11-05-2010
|
#61
|
العنود : أنا أول المعزومين على العرس
سهى: ههههه والملكه بعد
العنود: هههههه اوكي اخليج الحين عاد خل نشوفج قبل العرس
سهى: ان شاء الله على خير
العنود: يلا مع السلامه
سهى: مع السلامه
سكرت سهى وابتسامه على وجهها : العنود تبارك لك
فيصل : تصدقين سهى كنت ناوي أول ما تخلصون اختباراتكم أقولج تسألين العنود اني لو خطبتها بتوافق اولا
سهى حست ان قلبها انقبض من الي قاله فيصل : العنود تستاهل كل خير بس مابيدنا شي كل شي قسمه ونصيب
فيصل : الله يكتب الي فيه الخير
العنود من جهه ثانيه قامت تفكر بالي قالت لها سهى حطت راسها على المخده وقامت تتذكر فيصل وهباله ويوم البر والسوق وكل المواقف الي صارت لهم وابتسمت وتذكرت اخر مكالمه بينهم يوم يقولها وانتي حبيبتي غمضت عيونها ونزلت دمعه حااره كانت طالعه من قلبها الله يوفقك يا فيصل ويسعدك
العنود ما تدري ليش حز في خاطرها يوم قالت لها سهى انهم بيخطبون لفيصل هي صدق كانت تغليه وتعزه بس ما عمرها فكرت انها تحبه او شي من هالقبيل فتحت الدرج وخذت head phone حقها وحطت السماعات في اذنها فتحت الراديوا الا تسمع
فقدتك يا اعز الناس فقدت الحب والطيبه
على طول سكرت المسجل وطلعت بره غرفتها ..
بعد العشا راحو للسوق وهناك قالت للهنوف كل شي .. ومن جهه ثانيه فيصل واهله راحو يخطبون وطبعا البنت كانت موافقه لان زي ما قالت سهى مي كانت تحب فيصل ...
مرو هاليومين على خير ورجعت منى من مكه سلمت على اهلها وراحت زارت أهل زوجها عقب راحت لبيتها في الجبيل ..
أول ما دخلت للبيت
منى: الجبيل مرره هاديه ما في احد في الشوارع
فارس: انا اول ما جيتها كنت أقول كذا بس خلاص تعودت على الهدوء
منى قامت تدور في البيت كان حلو ومرتب بس طبعا كان ناقصه أغراض كثيييره كان بيتها دورين قامت تدرور في الطابق الي تحت الي كان فيه مجلس وحمام تابع له للرجال وصاله كبيره ومطبخ ومفتوح على المطبخ غرفه الي هي غرفة الطعام وكان فيه حمام ثاني غير حق الرجال ..
طلعت فوق كان فيه صاله صغيرونه و3 غرف فاضيه غير غرفتها دخلت الغرفه وكان فارس توه طالع من الحمام بعد ما اخذ دش
منى والابتسامه على وجها: نعيما
فارس: الله ينعم عليج حبيبتي ..هاه عجبج البيت
منى: أي ماشاء الله واسع بس مو كأنه كبير علينا
فارس : هههه سويتي استكشاف.. شتقولين انا الي كنت قاعد فيه سنتين بروحي بس ما اعرف الا المطبخ والصاله هذا أكثر قعداتي فيه
منى: عاد الحين انا وياك ماراح تقعد بروحك ان شاء الله
فارس ابتسم وقرب جنبها : ان شاء الله ان ربي يقدرني واسعدج وباسها على جبينها
منى: وانا بعد
فارس :انزين قومي تجهزي عشان نطلع نتعشى
منى : ان شاء الله
فارس كان من النوع الهادي وتقدرون تقولون تقريبا نفس طبايع منى يعني حاله حال نفسه وكان مرررره طيب وحنون وهذا الشي الي خلى منى ترتاح له أكثر ..
مر هالاسبوع بسرعه واليوم عرس ندى وعبدالله ...
في بيت الجده وكلهم كانوا راجعين من المشغل وطلعو فوق يلبسون دلال قعدت تسولف مع جدتها وتوها بتطلع الا يدق التلفون رفعت دلال التلفون
دلال: نعم
عبداللطيف: السلام عليكم
دلال: وعليكم السلام
عبد اللطيف: مين
دلال: انت الي مين
عبداللطيف : انا عبد اللطيف
دلال تفشلت: هلا والله
عبداللطيف: دلال
دلال : نعم
عبداللطيف في قلبه الحمد لله انها رفعت هي : شخبارج
دلال: الحمد لله بخير وانت شخبارك
عبد اللطيف : الحمد لله بخير وعافيه بس ناقصني شوفتكم
دلال : مبروك عليك زواج ندى
عبداللطيف : الله يبارك فيج وانتي مبروك عليج زواج منى
دلال: هههه الله يبارك فيك
عبداللطيف فديت الضحكه
دلال: لحظه اناديلك جدتي ...جدتييييييي جدتييييي
عبد اللطيف: بس ما شبعت منك
دلال: قلت شي
عبداللطيف : لا ولا شي
دلال : اوكي هذا امي فوزيه معاك ..
في غرفة ندى الي كانت تاكل كتكات
الهنوف: السلام
ندى: هلا والله
الهنوف: خوش عروس الناس يوم عرسهم يخافون ما يشتهون ياكلون وانتي قاعده تبلعين بهالكتكات
ندى: حرام عليج ما كلت شي طول اليوم بعدين ليش اخاف
الهنوف: ما علينا وين الكوافيرا
ندى: راحت الحمام
الهنوف وهي طالعه : انزين قومي صلي ترى توه مأذن عشان مره وحده تحطين المكياج
ندى وبكل بروود: ما علي
الهنوف وقفت مكانها ولفت وجهها : وشو ما عليج
ندى: صلاة
الهنوف وهي تضحك : يالخااايسه هذا مو وقتها
ندى: عاد خليته وقتها
الهنوف: امي تدري
ندى: لا ولو سمحتي ما ابيها تدري
الهنوف : ههههههه والله انج رهيبه بس تعجبيني
<<<<< هاذي ندى مو صاحيه >>>
المهم على الساعه 8 الكل كان جاهز والساعه 9 كانوا كلهم في القاعه متجمعين
كوشه ندى والتصميم كله كان ورد جوري أحمر لانها تحب هاللون وتحب الورد فاختارته
ما ادري شقول لكم عن عرس ندى بس كان مرره رومنسي وحلووو حتى زفتها كانت هاديه وحلوه وكان العرس منظم لان ندى قالت ما تبي اطفال ( باستثناء رزان وشهد ودحومي ) ...
على الساعه 12 انزفت العروسه وصورت هي وزوجها عقب على الوحده طلعو .. سلم عليها الكل من الصاله لانها بتروح للبيت تبدل عقب على طول للمطار لانهم بيروحون ايطاليا ..
راحت ندى للبيت ومعها امها وابوها بدلت وسلمت على امها وابوها عقب جاها عبد الله وخذها وراحو ..
الساعه 3 كانوا على متن الطياره عبدالله ما سك يد ندى
عبدالله: تخافين
ندى: لا ليش أخاف
عبدالله: ما ادري بس كثيير يخافون من الطياره وخاصه عند الاقلاع
ندى كانك تدري اني منهم : ههه لا لا تخاف انا مب خوافه
كانت ندى قاعده من جهه الشباك مع وقت القلوع ضغطت على يد عبدالله وغمضت عيونها
عبدالله كان لاف وجهه عليها وهو مبتسم يوم فتحت عيونها وشافتها تفشلت وحمر وجهها وتوها بتشيل يدها الا ضغط عليها ومسكها
عبدالله: انا مرتاح كذا الا اذا كان يضايقك
ندى بحيا: لا شدعوه
نرجع للبنات الي كانوا رقص وهبال في العرس
الهنوف: يا حليلها ندوش الحين هي فووق في الطياره
العنود: الله يحفظهم ويوصلهم بالسلامه يااارب
الهنوف: امييين
العنود: عقبالج عميمه وتغمز لها << العنود كانت تدري بالسالفه لانها سمعت امها تسولف مع خالتها عن خطبة طلال لبدور ..>>
بدور تذكرت الموضوع وقالت في قلبها .. معقوله العنود تدري ..: تو الناس .. الا مو كان الصاله فضت بدو المعازيم يروحون
العنود: عاش مصرف
بدور تطقها بشويش على راسها : اقول استحي
العنود + الهنوف : ههههههههه
دلال: اقول العنود متى راحت سهى
العنود: عقب العشا ليش
دلال : لا بس اسال يا حليلها مره حبوبه وكل ما اشوفها تدخل قلبي اكثر
الهنوف: أي والله سهى عسل ما في منها
بدور: هاذي امها الي كانت معها
الهنوف : لا مرت ابوها
بدور: أي وانا اقول ما تشبهها ابد
دلال: بس ماشاء الله تعاملها وكانها بنتها شكلها بنت حلال
الهنوف: مرره طيبه سهى دوم ما تذكرها الا بالخير كانها امها مو مرت ابوها
بدور: الله يتمم عليها ويزيد من امثالها
العنود الي اول ما جابوا طاري سهى تذكرت فيصل وانه راح يتزوج وقالت لها سهى انها وافقت وراح تكون الملكه في نهاية الاجازه .. الحين انا ليش افكر فيه الله يوفقه وتلف وجهها : أقول يوو وين راحوا
وقفت الا البنات راحوا عنها
العنود: ياهو استنووووو
بعد الفجر كلن رجع لبيته..
منى وفارس كانت طيارتهم لماليزيا الساعه 9 الصباح ...
منىسلمت على اهلها من قبل وعلى جدها وجدتها وجهزت أغراضها عشان الساعه 8 يكونون في المطار ..
بعد ما وصلو العروسين كلمو الاهل وطمنوهم اهم وصلو << اقصد ندى وعبدالله>>
وراحو للفندق اول ما دخلو جناحهم الي كان متوسط الحجم كان عباره عن غرفه وطبعا فيها حمام وزي الصالون الصغيير ومطبخ صغيروون حق الاشياء الخفيفه ..
دخلت ندى وقعدت على الكنب الي في الصالون عبدالله بعد ما دخلو له الأغراض سكر الباب
عبدالله: حمد لله علا السلامه
ندى لفت عليه : تكلمني
عبدالله: ليه في احد غيرج معاي
ندى: هههههه الله يسلمك
عبدالله: أنا فدا هالضحكه
ندى : تسلم
عبدالله : انا بدخل اخذ لي دش اوكي
ندى: اوكي
دخل عبدالله للغرفه وندى قعدت في الصاله لين سمعت ان باب الحمام تسكر وقامت فصخت عبايتها والشيله عقب خذت شنطتها ودخلت للغرفه وقامت ترتب ملا بسها في الدولاب
طلع عبدالله وهي ترتب
عبدالله : ها العروسه شنو تسوي
ندى: ارتب ملابسي _ لفت وجهها عليه _ نعيما يوم شافت الفوطه الي كانت على خصره استحت ولفت وجهها عنه
عبدالله حس فيها : الله ينعم عليج
وجا عندها .. ندى حست بخطواته لها على طول خذت الي تبيه من ملابسها وسكرت الدولاب لفت الا هو مقابلها ابتسمت : بروح اسبح
عبدالله وابتسامه على وجهه : وانا قلت شي
ندى كان احد كاب عليها ماي باااارد تفشلتتت نزلت راسها وكملت طريقها للحمام وقبل لا تدخل
عبدالله: تبين اخليهم يجيبون الفطور فوق والا ننزل
ندى: براحتك .. ودخلت للحمام
عبدالله : ياربي بتذبحني بس يا انا يا هي ..
