تنويه هاااام

السلام عليكم ورحمة الله وبركاته

:

طبعاً حبيت أنوّه بشغله بسيطه ؛ الي هي الرساله الخاصه والي تصير من وراها مشاكل ووجع راس

بقولكم السالفه وانتم بعدها قرروا

احيانآ وحنا في المنتدى وش حليلنا وما فيه مشاكل ابد


يجي عضو يقول يالله انا انسحب من المنتدى ..

ليه وش فيك بتطلع .. يقول لنا لا خلاص بطلع عندي ظروف عائليه

اللي يشوفه يقول هذا عنده عائله وقاعد يشتغل بتكسي ويكد عليهم المسكين

المهم الانسحاب حريه شخصيه مالنا دخل فيها واصلا اللي بيطلع يطلع واللي يدخل يدخل

المنتدى مفتوح للجميع

نرجع للموضوع .. بعد ما نروح نستكشف الوضع نلقى هاللي انسحب .. طايح في سالفة حب وغرام

وخرابيط وكل يوم قصيدتين على الطاير مرسلها لحبيب القلب ومعذب نفسه

ويوم نشوف حبيب القلب نلقاه مع هذي وذي وذيك .. وفي الاخير نلقى كاتب لوحده رساله معليش ما كان عندي رصيد ههههههه << مسكين مطفر .. طيب يوم انك مطفر ليه تكلم والله حاله شكله ازعجها دقه وتسكيره.. ياخي كان قلت لنا نقط لك هههه

وطبعا حبيب القلب لقى له وحده عليها الكلام وخق معها وصار متيم فيها

فسحب على الاولى وقال لها بيـ .. بااااي

عشان كذا هي زعلت وقررت الانسحاب المسكينه .. وفديت قلبها طالعه ودمعتها على خدها

نجي للقرار الجديد :

1- الرسائل مراقبه من اليوم وقلة الحيا اكتفينا منها .

2- كما تدين تدان .. تذكر ان بنات الناس مو لعبه ولا تخاف مني هذا منتدى مصيره للزوال خاف من ربك اللي فوقك

3- رسايل بين ولد وبنت عاديه ما فيه مانع .. اما تلميحات وكلمات حب لآ تحاول ترا باند وبدون ما اقول لك .

4- ايميلات مرفوضه رفضا باتا..

5- مسوي فطين وتسجل بعضوية بنت وتطلب ايميلها بدري عليك .. نكشفك ونجيب خبرك

وتتوقف العضويتين حقتك وبنكتب تحت اسمك شاذ ونضحك الناس عليك

واصلا الناس مب اغبياء بيعطونك ايميلهم على طول من دون ما يعرفونك

6- ترسل رساله تبي رقم جوال ممنوع .. والله لو انك بنت وهي بنت .. باند للي تطلب الرقم .


كلمة اخيره :

انا احترم الخصوصيه واكتم السر .. ومن ستر على مسلم ستره الله يوم القيامه
ورسائلكم اعتبروني لا انظر اليها .. سوى المخالف من النقاط السابقه

مهما حدث في الرسائل الخاصه ثق تمامآ انها ليست من اهتماماتي

انا ما سويت هالشئ لاجل اضيق عليكم .. سويت هالشئ لان عندي اخوه واخاف عليهم

اخاف ربي يعاقبني لاني اشوف الغلط وقاعد اسكت .. والساكت عن الحق شيطان اخرس



والسلام ختام