رواية جفاف وردة بيضاء في رُكن الذكريات / 41

..( البارت الواحد والـأربعون ) ..
.
.
.
‏رضيتُ منَ الدنيا بما لا أودُّهُ
‏وأيّ امرىء يقوى على الدّهر زندُهُ ؟
‏أحاول وصلاً والصدود خصيمه
‏وأبغي وفاء والطبيعة ضدّه .
‏
‏" محمود البارودي "
.
.
.

نزلت وبحثت في الاكياس اخذت ضالتها وهي قارورة الماء وحدقت بجوع في الكيس الاخر .
اقتربت منه وفتحتة بللت شفتيها هامسة : والله ميتة جوع في وقتك .
رفعت الكيس لتتجمد بخوف من صوت الانفاس خلفها .
اغمضت عيناها بقوة وقلبها يخفق رُعباً .
اتاها صوتة المبحوح : وش منزلك ؟ .
زفرت انفاسها واستدارت له بغضب هامس : بغيت تطير قلبي .
قاطعها ساحباً الكيس من كفها : بسم الله ع قلبك .
تجاوزت سُخريته بغضب ولازال الخوف مُسيطراً عليها : وانت كل ماشفت شي معي بتاخذه ؟ .
بعدم اهتمام : ماقلتي وش منزلك ؟ .
تنهدت بهدوء : كنت جوعانة .
تركها صاعداً ، لحقته وبتردد : الا بسال وين دورة المياة ؟ .
امال ثغرة ببتسامة صغيرة ، واستدار لها : وليش ماختصرتي الموضوع ؟ .
حركت راسها بضجر : انس .
اكمل صعودة : فيه فوق .
اشار لها على الزاوية البعيدة : ذيك .
مسكت عُنقها : اروح لحالي ؟ .
نظر لجهة الحمام ثم لها وبهدوء تحرك ناحيته ناطقاً بشماتة : لاتقولين ادخل بعد معك لانك خايفة ؟ .
حبست علقم الكلمات داخلها وتبعتة ، فتح الباب لتجول بالاضاءة في المكان .
بتساؤل جدي : غريبة المكان نظيف .
انتصب بوقفتة يسار الباب مُشير بعيناه : استعجلي .
تاففت بخفوت داخلة .. لان تخرج منه ولا بكلمة .
اغلقت الباب واضطربت انفاسها خوفاً ، رفعت الاضاءة لشُباك الصغير في الاعلى والتخيُلات بدت تحوم حول راسها ، تحاملت على نفسَها مُتذكرة انهُ يقف خلف الباب .
نظر لها انس بعد ان خرجت : خلصتي ؟ .
هزت راسها بتوتر : اية .
دخل الغرفة وجلس في الارض فاتحاً كيس الطعام .
جلست امامة وبتساؤل : ليش صحيت وانت كنت نايم ؟ .
ونظرة لما بين يديه : من قال نمت ؟ .
تإملت اكلة الهادي الراقي .
رفع راسه لها بعد ثواني قصيرة : ماحب احد يناظرني وانا اكل .
توترت ورفعت الساندويشة لثغرها وقضمت قطعة صغيرة من بين اسنانها هاربة من عيناه الحادة .
بملامح مُستغربة من سؤالة : سنة كم بالجامعة ؟ .
مسحت ثغرها بظهر يدها وبصوت هادي : ماتوقع يهمك .
بملامح باردة : سنة كم قلت ! .
اشتبكت عيناهم لتهمس بحدة : اذا سالتك ماتجاوب وتبيني اجاوب ليش ؟ .
ابقى عيناه في عيناها حتى كسر نظرها وهي تُبعدها مُتمتة بشيءً لم يصل لاذنه .
انزل راسه لما بين كفية وب استفزاز : مره ثانية خليك قوية ولاتشيلين عيونكِ .
تركت الاكل بغضب واقفة .
رفع راسة لها وببطء : شبعتي ؟ .
تحركت لسرير ، و اندست في الفراش بصمت غاضب .
بنبرة مبحوحة مُتعبة بعيدة : كلها وقت .
تحركت بعد وقت بضيق ، وفتحت عيناها لتقع في السقف اغمضتها ب ارهاق ناعس ، اعادت فتحها ب استغراب متى نامت ! ، شدها برودة مابين كفها الايمن وثقلة ، قبضت علية اناملها مُتحسسة مايكون ، لفت راسها لتقف بشهقة مرعوبة وهي تعود للخلف صارخه : يمـة .
حركت نظرها بسُرعة في الغرفة ، وعادت تُحدق في السلاح ، مسكت قلبها مُخففة خفقانة وبرجفة : هذا وش جابة بيدي .
حدقت في كفها ومسحتها بطرف بنطالها الجنز ، رفعت راسها بسُرعة لنافذة واشعة الشمس قد تسللت من خلف تلك الستائر لينبثق نورها في المكان ، تشنجت ملامحها وعقلها بدا يفهم حل هذا اللغز .. الشمس ، الصباح ، سلاح ؟ .
نزلت بخطوات سريعة للاسفل صارخة : انس .
تصلبت قدميها على خروج ابرار ناطقة بخوف : ماجد مو هنا بعد .
جمعت شعرها الاسود ولفته بتوتر : من متى صاحية ؟ .
ابرار تقدمت : من نصف ساعة يمكن .
اريان بتفكير سريع مسحت عينها اليُمنى : معك جوال ؟ .
بضيق : لا مامعي .
اريان بهدوء : بطلع اصلي الفجر ماصليت ، وراح .
قاطعتها ابرار وهي تفك عقدة نقابها وتسحب الطرحة ليتحرر شعرها الطويل البنُي : بروح معك لاتخليني .
ابتسمت اريان بعد ان جاورتها بالسير .
بتساؤل هادي : بيت مين ذا ؟ .
اريان وهي تُرتب السرير بشكل سريع : اهل انس ، وهذي غرفته وهو صغير .
جلست على السرير وعيناها تتبع حركة اريان بالغرفة .
بعد وقت جلست اريان جوارها مُتنهده بعدم تصديق لما يحدث .
ابرار بهمس : مدري الحظ منا ولا من عيال هذي العائلة .
لفت عليها براسها ، وببتسامة مُتاملة سُمرتها الخفيفه : اكيد عيال العائلة .
انحنت ابرار : والله مو قادرة اتحمل كل شي عكسي .
قبضت على كفها واستفهام اريان يصل لها : ماقلتي لي كيف تزوجتي ماجد ؟ .