دق عبدالله وطلب منهم يطلعون له الفطور فوق ..
طلعت ندى من الحمام وكانت لابسه فستان وردي ومورد باللون الابيض كان ناعم مررره جاي على جسمها تماما لانه من النوع الطايح وكان جبنيز وقصير يوصل لتحت الركبه تقريبا .. كانت حاطه بس كحل في عيونها وملمع .. طلعت وعيون عبدالله ترقبها ومنسحره فيها كان شكلها مررره بنوتي وناااعم وعلى طبيعتها وريحة عطلها فايحه في كل مكان وقفت قدام التسريحه وشالت الفوطه من على راسها ومشطت شعرها ونشفته بالاستشوار الهوا عقب رفعت نص شعرها ..
هي كانت حاسه بمراقبة عبدالله لها يوم خلصت على حضها دق الباب وكان الفطور ..
عبدالله: يلا حبيبتي الفطور
ندى: ان شاء الله
طلعت وقعدت على الطاوله الي كانت في المطبخ كان اكل ندى خفيف بس شربت الكافي وكلت لها توست مع زبده وجام وقامت
|
|
|
|
|
11-05-2010
|
#62
|
عبدالله: ما كلتي شي
ندى: شبعت
عبدالله : بالعافيه
ندى : الله يعافيك
عبدالله وهو متعمد: حبيبتي لا تستحين خذي راحتج ترى انا زوجك
ندى الي كانت فاهمه قصد عبد الله اكتفت بابتسامه
سكتت شوي وهي داخله الغرفه شافت شنطة عبدالله ارتبها والا لا اخاف ما يحب احد يمسك اغراضه يوووو برتبهم وكيفه ..
ندى فتحت الشنطه ورتبت اغراضه وحطتهم في الدولاب
دخل عبد الله وهي ترتب الاغراض وانسدح على السرير يطالعها وخصل من شعرها على وجهها بعد ما خلصت لفت عليه ..
عبدالله: تسلمين
ندى: الله يسلمك
... بعد لحظة سكوت ...
عبدالله: ماراح تنامين
ندى حست جسمها كله يولع نار : لا ما فيني نوم انت شكلك تعبان ارتاح انا بطلع اشوف التلفزيون
عبدالله: براحتج
طلعت ندى وحمد ربها ... قعدت في الصاله تفرر تلفزيون مرت عليها ساعه وهي مو حاسه بروحها نامت على الكنب ...
منى وفارس من جهه ثانيه كانوا في طريقهم لماليزيا ..
اما في السعوديه فكان كل واحد في بيته يرتاح بعد هالعرسين الي كانو ورى بعض
في بيت الجد والجده الي كانوا قاعدين في الصاله
الجد: ها يا ام عبد العزيز فاتحتي بنتج بالموضوع
الجده: قلت لها وقالت تبي تفكر وانا قلت لام جاسم وقالت خل تاخذ راحتها... ليه بو جاسم قالك شي
الجد: لا بس ما حبيت نطول عليهم وولدهم ما ينعاب
الجده: الله يكتب الي فيه الخير
الجد: امين .... الا ما قلتيلي خلاص عزمتي نروح مكه ان شاء الله السنه مع البنات
الجده: والله ما في احسن من بيت الله نروح نقعد فيه كم يوم عقب نمر ابها والطايف والله من زمااان عنهم يابو عبد العزيز
الجد: أي والله تذكرين ذيك السنه يوم نروح مع بدور وفيص ومنيره قبل لا تتزوج
الجده: أي والله كأنها امس الايام تركض وكله من عمرنا
الجد: أي والله ما اقول الا الله يحسن خاتمتنا بس
الجده: امييين
الجد: خلاص انتي قولي للبنات وحددي الوقت ونروح
الجده : ان شاء الله
نرجع للعروسين الي كانو في ايطاليا ..
عبدالله صحى من النوم شاف الساعه قام دخل للحمام وخذ دش طلع وصلى الظهر والعصر جمعهم فتح الستاره وكانت الدنيا قريب وتظلم طلع للصاله وشاف ندى الي كانت لامه نفسها من البرد ومنسدحه على الكنب
عبدالله: هذا الي ما تبي تنام
قرب وحط يده على ذراعها ولقاها بارده : ندى ندى
ندى فتحت عيونها يوم شافت عبدالله قعدت
عبدالله: جسمج مثلج قومي نامي داخل
ندى وهي تشيل شعرها الي كان طايح على وجهها : لا خلاص شكلي نمت وااجد متى صحيت ؟؟
عبدالله : توني صاحي سبحت وصليت وجيت اقومج يلا قومي عشان نطلع
ندى : ان شاء الله
دخلت ندى الحمام خذت دش ولبست الروب حقها طلعت وحمدت ربها ان عبدالله مو في الغرفه قفلت الباب وبدلت وتزينت على راحتها عقب فتحت الباب وكانت جاهزه
عبدالله: ها جهزتي
ندى : أي خلاص
عبدالله: يالله ياقلبي مد يده لها وطلعوو طبعا كانت الدنيا مظلمه راحو تمشو عقب تعشو ورجعو للفندق الساعه 11
بعد ما رجعو عبدالله دخل للحمام خذ له دش وعقب دخلت ندى وخذت لها دش طلعت وكانت لابسه بيجامه حمرا ومع بياضها صارت تهبللل ..
عبدالله يصلي بعد ما خلص عبدالله صلاة خلى السجاده مكانها على اساس ان ندى بتصلي ...
ندى كانت عند التسريحه تحط كحل و ملمع شفاه خلصت ولفت على عبدالله وابتسمت : تقبل الله
عبدالله: منا منكم
وقعد يطالعها
ندى : شفيك ؟؟
عبدالله : قاعد أطالع القمر مين قدي ؟؟
ندى ابتسمت وقامت من مكانها وشالت السجاده من الأرض وسفطتها ..
عبدالله: ماراح تصلين
ندى وهي تحط السجاده فوق الطاوله وبدون ما تطالعه : لا ما علي صلاة
عبدالله رفع حواجبه وقعد يطالعها وهو مبتسم .. ندى حست بنظراته وتحسفت على الي سوته لانها في موقف لا تحسد عليه ولا حطت عيونها بعيونه
عبدالله بصوت هادي : حبيبتي
ندى قلبها قام يضرب بقوه لفت عليه : هلا
عبدالله ولا عليج امر ممكن كاس ماي
ندى : من عيوني
وراحت تجيب له كاس ماي
عبدالله فتح الباب حق البلكونه الي في الغرفه ... دخلت ندى الغرفه ونسمه الهواء الي هبت حركت شعرها وراحت للبلكونه يوم دخلت مالقت عبدالله استغربت لفت وجهها الا عبد الله وراها وهو مبتسم
ندى : تفضل
عبدالله : شربيني
ندى رفعت حاجب وقامت تطالعه بنظره
عبدالله:شفيج تطالعيني كذا
ندى مدت يدها وشربت عبدالله
ندى : بالعافيه
عبدالله : الله يعافيج
ندى توها بتدخل عبدالله مد يده وجات على خصرها ندى وقفت
عبدالله : على وين
ندى : بدخل الكاس
عبدالله: حطيه هنا
حطت ندى الكاس وصارت مقابله عبدالله وهو واقف تقدم لها خطوه وصار قريب منها وما بينهم شي
رفع راس ندى وصارت عيونه بعيونها
ندى خلاااااص الله يرحم حالها من الحيا كانت قريبه من عبدالله لدرجة انها تحس بأنفاسه
عيونهم الى الان متعلقه في بعض
عبد الله : أحبج أمووووت فيج وكل شي تسوينه زي العسل على قلبي
ندى في ذيك الساعه تحسفت على كل لحظه ما حبت فيها عبدالله تاكدت انها مستحيل راح تلاقي احد يحبها كثر عبدالله وعرفت انها كانت ظالمته مو عشان الي قال .. عشان اسلوبه وطيبته معاها على كثر الي سوته له
ندى غرقت عيونها وابتسمت وحطت راسها على صدر عبدالله ونزلت دمعه حااااااره من عيونها عبدالله لف ذراعه حوالين ندى ( يعني لمها )
عبدالله: الجو بارد يلا ندخل
في السعوديه ...
رفعه وأهلها كانوا بيروحون الكويت لأهلهم بيطلعون بكره الفجر ..
سلمان: حبيبتي والله بشتاق لج
رفعه: وانا بعد بس انا ماراح اروح امريكا ترى كلها الكويت مو من زود بعد
سلمان : وانا بخليج بغثج كل يوم بدق اتطمن عليج
رفعه: اذا ما يغثني سلمان حبيبي منو يغثني
سلمان : رفعه
رفعه : لبييه
سلمان : رفعه
رفعه: لبييه
سلمان: رفعه
رفعه : لبييييييييه
سلمان: أحبج
رفعه استحت : .................
سلمان: وينج ؟؟
رفعه: معاك
سلمان : ااااااااااه
رفعه: اسم الله عليك من الااااااااه
سلمان : تقولين لي معاك انتي اصلا لو كنتي عندي تدرين شبسوي فيج ؟؟
رفعه: لا ما ادري
سلمان: أقولج والا اخليها مفاجأه لين ما تكوننين عندي
رفعه: ههههههه خلها مفاجأه أحسن
سلمان : لا تخافين ماراح اكلج بس بعضج
رفعه: هههههههه حرام ليش تعضني انا شسويت
سلمان: خليتيني مجنون
رفعه : اناااا اااااا
سلمان : أي انتييييييي .... صرت مجنون فيييج
رفعه : ههههههههه
وتم يسولف معاها .. سلمان ورفعه ثنائي ولا أحلى طبايعهم مثل بعض كلهم راعيين وناسه وفرفشه واندمجوا مع بعض ورفعه حبت سلمان في هالمده القليله باسلوبه المرح وطيبة قلبه وحتى سلمان الي كان منهبل عليها من أول ما شافها .... ورفعه نسته كل البنات الي كان يكلمهم الا ليلى الي كانت دووووم تدق وترسل له ..... على انه فهمها انه خلاص راح يتزوج ولازم علاقتهم تنتهي ..
في بيت عبد العزيز...
