رواية جفاف وردة بيضاء في رُكن الذكريات /13

..( البارت الثالث عشر )..
.
.
رفقاً بنا ، ف كيف لقلوباً صغيره مثل قلوبنا ان تتحمل هذه القساوة ، الظلم ، وتلك النظرات منكم ي من كنتن لنا الدنيا والافضل فيها ، ان كان هُناك فعلاً حُب لنا ف ابحثوا عن شككم قبلاً .
.
.
سعود يرفع راسه عن الملفات الضخمه التي امامه لينطق بصوت عالي : ادخل .
الموظف محمد يدخل وهو يحمل الملف المطلوب وبهمس بعد ان وضعه امام سعود : هذا ملف هادي الرائد اللي طلبت .
سعود يُبعد الملفات ليسحبه ويفتحه هاتفاً ب اندماج على الملف : المحقق جمال ومشاري نادهم .
يرفع نظره على توسط جمال ومشاري المكتب .
جمال بغضب : كيف يسوونها .
مشاري يتجه لنافذه العريضه ناظراً خارجها وبفحيح : اكيد احد مهددهم .
سعود يقف وب ملامح مستغربه بانت بصوته : وش صاير .
جمال يقترب ناطقاً بغضب وهو يضرب بقبضة العريضة المكتب : تسكرت قضية هادي الرائد .
يُكمل مشاري : لما بدينا نبحث وراها سكروها .
سعود بعينان مصدُمة : مين اللي سكرها ؟! .
الموظف محمد يبتعد خارجاً بصمت بعد ان اشتد الجو امامه .
جمال يجلس على الكُرسي الجلد المُخصص لمكتب راكان هاتفاً بعد ان ابعد نظرة عن قفا محمد الخارج : اهله واهل المقتولين كلهم .
مشاري يلتفت براسه لجمال : روح كلم الوكيل يخلينا نشتغل فيها بالسر .
سعود يسحب الملف المُلقاء يميناً ليضعه بهدوء فوق ملف هادي ناطقاً وهو يتقدم لجمال ويتكي بذراعيه على الطاولة خلفه : خلاص قال نقفلها نقفلها ليش نبحث ، واهلهم هم اللي طالبين التقفيل .
جمال يهز راسه بموافقة وغضبه يهدا .
مشاري يقترب ناطقاً ب استغراب : الا وين راكان اليوم ؟! .
جمال يقف : يقولون ماخذ اجازه .
مشاري يلوي شفاهه بغيض : لا والله وش حظرته .
سعود يعود جهة كرسية وببتسامة : اليوم له وبكره لنا ، ماعليك بس روق .
مشاري ينفجر ضاحكاً : ابشر ي الحبيب .
يرفع ذراعه وهو يخرج مودعاً ليتعبه جمال .
جمال يقف على صوت سعود : وش فيكم رحتو مايمدي جيتو ؟! .
جمال يلتفت وببتسامة ساخره وهو يعض طرف شفاهه السُفليه : جينا نفضفض وخلاص ورانا شغل قد شيب راسي .
سعود ببتسامة وهو يُمرر اناملة بشعره ليغمز مُشيراً بيَده ممُثلاً سلاحة يُريد ان يُصيب به قلب جمال : ناد ي الشايب محمد معك .
جمال يخرج ماسكاً قلبة وينطق بضحكة وهو مار على مكتب محمد : الجاني سعود يبيك .
سعود يهز راسه ببتسامة لتختفي تدريجين بعد ان رفع الملف الاسود ويظهر من تحته ملف هادي الرائد.
يرفع نظره على صوت محمد : امرني .
سعود بهمس : قفل الباب وراك وتعال .
الموظف محمد ب استغراب يعود للخلف ليُقفل الباب ويتقدم .
. .
ماجد يدخل الصالة رامياً شماغه على ذراع الاريكة ويقترب ببتسامة مُتعبة ويُقبل راس والدته : هلا والله ب ام ماجد .
ام ماجد تُنزل فنجانها ساحبة فنجان فاضي وببتسامة : وينك اليوم ماشفتك .
ماجد يمد ذراعه ليستقر الفنجان من كف والدته بكفه وبتعب وهو يمسك جبينه بكفه الايسر : تعرفين بدا دوامي واضبط اوراقي .
ام ماجد ببتسامة وصوت هامس : نوف جات من كندا .
ماجد ينظر لفنجانه وبصوت حاول ان يكون ساخر ولا تبين فيها مشاعره المُشتاقة : مو كان الجيه بدري عليها .
ام ماجد بضيق : خلها براحتها .
ماجد يرفع نظره وبغضب : تهيت بالحالها وتقولين خلها براحتها .
ام ماجد : اذا تزوجتها تكلم عليها ، ولا الحين مالك كلمه دام اهلها موافقين .
ماجد يهز راسه بعد ان ارتشف : ان شاء الله ، كلمتي عليها قريبة .
ام ماجد ببتسامة خبيثة : اي من اليوم مفروض قايل الكلام ذا .
ماجد بنظرات ساخره ابتسم من بينها وهو يُنزل نظره مُحاولاً ازالتها .
ام ماجد بعد صمت تضع ساق على ساق وهي تمد كفها لاخذ فنجانه الفارغ وبتمهيد لموضوعاً ما قد بان لماجد : اليوم معزومين وبنروح .
ماجد يرفع نظره وبتساؤل : عند من ومن المعزوم ؟! .
ام ماجد : عند ام ابراهيم والمعزوم انا واختك .
ماجد بضحكة ساخره : طيب بتروحون واشوفك مضبطه وضعكن ليش تقولين لي ؟! .
ام ماجد تقف : اعطيك علم .
ماجد يسحب هاتفه من جيبة : الله معكم وبحفظه ان شاء الله .
..
تخرج من غرفة نوره مُتجه للغرفه الشبه مخُصصه لها وهي تفتح الباب بهدوء لتُدخل راسها ويقع نظرها على السرير الفارغ وبهمس : الحمدلله انه طاس .
تقترب من السرير لتلُف للخزانه , ويسقط نظرها ع الثياب المرمية على الارضية بقصد واضح وتتبعها مناشف وثياب داخليه , تقترب وهي تنحني حاملتها وتتجه للحمام وترميها بالسلة المُخصصه لذلك ناطقة بتافُف عالي : اوفففف ي شين حركات الورع على الشايب .
