رواية صغيرات على الحياه البارت السادس والسابع عشر

*-*الباااااارت ال16 -




•
•




جواد : نزلنا السيل عشان نحرم من هناك ..
.. *كنت خايف عليها لأنها بتدخل قسم النساء لحالها ..
.. وهي لسا صغيره وعطيتها موشح من التوصيات :



‏ - تدخلين أقرب دورة مياه ولو ماكانت نظيفه ..

‏- لاتحتكين بأحد أو تكلمين أحد ..

‏- لاتاخذين من أحد شي لو منديل ..

‏ - لاتقربين صوب أي حرمه حتى لو كانت عجوز ..
.. وأن شفتي أحد قرب منك بسرعه أتركي المكان واطلعي لو ماخلصتي ..

‏ - ان شفتي المكان شبه أو فاضي لاتدخلين ..

‏ - لاتتأخرين لك عشر دقايق بس وضوء بس مو شور ..




وسن بطفش :
.. أوووف والله لو إني بروح للصين .. تراي بالسعوديه حتى أمي ماوصتني هالوصايا يالقمان الحكيم ..

جواد : أنزلي بس بلا هذره زايده ..

وسن : *لما دخلت شفت تكرونيه نايمه بالأرض عند بسطتها ..
.. ابتسمت على شكلها وهي متمدده بالأرض .. ويديها ورجولها كل وحده بجهه ..
.. كنها طايحه من عاشر دور .. ومستغرقه بالنوم ..



وبخبث وطيت يدها عمدا ..
يعجبوني التكرن لاعصبو ..



وبسرعه دخلت كن شي ماصار .

دخلت علينا داخل عند المغاسل وترطن بحكي مافهمنا منه إلا كلمه هيواااانا - حيوااانه -


كملت وضوئي كن الأمر مايعنيني .. ولما مريت بسطتها حوستها برجلي .. وفركت بسرعه ..
.. قبل لاتمسكني بعلباي على قولت جدي ..




جواد : أرتحت لماشفتها طالعه وركبت بس خير ؟
وسن ودموعها تصب من الضحك:*
ههههههههههههههههه
فاتك فاتك ههههههههه



جواد : خير وش فاتني ؟
.. بعدين وش صار يضحكك لها الدرجه ..


وسن وحكت له كل شي ..



جواد : يارب شسوي فيها هذي ..
.. خبطتها براسها أبرد حرتي شوي ..


وسن : آآي ترا إن جاني إرتاج بالمخ ترا أنت السبب ..
.. وبرفع عليك قضيه عند أخوك وافيوه ..



جواد : هذا إن كان عندك عقل بالأساس .. الله يعافينا ولايبتلينا ..

ياالله أنوي العمره وشيلى لثامك ..



وسن : وهي تردد ورا جواد - اللهم إني نويتها عمره فإن حبسني حابس فمحلي حيث حبستني -*
وشالت لثامها ..



جواد بصرخه فجرت أذن وسن وهو يربط فرامل :


وسااااااااااان ولعنننننه للشيطان غطي وجهك ياحمااااااااره ..



وسن ببراءه :
.. مو أنت قلي شيلي غطاك ..

جواد : يامتخلفه ياجاهله يعني تغطي بالغطا الكامل ..
.. مو نقاب ولالثام ..



وسن : بس أنا ماشوف بالغطا الكامل ..
.. وأنا متعوده مع أبوي أتحجب بس ..



جواد : لفيت طرحتها عليها بقوه ونزلت وشريت لها غطا كامل ..



وسن : لااااا مابي ماشوف ..



جواد : أنا بشوف لك الطريق ..

وسن : أوووف مابي مابي ..

جواد : جب ولا كلمه .. كبري بس ..



وسن : وصلنا الحرم .. وجوادوه يقودني كني صخله ..
.. ولما شفنا الكعبه .....



