته ولالمحته وتندمت..
سارا :وانتي وين شفتيه ..
ملاك :ماشفته بس تذكرت ان ام خالد كانت بتخطبني له ..
ياربي يالقهر لعبو علينا ليه ماخطبو ملاك صدق حقيرين الغلطان اللي يحضر غداهم والله ماأجلس ببيتهم لحضه زياده ..
جيت بقوم بس ملاك تكلمت ..
ملاك :تذكرين يوم حضرنا عزيمة توظفه يوم تقولين لي ام خالد تناظرني وشكلها بتخطبني لخالد ..
سارا :ايه ذكرت ...
ملاك :اجل ليش ماخطبتني ..
سارا :ماأدري عنها عجوز ابليس شكلها .. وش فيهم الناس قاموا ..
ملاك :امشي شكلهم قلطوا على الغداء ..
سارا :وجع وش تحترين جالسه يالله نلحقهم ..
ملاك :انا اللي جالسه ولاأنتي اللي مجلستني بهذرتك ..
قمت وسحبتها معي ..
بعد الغداء وحنا طالعين لقينا وعد ونواف اللي جالسين يلعبون بالشارع ..
وعد :جبتوا لنا غداء ..
سارا :لااا ..
نواف :يالنذاله ليييه ..؟!
ملاك :كذا كيفنا ليه ماجيتوا معنا ..
وعد :هند يالنذله ليه ماجبتي لنا ..
هند :ترى مو رايحين نشحدهم حنا ..
وعد :انثبروا نذلين بنروح نتغداء مع منير عازمنا ..
ملاك :احلى وين عازمكـــم ..
وعـد : بالمطعم الأيطالي يعني وين بالبوفيه..
سارا :احلي وعد ياخطيره تعرفين المطعم الأيطالي ..
نواف :وعد امشي بس لاتروح علينا العزيمــه ..
ملاك :انقلعوا يالله مشوهين المنظر الحضاري لواجهة بيتنا ..
هند :انتن ماتبن تدخلن ..
سارا :وانتي وش دخلك انقلعي يالله لوتشوفينا نشحت قدام المسجد ماتقولين لنا وش تسون ..
ملاك :ماتلاحظين سارا ان كل امثلتك عن الشحاده ..
سارا :حتى انتي لاحظتي وش اسوي وانا توأمك من البيئه اللي حولي اخذ الألفاظ عاد وانا توأمك ماودي اسب بيئتنا بس انا وياك وعاشقه عارفين وهذا كفايه ..
ملاك :سارا تجين نروح لخالتي ..
مارح انفعل عليها لأن اكيد هذا تأثير الشمس والتفكير بخايب الرجا وليدوه اثروا على راسها ..
سارا :بتروحين روحي لوحدك ..
ملاك :لاا خلاص ماأبي اصلاً مايصلح تروحين هناك وش يقول عنك جواد ..
سارا :من جواد ..
ملاك :جواد خطيبك ..
سارا :ياااااااه وناسه رهيبه كلمة خطيبك احسها كذا كشخه ..
ملاك :مالت اللحين تعبيني اقول الكلمه عشانه تنبسطين حضرتك .. امشي بس بندخل سحت من الشمس ..
سارا:ولاكأنك اللي عارضه علينا نوقف هنا نتذوق مرارة ماتعانيه الشحادات ..
وجيت افتح الباب بس لفتني ملاك عليها ..
ملاك :شوفي قيسووووه ..
سارا :وش اسوي له ..
ملاك :من الصبح بالسياره وتوه ينزل ..
كنا نسولف بالصوت عالي ويوم قالت ملاك هالجمله طاح المفتاح من يده لأن كان يفتح باب بيتهم ...

انتهى البااارت

الحلقه الثالثه والثلاثون

((1))

(.. احاسيس مجنــــونه ..)


ماهو اللي تربكه اصوات وكلام ولاهو اللي يرجفه احساس غريب بس شعـور انها هنا قريبه منــه سيطر عليــه .. صك الباب وراه بكل قوته وهو يتسند عليه ... لاا ياقيس لاتخلي هالأحاسيس المجنونه تسيطر عليك وش هالتيار اللي سرى فيه ليه يحس انه مشتعل نارر وانها هنا قريبه منـه ..
:قيس وخربطـلع ..
قيس :هاه .. وتعدل بوقفته :وين رايح انت ..
منير :بروح مع نواف ووعد نتغداء ..
قيس :ايه خلاص رح بس لاتأخر ..
طلع منير وبنفسه يقول غريبـــ!!!ـــه ..
شوشو آآآآآآآآآآآه وينك .. اخخ بس لو تطيحين بيدي والله لأرميها على مكافحة التسول ..ولاا انا كل هالشهور ادور عليها وماألقاها ... لاااااااايكون مقبوض عليها وانا جالس هنا ادورها .. بس لاشوشو مايقدرون عليها هي اقوى من انهم يقبضون عليها ..
حس ان الشمس نشفت دماغه وخلت تفكيره مثل وجهــــه ..
دخل المجلس ورمى حاله على الأرض بعد ماتوسد المركى ونام ..
ومثل عادته من اكثر من شهر شافها بأحـــلامـه طيف عجز يتبين ملامحــه ..
كانت تركض بالشوارع وهو وراها بخيشة فلوس يلحقهــا من شارع لشـارع .. وبعدين شافه بالبيت لاهنا بالمجلس هذا وهو بعيــد عند البنك يشوفها ووده يروح لها بس شي يمنعه مثبته مكانه يحرك يديه بس مايقدر يحرك رجــوله ..
يشوفها تبتسم له مع انه مايشوف وجهــا بس يحس بهالشــي من يدها اللي تاشر له مع السلامه ..
يصحي بعد معركه طويله مايدري هو انتصر فيها اولا وصل لشوشو ولااختفت قبل مايوصلها ..
***
السعاده هذا المفروض يكون شعـــوره بس هالشــي اصعب شي ممكن يحس فيــــه ليه مايدري مشاعره جامـده احاسيسه ميــــته .. عمه موافق ملكتــــــه الأربعاء .. شوقه بتصيــر له ليش ماهو فرحـان .. وهو مجنــــونها ..
كلــــه منه نواف ليــه ساكت ..!! وش وراه ليه مايعترض ليه مايوقف بوجهه ليه مايطلب من بنت اختــه ماترضى فيه ليه ساكت ليــــــــه ..؟!! .. سكوت نواف يذبحــه بالبطيء .. يعيش بترقب وخــوف مايعد الساعات والدقايق لايعـد الثواني واللحضـات ..الحياه عنده صارت يوم الأربعاء وبــــــس ..
كل تفكيره منصب عليه مايقدر يبعد عن هاليوم سم ..
حتى مافكر بالجانب الأيجابي منـــه وانه يوم ملكتــه لااا كل تفكيره وش بيسوي نواف بهاليوم كيف بيمنــع الملكــــه .. واثق مليون بالميه انه بيسوي شـــي .. هو عارف ان الحصول على شوق ماهو سهل وانه بيحارب كثير قبل ماتصــير له .. مع انه للحين الطرق ممهده قدامـــــه ..
الطريقه اللي انفتح فيها باب غرفتــه تصيحه من قبـــــــره مو من افكاره بس..
:شفنا المعرس متغلي قلنا نتنازل ونجيه لحد غرفتــــه ..
عدل بجلسته ..واشر على الكرسي اللي جنب سريره ..
الوليد :تعال جواد حياآآك ..
جواد يجلس :اكيد حياني اجل كيف ..؟! .. بلا لف ودوران وش فيك معتزل الدنيا .. بديت اشك انك مغصوب على هالخطـــــوبه ..
الوليد :أيــــــش ..؟!
جواد :امزززح معك ولا ياروميو من بيغصبك..
ترك كل اسألته من غير اجوبه وسأله باللي شاغل تفكيره ..
الوليد :ماشفت نواف هاليومين ..
جواد :اللحين ماتسأل عني وانا اللي جايك لحد عندك وتروح تسأل عن نواف هاللي ماهو داري عنك ..
الوليد :يعني وش بيكون عندك من اخبار ياراعي ساره وانا بس سألتك اذا شفته اولاا ..
جواد :بليز لاتكلم عن محارمنــاا .. ونواف كل يوم اشوفه ..
الوليد :ماقال لك شــي ..
جواد :قال لي اشياء بس ماأعتقد تعلق فيك ..
الوليد :اهآآ .. وتراها للحين ماصارت من محارمك ..
جواد :وبالأول وبالأخير هي بنت خالتي وقريباً زوجتـــــي ..
الوليد :ومبسوط يالبارد انها بتصير زوجتك وانت حتى ماشفتها ..
جواد :هي اللي ماتبــي كيفها وليش اشوفها وأنا بأخذها سوء اعجبتني اولااا ..
الوليد :لأنك باارد وبتضيع على عمرك فرصه ..
جواد :فرصـة ايش اللي بضيعها ..
بتنهيـده حاره :فرصة الحــــــب ..
جواد :آآيييه وانت ماعندك الا هالخرابيط ..
الوليد :الحب خرابيط صدق انك مو عايش بالدنيا اصلاً وش الحياه من غير حــــب ..
جواد :الحياه حياه بحب وبغيــــــره ..
الوليد :لا الحياه من غير حب مــــــوت .. اسمع لاتسرع وتزوجها ترى بتندم بعدين لالقيت نفسك ماتحبها .. ودق قلبك لوحده ثانيه ..
جواد :لاحبيبي ريح حالك انا ماعندي هالخرابيط ..اللي اختارتها امي لي هي اللي بتزوجها .. وانت خلك على قلبك وتزوج اللي دق لها .. بس اصحى يكون الخط مشغول ..



((2))
(..الخيـانه ..)
ملاك


بهاليوم ابكي بدال الدم دموع .. اذوق العذاب مرات ومرات اليوم تنزف اختي توأمي لحبيب عمـــري ..آآآآآآه ايه اليوم زواج سارا والوليد .. تبكون علي ايه ابكووو ودي احس ان احد معي يحس فيني يعيش معاناتي ..آآآآآآآه الكل سعيد حتى انا المفروض اكون سعيده قدام الناس وقدام خواتي اللي فرحنات لأختي وانا لازم اكون معهم فرحانه .. كيف لااا وهذي توأمي اللي شاركتني حياتي من كنت جنين .. اليوم يوم فرحتهـــا والمفروض فرحتي ماتقل عن فرحتها .. بس لاا انا فرحانه ولاهي بتفرح وهي تخطف حبيب اختها منهــا ..آآه ياسارا انجبرتي على المـــر ماألومك وماأقدر الوم نفسي على الكره اللي يتولد بداخلي لك .. ليه تأخذينه مني ليه .. انتي داريه اني احبـــه اعشقه امــــوت فيه .. ليه ماكنتي قويه ورفضتيه مثل مارفضتي جواد ليـــه ... بموت والله اليـــــوم بموت ماأقدر يالناس افهمـــوا سارا راحت واخذت معها الوليد انا من بقى لي .. انا حياتي كلها كانت سارا وبعدها جاء الوليــــد وصار اجمل مابحيــاتي عشت على امل حبه شهــــــور سيطر علي وصرت ماأشوف بحياتي الاهو سعـادتي توقفت عليــــــه .. وفجأه يطلعون من حياتي .. من بقى لي انا خــــلاص انتهــيت ..
كنت هند اللي جالسه جنبي تكلم بس ماأدري وش تقـــول كنت عيوني على سارا وعلى الجوري اللي بيدها ماأبغى اناظر بيدها الثانيه اللي تضم يد الوليد .. لااا آآآآآه ..
خفت عليه من كل الناس وخطفته اقرب الناس لــي الوحيده اللي مافكرت فيها .. آآآه ليه ياسارا ليه ..
رفعت عيني وهالمره طاحـت بعيونه كان يبتسم وعينه بعيني وكأنه يقول موتي بحـــــرتك خذلتك واخذت أختك منك .. ليه يناظرني كذا هو مايدري اني احبــه ويمكن مايعرفني بالأصل .. وسارا آآآه ياسارا ليه الدمعه حيرانه بعينك .. خايفه ولازعــلانه .. بس خلاااص فات وقت النــدم انتي اللي اختــرتي هالطريق ..انسيني ياسارا انسينـــــــي انتي بالطريقك وانا بالطريقـــي ..
ياحسافه ياسارا ياحسافة اخوتنا .. آآه خسرتك ياتوأمي وخسرتينــــــي عشان اللي كان حبــــي واللحين صار عدوي .. ايه عدوي اللي فرق بيني وبين اختـــي وخاني ..
هند :ملااك خلاص لاتبكين سارا تزوجت ماماتت ..
مسحت دموعي اللي نزلت .. ليش تنزل ماأبي ابكـــي .. انا اكرررررررررررررررهم اكررررررررررررررررررررررررررررهم ...
:ملاااك قومي وش فيك من اللي تكرهينهم ..
تعلقت عيوني بعيون سارا اللي تطالعني بخوف ..
ملاك :اكرررررررركهم انتي وياااه ..
سارا :بسم الله عليك ملاااكي ليه تكرهيني ..
قلت لها بقهر وانا ابكي ..
ملاك :لأنك اخذتيه منـــــــي ..
سألتني سارا وهي شوي وتبكي ..
سارا :وش اخذت والله مأخذت شي لك ملاااك انتي تحلمين ولاوش سالفتك ..
هااه ..احلــــــــم .. تلفت ولقيت نفسي بغرفتنا على فراشـــي .. وسارا قدامي بالبيجامه الهريانه ماهي بفستان العرس .. يعني مافيه زواج وسارا ماخطفت الوليد مني ..وأنا مابكيت وتألمت ... ماصار شي سارا للحين معي والوليد ماتزوج وماأخذ سارا هذا اهم شـــــــــي ..
صرخت بفرحه وضميت سارا ..
ملاك :سارا أنا احـــــــبك حيلللل ..
زفتني سارا عنها ..
سارا :اللحين اكرهكم وماأدري ايش وتبكين وبالأخير سارا احبك حيللل .. مالت عليك روعتيني احسب صارلك شي متي وانتي تحلمين ولاغرقتي ولاالبيت صار فيه حريقه وانتي لحالك وماتعرفين رقم الدفاع المدني جايه بسرعة ميتين كيلو متر بالثانيه واخذت مخالفتين وهذي اخرتها ..
ملاك :محد قالك صير مطفوقه وحشريه حتى بأحلامي تحشرين نفسك مايكفي انك كنتي بتخطفين الوليد مني ...
طالعتني بالصدمه وهي تسألني ..
سارا :اييييش ..؟!
رديت عليها بعصبيه ونرفزه للحين الحلم مأثر علي ..
ملاك :اللي سمعتيه كنت بتزوجين الوليد لوماقلت اكررهكم وصحيت ...
سارا :اتزوج مين ..
ملاك :الوووليد ..
سارا:وععع هذا اللي ناقص اتزوج واحد احلى مني ..
ملاك :وجواد ..
سارا :وش فيه ..
ملاك :يمكن احلى منك ..
سارا :بس انا ماراح اتزوجه ..
حكيت شعري ..اخخ طلعت نفسي بلهاء قدامها ..قلت عشان ابرر ..
ملاك :طيب فرضاً فرضاً تزوجتيــــه ..
طالعتني سارا بنظرة قهر ..
سارا :لو اموت ماتزوجته اصلاً انا ماأبغى اتزوج ياغبيـــه ..
ملاك :وليه لا انا لو خطبني الوليد بتزوجه على طول ..
سارا :وتخليني ..
ملاك :لااا ..
سارا :تقولين بتزوجينه يعني بتتركيني ..
ملاك :من قال لااا ..
سارا :أجل وشلون ..
ملاك :انتي ليه معصبه اللي يسمعك يقول خطبني ولاحتى فكر فيني ..
سارا :بس ولو ابغى اعرف ..
ملاك :قلت لك لااا ماراح اترك .. اللحين كم الساعه ..
سارا :أي ساعه الحمراء ولاالفسفوريه ..
رجعت راسي على ورى يقالي بضحك بس بقوه ظربت راسي بالراسها ..
سارا :اححح ليه ..؟!
سألتني وهي ماسكه راسها ..
ملاك :عشان ماتخففين دمك علي وانا معصبه اذا الناس مايعرفون كيف يوقفون هبالك انا اعرف كيف اوقفك بالعقاب الرادع ...
جلست سارا توجع وتهاوش بس وش هالصوت ..
ملاك :اصصص ..
سارا :تظربيني وبتسكتيني ..
تركتها وقمت لمصدر الصوت الغريب وش هالضحك المايع اخبر خواتي قمت العربجه ..
طلعت من الغرفه لدرج اللي يودي السطوح ولحقتني الخبله سارا ..
سارا :ملاك ..
لفيت عليها وكتمت صوتها بيدي ..
ملاك :اصصص .. هذي شهووده بمسكها متلبسه ..
سارا :ووش بتسوين لها ..
ملاك :بصادر جوالها حنا سكتنا لها كثير قليلة الحيا هذي بتفضحنا ..
مسكتني سارا ..
سارا :انتي بتمشكلينا معها وماحنا نقادر نأخذه منها تعالي خلينا من ام لسان هذي ..
ملاك :لاحبيبتي ماراح اتركها ولاهي مخوفتني بعدين ياقلبي الا متى بنتم صادين عن فعايلها والله لو تدري ضحى لتذبحها وتذبحنا معها ..
سارا :قصدك تسوي فينا مجزره جماعيه تتحدث عنها الصحف ..
ملاك :ويطلعونهابالسي ان ان بعد .. هاه وش رايك لسانها ولا الفضيحه ..
ردت علي بالطريقه ماخيبت ظني فيها ..
سارا :الا لسانها ونقصه لها اذا تطاولت فيه بعد .. بس تهقين السي ان ان يطلعون صورنا بعد ..
الصراحه الفكره ماطرت على بالي بس من وين لهم صور لنا خبري فينا بحياتي ماصورنا .. بس يمكن يجون لعندنا هنا ويصورنا وينقلون الحدث مباشره بعد ..
ملاك :اتوقع ايه بس بعد لف ودوران ويجون لرياض ويدورون بيتنا وعلى بال مايدخلون الحاره وعيال حارتنا المشفح يلحقونه ويترززون ورى المذيع ويدفدفون المصورين بعدين تطلع صورتنا ..
سارا :وللللل يبيلها مشاور هذي ..
شهد :خير وش تسون هنا ..
هع راحــــــت علينا ..
ملاك :ومن وين بيجي الخير وهذا معــك ..
وعلى غفله من هناسحبت الجوال اللي بيدها ..
شهد :هاتيـــــه ..
حطيت يدي ورى ظهري ..
ملاك :احلمي فيــه والله ..
سارا :بنكسره ثمان طعشر كسره ..
شهد :ملاااك جيبيه بلا لعانه ..
ملاك :انقلعي بس لاتخليني اوديه لضحـى ..
شهد :ودي يقالي بخاف منها ..
سارا :بلا مهايط والله انك تخافين من خيالها..
طالعتنا شهد بقهر ..
شهد :اكشتي فيه مثل ماجبته اجيب غيـــره ..
ملاك :قسم بالله لروح لأمه وعلمها عليــه ..
شهد :وانا شكووو قولي لها ..
سارا :ايه ماهمتك الفضيحه وجهك مغسول بمرق ..
شهد :مغسول بمرقة حاشي بعـــد وعلى من بخاف من الفضيحه ..
ملاك :انقلعي عن وجهــي لأذبحك ..
شهد :ياشينك ممااااااااالت ..
هجمت عليها بفتح بوجها شوارع .. بس سارا مسكتني وهي حطت رجلها وهجت ..
نفضت يدين سارا عن يدي ..
ملاك :ليش ماخليتني اربيها ..
سارا :خفت عليك من اظافرها القطوه ماشفتي كيف اظافرها تقل مخالب صقر ..
ملاك :معك حق عندها سلاح خطير ..
سارا :اوووي .. اللحين وش بنسوي فيـــه ..
ملاك :قصدك هذا ..
واشرت على الجوال اللي بيدي ..
سارا :تشوفين فيه غيره ..
ملاك :بنعــدمه على مرأى الجميــع بالحوش الساعه الثانيــه عشر ليلاً اخبري الجميــع ليحضروا للأتعاض منه ..
سارا :حسناً سأفعل ..
ملاك :ياشين العربيه عليك ..
سارا :بتفتحين سالفه ماتنسكر يالله امشـي نعلن الخبــــــــــر ..
معها حق مناوشاتنا ماراح تخلص والعمر طويل خلوها للمره الجايه ..
نزلنا تحــت ولقينا الشبيبه يلعـبون فوتبول وكالعاده انضمينا لهم ونسينا سالفتنــــــا ..


((3))
(..القرار الصعــب ..)
ضحـى


لاتلوموني على استسلامي ماكان قدامي الا هالطريق ماأقدر اضحي بخواتي بتركهم لحالهم ولا أقدر اضحي بالشدن اللي كان بيأخذها ان واثقه هالمره كان يتكلم جد الأصرار اللي كان بعيونه ماله الا تفسير واحد علي وعلى اعدائي كان مستعد يدمر كل شـي عشان شي واحد وأخـذه .. وش يعني لوكنت له زوجه صدق وطلقني ماهو مهم تطلقت او بقيت بذمته ماتفرق شي خلاص اللحين هو راح وانا واثق ان هالمره رجعتــه بتطول ... خسرت شي واحد وكسبت ثلاثه البيت والمهر وشدن وخسرت كرامتي ..
شدن :ماما يالله ننزل وصلنا البيت ..
وسحبتني مع يدي بتنزلني ..
قلت لسايق ..
ضحى :نزل الشناط ووصلها لعند الباب ..
سوا مثل ماقلت واول مافتحت الباب طلعن بوجهي نوف ووعد ..
وعد :لااااا انتي وش جابك ..
نوف :شوي بس وراجعين ..
قلت لهم وانا ادزهم بيدي يدخلون ..
ضحى :لاشوي ولاكثير يالله ادخلوا مافيه طلعه ماتحسون انتم درجة الحراره فوق الخمسين ..
وعد :والله لوفوق الميه عادي حنا تكيفنا على هالجوا ..
ضحى :ادخلي مافيه طلــعه لو الجو نفسه تكيف عليكم ..
نوف :لاظلم حرام عليك ماوعد الشباب بنلعب كوره ..
وعد :تكيفن النهائي لاتفوتينه علينا لاتصيرين ظالمه مثل ماتقول ملاك ..
صكيت اذاني عن اعتراضاتهم ورجاويهم ..
ضحى :ادخلوا بلانقاش ..
وعد :اكرررررررررررررررررررررهك ..
ضحى :بموت ترى يالله ادخلي ولا أقولك روحي جيبي مكنسه واكنسي الحوش .. دام انك متكيفه على هالجو ..
وعد :أيش ..
ضحى :اللي سمعتيه ..
شدن :وانا معها ..
ضحى :لا انتي ادخلي داخل ..
وصرخت عليهن ..
ضحى :يااالله كل وحده تسوي اللي قلتلها عليه ...
ودخلت عنهم داخل ..
كان بالصاله سارا وملاك يتكلمون ويوم شافوني سكتوا ..
ضحى :السلام عليكم .. وش فيكم ..
سار وملاك :وعليكم السلام ..
ملاك :مافينا شـي ..
ضحى :من اللحين اقولكن اذا عندكن نيه تطلعن ترى مافيه ومن اليوم شغل الهياته اللي عايشاته مافيه وبسجلكن تدرسن دورات ..
سارا :ايش حنااا ندرس ..
ملاك :هذا اللي كان ناقصنا ..انا مستحيل ادرس ..
ضحى :انا ماأشاوركن انا اعطيكن خبر ..
سارا :لااا لااا لااا مانــــبي ..
ملاك :اووووووف ضحى لاتنكدين علينا دراسه ماراح ندرس ..
ضحى :بتدرسن غصبن عليكن .. وهذي ماهي دراسه ذولا دورات لين تبدأ المدرسه وبترجعن لها غصب عليكن ..
ملاك :وليش يعني اللحين بالذات..
ضحى :كذا بس ميزاج عاجبكن يعني الحال اللي انتن عليه ..
سارا :وش فيه حالنا وش زينه لاهم ولاغم ..
ضحى :عشان كذا بتدرسن جربت تتعبن شوي ..
ملاك :وبعدين مع تسلطك متى بترحمينا ..
رديت عليها بملل وانا اجلس ..
ضحى :يوم الله يأخذ امانته ..قومن جيبن الشنط اللي عند الباب ..
سارا :شنط ايش ..
ضحى :شنطي انا وشدن ..
ملاك :خلاص بتجلسون معنا ..
ضحى :ايه عندك اعتراض ..
ملاك :لااااااا وناسه بس وعسافوووه ..
ضحى :سافر ..
سارا :للأبد ..
ياليت والله ياسار للأبد ..
ضحى :يمكن ماأدري ..
طلعت سارا تجيب الشنط وبقت ملاك وبعيونها كلام وبعد تردد وانا مطنشتها ...
ملاك :انا آسفه ..
طالعتها بنظره طويله ..
ضحى :على ايش ..
ملاك :ماكنت اقصد بس انا متهورره ..
ضحى :مره ثانيه اذا عندك كلام ضدي تعالي قوليه لي انا لحالي مو قدام خواتك .. انا احاول اجمع خواتك وربيهم صح لاتدمرين كل اللي بنيته بغبائك.. بطلع لغرفتي انام اذا جت مشاعل قوليلها لاتطلع ابيها ..
ملاك :بس مشاعل فيه ماطلعت ..
ضحى :للحين تعبانه ..
ملاك :لااا .. بس ماطلعت من غرفتها ..
ضحى :طيب انا طالعه انام خواتك لايطلعن ..
بغرفة ميشو لقيتها على فراشها متوسده يديها وعيونها تطالع بالسقف وقطوتها نايمه على بطنها .. اووووف يقهرني هالمنظر ودي اذبح ميشو على تساهلها مع القطوه ..
ضحى :تعبانه ..
لفت تناظرني وكنها ماتناظرني ..
ميشو :كلا ..
ضحى :وش فيها عيونك ..؟!
ميشو :لاشيء ..
سألتها يوم مالقتني بال وانا تسند على الباب ..
ضحى :يقولون ماتطلعين من البيت ..
عدلت جلستها ..
ميشو :لم اكن اعلم ان هذا الأمر ممنوع ..
ضحى :بلافلسفه من الأخير وش مسويه ..؟!
ميشو :انا لم ارتكب شيء عن ماذا تتحدثين ..
ضحى :عندي احساس انك مسويه مصيبه ..
ميشو :الاماذا تشيرين ..
ضحى :ليش خلف خطبك ..
ميشو :لأني جميله ..
طالعتها بالشك ..
ضحى :ليش هو شايفك ..
حطت عينها بعيني لأول مره من تكلمت معها ..
ميشو :مارأيك انتـي هل تعتقدين ان ارتكب محرم ..
ضحى :انتي منك كل شـي اتوقع حصوله ولامكالماتك معه حلاال ..
ميشو :لااأحلها لنفسي ولن اتجرأ لأقول ذالك ولكني أخطأ وأنا واثقه من قدرتي على أصلاح خطأي ..
ضحى :اجل كل الناس بتسوي اللي تسوينيه ويقولون نقدر نصلح خطأنا .. ميشو لاتلعبين على نفسك الخطأ يكتب خطأ واي شي تسوينه بعده مستحيل يمحيـــــه ..
ماردت علي ليش لأنها تعرف انها غلطانه طلعت من عنــدها وجوالي يدق كان مبـــارك .. وش عنده ماأدري ليش بقلق من اتصاله .. هو مايتصل الا اذا يبغى شي اوووف بس لايكون جايب له عريس ثاني بعد ولاجته بنت جديده وبيرسلها علينا ..
ضحى :الووو ..
مبارك :السلام عليكم وش اخباركم ..
احلى ابوي مؤدب ..!!
ضحى :وعليكم السلام .. اخبارنا على ماهي عليه ... بس ان اختي انخطبت ووافقت على اللي جوها بدون ماتكلف نفسك تسأل عليهم ..؟!!
مبارك :خليج من الخرابيط هذي .. انتم اللي تبغونه ماهو ولد خالتها .. ولا ترفضون خلف اللي منا وفينا ..
ضحى :خلف منك وفيك انت ماهو منا وفينا وحتى لو كان ولد خالتها حنا وش عرفنا فيه ولاتبينا نروح نسأل عنه بين الرياجيل ..
مبارك :وش فيها اسألي عنه ماهي اختج ..
بلاه عليكم هذا ابو سفهته وشوي ولااصك التلفون بوجهه بس خفت ربــــي ..
مبارك :اسمعي عاد المره ذي خلف يبي اختج الصغيره ..
ضحى :اووووف ماخلصنا من هالخلف وش يبي هذا خواتي كلهن مايبنه ..
مبارك :ماهو على كيفهن ترى بنجي الخميس نملك له عليها فهميها تصير عاقله وتوافق ...
ضحى :انت وش قاعد تخربط عن من تكلم ..
مبارك :لحضه ...
وسكت شوي عرفت انه بيسأل احد عن اسمها او كاتبه بمكان ويدوره ..اووووف يارب فكنا من هالخلف ..
مبارك :شهد ..ايه شهد ..
كنت حاسه والله كان قلبي حاس .. حسبي الله عليك من مرت ابـــــــو اللي بتبلينا بولدك ..
ضحـــى:شهد صغيره وهذا شايب ومزواج ماتخاف تبلي بنتك فيـــه ..
مبارك :خلف رجــــــــال واختس ماهي صغيره كلكن عجز ..
اختس .اختك .اختج .. ارسالك على بــر يبــــــــه ..!!
ضحى :وش اللي رجال هذا لعــاب مايكفي زواجاته اللي لها اول ومالها أخر بعدالله العالم وش له بالحــرام ..
مبارك :بنــــــت بلاطولة لسان .. سوي اللي قلت لج عليه .. ولاترى بجوز قل خواتس هالخميس ..
وقفل بوجهـــــــي .. حسبنا الله ونعم الوكيل يـــــارب من وين نزلت علي هالمصيبه ... حسبي الله عليك ياخلف وعلى امك حسبي الله عليكم .. الله لايبارك فيكم وين مارحتـــم .. الله يسود عيشتك مثل ماسودت الدنيا بعينـــــي ... يارب عفوك يارب ..انا من وين القاها ولامن ويـــــن ..
دخلت علي ملاك وانا ماسكه راسي بين يدي واردد يارب يارب ..
ملاك :ضحى وش فيك ..
ضحى :مافيني شي نزلي الشنطه واطلعي برى ..
ملاك :لاا والله ضحى وش فيك تكفين قولي ..
طالعتها وانا افكر معقوله اقولهــا ... ووش الفايده اخبـــي ...
لازم الكل يدري لازم نلقى لنا حــــل ..
ضحى :بقولك بس حاولي شوي تكونين عاقله ..
جت قدامي وجلست على الأرض ..
ملاك :قولي بس بالسرعه قبل ماتجي سارا الخبله تراها ماتعرف الجد من اللعب ..
تجاهلت كلامها وقلت ..
ضحى :خلف رجع يخطب من عندنا ..
ملاك بنرفزه :اوووووووووووف وش يبي هالخبل وكيف رجع يخطب من عندنا ميشو رفضته ...
ضحى :بس هالمره ماخطب ميشو ..
نطت بوجهي وهي تقول ..
ملاك :لاااااااااا ماني موافقه ...
ضحى :ادري كلنا ماحنا موافقين ..؟!!
طالعت فيني بغباء وقالت بأسلوب اغباء خلاني ساعتها ودي اصطرها ..
ملاك :يعني خطبكم كلكم قبلــــي ..
صرخت عليها ..
ضحى :ومن قال انه خطبك ..
ملاك :اشوووووواا اجل من خطب الشايب المتصابي لاتقولين شهد ولاشوق ..
ضحى :شهد ..
ملاك :وعععععععع ..
ضحى :وععع بعينك ..
ملاك :كنت عارفه ان عجوز ابليس براسها موال لشهد من شفت نظراتها لها ..
ضحى:الحمدالله طلعتي تفكرين ..
نفخت صدرها وقالت ..
ملاك :افاا عليك اجل وش تحسبين عندي مخين واحد اساسي وثاني احتياط عاد الأحتياط هذا حق الأزمات يعني لاتأزم الوضع كلش شغلته ولاهو طول السنه بأجازه ..
ضحى :ياحظك وليش معطيته اجازه ..
ملاك :شفتي كيف اني كريمه لو بيدي اعطي كل الناس اجازات عشان ينبسطون ..
وقعدت ترفرف برموشها وهي تناظر تحت وضامه يديها يقالها مستحيه ..
ملاك :طيبه انا صح ..
ضحى :ترى ماهو وقت سوالفك ..اصلاً انا الغلطانه اللي مفكره اني بلقى الجد عندك ..
قفزت تمسك يدي وتجرني تجلسني ..
ملاك :لاااخلاااص بتكلم جد ..
وبعد ماجلست ..
ملاك :وش الحل يعني ..
ضحى :ماااأدري لاتسأليني .. انا جالسه افكر بس ماني لاقيه حل .. اووووووووف يارب لاتغضب علينا ..
ملاك :اللحين وش دخل هالدعوه بسالفتنا ..
ضحى :اووووف انتي ورى ماتسكتين شوي بجمع افكاري ..
رجعت تقول بطريقتها المزعجه ...
ملاك :ودي اقول شي بس عارفه بتعصبين .. اخخخ والله الكلمه بلساني تحكني ..
رديت عليها بعصبيه ..
ضحى :قووولي وياليت تكون بسالفتنا ..
ملاك :انتي ليش تحبين تعصبين علي ..
وبالطريقه تبكي أي اهبل يصدقها ..
ملاك :حرام عليك والله اني مبسوطه لأني اهرج معك ..
ضحى :ليه تهرجين مع كوندليزا رايس ..
ملاك :والله انها ماتجي شي عندك وعععع الصهيونيه ذيك ..
ضحى :ملاك اذا ماعندك شي تقولينيه اطلعي بنام ..
قامت ببطء ..
ملاك :خلاص بفكر وارد عليك ..
ضحى :ليه خاطبتك ..
ردت علي بصرخه ..
ملاك :احلى ضحى تعرفين تستهبلين ..
ضحى :لا احتريك تعلميني ..
ملاك :ياحبك لتحطيم ..
رفعت يديها قدام وجهـــا ..
ملاك :خلاااص عارفه بطلع لاتناظريني كذا ..
طلعت من عندي .. وحطيت راسي على المخده والأفكار توديني وتجيبني وكلها متركزه على الكيفيه اللي بأنقذ فيها شهد من هالخطوبه .. لين راحت علي نومــــــه ..



((4))
(.. وانقلبت الآيـه ..)
ميشو


نزل علي الخبر كالصاعقــه واشد وقــع منها .. بحياتي لم اجد نفسي بمثل هذا الموقف المتأزم .. حياة اختــي بخطـــر شديد .. لم اكـن اتوقعه بمثل هذه الحقـــاره .. هل يرغب ان يتنقــم مني بشقيقتي .. يال سفالته ..
لأستطيع التفكير بصفاء ذهنــي مشوش .. لاأعلم كيف سأحبط هذا المخطط .. ولكن يجب علي ان احبطــــــه ...
صراخ شهد الذي لم يتوقف منذ سماعها للخبـــر يوترنـــي ويبث القلق بنفسي ..
شهــد :حرررام عليك ضحـى والله حرام عليك ...
ضحى :ان اللحين قلت لك اني راضيه انا مثلك ماأبيه يقرب من أي خواتي .. اهدي ياشهد ماراح اسمح لهم يخربون حياتك ..
شهد :لاااا انتي تهديني بس .. حرااام عليكم والله حرام .. قسم بالله لأطلع واترررررررررك لكم البيت ..
كنت تصرخ بجملتها الأخيره بهستريه وجسمها ينتفض من شدة الأنفعال ...
صوت كف ضحى على وجهها كان مدوي اصاب المنزل بالصمم..
ضحى :ببببببسسسسسسسسسس .. ولاكلمه ماتفهمين انتي قلت لك ماراح تأخذين لو على رقبتــــي ليش ماتفهميــن .. فووووووق يالله انقلعي فوووووووق ..
خرجت تركض وهي تكرر جملتها الأخيـــره ..
شهد :بتررررك لكم الببببييييييييييييييييييييييييييت ..
ميشو :لم يكن ظربها تصرف جيد من قبلك ..
ضحى :ميشو بليز نقطينا بسكاتك ..
نواف :ياعساااااااااااااه للموت الحقير قسم بالله لو يحب نجوم القايله ماأخليه يتزوج أختـــي ..
سارا :ياااقدددددع والله قالوها ناس خبره مايجيبها الا عيالها ..
نواف :افااا عليك اعجبك انا والله لامسح بوجــه الشارع لو قرب من بيتنا ومبارك هذا خلوه علــــــــي ..
جميل حـديثهم .. ماأروع لوكانت نوف حقاً شقيقنا اليس افضـــل من ذالك المعتوه مالك القذر ..
عادت ضحى للصياح ..
ضحى :بسسس ماتفهمن خلاااص بسسس ..
سارا :طيب اعصابك قطعتي بلاعيمك .. اقوول وش رايكم ندور له دوبيره وندخله السجـــــن ..
قفزت عليها توأمها لتحتضنها ...
ملاك :ياحياااااتي ياسويررره والله عليك افكـــــار خطيررره بس امانه كيف طلعتي هالفكيره الجونااان ..
سألتها هند صاحبة الدم البارد هذا ماأفكر به حينما استمع لأحاديثها ..
هند :وش يعني فكيره ..
ملاك :مافهمتيها يالخبله ..
هند :لااا ..
سارا :على وزن دُبيره..
وبدأت بالصياح ..
سارا :فهمتـــــــييييي اللحين ..
خرجت ضحـى من الصاله والهم يعتــريها .. اعـرف ماتفكــر فيه الحسـره على اخوات لايقلقهن مصير شقيقتهن .. وكل مايفعلنه هو اللهـــو ..اجل اللهــو ولكن لهو جميــل مفرح ينسي الشخص همـومه ..
ملاك :بسسسسسسسسسسسسسسسسسسسسسسسسسسسسسسسسسسسسسسسسسسسس اسكتوووواا..
وبعدما صمت الجميع ..
سارا :خيررر ليش تسكتينا ..
ملاك :هى هى هى هى اقلد ضحى ...
نواف :وعععععع ياشين السرج على البقر ..
وعد :اووووووووووووووووووووووووووووووووووووووووووف ..
سارا :وش فيك انتي بعد ..
وعد :المدرسه بتبدأ ..
ملاك:اللحين تفكرين ان المدرسه اللي بعد شهر ونص بتبدأ ..
ميشو :لدي حدس ان المدرسه تتملل من بدايتها بعد الشهر والنصف لأنك ستعودي اليها ...
احب مجادلتها .. يثيرنـــي تحطيم مجاديفها ..
وعــد :انتي وش دخل ابوك اللحيــــن ..
ميشو :مبارك لاشأن له ..
وعــد :ويييييه وخروا هنا كتاب القواعد يستخف دمــه ..
ملاك :عاااد حياااااتي انا كتاب القواعد اللي دمه زي العسل ..
وعد:وعععععععععع انت اللحين كيف تحبون هذي اللي عيونها تقل لمبات زرق..
جميل ذالك التشبيه التي ادلت فيه .. لها مستقبل رائع في مادة البلاغه ..
سارا :اقول ميشو بمناسبة تواضعك وجلوسك معنا وش رايك تلقين علينا قصيده ..
قفزت توأمها بالحديث ..
ملاك :ايييووه صدق ميشو القي علينا قصيده ..
ميشو :انا ومن اين لي قصيده ..
سارا :مو انتي تكتبين قصايد ..
ميشو :انا بالتأكيد لااا .. هل تقولين انـي شاعره ..
ملاك:وهل بذالك شك .. ياشاعرة آل مبــــارك ..
ميشو :جيد اللقب ولكني لاأستسيغه واتنازل عنه لغيـري ..
سارا :يااااخطيرررررره ميشووو تنازلتي عنه بعد ياقوووك يالواثقــــه ..
هل حقاً سيفعلها يتزوج شهــــد .. هل يرى الأمر بهذه السهــوله ..؟!
لم ارضى به يتزوج شقيقتـــي ... ارغب بحق معرفة نظـرته الحقيقيه للمرأه .. هل يراها انسـان يستحق الأحتــرم ..
لأعتقد ذالك بل اجزم انه لايرانا هكــذا ...
ولكن كيف يرانا هذا ماأريد معـــــرفته واتشوق لمعرفتــــــه ..؟؟!!
***
:ميشووووووو مبارررك مش معئول .. اكيد بحلم ..
اسقطت حقيبتي على رأسها بمرح ..
ميشو :بل ماترينـه الحقيقه بعينها ..
سوسو :ياحبببببي لك ميشو اشتئتلك ..
ميشو :اعترف بأني اشتقت اليك ولكن ليس كثيراً ..
سوسو :هههههههههههههههههههههههههههههههه ياقدمك ويازين سوالفك ..ياخطيبة اخوي ..
ميشو :توقفي عن سخافاتك واخبريني هل المتعجرف هنا ..؟!
سوسو :نووو بالدمام عند بيك (ابوك)..
جمــــــيل مبارك وخلف مجتمعان ليس على خير بالتأكيد ..!!
سوسو :الا عاد ميشو قوليلي ليش رفضتي خلف ..
ميشو :وهل اخبرك عقلك الخفيف بأني سأرضى فيه .. لقد اخبرتك من قبل شقيقك الأخرق لايعجبنــــي ..
سوسو :والله انتن يالبنات ماينفهم لكن تقولين ماتبينه وانتي مناااك ميته عليــــه ..
ميشو :وهل تضميني لهذه الفئه ..
بنظرت تفحصيه اجابت ..
سوسو :لاا عاد نجي لعندك ونوقف .. ماقلتيلي كيف وافقت اختك شهد على خلف حسبتها بترفض ..
ميشو :اذا كان كذالك هذا يعني انك خرقاء ..
اسندت خدها على يدهـا وبملل سألتني
سوسو :بالعربـــــي ..؟!
ميشو :شهد رفضت اخيــــــك ..؟!
سوسو :بس هو يقول ....
قاطعتها ..
ميشو :سيجبرها مـ ...و...الدي على ذالك ..
كم صعب على لساني نطقها ..
بان على محياها الأستياء .. جميــل هذا ماأريده استغلال عواطفها الرقيقـه ..
ميشو :اشفق كثيراً عليها كم اتمنــــى لو استطيع مساعدتها ..
بحزن بريء جارتني ..
سوسو :يعني مافيه حــل ..
ميشو :أتمنى لو كان هناك واحـد ..
سوسو :كان ودي لو امي تساعدنا بس امــــي ...
ميشو :لابأس لسنا بحاجه لمساعدتها .. ولكن هل يعني حديثك انك بأستعداد لمساعدة شقيقتي ..
سوسو :اكيد حبيبتي بس هذا مايعني اني ضد اخـوي ..
ميشو :يااعزيزتي لاشك بوفاءك لأخيك ..
سوسو :مع ان نغمتك تشكك بحسن نواياك ...
عن ماذا تتحــدث .. هل اصبحـت سعاد فجأه خارقة الذكاء قارئه للأفكـار .. ؟!!
ميشو :لأعلم عن ماذا تتحدثين .. ولكن اتسأل منذ متى اصبحت نوياااي لكي سيئه ..
سوسو :يالله عاد ميشو لاتوقفين لي على الكلمـه ..
لابأس ياعزيزتي سمـــــاح فقط من اجل شقيقتي من اجلهــــــا فقط اعفو عنك ..


