علي الحمل ماقواه لامابغيت اشيل علي العزيز مشرهـ مشرهـ مشرهـ

الاياعذابي كل ماقبل ظلام الليل
تجيني همومٍ تشغل الفكر وتفرهـ
اشوف الجدي عندي رحل في محل سهيل
واشوف القمر عندي كبر حبة الذرهـ
واشوف الدموع تصب تجري مجاري السيل
واشوف العذاب يمر نفسه مية مرهـ
واشوف الحياه تسير بالكذب والتضليل
واشوف البشر في دورة الوقت مغترهـ
واشوف الشجاع مهان وان الكريم بخيل
واشوف الريادي كنها سودة الحرهـ
وهذا الحقيقه شفتها ماتبي تعليل
مثل ماذكر راحتك كما كسرت الجرهـ
يطول كلام غير مايقبل التطويل
ولكن رضينا به على خيرهـ وشره
جميل الجمال مجملٍ مايبي تجميل
غطس في غميق الجم حتى نبت ذرهـ
عذابه عذابه من هل القال واهل القيل
هوانم على نقل الوشيات مسترهـ
تعكس الحقيقه والحقيقه كما القنديل
وطعم الحقيقه مر كنها طعم مرهـ
تعكر مزاجه اللي مزاجه حداهـ الويل
بعد مامشى بالكون بحره مع برهـ
رحل وارتحل من قبل لايعلن الترحيل
بعد ماحصل شي من الناس ماسرهـ
نهاية طريقه راسمه مايبي التبديل
لكن الزمان يحول دونه ويجترهـ
الا ياجزيل المد الا ياقوي الحيل
تعين الذي كبده من الوقت محترهـ
علي الحمل ماقواه لامابغيت اشيل
علي العزيز مشرهـ مشرهـ مشرهـ

...




كلمات / سعيد المهداني ...
اداء / عبدالرحمن العتيبي ...


...



كلك يمين حفظ الهدف بآسم...