حدقت ابرار في ملامحها البيضاء لتقف على بؤبؤ عينيها الرمادية : زي ماتزوجتي انس .
بللت شفتيها وبهمس : يعني افهم ماتبين تقولين لي ؟ .
فردت كفها على فخذها وبنبرة هادية : لا مو قصة مابي اقول ، بس فعلاً زي ماتزوجتي انس .
اريان ونظرها اماماً : بس انا مدري كيف تزوجت انس .
ابتسمت ابرار ووقفت : الا اقول حنا بنجلس ننتظرهم خلينا نطلع ناكل شي .
اريان تحركت جهة السلاح ورفعته : لا صعبة نطلع .
عادت خطوه للخلف وبنبرة مصدومة : ايش هذا اللي معك .
مدته لها : سلاح تبين تمسكينه ؟ .
حركت راسها برفض : لا مُستحيل .
انزلته على السرير واخرجت العدسات البُنية وارتدتها بعجله : اتوقع اني مسكته بحياتي اكثر من مسك المجرم له .
ضحكت ابرار .
ابتسمت اريان من ضحكها الرقيق : الله يديم الضحكة ي حلوه .
ابرار لفت الطرحة على شعرها : والله الحلوة انتي .
لفت عليها اريان ببتسامة .
اتسعت عينان ابرار : ليش لابسة عدسات ؟ .
لوت شفتيها : حكم القوي ع الضعيف .
غمزت : وتعترفين انك ضعيفه قدامة ؟ .
اريان ببتسامة قصيرة : لا ابد .
وكزت كتفها وبخبث : ودي اصدقك .
لفت طرحتها وبصوت عالٍ : ابرار .
رفعت ابرار يديها للاعلى وتبعتها : اسفة .
اريان سارت قائلة : لاتشوفيني بعين طبعك .
تقدمت ووقفت امامها وفتحت عينيها بقوة : وش قصدك ؟ .
اقتربت اريان هامسة بخبث : انك تصيرين ضعيفة قدام ماجد .
عضت طرف شفاتها : لا مو ضعيفه بس ظروفي معه غصب عني .
استدارت لها اريان وبهدوء : انتظرك تقولينها لي .
ابرار بهدوء مُماثل : وانا انتظرك .
استقرت اقدامهما على الارضية الرُخامية لتُشير ابرار : مو ذاك المطبخ .
تحركت ناحية اريان : ماتوقع فيه شيء ينوكل .
ابرار : يمكن جابوا شي قبل يروحون .
بشبة ابتسامة ساخرة انزلت السلاح على المنضده : تقولين جابوا ! .
ابرار نظرت لسلاح : وهذا تعرفين تستخدمينه ؟ .
اريان رفعته وببتسامة : ايه اوريك ..
بترت جُملتها على الصوت الرجولي العالٍ القريب منهم : فكوني لمتى بجلس هنا .
.
.
__
وتين قفزت جالسة على صوت الطرق المتواصل وصوت من خلفة : احمد للحين نايم ؟ .
نظرت جهة احمد الخالية ووقفت : وين راح .
الطرق زاد ، اتجهت ناحية الحمام بخوف ، لتعود للخلف بصدمة من خروج احمد لها يُجفف شعره .
اشارت بيد مُرتجفة : وتين عند الباب .
نظر لها : وليش مافتحتي لها ! .
بتوتر هادي : وتبيني اجلطها وهي تشوفني هنا .
ابتسم مُبعداً خصلتها القصيرة خلف اذنها وهمس مُتخطيها : الحين انزل اقول لها عنك عشان ماتنجلط .
تعلقت في ذراعه العاري وبرجاء : لا تقول .
نظر لها بصدمة : وليش ؟
بملامح صفراء : بس .
احمد نظر لها : بس ؟ .
انزلت عينها باحثه عن عذر مُقنع .
وصل صوته وهو يرتدي قميصة الداخلي : وانتي راضية تبقين كذا ماحد يدري انك متزوجة .
بنبرة مخنوقة : وانت كيف رضيت نتزوج من اول كذا .
نظر لها : ماكنت راضي .
تركتة ودخلت الحمام مُغلقة الباب بهدوء .
تنفس بضيق جالساً على سرير .
رفع راسة على طرق الباب من جديد وصوت عبير : احمد موجود ؟ .
احمد رفع صوتة : اية ادخلي .
دخلت عبير وعينها تلتقط العباءة المُعلقة بالشماعه خلفه ، تسمرت بمكانها .
نظر احمد لما تنظر وبهدوء : وش كنتي تبين ؟ .
بتلعثم ضمت يديها مُحاولة تجاوز مارأت : بروح معك لدوام .
بترت حديثها على فتح باب الحمام لتخرج من خلفة وتين تمسح وجهها المُبلل .
عادت كم خطوة للخلف : وتين ؟ .
وتين تلون وجهها وبنبرة مخنوقة : احمد فهمها .
عبير بعينان مفتوحة : وش يفهمني ؟ .
احمد بعدم اهتمام وقف وسحب شماغة : اذا تبيني اوصلك معي لدوام خلصي لاتتاخرين .
وصل صوت وتين المُرتجف : عبير مو زي مو انتي فاهمه .
اغمضت عينيها واستنشقت هواء عميق هامسة : وش افهم ؟ .
وتين بكلمات سريعة : انا متزوجة احمد من ٣ سنوات .
اشرعت عينيها بسُرعة وبعدم تصديق : وتـين .
قاطعتها وعينيها تمتلىء بالدموع : والله حتى انا ماكنت ادري .
خرجت بخطوات سريعة للاسفل تاركتها خلفها .. ٣ سنوات وانا لا اعلم ؟ .
رفع احمد راسة على صوتها العالٍ : احمد وتين اللي تقولة صدق ؟ .
ام احمد انزلت كوبها وب استفهام : وين شفتي وتين ؟ .
اشارت للاعلى : بغرفة احمد وتقول شي مايدخل العقل حتى المجنون مايصدقة .
قاطعها واقفاً وبحدة : وليش ي عبير المجنون مايصدقة ، ليكون جاء في بالك انها داخله غرفتي لشي ثاني .
قاطعتة حاكة جبينها بتوتر خجل من جُملتة الحقيقة لما توقعته : لا مو اللي فهمت .
قاطعتهم ام احمد بغضب : احمد فهم اختك كل شي بدل رفع الصوت .
ابعد الكرسي بقوة وخرج صارخاً : مو ناقص الا افهم الناس حياتي ، و ترى يكفي ان كل شي غصباً عني .
