بقايا أنثى مجروحة / الكاتبة : سحر الاحساس ، الجزء السادس

%%البارت السادس%%


وبعدها وقف فارس وأستأذن..تبعته عيني حتى وصل الباب..لكن بغت تتطلع من مكانها بعد ماشفتها طايحة بين أيدي فارس..

رجعت غادة لورى اللي طاحت بين أيدين فارس عند الباب لكن مازال فارس ماسكها..حسيت أن فارس مو حاس باللي حوله.. لكنه وأخيرا"نزل أيده وطلعت غادة بسرعة..وطلع هو بعدها بثواني.. التفت للي مو جودين وأنا أحاول أحبس دمعتي..لقيت الكل يطالعني..انحرجت من نظراتهم..

الجدة:الله يهديهن هالبنات المفروض يتأكدن أن مافي حد بالمجلس قبل مايدخلن..هم يعرفون أن العيال كل صبح يمرون علي..



أم فارس واللي أحس لون وجهها متغير:أيه والله..الله يهديهن بس..



مر الوقت وأنا أحاول أن تصرفاتي تكون طبيعية..حسيت أني كارهة هالمزرعة وهالطلعة بكبرها..بس اللي مريحني أن الليلة بنرجع للرياض أن شاء الله..لأنو فارس راح يبدأ دوامه بشركته بكرة..

المهم لما جاء الظهر صحوا البنات..وخذوا كم تهزيئة من الجدة لأنهم ماصحوا ألا متأخر..وكنت ألاحظ طول الوقت أن غادة مو على بعضها..يمكن من الموقف اللي حصلها الصباح بصراحة ماألومها موقف قو,ي..

================================




العصر..

بالمسبح اللي مغطى بالزجاجات العاكسة..كنت جالسة على طرف المسبح وألعب برجولي بالموية وبجنبي ندى..ونعلق على أشكال البنات وهم يسبحون..حسيت أن نفسيتي نوعا ما تحسنت..

رن جوالي..طالعت المتصل..

:هلا والله بمروم..



مرام:هلا فيك كيفك..



:بخير الحمد لله أنت اللي كيفك وش أخبارك..



مرام وبنبرة حزينة:حالي يامشاعل حتى العدو ما تسره..



وقفت وبعدت عن البنات:بسم الله عليك وش فيك..



مرام:تخيلي هالشايب أبو مضاوي زوجة جاسم متقدم لي..والملكة يوم الخميس والزواج بعدها بأسبوعين..



شهقت من الصدمة:أنتي وش جالسة تقولين يامرام جد اللي اسمعه..مرام وش اللي حادك تأخذين واحد كبير بالسن..



مرام:مشاعل مو بأيدي..والله مو بأيدي..



تنرفزت:كيف مو بأيديك..



مرام:جاسم أخوي ماهان عليه يرفض أبو حبيبته وقلبه..وأعطاه الموافقة وحدودا الملكة والزواج..



:وأخوك جاسم الحقير كيف يزوجك منه..



مرام:قلت لك ما هان عليه يرفض أبو حبيبته..ما يدري أن مضاوي وأبوها باين عليهم طمعانين بفلوسنا وحلالنا..مشاعل أنا ألحين شسوي..راح أنجن أذا أخذته..



:طيب خالتي ماتقدر تسوى شيء..



مرام:أمي مافيها شدة على جاسم..كافي المرض اللي هادها بالفراش..وأنتي تعرفين أن جاسم ماعنده احترم لأمي..يعني ماأظن بيهتم برأيها..



:مرام ما في ألا أنك تلجأي لله..وادعي أنه يكتبلك الخيرة..ماتدري يمكن زواجك من هالشايب خيرة لك..على الأقل بتفتكين من أخوك جاسم وتسلطه وشره..



مرام:وعاد أخذ شايب وداخل على طمع ولا أبو العقربة مضيوي..



:مرام استغفري ربك الواحد مايدري وين الخيرة فيه..وألحين قومي اقري لك قرآن حتى تهدى نفسيتك..



مرام:أن شاء الله..وأسفة أني أزعجتك بمشاكلي..