((5))
(..آلام لاتنــام ..)
ســارا


كنت طالعه من المطبـخ وبيدي كوب شاي اتلذذ فيــه على فكره شاينا ربيع عجيب جــــــربوه .. ماهو ليبتون الحمدالله والشكـر كله الوان .. ترى ضحى تقول كذا لاتصدقون ان هالكلام من عنــــدي ..
وملاك متسطحه قدام التلفزيــون وتأكل حب .. شفتها تنزل مع الدرج طيب شي عااادي بس اللي ماكان عادي مشيتها .. كانت كنها بتطيــــح ..
سارا :ضحــــــــــــــــــــــــــــــــــــــــــى ..
ماقدرت اتحرك جمدت مكاني وضحى تطيح من على الدرج لين الأرض ... ماصدقت المنظر كنت مفجــــــوعه ...
ملاك :ساراااااااااااااااااااا ضحححححححححححححححححححححححححححححححححححححى ..
بنفس اللحضه كنا نجري لها ..
هزتها ملاااك وهي تردد اسمـها بس ضحـى كانت مغمضه عيونها وماترد عليها .. ماماتت صح ماماتت ...
سارا :لاااااااااااااااااااااآآآ ضحى لااااااااااااالالالالالاللالالالالااااا ..
ملاك :ضحى .. تكفين.. ضحى.. لااا ..تكفين .. اصحي ...هــــىآآ .. ضحى .. ضحى ..
ضحى :آآآه ووش فيكــــم ..
سارا:ضحــــــــى ..؟!!
كانت تجلس بصعوبه..
ضحــى :آآه وش فينـــي .. ياربي ..
ملاك :ضحى وش فيك ليه طحتـــي ..
ضحى :آآخ من راســـــي .. اووف ذبحتني الحراره ..
مديت يدي على جبهتها اللي كانت حاطه يدها عليها ..
سارا :يووووه مرره حااره ..
ملاك :من متى وانتي مصخنه ..
ضحى :من امــــس ااخخ .. بس اليوم احسها زايده علي الحراره ..
صرخت عليها بقهر ..
سارا :غبييييه وليه مارحتي للمستشفى ..
ضحى :مالي خلق مستشفيات .. وخري عني بقوم ..
مديت يدي بساعدها .. بس هي اعتمدت على نفسها وقامــت ..
مشت شوي وشكلها رجعت تدوخ .. فنامت على الكنب ..
ضحى :سووا لي ليمـون ..
سارا :اوووووف ليه ماتروحين للمستشفى لاتصيرين غبيـــه ..
ضحى :سارا ترى ماني ناقصتك بتسوين لي ليمون والا اسكتي عني ..
سارا :خلااص .. يمه حتى وهي تعبانه وتوها طايحه من نص الدرج فيها روح تهاوش ..
حطت يدها على ظهــرها وهي تقول ..
ضحى :ااخخ من الدرج طحـت .... وانا اقول وش فيه جسمي مكسر ..
ملاك :الحمدالله انك مصخنــه وماتحسين ولاصريخك يسمعونه اللي بأخر الرياض ..
سارا :عاااد ويييييه يالفشيله ابله ضحى تبكي مصيبــــه ..
ضحى :الله يلع ..كن انقلعن عن وجهــــــي ..
ملاك :ابله ضحى تلعن يعني خلاص اختربت الأخلاق ..
سارا :يالخبله ماهي بوعيها البنت تهذي .. مالمستي راسها انتي كنه فرن ابو بشير ..
راحت ملاك لها وجلست عند رجولها ..
ملاك :ضحى ضح ضح تروحين للمستشفى ..
صرخت عليها ضحــى بتعب ..
ضحى :انا مو بزر عندك ولو عارفه ان المستشفى بيفيدني رحت له ..
قلت بتهرب من الموقف لأني عارفه ان ملاك ماراح تسكت لها وانا مأحب هالمواقف اللي فيها رفع اصوات بين ملاك وضحى ..
سارا :انا بروح اجيبلك ليمون ..
قلبت المطبخ وانا ادور الليمون مع اني اعرف مكانه بس من اصواتهن المرتفـــعه يارب مايزعلن من بعـــــض .. اكره يوم يتهاوشن اكررررره هالأوقات .. بس والله ملاك تبي مصلحة ضحى وضحى مليانه عناد .. صح هي الكبيره واللي كلنا نعتمـد عليها بس هذا مايعني انها ماتحتاج لنا وحنا كل اللي نبيه نساعدها ..
فجأه اختفت الأصوات استعجلت بالليمون طلعت مالقيت الا ملاااك جالسه بمكان ضحــى ..
سارا :وينها ..؟!
ملاك :طلعت لغرفتها واتقول ماأبي يجيني احــــد ..
سارا :والليمون ..
ملاك :اقولك ماتبي احد اشربيه كبيه كيفك ..؟!
سارا :طيب لاتصارخين علي ..
ملاك :اوووووف سارا عاجبك شكلها يعني ترى المرض مو شي سهل نستهين فيـــه ...
رديت عليها وانا اشرب الليمون اللي سويته بدم البي ..
سارا :بتعلمينــي اخخخ ياكرهي لسخونه ..
ملاك :اوووووووف متخلفه اكره تفكيرها تحسب المرض شي عيب نستحي منه ....
سارا :بحساباتها هي اكبر عيب انا تبين ضعفها لنا ..
ملاك :تصدقين عندي احساس ان ماامرضها الا سالفة شهــد ..
رديت عليها وأنا ابلع عبره خنقتنـــــــي ..
سارا :بكره الخميـــــس .. ملاك ببكي .. حراااام والله حررام اللي يصير لشهـــــد ..
ملاك :يارب مايجي بكره ..
حسيت ملاك ودها تبكي وهي تقـــــولها .. معقوله هذي اخرتها تتزوج شهـــد .. شهد المدلعه تزوج الشايب .. صح انا اكره تصرفاتها بس والله أحبـــــــها .. بتزوجه يومين وبيطلقها هذا كلام مشاعل اللي حلفت انها بتحل هالسالفه بس ماحلتهــــــــا ..تخلت عنا بعد ماوعدتنا ورمت كل الحمل على ضحــــى ..ياربي حنا ليش يصير معنا كذا ليش .. وبديت ابكي بقهــــــر ..
ملاك :سارا حبيبتي لاتبكين كل شـي بينحل ..
رديت عليها وانا أحاول ماأبكي ...
سارا :لوبتنحل انحلت من قبل .. ملاك حنا حظنا منحــــــوس حتى بالزواج متى بيتعدل حظنا متـــــــى..؟!
متى بنعـــــيش براحه ليش حياتنا كلها مجمــوعة مصايب نطلع من وحــده ندخل بالثانيــه .. ليش عندنا ابو قاســـي مثل ابونا ... ليه ماعندنا امهــات يدافعن عنا يوم بيزوجنا بالغصــــــب ..ملاك حنا ليـــــش عايشين للحيــــن عشان نتعـــــــذب بس ..
ضمتني ملاك بقــــوه .. وانا ابكي والله ابكي بقــــهر احس الدنيا كلها ضدناااا حنااا مالنا احــد مالنا احد ..حنا يتـــــامى ..
ملاك :خلااص سارااا لاتعورين قلبك عشان حاجــه ماتسوى .. سارا لوكنتي تحبيني لاتبكين ...
احبك ياملاك بس ماأقدر ماأبكي والله ماأقدر .. انا ابكي من داخــلي مو دموع عيني بس اللي تنزل حتى قلبي ذرف دموعه ..ليش ابوي يتفنن بعذابنا مايكــــــفي رمانا وراح ليه يرجع اللحيــن عشان يرجع يقتلنا من جديد .. حنا ماصدقنا نعيش زي الناس نتلاحم ونكـــــون يد وحـده ليه ابوي يسوي معناكذا ليه يكرهنا ليه مو حنا بنـــــاته ..؟!

انتهى الباااارت

الحلقه الرابعــه والثلاثون

((1))


الفرحــه هذا المسمى الثاني لملكته بس ليش مايحس فيها.. اليوم انربط اسمه بأسم شوقه وين الوعود والعهود بالتصرفات اللي بسويها اليوم تعبير عن فرحتــه حتى وهو جالس اللحين مع شوقه يفكر بنواف ووش اللي بيسويه عشان يخرب عليه فرحته ..
ماحظر ليش ..
الوليد :شوووق خالك نواف ماجاكم اليوم ..
طالعته بنظره مستغربه اللحين طول الوقت ساكت عشان يوم يتكلم يسألها عن اخوه .. لااا اكيد يكذب عليها يوم يقول يحبها مستحيل هذا عنده احساس آآه يابروده ..
ردت عليه بجمود :لااا ..
ناظرها بعيونه الحلوه :ليه قصيتي شعرك ..
بأبتسامه متردده لمست اطراف شعرها :من زمان قاصته ..
اتسعت ابتسامه :بس من زمان ماكنت اقدر اشوفك .. اخر مره شفتك فيها كان شعرك طووويل .. مد الكلمه دلاله على اللي يقصده ..
انفتح الباب بطريقه همجيه قطع عليها حديثهم ..
دخلت عليهم ود وراها وديان اللي قالت بلهجة اعتذار سخيفه ..
وديان :سوري كله من هالدفشه قطعت عليكم الأجواء الرومانسيه ..
رد عليها الوليد اللي مايهضم حالمية بنت اخوه الزياده :خلي عنك هالحكي .. وانتي ماتعرفين تفتحين الباب بالركاده ..
ود :ولودي لاتسوي نفسك شخصيه علي .. وجلست معه على نفس الكرسي وهي تأفف ..
وليد :ووش فيك تأففين ..
ود :مالت عليهن الخاينات ماجن ..
وديان :احسن انهن ماجن اصلاً مالهن مكان بينا ..
ود بقهر :كولي تبـن انتي مالك شغل فيهن لكان ملكتك تكلمي ..
وديان :ملكة الشوق وهي ماتبيهن فيها .. صح شوق ..
الشوق وزعت نظراتها بين الوليد ووديان اللي كان تخرها بقوه ..
وديان :شوووووق ..
الوليد بنرفزه :أي حد وجهة له دعوه يجي حياه الله بعد لاتنسين ان وحده منهن خطيبة عمك ..
وديان :عمي وعمي الله والعم ..
ود :ايه بعد اغلطي على عمي بعد .. عشان والله لأوصلها لأبوي ..
الوليد :هيي خير انتي وياها جايات تهاوشن عندي ..
ود :اصلاً انتي مقهوووررره هاه مقهــوووورره منهن وانتي عارفه ليه .. وجلست تغمزها بعينها :ماودي اتكلم هنا لأن فيه رجال ..
طالعها الوليد بنص عين :لاتكلمي وش عندك ..
ود :لااعيب .. ماما ربتني كويس ..
وديان :ماما اقول مالت بس ..
ود :عليك يالعصلا ..
الوليد :هي انتي وياها انقعلن برى ضاقت عليكن تهاوشن عندي ..
وديان :افا عمي تطردني اطردها هي وش جايبها ..
ود :جايبني اللي جابك ..
وديان :انا جايه عند الشوق حبيبتي وصاحبتي ووالوليد عمي انتي وش حاشرك ..
ود سفهتها وطالعت بعمها :عمي ولودي اطلع ..
وديان بسخره :ههه يقالي محترمه تبغى عمي يقولها اجلسي ..
الوليد بعصبيه :لوتطلعين انتي وياها يكون احسن ..
وديان :عمي ..
الوليد :اقوووول برررى .. ولا اقول خلوكم جالسين انا بطلع ..
شاف نظرة المفاجئه بعيون الشوق شوقه بس غصب عنه بيطلع مايدري ليش يحس بخنقه ..
وديان :لاعمي خلك جالس والله بنطلع ..
بس كان هو طالع ..
وديان بقهر لود :شفتي كله منك طفشتي عمي يالممله ..
ود :وانا شكو يطفشني مني الا طفش من بعض ناس .. ماأقول الامالت بس ..
الشوق :قال طفش مني قال حبيبتي هو يحب يده وجه وقفى اني رضيت فيه بعد ماحفى وهو يجري وراي ..
وديان :حفى وتجرع المر بعد لمين شواقي رضت فيه ..
ود اللي مالت رد على كلامهن نفخت بقهر وطلعت ..اوووووووف وش لاقي فيها الوليد عشان يحبها متخلفه وعععععع مو من زينها حتى وقليلة ادب وشايفه نفسها ..
ثقيلة دم ترفغ ضغط .. خساره وخساره وخساره فيها الوليد ..


((2))
ميشــو


همـست أليه عبر الهاتـــف ..
ميشو :انت من ستندم زواجــك من أختـــي سيحرمك الزواح مني ...
اخذ بأصدار اصوات من حنجرته يطلق عليها بالعامـيه (التنحنح ) أعتقاد منه انها ستخيفني ..
خلف :انت متى بتستحين على عمرك .. بكل قلة حيا جايه تكلميني وتقولين لي هالهرج ...
ميشو :توقف عن ذالك .. ليست هذه المره الأولى ..
خلف :ايه دارين ان لك سوابق وش تبيــن ..
مالذي اصابه هل الجنــون توصل لأختراق عقلــه .. جيد ولكن ليس بهذا التوقيت فأنا واثقه حتى لو اصبح مجنون سيزوجه والدي من شقيقتي ..
ميشو :مابالك خلف ياعزيـزي .. هل اصبحت ممله بالنسبه لك ..؟!
مالمؤثر في حديثـي الذي ارغمه على الصمت هل هي عبارة عزيزي ام هــي نبرة الأستعطاف في جملتي ..
خلف :وش تبين ..؟!
ميشو :اترك شقيقتي وشأنها لاتقطع بيننا سبل الوصل ..
خلف:لا أقطع ولاأسوي شــي بتزوج اختك واذا طاب الخاطر منها طلقتها وأخذتك ..
ميشو :يااال الطموح الذي تمتلكه ياعزيزي وهل سأكون هناك لأنتظرك راجيـتك الزواج مني ..
خلف :ايه بتكونين باقيه تنتظريني تدرين ليه لأن مثلك محد يبيها ..
ميشو :كم انت مخطأ ياعزيزي فكما تريدني انت هناك كثيرون غيرك يريدوني ...
خلف :انتي مو قليلة حيا انتي اصلاً ماعندك حيا كلش ..
ميشو :ياعزيزي هل تصدمك حقيقتي ..
خلف :اصلاً انتي كلكي على بعضك ماتهميني ..
كلااا لااا .. لاأريد هذا الجواب .. لم يحن الوقت الذي تكرهيني فيه بعد ..
اقفل الخط كلاااا ..
بكل غباء امسكت بجهازي الجوال ورميته على الحائط وماأن فارق يدي حتى ندمت على فعلتي الحمقاء .. لقد اقتنيته بمبلغ ضخم بالنسبه لميزانيتي المتواضعه ..
يال تهوري .. لايستحق هذا الخلف ان اهدر من اجله هذا المبلغ الكبير ...
كفى كفى .. كفاكي ميشو التفكير بأمور سخيفه لااتتهربي من هذا الموقف .. حياة شقيقتك بخطــر .. انتي من ادخلتي هذا الخطر لحياتها ويجب عليك حمايتها منه ..
ولكن كيف سافعل ذالك فهذا الحقـير لايرغب بالأنسحاب ..
رنين هاتفي الجوال اخرجني من افكاري ... يبدو انه لم ينتهي تماماً .. جميل احسنت اغلاق اجزاءه حتى استطيع الرد ..
رقم غريب لم ارغب بالرد عليه .. ولكن بالأخير قمت اجبت المتصل ..
ميشو :مرحبا .. ماذا ..؟! .. شدن ماذا هناك ..والدتك ماذا اصابها .. حسناً انا قادمه .. لاتخبري احد .. احسنتي بأتصالك علي ..


((3))


ظرب راسه وهو يسمع اللي معه على تلفون وش يقــول ..
:عاد حنا ماسكتنا دقينا عليهم بس كد هجت تعرف الشحادات ماأسرع منهن لاوالمصيبه بالسرعه يختفن ..
قيس :لااا ..
:وش فيك استاذ قيس فيه حاجـه ..
قيس بلع ريقه وهو يلعن الساعه اللي فكر فيها يستأذن ومايروح الدوام :انت متأكد انها خويتنا ...
:ابصم بالعشره انها هي ..
قفل منه وهو يهز راسه ماهو مصدق حظه الشين ..شوشو ترجــع ومن سوء حظه مايكون موجـود ويشوفها .. لازم بكره تجي لازم بكره يشوفها .. خلاص مايقدر يتحمل اكثر ..
بس الحمدالله انها كانت بخير وماصابها أي مكروه كان من الممكن انها تعرض له ..
انفتح الباب عليه بطريقه نقزته ..
منير :امي تبيك تعااال ..
قيس بصرخه :انت اللي تعااال ..
ارتجف من صرخته بس سوى نفسه قوي بطريقه طايح فيها هاليومين :وليش اجي وش سويت ..
قيس بقهر :تعال هنا وانت ساكت ..
وقف بمكانه ينتظره لين جاء عنده وصار واقف بين يديه عطاه كف .. وطلع لصاله وين ماأمه تنتظره بعد مافش خلقه شووي ..
وبعد ماجلس واخذ له فنجال قهــوه .. فاتحته بالموضوع اللي جايبته عشانه ..
قيس :لااايمه لاا قلت ماأبي ..
منيره :وليه ماتبي ..
قيس :منيره الله يخليك لاتدخلين ..قلت لكم ماأبي اتزوج ماتفهمون الاغصب بتزوجوني ..
ام كايد :ياولدي ابي افرح فيك ..
قيس :وماتفرحين فيني لين اتزوج .. تكفيك فرحتك بجابر .. ولازوجي الكبير وافرحي فيه يمكن يعقل ..
تندم على كلمته اللي طلعت وسط انفعاله يوم شاف نظرة الأنكسار بعين امه على اكبر عيالها ..
قام من عندهم وهو الندم يأكله على كلامه اللي تسبب بضيق امه ..
عند باب الشـارع لقى منير واقف على باب الشارع كان بيهزأه بس تذكر انه قبل شوي ظربه رحمه وطلع ..
ورجع تفكيره لها .. ظرب على الدريكسون هي وهي وهي .. دايم ساكنه تفكيره .. بكل مكان يلقاها متى بيريح نفسه من هالخبال اللي يسويه غباء تفكيره فيها غباء ..
مشرده غبيه شحاده ليش ماينساها ويطلعها من باله .. تكلم بصوت مسموع لأجزاء سيارته :ليه ماداومت ليه .. غبي غبي غبي كيف فرطت بالفرصه .. ليه فاتتني آآآآآآآآآآآآآآآآآه آآآآآآآآآآآآآآآآآآآآآآآآآآآآآآآآه ..
وقف سيارته بقوه وهو يشوف الحادث اللي صار قدامــه غمض عيونه وهو يشوف الطفل اللي صدمته السياره يطير بالهواء .. نزل بالسرعه حتى باب السياره ماقفله ..
حفظ رقم السياره بذاكرته وراح يركض لللمكان اللي طاح فيه الطفل ..
:لاله الا الله .. يارب استـــر ..
رددها شايب كبير بالسن كان واقف قريب من الطفل ..
قيس :ولدك ياعم ..
الرجال صد والدموعه تنزل :لاا .. يالله تحفظه يارب ..
قيس جلس على ركبه قدام الطفل كان حجمه مايعطيه عمر اكبر من ست سبع سنين ..
جسمه مستحيل يتحمل ذيك الصدمه الا بلطف رب العالمين فيه ..
طلع جواله يدق على الأسعاف وهو يفكر بالرجال اللي يبكي على ولد مو ولده ولايعرفه ..
الرجال :حسبنا الله ونعم الوكيل على اللي مايخافون ربهم .. وش فادتهم السرعه فيه ..
قفل جواله ووقف يطالع بمنظر الطفل قدامـه ينزف وكان فاقد الوعي كلياً ولايمكن مات ماهو قادر يقرب منه وش يقدر يسوي له ..
اغلب الناس الماره نزلوا من سياراتهم وجوا يتفرجون على ايش مايدري ..
ليش تصورها يوم شاف الحادث شافها مكان الطفل مايستغرب لو يصير لها كذا .. وهذا اللي مخوف عليها ..بس خلاااص ياقيس ريح دماغك من هالأفكار اللحين بين يديك طفل يموت وانت كل تفكيرك بشحـــاده ..

((4))
وعــد


اليوم بيتنا مو بيت لا ساحة حرب من كثر الصراخ اللي فيــه والضجـه .. ضح ضح مريضـه بس ماتبغى تروح للمستشفى .. اوووف كأنها بزر .. واللي قاهرني ان خواتي يعاملنها كذا كنها بزر .. وبس يحاولن يقنعها تروح للمستشفى وخصوصاً ملاك وشوق صجنا الا تروح للمستشفى ..
وفيه شي ثاني اليوم الخميس تعرفون وش يعني الخميس .. وانا بعد لااا .. مأدري وش عندها الدنيا بتذبح بعض شهــد قفلت على نفسها بالغرفه اللي بالسطوح زي ماكنا نسوي لجت امي بتأخذنا .. وسارا جالسه عند بابها تقول تخاف انها تهرب .. يعني الصراحه بيتنا اليوم موصاحين ابد حتى نواف بس جالس على باب الشارع ومعه العجرا يقول بيكسر فيها وجه خلف ..
ملاك :وععععععد ..
اوف هذي وش تبي بعـد رحت اركض لها قبل ماتنزل وتعمل فيني شورما صيخ ...
وعد :جايييه .. هاه وش تبين ..؟!
مدت علي الطاسه اللي معها ..
ملاك :حطي فيها مويا وثلج ..
وعد :هذي ثالث مره اغيرها حشى مو راس هذا صخانه ..
قطيت كلمتي وهربت قبل مايوصلن لي .. عبيتها مويا وثلج ورجعت حطيتها عند الباب وهربت لأن نظراتهن ماكانت تطمــن ..
اووووف وش هالملل ماعندي احد اسولف معه كلن ماله خلقي ونفسه بطرف خشمـه
وكنه مضيع مية ريال ..


((5))
ملاك


خلاص ماني قادره اتحمل كذا فجأه صار كل شي مسئولتي وعلى راسي .. ضحى مريضه وميشو لها يومين مارجعت البيت ووو مبارك عسى مامبارك داق علينا اليوم الصبح يقول جهزوا مجلس رجال .. ياربي وش يارررب وش بيدي انا اسويه واسويه ..
طالعتني شوق وهي تغير الكماده من على راس ضحى ..
شوق :لاازم نوديها المستشفى ..
ملاك :بس هي حلفت ..
شوق :اجل نتركها تموووت .. والله حالتها خطره كذا ..
ملاك :ماأدري نشوف بعد ساعه اذا ماتحسنت ..
شوق :ماراح تحسن ..
ياررربي ..وش اسوي انا محتااره .. ماأدري وش صح وش اللي لازم اسويه ..
ملاك :انا بروح اشوف شهد ..
قلت هالكلام عشان اطلع ابغى اشغل بالي بأي شـي ..
كانت ضحى من امس بالليل وهي على هالحاله نايمه تصحى شوي وتكلم باشياء غير مفهومه وترجع تناام ..
رقيت لفوق لقيت سارا متسنده على باب الغرفه اللي ساجنه فيها شهد نفسها وتسولف معها ..
سارا :وانا مابكيت لأني كنت متعوده على طقــه .. بس يوم دخلت البيت رحت تخبيت عن ملاك وجلست ابكي عشان ماتضحك على وتقول لي صياحــه ..
كانت سارا تبكي وهي تكلم مع شهـد عن ذكرياتها مع الوحش .. ياآآه حتى الوحش تغير وماعاد وحش كل الدنيا تغيرت ماعدا مبارك مازال مبارك سبب تعاستنا بالأرض ..
مسحة دمعتي اللي صاير نزولها هاليومين امر روتيني ..
سويت حركه عشان تنتبهلي سارا وماتسمعني شهد ...
سارا :انا بروح اشرب ماء ..
قالتها لشهد وجتلي ..
ملاك :ردت عليك ..
سارا :لا بس قلت لها شي يضحك وضحكة وهي تبكي ..
وحنا متى ماضحكنا وبداخلنا مانبكي .. موطول حياتنا نضحك والدمع بعيونا ..
آآآه ياربي ..
تمر الدقايق علي الساعات الثقال وكانها أيام وضحى على نفس حالها .. لين قبل المغرب بعشر دقايق كنا كلنا بغرفة ضحى مجتمعين حتى شهد انزلت بعد مادرت عن حالة ضحى وانها بوضع صعب .. على اعصابنا جالسين اصغرنا شدن مافتحت فمها بكلمــه .. شيئين قرب حصولهم جيت مبارك ومعه نهاية وحده منا .. والخطر اللي بتوصل له حالة ضحى ..
لين دخلت علينا .. كنت ببكي يوم شفتها ..
ميشو :ماذا حدث هل تحسنت حالتها ..
ماكنت ميشو تدري عن حالة ضحـى .. كيف درت ..؟!
وبنظره لوجه شهد المقلوب ..
ميشو :لا بأس لاتقلقي انتهى الموضوع ..
ونظرت بوعد ..
ميشو :اطلبي من الطبيبه التي تنتظر بالأسفل ان تصعــد الى هنا .. وانتن اخرجن من هنا ..
وناظرت فيني ..
ميشو :لن اسامحك على عدم ابلاغي بهذا ..
ملاك :تتركين البيت وتقولين ماني ماسمحتك وماأدري ايش انتي الغلطانه ..
ميشو :دعيك من هذا واخرجي من هنا ..
ملاك :بطلع بس مو عشانك عشان ضحى مو ناقصه هوشه على راسها ..
طلعت واللي صاربينا ماأثر على اني حبيت تصرفها.. اللي ماقدرت اسويه بيومين سوته ميشو بالدقيقه فعلاً انا ماني قد المسئوليه ...
جاني صوت سارا من وراي ..
سارا :قلت لك خلينا نتصل عليها شوفي ايش سوت حنا ولافكرنا بهالحل ..
ملاك :وش الفايده لصحت ضحى بتزعل ..
سارا :انتي خليها تصحي بالأول ضحى حالتها صعبه ..
ملاك :انا ماابي ازعلها ماتفهمين انتي اووووووف ..
سارا :ومليوون اووووووف انتي ليه ماتفهمين البنت مو بوعيها ..
ملاك :خلاص سارا خليني بحالي والله راسي مو ناقص صراخك ..
سارا :خلاص لاتنفخين ترى مو انتي وحدك بهالموقف كلنا بمركب واحد ...
تجاهلتها هذا اللي كان ناقصني سارا تفلسف علي بس من قال سارا تسكت ..
سارا :بس اموووت واعرف كيف حلتها ميشو .. انا كلي يوم يزيد اعجابي فيها واقول عنها داهيه ..
ملاك :روحي بس شوفي وش صار عليها ..
سارا :اووه مالي خلق احتك بميشو هذي مالها صاحب اخاف تقلب علي تحسبني انتي ..
ملاك :اوووووووف ..
سارا :طيب خلاص بروح وامري لله ..
معقوله بكل سهـوله بتنتهي الأزمه اللي نعيشها .. يعني بس تدخل علينا ميشو وتقول خلاص ويصير فعلاً خلاص .. ياليت هذا اللي يصير ياليته


((6))
ميشو


لم اتوقف عن قضم اظفاري الوقت يجري وانا اقف داخل الدوامه بأنتظار اتصال سوسو المبشر او المدمر ..
سألتني الطبيبه التي احضرتها لضحى انها بحاجه لنقلها للمستشفى .. ولكن ضحى التي عادت لوعيها منذ دقائق رفضت ذالك معلله انها بخير ولاتحتاج سوى لراحه ..
بعد ان مسحت عرق وهمي من جبيني اجبتها بأنا لانستطيع فعل ذالك .. اجابتني الطبيبه بأنها ستفعل ماتستطيعه لمساعدتها على الشفاء من هذا المرض ولكن الله هو الشافي ..
عدت لهواجيسي وانا ارى الطبيبه تغرس ابرتها بذراع شقيقتي .. هيا سوسو مالذي تنتظرينه اريد اتصالك اريده حتى لو دمرني فهو الفاصل لقلقي ...
وعدت لقضم اظافري بتوتر .. آآه يأهلي لقد شوهت منظرها .. لكن لبأس هيا سوسو .. وانطلق جهازي الجوال برنين متواصل ...
ميشو :حسناً ماذا حدث ..
سوسو :لااا ميشو مش معئول اللي عملتــــيه بخلف ..
ميشو :آآه سوسو لأحب مقدماتك السخيفه اخبريني ماذا حدث ..
سوسو :اللي حصل ان خلف جنن عمي مبارك وأمي يقول مايبي لاشهد ولاغيــرها .. وبعد حرب طويله اعترف انه ماراح يتزوج اختك ويحرم نفسه من فرصة انه يتزوجك بيوم من الأيام ..
آآه ياليتك شفتي وجه امي بعد كلامــه شكلها تلقت صدمة عمرها طلعت السلم وهي اللي ماعمرها طلعت فيه يمكن من عشر سنين وعمي مبارك طلع من البيت وهو يصفق كف بكف .. ميشو خلف شايفك صح اكيد شايفك مستحيل يكون هالولع من فراغ ..
تنهدت بالسخريه واجبتها ..
ميشو :لقد حطمتيني ياصغيرتي كنت اظنه عشق وهاأنت تحطمين احلامي بقولك انه مجرد ولع ..
ساد الصمت على الطرف الأخر تبعته ضحكـه مقهقه لاتليق بشفتي سوسو الناعمــه ..
سوسو :ههههههههههههههههههههههههههههههههههههه .. ميشو انتي مجنونه مش معئوله ..
ميشو :وهل يعجبك جنوني ..
سوسو :انا مجنونه فيه .. ميشو كراميل رجعت وريدا على وصول وأريد نسوي لهم حفلة استقبال تليق بمقامنا ..
ميشو :لابأس ولكن اعتبريني بأجازه لمدة يومين بعدها سأرى ماسنفعل بهذه المناسبه ..
انهيت ذالك الأتصال وانا احاول رسم ابتسامة النصر على وجهي ولكنها لم تكن لتخــرج .. آآه يال لأحباط لأعلم مالذي اصابني رغم ان الأمور جميعها تجري بصالحي هأنا اليوم اوجه لأبي العزيز وزوجته سارقة احلام الطفوله ظربه موجعه من خلال ابنهما العزيز لما لأشعر بالسرور .. آآه اجل اعلم انه ذالك الضمير هاقد عاد ليستنشق اكسجين الحياه على حساب اعصابي ...
عند الثالثه صباحاً كانت حرارة ضحى قد عادت طبيعــيه بعد ان اخبرتها خلال الليل بأن الأمور استقرت وخلف قد ذهب يبحـث له عن عروس اخرى بعيــد عنا ..
ولكن بداخلى اتسأل هل سيعــود ..؟!

((7))
ضحـى


صحيت من النوم وانا حاسه جسمـي مكسر .. آآه ياشين الصخنـه ..احس كبدي لايعه والدنيا ضباب .. آآه اكيد هذا من الجوع ..فكرت اخذ لي دش بس تراجعت لأني احس بدوخه وخفت اطيح بالحمام .. قلت انزل اسويلي قهوه تعدل راسي بعدها اروح اخذ لي دش بالرواقه .. نزلت السلم بخطوات متأنيه خايفه لأطيح لأن طيحتي الأولى للحين احس بوجعها .. كانت الساعه قبل الست صبح .. دخلت المطبخ وبعد بحث متعب عن الدله
اللي عجزت اتذكر وين بالعاده تنحط .. اللحين مواعين البيت عجزت اتذكر محلاتها ياخوفي هالصخنه تكون نستني كل اللي درسته بالرياضيات ..
شفت الدله تفوح قدامــي وبنفس اللحضه التفت على خصري يد تضمني .. صرخة من الروعــه ..
:ههه خفتــي ..
لفيت بقوه وماني مصدقه الصوت اللي سمعته وتمنيت يكون هذا بالذات من اثر الصخونه ..
ضحى :أنت ..
شد على يده اللي ماسكتني ..
عساف :تصوري ..
ضحى :ليش ..
عساف :اشتقت لك ..
ضحى :انت اتكلم جد ..
ابعدت عنه وانا مستسخفه حركته ...
عساف:وانا اتكلم جد وبعدين ليش توخرين لحضه ماسلمت عليك ..
ضحى بضيق:مأبي سلامك .. ليه رجعــت وبدون اجوبه غبيه..
عساف :جاوبت عليك بس انتي شكلك مو واثقه بنفسك ..
ضحى :ومتى بتسافر ..
ضحك بقوه خوفتني..
عساف :لهدرجه مستعجله على فراقي .. والله ياحياتي ماعاد فيه سفر الا ورجلي على رجلك ..
صرخت بوجهه ..
ضحى :انت وش تبي وش رجعك ماكان هذا اتفاقنا ..
عساف ابتسم :طيب وانتي ليه معصبه انا ماقلت بنسافر بكرره .. اذا سافرت ويمكن ماعاد اسافر ..
هذا وش جالس يخرف كيف ماعاد يسافر وشغلـه ..
ضحى :وشغلك ..
مد يده لكتفي بس انا ابعدت عنه خطوه بعد وادخل بالفرن ..
عساف :ليش مبعده قربي وشغلي استقلت منــه .. وش رايك بالمفاجئه ..
مستحيل استقال كيف وليش انجـــن هذا ..
ضحى :خبل انت ليش تستقيل من شغلك ..
عساف :ماعاد يصلح لي ..
ضحى :كيف ماعاد يصلح لك بعد عشر سنين اكتشفت انه ماعاد يصلح لك ..
عساف :وانتي ليه معصبه لاتخافين ماراح اخليك تموتين من الجوع بتوظف لو عامل بلديه ..
ضحى :تستخف دمك ..
عساف :لا كيف مايصير نسيتي ان دمي ثقيل ..
اربكتني نظراته حسيت برعشه بأطرافي وبرد .. سألته اول شي طرى على بالي ..
ضحى :كيف دخلت ..
طالعني بنظره طويله ..
عساف :مع الباب ..
ضحى :تستخف دمك ..
وحسيت بدوخــه قويه ..
عساف :وانتي ماعندك غير اللي تستخف دمك .. ضحـــــــــــى ..
آآآآه ماأدري وش صار فيني حسيت الأرض بعيده وانا أطيح من فووووق ..

((8))
عسـاف

ماصدقت يوم دخلـت وشميـت ريحة القهـوه عرفت انها صاحيـه .. رغم انها عطله بعد صاحيه بدري .. طرت علي فكرت اني اجي هنا اول مالقيت مفاتيحها حقت البيت .. ماأدري ليش جيت هنا مع اني توقعتها نايمه وجيتي مامنها فيده ورغم ارهاقي جيت بس مجرد احساسي اني ممكن اشوفها يخليني ماأشعر بالشـي غير الشوق ثم الشوق ثم الشوق .. وداعنا ماكنا على هواي .. ماقدرت استحمل اصبر اسبوع عنها استقلت وجيـت بعت وظيفتي وغربتي اللي كنت افضلها واشتريت قرب وحده بايعتنــي..
اول ماشفتها واقفه عرفتها هي مستحيل أخطي فيها ضميتها ضمه ماأششفت غليلي وهي بالسرعه وخرت عني بالطريقه تجرح عديم الأحساس ..
كنت اتكلم معها وانا مو معها اشتقت لهــا حيييل كنت اشوفها تتكلم ومأبيها تتكلم ماأبي كلامها يخرب الصوره ..
آآآه يالنـــــــاس ليه احبهـــا ..
شكلها ماكان عاجبني من البدايه فيها شي احسها ضعفانه مع ان كل اللي غبته مايجي اسبوع ووجها اصــفر شاحب .. واللي اكد شكوكي يوم بدت تترنح بوقفتها ومالت على الفرن ..
لحقتها قبل ماتطيح على الدله الفايحه وتحرقها ..
جلست على ركبي وان ماسكها راسها بحظني وباقي جسمها ممد على الأرض هزيتها ..
عساف :ضحى ضحــآآآى ..
فتحت عيونها وسكرتها وكأنها نعسانه ..آآه ياربي وش فيها انا كنت حاس انها مو طبيعيه ..
عساف :ضحى حياتي وش فيك ..
هزيتها .
ضحى :اخ راسي لاتهزني راسي ..
عساف :حياتي وش فيك ... قومي اوديك المستشفى ..
وقومتها معي وهي تمشي وتترنح وماأدري وش تقول ..
ضحى :فكني ..
وحاولت تسحب نفسها بس انا كانت ماسك فيها بقوه اخذت عباه معلقه عند الباب وبالقوه لبستها ..
ضحى :فكني وين ماأخذيني ..
عساف :وين ماأخذك يعني بخطفك ..
ضحى :آآآه ياربي فكني ..
عساف :ضحى بلا خبال امشي بوديك المستشفى ..
حسيتها رجعت تدوخ من عنفها ليش تجر نفسها مني بهالطريقه ..
ضميت كتوفها بقوه لي ومشيتها بهدوء .. كان ودي اشيلها بس ماأبي اضايقها بحركاتي ..
طول الطريق بالسياره وهي هاديه اسألها ماترد علي بس اذا اصريت بسؤالي ردب بـ اممممم .. كنت اسأل عشان اتطمن اذا هي صاحيه اولا ..
بعد دوخه طويله عريضه بالمستشفــى .. وبعد ماأكتشفت انها مريضه لها ايام عطوها مغذي ساعتين وبعدها طلوعها بعد ماصرفوا لها ادويه للحراره ..
اول مافتحت باب البيت ودخلتها ..
نواف :ياااااحقيــــــررررررررررررررررررررررررررر ..
وعد :حيوووااان حقيرررر مجنون .. ليه تخطف اختي ياغبـــــي ..
نواف :انت ماعندك احساس كيف تأخذ اختي بدون ماتخبرنا متخلف انت ماتفكر ..
ضحى :خير وش فيكم ..
ملاك :وينك ضحى خفنا عليك ..
ضحى :ليه بزر قدامك ام ست سنوات ..
ملاك :ضحى ..
ضحى :بس ولاكلمه ..
حلو واخيـراً شفتها تهاوش مع خواتها مابغـت ..
عساف :اللحين انتي وياها تشوفن اختكن مريضه وتعاندنها لاومسويات فيها حريصات عليها وانتن المستشفى ماوديتنها ليه ..
وعد :انت مالك خص يامتخلف وش رجعك ياعساك غرقان في عبارة السلام ..
عساف :ضحى بمرك العصـر جهزي حالك ..
ولفيت عنهم وطلعت قبل مايسمع ردها اعرف تسويها وتكسحني قدام خواتها ..

((9))


صحى من النوم بحماس اصلاً مايدري اذا هو نام وكان يحلم فيها ولاكان يهوجس فيها لين طلع الصبح .. واقف قدام المرايه يمشط شعره .. وقف فجأه يناظر بشكله ليش يحس نفسه متغيــر .. فيه شي غيــر .. دقت اجراس الخطر داخله تأخررر رمى المشط اللي بيده واخذ شماغه ومفاتيح سيارته وطلع يجري تذكر جواله ومحفظته بس مارجع يأخذهم .. كل تفكيره انه بيروح هناك وبيلقاها مافكر لو واحد بالميه انها ماراح تجــــــــي ..

انتهى البااارت

الحلقه السادسه والثلاثون
((1))
ميشـو


زماني يازماني يازماني
حبيب الروح في الآخر نساني
اعلمه الرمايه كل يومً
وحين اشتد ساعده رماني ...
صرخـت بأندهاش ..
ميشو :رائعه انتي ريدا ..
كريمـه :ريدا ليش ماتشركين بالستار اكاديمـي اضمن لك الستار ..
ردت علينا ريدا وهي تعيد العزف على العـود الذي تحتضنه ..
ريدا:تسلمن يالغاليات بس والله ماتليق علي الشهره ..
كراميل :انتي جربي قبل بعدين تعالي قولي تليق عليك اولا بعدين حنا نبي نشتهر عن طريقك عندك مانع ..
ريدا :انا لااا .. ميشو عندك مانع ..
ضحكت كثيراً على طريقتها بطرح السؤال ..
ميشو :وماشأني انا ..
ريدا :يقولون انك خويتي ..
ميشو :ومن قال ذالك بالتأكيد لم يعرف حقيقتنا ..
كراميل :عاد بدت فيلسوفة الشله تبدع بالهرج ..
ريدا :حلوه الهرج كثريلي منها .. كراميل ابي اعدل ميزاجي ..
ميشو :هاقد بدأنا بالمحظور ..
ريد :طيب جربي بعدين احكمي ..
ميشو :كلا ياعزيزتي دعيني بعيــده .. لست مستعده بعد للأدمان ..
كراميل :دقي على خوينا خليه يجيب ..
ريدا :أي واحد اللي الأول يقولون انه مقبوض عليه ..
كراميل :والله ماقال لي متعــب ..
ريدا :تدرين ان متعب هذا بيوديك بالداهيه ..
كراميل :مافيه شي اسمه داهيه بقاموسـي .. بعدين ياهلا بالداهيه اللي بيوديني لها توتي ..
ريدا :بهذي صدقتي ..
ميشو :آآآه توقفا عن ذالك ..
ريدا :تكلمت عدوة الرجال ..
ميشو :يألهي لو تعرفن كيف ينظر أليكن الرجال ماتحدثتنا عنهم بهذه الطريقه ..
كراميل :ايه ميشو لاتلبعين بعقولنا ..
ميشو :هل اصبحت انا من العب بعقولكن .. لقد لعب بها الرجال اشواط واشواط ..
ريدا :بس لعبهم محترف وعلى مستوي ولعبك انتي يغث ويسد النفس ..
ميشو :رائع رائع ايتها الخائنه هل تبيعين رفقة عمر من اجل رجل ..
كراميل :هيي ريدا احترمي حالك واعتذري من ميشو .. ماهي ميشو اللي ينقال لها هالكلام .. بعدين انتي كيف تأمنين على نفسك تقولين لها هالكلام وبيدها كوب قهوه .. نسيتي ان لها سوابق ..
يال الهول هل يسخرن مني .. على حين غفله منهن تسللت لخارج الغرفه ومن ثم خارج الشقه بعد انا انتزعت المفتاح من بابها واقفلت به الباب من الخارج وانا كلي ثقه ان هذا هو المفتاح الوحيد ولاتملك أي منهن في الداخل مفتاح ..
وصلني صراخ احداهن من خلال الجوال بعد نصف ساعه :ميشو يامجنونه ..
ولكني كافئتها بأغلاق الخط ..
ملاك :وش فيك ياجميل جالس لحالك ..
ميشو :لاتخاطبيني بلهجة الذكور ..
ملاك :ايه صح صح نسيت انك آنسه ..
ميشو :توقفي عن التهريج واخبريني ماذا تفعلين بغرفتي ..
ملاك :ولاشي بس كنت ماره قلت اطل عليك متي حييتي كذا يعني اشوف اخر اخبارك الحيويه ..
كررت خلفها ..
ميشو :الحيويه ..
ملاك :ايه الحيويه ولاتقولين ماتعرفينها هذي كلمه اخذناها اليوم بالعلوم ...
ميشو :آآه .. فهمت .. فهمت .. المدرسه ..
ملاك :يه وخري هنا ياراعية الجامعه ترى كل اللي بينا 6سنوات ..
ميشو :جيد .. ياصاحبة الطموح .. 6سنوات جميله اتمناها لك في دهاليز المدرسه ...
صاحت بي بخوف وكأن دعوتي مستجابه لا محاله ..
ملاك:فال الله وفالك انا قصدي ثلاث سنوات بالثانوي وثلاث بالجامعه ..
وبلحضات لم تكد فيها الكلمات ان تصل لدماغي .. صاحت بأنفعال ..
ملاك :ايييه نسيت مأدري وش ادخل علمي او ادبي بروح اسأل سارا ..
وخرجت من عندي وهي تنادي على سارا ..
كم اتمنى لو احيا حياة ملاك او سارا ..
حياه هادئه مليئه بالحيويه .. والأهم بعيده عن الأنتقام الذي يثقل كاهلي ..ويتعب تفكيري المتعب منذُ ولادتي ..