عادت وتين خطوه للخلف وجملته الاخيره تعلّق في راسها ( ترى يكفي ان كل شي غصباً عني ) ! .
عبير وعينيها لاتزال مُعلقه بالباب الذي خرج منه : انا صرت ناس ؟ .
استدارت على صوت صعود وتين .
عضت شفتها السُفليه وجلست بقوة .
حركت راسها بضيق على صوت والدتها : هذا بدل ماتفرحين ب اخوك ؟ .
رفعت راسها : نلعب ع بعض يمة ؟ ، ٣ سنوات مخبين علي وتقولين افرح .
وبتلعثم مُتردد : لاتقولين لُجين تدري ؟ .
ام احمد بهدوء : لا ، وحتى بنات خالتك عايشه مايدرون .
بهمس : وليش خبيتوا علينا كل ذي السنين ؟ .
ابتعدت : لما يجي الوقت بيقول لكم اخوك .
ب اسى وقفت : اذا ب انتظر لين يجي الوقت ذا فماراح يجي .
ام احمد بحدة : عبير ليكون ناسية انه اخوك وبالاخير هذا قرارة .
اخذت عبائتها وبتبرير ضائق : انا متضايقة لان وتين صديقتي ودايم اتمناها لاحمد .
قاطعتها والدتها : لاتتاخرين ع دوامك ، والحقي احمد عشان يوصلك ، لما ترجعين نتفاهم .
خرجت ببطء ونظرت جهة كراج السيارات : هذا وهو يعرف مالي غيره يوصلني .
رفعت هاتفها وصوت عبدالرحمن يصل لها : تعال وصلني لدوام .
عبدالرحمن بهمس : وين احمد ؟ .
بللت شفتيها : انت تدري انه متزوج .
قاطعها : والله توقعت اللي بيعلمني بالموضوع لُجين مو انتي .
بغضب : وش قصدك ؟ .
ابتسم : انتي فاهمه قصدي .
وبهمس اكمل : عبير انا مشغول الان ، كلمي احمد ولا اخذي اجازة .
تنهدت بضيق : شكراً يالمشغول دائماً .
بـ اعتذار حقيقي : والله مشغول ، وانتي عارفة قصة الاجنبية المخطوفة اللي مسكت حالتها .
قاطعته : عبدالرحمن صدقتك .
وكتبت رسالة سريع ب انامل مُرتعشة : احمد بتوصلني ؟ ، ولا ماروح لدوام ؟ .
وصل لها ردة السريع : تجهزي بيجيك فهد .
فتحت ثغرها بعدم تصديق : فهد ؟ .
تاففت : وذا بيجلس يوصلني كل شوي ؟ .
.
.
___
يقف جوار راكان ويدية في جيوب بنطالة العسكري : خلاص بروح معه انا .
لف هامساً : ليش تروح ؟ بيروح واحد من الشباب .
سعود بهدوء : عبدالرحمن اخو احمد صعب ارسل واحد معه وانا اعرفه .
نظر له بتفهم : اوك ، انا راح اسبقك لبيت عمك عشان نجهز اوراق التحقيق .
سعود بجمود : التحقيق علي زي ماتفقنا ؟ .
هز راسة راكان ببتسامة : اية اكيد بس لا تتاخر .
تقدم عبدالرحمن ب اعتذار : عندي علمية ضروري ، اذا انتظرت علي اقل شي ساعه .
قاطعه سعود : مانعطلك وين بيت الدكتور مساعد وانا راح استلم الملف منه .
في الجهه الاُخر وبعيداً عن الانظار ضرب بقبضتة الجدار : كل ذي حراسة عنده .
الحارس بخوف من غضبة : اذا تبيني ادخل .
قاطعه بسُخرية : وانت مستعجل ع موتك ؟ .
وتحرك شاتماً الجميع .
تبعه حارسة : انس ماله اثر ، وعرفنا انه كلم ولد عمه .
توقف زياد ( حمد) وبتساؤل بطيء : المُحقق ؟ .
الحارس : لا ، الدكتور .
لف عليه : جيبو لي الدكتور .
الحارس بتردد والخوف يظهر في نبرتة : بس الدكتور اختفى .
قاطعه بعدم فهم : كيف اختفى ؟ .
بملامح شاحبة : مدري .
اقترب وبحدة خافته : لو انا مب بالمستشفى كان عرفت اخليك تنطق .
برجفة : سيارتة وجواله لقوها في شرق الرياض .
قاطعه وهو يضغط على اسنانه بهمس : كل بيوت شرق الرياض تدخلون فيها وتدورون ، حتى تحت الارض دوروه و طلعوه .
هز راسه ب انصياع لاوامره .
عدل الوشاح على ثغره مُغطياً ملامحه وخرج بخطوات ثقيلة بطيئة هامساً : راجع لك ي عايد ماحد يحميك مني .
في الممر القريب خلفه يقف من اثر قبضت ماجد على عضده الايمن : ماجد فكني .
ماجد بهمس : انس وش يضمن لنا ان المستشفى امان ، حتى لو فيه شرطة .
واكمل : ابوك حالتة مُستقرة ، ولو داري بتسوي كذا ماقلت لك .
اغمض عيناه وانفاسة ترتفع .
نطق ماجد مُحدقاً بملامحة : لازم نكلم سعود ، انت مو بخير وجهك لونه مو عاجبني والجروح اللي فيه لازم لها تطهير .
قاطعة : وانت بتعرف حالتي اكثر مني ؟ .
واكمل بقهر : دامني ماراح اشوف ابوي ، فسعود ماراح اشوفه بعد .
وقف ماجد جانبة : متى بتعلم الشرطة ؟
نظر لاقدامة وبنبرة هادية مُفكرة : لين يقوم ابوي بالسلامة ، واكلمة .
ماجد : تكلمه عن وش ؟ .
انس بعد صمت : عن القتل اللي يقولونة .
تسمر جسده وبهمس : اي قتل ؟ .
انس مسح وجهه وبلل شفتيه : شي مايصدق .
استدار له وبتوجس خائف : اللي قبل عشرين سنة قتل ؟ .
حرك راسة : كذب .
وصل صوت ماجد الهامس : واذا كذب يقتلون هادي الرائد ؟ .
نظر له بملامح مصدومة : هادي .
ماجد بعدم فهم لملامحة : وش فيك ؟ .
انس بهمس : قالها والله قالها .
وسار بخطوات سريعة : كان هو الكلب .
