غرامك صار عنواني وانا قبلك بلا عنوان...

" بيت بو فواز "

منار: ليه معصبه انتي ليه
غزل: مو شي يقهر بالله عليك
منار: ماشوف فيه شي يقهر
غزل: بالله
منار: على ماظن الهواش بينك وبينها مو بينها وبين سهر .. سهر وش ذنبها تزعل على بسمه
غزل: اخوها ماتخاف عليه
منار: من جدك انتي... انتي تحكين عن بسمه مو نجود فرقي
غزل: والتبن منهم ثنتينهم
منار: غزل اكيد صاير فيك شي
غزل: المشكله الحين بتشبك مع سهر وبتحشي راسها علي وبصير انا الغلطانه
منار تقلب عيونها : بيني وبينك ايه انتي
غزل: منار انثبري
منار: وشو انثبر الحق حق
غزل: والله انتي ماشفتيها شلون تناظره كأنهم من جد يحبون بعض
منار: وش هالخرابيط بسمه توها صغيره وبتفكر بواحد متزوج وعنده ولد والحين الثاني بالطريق
غزل فتحت عيونها : وشوو
منار تهز راسها: نسيت اقولك نجوى طلعت حامل
غزل: من جدك
منار: اي وربي
غزل: ليه ماقلتوا لي
منار: ويييه كنتي نايمه وكلمناها وباركنا لها وكل شي
غزل: نصااابه انا اوريها
منار تضحك : حظا اوفر
غزل: وينها الحين
منار: طالعه مع زوجها
غزل: اوريها
منار: المهم ..كلمي بسمه واعتذري منها
غزل: نعم هذا اللي بقى بعد
منار: لاحول الحين انتي السبب ولا تبين تعتذرين
غزل: اوووه منار لاتحاولين معي سامعه
منار: استغفر الله براحتك زين بس انا مالي دخل باللي تسوينه ولاتلوميني اذا رحت بيتهم او وقفت بصفها زين " وقامت "

غزل : افففففففففففف

غزل " الحين الكل واقف بصفها.. لو ان مافي بينهم شي ليه عصبت المفروض ماتعطي ادنى اهتمام حتى .. بس ليه محد مصدقني والله نظراتهم يقولون غرقانين في الحب .. اااخ والله لاتشووف الحقيره .. الاولى اخذت اخوي والثانيه تبي تخرب مستقبل اختي .. هين هين .."

" قامت غزل غرفتها وقررت تنام ومن بكرا يصير خير "

.
.
.
" اليوم الثاني "

" جــزر المالديف "

"جزر الرومانسية .. اجواء استوائية.. هدوء نفسي...مزيج بين البحر والطبيعة... ووجهة سفر العائلات وعنوان المتزوجين لقضاء شهر العسل.. هذه هي باختصار جزر المالديف الدافية والساحرة..التي تستقبل أعداد كبيره من السواح من جميع انحاء العالم ليتمتعوا بشواطئها ومناخها ورونقها المحاط بالشعب المرجانية ...وتبقى المالديف مكان رائع لقضاء العطلات.. ومن المعروف انها من أجمل السواحل والبحيرات الصافية في العالم وناسها اللي يتميزون باللطف وحسن الضيافة هذا غير جوها المثالي وسحر الجزر الصغيرة المطرزة بأشجار النخيل ...وغير كذا جزر المالديف من اجمل الشواطئ في العالم...فلا تفوت عليك فرصة شوفة
الغروب والمنظر الثاني هو شروق الشمس وقت ما تندفع الموجات حتى خط الأشجار
وغير سطحها المرجاني بدل من الرمل .. المالديف احلى مكان بالمعالم لاسترخاء وراحة البال .. جميله بكل شي من ناحية الفنادق والمطاعم وبكل شي "

" هذا هو اليوم الاول لفيصل وعبير بعد رحلتهم الشاقه ويوم الشاق الاول الشاق بين المطارات والنوم والمكان .. طبعا فيصل وعبير سكنوا في الفور سيزون و اخذوا لهم بنجالو في المويه او تقدرون تقولون كوخ وسط البحر ..وغير كذا مزوده بمسبح خاص *_^ يعني حق متزوجين لووول"

عبير تصرخ : فيصل قوووووووووووووووووووم

" عبير اول مافتحت عيونها وبعد ام اخذت لها دش وطلت على الشباك انجنت على المنظر اللي شافته و صارت تقوم فيصل لاشعوري "

فيصل من النوع اللي يفزع اذا سمع صوت : وش صاير وش صاير
عبير ضحكت على شكله : فيصل شفييك قووم لايفوتك المنظر
فيصل تعوذ من اشليطان ورحع يغط من جديد
راحت عبير لعنده وقعدت جنبه وشالت اللحاف : يعني شلون ماراح تقووم
فيصل يسمع صوتها العذب كنه صوت منبه ساعه : لااااع
عبير ضحكت : طب ليييه
فيصل: مابي وخري عني
عبير تضحك : افا ليييش
فيصل يقوم منفعل : حد يصحي زوجه بهالطريقه في الهوني موون
عبير تضحم وبخجل : اي انااا
فيصل يناظرها وانجن عليها قرص خدها وعبير استحت وقامت
عبير: قوم شوف الطبيعه تاخذ العقل
فيصل قام وهو يسحب رجوله ودخل الحمام وهو يتنهد من قومته: ااااااه
عبير ضحكت

" عبير طلعت على البلكون وقعدت على طرف الخشبه وتطل على البحر .. فردت شعرها وخلت الهوا يداعبه .. حست كنها مثل اللي بالداعيات .. ضحكت على نفسها .. بس الطبيعه والجو يخلونك كأنك بالخيال او مثل اللي نشوفهم في الافلام ... بعد فتره جاها فيصل وضمها من وراها "

عبير كرمشت نفسها
فيصل : ااااه وش هالمناظر
عبير: رهيبه صح
فيصل: رهيبه وبس تاخذ العقل كأنها جنه ماشاء الله
عبير: والله انهم عايشين حياه احلى من حياتنا بس ليش يعتبرونها فقيره مدري..!!
فيصل: والله هالمناظر تغني عن فلوس العالم
عبير: من جد " وتستنشق الهوا بقوه " والجو عندهم ياخذ العقل
فيصل : من جدد

" مسك فيصل عبير من كتوفها ولفها لعنده .. عبير استحت ونزلت عيونها وفيصل ابتسم على حركتها "

فيصل : يعني
عبير تضحك وهزت كتووفها
فيصل رفع وجهها لعنده بطرف اصبعه : افطرتي
عبير تناظر بعيونه : بس شربت كوفي انتظرك تصحى ونروح نفطر
فيصل ابتسم وبغمزه : طيب يلا قومي نتجهز ونطلع
عبير: يلاا

" وبعدها راحوا يتجهزون على اساس يروحون يفطرون "

.
.
.

" في لنــدن "

" بقى على تخرج سلطان يوم واحد .. سلطان كان مبسوط بوجود امه وابوه وفرحان فيهم فرحه ماتنوصف .. بس بنفس الوقت يحس بتأنيب الضمير من دعوات امه وامانيها اللي بانيتها عليه .. واكثر شي يذبحه نظرات الفخر اللي بعيون ابوه تقلته النظره الفيين مرره .. بس مجبور يسوي اللي سواه .."

سلطان : هاه يام سلطان وين تبين تفطريين
ام محمد تبتسم : انت اخبر انا ماعرف شي في نيوكاسل
سلطان : طاايب انا باخذك على مطعم ياخذ العقل وين ابوي
ام محمد : يلبس الحين جاي
سلطان : يلا قومي تجهزي "وغمز لها كالمعتاد "

" وقامت الام تجهز وهي رايحه طلع بو محمد .. بعد ماجهزت ام محمد انطلقوا على المكان اللي قالهم عليه سلطان .. "

ام محمد: شووف ريحه الكوفي وين وااصله
سلطان : بطلبك الحين شي ماتشبعين منه
بو محمد: واللي يعافيك ماهي بناقصه
ام محمد تضحك : اوهوو بدينا الحين
سلطان يضحك ويقرص خدود امه
سلطان: يمه تدرين كنك بنتي
ام محمد تضحك: مو عيب فيني العيب انكم تطولون بسرعه
سلطان يبوسها : فديييتك والله يازينك وزين طولك بس
بو محمد: بتقعدون برا ولا داخل
سلطان : برا القعدات احلى

" وراحوا يقعدون برا "

ام محمد بنشوه : مابغيت يابوسلمان واخيرا بتتخرج
سلطان يبتسم : اي واللله طلعت ريحتي هالدراسه
ام محمد تضحك : هانت يا يبه هانت
سلطان يبتسم

" شوي وجا الويتر وقعدوا يطلبوون .. وكذا كانت قعدتهم سوالف عاديه "

.
.
.
" في بيت بو محمد "

" اليوم الجمعه .. صحت سهر من بدري اخذت لها دش وصلت وبعدها نزلت وقعدت تحت مع جدتها "

الجده : سهر يمه قومي اخوك للصلاه
سهر: ماقام ...؟
الجده: لاوالله ماله ِبينه
سهر: بقوم اصحيه

" طلعت فوق لغرفته وقعدت تطق عليه وتطلق ماصحى ولا تكلم ولا رد عليها ... سهر اكسرت الباب عليه حتى رد "

سهر: منصوووووور قوووم صلااااه
منصور: زييييييييين زيييين

" سهر عارفه انه ماراح يقوم الا اذا فتح الباب .. ورجعت تطق عليه بس بسلوب ينرفز "
منصور يفتح الباب بكامل قهره وسهر من اسمعت صوت المفاتيح بعدت لايجيها شي بوجهه : تفهمين قمت
سهر من بعيد: تقول جدتي قوم صل صلاه الجمعه راحت عليك
منصور: زين زين "وسكر الباب بقوه "

" نزلت سهر بعد ماحست انه بيقووم ... وبعد نص ساعه نزل منصور وهو منرفز "

منصور يسلم على جده وجدته : صبااح الخير
الجده: صباح النور وش هالنوم يامنصور لاصلاه ولاديانه
منصور: بقووم انا بس راحت علي نوم
الجده : راحت عليك صلاه الجمعه كذا زين
منصور: لاحول ولاقوه بعد " ويلف على سهر" وانتي شغلك بعدين
سهر تضحك : أمي شووفيه يهددني
الجده : وشو له بعد
سهر: عشاني صحيته
الجده : منصووور
منصور: بالله عليك شفتي حد يصحي بهذي الطريقه بس انا اوريك فيها
سهر ضحكت : والله هي الي قالت لي
منصور: انتهينا الحين

" منصور قايم اليوم ومتنرفز وماله خلق "

الجده : كلمت امك ياسهر
سهر: أي امس دقت علي قبل لانام
الجده : ومتى بيتخرج اخوك
سهر: بكرا " وتبتسم "
الجده لمنصور: تبي فطور
منصور: لابشرب قهوه وتمر مالي نفس

" شوي ووصلت نجوى ومعها سلوومي .. سلمان راح لعمه منصور وقعد يلعبه "

منصور يبتسم لنجوى : مبروووك
نجوى بخجل: الله يبارك فييك
سهر: واخيرا بتجيبن لي بنت
نجوى تضحك : الله يسمع منك.. مو مثل غزل تقول يارب توينز
سهر تضحك : لاذي قوويه
منصور: لاميب قويه حنا عندنا ظاهره التوينز بالعايله مو بعيده عليها
سهر: يمكن بس ماحسها
منصور يبتسم : لاعاادي بس ان شاء الله مايطلعون مثلك ومثل سلطان
سهر: لييه ان شاء الله يابختهم والله
نجوى تضحك : المهم سهر الغدا اليوم بيتنا
سهر: من جدك
نجوى: ايه
سهر: طيب وجدي
الجده : انا بقعد معه
سهر: لاشلوون اتركك لحالك
الجده: لالا انا ماني برايحه روحوا ووسعي صدرك وانا هنا وبيوصلني غداي
نجوى: من جد ياسهر مو شي جديد

" سهر قامت وقعدت جنب جدها وصارت تسولف عليه لانه مايقدر يتكلم بس يطالع وقلبها يعورها عليه "

سهر: يبه اقرا علي

" الجد صار يهز راسه ويحرك فمه ويحركه وبس خلص نفخ عليها "

سهر تشققت وحضنته : فديييييييتك والله " وتناظرهم " يقرا علي يمه
منصور اول ماشاف جده حس قلبه عوره على جده : قومي قومي خل يقرا علي

الجد ابتسم وهو يناظرهم .. سهر قامت وقعد مكانها منصور وقرا عليه ومنصور على طول اول ماخلص باسه على راسه ويده وضمه

منصور: عسى الله لايحرمنا منك

"سهر دمعت عيونها "

منصور: يبه يبه ادعي اني اتزوج بدري

"الجد بس يهز راسه"

سهر تضحك : يبه وانا

منصور ضحك وطالعها: استحي يابنت
سهر تضحك : امززح
الجده : لييه كلكم عقبال ماتعرسون بيوم واحد
منصور يناظرها بقرف: مابقى الا هي
سهر ترد له النظره : انا اللي مابقى الا هي قلوا الاشكال
منصور يناظر الجده : شفتي يايمه يبغا لها تأديب

"الجده ضحكت"

نجوى: وانت يامنصور لاتخلي
منصور: ان شاء الله
سهر: مين بيكون فيه
نجوى: بس حنا وانتم
سهر: اهاا أي اوكي
منصور يناظر سهر: خلااص اجل اخليكم وتجهزي بمر عليك سامعه
نجوى: عاد لاتتأخرون
منصور: سلومي تقوم معي

"سلمان قام معه.. وطلعوا "

.
.
.
" في ايطـاليـا "

" صحت نجود .. وطلت على سرير فواز وشافته فاضي عرفت انه قام .. اللي ماتعرفونه ان لهذا اليوم نجود وفواز ماناموا مع بعض .. نجود رافضه هذي الفكره وفواز مسايرها دام انه معه اوكيه... واذا جات على النومه بيجي اليوم اللي بتنام معه غصب عنها .. دخلت واخذت لها دش وطلعت وهي لابسه وبعدها طلعت له"

نجود : صباح الخير
فواز: صباح النوور والسرور
نجود ابتسمت: افطرت عني
فواز ابتسم: هالمره ايه شسوي فيك ماصحيتي وماحبيت ازعجك
نجود ابتسمت: شفت متى نمنا امس وين اصحى بدري
فواز ضحك: نوم العوافي اهم شي ارتحتي
نجود ابتسمت: الله يعافيك اي الحمدالله
فواز: يلا عشان قومي عشان تفطرين ونطلع
نجود : اوكي

"طلعوا نجود وفواز.. افطرت نجود وشاركها فواز وبعدها طلعوا.. وكان عندهم يوم الاحد الاماكن اغلبها مسكره .. وقرروا يقضون يومهم بأنهم يمشون سير على اقدامهم يتجولون في روما .. وهم ماشيين وصلوا لعند فونتانا دي تريفي وهذي نافوره او مثل مايعتقدون انها نافوره الحظ.. الكل يجتمع هناك ويتمنى اللي يبي "

فواز : هنا ترمين قروش وتتمنين امنيه
نجود: وتتحقق
فواز يضحك : مدري عاد هذي تخريفات
نجود: يمكن صدق تتحقق خلني اسوي
فواز يضحك : من جدك مصدقه
نجود: نجرب وش خسرانين
فواز: الفلوس يجمعونها من هنا ويصرفونها على مشاريعهم
نجود تضحك : طيب طيب خلني ارمي
فواز: طيب وش بتتمنين
نجود نزلت راسها : مدري أي شي
فواز يرفع راسها : شلون أي شي.. عل حسب الامنيه بخليك ترمين
نجود تضحك : همممم " وبهباله " ان الهني موون يقضي على خير
فواز يضحك وقربها من عنده : ههههههههه عجبتني

" وبعّدها شوي عنه "

فواز : حبيبي حنا اللي نقرر شلون نقضي الهوني موون وبالطريقه اللي تعجبنا .. طبعا بعد الله

" نجود حست ان فواز يحبها او بالقليل يحن عليها ويبيها .."

نجود ابتسمت : ان شاء الله
فواز: للحين تبين تجربين
نجود ابتسمت : لااا خلااص من جد خرافات كلها مويه
فواز ابتسم لها: طاايب
نجود: فواز صورني هنا حلوه المناظر
فواز: اوكي

" اخذ الكام وصار يصورها وشوي هي تصوره "

فواز: مايصير نصور مع بعض
نجود تبتسم : الاا
فواز: مين يصورنا
نجود: حنا كذا ونمد الكاميرا ونصور
فواز يضحك : لاوع بتصير الصوره بخلي حد يصورنا هم عادي ماعندهم مانع
نجود ابتسمت : اي صح

فواز شاف عجوزتين يصورون بعض بش مو مرا كبار

فواز:
exuse me Can you picking up picture for us

العجوز بس شافته ابتسمت له بقوه وشهقت :
Of course

فواز:

Thanks

" اعطاها الكام وراح فواز جنب نجود ووقف جنبها .. نجود حست بشعور غريب وابتسموا للصوره"

العجوز :

1 2 3

" فواز ونجود انتظرها تصور.. بس العجوز وقفت "

العجوز تقلب بوجهها:

Why you are so rigid like this
" لمااذا انتم جامدين هكذا "

فواز ونجود ابتسموا ونجود هزت كتوفها بخجل

العجوز قربت منهم :
Are you new Couple

فواز ونجود هزوا راسهم

فواز :
Yup

العجوز:
Haaah Beautiful.. but you so Suitable for each other

" هااااه جمييل .. ولكنكم مناسبين لبعض "

فواز ابتسم لنجود :

Thank u

العجوز:

Again again

" وغمزت لهم "

" فواز حط يده على كتف نجود وقربها من عنده ونجود قلبها يتاسرع بدقاته حتى فواز .. والعجوز غمزت لهم واشرت انه تمام .. واخذت صوره وطلبت منهم صوره ثانيه كمان وبحركه غير .. لكن فواز هالمره قرب نجود بيده الثنيتن كأنه ضاغط عليها والعجوز عجبتها الحركه والتقطتها بسرعه ونجود وجهها منصدم وبس خلصت الصوره صار يضحك وهي تضحك بخجل .. وكمان طلبت منهم صوره نجود رفضت بس فواز قال عشان خاطرها ووقفوا جنب بعض بس ملصقين وجههم ببعض .. وبس عدت العجوز للثلاثه على طول باس فواز نجود بخدها ونجود شهقت والعجوز ضحكت وانجنت عليهم ونجود بس خلصت صارت تضربه بخفه وفواز يضحك .. اثاريه طلع ماهو بهين "

نجود تضحك لخجل : كذا زين فشلتنا
فواز ضحك وجاتهم العجوزه :
You Really wonderful

فواز ونجود:

Thank u

فواز :

Thanks honey alot

العجوز ابتسامه :

No problem

" وراحت العجوز "

فواز يضحك : نجود شوفي الصوره
نجود ابتسمت واول ماشافتها شهقت: هههههه فواز احذفها
فواز يبعد الكام عنها : لاوالله تجنن بالعكس
نجود تضحك: حق الترقه هاه
فواز يضحك : والله انها عجيبه
نجود تبتسم : طايب انا اوريك
فواز ضحك : طيب يلا نجود
نجود: وين
فواز: بنروح البحيره
نجود: اوكي

" وبعدها راحوا وكلموا على السايق الخاص فيهم عشان يوصلهم عند البحيره "

.
.
.
.
" مشـــــــــاري "

" بهذي اللحظات مشاري كان يسولف مع مشعل صديقه "

مشاري: اخاف يشك يامشعل
مشعل بعصبيه : ويشك مشاري حس على نفسك شوف حالك وين وصل .. وانت واقف لي مو قادر تسوي اي شي تبغاني اسأله
مشاري: لاا لاا لاتسأله
مشعل يأمره : اجل الحين تكلم وتتصل عليه وتخليه يشوف وش صار عليها
مشاري: وش دراه هو
مشعل: حبيبي ملفها بما انه موجود راح يعرفون وين هي تتعالج وحالها الحين يمكن هي للحين تراجع مع هذا المستشفى
مشاري: اي بس انت ماتدري لو كان ماعندهم اي خبر بنجلط ساعتها
مشعل: جرب مانت بخسران
مشاري ياخذ نفس : وش اقول له طيب
مشعل: روح وكلمه عادي بعدين قوله شخبار البنت اللي واللي وشوف وش يقولك واذا شافك مهتم بزياده قول له واللي فيها فيها. لعنبوها عيشه
مشاري متضايق حده : استغفر الله العظيم شكلك نسيت قوانين عايلتنا
مشعل: لا مانسيت بس هذا الشي مو بكيفهم .. واذا انك حبيت وحده وتبيها
مشاري: والمشكله ابوي اكثر واحد متشدد على هذي السالفه هذا اللي بيموتني
مشعل: شوف نايف رجال متفتح ومتفهم صدقني واذا قلت له ماراخ تخسر شي.. بالعكس هو رجال وفاهم وحنا شباب نفهم بعضنا
مشاري: على قولتك
مشعل: يلا
مشاري: لاموالحين بكلمه بالمسا
مشعل: اجل دق عليه واعطيه خبر عشا لاينشغل
مشاري: خلاااص
مشعل يأمره : قدامي

"مشاري ضحك وهو ماه خلق على صديقه اللي مافي احر منه.. كل شي يبيه بسرعه "

مشاري: الوو هلا نايف
نايف: هلا والله
مشاري: هلا شخبارك
نايف: الحمدالله وانت شخبارك وينك يارجال ماشفناك
مشاري ينصب: والله مشعل خويي عازمني على الغدا
نايف: اها على خير
مشاري: نايف وينك فيه
نايف تلعثم : انا الحين طالع مشوار
مشاري حس بشي : يعني اقدر اقابلك اليوم بالمسا
نايف: خير عسى ماشر
مشاري: مافيه الا الخير بس حاب نتعشا سوا اليوم او بالقليل نتقهوى مع بعض
نايف حس ان مشاري يبي يتكلم معه : خلاص ولا يهمك الساعه 8 ونص راح اكوون فاضي ان شاء الله
مشاري: خلاص سو راح الساعه 8 ونص دق علي ونتشاوف بمكان
نايف: على خير

" وسكروا من بعض "

.
.
.
" نــايف "

" نايف وقتها كان رايح مشوار ومشوار بعييد "

نايف" وين بيتهم هذا .. معقوله بأقصى الدمام وتجي يوميا للخبر ... بس وينه الحين بالضبط .. شلون انا اعرف بالقليل الاسم على الابواب .. لاحوول "

" نايف ... رسى على قرار.. انه بيروح لريم لبيتهم .. وبعد ماعرف كل شي عنها ووين ساكنه .. اتضح له انه ساكنه بالدمام وبضواحي الدمام بعد .. انلحس مخه على ماعرف شلون يوصل للطريق هذا غير التحويلات .. اول ماعرف وين بيتهم .. ارتعش قلبه ... معقوله هي عايشه هنا .. شلون تجي للمستشفى كل يوم وكم تستغرق على ماتجي .. انصدم نايف بعد ماشاف بيتهم .. مع انه كان ناوي يكلم اخوها بموضوعها بس شكله الحين تراجع .. "

نايف " مو معقوله بنت مثل ريم وعايشه حياه مثل هذي الحياه وبتخرب عليها فرصه شغلها في "....." بس مين ورا هالموضوع معقوله صديقتها الخبيثه ... ريم احوج منها بهذي الشغله .. شلون تسوي في صديقتها كذا .. يالله من جد لاتغرك المظاهر .. "

" شوي ويطلع رجال عجوز من بيتهم وقعد على العتبه اللي عند باب البيت .. ويطلع وراه ثلاث عيال في المدرسه يتراكظون وراه على الكوره .. نايف يوم شاف هذا المنظر حس كأنه بأيام اول .. قعد يناظر في الحياه هنا ,, وشلون ان المناظر تغر الواحد .. مع انه ريم من شخصيتها انعكس له حال وحده غير ... ماكأنها عايشه في هذي الضاحيه وهذي الخرابه .. نايف مع انه قرر ينسى موضوع طردها من وظيفتها .. الا انه ماهو قادر ينساها .. وكمان من بعد ماشاف حالها قرر يرجعها لوظيفتها لو ايش يكلفه .."

.
.
.
" في بيت بو فواز "

نجوى تشهق : نعـــــــــــــــم ......!!

" سهر اخترعت وانصدمت بنفس الوقت معقوله حتى نجوى بتفكر هذا التفكير ومنار بنفس الوقت "

غزل على طول قررت تهدي الوضع: شفيك ماصار شي

" نجوى صارت ترجف وقاعده تسب في بسمه .. بس قررت قدام سهر ماتبين شي .."

نجوى تغطي: لابس انا خفت صار على البنت شي كويس محمد انتبه لها

" منار وسهر ارتاحوا"

سهر: وانا قلت كذا ماتسوى عليها البنت تروح فيها بيوم زواج اختها
نجوى بقهر: اي صخ

" نجوى انقهرت اكثر ليه محمد ماقال لها "

" شوي ويدق جوال سهروكان منصور .. وبعد ماخلصت مكالمه"

سهر: يلا بنات عن اذنكم وماقصرتوا والله
منار وغزل: ويييييين
نجوى: وين ياسهر
سهر: برجع البيت منصور يقول لي اقعد جنب جدتي وغير كذا ابي اخلص بحث التخرج
نجوى: اووكي
غزل ومنار: سخيفه والله اقعدي وسويه باليل
سهر: منصور بيذبحني خلوني اروح واجيكم وقت ثاني

" بعد كذا طلعت سهر وراحت مع اخوها .. ومنار طلعت فوق بعد .."

منصور: انبسطتي
سهر: اي الحمدالله .. تصدق منصور.. يوم قلنا حق نجوى باللي صار مع بسمه ماسوت شي بس قالت انه كويس محمد كان جمبها ولا كان صار فيها شي
منصور: كل الناس فاهمه الا بنت عمك ذي
سهر تضحك : من جد

.

" نجوى قررت تسوي اللي في بالها "

غزل: وين
نجوى: بروح اريح شوي

" ومشت عنها .. طلعت فوق واخذت جوالها ودقت على نجلا.. قررت تقول لها كل شي ونجلا تتفاهم مع اختها .. بعد السلام وتبادل الاخبار نجوى بدت تقول لنجلا كل شي... ونجلا بعد ماسمعت الكلام انصدمت وبنفس الوقت عصبت على بسمه وتفشلت من نجوى "

نجلا: انا اوريك فيها
نجوى بخبث: انتي كلميها وفهميها بسمه لساتها صغيره خوذي اللي بخاطرها بلاول وفهميها مو تروحين وتهاوشينها على طوول
نجلا بنرفزه : خلاص خلاص انا اعرف شلون اتصرف معها اوكي يلا مع السلامه
نجوى: مع السلامه

نجوى" مافي غير اهلها يوقفونها عند حدها "

.
.
.

"بسمــه "


" بسمه وقتها كانت قاعد في المرسم .. قررت ترسم الللوحه وتكتب فيها ابياتها .. انتهت من رسم الخليف.. بس جا وقت انها تخط الكلام عليها .. واللي قطعها صوت تليفونها "

بسمه ابتسمت من شافت اختها تتصل عليها

بسمه : هلا والله وغلا
نجلا: هلا بسمه شخبارك
بسمه: الحمدالله انتي كيفك وكيف فصوولي
نجلا: والله كلهم بخير يسلمون عليك
بسمه: ورا ماجيتينا اليوم
نجلا: اهل زوجي مسوين غدا خبرك كل جمعه هنا ولازم اقعد
بسمه: اهاا
نجلا: وش اخبارك بدون نجود
بسمه: والله طفش وحشتني الدبا
نجلا تبتسم : شتسوين الحين
بسمه: قاعده ماعندي شي
نجلا: اهاا طيب بسمه
بسمه باهتمام : هلا
نجلا : بسألك سؤال
بسمه: تفضلي
نجلا: همم وش بينك وبين محمد زوج نجلا
بسمه شهقت ووقفت : نعـــــــــــــم ...!
نجلا: اللي سمعتيه
بسمه فهمت كل شي : اها يعني وصلك الخبر .. وصدقتي غزل وتخريفات اختها .. اوكي وجاي دوري .. مابيني وبينه شي .. بتصدقين
نجلا انصدمت من نبرتها : طبعا لا
بسمه انصدمت : نعــــــــــــم
نجلا: لان الكلام اللي وصلني يثبت يابسمه.. يابسمه انتي لسات
بسمه تصرخ: نجلا خلااااااااااااص لو سمحتي .. دامك مصدقه بكلامهم صدقي اخر همي زين .. واذا ناويه تقطعين مثلهم اقطعي وكمان اخر همي.. بس ذولا الاشكال انا اعرف كيف اتصرف معهم " وسكرت الخط وهي ترتجف ..."

" رمت كل شي بيدها وراحت تركض على غرفتها "

بسمه تعاتب نفسها " الكل الحين عرف .. الكل .. ماتوقعت بيوم بنكشف بهذي الطريقه .. معقوله العالم كلها حست الا هو ... يااربي وين اودي وجههي الحين .. بس لا المفروض انا ماسكت عنهم .. مو من حقهم يتهموني وهم مايعرفون بحقيقه مشاعري .. اي مالهم حق يحكموون علي .. مستحيل اشوه صورتي قدامهم مستحيييل ... "

" بسمه قعدت تبكي ومقهوره على هذا الاتهام .. صحيح انها تحبه وماتنكر بس الكل يقول انها تحبه وهي مانطقت ولاتكلمت فاعتبرته اتهام لها .. قررت توقف بوجههم كلهم واللي فيها فيها .. بس ماتخرب صورتها قدامهم .. "

.
.
.

" فـي الريــــــاض "

" في هذا الوقت كان الجود هادي بالرياض.. وبالعاده يكون الكل مجتمع هالوقت .. بالفعل كانوا مجتمعين ماعدا ابوهم من طلع يصلي مارجع .. والاجواء كانت هاديه "

لميس فجأه : مساعد متى بتعرس
مساعد يتأف : وبعدين معك انتي من تشوفيني متى بتعرس
لميس: من جد طفشت لحالي
ام مساعد: يامساعد بتوصل الثلاثين وانت على هالحاله
مساعد هالموضوع يضيق بخلقه : ممكن تسكرون الموضوع
لميس تتأفف : اموت واعرف ليه ماتبي تعرف .. مافي غير مازن مزون حبيبي متى بتتشرف وتعرس "وشقت الابتسامه الوسيعه "
مازن يبتسم: على يدك ياست لميس
لميس: انا ماعندي مانع
ام مساعد : مافي له قبل اخووه
مازن: احلفي يمه وانا اقعد اعزب حتى يفكر ولدك المصون بالزواج
مساعد: ماني قابضك
مازن: اتوقع سمعتها.. بس بكيفك لاتقولون ولدي بكرا نحرف مانحرف
لميس تضحك : صدق يايمه عادي يزوجون الصغير قبل الكبير
ام مساعد تبتسم: طيب خلونا من هالسالفه وين ابوك من طلع مارجع
مساعد: تو دقيت عليه هذا هو بالطريق

" وقعدوا يسولفون ويحسوون بالملل "

مازن بعد ملل عميق ضرب على رجوله وقام : يلا انا اجل بقول اقيل
لميس: مااازن عاادي اقعد شوي معي
مازن يغمز لها : بنطلع بالليل بس خليني اريح

" ومازن هو بطريقه لفوق انفتح الباب .. دخل وقتها بو مساعد .. ابتسم له مازن وقرر يكمل طريقه بس اللي خلاه يرجع يناظر ابوه الشنطه اللي بيده .. استغرب وش هذي الشنطه مايخبر ابوه كان مسافر .."

مازن: يبه وين كنت فيه ؟
بو مساعد : وين امك واخوانك
مازن بأستغراب: بالصاله

"بو مساعد هز راسه وشوي ودخلت وحده وراه"

مازن شهق بقوووه

" ام مساعد سمعته وحتى لميس ومساعد .. تناقزوا يشوفون ايش صاير .. وشافوا بو مساعد والحرمه اللي قابضه يده ومنزله راسه .. والكل شهق .. ماعدا مساعد وقف بصرامته .. ام مساعد وقتها على طول ضاق عليها التنفس والكل صار يتلاحق عليهــا "

لميس: مــــــــــــــــــامـــــــــــــــا

الجزء الثالث عشر
الفصل الثاني


تعال .. }~
محتاج قربك لاتضيعني
خذني من الصمت والحرمان والضيقه.....
محتاج لك حيل قرب يا..{نظر عيني}
الصبر عنك حبيب الروح ماطيقه
جيتك و حزن البشر ودموعهم فيني
مثل الذي بالصحاري ناشف ريقه00 }~



" "مازن هو بطريقه لفوق انفتح الباب .. دخل وقتها بو مساعد .. ابتسم له مازن وقرر يكمل طريقه بس اللي خلاه يرجع يناظر ابوه الشنطه اللي بيده .. استغرب وش هذي الشنطه مايخبر ابوه كان مسافر .."

مازن: يبه وين كنت فيه ؟
بو مساعد : وين امك واخوانك
مازن بأستغراب: بالصاله

"بو مساعد هز راسه وشوي ودخلت وحده وراه"

مازن شهق بقوووه

"ام مساعد سمعته وحتى لميس ومساعد .. تناقزوا يشوفون ايش صاير .. وشافوا بو مساعد والحرمه اللي قابضه يده ومنزله راسه .. والكل شهق .. ماعدا مساعد وقف بصرامته .. ام مساعد وقتها على طول ضاق عليها التنفس والكل صار يتلاحق عليهــا"

لميس: مــــــــــــــــــامـــــــــــــــا

" لميس تناظر امها وتناظر ابوها اللي جاي حق امها وتناظر الحرمه اللي كانت واقفه ومرتعبه ولافه على الباب ومغطيه عيونها .. لميس توخر ابوها عن امها وابوها مو عارف وش يسوي .. مساعد ومازن شالوا امهم وحطوها على الكنبه القريبه ولميس طارت تجيب مويه وعيونها على الحرمه .. "

مساعد : يمه انتي بخير
ام مساعد تتنفس بقوه

" جت لميس ورشت على وجهها المويه وام مساعد شوي وشوي قاعده تتحسن ..والعيال قعدوا جنبها ومحد قادر يناظر ابوه .. والابو مو عارف وش يسوي .."

" بعد ماهدت الاوضاع والحرمه لساتها واقفه عند الباب "

ام مساعد قامت
مازن لميس: يمه وين
ام مساعد: بروح غرفتي
ابو مساعد : لولوه اقعدي شوي

"ام مساعد على رغم اللي شافته الا انها قعدت احترام لزوجها واحترام لعيالها.. شوي وتشهق لميس اللي كان باين عليها تبكي "

بو مساعد : لايروح ظنكم بعيــد هذي مو زوجتي

" الكل صار يناظر فيه اذا ماكانت زوجتك اجل مين "

بو مساعد : هذي بنتي

" الكل شهق "

ام مساعد بصوت مبحوح : بنتك
بو مساعد : ايه بنتي .......
لميس: نعــــــــــــم ..!!
بو مساعد : هذي بنت زوجتي الاوليه يالولوه
ام مساعد وقفت بقوه : بس انت قلت لي طلقتها
بو مساعد : غصب عني يالولوه خبيت عنك

" بو مساعد ماهو قادر يناظر بلميس لانه عارف انها اكثر وحده بتتأثر اذا عرفت ان عندها اخت .. بو مساعد قعد يقص عليهم قصة البنت وكيف كانت عمياء وسفراته كثرت عشان يعالجها حتى وصل لعند امها "

ام مساعد تدمع : وامها وينها الحين ..؟
بو مساعد : ماتت

الكل سكت

" ام مساعد قعدت تبكي مو عارفه ليه ..... المفروض ماتكلمه ماترد عليه .. هذا اللي تعرفه من ردات الفعل .. بس قلبها حن على البنت اكثر من انها تسوي مثل هذي ردات الفعل وخصوصا بعد ما توفت امها وغير كذا زوجته الاوليه.. شيسوون الحين طاح الفاس بالراس .. الكل سكت مازن مو مستوعب اللي ينقال وبومساعد ينتظر حد يتكلم ولميس قاعده تبكي ومساعد صنم ماتحرك ولاهمس ولانطق "

ام مساعد : وينها ..!!

"لميس رفعت راسها وبومساعد بف بقوه ومازن عقد حواجبه "

ام مساعد : وين البنت ..؟

" بو مساعد قام لاشعوري ... ولميس على طول قامت فوق تركض .. ومازن قعد يبي يراقب امه وش تسوي ... بو مساعد حس بلميس بس قرر يتكلم معها لحالها "

بو مساعد : ميساء تعالي

" ميساء لفت على طول على ابوها وجت من عنده بخطوات ابطئ من البطئيه خايفه تدخل على ذولا الناس اللي مابحياتها شافتهم "

" ام مساعد وقفت اول ماشافت البنت .. ومازن فتح عيونه بعد ماشاف البنت ومساعد ناظرها نظره ونزل راسه .. "

ام مساعد لاشعوري فتحت يدينها لهالبنت : فهد شسمها
ابو مساعد : اسمها ميساء
ام مساعد :ميساء يمه تعالي

" ميساء لفت على ابوها وابوها اشر لها انها تروح لها .. مازن فاتح عيونه لهذي اللحظه .. "

"ميساء جت وقفت قدامها وام مساعد حضنتها ... ابو مساعد ماكان خايف من زوجته كان خايف من عياله .. ولا ردة فعل ريحته .. لانه يعرف ان زوجته لو ينجمع حنان العالم كله مايقرب جنب حنان زوجته .. واختار انه يروي لهم قصتها كامله عشان يحن قلبهم عليها .."

ام مساعد تقعدها جنبها : ليه يافهد خبيتها عنا .. معقوله يكون عندك بنت وهاملها لهذي الدرجه

"ميساء ضمت نفسها بنفسها ... هذول اول ناس تتخلط فيهم "

بو مساعد : خفت عليك يالولوه .. ماكنت وقتها خايف من شي كثر مانا خايف عليك لاعرفتي بحقيقه زوجك
ام مساعد سكتت مع انها تحس انها مجروحه .. شلون كانت مخدوعه فيه طول هالفتره .. هي صحيح ماراح تسامحه بنفسها بس مضطره تجامل قدام العالم وقدام هالبنت وعيالها : مازن مساعد شفتوا اختكم شلون حلوه

" مساعد ماقدر يسمع انه عنده اخت غير دلوعته لميس .. عشان كذا قام وترك الصاله "

" مابقى الا مازن اللي على طول حن قلبه عليها .. بس من شاف ردة فعل اخوه توهق ماعرف وش يسوي "
مازن : اي بس ماجت تسلم على اخوها

" ابو مساعد انصدم من كلام مازن .. وهنا ارتاح جزئي "

بو مساعد: بارك الله فيك ياولدي

" ميساء لفت عليه واول ماطاحت عينها بعينه بعدتها على طول "

بو مساعد : ميساء قومي سلمي على اخوك

" ميساء ناظرت ابوها ولاتحركت"

ام مساعد : يلا

" ميساء ماتحركت "

مازن ابتسم : ماعليش اكيد تستحي

" بو مساعد اخذ مازن على جنب "

بو مساعد : بارك الله فيك ياولدي
مازن حس بحرقه بقلبه وتصنع الابتسامه : عشانها من زوجتك الاوليه بس
بو مساعد بلع الكلمه كل شي ممكن يتقبله بهالوقت : مازن روح شوف اخوك وين راح
مازن : اكيد راح يشم هوا برا لاتخاف عليه مساعد عاقل وبعدين بيفهم بس الحين هو مو متقبل الوضع والكلام اللي انقال ما الومه فجأه يجي ويسمع انه ابوه متزوج من قبل وعنده بنت " ابتسم له وراح "

" بو مساعد تقبل كلام مازن وكبر في عينه يوم شاف ردة فعله .. مازن متفهم كثير واخذ الحنان كله من امه .. شوي وراح حق ام مساعد وميساء "

ام مساعد : ميساء.. كم عمرك
بو مساعد جاوب عنها : 17 سنه
ام مساعد : يعني الحين اخر سنه لك صح
ميساء:...........
بو مساعد كمان جاوب عنها : ماتدرس
ام مساعد شقهت : نعـــــــم ...!
"ميساء خافت ورفعت بصرها لزوجه ابوها وناظرتها نظره حننت قلب ام مساعد اكثر "

ام مساعد : اسفه .. بس شلون خليتها كذا بدون علم ولادراسه.. حتى المكفوفين لهم مدارس
بو مساعد بصوت واطي لام مساعد : هي اللي كانت رافضه انها تختلط بالناس

" ام مساعد قدرت موقفها وسكتت "

ام مساعد : يلا ميساء قومي معي تفرجي على بيتك

" ميساء كانت ساكته قامت ام مساعد و قامت ميساء معها والحجاب لسا عليها وشافت بيدها غطا او نقاب وسألت بومساعد "

ام مساعد : فهد تغطيها
بو مساعد هز راسه بمعنى ايه
ام مساعد: بس ماتحس لساتها صغيره
بو مساعد : هذي كانت برغبه منها وانا ماقدر امنعها من شي هي تبيه

" ام مساعد ابتسمت على هذي البنت .. وبعدها اخذتها وورتها البيت .. ميساء كانت منذهله من هذا البيت العجيب بنظرها .. مع ان بيت بو مساعد اقل مستوى في بيوت العايله الا كان بالنسبه لها قصر"

ام مساعد : عجبك
ميساء هزت راسها بمعنى ايه
ام مساعد : وهذي غرفة اختك لميس

" مياء لاحظت تقارب اسمائهم لميس وميساء عجبها الاسمين جنب بعض "

ام مساعد: تبين تدخلين تشوفينها
ميساء خافت تدخل وهزت راسها بمعنى لا
ام مساعد: ليش يايمه

" ميساء نزلت عيونها "

ام مساعد : لا لازم تشوفين اختك وتتعرفين عليها مو معقوله بتقعدون بنفس البيت وماتعرفون بعض

" ميساء كانت خايفه من لميس "

ام مساعد دقت الباب
لميس ماردت
ام مساعد : لميس افتحي انا امك
لميس قامت وافتحت الباب واعطته ظهرها على طول

ام مساعد حق لميس : لحظه شوي

" ام مساعد دخلت على لميس وبقت ميساء برا وردت الباب وراها "

ام مساعد : ماتبين تشوفين اختك
لميس: لا مابي اشوفها .. انتي شلون قدرتي تتقبلينها معنا
ام مساعد: مو انتي من اول تبين اخت وهذي هي جت
لميس لفت على امها: انا ابيها من امي وابوي مش من ابوي وحرمه ثانيه
ام مساعد تخزها: لميس عيب هذا الكلام
لميس: يمه بابا متزوج عليك شلون ترضينها على نفسك
ام مساعد : بس لاتنسين انه متزوجها قبلي
لميس: واذا
ام مساعد: لميس يمه حرام عليك والله لو تشوفينها يحن القلب لها
لميس: اففف مابي اشوفها حتى
ام مساعد: لميس
لميس: وش نقول للناس عنها بنقول لهم فجأه صار عندنا بنت وكبرت بسرعه ولا ايش
ام مساعد : الحين انتي يهمك كلام الناس .. ماظن الناس بتسوي شي لمن تعرف انها من زوجته القديمه طيب
لميس تدمع: وش بقول لبنات خالتي هاه
ام مساعد : ماعليك من كلام حد المهم انها الحين هي اختك الوحيده طيب
لمييس: خوش بعد ماكنت البنت الوحيده الحين تصير الاخت الوحيده
ام مساعد : لميس بس خلاص والحين اشوف شلون تستقبلينها

"لميس قعدت تعصر يدها على لحافها .. وبعد ماطلعت ام مساعد تناديها انصدمت انها ماهي موجوده ..ام مساعد شهقت يوم ماشافتها ولميس فهمت انها راحت "

ام مساعد : كذا زين يالميس
لميس: ماما انتي بزياده طيبه " وقامت "

" ام مساعد ماعرفت وش تسوي مع لميس شكلها رافضتها بقووه .. نزلت تبي تشوف وين راحت البنت .. ام مساعد مالها حق دامها بنت زوجته القديمه ... غير لمن يكون متزوج وحده ثانيه عليها .. بس اذا جت تلومه بتلومه ليه كذب عليها وقال انه طلقها "

" اول مانزلت شافتها عند بو مساعد وبحضنه "

ام مساعد هزت راسها وهو فهم ان في شي صاير

ام مساعد : ميساء
ميساء رفعت عيونها
ام مساعد : لاتزعلين عليها هذي اختك وبكرا تتعودون على بعض
ميساء هزت راسها بمعنى اوكي

" وعلى هذي الحال قعدوا بو مساعد وام مساعد ومعهم ميساء ساكته .."