تخرج بعد لحظات مُتجه ناحية السرير وتبدا ترتيبه بضمير قد غاب فتره ، وتُخرج ثيابها من الحقيبة وتضعها بالخزانه ، بعد دقائق تقف امام التسريحة وهي تتخصر مُتجوله بحادقتها في الغرفه .
وب انتصار وابتسامة عريضة قد زينت ثغرها الوردي : فديتني هذا الشغل ولا بلاش .
تقترب بخطوات واسعه حاملة الثياب المطوية فوق السرير وتتجه للحمام .
. .
يرفع نظره من هاتفه بعد شعوره بدخول احد الصاله ليبتسم وهو ينقُل نظره في الفستان القميص الجنز الازرق الذي ترتديه وكان قد وصل لنصف ساقها ذو ياقه علوية وازرار في المنتصف باللون البُني واكمام قصيرة تصل لنصف عضدها بحزام في منتصف خصرها باللون البني ايضاً ، ويُنزل نظره لقدميها بالفلات الابيض الهادي ويعود رافعاً عيناه للاعلى ،
مُتاملاً الربطة الموضوعه بمنتصف راسها التي يظهر شعرها الطويل من خلفها المُنسدل بنعومه وتمرد على ظهرها .
يضع عيناه الناعسه بعيناها الصغيره غامزاً بخبث : من وين طالع القمر اليوم .
ابرار بقرف من سُخريته : اسكت بس .
ماجد يُنزل الهاتف امامه ليُشير بيده ناحيتها : تعالي . ابرار بعناد : لا .
ماجد يتكي على ذراع الاريكة وبسُخرية : يقولون منحاشه .
ابرار ب استغراب بريى : مناحشة ؟! .
ماجد يعض شفاهه السفليه ليُشير بجواره : تعالي هنا عشان افهمك .
ابرار تعود قليلاً للخلف : لا .
ماجد ببتسامة : ابرار تعالي لا تخليني اجيك واجيبك عشان ماتعاندين .
ابرار تدخل بخطوات غاضبه وهي تجلس جانبة ناظرة اماماً : وش عندك .
ماجد ينظر لملامح وجهها الجذابه التي خُلقة في بشرتها البرونزية : امممم ليش نمتي مع نوره .
ابرار تلتفت عليه وبملامح للان غاضبة : انام وين ما ابي وش عليك انت ؟! .
ماجد يقترب هامساً وهو يُقبل وجنتها بُقبلة طويلة : علي اني زوجك .
ابرار تستوعب الدفىء الغريب الذي استقر على وجنتها , لتدفعه بقوه وهي تقف مُبتعدة وبرجفه : هيه انت وش زوجي مازوجي مو اتفقنا ان زواجنا ع ورق .
ماجد يُقاطعها وهو ينظر لارتجافها واشتعال وجنتاها باللون الاحمر : خلينا نكسب من الزواج دام ماراح نسوي شي حرام .
ابرار تقبض على ظهر كفها الايسر بباطن كفها الايمن وهي تحاول ان تُخفف ارتجاف اصابعها : في احلامك روح لنوفك اللي مزعجنا فيها .
ماجد بغضب يقف مُقترب : والله انها تسواك .
ابرار بمُقاطعه وخوف : والله ماتقرب .
ماجد يقف ناطقاً ب استغراب : واذا حلفتي يعني ماراح اسوي لك شي .
ابرار مُغيره مجرى الحديث : ابي اشوف اهلي .
ماجد يقترب بغضب ساحباً شعرها الطويل للاعلى : وش قلتي ؟!
ابرار ترفع ذراعيها لتمسك معصمه وبقوة لا تعرف من اين استمدتها : قلت ابي اشوف اهلي .
ماجد يقترب بجيبنه بقوه لجيبنها ليتصطدم به وبغضب : ان شاء الله رجع لك عقلك .
ابرار بصوت غير مُتزن وهي تُنزل ذراعيها لتُبعد راسها للخلف وتُمسكه بقوه محاوله تخفيف الالم الذي شعرت به : الله يكسر راسك .
ماجد يعود لشد شعرها : تبيني اكسر راسك انتي ؟! .
ابرار ب استفزاز : عادي اكسره وبكسر راسك .
ماجد ببتسامة حاول يمسكها لكنها ظهرت : انتي وش سالفتك .
ابرار تسحب خُصلات شعرها من كفه لتبتعد وهي تُهدد بغضب : اهلي رايحه لهم رايحه لو انحاش تهريب .
ماجد ببتسامة غريبه بانت من عيناه وهو ينظر لقفاها المُبتعد .
..
سيف يوكز كتف تركي وبصوت عالي : ولد قوممممم .
تركي يجلس وهو يضع ذراعه فوق جبينه ماسحاً قطرات العرق : كيف ماحسينا بالشمس .
سيف يحمل امتعت نومة الحارة من اثر الشمس : مدري عنا .
تركي يحملها ليتبعه ويدخل ناطقاً : الله لا يلومنا بس .
ينطق سيف بعد ان رامها بالغرفه : شفت عمي .
تركي وهو يرميها ايضاً : لا ولا ابي اشوفه .
سيف ينظر لملامحه وب استغراب : ليه ؟! .
تركي يقترب وبغضب : عشان يكمل اللي ماسواه امس .
سيف يقف بعد ان كان هاماً بالخروج : براحتك مع اني اتوقع رضاء .
تركي يلتفت عليه ويلوي شفاهه ب سُخرية : احلف بس .
سيف ينظر لدخول علي الذي حرك شفاهه بهمس : ابوي يناديك .
يخرج بخطوات واسعه .
تركي ينظر لسيف وب تساؤل : وش فيه ذا .
علي ينطق بربكة : وانا وش دراني عنه ، الا كلمك ابوي ؟!
تركي يرفع نظره من هاتفه : لا ، وش صاير قبل شوي سيف والحين انت وش عند ابوي ؟! .
علي خارجاً بعد سماع صوت دخول سيارة : يعني مافيه احد يسال .
..
سيف يُقبل راس عمه ويجلس على السجاد الثقيل المفروش تحت بعض الاعمده المُغطاه بِسعف النخل : وش مجلسك بذا الحر ي ابو علي .