ماجد بخوف : انس فهمني .
انس استدار له : بتفهم لما يتكلم .
.
.
__
همست اثير وهي تُغلق ازرة عبائتها : لاتشك امي .
اسير حركت عيناها مُشيرة لبنطال البجامة : ها لاتشوفه عشان نكون بخير .
لُجين بخوف : والله لا يمسكنا احمد نروح فيها .
اثير بعدم اهتمام : انتي خلاص كلمتي ناصر ووافق .
لُجين بضيق : كلمته ع اني بنام عندكم مو اروح مكان ثاني .
اخرجت اثير لسانها : ترى انا واختي متعودين ، اذا خايفه اجلسي لاتقلقينا .
بعينان مصدومة : متعودين تطلعون ؟ .
غمزت اسير : ايه نروح نلف لنا كم مكان ونرجع ونقول مافيه دوام ولا اعتذرت الدكتورة .
همست لُجين : والسواق مايعلم ؟ .
هزت اثير اكتافها : السواق عميل عندنا .
لُجين ارتدت عبائتها على بجامتها : والله اني مو مرتاحة .
قاطعتها اسير : اهم شي قريتي اذكارك ؟ .
ام مساعد رفعت راسها على مرورهم : ماراح تفطرون ؟ .
اثير غطت وجهها بنقابها وبعجله : بنتاخر يمة على الجامعة .
همست لُجين خلفها : الله لا يعاقبنا تكذبين ع امك .
ضربتها اسير على ظهرها : عشانك ترى .
لفت لها : لاتكسرين ظهري .
اثير اغلقت الباب خلفها واستنشقت الهواء : ي زين الحُرية .
لُجين تنهدت : بنات والله ماقدر اروح .
اخرجت اثير هاتفها وفتحت الخط ليخرج صوت والدها : ها طلعتو ؟ .
اثير ببتسامة : اية ، بس وعدتني ماتعلم امي .
والدهم بضحكة : ماوعدكم ماعلمها .
صرخت بغيظ : يُبة .
ابتسم : لاتتاخرون وانتبهي على اختك وبنت خالتك .
اغلقت على صوت لُجين : فهموني .
اسير ببتسامة : احنا قلنا لابوي ووافق .
لُجين : بس خالتي ماتدري .
اثير تحركت : هذا المطلوب ، امي بترفض وتقول ادرسو وانتس شايفه الجو هذا جو طلعه مهوب جو دراسة .
واستدارت براسها : اروح اقول لامي ثم تحلف ؟ .
اسير تبعت تؤامتها : احنا استاذنا من ابوي ووضعنا تمام ، انتي كلمي ناصر .
لحقتهم : ومن متى انا اكلمه واستاذن ؟ .
اثير ببتسامة : من تملكتي عليه .
حركت عيناها بضيق : انتم عارفين مو بارإدتي .
اسير وهي تضم كتبها لبطنها : ايه عارفين وانتي الصادقة .
تنهدت ولحقتهم .
وقفت اثير لتقف اسير ولُجين على دخول السيارة الحمراء الغريبه لهم .
ترجل سعود رافعاً نظارته على راسة : هذا بيت مساعد الزايد ؟ .
تحركت اثير جهة سيارة السائق وتبعتاها الفتاتان .
لُجين بربكة : وحده ترد .
اثير بهمس : مابقى الا هي ارد ع واحد ماعرفة .
ارتفع صوتة : ماتسمعون ؟ .
بعدم اهتمام صعدو سيارة السائق .
تحرك سعود بغضب ليقف امام سيارة السائق .. كيف يتجاهلون سؤالة .
اسير بخوف : ذا مجنون وشفيه وقف قدام السيارة .
لُجين : وش مجنون الا عسكري ماتشوفين لبسة .
اثير فتحت الباب ونزلت بنبرة غضبة وصبرها ينفذ : نعم اخ ؟ مضيع ؟ .
ادخل يدية في جيبة وبعدم اهتمام : توقعت انك صماء ماتسمعين .
بنبرة مُشمئزة : يعني تبيني اضحك ولا كيف ؟ .
بنفاذ صبر : انا سالت وابي جواب هذا بيت مساعد ؟ .
قاطعته ب استفزاز : وماعندك رقمة تدق عليه وتساله بدل ماتوقف بنات خلق الله وتاخرهم ع جامعتهم .
حرك عيناه بنظرة سريعة لتقف على الطرف الظاهر من بنطال بجامتها البنفسجية : بتروحين للجامعة واخرتك ؟ .
توترت من نظرته وبتصنع غير مُهتم : اية .
هز راسة بتفهم واتجه لباب السائق وفتحة امراً : انزل .
نزل السائق بخوف من لاباسة قبل ان يخاف من شخصة .
اشار بعيناه : يلا لغرفتك .
هرب السائق عائداً لغرفتة .
رفع الهاتف على عينان اثير المصدومة : عبدالرحمن اذا ممكن ترسل رقم مساعد .
هز راسة : اوك انتظرك لا تتاخر مستعجل .
انحنت هامسة للجالسين : المجنون دق ع عبدالرحمن .
انتفضت لُجين : اخوي ؟ .
هزت راسها بربكة : اذا فيه غيرَه .
نزلت لُجين عائدة لداخل : والله يذبحني .
امال ثغرة بسُخرية وهو يرى بنطال لُجين ايضاً .
نزلت اسير لتقف جوار اختها بتوتر : خلينا ندخل .
اثير بحنق : وليش ندخل ؟ ، ابوي ويدري اننا بنطلع .
اسير بهمس : بس مساعد مايدري ثم تقولين كلم عبدالرحمن ، عاد تعرفين عبدالرحمن وش .
قاطعتها : تبن انتي وعبدالرحمن ماتشوفين ذا اللي مسوي قوي فوق راسي والله اوريه .
اسير تحركت : ماراح اجلس .
سحبت يدها : وتخلين تؤامتك ؟ .
وقفت : بنقعد واقفين معه ؟ .
اتاهما صوته : هذا بيت مساعد ؟ .
اسير بنبرة سريعة خائفة : اية .
نظر لهما نظرة سريعة ليبتسم بعد ان لاحظ التشابه الكبير بينهم .
اثير ووجدت ماتغضب منه : نعم تناظرنا وتضحك ؟ .
سعود بهدوء لاسير : ممكن تنادين مساعد ضروري الموضوع .
تحركت اسير لتسحبها اثير : اسير وين ؟ .