جواد بجديه : ياالله وسن ..
.. الدعاء مستجاب إول *مانشوف البيت الحرام ..
.. ادعي ادعي إن الله يوفقنا بحياتنا ..
.. ويرزقنا بالذريه الصالحه ..
.. ويهدينا ويصلحنا ..
.. وبديت أدعي بسري .....




وسن : دعيت بنفسي ..
.. يارب تموت وآخذ الأمير عبدالعزيز بن فهد ..
.. وإلا الامير خالد بن الوليد ..
*>> موب طمااعه خخ





جواهر : بكره بترجع وسن من العمره ..
.. وبعدها بيوم بتسافر وياعالم متى بنشوفها ..



وأتصلت بعناد وأنا عارفه إنه مشغول ..
.. وهذي فرصه إذا ضبطت سويت اللي ببالي :



عناد : هلا ..
جواهر : عناد .. وسن بتسافر ومدري متى بشوفها ..
.. أبي أروح لأهلي بكره *..



عناد بهدوء : انتي عارفه أن عندنا وفد أطباء أجانب ..
.. ومقدر أتركهم وأوديك ..


جواهر بارتباك :
.. خلاص عمي فهد بيمشي اليوم .. وسيارته فاضيه مامعه أحد بروح معه ..



عناد بفكر مشوش وتردد :
.. أكيد لحاله يعني محد من عياله معه ؟

جواهر : أتصل به تأكد ..



عناد تنهد : خلاص روحي ..



جواهر بانتصار : .. مشكور عنادي ..

عناد ببسمه :
.. من زمان ماسمعنا عنادي ....








وسن : انتهينا من الطواف ..
.. والاخ حاط يدينه حوالي مايبي أحد من الرجال يلمسني ..
.. على باله عنده غيره ..

.. وبعد ماصلينا خلف مقام ابراهيم .. ودعينا .. طلعنا للمسعى ..



*.. شفت العربات قربت منها ..
.. وجلست على وحده منها وصاحبها يرحب بي هلا هلا ياحاجه ..




جواد : يارب بتجلطني ..
.. مسكتها بيدها ووقفتها ..
.. خير .. خير !
.. امشي ياالله ..


وسن بدلع : جواااااد تعب باخذ عربه ..

جواد : لااا والله *..
.. عجوز .. وإلامعاقه .. وإلا بزر؟والظاهرأنك الأخيره ..


وسن : يااااربي حرام عليك تكفى تعب ..

جواد : لو هو سوق كان سعيتي به عشر مرات مو سبع ..

.. وتليتها بيدها معي ..




وسن : أذا وصل للعلمين الأخضرين تركني عشان يهرول ..
.. وموصيني ألصق في سياج العربات ..
.. بعدين أذا تعدا العلم وقف ينتظرني .. ومسكني بيدي أوف طفش وتعب ..




جواد : ضحكت عليها ..
.. شكلها طفشانه .. خلها تستاهل ..
.. حتى ماعطيتها فرصه ترتاح ..

انتهينا وجت بتقصر شعرها بنفسها ..



جواد : هاتي أنا بقصره لك ..

وسن : لاا .. حتى شعري بتدخل فيه ..

جواد : قلت عشان أقهرها ..

كلك على بعضك لي من شعر راسك ..
.. لحد أظافر رجولك ملكي ياماما ..






وقصرتها وطلعنا الفندق ..




‏ - في الفندق -*




.. طلبت غرفه وحده فقط ..
.. حتى بدون صاله ..
.. وحمامها فيها ..
.. وبأخر الغرفه بلكونه وجلسه صغيره .. قطعتين كنب مفرده*
وسرير فقط ..



طلبت العشا لين *تاخذ شور ..

وتمددت أنتظرها تطلع ..




وسن : طلعت لافه روبي علي وتفاجأت إنه موجود ..
.. أحسبه لسا ماجا لما طلع يجيب العشا ..



جواد : فتحت العشا ..
.. وضبطته ع الطاوله وناديتها تعشا ..

وسن : طيب توكل على الله برا ابغى البس ..


جواد : حلو البسي أحد ماسكك ..