((2))
منير


طلعت من البيت اركض .. حرب اللي داخل حرب .. ليه يتهاوشون حرااام عليهم انا احسهم شوي ويذبحون بعض
.. ليش يمـه ليش .. ليش ياقيس ..؟!
من قال ان سارا محتاجه له .. ليه امي تظن ان سارا ماراح تزوج بعد مانفصخت خطوبتها
.. تحسب يعني ان زواجها من قيس هو الحـــــــل ..
ليش الناس تفكيرها غبي .. قيس وسارا كيف ..
انا خايف على سارا خايف ..
قيس مجنون ماهو طبيعي تو كان بيذبح اللي قدامه من الأنفعال .. وجابر ليش يتدخل ليش يكره قيس ليش يشب النار بين قيس وبين امي ..
شفت قيس يطلع شبه جري من البيت ويركب سيارته اللي حركها بالسرعه تطحن اللي تمر عليه ..
اول ماشفت جابر ركضت له بعرف منه وش صار مع اني كنت مقهور منه الحقير ..
منير :وش صار ..
جابر :ماودعته .. خلاص امي طردته من البيت ..
وجلس يضحك .. مبسوط هو ووجه الحيوان ..
منير :وليش طردته ..
جابر:تقول مافيه رجعه لين يرضى يتزوج بنت الأصل والفصل سويره ..
بعدت عنه لين صار مايقدر يمسكني ..
منير :بنت اصل وفصل غصب عنك يالحقيرررررر ..تفــوو عليك ياشراااب الدخاااااان يااااتاررك الصلااااه ..
وحطيت رجلي وهربت .. لأني كنت متأكد لو طحت بيده كان بيذبحني .. مالت عليه وعلى الشينه زوجته وععععع ...
اصلاً هو مقهور لأنه ماتزوج سارا اكيد مقهور .. تفوووووووعليه ..
وعد :اوب اوب .. اوب كل هذي عصبيه ..
اووووه هذي وش جابها الجنيه ..
لفيت عليها وانا ودي ازنطها ..
منير :خير انتي وش تبين ..
وعد :وش ابي يعني امش نلعب كوره ..
منير :مالي خلق نواف وينه ..
وعد :راقد ..
راقد غريبه وش عنده الدب ..
منير:وانتي وش عندك طالعه من غيره ..
طالعتني بنص عين وراحت تمشي وخلتني ..
لحقتها .. جلست تركض ..
منير :وعدوووه تعالي ياحماره ..
ناظرت فيني .. وهي تضحك .. وجلست تصارخ ..
وعد :اتحداك تلحقني ... الوعد عند دوار الورد ..
منير :لايالخبله بعيد هذا بتطلعينا من الحاره ..
وعد :بعيد ولاماتقدر يادب خايق اني اهزمك ..
جلست اركض وراها وهي تدخل مع شوارع الحاره يقالها بتختصر الطريق مادرت انها كذا تطوله وانا استمريت بالنفس الشارع ..
وبعد ماأنقطع نفسي وصلت عند الدوار بمعجزه من السيارات ووقفت وسطه ادورها مالقيتها.. اووووف وين راحت ذي صدق غبيه غبيه غبيه ...
جلست اناديها يمكن هي على الرصيف وانا ماني قادر اشوف الرصيف من زحمة السيارات ..
منير :وعععععععععد .. ياوعععععععععععععععد ..
سمعت صوتها .. ترد علي ..
وعد :تعال منير انت ووجهك خلاااص فزت تعاااال ..
وش فيه صوتها كنها خايفه .. ياليت والله وعدوه تخاف خخخخخخخخخخ ..
قطعت الشارع بالسرعه ولقيتها جالسه على الرصيف كنها شحاده جيت جلست جنبها ..
منير :وش فيك ليه ماجيتي هناك ...
وعد :مالي خلق خفت تصدمني سياره واروح ضحية التهور وأكون عبره ..
منير :وش فيك صايره فهيمه اليوم ..
وعد :خخخخ اقشر فهامه اللي بتلقاها عندي بس اليوم اخذين درس عن الحوادث المروريه وجمعت لي كلمتين منه وجيت اتفيلح فيهم قدامك .. منيررر شوووف هناااك ..
لفيت اشوف وين ماده اصبعها وانصدمت هذا فادي ايه هذي سيارته .. بــــس من هذي اللي معه .. سويت نفسي مافهمت قصدها ..
منير :وين هناك السيارات قصدك ..
وعد :اصلاً انت شفته اخوك فاديووه الفاسد لاوراكب سياره كشخه من وين جايبها ..
منير :وانا وش دراني عنه ..
وعد :انت ليه كل أخوانك كذا اغبياء وفاسدين ...
هييي وش تقول الهبلا ذي ..
منير :احترمي حالك من زينك انتي وخواتك ..
وعد :احلى منك على الأقل حنا عندنا وحده عاقله .. انتم البيت كله منتهيه صلاحيتكم ..
منير :هع جدديها .. وهين تشوفين دوري احد يشتريلك من الدكان ..
وعد :يمه خفت عاد انا اشتري ..
منير :ومن وين لك فلوس ..
وعد :ادبر نفسي ..
منير :كيف بتدبرين نفسك يعني .. بتسرقين ..
قلتها بأستهبال ..
وعد :ايه اسرق ليه لااا ..
طالعتها احسبها استهبل .. بس كانت نظراتها تثبت صدق حكيها ..
منير :انتي تسرقين ..
وعد :ايه اقولك ماتفهم انت ..
منير :بس ليه ..؟
وعد :يعني ليه الناس تسرق ..
منير :مأدري الناس تسرق عشان اشياء كثيره ..
وعد :خلاص انا مثل هالناس ..
منير :وانتي مصدقه انك من الناس ..
عصبت وحواجبها نطت بنص جبهتها ..
وعد :احترم حالك وش قصدك يعني انا حيوانه ..
ههههههههههههههههههههه ياليتكم بس تشوفون وجها وهي تكلم ..
بتردد جيت بسألها باللي افكر فيه .. وكنت احسبها تفهم وتعرف تفكر ..
منير :وعد بسألك سؤال بس لاتفهمين خطأ ..
ردت علي بأسلوب ابله ..
وعد :بأختصار وش تبغى اسرق لك ..
منير :هذا اللي كان ناقص اطلب منك تسرقين لي ليش مالي يد ..
وعد :اجل وش تبي ..
منير :اصلاً انا الغلطان اللي كنت بقولك شي ..
نطت بلقافه وشوي وتجي بحظني ياخي هالبنت ملقوفه بشكل ..
منير :لاتعالي اجلسي هنا احسن ..
وعد :اقول انقلع ياقليل الأدب .. مالت بس اخو قيس وجابر من وين بتجيب الذرابه ..
وقامت مأدري وين بتروح ..
منير :تعالي يالذربه وين بتروحين ..
وعد :بروح الصين انتي شكو ..
منير :تعااااالي يالخبله تعاااالي بشتريلك اسكريم ..
لفت علي بالسرعه ..
وعد:احلف ..
منير :بتجين ولاشلون ..
وعد :لاخلاص بجي بس ياويلك لو تكذب والله لأفلقك ببلكه ..
صدق اني غبي يوم فكرت اخبر هالبزر عن حبي لشوق ... آآآآه ياحياتي يالشوق ..


((3))
سارا


يالناس آآهه هههههههههههههههههه ماني قادره اوقف ضحك ياربي من المهبوله ذي ملاك .. هبلت بأبو جد الأبله مسكينه بتطلع من الفصل على طول لشهار ..
تعرفون انا وملاك عدونا الأنجليزي والمشكله بهالأبله شايفه حالها بقوه .. عاد ملاك ماتحملت وبدت بأساليب التطفيش حقتها تصوروا من بدت الحصه وهي كل مالفت الأبله على السبوره جلست تقلد صوت مره صوت رجال مره صوت حصان مره صوت مطر ابداع ابداع .. والمعلمه منهبله ووالفصل كلهم مو دارين من اللي يسوي هالحركات ..
سارا :خلاص ملاك والله بتكشفك .. خليها للحصه الجايه ..
ملاك :اوكي بس شوفي وش بسوي ..
وجلست تقلد صوت غراب بصوت قوي ... انا خفت منه ..
الأبله :قلة ادب اللي جالس يصير قمة السخافه ..
المفرروض اللي جالسه تسوي هالحركات وواضح انها ماتبي تحضر الحصه توقف وتقول ماأبي احضر وانا احب ماعلى قلبي اني اسمح لها تطلع برى لأني مستغنيه عن مثل هالأشكال ..
ملاك بهمس لي ..
ملاك :ياحبها لنكد ..
سارا :ولاكأنك مسويه شي ..
ملاك :أنا اعوذبالله وش سويت ..
سارا :ولاشي حياتي انا اللي سويت ..
ملاك :اقول اسكتي العله تطالع فينا ..
سكتنا شوي لين لفت على السبوره ..
ملاك :اووووف وبعدين مع ابو العله هذي ..
سارا :ابوها شكو ..
ملاك :مأدري عنه ..
سارا :ملاك انتي مسخنه ..
ملاك :لابس شوي واصير محمومه مو مسخنه بس من هالعله ..
سارا:اللحين انا ودي افهم الحصه خمس واربعين دقيقه ولا خمس واربعين ساعه ..
تثاوبت ملاك وحطت راسهاعلى الطاوله وهي تقول ..
ملاك :انام ابرك لي من مقابل هالعله ..
قبل مارد عليها دق الجرس وقمنا كلنا مره وحده ومانتبهنا ان الأبله للحين تشرح وماعندها نيه تطلع .. لين قالت ..
الأبله :خير خير ليه واقفين ..
ملاك :يووه انتي للحين فيه خلاص دق الجرس ..
الأبله :ايش ..
سحبت ملاك اجلسها وانا ابتسم للأبله ابتسامه بلها ..
سارا :ولاشي بس كنا نحسبك بتطلعين ..
الأبله :طيب ماطلعت يالله اجلسوا ماني طالعه لين اخلص شرح ...
جلسوا بنات الفصل يترجونها تطلعهم لأنها الأستراحه بس هي ماعانده الا بتكمل شرح عمى بعينها بس والله لنعوضها بالرابعه ماحنا حاضرين ..
اخيراًاعتقتنا اول ماطلعنا من الفصل لقينا وعد بوجهنا ..
وعد :وينكن كل هذا اجتهاد ..
ملاك :ماتشوفين العله ذي كاتمه على نفسنا ..
وعد :طيب يالله امشوا .. لحضه هذي وش فيها تطالعكم كذا ..
لفيت اشوف من تقصد لقيتها البنت اللي فشلناها ذيك المره يوم جت بتعرف علينا ومن يومها وهي حاقده علينا ودايم تحاول تمصخر علينا بالفصل بالطريقه غير مباشره هي وشلتها ..
ملاك :ايه لتناظرين فيها هذي عدوتنا ..
وعد :احلفن هذي معجبه بنواف ..
ملاك :والله ..
وعد :بس نواف ماهو معطيها وجه ..
تجاهلناها ورحنا للمخبأنا السري وكالعاده لقيناهم ماقصروا بالسرقه بس انا وملاك كنا نأكل من فلوسنا نعطيهم فلوس يشترون لنا فيه مانأكل من سرقتهم ..
ملاك :وين الشاهي ..
وعد :ام خالد غايبه ماعندنا احد يسويلنا شاهي ..
سارا :لاتكفون دبروها انا مأقدر اصبر دقيقه زياده من غير شاهي ..
قالت وعد اللي ماعلى لسانها هاليومين الا السرقه ..
وعد :وش رايكم اروح اسرق لكم من غرفة المعلمات شاهي ...
صقعتها بقوطي العصير اللي معي على راسها ..
سارا :شكلي بعلم عليك ضحى تخبرك كيف تسرقين زين ..
هع ياليتكم معي تشوفون كيف طلعت عيونها قدام من الروعه .. وبكل العصبيه اللي تقدر عليها قالت ..
وعد :قسم بالله لو دريت انك مخبرتها لأقاطعك طول حيااااااتي ..
رميت نفسي على ظهري بحضن ملاك .. وانا حاطه يدي على قلبي واتأوه ..
سارا :لااياربي آآآآآآه تكفين وعــد ابوس رجلك لاتقاطعيني امووووت انااا ..
سكتتني وعد بالصرخه ..
وعد :هاااااه وش قررتم تبون شاهي اولا ..
سارا :سرقه لاا ..
وعد :سرقه وانتي بعد تروحين تسرقين معي عشان ماتقدرين تخبرني ضحى علي ..
ضمتني ملاك وقالت ..
ملاك :انقلع انتي ووجهك وش قالوا لك حراميه توأمي ..
وعد:بتصير حراميه على يدي .. والا بطيحكم بورطه تحرمكم من المدرسه ومن مدارس المملكه كلها ..
قلنا انا وملاك بنفس الوقت ..
ملاك سارا: عز الطلب


((4))


تسللت من جنب أختها ونزلت للصاله المظلمه ..سحبت سماعة التيلفون وراحت فيها للمطبخ .. شبكت السلك وصكت الباب وجلست عليه عشان محد يقدر يدخل .. ودقت الرقم اللي رد بعد الرنه الثانيه ..
الطرف الثاني :يالله قفلي انا ادق عليك ..
كانوا يسوون هالحركه كل يوم تقريباً ..
اول ماحطت السماعه من يدها دق ..
:آلوو ..
:مرحبا كيفك حبيبتي ..
:كويسه ..
:وش فيه صوتك ..
:ماأبي ادرس اوووف ماأبي اقوم كل يوم ست الصبح ..
:الصراحه ماألومك .. اوف ودعت القومه الصبح من ست سنين ..
:لأنك فاشل ..
بضحكه :اللحين اسمعوا من يتكلم ولاكأنك مودعتها من قبلي ..
:ايه بس رجعت لها .. انت بترجع ..
:انا ارجع ليش اهبل ..
:اوووووف الوليد متى بطلقها ..
سكت :.....
ملاك :ليش سكت ماتبي تطلقها صح ..حرام عليك والله انا اموووت من الغيره كل ساعه ودقيقه يوم اتذكر انها زوجتك وانا ولاشي يربطني فيك ..
الوليد :ملاك هدي تعرفين اني ماأحبك لاتكلمتي بهالطريقه انا قلت لك بطلقها بس مو اللحين انتي ليه ماتفهمين اهلي بيغضبون علي لو طلقتها اللحين ..
ملاك :اجل متى ..متى ..
الوليد :انتي ليه مستعجله اللحين .. مو حنا نقدر نشوف بعض نكلم بعض .. بدون مانخاف من احد ..
ملاك :من قال ماأخاف من احد انا اخاف خواتي يكشفوني اخاف ضحى تدري ..
الوليد :واذا درت اختك هي مو امك المفروض تكونين مرتاحه ماوراك احد يحاسبك ..
ملاك :بس انا ماني مرتاحه ..
الوليد :متى بشوفك ..
ملاك:مأدري اشوف بكره اذا ماكان عندنا اختبار جيت عند خالتي ..
سمعت صوت احد ينزل مع الدرج قفلت بالسرعه حتى قبل ماتودعه وفتحت درج الدولاب وحطت السماعه فيه .. وهي تصك الدرج جاها صوت سارا النعسان ..
سارا :وش تسوين ..
ملاك :ولاشي بس ماجاني نوم جلست احوس بالمطبخ ..
سارا :طيب انا ابي انام ..
ملاك :روحي نامي ..
سارا :يووووه اخاف تعالي معي ..
ملاك :اوكي امشي يابزر ..
ودزت سارا اللي تعثرت بمشيتها من النعاس ..
دخلوا غرفتهم .. اول ماحطت راسها على المخده بدت تفكر باللي كان ممكن يصير لو سارا دخلت عليها وهي للحين تكلم بالتلفون وش بتكون ردة فعلها بتنصدم تزعل وش بتسوي .. وهي نفسها وش بتقول لها بتصارحها اوبترفض انها تقولها الحقيقه وتقول انها امورها الخاصه .. بس سارا ماعمرها خبت عليها شي .. الا خبت عليها سبب اللي خلى جواد يفصخ الخطوبه ...ايه هي تدري ورفضت تقولها ومالها حق انها تحاسبها لأنها هي اللي بدت تخبي عني اسرارها .. اللي تسويه خطأ هي اللي كانت تمنع شهد من هالطريق بكل برود اللحين جالسه تمشي على طريق الضياع ليه تسوي بنفسها كذا وهي داريه عن نهاية هالطريق .. بس هي تحب الوليد تحبه تحبه تحبه تحبه تحبه تحبه تحبه تحبه تحبه ... موكلمه ترددها لاتحبه مشاعر تسيطر عليها تخلي اللي يتكلم عنها لسان ماهو لسانها اللي يفكر عنها عقل ماهو عقلها ..
كانت طالعه من بيت خالتها مصدومه تبكي معقوله الوليد تزوج بنت عمه .. الصدمه ذبحتها .. سارا كانت تدري وماخبرتها لاوكانوا معزومين على الملكه ياليتها درت ياليت كانت راحت وطربقتها على روسهم .. كلام مجرد كلام ماكانت تقدر تسوي شي وبصفتها مين .. لكن كان اهون من الصدمه اللي تلقتها الخبر نزل عليها مثل الصاعقه كانت تضحك وتستهبل مع ود لين قالت جملتها اللي ذبحتها ..
ود :الا تعالي لاتضيعين الموضوع ليش ماجيتوا بملكة عمي الوليد وانا اللي جالسه احتريكم خليتوني شماته للي يسوا واللي مايسوى ..
رددت الجمله وراها ببلاهه ..
ملاك :ملكة مين ..؟!
ود اللي استغربت النبره المخنوقه:ملكة عمي الوليد لاتقولين سارا ماقالت لك ..
ملاك :الوليد عمك ..
ود :ايه الوليد عمي اجل الوليد بن طلال ..
ملاك :ملكته ..
ود :ايه .. تصدقين حاسه انك بتسوين فيني مقلب ماأدري ليش بس انا .................
كلام كثير ماسمعته ملاك .. اللي سحبت عباتها وبدت تلبسها بعيون جامده واطراف ترتجف ..
ود :هي ملاااك تعالي وين رايحه ... بنت تعاااااااالي ..
بس ملاك اول مافتحت الباب بدت تركض مخنوقه تبغى تبعد عن هالبيت بأي طريقه البيت هذا سبب شقاها هي وأختها دخلوه بنية استغلال اللي فيه وهذا هم يطلعون منه بآلآآم وجــراح اقوى من أي استغلال كانوا مفكرين فيه ..
تفكيرها صدمتها دموعها كل هالأشياء منعتها من شوف السياره اللي متوجهه لها ..
ود:ملاآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآك ..
انشلت حركتها بعد ماشافت السياره اللي متوجهه لها ووقفت على بعد ملي منها ..
جت ود اللي تركض وحطت يدها على كتف ملاك :ملاآك وش صار ..
:وش فيكم ..؟!
ود:انت ليش مسرع كنت بتصدمها ..
الوليد :آآه اسف ماشفتها ..
ورفع عينه لشباك اللي قدامه على طول وشافها تطالع مع الدريشه ..وبذاكرته صور متفرقه ليوم فيه كان يبكي من القهر لأنها مو قادر يوصل لها وحارمينه منها .. وصوره مثل الفلاش لساعات كان طاير فيها من الفرحه وهو يملك عليها .. وصوت يتردد صداه بأذنه : هو يحب يده وجه وقفى اني رضيت فيه بعد ماحفى وهو يجري وراي ..
مد يده بطريقه غبيه :الا ود ماعرفتينا على بعض ..
تحركت ملاك بعيد عنهم وكأنها متردد باللي بالتسويه وبنفس السرعه اللي كانت تركض فيها قبل كملت طريقها..
ود :وش فيك انت غبي .. وتقلد صوته :الا ود ماعرفتينا على بعض ..وين عايشين فيه حنا لاوماد يده ماأقول الا الحمدالله والشكر ..
بس الوليد ماكان معها كان يراقب طيف ملاك وهو يبتعد بخطوات متعثره ..
الوليد :وش فيها كانت تبكي بعدين وش كل هالركض ماأكل انا..
ود :قليل ادب ليه تناظر فيها ..
الوليد :انا ماناظرت هي اللي فاتشه وجها ... الا صحيح من هذي ..
ود :وانت وش دخلك ..
الوليد :يالله ود لاتكوني عبيطه قولي من هذي .. ولا اقول اركبي بمشيك ..
ود :تمشيني كذا وانا مو لابسه عبايه انت من تزوجت هالمتخلفه وانت مو صاحي ..
الوليد بعصبيه :ووووود ..
ود :لاتصارخ ترى ماأقولك من هذي .. وجلست تسويله حركات بحواجبها ..
الوليد :وش اسمها ..
ود :ملاآآك .. صح وهي ملاآآك ..
الوليد :يعني مو مره ..
ود اللي انقهرت منه :اوووووف مالت عليك بس اذا هذي مو ملاك اجل من الملاك شووقوه الصوماليه ..
الوليد وعينه للحين على الشباك اللي طيفها وراه:قربيني منها ولك اللي تبين ..
ود :وش اقربك قسم بالله انك مو صاحي انت عم انت ..
ولفت بتروح عنـه .. بس الوليد سحبها مع يدها ..
الوليد :تعالي ودووده .. موانتي ماتحبين الشوق ..خلاص عرفيني على ملااك يمكن احبها واترك شوق وتزوجها ..
ود بنظرة أستخفاف :شايفين هنديه قدامك تلعب عليها ..اقول ابعد بس واذا حاولت تقرب من قريبات جدتي شيماء بخبر عليك ابوي ..
وابعدت عنه بالسرعه .. بس هو ماأبعد الفكره عن راسه ولاراح يبعدها..

((5))

ضحى


سخلت الشمس وانا واقف ادق الباب .. انا ماأدري متى خواتي بيبطلوا حركات العجز هذي عنهم ..
شدن :ماما اظربيهم لفتحوا الباب ..
ضحى :خليهم يفتحونه بالأول وابوك هذا اللي مامنه فايده رمانا وراح ..
شدن :عديم مسئوليه ..
صادقه ياشدن عديم مسئوليه وياليته ماكان كذا .. كان انحلت كل مشاكلنا ..
انفتح الباب وطل وجه وعد من وراه ..
وعد بالصرخه :ضحىىىىىىىىىىىىىىىىىىىىىىىىىىىىىىىىىىىىىىىىىىىىى ..
صرخه صدمتني واللي صدمني اكثر احتضانها لي ..
وعد :انتي يادبى ليش اسبوع كامل ماتجنيا خليتينا لحالنا ..
ضحى :اسفه انشغلت شوي ..
ومع مشاعر وعد اللي صدمتني تحسفت اني اهاوشها ..
ضحى :وين خواتك ..
وعد :انا ودي افهم ليه معلمات الرياضيات عليهم اسأله ماأدري كيف جايه ..
ضحى :ليش وش فيه سؤالي..
وعد :يعني خواتي خوات الفقر والعوزه والحاجه وين بيدجن وهن مفلسات ..
شدن :يمكن يروحن باريس ..
وعد :ياخفة دمك انتي من كثر ماتجلسين مع عسافوه الأقشر طلعتي عليه ..
دخلت ولقيت خوات الفقر على قولة وعد تاركات دراستهن وجالسات على التلفزيون .. اصلاً انا ماجيت لهن اليوم الا وانا داريه انهن بيقضن يوم الخميس باللعب والكلام الفاضي ..
بعد السلام ..
ملاك :شهد قومي سوي قهوه ..
شهد :احلفي انتي بس .. انتي الكبيره يعني انتي اللي تقومين تسوين قهوه ..
سارا :لاحبيبتي ماحزرتي هي الكبيره يعني هي تأمر وانتي وخواتك تنفذون ..
هند :الحمدالله انا ماأعرف اسوي .. واللي اسويه ماتحبونه ...
شوق :خلاص انا اقوم اسوي ..
ضحى :ماشاءالله وانتم كل مازاركم احد بتجلس تعازمون كذا من تسوي القهوه ..
ملاك :لاوش دعوى بس قدام اللي انمون عليهم مثلك يعني ..
ضحى :عاد انتم ياكثر ماتمونون على الناس ..
سارا :تونا نقول بسم الله بديتي بالنصايح ..
رديت عليها وانا افصخ عباتي ..
ضحى :بلا هرج فاضي ويالله .. كل وحده تفتح شنطتها تشوف وش فيها ..
صرخات الأستنكار وصياح التمرد .. ايش... لاااا .. حرااااام ...اليوم الخميس ..
ضحى :اصلاً انتم مافرقت معكم يوم بوسط الأسبوع او اجازه كل ايامكم قاضينها لعب وهبال .. يالله انا ماجيت اليوم الا عشان اخليكم تذاكرون ..
وعد :ضحى حرام عليك تونا بداية السنه والله لو انا صعايده مابدينا نذاكر من اللحين ..
ضحى :انتم ماينفع معك لامذاكره بداية السنه ولا باخره .. جربي مره تصيرين شاطره وتذاكرين كل درسه بوقته ...
ضحى :يالله تفرقين كل وحده تروح لها بجهه وتذاكر وأنا بدور عليكن واشوفكن ..
قامن كلهن الا سارا وملاك اللي مبحلقات بالتلفزيون ..
ضحى :هييي ياحلوات الكلام لكن انتن بعد ولانسيتن انكن تدرسن ..
ملاك :لامانسينا بس حنا ذاكرنا وخلصنا ..صح سارا ..
سارا :ايه صح ذاكرنا ..
سألتهن بالشك .. معقوله يعني ذاكرن ..
ضحى :متأكدات ..
ملاك :قسم بالله اجل وش تحسبين ..
ضحى :والله اجل جيبي اشوف كتابك الرياضيات بكتب لك اسأله فيه ..
سارا :بس حناماذاكرنا رياضيات ...
ضحى :والله ومتى بتذاكرنها ان شاءالله ..
ملاك :بكره ان شاءالله الجمعه بنذاكر رياضيات صح سارا حنا مرتبين جدول للمذاكره اصلاً ..
ضحى :طيب جيبي كتاب العلوم بكتب لكم اسأله منه ..
ملاك بتردد :علوم .. لاعلوم صعب ومافهمناه ويوم السبت بنسأل المعلمه عن اللي مافهمناه عشان هي بتعطينا مراجعه ..
ضحى :والله بديت اشك انكم ماذاكرتوا وجالسين تكذبون علي ..
صرخت ملاك ..
ملاك :حرام عليك اللحين اقسم لك بالله وانا اكذب كيف تجي ذي صح اني داجه بس ماأحلف كذب ..
سارا :تعجبني توأمي داجه بس باخلاق ..
ملاك :اكيد طالعه عليك توأمي العزيز ..
سارا :العزيز توأمك احلفي توني ادري ...
ملاك :ولا أنا كنت ادري ..
سارا :اجل كيف دريتي ..
ملاك :توه جاني الألهام منك انا العزيز توأمني ..
ضحى :انتن ماتملن من السخافات اللي تجلسن ترددنها هذي ..
سارا :بالنسبه لي الجواب هو لا ..
ملاك :وبالنسبه لي لا هو الجواب ..
سارا :تدرين ملاك ياعزيزتي وش اللي يعجبني فيك ..
ملاك:وش ياتوأمي العزيز ...
ساارا :انا اول مانذاكر درس تجين تطبقينه بالواقع ..
ضحى :ووش الدرس اللي ذاكرتوه وطبقته اختك بالواقع ..
سارا :درس القواعد تقديم المبتدأ وتأخير الخبر ..
ضحى :والله درس تقديم المبتدأ وتأخير الخبر .. من أي موضوع ذاي لقاطتها ..
سارا :وش قصدك ..
ضحى :قصدي انك حافظه العنوان بس وانا مندهشه كيف حفظتيه وانتي مو داريه وش الكلام اللي تحته ..
سارا :اصلاً المفروض انك تصفققين لي وتجيبين لي هديه عشاني حافظه العنوان المعقد ذا المفروض هذا يحطونه سؤال بمسابقه اللي يكرره خمس مرات بالسرعه وورى بعض يأخذ جائزه ..
قالت شوق اللي دخلت علينا ومعها صينية القهوه ..
شوق :كرريها انتي خمس مرات وانا اعطيك الهديه ..
ملاك:والله ووش الهديه اللي بتعطينها ماتصلح لي..
سارا :لااا هذي الهديه لي ..
شوق :لا المجال مفتوح للي يبي يشارك ..
سارا :لاظلم انا وبس انا اللي اقترحت الفكره ..
ملاك :لوصارت المسابقه لك تحكمي هذي مسابقة شوق ..
سارا :حرام عليك والله انا اللي جبت الأقتراح مساابقتي ماهي مسابقة شوق ..
ضحى :اقول انثبري انتي وياها بس لامسابقه ولاخرابيط .. وانتي اتركي القهوه انا اعرف اقهوي نفسي .. ورحي ذاكري ..
شوق :لاوين اذاكر والعشاء ..
ضحى :العشاء انا اسويه .. يالله روحي ذاكري .. وانتن ممكن تنازلن وتقولن وش الماده اللي ذاكرتنها عشان اسألكن فيها ..
طالعن بعض .. والله اني كنت عارفه ان ذولي ماهن وجه مذاكره ..
سارا :ذاكرنا ااااا ..
ضحى :ايه ذاكرتن .. ايش ..؟!
سارا بالسرعه :مطالعه ..
ضحى :ايش مطالعه ..
ملاك :ايه مطالعه لاتجلسين تمسخرين فيها الوزاره ماحطتها من فراغ اكيد انها ماده مهمه ..
سارا :تصوري انك ماتعرفين تقرأين كان صرتي معلمة الرياضيات ..
ملاك :صادقه سارا شفتي وش اهمية المطالعه ..
حقرتهــن ورجعت اسألهن ..
ضحى :ووش غيرها ذاكرتن ..؟!
ملاك :ولاشي لأن اليوم يوم مذاكرة المطالعه ..
ضحى :لاياشيخه وفرحانه بنفسك وانتي تقولينها ومن الصبح صراخ وحلوف واخرتها مذاكرات مطالعه .. انقلعن عن وجهي روحن ذاكرن بس مو تروحن تذاكرن فنيه ولا املاء وتقولن ذاكرنا ..
وقامن وهن يسحبن رجولهن انا ودي افهم ليش هالجيل فاشل ..وبالذات هالخوات اللي هن احوج الناس لدراسه والشهاده .. مقضيات حياتهن لعب وهبال واخر تفكيرهن بالدراسه وكأنهن بنات عز ماذاقن الجوع ولايخافن بيوم يذوقنه ..

انتهى البااارت

الحلقه السابعه والثلاثون ..

[1]

(..ياشقـــاءي..)

ضحى


نزلت الدفتر اللي كنت اصححه من يدي وطلعت للحوش اشوف وش سالفة هاللي يدق الجرس ..
سألت من ورى الباب ..
ضحى :مين ..
منير :أفتحوا انا منير ..
بعد مافتحت الباب .. غصبت نفسي اهدي اعصابي المنفعله وماطلع حرتي بالمسكين منير ..
ضحى :هلا منير ادخل ..
ووقفت احتريه يدخل بقوله انا خواتي ماهن فاضيات للعب معه وراهن مذاكره ..
دخل بس لحضه من هذي اللي معـــه ......ام كايد ...!!!!
ضحى :اهلين خالتي ام كايد حياك الله تفضلي ...
ام كايد :ياهلا فيتس وش اخبارتس انتي وخواتس يابنيتي ..
ضحى :الحمدالله طيبين تفضلي ..
ام كايد :زاد فضلك يابنيتي ..رح ياوليدي الله يستر عليك بس لاتبعد عشان ترجعني للبيت ..
منير :ان شاءالله يمه ..
دخلت ومعي ام كايد اللي مستغربه زيارتها...
بعد ماقهويتها وكنت انتظر تقولي سبب هالزياره ..... اللي صدمني بجد ...
جايه تخطـــــب سارا ساراا للولدها قيـــــس عاد مالقت لقيس غير سارا ...
ضحى :بس هاللي تطلبينه مستحيل ياخالتـــــي .. سارا ابد ماتصلح للقيس ..
ام كايد :وشلون ماتصلح له يابنيتي هذا اللي اتفقنا عليه انا وجدتس الله يرحمها ...
ضحى :جدتي الله يرحمها ومافيه شي اسمه اتفقتم عليه ..
ام كايد :يابنيتي لاتقطعين نصيب اختس ..
اقطع نصيــــب اختي انا اقطع نصيــــب سارا ... اصلاً سارا مستحيل ترضى تعرفون وش معنى مستحيل ..
ضحى :وليه اقطع نصيبها اصلاً هي بنفسها بترفض ..
ام كايد :المهم تشاورينها ولاتنسين ان هذي رغبة جدتس الله يرحمها ..
معقوله اشاور سارا بقيس مجنونه انا لو سويت كذا عشان تنهبل علي اختي ..
شفت ام كايد توقف بتعب ..
ضحى :وين ياخالتي تو الناس ..
ام كايد :ماعليش يابنتي مستعجله امركم مرة ثانيه ولاتنسين تفكرين زين وانتي بنات ومالكن والي خلي خواتك يروحن بنصيبهن ترى ماهو كل مره بيجيكم خطاب ..مع السلامه ..
ضحى :فمان الله ..
مع اني انفعلت بس حافظت على هدؤي لين طلعت من البيت .. وش قصدها بكلامها ومالكن والي .. والينا الله وهو نعم الوالي .. وش يعني بدون رجال بنضيع الحمدالله هذاحنا عايشين واحسن عيشه وماحفظات على انفسنا احسن بكثير من ملايين وراهن رجال ومسويات البلاوي ..
قيس يخطب سارا اكيـــــد هذي نكتة الموسم ياحليلك ياأم كايد شكلك بالغصب بتزوجين ولدك ..
شدن :ماما خلصت مذاكره اروح اشوف وعد تذاكر او لا ..
ضحى :لاحبيبتي انا اروح بنفسي اشوف ..
شدن:لابليز ماما بروح انا ..
ضحى :شدن خلاص لوبغيت اروح انا بروح بنفسي ..
شدن :طيب لاتصرخين ..
طالعتها بأستغراب وش عندها البنت ..
ضحى :شدن بلاطولة لسان ..
شدن :انتي لاتصرخين علي عشان ماأطول لساني ..
مأدري وش صابني وخلاني اظربها كف تندمت عليه بالسرعه ..
يوم طالعتني شدن بنظرة مصدومه وراحت تركض من عندي وهي تبكي ..
ياربي ماأدري وش فيني هاليوم متوتره بقوه واحس ماني قادره احافظ على هدؤي ..
ضحى :اوووووووووووووووف ..
شديت على اصابعي اللي احسها ترتجف معقوله اللي افكر فيه معقـــــوله اكون حامل .. لامستحيل مستحيل يارررررب ماني ناقصه مصايب وحملي مصيبه خلاص كفايه المصايب اللي عشتها بحياتي ...
ماني مستعده اعيش مؤساه جديد بوصول طفل جديد للحياه .. مستحيل اربط نفسي بعســـاف ..
اللي ماراح يتواني بأقرب فرصه يتركني انا وبنتي ولو سمح الله المولد الجديد وكأنا شي ماكان بحيــــــاته ...
سواها مبارك قبله وسواها هو مع عمتي ومع شدن وماراح يردعه شي انه يسويها معي ومع مولود جديد له ..
ياربي اتوسل لك يارب مايكون شكــــي بمحله ... ولوكان صدق وأنا حامل يارب يموووووووت يارب يموووووووووت قبل مايعيش حياة الضيم اللي تنتظره .. آآآآآه ياشقاي ... ياشقــاااي ..
وش هالحياه اللي بيلقاها ولدي هم بهم واول شخص بيتضرره منه امه اللي ماتقدر تعطيه من الأمومه شــــي ..
يالناس الهم شيبنــــــي .. الهم بيذبحنـــــــي ..
انا ماني قادره اذوق الراحه .. وظيفتي من جهه ومشاكلي مع الطالبات والأداره اللي ماتنتهي .. وعساف اللي ماني قادره اتقبله رغم كل محاولاته المستميته انه يكسب رضاي ومحاولاتي وتصبري .. بس ماني قادره اتقبله النفس عايفته ..ومن جهه خواتي وأنا بعيده عنهن كل تفكيري فيهن وبمصايبهن اللي يسوونها والخطر اللي ممكن يتعرضن له ... خواتي بنات ولوحدهم كوابيس تجيني عنهن تحرم عيني النوم .. ضغط وضغط وضغط .. كل شي حولي يضغط علي وهالكابوس الجديد اللي له ليالي حارم عيني النوم ..

[2]

(..سارا والسر الحزين ..)

سارا


طالعت بـ ملاك اللي جالسه تذاكر بأندماج وتاركتني اعاني الوحده مع كتاب العلوم .. كورت قطعه من ورقه شقيتها من أخر الكتاب .. ورميتها فيها ..بس البنت ولاداريه .. رميتها بوحده ثانيه والبنت ولاهي معي ..
بديت اشك انها ماتذاكر بس البنت جالسه تكتب وواضح عليها انها تذاكر ولا الواحد ليه يحك جبهته الا اذا كان يفكر واللي يفكر اكيد يذاكر ..
صرخت ..
سارا :ملااااااااااااااااااااااااااااااااااااااااااااااا اك ...
رفعت ملاك راسها بالسرعه ..
ملاك :وش فيه ..؟!
سارا :قومي يالخبله كنتي بتموتين وانتي مو داريه ..
انخطف لون وجها وواضح عليها الروعه ..
ملاك :ليش وش صار ..؟
سارا :وتسأليني بعد وش صاير ماتشوفين نفسك وش مسويه لايكون ناويه بس تنتحرين.. غبيه انتي حنا ماصدقنا ان نوف تسنى هالخبال عنها طلعتي لنا انتي ..
ملاك :سارا وش سويت انا حرام عليك جننتيني والله ماكنت اقصد ..
سارا :كل هذا وماتقصدين اجل لو تقصدين وش كنتي بتسوين ..
ملاك :ساررررراااااااااااا قوووولي وش سويت والله كنت سرحانه ماني حاسه بعمري ..
ياويلي من هالبنت وش اللي سرحانه كيف تخش المخ هذي اللي كانت تسويه مايدل على انها سرحانه ...
سارا :كيف تقولين سرحانه وانتي كنتي تذاكرين ..
ملاك :طيب ..
سارا :واللي يشوفك وانتي تذاكرين بالأندماج ذاك يخاف عليك من سكته دماغيه تودي بحياتك ...
ملاك :ياحيـوانه اللحين هذا اللي كنتي تقصدينه .. انتي متى بتعقلين خرعتيني وطيحتي قلبي واخرتها تودي بحياتك ...
سارا:ياحياتي من حقي اخاف عليك انتي من متى ماذاكرتي بهالطريقه بجيك شد عصبي مثل الشد العضلي اللي يجي اللاعبين ...
ملاك :تستهبيلين انتي ووجهلك ..
سارا :لا انا ووجهي نستهبل .... يالله عاد ملوكه شكلك غلط وانتي جالسه تذاكرين خلينا نسولف ..
ملاك :نسولف عن ايش ..
سارا :عن أي شي مثل مالاحظتي ان ضحى صايره بطه ..
ملاك :أيه صح سمينه صايره ..
سارا:شفتي طلع عندنا شي نسولف عنه ..
ملاك :طيب لحضه خليني اكمل تعليقي ..
سارا :لاخلينا ندور سالفه ثانيه ..
ملاك :انتي بس تبين تفتحين مواضيع بس ..
سارا :اكيد نضيع فيها ووقت ..
اووووف ليه احس ملاك ماهي معي .. ليه تناظر وراي وماتناظر في ..
سارا :ملاك وبعدين الله يلعـن الدراسه هذي اللي سوت فيك كذا ..
ملاك :هي انتي مصدقه ان اللي فيني من الدراسه ..
سارا :اجل يوم انه ماهو من الدراسه من أيش ..؟!
من يوم تغيرت ملامح وجها عرفت عن ايش ياربي حنا ماخلصنا من هالموضوع ..
ملاك :الوليد .. سارا اشتقت له احبـــــه والله احبــــــه ..
قلت لها بأنفعال وبقهر من هالوليد اللي ماكل عقلها .. والله اني فرحت يوم تزوج قلت بتنساه مثل مانسيت جابر يوم تزوج بس طلعت غبيه متخلفه يالناس واحد ماتعرفه بس تشوفه من بعيد لبعيد وش تحب فيه ...
سارا :حبتك القراده ان شاءالله .. غبيه انتي وش تبغين فيه .. خليك مثلي يوم تزوج جابر قلت بلعنه اللي خلاني احبه يخليني احبه غيره...
ملاك :يووووه سارا بس انا مو مثلك انا احبه صدق قلبي احسه بيطلع من مكانه من كثر مايدق لطرى علي ..
سارا :يووووه منك ومن سوالفك السامجه ..اللحين انتي وش مستفيده من حبه على قولتك بس متعبه نفسك وهو ولاداري عنك ..
ملاك:وانتي وش كنتي مستفيده من حبك لجابر..
سارا:استفدت اني اضيع وقتي ..
ملاك :الحب مو بكيف الواحد ..
سارا :بس انا كان بكيفي ..
ملاك:لأنك ماكنتي تحبينه وذاك كان مجرد لعب ..
سارا:واللي تسوينه انتي وشو مو لعب ..
ملاك :لامو لعب والله انا احبه قلبي كذا يحبه ..سارا توقعين يعني انا فيني شي يخلي الواحد يحبني .....
ياربي وش تقول هالخبله .. وانا وش دراني انا اختها وتوأمها ماأصلح احكم عليها لأني ماأعرف كيف الناس يشوفونها وبالنسبه لي كنت بحبها لو حلوه لو شينه لودمها ثقيل لو خفيف شو ماكانت عليه بحبها ..
ملاك :كل هذا تفكير بسؤالي خلاص عرفت الجواب ..
سارا :وش اللي عرفتيه انا ماقلت شـي ..
ملاك :خمنت ..
سارا :ماشاءالله خمنتي وين هالشطاره عن الدراسه ..
ملاك :........
سارا:ياشينك وانتي جديه .. اصلاً الواحد المفروض يقتنع نفسه مثل ماهو ..يعني لو كنتي شينه ووشيفه ووجهك ماينظر فيه المفروض تحمدين ربك لأنه احتمال فينه ناس اشين منك وشيف اكثر منك ...
ملاك :ابعدي هناك يالحكيمه ...
رجعت على ورى خطوتين ..
سارا :هنا قصدك ..
ملاك :وش اللي هنا ..
سارا :ابعـــــد ..
ملاك :سارا اذا تعبتي من الهبال والأستخفاف تعاليلي ..
وطلعت من الغرفه وانا فاتحه فمي وش عندها الجديه تنافخ ..
طنشتها وفتحت الدريشه وجلست اتفرج على خلق ربي ...
من بين المناظر اللي شفتها طاحت عيني على واحد يظرب أخته كانوا صغار مره تقريباً الولد مايتعدى عمره الست سنين واخته اصغر منه بالسنه ثنتين .. بس كان يظربها بقوه ومن قلب كان ماسكها مع شعرها ويهزها ويعطيها كفوف ..اهتز قلبي من هذا المنظر تذكرت بيوم كنت انا بهالموقف انا اللي كنت اخذ هالعلقات وياليتها من اخوي كان اهون كانت من شخص غريب .. ياليت كان عندي اخو يظربني اذا بيدافع عني اذا مد علي غريب يده ..آآآآه انا وش فيني بديت اهوجس بايام راحت الله لايردها.. اللحين ماأحد يسترجي يمد يده علي ولاحتى الوحش بذات نفسه .. لأني قويه اقوى من قبل بكثير واقسى مايكسرني أي شي ..
هذا القرار اللي اتخذته من بعد ذاك الموقف اللي انكشفت لي فيها حقيقة نفسي ماتوقعت بيوم ان لعبي بينقلب علي وبدال ماألعب انا على جواد هو يلعب علي جرحني ذاك الرفض مع انه ماكان يعني لي أي شي الا خطوبه مؤقت عاجلاً ام اجلاً بتنفض بس ماهو بذيك الطريقه ولامن طرفه هو يجي الرفض بس انا استاهل هو معه الحق كل الحق انا ماكنت استحق اتزوجه ابداً والمفروض ماقبلت فكرة ملاك واصريت على رفضي للموضوع .. وهذا الشي اللي خلاني ارجع للمدرسه بدرس وبنجح وبأخذ شهاده ماراح اسمح لأحد مره ثانيه يشوف نفسه احسن مني.. للحين اتذكر صدى صوته يردد :موكفايه رضيت فيك وانتي شبه أميه تطلعين بعد .......... ,, انتي كيف مجرد تفكير انك تسوين هالشي وانتي عارفه ان اسمك بينربط بأسمي بيوم من الأيام .. بس غلطتي اللي رضيت اوطي نفسي لوحده من شاكلتك ..

[3]

(..حينما تضحك ميشو ..)

