يا نسيم الصباح ...

يا نسيم الصباح أرجوك خذ هالرساله
واعطها للذي متمكنن في كياني
صاحباً بين كل الخلق مرضى بداله
لو يجون جميع الناس قاصي وداني
الصديق العطوف اللي ملكني دلاله
في غلاته تفوق عن جميع الغواني
أعطه اخر علومي وسأله كيف حاله
وكتم السر لايدريبه انسان ثاني
قله البعد حده والزمن ماصفاله
وأخبره عن وصولي وشهو اللي حداني
كان خلي مع دنياه سالي وداله
أشهد اني عقب فرقاه همي دهاني
قله انه بوسط القلب باقي لحاله
ماتغير غلاته لو يطول الزماني
ودي انك عن الهجران تكفى تسأله
مرلي مدتاً والعلم ماعاد جاني
كان من ينقل النمات عني حكاله
والله انه ببهتان الظليمه رماني
ثم قله وش اللي من طرفنا جراله
وسأله وين ذاك الود وين الحناني
أن تنكر عن المظمون واخفى مقاله
أعلم انه تندم واختبط فالبياني
وان تفاعل وقدم حجته واعتزاله
أعتبر عشرته هانت وقلبه نساني
أدري ان الجفاء ماكان يطري بباله
فيه ناساً لهم فالصد دوراً وشاني
غيرو غالياً كان الوفاء راس ماله
وختلف عن مسيره صاحبي في ثواني