::ـدنيآأ الهوى ـآأ والآحلآأم . بقلمـــي ..!

هذي الكلمات كتبتها بعدما غرقت باللي كلنا غرقنا فيه ... واللي باقي ماغرق فيه .. أقوله جايك الدور بس أصبر ...
الا وهو الحب .. أو مثل ما يسميه العاشقون .. دنيا الهوى والاحلام ..

ترددت قبل ما أعرضها عليكم .. لأنها تمثل واقع عشته وتفاصيل حصلت ..
لكن بعدما انتهى كل شي وصارت الأحداث من الماضي ..

قررت أن أعرضها على أخواني وأخواتي بهذا المنتدى ـآ
....... واللبيب بالاشارة يفهٌُم ...
ويلقى الرموز ويحولها لواقع .... ويستمتع بالقصه ..



>> قصه واقعيه سردت على شكل خاطره <<




كنت بدنيتي أمشي .... ودمعي ماعرف رمشي .. كنت دايم أتباهى .. بنفسي وأحتضن نفسي ..
وكل من حولي يعرفني .. ولا به شي ينقصني ..
أعيش أفكار بس واقع .. ودربي مزهر.ن. ساطع ..
هذا جار وهذولا أصحاب .. وهذولا .. ما أعرفهم أغراب ..
وما ينقصني غير كلمه .. تنقصني كلمة أحباب ..
سمعت حكايات بس مره .... ونهايتها ألم وأحزان .. أطلقت مشاعري حره .. ما أبي حب ولا أوهام ..
مر الزمن وهذا الحال .. ما أنقلب علي أو مال ..
ألين شفت بوابه .... عليها زخرفه وكتابه ....
قدامها حارس هزيل .... ولكن كلامه جميل ....
وبكل لطف ناداني .... وما أدري وش فيني صار .. صحت .. دور أحد ثاني .. وما أبي منك أي أصرار ..
ابتسم وقال راح تدخل .. ولكن هذا مو يومك ..
باقي وردتك تذبل .... وتزيد بصدرك اهمومك ..
تركته ورجعت للعالم .... عالمي عالم الواقع .. وفي بالي دامني سالم .. لهذا الباب أنا راجع ..
عشان أعرف وش فيه .. وش اللي بداخله يخفيه ..
والحارس ليش متأكد .... أني بأرجعله وألفيه ..
وفي ذيك الليله بالغصب نمت .. أفكر في باب الغرابه .. والمشكله بالباب احلمت .. قمت وقلبي نوى به ..
ورحت أجري يم الباب .. ولقيت الحارس متغير ..
وقفت بحيره وأستغراب .. وكلي في هالباب متحير ..
قربت منه وسئلته بهمس .. وين الحارس اللي أمس .؟ قال خلاص انتهى وقته .. اليوم مع ظهور الشمس ..
قلت ليه هو تقاعد ..؟ أبتسم وقال ممكن تساعد ..
قلت أكيد ليه لا .... بس بأيش أقدر أساعد ..
قال أبي أفتح البوابه .. خفت ورجعت لورى .. وهو عني مادرى .. وأتفت يمي وناداني .. وقال أجاوبك ..بشرط
تدخل في هذي البوابه .. قلت أشوف .. أحاول ..
قال كل حارس فينا عمره يوم .. وبعد اليوم أبد ما يدوم ..
قلت ممكن أعرف انت من تكون .. قال أحنا نمثل الأيام .. وواجبنا .. نعطي أمثالك فرصه يدخل دنيا الأحلام..
وفتح الباب وناداني .. ولبيته .. وبكل اهتمامي خصيته ..
عبرت البوابه وتقفلت وراي .. أختفت .. تلاشت .. انتهت ..
ناديته وانا خايف .. أرجووك .. أبي أرجع ... وسمعت صوته وهو يضحك .. لابد عينك من الهوى تدمع ..
خلااص هذي هي دنيتك .. هذي هي أرضك .. وهذا وطنك ..
لاتقول هذي مو منيتك ... أنك تبعد كل من يعرفك ... عنك ..




((((( دنيتي الجديده )))))



رضيت أنا بالمكتوب .. ورحبت بالتغيير .... وصرت أدور على صوب .... أبدى فيه خطوتي وأسير ....
ولقيت غابه كبيره .. خطيره ولكن مثيره ..
فيه ناس كثير .. أشوفهم .. ويشوفوني ..
بس أكلمهم ولا يكلموني .. تركتهم ورحت للغابه .. وأسمحولي أوصف هالغابه ..
غابه كبيره وفيها أشجار ... ودايم يهطل عليها أمطار .. وكل شجره تحتها مكان
وكل شجره حولها ورود وأغصان ..
تختلف حجمها وجماالها .. مثل أختلاف عطرها وأعمارها .. وقررت أدور على شجره تكون لي بيت ..
ورحت أدور .. وأدور .. بس مالقيت .. كل شجره تحتها واحد .. وفيه أشجار تحتها أثنين ..
وفيه أشجار تحتها كثيييير .. من جد منظر غريب ومثير .. وفيه شجره حضنت واحد بس ..
والناس من حولها كثير .. يبون ظلالها .. ولكن منعتهم بأغصانها .. وأحتضنت هالواحد ..
بصراحه حسدته .. كانت الراحه مبينه عليه ..وفيه شجره ماتحتها أحد .. تنتظر من يلفيها ..ومالفاها أحد بعد ..
دورت بين الأشجار وأحترت ... لين لقيت هالشجره وأخترت .. الله .. يازينها من شجره
ورودها كثيره كل بوم تزداد ... منظر قدام عيني دوووم ينعاااد ..
قربت منها وأنا خايف .. تعباان ولحالتي عايف .. رحبت فيني واحتضنتني .. وبكل خيراتها خصتني ..
آه ياهو عالم مثير .... آه ياهو عالم غريب ..
بقيت انا في مكاني .. وقررت محد يلفيها غيري .. ما أبي يشاركني أحد ثاني .. وكان هذا اللي شغل تفكيري
استغربت كيف محد سبقني .. شجره حلووه .. وكل شي فيهااا ..
معقوله محد لفااها قبلي .. يعني أنا أول شخص يلفيها ....
فتشت في الشجره ولقيت رموز وحروف .. وعرفت انه كان غيري يسكنها ..
وفكرت بكل حيره وخووف .. كيف فرط فيها اللي كان ابحضنها ..
هو مات ... أو رحل .... هو مـــل .... أو أنهبل .. المهم حمدت ربي اني لقيتها ..
ووعدت نفسي اني احافظ عليها .. وما أكرر غلطت اللي قبلي ..
..... وألتفت ... شفت مكان ثاني ... أيه ورى الشجره ..وفكرت ... لايكون يسكنها أحد ثاني ..
وحلفت أني لأطلع عمره .. وفعلآ لقيت .. كانت تدلـله أكثر مني .. وتهتم فيه أكثر ..
حسيت اني أصغر .... حسيت أني أتفه .. حاولت أحاربه .. لكن .. منعتني بغصنها ..
زعلت وأخذت اللي لي ورحلت عنها .. نادتني ولا رديت .. ولا كأني فيها حسيت ..
والصراحه قلبي كان يتقطع ..نفسي أرجع لها وأتمتع ..
جلست في مكان بين الأشجار ... وكل شجره تناديني من صوب ..
وأنا في مكاني ومحتار .. .. .. أروح ولا أنتظر المكتوب ..
جلست في مكاني أعاني .. أسمع صوتها تنادي .. والصدى من ورى الوادي .. يكرر اسمي وراها ..
يا فؤادي .... يافؤادي ..... يافؤاادي
وأنا أسمع وأتجاهل ... وأقول بنفسي ... حرام دلـليه يستاهل .. ألين حسيت صوتها يذبل .. بان عليه التعب .
وفجأه سكتت .................................................. ........................
خفت عليها وصرت أجري ... وش صار فيها ... ما أدري .. لقيتها في حاله هزيله ..
قطع بعض أغصانها .. جرحها .. تعبها .. أعطته حب .. وأعطاها جرووووح ..
بكيت لحالها .. وجمعت أغصانها ولميتها .. ومن دموعي أسقيتها ..وعالجت جروحها ..
وناظرت فيها بندم .. وقلت .. راح أكون لك دوى كل ألم .. ورجعت سكنت فيها ..
وكل شوي آخذ دوره من حولها ... أشوف صدقت بقولها .. يوم وعدتني ماتضم غيري ..
وفعلآ بقيت فيها وحدي ..
ومرت شهور وسنين وأنا فرحان ... بأطير ... فهمتها وفهمتني .. عرفتها وعرفتني .. حبيتها وحبتني ..
لكن صرت ما آخذ دوره من حولها مثل أول ... خلاص الأول تحول ..
لأن علاقتنا صارت تتوطد .. وثقت فيها لأبعد حدووود ..
خلاااااااااص هذا هو بيتي .. هنا ياعيني صحيتي .. وهنا أمسيتي ..




أظافه حديثه للي صااار ... جفت هالغابه وزالت الأمطار ... وانحرقت كل أشجارها ... وانا واقف لحالي ومحتار .
دنيا الهوى موجوده .. لكن بس بالأحلام .. بس الواقع .. هم وجروح وغدر وأوهام ..
غادرت هذا العالم .. بدون رجعه .. ماني ناقص أزيد فجعتي بالحب فجعه ..
ولقيت درب البوابه .... ونسيت دنيا الغرابه .. ورجعت قلبي لأصحابه .. وأنتهت رحلتي .. ولكن ..
بعدما أخذت مني هالغاابه ... سنين من عمري .. وقصرت بحقي .. وبقدري ..
دنيا الهوى والعذااااب .. مع ألف ألف ألف سلاااامه .. أنا رحت وبلا رجعه .. ماني ناقص ازيد فجعتي .. فجعه ..







بقلمي

أن عجبتكم قيموني ..؟


__________________________________________________ ___


تحذير : لا اسمح بالنقل أبدا ً .. خاص وحصري لقلم تذكار ..

اكيد بنقيمك وبنختم عالخاطره لروعتها

ماشاء الله عليك صراحه قصه رائعه وكلنا شخص اكيد مجرب هالشي

وانا اقول الله يحمي الباقي منه لانه عذاااااب

اعذرني لا ادري ماذا اقول على هالخاطره اللي كلمة روعه قليله فيها وعجبتني

من بدايتها لنهايتها .,.

والله يعينك على النهايه المؤلمه واترك كل شي للايام وهي كفيله بالنسيااان

والجاااااي احلى من اللي راح ومقدر ومكتوب والله لايعيشنا النهايه المؤلمه

الله يعطيك العافيه أخوي ع الخااطره الراائعه و الكلماات الجميله و المبدعه أعجبني مااكتبته بين أسطر خااطرتك ..
ننتظر جديدك المبدع و الشييييق لاتحرمناا جماال أطرووحااتك ..

تقبل مرووري ...
تقيييييييييييييييييييييييييييييييييييييييم تستااهل سلمت يمينك...

خاااطره مميزه اخوي

تسلم يدك

تذكــــــــــــــــــــــــار
نحن مجر سطوور تكتب باوراق مذكرة الدنيا
تكتبهاا كيف ما تشااء ان تكون هناك
من يقدر الاحداث ويقضي بأن تكون انت لك هذا الباب
مفتوح او مغلق لا تبالي بهذا النوع من القصور
التي تبهرك بروعة وبهااء طلتها
اعلم ان مصير كل هذاء البهااء يزول مع اول قطرة
مطر فهم ولا يشعررون بك ولا يستحق ون من مجرد
احترام لذكراهم انا اخاطبك
بقلم احسس بانين قلمك قلم يرفع لك
شعاار تذكارر
لا تحني كبريائك لمثل هؤلا لا تجعل عنفوان مشاعرك
ينكسرر اماهم ويصعب عليك ان تعيد
قيامه فهو سووف يكون متهالك حت وان
حااولت تقيمه وتشد على يده
قف امام كيانك وخاطبه
لا ... لا ليس تذكاار
من ينهاار لكم او ينهار كيانه بسبب ذرات
من الغبارر التي سوف تزول ولن تخفي شروق شمس
قبل مثل قلبك
اسعدك ربك وجعل الجنه دارك والكوثر شرابك

اختك في الله
رحيل المشاعرر

هلا حياك اخوي


لا شاكك في قلمك
لكن موقعي ادبي بحت اتمنى اثبات ان النص لك
لان الموضوع التبس علي في اكثر من موقع

بوؤوحْ جَمييلْ
بوركَ المداد يَّ تذكآرْ

و..

شآكر ومقدر كل من مرّ . وعلق . الف شكر من الثرى الي الثريا

بل الي حدود السماء . انثر وردي واجمل ردي ..

على اقلآمآ . شرفت بنور حبرهآ الأخاذا ..

اتشرف بمروركم الكريم . أجمل ورده لكم جميعآ ..


أخي وحبيبي .. عود الليل انا مستعد اثبت لك ان الخاطره لي

. وان الأقلآم او اللآسماء ايضا لي . وأن ارت ان اتي لك بروابطها .

واقدم تاريخ لها . تحت نك المسافر . فأنآ حاضر ومنون ..

انا المسافر وانا تذكار ..

واهلا بك تذكار واهلابك مسافر
هنا وبيننا لتمتعنا بجمال قلمك
وروعة طرحك
تحققت شخصيا من ذلك وابلغت
الادارة بانك هو ذلك المسافر
امتعتنا بقلمك ورقي فكرك
وجمال الطرح هنا
وكانت حروفك جميله الى مالانهاية
واستمتعت بها جدا
لقلبك سنابل من سلام

بمروركم ..تزين متـصفحـي وفاحت منـه عطور الياسمين
كم هـو جميـل أن تُعجِب كلمـآتي راقين مثلكم ..
وكــم هــو شرف لـي أن تـنـآل إعجـآبكـم كلمـآتي المتــوآضـعـه ..
فشكرا لكلمـآتـكـم التي اضافت الجمـآل لمتصفحي
وشكرآ لحروفكم الراقيه التي ميزت موضوعي بالرقي
دمـــــتــــم بـــكـــل ود ومــحــــبــه وســعــآدهـ ..
تذكار