وسن : محد مسكني .. بس هالغرفه الخايسه مافيها مكان ألبس فيه ..


جواد :أ شدعوه .. شوفي شحلوها يرمح فيها الخيل ..


وسن : هه يرمح فيها البقر والله ..



جوا د: هههه سبحان الله ..
.. كلن يتكلم عن نفسه أنا الخيل وأنتي البقره ..



وياالله بسكر عيوني وبدلي ..




وسن : لاوالله من زين الذمه الحين ؟

.. حتى الحمام مافيه مفتاح ..

.. عطيته ظهري ألبس ..
.. بعد ماحلفته وأمنته مايلتفت ..
.. ولبست بعجل .. وسرحت شعري المبلول بدون لا أجففه أو أحط ماكياج .. لأني جوعاااانه ..




وسن : قرف تاكل بدون لاتسبح بعد العمره *..

جواد : طالعتها *.. ماأحب أسبح ع الفاضي ..

وسن : طارت عوووني سخيف .. ووش يقصد ..
طنشته ودقيت بالعشا ..



وشربت بعدها كوب شاي ..
.. وأنا أطالع التلفزيون ..



جواد : ياالله وسن أبغى أنام ..

وسن وهي مندمجه بالفلم :
.. نام وش أسوي بك يعني ..



جواد : .. أنا ماعرف أنام لحالي ..
.. لازم أحد ينومني ويمسجني لين أنام ..



وسن : .. عشتو من متى هالدلع .. خبري فيك ماتنام إلا بعقال أبوك .. *- تبالغ -*




جواد : من هالليله جاني الدلع ..

وسن : كيفك دلع نفسك ..


جواد : قربت منها وشلتها ..
.. ولو عورتك رجولك وتبين لها مساج أنا بالخدمه ..



وسن تزقسه .. *نزلني نزلني ..


جواد : نو نو أنتي مطلووبه امنياا ..







جواهر : بسرعه جمعت ثيابي ..
.. وأغلبها وملابس بنتي .. وحطيتها بشنطه ..
.. وأخذت أشيائي المهمه ..
.. وطلعت مع سواقنا عشان أروح بيت عمي قبل مايتراجع عناد ..




وأرسلت له ..*
- أنا مشيت مع عمي -




وقفلت جوالي لأني عارفه إنه بيتصل ..





عناد : يارب سترك ..
..!مدري ليش قلبي قارصني ..
.. حاس جواهر بيصير لها شي .
..!أول مره أفرط فيهم ..
.. وأخليهم يروحون مع غيري ..

.. دقيت كذا مره مغلق ..



.. ودقيت على عمها فهد ..
.. وتطمنت شوي بعد ماكلمتها وعرفت أن بطاريتها فاضيه ..

انا غلطان اللي تركتها تروح ..
.. أنا مومرتاح لروحتها هذي ..
.. بس مدري كيف تركتها تروح ..
.. الشغل أربكني وشوشني ..
..!بس أول مره وآخر مره ..
.. خل توصل بالسلامه بس وأنا اللي بجيبها ..







جواد : شفتها تبكي ..
.. بس بصراحه ماندمت ...
..؟بالعكس أحس بسعاده ..
.. خلها تبكي شوي وتسكت ..
.. هي ماجت *بالطيب جبتها بالغصب ..



خذت زقاره وولعتها ..
.. وشفطتها بروقان وأنا اسمع شهقاتها ..
.. دلع بنات ..






وسن بعصبيه :
.. الله ياخذك ياحيوان ..
.. جعلك الموت .. جعلك الحادث .. جعلك المرض ..



جواد : هههههههههه ..
ياحبي لك .. أن مرضت طحت بكبدك ..
.. وأن مت انتي المتضرره ..
.. بتنثبرين بالبيت أربعة أشهر وعشرا ..



والرجال بيتشائمون ياخذونك وأنتي مموته رجلك بشهر العسل ..



نامي بس ابرك لك .. من هالدعاوي ياالعجوز ..
وراك سفر..