ميشو


كم تضحكني هذه الحماقات التي ترددها سارا وملاك على مسمع ضحى ..
سارا :طيب انتي جربي وش خاسره بس مره تكفين ضحى ..
ضحى :سارا ضفي وجهك عني ..
ملاك :اللحين انتي جايه تجلسين معنا ولاجايه تقلبين بأوراقك ..
لم تجبهما ضحى لأنها كانت مشغوله بالأوراق امامها اضنها تخوض معركة وضع اسئلة الأمتحانات التي اظنها تعشقها ...
ملاك :بهوينك لايطير الورق ..
سارا :الاصدق ضحى انتي مارحتي مع شدن اول يوم بالمدرسه ..
ملاك :ياعزي عنك شدونه رحتي لحالك منينه ..
شدن :منينه بعينك .. ياهبلا انا كبيره لو تحطوني بالعليا وتروحون وتخلوني تجون تلقوني سابقتكم على البيت ..
سارا بتصفير :اعقب ياداني ..
ملاك :من داني هذا يالخاينه بتخوني حبي الكبير ..
سارا :الله يلعن ابليسك يالخبله تكلمين كذا قدام امك صدق ان بنات اليوم مافيهم خير ..
ملاك :يالهوي هو انتي شفتي بنات امس عشان تكلمين عن بنات اليوم تصدقين يقولون انهن اصيع منا على الأقل حنا تربيت افلام اجنبيه هم تربيت افلام عربيه يعني ..
سارا :عارفه فساد ..
توقفا عن ذالك لاتخرجا عن محور الحديث اجيبي سارا من هو داني ..
ملاك :بسم الله عليك يالعاقله ..
سارا:بكل فخر ..
ملاك :صدقتي ..
سارا :لاجالسه احاول بس يقول يتعثر الحصول على الصفحه ..
ملاك :انا من زمان قايله غير مخك هذا الظارب بس انتي ماطعتيني ...
اجابتها سارا بلهجه يائسه ..
سارا :وش اسوي يأختي مالقيت له قطع غيار تناسبه ..
ميشو :استغفرا ربكما ماهذا الحديث ..
ملاك :والله انك صادقه استغفرالله وش قاعدين نقول ..
وعد :وخروا عن كتاب القواعد مسويه فيها متدينه ..
سارا :اموت واعرف وش سر العداوه بينكن ..
ملاك :هي انتي العبي باللي عندك وانتي ساكته ..ترى ماأسمح لك تغلطين على ميشو ..
ياعزيزتــــــــي .. جيد هناك من يدافع عني ..
وعد :وععع اموت واعرف وش تحبون فيها ..
سارا :أنتي كل ماجلست معنا ميشو كررتي هالجمله ترى القراء صاروا يعرفونها قبل ماتكتبها عاشقه ...
ملاك :ضحى تكفييييييين ..
سارا :ايش ..
ملاك :نبيها ترقص لنا نسيتي ...
ميشو :ههههههههههههههههههههههههههههههههههههههههههههههههه هههههههههههههههههههههه ههههههههههههههههههههههههههههههههههههههههه ..
يألهي لأستطيع تخيل ذالك ضحى ترقص هوو مايقاد ..
سارا :يالناس ياعيني ياقلبي ..
وسجدت على الأرض بأتجاه القبله ..
ورفعت يديها لسماء ...
سارا :اشكرك يارب اللهم لك الحمدوأخيراً شفت ميشو تضحك ..
ميشو :توقفي عن ذالك .. ولماذا لاأضحك ..
سارا :بكل صراحه شكلك مايوحي انك تضحكين ..
ملاك :يازين يوحي من فمك ياحياتي ..
تنهدت سارا ويدها على قلبها ثم القت نفسها في احضان ملاك ..
سارا :احبك انا .. اعشقك انا .. مغرمه انا ...
ملاك :بتحبني انا .. تعشقني انا .. مغرمه هيا ...
سارا وملاك :وبحبــــك مووت ..
تسألت شهد التي كانت تستمع بلعب الورق مع وعد ونواف وهند :وش هالأغنيه اول مره اسمعها ..
نواف :ياهبلا هذي من تأليفهن ..
ملاك :سارا قومي نرقص شكل محد راقص لنا ..
وقفت سارا وهي تتمايل تحت انغام وهميه ..
ملاك :وياحبيلللله ياحبيللللللله ياحبيللللله سارونا المزيونه ياحبيلللللللله ..رقصه وحده رقصه ثنينه رقصه ثلاثه ..
سارا تتراقص بهزه مقصوده وأخرى للسرقة الضحك من افواهنا ..
سارا :خلاص اوووووف تعبت ..
وارتمت على الأرض ..
ملاك :ياويلي على خصرك انكسر من كثر الهز ...
سارا :شفتي كيف انا فدائيه .. ضحيت بخصري عشان اضحكم ..
رنين هاتفي الجوال قاطع حديثهن الممتع تاره وتافهه تارةً اخرى ..
ميشو :مرحبا سوسو .. كيف حالك ياعزيزتي .. اجل لابأس انتظريني دقائق وسأخرج اليكي ..
ملاك :لاميشو تكفين وين بتطسين خليك معنا ..
ميشو :بأعتقادي لو انتظرت اكثر لطلبتي انتي مني المغادره ..
سارا :افا والله توقعين اسويها .. مستحيل دنا اموت واتابع برنامج ثقافي مباشر بدون شاشات ...
لأعلم مالذي استشفته من نظراتي .. حتى تصرخ ملاك ..
ملاك :خلاص ميشو روحي هذي خبله ماتعرف تمسك لسانها بليز مانبي نخش مراكز شرطه اليوم ...
ميشو :لابأس سأعفيها هذه المره من دخول مراكز الشرطه فقط لأنها شقيقتي ..
انسحبت من بينهم بهدؤ وسط صخبهم المعتاد ترافقني نظرات ضحى الحاده .. افتقدت هذه النظرات منذ وفاة جدتـــي ...
تزامن فتحي للباب الشارع مع خروج ذالك المتعجرف بوجهي تراجع الا الوراء وعيناه تحدقان بعيناي التي سرعان ماأرخيتها حينما قال ..
عساف :خلف تعال وانا عمك ...
لأعلم كيف سيطرت على نظراتي لاأرغب برؤيته .. اما الآن بعد ماأستقريت بالسياره واصبح بمقدوري رأيته من دون ان يراني لم اتانى عن فعل ذالك خصوصاً وانه وقف ينظر الي او بالأحرى الى السياره التي صعدتها ..
..
سوسو :اوب اوب خلف وش يسوي عندكم ..
ميشو :وماأدراني ياعزيزتي خرجت لأجد هذا الموقف لم يكن من صنع يدي ..
سوسو :طيب ليش العصبيه ؟؟
ميشو :لاشيء أخبريني اين سنذهب ..
سوسو :ياويلي عن اخوي طلعنا من الشارع كله وهو للحين يناظر ..
ميشو :حقاً .. اخبريني ماذا حدث للتضاريسه ..
طالعتني سوسو بالدهشه .. تحولت لضحكه صاخبه بعدما استطاعت الربط بين مقصدي واسم خطيبة شقيقها ...
سوسو :ههههههههههههههههههههههههههههههههههههههههههههههههه ههههههههههههه هههههههههههههههههههههههههههههههههههههههههههههههههه ه ههههههههههههههههههههههههههههههههههههههههههههه ...
بأبتسامه لم تفارقني اليوم نهرتها ..
ميشو :توقفي عن ذالك تبدين مضحكه ..
سوسو :آآآه ميشو انتي فضيعه توحفه بجد آآآه هههه ولاتضاريس ياربيه عليك ...
ميشو :حسناً ماأخر الأحداث ..
سوسو :آخر الأحداث ان الحلوه تدلع تقول ماتبي تزوج الا بالأجازه بين الترمين .. الحلوه تحسب اخوي فاضي لدلعها ماتدري انها متزوجها تسد المكان الفاضي ...
ميشو :يال بذئة لسانك ..
سوسو :هع اعجب انك ..
ميشو :يألهي وكأني اطريتك ..!!
سوسو :يأختي هذي مدحه بهاليومين .. الا صح كل عام وانتي بخير قبل الزحمه ..
فهمت ماتقصده الشهــر الفضيل ولكنه لايزال هناك اسبوع يفصلنا عنه ..
ميشو :بعد اسبوع استقبل التهاني وليس الآن ..
سوسو :لاحياتي انا قلت لك قبل الزحمه يعني قبل الزحمه ماراح اهنيك فيه مره ثانيه ..
ميشو :انا بغنى عن تهانيك ياعزيزتي ..
سوسو :وععععع لاتطرينها ..
من .. انا لم اتحدث عن؟! .. احد هل اصيبت بالجنون..!! سوسو هذه ..!!
ميشو :انا لم اتحدث عن احد ..؟!
سوسو :مو تقولين تهاني ذكرتيني ..
اجل تهاني زوجة او بالأحرى طليقة اخيها والفضل لدهائي الم تكن السارقه ..كلا لم تكن هي عبير من كانت السارقه مابالي هل اصيب عقلي بخلل ما .. يألهي انا اعترف صورته لاتفارق مخيلتي ..آآآآآه يال جمال ذالك الطيف الواقف بثقه التفكير بروعته يكاد يفقدني ماتبقى من صحه في عقلي ..
توقفت سوسو عن ثرثرتها التي لامثيل لها سوى عند سارا وملاك ..
سوسو :وش فيك ميشو مش معي ..
ميشو :انا بالتأكيد لاا اكملي حديثك ياعزيزتي ..
سوسو :وش اكمل ترى انا مو غبيه افهم اذا الواحد معي بالسالفه او لا وانتي واضح انك غارقه لشوشتك تفكرين واكيد تفكرين بواحد ...
ميشو :انتي محقه افكر بشقيقك ..
ميشو :مالك ..
ميشو :كلا .. خلف ..
ميشو :اوف اوف تطورنا قبل كل ماسألتك قلتي مالك واللحين قلبتي على خلف بس وش عندك تفكرين فيه ..
أجبتها بكل براءه ..
ميشو :اكتشفت اني احبه ..
حبست سوسو انفاسها ثم القت بنفسها الى الوراء بخيبة أمل ..
سوسو :هذا اللي كانت خايفه منه .. مو قلت لك .. هذا خلف لاتفرطين فيه اللحين لو تموتين ماراح يرجع يفكر فيك ..
حسناً حسناً اقر بأنك تحدثتي عن ذالك .. ولكن نحن باليــوم والحديث عن الأمس لايجدي .. اغيثيني ياسوسو انا في ورطه لقد علقني شقيقك بشباكه ثم رماني .. يال الغبيه صدقوني ستصدقني ...!!!!

[4]

(.. الحنـونــه ..)

عساف


سحبت خلف اللي ماهو راضي يدخل وعيونه على السياره ...
عساف :انت متى بتبطل حركات المراهقين هذي عنك خلاص دجت الله لايردها ..
خلف :عساف تكفى لاتدعي ..
عساف :ياويلي عليك ياأبو قلب تعبان انت ادخل .. ادخل .. لأذبحك واذبح نفسي وراك ..لأنا نستاهل الذبح ...
رد علي بضحكه مرضانه مثل خشته ..
خلف بضحكه :انت تستاهل الذبح ولاذابح عمرك عشان معلمه انا لاسمعت طاري مدرسه حسيت اني برجع اللي اكلت ..
مألومـه ماعاشه معها ماشاف عنادها قسوتها وحنانهااا آآآآآآه من حنانـــــها .. ولاكان ماقال هالشـــــي ..
عساف :انثبر هنا بروح اجيب لنا قهوه ..
طلعت من عنده ودقيت عليها اول مانفتح الخط قلت ..
عساف :جيبوا لنا بالمجلس قهوه وشاهي عندي رجال.. وقفلت ..
كنت بموت واسمع صوتها بس لا انا لازم اقوي نفسي لازم اترك هالضعف عني ولا بكون ضحيتهـــــا ..
رجعت لخلف اللي استقبلني بطاريها حتى قبل مأجلس والغيض واضح بالصوته ..
خلف :انت ماهو تقول انها قويه ومشيه خواتها على الصراط المستقيم ليش ماتوقفها هي بعد عن حدها ..
قلت استدرجه .. وأنا متلهف على الضحك ..
عساف :هي ميــــن ..؟!
خلف :مشآآعل ..
يالناس تعالوا شوفه انتم كيف يقولها مشآآعل وكأنه خايف على الحروف من لسانه يكسرها ..
عساف :مشآآعل ...ههههههههههههههههههههههههههههههههههههههههههههههه هههههههه ههههههههههههههههههههههههههههههههههههههههه ...
انفتح الباب علينا بقوه ... خلتنا نسكت غصب ..
دخلت علينا وعد افندي وبيدها صينية القهوه نزلتها بقوه قدامي ..
عساف :خير ان شاءالله ماتعرفين تقولين السلام عليكم وانتي داخله ...
طيرت عيونها فيني ..
وعد :لايكون تدرس دين انت ووجهك ولامطوع المسجد ..
سفهتها ولاكأنها واقفه تنتظر ردي ..
سحبت الصينيه وقهويت خلف وصبيت لي فنجال نزلته قدامي .. ثم نظرت فيها ..
عساف :خير ..
وعد :بكيفي بيتنا ..
عساف :اقول اطلعي بيجينا رجال اللحين ..
وعد :مين قيس عادي كل يوم اشوفه ..؟!!
شفت خلف بيتكلم وعرفت انه بيرد عليها رد بيسكتها لكن قبل بيجرحها ...
عساف :لارجال ثاني اطلعي عيب ..
طالعتني بنظرة شك .. ثم قالت ..
وعد :ياويلك اذا كان قيس ..
وطلعت بالسرعه وشكلها خايفه من خلف ...
خلف :انت كيف تخليها تكلم معك كذا ..
عساف :وانت ماعندك غير الصراخ والمنافخ خليها ماراح تضرني بالشي لو تكلمت معها بهدؤ ..
خلف :لاحسه مخك اختها لايكون هالنتفه تهددك فيهابس ..
سحبت فنجاله صبيت له فيه .. وفتحت موضوع ثاني ينسيه اللي كنا نقوله ..


[5]

(.. أحساس كذاب..)

ملاك


سحبة المغاط بأصبعي لين صار مشدود ثم فكيته .. حبت الفصفص تحلق بالجو ثم تصقع برقبة الأبله ..
الأبله ويدها على رقبتها محل الظربه ..
الأبله :وعممممممممممى ان شاءالله من هي قليلة الأدب والتربايه ... اللي سوت هالحركه قسم بالله مأعديها لها ..
هي تهدد والفصل يضحك .. وأنا اتمطط بتعب ..آآآآه يامحلى النومه ..
ووسط صراخها قمت بكسل ..
ملاك :ابله تسمحين دورة المياه ..
الفصل هدؤ .. والأبله مذهوله .. وفجأه رجعت تصرخ بصوتها المزعج رفعت يدي على اذني قبل ماتنفقع الطبله واصير صمخا ء..
الأبله :ياقليلة التربااايه انتي واشكالك ليش تجون المدررررسه .. مسويه فيها يعني ان كلامي مو مهم قايمه تقاطعينه بطلب غبي مثل وجهك .. انثبري بمكانك مافيييييييييه طللللعه ..
جلست بمللل .. طالعت بالسارا اللي تكركر وصقعتها على راسها ..
الأبله :وتظربيني زميلتك بعد انتي وحده قليلة ادب ..
ملاك :ماهي زميلتي اختي هذي ..
الأبله :لاتردين علي ياقليلة الأدب ..
ملاك :لاتقولين قليلة ادب .. بالأول درسونا ادب بعدين تعالي قولي انا قليله فيه اوكثيره ..
الأبله :بررررررررررى اطلعي بررررى روحي للأداره .. انتي وحده غير مقبوله هنااا ..
ملاك :ترى حتى لو قلتي الكلام بالصوت واطي بطلع .. ماله داعي تقطعين احبالك الصوتيه ..
رسمت على وجهي ابتسامه رائعه ... وهي تبربر مأدري وش تقول ياهو صوتها مزعج ترى ماسويت الحركه ذيك لأني مشاغبه والله صوتها حاد مزعج يرفع ضغطي ..
كنت امشي بهدوء لين وصلت الباب .. اشرت للبنات باااي وهم ماصدقوا انفجروا ضحك .. سخيفات ...
فكرت اروح للأداره ولا اروح للمخبأ السري ..
اروح الأداره احسن اتهاوش شوي مع ابله عطوف وأفشي غلي فيها يمكن تعطيني اوووت قصدي فصل يوم يومين اسبوع على الكثير اللي يجي من الله حياه الله ..
بس شي وقفني .. ذكرى خلتني اعكس سيري بخطوات سريعه للمخبأ وصلته وانا مأسمع غير دقات قلبي المنفعل .. جلست بقوه كسرت ظهري سحبت جوالها وانا مغمضه عيوني اللي اسويه خطأ ..
لو دخلت علي وحده من خواتي اللحين ..!!!!!!
لو ... لو... لو .... الف لو تدور بالراســــــي ..
واصلاً انا الـــــــــــوم شهـــــــــد انتقدهــــــــــا.. احتــــــــــــقرررررررررر
تصرفاتها ومن نفس جوالها بتصل عليه .. مالي عذر غير اني صادقه وهي تتسلى.......
دقيت الرقم اللي كنت كاتبته على سير ساعتي الجلد البني بقلم اسود ..
سمعت صوته متضايق :نعــــم ..
:آآلووو وليد ..
بأندهاش :ملاآآك ..؟!
طاح الجوال من يدي ... لامستحيل .. شهد .. مستحيل ..
طالعتني بمكر والدهشه للحين على وجها ..
شهد :وش تسويني بجوالي هاه ..
ورفعت الجوال ثواني بس وصفرت ..
شهد :اوب اوب ياخطيره رقم مميز بعد طلعتي مأنتي هينه ...
سحبت الجوال منها بقوه وهي متشبثه فيه مسحت الرقم بالسرعه ورجعته لها ..
ملاك :ياويلك ان قلتي لأحد والله لأذبحك ..
طالعتني بأستخفاف ..
شهد :وليش أعلم يعني انتي عرفتني انا ماليش دعوى بحـد .. والأحسن كمان مايكون لأحد شغل فيني .. آآلووو فهوددي ..
وراحت تمشي لأخر المخبأ وهي تضحك بدلع ..
مسكت راسي غبيه غبيه غبيه غبيه ...زين كذا فضحت نفسي عندها لازم اتسرع وادق عليه ليش ماصبرت لين ارجع للبيت .. وش فيها لو صبرت كم ساعه لين الليل ماني صبرت اسبوع كامل ..
:ملوكه زعلانه مين يراضيهــــا ..
انتفضت يوم سمعت صوتها .. حمدت ربي الف مره يوم شفتها حمدته انها مو هي اللي دخلت علي قبل شوي شهد ولاسارا ..
ملاك :وش طلعك انتي ..
سارا:وادي تقي تطلعي من الفصل وابقى انا هناك والله لو اني قليلة اصل ماخليك لحالك ... مافكرتي تروحين للاداره ..
ملاك :ولاطرى علي ..
سارا:وش فيك زعلانه ترى ماهي اول مره تنطردين فيها من الفصل ..
كنت اناظر بالأرض وانا اكلمها يوم رفعت راسي وشفت كشتها الطايره وتذكرت اللي صار الصبح
جلست اضحك ... طالعت فيني سارا اللي تعرف سبب ضحكتي وعطتني ذاك الكف وانا مازلت اضحك .. حتى الصايعه شهدووه تركت مكالمتها وجلست تضحك معي ...
سارا:بس هي انتي وياها اسكتن الله يأخذ هالأشكال ...
شهد :يوووووووه سارا لو اني منك رجعت للبيت وكملت نومتي على هالدش ...
سارا :ليه ياحياتي هو انا اخذت فرصه استوعب فيها اللي صار ... الله يلعـ ..ـه الحقير الوحش وش يبي فيني هذي ...
قلت استهبل عليها ..
ملاك :يمكن ماكان يقصد ..
سارا :ياحياتي انتي ماشفتي نظراته ولاعرفتي يقصد ولامايقصد انا حسيت انه قاصد التفله تجي بوجهي بعد ...
شهد :لا مأعتقد وين يوم تفل كنتي ركبتي الباص ...
سارا:ايه بس بعد موجهه لي ..
شهد :يوووه انا ودي افهم هو ليش يكرهك ..
ملاك :ياعساه للموت الحقير ... مختفي من العطله ماشفناه ماله حس يجي اليوم يكب عليها مويا قسم بالله انه سخيف ..
سارا :مو بس مويا حتى العبله رماها علي بس انا وخرت يمديني مفلوقه اللحين ..
حسيت كلامها يطلع مخنوق ياحياتي سارا رجعت لها الرعبه منه اليوم صح ماصاحت بس طول الوقت بالباص ترتجف .. ياحياتي الله لايوفقك ياقيسوووووه وين مارحت ...
انا احس انه انسان مريض نفسي .. والله تصرفاته ماهي تصرفات انسان صاحي ...
هزتني سارا .. وبأسلوبها الطفولي اللي يذبح لصارت خايفه ..
سارا:ملاك اليوم شفتي كيف شكله ..
ياحياتي ياسارا انرعبت من وجهه اللي طالع تقل وجه شيطان اسمر بقوه وعيونه حمر ...
ملاك :لاوش فيه شكله ..
سارا :طالع يخوف ..
ملاك :لا مأعتقد عادي كان شكله بس انتي توسوسين ..
تصدقون بديت احس انه بيقتل سارا والله اني ماأكذب يالناس يكرها والله يكرها احس يكره الأرض اللي فيها سارا ووده يحرق فيها ..
الله يستر لايسوي بأختي شـــــــــي .. والله افكاري ماهي مجنونه انتم ماشفتوا اللي شفته ... قيس ماهو ناوي على خيـــر .. عندي احساس ان هالسالفه راح تنتهي بمـــــووت .. يارب يكون احساسي كذاب ..


[6]
(..الذئــــــب ..)



مل من المطالع بالجوال ماهي راجعه تتصل .. اصلاً هي كيف اقدرت تتصل من المدرسه .. الصراحه هالبنت ينخاف منها .. بس تعجبه الحريه اللي عايشتها لا اب لا ام كذا البنات ولابلاش ذولي اللي يصلحن صديقات ماهن راعيات ابوي مايسمحلي اروح لبيت صديقتي وامي لازم تروح معي لسوق ..لو انها شوي مسويه فيها محترمه
بس هو بيطبخها على نار هاديه تستاهل الواحد يتعب علشانها حلوه وبريئه طازجـه تستاهل من يعلمها اصول الحب ..بيحقق فيها ثلاث انتقامت الأنتقام الأول له من حبيبته .. الثاني لأخوه الغالي من اختها .. والثالث لمرة ابوه اللي ماتنزله من زور رغم انها ام افضل اخوانه ..
(توها اتصلت فيني ياحياتي تشكي ضيقها من الدراسه .. قلت لها لو تحبيني اجتهدي بدراستك وانجحي عشان قلبي مو قادر يصبر لليوم اللي بنتزوج فيه ) دور اسمها لين وقف عند حبيبتي الخاينه وارسلها لها ...
آآآآآه أحبك يالشووووووووق أحبــــــــك ياحقيـــــــــــــررره أحبـــــــــــك ياخــــــــــــاينه ..
ليش سويتي بنفسك كذا .. ليه ضيعتي نفسك وضيعتيني معك ... انا الأهبل اللي حبيتك .. كنت فاكر انك بنت عمي يعني اشرف من الشرف نفسه مادريت ان الزباله موجوده بكل مكان حتى ببيوت الحمايل ..
يحترق يمــــــوووت يتمنى ينتحر ويريح نفسه يوم يفكر ان بنت عمه رضت فيه بعد ماحفى على قولتها وهو يتمنى رضاها بس عشان تستر نفسها بعد ماضيعت شرفها ..
مسح دمعته اللي نزلت :لايالوليد خلاص انتهى زمن الدموع .. ذولي واطيات مايستاهلن دمعه تنزل عليهن ...


انتهى البااارت

الحلقه الثامنه والثلاثون

((1))

[.. الصفحه اربعين ..]

سارا


حاولت الفت انتباها بأي طريقه بس البنت ولاهي هنا صفقت صرخت سويت حركات والبنت اندماج اللي يشوفها يقول هذي صدق فاهمه للي جالس ينقال ..
يدها على خدها اللي مركيتها على الطاوله وعيونها وفمها مفتوحات وسيده على المعلمه ..
سحبتني ملاك من قدام الباب ..
ملاك :ماهي يمك لو تفجر المدرسه بقنبله نوويه من قنابل بوش ماحست ..
رديت عليها وانا ارتب شعري ..
سارا:ول عليها اول مره اشوفها مركزه .. ماني مصدقه انها وعد شكلها نكته ..
ملاك:مو لأنها وعد توقعي منها أي شي ..
سارا :وش اللي اتوقع اصلاً هذي وش يطلع منها لاوشي لدراسه ياللعجب ..
ملاك :هع ياميشو مبارك ..
سارا :قليلاً من ممالديها ..
ملاك :سوير وش بنسوي اللحين ..
طالعتها بنظرة قهر وش سوير ذي كأني بياعة بسطه ..
سارا :سوير بعينك يامليكه .. بأيش وش نسوي..
خبطتني على راسي بقوه هذي بتسبب لي بأرتجاج .. وقالت برفعة خشم ..
ملاك :بالبرنامج يعني بأيش بالأختبار ..
رديت عليها بالتصريفه وانا افرك مكان الظربه ..
سارا :ايه مأدري نختبر ..
مدت يدها بتبخطني بس انا تداركت الوضع ومسكت يدها .. سحبت يدها وهي تقول ..
ملاك :يافليحه انتي نحل وحنا ماندبر بالجغرافيا حرف ..
معها حق ملاك حنا ماندبر بالدراسه كلها حرف ماهو بس بهالماده والله الجغرافيا صعبه وش الحل فيها هذي ..
طالعتها بخوف ..
سارا :بنسقط ..
ملاك :ياشينه من فال تصوري بعد كل هالتعب وقومت الصبح كل يوم نسقط .. اكيد بنسقط لو مااختبرنا وجبنا درجات ..
فريتها بمخي طلع معها حق .. بس ياربي المذاكره شي صعب يالهوي ماتصور نفسي اذاكر شلت الفكره بالسرعه من راسي .. ورديت عليها نظره منكسره ونبره مستجديه .. ودمعه متعلقه برمش عيني ..
سارا :يعني مافيه امل ابد ولو واحد بالميه ننجح وحنا مانذاكر ..
ملاك :ولاصفر بالميه وش هالفكره الغبيه مدرسة ابوك هي عشان ينجحونك من غير ماتحلين بالأختبار ..
طالعتها بأستغراب ..
سارا :ليه ابوي عنده مدرسه ..
ملاك :مأدري اذا قابلته بسأله ..
سارا :يخرررب بيتك تقابلينه من ورانا ..
ملاك :مين ..؟!
سارا :ابن .... مبارك ..
ملاك :يخرب بيتك انتي تشتمين ابوك قدام الخلق ...
رديت وانا ادور الخلق اللي تكلم عنهم وكانت النتيجه صفر ..
سارا :أي خلق محد حولنا ..
ملاك :مأقصد اللي هنا اقصد اللي ورى الشاشات ..
سارا :ليه تلفزيون ..
ملاك :لاراديو ..
قطع صوت الجرس سوالفنا ..
صرخت من قلب يوم تذكرت الأختبار وسقوط..
سارا :ياويلي ملاااك وش بنسوي ..
ردت علي ببرود ..
ملاك :وش نسوي سوات ربي احسن امشي بس بنحفظ لنا معلومه نرزها بالورقه ..
اول مادخلنا الفصل لقينا الناس محتاسه يوخرون الطاولات عن بعض ويرتبونها .. اللي تذاكر واللي تصارخ .. سحبت ملاك كتاب الجغرافيا من يد البنت اللي طاولتها قدام الباب ... وقالت ..
ملاك :ايه صفحه ..
هزيت راسي بالتفكير ..
سارا :خليها 20 ..
بس النذله دبلتها وفتحت على الصفحه اربعين ...
ملاك :اسمعي يقولون لك هنا دولة


فجأه حسيت الفصل كله ساكت .. لفيت احسب المعلمه جات لقيت مافيه احد غيرنا والبنات كلهن عيونهن علينا ..
سارا :خير ان شاءالله اول مره تشوفون احد يذاكر ..
ملاك :اقول احفظي بس ماهن بنافعاتك ذولي يقولون نشاطاتها الأقتصاديه ..
جلسنا نقرأ المعلومات من جديد بصوت عالي يقالنا بنستوعب ..
ورجعت الضجه للفصل .. دخلت علينا المعلومه وانا وملاك نذاكر بالسرعه معلومه وحده هي اللي حفظناها .. واول ماجتني الورقه سجلتها فيها ... فجأه ماحسيت الا صرخة المعلمه فوق راسي ...
:تستخفين دمك انتي واختك ..
ياويلي وش سويت انا مسكته من الصبح وجالس بكل هدؤ انفض الغبار عن مخي ادور معلومه ثانيه اسجلها ..
:ليش وش سويت انا ...
الأبله :اسمعي انتي وياها الهبال ذا ماهو عندي تسجلين لي معلومه خطأ وبالدرس للحين ماأخذناه ولاهو داخل بالأمتحان وش العبط هذا ..
صرخت وانا ملاك :ايششششششش ..
الأبله :بلا صراخ اذا انتي وياه فاشلات زميلاتكن بيختبرون ...
الله يلعنـ,, ـا المتخلفه حرام عليها بعد كل هالتعب والدرس ماهو معنا والله قلت لملاكوه نفتح صفحة عشرين بس الغبيه غبيه .. يالله ان شاءالله مايضيع الله تعبنا تفيدنا بالأمتحان الجاي ..
جلست اقلب عيوني بالبنات وهم يحلون وانا شوف ذيك الشوفه وحده تطلع من جزمتها ورقه صغيره مطويه تحطها بدرجها وتنقل اللي فيها ويوم شافت الأبله جايه عفطتها ورمتها بأخر الدرج ..
وانا مندمجه بالمشهد حسيت بيد ملاك اللي وراي تطل علي وتسحب ورقتي .. ظربت راسي ياويلي من الغبيه سرقت ورقتي تستهبل تحسبنا بالبيت ..
شفت المعلمه اللي كانت مقفيه تلف علينا وعيونها تنقل بالفصل ياويلي والله اللي انفضحت درجي ماعليه شي اكيد بتكشفني سحبت من درجي ورقه مشخبط فيها سحبتها وقلبتها على قفاها ياربي ماتكشفني يارب .. الورقه كانت ورقه مصوره يعني اللي يشوفها من ورى يقول ورقة امتحان ..
جلست اهز رجلي بتوتر واعظ قلمي ..
سألتني الأبله وهي ماره من جنبي ...
الأبله :وش فيك ..
ياويلي انكشفت ..
سارا :مافيني شي أفكر ..
الأبله :طيب ليه قالبه الورقه افتحيها عشان تشوفين الأسئله وتفكرين زين ..
ياويلي يالوهقه .. وش تبي ذي انقلعي ..
سارا :ومن قال افكر بالأجابه ..
طالعتني بأستخفاف وسألتني وهي تركي يدها على طاولتي يارواقتها يالناس ..
الأبله :اجل وش تفكرين فيه أستاذه سارا ..
وش افكر فيه وش وش ايه صح افكر بملاك اللي سرقت ورقتي .. بس مايصير اقولها .. ياربي افكر بوعد بنواف لاااا افكر ..
الأبله :كل هذا تفكير ..
قلت بأبتسامه ذكيه ..
سارا :افكروش بنتغدى اليوم ..
انفجروا اللي وراي ضحك بس ملاك ماضحكت معهم الحراميه ياويلي اللحين الأبله بتجمع الأوراق .. يافشلتي ماعندي ورقه .. والله لأوريها لأظربها انتف شعرها الغبي اوريها هين ماأكون سويره ان ماسطرتها ..
الأبله :وش فيك بعد استاذه سارا
يالربي يالناس هذا وش تبي ناشبه فيني ... بصيح والله ..
سارا :اذا مارحتي عني والله لأصيح ..
فتحت الأبله عيونها على الأخير وراحت وخلتني .. والله ونفع التهديد معها ..
سمعت ملاك تناديني بس مارديت عليها الحقيره .. هذا وقت مقالبها اللي مثل خشتها ..
ملاك :سوير ولعنه خذي ورقتك لأرميها بأول الفصل ..
مديت يدي وسحبت الورقه قبل ماتنفذ تهديدها واندهشت بالكلام اللي عليها الورقه مليانه شخابيط لامو شخابيط يعني اجابات .. يالهوي ملاك الساحره وش سوت ليكون مذاكره من وراي يخرب بيتها وش هالأجابات ..
حطيت الورقه على الدرج وسويت نفسي احل .. اول ماسحبت المعلمه الأوراق .. وطلعت ركضت على ملاك وحضنتها ..
سارا :ياحياتي يأحلى ساحره بالدنيا ..
ملاك :شفتي طلع الدرس ماهو معنا وبنات اللذينا ماخبرنا ..
وش قصدها ذي ..
فجأه بدت تصرخ على بنات الفصل لأنهن يدرن ان الدرس هذا ماهو معنا وماخبرنا وهن يشوفنا متعبات انفسنا وجالسات نذاكره .. وختمت كلامها ..
ملاك :صدق مافيكن خير ..
ردت وحده من البنات اللي على نياتها :انا كنت بقولكن بس حسبتكن تستهبلن مثل عادتكن ...
ملاك :لاياشيخه بتسوين فيها طيبه من صدقك انتي فيه احد يستهبل قبل الأختبار .. سون هالحركه مره ثانيه والله لأدفعكن الثمن ..
قالت وحده اسمها نوره اشطر وحده بالفصل بس نفسها شينه ..
نوره :بليز لترمين بلاويك علينا ماهو ذنبنا انك وحده غـ .. مو فاهمه شي حتى تحديد الأختبار ماتعرفينه ..
سارا :اصلاً انتي احد وجه لك كلام روحي ياماما ذاكري بس لايزعل عليك الكتاب .. وانتن اسمعن كلام اختي لاتوريكن من هي ملاك ..
وحده :وش بتسوي يعني ..
ملاك :انا مأحب الأقاويل انا انفذ وبس ..
:لاتكفين ملاك فكينا من شرك اختي تقول يوم كنتي تدرسين معها سويتي حركه خليتي الأبله تعطي البنات كلهم درجات تحت الخمسه والأختبار من 15 والمنهج كله داخل معهم ..
ملاك :لاياحياتي المره ذي اصفار وانا ملاك بنت مبارك .. سمعتي يانوير اصفاررر ياحياتي يأنتي بنتحرين من القهر ..
سارا:تنتحر ايه دي حتجيها سكته قلبيه من الصدمه ياقلبي عليها كانت طيبه ومجتهده حيبكوها الكتب كتيررر ..
طلعنا تحت ضحكات الفصل اللي مورايقيــن ابد ملاك من جهه والأختبارات من جهه ...
ازعجت ملاك بحنتي ابيها تعلمني كيف حلت بس رفضت بنت الأيه يالناس شوي وحب رجلها وماهي راضيه تخبرني كنت حتجنن بس بالأخير رضيت بالأمر الواقع .. وعلى قولتها السر لاصار بين اثنين سمعوه مليونين ..


((2))

[.. بالماضي نحقق انتصاراتنا ..]

وعد


لحقت الأبله اللي ماهي راضيه توقف تسمعني ..
وعد :ابله الله يخليك قوليلي بعدين وش صار ..
الأبله :وعد حبيبتي كل اللي بالدرس قلته لك وش اللي صار هذا ماورد فأي كتاب تاريخ درسته ..
وعد :حرام والله ظلم انا كيف بدري اللحين وش صار ..
الأبله :وعد روحي لفصلك الحين الرابعه عندكم اختبار ..
وعد :مأبي اروح للأختبار ابغى اعرف وش صار ..؟!
الأبله :وعد لتجنني بكره بجيب لك كتاب يشرح الموضوع هذا بتوسع بس عن الموضوع هذا ترى كل شي قلته ..
وتركتني ودخلت الأداره ..
ياربي مأبي اختبر والأبله هذي غبيه ليه يخلونها تدرس تاريخ .. ابي اعرف وش صار انا احب اسمع غزوات المسلمين ليه مايتكلمون عنها كثير ليه يخلص الدرس بالسرعه ..
رجعت للفصل .. واستقبلتني الشينه بالترحيب مثل وجهها ..
الأبله :وين آنسه وعد ..
وعد :ممكن ادخل ..
الأبله :لاروح عند ابله هيفاء خليها تكمل لك شرح الدرس ..
وعد :ابله تعرفين وش صار بمعركة ..
قاطعتني الأبله ويدينها على اذانيها ..
الأبله :أدخلي اختبري وانتي ساكته ..
دخلت وانا مقهوره يالنااااااااس ابي اعرف وش صار تعرفون انتم ..
اول ماصفرت الحصه وسحبت الأوراق معنا طلعت بالسرعه تذكرت شي وانا بالطريق نادتني المرشده الطلابيه .. ياربي وش تبي ذي ..
وعد :نعم ابله ..
المرشده :تعالي ابيك وين رايحه انتي ..
وعد :عند أبله هيفاء ..
ابتسمت المرشده وقالت تعالي معي ..
وعد :اوكي بس قبل بروح لأبله هيفاء ..
المرشده :لاتعالي معي ابله هيفاء عندها حصه ..
رحت معها وانا مقهوره وش تبي ذي خربت علي .. اكيد احد مشتكي علي الله يأخذ اشكالهم وش يبون ذولي يتبلون علي ..
دخلنا لمكتبها قالت لي اجلس ..
وعد :اذا كان احد مشتكي علي ترى تبلي انا صرت مؤدبه ..
ارجعت تبتسم اكثر شي تسويه هالمرشده التبسم ..
المرشده :محد متبلي عليك ..
سكتت شوي ثم قالت
المرشده :وعد انا جديده بالمدرسه بس اول وحدها عرفته بالمدرسه انتي .. واول شي عرفته عنك انك طيبه ..
ياحبيلها يالناس تقول عني طيبه ياحياتي والله انتي الطيبه ..
وعد :طيبه ليه طالبتني ابله ..
المرشده :لأني ابغى منك خدمه ..
خدمه مني انا هع شكلها اخذه فيني مقلب شافتني مشهوره بالمدرسه تحسبني شاطره ..
المرشده:ماتبغين تعرفين وش هالخدمه ..
وعد :الا ابي اعرف ..
المرشده :الأستاذ حصه طلبت مني ارشح لها طالبه مسئوله عن كل طالبات النشاط ..
اها فهمت تبغاني اقول لها من ترشح لأني اعرف المدرسه كلها ماتقول كذا من البدايه ..
وعد :ابله اختاري سوير اللي بثالثه ثاني هي العام كانت نائبة الرئيسه ..
ابتسمت الأبله وهي تهز راسها بـ لااا ..
المرشده :انا خلاص اخترت البنت ..
لاياشيخه اجل ليش تقصين لي سالفت اهلك والله من الفضاوه ..
وعد:اجل ليش تسأليني ..
المرشده :انا ماسألتك على فكره اخترتك انتي ..
يالناس وش هالغبيه قايله لكم تحسبني مشهوره من شطارتي اللحين انا اكره ماأشوف ابو جد النشاط تبغاني اصير المسئوله فيه شكلها استخفت ياحوول ..
وعد :اصلاً ابله حصه تكرهني وهي المسئوله عن النشاط .. ماراح ترضى فيني ..
المرشده :لاهي بترضى بأختياري .. وابله حصه ماتكرهك ..
وعد :الا تكرهني وتستانس تهزأني وتمصخر علي قدام البنات ..
المرشده :ماتمصخر تمزح معك ..
وعد :الا تمصخر وماأبيها تمزح معي ومابي اكون رئيسة النشاط ..
المرشده :وتفشليني قدامها ..
وعد:اختاري وحده غيري ..
المرشده :اذا مارضيتي ماراح اختار غيرك وبخلي ابله حصه تختار وبتصيرين تحت امرت احد ..
وعد :عادي كل سنه وحنا تحت امرتهم ..
المرشده :طيب جربي تكونين الرئيسه بتنبسطين ..
وعد :لا بحوس الدنيا ماأعرف ..
المرشده :انتي جربي لمدة اسبوع او اسبوعين وبعدين قرري ..
وعد :لا مأبي كل البنات بيتمصخرون علي بعدين انا ثاني موثالث وماعمره صارت الرئيسه على النشاط من ثاني ..
المرشده :السالفه ماهي بالعمر .. المركز يبغى له وحده شخصيتها قياديه وانتي اكثر وحده تستحقين هالمنصب صدقيني بيعجبك الموضوع ..
وعد :ابله بتعلميني بنفسي انا بخرب كل شي بكيفكم اختاروني بس بكرهكم بالشي اسمه نشاط ..
ياربي رجعت تبتسم ولاكأني جالسه اهدد بتخريب الدنيا ..
المرشده :أي شي بتسوينه بيطلع حلو حنا نبي تجربه جديده ملينا من التكرار نبي شي غير مألوف ..
طالعتها بيأس هذي غبيه ولاشلون ..
المرشده :يالله وش رايك نروح لأستاذه حصه نشوف وش مجهزه لك من مخططات ..
ووقفت قبل مارد عليها وكنت مجبره الحقها فرصه افوت حصة الرياضيات عن مقابل ابله حصه ماهو من زينه ..
دخلنا مكتبها كانت تكلم بالتلفون وعندها مجموعة المسئولات عن النشاط المعتادات كل سنه بأستثناء اللي راحوا لثانوي وبنتين جدد شكلهم من أولى ..
اول مادخلنا توسعت ابتسامة ابله حصووه ..
حصه :هلاوالله وعليكم السلام ..
المرشده :هااه عسى ماقطعناكم ..
حصه :لامابدينا بالدسم كنا ننتظركم ..
دسم ليه مفطح هو .. اوف يالناس اكررهها ..
حصه :اجلسي وعد ..
ولفت على البنات اللي كانوا جالسين قبل ..
حصه :بما أنا اكتملنا اللحين احب اعرفكم على وعد مبارك اكيد كلكم تعرفونها وعد بتشاركنا السنه هذي لأول مره وبتكون هي المسئوله عنكم كل خطوه تخطونها لازم يكون عندها خبر عنها واي شي تبون تستشيرونها فيه توصلونه لها وهي تكلمني عنه ....
والله مأدري وش تخربط هالخبله بس عيني على البنات المصدومات ياحرام لهدرجه انا وحشه بس صدمتي كانت اكبر عنهم يعني ابله حصه ماأعترضت وانا تدبست بهالورطه ..
يالله خل هم يدفعون ثمن اختيارهم قال ايش قال موعد رئيسة طالبات النشاط والله من العقل اللي مافيه فكر اللي يشوفني يشوف مسئوليه ..
يالناس تصورون الفكره رئيسة النشاط تهرب من النشاط خخخخخخخخخخخ ..

((3))

[.. صغيره بلا مأوى ..]

ميشو


عدلت من هندامي امام المراءه وانا اردد داخلي ماسأفعله من الساعه صباحاً حتى العاشره مساءً ياله من جدول مليء بالعمل ...
ارتديت عباءتي وحملت حقيبتي المحمله بالملزمات يوم الجامعي يعج بالمحاضرات ..
اثار هدوء البيت قلقي اكره هذا الهدوء الذي يسيطر على المنزل .. سكبت لي كوب من الشاي احتسيته وانا اسير للخارج سمعت صوت رنين الجرس توقفت قليلاً امام الباب يألهي لما اشعر بالخوف .. من بالخارج ياله من زائر اخرق من يكون ..؟!
ميشو :من هناك ..
صمت ثم اعقبه ضغط متواصل على الجرس وعدة طرقات على الباب وصوت صياح طفل فتحت الباب بالسرعه .. لأجد امامي ذالك المنظر يألهي ..
مبارك :امسكي ..
حركت رأسي بعدم تصديق يألهي ياله من أب ..
ميشو :اُمسك بماذا ...؟!
مبارك :انا مستعجل امسكي اختج بالسرعه وراي مشاور طويل ..
ميشو :هل اصابك الجنون .. ماذا أفعل بهذه الطفله ..
مبارك :اقول اختج تقولين وش اسوي فيها .. اختج المسكينه امها ماتت .. امسكيها مالها غيرجن .. تبين ارميها بملجأ ..
ميشو :توقف عن هذا الهراء وأذهب بها لزوجتك .. ماشأننا نحن ..
مبارك :أي زوجه خبله انتي تبين توديني بالداهيه امسكيها وياويلتسن ان طلع خبر عن اختسن ذي لأحد ..
صحت به ليتوقف ولكنه كان قد اختفى بالسيارته التي سرعان ماابتعد بها تاركً خلفه ضحيه جديده ..
نظرت لطفله بين ذراعي .. يألهي ماذا افعل بها ..
عدت لأنظر لحقيبتها التي كان يعلقها على كتفه وقد رماها بجوارالباب حملتها مع الطفله لداخل ..
انزلت الطفله على الأرض وخلعت الطرحه عن رأسي طالعتني بعينان يحملان من الخضره الكثيره ..
وشعر اشقر يكاد يميل للخضارهو الأخر ..
يألهي كم هي صغيره تبدو في الثانيه من عمرها ..
رنين جهازي الجوال افزعها مما دعاها للبكاء ..
ابتعدت عنها لأرد على ريدا ..
ريدا:ميشو وينك تأخرتي علينا ..
ميشو :ريدا لأعلم هناك ... لأستطيع الحضور ..
ريدا :افا ميشو .. لاتخليني اغير نظرتي فيك انتي ماعمرك اخلفتي موعد ..
ميشو :ريدا صدقيني بحق لأستيطع الحضور ..
ولكن ريدا يألهي انها لاتفهم عبارة لأستطيع ليس بقاموسها تلك العباره ..
بعد عشرة دقائق من الجدل اخبرتها اني سأحضر ولكن ربما متأخره قليلاً ..
عدت للطفله لأجدها قد سكتت عن البكاء لأنها وجدت مايسليها .. ويالصدمه كانت محتويات حقيبتي مبعثره على الأرض وتلك الشقيه تعبث بها .. ابعدتها عن اغراضي لأعيدها للحقيبه وهي تراقبني بأبتسامه غريبه وفجأه تلقيت من هجوم غاشم كادت تفقء عيني بأصبعها يال ذالك المشهد لقد عاد لي ذكرى مريره اكره التفكير بها ...
كانت تضحك وهي تحاول معاودة ذالك شاركتها الضحكه وانا اقوم بتصرف لم اكن لاقوم به بتلك الذكرى قبلتها على خدها وحملتها لأغير ملابسها وارتب شكلها لأني مضطره انا اخذها معي للجامعه ..
بحثت في حقيبتها الصغيره عن مايناسبها ولم يكن هناك الكثير ..
بعد ساعه دخلت الكافتريا التي تعودت ان التقي شلتي الصغيره بها ..
اختطفت ريدا الصغيره من يدي وهي تصرخ بحديثها الذي طرق مسامع كل من بالكافتريا ..
ريدا :يخرب بيتك ميشو سويتيها بنت من غير زواج ..
سوسو :يازينها يالناس ميشو من هذي ..؟!
لحضه هل لهذه الصغيره اسم ..
ميشو :انها ابنة جيراننا تركتها والدتها لدينا لأنها مضطره ان تذهب مع زوجها للمستشفى فهيا في حالة ولاده ...
يال الحجه انها اغبى حجه تفوهة بها في حياتي ..
ريدا :ياحياتي راحت عليها المسكينه امها بتجيب لها اخو ينكد عليها حياتها ..
كراميل :وريني اشوف .. احسها شرسه ..
اخذت الطفله من بين ايديهن .. كم اتمنى صحة ماذكرتيه كراميل فهي اكثر من يحتاج لشراسه حتى لاتمزقها انياب الحياه ..
كم ابدو خرقاء وانا احمل هذه الطفله واتنقل بها بالأرجاء ولكنها رائعه كثيراً فهي لاتسبب الكثير من الأزعاج ..
اني لاأصدق هذا الموقف هل هذه الصغيراً حقاً أختي .. لأصدق ماحدث معي هل حقاً كنت هناك فتحت الباب لأتلقى الصغيره محموله كطرد مله ساعي البريد من كثر التنقل به بين عناوين لم ترغب بأستقباله ..
توفيت والدتها .. رماها والدها .. هل كانت زوجته حينما توفيت او طلقها قبل ذالك هل حصلت على ذالك الشرف ...
الكثير من الأمور تدور في ذهني من أهمها اسم لهذه الطفله كثيرة الأبتسام .. ابتسام لأعتقد بأنه الأسم المناسب لها ماذا عن بسمه ايضاً لأستسيغه لا يليق بأحدى بنات مبارك ان يكون اسمها بسمه ربما مآساه اجمل لها من بسمه ..
لم اتوقع ان تتوفى بيوم نادين كنت اعلم بالزواج والدي منها ولكن لم اعلم ان لديه ابنه منها .. كان تعيش معه بالمنطقه الشرقيه ..
كانت احدى انتقامتي ان افضح ذالك السر بالوقت المناسب .. ولكن للأسف الموت كان اسرع هل حقاً ماتت تاركه هذه الطفله لأستطيع تصديق ذالك ربما فرت هاربه لوطنها بعد ان ايقنت ان مبارك لا يأتي منه سوى الشر.. تاركه خلفها طفله لاتتعدى سنوات عمرها اصابع اليد الواحده .. وادعى هو أنها ماتت ليستدر عطفي على الصغيره واستقبلها كما سيفعلن اخواتي ذالك لو علمن أي حظ عاثر ستعيشه هذه الصغيره اذ لم يستقبلنها بينهن..
ريدا :يووه ميشو يأنتي بتكونين ام فاشله الحقي بنت الناس لاتضيع ..
انحنيت لألتقط تلك الصغيره .. يال كثرة حركتها .. لأعلم لما أشعر بغرابة تلك النظرات الموجه الي من سوسو .. هل اكتشفت السر ..؟!
كراميل :على فكره ميشو بالنسبه للموضوع اللي كلمتيني فيه مهدت لك الأمور بغضون يومين بس بتكون ميشو مبارك في المنسيات وبتحل مكانها ..
تدخلت سوسو بالحديث بطريقه مفاجئه تحمل الكثير من الجديه ..
سوسو :ميشو انتي للحين على هالفكره ..
ريدا:اكيد بتكون على هالفكره ولاماتكون ميشو اذا ماتمسكت برايها ..
سوسو :ريدا لاتثيرينها ميشو والله انك مجنونه ..
كراميل :وش الجنون باللي بتسويه تصدقون نفسي اسوي مثلها حلو الواحد يتغير وينولد من جديد ..
سوسو :وش فايدة تغيرر الخارجي اذا الضماير ماتغيرت ..
ماذا هناك هل اشم رائحة خيانه ..
ميشو :سوسو ياعزيزتي هل ستتخلين عني ان نفذت مايدور في بالي ومأطمح أليه ..
سوسو :انتي تدرين اني مستحيل اتخلى عنك انتي اكثر وحده وقفة معي يوم تطلقت وعمري ماراح انسى لك وقفتك وانتي اللي ساعدتيني اني اتخلى من شبح احمد ومن بعده مشاري مستحيل اتخلى عنك حتى لوكان بالسالفه خداع اخوي ..
كراميل :تعجبني المشاعر الجياشه بشلتنا والتآزر والتلاحم ..
ريد :كراميل اذكر انه ابوك اللي يحب يلقي خطابات ماهو انتي ..
سوسو:مو يقولوا ولد الوز عوام ..
كراميل :عمى بعينك تسبي دادي سماح بس تسبيني لا انا ماأرضى على نفسي ..
ريدا :ونعم البنت ياحظ ابوك فيك ..
ميشو اما زلتي مصره على المضي في خطتك رغم كل تلك التحذيرات .. أيستحق ذالك الأنتقام كل هذه التضحيه ..
يألهي امازلت متردده يكفي تواجد هذه الصغيره في حظني ليقنعني ان اخوض ذالك الطريق حتى ولو كان فيه فشلي رغم اقتناعي بأني بالنهايه سأخرج خاسره ولكن مجموعة انتصارات تستحق خساره واحده لآبهه كيف ستكون النهايه ..
مدام اني سأحقق ماحلمت به منذ سنوات .. سألقن والدي الدرس الذي طالما سعيت لألقنه اياه .. سأخبره بكل وضوح انه خسر حينما تخلى عنا .. سأصرخ به بأني لن اسامحه ابداً ..
ولكن قبل ذالك كله سأذيقه المر من كفي ابنه البار ...