ابو علي يلتفت لسيف الذي جلس بجواره : م ارتاح الا هنا وانا عمك .
سيف ببتسامة : الا امرني علي يقول تبيني .
ابو علي : المُملك راح يجي الظهر وبنملك ان شاء الله .
سيف يفتح عيناه بصدمة : عم ماسوينا تحاليل ولا .
ابو علي بمُقاطعه : التحاليل توها ظهرت ولا من اول مانسويها ولا لها داعي .
سيف بهدوء : وكيف وافق ؟! .
ابو علي : منهو ؟! .
سيف بضيق : اللي بيملكهم كيف وافق .
ابو علي ببتسامة : جارنا هنا ، وطلبت منه ووافق .
سيف بتفكير : لازم نقنع هاجر .
ابو علي بعينان تشع سعاده : هي جاتني اليوم وقالت موافقه .
سيف بنظرات مصدومة : كيف وافقت وانا اعرفها هي وتركي مايجتمعون .
ابو علي بهدوء بأسم : لا هي بتاخذ علي .
سيف بشهقه اخفاها بعد ان راى القادمين ليفز واقفاً وهو ينطق : هلا والله بعمتي .
ام علي تقترب : هلا بك ي وليدي وشحالك وعلومك .
سيف ببتسامة نطق بعد ان سقط نظره على اسيل : الحمدلله كيفك وكيف البنات ؟! .
نجلاء ترفع كفها : طيبين ، شكلك انت وتركي متفقين ولا ماخلتونا وراكم .
سيف ببتسامة يقترب وهو يعبر من جوارها : كل شي صدفه .
هند بهمس لاسيل : وش فيه يناظرك ويبتسم ؟!
اسيل ببتسامة عريضه تُخفيها من تحت النقاب : وانا وش دراني خليني اسلم على ابوي بس .
هند تتبعها وهي تهمس بداخلها : اقص ايدي اذا مابينكم شي .
ابو علي ببتسامة : تو مانور المكان هلا والله .
نجلاء ببتسامة وهي تنحي لوالدها: والله ماتقوم .
بعد لحظات من جلوس الجميع .
ابو علي : وين راكان وفهد ؟! .
ام علي ببتسامة : راكان وقف مع العيال هناك ، وفهد ابشرك لقاء له وظيفه وراح يشوفها .
ابو علي بفرحة : ماشاء الله ماشاء الله وين ؟!
ابو علي بفرحة : ماشاء الله ماشاءالله وين ؟!
ام علي : واحد من اخوياء راكان .
ابو علي : الحمدلله .
..
فهد يقف وهو يرفع ملفه الذي كان يحملة بيده اليمين : كيف رفض .
السكرتير : زي ماسمعت ، يقول مايعرف شخصك الكريم .
فهد وهو يخفي غضبه : طيب روح قول من طرف سعود .
السكرتير بضيق يمشي متجهه ليطرق الباب الخشبي الضخم ويختفي داخله وهو يُغلقه خلفه .
يخرج بعد دقيقه بربكة : ادخل ي طويل العمر اعذرني .
فهد يقف ببتسامة ساخره : ماصار شي ، وش قال مُديرك ؟! السكرتير يتقدمة : ادخل وبتعرف .
فهد يدخل خلف السكرتير ليقع نظره على الشخص الطويل ذو المنكبين العريضه والعضلات الواضحه خلف الثوب الابيض الذي يرتدية وملامحه الهاديه وعيناه الشبه صغيره ليسقتر نظره بحادقتاه ذات اللون البُني الغامق ، ينتقل نظره بانفه الطويل وشفاهه العريضه وذقنه ذو العوارض القصيرة الكثيفه يوقف تحدقيه بعد اقترابه .
احمد يُمد يدة ببتسامة واسعه : اعذرنا ، بسبب انشغالي ماقدرت ادخل اي شخص ماله موعد .
فهد يُقاطعه وهو ينطق بعد ان استقر كفه بكفه : معذور اهم شي راحتك .
احمد ببتسامة وهو يهتف لسكرتير : جيب اثنين قهوه .
يلتفت على فهد : ليكون ماتبي قهوه ؟! .
فهد ببتسامة وهو يسحب يده : لا بالعكس كويس .
احمد يعود لمكتبه بعد ان خرج السكرتير : نورت الشركة .
فهد ببتسامة كاذبه : بنور اصحابها .
احمد ببتسامة وهو يمد ذراعه قاصداً اخذ الملف : ماتعرفنا عليك .
فهد يقترب ليُعطيه الملف ويعود للجلوس : معك فهد بن محمد الصايل .
احمد يـُدقق بملامحه ليهتف : والنعم ، ولنا الشرف عرفناك .
فهد ببتسامة : ونعم في حالك .
احمد يفتح الملف وهو ينطق بعد ثواني : مُهندس .
فهد يُعدل شماغه ويلتفت لسكرتير الذي دخل يحمل صينية فيها فنجانان من القهوه : ايه .
السكرتير بعد ان انزل القهوه : تبي شي ي طويل العمر ؟! .
احمد يرفع نظره لسكرتير : ايه كلم مدير الشؤون الاداريه للهندس خله يجي .
السكرتير ينطق خارجاً : ابشر .
ليحمل فنجانه وبهدوء : قد توظفت من قبل ؟! .
فهد يُمرر اصابعه على عُنقه ب احراج : اتوظف بس مايكتب الله نصيب ، المُعدل ماساعد وكذا .
احمد ببتسامة : الله يوفقك ، اشرب قهوتك لين يجي فايز .
..
نجلاء بتساؤل : الا وين تركي و اريان ؟! .
علي : اريان خابر انها راقده ، وتركي شوي وبيجي .
الجوهره ببتسامة : ماشاء الله ي يبه المزرعه حلوه بس يبي لها اهتمام اكثر .
روان بضحكة قصيرة : عاد متغيره عن اخر مره شفناها .
نجود : اول مره نشوفها ، لكذا من حظنا انها زانت .
علي بِمُزاح : ابوي يقول بيبعها .
هند بصدمة : لا حرام عليك ي يبه ع الاقل نطلع لها العطل .
ام علي ب استغراب : وليش تبيعها دامك قد شريتها ؟! .
راكان يقرا نظرات علي لينطق من بين ضحكاته : ولا واحد فيكم يعرف يكذب .
اسيل بسُخرية : وش نسوي اذا مكسون .