بو مساعد : انا بروح اشوف لميس

" قام وتركهم لحالهم "

.
.
.

" الســاعه 8 :40 "

" في مطعم جندولا "

" كان مشاري ونايف قاعدين بعد ماخلصوا طلب "

نايف: تفضل مشاري انا اسمعك .. من اتصلت علي وطلبت انك تشوفني وانا حاس انه عندك كلام تبي تقوله
مشاري يلعب بالشوكه والسكين : اي والله يانايف بس توعدني انه مايطلع لحد غيرك
نايف بنظره: افا عليك سرك في بير يامشاري
مشاري: تذكر البنت العمياء اللي طلبت منك تجيب لي ملفها وتراقب حالتها
نايف: همممم ايه تذكرتها وش فيها ..؟
مشاري: مافيها شي.. بس انا كنت ابيك تشوف حالتها الحين كاسره خاطري ابي اعرف وش صار على عيونها
نايف ناظره ناظره بعدين قال : اهاا قصدك تستفتسر عن حالتها الحاليه
مشاري: بالضبط
نايف : ابشر ولايهمك بس بكرا اتصل عليك واعطيك الريزولت حقها
مشاري ابتسم : تسلم يانايف
نايف من شاف الابتسامه فهم الحكايه : بس غريب الاهتمام عليك
مشاري عقد حواجبه
نايف: انا ولد عمك واعرفك وافهمك.. انت مو من النوع اللي يهتم بس غريب مهتم لهذي البنت
مشاري تلعثم : لا بس لان انا كاسره خاطري عمياء وحالهم يكسر الخاطر فا ماعرف وش صار عليها
نايف ابتسم ابتسامه حلوه : تستحي مني
مشاري نزل راسه وسكت
نايف : مشاري تستحتي تقول يعني
مشاري: لايانايف لاتفهم غلط " ورفع راسه "
نايف بسرعه : عذابك مبين في عيونك
مشاري على طول نزل راسه
نايف ابتسم : انا افهم كلام العيون
مشاري ابتسم: اثاريك جني
نايف: ماخبي عليك انك من جبت البنت وانا حاس انه في لك معها سر
مشاري: لا سر ولا شي بس اني اهتميت لحالتها
نايف: على عيني وراسي بس اللي يشوف حالك او اللي مراقبك مثلي بيعرف ان في فرق بين مشاري الاولي ومشاري اللي اشوفه الحين
مشاري تنهد : فيها عيب لو حبيتها
نايف: ليش لانها عمياء
مشاري: مو بس كذا ووضعنا بالعايله
نايف : ااااااه اذا جت على العايله مافي خلاف بس كونك ماتحبها لانها عمياء مافي ولا واحد بالميه عيب
مشاري: مو انا اللي ذابحني العايله
نايف: كلنا يانايف متعذبين بسبب هالكلمتين اللي وصانا عليهم جدي
مشاري انصدم : حتى انت
نايف تلخبط: لالا
مشاري يناظره : ناييف
نايف ابتسم : لاتحاول تفهمني
مشاري: نووويف
نايف ضحك
مشاري حط يده على راسه : معقووووله
ننايف يضحك : ليه
مشاري: اتوقعها من الكل الا انت
نايف يبتسم : نصيب
مشاري ضحك: طيب مين سعيده الحظ
نايف يبتسم : وحده تشتغل معنا
مشاري يبتسم: اها يعني الحال من بعضو
نايف يضحك: تقدر تقول كذا
مشاري: والحل
نايف: نحط قاعده تكسر هالقانون
مشاري: على يدك
نايف: الله يكون بالعون بس تدري
مشاري: وشو
نايف: كبرت بعيني
مشاري ابتسم
نايف: الله يحقق امانيك والله انك تستاهل
مشاري : اميين وانت معي

" نايف ابتسم وقعدوا يسولفون ويشكون لبعض.. هذا الشخص الاول بعد مشعل مشاري يفكر يقوله الكلام بس نايف سحبه بطريقته .. وارتاح لنايف كثير .. وقعدوا يتعشوون"

.
.
.

" في بيت بو فيصل "

" في غرفة وصايف "

وصايف: قومي انقلعي حومتي كبد
جنى تضحك : طيب شفيك متحمسه
وصايف: جنى ورا ماتسكتين وبعدين ماعندك دراسه ..؟
جنى: لااا
وصايف: والله لو ماتروحين تدرسين بقول لامي
جنى: قومي بس

" وصايف بقهر قامت بتقول لامها على جنى "

وصايف: يممممممممممه يممممممممممه
جنى تطلع من الغرفه : يالحماره بروح ادري
وصايف: يلا انقلعي
جنى تطالعها وبقهر: العن ذا الشكل عليك
وصايف كلعت لسانه ودخلت وقفلت الغرفه

وصايف" حشا الواحد ماياخذ راحته "

" ابتسمت ورجعت قعدت ع النت ... شوي ويوصلها ادد جديد على ايميلها .. استغربت وبعدين قبلت اول ماقبلت على طول دخل عليها "

so HaPPy :

heeey

والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!

Hala walla

so HaPPy :

كيفك ..؟

والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!

الحمدالله .. وانت شخبارك ؟

so HaPPy :

دووم ياعسى وانا بخير بشوفتك

والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!

سوري من معــي ..؟؟


so HaPPy :

همممم اول شي من جنبك

والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!

محد ليه ؟؟


so HaPPy :

اكيييد

والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!

ايه لايكون بتطلع لي من شباك ولا من دولاب


so HaPPy :

هههههههههههه لامن الشاشه

والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!

هههههههه عن السخافه وقول من معي


so HaPPy :

طيب بقولك بس بدون محد يدري

والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!

لاوالله نستهبل

so HaPPy :

ههههههه طيب هممممممم انا

والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!

ايوا

so HaPPy :

انا طــلال

" انصدمت وصايف.. طلال مسوي لها ادد .. وش يبغى ..."

والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!

اووه هلاوالله

so HaPPy :

هلا بك ..

والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!

طيب ليه ماتبي احد يعرف

so HaPPy :

ماظن له داعي

" وصايف ابتسمت وحست ماعندها مانع "

والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!

بس فجأه الادد وبعدين من وين جبت الايميل

so HaPPy :

صراحه كنت طفشان وكنت ناوي استهبل عليك بعدين هونت

والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!

اي فيك خير تستهبل علي


so HaPPy :

ليه الاخت هاك وانا مدري

والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!

خخخخ تقدر تقول كذا


so HaPPy :

اي هيين

والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!

كيف الدراسه

so HaPPy :

والله الحمدالله ماشيه

والله إني كنت ألوم اللي يضيق إن غآب خله
لين جربت المحبة والفآاق وقلت .. [ توبه /.!

اي هييين

" وشوي شوي وصايف قامت تسولف معه وماتحس ان عندها مانع ماتعرف ليه مافرقت معها مع انها اول ولد عم ينضاف عندها وهو استغرب انها وافقت بس عجبته الفكره وخذاهم الوقت شوي وتجي جنى تخرش الباب عليها "

وصايف" العن شكلك وش تبين "

وصايف: نعععععععععم
جنى: وصايف افتحي بسرعه عندي لك خبرررررر
وصايف: انثبري

"وقعدت جنى تزعجها ووصايف داخله جو و اصفطتها "
.
.
.

" في الريــاض "

" على العشاء كانت ميساء وام مساعد وبو مساعد بس على الطاوله .. حز في خاطرهم كلهم بس الكل ساكت مو قادر يتكلم "

ام مساعد : ميساء كولي
ميساء تهز راسها بمعنى اوكي

" ام مساعد تناظرها بأبتسامه شلون رقيقه هالبنت .. شوي وميساء رفعت كم عبايتها وسمت بالله وصارت تاكل بيدها .. ام مساعد على طول تغير وجهها وبو مساعد لاحظ .."

ابو مساعد : ميساء بابا كولي بالملعقه

" ميساء ماتعرف تاكل الرز بالملعقه تعودت بيدها .. تتحسس الاشياء بيدها ويدها اللي توصلها لكل شي شلون الحين تصير تاكل بالملعقه "

ميساء ناظرت ابوها بمعنى ماتبي
ام مساعد تداركت الوضع : خلها على راحتها تاكل بالطريقه اللي تعجبها
ابو مساعد ابستم لام مساعد : الله لايحرمني منك
ام مساعد ابتسمت

"ميساء صارت تاكل بشوي شوي.. الاكل اللي تذوقه هنا مختلف عن الاكل اللي تاكله هناك .. هناك تعودت تاكل محاشي وهذي الاكلات لان جارتهم السوريه هي اللي تطبخ لهم لان امها من كبرت يالله تسوي لها شوربه "

ام مساعد تراقبها: عسى عجبك اكلنا
ميساء رفعت راسها وهزته بمعنى ايه
ام مساعد : بالعافيه
ميساء سكتت
ابو مساعد يناظره ميساء: ميساء قولي لامك الله يعافيك
ميساء قلب وجهها معقوله بتنادي حد ماما غير امها وبصوت واطي قالت : الله يعافيك
ام مساعد ماتت عليها هذي اول كلمه تنطقها ميساء من دخلت عليهم : وهـ واخيرا تكلمت
ميساء ضحكت
ابو مساعد: ماعليش تتدلع في البدايه

" ميساء استغربت اول مره تشوف ابوها بهذي الشخصيه .. شخصيته معهم تختلف عن شخصيتها معها ومع امها صحيح حنون بس ماتعرف انه من النوع اللي يسولف ويضحك "

ميساء: خاله لولوه
ام مساعد على طول لفت وابتسمت لها: سمي ي
ميساء ابتسمت : ممكن اروح فووق
ام مساعد: اي طبعا البيت بيتك.. شوفي يحلوه اليوم بتنامين مع اختك لميس ومن بكرا نروح انا وانتي ونأثث غرفتك وعلى ذوقك خلاااص تحملي اليوم
ميساء ابتسمت وقامت : شكرا

" وطلعت فوق بشوي شوي "

ام مساعد: خجوله البنت
ابو مساعد: لاتلومينها مابحياتها تعاملت مع ناس غير امها ..

" ميساء طلعت فووق واول ماطلعت ضيعت في الغرف فاقررت تروح الغرفه اللي بأخر الممر اكيد هذي غرفة لميس.. راحت وفتحت الباب بشوي شوي وبدون لاتدق الباب .. شوي ويطلع لها بوجهها واحد اخترعت وبعدت على طوول "

ميساء" من هذا ...!! "

مساعد بعصبيه : ماتعرفين تدقين الباب ... وماظن لك حاجه بغرفتي ..

" طلع وسكر الباب وراه ومشى عنها "

" هي قعدت على طول وهي تتنفس بقووه .. ليش هذا يصارخ عليها يمه منه كأنه وحش "

" شوي وينفتح باب غرفه من الغرف وهالمره طلعت لها لميس "

" لميس اول ماشافتها قعدت تناظرها بس اول ماطاحت عينها بعينها صدت وميساء على طول قامت وراحت لها لميس تأففت "

ميساء: خاله لولوه تقول اني بنام معك

" لميس حنت عليها بعد ماسمعت صوتها بس غيرتها لسا فيها "

لميس: السرير مايكفي
ميساء: لالا اصلا بنام على الارض

"لميس ناظرتها بنظره.. ولكن حنت عليها من جد "

لميس: بتنامين الحين
ميساء : كم الساعه
لميس: الساعه 8 ونص
ميساء: اي عادي بقى نص ساعه .. على ماسوي الفراش بتجي 9
لميس بأستغراب: تسعه وش معنى
ميساء: خلااص الوقت متأخر 9 عشان انام

"لميس انصدمت الحين 9 وقت متأخر من متى .؟؟؟؟؟؟ كانت تبي تسألها انتي من اي قرن بس حزنت عليها وانقهرت ليش انها حزنت عليها "

لميس: خلاص استني بنادي الخدامه تسوي فراشك

" ونادتها وراحت الخدامه تسوي فراشها ولميس نزلت تحت وتركتها فوق .. لميس على طول طلعت للحديقه بدون ماحد يحس فيها "

" ماكنت عارفه وش تسووي .. زعلانه على ابوها ومقهوره منه.. بس خلاص طاح الفاس بالراس .. بس شلون تتقبل ان يطلع لها اخت وبهالسرعه معها في البيت .. صحيح تعودت على منار..بس هذي غير .. مع انها حزنت عليها .. كم عمرها وليش لابسه كذا .. شلون ابوي معيشهم في قريه عشان تلبس كذا .. ياربي وش اسووي .."

" شوي ماحست الا بحد جا وحط يده على كتفها "

لميس: بابا
ابو مساعد: ياعيون بابا
لميس لفت وجهها بزعل
ابو مساعد : حبيبتي يحق لك تزعلين على ابوك اعرف انها صدمه عليك بس كنت لازم اخبيها عنكم
لميس: انت ليش ماقلت لنا انك متزوج قبل لاتاخذ امي
ابو مساعد: يكفي ان امك تعرف ماحسيت انه للموضوع اي اهميه بأنكم تعرفونه
لميس: وشو ماله اهميه وانت عندك منها بنت وفجأه تجي عندنا وتسكن
ابو مساعد: لميس ماتوقعتك قاسيه لهذي الدرجه
لميس بدت تدمع: اجل شلون يايبه فجأه يصير عندي اخت وتبيني اتعود
ابو مساعد: صحيح بيصعب عليك في البدايه بس بعدين تتعودين .. وصدقيني انك راح ترتاحين لها
لميس تأففت
ابو مساعد : خلاص يالميس لاتزيدينها علي
لميس تنهدت بصوت مسموع
ابو مساعد يدلعها : وهذا انا اقول بنتي الطيوبه الحنونه
لميس: اوكي طيبه بس مو معناتها اتقبلها بسرعه
ابو مساعد: ليش مع انك تقبلتي منار بسرعه
لميس: منار غيرر
ابو مساعد: هذي اختك وذيك بنت خالك
لميس: بس هاذيك متعوده عليها وهاذي لا
ابو مساعد: بتتعودين عليها .. لميس لاتزيدينها علي
لميس تناظر ابوها : طيب خلاص
ابو مساعد : يعني بتعاملينها اوكي
لميس: بحااول

"ابو مساعد ابتسم لها وقرر يقعد معها ويسولف يقال انه يكفر عن ذنبه "
.
.
.

" اليوم الثاني "

" سهر وصلها خبر عن اللي صار بين بسمه ونجلا .. وزعلت كثير سهر على الكلام اللي انقال عن بسمه .. نجلا احتارت في اختها مو عارفه وش تسوي ... وسهر مقهور من ردة فعل نجوى اللي خدعتهم انه مايهمها .. بسمه قعدت تلوم نفسها في اليوم مية الف مره .. فكرت بهذا الموضوع من جهتين ..فكرت بعقلها .. وعقلها قال لها انك المفروض ماتسكتين على الكلام اللي انقال وانتي ماعطيتي مجال حتى لمحمد انه يعرف على اي اساس يتهمونها .. وقلبها يقول .. ابعدي عنه هذا من بدايتها مشاكل .. الكل بيلومك اذا عرف والكل بيتغير نظرته لك وبتصيرين منبوذه .. جن جنون بسمه.. وماعرفت وقتها وش تسوي وغير كذا نجوى قالت لهم بكل شي "

منصور: شلون يطلع هذا الكلام ومحمد مايدري
سهر: منصور لاتقول له والله بتكبر المشكله
منصور: خل تكبر شلون يطلع عليه هذا الكلام وهو ساكت وبسمه ليه ساكته
سهر: مدري والله بس لاتقول له
منصور: وخرري زين

" قام وطلع عنها وعلى طول كلم على محمد "

منصور: هلا محمد
محمد : هلا والله
منصور: محمد في موضوع لازم نتكلم فيه
محمد: مايصلح على التليفون
منصور: يفضل وجه لوجه
محمد: طيب انا في غرفتي
منصور: انت في البيت اجل اسبقني على غرفتي
محمد : اوكي

" ورجع منصور من جديد البيت وراح على غرفته ومحمد كان ينتظره سهر استغربت يوم شافته رجع ولحقته "

منصور: خليك برا
سهر: بدخل
منصور: سهر
سهر دخلت: مالي دخل

محمد : هلا سهوره شخبارك حبيبتي
سهر ابتسمت : الحمدالله وانت
محمد: الحمدالله "وناظر منصور" ايوا منصور
منصور: انت نايم ولاتدري باللي يصير حولك
محمد: وش صاير بعد
منصور: زوجتك واختها المتخلفات والكلام اللي طلعوه على بسمه
محمد وقف من سمع طاري بسمه : وش قايلين عنها
منصور: سهر قولي له باللي صار بالمشغل
سهر اخترعت : مافي شي بس غزل تقول انه في بينك وبين بسمه شي
محمد انصدم : نعـــــــم .. وعلى اي اساس قالت كذا
سهر: علشان اللي صار بالصالون يوم طاحت بسمخ
محمد عصب: ايششش ووش قالت بسمه
منصور: البنت ساكته ولاتعرف وش تسوي وزوجتك تطلع كلام عليها

"محمد عصب وطلع لنجوى فوق "

سهر تضرب منصور: شفت الحين بيتهاوش هو وزوجته
منصور: خل يأدبها المتخلفه بنات الناس مو لعبه عندهم وغزل انا اوريها
سهر: والله لو ان ابوي وامي هنا ماصار اللي صار "وصارت تبكي "
منصور حز بخاطرها كلمتها : سهورهه حبيبتي ترضينها على بسمه
سهر: لابس نجوى حرام
منصور: لاتخافين بيتفاهم معها مو بيضربها هو
سهر: محمد عصبي واي شي يسويه
منصور: حتى لو وين وصل صراخهم ماراح يضربها

.
.
.

" عند نجوى ومحمد "

نجوى تصارخ: شفت ان الكل لاحظ مو بس انا
محمد: مافيه الا انتي واختك المتخلفلات يتهيأ لكم وتحسونه صدق وبعدين بسمه مو غبيه عشان تحب واحد مثلي متزوج وعنده عياال وبالطريق واحد
نجوى: اسألها هي مو انا
محمد: نجوى انا وصلت معي عن هذا الموضوع .. تكلمت فيه كثير وماني متكلم فيه زياده غير ان لو يطلع الكلام لحد او حد يعرف والله مايردك الا الباب " وطلع عنها "

" نجوى انصدمت .. يهددها بسبب بسمه "

" محمد نزل لعند سهر "

محمد : سهر كلمي بسمه
سهر: نعم
محمد: كلميها وعطيني اياها
منصور: كلميها

سهر طلعت جوالها ودقت وعلى طول اخذه محمد

بسمه بصوت مبحوح : هلا سهر
محمد حن عليها : هلا بسمه انا محمد
بسمه شهقت
محمد : استني بسمه قبل لاتسوين شي
محمد : بسمه لو وشو مانقال عنك مابيه يأثر فيك سامعه.. وصدقيني كل واحد بيتكلم عن هذا الموضوع بقص لسانه قص .. والحين لاينشغل بالك بسبب مواضيع تافهه لاني اعرف انك اكبر من كذا طيب .. خذي سهر معك

منصور: كفوو والله
محمد : ماتسوى عليها البنت
منصور: اهلنا متخلفين غيرانين من علاقتنا ببيت عمي عبدالرحمن
محمد: والكل يفكر تفكير واحد استغفر الله بس انا اوريك فيهم

" سهر راحت تكلم بسمه وبسمه طول الوقت ساكته .. منصور طلع عنهم لانه عنده شغل مع مساعد .. ومحمد طلع يبي يتنفس "

.
.
.

" منصــور"

" منصور من طلع من البيت حس كل شي فوق راسه .. مايعرف ليش ؟؟ كأن الاتهام جايه هو مو اخوه .. المهم دق على مساعد .. يبي يشوف اخر تطورات المشروع "

منصور: هلاوالله بو فهد
مساعد : هلابك زوود
منصور: شخبارك .؟ عساك بخير
مساعد : الحمد لله انت بشرنا عنك
منصور: لا الحمدالله ابشرك..
مساعد : دووم دووم
منصور: تَسلم .. بس بغيت اقولك يامساعد انت لازم تجي الشرقيه
مساعد : ليه عسى ماشر
منصور: ابغاك تشوف المشروع معي .. المبني قرب يخلص ومابعد نخطط للديكور
مساعد : اووووه نسيت الله يقطع الشيطان
منصور: اي مابقى وقت
مساعد : خلاص بكرا ان شاء الله جاي
منصور: طيب شوف اذا انت تعرف مصمم ديكور اوكي خله علي وانا اتفاهم معه.. بس مادري اذا ودك تختار الديكور معي
مساعد : لادام كذا انا وانت واحد.. شوف البندر الله لايهينك هو اللي مصمم المزرعه
منصور: البندر.. همم حلوو والله
مساعد : اي اتصل عليه وتفاهموا على كل شي لاني هالفتره مشغول حيل
منصور: خلااص اجل على خير
مساعد:اوكي اجل تامرني على شي
منصور: ابد سلامتك .. مع السلامه
مساعد: فمان الله

.
.
.

" امــريكــــــا "

ببزوغ فجر يوم التخرج ... تشتد المشاعر من شوق و سعادة و تردد و خوف "
و لكن كلما اقترب الموعد ازدادت الرهبة في القلوب ...و اضطربت النفوس من الموقف المرتقب ...يجلسون أمام المئات و ربما الآلاف من الحضور و بيكونون محط أنظار الملايين .. الساعه خمس تحرك سلطان وامه وابوه متوجهين للمقر.. شيماء والقروب حقهم كانوا مع بعض اليوم طول الوقت .. سلطان مابين لامه انه بينه وبين شيماء شي .. وشيماء كانت ضابطه الوضع ... سلطان كان حيل مبسوط اليوم .. من قام ويحس انه اخيرا بيتخرج وبيفتك .. ييبي التخرج يخلص بسرعه ... ويحس ماهو طايق يشوف الجامعه سمستر زياده .. بو محمد كان مجهز سياره خاصه لموزين تاخذهم للتخرج وكاميرا فيديو تصور الحفل كله .. سلطان تشقق على ابوه والتليفونات مشتغله طول اليوم .. بدا الحفل وبدت مراسيم التخرج اللي تتظمن الوقوف والغناء الجماعي لأغنية – يحفظ الله الملكه .
God Save the Queen
حسب العادات الإنجليزيه القديمه بما أن الجامعه تأسست تحت رعاية جامعه بريطاني .. سلطان قام يمثل انه يغني لانه مو حافظها .. وبدا الكل يصفق .. وبس جا وقت استلام الشهادات .. بس قرا رئيس الجامعه اسم سلطان ابوه وامه وقفوا واصحابه يصفقون له ويصفرون وهو قلبه يضرب امه دمعت عيونه .. وهو قلبه يرقع .. راح ويحس كأنه يستلم كاس العالم في كرة القدم..بعد ماستلم ووصل ضمته امه وبعدها وابوه بكل قوه ودموع تبكي من هنا وناس فرحانه من هنا .. تجمعوا الخريجين ورموا القبعات وكانت احلى لحظه ...والكل صار يصفق ويصفر.. وبعدها راحوا يختارون خاتم التخرج .. اللي اختاره له ابوه .. "

سلطان فجأه : واخيراااااااااااااا "ويصرخ بأعلى صوته "
امه : ههههههههههه

" وصلوا اصحابه وطلبوا من امهم تصورهم .. وبالفعل قعدوا يصورون بعض.. وفجأه واحد من الشباب اللي معه في صوره من الصور طش المويه على سلطان وسلطان فزع والتقطت وقتها ام سلطان وصارت الصوره خطيره وبعدها صارت تاخذ كل حركه يسونها الشباب بالمويه وصارت الصور خطيييره .."

" وبعد ماخلص احتفال الجماعه بو سلطان كان مجهز عشا كبير لولده في احدى المطاعم الراقيه وعزم سلطان كل ربعه ..."

" على كثر ماسلطان فرحان على قد ماهو قاعد يندم ... الابو ولده يكبر في عينه .. وسلطان يحس انه يصغر بعين ابووه .. "

.
.
.

" فــي جزر المالديف "

Snorkeling

" فيصل وعبير اليوم اخذوا لهم قارب وكانوا ناويين يروحون على الى جزيره البارادايز عشان يشوفون الشعب المرجانيه.. "

عبير: يالله معقوله السمك يبين من البحر بكل وضوح
فيصل : سبحان الله
عبير تبتسم : ناس عاايشه
فيصل يضحك

" قعد فيصل عند طرف القارب وعبير وقفت جنبه وتشم الانفاس النقيه "

"فيصل وقتها كان يناظر عبير وتحركاتها.. وشوي سحبها وقعدها عليه "

عبير تناظر فوق : ثقيله
فيصل يضحك : شوي بس مضطر
عبير ضحكت وجت بتقوم
فيصل يمسكها : امزح امزح

" عبير كانت مستحيه طول الوقت من القرب اللي كان بينها وبين فيصل .. وتحس قلبها يطير مع نسمات الهوا السريعه "

فيصل عبير اكثر عنده وعبير ارتجفت وحست تبي تقوم شوي وصار فيصل يغني لها :

وانا بين ايدك تهت فى مكانى ونسيت معاك عمرى وزمانى والوقت فات وياك ثوانى قربنى ليك سبنى اعيش احساسى بيك اتحدى العالم كله وانا وياك و بقول الدنيا بحالها اننا بهواك وان انت حبيبى وقلبى و روحى معاك قربنى ليك سبنى اعيش احساس هواااااااااااك

عبير لاشعوري : اوووه حياااااااتي

" عبير خقت على فيصل .. وصارت تناظره بعيون تلمع فيها ويبرق عنوان حبهم ... فيصل اخذها وحضنها "

" وبعد لحظه "

فيصل: حبيبي قومي بتسبح
عبير قامت بسرعه : وشو
فيصل: بتسبح وانتي صوريني
عبير تترجاه : فييصـــل
فيصل يناظرها وقرصها على خشمها : عيونه
عبير: وشو تتسبح في بحرهم
فيصل يناظرها بعيون حلوه : تخافين علي
عبير شبكت يدينها ونزلت راسها: اي
فيصل قرب من عندها وحضنها من جنب : اي لا لاتخافين حبيبي مو عميق البحر هنا .. بتسبح وصوريني
عبير: فيصل لاااا
فيصل: تعالي نسأل السايق اذا عادي ولالا

" راحوا وسألوه وقالهم عادي الكل يتسبح هنا وبعدها حاول فيصل بعبير ووافقت .. وبعدها راح فيصل يسوي سنوركلينغ وعبير تصوره "

.
.
.

" في بيت بوفواز "

غزل: مــن جــــــدك
منار: هذا اللي قالته خالتي لامي
غزل: يالله مااااصدق وليه خباها عنهم طول هالفتره
منار: مدري
غزل: ياربي اكيد لميس مبسوطه
منار: والله تقول خالتي انها حابسه نفسها بالغرفه
غزل: غريبه مو هي تبي اخت
منار: اي بس تعرفين غير اذا كان مثل هذي الحاله
غزل: بس لاتنسين انه من زوجته القديمه
منار: والفرق
غزل تلف على تسريحتها وتضبط شعرها: يفرق كثييييير.. واخيرا صار عندنا بنت خال ثانيه
منار تضحك
غزل: وش يقولون حلوه
منار: تقولخاله لولوه كأنها روسيه
غزل: من جد اجل بتعقب على لميس
منار تضحك: الا بتموت غيره تلاقينها... بس تكسر الخاطر
غزل: ليه ؟
منار: كانت عمياء
غزل: احلللللفي
منار: وربي
غزل: يعني الحين هي عمياء ولا طابت
منار: لااا صارت الحين تشوف عشان كذا زوج خالتي يسافر كثيير كان يعالجها
غزل: كم عمرها هي
منار: سمعت 17
غزل: اهااااااااا
منار: مدري حزنت عليها
غزل: اي حرام من جد .. ماقليتي ليه لابسه وين بتروحين
منار: اديم بتمر علي الحين
غزل: على وين ان شاء الله
منار: بنروح مع مشاري اخوها نحجز اشياء حق حفل تخرج سهر
غزل: ياسلام وليه ماقلتوا لي
منار: وش صار هذا انتي دريتي
غزل: ماشاء الله عليكم
منار: تبين تروحين
غزل: لاا سهر بتجيني
منار: اجل انثبري
غزل ترميها بالمشط : قومي انقعلي
منار بعدت وجهها وضحكت وقامت بعدها : سي يااا
غزل تقلدها : يااشينك

" طلعت منار ودقايق واتصلت عليها اديم وطلعت لها "

.
.
.
" في ايطــاليــا "


Albano Lake
او بالإيطالي
Lago di Albano

" توجهوا فواز ونجود الى بحير البانو واخذ مشوار الطريق حول 40 دقيقه بالسيااره .. نجود تعبت وتكسر جسمها وفواز يسولف مع السايق وقاعد يعلمه بكل شي هنا .. بس وصلوا كان الجو العام حلووو و هوا عليل ومناظر جميلة وتروق للعين والنفس .. واول شي شافوه مقهى على البحيره على طول قعدوا فيه وطلبوا لهم شي يسرسرح على خاطرهم .. . . .

نجود: يمييييييي
فواز: اووه انتي ستروبرري
نجود: مرره يمي وقطع الثلج تونسس
فواز ابتسم

" نجود مع كل مزه لها تقول يمي حسها فواز مبسوطه عليه "

فواز: اوهوو شهيتيني خليني اذوقه
نجود فتحت عيونها : لاا طبعا
فواز ضحك : لا بالستر حقي
نجود: اووه كذا طيب
فواز يناظرها : من زينك اشرب من بعدك
نجود فتحت عيونها
فواز يضحك : امزح شفيك
نجود ابتسمت : كيفي مابيك تذوقه
فواز يناظرها من تحت: بيعورك بطنك
نجود ذحكت: يمه منك خذ

" اخذ فواز السترو حقه وذاقه "

فواز : هممممممم يميييي
نجود: من جد شرايك
فواز: ياخذ العقل
نجود: اجل اللي طالبه ليمون بالنعناع
فواز: حتى حقي يجنن
نجود: لاا ليمون يحرق المعده

"فواز ابتسم لها وش يقول بعد "

فواز: تبين نتعشى الحين ولابعدين
نجود: ناخذ لفه هنا وبعدها نرجع نتعشى
فواز: عندهم مطعم رهييب هنا
نجود ابتسمت وهزت راسها

"بعد ماخلصوا قاموا .. وقعدوا يلفون كانت البحيره جنان وتاخذ العقل .. بس حسوا انهم تعبوا راحوا على طول على مطعم باينانالي .. مطعم قمه في الروعه ووجباته توديك عالم ثاني *_^ .. فواز عجبه تصرفات نجود في التعامل والمطاعم واكثر شي عجبه انها تعرف تطلب .."

فواز يناظر نجود : نجوود
نجود: هممم
فواز : ممكن اطلبك طلب
نجود رفعت عينها عليه وابتسمت : تفضل
فواز سكت وقعد يجمع كلامه : نجود .. ابيك تبقين على مانتي عليه
نجود عقدت حواجبها : فجأأه
فواز يصلح جلسته : ادري بس انا ابيك تبقين على مانتي عليه
نجود ابتسمت : ان شاء الله بس فواز ممكن اسألك سوال وتجاوبني عليه بصراحه
فواز: تفضلي
نجود : انتا ليه تزوجتني

" فواز انصدم ...... هو كم مره يبي يعرف ليه تزوجها ماهو عارف ..... عشرين سبب براسه "

نجود تناظره بمعنى انتظرك
فواز :......
نجود: معقوله تضحي بحياتك عشان تعقلني
فواز تلعثم : مادري بس
نجود تقاطعه : بس انت قلت من قبل انك اخذتني عشان تحافظ على سمعتي .. وانت وش شايفني مسويه
فواز حس البنت بدات تقلب لو يدري مافتح الموضوع
نجود : انا ماشوف نفسي مسويه شي غلط عشان تعاقبني وتاخذني ولا عشان تحفظ شمعتي اظن عندي اهل ويعرفون كيف يربون بناتهم
فواز: نجود انا ماقصد كذا
نجود تحمست: اجل ايش تقصد بكلامك ولا انت بس تعرف ترمي كلام وبس
فواز بجد ندم انه فتح الموضوع وبنغمه صارمه : نجوود ... خليني اتكلم
نجود انتفضت ماتدري ليش : اسمعك
فواز: نجود يمكن انتي تعرفين الفرق اللي بين عايلتنا وعايلتكم
نجود: ايش الفرق
فواز: او خلينا من العايله انا عن نفسي واحد ماحب اشوف الغلط
نجود: انا وش سويت غلط
فواز: نجود بلاش نكلم نرجع كلام اول والتجريح ونبدا نغلط
نجود: فواز حنا نتناقش مو نتهاوش
فواز تنهد : طيب الحين تراسلين ولد عمك وزاعجته هذا مو غلط
نجود تلعثمت : بس هو مايعرفني
فواز: بس انا عرفت
نجود طنشت
فواز: انا والله كنت اشوفك من ساسك لراسك غلط يانجود
نجود فتحت عيونها
فواز: بس يوم اخذتك وعرفتك زين غمضت عيوني عن كل هذي الاشياء... نجود انتي عارفه كل واحد وفيه الزين والشين وانا من نظره وحده ماشفت الا الشين فيك بس يوم عرفتك صرت اشوف ملاك بعيوني .. نجود مشكلتك مانتي لاقيه نفسك
نجود استغربت: يعني ايش
فواز: انتي تعطين للناس صوره ميب زينه عنك .. وانتي العكس
نجود زادت غرور بعد كلام فواز هذا عنها
فواز : يعني انتي في البدايه كنتي تشوفين حنا لايقين لبعض
نجود هزت راسها بمعنى لا
فواز: وشوفي الحين وش زينك.. حسيتك غير عن البنات
نجود ابتسمت مبسوطه على الكلام : طيب طيب خلااص
فواز ابتسم لها ابتسامه حلوه : اقتنعتني يعني
نجود تهز راسها: مو مرره مقنع بس يلا
فواز يضحك : مابقى الاااااا "وقام يسوي حركات بيده "
نجود ضحكت : لا لا امزح
فواز: نجود لو سمحتي لاتسأليني هذا السؤال مره ثانيه لاني انا ماني عارف السبب الرئيسي
نجود : انا اقوله عنك
فواز ابتسم يعني ايش
نجود: السبب انك بيوم من الايام بتاخذ وحده من بنات عمانك وغصب عنك بتتقبلها والحظ جابني عندك
فواز ضحك : ابي اعرف ليش مو مقتنعين في هذي الفكره ترى ولد عمك بيصونك وبيحافظ عليك اكثر من الغريب
نجود: ايي ماقلنا شي بس التغيرر مرغوب
فواز ضحك : المهم انك اعرستي
نجود ابتسمت وهي تطلع لسانها : واخذت فواز اللعين
فواز ضحك عليها : طاايب طاايب ماني راد عليك .. بس تدرين غريبه
نجود: وشو
فواز بغرور لاول مره : الكل يتمنى نظره مني وانتي تتحسفين انك اخذتيني
نجود بنظره غرور : لا تنسى انك اخذتني عشاني غير عن البنات
فواز ضحك : يعنييي
نجود هزت راسها وضحكت

" فواز ضحك عليها وش يسوي البنت مغروره ومش ممكن تنتازل عنه .. بس مازال وهو يكتشف في نجود اشياء حلوه مخبيته عنه وعن الكل "

" تررن ترررن "

فواز: اووه هذي غزل

" ابتسم وصار يكلمها وغزل حسته مبسوط مع انها استغربت شلون ينبسط مع نجود "

فواز : تبين نجود
غزل: هاه لاا بسكر الحين
فواز: اووكي سلمي عليهم
غزل: يووصل عن اذنك
"نجود عرفت انها ماتبيها مو شي جديد بس سكتت "

.
.
.

" في بيت بو محمد "

" سهر ومنصور وقتها قاعدين يكلمون ابوهم وامهم وسلطان "

سهر: تصورووون لي كل شي ولا بزعل
سلطان: خلااص قلت لك صورت لك كل شي
سهر: ايي مو كفايه ماحضرت
سلطان: ان شاء الله بجي وبحظر تخرجك
سهر: اووه سلطان انت بترجع مع امي
سلطان تلعثم : لا بعدهم بفتره
سهر بزعل: لييييييييه
سلطان : عشان عندي اجراءات مع الجامعه لازم اخلصها
سهر: وكم تاخذ تقريبا
سلطان توهق: مادري حبيبي بس ان شاء الله بلحق دونت ووري
سهر: طاايب
سلطان: شوفي سهوره سلمي عليهم بروح اغير ملابسي اوكي
سهر : اوكي باي

" وسكرت منه وهي مقهوره منه "

منصور لاحظها :" اللي يسمع بيحظر التخرج
سهر: اي يكفي انه يكون هنا
منصور: وانا ماني مالي عينك
سهر تناظره منصور صار طيب معها مرره وماحبت تجرحه : الاا والله بس ودي كلكم
منصور ابتسم: عن الدلع بس يخلص بيجي اصلا هو كارهه الحياه هناك
سهر ابتسمت : ياخي كيييفي المهم بروح لغزل اوكي
منصور بخباثه : ليييششش انا عاازمك على العشا انتي وبسمه اليوم
سهر تناظره بأستغراب : شعندك على بسمه هاليومين
منصور يبرء نفسه : هههه مو عشان سواد عيونكم هذا جزاي اهون عليكم وحده ابوها مسافر عنها والثانيه اختها الوحيده راحت عنها
سهر:اووووه منصوور حيااتي والله انت
منصور: شفتي شلون احس فيكم
سهر تضحك : فديتك والله اجل بكلم غزل وبقولها

" منصور بالعمد يبي يقهر غزل "

سهر: هلاا غزووله
غزل: هلا وينك
سهر: سووري حبيبتي منصور اخوي عازمنا على الشعا وماقدر اجي
غزل بقهر: احلفي انتي واياه فجأه صار حنوون
سهر تضحك : لا حرام عليك يقول حن علي عشان امي ميب فيه وعلى بسمه عشان اختها الوحيده راحت عنها
منصور يسمع ويبتسم
غزل بقهر: اها يعني انتي وبسمه بتروحون
سهر: اييه بتروحين معنا
غزل بقهر: لا صديقتي عازمتني بس انا اعتذرت بس الحين بطلع معها خلااص الحين مع السلامه
سهر: غزوله لاتزعلين
غزل بقهر: لاعادي
سهر: صدق
غزل: اي صدق يلا بابااااي
سهر: بااااي

" منصور عرف انها انقهرت "

سهر: منصور يصير نأجلها
منصور: براحتك بس مو كل يوم العييد
سهر ابتسمت: لالاخلالاص يلا بقووم
منصور: اي وكلمي بسمه اوكي
سهر: اووكي

" قامت سهر وكلمت بسمه ... ومنصووور مبتسم "

منصور" انا اووريك ياغزل اذا ما ادبتك ماكون منصوور "

.
.
.