جواد : مانمت إلابعد مانامت ..
.. خفت أنام جنبها وهي معصبه تغتالني ..
.. مع إني ميت من التعب والنوم ..
.. ونمت بعد مانامت .. وماصحينا إلا الساعه ثلاث العصر .. صلينا بالحرم ومشينا ..






وسن : هين جوادوه والله لأدفعك الثمن غالي ..








عساف : بعد زواج جواد ..
.. سويت عمليتي والحمد لله نجحت ..
.. وودادي تزورني كل يوم ..




*
وافي : توني حسيت بالأستقرار ..
.. مع حنيني .. واستمتعنا بكل دقيقه من وقتنا ..








وسن : شفته نزل بمحطة بانزين ..
.. ولما دخل بالسوبر ماركت نزلت وراه ..
.. بدون لايدري ..
.. دخلت وأخذت سفن اب .. وشيتوس..
.. وعلك .. وشوكولا .. ام اندامز .. وجالكسي ..
.. وكندر .. وحطيتها عند المحاسب ..
.. لماشفته واقف عنده *..
.. قلت الحساب تبع بعض وعطيته نظره وطلعت ..





جواد : لماشفت الحرمه ..
.. نزلت نظري للأرض وبعدت شوي ..
.. بس لما سمعت الصوت بسرعه رفعت نضري ..
.. وطاحت عيني على إيدها البيضا واللي مزينها خاتمها الألماس ..
.. وبسرعه طالعت الهندي المحاسب وشفته بياكل يدها أكل ..
.. وطالعت الرجالين اللي بجنبنا شفت حالهم أردي من الهندي ..
..!قربت بمسكها ..
.. بس طلعت بسرعه ولحقتها بسرعه أكبر ..
.. ومسكتها بيدها .. وضغطت عليهاا بكل مااوتيت من قوه ..
.. ودفيتها لداخل السياره وقفلت الباب عليها ..

وركبت .. وشفت الهندي طالع باكياسنا لاحقنا ..
.. فتحت أشوف مصيبته ..
.. دخل الأغراض من شباكي وعيونه على وسن المتلثمه ..

نزلت ومسكته من جيبه وعطيته بوكس على عينه ..
.. عشان يحرم يطالع ..
.. *وتوطيت ببطنه .. وتفلت بوجهه ..
.. وماتركته لين تجمهرو الناس وفكونا ..






وسن : يمه يمه يمه وش أسوي ؟
ماتوقعته يعصب كذا ..
..!أكيد دوري بعد الهندي ..
.. وبسرعه رميت طرحتي فوق اللثام أخاف يجيني ماجا الهندي ..

جواد : آه ياقهري ..
.. ركبت وانا أدوس عا لبانزين ..
.. ومشيت ميتين ..
.. بس فيني حره مابردت ..
.. وقفت السياره بشكل مفاجئ ..
.. وبغينا ننقلب لولا ستر الله وضربنا في الحاجز الحديدي ..



التفت لها كنت بقولها جاك شي ؟
.. وبتطمن عليها بس هبت بوجهي ؟
.. وأنا صرت مثل الفتيله اللي قربو لها نار ..
..!انا عصبي ودمي حااااااار ..






وسن : ياغبي بغينا نموت ..
.. ان كان أهلك مايبونك انا أهلي مو مستغنين عني
..
*
جواد : مسكتها من فكها بقوه ..
.. وغضب الدنيا كله فيني .. بااااس ولاكلمه ولانفس
مابي اسمع صوتك ..




وسن بخوف : طيب طيب ...


وبينها وبين نفسها :
.. يارب أنا دعيت عليه بالموت بس لحاله ..
.. أنا مو معه ..
ماتوقعت تستجاب دعوتي بهاالسرعه ..
.. *ستغفر الله أخاف أموت معه وأنا أعمالي كنها وجهي ..
.. الظاهر سيئاتي أكثر من حسناتي ..






وسكتنا لمدة ساعه ..
.. وأنا بطني بينشق أبي أسولف .. أتكلم .. أي شي بس خايفه منه .. بسم الله كنه ثور هايج ..



