فتنة الحي ....

*

أوه اوه يا عينن بها رشفة المي
اسقيتني شربه وانا مثل باسقيك
باقي لي انفاس(ن) وانا بريحها حي
وتعيش روحي بين هذي وهاذيك
يا قلب ياللي يسحرك لامع الضي
ويا عين منهو بالمفاتين يعميك؟
مرّت على دربي تدفَّق كما الفي
والا سرابن تتبعه عين ظاميك
يا تحفة الانظار يا فتنة الحي
بعيد لكن بعض الافكار تدنيك
يا سحر غيدا(ن) بالحلى مالها زي
وثغرن حلم به ليِّنات المساويك
نظراتها تلعط كما لاسع الكي
وتموت يامحروقها بحب كاويك
تطوي وتلوي طيَّها لاوي الطي
وتاقف لها مسحور من سحر طاويك
تقبل وتقفي روحة(ن) عقبها جي
وشعرن تدفَّق كنه الليل غاطيك
مطواع في ساعه وساعه بها عي
وبذل التفكر في حلا الزين يعييك
بغيت انا اوصافه ولا يشبهه شي
تطردك عينه ثم الاخرى تحييّك
يا رشد قلبن في هواها غدى غي
الله يختِّم بالسلامات غاويك

بقلم \ ملك الكلمات

..

منقوووول