قصيده لايعلى عليها

على طاري الوداع وغربة الارواح والترحال
وعلى طاري الدموع اللي تخلت عن مواقيها
حبيبي والهوى ينبت على قلبي حلم وآمال
وشراييني تضخ الدم من اشواقي وترويها
انا اسمع دايم الامثال تقول الحب يهد الحال
ونا اقول الهوى جنه مادام الوصل يحييها
دخيل انفاسك وخدك ورمش عيونك القتال
ودخيل شـــفاهك اللي بسمـــتك دايم تحلـــيها
ابيك بصدق توعدني قصر معك الزمن او طال
حــــياتي يابعد عمري دخيـــلك ماتخــــليها
وبيك تكون لي جنه اذا طاح البخت او مال
وبي عينك تراعيـــني من الدنـــيا وبلاويها
وبي حبك يغطيني من اسفل كاحـــــلي لشال
وبي صوتك يذوبني مثل شمعه انتهى ضــــيها
وانا بعطيك عهد الله ومان الواحد المــــتعال
مادامــــني على الدنـــيا عـــيونك ما ابكـــــيها
وعلي افرش لك اهدابي وحط رمشي غطا وظلال
وضمك داخـــل ضـــلوعي وذوبـــلك محانـــيها
وعلي ارسم بك احلامي وخلي الروح بك تختال
وسميك بحشا روحي حبيبي ونت غــــاليها
بعد عمري بعد روحي بعد اعمامي والاخوال
وبعد كل الشعوب اللي تبوت في اراضيها
احبك ايه انا احبك وحبك بالحــــشا لازال
وحس انه بعد يزداد بكل لحظه وثوانــــيها
احبك عدد لــــمعات البروق وغيـــثها الهمال
واحبك عد مخلوق وطــــا الارض ومشا فيها
احبك كثر مافي الكون من بحور وشجر وجبال
وحبك كثر ماترسي المراكـــب في موانــــيها
احبك كثر انفاسك وعدد مافي الصحاري رمال
احبك كلمه بشفاهي ولادري كيف احكـــيها
وربي لامحبة قيس ولا حتى هو الامــــثال
تجي ربع المحبه اللي بقلــــبي لك مـــخبيها
تخيل من كثر ما اهواك وكثر ماعشقك بخبال
احس اني ملكة الارض من اقصــــاها لدانيها
وعلى طاري الوداع وغربة الارواح والترحال
كتبت اصــدق احاسيســـــي من اولها لتاليها

منقول

احبك كثر انفاسك وعدد مافي الصحاري رمال
احبك كلمه بشفاهي ولادري كيف احكـــيها
وربي لامحبة قيس ولا حتى هو الامــــثال


صح لسانكـ ياأميرهـ
ولسان شاعرهــا
مبدعهـ واللهـ بطرحكـ
ربي يسعدكـــ

تسلم اخوي على المرور

وين الردود