ام علي تقرص فخذها : بسم الله على ولدي .
اسيل تمسح على فخذها من اشتعال الإلم و بغضب تقف : بسم الله ماينمزح معهم .
راكان يغمز لاغاضتها : تستاهلين يالله اذلفي .
اسيل تخرج بغضب لتلحقها ريما بمرح طفولي .
ابو علي بهدوء : باجرها .
نجلاء ببتسامة عريضة : والله انها فكره يُبه .
راكان يُخرج هاتفه من جيبه وينطق ب استغراب : فهد يتصل .
روان : طردوه من الشغل وبيحط الحره فيك .
راكان يفتح الخط : الله يستر ، الوو .
فهد ببتسامة وصُراخ : اكتشفت انك احلى اخو بالدنيا . راكان بعينان ساخره فقد وصله ماسينطق : بشر .
فهد بفرحة : قبلوني الحمدلله .
راكان ينقل نظراته بين الجالسين وببتسامة : ابشركم توظف .
الجميع بصُراخ مُتفاوت وتهنئه يُخالطها فرح .
ام علي بعينان سعيده تظهر من بين فتحات البُرقع : عطني اكلمة .
راكان يقف وبيد مُعترضة : فهيدان دق ع جوال امي ابي اكلم لي واحد .
فهد يهز راسه : طيب فِمان الله .
راكان يُغلق الخط ليبحث عن الرقم المقصود : بيدق ع جوالك .
ام علي تنظر لظهره لتلتفت على البنات : وين جوالي ؟! .
هند تبحث في حقيبتها وتُخرجة : ماتتغيرين تنطلينه وحنا وراك ندوره .
ام علي بعينان مُعلنه عن تهديد قاسي : جيبي الجوال وانتي ساكته .
..
ببتسامة عريضة يرفع الهاتف ويُجيب : تو مانورت السعودية .
انس ببتسامة : ب اهلها منوره .
احمد يقف : وينك ؟!
انس يقف وهو ينتظر خروج حقيبه : قلت بتستقبلني .
احمد ببتسامة : والله مادريت متى بتوصل .
انس ب استغراب : مفروض قدك عارف من كثر ماتنزل من لندن لسعودية .
احمد بضحكة قصيرة وهو يخرج : طيب وينك جايك .
انس : بالمطار .
احمد بضحكة طويلة : وليش ماجيت ع اقرب تكسي .
انس بغرور : انا انس اجي مع اي تكسي ؟!
احمد بصوت مُغتاض : الكبر لله وانا اخوك .
انس بهدوء : اقول تعال اخذني بس .
بعد اغلاق الخط يُمر احمد بخطوات واسعه من بين الممرات قاصد مكتب فهد ليطرق الباب .
فهد بهمس : يمه يالله مشغول بكلمك لما افضى .
ينطق بصوت عالي : ادخل .
احمد يفتح الباب ويدخل بهدوء باسم : بشر كيف اول دوام ؟! .
فهد يقف ب احترام : زي ماتشوف كل شي حلو .
احمد : الحمدلله ، يالله تامر على شي .
فهد ببتسامة : لا ي طويل العمر .
احمد يعود للخلف وبتهديد وهو يلوح بذراعه : بدون رسميات بينا .
..
راكان يتكي على جذع النخله وينطق بشكر عميق : والله ماقصرت .
سعود يُقاطعه : راكان مابينا شي حنا اخوان عيب الكلام ذا .
راكان ب احراج : والله مدري وش اقول .
سعود يقُاطعه ب اعتراض : راكان ترى والله بزعل وش الكلام ؟! .
راكان بهدوء : طيب طيب كل شي ولا زعلك ي ابو راكان .
سعود ب عينان مُستغربه وهو يُغلق الملف الذي امامه : من ابو راكان ؟! .
راكان ببتسامة : مافيه غيرك .
سعود بضحكة قصيرة : اوك ي ابو سعود تعال عندنا شغل ضروري .
راكان بصوت مُتسائل : بس عندي اجازه .
سعود بهدوء وهمس : شغل بيني وبينك ماحد يدري فيه .
راكان بنفس همسه : وش السالفه ؟! .
سعود بضحكه من همس راكان المُقلد له : طيب لا تقلد ي شيخ .
راكان يُمرر اناملة على شعره القصير : تلقائي طلع الكلام ، الا تكلم وش صاير ؟! .
سعود : ماقدر اتكلم بس لازم تجي بيتي ضروري .
راكان بتفكير : خلاص راح اجي ع المغرب .
سعود : اوك واعذرني قطعت اجازتك .
راكان ببتسامة : دام الشغل مو بالمركز مانسمية قطع اجازه .
سعود بضحكة طويلة : تعال تعال بس .
..
ابو علي بهدوء وهو يُحرك اصابعه على السجاد بجوار فخذه برسوم غير واضحه : زين انكم اليوم جيتو واجتمعتو .
البنات بعيون مُستغربه .
لتنطق ام علي قاطعه الصمت وتساؤل الجميع : عسى ماشر ي ابو علي .
ابو علي ونظره على علي : راح يتملك علي بعد ساعه .
تنطق نجلاء بشهقه : تمزح يبه ؟! .
ابو علي : ليه كم هو عمري قدامك ؟! .
نجلاء بحرج تصمت .
الجوهرة وعيناها على علي : منهي سعيده الحظ ي خال .
ابو علي بهدوء ونظرة لزوجته التي كادت ان تظهر عيناها من الصدمة : هاجر بنت بدر .
علي يقف ليخرج بخطوات واسعه متوتره .
نجلاء ب استغراب من خروج علي : علي متاكدين موافق ؟!
ابو علي وهو يتذكر اصراره عليه لينطق بحزم : ايه موافق .
هند بصوت مصدوم : طيب تركي وينه .
ابو علي بغضب : وش دخل تركي ؟! .
هند برجفه من غضب والدها : الكل عارف انها له من اول يعني كيف صارت لعلي .
ابو علي بغضب : انطمي وماعليك من علوم الكبار .
هند تبعد عيناها بخوف : ابشر .
ام علي بهدوء : وش صاير ي ابو علي ؟! .
ابو علي يُبعد نظره عن زوجته : ماصار الا كل خير .

