 |
 |
 |
 |
|
 |
||||||||
 |
 |
| قصايدليل للقصص والروايات "حصــري " للاقلام الجميله التي تنسج من الخيال نور |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| قصايدليل للقصص والروايات "حصــري " للاقلام الجميله التي تنسج من الخيال نور |
|
|
|
|
أدوات الموضوع | انواع عرض الموضوع |
|
#1
08-09-2017
|
||||||||||||||||||||||||||||||
|
||||||||||||||||||||||||||||||
عودة الم ..7
مجد ...مع اخوياه .. راحو مطعم يتعشون .. اللي يقول ابوي عنده واسطه ...واللي ابوي شرى لي سياره جديده عشان التخرج .. واللي ابوي مسفرنا لبرى بعد ايام .. لفت نظرة كلام واحد فيهم : يارجال ابوي ماقدر ابعد عنه دقيقه وحده فوق اني ماسك اشغاله ..جمعت منه 300 ريال ..يساله واحد : شلون تاخذ 300 على كل شغله ياظالم .. رد بضحكه : لا يادلخ كل شغله ابوي كان يمزح معي ويعطيني ريال ..قعدو يضحكون عليه ويقطقون ..الثاني قال : ماشفت ابوي من وانا صغير في المدرسة الين تخرجت من الجامعة وابوي مخوف الاساتذه ماحد فيهم قادر يقولي شيء ويعاملوني .. زي المدلل .. التفتو كلهم على مجد الي ساكت طول القعده : مجد وشفيك ساكت شاركنا .. بعدين صح ماقلت لنا شيء عن ابوك .. مجد كان مليان احباط واحساس بالنقص كاره ابوه اللي ماعاملة بنص اللي يسوونه الاباء : لا بس قاعد اسمع .. عاد تعرفون ابوي ميت من سنوات وصراحه ماذكر عنه شيء .. كان مشغول دايم الله يرحمه ..
طلع مجد اول واحد ركب سيارته .. متضايق وبينفجر .. وعد لنفسه من زمان مايسمح لهيثم انه يرجع ويخرب عيشتهم ...كان بيشغل سيارته جته رسالة على الجوال ..( قبول بشركة معروفة ) توسعت عيون مجد .. من الفرحه طلع من السيارة ينط ويصارخ .. : الحمدلله يارب الحمدلله ... راح البيت سلمى كانت تناظر ..ماجد .. مسكتة وجلستة ..: انت رجال الحين باقلك الصدق وابيك تسمعها مني ولا تسمعها من غيري .. ماجد ساكت وينتظر .. سلمى قالت له كل شيء من يوم تزوجت هيثم الى الحين .. ماجد .. مو قادر يتكلم .. ولا يتخيل كيف امة صبرت وتحملت كل ذا وكيف مجد عاش حياه ماراح يعيشها اي طفل .. حضن امة وباس راسها واعتذر منها .. : سامحني امي تكفين ..سلمى : خلاص عاد لاتقلب السالفه دراما .. ماصار شيء وانت اكيد في الاخير بتدري .. في اللحظة ذي دخل مجد مسرع : امي .. ماجد .. قبلوني بوظيفة زينة ..نط عليه ماجد وحضنه قامو يصيحون زي المهابيل ..سلمى تضحك عليهم وتحمد الله ان دوارتها جابت نتيجة ... الساع 3 الليل ..سلمى : اسمعوني زين وش رايكم نسوي حفله سريعه لمجد ...طالعو فيها ماجد : متى ؟؟ سلمى : الحين يعني متى .. ماجد ومجد ضحكو عليها : امي فيك شيء ؟ الحين الناس نايمة والمحلات مقفلة .. سلمى : ومن قال اني بروح محلات ولا باعزم احد ؟؟ راحت المطبخ وتركتهم .. قلبت بالمطبخ وسوت كيكه صغيرة .. وجابت سنتوب ^_^ .. حطتها على الطاولة في الصاله : يلا تعالو .... ماجد : هههههههههههههه امي وش ذا ؟؟ سنتوب ؟؟ وبعدين ذا زيتون ؟؟.. شف شف عيونك يامجد تقل نمل.. هههههههههههههه مجد خبطه بمخدة الكنب :: اقول انطم بس باقي نشوفك بعدين .. واي شيء تسوية امي يهبل ..  