جواد : أحس اعصابي هدت شوي ..
.. شفتها خايفه قلت استغل الفرصه ..
.. *افتحي لي عصير وافتحي لي كيك ..




وسن : طيب ان شاء الله ..

جواد : بنت ماتجي إلابالعين الحمرا ..

وبعد ساعه وصلنا ..
..كان الوقت بالليل ..


*
وسن : نزلني عند أهلي ..


جواد : ان شاالله عمتي أوامر ثانيه ..


.. سفهتها ودخلنا الفندق ..
.. *بعد ماتأكدت أنها غطت عيونها ويديها ..



.. أنا ماني متشدد ..
.. بس لما تكون العيون واليد مثل عيون ويد وسن أكيد مابسمح لأحد يستمتع بها غيري ..




وسن : أوف سخيف .. وش شايفني على كيفه ..
شورت ولبست .. وتمددت ع السرير بتعب ..



جواد : انا تعبااان جسديا ونفسيا من اللي صار ..
.. فصخت ثوبي وفانيلتي وتمددت جنبها ..
.. لكن أفزعتني صرختها وجلست ..





وسن : هاااااااااي ..

جواد : وجع وش فيك ..


وسن : انقلع .. لاترقد معي .. نام ع الكنب ..

جواد : خبطتها براسها ..
أنتي وهالراس ..
.. من زينك .. لو تعطيني ألف مانمت ع الكنب ..
.. وخليت مكاني ..
.. تبيين تنامين ع الكنب ماحد ماسكك ..
.. وتمددت وتعمدت أرمي رجلي فوق رجلها ..




وسن : طيب لاتلمسني ..

جواد*: من زينك .. ويقلد صوتها بدلع ..
.لاتلمسني ... صدق حركات بزارين ..



نامي بس .. يابنت وهبي ..
.. وعطيتها ظهري ورحت بسابع نومه ..












عرض البوم صور لووك ات مي رد مع اقتباس
قديم 27-04-11, 10:29 PM المشاركة رقم: 34
المعلومات
الكاتب:
لووك ات مي
اللقب:



البيانات
التسجيل: May 2010
العضوية: 163347
المشاركات: 177
الجنس أنثى
معدل التقييم: لووك ات مي عضو على طريق الابداعلووك ات مي عضو على طريق الابداعلووك ات مي عضو على طريق الابداع
نقاط التقييم: 229

االدولة
البلدSaudiArabia

مدونتي



الإتصالات
الحالة:
لووك ات مي غير متواجد حالياً
وسائل الإتصال:

كاتب الموضوع : لووك ات مي المنتدى : القصص المكتمله
افتراضي




*- البااااارت17 -







•
•



وسن : رحت لأهلي ..
.. والمفاجأه إن جواهر أختي هنا ..
.. وكل خواتي وأخواني ..
.. ضميتهم بفرحه .. وشفت أمي وقطيت نفسي بحظنها ..
.. وسكرت عيوني وأنا استمتع بريحتها ..




وليد : هي شفطتي حنان أمي عنا ..

وسن : والله حلالي ..
*
عزيز : لاياشيخه حلال أبوي مو حلالك ..


جلسنا مع بعض ..
.. واستمتعنا ..
.. وسولفت لهم عن عمرتنا ..مع كثير من التشفيرات لأن محد بيناصرني ..




والساعه 2 بالليل دق جوالي
..






جواد : وسون أنا عند الباب اطلعي ..
*
وسن بثقه : لا بنام عند أهلي .. كلهم متجمعين ..

جواد : لاااا وبأمر من بتنامين عند أهلك ..

وسن : بأمري ..

جواد *:أطلعي بلاااامشاكل أحسن لك ..

وسن : لاااا .. وسكرت السماعه بوجهه ..



جواد : نزلت .. وشياطيني تنطط قدام عيوووني
..
تركي : حي الله أبوتراك .. أقلط القهوه ياولد
..