" غــزل "

" نزلت فرشاه البلاش بقهر .. قاعده تحس ان البنات ابتعدوا عنها وان منصور بيتغير عليها "

غزل " بس مو منصور يحبني اجل ليش يطلعها بين يوم ويومين.. لايكون موقف معها .. المفروض يدافع عن اخووه .. بس انا كنت حاسه ان منصور يلعب ع الحبلين ... شلون صدقته وبسمه مقابلته اربع وعشرين ساعه .. وبسمه احلى مني والكل يتمناها .. وليش هي ماتفكر فيه وهو كل يوم مطلعها .. اكييد مبسوطين وموسعين صدرهم والله انا اوريه لاخليه يندم ع الساعه اللي فكر فيها يكذب علي "

" غزل خططت على شي وقررت تسويه وتنفده الحين "

.
.
.

.
.
.

" في سيارة مشاري "

اديم : صدمتيييني صراحه
منار: والله خالي طلع مو هين
اديم: من جــد
منار: والله تقول كنها روسيه
اديم: تحمست ابي اشووفها
منار: حتى انا بنروح لهم الرياض
اديم: احللفي متى؟
منار: الويك اند الجااي
اديم: صوريها لنا
منار تضحك : طاايب

" منار قعدت تقص على اديم سالفه بنت خالها الجديده ومشاري طفش من سوالفهم "

.
.
.
" نجوى "

" نجوى من بعد ماهاوشها محمد وصلت معها ... كانت مقهوره منه ومن بسمه ... مستحيل ترجع علاقتها مع بسمه مثل اول .. بعد ماعرفت نواياها .. قعدت تتوعد لها وهالمره ماهي مكلمه محمد حتى يطلع ان الحق معها "

" شوي ويدق تليفونها "

نجوى: هلا نجلا
نجلا: هلا نجوى شخبارك .؟
نجوى: الحمدالله الله يعافيك وانتي؟
نجلا: الحمدالله.. همم نجوى انا تكلمت مع بسمه
نجوى: طيب
نجلا: هممم مدري بس بسمه مستحيل تسوي كذا او يكون تفكيرها كذا
نجوى: اها يعني انتي صدقتيها عشانها اختك
نجلا: اي عشانها اختي واعرفها واعرفها من عيونها واعرف وش تفكر فيه .. نجوى ترى الكلام اللي انقال عنها كبير.. ومادوي تصير بينا مشاكل بسبب غيره فارطه ..
نجوى: شلون يانجلا يعني انا وغزل نكذب
نجلا: ماقلت تكذبون بس يمكن فهمتوا غلط ... نجوى فكري في الكلام زين وافهمي ان حنا بنات عم مو معقوله بنخون بعض في يوم من الايام .. وبيني وبينك فكرة ان بسمه تفكر بمحمد اشوفها شوي كبيره
نجوى:....
نجلا: انا ماودي هالكلام يطلع لاهلنا ويسوون لنا مشاكل او يخلون حاجز بينا وبين بعض .. خلي الموضوع سيكرت و غير كذا يانجوى ماظنك ناسيه شلون عيال عمي سلمان متعودين علينا يعني يعتبرونا مثل خواتهم .. هذي بسمه مقابلته اربع وعشرين ساعه لو يبيها كان قال مو بيروح وبياخذك نجوى : خلاص نجلا الحين نفسيتي زفت فاخلينا نتكلم بعدين
نجلا: انا ابي بعد مكالمتي هذا ينتهي كل شي ومابيك تنشغلين بسوالف تافهه وتضغطين على نفسك وعلى اعصابك وانتي حامل .. والحمل تالف حياتك ومابيك تزيدينها على نفسك ..
نجوى تبتسم : ياحبيلك والله
نجلا ابتسم : يعني طاح الحطب
نجوى تضحك : لسا
نجلا تبتسم: يلا في تطور بس فكري زين بالموضوع اوكي
نجوى: ولايهمك
نجلا: اووكي يلا اخليك
نجوى: اوكي مع السلامه

" نجوى من بعد مكالمه نجلا لها .. طاح كل شي براسها بس مصره ان في بينهم شي .. بس ماهي عارفه وش تسوي حتى لو الفكره ماتدخل بالراس احساسها مايخيب "

.
.
.
" في المطعــم "

منصور: ابو الحماس اللي هنا
سهر تضحك : اقوول اعقل
منصور: يصير ادخل الشباب
سهر: احلللف
منصور: على اساس انك تقربين لهم
بسمه تضحك: والله مانت بصاحي اختك شفيك
منصور يضحك: امزح شفيكم بس حنا هناك محرومين
سهر: احسن تستاهلون

" منصور عاجبه الوضع في المطعم قاعد ياكل وعيونه تتلافت "

بسمه: ورا ماتثقل
منصور يضحك: خليناه لبرا مو كله ثقل

"بسمه وسهر يضحكون.. شوي وكشرت بسمه منصور لاحظها على طول "

منصور: شفيك
بسمه اخترعت : هاه مافيني شي
سهر: ليه شصار
بسمه تبتسم : لامافيه شي
منصور يناظرها بتشكك: اكييد

"بسمه هزت راسها ونزلته وقعدت تاكل بهدوء قلبها يضرب"

" منصور رجع ياكل.. واول ماجا بياكل طاحت عيونه لاتلقائي على اللي كانوا توهم جايات وتوهم بيقعدون ..وعلى طول رجع الشوكه مكانها "

"بسمه على طول عرفت انه شافها لانها كانت متابعتها "

سهر انتبهت لهم : شفيكم انتوا الاثنين
منصور: مافينا شي ليش..؟
سهر فجأه سكتوا
منصور يبتسم لها : اكل يعني نسولف
سهر تضحك : ياهو يا اخلاق
منصور ابتسم لها

" منصور ابتسم ابتسامه عجيبه ورفع حاجبه .. "

منصور" اهاا يعني كذا ياغزل .. مسويه نفسك مو مهتمه وجايتني لهنا .. هههههههههه ياشين الل يكابرون .. دامني ضمنتك .. اجل انا اوريك شغل الله "

" منصور من بعد ماشاف غزل اقبلت وقعدت بالطاوله المقابله فهم الموضوع بكيفه.. فهم انها تغار عليه وجايه تبي تشوفه مع بسمه .. بس غزل صحيح جايه عشان تقهر منصور بس ماكنت حاطه حساب انهم يقعدون مقابل بعض مع انها لسا ماشافته "

" منصور صحيح كان يسولف ويضحك بس من شافها سوالفه وضحكه زادت .. لدرجه ان طاولتين لفوا يشوفون من هذا اللي يسولف.. بس هو يسكتهم بغمزه "

بسمه تناظره : انت بتعقل ولا شلون
منصور بحركه لاشعوريه سبل عيونه فيها : ولا شلون
بسمه ضحكت: سخييييف
منصور يضحك ويأشر لها براسها : كيفي

" بهذي الحركه غزل طاحت عليهم صار لها فتره تدور عليهم وماتخيلت انهم بيكونون مقابلينها .. انصدمت غزل .."

غزل" منصووور.. اه يالحقير.. ومسوي نفسه الحمار هيمان فيني وهذا هو يسبل عيونه عليها.. صدق انه حقير ونذل .. وانا اقوول وش سالفه كل يوم شايل اخته عشان تاخذ معها بسمه .. انا اوووريك والله لاتشووف "

"منصور لف يبي يناظرها وكان وقتها رافع حاجب بأبتسامه وهو اول ماشافها تناظره تشقق وهي على طول لفت وجهها "

منصور يضحك بداخله " عليناا ياغززيل عليناا .. لعنبوها غيره صدق .. بمووت واشوفك طايحه تحتي .. انا اوريييك "

منصور ابتسم : سهر مو كأن هذي غزل بنت عمي "ويأشر براسه "

" سهر لفت عليها "
سهر تشهق : اي والله ماقالت لي بتجي تشيلز
منصور ابتسم : اهاا
سهر: بقووم اشوفها
منصور زادت ابتسامته : اوكي

" سهر قامت ومنصور حب يستغل هالفرصه دامه لحاله مع بسمه "

سهر : غززززل
غزل شافتها ابتسمت وقامت وسلمت عليها : هلا والله
سهر: هلا فيك وش هالصدفه
غزل تضحك : شفتي شلوون ماكنت اتوقع بتجون هنا
سهر: من زمان عن تشيلز قلنا خل نجي
غزل: اهاا "ولفت تناظر منصور اكيد مبسووط انه معها"

" منصور كان يعرف ان غزل بتلف عليه عشان كذا قرر مايلف عليها وقعد يسولف مع بسمه وراسم على وجهه احلى ملامحه "

منصور: لاتروحين تسلمين
بسمه : ادري ماودي افشلها
منصور: انتي اللي تتفشلين مو هي
بسمه: منصور عاد خلاااص
منصور: بسومه لاتسكتين على حقك سمعتي
بسمه: بس خلااص مابي نرجع لهذا الموضوع يكفي نجلا ناشبه لي
منصور يبتسم ابتسامه جميله : ماعليك منهم غيرانين منك
بسمه تضحك : اي طيب
منصور: ورا ماتكلمين نايف يجي
بسمه : تصدق خل اشوف وينه فيه

" منصور تعمد يسألها عشان تطلع الجوال .. قام هو طلع الجوال وسوا نفسه ياخذ رقم منها كل شوي يرفع راسه لها .. وغزل بالضبط انتبهت على هذي الحركه وانقهرت حييل ..."


غزل: خلاص سهوره لاعطلك عليهم روحي معهم
سهر ابتسمت : اوكي خل اشوفك قريب .. ويلا سارا مع السلامه خلينا نشووفك

" سلمت سهر على غزل وصديقتها ورجعت "

سهر لمنصور: من تكلم
منصور: نايف تشوف وينه فيه
سهر: اهاا
بسمه: مشغول حيل عنده برزنتشين
منصور: الله يوفقه

" وبعدها قعدوا يسولفون ومنصور قرر يطول القعده حتى غزل تمشي لانه عارف انها بتنقهر زياده ..وقعدوا يسولفون عن الصالون اللي بيكون قريب الافتتاح وقرر منصور ان بسمه تكون المديره على الصالون ... يبي يلعب بأعصاااب غزل حتى تطلع من طورها وتعترف "

.
.
.

" بعــد مـــــــرور شهــــــــــــــر "

" سلطان .. مابعد يرجع للسعوديه يتعذر بخروج الاوراق ولكنه قريب بيرجع

سهر.. انبسطت كثير يوم رجعوا اهلها واحتفلوا بتخرج سهر اللي كان بعد تخرج سلطان بأسبوعين والعايله كلها احتفلت فيها لانها تخرجت من الجامعه.. وبدر صار بين كل فتره وفتره يرسل لها صوره ويكلمها يومي على الماسنجر

عبير وفيصل .. عبير وفيصل عايشين ولا في احلى منهم رجعوا للسعوديه والفيلا حقت فيصل كانت جاهزه .. وكانت بنفس حوش بيت بوفيصل ... وكانت كبيره بس مو اكبر من البيت الكبير اللي هو بيت بو فيصل

فواز ونجود .. فواز مبسوط مع نجود ولكنه لسا يعاني من مزاجها المتقلب .. فواز سكن بنفس بيت ابوه كان مجهز له قسم فوق مرتب ووسيع وانيق

وليد وطلال .. يشوفون بعض في اغلب الويكندات بس طلال قرر بس يخلص كورس اللغه بينقل عند وليد وبدر ماقدر يتحمل لحاله ..

طلال .. عايش جوه مع مهايط وصايف وطلال مو في باله غير انه يسولف معها على اساس بنت عمه مو شي ثاني ووصايف كمان

لميس.. شوي شوي بدت تتقبل البنت وصارت تحن عليها وتحزنها في اشياء بس شكلها بدت تحبها

ميساء.. الكل صار يعرف قصتها والكل حزن عليها اكثر من يعاتب على بو مساعد..

غزل.. من رجعت وهي تحس بالقهر او بلاحرى بالغيره بس ماهي راضيه تعترف .. ومن طلعه هذاك اليوم واول مارجعت كلمت نجوى وقالت لها انهم فهموا الموضوع غلط .. لان غزل بدت تحس ان بسمه تحب منصور مو محمد واستغبت نفسها واقنعت نجوى .. غزل هالمره لاحظت انه منصور مايلعب عليها ... بس حست انه يوم شافته ماعطته وجه انقلب على بسمه .. كل تصرفاته تبين انه يحب بسمه .. وبسمه ماهي حاسه بشييي

منار .. ماهي قادره تتقبل ان مازن يحبها مع ان اخر موقف اثبت لها بس هي مو متقبله الوضع وخايفه تتقبله .. ولميس وغزل يلحمون لها بس هي تسكتهم ..

يــاسر .. في هالفتره يحس براحه بس لسا الشغل مالي عليه حياته .. وهذا الشي خلاه شوي يتغيب عن جمعات الاربعا والكل صار يعرف ان ياسر مشغول وماهمه الا شغله ومايفكر بشي ثاني وغبيه اللي تفكر فيه ..

مساعد.. الشخص الوحيد اللي لسا مو متقبل ميساء عندهم .. وقاعد يحاول يقضي يومه برا البيت .. فيصل سولف له كثير عن شهر العسل يبغى يحمسه بس مساعد ولاجاي على باله ..

مشاري .. مازال يبحث عنها .. اخر شي عرف عنوان بيتهم في الرياض ويوم اتصل على الشقق اللي ساكنين فيهم قالوا له انهم نقلوا .. وهنا بدا يفقد الامل شوي شوي ..

نايف .. نايف عرف سالفه الاوراق المسروقه اللي كانت بسبب صديقتها دانه وبعد ماحققوا معها طلع الحق مع ريم و دانه هي اللي انطردت .. بعدها كلم نايف اخو ريم بموضوع اخته والاخو انبسط كثييير ومن يومها ارجعت ريم وهي تحس انها مو بالدنيا واخيرا في حد يهتم فيها .. وبكذا نايف ارتاح دام انه يشوفها كل يوم صباح .. وغير كذا نايف هذي اخر سنه له والسنه الجايه بيكون دكتور رسمي في المستشفى ..

بسمه .. بسمه ماعادت مثل اول .. صارت تضبط نفسها بكل شي .. تموت وتتعذب بداخلها بس ماسكه نفسها قدام الكل .. ماعادت تجتمع في البنات مثل اول .. بس انها تشوفهم .. صارت قريبه من ريم بنت خالتها .. وشافت احسن لها من انها تسمع طاري عنه او تشوفه .. مع ان محمد حاز يخاطره انه ماعاد يشوف بسمه مثل اول وكان يحس انها ماتبي تسبب له مشاكل مع زوجته كثر ماتمشكلت زوجته معها .. وكل مالها تكبر في عينه

اديم .. انجذبت لشخصيه نايف يعجبها بكل حالاته .. انسان متفتح وفاهم وتحسه غير العيال .. ليش مايكون فارس احلامها وبهذا التطور الداخلي اللي تحس فيه بدت اديم تنطلق على القفص اللي كانت حابسه نفسها فيه .. "

.
.
.

" فــي لنــدن "

فرصه مجنونه وسعيده جابت اعيوني فعينك
قبلها روحي وحيده فجأه صارت بين ادينك
انا كل اللي اعرفه واللي قلبي فيه يشهد
انتي صدفه موأي صدفه صدفه عن مليون موعد
كالفرح شفتك ورحتي ماخذه قلبي وذاتي
نورة لندن وكنتي احلى يومين فحياتي
لندن اللي قبل اشوفك شفتها عاديه مره
حلوه لكنها بوصوفك صارت اجمل الف مره
كيف ابا انسى هالملامح ولا فيها ماافكر
وانتي لو هالبحر مالح من جمالك صار سكر
هذي عيني وذي عيونك يابخت الكويت فيها
يسألوني ويسألونك ياترى راح التقيه..


"يوم الوداع .. اليوم بيسافر سلطان عن شيماء .. وشيماء قلبها مو متطمن على سلطان .. تحسه بيروح وماراح يرجع لها .. "

سلطان : خلااص شيووم بسس عليتي قلبي بصيياحك
شيماء: شنو يظمني انك بترد لي
سلطان : يعني شلوون بهج عنك انا قلت لك بروح وبتفاهم مع اهلي واذا ماصار بحطهم في الامر الواقع وخلاص بس امسحي دموعك
شيماء مسحت دمووعها

" شوي وينادون على طياره سلطان "

سلطان ابتسم بوجهها : يلا حبيبي مع السلامه

" ارتمت شيماء بحضنه وهو حضنها وودعها وبعدها بالموت فك منها .. وشوي ومشى سلطان عنها وهو يأشر لها بيده حتى اختفت عن انظاره ..ركب سلطان طيارته والدنيا ضايقه فيه من جهة وطاير من الفرح من جهة ثانيه "

" بعد ماستقرت الطياره بالجو سند سلطان راسه على الكرسي وعلى طول ذاكرته بدت تداهمه ..قعد يقارن شعوره بجيته لو انه ماتزوج شيماء .. حس انه بيطلع من لندن ولا في شي بيذكره فيها بس شيماء كانت احلى شي هناك بعينه .. بعد ماعذبها حس بدا هو يتعذب .. بس كيف راح تكون فرحته لو رجع وماعنده أي ذكرى من هناك .. وكيف شعور اهله بعد مايعرفون حقييقته بيتقبلون الوضع ولا بيعارضون ولا كييف .. بس من ناحية المعارضات والقيامه اللي بتقول كان عارفها وضامنها بش وش بيكون موقفه هو ........!! هنا مو عارف وش يسوي ساعتها .."

" طلع سلطان شنطته اللي يشيلها معه بظهره وفتحها .. هذي ثالث مره يفتحها .. كان مجهزها بروحته للسعوديه حق العيد .. ومن يومها مافتحها الا مره كان يبي ياخذ منها الايبود جقه ومره اوراق .. شوي ويشوف الاغرااض المجمعه على السحاب اللي بالجنب .. تذكر يومها ان على اخر لحظه ياخذهم معه .."

سلطان مسكم بيده " وش تبي توصله ذي معي .. بس مادري هي متقصده ولا بالغلط من جد .. بس هي وش موصلها الغرفه .. يالله قلت بسأل سهر ونسيييت .. " قعد يلعب بربطه الشعر الفوشيه والسلسال " معقوله مافقدتهم .. لو فقدتهم اكيد بتسأل عليهم معناتها متعمده .. لايكون بس الاخت حاطه عينها علي ههههههههه اقول خلك بس بعييده .. بلاك ماعرفتي سلطان .. على بالها أي وحده تجيب راسي .. مشكله والله معهم ذا البنات .. اااااااه بس "

" وقعد مبتسم وهو يعد الساعات والعد التنازلي لذاك اليوم المنتظر "

.
.
.

" في بيت بو محمد "

"سهر ماهي قادره توصف فرحتها اخوها كم ساعه وبيكون عندها طول الووقت .. رتبت غرفته وجددت ااثاثها وغيرت ستايلها بذوقها ..وماهي عارفه وش تسوي بنفسها .. "

منصور يضربها وهي ماره من عنده تركض : اعصابك اعصابك
سهر وقفت: العن شكلك كنت بطيخ
منصور: لييتك
سهر: بروح ارسل السواق يجيب معجنات
منصور: لييه ؟
سهر: مشتهيتها
منصور:انتفخي واقعدي
سهر: مالك شغل " ومشت عنه "

" منصور حس بالغيره.. سهر مستحيل تحبه مثل ماتحب سلطان .. اعجبه الاثاث الجديد وكان يبي يغير اثاثه بس مايبي يبين غيرته عشان كذا قال بيسكت وبيأثثها بعدين .. وشوي وطلع فوق غرفة سلطان يشوفها "

" منصوور طلع لها ودخل وعجبته حيييل .. فكر ان سهر هي اللي تختار له اثاث الصالون من جد ذوقها انيق في الديكور "

سهر: شرايك
منصور يبتسم وبهدوء : شي عجييييييب
سهر تعرف غيره منصور وماحبت تحسسه بفرق بينه وبين سلطان غير ان سلطان مسافر عنهم : خلااص دام عجبك انا بختار اثاث غرفتك
منصور ابتسم ابتسمامه اكبر معقوله حست فيه : ههههههه يعني
سهر: ليه ماودك تغير
منصور: مدري عادي ماتفرق معي
سهر: خلااص خلاص انا بأثث غرفتك
منصور تشقق: خلاص نشوف ذووقك
سهر تضحك: واخيرا بيجي
منصور: شفتي شلوون
سهر ابتسمت : منصوور
منصور لف عليها : همممم
سهر: عادي اقول ي
منصور: قولي
سهر: مدري مدري بس حسيت انك
منصور ابتسم بقوه : اني ايش
سهر: انك تميل لبسمه

" منصور .. واااااااه واخيرا حد حس فيني "

منصور بنفس الابتسامه : من يومي ولا
سهر: الا بس الحين بزياده
منصور يضحك : لانها حليانه
سهر تضحك : منصووووور
منصور: نعم نعم
سهر: شفييك قلبت
منصور: والله مدري ماعرف بس ارتاح لبسمه وبس " وطلع عنها "

" منصور طلع وهو متشقق مادام سهر حست اكيد غزل حسست .. شي حلوو والله هين ياغزل هين "

" سهر خافت من اخوها ماتعرف هو وش يفكر فيه نزلت تحت وقعدت لحالها مع جدها وجدتها وامها "

.
.
.

" في الريــاض "

" في الصاله الفوقانيه "

ميساء: لميس
لميس لفت عليها وابتسمت : هلا
ميساء ردت لها الابتسامه : هو لازم انا اروح معكم
لميس: أي حبيبتي مسوين عشا كبير هذا ولدهم الوحيد
ميساء: طيب كم بدله احط لي
لميس: حطي لك حق يومين
ميساء: تجين تحطين معي
لميس: أي اوكي يلا قومي

" قاموا لميس وميساء غرفة ميساء اللي رتبتها لها ام مساعد ولميس بعد ماطاح اللي براسها .. فتحت الدولاب ميساء ولميس تناظرها .. بدت ميساء تطلع لها اللبس اللي عندها ابد ابد معجبها لبسها .. صحيح من اول مو عاجبها لبسها ولحجي بس ماهي قادره تقول بس الحين شلون ماعندها ملابس حلوه تلبسها قدام البنات "

لميس توهقت
ميساء: اللبس هذا البنطول الابيض مع البلوزه الحمرا بيطلع حلوو صح
لميس توهقت : أي أي بس
ميساء: بس وشو
لميس: انا كنت ابي اخذ شي من السوق تبين تروحين معي
ميساء: وش اسوي
لميس: انتي من جيتي ماطلعتي روحي معي نشتري لنا كم شي
ميساء: وتتوقعين بابا يسمح لنا نطلع لحالنا
لميس "واااه " : أي عادي ماراح يقول شي وبعدين بنروح المول
ميساء: خلااص اجل خل نعطيه خبر لان هذا عبايتي معلقه
لميس اغتاضت ومابينت لفت ناظرت العبايه : اوكي يلا البسي

لمييس " حشا حتى عبايتها تفشل بالله شلون اطلع معها .. بتفشلني في اهل خالتي وش البسها عسى بس القى لها كم شي تلبسه والله لو البسها جينز وتي شيرت ولا اخليها تلبس الاحمر والابيض "

" ميساء.. ماكان عند امها ذاك الذوق وخصوصا انها ماتطلع ولا تعرف شي في السوق ... ملابسها تجيبها لها امها ..لميس كانت تشوف لبسها بس ماتعلق بس يوم عرفت ان عندهم عزيمه وهي تفكر انها تغير ميساء .... لانها حلوه ولبسها مخرب عليها وماتبيهم يتكلمون عليها.. وماتقدر تعطيها من ملابسها لانهم يعرفونها .."

" طلعت ميساء وهي لابسه عبايتها وشوزها الكبير وعبايتها اللي فوق الكعب بشبر ومتنقبه .. اول ماشافتها لميس انصدمت شلون بتطلع معها كذا "

ميساء: يلا نمشي
لميس راحت لعندها وابتسمت تجامل : ههههههه ياحليلك ياميووس شكلك تطولين بسرعه شوفي عبايتك شلون قصرت انا عندي عبايه بعطيك اياها البسيها اوكي

" لميس قالت الكلام وراحت بسرعه تجيب لها وحده مع انها بتطلع طويله بس قالت مع الكعب او الطابوقه اللي لابسته بتجي عليها اوكي"

ميساء انصدمت اول ماشافت العبايه بس لبستها وشوي وتطلع يدها : لميس هذي وسيعه من اليد يدي تطلع
لميس متحمله غصب عنها : أي حبيبتي لاترفعين يدك كثير عشان لاتطلع ولا امسكيها احسن امشي قبل لايتأخر الوقت

" ومشت ميساء وراها وهي مو عارفه وش تسوي بالعبايه .. اعطت لميس امها خبر وبعدها طلعت ومعها ميساء "

" في السياره "

" لميس حزنها حال ميساء معقوله في بنت باقي كذا .. "

ميساء : انتي تطلعين لحالك
لميس ابتسمت : لا مع ماما مع صديقاتي مع اخوي أي حد
ميساء: اها وين تروحين
لميس: مطاعم ومجمعات كل مكان يعني
ميساء ابتسمت

" شوي وصلوا المملكه "

لميس: يلا انزلي

" نزلت لميس وبعدها نزلت ميساء مشت لميس ووراها ميساء .. ميساء انصدمت من اللي تشوفه تناظر المجمع بأعجااب اول مره بحياتها تدخل .. "

"لميس مشت وميساء بعدها بمسافه تناظر العماير والسيارات .. لميس كانت تعرف انها وراها بس اول مادخلت لفت عليها وشافتها لساتها تمشي .. لميس تناظر ميساء .. "

" ميساء اول مادخلت وشافت الناس رايحه وراجعه والازعاج .. انزعجت وصابها الرعب في داخلها وقفت على طول عند البوابه وهي خايفه "

" لميس استغربت تصرفها "

لميس: تعالي
ميساء هزت راسها لا
لميس استغربت هالتصرف من ميساء وراحت لها

لميس: شفيكي
ميساء نزلت راسها
لميس رفعت راسها : ميساء تعبانه..!!
ميساء هزت راسها بمعنى لا
لميس: اجل وش فيكي
ميساء رفعت راسها : مافيني شي
لميس مسكت يدها ومشت معها وميساء يالله تسحب رجولها

" ميساء تحس الخوف يدب في جسمها .. اللي تشوفه اول مره تششوفه بحياتها ... هالزحمه اول مره تشوفها بحياتها غير الزحمه اللي كانت بالمستشفى اول مافتحت عيونها .. بمعنى اوضح اول مره تختلط مع ناس بهذا الشكل .. لميس مافهمت ميساء عشان كذا مشتها معها وشوي تركت يدها وخلتها تمشي معها ميساء تمشي وعيونها بلارض "

لميس: خل ندخل هنا عنده قطع حلوه " ولفت على ميساء وشافتها بلارض .. لميس تنرفزت الحين هي تدور وتناظر وهذي عينها بلارض .. مالومها يوم ماتعرف تشتري "

لميس: ميساء شوفي
ميساء رفعت راسها
لميس: تعال ندخل
ميساء : طيب

" دخلت وراها ..وقعدت تتفرج .. لميس تحب هذي الماركه وتحب ستايلها .. قررت تاخذ لميساء بدله منه ..وقعدت تدور وميساء تلحقها كأنها خدامتها لاتناظر ولاشي ولميس ارتفع ضغطها وماودها تصارخ عليها لانها وصلت معها "

لميس: في حزام معها
العامل: اي في عريض ورفيع شو بتحبي
لميس رفعت عينها تشوف ميساء وتشوف وش يلبق لها
لميس: لاعطني رفيع
العامل : تفضلي

" وراح وعطاها اثنين اختارت لميس اللي تشوفه البق ,,"

لميس: معه صندل
العامل: هذا الستايل ملبقين لاإلو صندل شوي رفيع
لميس: اوكي اشوفه

" ووراها العامل وعجبها لميس وقالت تخلص مره وحده وغير كذا رفيع يعني بتحبه ميساء وبس خلصت لميس القت نظره عليها وعجبتها بالحييل "

لميس ابتسمت : وش رايك
ميساء: حلوه بس تنورتها قصيره
لميس يأست: اي حلوو عليك بيطلع
ميساء فتحت عيونها : ايششش علي .. وش دخلني
لميس: اي مو هذي لك
ميساء فتحت عيونها وراحت تشوفها: اشووف

" ميساء راحت شافتها وشافت السعر وفتحت عيونها "

" ميساء استحت تقول عن السعر صحيح ابوها عطاها فلوس وكثيره بالنسبه لها الا انه ماقال لاها خذي لك فيها بلوزه بذاك السعر وماعرفت وش تقول "

ميساء: خلينا ندور ونرجع لها يمكن نلاقي احلى
لميس: لاوالله انا عجبتني وماراح تلقين صدقيني
ميساء بدت تحس بخوف
لميس : خلاص باخذها واسكتي لاتتكلمين

"ميساء ماعرفت وش تسوي ماتبيها اذا البلوزه كذا كيف باقي الاشياء اللي معها "

ميساء: لالا خل نرجع لها
لميس خزتها بس مو بالقوه : ميووس اعقلي
العامل: خلاص
لميس: اي اوكي

" وراحت لميس ومعها ميساء .. لميس طلعت محفظتها وميساء طلعت الشنطه اللي طول اصابعها وحاطه فيها فلوسها .. لميس يوم شافتها تفشلت "

لميس: حبيبي دخليهم معي فلوس
ميساء: لالا
لميس : ميساء عيب بعدين
ميساء كانت رافضه ولميس عجزت معها وبصوت واطي : خلاص قلت لك بابا اعطاني فلوس لك
ميساء هنا تطمنت

" ودفعت لها لميس وطلعوا "

لميس وقفت : ميساء لاتفشليني بابا اعطاني لي ولك اوكي فلوسك خبيها لك .. امشي معي

" ميساء مشت وراها وشايله الكيس .. شايله هم شلون بتلبس البدله وشلون بتتسوق مع لميس وذوقها مختلف كليا عن ذوقها "

" لميس ممو عارفه وش تبدا بميساء تحس مافيها شي زين .. وخصوصا بتروح حق بنات خالتها واهلهم .. مستحيل تخليهم يتكلمون عليها .. هي اللي بتتفشل وقتها .. والمشكله مافي وقت تفصل لها عبايه ..وعبايتها تفشل وكل عبايات لميس شافوهم ماعرفت وش تسوي تاخذ لها جاهز من اي محل .. راحت اخذتها على محل عبايات في المول نفسه .. دورت لها عبايه ارحم من عبايتها مع ان الجاهز مايعجب لميس الا انها اخذت لها وحده على مايرجعون من الشرقيه .. اختارتها وبدا ياخذ المقاس عليها .. وبعدها طلعت وراحت معها تاخذ لها شنطه ومحفظه "

ميساء: بس يالميس اشترينا كثير
لميس ابتسمت : وش دعوى كم ميساء عندنا
ميساء ابتسمت : تسلمين والله بس وشو بعد تبين ناخذ
لميس: همم ماعرف خلينا نلف حتى تخلص عبايتك
ميساء: اوكي

" وهم يمشون "

ميساء: هذا المجمع غالي
لميس: ليه.؟
ميساء: امي كانت كله تجيب لي ملابس كثيره بثلاث ميه او اربع ميه بس هذا السوق الشي الواحد بخمس ميه وست ميه .. الحزام لحاله بثمان ميه بس انا امي تجيب لي حزامات كثيره وكل الالوان بميه او اقل حتى وحنا حزام ولونه خايس يابنيي يا اسود وغالي

" لميس حستها تتكلم عن زمان اول .. حزنت اكثر على حالة ميساء اللي كانت عايشتها "

لميس: اي بس الحين كل شي تغير السوق صار كذا
ميساء: صحيح
لميس: اي والله
ميساء: لميس مو اسماءنا مثل بعض يعني تاخذ من بعض
لميس ضحكت بقلب على سوالفها تحس انها تسولف مع بزر : اي لاحظتي
ميساء ضحكت

" شوي ومر واحد "

الولد : يالبىىى قلبها بس

" لميس كالعاده طنشت مو شي جديد .. ميساء وقفت "

ميساء: يعرفني هذا
لميس لفت عليها وشافتها واقفه تناظر الولد وتأشر عليه قربت من عندها وسحبتها
ميساء: وش فيك
لميس: شعندك وقفتي
ميساء: يكلمنا اكيد يعرفنا

" لميس حست انها بتتعب معها كثيييير"

لميس: لا مايكلمنا يكلم صديقه
ميساء: اييييه مانتبهت
لميس : طيب طيب تعالي

" وقعدوا يحوسون على ماتخلص عبايتها "

ميساء: لميس كأن الشنطه اللي اخذتيها كبيره
لميس: لابالعكس حلوه عشان تحطين فيها اللي ابي
ميساء تشققت: صدق
لميس ابتسمت : اي
ميساء: شكرا لميس ماااره
لميس: عادي حبيبتي مو انا اختك
ميساء: الله لايحرمني منك
لميس انبسطت على كلمتها وبعيون تلمع قالت لها : ولامنك
ميساء انبسطت

" وشوي وراحوا اخذوا العبايه وتعشوا وطلعوا "

.
.
.

" اليــوم الثــاني "

" سلطان مابقى عليه شي ويووصل والعايله وصلت الكل في انتظاره .. كان بو محمد مسوي عشا كبير حق سلطان وعازمين اهاليهم كلهم .. هالمره كانت العزيمه اكثر.. غير عيال العم كانت كل حرمه عزمه اهلها .. وصار بيت بو محمد زحمه "

" وصلوا اهل الرياض متأخر وميساء كانت طول الوقت قلبها يرقع من شافت المدخل .. البيت مطبوع عليه طابع الزحمه من السيارات والانواار والابواب مفتوحه .."

" ميساء قعدت تقرا على نفسها من الخوف .. لميس استغربت منها بس طنشت قلبها طاير تحس انها تبي تطير .. اول ماوصلوا نزلت ام مساعد ومعها البنتين ودخلوا البيت .. واول مانفتح الباب الرئيسي .. شهقت ميساء وغطت وجهها "

لميس لفت عليها: ميساء
ميساء صارت تنفخ :....
لميس: ميساء ميساء " وصارت تبعد يدها عن وجهها
ميساء: ابي اطلع
لميس تفشلت وامهم انتبهت
ام مساعد: ميساء يمه شفيك
لميس: مدري فجأه

" طلعوا فيها عند بداية المدخل وبس حست مياء انه الضجه هدت فتحت يدها وججها صار كله احمر"

لميس: ميووس وش فيك
ميساء: ابي ابي ابوي
ام مساعد استغربت : ميساء
ميساء تحس بقلبها يرجف وشوي وينتفح الباب
سهر بأبتسامه: يلا ادخلوا
لميس راحت سلمت على سهر : ميساء ماهي راضيه تدخل
سهر فتحت عيونها : هذي ميساء وش فيها مستحيه
لميس تهز راسها: يمكن
سهر: خلاص انتوا ادخلوا وانا بشوفها
لميس: لاماراح ترضى
سهر: بحاول فيها وبعدين بمكن مو متعوده على هذي الاجواء ادخلوا وانا بجيبها
ام مساعد: قومي يمه مع البنات بتنبسطين معهم وتوسعين صدرك
ميساء نزلت راسها
سهر: خلاص ياخاله ادخلي وبجيبها معي
ميساء شهقت ورفعت راسها وسهر ابتسمت لها
ام مساعد توهقت واقنعتها سهر ودخلت ومعها لميس
سهر راحت لعند ميساء وقعدت عندها : ميساء .. شخبارك
ميساء:...
سهر: مستحيه مني ترى عادي بكرا تتعودين علي قومي معي اعرفك على بنات خالتك
ميساء: وين لميس
سهر: دخلت داخل
ميساء: ناديها
سهر: لا ماراح اناديها بتقومين معي
ميساء: مابي
سهر: ليش ..؟
ميساء:ابي ابوي
سهر ابتسمت وعورها قلبها عليها : ميساء والله عادي قومي كلهم بتعرفينهم والله كلهم حبوبات مثل لميس واكثر
ميساء : ابي مويه
سهر ابتسمت : وتوعديني تدخلين
ميساء: اي

" قامت سهر تجيب لها مويه لان البنت ترتجف "

ميساء" ياربي شلون بدخل عندهم وانا ماعرفهم لاويعرفوني .. يمه قلبي هدي شوي .. وين لميس ليش راحت وخلتني .. شكلها نستني يوم شافت اهلها .. ياربي "

" شوي ورفعت ميساء على الصراخ اللي بدا يدب "

......: داخل دااخل

" ميساء اخترعت وقفت متصنمه وين تروح .. وقفت على طول وبسرعه غطت وجهها .. شوي وتطلع سهر "

"سهر اول مافتحت الباب اخترعت وبسرعه رجعت ونادت على ميساء وميساء راحت لها على طول ودخلوا وسكروا الباب "

سهر تضحك : وش صار
ميساء كشفت وجهها : مدري قام يصارخ اخترعت
سهر تضحك : لالا عادي ماتدرين هذا مشاري ولد عمي
ميساء ابتسمت وشوي ورجعت ملامحها الحزينه
سهر: يلا عطيني عبايتك وبوديك مع البنات
ميساء وقفت متنصمنه عند الباب
سهر: ميسااء عاد كفايه دلع

" ميساء استسلمت وشالت العبايه وبقت شنطتها معلقتها عليها بكل قوه وهي خايفه .."

سهر تبتسم: ايش هذي الحلالاوه
ميساء ابتسمت برجفه
سهر: لميس قالت لنا انك حلوه بس ماتوقعناك لهذي الدرجه
ميساء ابتسمت شوي اكبر: شكرا
سهر: العفوو حبيبتي يلا تعالي

" ومسكتها من يدها وميساء عيونها في الارض "


"دخلت ميساء والكل ناظرها بأستغراب في اول نظره وبعدين الكل صار يرحب فيها وهي باقي عيونها بلارض سلمت عليها وعيونها بلارض.. الكل اعجبته ميساء.. شكلها كان مختلف نهائي عنهم وكل شي مختلف عنهم .. لميس كانت مكشختها ومع ذلك مبين ان اللبس مو لبسها لانها مو عارف شلون تتصرف بالتنوره الضيقه على جسمها وتحس انها مو مرتاحه فيه والصندل اللي مبين انها مو عارفه تمشي منه .. "

جنى : هيييووو واخيرا صار عندنا بنت جديده
البنات ضحكوا ولميس انبسطت
جنى: في اي صف انتي ياحلوه ..؟
لميس تفشلت
والبنات ينتظرونها تتكلم
ميساء رفعت راسها وماعرفت وش ترد
لميس: الحين هي ماتدرس
جنى مافهمت وش يقصدون بس البنات حزنوا عليها : امااااااا ياحظــــــــك ليت ابوي مثل ابووك
البنات ضحكوا وميساء متصنمه
ميساء استغربت هذي مره ماتبتسم حتى
وصايف: بسك اسكتي البنت مو طايقتك
ميساء نزلت عيونها
جنى: صدق
اديم: ايه
جنى تضحك : لااا مو كذا انتم مافهمتموا هي بس تستحي الحين وبعدين عادي مثل اختها لميس كانت كذا
لميس تضحك: اقول مالك دخل زين
جنى تضحك : وانا على بالي لميس بنت ثانيه وتستحي ومدري وشو والحين شوفوها انواع العربجه
ميساء ضحكت والبنات ضحكوا عليها
جنى تضحك وتأشر عليها: شفتوا واااااه قسم بالله مثل اختها ما انسى ذاك اليوم
لميس: خلااااص جنى ووجع
البنات ضحكوا

" قعدت جنى تسولف عليها حتى البنت صارت ترفع راسها وتناظرهم "

" ميساء هذا الجو اول مره تعيشه بحياتها بنات وحوسه وزحمه وسوالف ويضحكون والكل مع بعض الا هي قاعده على جنب راحت لها اديم وجلست قريب منها .. لان اديم بزياده عاجبتها البنت "

اديم: ميساء
ميساء لفت تناظرها : هلا
اديم: شفيك ساكته
ميساء: وش اقول
اديم: سولفي مع البنات يعني
ميساء ابتسمت
اديم ابتسمت : كيف شفتي الشرقيه
ميساء: ماعرف ماشفت شي فيها
اديم: ليه..؟ ماقد جيتي..؟
ميساء توهقت : الا بس من زمان
اديم ابتسمت : وامداك تنسينها
ميساء بحزن : وقتها كنت اتعالج عن عيوني
اديم حزنت اكثر لانها نست انها كانت عميانه : اوه اسفه.. بس الحمدالله الحين بكرا تشوفينها وتنبسطين فيها وماودك تفارقينها بعد
ميساء ابتسمت

"بعد لحظه "

ميساء: هذي وش اسمها

" تقصد جنى "

اديم ابتسمت : هذي جنى اختي
ميساء ابتسمت : غير عنك
اديم: ليه
ميساء: ماعرف احس كذا
اديم ابتسمت : اي في فرق بينا
ميساء: كم عمرها
اديم: قدك من سنك
ميساء استانست: صدق
اديم ابتسمت : ايه
ميساء تحمست ولفت ولفت شنطتها معها : يعني عادي نصير صديقات
اديم ابتسمت وقلبها معورها عليها : اي اكييييد
ميساء بحزن : بس انا في الرياض شلون
اديم ابتسمت : عادي تكلمون بعض وحنا اذا جينا الرياض تشوفون بعض واذا انتوا جيتوا

"ميساء حست بفرحه غريبه ولفت تناظر جنى وتحس انها طايره .. ماقد صادقت وحده الا في بدايه سنها والحين ماتذكر اسمها بعد .. تشققت حست ان الحياه تبتسم لها .. خصوصا انها عاشت طول عمرها وحيده والحين فجأه تصير عندها صديقات "

ميساء تسأل اديم: شلون اقولها ابي اصير صديقتها
اديم ضحكت على برائتها: لاتخافين هي بتجيك وبتصيرون صديقات
ميساء ابتسمت: وناسه صح
اديم تضحك : اكيييد

" شوي وبدا الصراخ يعلى والكل بدا يتناقز .. سلطان لحظتها وصل .. استلموه الرجاجيل والحين بيدخل عند الحريم ..ميساء انفجعت الكل قام عنها وهي قعدت لحالها ..حتى سهر ماشافتها ونست اسمها بعد من الخوف وبس عرفت في رجال بيدخل تغطت وقعدت .."