الجوهرة تهمس لروان ونجود : خلونا نقوم شكل الموضوع بيكبر .
روان تهز راسها وبهمس مُماثل : اي تكفين جاتني ام الركب من صوت ابوي .
نجود : يالله وحده تقوم عشان نلحقها بدون يشكون .
..
انس يُنزل حقيبته ليلتفت على الصوت القادم من خلفه .
كايد بصوت عالي : انـس .
انس يقترب له : امر .
كايد ببتسامة يُخبي خلفها الكثير : افا بتروح بدون نتبادل ارقام .
انس يُمرر كفه فوق شعره الاسود الكثيف : اعذرني انشغلت بموضوع ونسيت الدنيا .
كايد بملامح مُستغربة : عسى خير .
انس يُدخل كفه في جيبة باحثاً عن احد البطائق المـخصصة لجميع ارقامه ويسحب اول بطاقه سقطت بين اناملة ،
ليُخرجها ويُمدها ببتسامة : هنا الارقام كله ماودي اعطيك رقم مُحدد ويكون مقفل .
كايد بمُقاطعه وعين تقع على الفتاه الشقراء الموجوده بالطاقه وهو يلتقط اسمها : مغلط بالكرت ؟!
انس ب استغراب يسحب يده ليُدقق وبربكة وهو يُعيده بجيبه ويسحب بطاقة اُخرى : اعذرنا اغلطنا .
كايد ببتسامة خبيثه : لا تشيل هم ماشفنا ولا سمعنا . انس يُمد بطاقته له وببتسامة ثقيلة : تسلم .
ويبتعد للخلف وهو يلوح بيده مودعاً بعد ان راى الشخص المُقترب .
انس فز بنفضه خفيفه بعد ان شعر بالشخص الذي لكمة بقوة من كتفه .
يلتفت بسرعه وينطق دافعه للخلف : بسم الله ماتعرف تتكلم .
احمد يسحبه لاحتضانه وبضحكة طويلة : وش تفكر فيه ي الخواف .
انس بسُخرية يدفعه عنه ليمشي مُتجاوزه : شكلك تبيني اوريك من الخواف .
احمد يحمل حقيبته ويتبعه بضحكة : طيب سلم زين ي ولد .
انس يتقدمة بخطوات مُبتسمة : اقول شيل شنطتي ، واذا فكرت تسلم زي الرجال سلمت عليك .
احمد ب سُخرية : ليش وش شايف سلامي ؟! .
انس يلتفت وهو يحرك حاجبه الايمن ساخراً : سلام نسوان .
احمد يرمي الحقيبة وبصوت غاضب : تعال شيل شنطتك .
انس يقترب وهو يمسكة من عضدية لُيقبل راسه ويبتعد غامزاً ببتسامة : كذا نراضي الشيوخ .
احمد يحملها وبصوت مازح : اقول تحرك خلنا نروح للبيت .
انس يسحبها منه وبهمس : بيت عمي سعد .
احمد بغضب : دامك تبي بيت عمك ليش ماكلمت ماجد .
انس بهدوء : موضوع ضروري .
احمد يُقاطعه وبهمس : موضوع هادي اكيد .
انس ببتسامة : عليك نور يالله تحرك .
احمد يمسك ذراعه ناطقاً بتساؤل : مين اللي كان واقف معك قبل شوي .
انس يلتفت خلفه باحثاً عنه بعيناه : واحد اسمه كايد الكايد .
احمد يُعيد الاسم : كايد الكايد ؟! .
انس يُهز راسه متجهاً خارج المطار : ايه اول مره اسمع فيه .
احمد يُشير جهة سيارته وهو يفتح اقفالها من زر التشغيل الموجود في كفه : وانا بعد مع انه باين ولد نعمه .
انس يفتح الباب ليصعد ناطقاً بعد صعود احمد : م ارتحت له .
احمد يـُحرك السيارة وبصوت مُغتاض : اسال عنه ، الا وش رايك تتغداء عندنا ، والعصر روح لبيت عمك .
انس بتفكير ينطق بعد ثواني : شورك وهداية الله .
احمد بضحكة قصيرة : الرياض مشتاقه لك .
. .
اسيل تبتعد عن الباب بتعب وهي تفرك اصابعها بكفيها : خلاص تعبت ماراح ينفتح .
ريما تقترب طارقة للباب و بغضب : لا اكيد بينفتح ، بابا وعدني راح يفتح الباب .
تركي يقترب من خلفهم وبهدوء : المفتاح اكيد مع ابوي روحو اخذوه .
اسيل ببتسامة تلتفت له : وينك مختفي .
تركي ينحي ليُقبل خدها : منحاش من نجلاء .
ريما بلقافه : ي ويلك والله بالسيارة بس تسبك وتقول بتضربك .
تركي يحملها ليرميها عالياً وهو يبتسم على صُراخها : اذا ضربتني رميتها زيك .
يُجلسها فوق ذراعه ويُقبلها قُبلة طويلة ويبتعد هامساً : اكلك .
ريما ببتسامة طفولية وهي تتكي على صدره : طيب افتح المسبح .
تركي يُنزل نظره على اسيل : روحي كلمي ابوي يعطيك المفتاح .
