غيم القوآفي يسقي ورود الأحلآم

على جو السهر نادت عيوني والهموم ضيوف
تزاحم في وسط صدر فتح لكبارها بابه
تلافت حزة المغرب على باب الكريم صفوف
وضيق الخاطر الي مع غثاها نوخ ركابه
ونجمات السما عنده تعلل والسما مكشوف
مع كثار الظنون الي غدت له حسبة احبابه
يقهويها من دلال الهجوس الي تبوح حروف
وهي تسمع لقصاص الحزن يقرا من كتابه
بوحي

‏والله انك فوق ما حولك نزول
والله ان نفسي لـ قربك .. هاويه

زادك الله فوق خلق الله قبول
من يقول ان البشر .. متساويه

عيت تغيب الشمس والليل محتار
ينطر غياب الشمس يسحب نهاره
كن القمر والشمس مابينهم ثار
الكل منهم واقف في مداره
حتى حساب الوقت للعد ماسار
كنك تشوف الكون وقف مساره
وانا مع الاشواق واقف على نار
ابغى المساء يسدل علينا ستاره
يمكن مسىا الخلان يلفي بزوار
واقول ياحيا مساء الزياره
لكن شعاع الشمس قدم لي اعذار
حتى سواد الليل جاب اعتذاره
يقول بدرك ماله الليل مظهار
لبس السحابة واحتجب وسط داره
بوحي

ما كتبتك .. لـ اني آحب القصيد
لك حروف بـ صدري تحب الورق ..

الا ياملهم اشعاري نخيتك والعنا بالجوف
تعال افتح مغاليق الصدر واستخرج العله
تعال اطلق مساجين القصايد سوبي معروف
مادام انك تحكم بالهجوس ودربه تدله
ابي عن ضيقة الخاطراتمتم والسما مكشوف
بليل يطرب لشعري مع الفنجال والدله
لعل الضيقة الي في خفوقي تجتول وتطوف
عن الخفاق يطردها جديد القاف والشله
بوحي

اقول احبك وادري وش اقول
واوفي حبك واعطيه حقه

لا تعطني قلبك قلبي لك أصول
سوي فيه ما تبي يا مستحقه

أفهمك ..
من دون صوت ' أفهمك
كمل سكوتك .. ما أبي اللحظة تفوت
انت وحدك ، لو سكت !
منك يغريني السكوت

سأبتسم وجعاً
وسأجعل ضحكتي دمعاً
وسأغني للهوي
وإن كنت
فى الهوى محتل

يصير كلش لوتبي كلش تراه يصير
لاصارلك همة ومع زود الطموح اصرار
اعزم توكل واطلب الله والي التدبير
لا لا تراخى لا ولا تحتج بالأعذار
واصبر ولاتيأس ترا يأس الفتى تخدير
واقنع برزق كافله لك رازق الأطيار
واحفظ بشكرك نعمتك واياك والتبذير
واطلب من الله الستر يالله ياستار
بوحي

سأغني للهوى
وإن كان الهوى
قمر قد أفل
ألم تعلم يا هواي
أنك للقلب
خليلٌ وخِل