قعدو يسولفون ويضحكون للفجر .. صلو ونامو .... بعد اسبوع ... الاثنين ..ساع 5 العصر سلمى كانت في الصالة تتابع التلفزيون .. ومجد على جواله ... نزل ماجد ..: صباح الخير مجد طالع له :: قصدك مساء الليل .. من امس نايم خير يا ابوي ..؟! ماجد طنشه وراح المطبخ .. سلمى ومجد سمعو صوت كسر .. قامت سلمى : اف ياماجد انا كل يوم بشتري مواعين من وراك ؟؟ .. سمع مجد صياح سلمى : مجد الحقني مجد ..... ركض مجد لها .. شاف ماجد متشنج في الارض ويتنافض .. وقاعد يوون .. كان ضاغط على اسنانه بقوة .. ..خاف مجد على اخوه .. شوي جاب منشفه وحاول يحطها بين اسنانه .. بعد ثواني هدا ماجد ومو قادر يتحرك كثير لكن صاحي ..مسك مجد راسه ورفعه شوي شوي لحد ما شاله لصاله .. على الكنب سلمى كانت تبكي من الخوف اول مره تشوف ولدها بالحاله ذي : مجد باروح البس عباتي ونوديه المستشفى .. مجد كان باقي مرعوب : طيب ماجد كان باقي نايم ... مجد يسال الدكتور : دكتور وش فيه اخوي .. الدكتور : اول شيء ولد يا اخت سلمى عنده الصرع ...وواضح ان ماجد ماينام زين .. وشهيته قليلة مره .. بس ممكن سؤال ؟؟ سلمى : اكيد .. الدكتور : هل في احد من العايلة عنده الصرع ...؟؟ مجد : عن نفسي ماعرف احد بالعايلة عنده .. قاطعته سلمى : زوجي كان عنده المرض .. طالع فيها مجد وهو مستغرب ماكان يعرف ان ابوة مريض بالصرع .. الكتور : عالعموم راح نسوي لماجد تخطيط للدماغ ونتاكد اكثر .. وراح اوصف له حبوب لازم يستمر عليها .. اذا ما اخذها بانتظام بتصير له الحاله دايم ... سلمى كانت تطالع ماجد النايم وساكتة ... وحزينة عليه ... الليل ... مجد راح لامه ..وجلس معها : امي ماعمرك قلتيلي ان ابوي كان عنده الصرع ؟؟ سلمى : لاني اتذكرت يوم شفت اخوك بالحاله ذي .. مجد: وكيف عرفتي ان ابوي مريض ؟؟ .............. سلمى : مرة ابوك كان جاي من الدوام وباين عليه الارهاق والتعب وقبلها قعد 3 ايام ماي ياكل زين ... المهم اني كنت بالمطبخ ...اسوي الغدا .. فجاءة سمعت شي طاح في الصاله وكان ابوك .. يوم جيت ماعرفت وش اسوي اتصلت على الاسعاف كنت خايفه ومرعوبة ... بعدين قالو لنا ان عنده الصرع وانه حاله وراثية في العايلة من جده .. بس ماتوقعت تكون في واحد من عيالي ..ودمعت عيونها .. مجد : لاتخافين انا معك ..بعدين الحمدلله المرض ما يقتل او يعدي او حتى خطير بس يواصل على العلاج ... وهو بخير ان شا الله .... ماجد صحى بغرفته ...وشاف رسالة على جواله ...( قابلني في شارع عبد الملك ساع 11 ) شاف الرسالة من نفس الرقم اللي دق عليه ...اخذ شور وبدل ملابسة .. اخذ نظرة في المراية ماجد .. شعره بني فاتح وطويل شوي .. بشرته حنطية صافيه ..طويل ونحيف .. كان يشبة ابو بشكلة عكس مجد اللي يشبة امة ..اخذ مفتاح سيارته وتعطر وطلع ... شاف امة ومجد بابتسامة : سلام ....سلمى ومجد : هلا وعليكم السلام .. شلونك الحين ؟؟ ماجد : الحمدلله احسن .. انا طالع تبون شيء ؟؟ مجد : على وين ؟ ماجد مع اخوياي بيتعشون برى .. سلمى : سلامتك لا تتاخر وانتبة على نفسك .. ماجد : ابشرو ....... وصل للمكان في الموعد .. .. كان فيه كرسي طويل .. واحد جالس فية .. رجال كبير في 48 .. شكلة اصغر من عمره . لحيتة قصيرة وفيها شيب .. بشرته سمراء ..