((4))

[..ياوالد بلاولاده ..]

ضحى


نزلت من السياره وانا ماني مصدقه اللي وصلني من خواتي معقول .. مبارك هذا تعدى حدوده كثيررر ..
عساف :يعني ماراح تقولين وش عندهن خواتك..
ضحى :مايخصك ..
عساف :دامه مايخصني ليه مقومتني بهالقوايل عشان اوديك لهن ..
ضحى :مو يقولون عنك زوجي اجل وش فايدتك ..
تأفف بقوه وزاد سرعة السياره بلعنـــه ..
شدن :حر ليه مافيه مكيف ..
ضحى :ايه صح شفلك صرفه مع مكيف سيارتك ترى ذبحنا الحر ..
عساف :عاد انا معجبني هالحر وماعندي نيه اصلح المكيف ..
ضحى :اذا كانت سيارتك لحالك تعال تكلم دامك توصلنا فيه بتصلح المكيف ..
ولاجبلنا سياره جديده وسواق ..
صرخ بطريقته المعتاده اذا عجز يرد ..
عساف :خلاااص بس بصلحه ..
طالعتني شدن من ورى بأبتسامه وكنها فاهمه حركاتي زين .. ياهي هالبنت ماهي هينه ..
شدن :ابي ايسكريم .. ولوعد واحد ولكل خواتي ..
قلت بالسخريه ..
ضحى :ولأختك الجديده واحد ..
قالت شدن بالصرخه ..
شدن :أي اخت ماما انتي حامل ..
ليه احس وجهي حار يوم قالت كلمتها الغبيه ..
رديت بالسرعه ..
ضحى :لاياعيوني اختك الجديده اللحين بتشوفينها ...
عساف :وش السالفه ..؟!
ضحى:مافيه سالفه .. ولد عمك للحين مابطل عادته بالزواج اللي ضحيته بنات مصيرهن النفي في بيت امه .. واليوم جايب لنا اخت جديده عمرها سنه مأدري سنتين ..
طالعته احتري رد بس مافيه ولاكلمه وقف عند الدكان ونزل ولحقته شدن ..
وش تنتظرين منه ياضحى ..؟!
تبغينه يسب وينتقد ولد عمه اللي اذا ماكان مثله فهو اردى منه ..
تنتظرينه يتكلم بالشفقه عن بنت صغيره رماها ابوه تعيش اليتم وهو حي ..
.. طلعت جوالي من الشنطه ودقيت عليه .. طول على مابال مارد ..
ضحى :أسمع بنتك اللي اليوم راميها علينا تجي تأخذها مالها مكان بينا ..
مبارك :خير .. خير وش عندج تصارخين ابوج ماله احترام واختج الضعيفه وش اسوي فيها تبغين اخليها عند شغالات لحالها الله يعلم وش يسوون فيها ..
ضحى :والله عاد هذي مسئوليتك ماهي بنتك ..
مبارك :واختج اذا ماقمتي فيها من لها ..
ضحى :دام ابوها عايش وبالصحه انا مالي شغل فيها .. بعدين انت متزوج ليه متوديه عند حرمتك ..
مبارك :أنتي تبغين تخربين بيتي ..
ضحى :والله عاد هذي مشكلتك اذا ماجيت تأخذها برميها بالشارع ..
وصلني فحيحه السام اعرفه اذا تكلم كذا بيقول مصيبه ..
مبارك :اسمعي عاااد اذا ماخذتي اختس عندتس .. من بكره بجوز كل خواتس من اصغرهن ام خمس تعش لين اكبرهن المتمرده وبجوزها ولدي خلف .. والباقيات حتى لو يجيني هندي بقاله جوزتهن له ..
وقفل ..
حسبنا الله ونعم الوكيل .. ماهي غريبه عليك يامبارك ماأقول الا الله ينتقم لنا منك ..
عساف :وش فيتس تدعين ..
ضحى :من سعدي بهالدنيا ادعي ..
عساف :انتي اللي منكده على عمرك..
ضحى :لاتجلس تكلم وانت منت داري عن شـي تعال عش حياتي يوم ثم احكم .. اللحين ماتقولي هالأخت الجديده اللي مجبرين عليها وش بنسوي فيها ..
عساف :كيف وش بتسون فيها خلي خواتك يسون فيها اللي سويتيه معهن ..
ضحى :الوضع يختلف قبل كان فيه جدتي الله يرحمها وخواتي ثنتين منهم مايدرسون اللحين جدتي ماهي فيه واخواتي كلهم يدرسون .. وبعدين من قال اني بخليها عند خواتي ان يالله ائتمنهن على اعمارهن اترك عندهن طفله ..
عساف :وش قصدك يعني ..
ضحى :يعني بأخذها معي وبربيها ببيتي ..
كنا وصلنا البيت فتحت الباب ونزلت قبل ماأسمع رايه اصلاً ماله رايي بالموضوع هذا الرأي لي انا وبس ..
دخلنا لقينا الافنديات يتابعن التلفزيون وعندهن بنت صغيره تدور بالصاله.. امها شاميه هذا اللي عرفته من ملامحها ..
شدن:الله حلووووووووووووه .. تجنننن .. زي اللعبه ..
ثواني بس وكانت شايله طفله ..
رميت عباتي وجلست على الكرسي وانا ازفر من التعب ..
ضحى :وش اسمها ..
وعد :المتشرده ماقالت لنا اسمها رمتها علينا وهربت مالت بس ..
شوق :حرام عليك هي معها من الصبح يكفي تحملتها حنا ساعتين وعجزنا عنها ..
ملاك :اصلاً مالها اسم ميشو تقول من الصبح افكر لها بأسم ماطلع معي ..
سارا:يعني لو انا وملاك بنفكر من اللحين لين السنه الجايه ماراح نقدر نطلع لها اسم ..
شهد :انا اقول نسميها عهد ..
سارا :وانا اقول ان ماعندك سالفه نسميها يارا احلى ..
ملاك :ايه يارا احلى يصير عندنا سارا ويارا ..
وعد :لاا نسميها نورر الا نور خلاص اسمها نور ..
شدن :ايوه نور احلى اسم ..
هند :لانسميها دارين ولاهديل احسن ولااحلى شي نسميها ...
وعد :ماتضحكين نسميها نور وبس ..
شدن :هند انتي تشبهين دارين الشينه ..
صدق بزران ...
ضحى :شدن جيبيها ..
اخذت الصغيره منها وسألتها وش اسمك ..
صغيره :نووونا ..
صرخوا كل اللي بالصاله ..
وخطفتها مني ملاك ..
ملاك :الملـ ونه تكلم ..
سارا :غريبه ماقالت لنا ميشو ..
وعد :لحضه وش قالت هي ..
ضحى :تقولك نونا اسمها نوره ..
شدن :هيييييي اسمها نور اسمها نور ..
هند :الحمدالله والشكر انتي عندك ضعف بالسمع تقولك نوره مو نور ..
وعد :ايه دوريلك عذر وش فرقت نوره او نور كلها واحد ..
شوق :ضحى يوم الأربعاء رمضان وحنا ماتجهزنا له ..
وعد :ايه صح متى بنتشري فيمتو ..
هند :وانتي اكبر همك الفيمتو ..
وعد :ايه اكبر همي انا احتري رمضان بس عشان اشرب فيمتو ..
شدن :وانا بعد ..
فيمتو .. فيمتوو ليش لاا ..
ضحى :بعد المغرب نروح نتقضى لرمضان ..
صراخ وعد وشدن زود صداعي .. اخذت نوره معي وطلعت فوق بريح شــوي هالأيام صايره اتعب بالسرعه ..

بعد المغرب رحنا اناوشدن ووعد وشوق مع سفر للأسواق بنده ..
تقاسمنا انا وشوق الأغراض اللي بنشتري عشان ودنا نخلص بالسرعه والناس زحمــه كل الأجانب موجودين هنا ..
ووعد وشدن اختفوا مأدروا وين راحو طنشتهم اعرفهم دايم هذي حراكتهم مأهتميت كثير لين فجأه لمحتهم من بعيد واقفات مع حرمــه .. خوفني شكلها كانت لابسه حجاب كامل مع قفزات اليدين موطالع منها شـي .. مع انه المفروض شكلها يطمن مايخوف بس من السوالف اللي نسمعها هالأيام ماأرتاح قلبي .. تركت كل شي بيدي ورحت لهم ..
ضحى :وووعد شــدددن ..
وعد :ضحى تعالي شوفي ابله هند مرشدتنا ..
ضحى :أي مرشده ..
وعد :مرشدتنا بالمدرسه ..
تكلمت معها شوي بعدين راحت ..
بعد ماعطتني رقمها وطلبت مني اتصل عليها .. ماأستغربت طلبها اكيد وحده من خواتي مهببه من زمان ان ماسألت عنهن ..


((5))

[.. ألسنه بلارقيب ..]


غيدا وهي تلهث:بنآآآت خبرررر خطيررر ماراح تصدقون ..
بثينه :خذي نفسك لاتموتين علينا وش هالخبر ..
غيدا :عطوني عصير شـي ابل فيه ريقي ..
بعد ماتجرعت العصير ..
غيدا :آآآه كنت بموت حسبي الله عليك ميشو مبارك ..
بثينه :والله اني كنت عارفه وش مسويه بعد ..
غيدا:تصوري بنت الحــ .. عندها بنت ..
بثينه :بنت بس هي ماهي متزوجـــه ..
ثالثه تشاركهن الطاوله :ليه هم الأولاد مايجون الا بالزواج ..
غيدا:انا من زمان كنت حاسه انها وحده واطـيه بس اللحين تأكدت ..
بثينه :انتي بس شوفي مع مين تمشي ..
غيدا :اقذر طالبتين بالجامعه والمطلقه ماهي بأحسن منهن ..

انتهى البااارت

الحلقه التاسعه والثلاثون ..

((1))
[.. الخطر يترصدها ..]

ضحى


تعمدت اناظر بالشدن اللي تجمع دفاترها بشنطتها عشان مااناظر فيه واضحك ...
عساف :لااا انا مأقدر شوفي من اللحين وش تسوي تبغيني اجلس معها ست ساعات بطلع من هنا على طول لشهار ..
هالمره اخترت اناظر بالسقف .. وزفرت بضيق ماأحس فيه ..
ضحى :من اللحين بديت تغير رايك ..
شدن :انا قلت لكم انا اقدر اجلس معها ..
ضحى :انتي روحي كملي فطورك ولاتدخلين بكلام الكبار ..
تأففت وهي تروح للمطبخ ..
عساف :شدن هاتي لي ماء ..
شدن :جب لنفسك ..
لا هالمره صدق بضحك .. استغفرالله العظيم مأدري وش فيني اليوم ..
عساف :وانتي فرحانه تبسمين .. هذي تربيه ..
ضحى :والله يقولون انها بنتك ..
عساف :بس تربيتك ..
ضحى :على الأقل ربيت .. مارميتها مثل ماسوى غيري ..
عساف :خلاااص .. ذبحتينا بهالسالفه ..
طنشته ولاكنه تكلم ..
ضحى :نوره حبيبتي تعالي ..
جت نوره تمشي بهوينها بس ثقيل الدم مد رجله بالطريقها وطيحها ..
ضحى :عساااااااف ...
عساف :يانعم ..
ضحى :اقول بلاحركاتك البايخه طفله تراها بنتك بكيفك سو فيها اللي تبي بس بعد عن اختي ..
رجع يدفها يوم حاولت تقوووم ياحقارته .. مألوووم شدن فيه ..
عساف :ترى صجتينا باختك ماهو من زينها الصياحه ..
ضحى :ياليتها صياحه عشان تجننك ..
عساف :ليه امها وأنا مأدري ..
رديت عليه وانا البس عباتي ..
ضحى :يقولون انك بتصير مربيتها الخاصه لمدة ست ساعات ..
عساف :اقول اخلصي علينا بس برميكم بمدارسكم واجي انام ...
الصراحه بديت اقلق على نوره .. كيف بخليها معه هالمستهتر ..
ياليتني اقدر اخذها معي بس هالمديره حاقده علي بالشكل اصلاً من متى ماصارت المديره حاقده علي حسبي الله عليها ..
بعد ماوصلنا شدن لمدرستها .. وقفنا قدام مدرستي .. قلت له بتهديد .. وعيني على نوره اللي تلعب بالمرتبه الثانيه ..
ضحى :والله لو يصير لأختي شـي لأذبحك فاهم ..
عساف :اقول بس فارقي يالله ..
سحبت شنطتي وغطيت عيوني زين وانا انزل سمعته يقول ..
عساف :انتبهي على نفسك ياقلبي ..
ردي عليه كان صكت الباب بأقوى ماعندي ..

بعد كم ساعه كنت بأحد الفصول اللي ادرسها واللي اكتشفت فيها حالات غش غير طبيعيه .. بس لأني ماراقبت عليهم ذاك اليوم وكان مكاني وحده من زميلاتي المعلمات واللي اكتشفت للأسف انها ماهي قد المسئوليه ..
قلت استشفي منهم بدم بارد ..
ضحى :شفتوا كيف جنيتوا على انفسكم اللحين مو بس طيرتوا على انفسكم درجات الأمتحان للأسف
لاحرمتم انفكسم من درجة المشاركه اللي كنت مقرره اعطيها لكم على قدا اخلاقكم .. وللأسف مأعتقد ان فيه احد يغش عنده اخلاق ..
:حرام عليك والله حرام ليش تسووين فينا كذا ..
:الظلم ظلمات يوم القيامه ..
:الله يبتيليك بعيالك ..
ضحى :ونسيت شي للأسف الأمتحانين الباقيات راح يكونون امتحانات تعجيزيه والأمتحان النهائي ماراح يكون اقل منهم بالتعجيز ..
:تقول تعجيزيه اكثر من كذا تعجيز جيبي ياباني يحلها ..
:وين بتروحين من الله ..
:ياويلك من ربك ياظالمه ..
طالعت بوجيهم المهمومه وماودي ازيد عليهم بالعقاب ..
ضحى :اذا خلصتوا كلام فاضي نبدأ بالدرس ...
:وليه ندرس وحنا بالأخير بنرسب ..
كل هالكلام ماكان يهمني .. ويمكن يهمني بس مو لدرجة التأثير ..
وقفت وحده من اللي جالسات بالأخير :انا خلاااص قرررت انتحــــر ..
كانت على مايقولون الأولى على فصلها ..
ضحى :طيب وش اسويلك ..
:حراااام الأنتحار تدخلين النار ..
البنت :ادخل جهنم ومافيها رياضيات خير من دنيا فيها رياضيات ..
ضحى :تفضلي جالسه وبدون الفاظ تأثمين عليها ..
جلست وهي تبكي بحاله هستريه .. خير ان شاءالله مو لهدرجه عاد .. والله لو ان احد ميت لها ..
:انا ودي بس افهم انتي ليش تسوين فينا كذا ..
ضحى :لأن ودي اسوي كذا ..
وفتحت الكتاب وبديت انقل التمارين على السبوره ..
***
في آخر الصف حيث لاتصل عيون ضحى المهمومه اليه ..
كانت ورقه صغيره تتناقلها الأيدي ..امتلأت الورقه الصغيره بعبارات التوعد بالأنتقام ..
تتسأل من كتبتها من يرغب بالأنضمام اليها ليزيحوا شبح ضحى عن سماء طموحهم ..

((2))
عساف
[.. جوله مع الماضي ..]


بعد مانزلت انتبهت على الدفتر اللي نسته بمكانها .. ظربت بوري احاول الفت انتباهها بس كانت داخله للمدرسه ..
لفيت اوخذت نوره من ورى وجلسته محل اختها ..
عساف :يالله يالنوير افندي نشوف وش بنسوي بها الست ساعات ..
ماردت علي ولاحتى عندها احد يتكلم .. وش هالبزران شكل مبارك هذا يورثهم جين التطنيش وقوة العين ..
والله شكلك يالنوير بتطلعين زي اختك راعية تطنيش .. وملسونه مثل اختك الثانيه .. ولابتطلعين مثل القطوه ان اشهد انك بتلقين ثور مثل خلف تفرين مخه وتسحبينه وراك بالشوارع ..
والله يالنوير شكلك بتسوين اللي مسونه كل خواتك .. اصلاً من قدك وعساف مربيتك الخاصه ..
تضحكين هاه .. احلق هالشنب لوكنتي فاهمه شــي ..
وقفت عند السوبرماركت ونزلت اتقضى للبيت عشان ماتزعل علينا أبله ضحى وتنومنا بالشارع الليله ..
بعد مارجعنا للبيت ورتبت الأغراض بالمطبخ .. زوج مطيع مو .. والنوير جالسه تحوس بالملاعق والأشواك والسكاكين ..
عساف :نويرخليهن لاتعورين وابتلش فيك ..
رفعتها جنبي على طاوله ..
عساف :وش رايك نسوي الغداء يمكن تنبسط من اختك المعلمه وتعطينا درجة المشاركه ..
من سمعتها امس تهدد انها ماهي معطيه الطالبات المشاركه خفت حتى انا ماتعطيني درجة المشاركه ..

اليوم اضطريت اخذ اجازه بس عشان اجلس مع هالنتفه نوير وياخوفي تكرر هالحركه ..
عاد من اللي بيقول لأبله ضحى لاا اذا أمرت .. حنا بس نبغى رضاها علينا ..
وهي بالأيام الأخيره مأدري وش فيها علينا صايره ماتحمل الكلمه منا ..
وأنا خلاص ماعاد اتصور حياتي من غيرها ..
ماني مصدق ان هذي ضحى اللي هربت منها قبل ست سنين .. قبل ست سنين ..
رجعت لأول مره شفتها فيها وأخر مرررره .. ماكنت اعرفها او حتى اذكرها قبل مأتزوجها حتى يوم قالت لي يسرا عن بنت مبارك اللي يبغاني ابوي اتزوجها دار في بالي كل بناته بس هي ماذكرتها ولاحسيت بوجودها .. يمكن سمعت فيها من قبل ويمكن لااا ..
كنت غاضب غاضب غاضب .. ماأبغى اتزوج بس مابين قوة عمتي وأبوي ماصمدت وتزوجتها زواج سكيتي .. مهر بخس كنت اقدر ادفع ضعفه اضعاف بس لعانه ابغى اطفشها هي وجدتها صدقت انها متواطئه معها وحاطه العين علي من زين هالخشه صدق اني كنت مره واثق من نفسي ...
يعني لو عرفتها زين بذاك الوقت وعشنا حياتنا طبيعي ماصرت اللحين هاذي حالتنا ..
المفروض بدال ماأناظرها بذيك النظرات الفارغه وأنا ابلغها اني تزوجتها تسكيته عشان ابوي وعمتي واني اذا سافرت مستحيل ارجع قبل سنه او ثنتين واذا رجعت بطلقها لأني بكون تزوجت من هناك ..
تصرفات غبيه وكلام غبي .. كل هذا لأني جبان ماقدرت اوقف بوجه ابوي رحت حطيت حرتي فيها بكلام زي السم يجرح .. بعد ست سنين حسيت انه جارح وش الفايده اللحين ..
بس بعد هي ماحاولت حتى تكلم تناقش تسأل .. للحين اذكرها جالسه بكرسي بزاوية الغرفه تطالع بأظافرها الطويله وكنها أهم شـي بالدنيا ..

((3))
[.. مغامره مع العاميه ..]

ميشو


يالها من حمقاء لقد اضاعت كل جهدي بضحكتها الرعناء ..
ميشو :ريدا ارجوك توقفي عن ذالك لقد كنت جيده حتى اصدرتي تلك الضحكه الرعناء ..
ريدا:اللحين بترمين فشلك علي حبيبتي انتي اصلاً كذا مستحيل تعلمين ..
سوسو :اذا جلستي تكررين فوقها راسها انا ماراح اتعلم اكيد ماراح اتعلم ..
يالهما من ثنائي .. هل تتوقع حقاً اني سأتوقف عن التعلم بسبب شخص تافه كـ ريدا .. فل تذكر امر مهم ..
سوسو :اوشش وين وصلتي ..
طالعتها بمكر بعدما لاحظت اختفاء ريدا ..
ميشو :قريب .. قريب جداً لماذا ..
القت بنفسها الى الوراء وهي تحدث نفسها ام تحدثني بتساؤل ..
سوسو :مادري اللي نسويه صح او خطأ .. ماني قادره افكر بالشي احس ان الفكره كلها هشه ماراح تصمد كثير ..
ثم اعتدلت بجلستها ..
سوسو :ميشو بليز فكري ثاني .. اللي تطلبينه مني مستحيل .. واللي تفكرين تسوينه معجزه مستحيل أي شـي مش ممكن يصير ..
بنظرات تمنيت ان تكون لطيفه اخبرتها ..
ميشو :حسناً اسمعي هذا .. غاليتي سوسو واعز الناس الى قلبي.. اذا كان مأطمح أليه هو المستحيل فأبتسمي لأنك أخيراً سترين المستحيل كيف يتحقق على يدي ..
صاحت سوسو بنفاذ صبر وهي تخبرني انها لاتصدق اني افعل ذالك فقط لأني احب خلف .. فأخبرتها ..
ميشو :لما لا الا تعلمين اني بطبيعتي عنيفه حتى في الحب ... ولذالك لاأسلك الدروب السهله بل أذهب الا اصعب الدروب واسلكها بكل شجاعه ..
سوسو :بس خلف كيف .. ماتصور ابد انه بيترك مشاعل عشان يحبك انتي ..
ميشو :ولما لااا .. اعدك سوسو بأنه لن يعقد قرانه على ريما الا بعد ان يذوب بغرامها ...
سوسو :وش اللي يخليك واثقه كذا ..
ميشو :لأني اثق بنفسي ..
تحركين رأسك هكذا .. اعلم انتي لاتفهمين ولكن انا فقط اعلم وهذا مايجب ان يحدث ..
عليه ان يحبني يعشقني يثق بي مهما كان الثمن سيفعل ذالك ..
لقد اوقعته بحبي في المره الأولى بكل سهوله مع انه لم يكن امامي هدف معين .. فقط اردت التقرب منه لأرى ماذا يحب فيه والدي وعرفت ..
ولن أعجز عن تكرار ذالك مره أخرى وبأسهل الطرق حتى لووضع على قلبه مئات الأقفال ..
فأنا اعرف جيداً نقاط ضعفه..
وكل مايحبه بـ الأنثى اعرفه وسأتفنن بتنفيذه ..
ولن يطول به الأمر حتى يصبح خاتم صغير جميل انيق في اصبع يدي الأصغر ..
سوسو :وين وصلتي ..
ميشو :لخاتم صغير جميل انيق سأرتديه قريباً ..
سوسو :لايكون تقصدين خاتم الخطوبه اذا كان هذا قصدك فكوني واثقه انك ماراح تلبسينه وانتي للحين ماعرفتي تنطقين احبك بالعاميه ماهو بالفصحى ..
ميشو :سوسو ماتطلبينه مني صعب جداً فأنا اشم رائحة النفاق بتلك الكلمه حينما احاول نطقها بالعامي فأتراجع عن ذالك ...
لاتغضبوا قلت ذالك فقط لأتهرب من معلمتي المتزمته سوسو .. لأشك ابداً بمصداقية أحبك التي تخرج من ألسنتكم بالعامي ..

((4))

[.. دوامة المراهقه ..]


يمشي او تمشــي بين اسياب المدرسه ماتدري وين تروح تهربت من الحصه بالخروج .. طانت دايم تلحقها وعد لسوت كذا بس اللحين وعد مشغوله بالنشاط اللي اليوم بيسوونه وماهي يمها .. اصلاً هي اليوم ماداومت الا عشان وعد ونشاطها ..
الخطوات اللي كانت تلحقها ماهي خافيه عنها تعرف هالخطوات اللي من سنه مضت وهي تلاحقها ..
من دخلت المتوسط والحركات هذي ماهي خافيه عنها .. أفكار شاذه منحرفه تصدمك للوهله الأولى .. وتبقى رغم شذوذها أمر طبيعي مع مرور الوقت ..
بس هذي بالذات مصختها معها .. مية الف مره صدتها وبينت لها انها ايه ولد بس ماهي بالطريقه اللي تفكر فيها .. لأنها بكل بساطه تشوف الأمر هذا خطأ ..
هي ولد عشان تكون قويه .. ولد عشان تدافع عن خواتها .. ولد عشان تثبت لأبوها ان ماهم بحاجه له ..
ولد عشان مأحد يتجرأ على اذاها بس لأنها بنت ...
صوت ناعم مايع مدلع :نواف نوووووووواف نووواف حبيبي ..
:ارفقي عليه يذوووب اللحين ..
:لاحبيبي انا اعرفه رجاآل مو أي شـي يذووبه .. آآه بس لو يحن علينا ..
زادت سرعتها ودخلت غرفة الفنيه اللي ماكان لها فيها أي غرض ..
فجعها منظر الطالبات كانت تحسبها فاضيه ...
صوت من بعيد :هلااا وغلآآآآآ تو مانورت الفنيه ...
وهي تدور صاحبة الصوت ..
نوف :ملاك ..
:خير ان شاءالله ماتعلمتي شي اسمه استئذان ..
نواف :آسفه أبله بس ممكن ملاك ..
المعلمه اللي ماتعجبها حركات نوف بس تحترمها لأنها مؤدبه ..
ابله :اطلعي ياملاك ..
سارا :ياخاينننه ..
نوف :ايوه وسارا ..
المعلمه بتأفف :اطلعي ياسارا ..
اول ماطلعن معها وانصك الباب وراهن .. تلقت منهن اقوى ظربتين ..
نوف بصوتها الخشن :الله يلعـ .. حمارات ..
ملاك :وش فيك ترى هذا من زود الحب صح سويره ..
سارا :انا ذابحتك ذابحتك قلت لك لاتقولين سويرا..
نوف :عندكم اختبار اليوم ..
ملاك :ايه ليش ..
نوف :لابس تذكرت انكن امس تهاوشتن كذا وماذاكرتن ..
طالعن ببعض وماتن ضحك ..
ملاك :حنا نذاكر يهي يهي ...
سارا :تصورين اشكالنا نذاكر ..
نوف :لاتمصرخن اجل كيف جبتن عشره بالتوحيد ..
ملاك :هع سر الطبخه ..
سارا :قصدها سر المهنه ..
ملاك :لو بقول سر المهنه كان قلتها بس انا اقصد سر الطبخه ..
سارا :ياحياتي وش جاب لجاب الطبخه لدراسه المهنه اقرب ..
ملاك :وكيف اقرب ياحياة امك ..
وأنسحبت من عندهن وهن مو داريات عنها المهنه والطبخه اهم .. وماأنتبهن لأنفسهن الا على صرخة المعلمه تدخلهن الفصل ... وهي تردد انه يوم اسود اليوم اللي قبلوا مهرجات مثلهن بالمدرسه ..


((5))

[.. بثوب الجديد ..]

وعد


قهرتني الغثيثه هذي وش تبي .. ادري مقهوره مني وميته بغيضها لأني رئيسه عليها وهي اللي طول عمرها بالنشاط وانا اللي اول مره اشارك بالنشاط صرت رئيسه عليها ..
وعد:اسمعي ندووه افندي ماهو بعاجبك رايي لاتشاركين فيه ترى ماهو بأجباري ..
قالت سوير الغثيثه لاانا ووجهي بعد كنت ارشحها تأخذ مكاني ..
سارا :وليش يعني مطويات عن الصلاه .. ليش ماتكون المطويات عن الحجاب .. ولكم مني اتكفل فيها من ألى ..
وعد :اسمعي عاد انا قلت عن الصلاه يعني عن الصلاه لأنها اهم اركان الأسلام وأهم عباده ..
سارا :قولي ان الحجاب ماهو عباده ..
وعد :ماقلت شي بس المطويات بتكون عن الصلاه ..
ندى :اكيد بتقولين عن الحجاب لااا .. لأنك ماتلبسين عباه حتى تلتزمين فيها اوتستهرين بلبسها ..
سارا :اتصور شكلها بتسوي مطويات عن الحجاب وهي ماتلبسه ..
وعد :والله عاد هذا شي راجع لي وماطلبت شوركن والمطويات اللي بنسوي عن الصلااااااه .. وعن الأستهتار بأدائها وأقترحت على أبله حصه يسوون محاضره عن الصلاه ووافقت ...
ولاتسوي فيها انك احسن مني ولبسك للحجاب عاده ماهي عباده ..!!
وطلعت من عندهن للمكتبه ..
شكلي بلبس عباه عشان مايقدرن يمسكن علي شــي .. بس العباه بتقيد حريتي ماراح اقدر اطلع وألعب واستهبل مع منير بس نوف لبست عباه صح مالها أسبوع وماصارت تطلع كثير ومنير صار يجي عندنا طول الوقت عشان يلعبون كوره ..
بعدين ليش ماأصير مثل سارا وملاك يلبسن عباه والحاره يعرفنها حته حته مامنعتهن العباه من الهياته ..
خلاص بجرب ألبس عباه بالرمضان اذا ماأعجبتني تركتها .. بس فيه فكره ماهي راضيه تطلع من بالي
ليش أبله هند يوم شافتني بدون عباه بالسوق ماقالت شي .. الصراحه طاحت من عيني ..
المفروض تقول شـي تنقدني تهاوشني .. تنصحني ماهو تسكت عني وكأني ماسويت شـي لايكون متحرره وعادي عندها أني ماألبس عباه .. بس هي تلبس عباه عاديه ونقاب اسلامي وقفازات وشرابات رجلين ليش يعني بس تبي الستر لها .. المفروض تنصحني مهما كان ان طالبه عندها وواجب عليها تنصحني وتدلين على الطريق الصحيح ..

بعد يومين قبل وقت المغرب كنا جالسين انا ونواف ومنير وشدن ونور نلعب بالحوش ..
مالين الجزء المبلط من الحوش صابون ومويا ونتزحلق ومعنا كوره ..
كان منير شايل نور على ظهره ويلعب هو وشدن ضدي انا ونواف ..
وعد :منير نزل نور لتشوفك اللحين ضحى وتخليك ماتلعب معنا ..
منير :ماراح تشوفيني يالله العبي بس ولاترى بروح العب مع العيال بالشارع ..
نواف :ايه هين بنخليك بكيفك اصلاً ماراح تعتب ورى الباب الا اذا طردناك ..
شدن :اوووف لاتهاوشون خلونا نلعب ...
وعد :انتي وش فيك مستعجله على الهزيمه ..
سمعنا هند تنادينا من داخل وتقول بالسرعه لاتفوتكم وحنا نركض كلنا تزحلقنا وطحنا الا منير وهو اللي سبقنا ..
وعد :وش فيه ..
هند :بكررررررره رمضان ..
وعد :احلفي ..
هند :مايحتاج بيجي بكره وبتشوفينا صايمين وبتصدقين ..
وعد :يعني بكرره بنصوووم ..
ياربي حررر وعطش كيف بنصوم بس مايصلح اني اتأفف يبطل صيامي صح .. يالله خلوني انوي من اللحين اني بصوم بكره ..
نواف :انا بكره بغيب ..
وعد :وانا بعد بغيب ..
سارا :انا ماعندي نيه ادرس بكره ..
ملاك :اكيد لازم نغيب ولانسيتي ان عندنا بكره اختبار علوم .. يالله سارا نروح نبارك لخالتي بالرمضان ..
ضحى :لحضه ..لحضه .. على وين ..
ملاك :ضحى ركزي بالتصحيح الأوراق احسن لك ..
ضحى :لاياشيخه ..
ملاك :اكيد بوركتي والامو يقولون مامن قلبين في جوف واحد .. يعني انتي اللحين تصححين ولاتسمعين لسوالفنا ..
ضحى :لايروح امك اتسمع لسوالفكم وين قلتي بتروحين ياحياتي ..
ملاك :والله انتي اللي حياتي .. قصدك بتروحما يعني انا وسارا وانا وسار بنروحما لخالتي ..
ضحى :بتروحما كذا من الباب لادريشه بدون استئذان بدون اعطاء خبر ..
احلى والله اعجبتني ضحى تهزأهم .. بس ..
ملاك :ياحياتي احنا اذا ماستأذنا منك من مين نستأذن بس يابعد كبدي انتي مراتن كثيره ماتكوني هنا من مين نستأذن اكيد من انفسنا عاد انفسنا هذي بنت لذينا ماعمرها سمحت لنا نروح ..
سارا :عاد حنا نستجدي اصحاب القلوب الرحيمه اللي هم انتي انهم يسمحون لنا نروح لبيت خالتي ..
لكي نغيض ونقهر ونحر انفسنا اللي شايفه نفسها وماتسمح لنا نروح لبيت خالتي ..
وعد :ضحى لاتخلينهم يروحون مو على كيفهم كل يوم يروحون لخالتهم وحنا ماعندنا احد نروح له ..
ملاك :والله ماهو ذنبنا بالحياه انك مقطوعه من الشجره ..
وعد :ضحى اسمعي وش تقول تكفين اقهريها ولاتخلينها تروح ..
ملاك :وعدووه انطمي احسن لك ..
ضحى :بس أنتي وياها ملاك بكره تروحون ..
ملاك :لاا اليوم ليش يعني عشان هالقزمه مانروح ..
جيت برد عليها بس منير ناداني ..
منير :وعدووه امشي بس خلينا نلعب ..
وجلسنا نلعب انا ومنير ونواف لين وقت السحور كل هذا وماطلعنا من البيت وكان وناسه يعني شكلي صدق بلبس عباه ..

((5))

[ .. غيـرة سارا ..]

سارا


استغربت من ملاك اللي انقهرت مره يوم ماخلتنا ضحى نروح لخالتي .. يعني وش فرقت خلاص بنروح لها بكره ..
بس ملاك مره مقهوره من وعد وتوعد فيها ..
سارا :حرام عليك ترى والله مايستاهل الموضوع ووعد ترى دايم هذي حركاتها وحنا ساكتين لها ..
ملاك :عشان تعرف مره ثانيه تلقف بالشي مايعنيها ..
سارا :يووه ملاك لتكبرين الموضوع خلاص بكره بنروح لخالتي وفكينا ..
ملاك :وش فيك انتي معصبه بعد ..
سارا :ماني معصبه بس انتي ترفعين الضغط بدال ماحنا اللحين جالسين نلعب ومبسوطين بنكدك وميزاجك الزفت خربتي علينا ..
ملاك :يعني انا اللحين اللي ميزاجي زفت .. طيب من اللي من الظهر وهي مقفله معه الكلمه ياله تطلع منه ..
سارا :ملاك انتي تدرين ليه كانت مقفله معنا ..
ملاك :عشان قيس ..الوحش المتخلف الغبي بس سارا مايصير كذا كل ماصار لك موقف معه صرتي بس خايفه وماتكلمين ..
غصيت بدموعي ماقدرت اتكلم مقهوووره اكرررهه الكريه الوحش الله يأخذه .. احس اني بمووت من القهررر ر.. نكد علي عيشتي مأقدر انام من الخوف ..
ملاك :سارونا لاتبكين الله يقطع سيرته الكريه .. تعرفين سارا لوبيدي اقتله والله لأقتله عشان اريحك ..
ادري ياملاك انك ماتقصرين .. بس آآآآآه ليه احس بالغيره منك ليه .. اكره هالشعور الشيطاني اللي داخلي يوم اتمنى انه انتي اللي بهالحال مو أنا .. واقول ليش انا بالذات ليش موملاك ..
والله اكرههه مأتمناه بس دايم افكر بهالشـي .. تذكرين ياملاك يوم كنا صغار .. كيف كانت جدتي تحبك اكثررر مني كيف كنت تضمك وتدلعك وانا جالسه اتفرج واموت القهررر واحترق ..
تذكرين وتذكرين وتذكرين ياملاك ذكريات تحررق الجووف بس ليه اتذكرها وانكد عمري شي ماني قادره افهمه .. وتذكرين وآآآآآآه ياقسوها من ذكرى الوووووحش بنفسه كان يدافع عنك آآآه وأنا انظرب على يده .. صح كنتي تكرهينه مثلي بس ماكان يجيك الظرب مثلي .. ليش ودي أفهم ليش .. الناس وش لاقيه فيك وماهو موجود فيني .. موغيره ولاحسد بس أبغى اكون مثلك ابغى الناس تحبني مثلك .. ابغى الناس يوم تشوفني تشوف سارا .. موتشوف توأم ملاك ..
ملاك :وين وصلت ياقميل ..
والله ملاك ماتستحق اني افكر فيها كذا المفروض ابعد هالوسواس من راسي قبل مايخليني اكره اعز واهم واغلى انسانه بحياتي ملاكي ..
سارا :افكر متى بتمشطين كشتك فشلتينا بالناس ...
وطلعت لساني لها ..
عاد الهبلا كالعاده ماتعتبر فرت البيت تدور على مرايه تشوف فيها كشتها ..وبالأخير رجعت تأخذ محفظة ضحى اللي فيها مرايه صغيره ونست الف مرايه بالبيت ..
سارا :لاتحاولين وحشه وحشه لو سوويتي عملية تجميل ..
مشاعل :ومن أخبرك بأني سأفعل ..
سارا :يمه من وين طلعتي انتي ..
مشاعل:من رحم والدتي ..
سارا :تصدقين احسبه من خشمها ..
ملاك :اقول ميشو طالعي كشتي طايره ..
مشاعل :لقد اخبرك منذ زمن مضى لاتصدقي ماتلقيه سارا على مسامعك من ترهات ولكنك كنتي ومازلتي تجارينها كبلهاء ..
شفتوا حتى مشاعل الخايسه تحت ملاك اكثر مني بس بلعنه بضطر اخذها بروح رياضيه عاد هذي ميشو الغاليه .. بس تعالوا كنها قالت شي انه وش دراني عن شي ..
سارا :اللحين انتي يوم دخلتي علينا من رحم امك .. وش كنتي تقولين ..
مشاعل :كنت اتسائل من اخبرك بأني سأجري عملية تجميل ..
طالعتها بشوف تمزح ولاوش سالفتها بس تذكرت ان ميشو ماتمزح ..
ملاك :ميشو يالمجنونه من صدقك أنتي ..
سارا :يااااااااآآآآآآآآآآآآي يعمر بيتك على هيك خبريه بس كيف بتصيرين مثل اليسا او جورج قرداحي ...
ملاك :لحضه لحضه سااارونه لاتسرعين هي ماقالت وش العمليه اللي بتسويها يمكن بتسوي عملية تجميل تغير لون عيونها ولشـي ..
مشاعل:سأجري عملية تجميل صغيره لاتقلقوا ستتعرفوا علي بعدها ..
ضحى :وش اللي جالسه اسمعه هنا ..
شكل الحلوه ميشو انصدمت احسن هع اللحين تعرفين تفضلين ملاك علي ..
مشاعل :مرحبا ضحى .. لم اكن اعلم انكِ هنا ..
وناظرتنا بعيون زرقاء يتاطير منها شرار اصفر صار علم النصر على غفله ..
جرت ضحى اللي كانت فوق ومأدري وش نزلها كرسي مكتبها وجلست عليه الله يستر بس شكل بتقوم في بيتنا حريقه الليله ..
ضحى :كملي وش كنتي تقولين قبل ماأقاطعكم ..
ميشو :لاشـيء مجرد خزعبلات نقضي بها الوقت ..
ملاك :هاه لاتغلطين انا وسارا مانقول الخزعبلات هذي ..
صح سويره ..
سارا :ياااااتبنه مليون مره قلتلك لاتقولين سويره السور اللي بنونه براسك ان شاءالله يامليكه ..
ملاك :طيب وش فيك معصبه يكفي الصاله موت حررر فرررن جحيم ماهي ناقصتك ..
سارا :انا قايله للغبيات هند وشوق لادخلن المطبخ يقفلن الباب بس مايفهمن ..
سكتتني صرخت ضحى يمممه وش فيها ذي ..
ضحى :بسسسسسسسسسسس..
كملت بعد مابلعنا ألستنا ترى يمدحون الواحد يصير فار قدام الأسد ..
ضحى: مشاعل هانم وبعدين معك ..
مشاعل :ماهذا الهجوم علي ماذا فعلت لأتلقى هذا التوبيخ الرائع ..
ضحى :تدرين انتي مجنونه اللي يتكلم معك كنه ينفخ بقربه مخروقه تدرين لو بتغيرين نفسك من بنت الى ولد بقلعتك ماهميتيني ...
اوب اوب يحووول وش قالت مشاعل المسكينه ياويلي عنها اكلتها ضحى بقشورها ..
حتى ماسألتها اذا كانت صادقه او تمزح ..
مشاعل :ضحى لاتفتعلي من الأمور الصغيره مصائب .. بالتأكيد ليست نهاية الدنيا لو اجريت عملية تجميليه ...
ضحى :اولاً حرام وماهو من عاداتنا ثانياً ليش تسوين هالشـي اللي مايتقبله مجتمعنا ..
ميشو :هل تعليمن لماذا لأن شقيقتك الحمقاء الصغيره تسببت لي بأشاعات مدمره بالجامعه فأنا متهمه بأن لدي ابنه غير شرعيه ..
ياوووووووووويلي وش تقول هالمجنونه يخررررب بيتها شكل متابع المسلسلات الهابطه لعب بمخها ...
ضحى :بسسسسسسسسسسسسسسسسسسسسسس ..
ميشو :توقفي عن صراخ واسمعي ماأقوله لك جيداً.. لايوجد ركن بالجامعه الا ويتردد به صدى خبر ميشو مبارك وابنتها غير الشرعيه ..
ضحى :مشاااااااااااااااااااعل بس ..
ميشو :كلاا لن اتوقف ولذالك انا مضطره لأجراء هذه العمليه بعد ان بدأت بالأجراءت لتغير اسمي .. ومن فضلكم لأريد ان يخرج هذا الخبر من بين جدران هذا المنزل ..
عمركم شفتوا سمعتوا شــي زي كذا مش معقول مايخش المخ .. رمت هالحكي وأختفت ..
سارا :ملااك ..
ملاك :سارا ..
ملاك& سارا :مش معئووووووول ..
ضحى :وانتن ..
اها بدينا ..
ملاك :احنا وش فينا وش زينا وش ملحنا نهبل ..
ضحى :الا متى بتظلن كذا اللحين لازم كل يوم يعني شوق هي اللي تطبخ لكم ماتسون مره معروف بأختكن وأطبخ بدالها ..
سارا :انا ماعندي مشكله اطبخ بس هذا تنكد علي ..
يهي يهي طلعت نفسي منها ..
ملاك :اللحين انا اللي اخرب ولا أنتي لاشفتيني حطيت من شي رحتي تحطين بعدي يعني لازم نملح الأكل مرتين ونبهره مرتين ..
شوفوا بنت الأيه قلبت السالفه علي ..
سارا :اللحين انا اللي اسوي كذا ولا أنتي .. ترى ضحى ماهي من سكان المريخ تعرفك زين ..
ضحى :انا ماني جالسه هنا عشان اسمع تهريجكن اسمعني زين بكره كلكن تساعدن بتسوية الفطور وبجي افطر معكم عشان اشوف شغلكن ..
سارا :علينا هاه بتجين تشوفين شغلنا ولامالك خلق تطبخين ..
ملاك :تصدقين سويره بديت اشفق على ثقيل الدم ..
لاعاد المره ذي مافيه تفاهم صفقتها ذاك الكف اللي يخليها تفكر الف مره قبل ماتقول سويره ..