اسيل تبتعد هاربة : ابوي معصب خلني بسلامتي .
تركي ينظر لريما وبتحقيق : مين جالس مع ابوي ؟! .
ريما تحسب ب اصابعها الصغيرة : علي وماما وهند ونجلاء .
تركي بمُقاطعه : هاجر موجوده ؟! .
ريما تُهز راسها رافضة .
..
ابو مساعد بصوت حازم : قلت لك كلمية يرجع وش يهيت به في جده ماوراه دوام ؟! .
ام مساعد تُحرك يديها مُشيرة ان يهدا : بكلمه خلاص خلاص انت اهدا بس .
ابو مساعد ينزل بخطوات غاضبه .
اسير تُغلق الباب لتتكي عليه وبهمس : ابوي معصب .
وتين تُبعد الغطاء لتحمل الكتاب المرمي جوارها وتضعه فوق الطاولة وبصوت مُتسائل : وش فيه عمي ؟! .
اثير تُنزل الهاتفه في حجرها وبتحزير للاجابه : قالت امي له عن العزيمه ورفض .
اسير تسحب الكرسي لتجلس وتُميل براسها يميناً هاتفة بصوت ساخر : ممتازه ي الذكيه .
اثير بعينان مُغتره : اعجبك ي توامتي .
وتين تضع ذراعيها حول خصرها وبحزم : اسير تكلمي وش فيه عمي .
اسير ببتسامة : ي طويلة العمر ي بنت عمنا الحلوه ي اجمل وحده بالدنيا .
اثير ترمي المخده لاسير : ي بتتكلمين ولا اسكتي .
وتين تقترب لتسحب اذن اثير وبصوت ضاحك : قولي تغارين .
اثير تضرب ظهر يد وتين وتقف : بروح اخذ العلم من امي احسن من ذي .
اسير تُخرج لسانها : يالله اذلفي .
وتين تقترب بعد ان خرجت اثير : هاه تكلمي .
اسير بهمس : السالفه ان ابوي معصب لان مساعد للحين بجده .
وتين ب استغراب : يوه وش فيني مافقدت تهاني .
اسير بضحكة طويلة وهي تقف : لا تسمعك تهاني بس بتزعل .
وتين تقترب للخزانه : اصلاً زوجة اخوك ذي دايم منفسه علي لكذا مايحتاج تسمع .
اسير بضحكة : حرام والله تهبل .
اثير تقُبل خد والدتها : ي فديت عينك ي الغالية .
ام مساعد ترفع حاجبها ب استغراب : وش حاصل ؟! .
اثير تجلس مُغتاضه : يوه يمة يعني م اقول كذا الا وراي شي .
ام مساعد تُغلق التلفاز لتلتفت وهي تبحث عن الحقيقه بوجهها : لو انك مو بنتي كان قلت اعذرني اغلطت .
اثير تُعدل شعرها لتنطق بضحكة : ابوي رفض يودينا ؟! .
ام مساعد تضربها برفق ع فخذها : شفتي قلت لك وراك شي .
اثير ببتسامة : خلاص تعرفيني هاه جاوبي .
ام مساعد تهز راسها : ايه بس بنروح مع خالتك منيره .
اثير تفتح عيناها بصدمة : خالتي علياء بتروح معنا ؟!
ام مساعد بهدوء : ايه بتروح .
اثير تقف وهي تبحث عن هاتفها في جيوبها لتضرب جبينها : يوه نسيته فوق .
ام مساعد تلتفت ب استغراب على صعودها الدرج بخطوات واسعه تنطق بصوت عالي : اثير شوي شوي لا تطيحين .
اسير تمسك صدرها بقوه لتدفعها بغضب : احح ماتشوفين .
اثير تقف ناطقة بعينان مفتوحه : ايه ماشوف بعدي عن طريقي .
اسير تشرح بهدوء : شوفي ترى لما اقول بالغرفه ابوي يهاوش اقصد عشان مساعد .
اثير تبتعد عنها لغرفة وتين : مايهم مايهم .
وتين تلتفت على دخول اثير الغريب : وش فيك ماتدقين الباب .
اثير تسحب هاتفها لتخرج بخطوات بطيئة وهي تتصل : لُجين ردي .
وتين تقف على الباب وهي تُشير بعيناها لاسير بمعنى : وش فيها ؟!
اسير ترفع كتفيها بمعنى لا اعلم .
..
في الغرفة اثير تهتف بسرعه : بدري تردين .
لُجين بعينان مُغلقة : نايمة .
اثير ترفع نظرها على دخول اسير : وقت نومك انتي .
لُجين تجلس لتستند براسها على راس السرير خلفها : طيب اخلصي وش عندك .
اثير بقُنبلة : ناصر بيودينا لحفلة ام ابراهيم .
لُجين ترمي الغطاء لتقف وبصراخ : من قايل لك ؟! .
اثير ببتسامة : صح النوم توك تصحين .
لُجين بغضب : اخصلي من قايل لك ؟! .
اثير تجلس على مقدمة سريرها : امي توها تقول لي .
لُجين تُدلك شعرها ب استغراب وغضب : وقلو العيال يوم يودينا الاخ ذا .
اثير تنظر لعينان اسير وببتسامة خبيثه : وين عبدالرحمن ؟! .