ريم : يبى وين بنسافر السنه
عبدالعزيز: وين تبون تروحون
العنود: نبي مكان يكون الجو حلو لا برد ولا حر
ريم: لا لا نبي مكان فيه مطر وخضره
عبد العزيز: هههههه خوش كل وحده تبي مكان شكل ... قولولي وين تبون تروحون وانا احجز لكم وروحو مع امكم واخوكم محمد
ساره: وانت ؟؟
عبدالعزيز: والله انا ما اقدر اخلي الشركه يكفي عبدالله مو موجود
العنود: عمي موجود
عبدالعزيز: ما يصلح اخلي الشغل كله على عمج يا بنتي
ساره : انا مالي طلعه من هالبيت الا مع ابوكم
ريم: يعني ماراح نروح مكان
ساره: روحو مع جدتكم هذاهم بيروحون أبها
عبدالعزيز: أي والله أبها كلها خضره وجوها ولا أروع
ساره: وبعد أحسن عشان مانحاتيكم داخل البلاد
عبد العزيز: واذا لقينا فرصه ان شاء الله نلحقكم بعد
العنود :بيروحون مكه
عبد العزيز: من قدهم بيروحون يشوفون بيت الله أحسن من أي مكان بالدنيا
العنود: أكيد يبى انه احسن مكان بس حرر
ريم: بس بيروحون أبها والطايف والصراحه جوهم ولا اروع صدق العنود خل نروح مع البنات أكيد ونااسه
العنود: ليش انتي رايحه لهم عشان تقولين جوهم ولا اروع
ريم : لا بس اسمع الناس
ساره : اقول يمى ريم ما عليج من اختج اذا تبين تروحين قولي لابوج عشان يحجز لج تروحين معاهم بعدين اكيد دانه هناك وبتستانسين
ريم: خلاص يمى ان شاء الله اذا رحنا بكره عند جدي نشوف متى رحلتهم عشان احجز معهم
عبد العزيز: وانتي العنود ؟؟
العنود: ما ادري بشوف ...
يوم الجمعه في بيت الجد فهد
العنود: بس جدتي مو كأنه تعب بالسياره
ريم: الي يشوف انتي بتسوقين
الجده: لا مو تعب بالعكس احسن عشان تشوفين الطريق وانتي رايحه
|
|
|
|
|
11-05-2010
|
#63
|
بدور: الله يهداج يمى كله رمل لو خضره كان بلعناها
ساره: هالرمل الي مو عاجبج يتمنونه الغرب
خلود: أي وانتي الصادقه احنا ندور هالخضره وهم يدورون الصحراء
الجده : يازين بلادنا والله الله يحفظها لنا
الكل : اميييين
المهم اتفقت العائله انهم يسافرون بعد اسبوع تقريبا باستثناء عبدالعزيز وعبدالرحمن وساره وفاطمه
العنود بعد حنه بدور والبنات قالت بتروح ...
في ايطاليا ...
ندى كانت قاعده على السرير وعبدالله كان يصلي خلص الصلاة وجا بيشيل السجاده
ندى: لا لا خلها بقوم أصلي
عبدالله رفع عيونه لها : اووو بتصليين طيب
ندى طالعته بنظره وفيها الضحكه خذت جلالها حق الصلاة وصلت أما عبدالله طلع بره الغرفه ..
خلصت ندى صلاة راحت لعند التسريحه عدلت نفسها جات بتطلع للصاله وهي عند الباب مدت يدها
ندى: يووو نسيت
الا يفتح عبدالله الباب وسمعها : وشو نسيتي
ندى: لا بس بلبس الروب << تقصد القطعه الثانيه حق القميص الي كانت لابسته >>
لفت وجهها وراحت تاخذه وكان على الكرسي .. عبدالله سكر الباب وطفى النور ..
ندى بلعت ريقها وغمضت عيونها ياربييي شلون بشوف الطريق ..الحين بطيح فتحت عيونها حمدت ربها ان نور الأبجوره كان مفتوح على انه خفيف ويالله تشووف .. مسكت ندى الروب توها بترفعه الا يد عبدالله على يدها لفت عليه: شفيك
ابتسامه على وجهه : ماله داعي وجر يدها و........ ......
في السعوديه .. مر الاسبوع عليهم وجا وقت سفرهم والكل كان متجمع في بيت الجد ومختبص البنات من العصر وهم في المطبخ يسوون فطاير وخرابيط يتلون فيها وهم في الطريق وطبعا ماقصرو بدور والعنود راحو للسوبر ماركت وجابو كل شي يبونه << الي يشوف بيروحون صحراء >> بس تعرفون هبال البنات ..
سلمو البنات على اهاليهم وكانوا بينامون في بيت جدهم
على الساعه 12 كانو البنات قاعدين في الصاله ..
ريم: والله مو جايني نووم أبد
دانه: حتى انا
العنود: الله كل هذا وناسه
ريم: أي الصراحه اول مره نسافر مع بعض
العنود : ريموووو عن الشلخ
ريم: أي والله من جد اول مره نسافر طريق طويل مع بعض في السياره
الهنوف : صح دايم نروح بالطياره
بدور: والله مره رحتوا بالسياره
العنود: لا
بدور: ايوه على الرقه
العنود: أي رقه الله يسلمج بس اسرع
بدور: حلاتها بالسياره والله ونااسه صدق تعب بس وناااسه
الهنوف: حمستيني
خلود تدخل عليهم الصاله: السلام عليكم
الكل: وعليكم السلام
خلود: الا الان ما نمتو قوموا .. وراكم طريق بكره
ريم: مب راضي يجينا نوم خالتي
دانه: من الوناسه يمى
خلود: هههه الله يتمم عليكم بس جهزتوا اغراضكم
الكل: أي
دلال: يمى متى بنطلع
خلود: ان شاء الله على طول بعد صلاة العصر .. يلا انا بروح انام تصبحون على خير
الكل وانتي من أهله
دلال : انا اساذن
الهنوف: على وين؟
دلال: بروح أفتح النت شوي
البنات قعدوا يسولفون لين الساعه 2 عقب راحوا نامو ..
دلال راحت فتحت النت وطبعا كانت تسولف مع عاشق بلادي الي تقريبا نقدر نقول ان دلال تعلقت فيه وحبته وتحوس بإيميلاتها وقعدت تقريبا الى الفجر ..
يوم السبت العصر الكل كان جاهز والأ غراض في السياره ..
كانو جمسين الي تحركو ..
واحد فيه الجد والجده وخلود وشهوده وريم ودانه ..
والجمس الثاني فيه محمد وسلمان والعنود والهنوف وبدور ودلال
الجد ساق لين الرياض ونزلز تعشو هناك عقب كملو الطريق والي كان يسوق بدال الجد هو محمد ....
في البدايه هم راح يروحون المدينه وبيقعدون فيها 3 أيام عقب بيروحون مكه ..
وصلو المدينه الصباح وكلهم اول ما وصلو قطو روحهم على الفراش ونامو من التعب ولا صحو الا العصر
الهنوف: وين العنود
دلال: اتوقع راحت الشقه الثانيه عند جدي
العنود: السلام عليكم هاه جهزتو
الكل : وعليكم السلا م
دانه: أي خلاص الحين بينزلون
العنود: أي يلا البسو عبايا تكم
لبسو البنات ونزلو كلهم مع بعض كان باقي نص ساعه على اذان المغرب فراحوا للمسجد على طول بعد الصلاة طلعو البنات بس الجده قعدت في المسجد ...
البنات قامو يدورون ويحوسون في السوق الي جنب المسجد
مروعليه هالثلاث ايام حلوه وماشبعو منها جدهم خذهم في الثلاث ايام وراهم جبل احد وبدر وغار ثور والمقبره الي اندفنو فيها الصحابه في غزوة بدر وطبعا العنود كانها مصور صحفي مع كاميراتها مابقت شي الا وصورته وحتى وهم في السوق وما خلو مكان الا راحوا له ...
بكره راح يروحون مكه طبعا الكل كان مستانس المدينه حلوه تحسين فيها بالراحه يكفي انها كانت مهجر النبي صلى الله عليه وسلم بس مكه بيت الله لها طعمها الخاص كان الكل مستاانس بروحتهم لمكه وكلن متشوق يشوف الكعبه طلعو من الفجر من المدينه وعقب راحوا لمكه وطبعا كانوا حاجزين لهم من قبل لانهم عارفين مكه وزحمتها في العطله حطو اغراضهم وعقب طلعو للحرم وصلو الظهر وهم راجعين خذو لهم غدا وعقب رجعو للجناح حقهم ..
العصر طلعو مره ثانيه وقامو يحوسون طبعا مكه مستحييييل تقعدين فيها ماترجعين للسكن الا للنوم عاد البنات ياليتهم ينامون ساعه في الليل ونومة الظهر وبس ..
الساعه 1 ونص في الليل كان الكل في الحرم يصلي شهد قامت تصيح تبي ترجع
خلود: طيب استني الحين بنروح كلنا مع بعض
شهد : لا ابي اروح انام
الهنوف: خالتي انا بروح خلصت صلاة وبعد دخت باخذها معاي
خلود : انزين انتبهي للطريق
الهنوف: اوكي قولي لجدتي عشان ما تحاتي
خلود: ان شاء الله يالله شهد قومي مع الهنوف
شهد: طيب
خلود: الهنوف حبيبتي اول ما توصلون دقي علي
الهنوف: ان شاء الله
خذت الهنوف شهد وراحت ولان السكن مرره قريب كان مقابل الحرم على طول الهنوف ما خافت وهي رايحه مرت على مجمع ابراج مكه وقالت تبي تدخل السوبر ماركت هي من زمااان خاطرها في ايس كريم جلكسي
دخلت السوبر ماركت بسرعه وخذت الايس كريم سالت شهد اذا تبي شي قالت لا ووقفت عند الكاشير وتوها بتدفع فتحت شنطتها مالقت البوك
الهنوف في قلبها ياربيي وش هالورطه انا وين حطيته قامت تدور في الشنطه فتحت السحاب الا تلقى خمس ريال حمدت ربها لان الايس كريم بخمسه ريال عطته الفلوس ... الا شهد تقول:
شهد: الهنوف
الهنوف: نعم
شهد: ابي تكتاك
الهنوف كان احد صاب عليها ماي ما عندها فلوس بوكها ما جابته ياربي وش هالورطه خذت الايس كريم وتقدمت
الهنوف: حبيبتي شهد بكره اشتري لج كتكات
شهد: لا ابي الحين ما ابي بكره
الهنوف : شهوده ما عندي فلوس
شهد: عندج اجل شلون شريتي ايس كريم
الهنوف: ما عندي الا خمسه وشريت فيها بوكي نسيته في الشقه
شهد وصوتها فيه الصيحه : لا ما اابي ابي تكتاك الحين وغرقت عيونها
الهنوف: ياربيييي وش هالورطه حبيبتي شهوده لا تصيحين انا عندي في البيت كتكات نروح واعطيح
شهد صرخت : لاااااااااااا ابي الحين
الهنوف : شهد لا تصرخين يلا بنروح للبيت وتمشت
شهد كانت دايخه تبي تنام ومعصبه وعاد تعرفون البزران اذا فيهم النوم .. قعدت على الارض وقامت تصارخ وتصيح الهنوف جاتها الصيحه مو عارفه شتسوي الي يشوف بيقول شرت لعمرها ولا شرت لأختها هي مو عارفه شلون تتصرف لان ما عندها اخوان صغار الكل قام يطالع في شهد وهي تصارخ وتصيح الهنوف وقفت تطالعها من بعيد وما عرفت شتسوي
تجمع الكل على شهد وجا واحد وشالها
الشاب : حبيبتي شفيج
شهد وهي تمسح دموعها وتشاهق من الصياح : ابي تكتاك
الهنوف قامت تطالع وتحسفت انها تحركت من مكانها ياربيييي وش هالموقف انا ليش تحركت لو اني قاعده وطالعه معهم احسن لي ياربييي الله يستر وهي ميته خوف ومو عارفه شلون تتصرف ..