((6))

[ .. شوشو ..]


..في الأول من رمضان ..
بعد صلاة العشاء وهو ينزل من السياره قدام مقر عمله .. سمع صوتها العوب وهي تستجدي الماره ..
لف عليها متلهف مصدق عيونه معقوله شوشو واخيراً له شهرين ماشافها ..
راح يمشي لها وهي اول ماشافته هزت راسها بأستنكار ..
شوشو :خير وش تبي ماشحدت من عملائك اشحد من الناس اللي تمرر ..
قيس ودقات قلبه طبول :ليش اختفيتي شهرين ..؟!
شوشو :رحت للمدرسه ..
قيس :والله ..
شوشو :ايه والله لاتحسب الدراسه حكر عليكم ..
قيس بقلبه :وش عنده اليوم قلبي ماهو صاحي يالناس ودي اخطفها ..
شوشو :ليش تناظر كذا خلاص طس لاتسويلي شبهه ..
قيس وعينه على يدها اللي ترتجف معقوله خايفه منه :اللحين انا اللي بجيبلك الشبهه انتي كلك على بعضك شبهه ..
شوشو :طيب طيب جزاك الله خير ممكن تطس وتخليني اكمل شغلي طيرت الزباين ..
قيس بتلاعب وبنيه خبيثه:كم تبغين على الزباين اللي طيرتهم ..
شوشو بضحكة استهزاء :لايكون تحسب ان أخذ منك ومن اشكالك فلووس لاماحزرت انا مأخذ الا من اللي فلوسهم نظيفه ملال حلال ..
قيس بيتكلم بس هي مستمره بالكلام:وانتي يالموظفين ببنوك ربويه مأخذ منكم شي ..
قيس بقهر :اللحين صار بنكنا ربوي .. طيب وخري عنه لأن كل زباينك من عملائه ..
شوشو :العملاء الضعيفين وش ذنبهم انتم اللي تلعبون بفلوسهم وهم على نياتهم مايدرون عن شـي ..
قيس :اقول وخري عن البنك لأمسك انا بنفسي وأسلمك للمكافحة التسول ..
شوشو بخوف :تسويها يالمجرم ..
قيس بضحكه وهو قاصدها :من قال اصلاً ماتهونين علي ..
ولف للمبنى وهو يفكر انه اليوم بيعرف من هي شوشو .. دخل وطلع مع باب ثاني بحيث ماتنتبه له بعد ماطلب من واحد من زملائه مفاتيح سيارته ..
جلست ساعه كامله تشحد ورمضان ببدايته الناس كلها ينزل عليها البر والتقوى والصداقات تهل من كل صوب ..
بعد ماأكتفت بكسبها اليوم .. مشت لين شارع الرئيسي اللي ورى البنك بشارعين واخذت لها تاكسي مرت على البيوت المعتاده وعطتهم المقسوم تحت نظرات قيس المذهول ..
تشحد عشان توزعها على الناس .. طيب ليــــش .. يعني مثل ماتوقع هي تشحد لعب اكثر من انها حاجه .. أكيد تحسبها مغامره ..
قطعت شوارع كثيره ومن حي لحي ومن حاره لحاره وكل ماله يزيد توتر قيس واللحين وين المستقــر .. اللحين بيعرف من هي شوشو ..
تردد بهالخطوه كثيره وسرعتها بالأختفاء بعد نهاية كل يوم شحاده ماساعدته بس اليوم الحظ وقف جنبه اكيد أمه داعية له ..
كل ماتقدموا دقات قلبه تزداد اشاره بعدها اشاره ولفه ودوار وكل شـي يصير يزيد توتره وهو يهز راسه بعدم تصديق لين نزلت قدام واحد من البيوت وتحرك التاكسي معقوله شوشو تسكن هنا ..
بس لحضه مادخلت بالبيت .. جلست تمشي وهي تتلفت حولها معقوله انتبهت لسيارته اكيد لا.. لأنها كملت طريقها لين وقفت قدام واحد من البيوت طلعت المفتاح فتحت الباب ودخلت ..
هنا شوشو تسكن هناااا ..
ياهي صدمه له ماتوقعها مافكر فيها شوشو من الناس هذي مستحيــــــــــــــــل ..

انتهى البااارت

الحلقه الأربعــــون

((1))

[.. مجرد زياره ..!!..]

سارا

دخلنا بيت خالتي مع ود اللي كانت واقفه على البوابه بتستقبلنا .. ههههه ..
ود :ياحيا الله من جانا تو ماتباركت ...
وقطعت جملتها اللي عجزت تكملها ..
ود :المهم اني فرحانه بجيتكم اقلطوا تفضلوا بروح اجيب لكم العصير اللي سويته لكم ..
ملاك :تعالي انتي ووجهك وين رايحه من صدقك بتشربينا شي انتي مسويته ..
ود:بتشربنه غصب عنكن انا ماتعبت نفسي عشان تردني ..
وراحت قبل ماتسمع ردنا ..
رميت عباتي اللي لحقتها عباة ملاك ..
ملاك :غريبه وين خالتي ..
سارا :يمكن راحت تصلي التراويح بالمسجد ..
ملاك :توقعين
سارا :أكيد لأنها قالت انها ماهي طالعه اليوم ..
ملاك :وووووووود وين خالتي ..
سارا :وين تصرخين ماهي سامعتك حسبالك ببيتنا نسولف مع بعض وكل وحده منا بغرفه ..
ملاك :تصدقين احسبها تسمعنا ..
سارا :ماأستغرب هالشـي عليك لأنك هبلا ..
طنشتني ملاك وراحت تشغل تلفزيون ..
وانا خطفتي لي مجله وجلست اقلب فيها ..
ثواني بس وجتنا ود ومعها صينيه عليها ثلاث أكواب كبيره عصير فيها مزازات شــي ووراها شغاله تدف عربيه مليانه من مالذ وطاب ..
سارا :اللحين خالتي وين ..
ود :جدتي شيماء راحت تصلي التراويح بالمسجد ..
وجت بتوزع علينا العصير .. سألتها بالشك ..
سارا :اللحين هذا انتي اللي مسويته ..
ود :ايه انااا عندك شك انسه سارا ..
ورمتني بنظره تخوف .. اضطريت بعدها اخذ العصـير ..
بس ملاك تعذرت تقول توني شاربه بيبسي .. وانا طحت فيها ..
واذا كان عندي واحد بالميه شك انها هي اللي مسويته اللحين صرت متأكده ميه بالميه انه سوات يدها ..
سارا :وععع وش ذا تكرم النعمه ..
ود:اشربي وانتي ساكته .. انا مسويته لكم مو عشان تنتقدين المره ذي طعمه مومقبول المره الجايه ينقبل ..
ملاك :ليه مقدم على العسكريه ..
ود :لامقدم على البحريه ..
قلت انا مد رجولي وحطها بحضن ود ..
سارا :ياملغكن ..
رمت ود رجولي بقوه وهي تصرخ ..
ود :قليلة ادب ووصخه ..
فجأه قامت ملاك ..
سارا :تعالي وين رايحه ..
ملاك :وش دخلك بروح الحمام تجين معي ..
سارا :ههه لاروحي لحالك ..
وبعد ماراحت ملاك سألتني ود ..
ود :وش فيك لازم تلصقين فيها انتي
..
سارا:ايه عندك مانع اختي وتوأمي وحبيبة البي ..
ود:طيب ليش مارحتي معها ..
رزعتها برجلي ..
سارا :تنكتين انتي ووجهك ..
ود :عمى بعينك وش ذا رجل ولامرزبه ..
سارا:خلصتوا اختبارات ..
ود :لاتونا ماقررنا نختبر ..
سارا :ليش ..
ود :كذا تعرفين بنات الأهليه متبطرين مايبون امتحان بالرمضان والمعلمات ماعندهن مانع ..
اهااا يازين الدراسه اللي كذا مالت علينا بس ..
دراسه بالغصب وكرررف وبالأخير نرسب وهم ترفيه ولعب وناسه وبالأخير ينجحون ..
سارا :طيب داومتي اليوم ..
ود :لاا وماراح ادوام بالرمضان لاحقين على الشقى ..
اوب اوب هذي بالله عليكم هذي دراسه .. وينك ياوعد تسمعين خخ كان تنهبل علينا المهبوله ..
ود :اقول سوير عن اذنك بروح اجيب جوالي نسيته اولى بالحديقه كنا جالسين هناك قبل ماتروح جدتي للصلاه ..
سارا :اوكي طسي بس ارجعي ترى مأحب اجلس لحالي ..
طلعت من هنا ود ودخلت خالتي ..
سارا :اهلين خالتووووووو اشتقنا لك ... كل عام وانتي بخير ..
خالتي :وانتي بخير ياحياتي وش اخبارك ..
سارا :الحمدالله بخير ..
خالتي :وين ملاك ..
سارا :ملاك راحت لدورة المياه اللحين بتجي ..
بس ملاك ماجت ولاود كنت احاول اندمج مع خالتي بس اللي قدرت عليه عشر دقايق بعدين ماقدرت احس بديت اضيع وين راحت ملااااك يالناس تأخرررت حيل ...

((2))

[.. الملآآك ..]

ملاك


حطت عيني بعينها وبكل قوه قلت لها ..
ملاك :انتي مالك دخل فيني وعمك ماهو بزر صغير بلعب عليه ..
ود :ملااك حرام عليك وخري عن طريق عمي ليش تخربين عليه حياته هو يحب شووووووووووق ليش ماتفهمين ..
ملاك :اللي أفهمه شـي واحد وليد لي يعني لي ..
ود :انتي غبيه متخلفه ترى هذا مولمصلحتك عمي يلعب على الف بنت واللي يحبها وحده انتي بتخربين على نفسك وعلى عمي وش بتستفيدين .. ماتخافين انه يأذيك ..
ملاك :لا ماأخاف .. وكلامك ماراح يخوفني وقولي لشوق اللي مرسلتك تنسحب هي احسن لها لأنها ماعرفت ملاك زين .. ومثل ماخليته عمك يكرها طول الوقت اللي راح بخليه مو بس يكرهها لايذبحها ..
ود :ملااك حراام عليك انتي مو نجسه ليش تسوين كذا ..
ملاك :لأني احببه ..
ود :بس هو مايحبك يحب شوق ومن سنين مو بس من اليوم ..
ملاك : بلييز وخري عن طريقي واذا كنتي تحبيني صدق مثل ماتقولين خليك بصفي ..
ود :حرام عليك والله حرام لاتسوين كذا انتي طيبه لاتخربين على نفسك بالتصرفات هذي والله الدنيا وصخه ماتستاهل انك تسوين كذا لاتضيعين نفسك ..
ملاك :ووود لاتعلمين خالتي او سارا وبس هذا اللي ابغاه منك ..
طالعتني بقهر وقالت ..
ود :بقول لعمي انك تلعبين عليه ..
ملاك :بتكذبين عليه ..
ود :ماأكذب ..
ملاك :الا تكذبين أنا احبه ماألعب عليه ..
ود :بس هو يلعب عليك ..
ملاك :أنتي مالك شغل انا بالستين داهيه ..
ود :وبتخربين بيت شوق ..
ملاك :ود انتي وش تبغين اذا عمك رضى على نفسه انتي مالك دخلل ..
ود :حقيرررررررره ..
ولفت وراحت لبيتهم تركض .. يعني كان لازم تجي وتخرب علي اوووف اللحين الوليد اكيد راح يوم سمع صوتها الشينه .. اووووووف ماكان ودي يصير هالموقف مع ود بس هي اللي تدخلت وش لها تجسس علي وعلى حركاتي .. لاوسامعه مقابلتنا اللي قبل الحيوانه ياهي سوسه .. بس انا اعلمها كيف تدخل بشئون غيرها .. استغفرالله وش هالتفكير لااامستحيل اسوي لود شــي هي ماتستحق مني هالمعامله بس لوسوت شــي بعطيها قرصة اذن ..
وليد لي يعني لي .. وليد املي الوحيد بالحياه .. اللي بينتشلني من حياة الفقر والضياع ..
وليد فيه كل احلامي الحبيب الوسيم والزوج الغني والمستقبل المضمون بتشبث فيه باسناني .. ومثل ماأزحت شوق من طريقي .. لاباقي شــوي بس وازيحها .. واخلي وليد يجي زحف على ركبه لبيت اهلي يخطبني ..
بس اللي يقهر تمسكه فيها حتى بعد ماعرف انها خاينه قذره وصخه كل هذا ماخلاه يطلقها مأدري كيف يفكر .. غبي فعلاً غبي ولاهو رجال لو كان رجال كان سوى مثل ماسوى خلف يوم درى ان ريم تخونه .. يطلقها ..
حسيت بالجوال اللي عطنياه وليد من أسبوعين يهز بمخباتي ..
وليد :ملاااك ماأقدر أشوفك اللحين ..
ملاك :بلعنه ..
وقفلت الجوال بوجهه .. هين ياوليد انا اللي بوريك معك شهر اذا ماخطبتني والله لأسحرك يالحيوان ... وخليك ماهو تحبني وبس تصير مجنوني وتكررره شوق واهل شوق وامك اللي جابتك ..
رجعت بالسرعه للفيلا خالتي من زمان انا طالعه ياحياتي ياسارا اكيد خايفه علي ...
وأنا داخله كانت هي طالعه ..
سارا :ياحماررره وين كنتي ..
اخذت نفس طويل وشهقت ..
ملاك :كنت مع ود تهاوشنا وراحت للبيتهم ..
سارا :مالت عليكن تطلعن تلعبن وتخلني ..
لاياحياتي ياسارا خليك كذا لعبنا ابد مايصلح لك ..
ملاك :ملل مانبسطنا من حوبتك اكيد وين خالتي جت ...
سارا :ايه كنت احسبك ماتبين تشوفينها يوم طولتي ..
ملاك :لاعادي انا نسيت واكيد خالتي نست ..
ودخلت وسلمت على خالتي اللي كنت تهاوشت انا وياها بعد ماترك جواد سارا هوشه كبيره وتلفظت عليها مع انها كانت تحاول تهديني وتقولي انها هي بعد ماهي راضيه باللي صار .. بس مش مهم اللحين لازم اكسب حولي ناس كثير .. وجوادوه بيتزوج سارا غصبً عنه لو اسحره هو الثاني عشان يعرف يترك اختي بذيك الطريقه ويخلي الناس تكلم عنها ..



((3))

[.. اخرج من حياتي ..]

ضحى


حنا مو عار ولابصمة سودء تشوه سجل مبارك باشا الشـريف .. عشان يطلب مني عن طريق عساف افندي اني اذ بغيت احضر مناسبة العيله ماأخذ نوره معــي .. ليش هالنوره ماهي بنته اللي رماها مثلها مثل أي شـي مايهمه ..
عساف :الله يخليك ضحى عدي هالموضوع وخلينا نزل نوره عند خواتك ونروح للعزيمه وبلاها هالمشاكل ..
ضحى :كلامي واضح ماني برايحه لأي مكان الا بالنوره .. واذا موعاجبك مو لازم اروح ..
عساف :انتي تدورين المشاكل بس يسرا وصتني الف مره اني ماأجي بدونك ..
ضحى :عساف انا ماأحب اعيد بكلامي ..
عساف :يعني معنده ..
مارديت عليه ..
عساف :حلو مو لازم تروحين ..
صرخت عليه وانا اشر على الباب .. خلاص بديت افقد اعصابي حسبي الله عليه هو واخته وابوي ..
ضحى :طيب ممكن تفضل ..
طالعني بنظره غريبه ..
عساف :شلون ..
صرخت ..
ضحى :تفضل بررررى بيتي يتعذرك ..
هز راسه وكأنه متوقع اللي بقوله ..
عساف :بتفضل برى بس بأخذ هذي معي ..
وسحب شدن اللي كانت حاضره الموقف من اوله مع يدها وطلع فيها وهي تصارخ تبغاه يتركها وتستنجد فيني بس انا ماسويت شـي لأني عارفه وميقنه قبل الفجر بيكون راجع فيها .. بس يحلم أدخله بيتي بعد سواته ذي ..
سحبت نورا معي ورحت اغسل بالملابس اللي لها اسبوع مكومه واخذت كل ملابس الباشا الوصخه وحطيتها بكيس زباله عشان لاجاء ارميهم في وجه مع بقية ملابسه ..
رحت بسرعه لغرفتنا فتحت الدولاب وطلعت كل ملابسه ورميتها بكيس زباله وفتحت الأدراج وبديت اطلع باقي ملابسه وأحطها وشمغه وكل شــي يخصه .. فجأه بديت حس رجولي ماهي قادره تشيلني جلست بركبي على الكيسه اللي رميت فيها ملابسه وسندت راســي على الدولاب والدنيا تفر فيني وخلاص ماني قادره اشوف شـــي ..


((4))

[ .. ياتفارق ياتحب ..]


عساف


نرفزتني هالغبيه ..
عساف :خلااص شدن اسكتي ..
شدن :مااني ساكته لين ترجعني لماما ..
عساف :شدونه حياتي ماتبغين تروحين لعمه يسـرى وتلعبين هناك مع صغار ..
بدت تصرخ علي ..
شدن :مأبي ماأبي الله يأخذ يسرا وشكلها مابي اروح عندهم رجعني لماما ..
رديت عليها بعصبيه ابي اسكتها ماكان قصدي اخوفها ..
عساف :بتسكتين ولابرميك بالشارع ..
بعد كلمتي شهقت بقوه وحطيت يديها على فمها عشان تكتم صوتها .. وهي تطالعني برعب وتهز راسهاا لااا ..
وقفت السياره على جنب وضميتها ..
عساف :شدونه حبيبتي انا بابا مستحيل ارميكي بس انا أقول كذا عشان تسكتين لأني ماأبغى اشوفك تبكين ..
قالت وهي مستمره بالبكاء
شدن :لوماتبغاني ابكي رجعني لماما ..
ضميتها بقوه .. وانا اردد في بالي هذي بنتي بزينها وشينها بنتي جزء مني .. تعبت من انعدام الأحساس اللي عندي بنتي ليش ماأحس اني احبها .. ليش شعوري لها جاف ماأحس بس شعور ناحيتها اشفق عليها أحيان بس ماأحبها ما أحبها .. مثل ماأحب ضحى .. ماأحبها مثل ماأحب نوره نوررره اللي مالي من عرفتها اسبوع دخلت قلبي اللي مادخلته بنتي اللي اعرفها لي ست شهور ..
شدن :خلاص فكني ورجعني لماما ماأحبك اناااا ..
يعني معقوله شعور متبادل معقوله ماتحبني لأنها ماحست اني احبها .. وش هالشعور اللي بين اب وبنته ..
رجعتها لكرسيها وأنا اقولها ..
عساف :بنروح لمكان قريب بعدين بنرجع للبيت ..
شلت من فكري اني اروح للعزيمه اللي سببت كل هالمشاكل .. ودي افهم ليش احيان نفقد اعصابنا عشان اشياء تافهه ماتسوى نحسبها بوقت العصبيه امور مصيريه وللاسف مانحس انا تافهه الا اذا فات الآوان ...
اللحين هذي وش بيرضيها .. ضحى واعرفها زين هي خلقه ماهي راضيه عني اللحين وش بتسوي .. اصلاً هي من ايام وهي تنتظر أي شـي بس عشان تنفجر بوجهي ..
عساف :اوووووووف ..
حسيت بيد شدن تشنج بيدي ..
عساف :وش فيك ..؟!
شدن :ليش تأفف خوفتني ..
دزيتها قدامي للقسم الألعاب
عساف :طيب امشي خوذي لك ولنوره العاب ..
بعد ربع ساعه كنت اوقف سياره قدام البيت .. فتحت لها باب البيت وطلبت منها تقفله وراها ...
طاحت عيني على واحد من الكيس اللي فيها العابها ..
عساف :اوووف .. اللحين انا مشتريه لها عشان تناساه هنا ..
شلته ونزلته بالحوش وانا لاف بطلع ..
شدن :باااااااباااااااااااااااااااااا ..
شفتها جايه تركض يمي وهي تبكي ..
مسكتني مع يدي تجرني بتدخلني ...
عساف :وش فيك ..
شدن :ماما مااااما ...
ضحى وش فيها .. فكيت يدي منها ودخلت اركض ..
عساف :ضحى ... ضحى ..
جتني وهي تبكي وسحبتني مع يدي ..
شدن :هناااا ...
وأنا داخل ماحسيت الا اللي يصقع بوجهي ..
ضحى :مو قلت لك ماأبغاك في بيتي وش اللي رجعك ..
شدن :ماااااااااما ..
ضحى :اطلع برررررى ..
كانت تصارخ ويدها على جبهتها تمسدها حسيتها انها مش على بعضها ..
عساف :خلاص بطلع بس هدي نفسك ليش الصراخ اللحين ..
ونزلت أخذ كيس الزباله اللي طلعت منه ملابـسي ..
سويت نفسي بطلع بس رجعت بسرعه وقبل ماتفهم حركتي كنت اضمهااا ..
عساف :ضحى اهدي قوليلي وش فيك انتي موعلى بعضك ..
ضحى :فكني كله منك اطلع من حياااتي خلاااااااص مليت انا مليت ..
عساف :مأقدر اطلع من حياتك .. خلاص ضحى انتي جزء من حياتي وانا جزء من حياتك انتي محتاجه لي وانا محتاج لك لاتخربين حياتنا بتصرفاتك هذي ..
ضحى :انااا مأحتاج لأحد وخصوصاً انت فكنـــــي ..
كانت تصرخ بكلامها وقطعت ثوبي من كثر ماحاولت تخلص من ضمي لها ..
عساف :اهدي قلت لك اهدي هذي موطريقه للتفاهم ..
ضحى :خلاااص فكني وريحني منك وش تبي اكرررهك والله أكررهك ..
عساف :وأنا أحبك وأحب بنتي واحب اللي بينا وماأبي تصرفاتك الغبيه تفرقنا ..
اهتزت بين يدي تبكـــــــي ..
ضحى :ياأخي ماأبيك ولاأبي حبك اكرررهك ريحني ورووح ..
آآآه وأخيراً بكــــــت .. أخيراً حسيت أنها انســانه .. تحس تشعر تبكي تفرح ...
ضميتها اقوى بس هي ماعمرها فـــــرحت ..
ليه دايم الفرح مجافي ملامحها والكائبه ساكنتها .. وعد علي لخليها دوووم فرحانه ..
بس لويلين قلبها هالقاســـــي ..


((5))

[ .. قيس الحيران ..]

يقلب الفنجال بين يديه يرفع ينزل يقلبه وهو مو حاس بنفسه ..
اللي صار افقده كل تركيزه صدمه توووقع فكررر بـ من تكون ...؟!!!!
بس ماأهتم لشخصيتها كثر ماكان اهتمامه ليـش تسوي كذا ...!!!
وصلت توقعاته الا انها شحاده مالها اصـل .. فقيره... حتى انه فكر بكونها
موسعوديه ومقيمه بطريقة غير شـرعيه .. رغم لهجتها النجديه اللي تأكد له مليون بالميه انها سعوديه .. حط كل الأحتمالات بالراسه الا هالأحتمال الصدمه .. اللي زلزل افكاره .. معقول اخر شـي توقعه ولا هو اصلاً ماتوقع ابداً ولاجزء من الميه انها تكون من أصحاب هالبيت هم صح محتاجين بس مايشحدوون مستحيل... اللي بقى بيتأكد منه هي أيهن ..هن تسع .. لو استثنى المتزوجه ووحده ولاثنتينن صغار بقـــــى ست ..
هـــــي وحده من هالست .. شوشو اللي خطفت قلبه وجننت عقله وحده من هم .. بس هو من يتمناها ..
لها ثلاث ايام مابينت .. لازم تجي ضروري عشان يعرف من هـــــي .. خلاص ماعاد فيـــه صبـــر .. يبغى يتأكد اللي شافه كان صدق ولاواحد من أحلامه ..
ام كايد :قيس كانك منت متقهوي نزل الفنجال لتجلس تلعب فيه كنك ورع ...
رجع المركى اللي كانت متكي عليه على ورى وخلاه له مخده وغطى وجهه بشماغه ..
ام كايد :ياوليدي منت رايح تدور اخوك هاللي ماندري وين داج ..
رجع يقلب بنفجاله وكأن مايسمعها..
منيره بصوت واطي لها :يمه لاتكلمين قيس عن كايد ..
ام كايد :يابنيتي وش اسوي هذا وليدي له شهر ماأدري وينه حي ولاميت ..
منيره :كايد هذا طبعه يغيب شهور ويرجع مثل ماهو ..
ام كايد بصوت متحشرج من الدموع :الله يرده لي ويهديه .. كود بقول لجابر يدوره ..
منيره :وجابر وش يسوي يدوره نص ساعه ويرجع يقول مالقيته ..
ام كايد :ياويلي عيالي مافيهم اللي جابراً بخاطري الله يكبرك يامنير وتقوم فيني ..
وقامت بخطواتها الثقيله :بروح اصلي ..
منيره :قيس ماودك تخطب وتفرح امي ..
قيس :منيره ترى ماجلست معكم عشان تفتحون لي هالسالفه لاتسمعك امي وماتسكت اللحين وانتي عارفه اخر مره انفتحت فيها السالفه وش صار ..
منيره :والله امي تبغى لك الزين بعدين بنات جيراننا ضعيفات لوتأخذ منهن ..
قيس اللي وخر شماغه :لو اخذ منهن بس امك ماتبيني اخذ الا وحده ..
منيره :وليش ماتبي هالوحده ..
قيس :منيرره الله يخليك اقطعي هالسيره .. انا طالع اذا بغيتو شي اتصلوا..
وقام من عندها وهو متضايق اووف كل ماجلس معهم فتحوا له هالـسيره اخر شي يفكر فيه هالوقت الزواج .. اللحين شوشو هي اللي مشغله باله ..
متى بيعرف من هي متــى يخاف يصبر شـهور بعد ..
هي تختفي وتطلع وهالشـي للحين مالقى له سبب .. بس والله لو غابت اكثر من شهر ليدخل على بيتهم ويطلعها من بينهـــــن ..


((6))

[.. تضاريس وقلب ملهوف ..]

ميشو


يألهي كاد يتوقف قلــبي ..
ميشو :لقد اخبرتيني ان الباب مغلق ...
أجابتني وهي تنهض لتغلق الباب ..
سوسو :سوري حبي ميشو والله ماأنتبهت .. ماصار شــي موقف يصير بأحس العائلات ..
:سعـــاااد تعالي ابيك ..
ارتفعت يدي لتمسك بقلبي خشيت خروجه من بين اضلاعي .. يال هذا الصوت المرعب ..
ما أن خرجت سوسو من الغرفه حتى اسرعت الى الباب لأستمع للحديث الدائر بينهما..
خلف :اللحين انتي تقولين لها اللي قلته لك ..
سوسو :اووف وليش ماتكلمها انت وتقولها ..
خلف :بلاكثرة هرج قولي لها اللي قلت لك وانتي ساكته ..
سعاد :واذا ماجت ..
خلف :الا بتجي وانتي قوليلها الكلام على اساس انك تنصيحنها موتقولينه كأن احد موصيك عليه ..
سعاد :طيب .. طيب ..
صمت لم اعد اسمع شــي .. كدت اعود لمكاني حينما شعرت بـ سوسو تحاول فتح الباب لكن استوقفني صوته ..
خلف :من اللي عندك ..
سعاد :من عندنا عيونها زرق غيرها .. ولاتقول ماانتبهت ترى واضح انك عرفتها ..
عدت لمكاني بسرعه قبل ان اسمع تعليقه عليها .. بماذا سيهمني ماسيقوله وهو يوصي شقيقته على التضاريس ..
دخلت علي سوسو وهي تضحك ..
سوسو :يعني بتفهميني انك ماكنتي ورى الباب تسمعين علينا ..
شهقت بالتصنع ..
ميشو :انا بالتأكيد لااا ..
سوسو :اوكي صدقتك .. اجل مايحتاج اقول وش قال عنك .. هههههههههههههههههههههههههههه شوي لاتطلع عيونك بقولك ..
ازحت نظري عنها ..
ميشو :لست مهتمه ابداً بماسيقوله عني شقيقك الأخرق ..
ضحكت طويلاً قبل ان تبادرني ..
سوسو :قولي مهمني اخوك الخبل الغبي المتخلف الحيطه مو الأخرق ههههههههههههههههههههه ...
ميشو :اختاري احدهم لن اكرر كل تلك المسميات كببغاء عجوز فقد أحد اسنانه ..
بعد ان اطلقت تلك العباره .. كان لسوسو شوط طويل من الضحك ..
قاطعه دخول مدبرة المنزل كما امقتها تلك العجوز صاحبة العيون الصغيره الماكره ..
: Suad convicted Reddy
سعاد Well, I tell her to come:..
خرجت بعد ان اغلقت الباب خلفها ..
ميشو :لماذا تحضر بنفسها اليس هناك خادمات غيرها ..
سعاد :ماأدري عنها يمكن امي قالت لها تجي بنفسها تحسب اني بخاف منها ..
ميشو :حقاً مالذي يجعل والدتك تعتقد ذالك ..
سعاد :تعرفين يوم كنت صغيره كانت تخوفني وامي تحسب للحين على هالحاله ..
ميشو :لاتعجبني كثيراً .. اشعر بأنها تعتبر نفسها مهمه جداً في هذا المنزل ..
سعاد :اممم معك حق مسويه نفسها انها اللي مربيتنا وتمون علينا وخليفووه وأمي يعيطونها أكبر من حجمها ..
وقفت وهي ترتب ملابسها ..
سوسو :ماغيرتي رايك ..
ميشو :كلا لست في ميزاج يخولني الأختلاط بالناس ..
سوسو :طب اشوف امي اش رايده ورجعالك ..
ارحت جسمي على السرير وخلعت حذائي .. اممممممم اشعر برغبه قويه بالنووم .. اتمنى لو استطيع ذالك انام حينما يداعب جفناي النعاس بكل راحه .. انها امنيه صغيره سهله على الكثيرين ولكنها صعبه جداًعلي لأشعر ابداً بالراحه .. دائماً افكر اخطط انفذ .. ليس لدي الوقت لراحه الجسديه اوحتى النفسيه ..
آآآآآه كم اتمنى لو القي بكل هذا خلفي واسلك طريق أخر غير هذا الطريق الذي اثقل كاهلي ..
ولكني اخترت طريقي ويجنب ان امضي فيه وقريباً قريباً جداً سارتاح من كل هذا ..
بعد ان اشتت هذه العائله سأنام مليء جفوني والسكينه تحوم حولي ..
ولكن ليس قبل ان اشعل نيران الأنتقام في هذا المنزل ..
احطت الغرفه بنظره متفحصه ..
ميشو :ريما قادمه لتدمركم توخو الحذر ..
سوسو :تكلمين نفسك ..
ميشو :نعم ..
سوسو :احب فيك صراحتك .. المهم اسمعي امي من درت انك هنا حلفت انك تنزلين ..
ميشو :حقاً .. كنت اشعر أنها لاتحبني ..
سوسو :وهذي يبيلها تفكير .. هي تبغاك تنزلين عشان تشوفين وديان يقالها بتقهرك عشان رفضتي خلف .. مادرت عن ريما ..
ضحكنا على اثر هذه الجمله طويلاً ..
سوسو :تصدقين أكثر واحد متحمس لزواجه مالك أخوك..
ميشو :حقاً ..
يال للأخ لوتعلمين ياعزيزتي اني اتمني لو افتح شرياني وأتخلص من دمي الذي يربطني فيـه ..
سوسو :اممم ميشو لاتزعلين بس هو مررره يكرهك ..
ميشو :لابأس سأحزن قليلاً فقط لاتقلقي ..
سوسو :يمه منك والله لو اقولك انك تكرهين نفسك بتقولين اممم لابأس سأحزن قليلاً فقط لاتقلقي ..
ميشو :لأرى أي تسليه بما قلتيه ..
سوسو :والله اجل طلع دمي ثقيل امشي ننزل ..
ميشو :حسناً انا متشوقه كثيراً لرؤية تلك التضاريس ..
سوسو :ياجرأك بتنزلين بجنزك هالهريان وقميصك اللي أكل عليه الدهر والشرب .. وقدامك لجنة تقييم ومقارنه ..
رفعت كتافي بكل تهاون وأخبرتها بكل براءه ..
ميشو:انا استسلم قبل البدايه ..
سوسو :يامتواضعه .. تدرين ان خلف موصيني اقولها انه ماراح يصبر عليها أكثر من كذا ..
ميشو :حقاً ..
سوسو :ايوه لاويقول لاتقولينها بصيغة نقل الكلام لاسوي انك تنصحينها ..
ميشو:انتي ماذا ستفعلين ..
سوسو :بصراحه بقولها على بلاطه مالي بلف ودوران ..
ميشو :الاتخشي ان تخبره ..
سوسو :بكيفها خليها تقوله .. بقول هي فهمت كذا موذنبي انها ذكيه .. تعالي ننزل بالأصنصير ..
رأيتنا نتعدى الطابق للأرضي الا القبو ..
ميشو :ماذا هناك ..؟!
سوسو :مش عارفه مين بالقبو لحضه نشوف ..
رغماً عني شعرت بالخوف يتسلل لقلبـــــي .....

((7))

[.. يوميات وعد ..]


وعد


الساعه تسع بالليل انا ومنير جالسين بالحوش وشابين نار بالجهه اللي مافيها بلاط لأن الجو بادي يبرد يعني بالليل يصير كنا بالشتاء بس بالنهار لاا الجوو حارر مره وعطش مووووت ..
كنت ماسكه عود العب بالجمر ومنير معه واحد ويخربط فيه على التراب .. وأنا جالسه اقوله سوالفي مع بنات النشاط .. وكنا نفكر سوى كيف اكل الجو عليهن وماأخليهن يسوون اللي يبن وبس انا انفذ افكاري ..
منير :لااا ياخبله لاتسوين كذا تنفضحين ..
وعد :اجل وش اسوي ..
منير :اللحين المعلمه تقول عنك كسلانه وماعندك سالفه ..
وعد :اوووووووووووف قل وش اسوي ..
منير :اصلاً انتي غبيه ولابتقولين بنأخذ حصه زياده على النشاط .. يعني من عقلك فيه معلمه بتتركم تأخذون حصتها عشان النشاط بس ..
وعد :ايه اعرفهن الأبلات نحيسات مستحيل يتنازلن عن حصصهن ..
صرخ علي ..
منير :هييييييي ترى والله بكفخك بذي على راسك ياهبلااا مو سالفة نحاسه هذي حصص اجباريه لازم تشرح فيها هذي انظمه وقوانين مو لعب بزران ..
وعد :اووه الله يلعن المدرسه .. خلاص اقطع سيرتها خلنا نسولف بالشـي ثاني ..
منير :يعني اللحين انا اللي جبت سيرتها مو كنك انتي اللي مصدعه راسي بسالفة سويرا العصلا وندووه ام كرشه ..
وعد :قلعه تقلعهن النحيسات ياعساهن للجرب ..
منير :مايصلح تسبين وتدعين حنا بالرمضان ..
وعد :والله أنك خبل حنا خلاص افطرنا من زمان ..
منير :الله يخرب راسك ذا الغبي اللحين لأفطرنا خلاص ماصار رمضان .. المفروض تمسكين لسانك عن المعصيه ليل ونهار ...
وعد :لاتسوي فيها مطوع ترى الواحد يمسك لسانه طول السنه مو بالرمضان بــس .. وبعدين توك كنت تسب بأستاذكم ابوصلعه حمزه ..
منير :الله يلعنـ ** الحقير لاتذكريني فيه .. توقعين بكره يتذكر تهديده لي ويوديني للأداره .. عاد وكيلنا ابو خشم طويل والله مايرضى الا يجي ولي امري ..
وعد :عادي وش فيها خذ ابوك حليل يمممه انا لو طلبوا ولية امري تجي ضحوه اقل عقاب تسويه لي تظربني بشنطتها لين افقد ذاكرتي ..
منير :ابوي والله مايروح يرسل قيس وقيسووه بس يدري ان الوكيل طالبه يمسح بخشتي الحوش والشارع وبعدين يروح يشوف وش يبون منه ويرجع ويتوطى في بطني ..
وعد :خلاص لانقلبها مأساه انت بكره غب وريح نفسك من كل الحوسه ..
منير :تصدقين بعض الأحيان تطلع منك افكار .. تجين نروح نشتري شورما جامبو وبيبسي ..
وعد :لحضه بروح اسرق مصروف نواف مامعي فلوس ..
ورحت اركض ..بـــــس منير ناداني ..
منير :تعال ياحراميه ان اشتري لك ..
وعد :احللللف ..
منير :كولي تبن وتعالي ..
وطلعنا لشارع ..اخذنا لنا شورما وبيبسي وجلسنا نتمشى بالحاره شفنا شلة دحيم وعزوز
سألونا عن نواف وتهاوشنا معهم وطلع علينا مطوع المسجد وهاوشنا لأنا جالسين نتهاوش قدام المسجد ... يوم شفته بس تذكرت اني المفروض ماأطلع بدون عباه بس بعد ايش كنت درت الحاره كلها طنشت وقلت ان شاءالله يغفرلي ربي لأني نسيت ..
منير :وش فيكي لايكون بتبكين عشان ظربوكي ..
وعد :ليش ورعه قدامك وانا بعد شوهت ووجيهم شفت عزوز الدب كيف صب خشمه دم يوم صقعته بكوعي خخخ ..
منير :وانتي فرحانه انتي ووجهك المفروض ظربتيه بكوعك فمه وكسرتي له سنونه اللي مثل سنون سعيدان ..
وجلس يوريني كيف اسوي ..
وعد :لاتبغى يشتكي علي ابوه الدب عند مركز الشرطه بذيك الحزه ضحى موتظربني بشنطتها وبس لاتشنقني فيها ..
منير :يمممه اختكم ذي متوحشه مره شرحت لي رياضيات واذا قلت مافهمت صقعتني بالكتاب على راســي ولاصرخاها يسبب لي رعب لاسمعته نطيت من مكاني حتى لوكنت في بيتنا ..
وعد :وأنت ليش تنقز هي ماراح تظربك انت مو اختها ..
وحذت قوطي الميرندا اللي كان على الأرض .. ووصل له وهو رماه علي وجلسنا نلعب كذا ..
منير :مأدري كذا يعني فيني شي يخليني لسمعت صوتها انرعب .. تذكرين مره يوم كنا صغار ظربتنا بعصا المكنس لأنا رحنا من بعد الظهر وماجينا الا العشاء وقالت لي انقلع ولاعاد تجي تلعب مع خواتي ..
وعد :متى ماأذكر ..
صقعني على راسي ..
منير:اصلاً انا ماعمري ذكرتك بالشي وقلتي اذكر ..
وعد :وش اسوي انا ماأذكر الأسبوع اللي فات وش صار فيه موتقول لي قبل ست وسبع وثمان سنين ..
كنا خلاص وصلنا بيتنا بس اووف لقينا الباب مقفل لأني انا ومنير قفلناه بعد ماطلعنا ..
جلسنا على عتبة الباب ..
وعد :اللحين لو ندق من هنا لين بكره مأحد فاتح لنا الدجاجات راقدات وملاك وسارا طالعات يسعسعن ..
منير :وش رايك اركب على سيارة قيس وانط على الجدار وطب في الحوش ..
كانت سيارة قيسوووه موقفه قدام جزء من بيتنا ضاقت عليه المواقف اصلاًً هو ماكان يوقفها داخل الحاره وش عنده اللحين .. بس لحضه كن فيه احد جالس فيها .. كنت بسأل منير بس هو كان يناظر وماقال شـي خفت اقوله ويضحك علي ..
وعد:لامايحتاج خلنا نجلس نتفرج على العالم وبعدين يجن التبنات سارا وملاك ويدخلنا ..
وجاء وجلس معي على العتبه وجلسنا نفصفص ..
وحنا نعلق على الناس واكثر شيبان حارتنا اللي طالعين من المسجد .. وكل شوي اناظر بالسياره واحس فيها أحد يناظرني بسم الله الرحمن الرحيم ..
هزيت يدمنير ..
وعد :مرمر سيارة أخوك من فيها ..
منير:هبلا انتي من فيها أبليس يعني ..
وعد :مأدري احس احد جالس فيها ..
لف يشوفها وصغر عيونها وكبرها وظلل عيونه بيده وبالأخير قال ..
منير :مافيها أحد ..
يالناس والله فيها احد حتى شوفوا يناظر فيني وبيده زقاره ..
نطيت يوم شفت سيارة خالة سارا وملاك ورحت اركض بالشارع ووقفت قدامها وجلست اقفز قدامها واسوي حركات بيدي عشان توقف .. انفتحت الأبواب اللي ورى ونزلوا التوأم المهبل وهن يصرخن على :وعععععععععععد ..
كنت احسبهن يتسابقن بيصفقني بس صدمني يوم حظنتني ملاك بعدين حظنتني سارا ..
سارا وهي تظربني بقوه على ظهري ..
ساارا :اشتقت لك ياحمارررررررره ..
ملاك :انا بغيت اجن من شوقي لها كيفك ياهبلاااا ..
منير :الحمدالله والشكر يالناس العقل نعمه ..
قالت ملاك اللي جلست على مقدمة سيارة قيسوه العله ..
ملاك :العقل نعمه بكل احواله صح يعني بخفته وبجموده ..
سألتها سويرا اللي جت تجلس بجنبها ..
سارا :وش معنا جموده ..
ملاك :يعني الماده لها ثلاث حالات ..
سارا :ايه صح تذكرت عربي ودين واجتماعيات ...
وعد :لايالهبلااا رياضيات وعلوم وانجليزي ..
منير:انا ودي اكتشف وش سر خفة العقل اللي فيكن لايكون هذا وراثه أي واحد يسكن بيتكم يصير عقله خفيف ..
ملاك :هع احترم حالك عقولنا توزن بلد عربي محافظ على العادات والتقاليد .. هذي تسمى خفة دم وسر فيها انا نأكل رز كثير ونشرب شاي على الريق ..
سارا :ونأكل مع الملح خبز ..
ملاك :صح هي دي .. سارا احبك ..
سارا :وأنا كمان احبك ياروح سارا ..
ملاك :فديتك يابعد طوايف اهل حارتنا ..
سارا :والله انا اللي فديتك يابعد كل من سكن حارتنا ..
وبدن بغزلهن الماصل وانا اطالع بالمجنون اللي جالس بالسياره ..
سارا :الاصدق شو عندكم جالسين بالشارع يالأغبياء لوتبون تشحدون اجلسوا عند المسجد مو جالسين قدام بيتنا ...
ملاك :سارا يبي لك تعطيهم درس بالشحاده ..
سارا :وأنا تعطيهم درس بالتمثيل ..
ملاك :اقول خلينا ندخل بس لايشوفنا احد ويقول بنات مبارك داشرات ..
سارا :ياويلتاااه والله اللي انفضحنا بين العربان ..
ملاك :ويجي عاد مبارك معصب وهو يردد فضحتني يالـــ ..... والله لدفنكن بالحيا قبل ماتسودن وجهي بين العربان ..
سارا : لحضه خليني اتصور الموقف ..
طالعتهن باستغراب وش يخربطن ذولي ..
وعد :انتن وش تخربطن ..
سارا :هع قلتيها نخربط يعني مو لازم تفهمينها ..
صرخت ملاك فجأه ..
ملاك :ياحيوانات كم الساعه ..
سارا :الحمراء ولاالفسفوريه ..
ملاااك :المسلسل الله يلعـ ** فاتتنا ...
يووووه المسلسل صح وجلست اقفز واقولها تفتح الباب بالسرعه ..
وعلى بال مافتحت الباب ودخلنا وقفلنا الباب سمعت صوت باب سياره يقفل رجعت بسرعه افتح الباب بس ماكان فيه احد واللي كان داخل السـياره ماهو موجود شفتم والله العظيم اني كنت متأكد ان فيه احد بالسياره .. بس مين وليـش مأدري ..

