انت غالي .. ثم غالي .. ثم غالي .. يا سعـدي

انتشـر حبـك بجسمـي .. لا وحتـى بالعظـام
واختلـط حبـك بدمـي .. فالمعاليـق يـعـدي

يا هيـام ٍ فـي هيـام ٍ فـي هيـام ٍ فـي هيـام
يا ضياعي ! يا اتجاهـي ! يـا دروب المهتـدي

لو تذوق النـوم .. جفنـي مـا تهنّـى بالمنـام
طاوله فيـك الغـرام .. وطاولـه فيـك سهـدي

لك حبيبي فـي ثنايـا جـوف هالقلـب احتـرام
لك حبيبي ( قولتي ) : لبيه .. آمر .. يـا بعـدي


كيف اصبحك بسلام ! وكيـف امسيـك بسـلام !
وانت في مجرى وريـدي مـع سواقيـه تغـدي


لك عيوني .. لك حياتي .. لك سنيني .. لك مقام
لك حلالي .. لك فوادي .. لـك ورودي وشهـدي

فـوق كفـك دق حنّـا .. والبـلا فعـل الزمـام
والحلا .. ليـل ٍ تسلـل فـوق الامتـان اجعـدي

لا طويل .. ولا قصير .. ويا حلو زيـن القـوام
جـلّ مـن صـوّرك والله فـي غرامـك مولـدي

مـا لقينـا لـك شبيـه ٍ فـي غناديـر الشـوام
وما لقينـا لـك شبيـه ٍ فـي بنـات الاحمـدي

انت دانه .. وانت آيه .. وانت عشق المستهـام
وانت نادر فـي عيونـي يـا عيونـي وسعـدي

وانت والله يا ( صغير الحب ) من قبـل الفطـام
ما قصرت الفكر دونـك .. لا ولا ضـاع جهـدي

انت امسي .. وانت انسي .. وانت جرحي والختام
وانـت والله يـا حبيبـي شمعـة اليـوم لغـدي

انت غايـة مطلبـي يـا روح روحـي والغـرام
وانت شف البـال والله وانـت غايـة مقصـدي

احسد البرقـع عليـك .. ولا حسـدت إلاّ لثـام !
كيف ما يخجل ! وليله ما غـدى عنـه اجـودي!

فوق خدك .. حب خالك ! وازعلوا منه العمـام !
كيـف يقـدر يستبيـح الخـد يـا خـد ٍ نـدي!

ترتدي ثوب ( الشرف ) و ( العز ) من فوقه وسام
كيف ما يصبح وسامك ! وانت ( عزّه ) مرتـدي

بنت شيخ ٍ ما ( توانى ) .. ما يفك إلاّ ( الزحام )
فزعة اللي ينتخـي ويصيـح تكفـى يـا سنـدي

و ( الحظيظ ) اللي قرب حظه من حظوظ الكـرام
ما خشى شر الزمان .. ولا خشى الحـظ الـردي!

اترك الواقـع واعيشـك فـي خيالـي بنسجـام
واربـط الواقـع بأحـلام الخـيـال السـرمـدي

مـا بغيتـك فالظـلام .. ولا بغيتـك بالحـرام !
ما بغيتـك غيـر ( بالعـز الشريـف المقتـدي )


مـا بغيتـك بالتلاعـب .. مـا بغيتـك بالكـلام
ما بغيت إلاّ ( اخـوك يصيـر خـال ٍ لولـدي )


لك جنوني .. لك ظنوني .. يا حبيبـي والسـلام
وانت غالي .. ثم غالي .. ثم غالي .. يا سعـدي

نغم معجب بهذا

قلائد أمتنان لهذة
الذائقة العذبة في الانتقاء
لروحك الجوري

..


كل الشكر لهذا التواجد
والله يعطيك الصحه والعافيه
ـــ

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

..


كل الشكر لهذا التواجد
والله يعطيك الصحه والعافيه

ـــ

سلمت الآكف ومَاجلبت
إبداع دآئم وتميز مُستمر
لا عدمنَاك

الله يعطيك العافيه
ويكثر من امثالك

اخترت الموضوع المناسب بمعلوماته
احترامي

مجنون

لك من الابداع رونقه
ومن الاختيار جماله
دام لنا عطائك المميز والجميل

..


كل الشكر لهذا التواجد
والله يعطيكم الصحه والعافيه
ـــ

سلمت أناملك على الجلب المميز
اعذب التحايا لك