:أفا والله يامرام وشهالكلام.. أحنا أكثر من صديقات أذا ماشتكين لبعض لمين نشكي..ولا عاد تقولين هالكلام مرة ثانية وألا زعلت..



:أن شاء الله..يله ما أطول عليك مع السلامة..



:مع السلامة..

آآآه مافي حد مرتاح بهالدنيا..

=========================================





انسحبت من عند البنات بعد ماقلت أني بروح أرتاح لأني من الصبح صاحية..دخلت غرفتي وهنا اطلقت نهر دموعي اللي أصبحت لي مثل الصديق اللي يواسي..

جلست عالسرير وأنا احس أني متضايقة كثيررررر..موقف فارس وغادة كان متعبني واللي زاد علي موضوع مرام..رفيقة دربي وتوأم حياتي تعاني..

ركضت للحمام أرجع..أنا لما أتضايق كثير وتتعب نفسيتي مررة أحس أن معدتي تعصرني وتألمني..وبعد ماغسلت فمي..تسندت عالمغسلة وأنا أبكي..حسيت أني كارهة الدنيا ومافيها ومو طايقة شيء..

مشيت بخطوات متثاقلة للسرير..أبي أنام عالأقل الهروب للحل هذا ألقى الراحة..رميت نفسي عالسرير..

وفعلا"مابين أفكاري ودموعي نمت..

=======================================




فتحت عيوني بكسل..لما سمعت صوت الباب يتسكر..جلست وشفت فارس داخل..

فارس:السلام



وقفت وأنا اتجاه الحمام:وعليكم

السلام..



دخلت الحمام وغسلت وتوضيت استعداد لصلاة المغرب..

طلعت وشفت فارس مبدل ثوبه ولابس بنطلون وكت زيتي..وكان مبين جسمه الرياضي المعضل..

وكان واقف قدام المراية يمشط شعره لورى..

ما أدري ليه حبيت أتمشكل معه..يمكن لأني لحد الآن مقهورة من حركته الصبح..

وعلى فكرة مرات أذا كنت مقهورة أقول كلام مش حاسة فيه:فارس وش قلت الأدب هذي اللي سويته اليوم..كان ضميتها وبستها بعد..ليه ما أحترمت وجودي قدام أهلك..أصلن لو كنت محترم كان على طول ابتعد..بس شأقول غير أنك حقير..وما عندك احترام لغيرك

وما حسيت ألا وأنا طايحة عالأرض..بسبب الصفعة اللي أخذتها من فارس..حطيت يدي على خدي..وحبست دموعي بعيوني اللي ماقدرت أشوف بوضوح منها..

نزل فارس لمستواي وجلس على رجل واحدة وقرب من وجهي..وشد شعري وبصراخ:أنا محترم غصب عنك ياقليلة الحياء..وأن سمعتك تقولين هالكلام مرة ثانية ماراح تلومين نفسك..

ورماني ودزني برجله وطلع وسكر الباب بقوووة..



حسيت هالمرة بأهانة وذل عمري ماحسيت فيهم..وقفت وأنا أهدد وأتوعد:والله والله يافارس لأهنيك وأذلك والله لأبهذلك مثل ما أنت مسوي فيني..

======================================


بعد صلاة المغرب تجهزت..ولبست عبايتي..وصلني مسج من فارس(أطلعي انتظرك بره)

طلعت له وركبت السيارة من دون ما أقول شيء..

وشغل فارس سيارته ومشينا..

كان طريق المزرعة مزدوج لرايح والجاي وكان شوي مزوح طلع قدامنا جيب..

صرخت بكل قوتي وأنا أضم نفسي من الخوف:فـــــــــــاااااارس انــــــــتبه..



نزل فارس عن الطريق عالرمل وهو حده معصب على صاحب الجيب ويسب فيه..وبعد ماتأكدت أننا في آمان بكيت..

التفت علي فارس:مشاعل خلاص هدي..الحمدلله عدينا بسلامة وما صار شيء..