" سلطان سلم على الحريم الحلال عليه وجدته وخواته وهو يضم يشوف جهة البنات المتناقزت ضحك وسلم عليهم بيده وطلع فوق غرفته وسهر وامه وراه .. وبعدها حطوا العشا .."

جنى: واااه يلعن شكله
وصايف طقتها
جنى: مخقق
وصايف ضحكت: الله يفشلك

" البنات انجنوا عليه .. بسمه طول الوقت قاعده مع بنات خالتها ووصايف شوي تروح لهم .. كانوا في بنات مايشوفونهم الا بالعزايم الكبيره مره او بالزواجات اهل ام محمد واهل ام نايف يعني من هذي الجهة .. "

ميساء لوصايف: راح
وصايف ابتسمت: اي راح
ميساء شالت الغطا وهي متضايقه : ابي عبايتي
وصايف: لاعادي حبيبتي بيروح ماراح يدخل
ميساء: اي بس اريح
وصايف: لاعادي "وابتسمت "

" شوي وقاموا على العشا .. وبعد ماقعدوا والكل سما وبدا ياكل .. لميس يوم جت تبي تاكل شافت ميساء وهي تطلع البيبسي من شنطتها وبدت تاكل بيدها .. حست انها تفشلت بسببها .. خصوصا ان كل اللي على السفره قاعد ياكل بالملعقه وشكلها صاير غلط ..سكتت وماعلقت وش تسوي فيها بعد "

.
.
.

" بعد مرور ساعـه ونصـف "

" بدوا يوزعون الحلا وشوي شوي الزحمه بدت تخف حتى مابقى غير العايله في بيت بومحمد وعشان كذا تجمعوا البنات مع الحريم مع بعض .. الحريم توهم يشوفون ميساء رحبوا فيها والكل انبسط عليها مبين ماوراها شي وشكلها بريئ ومالها فغيرها .. وهي شوي بدت تحس بالراحه بعد ماخفت الزحمه "

بسمه : يلا عن اذنكم
البنات: وييين
بسمه: خلاص الوقت بيتأخر وعندي كويز ولازم امشي
سهر: بسومه اقعدي
بسمه ابتسمت : لاا خلاص اهم شي انه وصل بالسلامه وشفناه واكلنا عشا سلامته والحين اخليكم تقعدون معه

غزل"مسويه فيها اخلاق مع ذا الوجه "

نجود: مع مين بتروحين ..؟
بسمه: كلمت نايف يجيني
نجود : بروح معك..
سهر فتحت عيونها: هوو احلفوووا
نجود ابتسمت : لااا والله ماقصرتوا ... ادري بك تبين الفكه عشان تقعدين مع توينزك
سهر تضحك: وش دعووى
بسمه دق جوالها: يلا نجود بتروحين
نجود: اسبقيني وانا بكلم فواز
بسمه : اوكي

" سلمت عليهم وتحمدت السلامه ومشت "

فواز: احللفي
نجود: فواز بليز عشاني
فواز: مافي امل نجود شلون تنامين عند اهلك وتتركيني لحالي
نجود تضحك: عند الدلع ولاتسوي نفسك
فواز: مالي دخل لاتحاولين
نجود: فواز والله احس اختي متضايقه وابي اقعد اشوف وش فيها
فواز: نجوود
نجود: فواز لو سمحت بس يوم واحد ومن بكرا تعالي اول ماتصحى
فواز: لازم
نجود: ايه لو سمحت
فواز يتأفف: خلاص يوم واحد بس
نجود: اي بس
فواز: اجل يلا خليني انا اللي بوصلك
نجود ابتسمت : اووكي

" وبعدها طلع لها فواز وهي قالت لبسمه تمشي وانها بتلحقها .. "

" في سياره فواز "

نجود: شفت سلطان
فواز ماعرف وش يقول: وش رايك
نجود ابتسمت : تغير صح
فواز بلع ريقه : اي
نجود تناظره من جنب: حليان مو ..؟
فواز لف عليها : احلفي احلفي ست نجود وقدامي بعد
نجود ضحكت وفواز فهم انها تبي تنرفزه
فواز ضحك : افكر بعد
نجود تضحك : يقال انك تغار اقوول بس
فواز: وش رايك
نجود تبتسم : طيب طيب
" فواز حس بفرحه حس ان نجود ماعادت تبي سلطان مع انه خايف من هذا الشي ..وبعدها وصلها بيتهم ورجع بيت عمه "

.
.
.

" الســاعه 1:15 "

" في بيت بو محمد"

منصور: قومي ماتستحين لاصقه فيك
سلطان يناظره : خلهااا
سهر: ماعليك منه
منصور: بنات قاصرين حيا
سهر تضحك : اعصابك
ام محمد: سهر الحين من جد بنتهم ماتدرس
سهر فهمت على امها: اي والله
ام محمد: ومفكرين يدخلون مدرسه ولايتركونها
سهر: ماعرف بس ماتوقع على اخر عمرها تدرس
ام محمد : اي بس توها صغيره
سهر: واذا تاخذ لها كورسات بس مو تدرس بمدرسه
منصور انشد للموضوع: من هذي اللي ماتدرس
ام محمد : بنت فهد اخت مساعد
منصور : ايييييي ماتدرس
سهر: ايه
سلطان: وش تقولون
سهر: بعدين تعرف مو وقته قولي وش رايك بالغرفه
سلطان: تااااااخذ العقل جنااااااان
سهر استحت: صدق
سلطان سحبها عنده: اكيييد مو سهورتي مرتبتها
سهر تضحك قام وباسها اخوها
ام محمد ابتسمت يوم شافت سهر تغيرت من جا اخوها

منصور: يلا عن اذنكم بطلع انام
سلطان: وين بدري بقعد معك وش فيك
منصور: لا اخليكم اليوم وبكرا نقعد مع بعض " وطلع "

سلطان : من جده منصور لسا يغار
ام محمد : لامايغار بس تعبان هذي قعدته من الصباح
سلطان : اي طيب يمه
سهر: يعني منصور يغار من جد مايستهبل
سلطان: من يومه منصور كذا بس ماكتشفت انه حقيقي الا من يوم حسيتها بزياده
سهر تبتسم: ماحس ان منصور يغار
سلطان: ماعليك حتى لو مايبين وتراه حساس
سهر: ههههه ماصدق
سلطان يبتسم: وش قالولك مو انسان
سهر تضحك: بس منصور ماحسه

" هالحوار كله سمعه منصور ومن بعدها دخل غرفته "

منصور" والله حاله ذولا ناس من جد مايبين في عينهم ولاشي.. سهر هذا من اول يوم وهي لاصقه فيه بكرا بتنساني وان قدامها .. ليه يعني محد راضي يصدق مشاعري تجاههم .. لااختي ولا غزل ولازفت حتى.. ياشينها من عيشه صراحه ... غزل .. مادري وش اخبارها الحين .. معقولهعذبتها معي.. هههههه اي عذاب وهي حاسه اصلا ولا داريه انا بخليها هالفتره "

.
.
.

" في بيت بو نايف "


نجود : احلللللللفي
بسمه: والله بس الحين عادي كل شي اوكي
نجود: انا ادري بها تكرهني بس ليه تسوي فيك كذا الحماره
بسمه: خلاص ماعلينا منها
نجود: بس من جد قليلة ادب انا اوريها
بسمه : استغفر الله انتي وبعدين معك تبين تتمشكلين مع رجلك
نجود: رجلي ماله دخل
بسمه: بكرا تروح وتقول ونقعد حنا بالماشكل
نجود: اففففف والله مايصير نسكت عنها
بسمه: خلاص السالفه انتهـــــت
"نجود حقدت على حركة غزل"
بسمه: انتي كيفك مع فواز
نجود ابتسمت : مرتاحه معه
بسمه: الحمدالله
نجود: صراحه ماعرف كيف كنت عميانه عنه
بسمه: ياحليلك حنا متى نشوفه الا بالسنه مره
نجود: اي من جد بس طويل بال
بسمه تضحك: اي بس انتبهي ينفجر فيك
نجود تضحك : تخيلي

" بسمه اكتشفت ان اختها تغيرت من تزوجت نفسيتها غير واسلوبها غير وتعاملها معها .. بعكس نجود البنت اللي تكرهه حد يسولف معها .. ماحبت تقول لها عشان لاتغير مزاجها وتعرف ان هذا بيكر غرورها عشان كذا مشت الوضع طبيعي .. حمدت بسمه ربها ان نجود اخذت فواز دامها غيرها لهذي الدرجه "

.
.
.
" اليوم اللي بعــده "

" في بيت بو فيصل "

جنى: لاااا بطلع انا اليووم
اديم: وين بتروحين؟؟
جنى: بنروح نتمشى انا وصديقتي الجديده " وجلست تضحك "
وصايف: ياحماره تطنزين
جنى تضحك : لا امزح وش فيك
اديم: جنو حرام عليك
جنى لسا الضحكه على وجهها : شفيكم والله والله امزح
وصايف: بس شلون تطلعين والعشا بيت عمي عبدالرحمن
جنى: افففف كل يوم عزايم بتشوفين هالحال بيقعد اسبوع حتى يستوعبون ان سلطان رجع بتحوم كبدنا من اكل الذبايح بنتتفخ
مشاري: تكفين اذا طلعتي وش بتاكلين
جنى تفكر: يعني ساندويتش اي شي بس خفيف
مشاري: فعيني اذا تعرفين انتي خفيف
جنى تضحك : لابس هي مو كل يوم بتجي الخبر
مشاري: من هاذي اللي فضحتينا فيها
اديم: اخت مازن ومساعد
مشاري: اهااا " وطنش "
جنى: ياهي بنت يامشاري تاخذ العقل
مشاري يناظرها بغباء ولف عنها
وصايف تضحك : انتي ماتخافين
جنى تضحك : اديم عطتك ميساء جوالها ولا ماعندها
مشاري رقع قلبه يوم سمع الاسم وصلح جلسته
اديم: لاماعطتني ومادري اذا عندها جوال
وصايف: كلمي لميس واسأليها ويمكن هي ماترضى تطلع لحالها
جنى: كلميها اديم انتي تعرفك زين
اديم: اي اوكي
مشاري: هي اسمها ميساء
اديم : اي اسمها حلو صح
جنى: اي بس تحسينه طويل
مشاري :اهاا لاعادي كثيير يسمي ميساء
جنى : بس الملعونه حلوه
وصايف تضحك : من جد
اديم: ماشاء الله عليها
جنى تناظر مشاري: لاتفووتك
مشاري: انطمي بس
جنى: تعالي كم سنه صار لها وهي عميانه

" هنا مشاري وقف قلبه عن ضخ الدم ... كل عروقه تيبست وريقه نشف .. اسمها ميساء وعميانه و ... بس هو استوعب انها لسا عميانه يعني مافي تشابه بينها وبين حبيبته "

اديم تحسب : ماعرف هي عمرها الحين 17 ومن ثالث وهي عميانه وماتشافت الا هالسنه عاد انتي احسبيها
وصايف بشفقه وهي قاعده وضامه رجلينها عندها : حلاااام تحزن
جنى متحمسه: اي من جد

" مشاري هنا كل مافيه بدا يشتغل .. مش معقوله انها بتكون هي "

جنى: تتوقعونها بتتعود علينا
اديم: ليش لا
وصايف: ماحس احس طبعها غير عنا
مشاري بأهتمام : كيف يعني
وصايف: ماعرف صحيح ياحليلها مع انه ماشفنا منها شي بس احسها مدري شلون مدري
اديم: شي طبيعي ياوصايف عاشت طول حياتها مع امها وابوهم يالله يروح لهم وعميانه ولاعندها اهل.. وفجأه تطلع على الناس والعالم وتبينها تتعود علينا .. يقولون بالموت دخلوها مستغربه من الوضع اللي دخلت عليه
جنى: ياحرام حزنت عليها لالا بخليها تتعود علينا
وصايف: انتي شلون بتطلعين والعشا عندنا
جنى: بنطلع نتقهوى بتتعشين من هنا
اديم: بس لازم تكونين موجوده
مشاري: خلها تروح معها تتقهوى ويرجعون
جنى ابتسمت : عاااش مشاري شكلك تحمست تشوفها
مشاري ضحك عليها
جنى: لاتحاول لانها تغطي
مشاري انصدم والبنات ضحكوا عليه
وصايف: شوفوا وجهه
اديم ضحكت غصب عنها
" مشاري حست الدنيا بدت تدور فيه"
جنى: ههههههه ماصدق
مشاري انتبه لهم وخزهم : بزر معكم انا
وصايف هدت واديم بعد بس جنى شوي كاتمه الضحكه
مشاري يناظرها: ترى اهون واخليك تنطقين في البيت
جنى تضحك : لالا امزح حشا مايمزح الواحد معه وااااااه وينك يافيصل رحت وخليتنا ... تدرون بروح لفيصل وعبير
اديم: شفيك غثه انتي
جنى: انقلعي لاعت كبدي منكم " وطلعت بسرعه قبل لاحد يكلمها "
مشاري: هالبنت مدري على مين طالعه
اديم تبتسم : عليها " تناظر وصايف"
مشاري يبتسم لوصايف: بس وصايف عقلت اسم الله عليها ذيك ماتوقع
اديم تضحك : ياحليلها والله تسوي جو
وصايف تضحك عليها

" مشاري سرح وقعد يفكر هل ممكن تكون هي حبيبته ولالا هو يعرفها زين بالنقاب يعني لوشافها على طول بيعرفها .. بس شلون يشوفها.. فقال بيطلع ورا جنى وبيشوفها وهي تاخذها واذا كانت هي ولالا وما امداه يخطط على هذي الفكره الا تليفونه يدق "

مشاري: هلااا والله بو سلمان
منصور: هلا فيك شخبارك
مشاري: الحمدالله
منصور: اقوول مشاري وينك فيه..؟
مشاري: والله في البيت بغيت شي
منصور: اي لاهنت خويي بنشرت عليه السياره في هاي واي الخبر الدمام وواقف عند الجميح واانا ماقدر اروح الوالد موصيني على اغراض ولازم اجيبها قبل المسا فياليت تروح تشوفه
مشاري انقهر: خلااص ابشر ولايهم
منصور: تسلم والله
مشاري: وش دعوى خلااص الحين رايح له

" وقام مشاري وهو متنرفز وقرر يروح بسرعه ويرجع عشان يلحق على جنى قبل لاتطلع "

.
.
.

" في بيت بو محمد "

" سهر كانت نازله من الدرج ومتزينه ومرتبه شكلها .."

سهر: ماتسمعين التليفون وهو يدق
الخدامه : انا توو بس جيت
سهر راحت وردت على التليفون : الووو
المتصل:.......
سهر: الوووو
المتصل :...
سهر استغربت وشافت الرقم ماتعرفه وشكله مو داخلي فاتوقعت ان الصوت ماينسمع
سهر: الوووووووو
المتصل: سهررر
سهر استغربت تشابكت عليها الاصوات: ايه هلا من معي
المتصل : شخبارك ..؟

" سهر ماقدرت تميز الصوت تسمع صوت اخوها سلطان على صوت خالها يعني متخربطه "

سهر ابتسمت : الحمدالله بس سوري من معي
المتصل : افاا عااد وتنسين صوتي
سهر صار قلبها يرقع : يالله عاد مييين
المتصل : انا بدر ال....
سهر انصدمت وعلى طول قعدت على الاريكه : بدر
بدر: ياعيوووونه
سهر ارتجفت : هلا هلا شخبارك
بدر: الحمدالله بس من سمعت صوتك انتي كيفك
سهر حسته مغلط او شي صاحي هو يدق عليها على البيت : الحمدالله بس ليش دا ....
بدر: لاتخافين لاتخافين مكلم بتحمد لعمتي سلامه سلطان
سهر ابتسمت وارتاحت وحست عينها تبي تدمع مشتاقه له حيييل وودها لو تقول له
بدر: سهر حبيبي وحشتيييني
سهر بسرعه : ماما طالعه
بدر من سمع صوتها وهو لايبي لامها ولاسلطان : احلىى شي
سهر ضحكت : ياسلام
بدر انشرح صدره : كيفك الحين بعد مارجع سلطان مبسووطه
سهر بفرحه واصحه : مرررررررره
بدر يتنهد : اااه عقبال ماشوف هالفرحه لارجعت
سهر استحت وحست تبي تسكر بس ماتبي
بدر: بتفرحين كذا سهر لو جيت
سهر تبتسم : اكييد مو انت ولد عمي
بدر عصب: ولد عمك بعينك قولي اميين انا زوجك
سهر استحت : بدرر ترى بسكر
بدر ضحك : لالا استهبل
سهر ابتسمت وحست انها طولت : اوكي بدر ابو يناديني اوكي
بدر اخترع: اوكي يلا باي
سهر ضحكت وسكرت

" بعد ماسكرت سهر جلست تضحك عليه وشوي حست دموعها بتنزل حست انها مشتاقه له وماتحس مرتاحه من سفرته بس دعت ربها يرجعه لها بالسلامه "

.
.
.

" منصور"

" اليوم منصور بدا يفكر بأشياء كبيره.. حس انه ماعاد فيه يصبر كل الامور اوكيه في العايله وقرر ينهــي اخر خطوه من خطــته .. راح لابوه في غرفته طق الباب ودخل عليه ودخل عليه "


بو محمد : هلا منصور
منصور: هلا بك يبه شخبارك
بومحمد: الحمدالله يايبه
منصور ابتسم : كيف الشغل..؟
بو محمد: لا الحمدالله ماشي انت بشرنا عن مشاريعك
منصور ابتسم: والله كلها ماشيه اوكيــه ..
بو محمد: الله يوفقك
منصور: يبه
بومحمد: سم
منصور: سم الله عدوك .. يبه طلع لي كورس لمده 7 او 8 شهور في فييينا
بو محمد: لاااه زين والله الله يوفقك " وبومحمد حس انه في سر" والمطلوب
منصور ابتسم اي مو اهم شي المطلوب : لا بس حبيت اقولك وو
بو محمد ابتسم وقعد ينتظره يتكلم
منصور نزل راسه بناظر يده : يبه وانت تعرف 8 شهور وفي غربه وانا كبرت ووو
بو محمد عرف وش يبي يقول منصور بس حب ان منصور يتكلم
منصور: وو انا ودي اكمل نص ديني واتزوج واخذها معي
بو محمد طار من الفرحه: هذي الساعه المباركه ياولدي يوم اني اشوفك مع اخوانك معاريس
منصور استانس ولكن بدا يحس بخوف : اميين
بو محمد : واخترت ولا مخلي الموضوع على امك
منصور ماحب يشكك ابوه بشي وهو عارف ان امه تعرف من يبي : لاخليتها على الوالده بس حبيت اخذ رايك وبعدها بروح اكملها
بو محمد: والله فرحتني منصور .. عسى الله يسعدك ويوفقك ببنت الحلال اللي تسعدك وتقدرك
منصور ابتسم وقام باس راسه : عسى الله لايحرمنا منك
بو محمد: ومتى بيبدا كورسك
منصور : بعد اسبوعين
بو محمد انصدم : بعد اسبوعين شلون يعني وتبي تتزوج وتسوي زواج
منصور هذا الخوف من هنا : اي يبه توهم عطوني خبر وانا كنت ناويه اكلمك بعدين بس بعد ماجا الكورس قررت اقدمه وانا ماني مسوي عرس ملكه ووعشا واخذها ونسافر
بو محمد مادخل الفكره براسه : شلون يامنصور انت ولدي وابي افرح فيك والبنت الي بتختارها اكيد تبي زواج وملكه حالها من حال هالبنات اللي اعرسوا
منصور توهق : اي يبه اذا رجعنا سوينا حفله كبيره ونعزم عليها اللي نبي .. يبه انا يوم نظرت في الموضوع شفت اني كبرت وقريب بطق الثلاثين وانا لااعرست ولاشي وبروح للغرب وانت ادرى يايبه ... حاب احفظ نفسي على الاقل حرمه تسليني وتخدمني
بو محمد فكر : على العموم انت كلم امك بالموضوع وخلها تتفاهم مع البنت وامها وانا بشوف الموضوع
منصور قام وباس راسه من جديد : عساك ع القوه يبه

" طلع منصور وهو حس انه بدا يتوهق .. شلون بيحل الموضوع الحين ليته قايل لابوه ثلاث اسابيع مو اسبوعين"

منصور" اففف شسوي اخاف غزل ترفضني وبعدها انا اللي باكلها ... خلني اتلاحق على امي "

" منصور كلم امه وشافها بيت جيرانهم وكلمها ترجع بسرعه البيت الحين وامه خافت عليه ورجعت البيت "

ام محمد عند الباب: منصور شفيك

" منصور كان يحتريها عند الصاله المفتوحه واول مادخلت نط عليها مسك يدها وقعدها على الكنبه والام منصدمه "

منصور: يمه كلمت ابوي
ام محمد مو فاهمه شي: عن وشو
منصور: قلت له اني ابي اتزوج
ام محمد طارت من الفرحه: هاذي الساعه المباركه " وضمته "
منصور ابتسم لها بس ماكانت وقتها :اي يمه بس اسمعي في مشكله
ام محمد فتحت عيونها : وشو

" منصور قالها قصه الكورس والام ماشافت فيها شي"

ام محمد: عادي الكل يسويها الحين ياخذ زوجته ويسافر فيها
منصور: والبنت يمكن ترفض يايمه
ام محمد: لاان شاء الله ماراح ترفض وفي حد يرفضك

" حضن منصور امه واامه طارت فيه "

ام محمد : والله زين يامنصور فكرت تحفظ نفسك عن بنات الغرب
منصور يناظرها : شفتي اعجبك

" شوي وسلكان نازل لهم وكان توه صاحي وبالشورت بس "

منصور ضحك : مو مستوعب انه رجع السعوديه
ام محمد ضحكت : خلني افرحه سلطان سلطان
سلطان ابتسم لامه وجا باسها وسلم باليد على منصور
ام محمد: سلطان بارك لاخوك
سلطان ابتسم : مبروك بس على ايش
ام محمد: قرر يتزوج
سلطان انصدم وطاح قلبه في بطنه
ام محمد: عقبال ماشوفكم معارسي كلكم بليله وحده
منصور يضحك: يمه حرام تظلمينه انا معذور بس هو وش عاجله
ام محمد : مع انه اولله مو هاين علي تتزوج بدون اسوي لك عرس ولا صار بس
منصور: يمه فاهمك والله بس يلا تعوضينها بزواج سلطان..
سلطان: فهموني شصاير

" قالوا له كل شي وسلطان بدا يخاف "

سلطان " مو وقتك يامنصوور توني راجع ياربيه وانا نااقص احاتي من الحين .. خلاص ياسلطان كل شي بدا يبين .. بكرا بيعرس منصور والانظار بتتحول عليك "

سللطان ابتسم والخوف يدب في قلبه : تستاهل والله
منصور: تسلم والله بس عساها توافق
سلطان : من المجنونه اللي تضيع منصور ولد ..
منصور يضحك : ماجابتها امها والله
ام محمد انبسطت : خلااص اليوم بقول لها في بيت شريفه " ام فيصل "
منصور: يمه اي تكفين وردي لي
سطلان يغمز: منصور حاط عينك على وحده
منصور: لا خليت امي تختار لي انا واثق فيها " وغمز لها وهي ضحكت "

" وسلطان خاف الحين اكثر.. حس بالفرق بينه وبين منصور "

سلطان: عن اذنكم بروح اخذ دش قبل لاحد يجي

" وقام وهو بدا يحس العد التنازلي بدا يخلص عليه "

منصور: يمه تكفين حاولي فيها بموت لو ماخذها بموووووت
ام محمد: لاتخاف والله يافرحتهم يوم انك بتاخذ بنتهم
منصور: اهم شي البنت توافق مع اني ماظنيته بس واللي يعافيك يمه
ام محمد : اعتبر انها موافقه
منصور يضحك وحس مافي أمل بس اليوم راح يبين كل شي

.
.
.

" بعد مرور ثلاث ساعات "

" جنى طلعت مع لميس وميساء .. وراحوا يتسوقون ويتقهوون وجنى كانت مبسوطه بس تحس ان كلام وصايف صح "

" سهر عرفت عن منصور وانصدمت .. حست بالخوف من اخوها .. يوم مع غزل وعشره يقلب عليها .. وغير كذا حست ان منصور يبي بسمه شلون يخطب غزل .. وبدت تحاتي وماهي مرتاحه من هالموضوع حتى تعرف رد غزل اللي عارفته من الحين انها رافضه .. واعتبرت رفضها شي مفروغ منــه "

" منصور من بدت الحرب بينهم والنتيجه متساويه بينهم.. واخر خطوه راح تكون تحديد مصير اللي بيفوز ومنصور مستحيل يتنازل عن هذي الحرب اللي اعلنها معها .. كان طول حياته يحس ان مافي بنت ممكن تخرب عليه شي هو بناه .. واذا كانت غزل اول وحده تخرب كل شي فا وش بيكون مصير غزل بعدها "

" غزل فقدت الامل بعد ماحست انها تميل له ويشغل بالها .. حتى لو انه قال يحبها بس ولامرره حسسها بهذا الشي رغم اعترافاته اللي من بعد مابدت الحرب معه .. وغير كذا ميله لبسمه.. بدت تقارن غزل نفسها ببسمه وشافت ان بسمه تفوقها بأشياء كثيره وغير كذا مقابلته اربع وعشرين ساعه "

" سلطان طلع مع فواز وقعد يحاول معه طريقه عشان اهله يعرفون .. وبدون مشاكل .. بس طبعا ماراح يلقى.. ومن بعد قرار منصور بدا سلطان يحاتي ماتوقع انه منصور اخوه بيتزوج بهذي السرعه وبيصير محط الانظار ... لانه كان حاط فرصه اكبر يفكر بالطريقه اللي اهله بيعرفون عنه "

.
.
.
" بيت بو فيصل"

" كان عشا سلطان اليوم في بيت بو فيصل .. كل العايله تجمعت من الساعه 8 ونص وعلى ماتجمعوا صارت الساعه تسعه ونص وحطوا العشا وتعشوا وبعدها قعدت العايله تتقهوى والبنات قعدوا يحلون ويروووقوون "

اديم بهدوء: سهر وش فيـك .؟
سهر انتبهت : هاه " وابتسمت" مافيني شي ليه ...!!
اديم تبتسم : لا بس شكلك مو طبيعي فيك شي
سهر: لابس مصدعه شوي ومسطله
اديم: افف كريه الصداع الله يعينك طيب اخذتي شي
سهر: اي موفيبين
اديم: اها يلا ماتشوفين شر
سهر: غزل
غزل التفت : نعم
سهر : تعالي ابيك .. اديم بروح غرفتك شوي اوكي
اديم: اي شدعوى خذوا راحتكم

"غزل استغربت وش تبي سهر وطلعت معها "

غزل: شعندك
سهر بتوتر : شفيك صايره مو طبيعيه
غزل ماحبت تبين شي: ليه
سهر: بس احسك متغيره علي
غزل ابتسمت بمجامله : لامافيني شي وش دعوى
سهر: اكيييد
غزل: اكييديين

" شوي "

سهر: غزل
غزل: هممم
سهر: عندي لك خبر
غزل: وشو
سهر: هممممم اليوم
غزل: ايييه
سهر: امي بتكلم امك
غزل: عن ايش
سهر: عنك
غزل بأستغراب : عني وش فييني
سهر بقلق : عنك وعن منصور
غزل وقفت : نعـــــــم ..!!
سهر : منصور قرر يخطبك
غزل بردة فعل سريعه : يخسسسسي الا هو

" سهر وقفت معها وهي منصدمه وكانت عارفه ان غزل بترفض بس مو لهذي الدرجه مبين انها رافضه بقوه "

سهر: غزززل
غزل: سهر سوري بس انا مابي منصور
سهر: لييييه
غزل قامت تنتفض : وشو بعد ليه ياسهر انتي اكثر وحده عارفه اففففففف " وطلعت عنها "

" سهر كانت عارفه وقالت بتقول لامها عشان لاتتفشل امها وهي عارفه رد غزل .. اابدن ماتوقعت ان غزل كذا عنيده وماتلين بهذي الطريقه "

" نزلت سهر وتحس انها مجروحه عشان اخوها وبنفس الوقت افكارها متخربطه ماهي قادره تجمع افكارها .. كل اللي تعرفه حاليا انها تروح وتقول لامها لاتجيب حق ام غزل طاري .. اول ماراحت ونادتها دخلوا غرفة الحريم الصغيره وقالت لها "

ام محمد: وانتي وش دراك
سهر: يمه سألتها
ام محمد عورها قلبها : سهر من جدك تتكملين
سهر: اي وربي يمه ماله داعي نضغط على البنت
ام محمد بحزن: بس منصوور يبيها ومايبي غيرها طيب هي رافضه منصور ولا الزواج
سهر توهقت مو عارفه وش تقول بس شافت الحزن بعيون امها وقررت تهون عليها : الزواج
ام محمد ارتاحت كليا لانه شي طبييعي ولا يخوف : واااه ريحتيني كل البنات كذا بداية الزواج
سهر اخترعت : ماما لالااااااااه حرام عليكم تغصبونها
ام محمد : على خير على خير " وطلعت "

" سهر احتاست وضاق خلقها وكل شي فيها مو اوكيه ... راحت وكلمت السواق عشان يجي ويوصلها بيتهم ماهي قادره تقعد تبي تروح لمنصور وتقوله يهون على غزل .."

اديم: وين راحت سهر
غزل: مدري مدري
اديم : شلون ماتدرين
غزل: ماعرف والله تو كانت معي وراحت الجهة الثانيه
اديم : ااهااا
غزل: يلا بناات قوموا نمشي
منار: وين
البنات: وين
غزل: خلاص الوقت بيتأخر ولازم نمشي
اديم: من جدك
غزل مالها خلق: اي والله ومافيني حيل اقعد انا بمشي اللي بيقوم يلا
جنى: خلو ميساء انا اوصلها مع اخوي
ميساء اخترعت : لالالا بروح معهم
جنى تضحك : كولي تبن بتقعدين نسهر هنا
ميساء اختبصت : لالالا بروح معهم
لميس تضحك : يلا اجل اكلم مازن يوصلنا
غزل: كلموا اي حد
جنى تناظر ميساء: انتظري بكلم اخوي اذا بيوصلك بتقعدين واذا لا روحي معهم
ميساء: لالا والله بروح
جنى تناظرها وترفع جوالها : اسكتي بس

" جنى كلمت مشاري وسألته ومشاري قال اووكيه "

جنى: خلاص خلاص مشاري بيوصلك وانا بروح معك
ميساء: لاوالله

" وغصبتها جنى انها تقعد "

.
.
.

" مشاري "

" مشاري من قالت له جنى وهو قاعد على نار واخيرا بيشوفها يكفي انه ماشافها اليوم .. وقعد ينتظر جنى تتصل عليه عشان تقوله يلا مشاري تعال .. قعد يحوس قريب من البيت عشان يكون جاهز بأي وقت "

.
.
.

" في غرفة سهر "

سهر: منصور لااااااااا
منصور: مو بكفيك زين
سهر انفجرت عليه وصارت تبكي
منصور خاف عليها راح ورفعها من كتوفها : سهر
سهر تشاهق
منصور تركها وقهر الدنيا فيه : سهر ليش انتي كذا

منصور: ليش ياسهر

منصور: ليش ماتبيني اخذها ليششش

منصور: تفكريني بارتاح اذا اخذت وحده انتي ماتحبينها ولا تبينها

سهر هدت شوي: من قال اني ماحبها وربي اني ابيكم لبعض بسسس

سهر: بس هي ماتبيك ماااااااتبيك

منصور انصدم

سهر: توني كلمتها قبل لاجي وقالت لي انها ماتبيك وتخسي وقدامي وتبيني اخليك تاخذها وعلى بالك انت تهون عندي.. من البدايه وانت تدري انها ماتبيك ليش علقت نفسك فيها

منصور ضاقت الدنيا فيه من كل جهة : بس ياسهر بسسسسسسسس

" وقاااام عنها واخلاقه قافله و سهر رجعت تبكي على اخوها تحبهم ثنينهم وماتبي تخسر واحد فيهم او تزعله .. هي من البدايه وقلبها ناغزها من علاقتهم هذي "


.
.
.

" في سياره مشاري "

" واخيرا دق جوال مشاري "

مشاري: هلا جنوو يلا خمس ثواني وانا عندكم
جنى: لالا خلاص ماوافقت تقعد

مشاري انقهررررررررررررررر

جنى: بس حبيت اقولك عشان لاتنتظرنا يلا بشوف البنات " وسكرت "

مشاري " ليش ياربي ابي اشووفها بكرا بيمشون الرياض ومتأكد اني مو شايفها .. ليش من جابوا طريها واانا احس ان الامل بأني لقاها بدا يرجع لي .. حتى لو ماكانت هي ... بس ظهروها عطاني امل اني القااها يارب تكون هي يااااااارب "

" مشاري تنكد وقعد يحوس بدون هدف واخذ مشعل ومشعل طفش منه ومن تفكيره لان مشاري مو قاعد يتحرك على مهله وهذا الشي يقهر مشعل صديقه "

.
.
.

" في بيت بو فواز "

" دق جوال غزل ووقتها غزل كانت منسدحه وفكرها رايح بعيييييييييد وطنشته اكثر من مره والهمره قامت بقهر وشافت ازعااااج يتصل بك "

غزل رقع قلبها هي مسجله رقم منصور بهذا الاسم عشان كل مابغى يتلعب عليها تعرفه وصارت ترجف وش يبي متصل واللقافه اجبرتها ترد كأنها ماتعرف الرقم

غزل بقوه : الوووو
منصور: الو غزل
غزل استغربت متصل بكل حماسه فكرته بيستهبل عليها : نعم
منصور : ممكن اعرف ليش رفضتيني

" غزل حست ان هذا وقته تقوله بكل شي وهي تحس انها ماراح تاخذه فا راح تاخذ راحتها بالكلام حتى لو اضطرت تدوس على مشاعرها المتقلبه .."

غزل :.......................

الجزء الرابع عشر
الفصل الاول

" في بيت بو فواز "

" دق جوال غزل ووقتها غزل كانت منسدحه وفكرها رايح بعيييييييييد وطنشته اكثر من مره والهمره قامت بقهر وشافت ازعااااج يتصل بك "

غزل رقع قلبها هي مسجله رقم منصور بهذا الاسم عشان كل مابغى يتلعب عليها تعرفه وصارت ترجف وش يبي متصل واللقافه اجبرتها ترد كأنها ماتعرف الرقم

غزل بقوه : الوووو
منصور: الو غزل
غزل استغربت متصل بكل حماسه فكرته بيستهبل عليها : نعم
منصور : ممكن اعرف ليش رفضتيني

" غزل حست ان هذا وقته تقوله بكل شي وهي تحس انها ماراح تاخذه فا راح تاخذ راحتها بالكلام حتى لو اضطرت تدوس على مشاعرها المتقلبه .."

غزل: وليش مارفضك ..؟
منصور انصدم من ردها
غزل ابتسمت يوم شافته سكت
منصور: انتي صدق قليلة ادب
غزل تعمدت تضحك عشان تقهره
منصور عصب عليها : بزر ومن يومك بزر بس حطي في بالك اني انا مازلت مصر على اني اكسب ياغزل لو وش ماكلفني
غزل انقهرت وببرود غريب : اجل اقولها لك من الحين لاتعب حالك يامنصور
منصور: ياحليلك من قال اني بتعب حالي يكون بعلمك هنا كلمة الرجال اللي تمشي مو كلام العيال
غزل تقاطعه : صدق شين وقوي عين وتبغاني اوافق بعد
منصور من كل قلبه : بتوافقين وغصب عنك اصلا انتي احمدي ربك في واحد يتمناك او حتى مستعد يتحملك شوفي سمعتك بين عيال العايله وين واصله على ايش شايفه نفسك مدري .. لاتفكرين ان في حد حاطك في باله ولا تحطين في بالك ان في واحد من برا العايله بياخذك ... اسمعي غزل عندك خيارين يا انا يالعنوسه واذا وصلني رفضك فا أنا اول واحد اهنيك على العنوسه المبكره
غزل تقاطعه : وبسمــه ..!!

" منصور سمعها وسوا نفسه مانتبه وطاااع سكر السماعه بوجهها "

" غزل كانت تسمع الكلام وتبكي بس مابينت له "

غزل وهي تبكي " مايحبني مايحبني ويبغاااني .. ليه فكر ياخذني وهو كارهني .. وو معقوله سمعتي بالعايله زفت ولا بس يقول عشان اوافق .. اكررررهك منصووور اكررررررهك دايم تحطمني عمرك ماحسستني بأنك صادق شلون تبيني اوافق وانت تعاملني كني خدامه عندك شلوون "

" وعلى هذي الافكار قعدت تبكي غزل حتى طاح حيلها ونامت "


" اما منصور .. بعد ماسكر قعد يلتقط انفاسه ... قهره ردها وكلامها معه .. وكأنه سهر حاسه من جد لانها من البدايه وهي تحذره وهو ماهو قاعد يسمع لها .. عجبته في البدايه وتعلق فيها حبها بعنادها واعترف لها اكثر من مره .. وماهي قادره حتى تحس فيه ... قاعده تجرحه زياده .. وهو ماعاد فيه صبر .. بيخفي حبه الباقي حتى تكون بيده ... مستحيل يعترف لها كثر ماعترف لها.. مايبي يزيدها غرور اكثر من اللي فيه.. ولكنه حس انها تغار عليه .. بعد كلمتها وبسمه ... معناتها هي حست بالغيره منه ومن بسمه .. وهذا الامل اللي بقى عند منصور.. مانكر ان منصور كان خايف من الرد الاخير اللي بيوصلها ومع ذلك حلف مايستسلم "

.
.
.