الشاب: حبيبتي شسمك
شهد وهي مستمره بالصياح : شهد
الشاب: وشو تبين ؟
شهد: ابي تكتاك
الشاب ما عرف شهد وش تقصد :طيب روحي خوذي تكتاك وتعالي
راحت شهد وخذت لها كتكات
الشاب اول ما شافه بيدها ضحك : هذا الي تبينه
شهد: أي
راح الشاب وخذ لها عشر حبات وحطهم في كيس وعطالها
شهد: لا انا ابي بس واحد
الشاب : معليه خوذيهم كلهم
شهد: شكرا عمي بروح اجيب بوك الهنوف واعطيك فلوس
الشاب : لا حبيبتي انا ما بي خلاص خوذيهم هديه مني
شهد : ترى الهنوف عندها فلوس بس تقول نستهم في الشقه عشان كذا
الشاب قام يضحك : لا حبيبتي معليه انتي بروحج هنا
شهد : لا مع الهنوف وتاشر عليها
رفع الشاب عيونه وكانت الهنوف تطالعهم من بعيد واول ماطاحت عيونهم في بعض نزلت الهنوف عيونها
الهنوف: ياربيييييي ياشويهد انتي شنو سويتي ياالله انقذني من هالموقف والعبره خانقتها
الشاب ابتسم وقال لشهد طيب يلا حبيبتي روحي عند الهنوف تنتظرك
شهد: طيب
وتوها بتروح الا لفت وجهها عمي
الشاب : هلا حبيبتي
شهد : تعال بقولك شي
|
|
|
|
|
11-05-2010
|
#64
|
نزل الشاب لشهد قامت شهد وباسته على خده : شكرا
الشاب استانس مرره من حركه شهد وباسها على راسها
وراحت شهد للهنوف
الهنوف: شهد ليش تسوين كذا عييييب
شهد : قلت لعمي ان الهنوف بترجع لك فلوس اذا جابت بوكها قال لا عادي
الهنوف شهقت : وبعد قلتي له اسمي ياحلوج يالله يالله تاخرنا بسرعه خل نرجع
راحت الهنوف مع شهد وبسرعه بسرعه طلعت للطابق الي هم فيه وهي في طريقها دقت على خالتها خلود وقالت لها انهم وصلو ..
وقفت عند الباب الا تنسى ان ما معها البطاقه
الهنوف: يااااربيييي انا شفيني اليوم مخرفه كل شي ناسيته
شافت العامل وقالت له يفتح لها الباب لان البطاقه مو معها ..
فتح العامل الباب
الهنوف : شكرا
العامل هز راسه وراح...
فتحت الهنوف الباب دخلت شهد والهنوف لفت عشان تسكر الباب وفتحت الغطا : اووووووووووف تعبت
شهد : يوووو محمد انت هنا
الهنوف : تجبست مكانها ولا عرفت شتسوي
محمد: وانا اقول من هذا الي بيدخل علي وين البنات عنج
شهد : انا جيت مع الهنوف
محمد يوم سمع اسم الهنوف ابتسم: وينها ؟؟
شهد: هنا عند الباب
الهنوف على طول عدلت غطالها وتوها بتطلع
محمد: تعالي وين رايحه
الهنوف لفت عليه: اسفه غلطت حسبالي هاذي غرفتنا .. مسكت مقبض الباب
شهد: طيب شلون بتروحين الغرفه الثانيه وما عنك مفتاح
الهنوف في قلبها الله يغربلج يا شويهد ما تعرفين تنطمين ...
لفت الهنوف وجهها وعيونها بمحمد: أي بس
محمد وهو يضحك : تعالي اقعدي ما في احد بروح اشوف العامل يجي يفتح لكم الغرفه
الهنوف وقفت مكانها ومر محمد من جنبها فتح الباب وطلع
الهنوف: ياربيييييييي والله بموت انا ليش تصير لي مواقف كذا
دقايق الا جا محمد : الهنوف
الهنوف: هلا والله
محمد : يلا خلاص
شهد راحت تركض للغرفه
الهنوف طلعت وتوها بتدخل لفت وجهها : شكرا
محمد: ما سويت شي ماله داعي الشكر بعدين اسم الله عليج من الموت اذا متي انا شسوي بعمري
الهنوف نزلت عيونها وهي ميته من الحيا ياربي سمع الي قلته
الا سلمان يجي : حمووود
محمد لف وجهه : جا شين الحلايا
الهنوف: ههههههه
محمد: ان شاء الله دوووم الضحكه يارب
سلمان : السلام
محمد: هلا والله بالمعرس
سلمان: عقبالك
محمد يلف على الهنوف : ان شاء الله عن قريب _ ويغمز لها _ بس عسى توافق
سلمان: منو انتي
الهنوف: اناااا الهنوف
سلمان: وانا أقول شفيه الاخ لاف وجهه عليج وانا معطيني مقفاه
الهنوف خزت سلمان: عن اذنكم وسكرت الباب
سلمان: ههههههههه
محمد: ليش تضحك
سلمان : عليكم .. تعال لايكون واقف تسولف معها عند الباب
محمد يطالعه بنص عين وهو داخل لغرفتهم : ليه شايفني خبل زيك جات قبلهم ونست البطاقه فقلت للعامل يفتح الباب
سلمان وهو يرمي الغتره والعقال فوق الكنب : أقول كأنا عطيناك وجه
محمد: شخبار العروس
سلمان الابتسامه شاقه وجهه : توني مكلمها بخييير وتسلم عليك
محمد: الله يسلمها ... ااااااااااه
سلمان: شفيك تتأوه
محمد: تعبت
سلمان وهو داخل الحمام : سلامات ياولد اخوي من وشو تعبت ؟
محمد: من الي كاتمه في قلبي .
سلمان: افااا وانا عمك وانا وش شغلتي فضفضلي
محمد: سلمانوووو شرايك بالهنوف
سلمان: الهنوف بنت أخوي
محمد: لا بنت الجيران
سلمان: والله ما شفتها بس ابشر اسالك امي عنها
محمد قام وراح لسمان وتتكا على الباب : حظرتك احر ما عندي ابرد ما عندك
سلمان وهو يدري وشو الي يدور في بال محمد ويبي يهبله : انت سالتني وانا جاوبت
محمد : عن الطناز انا اقصد بنت عمي عبدالرحمن
سلمان طلع من الحمام بعد ما غسل وجهه : شفيها
محمد: يووووووووه ويبيني أفضفض له بعد .. قم زيييين _ وراح فتح التلفزيون _
سلمان: هههههههه ما اقدر انا على الحب
محمد لف وجهه على سلمان وهو يعظ شفته السفليه : بذبحك
سلمان: ههههه ما تقدر ...
محمد: هذا المشكله طيب ما جاوبتني
سلمان : عن وشو
محمد: سلماااااااانوووو
سلمان: ههههه خلاص خلااص ... من أي ناحيه تبي رايي فيها
محمد وهو حاط يده على خده وعارف ان السالفه بتطول : من كل النواحي
سلمان: والله شوف يكفي انها بنت أخوي عبدالرحمن ما شاء الله ادب وأخلاق وجمال .. يابخته ولد خالها
محمد بعصبيه: وش دخل ولد خالها
سلمان وهو يلبس ثوب النوم : ما دريت انه خطبها
محمد تجبس في مكانه وعيونه شوي وتطلع : نعم نعم نعم
سلمان: الله ينعم عليك .. لا والله لا تقولي ما تدري وعلى نهايه الاجازه بيملكون
محمد: يهبى
سلمان جاته الضحكه فلف وجهه عشان محمد ما ينتبه
محمد: مستحيل أصلا شلون توافق ... سلمان من جدك
سلمان: انا فاضي امزح معك وبعدين ليش مستحيل ولد خالها ويبيها والقريب اولى من البعيد .... غريبه عنيده ما قالت لك
الا يطق الباب
سلمان: هذا أكيد أبوي بروح افتح
سلمان فتح الباب وطلع الجد
الجد: السلام عليكم
سلمان : وعليكم السلام وحب راس ابوه هلا يبى شخبارك
فهد: الحمد لله انتو شمسويين
سلمان: الحمدلله انا بخير وعافيه_ ويطالع محمد الي كان سرحااان_ أما محمد قبل شوي يقول انه تعبان
فهد: هاه محمد سلامات وانا جدك شفيك؟؟
محمد: ..................
فهد: محمد؟؟
سلمان جا وقف قدام محمد ويحرك يده قدام عيونه : يااااهووووه
محمد نقز من مكانه : هاه شفييك؟
سلمان ضحك على نقزة محمد : ابوي له ساااعه يناديك وانت ما ترد وين سرحت
محمد لف وجهه : هلا جدي وقام حب راسه
الجد: شفيك يقول سلمان انك تعبان
محمد: لابس مصدع شوي انا بنام اذا اذن الفجر قوموني
|
|
|
|
|
11-05-2010
|
#65
|
محمد انسدح على فراشه وهو يفكر بالهنوف معقوله ياخذها أحد غيره لا مستحيل أصلا هي تحبني شلون توافق ... بس يمكن سلمانوا يكذب لا ليش يكذب وش مصلحته أصلا هو ما يدري اني أحبها ....
قعد يفكر فيها ولا قدر ينام
الهنوف دخلت الحمام تسبح وبعد ما طلعت انسدحت وعلى السرير وقامت تفكر بالي صار لها اليوم ..
أول ما اذن الفجر الكل قام نزلو وصلو عقب الشباب مرو على الفوال وخذو لهم فول وتميس ورجعو الشقه فطرو البنات الي كان صاحي بس ... عقب ناموا
اليوم الثاني انزلو البنات يتسوقون
العنود: الله هالجلابيه حلوه
بدور: أي وحده
العنود: شوفيها ذيك المعلقه .. بروح أشوفها
دلال : اذا خلصتو الحقونا
بدور: اوكي روحو والحين نجي
بدور والعنود راحويشوفون الي يبونه وراحت الهنوف معاهم ..
