أمسيتنا الليلةمع الشاعرين سلطان الشوق وجروح العمر

جزى هالصدق حرمان وجروح ومصطلح محدود
يقول إن الهـوى ماهـو على شـآنـك يازعلانـه

ترجّينه وش القصّــه علامــك تجحـد الموعـود
ويروح بصمت مايحكي حروفه تِخجل إلسـانـه

مصير الحي يتلاقى ودرب الحب غدا مسدود

...........واشوفك تطلب الرجعه وحبك ضاع عنوانه

نصيحه راجع حسابك ولاتبذل كثيرجهــــــــود

..........انا قلبي نسيته هناك بقصة حب خسرانـــــــه

مواعيد اللقاء ضاعت على عنتر وأبو محمود
وكم من واحدٍ ضـاعت عليه وكـان بإمكــانـه

يحاسب خطوته قبل يتمايـل ويغدي مقـرود
ويدوس قليبه العاشق ويهزم جيش وجدانه

تذكر يوم اعطيتك حناني وماوفيت وعود

..............وبعت الحب قدامي وقطعت الصدق ولسانه

ترجيتك باشواقي ورديت الجميل جحــــــود

.............تبي ترجع لاحضاني حرام القصه خربـــانه

أهنّي فيك هالقسوه قسيتي والقسى موجود
لعــلّ الجــرح يبـرى بـــك بدون ألقــاك ندمــانــه

كــذا تنسيـن بالمـرّه غيــاب الجــارح المقصـود
كـــذا تلقيــن مع غيــره غصــون ورود رويــانــه

رخيت الحبل قدامك ولكنك تبيه مشدود

.............وقطعت الوصل بيدينك وخسرت بدنتك دانه

تغيركل شئ فيني وفهمت الدرس والمردود

............سبايب جــــــرح عانقني وــثور قلبي بركانه

فمــان الله قوليهـا عسـى مـافالليـالـي زود
عسى تبرى جروح أهل المحبه معك يادانه

ندمتى وإنهدم بيت الغـرام وقلّ منك الجود
وصـرتي للرضــاء مبـدآ وليـلة عيد ولهــانــه

شموخي وعزتي هامه تعالت من قديم جدود

...............وجرحي صار له ذكرى بوزن الشعروقيفانه

وتبقى سيرتي اطياب ابخرها بدهن الـــــــعود

..............واقفل كل ملفاتي وازرع ورد بالوانـــــــــه

[table1="width:95%;background-color:black;"]

هلا باللي اذا الفوا سقونا شعر وريح بخور
بسلطان الشعر وياجروح العمر يا اهلين

صح لسان كل واحد فيكم
هذا يضرب والثاني يرد
هذا يدور مخرج والثاني يحاول يمسك الميدان
استمتع باللقاء الاخوي

شاعرين اكن لهم كل الاحترام واقول مبروك للموقع
وجود امثالكم وشروا من يقرأ

بصراحه اذهلتم الكل واشبعتموني شعرآ حقيقيا
وياليتها طالت لانها ماتنمل

الف شكر لكم من القلب

والف شكر يابسمة الم على هذا الجهد الراقي
ومكافأتك عندي



وبختمها ببيت

يقولون الفصول اربع وآنا اقول الفصول اثنين
جروح العمر والسلطان وباقي الوقت مالي به