اسير بهمس : بروح انادي مساعد .
اثير بغيض : وهو لية مايدق عليه ! .
اسير ب استغراب من اختها : يمكن جوالة مقفل .
انتفضت اسير عائدة للخلف على دخول سيارة عبدالرحمن : هذا اللي ناقصنا .
اثير بشماتة : ي ويلك حبيب القلب جاء .
نزل عبدالرحمن بعينان غاضبه من وقوفهم بهذا الشكل امام سعود .
سعود بهدوء : ان شاءالله ماعطلتك .
عبدالرحمن ونظره في الواقفات خلفه : كنت مهتم اني اكلمك عن موضوع ملف هيلدا بنفسي .
هز راسة سعود : كويس .
عبدالرحمن بنبرة مُعتذرة : شوي وبرجع .
سعود ابتسم بخبث وعبدالرحمن يتجه للفتيات .
عبدالرحمن بنبرة غاضبه : وش موقفكم ؟ .
اثير بنبرة هاديه : عندنا جامعة وبنروح ، وننتظر السواق ، ولا ليش يعني واقفين ؟ .
همس بحدة : تنتظرونه هنا ؟ .
اثير بغضب : وين تبينا ننتظره ؟ .
اشار بعيناه : مافيه جامعة ، يلا ادخلو .
اتسعت حادقتيها : ومن انت ؟ .
ضغط ع اسنانه : ادخلي بلا كثر حكي .
اثير تكتفت بعناد : واذا مادخلت .
نظر لاسير : اسير ادخلي .
توترت اسير من عيناه وتحركت لداخل .
بلعت ريقها وبنبرة حادة : عندي اختبار .
قاطعها بطولت بال : هذا المُحقق الجنائي سعود العايد وبنطول بالوقفه هنا ، اذا جهز السواق يكلمكم وتطلعون .
بعده اهتمام من الاسم الذي نطقه قاطعته مُبتعده بحقد : خلاص فهمت ي عمي .
حرك راسة ب اسى ورفع صوتة : اثير نادي معك مساعد .
استدارت له لتقع عيناها بسعود ، نظرت له بعينان مُشتعله حقد .
حدق في بنطالها طويلاً ، لتوتر وتبتعد وهي تضم عبائتها على ساقيها مُخفيته حتى لا يكشفها عبدالرحمن .
همس بسُخرية : كذابه وتقول بتروح للجامعة .
اقترب عبدالرحمن : المجلس جهتة هنا تفضل .
سعود بهدوء : انا ماجيت اجلس .
قاطعه عبدالرحمن : ادري ماجيت تجلس بس اللي في الملف اشياء مو شي ولا نقدر ننناقشها واحنا واقفين .
سعود بخوف : وش قصدك .
سكت على خروج مساعد مُرتدياً جاكيته الازرق : هلا والله تو مانور البيت .
بعد المُصافحة وتبادل السلام .
هتف سعود : انا جاي اخذ ملف هيلدا ، قال عبدالرحمن انه عندك وبتناقشني في معلوماته .
نظر مساعد لعبدالرحمن : ملفها الطبي ؟ .
هز عبدالرحمن راسة .
مساعد ب استغراب : لا ماخذيته ، وانت قلت بتجيبه .
قاطعهم سعود بقلق : كيف يعني الملف مختفي ؟ .
عبدالرحمن حك جبينه بحرج وبهدوء عكس داخلة : مساعد روح اسال تؤامكم لاني اعطيتهم الملف .
مساعد تحرك لداخل ب استغراب .
في الصالون تجلس اثير بغضب على ذراع الاريكة وبغيض : انسان وصخ .
لُجين بهدوء : انا من اليوم قايله الطلعه ذي مو مرتاحه لها .
اثير وقفت : بنطلع ولا علينا منهم .
تضع ساق على ساق وبرفض : ماراح اطلع خلاص .
اثير بحنق : ترى انا تؤامتك بالاخير ومفروض تكونين معي .
قاطعهم دخول مساعد مُتنحنحاً : اسير اثير .
اسير وقفت بخوف : حنا هنا .
دخل عليهم وبغضب : وينه ؟ .
اسير بخوف : وشهو ؟ .
اثير قاطعتها : في غرفته يعني وين بيكون ، ولا علينا منه من هو عشان يرفض نروح للجامعة .
رفع حاجبه بشك : ومن اللي رفض ؟ .
اشارت للباب : ولد خالتك يعني من ؟
حرك راسة بنفاذ صبر : الحين وين الملف ؟ .
اسير : اي ملف ؟ .
مساعد بنبرة مُستعجله : الملف اللي اعطاكم عبدالرحمن وقال توصلونه لي ولا شفته .
اثير فتحت ثغرها براحة وتحركت لطاولة الكبيره : اها تقصد ذا .
سحبة بحدة : وليه ماعطيتيني لما اعطاكم ؟ .
اسير ببتسامة قصيرة : نسينا والانسان ماينسى ؟ .
تافف وتركهم بكلمات شاتمة .
ربطت نقابها من جديد وتحركت : يلا خلونا نروح .
لُجين صعدت للاعلى : وعبدالرحمن برا مُستحيل .
لحقتها اسير : مساعد وعبدالرحمن برا مُستحيل .
ضربت بقدمها الارض وانتصبت بوقفتها من الفكرة الجهنمية التي خطرت على بالها .
فتحت حقيبتها واخرجت بنسة صغيرة وخرجت بخطوات خبيثة للخارج بحثت بعيناها وتقدمت لسيارتة هامسة : كلها منك يامخرب اللذات ، دامنا ماراح نطلع حتى سيارتك ماتطلع .
ابتعدت بعد ان تاكدت من تنسيم الكفرة جيداً وصعدت تُغني بصوت عالٍ غير مُبالية بنشازة .

.
.
__
نورة تجلس ونظرها على شادن الواقفة بعيداً وتقضم اظافرها بقلق واضح .
دخلت امرأتين من اهل الاختصاص بالتحقيق الجنائي مع النساء : جاهزين ؟ .
الجميع بكلمة تفاوتوا بنطقها : ايـة .
خرجت احداهن بخطوات ثقيلـة .
ام انس بهدوء : اخوك اللي بيحقق معنا .
نورة وهي تُعدل نقابها : ايـة قال .
ارتبكت شادن مُتكتفة .
وقفت نورة واستدارت على الدخول الرجولي ببذلتة العسكرية وبصوت جمهوري : كلمني سعود وانشغل شوي راح اخذ مكانه لين يجي وان شاءالله مايتاخر .