أخذت أبكي أكثر..لا تلوموني..اليوم تعرضت لضغوطات..الحبيبة اللي طاحت بحضن فارس قدام عيوني وصديقتي اللي تعاني وضرب فارس اللي تعرضت لها قبل ساعات واللي صار قبل شوي وكنا لولا رحمة الله بنكون بإعداد الموتى..



سحبني فارس لحضنه..وهو يمسح على شعري ويقرأ علي..كان صوته جنان وهو يقرأ..حسيت بالارتياح لما سمعت ترتيله..وبعد ماهديت رفع فارس رأسي وقال:ها كيفك ألحين..



استحيت من حالي..وعدلت جلستي:لا الحمد لله أحسن ألحين..



رفعت نقابي أمسح دموعي بالمنديل..لمس فارس خدي اللي أصفعه..طالعته وأنا مصدومة من حركته..

فارس:مشاعل أعذرني ماكان ودي أضربك بس أنتي الله يهداك نرفزتيني بكلامك..



نزلت رأسي:أنا آسفة ماكنت أدري وش أقول من قهري..



فارس:تغارين..



انصدمت من كلمته وقلت بتصريفه:المسألة مسألة احترام لا أكثر ولا أقل ومو غيرة..

حرك فارس من دون مايقول شيءومشينا..

====================================





مرت الأيام..وعلاقتي بفارس مافيه أي تطور..وكان كله مشغول بشغله..

فتحت الخدامة الباب..

دخلت:وين رغد..



رغد وهي جاية:هلا والله بميشو..



حبيتها بخدها:هلا فيك كيفك..



رغد:الحمد لله بخير أنتي اللي كيفك..



:بخير ولله الحمد..



رغد:تفضلي تفضلي



مشيت للصالة الرئيسية..وجلسنا نسولف..وجابت ريتا العصير ولما جات بتقدم لرغد بعد ما أخذت أنا..تعرقلت برجلها وطاحت وانكب العصير على بنطلون رغد..

رغد وهي معصبة:يالعمياء يالـثور ماتشوفـــــين..



ريتا:أنا آسفـ..



رغد وهي تقاطعها:خلاص انقلعي وراك..وخلي حد يجي يمسح اللي انكب..أنا بطلع أغير..أستأذن مشاعل



:أذنك معك..



..جت وحدة من الخدامات ومسحت العصير وبعد ما طلعت..رن جوالي بمسج من لمى..ياعمري اشتقت لها ..جلست أقرأ وسمعت خطوات تقترب وكنت أعتقد أنو رغد عشان كذا مارفعت رأسي..لكن سمعت صوت رجولي مبحوح..

:رغد أنا طالـــــ..



رفعت رأسي مصدومة..

هو..أيه..أيه نفسه اللي شفته في بيت الشعر..

قال وهو مازال يطالعني وكأنه مصدوم:أنتي..



سمعنا ضرب عالباب الرئيسي..وعلى طول طلع من الباب الثاني..

طلعت ريتا تفتح الباب وكانت مرام..سلمت عليها..ولاحظت أني متوترة..

مرام:ميشو وش فيك..ليه لونك مخطوف..



:ها لا مافيني شيء..



مرام:علي أنا ياميشو..



:صدقيني مافيني شيء..شكلك تتوهمين..



جت رغد وهي تقول:أهلين مرام..

ارتاحت أنا رغد جت بالوقت المناسب..

جت سجى وجلسنا لحد الساعة ١١..

رغد وبحزن:مرام حبيبتي خلاص ما في أمل إنك توقفين هالخطبة..

مرام وبصوت باين قد أيش مهموم:لا خلاص أنا رضيت بنصيبي اللي كتبه لي ربي..وتغير لصوتها لنبرة استهزاء..وبعدين في وحدة ترفض شايب وسيم مثل راجح اللي مافيه حتى شعرة وحدة سوداء..

دمعت عيوني من كلام مرام..

وقفت مرام:بنات انا أستأذن بمشي تأخرت على أمي مع السلامة..

رغد:لسى بدري..

مرام:عارفة بس ماقدر أترك أمي لحالها أكثر من كذا..

رغد:أوكي..بس لا تضيقن خلقك..أن شاء الله مايتم هالزواج..

مرام ومن كل قلبها:آآمين..

===================



اليوم الثاني....

نزلت تحت وحصلت خالتي وفارس..

:السلام عليكم



خالتي أم فارس وفارس:وعليكم السلام



بست رأسي خالتي أم فارس وجلست..



رن التلفون..وردت نوريهان..

نوريهان:مدام في ست عالتلفون بتريديك



ردت خالتي أم فارس:ألو..هلا بأم عساف..وشخبارك وأخبار عيالك..أنا الحمدلله بخير..ماشاءالله متى ..وهي وش رأيها..الله يكتب لها اللي فيه الخير..طيب سلميني عليها..يله مع السلامة..



أم فارس:أبشركم غادة خطبها طلال ولدعمتها وملكتهم أن شاء نهاية هالشهر..



فارس وملامح وجهه مصدومة:يماه غادة بنت خالتي بدرية



أم فارس:أيه

ناظرت في فارس اللي جد بدأوجهه يتلون..ثم طلع برى البيت بدون كلمة ثانية..

وبان خالتي أم فارس أنها تضايقت..



==============================




على الساعة١١ جا عمي اللي كان معزوم..

عمي فواز:السلام عليكم



..وعليكم السلام



جلس عمي فواز وقال:فارس وينه اتصلت عليه ثلاث مرات العشاء مايرد وش فيه..



:عمي جواله في غرفته مومعاه..



أم فارس بدأت تخاف على فارس:هو العصر طلع وهو زعلان ليكون صار فيه شيء..



عمي فواز:وش زعله



أم فارس:عشان غادة خطبها طلال ولد أ..أم فارس حست أنه جابت العيد عندي ولا كملت..



عمي فواز وهو يطالعني:وش هالكلام يانوال الله يهديك..بعدين فارس رجال مو بصغير تخافين عليه..أنا طالع أنام..

طلع عمي لغرفته

..ياحليلة خالتي وعمي مايعرفون أني عارفة بقصة حب فارس لغادة..

جلسنا أنا وخالتي نتنظر فارس بصراحة بديت أخاف

الساعة وحدة..

بدأ توتري يزيد

خاصة يوم خالتي جلست تبكي بصمت..



ام فارس:أنا بروح أقوم أبو فارس عشان يشوف وين راح ولدي..



جلست جنب خالتي:خالة أكيد ألحين فارس بيرجع..فارس رجال ياخالة لا تخافين عليه..حسيت بصداع..أنا بروح ياخالتي لغرفتي أبي أخذلي بندول أحس أن رأسي مصدع



أم فارس:بسم الله عليك

طلعت للجناح

وخذيت حبة بنادول وشربت كأسة موية..

انفتح الباب وشفت فارس داخل..

دخل وسكر الباب..

قلت من خوفي عليه:فــارس قلبي وين كنت..قلقتك عليك والله..



كان يطالعني بحقد..

قرب مني ومسكني من ذراعي بقوووووة وقال:لا تسوين نفسك خايفة..هذا أولاً وثانياً مالك دخل فيني وين كنت وين رحت..لاتدخلين فيني..فاهمة..

ثم دفني بعيد عنه..وعطاني ظهره..



نزلت دموعي بحرقة..أنا وش ذنبي أذا تزوجت حبيبته..قلت وبعصبية:فارس ترى مليت من حياتي معك طلقني طلقني..



التفت فارس:أوكي بس ماراح أطلقك ألحين



طالعته بعصبية:وليه مو انت ما تبيني..



فارس برود:وش يقول أهلنا والناس أذا طلقتك وأحنا ماصار لنا ألا شهر..

قلت وبحدة:أنا ما يهمني كلام حد..



فارس طنشني ودخل الغرفة وقبل مايدخل..طعني وزاد رصيد جروحه بقلبي..:لو علي أنا كان ماتزوجتك من البداية..ولا ضيعت غادة مابين أيدي

انهرت على الكنبة وأنا أضم نفسي وكانت دموعي تواسي جروحي اللي كل يوم تتجدد وتكبر..ياناس أحس أني مليت من دموعي..أبي أشكي لحد مليت وأنا أكتم بقلبي..لكن مافي غيره..هو الوحيد اللي راح يفرج عني..اتجهت لربي بصلاتي ..وبعدما خلصت قرت قرآن حتى حسيت بطمأنية..ماتدرون قد أيش ارتحت جبل وانزاح من صدري..

========================================

من بعد خطبة غادة وفارس مررررة متغير..عايش حياته بعيد عني ولا كأني زوجته..

واليوم ملكة غادة حبيبة حبيبي حسيت بأن من بعد خطبة غادة أن المسافات بيني أنا وفارس طالت أميال وأميال..

عرفت فيها أشكثر فارس يحبها واني المفروض اشيل حبه من قلبي حتى لو كان صعب..

العشاء....

كنت أجهز نفسي..سمعت ضرب عالباب..

فحته وحصلت نوريهان.كانت تبلغني انو خالتي راح تمشي للحفلة وتنتظرني..بس لسى ما انتهيت وقلت راح أجي مع فارس..

الساعة٩ تأخر فارس اتصلت ماكان يرد واتصلت ثانية مرة

بعد ماكان يرد..

خفت ليكون صار فيه شيء..جاني مسج..إلى أجمل أمرأة رأيتها~~إلى أجمل عيون تأملتها~~أهديك أجمل شعور أحمله لك~~ألا وهو الحب~~أحبك..

استغربت الرقم غريب يمكن غلطان..

بس ما اهتميت واتصلت على فارس مادري أربع خمس ست مرات..

رد..

فارس وبعصبية:نعم



قلت بخوف:فارس وينك



فارس:وش دخلك..أنتي وش تبين ألحين



:أبيك تأخذني عشان نحضر ملكة غادة



فارس:ماني بجايك ولا راح أحضر الملكة فهمتي ولا عاد تزعجيني

وسكر الخط بوجهي

طلعت لجناحي..وأنا كارهة نفسي وحياتي..الساعة 12 جاني مسج من فارس<أنا ألحين في جدة وياليتك تتطمني هلي وبكرة أن شاء الله بدق عليهم>

استغربت وش مسفرة جدة ..كيفه يروح للمريخ ماعاد يهمني..

=======================================




الصباح....

نزلت تحت عند عمي فواز وخالتي أم فارس



:السلام عليكم



عمي وخالتي:وعليكم السلام



عمي فواز:وراكم ماجيتوا أمس أنتي وزوجك



جلست:عمي أمس فارس راح لجدة



ام فارس:جدة وش عنده هناك



:والله ما أدري عنه ياخالة بس هو ارسل لي أمس ويقول طمني هلي أني في جدة



توه بيتكلم عمي رن جواله

عمي وبصوته الرجالي المريع:هلا بفارس..وينك..وأنت وش عندك بجدة..الله يشفيه..طيب متى بترجع..يوصل أن شاء الله..مع السلامة



عمي:فارس يسلم عليكم



أنا وخالتي:الله يسلمه



أم فارس:هو ليه مسافر لجدة



عمي:يقول أنه يبي يطمن على واحد من أصحابه في جدة متنوم بالمستشفى



أم فارس:الله يشفيه..طيب متى بيجي



عمي:يقول كله يومين وراجع أن شاء الله



وقف عمي وقال:يله أنا طالع للشركة

======================================

سلمت أنــآآملكـ ع الطرح الرائع..............

اقتطافة أنيقة
لاعدمنـآ هذا الجمال بالطرح..
بإنتظآرجديدك بكل شوق..
ودي وشذى الورد..

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

سلمت يمناك
طرح جميل جدا

يعطيك العافية على اختيار الموضوع
وحرصك على اختيارك مادة مفيدة

الله يكثر من أمثالك
وشكرا

نجم

أجمل التحااايا
أقدمها لك

لمرووري بصفحه جميله بمستوى رااقي

يعطيك العااافيه

شكرا لك

يسلمو ع المرور

تَحية طيبة ونقٌية
أقدمٌ لكـ بآقـة وردْ ومحبـة
ودوٍمآ أترٍقبٌ آلمَزٍيدْ من مواضيعكـ الراقية