شعره طويل للرقبة بني فاتح على شيب .. طويل ونحيف ... لابس بنطلون جنز وبلوزة بيضاء .. ساعه في يده اليمين .. الثانيه كان فيها دبلة .. قرب ماجد ...شافه الرجال .. :: هلا بحبيبي هلا ب ولدي وضناي ..قام حضنه بقوة ..ارتبك ماجد وكان بيبعد بس جاه احساس غريب .. التفت فيه الرجال ومسك وجه ماجد بين يديه .. وظل يتامل فية ..: يالله .. انت ماجد صح ؟؟ ماجد بحذر : ايه من انت ؟ : انا ابوك هيثم ..... ماجد بصدمة ولخبطة ماتوقع يشوف ابوة بسرعه دف هيثم .. : وش يثبت انك ابوي ؟؟ هيثم طلع كل الاوراق اللي تثبت زواجه من سلمى وتحاليل تثبت ان ماجد ومجد اولاده .. ماجد كان يطالع ومايبي يصدق بس قلبة من جوا قاعد يضغط عليه هيثم مسك ماجد بيده وسحبه : تعال تعال اقعد جنبي .. ابي اسولف معك .... ماجد كان ساكت الاحساس الغريب ذا مارضي يروح .... ماجد كان يتامل ابوة ويشوفة لاول مره في حياتة .. كان محتار في نفسه اذا الكلام اللي سمعة عنه صدق ولالا ..هيثم كان ماسك يد ماجد من اول ماجلس ويشوف ولده اللي ماعمره شافه من جا على الدنيا ... ماجد : انت كيف عرفتني ؟؟ هيثم : صراحه كنت اشوفكم وعرفتكم بعدين .... ماجد بعصبية : طيب ليش قلت نتقابل وش عندك ؟؟ ترى مو معناته اني وافقت اجي خلاص باروح معك واطيعك .. وتراني ادري وش سويت ب امي واخوي مجد .. فلا تسوي نفسك المظلوم .... قام هيثم وصرخ فجاءة : ليييش وش قالت لكم سلمى .؟؟ اني ظالم ؟؟ اني مدمن ؟؟ صايع ضايع ؟؟ ماجد : اجل وش كنت تتوقع تقول لعلمك باقي في اثار بجسم امي من عمايلك فيها ؟؟ واخوي مجد قعد 3 سنوات من بعدك وهو يخاف من الناس والى الآن .. .. انا الوحيد اللي ماشيه حياتي صح لاني عشت بدونك ... هيثم مد يدينه وكان بيصفع ماجد ومسك نفسه على الاخير ...مسح على راسه .. ووجه .. ظل رايح جاي بالمكان ...في الاخير طلع علبه من جيبة .. وبلع حبتين بدون موية .. ماجد طالع فيه بضحكه : هه يعني لحد الحين ماتركت الزفت ذا وتبينا نرجع مثل اول .. , بكل مره كنت توعد امي ان حياتها بتتحسن ولا عمرك وفيت بوعدك لها ...بس ماتركتنا وراحت مثلك ... هيثم بهستيرية : ماجد .. ماجد لاتتركني لاتترك ابوك اللي يحبك ويخاف عليك ... طنشه ماجد وراح البيت .. رجع البيت .. شاف البيت الوانه خافته عرف انهم نايمين .. راح غرفته بدل ولبس بجامته .. اخذ مخدته .. دق الباب عند امه ودخل ...شاف امه نص صاحيه ماجد : امي ابي انام معك ... سلمى وهي مغمضه ومدت يدها له وتاشره يجي .. حط ماجد مخدته جنبها ودخل نفسه باللحاف .. سلمى قربته لها ..وتمسح على شعره سلمى مغمضة : انبسطت مع اخوياك ؟؟ ماجد مغمض : ايه بس مليت واشتقت لك وجيت .. ابتسمت سلمى وكانت تقرا المعوذات عليه وعلى نفسها .. ونامو ........ يتبع .............. 
 اللهم صل وسلم على نبينا محمد وعلى اله وصحبه اجمعين
|
|
08-09-2017
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
طرح رائع قلبي
|
|
 
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