تعلقت عيناها فيه لتُبعدها بربكة مصدومة .
رفع يده : الملفات . تقدمتا بالملفات ، اخذها ورفع نظره : سعد العايد هنا ؟ .
هتفت نوره بهدوء : لا مع عمي عايد .
هز راسه بتفهم وسحب الملف المُخصص لنورة وبهدوء : التحقيق بيكون فردي .
اتاه صوت شادن المُقاطع له : ماراح ادخل الا مع امي .
نظر لنورة : وانتي وين امك ؟ .
بخفوت لكن وصل له : فوق .
ب استغراب : احنا بلغناكم بالتحقيق ليش هي للحين فوق ؟ .
تركتة بخجل من حركت والدتها وصعدت بخطوات هادية .
رفع ملف شادن : راح نبدا فيك وفي امك .
اتجهت لوالدتها وجلست جوارها .
جلس راكان امامهما على الاريكة مكان نوره سابقاً : شادن بنت عايد العايد العمر ١٨ تدرسين علمي بمدرسة **** .
بهدوء : اية .
نطق بتساؤل : ليش بمدرسة **** ؟ ، مع المعلومية انها تبعد عن بيتكم مسافه نصف ساعه ، واغلب دراستك السابقة بمدرسة خاصة .
بصدق : ماقدرت اتأقلم مع بنات المدارس الخاصة في السعودية .
رفع حاجبه : وقدرتي تتأقلمي مع المدارس الحكومية ؟ .
نظرت له : مادرست كثير عشان احكم .
راكان ب استغراب : وليش مادرستي كثير ؟ .
بضيق من تحقيقة : انت شايف ظروفنا عشان ادرس ؟ .
فتح الصفحة الثانية : خلاص بنتجاوز موضوع المدرسة .
واكمل ب استفهام : لاحظتي شي قبل سنتين ؟! .
لفت لوالدتها وببطء : لا .
بتساؤل جديد : والان .
قبضت على ذراع والدتها .
ام انس بنبرة متوترة : وش بتستفيدون من كلامنا ! .
راكان بملامح مُستغربة من سؤالها : بنستفيد اشياء كثير .
ام انس بقلق : مثل ؟ .
راكان : نعرف من وراء كل ذا .
وخطط على سؤال بالورقة امامة : جاتكم تهديدات ؟ .
شادن بنبرة خافته ومُتردده : اية .
رفع نظره لها : متى ؟ .
بنبره متوترة من نظرات والدتها : بلندن .
ضغط على إلة التسجيل الصغيرة وتقدم تاركاً مسافة كبيرة بينه وبين ظهر الاريكة وب اهتمام : قبل ٦ شهور ؟ .
هزت راسها برجفة .
نظر لام انس التي بدت تقبض على كفها .
وجه السؤال لشادن : كيف جاك التهديد ، وش كان مكتوب فيه ؟! .
مسكت اصبعها الخنصر مُتذكره ذاك الخاتم فيها وكل احداث لندن وبنبرة مخنوقة كذبت : لقيت غرفتي بلندن مفتوحة وكان على اللوحة كلام .
ببطء : وش كان مكتوب .
بلعت ريقها وبهمس ايضاً كاذب : ماقريت لان ابوي هو اللي قرا .
ضغط على اسنانة بخيبه ، وبـأمل اتجه بنظره لام انس : اكيد زوجك قال لك وش كان مكتوب ؟ .
بتوتر هزت راسها بالرفض : لا .
ضرب فخذه ووقف كاتماً غضبة : كيف يعني لا ؟ .
ام انس بنبرة غاضبه مُرتجفة : قد امك وترفع صوتك .
راكان بلل شفتيه ومسح على جبينه : مارفعت صوتي ، لكن حنا نحاول نساعدكم وانتم ماتساعدونا .
قاطعته بنبرة مُرتجفة والبُكاء شق طريقة : كل شي يعرف ابوه ، اسالوه .
وتركته صاعده وصوتها لازال يهتف : اسالوه .
رفع نظره لشادن : لازم تساعدينا ، امك تعرف ان ابوك بوضع مايسمح لنا نعرف فيه شي .
بخوف : بس انا ماعرف شي وتركته مُبتعده خلف والدتها .
تنهد بضيق وجلس ماسكاً راسة .
اتاة صوت نوره الهادي الرقيق : امي رافضة تنزل وتقول ماعندها شي ، وماتبي غير سعود يحقق معها .
هز راسه بتفهم واشار لنساء : خلاص خلص شغلنا هنا .
ووقف واعصابه تنفلت من هذه العائلة وغموضها .
تسمر مكانة من سؤالها : وانا ؟ .
رفع نظره على اختفاء النساء وهن يخرجن .
ونطق بهدوء : وش فيك انتي ؟ .
نورة بهمس : التحقيق معي ؟ .
ابتسم جامعاً الملفات : يحقق سعود معك اكيد بعد تبين اخوك زي امك .
بعينان مُستغربه : وليش انت واثق اني ابي اخوي ؟! .
لف جسده لها : وليش ماتبين اخوك يحقق معك ؟ .
توترت من صوته وعيناه وجسده وتحركت للخلف صاعدة .
توقفت بربكة من صوتة : انتبهي لنفسك الوضع برا خطر عليكم كلكم ، واذا تعرفين شي او شاكة في شي لاتبخلين علينا .
لفت عليه وصوت حذاه العسكري يبتعد صوته في الارضية الرُخامية .
رفعت نقابها وهي تلوح امام وجهها : حررر .
وصعدت ببتسامة صغيره زينت ثغرها : ويقول انتبهي ، الا انت اللي انتبه لنفسك .
اختفت ابتسامتها ووالدتها تظهر امامها : راح ؟ .
هزت راسها : اية .
جلست امام النافذه ونظرها للغيوم المُتلبدة بالسماء : اجل تقولين اخو زوجة انس .
نوره واحلامها تطير من والدتها : ايه .
اتكت بذقنها على كفها : وخيره من الله يوم ماعرفتي انس ، شوفي قبل ايام قاتل له واحد ثم خطف والحين خطف ولد عمه .
وبحقد : الله يستر علي وليدي .
نوره بضيق : يمة وش ذا الكلام ، انتي عارفه انس من قبل .
قاطعتها : لا والله ماعرفه من خلاك وراح للغريبه اللي حتى مالها الله فضحنا في الناس .
هزت راسها بضيق وابتعدت : بروح اشوف شادن .