لُجين بقهر : الخايس تهاوشت معه امس وحلف مايوديني ، واحمد مشغول .
اثير ببتسامة : لا ماعليك حل احمد عندي كل شي ولا انتي ي قلبي .
لُجين بشبة ابتسامة : فديتك ي احلى بنت خاله يالله بروح اشوف قصة نوصير ذا .
اسير بتساؤل بعد ان اغلقت الهاتف : وش فيها لُجين ، ووش قصة عبدالرحمن .
اثير تتصل على احمد وتنطق بهمس : ناصر اللي يبي يودينا .
اسير ب استغراب : وين عبدالرحمن ؟! .
اثير ترفع نظرها : متهاوشه معه .
اسير تخرج وبهمس : مالت عليها مالقت الا تتهاوش معه .
اثير ببتسامة : هلا والله ب احلى اخو .
احمد يقف مُبتعد عن انس لينطق مُبادلها الابتسامة : هلا بك . .
اريان تقف بصدمة وهي تنظر في عينان هاجر : اللي تقوله الجوهره صدق ؟! .
هاجر تبعد نظرها وبربكة : اي صدق .
اريان تقترب وتدفعها للخلف بقوة : وتركي ؟! .
هاجر بغضب تبعد ذراعيها : اخر من افكر فيه تركي .
روان ب استغراب : وش صاير .
اريان تُحيط راسها بكفيها لتهمس : امس تركي اليوم علي كيف كذا ؟! .
هاجر تبتعد وبضيق : بنات ابي لبس انقرفت من امس بالبجامة ذي .
الجوهرة تهز راسها : اوك بقول للعيال ينزلون الشنط ، امشي روان .
روان تتبعها ب استغراب لتهمس للجوهرة : وش في العالم اليوم .
..
تركي يُنزل ريما ليخرج الهاتف وب استغراب يفتح الخط : هلا اريان .
اريان بغضب : صدق اللي سمعته ؟! .
تركي بهمس : وش سمعتي ؟! .
اريان بغضب : انت وينك ؟!
تركي بضيق : اريان وش فيك تكلمي اللي فيني يكفيني .
اريان تحاول ان تمسك نفسها عن البُكاء : لازم اشوفك وينك عشان اكفخك صح .
تركي يلتفت لينطق : عند صالة المسبح .
اريان تُغلق الخط وتمشي بخطوات واسعه .
تركي ببتسامة مُتعبه ينحي ليُقبل ريما : يالله روحي داخل .
ريما تتجه مُبتعده بخطوات غاضبه .
ليستقيم بوقفته وهو ينظر لاقتراب اريان .
تركي بغضب : وين عبايتك !
اريان تُنزل نظرها لتكتشف انها خرجت بدون عباءة من شدة غضبها : نسيتها .
تركي يُشير بيده : يالله روحي داخل .
اريان بغضب : لين اخلص من موضوعك واروح .
تركي بدون صبر : وش موضوعي بعد ذا .
اريان وهي تنظر لعيناه وبغضب : كيف رفضت هاجر .
تركي يرفع حاجب وبعدم فهم : رفضت هاجر ؟!.
اريان تهز راسها لتنزل دمعتها : ايه ليه رفضتها .
ينطق ب تحزير : ابوي فهم الموضوع ؟! .
اريان بغضب : كيف فهم الموضوع وهو بيزوجها علي .
تركي يفتح عيناه بصدمة وينطق بتكذيب ماسمع : علي ؟! .
اريان تدفعه لتعود بخطوات غاضبه وتنطق : الشرهه علي بس.
تركي يمسك ذراعها و بغضب : علي بيتزوج هاجر ؟! .
اريان تلتفت وتنظر لعيناه المحمره بغضب : ايه .
تركي يتعوذ من الشيطان وبهمس : من قايل لك ؟! .
اريان تقف بصدمة لتهمس : ماتدري ؟!
تركي يمسك عضديها ليهزها بغضب : تكلمي من قايل لك ؟! .
اريان بهدوء مصدوم : البنات .
تركي ينظر في عيناها وبرجاء : لا تقولين هاجر موافقة .
اريان بعينان امتلت بالدموع : المشكلة ان هاجر موافقة .
تركي يبعد ذراعيه ويعود للخلف بصدمة وبهمس : علي وهاجر .
اريان تقترب لتمسك يده : تبيها ؟! .
تركي يُبعد ذراعه بقسوة لينطق بربكة تعب : لا مابيها ، الله يوفقهم .
ليُدخل كفه بجيبه وهو يهمس : وين مفتاحي وينه .
اريان بغضب تدفعه للخلف : انت اصحى وش الله يوفقهم اذا تبي البنت روح ارفض تحرك .
تركي ينحي ليهمس في اذنها : هي ماتبيني وهذا يمحي كل شي في قلبي لها .
اريان ترفع ذراعيها وتمسك قفا عنقه وبهمس في اذنه : اذا تبيها تكلم من الحين ، عشان نقدر نتحرك .
تركي يبتعد براسه قليلاً للخلف لينظر في عيناها ويحرك شفاهه بدون صوت : ابيها .
اريان ببتسامة واسعه : من اليوم مفروض قايل كذا .
تركي بغضب يبتعد : يعني وش بتسوين .