العنود : أقول الهنوف شرايج بالجلابيه هاذي لسهى
الهنوف: بتاخذينها لها
العنود: أي سهى تحب هاللون وتذكرتها قلت اخذها لها
الهنوف: حلوه والله خذيها
العنود: اوكي
الهنوف قامت تحوس بالجلابيات الي كانت معلقه بره وما شافت شي عجبها رجعت على ورى الا تصقع في احد الهنوف لفت وجهها : اوو اس..... انصدمت بالي شافته <<< كان الشاب الي اشترى لشهد الكتكات
الشاب كان منزل راسه : أنا اسفه أختي ما انتبهت
الهنوف: لا عادي
الا تجي شهد وهي تصرخ : عميمه بدووور والعنود والهنوووف يلاااا بسرعه تقولكم دلال
بدور: انزين يلا بس ندفع ونجي الهنوف اسبقينا معها
الهنوف: ان شاء الله
الشاب أول ما سمع اسم الهنوف رفع راسه وقال في قلبه : يا محاسن الصدف الي صقعت فيها اهي الهنوف
شهد لفت وجهها الا تشوف الشاب ابتسمت : عمييي
الشاب : هلا شهوده_ ونزل سلم عليها _ شخبارك
شهد: زينه أنا بروح ألحين طيب
الشاب: طيب حبيبتي مع السلامه
الهنوف كانت تطالعه وهو يسلم على شهد رفع عيونه وشافها وهي تطالعه ابتسم الهنوف على طول لفت وجهها :يلا شهوده حبيبتي
شهد: يلا
وراحت ... العنود وبدور دفعو ولحقوهم وراحوا للحرم وقعدو هناك وصلو المغرب
ريم: عطشت
دانه: هاج ماي
ريم شربت شوي : حاااار
الجده: حمدي ربج الناس مب لاقين قطرةماي وانتي تقولين حار
ريم: الحمد لله ... بس الدنيا حر مين يروح معي بروح اجيب لي ماي بارد
دانه: والله ودي بس تعبت من المشي
ريم: ادري فيج عجوز
دلال: يلا انا بقوم خاطري امشي
ريم: يلا تبون شي
العنود: جيبي لي ببسي
بدور: حتى انا
دانه: وانا بعد
ريم: جدتي تبين شي
الجده: ما ابي الا سلامتج
ريم: الا تعالوا خالتي خلود وينها
دلال: ما جات في الشقه توها داقه تقولي الحين بتجي
العنود: أنا بروح أودي هالأكياس شكلها غلط وهي هنا قومي الهنوف معي ومره وحده نجي نع خالتي خلود
الهنوف: ........
العنود قامت وشالت الاكياس : الهنوووف ياهووو وتدفها
الهنوف: وجع شفيج
العنود: الاخت سرحااانه وانا لي سنه اتكلم قومي نودي الاكياس للشقه
الهنوف: طيب
قامت العنود والهنوف .. وهم في الطريق
العنود: الهنوف شفيج
الهنوف: ما فيني شي
العنود: لا فيج انتي من امس مو طبيعيه
الهنوف: لا تخافين ما فيني شي بس متضايقه شوي
العنود: حد مزعلج
الهنوف : لا لا تخافين بس احس اني تعبانه شوي
العنود: سلامات تبين نقعد في الشقه
الهنوف: لا لا شدعوه مو لهالدرجه
دخلو للفندق وقفو عند المصعد وهم يستنون الا محمد جاء
العنود: هلا محمد
محمد لف وجهه : هلا العنود
الهنوف يوم شافت وجه محمد كان مبين عليه تعباان فز قلبها وعيونها ظلت معلقه فيه
محمد: شفيكم والقفين؟؟
العنود: انا والهنوف قاعدين نستنى المصعد نبي نطلع الاكياس فوق
محمد يوم سمع اسم الهنوف انقبض قلبه بس مالف وجهه عليها
فتح المصعد وطلعوا الهنوف كانت مقابله محمد عيونها كانت متعلقه فيه ولا نزلتها كانت تشوف الشحوب الي فيها ومحمد ولا رفع عيونه لها الهنوف حست ان فيه شي لان محمد مو من عادته ما يطالعها .. فتح المصعد وطلعوا الهنوف دخلت للغرفه اما العنود راحت مع محمد لجناحهم
محمد: شفيج خليتي الهنوف وجيتي
العنود: محمد شفيك شكلك تعبان
محمد: أي احس اني مصدع شوي
محمد كان قاعد على الكنب ومنزل راسه للأرض العنود قربت من محمد رفعت راسه وطالعت في عيونه
العنود: محمد أنت متضايق وحالتك حاله والهنوف هم بعد متضايق شفيكم صار بينكم شي
محمد : الهنوف شفيها متضايقه
العنود ابتسمت على لهفة محمد بسؤاله عن الهنوف : والله ما ادري
الا الباب يطق ... قام محمد فتح الا طلع سلمان
سلمان : السلام عليكم
العنود+محمد: وعليكم السلام
سلمان: هلا والله وانا اقول شفيه منور المكان أثر العنود موجوده
العنود: احم احم ... ههههههه تسلم النور نورك شخبار رفعه
سلمان: بخير وتسلم عليك
العنود: فديتها ياني مشتاقه لها
سلمان: وانا مشتاق لها بعد بس ماباليد حيله
العنود: ههههههه
محمد: لا بعد هذا وهو كل يوم يكلمها
العنود: عادي الحب يسوي أكثر .. الله يهنيك ياعمي
سلمان : تسلمين
الا سمعو اذان العشاء
العنود: يووو اذن يلا انا بروح مع الهنوف يووووو نسيتها في الغرفه وقعدت اسولف معكم يلا سلاام
وطلعت
سلمان: سلاام
لف وجهه على محمد: ياهووو انت شفيك
محمد: ولا شي
سلمان : كل هذا ولا فيك شي اجل لو فيك شلون بتصير
محمد خذ نفس :انا بروح لاتوضا يلا عشان نروح نصلي
دخل محمد الحمام يتوضا وعقب دخل وراه سلمان طلعو الا في طلعة العنود والهنوف
سلمان : هلا الهنوف شخبارج
الهنوف: الحمد لله
وركبو المصعدوهم نازلين محمد والهنوف عيونهم كانت في الارض اما العنود وسلمان كانو يسولفون
فتح المصعد وأول من طلع العنود وسلمان عقب الهنوف ووراها محمد
العنود والهنوف راحو في طريق ومحمد وسلمان في طريق
سلمان: بعد الصلاة ذكرني أقولك شي
محمد: بخصوص وشو
سلمان : ذكرني وبس
دخلو وصلو العشاء عقب طلعو ..
أما البنات والحريم فقعدو في الحرم لين تخف الزحمه ..
محمد وسلمان وهم واقفين بره محمد كان لابس ثوب بدون شماغ أو طاقيه الهوا كا يجرك شعره وماسك المسباح بيده
سلمان : حموود بقولك شي ولا تعصب
محمد: وشو
سلمان بعد عنه مسافه : الي قلته لك امس كذب
محمد وقفت يده الي كان يحرك فيها المسباح ورفع عيونه لسلمان : أي كلام
سلمان والابتسامه على وجهه : سالفة خطبة الهنوف لولد خالها بس بغيت أهبلك
محمد على طول انرسمت الابتسامه على وجهه : قول والله انه كذب
سلمان وهو يضحك ضحكه خوف: والله العظيم انه كذب
محمد خذ نفس قوي : الله لا يعطيك عافيه ما خليتني انام امس بس فدا الهنوف اليوم بكلم جدتي في الموضوع واريح قلبي ..
سلمان وهو يضحك : وشدخل جدتك بعدين أي موضوع
محمد يخز سلمان : سلمااانوووو
سلمان: ههههه لا لا امزح فهمت .. الله للدرجه هاذي تحبها
محمد رافع حواجبه لسلمان: بس احبها يالظالم الا أمووووت فيها ,,, بعدين ليش قلتلي انها مخطوبه لولد خالها
سلمان ابتسم: ابي اهبلك حسبالك ما ادري عنك ترى كل شي مبين من عيونك
محمد: انا خبري الناس يقرون فناجيل مو عيون
سلمان: انا غير اقرا عيون
_الا يدق جوال محمد _ يو هاذي العنود هلا
العنود: أهلين شخبارك
محمد: تمام وانتي يالحلوه شخبارج
العنود: بخير .. وينكم احنا بنطلع الحين
محمد: قاعدين نستناكم قدام البوابه الي دخلتو منها
العنود: اشوه مب بعاد يلا هذا حنا طالعين
الهنوف أول ما طلعت وهي تدور محمد بين الكل يوم شافته ظلت عيونها معلقه فيه لين ما قربوا ووخرتها لانها خافت احد يحس ..
كانت تقريبا الساعه 9 ونص
سلمان: ها بنات وش خاطركم تتعشون
بدور: كل وحده مشتهيه شي بس انا الي انت تبيه انا معاك
ريم: الله شطاري عميمه
بدور: لا تخافين مب لله بس عشان يصير على حسابه هههه
سلمان : ادري فيج بس مو الحين تعرفين قيمتي لا تزوجت صبري علي بس كم شهر
بدور يوم جاب طاري الزواج حز في خاطرها : لا لا خلا ص اتوب كلش ولا تروح عني
الجده: اذا ماراح اهو انتي بتروحين بيت رجلج
بدور في قلبها ردينا لطير يلي : ..............
بدور الى الان ما ردت جواب حق امها سالتها مره ثانيه وقالت لها بعد ما يرجعون من السفر بتقولها رايها ..
المهم كل وحده راحت تطلب الي تبي .. محمد قعد يتمشى مع جدته
محمد: امي الحنونه..
فوزيه: يا قلب الحنونه انت امر
محمد: ما يامر عليج عدو بس بغيت افاتحج بموضوع
فوزيه: هلا وش بغيت قلي
محمد: امي انا قررت اتزوج وزي ما وعدتج انتي اول وحده أقولها حتى امي ما بعد اقولها وابي اخذ رايج
فوزيه كانت الدنيا مو واسعتها من الفرحه استانست يوم سمعت الخبر : الله يبشرك بالخير ياولدي زي ما فرحتني هاذي الساعه المباركه وخوش قرار عاد منهي بنت الحلال والا تبيني ادور لك
محمد: لا تدورين ولا تعبين حالج البنت موجوده واكيد بتفرحين لو عرفتي من هي ؟؟
فوزيه: مين ؟؟
محمد: الهنوف بنت عمي عبد الرحمن
فوزيه وفرحتها زادت انه اختار من بنات عمه : والله وعرفت تختار يا ولدي جمااال وادب واخلاق أقولك اياه من الحين مبررروك وعمك ماراح يردك
محمد استانس : الله يبارك فيج يا امي الغاليه وهاذي امممموه( باسها على راسها )
فوزيه: الله يفرحك ويتمم عليك يارب وان شاء الله اشوف عيالك واشيلهم ..
محمد وهو رافع يده : اميين
خذو عشاهم ورجعو للجناح .. تعشو وعينو خير
البنات كانوا قاعدين يسولفون الا تدخل عليهم الجده
الجده: السلام عليكم
الكل وعليكم السلام
العنود: نور المكان وينج أمي فوزيه خذوج الشباب منا
الهنوف : الا ولهت على جدي راحت تقعد معاه
الجده : انتو ما تستحون على وجيهكم
العنود: افااا أمي واحنا اشسوينا
دلال: ما عليج منهم أمي تعالي قعدي
الجده: انا بروح انام
بدور: تو الناس يمى
الجده: بكره وراكم قومه من الفجر
العنود: احنا متى ننام عشان نقوم
الجده: وراكم سفر قومو نامو احسن لكم
الكل : سفر
الجده: ايه بكره بنروح جده
ريم: جده غير والله غير
دانه: حلفي
ريم: قلت لج والله غير
بدور: يمى متى بنروح ؟
الجده: الساعه 6 الصباح بنتحرك
العنود: يوو جدتي ما بعد شبعنا من مكه تو الناس
الجده: لا تخافون بنروح وبنرجع بنفس اليوم
الهنوف: أشوه يعني بس تمشيه
الجده: انزين عن السوالف والهذره وقومو ناموا
الكل : ان شاء الله
طبعا البنات قعدو يسولفون أول من قام دلال وبدور عقب دانه وريم كان في جناحهم اربع غرف وحده فيها الجده وبدور والثانيه خلود وشهوده ودلال والثالثه ريم ودانه والرابعه حق العنود والهنوف
وقعدو الهنوف والعنود يسولفون..
كل وحده منهم كانت منسدحه على كنب
الهنوف: اقول العنود
العنود: هلا
الهنوف: تذكرين ذاك الولد الي قلت لكم عنه يوم اروح مع شهد البقاله
العنود: شفيه
الهنوف: شفته مره ثانيه
العنود: وين
الهنوف : اليوم في المحل يوم انتي وعميمه قعدتو تحاسبون
العنود: يالزفته وليه ماوريتيني اياه
الهنوف: لا والله انا يوم شفته تصروعت وقمت ارجف
العنود: شدعوه
الهنوف وهي مبتسمه : صقعت فيه
العنود وهي فاتحه عيونها : الله يغربلج صدق ما تستحين
الهنوف: ليش ما استحي ما كنت ادري
العنود: شقالج
الهنوف: ولا شي يوم صقعت فيه توني بقول اسفه الا لفيت وشفته وسكت
|
|
|
|
|
11-05-2010
|
#66
|
العنود: وهو قال شي عرفج
الهنوف : والله انه محترم كان منزل راسه وقال انا اسف اختي ما انتبهت قلت له عادي
العنود: يا حليله شكله حبوب
الهنوف: سلم على شهوده لو تشوفينه أحسه مهموم كسر خاطري
العنود: لا والله شلون عرفتي
الهنوف: ما ادري بس حسيت من نظرات عيونه
العنود: وانتي طالعتي عيونه
الهنوف : أي طاحت عيوني بعيونه بالغلط .. تدرين احس ان بقلبه كلام وده يشكي لاحد
العنود : الله الله كل هذا فيه يا دكتورة علم نفس
الهنوف : تطنزيييين
العنود: انا ادري عنج
الهنوف : ياااارب لا ترد دعوتي في هالوقت ان شاء الله نشوفه مره ثانيه عشان تتاكدين .. هذا اذا كان عندج احساس
العنود: انزين يا ام احساس انتي ما جاج النوم
الهنوف: لا... ليش فيج النوم
العنود: لا بس صراحه ودي افرفر في جده زين وما ابي ادوخ
الهنوف: يعني نغصب روحنا وننام
العنود: لا بس قومي ندخل الغرفه وننسدح يمكن يجينا نوم
الهنوف: يلا
العنود: دقيقه قومي نروح ناكل لنا شي
الهنوف : يالدبه في محل في بطنج
العنود: لا بس انا شاريه اسكريم قومي ناكله
الهنوف : عشرين الف اسكريم انتي شاريه أي واحد بتاكلين
العنود: خاطري في بابو جيبيلي وتعالي الغرفه
الهنوف: وانتي وين بتروحين
العنود: الحمام
الهنوف: وانااقول شفي الانسه تتحقرص .. لا وبعد تبي تاكل
العنود: هههههه يالزفته بطني فاضي تهضم كل شي مع السوالف ومع الشاهي الي شربته
الهنوف: انزين روحي لا تنفجر مثانتج
خذت الهنوف الأيس كريم وراحت للغرفه وقعدت على سريرها جا على بالها محمد وتذكرت يوم كانت في المصعد وشلون كان متضايق ...
دخلت عليها العنود وهي مو حااسه العنود سلمت وما ردت عليها انتبهت انها سرحانه وضحكت
العنود وهي معليه صوتها : الي شاغل بالج يتهنى به
الهنوف: هاه
العنود: هههههههه هويتي وين سرحتي
الهنوف : تصدقين ما حسيت فيج وانتي داخله
العنود: ادري حتى السلام ما رديتي علي .._ خذت الايس كريم وفتحته وبدت تاكل _امممم يجنن
الهنوف : بالعافيه
العنود: يعافيج ربي ليش ما خذتي لج واحد
الهنوف: مو مشتهيه
العنود: أحسن توفرين هههههه
الهنوف : عناد فيج بقوم اجيبلي واحد _ توها بتقوم رجعت _
العنود: يو شفيج قعدتي
الهنوف: والله ماراح اكله عارفه روحي
العنود: هههههه
الهنوف الى الان تفكر بمحمد والعنود قاعده تحوس بجوالها وهي تاكل الايس كريم الا يدق جوالها شافت العنود الاسم واستانست وعلى طول رفعت
العنود: هلا والله بالقاطعه
رفعه : هههه هلا بج
العنود : شخبارج شلونج والله وحشتيني
رفعه :وانا اكثر انتي شخبارج وشخبار البنات
العنود: والله الحمد لله كلنا بخير ومستانسين ناقصتنا شوفتج
رفعه : تسلمين ياعمري والله حتى انا خاطري اشوفكم
العنود: علينااااا خاطرج تشوفينا والا تشوفين الحبايب
رفعه استحت : هههههه
العنود: ايوا طلعي على حقيقتج .. تعالي متى رجعتو من الكويت
رفعه : احنا الحين في جده
العنود: قولي والله
رفعه : والله العظيم
العنود: ونااااااسه ماني مصدقه ياربي تمم الفرحه يارب
رفعه : شفيج
العنود: بكره بننزل جده
رفعه : حلفي
العنود: غريبه ما قالج عمي الحين مو كل يوم يدق عليج
رفعه: هههههه قايل لج
العنود: هو بس انا الكل يدري يابختج يارفعو تدرين شلون ميت عليج انتي شمسويه له
رفعه استحت واستانست في نفس الوقت : احم احم سر المهنه
العنود: ههههه خلاص لا انخطبت قولي لي الوصفه
رفعه : ههههه ولا يهمج
العنود: خلاص اجل .. تعالي
رفعه : هلا
العنود: الحين سلمانوا يدري انج هنا
رفعه: اولا سلمان مو سلمانووو
العنود:هههه اهاااا طيب
رفعه: ثانيا لا ما يدري
العنود: حلووووووو لا تقولين له
رفعه: وشو الحلو والله لو درى اني هنا وما قلت له بيذبحني
العنود: ههههههه ادري انه بيذبحج بس نسويها له مفاجأه اعتمرتو
رفعه : لا احنا تونا ما لقينا حجز في فندق بعد بكره ان شاء الله بنجي لمكه ومره وحده نعتمر
العنود : طيب سمعي بكره احنا بننزل جده من الصباح اوكي
رفعه: انتي شنو ناويه عليه
العنود: سمعي عاد
رفعه : طيب
العنود: انتي جايه مع منو ؟
رفعه : انا وأمي وابوي وجدتي وحمد
العنود : حلو قولي لجدتج تروحون للبحر وانا بحن على الي عندي وهناك نشوفكم وتصير مفاجأه للكل
رفعه: والله انج رهيييبه بس ليه البحر اخاف يصير الجو حر خليه مجمع
العنود: لا لا البحر احسن .. ليه الجو مو حلو
رفعه: لا بالعكس فيه نسمة هوا مو شين
العنود: خلاص ان شاء الله العصر بقولهم نروح للبحر وانتي بعد
رفعه: خلاص ان شاء الله
العنود: ولا تدقين على عمي واذا دق طنشيه
رفعه: انتي ناويه علي
العنود: اجل شلون تصير مفاجأه
رفعه : انزين هههههههه
العنود: خلاص ولا تعلمين اهلج خليها بعد مفاجأه
رفعه: اوكي ان شاء الله اذا وصلتو جده ارسليلي
العنود: ان شاء الله
رفعه: مشكووووره حبيبتي
العنود: هههههه العفو ياقلبي انتي
رفعه: اوكي اخليج الحين يلا تصبحين على خير
العنود: وانتي من اهله مع السلامه
رفعه: فامان الله
سكرو العنود الابتسامه شاقه وجهها لفت على الهنوف : الهنوووف يووو نمتي .. ياعمري شكلج تعبانه نوم العوافي يارب وتمت تطالع فيها وهي نايمه .. ياحلوج يالهنوف الله يخليج لي ولا يحرمني منج ويسعدج يارب
عقب حطت راسها على المخده وقامت تفكر لين راحت عليها نومه ...
قامو الفجر وصلوا وقامو البنات يتجهزون وكانت أكثر وحده فرحانه العنود ..
في جناح الشباب محمد جهز وطلع وسبقهم وقف عند المصعد يستنى ..
من جهه ثانيه في قسم البنات
الهنوف : انا خلصت وبنزل استناكم تحت
الجده: خلاص يمى الهنوف نزلي جدج توه نازل..
طلعت الهنوف وراحت عند المصاعد محمد كان معطيها ظهره فما انتبهت له وقفت الهنوف بعيد عنه لف محمد وجهه وطاحت عيونهم في بعض
الهنوف في قلبها هذا انت : اهلين صباح الخير
محمد عرفها من صوتها وارتسمت الابتسامه على وجهه : صباح النور شخبارج
الهنوف: الحمد لله
فتح المصعد
محمد: تفضلي
الهنوف: لا انت روح انا بستنى البنات
محمد رفع حاجبه وطالعها بنظره: تستنين البنات بره كان استنيتيهم داخل
الهنوف تفشلت : هااا أي صح
لفت وجهها جات بترجع نقز محمد ومسك يدها وجرها:عن الدلع ودخلو المصعد وسكر
الهنوف كانت ميته خووووف وترررجف ياربيييي هذا شسوه
محمد طبعا كان مستانس الف والابتسامه على وجهه والهنوف تطالعه وتخزه على الحركه الي سواها
محمد: ليش تطالعيني كذا
الهنوف في قلبها اجل شلون تبيني اطالعك : نزلت عيونها
محمد: لا خلاص طالعيني على كيفج بس لا تنزلين عيونج
الهنوف مااات الله يرحمها انا ليش اطلع ليش ما استنيتهم ياربي وش هالمصعد البطيئ
محمد: الهنوف
الهنوف رفعت عيونها وفي قلبها ياعيون الهنوف
محمد ابتسم : ايوه ابيج كذا ... اشفيج متضايقه من شي
الهنوف استغربت من سؤاله : لا
محمد: اكيييد ترى العنود امس قالت لي انج كنتي متضايقه
الهنوف استانست لانه اهتم وسالها وش فيها : لا ما فيني شي بس كنت مصدعه شوي
محمد:ليته فيني ولا فيج
الهنوف لا شعوريا : اسم الله عيك
محمد طااار من الوناااسه : تخافين علي
الهنوف وجهها انقلب طماااطه افتح ووجع يوجعك من مصعد ... فتح المصعد ... الحمدلله
الهنوف على طول طلعت ومحمد وراها وقفت الهنوف تحت في الاستقبال وطلعت جوالها عشان تدق على العنود
محمد قرب عندها : بتستنينهم هنا والا تركبين السياره
الهنوف رفعت عيونها وقالت بقوه : لا بستناهم
محمد ابتسم : اعصابج ... لا تخافين ترى جدي موجود عند السياره _ وغمز لها وراح _
الهنوف الابتسامه على وجههاومتفشله مرره يوم قالها محمد لاتخافين ترى جدي موجود وفي قلبها والله اموووووووووت فيييك ..
شوي ونزلو البنات وركبو السياره وحركو مرو وخذو لهم سندويشات وأكلوها وهم في الطريق وكان كله سوالف وضحك ..
بعد ما وصلو لجده رسلت العنود لرفعه .... عقب راحو تسوقوا واستانسو لين الظهر على نهاية الظهر تغدو وعقب العصر راحو يتمشون وهم في طريقهم
العنود : عمي سلمان
سلمان: عيون عمج
العنود: تسلم عيونك طلبتك طلبه
سلمان: امري
العنود: ابي اروح الكورنيش
ريم: الحين في الشرقيه في بحر شتبين فيه
العنود: انتي مااحد كلمج ها عمي
سلمان: اوديج بس الجو حار وشمس
العنود عمي والي يعافيك خاطري اشوف النافوره
سلمان: اوكي بس اوديج بعد المغرب
العنود: اوكي
بدور: كلنا بنروح مو بس انتي
العنود: اكيد
العنود استانست وراحت رسلت لرفعه انهم راح يروحون بعد المغرب ..
راحو تسوقو وتمشو ووسعو صدرهم .. وعقب المغرب راحو للبحر على اساس يقعدون فيه شوي عن خاطر العنود وعقب يروحون ..جنقلاند ...
صلو المغرب وراحو وطبعا صورت العنود النافوره وهي كل دقيقه على اتصال مع رفعه لين ما وصلو للمكان قريب وين هم قاعدين وقعدو
رفعه متحقرصه تبي تعرف وينهم << طبعا عشان حبيب القلب >>
|
|
|
|
|
11-05-2010
|
#67
|
حمد وهو قاعد يسولف ويطالع في الرايح والجاي : هذا مو كأنه بوعبدالعزيز
رفعه انقبض قلبها بس سوت روحها طبيعيه
ابو رفعه : الا والله وهذا محمد وسلمان بعد
الجده: اكييد ام عبدالعزيز معاهم خل اقوم اسلم عليها
رفعه: الله يالصدف
حمد رفع عيونه لرفعه وهو كان جنبها وبصوت واطي : صدف هاااا
رفعه: أي والله صدف
حمد: أي صدقت
قام حمد ونادى سلمان ومحمد وسلم عليهم وسلم على الجد بو عبد العزيز والجده وام رفعه راحو قعدو مع البنات وحتى رفعه معاهم ..
دانه كانت قاعده تتمشى مع ريم وهم راجعين
ريم: دانوه كان الحريم كثرو
دانه: أي حريم
ريم: شوفي الي قاعدين كانهم زادو وشوفي ذيك الي قاعده جنب جدتي
دانه : أي والله يلا نروح ونشوف منو
ريم : السلام عليكم
الكل : وعليكم السلام
رفعه: هلا والله ريم
دانه يوم عرفت انها رفعه دق قلبها وعلى طول رفعت عيونها جهت الشباب وشافت حمد موجود بينهم واستانست
ريم: رفعه الله شهالصدف وسلمو دانه وريم على الي كان موجود ..
بدور: الا تعالي وين جواهر عنج ليش ما جات معاج
رفعه : كلهم في الكويت بس قلنا احنا نسبقهم ونحجز عقب يجون
الهنوف: والله زيين متى بيجون
رفعه : احنا لقينا حجز وبنروح بكره مكه ان شاء الله عقب بنشوف لهم حجز ونقولهم ويجون
بدور: أي والله زحمممه احنا بالموت لقينا
طبعا سلمان ميت يبي يعرف اذا رفعه معهم اولا ومستحي يسال ابوها والا حمد خذ جواله ودق على بدور بس ما ترد <<كانت ناسيه الجوال في السياره ودق مره ثانيه وماترد فكر يدق على مين ... العنود لان هي اكثر وحده يمون عليها بعد بدوور بس دق لها دقه وقطع
العنود يوم شافت لقته سلمان ابتسمت ونغزت رفعه الي كانت جنبها وتهمس له ولا بعد داق دقه وقطع
رفعه: هههههه
العنود دقت عليه .. قام سلمان من عندهم شوي عشا يكلم العنود
سلمان: هلا والله ببنت اخوي
العنود : لا والله بنت اخوك وتخسرها
سلمان: مالت عليج اخسرج بس بغيته عذر عشان اقوم من عند الرجال
العنود: ليه شفيك ؟؟
سلمان: رفعه موجوده والا لا
العنود : أي مب لله ليش تسال ؟؟
سلمان: عنووود
العنود: انزين دق عليها
سلمان: مقفل جوالها
العنود تطالع برفعه : ويييي كسرت خاطري خلاص بقولك
سلمان: جااات
العنود: ايه ايه لاتموت عليينا
سلمان ميت من الوناااسه الابتسامه شااقه وجهه : عطيني اياها
العنود: اقول استح تبيها تعال خذها بكبرها
رفعه تقرص العنود
العنود: ااااي وجع
سلمان : شفيج
العنود: لا ولا شي
سلمان : يلا بجي اخذها الحين
العنود: ههههههه عمي شفيك استخفيت الثقل زيين _ وقامت من مكانها بعيد عنهم شوي _
سلمان : الثقل زين ادري بس مو على زوجتي
العنود: لا تخاف حتى هي
سلمان:وشو حتى هي
العنود: ميته عليك
سلمان : احم احم ادري
العنود : يلعن ابو الوثوووق
سلمان: أقول كأنج مصختيها يلا يلا قلبي وجهج
العنود: لا لا لا أمزح خلاص
سلمان: وشو خلاص بسكر
العنود: انزين يلا
سلمان: سلاام
واول ما سكرت
رفعه: شفيه
العنود: ولا بعد يقولي قلبي وجهج ... بعد شيبي يسال عنج تعالي ليش قافله الجوال
رفعه تضحك : بس كذا
العنود: الله يعينج عليه.. تجهزي بيجي ياخذج
رفعه: وين نروووح ؟؟
العنود تضحك على أسلوبها : هههههههه والله ما ادري وين تروحون
شوي البنات قامو يتمشون في الممشى أذن العشا وقامو الرجال يصلون ...
شهد : يلا متى بنروح الملاهي
خلود: خل يجون الرجال من الصلاة أول
الجده: وانتو ما ادري شتبون في هالملاهي
العنود: قلتيها يامي فوزيه ملاهي يعني تلهينا شوي
الجده: وانتي لا يكون بتلعبين
العنود: اجل اقعد اطالعهم واتحقرص ولا العب
الكل قام يضحك على رد العنود
الجده: شكبرج شعرضج وتلعبين
بدور: يمى عاد والي يعافيج نبي نستانس
الجده: وانا قلت شي
دلال: يعني بتخلينا نلعب
الجده: وانا شعلي منكم لعبو
العنود: خالتي هدى <<الي هي ام رفعه >>
ام رفعه: هلا
العنود: عادي رفعه تروح معانا
رفعه: وين أروح
العنود: الملاهي
رفعه: انتي من صجج
العنود: لا من كذبي أي من صجي
بدور: أي والله رفعه عشان نستانس
الهنوف: أي رفعه والي عافيج
دلال: يلا هي كلها مره في العمر ماراح تنعاد
الجده : كلتو البنت خلوها تنطق كل وحده نقزت لها من جهه
جدة رفعه: ههههه خليهم بنات يستانسون
العنود: يعني تروح معنا
ام رفعه: كيفها تبي تروح تروح
الهنوف: وناااسه
رفعه : تراني ما تكلمت ولا قلت شي انتم الي قررتو
العنود: وليش ان شاء الله ناويه تقولين لا
رفعه: ههههه لا لا تخافين مستحيل اقول لا افوت علي جمعتكم
بدور: يا قلبي انتي
جاو الرجال من الصلاة وعقب تحركو على طول وأهل رفعه راحو عنهم وعلى اساس يشوفونهم بكره في مكه
وكالعاده البنات كانوا في سياره مع سلمان ومحمد والجد مع الباقي في سياره
سلمان الى الان ما عرف ان رفعه بتروح معهم وكان منقهر لانه ما شافها ولا كلمها وكان منقهر اكثر من الرساله الي رسلتها له
الكل ركب ورى وسلمان ما بعد يركب
بدور: رفعووو روحي ركبي قدام
رفعه: لا والله انتي روحي
العنود: ومنو زوجته انتي والا بدور
رفعه : انا بس ماابي
الهنوف: كل هذا حياا اقول رفعه والله مالج داعي وانتي قاعده معانا ورى روحي قدااام
رفعه: يعني طرده
العنود تطقها على راسها : أي طرده احنا ما صدقنا انج تجين
دلال الي كانت ورى اخر شي : يلا عشان يستانس عمي
بدور: جا عمي كيفج ترى بتتفشلين
دخل سلمان : السلام عليكم
الكل الا رفعه في قلبها : وعليكم السلام
سلمان: كلكم مكتملين
بدور: أي
سلمان: وحظرتي سواقكم كلكم قاعدين ورى
العنود تنغز رفعه
بدور: لا بس قلنا لرفعه تجي قدام ومو راضيه
سلمان انصدم ولف وجهه : رفعه ... الا شافها قاعده في الوسط ومقابلته
سلمان الوناسه مبينه عليه بس حاول يمسك يروحه ينقالج ثقل وهو مبتسم: شخبارج
رفعه: الحمد لله بخير
لف سلمان وجهه وقام يطالعهم من المرايا : يلا وحده منكم تجي جنبي لا نتاخر
بدور: يلا رفعه
العنود الي كانت عند الباب فتحته ونزلت : يلا رفعه نزلي
رفعه تحت الضغوط والحيا نزلت وركبت قدام .. سلمان تشقق بس ماكان يقدر يسوي شي لان البنات كلهم موجودين ...
تمو طول الطريق يسولفون ويضحكون .. العنود خذت جوالها وكتبت أول ما نوصل على طول انزلو عشان نخلي العروسين بروحهم ( عطيها للجي جنبج) وكل وحده قرت الرساله وكلهم ضحكو على حركة العنود بس استانسو وقفت السياره وبسرعه العنود فتتحت الباب وسكرت الكرسي حقها عشان ينزلون الي ورى ..
رفعه حطت يدها على مقبض الباب وتوها بتزل الا سلمان مسك يدها الثانيه ..
رفعه ياويل حاالي : لفت وجهها عليه ابتسم لها ..وأوا ما سمع الباب الي ورى تسكر
رفعه كانت ساكته وعارفه انها بتجيها تهزيئات الدنيا ....
سلمان: اشتقتلج
رفعه قلبها قام يطق : وانا بعد
سلمان: عيونج بعيوني
رفعت عيونها وقامت تطالع فيه وقلبها شوي ويطلع من مكانه ... سلمان قام يطالعها بنظرات حنيه
سلمان : شهالرساله الي رسلتيها
رفعه استغربت : أي رساله
سلمان : اخر وحده
رفعه ضحكت : شفيها
سلمان : اسم الله على قلبج مافيها شي _ وخذ جواله وفتح على الرساله _ شوفي
رفعه وهي ميته من الضحك : خذت الجوال ونزلت السهم اكثر من مره عقب عطته الجوال
خذ سلمان الجوال وقرأ ( لاني صرت مجنووووووونه سلمااااان )
هي كانت راسله له ( حرام عليك ليش تسوي كذا كل شي توقعته الا هذا الشي منك ... ) سلمان قرا هالمقطع وسكر الرساله ولا قرا الباقي ..
سلمان يوم قراها ضحك : الله يقطع بليسج خليتيني أحاتي
رفعه : ههههههه
سلمان: أمووووت في ضحتج
رفعه : استح على وجهك يلا خل ننزل شنو بيقولون الحين
سلمان : يقولون الي يقولونه زوجتي بعد حرام
رفعه : لا مو حرام بس خل ننزل
سلمان : حبي شرايج أحرك السياره واخليهم ونروح الفندق _ ويغمز لها _
رفعه شهقت : انا لو بقعد معاك دقيقه زياده بروح فيها
سلمان : ههههههههه كلها شهرين وتروحين فيها وعلى رواقه بعد
رفعه حست ان جسمها كله يولع نااار ماتت على طول فتحت الباب : وربي انك جريئ
سلمان وهو ميت من الضحك عليها : عادي زوجتي
رفعه وهي واقفه بره وفاتحه الباب : سلمان
سلمان : عيون وقلب وروح سلمان انتي
رفعه : تسلملي عيونك وقلبك وروحك يلا قوم ننزل
سلمان: بس ما شبعت منج
رفعه وهي تطالعه بنص عين : والله لو قعدت معاك يوم كامل ماراح تشبع يلا انزل
سلمان : يوم واحد بس قولي شهر سنه أي سنه لو أقعد معاج عمري كله ما راح اشبع
رفعه : ههههههههه
سلمان : انا بستخف على ضحكتج
رفعه: سلمانييييي
سلمان: الله ياحلو سلمانييي من فمج
رفعه : لا الاه الا الله
سلمان وهو يضحك عليها : محمد رسول الله
رفعه سكرت الباب : كيفك بروح بروحي
سلمان فتح الشباك : اذا ضعتي مالي دخل
رفعه لفت وجهها : انت الي بتنهبل وين بتلاقي رفعه مثلي
سلمان على طول سكر السياره ونزل وراح ورها
رفعه : شفيك جيت
سلمان: بعدين وين الاقي رفعه مثلج _ ومسك يدها وراحو دخلو_
رفعه راحت عند البنات وطبعا ما سلمت من تعليقات العنود ولعبوا واستانسو وتعشو عقب جاو بيرجعون
بدور: يمى والله مالنا حيل في الطريق خل ننام هنا وبكره نرجع مكه
الجده: الي يشوف انتي بتسوقين .. شيقولون محمد وسلمان مساكين
العنود: يووو عميمه ماعندنا ملابس ولا شي نرجع احسن بعدين مو من زود طول الطريق
بدور: الله يعين
البنات حاولو في رفعه تجي معهم لان اهلها بكره راح يجون بس ما وافقت قالت لازم ملابس وهي ما اعتمرت ومن هالقبيل واتفقوا انهم بكره يتقابلون وصلو رفعه للفندق الي كانو ساكنين فيه وسلمان نزل معها لين عند الباب وقبل لا تدخل ..
سلمان: أول ما توصلين مكه بكره دقي علي
رفعه : ان شاء الله
سلمان : روحي نامي الحين عشان ترتاحين بكره وراج عمره
رفعه وهي مستانسه: ان شاء الله وانت انتبه على نفسك بعد
سلمان : لا تخافين علي يلا تصبحين على خير
رفعه : وانت من اهله
توها بتدخل
سلمان : تعااالي
رفعه: هلا
سلمان: ابي بوسه
رفعه : ماتبي كف
سلمان : الا ابي مدامه منج
عطته كف بس خفيف سلمان حط يده على يدها وخذها وباس أطراف اصابعها من داخل ( يعني بطن يدها )
رفعه استحت و على طول اسحب يدها
سلمان يضحك وهو ماد لسانه عليها : بستج
رفعه :هههههه _ وهي تاشر باصابعها _ مع السلاامه
سلمان وهو يضحك : مع السلامه
دخلت رفعه وراحت للحمام خذت لها دش وطلعت وانسدحت على السرير وقامت تتذكر سلمان ويوم تذكرت البوسه ابتسمت وباست يدها وغمضت عيونها ونامت ....
سلمان من جهه ثانيه أول ماركب السياره : اسف تاخرت عليكم
بدور: اشوه يعني حسيت انك تاخرت
العنود: ترى دق محمد وقال انه مسك الخط
سلمان: شف الخاين ولا ينتظر
بدور: حلوه ذي ينظر على حسابك أمي وابوي معه
سلمان : أي والله صح يلا ان شاء الله نلحق عليهم
العنود: عمي ترى ماني بايعه عمري لا تسرع
سلمان : هههههه لا تخافين اخاف عليج اكثر من عمري
اول ما وصلو من التعب كل وحده حطت راسها ونامت .. قامو الفجر صلو ورجعو نامو حتى ماراحو الحرم
البنات قامو قريب الظهر توضو ونزلو للحرم ورجعو مره ثانيه للجناح ..
سلمان وهو راجع للفندق دق جواله الا المتصل* مجنون بحبه *
سلمان: هلا والله بقلبي
رفعه: هلا بك
سلمان: شخبارج
رفعه: الحمد لله وانت شخبارك
سلمان: مدام سمعت صوتج شلون تبيني أكون
رفعه : تسلم ياقلبي .. وينك؟
|
|
|
|
|
11-05-2010
|
#68
|
سلمان : رايح للفندق .. وانتي ؟
رفعه : انا في الغرفه الحمد لله اعتمرنا وخلصنا
سلمان: عمره مقبوله .. متى وصلتو ؟
رفعه: الفجر صلينا واعتمرنا عشان يكون الجو ابرد ..
سلمان : أي زين.. تعبتي .؟.
رفعه : يعني مو مره بس في السعي ..
سلمان : تغديتي ؟
رفعه: لا ماني مشتهيه
سلمان: شنو مانتي مشتهيه تغدي زين بروحج عود بعد تضعفين أكثر تختفين
رفعه : انا عود حرام عليك والله جسمي حلو
سلمان تنهد: ادري انه حلو على راعيته
رفعه استحت : ........
سلمان :اموت في الي يستحون ان شاء الله العصر أشوفج والا شرايج امر عليج نروح نتغدى ؟
رفعه: ههههههه
سلمان : ليش تضحكين صدق والله اهلج وينهم
رفعه :والله ماادري انا قاعده بروحي وجدتي وحمد نزلوا يصلون الظهر والى الان مارجعو
سلمان : الاتعالي وين سكنتو ؟
رفعه: في دار التوحيد
سلمان انصدم واستانس :في أي طابق
رفعه وبكل براءه : العاشر في أي غرفه غرفه رقم ( ......)
سلمان : الله الله ليش كل هذا
رفعه: لاني عارفه انك بتسال
سلمان: اوكي اخليج ترتاحين الحين والعصر نشوفج اممممموه
رفعه: هههههه حبتك العافيه يلا مع السلامه
سلمان: ههههه مع السلامه
سلمان ابتسم ابتسامة خبث دخل المصعد وبدل ما يضغط على الدور 11 ضغط على الدور 10 ( عشان كذااستانس لانهم في نفس الفندق وتحتهم على طوول ) راح للغرفه الي قالت له
دق عليها الباب
رفعه: غريبه حمد معه المفتاح ليش يدق_ قامت وشافت من العدسه ولقته سلمان شهقت _ هذا استجن
راحت تركض خذت جوالها ودقت عليه
سلمان وهو يضحك : هلا
رفعه: سلمااانو بذبحك
سلمان: هههههه استحي على وجهج وفتحي الباب
رفعه: لا انت خبل واذا جا احد
سلمان : عادي زوجك
رفعه: ياااربي
سلمان: هههههههه
رفعه : حبيبي والي يعافيك ارجع انا العصر اشوفك
سلمان :حبيبتي أحنا ساكنين فوقكم تدرين
رفعه: في نفس الفندق
سلمان : شرايج يعني اجل وين فوقكم ..
رفعه: الله وناااسه
سلمان: ادري وناسه يلا فتحي
رفعه : سلمااني
سلمان: عيووونه
رفعه: روح واناادق على البنات واطلع لكم
سلمان: انا ما ابي البنات ابيج
رفعه : روح لا يجي احد
سلمان : طيب شوفي انا ماني متحرك أبي بس اشوفج واروح
رفعه : طيب روح وانا ابدل ملابسي واطلع لكم
سلمان : ليه انتي وش لابسه
رفعه: بيجامه
سلمان: حلاتها بتفتحين يعني بتفتحين
رفعه : والله انك ما تستحي ببدل واطلع لك
سلمان : قلت لج لا بتفتحين ترى ماراح اكلج لا تخافين والله ماراح اسوي شي
رفعه غمضت عيونها وتفشلت من الي قاله سلمان وفي قلبها أي واضح .: طيب بفتح بس لحظه
سلمان : يلا
سكرت رفعه ودقت على حمد وقالها انهم بيجون بعد نص ساعه وقالت له انها بتنزل تتغدى مع البنات تحت طبعا هو استغرب قالت له انهم ساكنين في نفس الفندق.. وقالت له يقول للجدتها وسكرت ..
الا يدق سلمان حطت له مشغول وفتحت الباب وهي خايفه ومبتسمه
سلمان : ممكن ادخل
رفعه: ههههه أي بس عند الباب
دخل سلمان وهو مبتسم : فديت هالوجه والله كل مالج وتحلوين
رفعه: أي أحلو شوف شكلي
سلمان قاطعها : يجنن بس لو تفتحين شعرج احلى
رفعه وهي ترفع قذلتها من على عيونها وترجع تطيح على عيونها مره ثانيه : انزين يلا اطلع انا ببدل ونروح للبنات وننزل نتغدى
سلمان قرب جنبها هي رجعت على ورى وصقعت في الجدار بلعت ريقها
سلمان قرب جنبها هي رجعت على ورى وصقعت في الجدار بلعت ريقها : سلمان حبيبي
سلمان حط اصبعه على فمها : أششششش
رفعه صوت قلبها واصل للمريخ من قوته وجسمها مولع ناااار ... شال الخصل الي على وجهها وتم يطالع فيها وهو مبتسم : عيونج حلوه
نزلت رفعه عيونها العسليه والي تميزها رموشها الطويله >>
سلمان : طالعيني .... وهو الى الان حاط يده على راسها عشان الخصل ماتطيح على وجهها
رفعت رفعه عيونها
سلمان غمز لها : يالخوافه
رفعه : انا خوافه من قال _ وسحبت روحها وبعدت عنه وراحت عشان تدخل داخل _
سلمان مسك يدها بسرعه ووقفها وجرها عنده :طيب اذا خوافه ليش رايحه داخل
رفعه: ابي ابدل
سلمان : طيب روحي بدلي وانا بستناج
رفعه : لا والله تبيني ابدل وانت موجود
سلمان يقلد صوتها : أي والله تراني زوجك
رفعه راحت وخذت لها تنوره وبلوزه وقبل لا تدخل الحمام : خذ راحتك بس دقايق ابدل واطلع
وعلى طول دخلت وسكرت الباب بدلت بسرعه واول ما طلعت طق الباب... سلمان تجبس في مكانه ورفعه ماتت خوف وبققت عيونها ؟؟؟؟؟
|
|
|
|
| | | | | | | |
العرض العادي