ام ماجد غطت ثغرها وبقلب خائف : الله يحفظكم وترجعون لنا بالسلامة .
.
.
___
تعض على شفاتها السُفلية بسرحان .
وقف محسن لابساً شنطتة المدرسية على ظهره .
وقفت هي الاُخرى مُرتدية ردائها الطويل ونقابها .
والدتها ب استغراب : وين رايحة ؟ .
بكذب خبيث تعودت عليه : بروح لجدتي وعمتي يمكن ناقصهم شي ، وانتي خابرة خطرهم شينة بعد فراق ابرار .
ام مها بشفقة : اي والله خطرهم شاينة .
اغلقت الباب بهدوء ووقفت تنتظر خطوات محسن المُبتعدة .
رفعت حاجبيها بعد ان راته خارجاً يُغلق جاكيته ويتلثم بشماغه من البرد .
اقتربت مُتنحنحه .
بهلع استدار ليهمس : وجع .
مها بلعت كلمته مُتصنعه انها لم تسمع وبنبرة هادية : استاذ .
اغلق الباب وكإنة لايسمع .
مها رفعت صوتها : استاذ .
تركها بخطوة .
لترفع صوتها بغضب : هيه ماتسمع ؟ .
لف لها وبغضب : انتي اللي هيه وش فيك ترفعين صوتك لاتفضحيني ترى مو ناقصني مشاكل .
قاطعته : انا ماجيت افضحك ، جاية اخذ الجوال اللي عندك .
بتسلية حرك عيناه : اي جوال ؟ .
بتافف وصل له : انت عارف اي جوال .
ابتعد : اذا عدلتي اسلوبك معي وقبلها مع اخوك ، عرفت وقتها اتناقش معك عن موضوع الجوال .
بغضب لحقته : راجس قال الجوال معك ولما تروح القرية راح تجيبه بس انت ط .
قاطعها : اللي عرفته ان الجوال مهوب لا راجس ولا لك ، اللي هو له يجي ياخذه مني .
اكملت خطواتها خلفه : حق جدتي .
لف لها بغيظ وعيناه تنظر خلفها : ي بنت الناس ارجعي لاحد يشوفك معي .
ارتبك من خروج ظافر لترتبك هامسة قبل ان تبتعد : رجع الجوال ولا فضحتك صدق .
امال ثغره ببتسامة ساخرة : صدق مجنونة .
اغمض عيناه وهذا ماتوقعة من ظافر عندما قال بعد ان جاوره بالسير : وش بينك وبين ذي كل مره اشوفها .
قاطعة بتهكم : هذا اللي ناقص بيني وبين ذي .
.
.
__
بعد مجهود طويل استطاعتا ان تدفعان الخزانه نحو الباب .
اريان بنفس لاعث : الصوت كان بالمطبخ ؟ .
ابرار هزت راسها وحملت الملعقه الخشبية : ايه كان قريب منا .
رفعت اريان السلاح : اخاف يجينا .
صرخت ابرار عائدة للخلف : اريان نزلي السلاح .
همست اريان : لاتقولين اريان قولي اريام .
جمعت ذراعيها لصدرها قابضة بقوة ع الملعقه : وش الفرق ؟ .
رفعت حاجبيها : عشان مايعرف مين حنا .
اشارت لها براسها : ويعني ماراح يعرف من حنا الحين ؟ .
اغمضت عينها اليُسرى وابقت الاُخرى مفتوحة ووجهت السلاح ناحية الباب : للمعلومية ترى ماعرف لسلاح .
انتفضت ابرار : طيب ماتعرفين له نزلية .
اريان لفت لها : تبينه يذبحنا او يخطفنا ؟ .
بملامح مُتشنجة : ابي بيتنا .
اريان وداخلها يخفق بعنف لكن لم تظهره : اول ماشوف انس راح افرغ المسدس ذا براسه .
ابتسمت ابرار لتهمس بضحكة : تكفين بقي لي .
بعد وقت طويل .
استدارت ابرار ب استغراب من ارتفاع تنفس اريان : فيك شي ؟ .
اريان ونظرها والسلاح للان مصوبان للباب : اهم شي مايصير فينا شي .
تقدمت بقلق من شكلها الشاحب : خلينا من يصير لنا شي .
قاطعتها ضاغطه على اسنانها : خليك عندك اكيد فخ .
بلعت ريقها وبنبرة قلقة : لنا وقت ماسمعنا صوت .
واكملت مُقتربة : ماتوقع الشباب مخلينه عندنا بدون رباط دامه اسير .
هزت راسها وفكت السلاح ليقع ارضاً شاعره بتنمل يديها .
سحبت السلاح من امامها وجلست جانبها : تبين موية ؟! .
حركت راسها برفض وهي تمسح كفيها في عبائتها .
لفت عليها براسها ب استغرب مما قالت : انا كان عندي فوبيا من الظلام بس مع الوقت قدروا اهلي يبعدونه مني لكن .
ابرار بخفوت مُستغرب من صمتها : لكن ؟ .
مسكت بلعومها وبغصه اكملت : لكن الغثيان اللي يجيني وقت الخوف والقلق ماراح .
ضمت رُكبتيها لصدرها وبهمس : بس مع انس ماصار يجيني مع اني عشت اصعب مواقف حياتي معه شفت دم ، جثة ، اصابات اشياء كثير ..
وبترت جُملتها مُغطيه ثغرها .
مسحت على ظهرها وبمحاولة حتى تُخفف عنها الخوف : الحين احنا مو في ظلام ولا عندنا دم ولا جثة .
وهمست بحنان : عاد تصدقين كنت معتمده عليك وقائلة هذي اللي بتحمينا .
ابتسمت اريان : تقدرين تسحبين كلامك ترى يمديك .
هزت راسها وهمست بضحكة : وتقولين اضعف قدام ماجد ، والله عرفنا من يضعف قدام انس .
دفعتها من كتفها : هذا وانا افضفض لك .
بعينان مُتسعه : الحين هذي فضفضه ؟! .
سحبت السلاح : اعطيني .
سحبته ابرار منها : لا وانا اقول اخيراً نزلته .
وقفتا ذُعراً وصوت خطوات ثقيلة تقترب لهم .
اريان اشارت بعيناها : روحي هناك .
حملت ابرار ملعقتها التي لا تدري ماذا تفعل بها وتحركت لحيث اشارت لها اريان .
اريان بهمس مُرتجف بعد ان سحبت السلاح : هدوء .