جواد *:لا جعلك سالم ..
.. أبي وسن بس ..
.. *دايخ أبي النووم وورانا سفر ..



تركي : ياالله وسن رجلك بالمجلس ..

وسن تعلق بأمها :

.. مابي مابي مابي ..
.. *مابي أروح معه ..
.. خلاص بجلس عندكم ..




أم تركي : وسن بلادلع ..
.. روحي لرجلك ..
.. *الحرمه مالها إلا بيت رجالها ..



تركي : بسرعه يابنت .. الرجال ينتظر ..


انسحبت وسن بهدوء ..
.. *ودموعها تصب .. ولبست عبايتها وطلعت ..



جواد : الله يلعن الشيطان أنا وهالعناااد ..
.. يعني كان لازم أيبس راسي وأتحداها ..
.. وأحط راسي براس بزر ..
.. بس اسلوبها يجيب الجلطه ..







وصلنا الفندق وكلن طاير بافكاره ..

جواد : شفتها تعلق عبايتها وجهها مستوي أحمر *.. وبعيونها لمعة دموع ..

جواد : وسون تبين أرجعك لأهلك .. تنامين عندهم ..

وسن هزت راسها بالنفي .. *بدون لاتكلم ..
*
جواد : ماحب أشوفها مكسوره وضعيفه ..
.. قربت وضميتها .. وأنهارت بالبكا ..
.. ولماحسيتها هدت حبيت أطلعها من جوها ..




جواد : قولي أن مسلسل هالدموع كله .. بس عشان أضمك ..
.. عادي كان قلتي أبي حضنك وأنا برسم الخدمه أجيك ..
..!بلا هالدموع اللي كنها فيضانات تسونامي ..




وسن : بعدت وجهها الطماطه ..
.. وضربته على صدره .. يادب من زين حضنك عاد ..



جواد : هي هي .. حدك ياماما .. ماعادني دب ..
.. وتعلق برقبتها ..
.. طيب شيليني عشان تختبرين وزني ..




وسن : حتى لو بعد دب وخر عني ..
جواد بخبث : طيب شرايك أختبر وزنك أنا ؟






جواهر : فتحت جوالي لقيت 23 أتصال ..
.. من عناد وثلاث مسجات - كلميني ضروري -

‏ - انا جايك اليوم -*


‏ - باقي لي ساعتين وأوصل -




رديت عليه بمسج ....


*
‏ ... انا بجلس عند أهلي هالاسبوع ..



وأنا مو ناويه أرد له ..
.. وقلت لتركي أخوي ..
.. بس بعد تعب أمي البارحه لما راحت وسن ..لأنا كلنا عاتبناها على قسوتها على وسن ..





أم تركي :ت حسبوني ماحبها ؟
تحسبوني ماأشتقت لجلستها وسوالفهاا وضحكتها ..

تحسبون قلبي حجر ..

انا قسيت عليها لمصلحتها ..
.. هي الحين في ذمت رجال ..
.. وابيها تفلح في حياتها ببيتها ومع رجالها ..


ولو هو على هواي كان ماجوزتها لين أموت ..



دخل أبوتركي معصب على عياله ..
.. وعادت أبوهم مايعصب إلا أذا أحد زعل أم تركي ..

.. اسمعو كلكم من بنت ومن ولد ..
.. هذي تاج روسكم كلكم ..



وكلمتها ماتثنونها .. ولو هي غلط ..
.. وهي عليها تامر .. وأنتم *عليكم السمع والطاعه ..
.. وياويل أحد منكم يعقب على كلامها وإلا أفعالها ..









جواهر : تراجعت ..
.. أتحمل ولا أمي تضايق ..





تركي : قلت لعناد يمرني ببيتي ..
.. قبل لايروح لجواهر ..



تركي : والله ياخوك السالفه ومافيها جواهر ماتبي ترجع معك ..

‏

عناد : ليه وش صار ؟
تركي :
اسمح لي ..
.. جواهر طلبت مني أدخل ..
.. وأنت عارف ان مستحيل اي انسان ينحرم من أهله .. خاصه أذا كان بسهوله يوصل لهم ..