انتهى الباااارت

الحلقه الحاديه والأربعـــون

((1))

[ .. نـــواف .. ]

نوف

خلاص مليت كل مارحت مكان لحقتني فيــه هالغبيه .. وكل يوم القى بشنطتي وعلى درجي رساله منها .. اوووف الله يقلعها هي وصايعات خوياتها مع انهم بالثانوي بس دايم يجون يضايقونا ..
انا اعرف كيف اوقفها عن حدها اخذت الرساله اللي لقيتها على درجــي ..
وطلعت ادورها ومثل ماتوقعت تدور قريب من فصلنا .. قربت منها لين وقفت قدامها وهي مبتسمه تحسب اني جايـه بكملها ..
قطعت رسالتها قطع صغيره ورميتها في وجهها ..
:ياقليلة الأدب انا اوريك يالحيوانه ..
نوف :اطلق خيل ابوك اركبيه واشوف وش بتسوين ..
وطنشتها من بعيد كانت وعد تأشر لي بيدها اجي وهي تصرخ نوووووووووووووف ..
كنت امشي وحاطه يدي بجيوبي .. يوم وصلت لها ..
صرخت علي ..
وعد :ساعه تمشين على بيض انتي الحقـــــي مسكووو شهدوووه ..
نوف:ليه وش مسويه هي ..
وعد :مسكوا الجوال اللي معها ولقوا الأرقام اللي فيه ..
وقربت مني لين لصقت فمها باذني ..
وعد :ارقاام العيال ..
وبعد مابعدت عني كملت ..
وعد :ياويلها بتنفصل .. فضحتنا الصايعه ..
كفختها على راسها ..
نوف :خبله انتي تقولين عن اختك صايعه وش خليتي للناس ..
وعد :ياويلي انفضحنا اللحين ابله هند وابله حصه وش بيقولون عني اكيد بيسحبون من الصلاحيات اللي معطيني ..
قهرتني هالخبله ودي اسطرها بس ماني مخربه صيامي عليها ..
رحت امشي عنها بس هي لحقتني وهي تنقز ياربي من هالبنت مأدري متى بتعلق لمرت بمكان كل الناس تجلس تطالع فيها وبحركاتها الهبلا ...
وعد :تعالي بنت نوف نوووووووواااف ياحمار وقف ..
نوف :خير وش تبين ..
وعد :وين رايحه ..
نوف :بروح للمبنى الثانوي بشوف شهد وش سالفتها ..
وعد :هي بالأداره وسارا وملاك توني قلت لهم وراحوا هناك عاد مسويات فيها انهن بيحلن القضيه ..
نوف :طيب انقلعي للفصل ..
وعد :خير ان شاءالله ليه اروح بجي معك ..
نوف :وانتي وش بتسوين ..
وعد :يعني انتي اللي بتقدرين تسوين ..
اول مادخلنا بمبنى الثانوي مرينا على مجموعة بنات سمعناهم يقولون ..
:انا سمعت انها طالعه مع واحد ومسكوها ..
:استغفرالله ماتخاف ربها حتى بالرمضان ..
:تصوري ويقولون انها ماهي اول مره اصلاً انا مره شايفتها بالخرجه تنزل من سياره وتركب باص المدرسه ...
لفيت عليهن وسطرت البنت اللي قالت هالكلام .. وبعدها طحت فيها ظرب مأدري وش صار مع وعد بس الأكيد انها طبت بالهوشه ..حسيت بيدين تجرني على ورى وتكتف يديني كنت اظرب البنت اللي قدامي برجولي احس بقهر داخلي ودي اطلعه بأي احد اصلاً انا ماأطب بهوشه الا اطلع كل الشر اللي بقلبي وفرغه باللي قدامي ..
سمعت مديرة الثانوي تقول للي ماسكتني واللي اكتشفت انها ابله قمار المراقبه
:مسكيها زين الحيوانه قليلة الأدب .. مأدري حنا بمدرسة عيال ولا ..
وجلست تقول للأبله قمار انهم يمسكون بناتهم عن مبنى الثانوي على اساس انا مسببين ازعاج لهم وحنا سبب الهوشات مادروا عن بناتهم قليلات الأدب الفاسدات اللي يأخذ اشكالهن ..
سمعت همس البنات وانا ماره من عندهم وابله قمار تدزني تبيني اروح للمبنى المتوسط ..
:يمه شفتي كيف كفختها اجدع ولد مايسوي حركتها ..
:هذي لوتهوشت مع أخوي حميدان الأقشر بصفعتين منها بتطرحه ..
هي ماشفتن شـي انا اوريكن يابنات الكلب اذا ماربيتكن مأكون نوااااف ..
اخذونا للأداره انا ووعد وهزأونا وابله عواطف ماقصرت في سبي وسب بنات مبارك كلهن اللي لهن شغل واللي مالهن ..
وبعدها كتبونا تعهدات ورجعونا للفصل .. بس انا ووعد مارحنا للفصل رحنا للمخبأنا السري وهناك لقيت باقي الشله ..
نواف :وش صــار ..
ملاك :يعني وش بيصير والله لو شمت ضحى خبر لتذبحنا اليوم كلنا ...
قالت وعد اللي شكلها خافت من طاري ضحى ..
وعد :وحنا شكو هي تنذبح بكيفها .. انا مالي دخل ..
سارا :ياحياتي لأنك دريتي وسكتي عنها ..
قلت ازيدها كذا شغل نذاله ..
نواف :ماتسمعين بتستر على المجرمين القانون يعاقب عليه انتي بنظر ضحى كذا ..
وعد :طيب هي وين .. خلوني اصفقها اخذ حقي منها...
ملاك :هييي حلي عن سمانا ..
سارا :اتمنى ضحى ماترد عليهم يارب ...
وعد :ياليت نعيش خميس وجمعه بالراحه ..
نواف:توقعين عطوف تدق عليها ..
حسيت وعد ودها تذبحني ...
وعد :اوووه اسكتي انتي وافكارك ..
ملاك :وش مسويات بعد انتن ..
نواف :ولاشـي بس صفقنا بنت من الثانوي ..
هند :اوووووووف انتن بتسببن لنا مشاكل وبس ..
وعد :اسكتي انتي يالبارده محد كلمك يالجبانه ..
سارا :ياحظها شوق بالبيت ولاهي داريه عنها ..
ملاك:قالت لك اجلسي بدالها ..
سارا :هه تبغيني اغيب وانتي دارسه عشان اجي يوم السبت القى المدرسه حولها لشهار ..
نقزت يوم تذكرت ان عندنا حصه انقــلش .. يمدي الفصل ضايع من غيــري ابو الدجه اللي فيهم مايمشـون من غيري .. رجعت للفصل ركض والأبله اول ماشافت من انا دخلتني بدون سؤال وجواب اكيد مو انا نواف والأجر على الله ...((2))

[ .. أنا عائلتك ..]

ميشو


هل هناك من يترصد لي .. يألهي ماهذا التفكير ولكن حدسـي .. حدسي لايخيب ابداً .. انفتح الباب ..
رأيت سوسو تخرج ..
سوسو :غريبه انوار القبو ليش مشغله ..؟!!
لأعلم مالذي دفعني للخروج خلفها ..
ميشو :سوسو دعيك من ذالك .. لنعود للأعلى ..
سوسو :مو قبل ماأوريك شــي تعالي زين جينا هنا ..
وامسكت بيدي لتسحبني خلفها .. ولكني امتنعت عن ذالك ..
ميشو :لن اذهب معك لأي مكان ..
سوسو :طيب اوكي براحتك .. بس لو افهم ليش خايفه ..
:قوليلها ليش خايفه ..
هذا ماتوقعته .. التفت عليه بحده ..
ميشو :انت .. مالذي تريده مني ..؟!
سوسو :ميشو اعصابك مالك بيعتذر بس ليش الأنفعال ..
ميشو :انتي لم اتوقع ابداً ذالك منك ..
مالك :سوسو اطلعي بسولف مع اختي ..
ميشو :سعاد صدقيني لوتخليتي عني في هذا الموقف لن اسامحك ابداً ..
شاهدت تنقل نظراتها بيني وبين ذالك الوغد ..
سوسو :الصراحه ماأظمنك انا بجلس مع مشاعل ..
مالك :سعاااد قسم بالله ان ماطلعتي لأقول لأمك عن حفلاتك الهايته..
كنت متأكد بعد هذا التهديد ان سعاد ستستسلم ..
ولكن انصدمت بها تكتف يديها وهي تقول ..
سوسو :قول لها اللي تبي ماأخاف منك هات دليل انا الأماكن ذيك ماطبيتها الامره ومعك وانت اللي ترجيتني اروح وهددتني بعد صح ميشو ...
اندفع لصفعها ولكن حلت بينهما ..
مالك :ياحقيره ياكذابه ..
ميشو :مالذي تريده ..؟!
مالك :ابي اتكلم معك مو معها ..
ميشو :تكلم مالذي يمنعك من ذالك ..
مالك :صدقيني لوتكلمت ماراح اسكت وابداً الكلام ماراح يعجبك انه انقال قدام ذي ..
واشار بأصبعه على سعاد اللي كانت تختبيء خلفي بخوف تلك الفأره الجابنه ..
مالذي يريده هذا المالك .. يألهي اكره ان يتحدث معي احد هكذا لأعلم الا ماذا يرمي ولكني متأكده انه يهددني .. مالذي يعلمه عني هذا الجرذ اخشى ان يكون قد علم اكثر من ممايجب ..
سوسو :اوكي ميشو اروح ..
ميشو :حسناً ولكن لاتبتعدي ..
مالك :ومن ايش خايفه يقولون انا أخوان ..
ميشو:يقال .. ويبدو انك غير مقتنع بمايقال ..
مالك :ليه الواحد يقدر يختار أهله .. والسالفه ماهي سالفة اقتناع ..
ميشو :لماذا هنا بالذات ..
مالك:ايش ..؟!
ميشو : لماذا احضرتني الاهنا اذا كان القصد من هذا الحديث فقط ..
ابتعد وهو يجلس على احد المقاعد ..
مالك :لاتخافين ماراح اظربك .. اصلاً انا ماني من النوع اللي يمد يده بس بذيك الفتره كنت مصدوم ..صدمه زين ماطيرت عقلي ...
قلت بخبث استحليه حينما يكون الطرف الأخر رجل مهما كانت صلة قرابته لـي ..
ميشو :آه اجل اعلم كنت تعشقني .. بالتأكيد كانت صدمه سيئه لك ..
مالك :لااا يروح فكرك بعيد صح كنتي تعجبيني بس ماوصلت لدرجة العشق .. وشي طبيعي اني كنت احبك لأنك كنتي مميزه شـوي عن غيرك ..
ميشو :وانت كنت فاسق ..
رفع يديه بتهديد ..
مالك: بتحترمين نفسك ولاشلون ..
ميشو:ياعزيزي نحن اخوه ليس بالمفهوم الصحيح فلاتتحاذق معي ..
مالك :كنتي تعرفين من قبل .. صح ..؟!
ميشو :انكم عائلة والدي اجل ..
صرخ بصوت استشعرت فيه الألم ..
مالك :ليه ودي افهم ليه ياحقـــــيرره ..
جلست بالمقعد المجاور له وانا اضع قدم على اخرى ..
ميشو :لأسباب لأستطيع الأفصاح عنها ولكن اهمها ومايعنيك اني اردت التقرب من عائلة والدي ..
مالك :كذابه لو هذا غرضك كان جيتي من الباب ..
ميشو :ومن سيستقبلني والدي بالأحضان .. او زوجة والدي بالقبل .. او ربما انت ياأخي العزيز الذي لم تكن تعرفني بيوم ..
مالك :طيب قلنا انك صادقه وبتقربين منا وش الهدف وش بتستفيدينه ..
ميشو:لا شـيء فقط ارغب بالتعرف عليكم وعلى حياتكم ..
مالك :بسوي نفسي اهبل واصدقك .. وبعدين تعرفتي علينا وخلصنا ليش مافكيتنا وابتعدتي ..
أجبته بأبتسامه لئيمه ..
ميشو :لم يعد بمقدوري الأبتعاد لقد اعجبتني حياتكم كثيراً ..
مالك :وبعدين معك انتي ..
ميشو :ماذا دهاك لما الصراخ ..
مالك :انا اكره ماأشوف الباردين اسمعيني زين خلف تبعدين عنه فاهمه انتي .. انا ماجبتك هنا الاعشان اقولك تضفين وجهك وماعاد ابي اشوفك مقربه من بيتنا ولا والله لأشوهه لك وجهك هاللي فرحانتن فيه .. خلف بيتزوج ولاتحلمين بس انه يناظر فيك والكلام هذا مو مني بس لاا من امي وانتي عارفه امي وش تقدر تسوي لك ..
ياللي من حمقاء كيف فكرت انه يرغب بأمر غير هذا هل توقعت ان اخي العزيز عاد لرشده واراد حقاً الحديث معي ..يال غبائي هو لايريد سوى ان يبعدني عن عائلته المزيفه ..
ميشو :سأحاول ولكني لأعدك بذالك وصدقني ياأخي العزيز ان هذه العائله لاتستحق منك هذا الوفاء فهم مجرد اقارب ولن يكونوا ابد لك عائله ..
غادرة المكان وانا ارى على ملامحه غضب ممزوج بالذهول ...
هـ أنا اخرج من فيلا عائلة مبارك المزيفه ولكنـــي سأعود لها رغم انوفهـــم وسأعمل جاهداً على ان اخرج هذا الجرذ منها ذليلاً فهو لايستحق الشفقه التي زارت قلبــي ثواني معدوده اتجاهه ..


((3))

[ .. رمضانيات ..]

ملاك ..


اسواء شـي يسويه الواحد انه يجلس يلف السمبوسه وهو صايم والمطبخ يطبخ من الحراره .. قلت لسارا اللي جالسه تلف معي ..
ملاك :تصوري سويرا لوعندنا خادمه ..
سارا :بتكون انتي ..
ملاك :تنكتين انتي وخشتك ..
سارا :لابس ودي اتعلم كيف الواحد يستهبل ..
ملاك :ياملغك وانتي صايمه ..
سارا :اوووف منك اللحين ماتشوفين ميته عطش وجالسين بهالحر النيران من كل جهه وجالسه تفكرين بخدامه ..
ملاك :افكر بخدامه لأنها لوعندنا ماوقفنا هالوقفه ..
سارا :اقول وش رايك تستكين وعن هالأفكار الغبيه حنا لاقين نأكل عشان نجيب خدامه ..
حطيت يدي على فمها اسكتها ودي افهم وش هالعصبيه اللي تجيها وهي صايمه كلنا عطشانين وتعبانين ماعصبنا مثلها ..
ملاك :اشش قصري صوتك لاتسمعك المستبده بالصاله ..
سارا :احسن خليها تسمعني عشان تجي تسكتك انتي ماينفع معك الا ضحى ..
ولفت عني وراحت تقلى السمبوسه اللي لفيناها ..
لحضه وشوووووووووووووو تقلاها حنا مأتفقنا كذا ..
ملاك :سااااارا ياحماره قلنا بالفرن ..
سارا :يوووه نسيت خلاص بكره بالفرن ..
ملاك :لاياشيخه يعني مأكل سمبوسه اليوم مايكفي امس ..
قالت لي شوق اللي كانت تسوي الشوربه ..
شوق :ملااك تراك ازعجتينا لاتصيرين بزر .. البنت نست ..
ملاك :اوووف انتي وش دخلك انا وسارا نتكلم لاتحشرين نفسك .. بعدين وش عندها انسه شهد منثبره هناك ماتجي تشتغل مايكفي سواد الوجه والفضحيه اللي سوتها لنا اليوم بالمدرسه ..
شوق :وش فضيحته .. صاير شـي وماقلتوا لـــي ..
بحركه غير متوقعه امسكتني سارا مع اذني ..
سارا :انتي مصره تفضحينا حنا ماصدقنا ان ضحى ساكته للحين واكيد انهم ماكلموها تجين انتي بتسمعينها وتعلم الدينا كلها باللي صار ..
ملاك :سويره ياحمــار.....
وقطعت كلامي يوم سمعت صراخ البزران بالحوش ..
سارا :الغاااز الأسطوووووانه ..
طلعت اركض وسارا وراي انا موتي النااار والحرايق انرعب منهن ومع اني جبانه بهالمواقف الا ان رجلي ودتي للمكان هناك ..
كان الموقف مرعب شدن ونوره كلهم يلعبون هناااك ومعهم وعد ..
انا اصلاً مادري وش اللي صار بس سمعت صوت قوي غريب مو انفجار لاااا شي ثاني ماعرفته .. ويوم قالت سارا الأسطوانه.. الغاز.. عرفت وش هالصوت .. صوت تسرب الغاز بقوه ..
اول ماوصلنا الحوش شفنا الأسطوانه تدور وسط الحوش وكأنها ترقص ونوره تلحقها مبسوطه وشدن ووعد مسطلات ويناظرن بالموقف ماهن مصدقات اللي يصير ...
ملاك :وععععععععععععععععععععععد امسكي نوررراااااااااا...
خواتي كلهم كانوا يصارخون اللي بالحوش اللي بالمطبخ كلنا نصارخ بدون مانسوي أي شــــــي ..
كان الموقف مرعب مرعب مرعب مرعب مرعب .. حسيت رجولي متشبثه بالأرض عجزت احركها ..
ابغى اروح والله ابغى اروح امسكها اقفلها اوخر نوره بس ماني قادره والله موقادره الخوف مجمدني ..
احس كل شــي يصير بسرعه الصوت صراخنا ركضنا للحوش وقفتنا بدون مانقدر نسوي شـــــــــي .. جيتها تمسك الأسطوانه بيد وبأصبع واحد تقفل فتحتها وبعد ماتوقفت الأسطوانه تبدأ تقفلها ساعتها ..
وحنا على وقفتنا وكأن الأمر مايعينا بسرعه سوت كل شـي ماوقفت ماترددت ماتفرجت على الموقف مثلنا ..
ميشو :كان بمنتهى السهوله لم يستحق
شفت نوف اللي واقفه وراها ..
نوف :يابقررررر كنا بنموت بسببكن وانتن واقفات تفرجن ..
ميشو :لابأس لم يحدث شــيء كان الموقف بغاية التسليه لو اتيت مبكراً لكنت التقطت صور رائعه لهذه المناظر ..
ضحكت سارا وضحكت معها ..يووووووه ياهو كان موقف اكتشفت فيه انا اكبر جبانات بالعالم كله اللحين مشاعل العصلا تمسك الأسطوانه وتقفلها وحنا من الصبح جالسات نتفرج .....
ملاك :ههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههه
سارا :هههههههههههههههههههه كانت ترقص هههههههههههههههههههههههههههههههههههههههههههه
ههههههههههههههههههههههههههههههههههه ..
نوف :الله يزيدكن عقل بس اللحين كنا بنموت بسبب برودكن حنا اللي فوق سمعنا الصوت ونزلنا وانتن للحين ماتحركتن ..
ملاك :ياربي ههههههههههههههههههههههههههههههههههه ههههههههههههههه .. سارا شفتيهاهههههههههههههههههههههههههههههههههههههههههههه هههههههههههههههههههه ..
سارا بضحكه :ياأختي عليها ولا أحسن رقاصه بمصـر تهز هالهزه ..
رجعنا للصاله بعد ماضبط نواف الأسطوانه ..
جلست جنب ضحى اللي انصدمت انها ماحست بكل اللي صار كانت عيونها معلقه بالتلفزيون اللي يعرض برنامج اسخف من السخيف وش عندها البنت والله احسها موبعقلها لايكون ثقيل الدم مسوي لها شـــي ..
ياحياتي ياضحى احسها مظلومه بينا لأنها الكبيره يعني حنا عندنا هي تدافع عنا وتشيل همومنا بس هي من عندها المفروض يكون زوجها عون لها بس انا احس عسافووه بعيد كل البعد عن الزوج اللي تستحقه وحده مثل ضحـــى ...
سارا:وين وصلتي مازمزيل ملاااك..
ملاك :موبعيد وصلت المحطه ورجعت ..
سارا :اهااا عسى فللتيها ..
ملاك :للأسف يوم وصلت المحطه اكتشفت ان مامعي حق البنزين ..
سارا:كان عبيتي ديزل ..
ملاك :والله مافكرت فيها ..
سارا :مره ثانيه فكري فيها .
ملاك:لاالمره الثانيه دورك .. واذا وصلتي وماكان معك حق الديزل عبي بنزين ..
سارا :اوكي من عيوني ..
وفجأه قربت مني .. وبصوت واطي قالت ...
سارا:هبه عطيتيها فلوسها ..
هبه السودانيه اللي نغش منها بالأمتحانات ونعطيها فلوس عشان تغششنا ..
ملاك :لااا .
سارا :موكنتي بتعطينها ..
ملاك :غيرت رايي حرام فيها العشرين ريال ..
سارا :طيب اخاف ماتغششنا ..
ملاك :نهددها نفضحها قدام المعلمات واتحداها تفتح فمها بالشـي ..
سارا:والله جبتيها يالخطيره ..
ملاك :افا عليك اعجبك انا ..
وعد :تعجبينها او تعجبك وخري رجولك الطوال ذولي بفرش السفره ..
ملاك :والله لو ماني صايمه كان علمتك كيف تكلمين مع اللي اكبر منك ..
سارا :موكنك صجيتينا صايمه وصايمه ترى هذا يسمي نفاق ..
ملاك :لااا ياسليمان العوده وش نفاقه انتي ووجهك وكل الناس صايمه ..
سارا :انتي ماشفتي نفسك يوم تقولينها كنك صايمه شهر تطوع ..
ملاك :هييي سويره لاتخليني اخرب صيامي عليك ..
سارا :والله اني اللي شكلي بخرب صايمي عليك ..
وصرخت ...
سارا :مليووووووون مره قلت لاتقولين سويره ..
ضحى :انتي وياها ورى ماتسكتن وتخلن العالم ترتاح ..
ملاااك :سوري ابله ضحى اخر مررره ..
سارا :اسكتي ضحى تعبانه ماهي ناقصه غلاستك ..
والله ياهي كانت بتصير حررووب بس الله رحمها واذن المؤذن ..
شدن :اول مره يأذن وحنا ماجلسنا على السفره ..
سارا :عارفين يالمشفوحه انك تفرشين السفره من العصر وتجلسين عليها ..
وانضمينا انا وتوأمي العزيز للي جالسين على سفره هند شهد مشاعل وعد شوق شدن نوره ..
ملاك :فيه نفرتين ناقصين ..
سارا :وش عندها ضحى ماسمعت المؤذن ..
قالت شدن اللي جالسه على يساري بصوت واطي ..
شدن :ماما ماتبغى تجلس على الأرض ظهرها يوجعها ..
ضحى :شدن يجيبي مويا ..
نطت شدن وودت لها ماء ..
وقامت شوق اللي سمعت كلام شدن وحطت لها صحن تمر وسمبوسه وكوب عصير وحطه على الطاوله قدامها ..
قلت لسارا بصوت واطي عشان مايسمعونا العذال ..
ملاك :سارا تلاحظين انا بقررر ..
سارا :من زمان بس وش جاب الطاري ..
ملاك :هذا اكبر دليل على انك لووح وبقرره وماتفهمين ..
سارا :بأخذ حقي زين بس بعد العشــاء .. واللحين قولي ليش كل هالبربره ..
ملاك :اللحين البنت تقول اختكن ماتقدر تجلس عشان تفطر وحنا جالسين نأكل ولاكأن الموضوع يمت لنا بصله ..
سارا :اعجبتني بس لاتسمعك مشاعل ..وشوق قامت بالواجب ..
ملاك :داريه بس المفروض هالشـي حنا نسويه مو هي يعني يقالنا اكبر منها..
سارا :شوفي ميشو جالسه ليه هي مو أكبر منا ..
هزيت راســي بيأس من غباءها ..
ملاك :كلي سمبوسه ..
رمت سارا السمبوسه من يدها وبصوت عالي ..
سارا :والله لتقولين ..
صقعت على راسها ..
ملاك :اللحين لازم تسمعين كل الناس واللي مو منتبه صار منتبه .
انفتح باب الصاله بقوه ..
ودخل نواف النفره الثاني اللي كان مفقود على السفره وكان معه منير المصفق ..
نواف :ايش هذا هجوم يامجاعه ..
منير :يعني ماتعرفهم .. حياك اجلس افطر ..
نواف :تعزمني في بيتنا ..
رد عليه منير اللي بدأ يأكل ..
منير:مااحد عزمنا قلت اعزمك ..
اللحين هذا فاضــي ينكت وهو مسطر كان فيه جرح قوي فوق عينه مخلي عينه تفتح بصعوبه وصاير مثل الشرق الآسيوين ..

((4))

منير

[ ..لعيونك تمنيت الألم ..]


احرجتني نظراتهااا الحنونه .. خلتني اتمنى اتصفق كل يوم بس عشان اشوفها تناظرني ..
بعدت عيوني ماأقدر اناظر فيها كذا عين بعين .. بس الخبله هذي وش فيها تطالعني كذاا ملاااكوه يمل سد العين وخري عيونك لايكون ناويه ترسمني عيني عينك تناظر ..طيب جرحتي مشاعر وخري عيونك ...
هع يازينها هالمشاعل ولاهي بالدنيا بس تقلب عيونها بالموجودين وكأنها اول مره تشوفهم ..
انا عارف وش يناظرون في .. آآه كل من قيس الحقير الله ياخذه .. استغفرالله ماأبغى ادعي عليه بوقت يستجاب فيه الدعاء بس هو اللي يجبرني انا ماقلت له شـي بس عشان سألته ليش كان امس جالس طول الوقت بالسياره .. اصلاً هو ظربني عشان ماعنده شــي يبرر فيه حركته ولأن حركته قلة حيا انه يجلس يسمع كلام البنات .. صح هو كانت من البدايه موجود بس المفروض طلع من السياره يوم جوو البنات ..
اخخخ ياني ملقوف طيب هو يجلس بالسـياره يجلس فوقها انا وش دخلني .. خلااص توبه ادخل بالشـي مايخصني ..
وعد :منيرووه اكلمك انااا ...
منير :طيب لاتصارخين ..
وعد :مهو انتم ماتجون الابالصـراخ ..
ملاك :وخررري ياأبله ضحــى ..
منير :والله لو أنها فيه ماقلتي هالهرجه ..
ملاك :لاااه واللي وراك مين ..
لفيت اناظر وراي لقيت ضحى جالسه بس لحضه وش هذا اللي بيدها تأكل منه .. يؤؤؤ كنت اسمع ان القهوه تشـرب اللحين صارت تنأكل ..
سألت نواف ..
منير :من متى اختكم الأبله تأكل القهوه ..
طالعني نواف وكني أهبل ..
نواف :ومن قالك انها تأكل القهوه ..
منير :ناظر.. شوف .. طالع.. بص .. ايش تأكل ..
نواف :تصدق توني أنتبه ..
منير:كنت احسب وعد بس المفهيه طلع حتى انت ..
فجأه كذا بلامقدمات جلست تنشــد وعد ...
وعد :وين الملاااييين الشعب العربي وين ..
ملاك :وش عند ياأم كلثوم ..
وعد :اظلم الصبح في بوجهي وانا طفلً صغيــر واكتــوى بالنار صدري من فعالً للحقـير ..
منير :احلى يامطربتنا العظيمه بس وش الطاري ..
وعد :اتخيل نفسـي طفل فلسطيني ..
سارا :والله انك اخذه بنفسك مقلب يعني لو طفل فلسطيني بتجلسين تفطرين معنا ..
حركت وعد فمها بطريقه غبيه تمنيت اسطرها لحضتها ..
وعد :اجل وين اجلس..
ملاك :امم خليني افكر احتمالين يأنتي تلحقين دبابه وترمين عليهم حجاره ..
سارا :اوانك جالسه بالمستشفى لأنك مصابه وتداوين جراحك ..
ملاك :لحضه فيه احتمال ثالث انك ميته وبالمقبــره ..
ميشو :كفى ماهذا ..؟! .. هل الأمر مسلي لهذه الدرجـه ..
ملاك :يؤؤ وش بك هبيتي فينا نسولف حنا ..
ميشو :ولكن هذا ليس حديث يتادول هذه سخـريه ..
سارا :اعوذ بالله من قال انا نسخر منهم ..
نواف :أي أي اصلاً انتم كل كلامكم مصخره بمصخره .. حتى اوراق الأمتحانات ماسلمت منكم فشلتونا بالمدرسه مالهم سالفه غير هبالكم .. حتى المعلمات يتريقون عليكم ..
قسم بالله مهبــل هالبنات بس وش سالفة الأمتحان ..
ملاك :ليش وش سوينا حنا عشان حلينا بطريقه غريبه صرنا سالفة المدرسه ..
سارا :على الأقل حنا مارحنا تهاوشنا مع بنات الثانوي يـ لأنتر تيكر ..
كله هواشهم ذا مايهمنــي يااه فديتها انتظرها تكلم بــس هي ساكته اعرفها هاديه بعد روحي ماتدخل بهوشاتهم الماصخــه ..


((5))

ميشو

[ .. لن اخسـر ..]


هذا أمر لايحتمل ما أن اتقدم خطــوه حتى ارجع الف خطوه الا الوراء مابال الظروف تتكاتف ضدي
انا فاشله فاشله فاشله لم استطع ان اجدها .. لأستطيع الحديث بالعاميه .. وحينما أتحدث ببعض الكلمات ابدو كالخرقاء واثير حنق سعاد .. لن استطيع النجاح بهذا كنت اعلم ان ليس بأمكاني ذالك لن ينجح رغم كل مافعلته .. حصلت على الأسم الجديد .. تكاليف عملية التجميل باتت في حسابي البنكي .. لم يتبقى شــي الا ان يجيد لساني تكسير الحروف بطريقه مضحكه ويتحرر من قيود الفصحى ولكني لأستطيــــع .. لاا أستطيع كلما حاولت ذالك وجدت لساني يردد فلا تـكـلـونـي لـلـزمـان فـإنـنـي
أخـاف عـلـيـكـم أن تـحـيـن و فاتي
أرى لـرجـال الـغـرب عـزاً و منـعـة
و كـم عـز أقــوام بـعز لـغـات ..

يألهي الأنتقام يقف نداً لند مع لغتــي في داخلي صراع يكاد يمزقني ماذا اختار انتقامي او لغتــــــي ..
الأنتقام الذي عشت سنوات عمري لأحققه وبذلت الغالي ونفيس في سبيل ذالك .. وكل ماأريده من الحياه ان احققه .. فقط لاغير ..
ولم اهتم بماقد يحدث بعد ذالك ..
او لغتي التي تمسكت فيها بالشراسه في عصر تحرر منها ..
وربما اعتبر التحدث فيها رجعيــه ..
لم تتخلى عن يوم وكانت سلاحي الوحيد في هذه الحياه ..

((6))

[ .. يامجنونها امازال لديك صبر ..]


ماصدق انه يشووفها كان بيروح يركض وقدام كل الناس يكشف الغطاء عن وجهها ويعرف من هي ..
اكيد ماراح يســوي هالحركه بس هذا اللي وده فيه ..وحتى لو شـافها ماراح يعرف لازم يسألها من هي .. بس كيف بتجاوبه ومن قال انها بتجاوبه .. لازم يلقى له وسيله توصله لـــها .. هنا صعبه صعبه .. يآآآه ياما تمنى هالحضه اللي شاغله باله وتفكيره بس ماتوقع انه يوقف يناظر فيها من مكتبه وهو مكتف يدينه ماهو قادر يـسوي أي شـي .. بس هذا احسن شــي لازم يمسك اعصابه تهوره ماراح ينفعه بيفضحه نفسه بــس ..
لكن اللي محيره ووده يعرفه هــي وش تبي منه اكيد متعمده تجي تشحد هنا عشان تحرش فيه بــــــس ليه ..
اول شـي طرى على باله انها تحبـــه .. بس لاااا مستحيل اصلاً هي ماحاولات تقرب منه مع ان الفرصه متاحه قدامها ..
شوشو .. آآآه ياشووشو وش اللي تبينه منـــــــي .. هذا اللي همس فيه قيس لطيف شوشو البعــيد اللي واقفت تحرك يديها وتأشر على رجال عطاها فلوس وشكلها ماعجبتها ..
مرت ساعه وثنتين وثلاث .. شافها تقوم وتنفض الغباره عن عباتها وراحت تمشي بنفس الطريق اللي راحت معه ذيك المره وسوت نفس الحركه واخذت تاكســي وعند هالنقطه بزغت الفكره براسه وعرف الطريقه اللي بيكتشف فيها من هــي شوشو ..؟!
واللي بيحترق دمه قبل ماينفذها بس كل شـي يهون قدام انه يعرف من هــي شوشو ..
ويارب تصـــبررره لين ذاك الــيوم ..
هو باليومين هذي سوى مصايب ماسواها بحياته كلهــا وكثرة خناقاته مع أهله وكله من تحت راس هالـشوشو .. اووف بس متى تطيح بيده بس بيطلع كل ذا من عيونها ..


((7))

[ .. لا سعاده فـ المعاصي ..]


جالس معها ولاكنه جالس .. تأففت بصوت عالي لعل يسمعها نادته ولامجــيب .. سحبت جوالها من جيب بنطلونها الخلفي وفتحـت الكاميرا وبدت تصوره .. كانت صورته روعــه ملامحـه الجميله والحزن ساكنها ابداع وكانت ملتقطتها من الزاويه المناسبــه ..
من طلعت على الدنيـا وعرفته وهو دايم غريب بحياتها ماشفته كأنسـان عادي كان جميـل الجمال الخلقـي مالكه بس ماعرف جمال الخلق ورغم استهتار والطريق الخطا اللي ماشي فيه بعد ماكان مبسوط .. كانت تظنــه لأرتبط بالشوق اللي مجنون فيها بيكــون سعيـد بس ماشافت هالسعاده عليــه .. تحبــه موووت ودها لو تشوفه سعيــد بس كيف موعارفه ..
مشـاعر طيبه غايه بالسمــو .. يذبحها جفاف السموم الخارجــه من افكـاره السوداء ومخططاته الفاسـده ..
تقفلين السمـاعه بوجهــي ياملااك انا اوريك يالشيطـانه ..
كان يفكر يرسم يخطط ويجهز للتنفــيذ كل ذا عشــان مايفكــر فيها شوقـــه ...
اهله بدوا يضغطون عليه عشان يسوي زواجــه وهو محتار مايدري وش يــسوي ..
مقهور منها حاقد عليها نفسه يأذيها بس ماتهون عليه .. مايقدر يعذبها مثل ماعذبته ..
وكل المه منهــا وقهــره يحطه بتخطيطه بمــلاااك اللي يشوف فيها خيانة شوق وبينتقم من شــوق فيها ..
ماهو من عادته انه يغوي بنت لأن البنات اللي يعرفهن هــن اللي راضيات فيه .. ماعمره لعـب على وحده فيهــن
بس هذي بيخدعها وبيعشمها بالزواج وهو عارف انه لوخلصن البنات ومابقى الاهـي ماتزوجــها ..
:عمي الوليد ..
الوليد :هاااه ..
ود :اشتريت فستان لزواجك متــى بتسويه ..
الوليد بأبتسامه :قريب ان شاءالله بس فبالي كم شغله اسويها وأكون مستعــد له ..
ود :وأخيــــراً بيتزوج الوليد والـــــشوق ..
بدت تتوسع بابتسامتــه صحيح واخيراً ..

((8))

[ .. جسدي يحتضر ..]

ضحى



بعد ماصليت المـغرب وأنا جالسه حاولت أوقف بس ماقــدرت حسيت اني خلاص تصلبت بمحـلي الألم اسفل ظهــري ذبحنــي .. ماني قادره اتحرك ابداً .. آآه صرخت من الوجــع ..حسيت الصرخه تزيد وجعي وجــع كتمت ألمي وتحاملت على نفســي وناديت وعد اللي جالسه تشوف التلفزيون ..
ضحــى :وعـــد ..
ردت بالسرعه ..
وعد :خلصتي اشغل التلفزيون ..
آآه احس روحي بتطلع ماني قادره اتكلم ..
رجعت اناديها وطلـع صوتي مخنوق ..
ضحى :وعد ..
وعد :قولي وش تبغين اسمــعك ..
آآآه بمـــووت خلاص موقادره اتحمــل .. ابي مستشفى بمــوووت .. ناديتها مأدري كيف طلعت مني الحروف لأن لحظتها كنت احس أي حرف بيطلع مني بتطلع معه روحي ..
ضحى :وعآآد نادي عسآآآف ..
وخلاص الآمي سيطرت علي ماعاد احس بالشـي .. تمددت على جبني وأنا اصرخ من الألم ..
بعدها بديت افقد الأحساس بأي شــي غير الألم اللي سيطر على جسمــي .. كنت احس بخواتي حولي يسألوني وش في يبكــون يتهاوشون بس كل شـي كان ضوضائي ..
حسيت بعسـاف يوم مسك يدي يوم هزني يسألني وش فيني..
شالني وبداخلي صرخت بسرعه ماأبغى امـــوت .. كان تفكيري بأني أموت يخليني اصرخ وأتوجع اكثـــر ... ماأبغى اموت مو اللحين خواتي من لهم بعدي ماأبغى اروح واتركهم ابغاهم ابغى ابقى معهم وبينهـــــم ..

((9))

عساف

[ ..شجاعه او حــب ..]


يالناس هالأنســان ليه ماهو راضـي يفهم انه انتشار صور زوجتــي ماهو بنهاية الدنيــا .. يحسبني فرحان بهالشـي عنــي ..
قال لي بمهزلته اللي مبديها لي من قبل الفطــور ..
خلف :رخمــه انت بتفضحناااا .. اقولك صور زوجتك بكل جوال وانت جالس متربع قدامي ..
عساف :خللف احترم نفسك ولاتنســـى اني عمك ..وقلت لك للمره المليون زوجتي مانشرت صورها بنفسها ..
حطه يده على كتفي يهزني ..
خلف :لاتذبحني ببرودك .. الرياجيل وش بيقول عنك ..
عساف :والرياجيل وش دخلهم في والحمدالله زوجتي اللي انتشرت صورها مو شـي ثاني بعضهم بلاوي اهله ملي الجوالات .. ولو اني شاك لو واحد بالميه ان لها يد بأنتشار هالصور كان ماخليتها تبات هالليله على ذمتـي ..
خلف بقهر :والله ماأنت بالرجال كثر جلستك بمصـر مسختك ..
قمت من عنده بعد هالكلمه مالي جلسه بس قبل ماأطلع بردت حرتي فيه بكلمتين ..
عساف :والله انت اللي مسختك كثر جلستك مع مبارك .. اللي لنعد الرجال حتى بتاليهم ماذكر ..
اول ماركــبت السياره دق جوالي .. كان ضحى غريبه معقوله بترجـع اللحين تو الناس حتى ماأذن العشــــاء ..
عساف :نعم ..
بس اللي كان يكلمني مو ضحــى صوت بنت صغيره عرفتها على طول هذي وعد ..
:عساف تعااال بسرعه ضحى بتموووت بسرعه تعال ..
قفلت وانا للحين مسطل ماني فاهم شـــي .. حركة السياره وأنا اسأل نفســــي ..
عساف :وش فيها ضحى ..
حركت السياره بسـرعه وماوقفتها الا قدام بيتهـــــا ..
دخلت لقيتها طايحــه على سجـادتها شلتها .. ركبتها بالسياره وحــركت .. وهذا كان أخر صله لي بالعقل ... بعدها كل شــي اسويه كان ضرب من الجنون ..
كنت اسوق السياره او اطيــر فيها .. كنت اتنفس ولاحابس انفاســي .. كنت ساكت أو اصرخ .. ايه اصرخ ومن قلبي يطـلع الصوت .. اصرخ مع صرخاتها وأتوجع لأوجاعها ..
والله بموت ماأبغى ضحى يصير لها شــي أبغاااها .. لااايارب لاتحرمني منها ..
كانت لحالها بالكرسـي اللي ورى وأنا اسوق وعيوني عليها بالمرايه ..
فجأه اختفى صياحها ..
ناديتها ..
عساف :ضحى حياتي ضحـــى .. ضحى ضحــى تسمعيني ..
سمعتها تأن بصوت واطـــي .. تقطـع قلبي عليها ..
عساف :ضحى حياتي ناظريني ..ضحى تكفين اررررجوك ناظريني ..
شفتها تفتح عين والثانيه مقفلتها بقوه اول ماتقابلت عيونا غمضتها وهي تئن ..
ياااربي وش فيهــا بمــوووت واعرف وش اللي صابها هي من فتره ذابله وأحسها مريضه ...
معقوله عرفت عن صورها بس مستحـيل اللي فيها وجـع ماله دخل بالصـور .. من شفتها طايحــه على الأرض لاحول لها ولاقــوه الين اللحين وأنا اشيلها داخــل فيها للمستشفى ..
كل شــي حصل معي أكد لي أني مو أحب ضحــى وبس لاااا أمــوت فيهاوأحتمال اني أخســرها .. يخليني اتمنــى ان اللي فيها فينـــــــي أنااا ..
يخلينــي اعض اصابعــي ندم على تركي لها قبل ست سنــوات يحسسني بذنب لما كنت احاول استغلالها بعد رجعتي من السفــــــر ..
يخلني ادعــي ربي يسلمهــالي وماعاد بحياتي كلها أزعلها ..

((10 ))

ملاك

[ ..ياسدي المنيع لاتسقط ..]


اول ماطـاحت علينا ضحــى ماعرفت اتصـرف ولاتحركت ولاشــي كنت واقفه مثل الجدار .. مصدومه ماني قادره افكـــر .. وأنا اسمع تــصرخ تتألم .. ابكي ماني قادره اسوي شــي ... هذي ضحى يالناس اللي طايحه تصرخ وتتألم ضحـــى ..
انا بدونها موشي كلنا بدونها مو شـــي ..اذا راحت ضــحى من لنا بعدها .. اصلاً انا مأبغاها تروح احــب ضحـــــــى
ماأبغاها تتألم ماأبغاها تبكي يالناس وش فيها ضحـــى ...
ماني عارفه وش اسوي غير اني ابكـــي ابغى اسوي لها مثل ماتسوي لنا لاتألمنا ماني قادره اتحــرك اتقدم اسوي شــي حتى ماني قادره اسألها وش فيها ..؟!!!.
ليش تبكي وش اللي تحــس فيه ..؟!
لبست عباتي يوم قالت لي ســارا اللي كانت حالتها مثلي عشان نوديها المستشفــى ..
المستشفى ايه المستشـفى هو الحـــل ...
سحبت العباهمنها لبستها وأنا عيوني ماحولتها عن ضحى اللي تتألم على سجادة الصلاه ...
ماقدرنا نشيلها كلنا كنا خايفين .. قلنا لنوف تروح توقف لنا تاكسـي وتجيبه للبيت لأن السواق موفيه .. هو كذا وقت الحاجه مانلقاه ..
ماتحمــلت اسمـع ضحى تتألم طلعت بنفــسي اجيب تاكســـي ..
وبالطـريق تقابلت بنوف وركــبت معها كنت مابعدت عن البيت يوم وصلنــا مالقينا ضحــى كان عساف جاء وأخذها ..
ركبنا كلنا بالتاكســي ولحقناهم .. ماعدا مشـاعل اللي كانت طالعه وشوق اللي بقت مع شدن ونوره بالبيت ..
بديت احس بهدوء اكثــر واحس ان صدمتي بدت تزول مع اني للحين ماتطمنــت على ضحـى بس سكينه كذا نزلت فجأه علي يمكن لأني حسيت بوجــود رجال معنا اول ماطاحت علينا ضحــى حسيت بعجزنا من غيرها هي دايم رجالنا وبدونها نضيع ..
من ركبنا سياره وسارا ووعد ماوقفم بكاء ..
ملاك :سارا خلاص تكفين لاااتعورين قلبي ..
سارا :ملاااك مأقدر ضحى هذي تعرفين وش معنا ضحى .. أنا اموت لو صار لها شــي ..
حسيت ان وعد زاد صياحها يوم سمعت كلام سارا ..
قلت لسارا تسكت بصوت واطي عشان وعد .. بس صدمتني ردة فعلها يوم صرخت بصوت عالي ..
سارا :أنااا ماهمني وعد ولاغيرها انا ابغى ضحى ماااااايصير لها شـــي بموووت لو صار لها شــي بممممووووت ..
ضميت سـارا وسكت ماتكلمت لين وصلنـــا المستشــفى ..
وسألت عساف اللي ماعجبني شكــــــله ..
ملاك:وش فيها ضــــحى .؟!!
انتهى البااارت

الحلقـه الثانيــه والأربعـــون




((1))


ميشو

بملل شديد كنت اتنقل داخل المجمـع التجاري لوحـدي في عالم من الضوضاء اسير وحدي احادث روحي وتحادثني .. اشعر بأني وحيده وحيده وحيده .. لاعائله لا اصدقاء لاا أحبــاب ..
أمقتك مالك اود لوأقلتع عيناك التي ناظرتني بخبث وهي تطلب مني الأبتعاد عن عائلك المزيفه ..
عائله حقيررره خبيثه اكرررررررررهم جميعاً .. كم اتمنى رأيتهم متفككين متصارعين يكرهون بعضـهم البعض ..
امنيات هي مجرد امنيـات ..
فشلت وافشل مره تلو المره في تحقيقها ...
لن اهـــزم حتى ان لم يسعفني الحظ في هذا المخطط هناك اللآف الأفكــار التي سأنتقم منكـــم بهــــا .. لن ارضــى الا بألمكم ولن اسعد الا بتشتتكم ..