" بعد يومين"

" الساعه 6:00 المغرب "

"في بيت بومساعد "

" في هذا الوقت كان مازن في غرفته .. تفكيره زاد بموضوع منار .. حس ان حياته موقفه وماهي قادره تمشي .. منار مابعد تعطيه رد او حتى اشاره .. قام من غرفته وراح لاخته لميس ودق عليها الباب واذنت له بأنه يدخل "

مازن: لميس
لميس: هممم
مازن سكر الباب وراه : شتسوين
لميس: ولا شي قاعده ارتب اغراضي
مازن: اشووف الحوسه ووين ميساء
لميس: والله مدري عنها
مازن : اهااا

" لميس طول الوقت قاعده تكلمه وتعلق ملابسها وبعد ماسكت لفت تشوف وش عنده لقته قاعد على السرير و ساكت ويناظر بلارض تركت اللي بيدها وراحت قعدت جنبه "

لميس: مازن شفييك .؟؟
مازن : منار يالميس
"لميس نزلت راسها كانت عارفه .. منار ماقاعد ترد عليها ولا عطتها كلمه عن موضوع اخوها كل مافتحوا الموضوع سكرته منار وعطتهم جواب اخير"
لميس: وش فيها
مازن : لميس قولي لي منار تبيني ولالا
لميس توهقت : مازن شفييك .. منار بنت خجوله ومستحيل تقول لنا بعد ما كل شي يصير رسمي
مازن: وين كل شي يصير رسمي وهم عندهم هالعادات المتخلفه بنت العم حق ولد العم ماهم راضيين يستوعبون ان العالم تغير
لميس حزنت على اخوها : بس مازن اذا تقدمت لها ماراح حد يرفضك ترى حنا نعتبر من عيلتهم ولنا صله فيهم لاتنسى انها بنت خالتك
مازن : وانا وش دراني عنهم وعن قوانينهم
لميس ابتسمت : انت هونها مافي شي له داعي ومنار انا بكلمها من جديد وراح اعرف رايها
مازن قام : لميس امانه لو وش ماقالت لك قولي لي لاتخبين علي حتى لو انها تعتبرني اخوها

" وقامت "

لميس " يامسكين يامازن .. معقوله منار ليش مو مبينه شي .. تحبه ولا ماتحبه انا لازم اكلمها واتصرف معها "

" رفعت السماعه وعلى طول كلمتها "

لميس: انتي وبعدين معك
منار ضحكت على لهجتها المتهجمه : ههههه شتبين
لميس: احلفي مسويه بريئه
منار تبتسم : لاوالله مادري عن وشو تحكين
لميس: من زينك مدري على ايش اخوي ميت فيك
منار تضحك ولا شعوري قالت بدلع : مووتي حرره
لميس ضحكت اووه تطور : هههههه انقلعي
منار تضحك
لميس: تعالي
منار: هاااه
لميس: تبين اخوي ولالا الولد محترق ياحماره
منار تضحك : مابي
لميس: وشو ماتبييين
منار: ماني راده عليك
لميس: ليشش والله حرام توه طالع من عندي والدنيا ضايقه فيه قولي لي اي شي افرحه فيه ليش انتي كذا يامنار

" منار حست السالفه جد وهي من جد مابعد تاخذ قرارها "
منار: لميس مدري وش اقولك بس
لميس: قولي اللي تبين حتى لو ماتبينه بس يرتاح الولد
منار: انا مو ما ابيه بس وربي مو عارفه مشاعري تجااهه .. هو قال انه يحبني صح بس مو معناتها اني انا كنت احبه انا كنت افكره مثل اخوي في البدايه وانتي تدرين كيف كنا نمون بس بعدين من رحت كل شي تغير ولا عارفه مشاعري الحقيقه تجااهه مابي اعطيك رد الحين واظلم نفسي واظلمه .. مابي اقول احبه وانا لا ومابي اقول ماحبه وبعدين اطلع احبه .. لميس بليز افهميني
لميس اقتنعت برد منار: طيب منار سووري بس والله ابيكم لبعض
منار تبتسم : الله يكتب اللي فيه الخير ومنار وربي اني احبه بس حب ايش مدري اخوه ولد خال مدري والله بس روبي ما ابغضه ولا اكرهه
لميس تبتسم: ادري بك يامنار بس سوري اني ضغطت عليك بس والله لاني احبكم
منار: خلاص فهمنا
لميس ضحكت : يلا اجل بروح اكمل شغلي
منار: شعندك
لميس: ارتب غرفتي
منار: خلاص اخلييك
لميس: اووكي يلا باي

" وسكروا "

" لميس بس اقتعنت بالكلام كلمت شغلها وهي مرتاحه وبعدين بتتفاهم مع اخوها "

.
.
.
" في بيت بو فواز "

" منار من بعد ماقالت الكلام اللي فخاطرها من اول ارتاحت .. كل مره بتقوله وخايفه لميس تفهم غلط .. بس الحين ارتاحت لانها بالفعل ماتحس بأي شي تجاهه للحين وماحبت تظلم نفسها وتظلمه معها .. قامت منار وراحت عند غزل .. غزل من بعد ماقالت لها امها وابوها وهي حابسه نفسها بغرفتها .. دقت عليها الباب وماردت عليها "

منار: غزل افتحي البااااااااااب

" غزل شوي وقامت فتحت لمنار لانها ازعجتها وبعدها رجعت لمكانها السرير "

منار: غزل ماتسوى عليك
غزل:........
منار: وش فيه منصور بالله عليك وربي انه يجنن مزوحي واطخم ويشتغل وكل شي ليه ماتبينه
غزل : هذا مو كل شي
منار: وشو كل شي اجل سوا لك شي ما اشوف انه سوالك شي يكفي انه فكر يخطبك بعد ماسويتي لاخوه مشكله
غزل ضرخت فيها: اووووه منار قولي كلام مثل الناس ولا انقلعي برا
منار تنهدت : طيب اذا ماتبيه قولي وارتاحي ولاتحبسين نفسك مثل باقي الافلام
غزل:....
منار: كلمك فواز
غزل: ايه
منار تنهدت: ااااه ولا اقتنعتي
غزل: لا
منار: صدق عنيييده
غزل: منار لاتزعجيني تبيه بعطيك اياه
منار تضحك : وحمار اللي يقول لا
غزل ابتسمت ورمت مخدتها عليها
منار مسكتها:تغاارين
غزل تضحك : لا من زينك انتي واياه
منار وقفت: اي هين ماتغارين بقول لامي انك موافقه هي هي هي

" وقامت تركض .. غزل فتحت عيونها وشافت من جدها وقامت تركض معها "

" منار كانت اسرع لغرفة امها اول ماشافت منار ان ابوها مش موجود قررت تقول لامها "

منار: يمه يمه
ام فواز: نعم
منار: يمه غزل وافقت على منصورر
ام فواز طارت من الفرحه : صدق
غزل جت تنافخ : لالا يمه ماعليك منها
" افااااا يابنتي ليش "
" هنا طاح قلب منار وغزل .. ابوهم من وين طلع لهم .. وقتها كان ابوها بغرفة الملابس ومنار جت تركض ولاحست ان فيه حد وهو من سمع كلام منار وحس انه طاير والحين تجي غزل وتقول كذا "
غزل توهقت وقرصت اختها
منار شافتها فرصه ماتبي منصور يضيع على اختها : اي والله يبه بس تقول تستحي ماعليك منها
غزل: لالالالالا
بو فواز : ليش طيب يابنتي سمعتي عن الولد شي .. ضرك بشي
غزل خافت وقلبها طاح ببطنها : لالا بس انا انا لساتني على الزواج وابي اكمل دراستي
منار: لالا يبه بس من الخجل تقول كذا ولا غزل ماتحب تدرس ولا شي
بو فواز ضحك ومن لهجتهم ثنتيهم حس ان عياله صغار ومن الحيا مو عارفين وش يقولون
بو فواز : سواء كان منصور اوغير منصور محد يقدر يمنعك عن دراستك
غزل قام قلبها يدق وحست تبي تبكي وش الموقف البايخ اللي حطتها فيه اختها منار : بس انا صغيره على المسئوليه هذي يا يبه
بو فواز: لا يا يمه انتي ماشاء الله عليك تدرين البيت بغيابي وبغياب امك وكأنه انا وامك موجودين .. وبعدين انتي مو رايحه بعيد عشان اخاف عليكم الكلام لك ولاختك .. شوفي نجود وعبير ببيت اهلم زوجهم مدللات ومكرمات قد اشتكوا لكم انه الزواج شي صعب تحمله .. هذي امك تزوجت وهي اصغر منك وبعمرك عندها اخوك فواز ..

" ام فواز تبتسم ومنار وغزل واقفات مثل المعاقبات وعيونهم بلارض "

ام فواز : توكلي على الله وخلينا نفرح فيكم
منار بلقافه : يمه يمكن هي رافضه عشان ماراح تسوي زواج
ابو فواز : لا غزل اكبر من كذا .. ان شاء الله اذا تمم الله على خير موضوع زواجكم بس ترجعون بسوي لكم حفله الكل يتكلم فيها
منار: اكششخ وش تبين اكثر من كذا خلاص خلاص هي موافقه
بو فواز ضحك على منار
ام فواز : انا قلت لها منصور مو مقصر معك وشهر عسل 8 شهور وفي فيينا وش تبي اكثر من كذا وبس ترجع بنسوي لها حفله ولا صارت
منار تنصب : اي والله حتى صديقتي تزوجت ولا سوت عرس وبس من رجعت سوولها حفله ولا صارت
غزل داست على رجلها

" الكل صار يتكلم وغزل تحس انها ضايعه خصوصا انهم يتناقشون قدام ابوها .. وهي تستحي من ابوها .. شلون بتقول له ان منصور مايحبها شلووون "

ام فواز: وش قلتي يابنتي

" مانر شافتهم ينتظرون ردها وسحبت وجه اختهاا وحطته بأذنها وشوي بعدته "

منار تضحك : تقول موافقه
غزل انصدمت وطلعت تركض
منار ضحكت عليها : تستحي اختي ياحليلها

" ام فواز وابو فواز فكروها بجد تستحي لانه مابين على وجهها اي علامة رفض "

ام فواز: الله يفرحك ياغزل مثل مافرحتيني
ابو فواز : لا يا ام فواز .. روحي كلميها وخليها تقول موافقه بلسانها
منار: خلاص خلاص لاتعب نفسها امي انا بروح وبسألها وبرجع اوكي " وطارت "
ام فواز: مسكينه مبسوطه ان اختها بتتزوج
ابو فواز: الله يتمم على خير

" طارت منار لاشعوري عند غزل وخرشت الباب عليها "

منار تناقز : بسرعه قولي موافقه ولالا ابوي يقول بسرعه وشكله بدا يعصب
غزل: انا انا موافق.......
منار سمعت اول حرفين وطارت لهم
غزل انصدمت
منار: وقسم بالله انها قالت موافقه وربي وربي
ابو فواز وام فواز ضحكوا على حماسها
ابو فواز: يعني ارد على الجماعه
منار: اي اي خلاص هي موافقه
ابو فواز: على خير
ام فواز : بروح اشوف بنتي

" وطارت ام فواز ومنار حق غزل .. غزل كانت تصيح شلون قدرت توافق بسرعه وبهذي الطريقه كله بسبب اختها .. هي خافت ان كلام منصور يصير صدق محد بياخذها وبتقعد وبكرا تندم على انها رفضته وخافت على ابوها يتمشكل مع اخوه وكل هذا صار فوق راسها مافكرت بهذا الشي من البدايه لو انها حبت واحد غيره كان ارحم واضمن انها تاخذه بس منصور بكلامه كأنه يحدد مصير اخر يوم بيحاتها .. على طول ضمت امها ومنار تناقز .. غزل تحس انها حاقده على اختها "

" منار من وناستها طارت وشالت السماعه وقررت تقول لسهر وتفرحها لان اكيد سهر تنتظر ردهم بعد "
.
.
.

" في بيت بو محمد "

" سهر وقتها كانت قاعده وسلطان "

سهر : الوو
منار: هلا والله
سهر: هلا منووري كيفك
منار: ان الحمدالله احمد شي
سهر تضحك : دووم ياربي
منار: سهروه عندي لك خبر يطيرك من الوناسه
سهر تضحك : يلا سمعيني اخبارك الحلوه
"هنا سلطان انشد لها"
منار بأسلوب تحميس : غزل وا فق ت ع لى منصووووووووووور
سهر وقفت لاشعوري: وشووووووووو
منار تضحك : وقسم بالله
سهر تضحك من غير شعور: شلووون وكيييييف
منار تضحك : بقولك بعدين وش سويت ياني احسها بتذبحني بس المهم انها وافقت
سهر حست ودها تضم منار لو هي جمبها .: ياحبيلك منار الله يبشررررك بالخير باي باي بقول
لمنصور
منار تضحك : اوكي يلا بااااي
سلطان : وافقوا .؟
سهر تضحك : اييييييييييييه يافرحتك يامنصور
سلطان استغرب: ليش هي مااكانت تبيه
سهر اختبصت : لالا مو كذا بس اكيد بيفرح لانها وافقت
سلطان وكأنه شي عادي : هو اصلا حاصل لها تاخذ منصور
سهر ابتسمت اخوها وتعرف غروره : طيب خلني اكلمه وينه فيه
سلطان: في الديوانيه برا
" سهر جت بتركض بتروح له "
سلطان : هيي تعالي هناك رجال معه
سهر: يووه طيب ناده لي
سلطان: اوووكي

" وراح يناديه وبقى سلطان مع الرجال "

" منصور اول ماقبل عليها راحت وضمته بقووه "

سهر: منصوووور
منصور استغرب: شفييك
سهر بعدت عنه وعيونها تلمع : عندي لك خبر بالمليوون
منصور تأكد ميه بالميه انه مو عن غزل لان سهر نو واي تفرح هالفرحه على غزل وغير كذا مستحيل يكون بالمليون لان المليون عنده موافقه غزل : يلا بشريني
سهر: همممم طيب على بشارتي وش لي
منصور ابتسم: اللي تبين بس اخلصي
سهر لفت عليه وبغرور قالت: ست غزل وافقت عليك
منصور لسا على ابتسامته الاوليه وقف منصدم شلون غزل وافقت عليه وبهذي السهوله
سهر ضحكت يوم شافت وجهه اخوها
منصور ضربها فكرها تمزح : تستهبلين مع وجهك
سهر ضحكت : لاوربي تو منار دقت علي وقالت لي
منصور مابدا يستوعب: شلوون وكيف
سهر: مااااااادري اهم شي انها وافقت

" منصور فجأه "

منصور يصارخ : واااااااااااااااااااااااااه واخيرا 10 / 9 يسسسسسسسسسسسسس

سهر مافهمت شي بس ضحكت لانها فكرت اثار الخبر قامت وحضنته

منصور: واخيراااااااااااااا
سهر: شفت شلون الف الف مبرووووووك
منصور يضحك: سهر استني انا مو مصدق وافقت ولا ايش
سهر: وربي وافقت مو مصدق
منصور: شلوووووووووون
سهر : مدري بتقولي منار بعدين
منصور: وشو بعدين الحييين تكلمينها
سهر ضحكت وصدقت ان اخوها مو مصدق دقت على منار ومنار كأنها تنتظرها
منار: هلا سهوره
سهر تضحك : منار قولي لي شلون وافقت غزل الاخ مش مصدق
منار تضحك : طيب انا اقول
سهر: يلاقوولي

" منصور حط سبيكر وقعد يتسمع .. ومنار صارت تقول كل اللي صار باختصار يعني بس اهم شي يفهمون شلون وافقت "

بس خلصت منار صرخ منصور لاشعوري: احببببببببببببببببببك منار احبببببببببك
سهر ضحكت ومنار انصدمت وصارت تضحك
سهر: هههههه شفيك خرفت
منصور: قولي لها تبشر باللي تبيييييييييه
منار ضحكت لانها سمعته : قولي لي اللي تبي
منصور : اللي تبييييين
سهر ضحكت: والله انكم مهابيل
منصور: وربي لاجيب لها اللي تبي
منار تضحك : خلاص اجل بفكر وبقولك
منصور طار قلبه وحس انه بيطير وقرر يطلع
سهر انتبهت : هاها وين رايح
منصور: خليني اصدق بس
سهر ضحكت : منار يلا باي بشوفه لايكون يسوي بنفسه شي ...
سهر: تعال تعال وين بتروح
منصور: خليني ياسهر اصدق
سهر تضحك : اي حبيبي صدق في البيت .. مو برا مو ناقصين مصايب
منصور: وخري عن وجهي
سهر تمسك الباب: عندك مهارات واحتفالات سوها هنا مو برا طلعه ماااااافي
منصور وخر عنها وقعد يصارخ وشغل التلفزيون وحط الاغاني ونسى ربعه اللي برا
" سهر ماكانت تبيه يطلع تخاف من فرحته يسوي لها حادث مثل ماتسمع عن اسباب الحوادث اللي تصير واخوها متهور وخافت عليه وخلته بالبيت"

" شوري ويدخل سلطان لان منصور تأخر وشاف منصور يرقص ويرقص سهر معه ضحك عليه وقصر على التلفزيون "
منصور: لييييييه
سلطان : وشو ليه وش المهايط روح مع ربعك ينتظرونك
منصور: اووه نسيتهم خلاص قول لهم روحوا منصور مع ابوه
سلطان ضحك: كل هذا عشان سعادتها وافقت
منصور: ااااااخ بس
سهر ضحكت
سلطان: روح بس وعن المهايط
منصور وهو ماشي: بتجيك ايام وبتحس بشعوري
سلطان ضربه على راسه : لاخليناها لك
منصور ضحك وطلع
سلطان يناظر سهر: وانتي مكمله معه
سهر تضحك
سلطان ضحك ضحكته الحلوه : يلا قومي نطلع
سهر: صدق
سلطان: اي صدق من جيت ماطلعتك
سهر : ياااااااي

" وقامت ولبست وطلعت معه "

.
.
.

" في بيت بو يــاسر "

" في هذا الوقت ياسر قاعد في الصاله مع امه ويسولف معها عن مواضيع مختلفه مالها اهميه "

ام ياسر: والله يا ياسر بومساعد عنده بنت ترد الرووح ...
ياسر فهمها وقاطعها : الله يهنيه فيها
ام ياسر: اقولك تاخ.....
ياسر يناظر امه : يمه الله يهديك وبعدين ماخلصنا
ام ياسر حز بخاطرها : وش فيك يايمه حد صاكك بعين من اجيب لك طاري الزواج صديت ولا غيرت السالفه .. حرام عليك ياياسر كل الناس زوجت عيالها وانا قاعده اتمنظر عليك قريب بتوصل الثلاثين ولا وحده بتقبل فيك يا ياسر....
ياسر قام لعند امه : يمه عن الكلام اللي يضيق الخلق .. انا بتزوج اليوم ولا باكر بس ماجا الوقت اللي اشوفه مناسب بنظري
ام ياسر: عطني رجا بالقليله وانا بنتظر
ياسر: بالصيف ان شاء الله
ام ياسر انشرح صدرها: صدق يا ياسر
ياسر: وقد قلت ي واخلفت فيه
ام ياسر حضنته : لا ياعلني افدااك
ياسر ابتسم

" ياسر عارف فرحة امه فيه بس بنظره مابعد يقرب الوقت وده يخلص الاشياء اللي عليه والبنت ترتاح بعد ماتتخرج "

ام ياسر: هذا الكلام السنع
ياسر ابتسم: اعرفك مايوسع صدرك الا العرس
ام ياسر: اجل شلوون ما راح ارتاح حتى اشوف كل واحد ببيته مع زوجته وعياله
ياسر ابتسم وباس راسها: الله لايحرمني منك
ام ياسر انبسطت : اجل ادور لك الحرمه
ياسر ابتسم : لاخليها لبعدين
ام ياسر بنظره : ولا حاط وحده في بالك
ياسر ضحك : لا يمه انا ويين خليها بعدين
ام ياسر: لا لازم انقي من الحين اشوف الحرمه السنعه المزيونه اللي تاخذ العقل
ياسر ضحك : طيب طيب بس لاتروحين بعييد

"ام ياسر ضحكت ومن هذي اللحظه بدت تفكر وتحط براسها صور البنات اللي عاجبينها من اول وتختار بينهم "

.
.
.

" اليوم الثاني "

" في المستشفى "

" اول مادخل المستشفى على طول راح لغرفته وحط اوراقه وقعد وبدا يشتغل .. حس ان عنده اشياء كثيره ناوي يسويها اليوم وحاول يتذكر وش كان ناوي عليه .. رفع بصره وابتسم اول ماشاف باب غرفتها مفتوح ومبين انها موجوده ماصبح عليها اليوم وماوده يحرجها من رجعت الشغل وهي تسوي شغلها حتى وقت غدا ما تاخذ من كثر ماهي عارفه وين تودي وجهها منه .. المستشفى كبير ومافي غرف تتسكر غير غرفة المريض .. وغرف الشغل اغلبها مفتوحه .. شوي وانتبه على المرايه العاكسه على طاولتها وشافها منقبه وقاعده تشتغل .. سرح فيها فجأه شوي وكأنها بدت تتضايق من الطرحه وكانت تبغى تصلحها رفعت عيونها وشافت ان مافيه حد مار والممر هدوء .. هي ماكانت تقدر تشوفه بس هو يقدر لانها في مرايه تعكس صورتها من جهة ثانيه .. فتحت وجهها بسرعه وصلحت الطرحه وتنقبت بسرعه .. هو اول مافتحت وجهها انصدم .. قعد يفكر وش بتسوي وعرف انها تصلح طرحتها .. اول ما لمح وجهها الصبوحي النظيف كما وصفه .. حس بشي في داخله قام من مكانه .. على طول نزل راسه خافها تنتبه له .. "

نايف حس عروقه نشفت " استغفر الله ياربي لاتعاقبني استغفر الله .. الحين البنت واثقه فيني وانا قاعد اطلطل عليها .."

" نزل راسه وقرر يمسح صورتها وينشغل بشغله .. بدا يشتغل ويجمع اوراق وحس انه مو على بعضه وكل شوي صورتها ترجع .. جتى جننته .. حط القلم بقووه وتندم على رفعة عيونه .. يحس بالذنب .. نفض الافكار اللي في راسه وقام من مكانه وطلع من القسم بكبره .. هي انتبهت له واستغربت شكله مستعجل بس بعدين طنشت .. نايف طلع من هنا وراح لرابح صديقه من هناك اللي يشتغل في الريسبشن .. "

رابح اول ماشافه رفع حواجبه : نايف اوه صباح الخير
نايف: صباح النور
رابح : وين ما مريت
نايف: عندي شغل كثير وقلت ابي اخلصه وعلى الغدا نتلاقى
رابح : وخلصته
نايف: لا بس ابي اخذ بريك
رابح ضحك: بريك وحنا تونا باادين
نايف تأفف مو عارف وش يسوي : شسوي مالي نفس
رابح : تعوذ بالله وروح كمل تو النهار توه
نايف ابتسم وخلقه ضايق مايبي يرجع الحين مايبي يحس بالذنب : طيب طيب

" نايف راح عن رابح واخذ له لفه على الممر ورجع وبنفس السرعه .. مايبي يناظر مكتبها اول يلف عليه "

" طق طع طاااااااااااع "

نايف: اسف اسف اسف

" وبس عرفها نشفت عروقه لا مستحيل "

نايف: ريم اسف كنت مستعجل
ريم : لا حصل خير حصل خير " وراحت "

" نايف كان رايح مكتبه ومكتب ريم يصير على اليسار وعلى اليمين مكتب وحده تشتغل معهم بس مكشوف ونايف مسوي يبي يصد وانصقع فيها .. راح وهو يسب ويستغفر ربه بنفس الوقت على اليوم اللي ابتدا كذا "

نايف " نايف هدي شفيك.. شصاير فييك .. ياربي اعوذ بالله من الشيطان الرجيم "

" نايف حاول يهدي نفسه طلب له كوفي وقعد يشغل نفسه بالكمبيوتر ولا يرجع يفكر باللي صار له يحس انه متحسف انه شافها وصقع فيها كأنه متعمد .. وعلى هذا كل شوي يلوم نفسه "

.
.
.

" في بيت بو نايف"

" بسمه صحت من بدري وكلها نشاط وحيويه .. تحس انها رفريش وقايمه وهي مروقه.. من هذا اليوم او بلاحرى من ليلة امس وهي وعدت نفسها تبدا حياتها من جديد .. ترجع بسمه قبل الحفله وقبل الصدف وقبل اول نبضة قلب .. تبي ترجع وترجع بسمتها المعهوده .. توها بس ايقنت انها من عرفت حب محمد وهي ماشافت الا القلق والخوف .. ماعاد تبي تصير البنت المنبوذه .. بتحاول قد ماتقدر تدوس على قلبها وعلى مشاعرها الغريبه اللي اخترقت اعماق وحده بمثل هذا العمر وهذا السن .. هي لاهي مطلقه ولاعانس عشان تفطر بواحد متزوج .. قررت ترجع بسمه الاوليه .. ماعاد يهمها قلبها مثل ماتهمها سمعتها ونظرة اهلها لها .. نزلت وفطرت وطلعت على طول للجامعه .. ومن هناك شافت صديقاتها وبنت خالتها ريم .. قعدت معهم وحضرت اول كلاس وكانت مفتحه عقلها زين .. بسمه تدرس هندسه .. وبسبب ظروفها في الفترره الاخيره التهت عن الدراسه وعشان كذا انشقت اخر تقديم لها بوجهها وهذي كانت هزه لها .. ومن الحين قررت ترجع من جديد .. وبس خلصت .. كان عندهم بريك ساعتين ونص بين كلاس والثاني "

بسمه : يلا بنات انا برجع البيت انام وبرجع
ريم : لابسومه اقعدي معنا
بسمه : شبتسوون ماعندكم شي خلني اروح انام وبعدها ارجع
ريم : لابيطلعون البنات
بسمه : وين بتروحون
نوف : بنروح كاسبير
بسمه: بس مو مشتهيه
ريم: يلا بسومه لاتصيرين كئيبه
بسمه تبتسم : انا مو كئيبه
ريم تضحك : اثبتي لنا
بسمه بنظره : اوكي يلا بروح معكم بس بعطي امي خبر
ريم : اوكي يلا بالطريق خالتي ميب قايله شي
نوف : استنوا يمكن سماهر بتروح معنا
ريم: كلميها تجينا السياره
نوف: اووكي

" وبعدها كلموا سماهر وجت معهم وركبوا السياره وهم سوالف .. وراحوا كاسبير وكان زحمه وقت غدا "

بسمه يوم شافت زحمه غيرت رايها : بنات مانبي كاسبير
ريم: اقول بس مشتهيته
بسمه: أي نجي بالليل زحمه الحين
سماهر: كل المطاعم الحين زحمه وقت غدا

"بسمه حست قلبها مقبوض وبعدها ماحبت تعارض اكثر .. وبعدين نزلوا وبسمه مارتاحت جتى قعدوا وطلبوا وقعدوا يسولفون الا شوي وتشوف بسمه عبير .. استانست وهي تشوفها تتغدا مع فيصل .. اتصلت عليها "

بسمه : اووه ياحركات انتا ياكاسبير
عبير ضحكت : وينك انتي
بسمه تضحك : لفي وجهك شوي وتشوفيني
عبير لفت وجهها وعطتها غمزه : ياحركات طالعه مع البنات
بسمه : أيي
عبير : ياحركات
بسمه : زوجك اجازه
عبير تضحك : لابس عنده بريك غدا وعزمني على الغدا
بسمه :اوووووه ماقدر
عبير تضحك : شفتي شلون
بسمه شوي وتشوف فيصل لف عليها استحت : يلا يلا باي بعدين اكلمك
عبير حست : اوكي حبيبتي يلا باي
بسمه : بااي
ريم : واااااااه ياناس عقبالي يجيني واحد حتى وقت الغدا يشتاق لي
بسمه تضحك : قولي ماشاء الله لاتصكينها عين
ريم: ماشاء الله
سماهر: بس زوجها يخققق
نوف: لونه لونه خطير
بسمه تضحك : اووووهووو وبعدين معكم
ريم : ترى عندهم عيال يخققون
نوف تضحك : بسومه حبيبتي انتي
بسمه تضحك : لاتتميلحين محجوزين
سماهر: ههههه مالت
ريم : هذي المشكله
نوف: طيب مو انتي بنت خالتها
ريم: أي
نوف: طيب
ريم: لايفرق عندهم
سماهر تضحك : تخللللللللللف
بسمه تخزها: سماهر ووجع
بسمه ضحكت
سماهر: حتى هي كيووت عبير
نوف: من جددد
بسمه: الله يهنيها
نوف: يحبون بعض قبل الزواج
بسمه : لالا ماتوقع
سماهر تصرخ: ماشاااااااء الله صدق لاقالوا الحب مايجي الا بعد الزواج
بسمه تضحك
نوف: من جد شوفي شلون يناظرهااا
بسمه تضحك : اقول بكلمها تغير مكانها عنكم
نوف وسماهر: ههههههه لالا خلاص نمزح
نوف: الله يتمم عليهم

" وبكذا قعدوا يسولفون ويعلقون وريم حست ببنت خالتها وانها تغيرت صدق "

.
.
.

"اما عند عبير وفيصل "

عبير: لا ابي اروح بيتنا بقعد مع ماما والبنات مابعد يصحون واللي مابعد يرجعون
فيصل يبتسم : طاايب.. وش تبين نحلي
عبير: لالا مابي شبعانه
فيصل: افاا
عبير تبتسم: والله حدي
فيصل: اكيييد
عبير: أي اكييد
فيصل: ليتنا اخذنا دنوو
عبير: أي ياحياتي والله تقول امي انها طفشانه وماصارت تروح لسلمان كثيير
فيصل: لالا اليوم ناخذها الملاهي
عبير تبتسم : صدق
فيصل: طبعا
عبير: انت مو مشغول
فيصل يتكي : انا افضي نفسي لك ولاوامرك
عبير ابتسمت وتكت هي الثانيه : ثنكيوو فيصل
فيصل بنظره : ولووو
عبير: يلا نقوم
فيصل : اووكي يلا

" شوي وقاموا وطلعوا وراحت بعدها عبير لبيتها .. برتب كم شي بعدين بتروح بيت اهلها "

.
.

" في غرفة وصايف "

so HaPPy :

وصايف

I need you like a heart needs a beat but it's nothin new !!

هممممم

so HaPPy :

في حد يعرف اني انا وانتي نتكلم ام اس ان

I need you like a heart needs a beat but it's nothin new !!

لا بس ليييه ؟

so HaPPy :

اها كوويس .. بس قلت ماله داعي ان كل حد لازم يعرف انتي وش تسوين

I need you like a heart needs a beat but it's nothin new !!

لاماقلت لحد وبعدين انا مو رويتر اقول كل شي

so HaPPy :

هههههههه طيب ماقلت شي ليه تعصبين

I need you like a heart needs a beat but it's nothin new !!

المهم على بالي بعدكيف عيال عمي بدر ووليد

so HaPPy :

والله بخير شوي وبروح لهم


I need you like a heart needs a beat but it's nothin new !!

كوويس والله كم ساعه بينك وبينهم

so HaPPy :

ساعتين بالقطار

I need you like a heart needs a beat but it's nothin new !!

كوويس .. اجل اخليك تجهز نفسك


so HaPPy :

لالا تعالي .. انا جهزت اغراضي بس مو الحين بنمشي خل نقعد نسولف على مايجي الوقت

I need you like a heart needs a beat but it's nothin new !!

اووكي .. اجل اسمع طلال عندي وحده مخفه .. تقهرني كل تسوي انها قويه وتعرف كل شي .. عاد انا بسوي انك هاكر ومزعجني وبشوف شلون بتفكني منك

so HaPPy :

ههههههههه اوووكيه

" تحمس طلال "

I need you like a heart needs a beat but it's nothin new !!

استنى بس اقولها

" شوي وراحت وقالت لها وسوت لها انفاايت وطلال قاعد ينتظر .... اول ماقبلت الانفااايت ابتسم طلال وبعدها راح يشوف نك نيمها .. اول ماشافه انصـــــــــدم وكأن حد صب عليه مويه بارده .. وراح يتأكد يوم شاف النك نيم والديسبلاي " الصوره " .. حس انه وده يهرب ... ماكان بيده شي لان وصايف تكلمت "

I need you like a heart needs a beat but it's nothin new !!

ولكمووو قااااايز


so HaPPy :

" ساااااكت "

" وصايف شافت محد تكلم "

I need you like a heart needs a beat but it's nothin new !!

وينكمــ ..؟

" وقتها البنت توها تنتبه لانها كانت مشغوله واول مادخلت للمحادثه مانتهبت على النك نيم ولافكرت تطالعه "

S.H.A.H.O.0.D.A:

هنا هنااا

I need you like a heart needs a beat but it's nothin new !!

كيفكم ؟؟

S.H.A.H.O.0.D.A:

الحمدالله وينه هذا اللي مزعجك

I need you like a heart needs a beat but it's nothin new !!

تكلم ليش خاايف

" شهد شافت النك نيم وبعدها شافت الايميل وعلى طوووول عرفته وتشققت "

S.H.A.H.O.0.D.A:

عسى ان شاء الله هذا اللي مزعجك

so HaPPy :

نعمـ في شي؟

I need you like a heart needs a beat but it's nothin new !!

اي ياشهووده

S.H.A.H.O.0.D.A:

خليه علي وانا اوريك فيه

so HaPPy :

نعــمـ

S.H.A.H.O.0.D.A:

نعمين ... طلال ليش تزعج صديقتي صدق انك قليل ادب

" وصايف انتبهت ان نادت على اسمه معقوله يعرفون بعض ولاهي قالته بالغلط "

I need you like a heart needs a beat but it's nothin new !!

انتوا تعرفون بعض ؟

" وبسرعه ثنيهن قالوا "

so HaPPy :

لاطبعا هذا اللي ناقص

S.H.A.H.O.0.D.A:

اي هذا في حد مايعرفه .

I need you like a heart needs a beat but it's nothin new !!

نعــــــم

so HaPPy :

:@ شهــــــــد

" انفق وجهه وصايف معقوله طلال يعرف هذي الاشكال .. وهي اللي انخدعت فيه "

S.H.A.H.O.0.D.A:

نعم .. اسمع اسمع مو معناته انك رحت امريكا يعني كل شي انمسح من هنا .. اذا ماحذفت صديقتي من عندك والله لافضحك فيها

I need you like a heart needs a beat but it's nothin new !!

بس بسسسسسسسسسسس


so HaPPy :

شوفي مو انتي اللي تهددين صدق وحده ناقصه عقل

I need you like a heart needs a beat but it's nothin new !!

خلااااااااااااص


" طلعت وسكرت المحادثه ..وهي معصبه .. معقوله طلال يعرف هالبنت .. صدق انه واحد منحط وهي اللي انخدعت فيه .. كرهت نفسها اول ماعرفت ان هذي الصفه في طلال ونزلت تحت وهي متندمه وموعارفه وش تسوي من قهرها "

" شهد ماعرفت انهم يقربون لبعض وسوت نفسها قويه قدام وصايف "

" طلال بس طلعت وصايف انقهر ومسك شهد وقعد يهزئ فيها حتى طلع كل قهره فيها .. وبعدها جمع اغراضه ومشى قبل لايوصل القطار وهو منقهر .. شهد خربت كل شي خطط عليه .. ولو هو بالسعوديه كان راح لها لبيتها وحط حرته فيها ... "

.
.
.

" في بيت فيصــل "

" عبير وهي بالطريق اتصلت عليها سهر على اساس انها بتجيها من زمان ماقعدت معها و بعد وصول عبير للبيت بعدها بعشر دقايق وصلت سهر "

عبير: ياربيييييي ماصدق
سهر تضحك : شفتي شلوون مشتاقه لك ياحمااره
عبير: اي بااين
سهر: كولي تبن من عرستي وانتي ولا تليفون حتى
عبيرتناظرها بأسف: سووري سهوره واالله انشغلت
سهر: احمدي ربك انك ماخذه واحد من العايله واعرفه واعرف طبايعه وقريبه مني اوصلك بأي وقت
عبير تضحك : اي والله استني شوي
سهر تسحبها: اقول عن حركات الحريم
عبير تضحك : بس فشله
سهر: انثبري اي شي نبيه بنقوم مع بعض
عبير تضحك : طاايب

" وقعدوا يسولفون مع بعض وقعدت عبير تحكي لسهر عن سوالفها مع فيصل اللي باين حبهم بعيون عبير .. واخذتهم السوالف ونست عبير تقدم شي حق سهر غير العصير "

عبير: لحظه سهر شوي في حلويات توني شاريتها نجيبها وناكل
سهر تضحك : لسا على حركاتك
عبير : شفتي شلوون

" وطلعت عبير وبطريقها دق الجرس .. قالت للخدامه تفتح الباب "

سهر تصارخ: عبيييير ليكون زوجك
عبير تضحك : لازوجي راح اكيد اديم ولا وصايف
سهر ابتسمت : حظك يا عبير اي وقت تبينهم يجونك
" عبير راحت غرفتها وبقت سهر قاعده بالصاله تشوف التلفزيون وتنتظر اللي بتدخل"

" فتحت الخدامه الباب ورجعت "

" دخل وشافها قاعده لحالها وقرر يسوي لها سبرااايز وجاها من وراها "

" سبرااااااااااااااايز "

"سهر نشفت من هذا الرجال لفت بكل قوتها وهو انصرررررع معقوله سهر هنا "

ياسر: اسف سف اسف

"سهر مانتظرته يكمل وعلى طول ركض للمطبخ وهي تسب بعبير "

"عبير وصلت واول ماشافت ياسر ووملامحه ضحكت عرفت انه دخل على سهر"

عبير: حيالله ياسر وش هالمفاجاءه
ياسر: صراحه مفاجاءة ياعبير ماتقولين ان حد عندك ولاخدامتك هالهبله
عبير ضحكت : يالله خيرها بغيرها..وبعدين انت ماتصلت
ياسر يضحك : يقال بسويها مفاجاءه
عبير: تفضل تفضل
ياسر: لابطلع خذوا راحتكم وبعدين برجع
عبير: لالا وش دعوى

" سهر من داخل سمعت الحوار وحست انها متفشله وانها غلط على طول تحجبت وصلحت نفسها وهدتها وطلعت "

ياسر انتبه لها ورجع لورا وعبير لفت عليها

عبير فتحت عيونها : سهرررر
سهر: ماعليش وقت ثاني
عبير: سهر والله تقعدييين
سهر تخزها وبصوت واطي : يكفي الاحراج نتفاهم بعدين
عبير ضحكت: سووري سهر
سهر تخزها يعني بعدين :اوكي حصل خير يلا باي اشوفك بعدين

" سلمت عليها وطلعت وبس حس فيها ياسر وبصوت الباب طلع "

عبير تضحك : ياربيي بتذبحني
ياسر ابتسم
عبير: شخبارك وش طاري
ياسر: شفت نفسي فاضي وقلت خلني اشوف حبيبتي عبوره وشحتني
عبير تبتسم : ياحبيلك والله.. وش تشرب
ياسر: اقعدي توني متغدي وشعبان
عبير: عاد مايصير
ياسر: كويس والله صرتي حرمه سنعه
عبير تضحك : مساع سهر والحين انت
ياسر ضحك : شفتي ان حنا صادقين
عبير: والله من يومي سنعه
ياسر ضحك : اي والله

" وشوي وقعدوا ساكتين "
عبير فجأه ضحكت
ياسر شفيك
عبير: تعبير سهر يضحكني احسها بتذبحني
ياسر ابتسم : تحبينها انتي
عبير: اكيييد وش رايك
ياسر ابتسم : يعني انتي مره معها تمونين عليها
عبير: اي طبعا
ياسر:اها طيب عبير بسألك
عبير تبتسم : تفضل
ياسر نزل راسه : تشوفينها تصلح لي

" عبير فتحت عيونها وشهقت وقامت اصلا على حيلها "

ياسر رفع راسه خاف من اللي قاله

عبير: شتقول انت
ياسر : قلت شي غلط
عبير شالت يدينها وبفرحه لاتوصف: لاطبعاااااا بس صدمتني.. ياسر يعني انت تبي سهر
ياسر ابتسم: فكرت فيها من اول وكنت بقول لامي عليها بس يوم شفتها اليوم وشفتك معها قلت خلني استشيرك
عبير تشققت وركبت على الكنبه : يس يس سهر بتاخذ ياسسسسسسر كلولولولولوش
ياسر قام وسحبها وحطها جنبه : الله يرجك ماكنك حرمه متزوجه
عبير تضحك : خلني اعبر مو مصدقه وااااااااااااااااااااااه بروح اكلمهااا
ياسر : نعم نعم لالالا انتبهي
عبير: ليييييييييه بفرحها
ياسر: انا بس سألتك وياويلك يطلع الكلام برا
عبير: لييييييييه
ياسر: بعدين ماشوف انه وقته .. بس ابيك تقيسين نبضها
عبير: ولا يهمـــــــــك بس اكيد تبيك وش فيك عشان ترفضك هذا غير انها تحب الشخصيات ورجال الاعمال وانا اشوفك انت الوحيد اللي تصلح لها
ياسر يبتسم: صدق
عبير تنقز وهي بمكانه: اكيد اكييييييد ياربي وش هلاخبار الحلوه ماني قدره اصدق والله بقول لها
ياسر ضحك وخزها: ياويلك ياعبير
عبير: ياربيييييييه تدري ماتصلح لك
ياسر انصدم : لييه
عبير: سهر وحده فرفوشيه ماتحب اللي على كل شي يخزوون ويهاوشون
ياسر ضحك وضرب راسها: الحين انا كذا
عبير تضحك : اي
ياسر : طاايب شغلك قدام والله لاخلي زوجك يتفاهم معك
عبير ضحكت : امزح امزح والله انك شيخهم .. شلون بنام وانا عندي هالاخبار احس بيجيني شي لوماقلتها لحد
ياسر توهق: عبيرررر لاتخليني اندم اني قلت لك انا بس ابيك تشوفينها يعني واهم شي عندي انك تحبينها وتبينها
عبير تضحك : كني انا اللي بتزوجها
ياسر يضحك : بس يهمني اهلي يكونون مرتاحين لها
عبير تبتسم : ياحبيلك والله يابختها اللي بتاخذك والله وعسى سهر تكون من نصيبك يارب
ياسر ابتسم

" وابتسم اكبر بداخله انه قال لاخته عبير.. يمكن تساعجه او تضمنها له شوي .. عبير تسولف معه طول الوقت تبتسم وياسر سولف معها اوخذ اخبارها وطلع وهو مرتاح "

.
.
.

