 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
12-13-2018
|
||||||||||||||||||||||||||||||||
|
||||||||||||||||||||||||||||||||
أحبك وهذا من حزن حظي/ 7
تروشت عالسريع ورتبت شكلها ونزلت له
فارس : كان نمتي بعد العنود : انت اللي تبغى تطلع مو انا فارس : خلاص انطمي العنود : وين رايحين ؟؟ فارس : بوديك لمخبأي السري العنود : مخبأك السري ؟؟! فارس : يب اخذ الطريق منهم ساعه وزياده تقريباً على ماوصلوا لان المكان بعيد شوي ، انصدمت العنود لما شافت المكان العنود : مخبأك المزرعه ؟!! فارس : داخل المزرعه ، يالله انزلي(نزلوا الاثنين ودخلوا داخل المزرعه العنود كانت متعلقه بذراع فارس وتتلفت) فارس وهو يضحك: وش فيك يالدلوعه ؟ العنود بخوف : فارس الكلب اللي لقيناه قبل هنا صح ؟ فارس : ايه بس لا تخافين ماهو موجود الحين العنود : وش عرفك ؟؟ فارس : لاني اول مادخلت شفته نايم عند غرفة الحارس تنفست براحه وتركت ذراعه : طيب لمتى نمشي تعبت ؟؟ فارس : اصبري شوي ونوصل(وبعد مشي اكثر من نص ساعه وصلوا لمساحه مغطاه بجدار مو مصبوغ ولها باب مقفول بقفل كبير) العنود : وش هالمكان اول مره اشوفه ؟! طلع مفتاح من حفره صغيره عند الباب : هذا مخبأي(فتح القفل) : غمضي عيونك العنود : ليش ؟؟ فارس : لان اللي داخل مفاجاءه ابتسمت العنود وغمضت عيونها : امسكني عدل لا اطيح (وقف وراها ومسكها من كتوفها وصار يمشيها) : ياويلك لو فتحتي عيونك العنود : والله مغمضه دخلها المكان : يالله افتحي عيونك اندهشت العنود حيل حتى انها رجعت خطوه ورا من الصدمه وصدمت صدر فارس ضحك عليها : وش فيك ؟ لفت له وناظرته بعيون كلها دهشه : فارس هالمكان حلم والا علم ؟! إبتسم وقرص خدها .. العنود : آآآي(ضربته بالخفيف على صدره ، ولفت للمكان وهي مازالت مذهوووله) فارس قرب منها وضمها من ورا : لهدرجه المكان عاجبك ؟ لاشعورياً حطت يدها على يدينه : يجنن فارس انت مبدع كيف سويت كذا بمساحه صغيره ؟؟ قرب خده من خدها : ماتلاحظين ان بعضها مستوحاه من دول اجنبيه العنود : ايه صادق(تأشر)هالركن احسه يشبه ازقة امستردام وهذاك يشبه حديقة الهيدبارك وهذاك... قاطعها ولفها له : اهم شي يكون المكان عاجبك ؟ العنود هزت رأسها بالايجاب ، ابتسم لها ومسك يدها وصاروا يتمشون وفارس يشرح لها كل شيء المكان كان .. مزرعه الجد فارس كبيره اختار فارس ركن بعيد جداً عن الانظار وحوطه بجدار وحط له باب وقفل وبداخل المكان زرع ورود مستورده وحط مراجيح حبالها مربوط عليها اوراق شجر وشلال صغير ونافوره واشترى منزل شجره اخذ قرابة السنه وهو يرتب بالمكان لحد ماوصل للمستوى المطلوب العنود : واااو فارس شوف(تأشر على منزل الشجره) فارس : تبين تدخلينه ؟ العنود وهي ماسكه يد فارس وتناقز بحماس : يب يب دخلها له ودخل معها لقت فيه تلفزيون وركن على الزاويه فيه ثلاث آلات صنع قهوة وثلاث علب فيها اظرف نسكافيه والزاويه الثانيه فيها مكتبه مليانه كتب وقدامها طاوله وكرسي هزاز عليه فرو ابيض العنود : انت تحب تقرأ كتب ؟! فارس : ايه حتى ان غرفة نومي فيها مكتبه العنود بحماس : me to بيت عائلة ابو العنود (علي) ام العنود اول مارجعت للبيت راحت لغرفة بنتها ومالقتها فيها ، سألت الخدامه وقالت لها انها طلعت مع فارس لكن ماقالت لها انه دخل لان العنود حذرتها ماتقول ، اتصلت ام العنود ببنتها العنود : اهلين ماما ام العنود : هلا عنوده وينك يمه الخدامه تقول انك مع فارس ؟! العنود : ايه يمه طلعت شوي اغير جو ام العنود : طيب يمه لاتتأخرين ابغى اوريك وش اشتريت لك سكرت من امها وناظرت فارس : يالله نكمل تجول بالمكان فارس بفضول : وش قالت امك ؟؟ العنود : بس سألت وين رحت وطلبت ما اتأخر وقف فارس ومد يده لها : يالله امشي اوريك باقي المكان مسكت يده و وقفت اخذها وصاروا يتمشون بالمكان ، شهقت العنود فجاءه فارس بخوف : وش فيك ؟؟ العنود : اووه ماي قااد صار لنا اكثر من 3 ساعات ضحك فارس : والله ماحسيت ، يالله خلينا نمشي العنود : لحظه ابغى اودع المكان(لفت للمكان وصارت ترسل بوسات بالهواء مثل الاطفال) : باااي راح ارجع لكم قريب ان شاءالله ضحك فارس عليها وسحبها معه , طلعوا الاثنين من المكان واتجهوا لسياره إلتفت عليها : ها كيف نفسيتك بعد ماشفتي هالمكان ابتسمت العنود : حديييد فارس : انتبهي تقولين لاحد عن هالمكان تراه سر انتي الوحيده اللي علمتها العنود : dont worry (رجعوا الاثنين لبيوتهم) بيت عائلة ابو فارس (عبدالرحمن) دخل البيت ولقى اهله مجتمعين بالصاله سلم عليهم وكان بيطلع لغرفته راشد : وين كنت هايت طول اليوم ؟ ريم : اللي ماخذ عقلك يتهنى به مريم : لين الحين ماتزوجها وصار يسحب علينا لعيونها الله لنا فارس : انتو شعرفكم انها معي ؟؟! شيخه : كلنا كنا بالسوق هي الوحيده اللي فالبيت ولما رجعنا كانت مختفيه محمد : وانت مختفي مع ان الشباب كلهم بالاستراحه زياد : كل الادله تثبت ان المجرم ... كلهم بصوت واحد : انت ضحك ابو فارس على هبالهم ونادا ولده جنبه وجلس يوصيه في بنت عمه ، اما ام فارس بدت تحس بنوع من النفور من العنود هي من البدايه مو حابتها وكانت تتمنى لو انه يتزوج شيخه بنت راشد ، صعد فارس لغرفته واخذ جواله لما سمع صوت مسج ابتسم لما شاف اسمها (الدلوعه) المسج كان .. Thank you creative sir بيت خالة العنود (وداد) اماني : امانه فهود ابغى اقضي معها وقت قبل تسافر ناصر : وين بتسافر ؟ امل : سنغافوره مع فارس فهود : طيب لك 5 دقائق تتجهزين ان تأخرتي ثانيه وحده سحبت عليك اماني طلعت صاروخ لغرفتها تتجهز عشان تروح للعنود وبس جهزت نزلت ركض لاخوها وتوجهوا للعنود بيت عائلة ابو العنود (علي) ام العنود : بتنام عندك يعني ؟ العنود : ايه ماما عشان نتسلى تعرفين انا بسافر ام العنود : حلو ومره وحده تساعدك على ترتيب ملابسك قطع حديثهم نغمة جوال العنود ، شافت اسمه (shameless) استأذنت امها وصعدت لغرفتها العنود : هلا فارس : هلا بك ، شخبارك ؟ العنود : الحمدلله تمام فارس : ها طلعتي السوق اليوم والا باقي حابسه نفسك ؟؟ العنود : لا ماطلعت امون بتجيني اليوم وبتبات عندي فارس : بنت خالتك ؟ العنود : ايه فارس : يعني اليوم مراح تطلعين من البيت ؟ العنود : ايه ، ليش تبغى شيء ؟ فارس : لا خلاص اذلفي (سد الخط بوجها) العنود : الحمد لله والشكر متخلف وصلت اماني لبيت العنود اماني : فهود انزل سلم على العنود فهود : خليها تطلع لي فالحديقه مستعجل شوي اماني : طيب دخلت اماني واستقبلتها العنود بالاحضان اماني : نودي تعالي الحديقه فهود بيسلم عليك العنود : ليش مايدخل ؟ اماني : يقول مستعجل عنده شغل(طلعت له وسلمت عليه خد وبهاللحظه شافتها ريم وشيخه بنت راشد) شهقت ريم : ياوييلي شفتي كيف ... قاطعتها شيخه : لازم تبلغين فارس عنها هذا شيء ماينسكت عنه ريم : لا حرام هو معجل العرس من كثر حبه لها مااقدر شيخه وهي بتنفجر غيره : ترضين اخوك يتزوج وحده استغفرالله يارب فالليل راحت ريم لغرفتة اخوها فارس وهي متردده طقت الباب عليه فارس : ادخل ريم : سلام فارس : هلا ريم وهي مو على بعضها : شسمه فارس عندي موضوع بكلمك فيه فارس لاحظ ارتباكها : تفضلي قولي ريم : الموضوع يخص العنود فارس بقلق : شفيها ؟؟ حكت له ريم عن الموقف اللي شافته وطلع من الغرفه مثل الصاروخ بعد ماطلب منها ماتقول لأحد عن اللي شافته رن جوالها .. العنود : هلا فارس : اطلعي لي الحين العنود بإستغراب : الحين بس فارس .. قاطعها : قلت اطلعي الحين العنود : اوك طالعه(جت بتطلع له لكن تذكرت انه يعصب اذا ماغطت شعرها رجعت لبست شيلتها وطلعت له) : ايوه فارس وش ... عطاها كف طيحها عالارض قبل تكمل جملتها : حذرتك مية مره لكن بكل مره كنتي تتجاهلين تحذيراتي العنود وهي تبكي : فارس وش فيك وش سويت ؟؟! مسكها من شعرها ورفعها عن الارض وهي تبكي وتشاهق من الألم : اشوفك طاايره من الفرحه ان بنت خالتك بتبات عندك اثاريه عشان حبيب القلب العنود بألم : ااه من حبيب القلب (تبكي اكثر) فارس يشد شعرها اكثر : ولد خالتك يال... العنود وهي تشاهق : فهود مو حبيبي اخوي بالرضاعه فارس هد شعرها : ايييييش ؟؟؟!! العنود وهي تشهق بين كل كلمه من البكي : انا .. راضعه .. مع اماني يعني ( رجعت تبكي) فارس تمنى لو ان يده انكسرت قبل يمدها عليها جلس عالارض جنبها فارس : ليش ماقلتي لي من قبل او امك ليش ماقالت لأحد ؟؟! العنود وصوتها انبح من كثر البكي : نسيت فارس تقطع قلبه عليها كانت فرحانه وبسبب شكه دمر فرحتها فارس قرب يبغى يحضنها لكن ابعدته عنها العنود : اكرهك اكرهكك اكره قربك واكره استسلامي الدايم لك ابعد عني ماابغى اشوفك ولا اسمع صوتك ليش دخلت حياتي ليييش ؟؟ فارس ماقدر يرد عليها لانها كانت منهاره ، اما هي كانت تضربه على صدره لكن مااثرت بصدره الصلب ضرباتها العنود : اطلع من حياتي اكرهك اكرهك(سحبها لحضنه وضمها بقوه وهي زادت بالبكي) اماني ملت وهي تنتظر العنود تمددت عالسرير تاخذ لها غفوه لما ترجع العنود تصحيها ، اما ريم كان جاسه على نار خايفه اخوها يسوي شيء للعنود سبت نفسها ألف مره انها سمعت كلام شيخه وقالت لفارس عن اللي شافته 
 
|
|
12-13-2018
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
100
أناقة طرح وجاذبيه إهتمام و.. اجتهاد واضح في الطرح وذائقة عالية المستوى استمعت النفس بما مرت عليه هنا،،، فبهذا العطاء سنرقي من أعماق القلب أشكرك اخوك محمد الحريري
|
|
  مهم جدآ قرار بخصوص احتساب المشاركات وتوضيح مفصل بالاضافة لشروط استخدام الخاص وصندوق المحادثات تفضلوا بالدخول طريقة احتساب المشاركات وكيف تحصل على مشاركات اضافيه بنجاح - منتديات قصايد ليل قوانين استخدام الشات والرسائل الخاصة - منتديات قصايد ليل
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