عناد يقاطع : بس أنا اجيبها كل مناسبه ..
.. أترك شغلي وكل شي مهم وأوديها ..



تركي : ماتقصر ..
.. بس بعد مايكفي ..
.. ياأخي كل شهرين خلها تجي ثلاث أيام أربعه ..
.. أنت وصلها المطار وأحنا نستقبلها ..
.. وعمي فهد دايم سفريات بين جده والرياض ..
.. وبالصيفيه أتركها اسبوع ببداية الصيفيه واسبوع أو اثنين بنهايتها ..



عناد بقهر : وغيره .....

تركي : غيره ياطويل العمر أحنا شرطنا عليك عند العقد البنت تكمل دراستها وتوظف ..


عناد يقاطع : هي مو في حاجة الوظيفه ..
.. أنا مغرقها بالفلوس وتصرف بدون حساب ..
.. واللي اعطيها شهريا مستحيل تعطيها الوظيفه مثله ..

.. هذي تبغى تشتغل مترجمه بمستشفى حكومي وأنت عارف الأختلاط وغيره ..



تركي : طيب حطها عندك بالمستشفى ..
.. بالقسم النسائي ..


عناد : غيره ...


تركي : عناد أنت رجل مثقف ..
.. لكن اللي فهمته من جواهر إنك ماتفرق بين جو البيت والمستشفى ..
.. يعني تعطي أوامر لازم تتنفذ بدون نقاش ..

وهذا أكبر خطأ ..
... ياأخي ناقشها بالهداوه .. ياتقنعك ياتقنعها
..

بعدين الكلمه الحلوه مفعولها مثل السحر ..
.. أومثل حبه البندول للصداع ..
.. تهدي وتسكن ..
.. مافيها شي لو أظهرت بعض مشاعرك تجاهها ..
.. هذا مو نقص بالرجوله ..
.. بالعكس هذا قمت الذكاء من الرجل عشان تنجح حياته ..
.. وأنا ماتدخلت إلا لغلاتكم أنتم الإثنين علي ..
.. وبينكم هالبنوته .. ربوها بجو حب بدل المشاكل ..
.. أولاقدر الله تفرقون .. *والبنت تكبر بعقد وبأب وأم منفصلين ..
.. كل منكم راح يكمل حياتهم وهي ضحية الطلاق ..







عناد : كبرت بعيني يابو تراك ..
.. وزاد غلاك غلا ..
.. ومالهاا الا الرضاا ..









وسن : طلعنا من المطار ..
.. وفيه بريطاني داخل ..
.. كان شكله رسمي ببدلته السودا وشنطته السمسونايت .. وزقارته اللي حاطها بين شفايفه بدون لايولعها ..
.. يصلح لدعاية عطر رجالي ..



*
ولما قربنا من بعض ..
.. وبخفه مديت رجلي بطريقه وبسرعه سحبتها ..
.. والقيت نظره سريعه بعد ماسمعت صوت دوى في المطار .. هههه



وسن :*ههههههههههههههه
ياحليله طاااااااح ..





شفت جواله بجهه .. ونظارته بجهه ..
.. وشنطته بجهه .. وزقارته ماشفتها ..
.. شكله بلعها من الروعه هههههه





جواد : أقص يدي أن كان مالها يد باللي صار ..
.. سحبتها بسرعه ..
.. قبل لايقوم الرجال ويلحقنا ..
.. لأنه قاعد يجمع إغراضه ..
وركبنا أقرب تاكسي ..


.. جلست بجنبها .. ومن حرتي دخلت يدي تحت حجابها وضغطتها بقوه ..

وسن : كح كح كح .. وجع تبغى تغتالني عيانا بيانا ..
.. والله لابلغ حقوق الأنسان عليك وأرفع عليك قضيه ..


جواد : وقص بلسانك ..
.. والله اللي صار بالمطار ان تكرر مره ثانيه لأخليك أكل لكلاب لندن ..