" في الريــــاض "

" في بيت بو مساعد "

" في غرفة ميساء "

" ميساء كانت قاعده وتتأمل في غرفتها وتفكر بحياتها الجديده .. مازالت تحس انها غير وانها جديده وانها غير مقبوله بالنسبه للعالم اللي جاته.. تذكرت ماضيها وتندمت انها ضيعتها حياتها بعيده عن ابوها .. ميساء قامت وفتحت شنطتها اللي كانت جايه هديه من كنتاكي اول ماشافتها تذكرت امها يوم كانت مسويه عشا حق صديقات امها ..وكانوا طالبين كثيرر وجت هذي الشنطه هديه معها .. فتحتها ميساء وشافت اغراضها اللي جمعتها بعد مارجعت من امريكا بعد العلاج .. ماكان فيها غير كم بنطلون واحد اخضر والثاني اخضر وواحد اسود وواحد جينز فيه دناديش بالبني .. والباقي كلها تشيرتات .. وشافت في احدى التيشيرتات جوالها نوكيا الرهيب .. كان مقفل اول ماشافته رجعت لها الذكريات اللي عاشتها مع هذا الجوال في فتره مراهقتها .. كانت دايم تخلي خدامتها معها واي اتصال يجيها ترد عليه وتعطيها اياه بس بعدين علمتها الخدامه على زر الاتصال وبعدين صارت تتحسه وعرفت مكانه .. والحين تذكرت هذيك اللحظات ودمعت عينها عليها .. وعلى خدامتها اللي خدمتها وتحملتها وهي حتى شكل ماشافتها .. كان نفسها لو تشوفها وتشكرها على كل شي سوته لها .. فتحت الجوال برقمها الموحد اللي كانت دايم تتحسسه بيدها .. ابتسمت الحين يوم شغلته .. اول مافتحته بدا صوت المسجات تشتغل ورا بعض ورا بعض... كانت عارفه من وين .. نزلت يدها وهي تتنهد على ذاك الماضي .. فتحت المسجات وبدت تسمع التسجيل .. كانت تحس في صوت المرسل الدفء والحنان والشوق .. وبعد ماسمعت اول تسجيل شافت وش كثر المسجات وبعدين شافت تاريخ اخر مسج وشافته من فتره طويله "

ميساء " هئ كالعاده .. يبين انه متعلق فيك في البدايه وبعدين يتركك وحالك حال الباقي .. اه الله فكني منه .. وش بيقولون عني لو عرفوا ماضيك ياميساء اااخ بس "

" مسحت كل المسجات وقررت تنظف جوالها بس ماعرفت وشلون قاعده تتهجى الحروف تهجي .. انقهرت من نفسها .."

ميساء" شلوون شلوون بنت بعمري ماتعرف تقرا "

" صارت تبكي على حالها .. من قهرها وبعدها مسحت دموعها وقررت تتعلم كل شي وكانت واثقه ان اهلها راح يساعدونها ... مسجت دموعها وطلعت لغرفة لميس ودقت عليها الباب ودخلت "

لميس ابتسمت : هلا ميوش
ميساء ابتسمت : هلا

" لميس رجعت تكمل الشغل اللي كانت تسويه وبعدها استوعبت لميس ان ميساء ساكته ماتكلمت "

لميس تلف على ميساء: ميووس
ميساء رفعت عينها اللي كانت منزلتها : هلا
لميس ابتسمت وفهمت انها تبي تقول شي تركت اللي بيدها وراحت لها وقعدت جنبها وحطت يدها على كتفها : بغيتي شي
ميساء: لا خلصي شغلك اول
لميس: ماعليك مني .. شعندك ؟؟
ميساء: لميس...
لميس: همم
ميساء: هممم في مجال اني اتعلم
لميس ابتسمت وبتشجيع : أي طبعاااااااا
ميساء رفعت راسها وهي مو مصدقه: من جدك
لميس: في حد مايقدر بتعلم
ميساء كشرت : بس شلون ادرس وانا كبيره
لميس: عادي حبيبي الدراسه ماتنتهي ..
ميساء: ابي لميس ابي ادرس
لميس ابتسمت : خلاص دامك تبغين تدرسين قومي نقول حق ابووي " ومسكت يدها"
ميساء وقفتها : بس وين ادرس "وبأستنكار" بالمدرسه
لميس:لاا طبعا بنجيب لك مدرسه خصوصي تعلمك كل شي .. صحيح انه ماراح تدرسك مثل المدرسه بس تعلمك الاساسيات بالدراسه واللي تفيدك بالحياه .. انتي عارفه انه فاتك كثير
ميساء ابتسمت وانبسطت لانه يكفيها : أي طييييب يلا قومي نرووح

" راحت ميساء ولميس ودخلوا على ابوهم وقالوا له ... وطبعا الابو مارفض ولا يقدر يرفض طلب مثل كذاا .. استانست لميس على الخطوه الحلوه من ميساء على الاقل انها فكرت ولاهملت نفسها .. شوي ولميس تركت ميساء على اساس تروح تكمل شغلها .. وميساء نزلت تحت وماكان فيه حد فتحت التلفزيون وقعدت تفرفر وهي مو عارفه ولامحطه "

ميساء: افففف وش احط

" كانت تمر على محطات اخبار وشوي جت محطة اغاني .. تشققت طالعت بالتلفزيون وشافت الاغنيه والتصوير واللبس وحسته شي خرافي "

ميساء: واااااو

" ميساء اول ماشافت الفيديو كليب حست انه شي خرافي ناس ترقص وتصوير واغاني ولبس غير شكل مابحياتها شافت مثلها .. شوي ويقطع اندماجها صوت الباب ولفت تناظر مين .. شافت مساعد دخل وطل على الصاله "

ميساء بأبتسامه : السلام عليكم
مساعد مارد وقرر يطلع فوق يوم ماشاف حد

ميساء " مسكين هذا كله مشغول .. الله يعينه بقوم اشوف اذا يبي شي يمكن يستحي مني "

" طلعت وراه وتوه كان بيسكر باب غرفته "
ميساء: مساعد مساعد

" مساعد لف عليها وانتبه انها جايه له .. ترك الباب مفتوح لها ودخل داخل "

ميساء دخلت بتردد : مسا مساعد
مساعد لف وعطاها نظره يعني نعم
ميساء فهمتها : بغيت شي
مساعد: لا ولو بغيت في خدامه اظني
ميساء ابتسمت على بالها مايبغى يكلف عليها : لااعادي وش دعوى
مساعد استغرب ردها ولا فهمه .. لف عليها وعقد حواجبه .. هي مافهمت نظراته بس قالت بسرعه : خلاص اذا بغيت شي انا تحت .. مع السلامه " ورمته بأبتسامه حلوه وطلعت "

مساعد " لاحول ولاقوة بالله من هالجاهله .. المشكله ميب هاينه علي .. بس مابي انصدم فيها بعدين مااابي .. خلني كذا معها واشوف اخرتها معها .. مابي المظهر الخارجي يغرني .. "
.
.
.


" في بيت بو محمد "

" في الصاله والعايله كاانت مجتمعه "

سهر تضحك : يمه لايفوتك وجه منصوور
ام محمد ضحكت
منصور بصوت لسهر: لو انه مو عيب كان قمت ارقص له
بو محمد سمعه بس مابين انه سمع وضحك
ام محمد: يالله عقبال اخووك سلطان
سلطان تجمدت ابتسامته ولا علق
سهر: لا ابعدوا عيونكم عنه خلوني اشبع منه بعدين لاتزوجت خلاص زوجووه
سلطان ضحك : بعد قلبي والله
منصور يضحك : يبيها من الله عاد هو
سلطان بنظره وبصوت واطي : انثبر انت
بو محمد : لاسلطان خله يكون نفسه بعدين يصير خير
سلطان : اي لا انا توني على هذي السوالف
ام محمد : وش توك ..
سلطان يقاطعها بأبتسامه يعني سكري الموضوع : اي انا ابي اعرس مثل منصور يوم قرب الثلاثين
سهر تضحك : ماعلينا متى العرررس
ام محمد : خلاص مدام منصور بيسافر السبت الجاي نخليها الخميس
بومحمد: خلاص على خير بكرا نروح نخطب رسمي ونتفق مع الجماعه
منصور: يسسسسسسس
لفوا عليه وهو ضحك وسهر ماتت ضحك عليه
بو محمد : خلاص اليوم روح وحلل ونوره كلمي وخليهم يحللون لغزل واطلبوه مستعجل
منصور: خلاص ولايهمك
" وبعدها كملوا اتفاقهم وبعدها بو محمد طلع وبقوا بس هم "

منصور: الحين تقومين ناخذ هديه لمنار
سلطان استغرب: ليه
منصور: مالك دخل
ام محمد : خبري انت اخذت اختها مو هي
منصور: بدونها مدري وش كان بيصير فيني
سهر تضحك : لا بالمسا نطلع
منصور: الحين تسمعين
سهر: ماالي خلق منصووور
ام محمد : الا سهر تعالي عندك شي تلبسينه
منصور طاح قلبه خاف ان هذا الشي يخرب كل شي: مو مهم وش تلبس لو ببجامتها
سهر تضحك : اي يمه عندي
ام محمد: وشو عندك
سهر: اللي اخذته من لندن
ام محمد بأستغراب: اي واااااحد
سهر: مو انا اخذت ثلاث فساتين حق زواج عبير والثانيين بس كذا اخذناهم
ام محمد : والله مدري نسيت
سهر: خلاص بوريك اياهم
منصور: دام عندك اثنين اي وحده من البنات ماعندها عطيها
سلطان ضحك : الاخ مستعجل هااه " وغمز له "
منصور يضحك : افا عليييك
سهر: طيب طيب بس يلا قومي
سهر بنرفزه : منصووور استنى خلني اتفق مع امي وش بنسووي
منصور يتنهد: وين بعد
سهر تناظره : لعرسك
منصور ينرفزها : انا مو مسوي عرس
سهر: اااخ حق حفلتك
منصور ضحك
سهر فهمته ورمته بنظره ولف على امها
ام محمد : خلينا بكرا بعد الملكه نتفاهم مع ام فواز ونتقاسمها ونبدا نجهز
سهر: اها خلاااص اووكيه
ام محمد : البنات ماكلموك
سهر: لا مابعد ماحد عرف
ام محمد تضحك : بكرا ينجون راحي يفكرون ان حنا مخططين من زمان
سهر تصحك: عادي مو قايلين شي
ام محمد: اي طيب
منصور يتأفف : وبعديييييييييييين
سلطان: وش عندك صاير مطيور اركد
منصور: يالله يحطك مثل ما انا انحطيت
سلطان: استريح محد سوا فعلك
منصور طنشه : هاه سهر نمشي
سهر: اف يلا يلا .. يمه انا بروح
سلطان حب يخرب : سهر نسيتي انك مواعدتني ن حنا نطلع نتقهوى
سهر استغربت ومنصور لف عليها وهو غمز لسهر وسهر فهمته
سهر: اوووووه سووري منصووور
منصور: ابيكم تحلفون
سهر: سوري بس سلطان وعدته قبل
منصور عصب الحين من قلب : خلااص اشبعي فيه زين " وجا بيمشي .. "
فقعت سهر ضحك ومسكته : نمزح شفييك
منصور بس استوعب انهم يلعبون فيه ضحك ومسسك رقبة سهر بيدينه ورص عليها بخفه
سهر ضحكت
منصور: بسرعه سامعه

" وراحت سهر تلبس وبعدها نزلت ومشووا .. "
.
.
.


ياليت عيني تهتني فيـك .. / ساعـه
وتحضن يديني ياحبيبـي يدينـك
بالحب ماعنـدي وربـي قناعـه
أبيك كلك بس ../ ويني و وينك !!

"في غرفة نجود وفواز "

" بهذا الوقت كانت نجود تتهاوش مع فواز بسبب غزل "

نجود: اظنك شفتني ماكلمتها ولا رديت عليها.. فواز بليز لاتخليني اقلبها عليك
فواز انصدم من كلمتها : وشو اقلبها عليك بزر معك يانجود
نجود: أي فواز لاتخليني اطلع عن طوري يكفي اختك توها مزودتها معي ولا اقدر ااكلها تبن بس تحمد ربها تعوذت من الشيطان وطلعت فوق
فواز بعصبيه حاده : ان لله وان اليه راجعون خلاص نجود لو سمحتي لاتقولين هذا الكلام قدامي .. انتي زوجتي وهم خواتي ولاقدر في حد لاتجننوني
نجود عصبت : اوووووهووو قاعد تهزأ وكأن انا الغلطانه
فواز: لا ماني جاهل عشان ماعرف من الغلطان .. بس انا قلت لك عشان مابي مشاكل زين
نجود سكتت

" وفجأه انفجرت "

نجود عصبت وكأنها رجعت نجود الاوليه : افففففففففففففف خلاااااااص خلااااص يكفي فوااااااااااااز

" فواز فتح عيونه .. نجود رمت الملابس اللي قدامها وثارت عليه "

" نجود تحس ان كل اطرافها ترتجف .. نجود من النوع اللي مايتحمل حد يرفع صوته عليها او ينرفزها او يستفزها .. مو منها .. من انخلقت وهذي الصفه فيها "

نجود : فواز انا ماتحمل حد يتنفر علي او يقعد يصارخ

" شوي وطاحت نجود على الكنبه وحطت يدها على راسها وتبكي وهي ترجف .. فواز انصدم نجود اول مره تبكي قدامه ولا رجفتها باينه على يده .. منظرها هزه .. هو ماينكر انه يعرف ان نجود عصبيه وماتتحمل بس مو لهذي الدرجه .. راح لعندها وقعد تحتها ومسك يدها يهديها "
فواز: نجود نجود اهدي

نجود بعدت يدها عنه

فواز: نجووود اهدي

" فواز قام وقعد جنبها وحضنها وهي ترجف .. "

"فواز قعد يقرا عليها ويهديها.. نجود بعد ماهدت بعدته عنه وجت تبي تقوم مسكها "

فواز مسكها وقعدها

نجود: فواز لو سمحت

فواز: نجود اقعدي وسمي بالله

"نجود بعدته بقوه وهو تركها .. راحت نجود ودخلت الحمام وانتم بكرامه وفواز قعد يحاتي "

فواز " اموت واعرف وش اللي يجيك يانجود .. فجأه كل شي يتغير .. ان لله .. انا ماتحمل وهي ماتتحمل شلون بنعيش مدرري .. ااااااااااه "

" فواز من النوع العصبي.. بس من عرف نجود تعلم يصبر والحين جت نجود اللي هي تعلاه في درجة العصبيه .. وكل منهم ينفلت وقت مايعصب ولايستوعب الكلام اللي يقوله الا ان نجود تغلبه بهذا الشي بشوي .."

" نجود بس خلصت وحست انها ارتاحت طلعت .. "

نجود: ابي اطلع
فواز: وين تبين تروحين
نجود : مع صديقتي

فواز " ماتفقنااااااااا "

نجود تناظره: فيها شي

" فواز عرف لو انه بيرفض بتنتفح مشكله جديده وخصوصا انهم ماتكلموا عن هذا الموضوع من قبل "

فواز: من هي .؟
نجود فتحت عيونها : ياسلام وش تبي فيها بعد ؟
فواز وقف وتوجه للباب وهو يتنهد : بنت مين كانت مالك طلعه معها

" وطلع بسرعه او بلاحرى هرب .. ماكان يبي يخليها تطلع ولا كان يبي يرفض ويتمشكل وخصوصا توهم متهاوشين "

" نجود بالغرفه رمت المنشفه بكل قوتها "

نجود تصرخ " اااااااااااااااااخ العن ابوها عيشه معك يافوااااااز .."

" نجود قعدت وهي تتندم انها تزوجت .. تحس بالحرقه وقعدت ساعتين تبكي وتتحسف على حياتها اللي راحت منها بكل سهوله

.
.
.
فڪرت آسيبڪ وابتعد عن دنياڪ
لڪن خالف القلب تفڪيــــري ..
ڪنت احسب اني مع والوقت بنساڪ
لقيت حبڪ متوسط في ضميري ..]~

" عند غزل "

غزل: تفضل

" فواز دخل عليها "

غزل فهمت جيته : هلا فواز
فواز: غزل
غزل: نعم
فواز : ممكن اتكلم معك
غزل: تفضل
فواز: غزل حبيبي ممكن
غزل ناظرته يعني وشو
فواز: ممكن اطلب منك طلب
غزل ابتسمت : تفضل
فواز: طلبي الوحيد.. ماقد طلبت منك طلب واتمنى انك تقبلينه
غزل ضحكت: انت تااامر
فواز: نجود
غزل تأفف ولفت راسها
فواز فهم : غزل .. عشان اخوك ياغزل عشانه
غزل لفت عليه " غزل لمحت بصوته نغمه حزن كانت عارفه انه اخوها راح يتمرمر معها لان نجود محد يطيقها " : كنت عارفه من البدايه انك ماراح ترتاح معها بس محد صدقني
فواز بنغمه : غزل
غزل سكتت
فواز: انا بغيت نجود برغبه مني
غزل قاطعته: غرك شكلها بس ماكنت تعرف داخلها
فواز عصب: غزل
غزل سكتت
فواز : هذي زوجتي واخترتها برغبتي وانا ماخترتها كذا او على قولتك مظهر خارجي بس ابيك تفهمين هذا الشي
فواز: المهم غزل .. اذا لي عندك غلا تحاشيها من اول وانا اعرف انكم مش اصلاح بس تحملي عشان اخوك وهي بتتحاشاك
غزل: ولايهمك
فواز حط يده على ركبتها : نجود اووه غزل عشان اخوك خليه يرتاح
غزل بس شافته غلط ضحكت شكلها مدوخته وابتسمت : طيب طيب ولاتزعل
فواز ابتسم : انا عارف انك ماراح تقصرين بس لازم الواحد يجي ويذل نفسه عندك يالبنات
غزل ضحكت: افا ماعاش من يذلك وبعدين انا امزح معها
فواز: أي عاد هاذي ماينمزح معها
غزل ضحكت : طيب طيب ولا يهمك
فواز: اتطمن يعني
غزل ابتسمت : تطمن .. فواز لاتفكرني اكرها والله اني احبها بس يعني خبرك لازم
فواز ضحك: عارف بس لازم هذي مابيها
غزل ضحكت : طيب طيب

" فواز باسها على راسها وطلع عنها بعد ماودعها وقعدت لحالها "

غزل رمت نفسها على ظهرها " واااااااه عسى منصور يحبني كثر مايحب فواز نجود .. افف لالاماتوقع ذا شكله غرقان فيها على ايش مادري .. اففففف ياربي والله بموت شلون انا وافقت .. والله شكه مسوي لي سحر.. بس انا اوريه .. بس ياربي شلونر ضيت اخذه وشلون قدر يغلبني .. اااخ .. كله منك يامنار حسبي الله على عدوينك .. شطلعك انتي بحياتي اففففف .. بس شلون منصور ماعاد يحبني .. معقوله يبي ياخذني بس عشان يعاقبني .. أي طبعا ماتوقع عقب اللي سويته فيه .. بس اوكيه مستعده اكمل الحرب معه .. الزواج مو نهاية الحرب .. في اشياء كثيره اقدر اسويها واذا كانت بعد الزواج .. بس ياربي هل هو صحيح ان عنده كورس و لا بس كذبه من اكاذيبه .. المشكله الفضول يذبحني واعرف هلانسان بأيش يفكر .. فجأه يحبني وفجأه يقلب على بسمه .. واذا كان يمون على بسمه معقوله مايحب ... انا وبسمه مانتقارن وخصوصا اني جاحدته شلون يفكر فيني بعد اللي سويته له .. اففففف لايكون بس مفكر ياخذني وياخذ اللي يبي ويرميني ....................

" قطع حبل افكارها صوت المسج "

" فتحته ولقت "

" اهنيك.. عرفتي شلون تلعبينها "

" فتحت غزل عيونها ......."

غزل " منصوور...... وش يقصد ...؟؟؟ اهااااااااا اوكي .. يسسسسسسسس .. اكيييد فهم اني لسا مازلت متمسكه باللعبه .. هههههههههه على باله اني استسلمت .. لالا كذا اووكيه .. اااااااه ريحتني الحين اقدر اخذ راحتي .. دام لسنا باللعبه اجل شوف وش راح يجيك يامنصوور .. كويس انه فهم انيي لساتني اتحداه مو اني استسلمت .. أي صح اكيد انها تنفهم كذا ولا اكيد هو عرف اني ماقبلت من هنا والطريق وماحد بيقول له عن منار .. يس ييس يسسسسسسسس "

.
.
.
انــا [ أحـبّـك ] وكـانـك ماتحبيـنـي
[ يموت ] خافق وتحيا داخلي فكـره .......
[ أحبّـك بصمـت ] ../ مابينـي ومابينـي
ويبقى الأمل داخلي [ عايش ] إلى بكره ....!!

" منصوووور "

" منصور قعد يضحك بعد ما ارسل المسج "

منصور" ااخ الى متى بتخبين حبك لي ياغزل لمتى .. راح امشي معك حتى تنذلين وتعترفين لي عن حبك .. انا اعترفت بما فيه الكفايه .. والحين جا دورك .. هههه اكيد على بالها اني فكرت ان قبولها تحدي ... ياحليلك ياغزل .. انا من عرفتك عنيده وماحد يهزك .. اكييد منار بس عجلتك ولا انتي بالاول وبلاخير بتوافقين .. بس ليه مانتي راضيه تعترفيين .. طيب طيب بنشووف ياغزل وين نووصل .. اااه انا بكذا عطيتها قوه انها تكمل... واصلا هذا الشي الوحيد اللي يحمسها انها توافق على كل شي حتى انها تتزوج بدون عرس .. يالبى افكاري بسس.. صدق انك ياغزل مخفه .. بس فديتها مشتاق لها زمان ماشفتها وزمان عن هوشتها .. يلا هانت يامنصور "

.
.
.
.
.

" الســاعه 9:00"

" في احدى المقاهي "

سلطان يبتسم : ماعليش يافواز تحملها
فواز: متحمل ياسلطان بس انا ماعرف متى اثور انا مستغرب للحين اني شلون تاركها
سلطان: القلب يافواز صدقني انك تحبها .. فواز اسألني عن نجود محد عاشرها كثري حتى وحنا نلعب كانت تعصب حتى لو انك تبوسها
فواز ضحك
سلطان ضحك : والله اذكر كنت العبها وجيت ببوسها قومت الدنيا علي كانت توها بدت تفهم وانا ادلعها وقامت تسبني كنها وحده كبيره
فواز ضحك وبداخله شي ثاني
فواز" المشكله انها تعلقت فيك "
سلطان : بس والله انها طيبه
فواز: أي عارف بس هي ماترضى تعترف
سلطان: غرورها مايسمح لها ترى البنات كذا.. احيانا غرورهم يوصل لدرجه انها تقولك انت مو زوجي
فواز ضحك : ادري واتوقعها من نجود
سلطان يضحك : وترى نجود يحق لها تغتر
فواز ابتسم : انثبر زوجتي ترى
سلطان ضحك: واذا
فواز: يعني احترم نفسك قدامي بالكثير يارجال
سلطان ضحك : تراها اختي مثل ماهي زوجتك
فواز: طيب طيب خلنا مني وش بتسوي مع اهلك
سلطان: اليوم حسيت اني عندي وقت افكر اكثر لانهم مستبعدين النظر عني هالفتره
فواز: انتبه ياسلطان لاتاخذ راحتك بزياده
سلطان : ابي اروح الكويت
فواز فتح عيونه : من جدك
سلطان: أي والله مشتاق لها كلمتني اليوم تبكي قطعت قلبي
فواز بقرف: ليش اخذتها ياسلطان
سلطان خزه: فواز
فواز: ماعلينا شيل الفكره من بالك
سلطان: وليه بروح الكويت
فواز: اركد ياسلطان توك راجع .. لاتسوي لك مشاكل مع اهلك
سلطان: بقول لهم بروح مع الشباب كم يوم
فواز: وين بتاخذ اجازه وانت توك مداوم صاحي انتي
سلطان يتأفف: ليه قاعد تصك الابواب بوجهي
فواز: لا مو قاعد اصك الابواب .. انا قاعد اوعيك عيش الواقع ياخي
سلطان تأفف: خلاص فواز سكر الموضوع
فواز: الله يهديك ياسلطان كان ودي احظر زواجك ياسلطان بس
سلطان لف عليه: فواز لاتزيدها علي اللي فيني يكفيني
فواز: خلها على الله كلنا واحد محد خالي من الهم بس انا خايف عليك
"سلطان سكت "

" وعلى هذي السوالف قعدوا يسولفون ويشكون لبعض محد منهم خالي من الهم والضيقه "

.
.
.
" في امريكـــا "

" وليد وطلال كانوا طالعين وعلى طول راحوا مقهى بلياردو وطلال ماكان له خلق يلعب ونفسه صاده "

وليد: طلال افا قوم
طلال: لا وليد مالي خلق
وليد استغرب: افا بس ليه
طلال: تعبان العب انت انا باخذ لي شي وبقعد

" وليد خله على راحته وراح يلعب وطلال قعد يلعب بلياردو مع قروب وكل شوي يلتفت على طلال ويشوفه سرحان .. حس ان الولد فيه شي وانه مو طبيعي .. يعني مو مبين تعب طريق ولالا شكل الولد فيه شي .. ترك اللعبه وراح لعند طلال ماتحمل يشوفه كذا "

وليد : طلال
طلال انتبه : هلا خلصت
وليد: أي خلصت
طلال: اجل سرينا
وليد : لا اقعد
طلال: وشو له
وليد: خلك يابن الحلال .. قولي وش فيك
طلال : مافيني شي
وليد : علي ياطلال .. افا لهذي الدرجه الغربه تغيرك وعلى مين على وليد
طلال ضحك: وليدوه لاتتمسكن
وليد ضحك : قولي وش فيك شكلك مو طبيعي
طلال: دونت ووري مافيني شي
وليد : مبين شوف انا ماسأل اخوي انا اسأل توأمي يعني ماتقدر تخبي زين
طلال تضحك : تكفى لاتقول
وليد ضحك : طيب يلا لاتضيع السالفه وقول
طلال يلعب بالسترو: طيب اسمعني للأخير

" طلال قاله كل شي من البدايه لانه ماقال له ولا شي .. وليد انصدم في البدايه بس بعدين كمل معه "

وليد شهق: العن شكلها بكل مكان تطلع ذي
طلال: من جد مدري وش اسوي وهذا انا وهنا مافتكيت من شرها
وليد : طيب وش تسوي وبعدين ليه ضفتها بلاساس
طلال: مدري فضول
وليد: من وين جبت ايميلها
طلال: منور عطتني ايميلها عشان اغير رقمها السري مافتح معها وعطتني اياه اسويه وجت وصايف كلمتني وكانت حاطه صورتها وانا ماقدرت على طول ضفتها
وليد ضحك وصفق: اووكي الحين فهمت
طلال ضحك : لاتفهم غلط ولا يروح بالك بعيد بس الفضول ذبحني
وليد: غريبه مع انك ماكنت تطيقها
طلال ضحك : بس يوم عرفتها صراحه شي غير وغير عن اختها
وليد: أي مو شرط والحين
طلال: مدري اخاف خذت فكره غلط عني
وليد ابتسم : دامها ماتهمك ليش ماهتم .. لاتبين لها انك خايف لاتروح وتفضحك في خلق الله
طلال: كيف
وليد: لاتبين لها انك خايف انها درت سو كنه العيد وبعدين مالها حق تعاتبك انت حر
طلال: تصدق
وليد: الا اكييد
طلال: خلاص بشووف اذا سألتني او شي بقولها اعرفها وبس وان مالها دخل من وين اعرفها
وليد: ايواا
طلال ابتسم : على قولتك
وليد: انتبه تتهور
طلال ضحك : لا لا لاتخاف

" وقعدوا يسولفون وطلال قاعد وهو محترق يبي يكلم وصايف ويبين لها قوته وانها ماتهمه "

.
.
.

" وصــايف "

" اما عند وصايف كان العكس .. عكس ماتوقع طلال .. صحيح انها انصدمت وتضايقت بس استوعبت ان مابينهم شي ليه هي مهتمه وهي من البدايه عارفه انهم مو خاليين لاهو ولا وليد عشان كذا طنشت "

وصايف " اكيد ذولا مو خالين ليش انا مهتمه وليش قاعده افكر فيهم .. ذولا مو وجهة ثقه ..بس لحظه هذي تعرف العنود .. معقوله طلال يعرف العنود بعد ؟؟؟؟؟؟؟؟؟؟؟ لالالا ياوصايف شكلك بتروحين فيها لو ان العنود تعرف ان طلال يقرب لي .. ياربيييه وش اسوي .. شلون ادري ان طلال مايعرفها ... خلني اذا كلمته بحاول اسحبه بالكلام .. بس مو الحين ماقدر اكلمه الحين اخاف انصدم لالا مابي مو الحين "

" وصايف طلعت من غرفتها بسرعه ماتبي تدخل الننت هاليومين ماتبي تنصدم اذا سألت طلال وقعدت طول الفتره تحاتي .. وش بتسوي لو كان طلال يعرف العنود"

" للتذكير: العنود صديقه وصايف اللي خانتها "

.
.
.

أنا مشتااااق


ما أقدر / على هذا البطا أصبر !!


وحشني صوتك الأعذب


وحشتني [ ضحكتك ] أكثرررررررررررر !!

" اليـــــــــوم الثـــــاني "

" وبعد صــلاة المغرب "

" العايله كلها عرفت عن هذا الخبر والكل انصدم من هذا الخبر المفاجئ .. بس الكل انبسط والكل تشقق لان هذي سنه خير عليهم .. والكل عرف عن منصور وانه مو مسوي زواج وهذا الكلام ... العايله بعد صلاة المغرب تجمععت بيت بو فواز "

" منصور ماهو قادر يصدق مابقى شي ويصير اللي يبغاه وبدون أي عوائق ان شاء الله ..ماقدر ينام.. والحين بعد صلاة المغرب بدت دقات قلبه تتسارع .. بس الحين خاف منصور انه كل شي ينقلب عليه .. خاف انه غزل تقلبها عليه وترفضه بأي سبب من الاسباب "

منصور" معقوله غزل تسويها .. أي والله عادي تقول مارتحت عادي.... كل شي تسويه "

" منصور بدا يخاف ويقلق.. هو مايظمن لحظه مع غزل .. غزل بأمكانها تقلب كل شي وهذا اللي خايف يصير.. وهذي الفكره عيشته بقلق وازمه نفسيه "

" بدت الجماعه تتجمع ووصل المليك ... الكل كان جاهز لحظتها .. بو محمد جهز كل شي والكل مستغرب ان كل شي صار بسرعه .. بس بعد مافهموا وضع منصور الكل تقبل ولا الكل كان مفكر عاجنينهاا من وراهم.. والناس ماورها الا الكلام .. بس محد كان مهتم لهم .. بعد كل اجراءات الملكه وبعد ماشهد بو محمد والرجال ووقع منصور موافقته .. وجا الوقت اللي فيه توافق غزل واللي وقتها طاح قلب منصور... ناظر بعيون الناس الكل كأنه ضامن الموافقه ولكن منصور كان يكذب عيونهم لانهم مايعرفونها كثره .. ومايعرفون نوايا غزل ... عشان كذا عاش ازمه نفسيه لمده عشر دقايق اول ما اعلنهم المليك عريس وعروسه انتعشت دقات قلب منصور والكل صار يبارك ويهنيه من كل مكان .. وحس انه شي صعب تصديقه ويحس انه قاعد يحلم .. عمره ماتخيل ان زواجهم بيصير بهذي السرعه "

" غزل .. اول ماوصلها الكتاب وقالوا لها وقعي ارتعشت والبنات كلهم صاروا يصفقون ويزغرطون كنها وافقت هي يوم شافتهم حست كنها وافقت وكنها وقعت .. وبالفعل هي لاشعوري وقعت وبعدها اخذوا الكتاب وصاروا الحريم يباركون لها والبنات يقرصون فيها وهي ميته ضحك لانهم سامعين اول وحده تقرص العروس تعرس بعدها .. خرافات وكلام ينقال هم كانوا يبون يمزحون معها ويغيرون عليها الجو وشافوها تضحك وعادي عندها بس في عقلها شي ثاني غير هذي الفرحه حست انها عروسه ... كانت طول الفتره تكذب نفسها .. اهلها كانوا موجودين .. وصديقتها المقربه كانوا موجوده والي تعرف بكل شي عن حياة غزل وعن مغامرتها مع الشخص اللي ارتبطت فيه .. "

" انحط العشا والكل راح يتعشى وغزل قفلت الباب عليها وقعدت تفكر وش بتسوي الحين بعد ماكل شي صار رسمي وواضح "

" قامت غزل وتحس كنها مفزوعه "

غزل " اااااااخ غزل شسويتي انتي .. شلون وكيف وشلون كل شي صار بسرعه .. معقوله كل شي صار بارد مبرد له .. معقووله .. شلون خليته .. شلون خليتيه ياغزل .. معقوله قدر يكسبك بسهوله .. ياالله ماصدق بقى كم يوم واروح معه بس .. بس شلون بعيش هناك معه 8 شهور لو يذبحني وربي محد حس فيني .. ياربيييييييييييييييييييييه بموووووووووت "

.
.
.
" عند الرجال"

" وقتها بدر كان يكلم منصور"

بدر: وش عليييك وش عليييييييك
منصور ضحك : شفت شلوون
بدر: انا اشهد انك خطييييير
منصور: افا عليك بس
بدر: قولي وش بتسوي بهالثمان شهور معها
منصور يضحك : لاتخاف مصدق بقعد ثمان شهور بقول لهم كنسلت الكورس انلغى أي شي
بدر يضحك : هههههههه ااخ ليت عندي ربع عقلك
منصور: أي حبيبي لازم تفكر
بدر : اااااخ الله يعين خذ وليد وطلال راح يباركون لك

"اخذ منصور وكلمهم وبعدها سكر منه "

" منصور الكل احتفل بملكتهم وانتشر الخبر بسرعه للجيران والاقارب .. وبعدها اتفقوا على كل شي الرجال اتفقوا ان الحفله بتكون الخميس والسبت يسافر منصور ..وام محمد اتفقت مع ام فواز عن الاستعدادات اللي بيسونها والحريم قرروا يساعدونهم .. "

بو محمد : وين منصور
سلطان : والله مدري
بو محمد: خذ المهر ووصله للامك تعطيه غزل
سلطان ابتسم : ان شاء الله

" اخذ سلطان الصندق الفخم اللي اختاره منصور عشان يحط مهر غزل فيه .. واخذه لعند قسم الحريم ... سلطان راح وقعد يتصل بأمه ولاترد ودق على سهر وردت عليه وقالت انها شوي وبتطلع .. راح سلطان ووقف قدام قسم الحريم ينتظر سهر تطلع .. قعد ينتظر وينتظر شوي وينفتح الباب "

سلطان: افففف مابغت

"سهر كانت طول الوقت رافعه السماعه وتكلم واول ما فتحت الباب لفت على الباب عشان تسكر وتتأكد انه محد يبين من داخل لانه كان مره زحمه "

" المهم انا طلعت بسرعه لاتتأخر ماقدر اطول برا "

" ولفت على سلطان وكان شعرها طايح على وجهها وسلطان قرب من عندها وهو يبتسم وهي رفعت شعرها بدلع على ورا ورفعت راسها "

سلطان شهق

وهي شهقت

" سهر ............ لااااا مو سهر ...............هذي كريهته اديم ........ بس هذي اديم"

"اديم طاح جوالها من يدها وسلطان وقف متصنم مكانه ماهو قادر يتكلم من جا وهذا اول موقف يصير له مع احد وبهذي الطريقه .. "

اديم تركت كل شي ودخلت بسرعه تتنفس ودمها ناشف وشافتها سهر

سهر: ديووم كنتي برا
اديم منصفق وجهها: اخوك ينتظرك
سهر ضحكت : شافك هاا
اديم هزت راسها يعني ايه
سهر حزنت يوم شافت وجهها : عادي عادي متعود على هذي المناظر "ضحكت وطلعت "
" طلعت وشافت سلطان لاف ويده على رقبته "
سهر تضحك : مع وجهك خرعت البنت
سلطان ابتسم وماله خلق: هي اللي خرعتني مع شوشتها
سهر ضحكت : لاتبالغ شعرها ناعم
سلطان: ماعلينا.. خذي هذا وانتبي عليه انا ابريت ذمتي وصليه لامي ولا لغزل مره وحده
سهر: لابعطيه سهر
سلطان: اووكي يلا عن اذنك
سهر: مع السلامه

" مشى سلطان وحس سهر لسا واقفه"

سلطان: سهر ارجعي مشاري جاي الظاهر يبي اخته
سهر ركضت على طول قبل لاتشوفه

" سلطان فهم انها تنتظر اخوها وسهر دخلت بسرعه "

سهر: مشاري برا
اديم ووجها لسا مبين انه منصفق: اوكي
سهر: ديووم عادي والله
اديم: لابس تفشلت
سهر: لاعادي ماقال شي والله
اديم ابتسمت : زيين
سهر: يلا لاتتأخرين عليه

" طلعت اديم له وطلعت سهر لغزل تعطيها مهرها "

.
.
.

" بعد منتصف الليل "

" رجعت الناس لديارها بعد هذي الاحداث اللي صارت وبسرعه.. والكل همّ الى فراشه ونام ماعدا سلطان اللي باقي واعي "

" سلطان من رجع من بعد ماشاف اديم ... اثر فيه شكلها "

سلطان " اااااخ سبحان من يكرهه لو اني ماعرف عنك كان تقبلتك بس مانتي قادره تمرين .. اموت واعرف على وشو ناويه لايكون حاطه عينها علي الاخت .. تاركة لي سلسالها يقال انه للذكرى.. للأسف ليتني اخذته معي وحطيته بيدها عشان تعرف اني مو بتاع حركاتها الورعه .. بس شعرها .. اااااخ انسى انسى سلطان عندك شيماء اللي ماتجي جمبها شي .."

" وبسرعه قبل لايتعمق بالتفكير اخذ سلطان جواله وكلم شيماء وقعد يسولف معها وبعدها نام "

.
.
.

" خلال اسبوع وثلاثة ايام "

" من ثاني يوم ملكة .. الكل بدا يشتغل والكل بدا يحجز ويرتب .. البنات بعضهم عندهم ملابس وبعضهم خذوا لهم ناعم يعني مايحتاج يدورون لان مافي وقت .. بس فساتينهم كانت كيووت .. وغزل بعدها مالقت لها فستان حلو يناسب فاظطرت تروح وتدور بالرياض ولقت واحد اعجبها ودخل مزاجها بالقووه مع انها ماتوقعت على هذي السرعه تلقى وافتكت من هم الفستان .. ومنصور طول هالفتره يحظر ويحجر الاشياء المهمه .. ويخطط لحياته اللي راح تبدا بعد فتره مو طويله .. منصور كان مره متحمس لهذيك اللحظه .. "

.
.
.

" في بيت بو فيصل "

" كانت وصايف ترتب اغراضها وفاتحه الجهاز وتاركته وشوي سمعت حد سجل دخوله .. طارت تشوف مين و يوم شافته طلال ما اعطته اي اهميه وكملت شغلها .. وانتبهت انه ماجا كلمها وحاولت تشغل نفسها عشان ماتكلمه .. وبعد خمس دقايق جا واعطاها تنبيه .. هي على طول طاارت"

" طلال مره كان متحمس.. وليد دخل الفكره براسه وبالفعل يحس مالها دخل فيه وكان ينتظرها تسأله "

Idont want your world just I wanna the half :

مرحبا

So angry don’t tuch :

مرحبا

Idont want your world just I wanna the half :

هممم كيفك؟

So angry don’t tuch :

الحمدالله وانت ؟

Idont want your world just I wanna the half :

قووود والله


" سكتت وصايف .. وطلا سكت استغرب ليه ماسألته لسا .. وقعد ينتظر تسأله بس هي ماجابت له طاري "


Idont want your world just I wanna the half :

كيف التحضير لزواج منصور

So angry don’t tuch :

الحمدالله خلصنا كل شي بوقت قياسي

Idont want your world just I wanna the half :

اهاا كوويس

" وشوي سكتوا "


Idont want your world just I wanna the half :

عسى ماشر صار لك اسبوع مادخلتي ؟

" وصايف فهمته .. اكيد فكرها انها اهتمت لموضوع شهد وقررت تغيضه "

So angry don’t tuch :

انشغلنا بتجهيزات الزواج .. بس الحمدالله انا خلصت بدري صديقتي شهد ماقصرتي

" انصدم طلال من كلمتها باين انها نغزه.. بس شلون وصايف تتكلم مع هذي الاشكال "

Idont want your world just I wanna the half :

اهاا صديقتك شهد من زماان

" وصايف تغايظه "

So angry don’t tuch :

اييييييه من ايام المدرسه

" طلال عصب وشلون تكلم هذي الاشكال "

Idont want your world just I wanna the half :

وانتي فرحانه بمعرفتك فيها

So angry don’t tuch :

ليه البنت طيووبه ماسوت لي شي

Idont want your world just I wanna the half :

والله اني الطيبه والمسكينه وينقص عليك

So angry don’t tuch :

طلال .. احترم نفسك عاد

Idont want your world just I wanna the half :

لو سمحتي خلي الاحترام على جنب.. وهذاني اقولك اياني واياك تكلمين شهد بعد اليوم

So angry don’t tuch :

هههههههههههه نعم نعم وبأي حق ان شاء الله

" طلال عصب من اسلوبها الاستفزازي "

Idont want your world just I wanna the half :

حقي ولد عمك واعرف مصلحتك

So angry don’t tuch :

ههههههه مصلحتي اقول شوف مصلحتك وين بعدين شوف مصلحة غيرك .. قال مصلحتي

" طلال عصب حده "

Idont want your world just I wanna the half :

وصايف خليني محترمك .. بسوي نفسي ماقريت شي وبرجع اقولك اياك تكلميها والا والله لاسوي شي ابد مايعجبك

So angry don’t tuch :

طلال لو سمحت .. مالك حق علي تسمع .. ماظني عاتبتك ولا حتى ناقشتك بأنك تعرفها زين ..

Idont want your world just I wanna the half :

اي حبيبتي لانه مالك حق علي

So angry don’t tuch :

هذا انت قلتها مالك حق علي ليه جاي الحين تحاججني


" طلال وصلت معه "

Idont want your world just I wanna the half :

يعني الحين مانتي قاطعه علاقتك معها

So angry don’t tuch :

لا .. وعلى مافي خيلك اركبه زين " بااااااااااااااااي "

" وسكرت كل شي بوجهه قبل لايكتب كل شي "

وصايف" على ايش شايف نفسه .. هذاني ماتدخلت فيه ماله حق علي .. هههههههه هذا وانا مالي دخل فيها شلون لو اعرفها صدق بس انا اوريه .. انا اللي بأدبك ياطلييل .. انا ادري مو ضايفنني لله يفكر اني من خايساته .. والله على اخر عمري يجيني طلال ويتحكم فيني "

" قامت وصايف وطلعت تبي تغير جو عليها بعد الحماس اللي صار وراحت لاديم وكانت اديم متوهقه مو عارفه وش تلبس "

وصايف تضحك : مابعد تقررين
اديم بعصبيه:لا
وصايف تضحك: ليه معصبه ثنينهم حلوين وش مالبستي حلو
اديم : مادري
وصايف: روقي بس ماتسوى علييك
اديم: طيب انتي وش تقولين
وصايف: انا اقوول اللي لونه جاي على بصلي مره حلوو
اديم: بس مو الاسود احلى
وصايف: دايم تلبسين هذي الالون ماقد لبستي الوان فاتحه جربي
اديم: مو هذي المشكله اخاف مايطلع علي حلو
وصايف: لابالعكس مره حلو علييك ولونك يساعد
اديم: خليه بشوف وش بقرر بعدين .. الحين جنى قاسها الفستان
وصايف تضحك : لاطلعت مع مشاري عشان توديه الخياط يوسعه زياده
اديم تضحك : حراام .. بس تستاهل قلت لها لاتاخذه قالت لا بيصير اوكييه
وصايف تضحك : وانا اقول لها لاتاكلين قالت لا بس تجي مناسبه بسوي دايت وشوي الصدفه
اديم تضحك : خليها تعيش سنها.. كل اللي بعمرها يسمنون وينحفون يعني عادي
وصايف: حتى لو مانبيها تتهور
اديم تضحك : وقصيره بعد هههههههه تجنن وربي
وصايف تضحك : كسرت خاطري مشاري حفل فيها بعدين وداها ولا طول الووقت معصبه
اديم: عساه يخلصه لها بس
وصايف: عشان كذا اخذت مشاري عشان يقنعه
اديم: والله كل شي صار بسرعه ماعرف كيف ذولا
وصايف: من جد بس انا اشوف انه احسن يتزوج وويروح قبل لاينحرف
اديم تبتسم : اي طبعا

" وصايف قعدت تسولف وتكمل حياتها وعادي "

.
.
.

" في امريكــا "

" بينما طلال كان محترق.. ولابحياته بنت كلمته بهذا الاسلوب .. شلون هاذي تجي وتستقوي عليه .. انقهر وحس انه بزر وقتها "

طلال" هين يا وصايف اجل مسويه فيها قويه وتتحدين .. طييب انا اوريك وش راح اسووي .. اما بناات اخر زمن .. "

" طلال فكر بطريقة شلون تترك وصايف شهد .. مايبي بنت عمه تنحرف مثل شهد.. وقرر ينفذها بس مو الحين "

" طبعا مثل مانتم عارفين وليد وطلال وبدر ماراح يحظرون لانهم يدرسوون .."

.
.
.

" في غرفة محمد ونجوى "

نجوى: طالع ..!!
محمد: ايه بغيتي شي..!!
نجوى تبتسم : لا بس وين رايح
محمد بنظره : بروح اجيب اغراض وصتني عليها امي حق الحفله
نجوى: اها اوكي الله معك

" طلع محمد عنها وقعدت نجوى "

" بهذا البرود كانت حياة نجوى ومحمد .. محمد نجوى ماكانت هاينه عليه بس كان يبغى يأدبها بطريقته .. اما نجوى تسب بسمه كل ماشافت هذا البرود اللي في محمد ومع ذلك محاولاتها مازالت في انها ترجعه مثل اول "

.
.
.
" اليــــــــوم اللي بعـــــــده "

" يــــوم زواج منصـــــــور وغــــــــــــــزل "

" واخيــــــر جــا يوم منصوروغزل المنتظر .. منصور... نفس حالة يوم الملكه ... ماجاه نوم يحس انه قاعد يحلم قعد يكذب نفسه .. مش معقوله مشى كل شي مثل مايبي ومع غزل ... واستغرب ان غزل صار لها فتره ساكته ومالها حس .. وش راح يكون سر سكوتها.. منصور ماغاب عنه هذا السؤال لانه يعرف ان غزل مستحيل تنكسر .. ماكان خايف منها بالعكس كان متحمس مع ايقانه ان غزل ماتحبه وحتى لو انها بينت له ولو شي بسيط انها تغار منه ..
اما غزل .. غزل كانت خايفه وامس طول الليل صياح في بيت ابوها واللكل قاعد يهديها ماتبي تتزوج .. كانت بليلتها بتقلب كل شي بس اهلها عارفين وفاهمين ان هذي حاله طبيعيه .. قعدت امها وابوها واخوها فواز الليل بكامله وهم يهدون فيها ويفهمونها الحياه الزوجيه شلون تمشي .. غزل هدت شوي .. هي ماتعرف اذا انها حبت منصور ولالا .. مع انها كذا مره اعترفت لنفسها الا انها ماهي عارفه .. وايقنت انها ماراح تعرف اذا كانت تحبه او يحبها الا اذا التقوا .. وهذا الشي حمسها انها تعرف مشاعر منصور تجاههاا .. كانت طول الليل تحلم وتتخيل وشلون راح يقابلها منصور وشلون راح يكون لقائهــم .. جهزت غزل شناطها وخلتها ويوم بيسافرون بتجي تاخذهم جهزت لها شنطه صغيره بس تاخذها معها الاوتيل .. كانت تحس بشعور حلو على شعور مخيف على حماس مو طبيعي .. مع انها كانت تقول ليه ان حظها مو مثل باقي البنات والقصص اللي تعرفهم وليه وليه .. الايام راح ترد على تساؤلات غزل "

" غزل خلصت كل شي قبل الزواج بيوم يعني اليوم ماعندها غير الكوافيره ... وبعدين ماهي حاطه ميك اب مثل ميك اب العروس اللي تطلع بالصاله وملايين العالم موجوده .. لابتكون بين اهلها وماعرفهم يعني ماكان فيه داعي تبالغ .."

" منصور نام له حول ساعتين بس .. لو عليه مانام بس النوم سلطن عليه وخلاه ينام غصبن عنه .. صحى بدري وهو مخترع خاف انه فاته شي .. وعلى طول اخذ له دش طووووووويل ... وبعدها نزل والكل كان يبارك له ومبسوطين فيه "

" الحفله كانت مقررين يسونها في ببيت بو فواز للحريم والرجال بيت بو محمد .. وبيت بو فواز مو صغير والاحلى انه مفتوح على بعض يعني راح يوسع المعازيم كلها "

" الطلبات اللي طلبوها وصلوا خلال يومين بس وكمان فستان غزل ماخلص الا اليوم الصباح ..
كل البنات راحوا يسوون شعورهم في الكوافير والهمره انقسموا كل ثنتين تقريبا عشان يخلصوون .. اما بسمه فاجابت لها وحده تسوي شعرها بالبيت ..هذا الموقف حز بخاطر سهر بس ماعلقت لانها اكيد مازالت تذكر ..وسهر كانت مع غزل بنفس الكوافيره لان منصور هو اللي بغا كذا ... والكل كان مزحوم هذي اللحظات .. غزل من صحت ضربات قلبها ماوقفت كل شوي تزداد لدرجة انها بس مجرد تشوف منصور عادي تنفجر "

" غزل كان ودها تتعرف حالة منصور الحين مبسوط ولا ايش .. "

سهر جوالها يدق تشققت : منصور
غزل صار قلبها يرقع ولفت وجهها
سهر: هلا والله وغلا بأحلى عريس بالعالم
منصور يضحك: فديتك محد حاس فيني غيرك
سهر تضحك : شخبارك الحين
منصور: ووه لاتسألين .. انتي شخبارك وشخبار زوجتي
سهر تضحك : والله الحمدالله نزقح " وحطته سبيكر "
منصور: ايه هالله هالله فيها ابيها تصير احلى وحده
غزل لفت عليها وسهر ضحكت : اكييد لاتوصي
منصور بس حس ان الصوت راح بعيد عرف انها حطت سبيكر : اي فديتك بس تكفون لاتسونها ي فرعون وتجيبونها لحالها هي فرعون
غزل شهقت وسهر فقعت ضحك
سهر: الله يفشلك حد يقول عن زوجته كذا وبليلة عرسه
منصور: انثبري مالك دخل زين يلا يلا يلا ماني فاضي " وطااااع "
غزل:اخوك سوووووقي
سهر ضحكت : هي ترى اعلم
غزل ضحكت: صدق يوم قال انثبري
سهر ضحكت : طيب كيف شعري حلوو
غزل: مره يخقق
سهر بتشكك : جد
غزل : والله يجنن شفييك
سهر : يالله بنشوف وش بيطلع

" وقعدوا يسولفون ويضيعون على نفسهم الوقت "

.
.
.
" الســــــاعه 9:30 "

" الكـــــــــــــل كان حــاظر في هذا الوقــت .. خلصوا في وقت قياااسي.. الكل حظر والمعازيم بدت تزداد .. كان كل شي مفتوح على بعض ... والبيت كبير مو صغير.. ووسع لكل المعازيم .. وبما ان الجو كان حلو فكان فيه طاولات برا .. البنات وصلوا كلهم وكانوا خالصين .. اما غزل توها بس خلصت .. منصور ازعج امه واخته كل شي يتصل يبي يشوف كيف الوضع ماشي واذا كان فيه شي ناقصهم .. الكل كان طالع حلو"

جنى : واااااي صقيقتي صايره حلوووه اليوووم
ميساء ضحكت : والله ماشاء الله عليك صاير تجنينين
جنى: ايه ادري حتى انتي

" ضحكت ميساء عليها "

" كانت ميساء ناااعمه انعم شي مسيحه شعرها ولابسه فستان طويل اسود سادا بس حلو ميساء اختارته لها .. مبين معالم جسمها اللي حلاها اكثر .. وكانت تتصرف بكل عفويه وطبيعيه ماكانت تعرف التصنع .. البنات انجنوا عليها ولميس ارتاحت يوم طلعت ميساء كذا .."

" اشتغل الدي جي وبدوا البنات يرقصون والتوزيع بكل المكان والناس مبسوطه على الحفله الراقيه والبسيطه .. جتى حان موعد نزول غزل "

" الانوار خف نورها .. والانوار توجهت عليها ... والانظار توجهت لاعلى الدرج .. وقلبها يتضارب .. ويدها ترتجف .. شغلوا لها زفـه لراشد الماجد .. وانزفت عليها ببطئ وهي تسمي على نفسها .. باين عليها الارتباك .. نزلت حبه حبه .. الكل اول ماوصلت انهبل عليها .. كانت مثال للنعومه والرقه والاناقه ... كانت بسيطه بكل شي .. بس وصلت الكل بارك لها والكل صار يصفق لها وبعد ماستقرت بمكانها .. صاروا البنات يرقصون بوجهها والحريم يسلمون عليها ... وعلى هذي الاجواء.. وصلهم خبر ان منصور ماراح يدخل على الحريم وانه بيدخل عليها لحالها وبالمره ياخذها عشان كذا اجلوا دخلته بعد ماتخف الزحمــــــــه .. ارتاحت غزل .. البنات قاموا يسولفون عليها حتى نسوها التوتر وكل هذي الاشياء "

.
.
.
.
.
.
.


" خفــــــــــت الزحمـــــــــه "

" والناس بدت تقل وتروح والوقت بدا يتأخر... وبعد ماراحوا المعازيم كلهم الابعض القرايب .. اعلنوا عن دخول منصور وابوه وفواز وابوه ..."

" غزل صارت تنتفض.. قامت تناظر الناس وهي متحمسه لدخول منصور .. حست ان كل شي صار صدق ومافي مزاح ولا مجال للهرب .. الحين منصور بيجي وبيكون سلطان عليها .. كانت تناظر تنتظرهم يدخلون تحس انها ترتجف وبس بين لها انهم خلاص الحين بيدخلون نزلت راسها على طول والمسكه بدت تخق من يدها واطرافها بدت تضعف .. "

" دخل منصور والضحكه ماهي قادره تفارق شفاهه .. اول ماطاحت عينه عليه .. بدت ابتسامته تتلاشى .. ماكان وقتها يشوف غزل ... كان يشوف وحده ثانيه .. لدرجه حس انه عادي يكون مقلب من غزل واهلها .. لان مابعمره على كثر ماصادفها شافها ملكه مثل هذا اليوم .. اول ماقرب من عندها ورفعت راسها بمستوى بسيط على ماكنت عليه وشاف عيونها تأكد انها هي.. مسك يدينها الثنتين بيده وباسها على راسها وقعد معلق يدها بيده .. كذب نفسه وقف لحظه يناظرها والعالم تناظرهم والبنات يضحكون .. مبين عليه منبهر فيها ... جنى صارت تصفر وغزل حست بهذا الشي ونزلت يدها ببطئ وفواز ضحك يوم شاف منصور وارتاح يوم حس ان اعجبته بلاه مادرى .. وبعدها سلموا عليها الرجال وثواني وطلعوا ومابقى غير منصور "

.

" طلع فواز مع الرجال ماكان يبي يقعد مع زحمه الحريم .. طلع ورفع جواله وكان يبي يكلم شوي ويصقع بوحده "

رفعت راسها وبعيون ناعسه : ياسلام
فواز عرفها وضحك : نجوود
نجود ضحكت : تستهبل يعني
فواز: وربي ماشفتك
فواز: افترض انها مو انا

" فواز ماسمع كلامه سرح فيها ونجود حست فيه "

نجود: فواز
فواز ابتسم ورفع يده ولمس طرف شعرها نجود على طول ابعدته : عيونه
نجود: فوااز .. الرجال ينتظرونك بعد
فواز : واذا
نجود ضحكت : لاتستهبل زين
فواز وقتها كان خاق عليها : طايب بس الشغل مو الحين " وغمز لها ومشى "
نجود ضحكت ومشت رجعت لهم

.
" في هذي اللحظه بدت حركات العرس المعتاده تصوير وكيكه وزحمه وشبكه وكل هذا الكلام بدا "

" وبعد مرور ســاعه وربع "

"جا الوقت اللي راح يزفون فيــه غزل ومنصــور "

" غزل حست انها ملكه مو متزوجه ؟؟ عشان كذا ماتذكرت انها من اليوم بتطلع من بيت اهلها حتى صار كل هذا الشي وتوها تستوعب .. "

غزل: لالا مابي مابي
ام فواز : غزل
غزل: يمه مابي مابي
ام فواز: عن الدلع والله مايسمع ابوك الا ويذبحك
غزل: مالي شغل مالي شغل
ام فواز تفشلت وعصبت : غزل عن حركات البزاره واشوف قدامي..
غزل خافت وبدلع: امحق اهل يطردون بنتهم بهالسهوله
ام فواز: ياغزل ياحبيبتي هدي شوي انتي بس متوتره بس زوجك ينتظرك
غزل: انا اوريكم فيه
ام فواز فتحت عيونها وضحكت

"غزل بدلع ميلت شفايفها ولبست عبايتها وسحبت مسكتها ونزلت قبل امها وهي تسحب رجولها سحب "

" نزلت والكل صار يودعها تحت ويتحرشون فيها وحسوا فيها بعدها طلعت غزل ومعاه سهر "

غزل : سهر دليني تراني مغطيه ولا اعرف مكان
سهر: خليني اغطي اللثمه لايذبحني منصور فيه عيال
غزل بعصبيه : اففف شلون بالله نشوف الطريق
سهر ضحكت وصرخت تنادي : منصووور منصووور
غزل شهقت:لالالا
سهر ضحكت

" منصور وقتها كان واقف قدام بابها ينتظرها تطلع وبس شرفت نصب نفسه والكل صار يودعه ويدعي له .. واول ماسمع سهر تنادي على طول فز وراح لعندها "

منصور: كان قعدتوا بعد
غزل" بديناااااا"
سهر تضحك : خذ زوجتك انا برجع ماني عارفه شلون امشي فيها وانا مغطيه
منصور ابتسم واخذ يدها من يد سهر ومسكها : خلاص حبيبتي ماقصرتي تصبحين على خير
غزل ارتاعت

" مشى منصور معها خطوه بخطوه وهو يتفدا خطواتها وغزل يدا بردت وصارت ترتجف حدها .. بس ركبت غزل السياره وقبل لايسكر منصور الباب .. حب يتحرش فيها "

منصور يبتسم : مصدقه نفسك " وسكر الباب "

" غزل انصدمت .. صدق انه قليل ادب بس حست بأحساس انه خاطره يتحرش فيها وانه ماقدر وهي طنشت ولا اعطته اهتمام عشان لاتتهاوش معه "

" في السياره كان هادي بس صوت اف ام .. منصور ماحب يتكلم لانه بعد مو جاهز اللي بيقوله"
.
.
.

" بعد مرور نص ساعه "

" وصلـوا الفندق .. نزلت غزل وجا منصور لعندها ومسك يدها مع انها حاولت تبعد يدها الا انه ضغط عليها وحست انها بتختنق من الغطا .. وبعد ماخلص منصور الاجراءات طلعوا فوق للغرفه .. دخلت غزل ولساتها تحس انها مو في وعيها مستغربه انها شلون للحين تحس انها مسيره وان اللي تسويه مو بعقلها "

" كشفت غزل عن وجهها وقعدت على طول على الكنبه واعطت الباب وجهها وصارت تلف نظرها على الغرفه كانت مره حلوه ورمانتك وطبعا كله اوامر من منصور"

غزل" يااي وعنده حركات بعد اما ذا يطلع رومنسي "

منصور يسوي انه يناظر بأعجاب وانه مايدري عن شي : ماشاء الله وش حلو الغرفه .. تصدقين توني ادري انهم يزينون حق ليله الزواج
غزل انصدمت يعني مو انت : ليش انت ماقلت لهم
منصور فهم وضحك بداخله : لا انا بس قلت لهم انها ليله وحده لزواج بس ما قلت لهم على هذي الحركات وانا اقول ليه سعرهم زاد لان الاسعار ماكانت كذا من اول اثاري حق ليلة العرس سعر خاص لو ادري قلت لهم بس ليله وبس
غزل انصدمت من كلامه " يعني مستخسرها فيني " :......

" غزل نزلت راسها ومنصور لف عليها "

منصور" وبعدين وش نسوي الحين " وقعد يضحك ولف عليها

منصور" اخسس من وين طلعت لك الحلاه مادري"

منصور: غزل تصدقين انك حلوه
غزل لفت عليه ومن قههرها طلعت لسانها بقهر: لاعاد توي ادري
منصور ضحك على تعابير وجهها المفاجاءه توه يمدح فيها وش اللي طلع له .. غزل استوعبت وش سوت ولفت وجهها بسرعه
منصور يضحك : سوري والله بس ماعرف هم قالوا لي اذا شفت زوجتك قولها تدرين انك حلوه وهي تنبسط
غزل انقهرت : وانت صاير مثل البزر تمشي وترردد مثل البغباء
منصور ضحك وانبسط على تفاعلها على الاقل تكلمه لانه لو ماجها بهذي الطريقه ماراح ترد عليه ابدن : هدي هدي لاتعصبين وش دعوى هذا وتوك تشوفين زوجك لاول مره
غزل لفت بقوه : ياحليلك الا مليت من مقابلك
منصور يكشخ سنونه : لااقصد وانا متزقرت كذا ومتكشخ
غزل ضحكت على حركاته ولفت وجهها قبل لايشوف ملامحها وهو انتبه لها وانبسط انها ضحكت وقرب منها : بالله عليك مو متكشخ اليوم
غزل انتبهت ولفت عليه ورمته بنظره : سلامات
منصور ضحك ووقت لفتها كاناو قريبين من بعضها لان منصور رز فيسه عندها غزل اخترعت وقامت ومنصور ضحك
غزل وهي واقفه: منصور لو سمحت
منصور يضحك ويتنهد : نعم
غزل ماعرفت وش تقول: وين شنطتي تضايقت من الطرحه
منصور يأشر على الباب: هذي هي هناك

" غزل راحت وهي متنرفزه "

غزل" امححق عرس وربي "

" غزل تحسرت على نفسها وطلعت ملابسها ودخلت الحمام وسكرته بقوه ومنصور من برا يضحك "

منصور وقف ورز نفسه " حريم ماتجي الا بالعين الحمرا "

" منصور غير ملابسه وقعد ينتظرها ويفكر وش يقولها .. اكيد الحين اذا طلعت بتعطيه ظهرها وبتنام وبدون ماتقوله شي.. فكر بشي يشغلها فيه وتعطيه وجه .. يموت فيها وهي معصبه عليه واذا تحمست .. وقعد يفكر ويفكر"

" وبعد فتره ضحك بقوه ضحكه خبيثه "

منصــور : لقيتهـــــــــاااا

الجزء الرابع عشر
الفصل الثاني


كٌنَتٍ ُمْاٍشًيِ عٍاُلَرِصَيَفٍ..
َبٌاٌوِلً أْيِاًمَ الْخُرٍيٍفَ..مَرٍ بٌيُ وَاٍحٌدْ َوقٍاِل لو سمحت ؟
وَيٌٍنً هَوُ مٍنَزٌلْ فَلاٍنَ ! قُاٍلَوُاْ فَيٍ هَذِاٌ الٌمَكِاْنُ ..
قلًتٍ مٌدِرِيٌ: أَنٍاُ ضَاِيًعٌ مْنِ زَمِانٌ !

" بعــد فتــره "

" بعد مرور فتره مو طويله حول اسبــوع .. كانت الاوضاع لساتها مستتبه .. بعد زواج منصور اللي مر عليهم بسرعه البرق .. حتى ماحسوا فيه حتى .. يحسونه غير شكل .. هدت العايله وبدا عدد البنات يقل .. وحسوا هذي الفتره مرت عليهم بغمضه عيين .. "

" الساعــه 10:30 "

" طلعت من دوامها متوجهه ناحية المستشفى عندها موعد مهم .. نتايج تحاليلها تطلع اليوم ونفسيتها من امس مو مرتاحه .. وحتى بمحاظرتها الاولى ماهي قادره تركز .. اول ماوصلت تعوذت من الشيطان وقرت على نفسها .. نزلت متوجهه ناحية الريسبشن .. وقفت وسوت دراب ان " تسجيل دخول او شي مثل كذا " راحت وقعدت مكان الانتظار .. موعدها باقي عليه ربع ساعه بس جت بدري علو وعسى يدخلونها قبل .. جلست تنتظر وجلست وقررت تقوم تغسل وجهها تحس ان وجهها منصفق ويبغى له تجديد .. دخلت الحمام وانتم بكرامه وغسلت وجهها شوي ويدق تليفونها .."

" سهر يتصل بك "

" ردت عليها وصوتها مو اوكيه "

سهر: اديم شفيك
اديم ابتسمت : مافيني شي ليه؟
سهر خافت: هاه طلعت نتايج التحاليل
اديم: لا لسا باقي مادخلت على الدكتور
سهر: اها طمنيني ان شاء الله مافيك شي بس ارجعي دقي
اديم ابتسمت: ولا يهمك المهم سهوره انا بالحمام اذا خلصت رجعت دقيت عليك
سهر: لاخلاص انا شوي وبدخل الكلاس بس انتي اول ماتطلعين من الدكتور ارسلي لي مسج طمنيني
اديم: ولا يهمــك
سهر: مع السلامه

" وسكروا من بعض "

" بعد ما اخذت انفاسها اديم من جديد شالت اغراضها وطلعت متوجهه لمكان الانتظار من جديد وهي مو على بعضها .."

" ههههههههه هاه اشوف بدينا نتراجع "

" لالا مو لهذي الدرجه "

" اديم مرت من عند دكتور ودكتوره بس تعرف هذا الصوت وتلقائي لفت وهم انتبهوا عليها لانها مرت من قدامهم ولفت عليهم فجأه .. اديم فتحت عينها .. وهو بعد فتح عينه .. وذيك حست انه في شي "

" اديم على طول لفت وكملت طريقها "

نايف: ريم عن اذنك شوي هذي وحده من الاهل
ريم ابتسمت : اوكي خذ راحتك

" وريم الثانيه كملت طريقها "

نايف: اديم اديم

" اديم حست قلبها بيطلع من ضلوعها مو وقته يا نايف اللي فيني يكفيني .. وقفت اديم بمكانها احترام له وللشي الابيض اللي لابسه "

اديم لفت عليه ومنزله راسها
نايف: السلام عليكم
اديم: وعليكم السلام هلا نايف
نايف: شخبارك وشخبار الاهل
اديم: الحمدالله
نايف ابتسم وهو يناظرها: سلامات يا اديم
اديم: لا مافي شي بس جايه اشوف نتايج تحليلي
نايف ابتسم: وليه خايفه وانتي تقولينها
اديم: هاه لالا مو خايفه ولا شي عادي " وصارت تناظر بعيد "
نايف: طيب مع اي دكتور
اديم: مع دكتور .........
نايف: خلاص انتي ارتاحي وانا بشوفه لك
اديم اخترعت و صارت عينها بعينه : لالا
نايف عقد حواجبه : ليه
اديم انتبهت: لا بس مايحتاج كلها تحيلي دم وبس
نايف حس في شي مو طبيعي : وعشان كذا مابيك تتأخرين عشان تعرفين تحليل دم بس انتي استريحي و انا بروح اشوف الدكتور
اديم: بجي معك
نايف استغرب: طيب بلاول بشوف اذا الدكتور موجود ولالا
اديم: اووكي

" مشى نايف وهو مستغرب من حالة اديم معقوله يكون فيها شي ؟؟"

" اديم مارجعت مكان الانتظار وقفت محلها تنتظر وهي خايفه .. نايف من وين طلع لها .. وماقدرت توقف اكثر وراحت وقفت ببدايه اللمر وكانت غرفة الدكتور باخر الممر .. شافته وهو يمشي متوجه له "

اديم" الله يستر بسس .. وش طلعه ذا توني كنت امدحه "

" ابتسمت وقعدت تنتظره لانه دخل وماطلع "

" ثانيتين وطلع وكان ناوي يروح يناديها بس شافهها واشر لها وهلى على طول راحت تركض واول ماوصلت "

نايف: ادخلي يقدر يشوفك الدكتور الحين
اديم تنفست الصعداء: شكرا

" وجت بتمشي وحسته وراها .. وفتحت الباب وبتسكره وراها الا هو دخل معها فتحت عيونها وهو عطاها نظره يعني مافي مفر "

" صار قلب اديم يرقع .. تركته براحته وقعدت وقعد هو بالكرسي اللي مقابل الدكتور مباشره "

الدكتور: كيفك يا اديم اليوم ؟
اديم: الحمدالله
الدكتور: يقرا بالملف
اديم بتوتر: ايوا دكتور وش صار على التحاليل
الدكتور رفع راسه : هو صحيح انه المفروض ان اليوم اعطيك النتايج بس .. ماحبينا نخبرك عنك الحين الا بعد مانتأكد منها فا ارسلنا تحاليلك لامريكا ومن هناك راح نعرف كل شي بالضبط
اديم فتحت عيونها ونايف بعد
نايف: ليش يادكتور اديم وش فيها وايش التحاليل اللي طالبينها منها
اديم بسرعه : مافي شي نايف بس انا مسويه تحاليل كامله يعني احتياط
نايف بنظره : بس ماتوقع يا اديم لان التحاليل الكامله مايسونها لاي حد فقط العجايز
اديم طاح وجهها
دكتور: دكتور نايف تطمن حنا مسوين لها تحاليل عن الكبد
اديم انصفق وجهها ونايف اخترع
الدكتور: واديم ما راح اسوي لك موعد ثاني بس النتايج راح ارسلها على ايميل الوالد
اديم اخترعت : لالالا دكتور تكفى
دكتور استغرب : كيف
نايف تلخبط : خلاص دكتور لاترسل النتايج ولا شي انا اول ماتطلع التحاليل راح اجي واستفسر عنها بنفسي .." وقرر ينهي النقاش " ويعطيك العافيه
اديم كرهت الساعه اللي شافت فيها نايف
اديم: دكتور متى تقريبا تطلع النتايج
الدكتور مستغرب من الوضع : ماقدر اعطيك وقت محدد تقريبا اسبوع وشوي ..
نايف: خلاص يادكتور انا على الاسبوع الجاي راح اجي واخذها
الدكتور: ع القوه يانايف
ابتسم نايف وطلع هو واديم

" مشوا وهم ساكتين "

نايف: اديم
اديم: نعم
نايف: ممكن اعرف ليش ماتبين النتايج توصل للوالد
اديم: كذا
نايف: وشو كذا ناوي تخبين عليهم مثلا اذا فيه شي لاسمح الله
اديم اخترعت : ان شاء الله مافيه شي ومابي اخرع ابوي على الفاضي
نايف توتر: اتمنى .. انتي الحين روحي واذا طلعت ببلغك
اديم: شكرا نايف تعبتك
نايف: لاتعب ولا شي واصلا لو ماكنت جيت ماكنت راح اعرف

" اديم سمعت الكلام ومشت ونايف تنهد "

" راح نايف الغرفه الخاصه بالموظفين وهو باله منشغل .. وش ممكن يطلع في اديم وليه خايفه هالقد وماتبي تبين لحد حتى ابوها ...."

نايف" ان لله من هالبنات .. بأيش يفكرون مادري .. يعني شلون امها تتركها تروح المستشفى لحالها تطلع قلنا اوكيه .. بس مستشفى وعلاج وتحاليل .. ومبين عليها انها خايفه .. الله يستر بس لايكوون ..."

" نايف بدا خاطره يضيق .. بدا هو يحاتي النتايج اكثر من اديم .."

" اديم اول ماطلعت حست انها مبسوطه بس ماتدري ليش رغم انها خايفه من النتايج بس بدا الخوف يقل يوم حست نايف جنبها .. وبنفس الوقت مو عارفه ليش سمحت ان نايف الوحيد اللي يدري بتحاليلها .. بس بعدين اكتشفت ان مافيه شي غير انه يشتغل هنا وراح يوصل لها كل شي .."

اديم " بس مين هذي اللي معه واقفه وتسولف .. ولا منقبه مسويه فيها شريفه مكه وهي تسولف مع الرجال .. استغفر الله ناس متخلفه ..اوووه انا وش ابي افيهم اف "

.
.
.

" يـــــــــاسر "

" كان ياسر وقتها قاعد مع المحامي حق الشركه "

المحامي : ياسر الله يهديك ماكان هذا اتفاقنا اول
ياسر حس انه تعب تنهد : استغفر الله خلاص خلاص بوخالد خلنا نتكلم عن هذا الموضوع وقت ثاني
المحامي: من بدينا وانا حاسك مو على بعضك.. " وجمع اوراقه ووقف " اذن راح يكون بينا اجتماع ثاني
ياسر: على خير

" وبعد ماخلص قام "

" ياسر تنهد .. من دخل وهو مو على بعضه مو قاعد يجمع افكاره.. سند ظهره على الكرسي "

ياسر" استغفر الله استغفر الله .. ياسر وش صار فيك .. لايكون بديت تصير مراهق على اخر عمرك .. يالله وش اللي صابك بلحظه .. ماتوقعت اني بيوم بوصل لهذي الحاله .. عمري ماخلطت بين الشغل وبين حياتي الخاصه .. شلون بدت حياتي تدخل بالشغل .. ان لله وان اليه راجعون.. "

" عبيــر يتصل بك "

" ضحك ياسر يوم شاف اتصالها صار لها يومين وتدقدق عليه "

ياسر: السلام عليكم
عبير: هلا والله وغلاااا
ياسر ابتسم : هلا فيك
عبير: شخبارك ؟ مشغول
ياسر: الحمدالله لالا فاضي شعندك
عبير ابتسمت : طفشانه وقلت بسولف معك
ياسر وقف : عبييير علي انا من متى ..!!
عبير ضحكت : من متى .. من اليوم ورايح
ياسر ضحك وفهمها : تدرين
عبير: وشو
ياسر: غلطت يوم اني قلت لك
عبير ضحكت : افا ليه يا ياسر
ياسر: حبيبتي انا مافكر الحين بالزواج ..
عبير تقاطعه: بس بس بس بس مدري متى بتفكر.. ترى مابقى شي وتكمل الثلاثين
ياسر: اووه عبيرر بدينا
عبير تضحك : امزح بس بعدين بيصير محد يبيك
ياسر: لاحول الله عبير والله لو ماتسكرين ذا الموضوع بخلي زوجك يأدبك
عبير تضحك : اقول بس
ياسريضحك : حشا ماصارت غطيتي على امي
عبير تضحك : والله خايفه تطير من يدك
ياسر: الله يهنيها ماني مستعجل
عبير: اوووه لاحول شوف انت غير عسهر ماراح تاخذ سامع
ياسر ضحك : اف اف عندك قوه وتطلعينها علي روحي لزوجك وفرغيها فيه
عبير ضحكت: وه بس
ياسر يضحك: يابنت
عبير ضحكت: امزح امزح
ياسر ضحك عليها

" شوي ويطق باب ياسر وكان السكرتير اشر له يدخل "

ياسر: خلاص اتصل عليكم بعدين
عبير فهمت: خلاص اخليك ماعطلك

" وسكرت منه .. وهو بعد ماسكر منه يحس البسمه ماهي قادره تفارقه "

.
.
.

" عند بوابه مدرسه جنى "

" طلعت جنى تركض وبسرعه ركبت السياره "

جنى تضحك : تدرين ماصدقت يوم قالوا لي استئذان
وصايف تضحك : احم شفتي شلون
جنى: وقسم بالله اخترعت قلت اول شي وش صاير موعد ماعندي موعد وش صاير ليه مستئذنين لي .. واخترعت بس يوم شفتك تشققت
وصايف: اوريك الواسطات بس
جنى تضحك: اقول بس لو ماالسواق ماكن طلعت
وصايف تشهق: شو الحماره
جنى تضحك: طيب شعندك مطلعتني
وصايف: قلت نروح نفطر ولا ماتبين
جنى تضحك : هاهاي ومن قال مابي جبتي بس شنطتي
وصايف: وفيك حيل بعد طالعه وتبين شنطه لا بس جبت جوالك ونظارتك خذي
جنى: اي اوكي ماعليش.. معناتها انتي تباشرين علي
وصايف تضحك : هذا اللي همك كله فطور
جنى تضحك: طيب درينا بنفطر بس ويين
وصايف: نروح الراشد
جنى: لا نروح بيتي فرانس
وصايف: هممم اووكي يلا

" قالوا للسواق وتوجهوا لبيتي فرانسس "

" واول ماجوا ينزلون كان يسولفون ويضحكون مبسوطين .. وجنى تحس انها طايره .."

وصايف: امسكي عبايتك لاتطير
جنى مسكت عبايتهل ورفعت راسها وشهقت
وصايف لف عليها : شفيك
جنى تخبي وجهها: اخوي مشاري
وصايف تضحك : احلفي وينه
جنى: ماقدر الف بيشوفني لفي لفي

" وصايف "

"طاح قلبهم.. والتقوا عند بوابه بيتي فرانس"
مشاري: وصايف
وصايف اخترعت: نعم
مشاري لف على جنى: ياسلام
وصايف : شفيك
مشاري: ماعندك مدرسه انتي
وصايف سوت نفسها انهم تكلموا بنفس الوقت: اوه مشاري شعندك هنا.. ماعندك شغل
ضحك مشاري ووصايف بعد
جنى تضحك : 1/1
وصايف: لالا 1/0 لان حنا اهلنا عندهم خبر
مشاري يسوي معصب: وانا مهرب مع وجهك
وصايف تضحك : بس الحين وقت الغدا خلص
مشاري: اقول اقلبي وجهك عني بس
جنى طول الوقت ساكته عشان لاتتهزأ
جنى اول ماراح ضحكت: والله وعرفتي تسكتينه
وصايف تضحك : اعجبك

" ودخلوا "

جنى: عاد تدرين اليوم مراقبتنا غايبه وانواع الحماس
وصايف: اي اذكرها اف ماتخلي حد يطلع
جنى : اي من بالموت توافق

" وبعدها قعدوا وطلبوا وجنى تسولف ومبسوطه ومريولها كان مبين من تحت .. شوي ويدخلون ثنتين رفعت جنى عينها وغصت بالعصير .. البنت ضحكت .. وصايف اخترعت .. ولفت تناظر وضحكت "

البنت جت ووقفت : جنى
جنى قعدت تنظف نفسها ووصايف تضحك
البنت تبتسم : هييين ياجنى تستأذنين عشان تطلعين
جنى تضحك : محد احسن من احد
البنت : يابنت انا مدرستك
جنى تضحك وبصوت واطي: في المدرسه بس

" مراقبتها وقتها دخلت مع اختها والتقوا مع بعض"

وصايف تضحك : لالا بس وصايف كان عندها موعد رحناه وبعدها جينا هنا "

المراقبه: مره ثانيه تروح الوعد وترجع المدرسه
جنى: ان شاء الله

" ابتسمت ومشت "

" وصايف ضحكت "

جنى: يلعن ام النشبه
وصايف تضحك : من جد جنيه
جنى: اففف ياربي الحين بتنشب قومي قومي نقوم
وصايف: اقول بس شافتك خلاص .. مو لو رايحين الراشد
جنى: غبيه شسوي

وصايف ضحكت

" وقعدت تسولف وصايف وجنى تحاتي من يوم ورايح ماراح تقدر تستأذن افففف "

.
.
.

.....يآگثر حبي : لگ ويآگثر مآ آغليگ
ويآگثر مآلگ في ضميري {معزهـ !

آنسى حيآتي بس مآني بنآسيگ
حبگ بوسط آلقلب محدن{ يهزهـ !

آموت وآحيآ گل مآحل طآريگ
يآهني قلبي دآم قلبگ {يعزهـ !

سلطــان : حبيبي والله توك على بالي
شيماء بدلع: اي واااضح
سلطان :هههههه فديتك والله وحشتييينيي بمووت من كثر شوقي لك
شيماء سكتت
سلطان صلح جلسته : شيووم
شيماء بهمس: همم
سلطان: شفيك في شي صاير
شيماء: سلطان انت لازم تييي الكويت
سلطان فتح عيونه : عسى ماشر
شيماء: ياخي تولهت عليك بس انت ماتولهت علي
سلطان ضحك: من قال من قااال
شيماء حست بنغمته انه مافي امل : بس ياسلطان
سلطان: شيماء انا حاس عندك شي وش عندك
شيماء : انا حــــامل
سلطان وقف : ايششششششششششش
شيماء انصدمت من ردة فعله :......
سلطان: شيماء انتي وش تقولين
شيماء: ليش انته مو فرحان
سلطان حس بهستيريا : الا الا بس فاجئتيني بس كم صار لك
شيماء: شهرين
سلطان : وتوك تنتبهين
شيماء: لا كنت شاكه بس ماحبيت اأملك وبلاخير يطلع مافي شي
سلطان: اوكي اوكي فهمت شيماء الحين انا مشغول بس يخلص الشغل اللي عندي برجع اتصل اوكي يلا باي

" سلطان سكــــت وهو منصدم .. شلون مانتبه على نفسه .. وكيف ماحس على نفسه يوم كان معها .. حس ان نهايته قربه .. كان مأجل كل شي والحين كل شي بدا ينقلب فوقه .. حس راسه مصدع .. دق على فواز وطلعه من شغله .."

" في السياره تحت "

فواز: شفيك سلطان
سلطان: مو هنا قوم معي خلني اطلع من هالمكان
فواز: شصاير خوفتني
سلطان: بتعرف كل شي " وجا بيحرك السياره "
فواز: هي هي وقف لاتحرك .. انت قول لي وين بتروح وانا بلحقك بسيارتي
سلطان : بس انا مابي اروح مكان ابي امشي بالسياره
فواز تنهد : لا لازم نقعد بمكان وقول اللي تبيه
سلطان : طيب خلنا نروح ستاربكس الكورنيش
فواز: خلاص روح وبلحقك

" فواز نزل وراح سيارته وشاف ان الساعه قريب الثلاث وهو مواعد زوجته الغدا اليوم .. والحين سلطان طلع له وش بيسوي معه بتفضحه وهو ثاني مره يتعذر .. فواز الثاني تلخبطت افكاره .. مسك الجوال ودق عليها "

نجود بفرحه : يلا اطلع
فواز سكت : نجود
نجود سمعت نغمته وحست فيه شي : نعم
فواز: سوري بس انا مشغول شوي
نجود: اي بس حنا اتفقنا نطلع 3 ونص بعد دوامك خلص كل شي واطلع
فواز: لا حبيبتي انا عندي شغله مهمه
نجود بعصبيه: اهاا فهمت .. كنت حاسه انت واحد ماينوخذ منك كلمه باي

"فواز غمض عيونه يوم سمع كلامها وبلعها وحرك سيارته .. نجود بيقدر فيها بعدين بس خله يشوف سلطان الحين ولحقه "
.
.
.
" أضحك "
وانا أصلاً من الضيق
........ مخنوق !
أسمع .. أجامل .. أبتسم رُغم حزني !
كل يوم اقول
ان الليالي تبي تروق .. ؟
كل يوم اجهّز للمَطَرْ
............جيش مُزني . !


" بهذا الوقت كانت بسمه من رجعت من الجامعه وهي بالمرسم مانامت .. فصارت ترسم وهي مو عارفه وش تبي توصل له بالضبط ..ويوم حست انها تعبت من افكارها المشوشه نزلت الفرشاء وقعدت وهي تاخذ انفاسها "

بسمه " يابسمه الى وين تبين توصلين ... اااه تعبت .. مو الحين محمد وافتكينا منه وش باقي يابسمه بعد تفكرين فيه .. ماكنت اتوقع اني نكديه .. ليه ماحس اني مثل البنات .. خلاص محمد وحب مراهقه افهمي يابسمه .. ولا وحده عاقل تسوي مثلي افففف"

" قامت وهي كارهه نفسها تركت المرسم .. صارت تحس نفسها نكديه بس تكون موجوده بالمرسم..طلعت منه وسرت الباب بقوه وراها .. وماعرفت وش تسوي بعدها .."

بسمه : ماما
ام نايف: هلا
بسمه: قومي نطلع
ام نايف عقدت حواجبها وين نروح كل شي مسكر
بسمه: يمه اي مكان ولا تدرين قومي نقص شعري
شهقت ام بسمه : صاحيه انتي
بسمه : اي يمه خلاص قرفت منه
ام نايف: لا انتي استخفيتي
بسمه: يمه لو سمحتي ترى بروح لحالي وبقص
ام نايف صاحيه انتي .. اقصه لك وزوجك مابعد يشوفه
بسمه:ي مه لو سمحتي عن كلام الجاهليه
ام نايف: الحين انا كلامي صار جاهلي
بسمه تضحك : امزح بس وش دخل زوجي وهذا هو توه مابعد يجي قومي الله يهديك قومي
ام نايف: الى وين بتقصينه
بسمه تبتسم : ماراح اقصره مره بس بطرفه
ام نايف: تعالي انا اطرفه لك
بسمه تضحك: لاوالله قومي بس قومي
ام نايف: خذي نجلا والله انا مافيني حيل
بسمه: يمه ترى بروح لحالي
ام نايف: صاحيه اخليك تروحين لحالك عشان تجين ولد
بسمه تضحك: افا وش دعوى
ام نايف: خلاص كلمي اختك نجلا
بسمه: بقول لسهر تروح معي ااذا فاضيه اذا مو فاضيه بروح لحالي نجلا الحين زوجها يوصل

" دقت بسمه على سهر وماردت عليها "

بسمه: ماترد شفتي
ام نايف: اكييد نايمه بعدين روحي معها باليل ماهي مخالفه
بسمه: بس انا اب ياطلع الحين
ام نايف: ان لله وان اليه راجعون
بسمه تضحك: طيب طيب خلااص بروح انثبر انام
" وراحت ورجعت"
بسمه: نايف وينه .؟
ام نايف: نظر عيني مابعد يجي
بسمه: اهاا

" وطلعت راحت وانسدحت .. تبي تنام ماهي قادره .. وش صاير فيك يابسمه ماتدري "

.
.
.

شسوُلف عنّك !!
أقول إنّك وأقول إنّك وأقول إنّك وأقول إنّك
أقول إنّك وأقول إنّك وأقول إنّك وأقول إنّك
أقول إنّك وأقول إنّك وأقول إنّك وأقول إنّك
أقول إنّك وأقول إنّك وأقول إنّك وأقول إنّك
عسَاني ماأنحرم منّك

" في بيت فيصل"

" كانت وصايف وجنى عند جايين عند عبير وقالوا بيتغدون مع عبير وعبير وقتها تنتظر فيصل .. جنى ووصايف هالوقت بالصاله وعبير بالمطبخ مع الخدامه تجهز اخر الاشياء .."

" دخل عليها فيصل من المطبخ الخارجي وكانت عطيته ظهرها جا من وراها واشر للخدامه تطلع وطلعت الخدامه وبقت هي "

عبير :

Celnia bring the ice

" واستغربت عبير انه ماردت عليها وجت بتلف وكان فيصل على طول بوجهها ينتظرها تلف لانه عارف انها بتلف.. عبير صرخت .. قام ضمها على طول "

عبير تضربه : زين كذا زين
فيصل يضحك : امزح حبيبي
عبير: يلا مناك

" وبعدت عنه ولفت وهو مسكها من خصرها وحط وجهه على كتفها "

فيصل يتمايل معها : حبيبي

" يووووه ماصارت"

جنى تشهق

فيصل اخترع ولف بسرعه
فيصل: انتي شلون تدخلين بدون ماتدقين جرس
جنى تضحك : انا ولا انت يالحرامي
عبير تضحك: فيصل كانوا عندي
فيصل: ياسلام وماتقولين
جنى تضحك : حرام عاجبها الوضع
عبير اشهقت وحمر وجهها وفيصل ضحك
جنى: عاد كيفك ضيقنا عليك ولا ماضيقنا انت تشوفها كل يوم وكل يوم تتغدا معها بس حنا طفشنا من غدا هناك وجينا ناكل هنا
فيصل: مين حنا
جنى تضحك : انا ووصايف
فيصل: اها لاعادي حياكم الله
جنى تضحك وبصوت واطي : اي مبين من ورا قلبك بس يلا لنا الله
فيصل ضحك
عبير: بسرعه غير ملابسك وانزل
فيصل: على امرك

" وطلع عنهم وجنى وراه سلم على وصايف بطريقه وطلع فوق .. ونزل وهم على الطاوله ينتظرونه "

فيصل: اووه كان تغديتو
جنى: تقول عبير لازم نتظرك لو انك ابوي على غفله
وصايف تخزها : جنى ووجع
فيصل ضحك: بس يابنت لسانك ابد مايفلت
جنى تضحك
فيصل: بسم الله

" وبدوا ياكلون "

فيصل: عاد كنت ناوي اخذ لي دش على السريع
جنى تضحك: فيك خير
فيصل ضحك : والله اموت واعرف لسانك على مين طالع
عبير: هههه لا بس الحين ولا نسيت لسان وصايف اول مثلها
وصايف: اف اف اسم الله علي مو مثلها
عبير تضحك: اي هي زياده عنك شوي بس كنتي تاكلينا من نقولك شي
فيصل ضحك: اجل اديم وينها
عبير: رجعت اليوم بدري وكانت تعبانه ونامت
فيصل: اها مانقصتنا الا هي
ابتسمت عبير ووصايف وجنى مافرقت معها

" فيصل حس بالراحه .. عرف من يختار وحس انه راح يكون متطمن على علاقته مع عبير طول حياته .. مع انه لسا ماواجه معها ولا مشكله ..حمد ربه على هذا الشي "

.
.
.
" في ستاربكس "

" كانوا قاعدين في القعدات الي برا"

فواز: انت لازم تروح لها
سلطان: وش اقول لابوي بيقول شعندك بالكويت
فواز: قوله الشباب ناوين يروحون وبعدين فيه لونق وييكند روح شوفها وتأكد وتعال ... لايكون مسويه كا عشان تروح لها ولا تعلقك فيها ..سلطان الوقت يمشي وانت واقف .. لاتستغرب بكرا اذا جاتك لمكانك
سلطان : يافواز والله انك ماتحس لو قلت لاهلي الحين بتقوم القيامه علي وهذا هو توهم زافين عروسين وكلهم اعرسوا بالطريقه المعروفه الا انا وش بيقولون عني اااه بموت وانا قاعد اناظر
فواز : اسمح لو انك رجال ماسويتها من البدايه
سلطان عصب: فواز بدينا نغلط
فواز: اعذرني ياسلطان بس خلاص ماعدت استحمل انت انسان بارد تسوي كل شي ولاتفكر بعواقبه .. تزوجت من دون علم اهلك اوكي وغير كذا ماحاسبت نفسك وخليتها تجيب منك ولد افف وقسم بالله حاله مع انك وعدت نفسك انك ماراح تجيب الا بعد ما تعترف لاهلك .. وش تاليتها معك
سلطان عصب: فواز لاتزيدها علي اللي فيني يكفيني

" وطلع وولع السيجاره وبدا يمز منها "

فواز: ولا بعد رجعت للتدخين
سلطان رماه بنظره بعدين وخر عينه عشان لايذبحه
فواز رجع يشرب من الكوفي حقه يبي يهدي نفسه
فواز: كنت مواعد زوجتي اليوم بس ما الله كتب
سلطان عصب زياده: يعني عطلتك شكرا قوم تقدر تروح
فواز انصدم واستغرب من ردة فعله : نعم .. " ووقف " شكرا سلطان " وقرر يمشي
سلطان وقف ومسكه : فواز
فواز بعد يده :نعم
سلطان: اجلس
فواز: سلطان انت بحاله حتى انا مانت قادر تسمع مني كلمه ومابي اسمع كلام يجرح اكثر .. وهذا اللي مرافقه عشان اشاركه همومي .. سمعت منك همك فيها شي لو سمعت همي ..مع انك تدري بعلاقتي معها وش ممكن يجي لي من وراها " ومشى "

" تنهدت سلطان وقعد وكأنه رمى كل همه على هالكرسي المسكين "

سلطان " وش فيك ياسلطان.. ماقمت تميز بين الصح والغلط .. مسكين فواز جرحته .. انا بس فكرته يبي يمن علي عشانه جاي لي... ان لله وان اليه راجعون والحل الحين .."

.
.
.

" فـــواز "

" فواز ركب سيارته وهو مو عارف وين يروح اعتذر من زوجته عشان يجي لسلطان والحين تخاصم مع سلطان ومشى عنه وين يروح الحين لانه لو راح لزوجته بتقوم هوشه ثانيه "

" بلحظه فواز حس الدنيا فوق راسه.. صار بس يسمع ولا احد قاعد يسمع له .. حس انه بيطلع من طوره .. تعوذ من الشيطان وقرر يرجع البيت ويحط راسه وينام يحس الدنيا فوق راسه .."

" دخل البيت وطلع فوق بدون يسلم او ينطق بكلمه اصلا مايعرف اذا فيه حد موجود ولالا .. اول مافتح الغرفه ارتاح يوم ماشاف نجود .. شال الجزمه وانتم بكرامه وغطس داخل الفراش ..شوي وسمع باب الحمام يفتح غمض عيونه زياده معناتها هي هنا .. نجود اخترعت يوم شافت الفراش بس ارتاحت يوم شافت جزمته "

نجود : فواز

" فواز مارد علها .. نجود عرفت انه مطنشها وانه مو معقوله بينام بهالسرعه "

" راحت جنبه وقعدت على الطرف "

حطت يدها على راسه: فواز

" فواز استغرب هذي الحركه منها وفتح عيونه "

" نجود قعدت تناظر فيه "

نجود: فواز وش فيك..!!
فواز بصوت واطي: تعباان
نجود ابتسمت : ماتشوف شر
فواز ابتسم لها لاشعوري مستغرب ان نجود بتسوي معه كذا

" نجود قرت التعب والعذاب بعيون فواز "

نجود تدلك راسه : فواز انا اسفه بس مو قصدي لاتزعل مني
فواز قام : يعني انتي مو زعلانه
نجود: لا اذا ماطلعنا الحين بنطلع بعدين مو

" فواز لاشعوري حضنها حس انه نص الهم او كله انزاح .."

فواز: فدييييتك ياروحي
نجود ضحكت
فواز: بعدها وناظر فيها: اوعدك اليوم بعشا ولا صار
نجود ابتسمت : اي لاتفكر راحت من الغدا بتروح من العشا
فواز ضحك: ولايهمك

" نجود لاحظت التغير المفاجئ في فواز وقامت وهو مسكها "

نجود: بخليك ترتاح عشان تروق لليل
فواز: نجود
نجود رمشت عبينها
فواز: والله احبــك

"نجود ابتسمت وحطت يدها على يده وبعدها وخرت عنه وسكرت الانوار وطلعت.. وقعدت بالصاله .. معقوله فواز يحبها هالكثر وانها تأثر بحالته النفسيه .. بس حتى هي صارت تحبه بس ماهي قادره تعترف "

" فواز حس انها تحبه وتحس فيه.. لو ماكانت كذا ما كان تصرفت معه كذا "

.
.
.
" في الكويت "

ام شيماء : ها بيي ؟
شيماء: مادري يايمه مادري اصلا هونت مابيه ييي
ام شيماء: هو ليش ؟
شيماء: بيذبحني ان درى اني اجذب عليه
ام شيماء: انا قلتلتج من البدايه
شيماء: ياربييييه خلاص بكلمه بقوله لاتيي
ام شيماء: لا خليه يي وبعدين انتي حتى لو يا الكويت كملي جذببتج
شيماء: من صجج
ام شيماء: اكيد من صجي
شيماء: يمه بيذبحني لو عرف اني جذابه وبطيح من عينه
ام شيماء: والله انتي براحتج هو شرح لج من البدايه موقفه مع اهله وشلون نظامهم يمشي تبينه يتمسك فيج كملي جذبه الولد
شيماء: قولج
ام شيماء: اذا تبينه ومتحمله اللي بييج منه وبعدين اذا هو صج يحبج ماراح يسوي لج شي اذا عرف انج جذبتي عشان تعلقينه فيج
شيماء تفكر والفكره دخلت في راسها بقوووه
شيماء: فديت روحج انا
ام شيماء ضحكت : انزين قومي عمتج مضاوي عازمتنا الغدا
شيماء: حليمه هناك
ام شيماء: اي ايل وين بتكون فيه
شيماء : انزين يلا بقوم البس

" وقامت شيماء وهي تحس انها احلى شي سوته بحياته "

.
.
.

"الساعه 8:30 مساءا "

" في بيت بو محمد "

محمد : على وين على وين
سهر ابتسمت : بطلع..!
محمد: وين رايحه ؟
سهر: رايحه مع بسمه بتقص شعرها
محمد انصدم : ليه ؟
سهر تضحك : وشو ليه بعد
محمد انتبه على نفسه : انا ما اأيد البنت اللي تقص شعرها قبل لاتتزوج وانتي انتبهي تقصين شعرك انتي الثانيه انحرك
سهر تضحك : اي طيب لمن اكون زوجتك تحكم بشعري
محمد ضحك : بس من جد سهر مو حلو شعرك قصير
سهر تضحك : ماني قاصته بس بروح معها
محمد: اها اووكي اجل انتبهي على نفسك
سهر لفت على نجوى: تبين شي ..!
نجوى ابتسمت : لا سلامتك .
سهر: سي يوو

" نجوى لاحظت التغير اللي بوجه محمد يوم عرف ان بسمه بتقص شعرها .. الكل يعرف ان بسمه شعرها حلوو .. "

نجوى " اكيد شايف شعرها ولا ليش اخترع كذا "

" محمد بنفس الوقت كان يفكر ليه بسمه قررت تقص شعرها وهو اكثر شي جذبه فيها .. كان شي عجيب بالنسبه له شعرها انصدم يوم عرف انها بتقصه وبنفس الوقت ماله حق يمنعها ولا كان ينكر نظرات نجوى له بعد ردة فعله الغريبه بس هو تدارك الوضع وسوى نفسه مو مهتم"

محمد لف على نجوى وحط يده على بطنها : متى بيطلع
نجوى ابتسمت : لسا مطول
محمد بحنان : اتعبك ..؟
نجوى: بالمره
محمد : انا اوريه خليه بس يطلع
نجوى ابتسمت
محمد: جاي على بالك نطلع نتعشا
نجوى : هممم مادري وين نروح
محمد: نروح جندولا مطعم رهيب وجلسته حلوه هاه
نجوى: هممم اووكي يلا
محمد: يلا قومي تجهزي
نجوى: اوكي

"ابتسمت نجوى وقامت"

" محمد مع انه كان ناوي يأدبها الا انه حزن عليها وعلى حالتها مع الحمل .. فقاعد يغير لها جو بأي طريقه "

.
.
.

وشْ يرضيِك ؟
إذاا قِلت إني أترَجَّاك .. وأستَجديِك !
إذاا قِمت احلِف اني .. موُ أحِبك بَسْ ..
أنَاا والله مَيِّت فِيك !
وشْ يرضيِك ؟
إذاا قِمت أتكلّم عَنْ غيَابِك? مِنْ قهَر ?..
إلين مَاا أبكِيك !
وشْ يرضيِك بَسْ ..
وشْ يرضيِك ؟

" في بــاريس"

" غزل ومنصور .. قبل لايروحون فيينا قعدوا في باريس كم يووم .. والوضع ابد مايطمن عندهم "

منصور: مو قاعد استشيرك..!!
غزل: وشو مانت قاعد تستشيرني
منصور: بكل بساطه ايه
غزل : افف
منصور: ياحلوه مو جايبه عشانك جايبه عشان كلام الناس
غزل رفعت حاجب: وش دخل الناس
منصور: اقصد اهلي عشان لايقولون اني مو مقصر معك
غزل: لا لاتخاف حنا مطولين هنا اذا قربت رجعتنا بناخذ لاتتحمس
منصور انقهر
غزل: وبعدين اذا بتاخذ اي شي خذني معك لان مبين ذوقك ابد مو اوكيه
منصور بغرور : من زينك وزين لبسك ياللحجيه
غزل: انا لحجيه اسمع من يتكلم
منصور يضحك عشان يقهرها : انا من شفت " ويغمز " وانا غاسل يدي
غزل انقهرت : هذا مو انا اللي شاريته
منصور يضحك: مشكلتك يوم انك تلبسين شي موستايلك " وطلع وهو يضحك عشان يقهرها"

" غزل من قهرها رمت المخده وهو شافها وضحك.. ولفت على القطعه اللي جايبها له "

غزل "العن شكله وش عرفه بذوق الحريم دامه طلع خلني اجربها علي "

" قامت وسكرت الباب وطلت وشافته على التلفزيون ومنسدح "

" قامت وراحت تقايسسها .. خقت على نفسها يوم شافتها مره كان اللون طالع حلو عليها ووقفت تشوف من كل جهة "

" شوي وينفتح الباب وهي شهقت بقوه ووقتها كان سلطان يتكلم ويدورها بالغرفه "

منصور: كنت ابي اقووو " وفتح عيونه يوم شافها وهي شهقت وبسرعه دخلت الحمام "

" هو ماقدر قعد يضحك من غير شعوور "

منصور بصوت مسموع: امووت واعرف ليه تكااابر لييييه

" راح رجع مكانه وهو يضحك "

منصور: ومسويه انها ميب عاجبتها تحمد ربها تلبس من ذووقي ههههه االحين شلون بتلقط وجهها

" غزل داخلت ضربت الارض برجولها ليه دخل عليها ليييه .. افف انقهرت وش بتسوي تحس وجهها طاح "

" قامت وغيرت ملابسها وطلعت وراحت وانسدحت "

غزل" لا اذا نمت بيقول مالها وجهه خلني ابين اني مو مهتمه "

" قامت صلحت شكلها وطلعت .. وهو كان قاعد ويناظر التلفزيون واول ماطلعت ماحب يفشلها هي جت وقعدت بالكنبه اللي جنبه "

غزل تبرر : انا ماقستها عشان من زينها بس قلت اشوف اذا تقيسني عشان اعطيها اختي
منصور ضحك : ماطلبت تبرير
غزل انقهرت: اي بس لايروح فكرك بعييد
منصور يناظر التلفزيون ومو ماعطيها اهتمام : اي اصلا بتطلع على منار احلى لانها ابيض منك
غزل انقهرت صدق قليل ادب: لاوالله وانت وين شايفها
منصور يبي يضحك بس ماسك نفسها : مع الاسف يوم الزواج وعرفت بيومها اني تسرعت
غزل انقهرت قامت وخذت المخده: الشرهه مو عليك على اللي مقابلتك وماعطيتك وجهه
منصور قعد يضحك وشاف قفاها وماقاومها قام يركض لها وهي انتبهت وصرخت وسكرت الباب وراها
منصور: بدخل يعني بدخل ومفتاح مافيه
غزل من داخل: طيب وش بتسوي لاحقني
منصور: بننننام
غزل تضحك من داخل وخبت الضحكه وفتحت البا وكان متكس وكانوا قريبين من بعض فسحت له الطريق : يلا ادخل نام
منصور بالعمدا: قلت بننام مو بنام
غزل: اي انا مو نعسانه
منصور: لا بتنعسين اجل تعالي نسهر مع بعض " وسحب يدها "
غزل بعدتها وشوي بتضحك : يعني شلون بالغصب
منصور يضحك : وهو في شي معك جا بطيب خاطر
غزل : هييهيهي يعني
منصور يضحك : يعني تعوذي من الشيطان وتعالي نسهر مع بعض اصلا حتى انا مافيني نوم
غزل تبعد عنه و تدخل داخل : اي خلاص اصلا انا نعست
منصور دخل بسرعه وسكر الباب: حتى انا سبحان الله
غزل شهقت وضحكت
منصور يأشر على فمه : اششش مافي مجال
غزل: يامصلك اف

منصور" قولي اللي تبين "

" وبعد مانسدحوا "

منصور: نعم مقابلتني
غزل فيها الضحكه : مدري من يقابل الثاني الناس تنام على اليمين مو بالعكس
منصور: انا ارتاح كذا وانتي تدرين بس مادري ليه تتميلحين
غزل انقزت : من زييينك اصلا انا ما ارتاح الا كذا "ورمته بالمخده ولفت الجهة الثانيه"
منصور ضحك بداخله : طيب طيب خلاص حزنت عليك لفي وانا اللي بغير نومتي عشانك مع اني مدري وش شايف فيك

" غزل ضحكت "

"غزل يوم حسته لف لفت وجهها و شوي بس تأكدت انه ماراح يلف عليها غمضت عيونها وقررت تغوص بالنوم .. اما هو بقى على استداره جسمه بس لف وجهه وشافه مغمضه .. ذاب على شكلها والظاهر ماعرف عرف يعبر عن مشاعره قام ورماها بالمخده هي اخترعت "

منصور ضحك : مالس دخل ماعرف انام على ذاك الاتجاه
غزل ضحكت وغطشت وجهها بالمخده : خلاص نام بالطريقه اللي تريحك
منصور ناظرها وهي مغطسه وجهها " ياشينك وش الفايده اف "

...........*__^........

.
.
.

" في نفس الوقت في امريكا "

وليد : همممممممم شلون هي شكلها مره مو مهتمه
طلال: وليد انا مو قادر انام بسببها هي اخا ف شهد تعرفها على حد من الخمه حقتها
وليد: خلاص سو اللي قلت عليه
طلال: اكلم مشاري
وليد: اكيييد من حقك هذي بنت عمك من لحمك ودمك اذا ما حافظت عليها من بيحافظ
طلال: واذا زعلت
وليد: تزعل وعساها ماترضى اهم شي مصلحتها ولا تبيها تخرب سمعتنا قدام خلق الله يقولون شوف مع مين تمشي
طلال: خلاص بكلم اخوها واللي فيها فيها

" وقتها وصل بدر "

بدر: شعندكم تتهامسون
وليد ابتسم : ولا شي وين رحت
بدر: سويت لي كابتشينو
طلال: نذل ليه ماسويت لنا
بدر: نسيت
وليد يضحك : الظاهر جريس شوشت له مخه
بدر ضحك ورها بقاروره المويه : ياحمار
وليد وطلال ضحكوا
طلال: ان جبت طاريها بتتصفق
وليد ضحك وسكت
طلال: من جد ليه ماسويت
بدر يشرب من الكوفي حقه : ما جا على بالي ولا حد قالي مشكلتكم
طلال: مدري على مين نذالته طالعه طيب اسأل
بدر بدا يتلخبط وحرقه الكابتشينو وشهق
ضحكوا وليد وطلال
بدر عصب: وبعدين انت واياااه
وليد: اركد محد ماخذه منك
بدر: الله يخسكم تربكون الواحد

"طلال ووليد ضحكوا وبدر قام ينظف نفسه"

" بعد ماخلص بدر مسك الاب توب ودخل وكله امل انه يشوف سهر بس اماله خابت يوم شافها اوف لاين .. انقهر وقعد شوي يمكن تدخل يوم مادخلت سكر الاب توب بقوته "

.
.
.
هـذا [الحنان] اللي له {القلب}.. محتاج.. }~

.أرجوك. زيد {بالعـطا} و[احتويني] ..

وان كان{ شفت} في[ وصالي] لك ..احراج
.. }~
فـي {صمت}..[ أحبك ].. بين { قلبي} وبيني ... }~


" في لاجـــونا "

" عند فواز ونجود .. نجود خقت على هذا المكان واستغربت انها ماطاحت اول مافتح .. "

نجود: فواز والله انك ذويق
فواز: احم فتي شلون
نجود: واحلى شي قعدته رااايقه
فواز: عشان كذا اخترته
نجود فهمت وابتسمت: اصلا كل المطاعم اللي توها فاتحه هنا روعه وجلستها حلوه
فواز ابتسم : اي
نجود : ايوا وبعد
فواز : خلينا نطلب وبعدين نسولف
نجود: صحيح وش اكله
فواز: في كل اللي تبين اوربي هندي صيني
نجود: اووه حركات وكيف اكله
فواز : والله لذيذ
نجود: كوويس

" وبدوا يشوفون وقعدوا يتناقشون على اللي بيختارون ياكلونه.. وبعد ماخلصوا "

فواز: ايوا
نجود رفعت راسها له : والله ابد

" ماكانوا عارفين عن ايش يتكلمون .. نجود نزلت راسها تلعب بالشوكه والسكين.. وفواز يناظرها بتفحص يبي يعرف مودها ايش بالضبط وش نوعية السوالف اللي يسولف معها "

نجود وعيونها لسا بمكانها : فواز
فواز انتبه على نفسه : لبيه
نجود خجلت من نفسها : همم " ورفعت راسها " فواز ادري انت مو مجبور تتحمل مزاجيتي الزايده بس والله مو معناتها اذا عصبت اني اكرهك ولا ابغضك بس انا من النوع اللي مايتحمل
فواز ابتسم على هذا الاعتراف الخطير بالنسبه له من نجود وحط يده على يدها : ادري حبيبي انك مزاجيه وانا مو متضايق ولا شي ... وش ذنبك اذا هذا شي فيك وانتي ماتقدرين تتحكمين
نجود بسرعه: لاوالله كم مره حاولت اتحكم بس ماقدر وربي ماقدر
فواز ضحك : نجوود شفيك ماخبر انك حساسه
نجود تبتسم وتبعد يدها : لا ماني حساسه
فواز ابتسم وقعد يناظرها بنظره نادر مايناظر فيها فواز : طيب خلاص صدقيني انا مو زعلان من هذا الشي
نجود تناظره بتشكك: اكيييد
فواز يبتسم: اكيييد

"نجود قعدت تناظره "

فواز: شفيك
نجود: طيب دامك مو زعلان مني ولا متضايق ليش مو باين بعيونك
فواز لف وجهه: ليه وش فيها عيوني
نجود: فواز انت متضايق من شي ثاني غيري ؟
فواز :........
نجود: طيب قول ارحم علي من انك تقعد ساكت
فواز لف عليها : لاماعليك حبيبي انا مو زعلان منك ولا شي
نجود: طيب ليه لفيت وجهك قبل شوي
فواز خاف من نجود اثاريها ميب هينه : هههههههه مايصير يعني
نجود ابتسمت وشووي وسكتت : فواز
فواز: همم عيونه
نجود ابتسمت : انا ما استاهل انك تشكي لي همومك صح
فواز ارتاع

" شوي ويدخل الويتر يدخل الستارتير " او المقبلات " "

" وبعد ماخلص "

فواز: نجود انتي وش تقولين
نجود تهز رجولها : مو هذا اللي باين انت اصلا ماتقول لحد همك قاعد تشيله عشان يجي يوم وتنفجر ومحد داري فيك

" فواز حس بشعور غريب .. حس انه هذي مو نجود اللي يعرفها .. ماكان يعرف انها حاسه فيه وبدت تفهمه "

فواز:.......
نجود: صح
فواز: وليش اتعب الناس بهمي
نجود بنغمه : وليه انا من الناس
فواز ابتسم مزاجها راق له : لا طبعا انتي دنيتي كلها
نجود تضحك : عياره زايده
فواز ضحك
نجود: خل ناكل بس ونتفاهم بعدين

" وبعدها صاروا ياكلون والجو كان رايق ... وهذا الجو اللي فواز كان محتاج له "

.
.
.


أبي صوُته
.. عجزت أنَام !
أبي صوُته يغطّيني !أبيه يقوُل :-
? يالله نَام ?..
عشَان أنَام وهو فيني !
غديه يمُر فِ الأحلام ..
وأضمَّه بين يدّيني


" سهر من بعد مارجعت من الصالون راحت غرفتها رتبت اللي عليها .. في هذي الفتره الناس بدت ترتب حق الامتحانات النهائيه .. والمراجعات بدت تبدا .. سهر من بعد ماخلصت وجت تبي تنام .. حست ان ناقصها شي .. بدر من زمان ماكلمها ولا ي اصلا حست الحب بدا يبرد بينهم .. صحيح انها مشتاقه له بس تحس الحين عادي .. انقهرت بمجرد حست هذا الشعور .. هو غلطان .. نساها ولا فكر فيها .. كم صار له ما ارسل ولا حتى دخل ام اس ان ولا فكر فيها لو انه صحيح مشتاق لها كان بالكثير ارسل لها ايميل .. بس الظاهر نساها .. "

سهر " معقوله الغربه اثرت فيه وحسسته ان هذا كله حب مراهقه .. كل شي جايز .. بس لو كان صدق معقوله بيتركها بدوون حتى مايعطيها خبر وبيعلقها كذا .. "

" سهر بدت الافكار تجيبها وتوديها .. وبعد ماقعدت تستنج وتحلل اكتشفت انها هي الغلطانه .. محد قالها تكلمه وتعطيه وجه وتعلق نفسها على كلام فاضي .. كرهت نفسها وكرهت كل شعور تحس فيه .. ووعدت نفسها بس تشوفه بتكلمه وبتنهي معه كل شي "

.
.
.

" في غرفة سلطــان "

" سلطان قعد يلملم شتاته .. حس انه ضايع وتايهه .. كل شي قاعد يسويه فحياته بدا يحس انه غلط .. كل اللي في باله انه هو الوحيد المهموم ..واكثر شي معور قلبه زعل فواز عليه .. تذكر الموقف وتو بس يحس ان في قلب فواز كلام ويبي يقوله وهو ماترك له مجال ... كره ساعتها دق على فواز كذا مره ومارد وهذا اللي ذبحه .. مايستاهل فواز اللي سواه فيه سلطان .. ماهو عارف يلاقيها من وين .. "

سلطان " الحين مافي حل غير اروح للكويت .. واشوف الاوضاع هناك واجي واقول لاهلي .. ماعاد بقى وقت ياسلطان ... تحمل مايجيك .. بس شلون وكيف .. اففففف لو يرد علي فواز .. خلني ادق عليه "

" ودق عليه فواز وكان الوقت متأخر لحظتها واستانس يوم رد عليه "

سلطان: الوو هلا فواز مابغيت ترد
فواز : سوري كنت طالع مع زوجتي والحين انا مشغول بس افضى ارجع اتصل عليك .. مع السلامه

" وسكر "

" سلطان فهم انه زعلانه منه .. انقهر زيااده .. وغروره ماسمح له يتصل اكثر .. وقثرر يحل مشاكله لحاله ولا يلجأ لواحد يذله .. قعد يفكر حتى داهمه النوم ونام "

.
.
.

" اليــــــوم الثــــــــــاني "

" في باريييس "


صباحك خير ..
صباح البرد~
والتعبير ..
وصباحي ابتسامه غير ..
كنت اسمع صوتك وأنت تقول
[ أبغى أضمك ]
ياااااه بس تضمني .!
أنا أبغى كثير ..
أبي أضمك ..
وأبي أكون الأول والأخير ..
أحبك حب ..
مايطري على بالك ..
وأنا في الهوى
تراني حلالك ..]


" صحت غزل من بدري .. وبعد ما اخذت دش حست انها جوعانه وتبي تنزل تفطر .. ولكن لو نزلت لحالها بيذبحها منصور فامضطره تنتظره .. قعدت في الغرفه تحوس تبي تلقى شي تسويه .. مالقت شي .. بعدها راحت تشوف جوالها جنب السرير فتحته وقعدت على السرير حاست فيه مالقت شي تسويه .. لفت على منصور وشافته نايف ابتسمت لاشعوري يوم شافته .. "

غزل" ياختي انا نصابه شلون اقول ماحبه .. وربي اني حماره بس ااخ لو مايعاملني كذا بس وربي ماقوله اني احبه الا قبل مايعترف لي هو قبل .. مسكين صحيح اعترف من قبل بس احسه نصاب ههههههه ياناس مع خشته "

" ضحكت وهي تتذكر الموقف اللي صار لها بالفندق بأول ليله لها معه .. كان مصر انه يعاندها من اول ليله.. ماكانت تعرف وش يقصد .. لانها بيومها ماحست انها مثل باقي العرايس .. تحس ان كل العرايس يستحون بأول يوم ومن هالحركات وهي كنه العيد كأنها متعشيه معه امس بالليل .. الا بالعكس عطته وجه ولاسنته بعد .. بس اكيد ماسوى كذا الا عشان يزعجني .. ولا احد يشوف مباراه بيوم زواجه ومع زوجته وبغرفة النوم مو بالصاله بعد .. وضحكت ماعرفت ليه سوى كذا .. مع انها تحب تشوف مباريات بس مو مره بوقت تكون فاضيه ولا مروقه بس مثل هذا اليوم مين يشوف مباراه.. واللي ضحكها اكثر ماكانت مباراه مهمه ولا كانت لايف يعني مباشره كانت قديمه والاخ متحمس لها .. ماعرفت وش يقصد بس كان خاطرها تعرف هو ليش سوى هذي الحركه .. وبنفس الوقت حزنت لانها بكرا بتترك باريس .. مره حبتها وانبسطت فيها وخصوصا مع منصور لانه يناقرها على كل شي وهي تناقره تحس بشعور حلو اكثر من لو كانت حياتها غير كذا .. كان ودها تطول اكثر لانها اكيد راح تمل من فيينا 8 شهور مو هينه .. ومع منصور وهـ الله يعينها "

" كل هذي الافكار كانت تجول براس غزل وهي سرحانه تناظر منصور .. منصور بدا شوي يفتح وشافها بوجهه.. انصدم انها قاعده تناظره ومبتسمه ... يوم ابتسم لها شاف انها ماغيرت وضعيتها فعرف انها سرحانه فيه .. ضحك ماتخيل ان غزل عندها هذي الحركات .. عاد هو قام يتميلح يسوي نفسه ماصحى عشان يزيد سرحانه فيه ومن اول حركه استوعبت غزل وحركت راسها وشافتها لساته نايم "

غزل قامت :اووف كويس ماصحى وشافني الحين يغتر بنفسه
منصور قام يصارخ : لااااااا لاااااااااااا
غزل اخترعت ولفت عليه الظاهر انه شاف حلم مزعج : منصور منصور " وراحت جنبه "

" ومنصور مسوي نفسه منفزع وينافخ وكان يبي يعرق بس هذا الشي مو بيده لوول "

غزل نشف ريقها: اسم الله عليك اسم الله عليك تعوذ من الشيطان ومسكته من يده وراسه تهديه " لحظه بجيب لك مويه

"منصور ضحك بداخله وسوى نفسه لسا ينافخ ومو مستوعب اللي صار له"

" جت غزل وشربته المويه وهو مسك يدها وهي تشربه وهي ماستوعبت واصلا ماهتمت لانها خافت عليه "

غزل نزلت الكاس ويده لسا بيدها : هديت
منصور سوا نفسه ارتاح : ايه " ووقتها ماقدر يقاوم اكثر قام فقع ضحك "

" غزل استوعبت موقع يده وفهمت حركته قامت وهي تبي تضحك وطشت المويه بوجهه وهو شهق وجا بيقوم وراها وهي على طول دخلت الحمام وقفلت عليها "

منصور يطق عليها الباب: وين بتروحين بالله

غزل تضحك داخل " يالله شلون عليه افكار ومن الصبح صدق انه جني ..اجل من متى صو صاحي اللي فكر يسوي فيني الحركه والاخ مستانس ضابط الدور والله مره ثانيه ماصدقه "

منصور: اقوول اطلعي
غزل: مابي مابي
منصور: انا عني ماراح اسوي لك شي بس خبرك انتي جن الاجانب غير شكل عندهم ازرق واحمر وهم يحبون الحلوات فا انتي حره
غزل اخترعت وطلع
منصور عطاها نظره ودخل بعدها
غزل بهمس يسمعه : مالت

" منصور سمعها وصك الباب بكل قوته عشان يقهرها ودخل وهو يضحك ... منصور اخذ له دش وهو يبتسم .. ماعمره قام الصباح وهو مبتسم .. عاجبته الحياه معها كذا مع انه ضامن انها تحبه وكل هذي مكابره بيجي يوم وبتعترف له ليه هو يستعجل "

" غزل راحت الصاله وماعرفت شتسوي وبس تذكرت منصور قعدت تضحك .. وتذكرت مسكته ليدها وشلون مكيف على الوضع .. قررت تسوي شي تقهره اكثر .. راحت وغيرت ملابسها ولست جينز وبلوزه كت " او علاق " وحطت ميك اب خفيف بس حلوو ويحليها اكثر .. وقررت اليوم تعند ماتطلع لان منصور امس قالها بنطلع وهي قررت انها ماتطلع ... وهي فكرت ان منصور ماراح يكلمها اذا طلع بتشوف اذا يقدر يطلع بدونها ولالا .. وضبطت شعرها وسوت فيه تسريحه ناعمه من قدام وتركت اللي ورا مفرود وطلعت البلكونه واعطت الباب ظهرها "

" متعلمه هذي الحركات من الافلام *_^ "

" طلع منصور ولبس ملابسه وراح ضبط شكله .. وطلع الصاله وماشاف حد "

منصور : غزل

" ماحد رد عليه طل بالمطبخ مع انه مو كبير بس جايز تكون متخبيه فيه .. ومالقاها .. "

منصور" معقوله تكون طلعت بدون ماتقول لي ولحالها ..؟؟؟؟؟؟؟؟؟؟؟ ""

" شوي ولمح شي يتحرك بالبلكونه ولمح شعرها وهو قاعد يطير"

ابتسم منصور.. " اثاريكي هنا وانا حايس الدنيا "
" طلع منصور ووقف عند باب البلكونه "

منصور: يلا غزل خل ننزل نفطر
غزل لفت وبكل انوثه ودلع وهي مكتفه يدينها : سوري بس ماني طالعه
منصور خق عليها .. وحس ريقه نشف وماعرف وش يقول : طيب طيب
غزل لفت وهي تضحك وعضت على شفايفها حست انه خق عليها .. منصور رجع على ورا يستوعب اللي شافه

منصور" هي متعمده تخققني انا اوريها .. "

منصور يرز نفسه : غزل ليه ماتبين تفطرين
غزل مالفت عليه: بس مالي خلق تعبانه طلبت لي فطور هنا
منصور: اها اجل انا بطلع
غزل: اوكي

" غزل حست بخيبه امل يعني مافي فايده معه .."

" اما منصور قال كذا يدافع عن غروره .. بس يوم مشى وقرر يطلع .. حس انه مايقدر يطلع بدونها .. وبس وصل للباب رجع من جديد وبهذا الوقت دخلت غزل من البلكونه "

منصور حط اصبعه على شفايفه : همم ماطلبتي لي معك
غزل سوت نفسها مو مهتمه : لا والله ماكنت ادري انك بتقعد
منصور: لا خلاص بطلب لي لاني احس اني تعبان ومافيني اطلع
"غزل ابتسمت بداخلها اي هين "

غزل استوعبت : خلاص خلاص انا بطلب لك
منصور رفع التليفون: باللهي " وعطاها نظره "

" غزل توهقت لانها بلاصل ماطلبت ونشف ريقها يوم سمعت منصور يقول اقدر ازيد على طلب غرفة *** "

منصور انصدم : هممم اهاا اووكي

" وبنفس الوقت فهم حركتها وقرر يطلب له ومايطلب لها ويقلبها عليها "

منصور بعد ماسكر : الظاهر انه بيطلعون الاوردر حقك الحين لانهم قالوا ان يمكن طلع
غزل ابتسمت كويس انه ماكشفها : اهاا حلوو

" منصور يضحك بداخله ويتوعد لغزل على حركاتها .. يعني مسويه ثقل عليه طاايب "

" بعد مرور فتره حست غزل بطنها بيصرخ من الجوع صاحيه من بدري وماشربت غير العصير وتحس انه حدها بتموت من االجوع وبس وصل طلب منصور دخله منصور وقعد على الطاوله ولا ناداها "

منصور وهو ياكل بلذه : غريبه ماوصل اكلك
غزل انقهرت منه ولا طالعته : مدري عنهم حاجز لي فندق زي الزفت
منصور يضحك : حرام عليك الحين الريتز صار مثل الزفت عاد اللي عمره ماتبخر

"غزل سكتت وهي مقهوره تحس الجوع عادي يخليها تذبحه"

منصور حزن عليها : خلاص قومي كولي معي حتى يوصل حقك ورجعي لي اياه
غزل ضحكت: لا بنتظر حقي
منصور قام لها ماهانت عليه : غزل قومي عن العناد ادري بك ماطلبتي
غزل لفت تناظر وطاحت عينها فعينه وضحكت

" غزل بطنها يناديها تقوم وعنادها يرفض .. ماعرفت من تطاوع .. منصور فهمها فقال بياخذ الكوفي وبيطلع البلكونه عشان تاكل وبالفعل هو طلع من هنا وقامت من هنا "

.
.
.