اريان تدفعه للخلف وهي ترفع هاتفها : شوف وش بسوي .
تركي يبتعد ليتكي خلفه وهو يمسكة قلبة بحرقة الم ، كيف لفتاه ان تحرقني كلي .
يخرج من ذهنه على سماع صوت اريان : علي تعال .
يرمي البالطو على الاريكة ليصرخ بصوت عالي : يمــة عـبير ي اهل البيت .
لُجين تنزل من السلالم بغضب : جابك الله .
عبدالرحمن يسحبها من ذراعها متجهاً للمطبخ : الا انتي اللي جابك الله امشي سوي الغداء عندنا رجال مايحب ياكل من شغل الخدم .
لُجين تسحب ذراعها وتبتعد وبغضب : سم لك وله بعد وش شايفنا ذا ، دامه بيجي يتشرط ليته اكل ببيتهم .
عبدالرحمن يفتح عيناه بصدمة : وش ذا الكلام انتي صاحيه اليوم ؟!
لُجين بغضب : ايه صاحية ، ومو تقول امس ماراح تكلمني .
عبدالرحمن بضحكة قصيرة : امس راح ، حنا في اليوم .
لُجين ترفع حاجبها وبسخرية : دامه راح ليش ماتودينا ؟!.
عبدالرحمن بهدوء : دام السالفه فيها شلة الجن بنات خالتك مُستحيل ، وبعدين ناصر بيوديكم .
لُجين تُقاطعه : خير من سمح له يودينا واصلاً ماراح اروح معه لو مافيه غيره .
عبدالرحمن بقلة صبر : وليش اخت لُجين ؟! .
لُجين تضع سبابتها على جبينها : كذا بس مزاج .
عبدالرحمن بتنهيدة : ي بنت تراني تعبان ومصدع اذلفي سوي الغداء .
لُجين بعصبية : انت ماتفهم اقولك مابي اروح معه ولد خالتك ذا .
عبدالرحمن ببتسامة ساخرة : صار ولد خالتي ؟! ,قولي ماتبين تركبين مع خطيبك من الخجل .
لُجين تعود للخلف وهي تلتفت بعيناها باحثه عن ماترمية به لتهمس : يخسى ابو البنات يصير خطيبي .
عبدالرحمن وهو يحاول ان يستفزها بعد ان سمع بعض همسها : تخسين انتي كل شي ولا ناصر .
لُجين تقترب بغضب ناطقة بفحيح وهي تُشير له ب اصبعها : وللمره المليون ترى اقول لكم رافضته ، لا عاد تزعجوني فيه ولا يفكر يحتك .
عبدالرحمن ببتسامة : بالله الحين احد ازعجك فيه ؟! ، جايتني معصبه .
. لُجين تُقاطعه بحدة : لاني عارفه ماجاء الا وراه شي . عبدالرحمن بسُخرية : ماشاء الله ي اللي وراك كنز .
ينطق ب تساؤل : عاد ودي اعرف وش خلاك ترفضينه وانتي قبل ماتبين غيره .
لُجين تبتعد بخطوات غاضبه تاركة خلفها نداء عبدالرحمن وهي تعود لها ذكرى تلك الليلة .
تنزل بخطوات هادية بعد ان علمت بوجوده في المجلس مع والدتها مُتقتربة وهي تقف محاولة سماع حديثهم بحُب .
وتنحني ب اذنها اكثر مُستغربه الصمت بداخل ، لتقف ب اتزان بعد سماع رنين الهاتف وهي تفكر بالعوده ادراجها قبل ان تنكشف ، الا اذا ب قدماها تتصنم بعد سماعها الضحكة الرجولية والجملة التي خرجت .
ناصر بُحب عميق : حبيبتي انتي لا تزعلين ، طيب شوي شوي خليني اتكلم .
يهمس : راح اجي الليلة اوعدك .
يصمت بعد مُقاطعه الطرف الاخر .
ينطق بُحب : بالبيت .
وبحدة : خلاص قلت بالبيت وش احلف بعد ، اذا جيتك الليلة ي قلبي فهمتك ، كل شي ولا زعلك كم عندي بالحياة رنودة .
.
.
.
..( نهاية البارت الثالث عشر ) ..
.

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

يسعدني المروور بصفحتك
ومشااهدة جهووودك المميزه

سلمت وسلم لنا طرحك

يعطيك العااافيه

شااكره لك

سلمت يمناك
طرح جميل جدا

100
‏جمال الاختيار
خلفه ذآئقة جميله جدا

تعرف ماذا تقدم

‏محتوى الطرح اكثر من راقي

من الاعماق
اقدم لك شكري واحترامي



‏ليل المواجع
محمد الحريري

- أنتقآؤكْ رَبيعٌ فاتِنْ ..
أروتني معرفتٌك حد الإكتفاء
لقلبك بياض لا ينتهي

يسعدك الله على الموضوع
وعلى اختيااااره الا كثر من رووووعه

شكرا يعطيك العااافيه

نجمكم

سلمت أناملك لروعة ذوقك
يسعدك ربي ويحقق أمانيك
🌺🌺🌺🌺🌺🌺🌺

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد