تعـال وينـك فقـدت النـاس بغيابـك

تعـال خذنـي مـن الضيقـة وفرحنـي

تعبت أجمع عليـك الشـوق وأغتابـك
وتعبت من كل ذكـرى فيـك تجرحنـي

إن مت ضامي وصل ، كلّه من أسبابـك
وإن عشت بكره يجي ذكـرك ويذبحنـي

من غيري إن ضقت وإن ضاقت بك ثيابك
من وين ماترمي النظرات ، تلمحنـي

وشلون أقوم الصباح إن طارت أسرابـك
إن كان ماتتصـل بـي ، وتصبحنـي

تذكر قبل كل ماجيـت أحـرق أعصابـك
إتخاف من طـاري البعـد وتسامحنـي

والحين حتـى قصيـدي فيـك ماجابـك
شيّلت لحنـي عتابـي وإنكسـر لحنـي

ذبلت ورود الأمل مـن جفـوة إترابـك
أقطـع جذعهـا وموتهـا وريحنـي

وإن كان شفت الحلـول تطـوّل غيابـك
الله يوفقـك لـكـن لا تصارحـنـي

عزّم وشـد الركـاب وعلّـم اركابـك
إنـك قبـل لا تفارقنـي بتذبحنـي