وسن : الله كشخه ماكلتني كلاب لندن .. مو كلاب الديره الشهب ..



جواد : يارب صبرني ..
.. ياصبر أيوب ع المكتوب ..
.. اللهم أجرني في مصيبتي ..






وسن باستظراف : أحسن الله عزاااك ..
.. كككككك .....


*.. طلعنا شقتنا .. وسيده ع السرير ..
..!بعد ماصلينا ..



وسن : هي لاترقد معي ..
.. ياخي أنت ترجف إذا نمت ..
.. وأخاف تهد ضروسي برجلك وأنت نايم ..




جواد : ضحكت ..!تخيلت شكلها بدون ضروس ..
.. وهي تتفل إذا بغت تكلم*ههههههه



جواد : انقلعي عن مكاني ..
.. روحي بالجهه الثانيه ..
.. السرير لازينه بالزاويه لضيق الغرفه سرير نفر ونص *..



وسن : لاياشيخ ..
.. ماحب الزوايا ..
.. يقولون إن بسم الله منهم دايم سرايرهم بالزوايا .. يرقدون فيها ..
.. وأنا خبله خلقه وتبي *تهبلي زود ..



جواد : هههههه ياشيخه ..
.. والله إن ينحاشون من لسانك ماكملو يومين ..



وسن : بعدين سريرك بايخ .. كنه وجهك ..


*
جواد : أحمدي ربك ..
.. كنت بشتري لك سرير هزاز ..
..!يكفيك هالسنه .. والسنه اللي بعدها لعيالك*



وسن : أقول قم جب لي عشا ..
.. أنا جوعانه وتراي ضيفتك ..



جواد : سحبتها لي وفغصتها بجنبي ..
.. نامي نامي وتعشيك العصفوره ..
.. والله لو يقولي أكبر مطعم بلندن تعال خذ عشاك ببلاش ماجيته ..















جواهر: مرني عناد ورحنا نزور أمي ..
.. وعرفنا إنها تنتظر الدكتور يوقع خروجها بعد ماتطمنا عليها ..


عناد*: أخذت جواهر ..
.. وقالت لي أمر بيتهم عشان ناخذ جودي وأغراضها ..



قلت : خلي جودي عند أهلك ..
.. جيبي أغراضك أنتي بس ..



جواهر : تفاجأت أول مره يسويها !
.. وش قصده !
.. لايكون بس بيستفرد بي في جده بعد مادرى إني قلت لتركي ؟
.. أخذت أغراضي وأنا اسمي وأعوذ علي ..







وداد : بعد مارجعت من أمي ..
.. تفاجأت من عساف ..



عساف : وين كنتي يامدام ؟
.. ومن جابك بانصاف هالليول ؟

وداد : وش فيك .. كنت عند إمي ..
.. بعدين قصر صوتك البنت نايمه
..


عساف : قومي سوي لي عشا ..

وداد *:عشا .. !
.. هالوقت الساعه ثلاث .. بجيب لك معلبات ..



عساف : لا أبي كبسه وتبوله ..
وداد : عساف حرام عليك ..
.. أنا جايه تعبانه .. من رحت لأهلي وأنا على الرجل الطويله بهالمستشفى ..



عساف : تقومين وإلاتشوفين *شي مايسرك ؟
وداد : قايمه
.. قايمه ..
.. دخلت المطبخ وجهزت اللي طلب وأنا أبكي ..
.. والساعه أربع ونصف كان جاهز ..
.. حطيته عالطاوله ورحت اناديه ..
.. لقيته نايم .. صحيته عصب علي ..
.. وقال مابيه ...



.. مدري شفيه الله يستر لايكون الورم رجع له ؟
عساف : أنا مانمت ..
.. بس سويت نفسي نايم عشان أقهرها تستاهل ..

جنــــون ,نجم الجدي ,إرتواء نبض و 3 آخرون معجبون بهذا

مياسه ,ضامية الشوق ,مجنون قصايد