لما الوحــده لما الوقوف في هذا الجمع الهائل بضيـاع وهناك من سيسعدني .. تحركت اصابعي بتلقائيه على لوحة مفاتيح هاتفي لتصلني بها... وصلني ترحيبها المعاتب ..
ريدا :هلا ومرحبا ومسهلا بأحلا عيون زرقاء بنجد كلها ميشوووووو وينك ذبحتينا وحنا نتصل عليك وماتردين ..
ابتسامتي تحولت لضحكــه بعد عبارتها الأخيره ..
ميشو :انا في مكان بعيد بعيد جداً ...
قلتها وأنا اجلس على أحد الكراسـي ..
ريدا :مكان بعيد وين مثلاً لايكون مسـافره ..
ميشو :هل تتخيلين ذالك ..
ريدا:ههههههههههههه لاتكفين تعرفين اذا تخيلت يطفح بي الخيال وأشوفك فوق القمــر.. تعاللي ننتظرك ..
ميشو :أين انتــم ..
ذكرت لي احد اسمـاء المطاعم الفخمـه التي اعشـقها واضافت بأنها طاولتنا المعتاده المحجوزه بأسم كارميل .. .. اخبرتها اني قادمــه ..
جيد لأنفـض عني غبار التوتر.. السعاده بانتظـــــاري .. لم احزن واوتر اعصابي وأني على ثقــه بأني لن اتخلى عن حقــي ابداً وسأنتقـــم مهما حدث ...
دلفت الا ذالك المكان حيث يعج بدخان السجائر ...
ميشو :ماهذا .. الم تخبريني انك تركتي التدخين خلال رمضان ..
ريدا :هلآآوالله وغلآ بعمتهم ميشو تفضلي ياحلوه اجلسي نورينا ..
وازاحت ساقيها عن الكرسي الذي سأجلس عليه ..
ميشو :اين البقيه ..
ريدا :راحو مشوار قريب وراجعين .. اطلب لك عصير ولاقهـوه ...
ميشو :اريد ايسكريم ..
ضحكت وأجابتني بغموض ...
ريدا :الليله بالذات طلباتك اوامـر ...
دقائق وحضر طلبــي ومعه حضرت كراميل وسوسو ..
سوسو :أفا ميشو تأكلين ايسكريم من وراي ...
ريدا :سوسو اليوم عن الملاغه اليوم متفقين ماحد يزعج ميشو .. ترى اعرفك انتي بالذات تحبين تنغصين عليها ...
كراميل :وش اللي قاهر قطوتنا ومولع داخلها نار مايطفيها الا الآيسكــريم ...
حدقت بالسقف وانا التهم ملعقه كبيره من الأيسكريم اجبتها ..
ميشو :امر غير مهم ياعزيزتي ...
راقبت ريدا وهي تزيح الأشياء من امامها على الطاوله ثم تبدأ بالضرب عليها وهي تغني بصوت عالي
ريدا :هبي بيرتي تويو هبي بيرتي تو يو .. وسنه حلوه ياشعوله سنه حلوه ياميشو ..
سوسو :ياحماره ريدا ماتفقنا كذا الله يأخذ وجهك خربتي علينا المفاجئه ...
تفاجئت بكراميل تطبع قبله على خــــدي ..
كراميل :ميشو كل عام وانتي بألف خيــر حياتي .. وانتي ريدووه افندي اخذتي لقب بزره مع شهادة التقدير ...
ريدا مازالت تضرب على الطاوله بطريقه مزعجه وهي تشدو هبي بيرتي تو يو ..
ميشو :حسناً ان لن تخبروني بمايحدث انا متأكده واجزم بأن هذا اليوم ليس يوم مولدي ...
اطلقت ريد ضحكه صاخبه وهي تخبرني بأنا نحتفل اليوم بعيد ميلادي سواء وافق ذالك تاريخ مولدي او لااا ..
سوسو :وين التورته مو كأنه تأخروا فيها ..
ريدا :انا اتفقت معه على عشـر ونص واللحين عشر واربعين ...
وحين حضـرت التورته كانت بغاية الروعه بشمـوعها الثلاث والعشــرون ..
الساعه التي اهدتني كراميــل كانت رائعه ولكن الأروع كان المغلف التي اهدتني سوسو ورفضت انا افتحه امام كراميل وريد التي احتجت كثيراً واخيراً اقتنعت وأخبرتني ان هديتها لي امنيــه وسوف تحققها فـ طلبت منها ان نؤجلها لوقت لاحق ولكن بريق عيناي فضحهـــــا فـكم اتمنــى عدم وجود كراميل وسوسو لأخبرها بأمنيتي ...
بعد ذالك بثلاث ساعات كنت اتمتع بمشاهدة صور فهدي الفوتغرافيه والتي اوصلتها لي سوسو كهدية عيد ميلادي بعد ان طلبتها منها ولبت طلبي سعـيده فهي تراني المتيمه بشـقيقها ..




((2))

ملاك


ليش مايرد وش فيها ضحى ..
ملاك :ماتسمع انت وش فيها ضحى ..
رجع على ورى وسند ظهره على الجدار ..
عساف :ماأدري ..
قهرني رفع ضغطـي ودي انزل بشنطه على راسي أختي وين وش سوى فيها هالبللليد اللي ياخذه ان شـاءالله ..
ملاك :أختي وين ....؟!
تأفف بصوت عالي وقال وكأنه يمكن على بالكلام ..
عساف :اختك داخل يكشفون عليها ..
وراح وقف بعيد عنا .. مالت بس الله يأخذه هالخشه .. استغفرالله ادعي عليه اخاف يرجع على ضحى هالدعاء...
سألتني سارا
سارا :توقعين وش فيها ...
ملاك :مأدري .. ياليت اعرف ..
وعد :انا بروح اتمشــى ..
صرخت عليها من القهر اللحين هذي اللي ذابحتنا صياح بالسيـاره اللحين بتروح تمشــى يافضاوتها ...
ملاك :وين بتروحين ياغبيه وقتك انتــي ..
وعد :اوووف لاتصرخين على ماأبغى اقل ادبي عليك بالمستشفى .. انا كنت ابكي لأني أخاف ضحى تموت قبل ماتوصل المستشفى .. اللحين بالمستشفى يعني خلاص مافيه خطر ..
سارا :احلفى انتي يوم خطر .. ويعني المستشفى بيأجلون يومها لو انها بتموت اليوم اوبكره ..
نفخـت علينا وراحت ..
وعد :اووووف منكن غبيات انا رايحــه ..
سارا :بقلعة وادرين ..
ظربت رجلي بالأرض من القهر ودي الحقها واسحبها مع كشتها بس ماهو وقته يارب مايصير بضحى شـي يارب ..
قالت نوف ببرود وهي جالسه على الأرض ..
نوف :لو صار لضحى شـي بنتحر ..
بدت التهديدات وحركات البزران وكأن حياة ضحـى بيدينا .. اصلاً انا اكثر انسـانه اتمنـى ضحى مايصير لها شـي غير اني أحبها وأموووت لو صـار لها شـي وغير أنها اغلى خواتي بعد سـارا .. عشـان مأتورط بمسئوليه خوات مثل ذولـي يجنون مدينه وهم مرتاحيـن ..
كان واقفين انا وسارا جنب بعض على يسارنا واقفات شهد وهند اللي متكفات وماتكلمن وعلى يمينا نوف اللي لابسه عباه كتف بس وماحطت على راسها طرحــه ووراها بمسافه واقف عساف المليغ الحقــيررر وجالس يطالع شـي بجواله قسم بالله قمة الدناءه مل من الوقفه يقاله ولاكأن اللي داخل زوجتــه ..
اكرهه اكرهه اكرهه ياربي ليش حظ ضحى كذا شين تزوج واحــد زي كذا الله يسامح جدتي هي السبب ..
هي ومبارك الله لايسامحـــــه سبب عذاب ضحــــى ..


((3))


عساف


أنا جالس على اعصابي انتظر الأدميه اللي داخل وش بيصير عليها وهالغثه ازعجني بأتصالته ..
عساف :خيررر نعم وش تبــــي ..؟!
خلف :عمــي ..
قاطعته ..
عساف :توك تذكر اني عمك .. مابي اسمع منك شـي تراها مقفله معـــــي ..
وقفلت ماابي اسمع منه أي شــي لا أعتذار ولاغيــره ..
انا مأدري كيف يفكر هالأنسـان يحسبني فرحان يعني لأن صورة زوجتي يشوفها كل من كان .. مايدري بالحرقه والوجـــع اللي استحل قلبي اول ماوصلتني صورة زوجتي على هيئة رسالة وسائط من جوال مجهــول ..
يعني بالله من يرضى بهالشـي على اهله ..
يحسبني بارد عديم أحســاس ولاماعندي غيــره .. مجنون لوفكــر كذا ماأغار على زوجتــي ليه مو رجــااال ..
بس مااشره عليه تربية مبارك وتفكير الأعوج ماهو جديد عليه ..
آآآآه من النذل الواطـي اللي سوى هالسواه وليه ضحــى ليه ..
اخخخخخخ خلاص ماني قادر اتحمــل هالوضع .. احس اني ابغى اهرب ابتعد عن المكان هذا كله..
بس ضحــى من لها ..؟!
هي محتاجه لي اللحين لو ابتعدت عنها عمرها ماراح تسامحنـــــي ..
لاااااااااااااااااااااا ياربي اللي اسمعه مو صح ضحى ماااهي حاااااامل لاااااااااااااااااااااا ..
رجلي قادتني لبرى المستشفى لسياره وبعدها ماعاد حسيت بعمـــــري ..



((4))

ســارا


ضحى حامل يعني بصير خاله الله يالوناسه بس قهـر ليش يقول الدكتور هذا انها مجهــده والحمـل في حاله حرجه وانها لازم تبقى فالمستشفى تحت الرعايه ..
سألت ملاك ..
سارا :يعني الا متــى ..
ملاك :مأدري ليه ماسألتي الدكتور تووو ..
نطت شهد قالت انها بتروح تسأله وراح تركض للمكان اللي راح له وهند وراها ...
كنت متحمسه حيل ودي انط من الفرحه بس قلبي نغزني يعني كل هالتعب والصراخ والصياح بس عشانها حامـــل ..
سألت ملاك ..
سارا :ملاك ماتحسين ان تعب ضحى اكثر من انه بس حمل ..
صقعتني على راسي بشنطتها ..
ملاك :خبله انتي ماسمعتي الدكتور وش قال .. يقولك ماتقدر تحررك لين تدخل الشهرالخامس يعني انه في حالة خطر الحمل ماتفهمين انتي ..
سارا :شلون يعني بتجلس ضحى كل هالمده بالمستشفى ..
ملاك :لا مأعتقد هو يقول الأيام هذي يحتاج لها ملاحظه بعدين اكيــد بتطلع للبيت وهناك مالازم تحرك كثيــر وتلازم الفراش ..
سارا :احلى يالفصحى ..
ملاك :رايقه ..
سارا :بقوه الحمدالله ياااربي ماني مصدقه ضحــى ماصار لها شــــــي ..
كنت رافعه يديني للسماء وانا ادعي ضربتني ملاك بشنطتها يديني وهي تقول ...
ملاك :نزليها فضحتينا ..
سارا :أيوه يالأتيكيت تخافين نفشلك ونخرب برستيجك ...
ملاك :يالخطيره سويره صرتي تعرفين الأتكيت والبرستيج ..
المره ذي جاء دوري اصقعها على دمجتها ..
سارا :انتي ماتفهمين لاتقولين سويره ...
وصقعتها مره ثانيه بس اخف ..
سارا :واعرف الأتيكيت قبل ماتجيبك امك ..
ملاك :هي لاتطقين عندك طاقه كامنه تبغين تطلعينها طقي المتخلف عسافوووه ..
سارا :ليه وش سوا لك ..
ملاك :ماشفتيه الواطـي كيف طلع اول ماقال الدكتور ان ضحى حامل وقبل يوم اكلمه اسأله هو بأي مستشفى وينه بالتحديد يكلمني من طرف خشمه .. اووووووف يقهر ..
الصراحه انقهرت انقهرت انقهـر .. وجلست اسبه بداخلي لين قلت بس لو بالبيت كان طلعتها للعلن بس حنا بمستشفى محترم ..
سارا : والله لأوريه قدره الحقيـر ان عدتيها له ماكون سارا ..
حطت ملاك يدها على كتفها ..
ملاك :هين انعلمه قدره وحنا التوأم اكس او ..
دخلنا لغرفة ضحى اللي نقلوها لها كانت نايمه وحاطين لها مغذي وابره ثانيه مأدري لأيــش ... كانت مرره تعبانه ووجها اصفر وشفايفها جافه وبيضاء ...
ياحياتي ضحى والله ماتستاهل ابداً اللي يصيـر لهــا .. مشكلتها رغم كل قوتها صحتها ضعيفــه ..
همست لي ملاك اللي جالسه تمسح على شعر ضحــى ..
ملاك :توقعين لوتصحي وتشوفيني اسوي كذا وش بتسوي لي ...
ضحكت ودموعي تنزل ياحياتي ياضحــى احبها حيل ماتصور حياتي من دونها ..
سارا :ههههههههه يمكن تطلعك برى الغرفه وتقول مالك درجة بالمشاركه ...
ملاك :ههههه ودي اشدها مع شعرها ذا ...
سارا :يادوباا حرام عليك اصلاً ماراح اسمح لك ..
ملاك :افا يالخاينه تخونين فيني عشان ضحى ...
هند :اييه انتي وياها ترى صدعتن براس البنت وهي نايمه ..
شهد :استغفرالله مأدري كيف ميزاجاتهن تغير بالسرعه ولاكأن تو شفنا الموت وضحى طايحه ..
مالت بس حتى البارده والمايعه طلع لهن صوت مقهورات مني ومن توأمي الغالي اعرفهن غيره منا...
سارا:والله ياحبيباتي حنا نتحكم بميزاجنا مو هو اللي يتحكم فينا ...
ملاك :عاشت سارونتي صح لسانك ..
هند :اقول اسكتن بس ياحبكن للأزعاج ..
شهد :راعن حالت أختكن ..
سارا :اللحين انتي وياها بتفهمنا انكن احرص منا على ضحـى ..
شهد :اوووووف انتن محد يتكلم معكن .. بعدين الغبي عساف وينه الدكتور توه يسأل عن زوجها ..
عاد نطت هنا ملاك انا مأدري ليش تكررهه هالكثـر اكثر وحده تسب فيه من خواتي هي ...
ملاك :اللعين الله ياأخذه الكريه .. اول مادرى ان ضحى حامل هج مأدري وين راح حسبي الله عليه ...
سارا :ياحياتي ضحـى لو درت باللي صار بتنصدم ...
ملاك :الحماره منكن اللي بتقول لها ..
سارا :توقعون يروح ويخليها ..
ياربي وش هالمصيبه توني انتبه لهشـي معقوله عساف مايبغى عيال وبيتخلى عنهم مثـل مبارك ... لااا يارب ماتوقع يارب مايصير لضحى كذا والله ماتستاهل يعني مايكفي ابوها تخلى عنها وأمها وبعد زوجها اول مره مصيبه لوتخلى عنها مره ثانيه هي وولده أوبنــته ..
بس ضحى يمكن تجيب ولد .. واكيد هو ماراح يترك ولده مثل ماكان مبارك يترك بناته لأن الولد غير عن البنات .
شهد :خلااص لاتكلمون كذا يمكن تصحي ضحى وتسمعكـم ...
هند :خلونا نرجـع للبيت ..
كان لازم يجلس أحد مع ضحـى لأنها بتنوم بالمستشفى ووقع الأختيار على ملاك هي اللي ترافق معها وانا بكره...
ملاك:ياربي ماأدري كيف بنام هنا ماتعودت على نومت المستشفيات ..
سارا : بشتاق لك ملاكووه مايصير انا اجلس معك بعد ...
شهد :لامايصير خلصونا خلونا نرجع للبيت شوق ماقلنا لها وش صار على ضحى ...
قلت لها وأنا منغاضه منها ..
سارا :وانتي ياآنسه ليـه مادقيتي عليها وقلتي لها بجوالك المعفن ولاهذا بس حق الخرابيط ...
ضحكت بميوعه وكأني جالسه امدحها ..
شهد :ياحياتي نسيتي ان جوالي اخذوه الأداره وبعدين جوال ضحى معكم ليه مادقيتو منه ..
ايه صح جوال ضحى كان مع ملاك ...سألت ملاك ..
سارا :وين الجوال ..
ملاك:مع نوف ..
صرخت فيهم توني انتبه وين وعد ونوف ..
سارا :وين نوف ووعد ...
ملاك :انا مالي شغل انا مرافقه مع ضحى بس انتم روحوا دوروهــم ...
ياويلي وش هالبلشه اللحين وين بنلقاهم وسط هالأمــه ..
تركت الغبيه ملاكوه حتى بدون مأقول لها مع السلامه مقهوره منها حيــل قلت للغبيات اللي معـي ..
سارا :خلونا نتفرق انتي شهد روحي للغرفه اللي قبل كنا عندها وانتي هند روحي دوريها بالأتجاه اللي تركتنا وراحت تمشـي معه وأنا بنزل تحـت ادورها .. اسمعن معكن ربع ساعه ونتقابل تحــت عند البوابه ...
وانا نازله بالمصعد جلست اتذكر وش كانت لابسه .. وبعد ماعصرت مخـي تذكرت انها كانت لابسه بنطلون جينز وتي شيرت ابيض مقلم بكحلي وأخضر ...
وبعد مالفيت المستشفى خلال عشـر دقايق لقيتها واقفه تسولف مع شايب عليه شكل يروع ...
جيت اركض وسحبتها مع يدها ...
وعد :هيي ساروه فكي يدي وش فيك هاجم عليه كذا ..
زفيتها تمشـي قدامي وأنا سألها وين كانت ومن هذا اللي تسولف معه ...
وعد :اتمشى بالمستشفى بشوف غيروا فيه شـي من أخر مره شفته فيها اولا ولاتسوين نفسك ماعرفتي الشايب ابومحمد اللي كان حارس مدرستنا الأبتدائيه ..
صقعتها على راسها ونفسي اجرها مع كشتها ذي ...
سارا :ياحظك وان كان حارس مدرستنا الأبتدائيه وش موقفك معه ...
وعد :ياحماره لاتظربين .. وحلوه ذي وش يوقفني معه اقولك حارس مدرستنا الأبتدائيه تعرفين وش معنا حارس يعني هذا يقضي نص عمره يحرسنا يوم شفته قلت اسلم عليه ماتعرفين الأصول انتـــي .. واخذتنا السوالف ..
سارا :لاياشيخـه اخذتكم السواليف ..
وعد :ايه اخذتنا السواليف انتي وش فيك حاقده على المسكين ابومحمد ...
سارا :انا حاقده عليه وش دخلني انا فيه عشان احقد عليه ..
وعد :مأدري عنك من شفتيني واقفه معه طلعت شياطينك ...
يالناس بتذبحني هالبنت جريتها مع يدها ورحنا جلسنا على الكراسي ننتظر الحلوات يشرفن ...
بعدين تذكرت ان نوف بعد مختفيه لفيت بسأل وعد مالقيتها ياربي وين راحت هالجنيه ...
وقفت بدورها شفتها واقفه عن الرسيبشن ... وتكلم مع واحد من الموظفين اللي عليه ...
ياربي من هالبنت وش اسوي لها اربطها عشان ماتحرك ...
رحت لها وصرخت عليها ..
سارا :وعدووه وبعدين معك ...
وعد :اووف وش تبين انتي لجيتو بتروحون البيت ناديني وغيره مالك شغل فيني ...
ولفت تكلم مع السيد المحترم موظف الرسيبشن اللي مخلي شغله وطاقه سوالف مع هالبزره ...
انقهرت منهم ودي اصطرهم بالشحاطه بس ضغطت على نفســي ورجعت اجلس بمكاني اللي قبل عشان اذا خلصت المحترمه سوالفه تلقاني وماتضيع بعد شوي وشفت هند جايه ومعها نوف اللي سابقتها بالمشـي انتبهوا هي ووعد وبنفس الوقت على بعض وجن يركض لي كل وحده بتسبق وتزحلقن بالرخام ... وعد صقعت ببزر وطاحت على وجهها ونوف صقعت بواحـــد ههههههههه شكل نكته هو وشماغه اللي طاحت على ظهره وعقاله اللي طاح على الأرض بس هي ماصار لها شــي وجتني تركض وسبقت وعد ...
هند :الله يفضحكم ياقراااوه ياشحادين فشلتونا وش الحركات ذي ...
رجعنا للبيت وانا حاسه بوحشــه قويه من غير ملاااك ياربي مااتصور اني ببقى ليله كامله من غيـــررها تمنيت انها ماباتت عند ضحى تفكير اناني مني بس هذي توأمي يالناس مالي غناه عنها ..


((5))

عساف

فزيت من نومي وقلبي يرقع من الكابوس اللي شفته ...
عساف :أعوذ بالله من الشيطان الرجيم ..
مسحت وجهي وأنا اردد كان حلــم الحمدالله كان حلــــــم ...
انقلبت على الجهه الثانيه وطاحت عيني على التسريحه ... كل صبح توقف هناك تجهز بسرعه للمدرسه ... كل شي تسويه بسرعه شعرها مكياجها لبسها ..
وبين كل حركه تسويها وثانيه تلف علي مره تسأل متي بصحى ومره تسأل اذا عندي نيه اداوم اليوم ومره تسأل كل اسألتها ساخــره .. تثبت فيها لنفسها انها نشيطه وأنا الكســـول ..
وهذا اللي اكتشفته بضحى تحــب تكون هي الكل بالكــــل ...
تحب اللي قدامها يكون عكسها هي القويه وغيرها ضعيف هي المتحكـمه واللي قدامها محكوم ينفذ اوامــرها بدون مشـاوره ...
وهذي هي اللعبــه اللي لعبتها معها عشــان تكون لــي واقدر اوصل لقلبهـــا الشغله تجــي بالصبر ...
كل ماكنت ضعيف وماأقول لهــا كل ماتقربت منـــي اكثـــر ..
وهي تصدق تظن اني ماأقدر اقولها لاااا مع اني اقدر اقولها الف مـــره بس عشان اكسبها تنازلت كثيــر ومازلت اتنازل بشيلك ياضحــى بهالظروف وياليت تقدريـــــن ...
بنسـى الصور اللي وصلت لـــــي وبنســـى انها ممكن تكون بجوال أي احد ...
وبنســى كل صدودك لـي وبكـون الظهر اللي ياما تمنيتيه لك ولخــواتك ...
وياليت ماتجحديـــن ...
قمت بالسرعه ولبست ثوبي بمـر على المستشفى قبل ماراح الدوام وبشوف اخر التطورات مع طبيبها ...
لقيته توه وواصل ورحـت معه لغرفتها يكشف عليها .. دخلت قبلنا الممرضه تقول ان الطبيب بيدخــل ..
ماصدقت تقول دخلوا دخلت قبل الدكتور .. ماكنت ابيها صاحيه مأدري ليش والحمدالله كانت نايمـه ..
كان عندي احساس انها تعبانه ولازم ترتاح وانا ابغاها تنام وتنام وتنام لين ترتاح ..
كانت ملاااك جالسه على الكرسي اللي جنب السرير .. كيف عرفتها من عيونه مع انها نفس عيون توأمها بس هذي تحط عينها بعينك ولاتخاف وذيك ماهي جريئه مثلها بالعكس احسها خوافه اول ماتطالعها تنزل عيونها على طول ...
عساف :من امس ماصحـت طبيعي يعني ...
طالعني الدكتور ورجع يطالع بالأوراق اللي معه ..
الدكتور :الا صحيت مش هيك ..
ملاك :ايوه صحت قبل الفجـــر ..
الدكتور :وكانت تشعر بألم وادوها مسكنات ... بعد العصــر لازم نعمل لها أشعــه ..
مأدري ليش مأعجبني هالدكتور ماصدقت انه طلــع شكلي بنقلها للمستشـفى خاص ...
سحبت يد ضحى من تحــت اللحاف وطبعت عليها بوسه طويله ..الله يشفيك ياحيــــاتي ...
عساف :انتبهي لها زين ...
ملاك :ماأنت بحرص مني على أختي ...
ماحبيت اضيع وقتي معها .. بلحق على الدوام مع ان بالي مشغــول مع حيـــاتي ..



((6))


استغلت الفرصه اللي كانت فيها فاضيه وقالت تأخذ لها ساعتين تشحد فيهن قبل مايرجعن خواتها اللي قالت لهن انها بتنام وهن راحن عند ضحـى بالمستشفى ...
معها خمس مية ريال من أخـر مره راحت فيها ماوزعتها لازم تأخذ لها جـوله على البيوت المحتاجه توزع عليهم المقـسوم ...
اخذت لها تاكسي مثل ماتعودت بتنقلاتها لها المشوار بالذات .. لأنها ماتقدر تروح مع سفر اللي بيفضحها عند ضحى اللي معطيته اوامر مايودي أي وحده منهن غير مشاعل مشوار لين يقولها ..
وقفت على باب ام فيصل اللي اصـرت تدخل بس هي رفضت ...
شوشو :والله مستعجله ياأم فيصل وراي ناس ..
ام فيصل بتردد :والله مأدري وش اقولك يابنتي .. انا عارفه ان فيك خيــر.. فيه بيت ناس محتاجين محد يدري عنهم كنت اعطيهم من اللي تعطيني بس الحاجه ماترحـــم وحالنا ماهو احسن من حالهم ..
شوشو:وين بيتهم وش اسم راعية البيت ...
ام فيصل:ام حصه مره كبيره وعميا وعند ثلاث بنات ضعيفات عقل وولدها الوحيد مسجون الله يفرج عنه ..
شوشو :لاحـول ولاقوة الا بالله .. ولايهمك ياأم فيصل ان شاءالله بسوي اللي اقدر عليه ..
ام فيصل :الله يجزاتس كل خيرعنا يابنتــي والله مايضيع عنده عمل خيــر.. والله انهم ضعيفين حتى الجمعيه مايقدرون يروحون لها ماغير على صدقات المحسنين ...
طلعت من عندها بدون تسأل اكثر .. وين الجمعيات الخيريه عنهم سؤال كانت دايم تسأله لكل عائله مثل هالعوائل والناس المحتاجه ودايم تنصدم بردود لين حرمت تسأل هالسؤال..
وهي واثقه ان مثل هالناس لو كفتهم الجمعيات مافتح يديهم للصدقات واحسانات الناس ...
مريت للبيت والحمدالله كان العنوان صحيح تقدرون تقولون بيتهم مو خرابه لاخرابه وزياده لودفيته جداره برجلك يمكن يطيح على اللي فيــــه .. عطيت ام حصه اللي طلعت لي توكي بعكازه كل اللي كان معي ووعدتها مأقطعها وأمر عليها كل ماسمحت لي الظروف وبساعدهم قدر الأمكان .. دعواتها بس كانت تعني لي الدنيا ومافيهـــا .. وحده مثلي ماعندها والدين يدعون لها دعوات مثل هالعجوز الكفيفه تحرق عيونها من الدموع اللي تقاوم نزولها ...
بعد ماأدت واجبها اللي فرضته على نفسها .. راحت تشحد قدام بنكها المفضل اللي غير ان الشحاده قدامه تســوى تحب المكان ذاك عشان تنرفز قيسوووه ياهو بجد نكته خخخخخخخ ماتدري ليش حاطه دوبه ودوبها اشوى انه مايعرف من هــي ولاكان صارت علوووم ..
سلمت على البزران خوياها اللي تعرفهم وطنشت اللي ماتعرف .. وفرشت سجادتها وجلست عليها ..
وبدت دعاوي الشحادين الصدقين ماهو التطنز ..
وبعد ماجمعت لها مبلغ محتــرم والله الشحاده تكسب ذهب لوتفرغت لها بس يالقهررر وراها دراسه ولاقبل يوم كانت عاطله كانت تكسب بالهبـــل الله يرجع ذيك الأيااام .. بس موسم رمضان صدق موسم كسب .. اللي معه واللي مامعه يتصدق ..
شالت سجادتها بشنطتها الكبيره واللي تشيلها على جنب .. انقهرت قيس افندي ماله طاري وين مختفي لايكون مريض ياعساه من هالحال وأردى ويمكــن اطردوه من شغله .. خخخخخخخخخ ونااسه هع ياحليله قيسوه صار عاطل عن العمل .. شكلي بعرض عليه يجي يشحد معي والله كار الشحاده يكسب ذهــب .. مريت على شارعي المعتاد ومن حسن حظي بسرعه وقف لي تاكســي ههههههههههه وش الحظ اليوم الشغل تمام وافتكيت من النحـيس قيس وبعد التاكسي وقف بسرعه مع هالزحمــه لووووول وناسه الصراحه قلت له العنــوان .. وجلست افكـر بحال الضعيفه ام حصــه الله يعينها على مابتلاها .. يارب يفرج كربت ولدهااا ويشفي بناتهاااا ...
ابحرت بأفكــاري وماحسيت بالوقت لين فجأه شي داخلي ارتعش صديت حولي وانرعبت هذا موطريق لبيتنا عمري ماركبت تاكسـي وجيت مع هالطريق صرخت بالهندي مأدري البنقالي اللي يسوق :وين موديني انت ..؟!
هذا مافيه عنوان عطيتـــــك ...؟!.. اسمع فيه سوي حركه مو كويسه بابا انا يشتغل بالبوليس ..
ماسمعت رده بس حسيته وزادت ســرعته ياويلي هذا ليش مايررررد يالنــــاااس الحقــوني انخطفــت ..
بس انا أوريه الحيوان رفعت شنطتي ونزلت فيها على راسه ارتجت السياره وكأنا كنا بنصدم بس وقف السياره بقوه ياويلي وين حنا الدنيا ظلاااااااام ومافيه أحد ...
حسيت اطرافي انشلت وفمـي جف من الروعه لف علي السواق حسبي الله عليه عساه لنار جهنم ورفع الكاب اللي كان مغطي فيه عيونـــــــــه ...

ادري الفكــره متهــوره بس طرت على بالي وسويتها وهذي احــسن من ألف فكره غيرها لوسويتها بتكون قمة التهور هنا انا وهي وبـــــــس .. واللحين بعرف من هي شوشو.. اسبوع كامل وانا بهالتاكســي اللي اتفقت مع سواقه اني ادفع له ضعف اللي يكسبه كل يوم بس من غير مايدري احد والشركه اللي يشتغل فيها وبعد محاولات كثيره رضا كنت خايف انه تخلص المده اللي اتفقت معه عليها واللي مابقى لها الايوم وشوشو ماطلــعت بس الحمدالله جت اليوم على غير توقع كنت بنزل وجرها مع عباته وأركبها يوم شفتها جايه من بعد بس تحاملت على نفــسي وصبرت .. أخذتها لمكان بعيــد طلـعت عن المدينه حسيتها ماهي بحاسه باللي يدور حولها توقعتها تكشفني من بدري .. بس من حسن حظي ويمكـن من سوءه انها ماحـــست لين بالأخيــر كنا خلاص ابتعدنا عن الناس وباقي شــوي ونطلـع من الرياض كلها ..
كانت تكلم وماكنت اسمعها صوت دقات قلبي العاليه صم اذني عن سمع أي شــي ... خلاااص حانت الصفــــــرر .. وبعرف من انتي ياشــــوشــــو ..
حسيتها تلخبطــت يوم شلت الكاب عن وجهي وكشفت عن شخصيتـــي .. هي تعرفني وأنا اعرفها غير اني قيس مدير البنك ... انا قيس ولد جيرانهم .. لكن الأكيد انها ماتدري انــي عارفه من هي بنته بس اللي ماأعرفه من هــي وهذا اللي بيجنني ...
:هذا أنت يامحتـــرررم ..
مايبغي حوار مايبي كلام يبغى يعرف من هي وبس
ردعليها وهو يلف على قدام ويشغل سيجاره:ايه اناااا قيس مجاهد واظن تعرفيني زين يابنت مبارررك...

وش يقول هذا كيف عرفني مستحيـــل مستحيييييييييل ماتوقعت ابد انه بيعرف من انا طيب ولو عرف وش يبي مني ليش جايبني هنا وش اللي قاعد يصير ليش يسوق تاكســي ... يالناس بجـــــــن وش اللي قاعد يصير حولي ...
قيس:منصدمــه صح لكن ماهو مثل صدمتي يوم عرفت من أنتي .. ممكن تقولين لي وش تبين منـــي يوم تلاحقيني من مكان لثاني ...
:أنا الاحقك انت والله هذا اللي باقي .. اصلاً من انت على شان ألاحقك.. واحد مغرور شايف نفســـــه يحسب بس هو اللي معه شهــاده ومدير .. ترى حتى الهنود يصيرون مدراء ..
قيس :حلوه منك شوشو .. بس ماقلتيلي وش تبين .. لا انتظري لحضه قبل ماتقولين.. خليني اكشف هالحاجز اللي بينا ...
وبحركه سريعه شال لثامــهااااااااااا ..
:انتـــــــي ..

ارتجفت من الصدمه ماهي مصدقه انها تجرأ وشال لثامها بكل قوه فيها دزت يده اللي تجرأت على لثامـها وهي تصرخ :ياحيووان ياحقيــررر ..

تراجع على ورى وهو يهز راسه بالرفض صحيح توقعها وكانت ضمن الأحتمالات بس مايدري ليش يوم عرفها.. فيه شـــي داخـــله رفض أنه يصدق يمكــن لأنه خلاااص امله ان وحده ثاني غيرها تكـــون شوشو انتهى ... وشوشو صارت واقـــع معروف لامفر منـــه ...



((7))

وعد


هربت من غرفة ضحــى بعد ماهبت تهبيبتي اللي ماينتهبب زيها .. ياويلي ويلاااه كنت اركض مع الدرج وشهد وراي ياويلي منها بتذبحني اجل اللي قلته بيوديها ورى الشمـس وماتبينها تذبحك ...
صدق اني مصفوقه وش دخل اهلي اقول ان الأداره مسكوها من قلة السنع اللي فيني ... حسيت اني بتزحلق مسكت بدربزين الدرج والحمدالله حافظت على توازني ... سمعت صوت الكعب على الأرض هذي شهدووووه ياويلي وين اطس .. اللحين بس عرفت وش معنى ودي الأرض تنشق وتبلعني ...
حسيت اني ضيعتها ودخلت قسم ثاني ماهو القسم اللي كانت فيه ضحــى ..
احس نفسي مو شــي لأني ضعت بالسرعه تعودت اكون عارفه كل شبر بأي مكان ادخله بس والله المستشفى ذا عملاق مأدري وين اروح وين اجي .. بس انا اوريكم فيه ماني طالعه الليله الا وأنا عارفه كل باب فيه وش سالفته ..



((8))


شهد


حيوانه حقيره .. ياربي ورطتني الحيوانه الغبيه .. اللحين ضحى وش بتسوي فيني .. حسبي الله عليك ياوعد الله لايوفقك دنيا ولاأخره .. شكلي بهرررب مالي قعده بالبيت بتذبحني ضحى ...
بس ضحى بالمستشفى ولرجعت للبيت ربي يحلها .. بس وين بتروح مني الحقيره وعدووه ياأنا ياهي ذابحتها ذابحتها الله لايخليني لوخليتها ...
كذا تسوي فيني كذا بطيح من عين ضحـــى ماأبغى ضحى تزعل مني مأبغاها تندم ... ياربي ماأبغاها تعصب علي بعد اكــره الهواش اكره احد يتحكــم فيني ..
مأبغى اتهاوش معها ياربي حسبي الله على الخايسه وعد الله لايوفقهااا ..
دورتها بكل مكان مالها أثركذا فجأه اختفت كن الأرض انشقت وبلعتها مع اني كنت احس فيها وهي تركض قدامي بس بعد ماطلعت مع السيب هذا ولقيت الناس ماعاد شفتها بينهم .. كنت احس نفسي دايخه من صدمة الموقف اللي انحطيت فيه ماأدري ليش كان عندي احساس اني ماراح انكشف ابد قدام ضحــى ماكنت اقدر اتصور كيف بيكون موقفـــي كان هالتفكير مسيطر علي وماشفت الأنسان اللي قدامــي لين صقعت فيه ...
:عمى ماتشوفين ..
شهد:عمى بعينك ياقليل الحيا ..
اوف الخايس دمر عباتي بقهوته حسبي الله عليه .. ايش فيه ذا شايف حاله وينافخ يمل الماغص ان شاءالله .. عشان دكتور يعني ..
:هي شهد انتي للحين تسوين هالحركات ..
يووه من وين يعرفني ذا الله لايفضحنا ..
شهد:شهد مين ياقليل الحيا وخر عن طريقي اشوف ..
:هه لاتخافين بوخرماني ناقص وصخ اناا ..
وراح وخلاني القذر النجس الحثالــه .. يالناس ودي اصرخ عليه المعفن الوصخ .. قذر الله يأخذه والله ماأبكي علشانه .. آآه ياقهر من وين يعرفني ياعساه للسرطان ..
اوب اوب اوب من هذا المزيون خخخخخخ يستاهل من يرقمه بس قهر ماعندي جوال ارسل له بلوتوث ..
عندي احساس ان ذا الأنسان اللي انتظره طول عمري ..
لحقته كذا بدون احســاس رجولي مشتني وراه ..
وقف مع دكتور وسلم عليه شكله من معارفه سمعته ينادي الدكتور جواد والدكتور جواد ناداه الوليد ..
بس تهي تهي مووو كنه قال زواجه حدده آآآآآآآه ياويل قلبي يوم لقيت فارس الأحلام طلع مرتبط وبيتزوج ..


((9))

ضحـــى


ماني مصدقه اللي سمعت صح انا احلم يارب اكون احــــــــلم شهد موكذا ... مستحيــل شهد تسوي كذا .. اختي اناااا يمسكــون معها جوال مشبوه .. هذي تربيتي انااااااااا ... اناااا اللي ربيت هذي تربيت يــدي ..
جواال شهــــد تكلم شباااب .. شهد من البنات اللي احتقرهم وأعتبرهم زباااله ماربوهم أهلـــــــــهم ..
انا تربيتي تنتج من هالأشكـــــال ..
اختـــي تكلـــــم .. اختــــــي بنت شوارررررع .. أختي تكلــــم شباااب الله العالم وش يقولون لها وش تقــول لهــــــــــم ..
أنا اخـــــــت فاشله ماعرفت اربي اختـــي ..
أنا راعـــيه فاشلــه ماربيت رعيتي زيـــــن ضيعــتهم .. انا ضيعت أختــي .. ياويلي من ربــــــي ياووووويلي ..
وش الخطأ اللي ارتكبــته عشان يصير معي كذا وبايش قصــــرت طووول عمري حريصه عليهن وماراعيتهن وعيني عليهن وين الخلل .. من وين جابت الجوال وليش وهي اللي حتى مالها صداقات بالمدرسه عشان اقول اصدقاء ســـــوء ..
يعني الخلل بتربيتي انا ... انا اللي أخطــــــات .. الخطأ خطأي أنا ...
وين كنـــت يوم أختي تمسك الجوال تكلـــم فيـــه كنت فاضيه اتهاوش مع عساف لهيــت بمشاكلي الخاصه عن خــواتي وضيعت الأمــانه اللي اتمنتني عليها جدتي ..
ياربي وش سوووي يااارررب ...
طلبت من خواتي يطلعون ويتركــوني أبغى انــااام .. ماكنت ابغى انااام ولاشــي بس مصدوومـــه ماني قادره اجمــع افكاري وش بسوي اختي ضاعت ولا للحين فيه امل بأنقاذهااا ..
يالناس القاها من وين ولا وين .. حامل وراحه اجباريه وملازمه للسرير فشهـرين الجايات ...
والمصيبه هذي وش اسوي بنفســي يالناس ..
قمت افكر بحل لهالمصيبه ولقيت افكاري تروح وتجي عند نقطـه معينه ..
خواتي افضل لهـــــن الزواج وسترررر ولا بيضيعن ياليتني وافقت يوم خطبها خلف وماوقفت بوجه ابوي ياليت ...
الف ياليت من هالكلمه مايفيد ... أنا لازم اسوي شــي واتحرك ماراح اخلي خواتي ينحرفن لو أيـــش انا ماتعبت وشقيت وعرضت صحتي للخطــر عشان بالأخيــر اضيع وضيع خواتي معـي ..
مأدري ايش اللي طرى في بالــي ذكرى ام كايد وخطبتها لسارا ان اذكر اني قلتها اني رافضه هالفكر وماتوقع سارا توافق وهـي قالت فكروا ولاتقطعين نصيب أختك بذاك الوقت مافكــرت بالموضوع كثير .. كل اللي فكرته اني ماراح اضحي بأختي وأزوجها بواحد تكرهه بس مافكرت ان هالزواج ستر لها وبيحفظها من الضياااع والأنحــراف بس اللحين فكــــــرت وسارا هي البدايه ...
أخذت جوالي اللي جابته لي اليوم سارا بالزياره ودقيت على بيت ام كايد ..
ضحى :السلام عليكم .. وش اخبارك منيره ..
منيره :هلااا ضحى الحمدالله على السلامه ومبروك الحمل .. اعذرينا بنزورك بس امي تعبانه اليوم وماقدرنا نجي ...
رديت عليها وتغضيت عن المباركه .. تبارك لي على ايش على الهم .. وسألتها عن امها شوي وسمعت صوتها تعبان على الطرف الثاني ..
ضحى : سلامات خالتي ماتشوفين شر..
ام كايد :الشر مايجيتس يابنتي .. الحمدالله على سلامتس انتي ومبروك الحمل ...
للمره الثانيه مبرروك ..ماحبيت اطول بالسالفه وحسيت ان الألم رجع لي بقوه ..
ضحى :الله يبارك فيك .. اقول خالتي ترانا موافقين بسالفة الخطبـه واسفين على التأخير بس صارت ظروف ونسينا ..
حسيتها سكتت شوي خفت انهم خطبوا له وحده ثانيه ولاشالوا نظرهم عن سارا بعد ماطولت بالرد .. اصلاً أنا تعمدت تكلم بهالطريقه عشان احرجها لوكانوا غيروا رايهم لأني صرت اعتبر قيس فرصه لسارا قليل تكرر ..
أنا مأدري كيف كنت افكر وقتها اصلاً سارا بالذات فرصه قليله ولاوحده مخطوبه ومفصوخه خطبت من يبيها ..
رجعت تكلم وارتاح قلبي يوم سمعت نبرة صوتها اللي واضح فيها الفرحــه ...
ام كايد :واخيراً مابغيتوا توافقـون .. ومتى تبغون قيس يكلم ابوتس ..
ضحى :بالوقت اللي يناسبه بس الأفضل يكون قريب خير البر عاجله .. وهذا رقم ابوي يكلمه ويحدد معه الوقت المناسب للملكــه ..
حسيت قلبي قاســي وانا اتكلم واحدد مع ام كايد كل هذا وسارا ماتدري عن شـــي بس والله الشي هذا لمصلحته .. ماأبغى اختي تضيع ودي اضمن مستقبلها ...
أول ماقفلت من ام كايد انفتح الباب ودخــل ..
نزل الأكياس اللي معــه على الطاوله اللي عند الباب وجاء وهو يقول ..
عساف :وشلون ميزاجك اللحين ان شاءالله احسن من اولى ..
تأففت وصديت عنه .. بس بدون شعر أبتسمت يوم حسيت انه خايف يقرب ليجيه كف مثل العصررر ..
حسيت بملمس شفايفه على جبهتي لفيت عليه بالسرعه وعطيته نظره ..
عساف :ياعساها دوم هالبسمه ..
كان جالس على طرف السرير ..
ضحى :يعني شايف السرير واسع عشان تجي تضيق علي فيه ..
عساف :لااا اليوم غير حتى الوجه منورر ..
لقيت نفسي اقول بسخافه وأنا اسحب يدي اللي ماسكها ويلعب بأصابعي ..
ضحى :ليه لمبــه .. اصلاً ماجابني هنا الا أنت ..
عساف :ادري اني المنقذ اللي شلتك على يدي وركضت فيك للمستشفى على كفوف الراحه ..
ضحى :لاتسوي فهيم انت عارف وش اقصد ..
عساف :والله عاد ماهو انا اللي عصبي وبس متنرفز واصارخ على الطالعه والنازله وشايل هموم الدنيا على ظهري مع ان فيه ناااس يتمنون يريحوني ..
ورجع يمسك يديني هذا وش عنده مع يدي.. سحبت يدي منه ودخلتها تحت اللحاف بس اللعين مسك يدي الثانيه اللي فيها الأبره ..
صرخت عليه بنرفزه ..
ضحى :ممكن تترك يدي ..
عساف :لوطلبتي بطريقه اكثر ادب كان قلت من عيوني بس مع هالصرخه لامعصي ..
آآخخ احس ظهري بينكسر وبعدين مع هالألم يالناس بموووت ..
ضحى :اووف انت ماراح ترتاح لين تذبحني ..آآآه ..
ترك يدي بسرعه
عساف :سلامتك من الـ آآه ياحياتي.. ولاتقولين هالكلام تدرين اني افداك بروحي ..
اووووف ينرفزني لاتكلم كذا .. وكأنه يحبني مو كنه راميني وراه ست سنين ولا سأل عني ..
انقذني اللي طق الباب من كلاام كثيـر ممكن يجري بينا ونتايجه دايم تتعبني ..


انتهى البااارت