هزت ابرار راسها ورفعت ملعقتها الخشبيه .
تنهدت براحة وصوت انس المبحوح : اريان انتي هنا .
جلست بتعب هامسة : واخيراً .
ابتسمت ابرار على شكلها واشارت بعيناها : خلينا نفتح .
ارتفع طرق انس بقلق : اريان انتم هنا ؟! .
اريان بنبرة مُرتجفة : ايه .
ابعدتا الخزانة لتفتح اريان الباب بملامح صفراء .
خرجت خلفها ابرار لتهتف بتافف : وهذا على طول نزل مايقول اتطمن عليهم .
ابتسمت اريان من تذمرها : عاد هم مهتمين بسلامتنا ؟! .
ابرار غمزت : والله سؤالة اشوفه يكفي .
اريان بتعب عادت للغرفه : هذا وانا اقول بنخلع انفسنا منهم .
تبعتها ابرار : خلينا من الخلع الحين !ماراح تنزلين ؟ .
اندست بالفراش وبهمس : احس ببرودة في جسمي برتاح شوي .
في الاسفل . .
انس وهو يُدخل الرصاص بحركة سريعة : اذا ماتكلم ثورت براسة .
قاطعه ماجد : عشان يثور براسك بعده .
انس بغضب : وهو لية مايتكلم ويريحني ؟! .
ماجد مسك جبينه بصُداع : لو معلمين الشرطة كان ارتحنا كلنا .
تافف انس ليعتدل في وقفته على نزول ابرار .
نطق ماجد بغضب : انتي وش موديك فوق ؟ .
قاطعة انس بهمس غاضب : تراني للحين واقف .
امال ثغره بتهكم : زوجتي ولا زوجتك ؟ .
رفع حاجبه على كلمة زوجتك وبصوت مُستفهم : وين اريان ؟! .
ابرار بعينان تتوعد فيها ماجد من خلف انس : تعبانة .
واكملت بهدوء : وبترتاح شوي .
ادخل السلاح في جيبه الخلفي ب استغراب وصعد للاعلى .
ماجد عقد حاجبيه : وش سر النظرة اللي قبل شوي ي بنت منيف ؟! .
اقتربت وبغضب : وتسال وش سرها ؟ .
اشارت ب اصبعها السبابه مُهدده : نعم ليش رفع الصوت بحضرت ولد عمك ؟ .
واكملت بحدة : لو ماستحي ع وجهي وربي الا ارد عليك ، يكفي مخلينا بذا البيت وانتم عارفين ان فيه احد معنا ومجرم بعد .
بلل شفتيه ب ابتسامة : وتهددين ي بنت منيف ؟ .
تكتفت بحنق : وش سر الابتسامة .
اقترب بهمس : اهم شي انك بخير .
عادت للخلف بملامح حاقده : والله مافيه خير وانا معك .
اضاق عيناه : افا ليش ؟ .
صرخت بنبرة مُرتجفة : ياخي ليش احر ماعندي ابرد ماعندك ؟ ، بغينا . .
قاطعها وهو يضمها لحضنه : بس انتي بخير ليش كل ذا الخوف ؟ .
بكت لينصدم بخوف : صار لكم شي ؟! .
هزت راسها وبنبرة مُرتجفة : وانا انتظر عشان يصير ؟ .
رفع راسها لينظر لعينيها من خلال فتحتا النقاب : تراك خوفتيني وش ذا البكاء ؟! .
ابعدته هامسة : ابي ارجع لاهلي .
سحبها له : ياليل وهذا وانتي توك راجعه منهم ؟ .
همست بقهر : مارجعت انت اللي خذيتني بالقوه .
ابتسم هامساً : عاد انتي توقعي ليه اخذتك بالقوه ؟! .
ابعدته بقوة : هيه لا يشوفك ولد عمك .
غمز لها : ولد عمي اكيد مشغول ب ام عيون .
بغيره : وانت لحقت تشوف عيونها ؟! .
ابتسم من غيرتها المكشوفه له وببرود : عاد امس تمنيت اشوفها بس مع الاسف ماشفتها لكن بعرسها خذت قلبي .
صرخت : الله ياخذ قلبك ي ابو الحريم .
ضحك بقوة على ابتعادها الغاضب وصوت شتائمها يبتعد معها .
بلل شفاته السُفلية بتنهيده هامسه : وتقولين الله ياخذ قلبك ، وماخذاه الا انتي .
في الاعلى .
فتح الباب واقترب بخطوات هاديه : اريان ؟ .
اغمضت عيناها بقوة .
ابعد الغطاء وهو يرى شدها على ملامحها : اعرف انك صاحية .
همست : وش تبي ؟ .
انحنى : تقول زوجة ماجد انك تعبانة .
حركت راسها برفض لتفتح عيناها ي استغراب من برودت كفه على جبينها : مافيك حرارة .
ابعدت يده برجفة : ابي انام بس .
مسك يدها وبملامح جادة : اريان وش فيك ؟! .
سحبت يدها وجلست : ليش ماقلت لي انك بتطلع ؟ .
قاطعها : كنتِ نايمة .
ونظرها للغطاء : ليش حاط السلاح في يدي ؟ .
رفعت راسها له بتساؤل من صمته .
نطق بهدوء مبحوح : عشان تحمين نفسك .
عضت طرف شفاتها تمنع دموعها : بس انت عارف اني ماعرف استخدمة .
وصل صوته المُستفهم : تبيني اعلمك عليه ؟ .
فتحت فمها وبملامح مصدومة : من صدقك انت ؟ .
اعتدل في وقفته وادخل يده السلمية في جيبه : ايه .
تسمر في مكانه قبل ان يبتعد على صوتها : ودني لاهلي .
رفعت صوتها : تسمعني ؟ .
لف لها : واذا ماوديتك ؟! .
وقفت : بروح بنفسي .
بملامح غاضبه ضغط على اسنانه : وانا ماجبتك عشان تروحين .
صرخت مُحركة يديها بضياع غاضب : وانت جايبين عشان اموت هنا .
واكملت برجفة : ترى كان عندي فوبيا من الظلام ويلا قدرت اتخلص منه لا ترجعه لي .
قاطعها مُقترباً بخطوات واسعه : فوبيا من الظلام ؟! .
التزمت الصمت من تحديقه الغريب .
اغلق ثغره بعد ان كاد سأيقول شيئاً .
انزلت قدميها ووقفت بخوف من ملامحة : وش فيك ؟! .
حرك راسه بعدم تصديق وخرج قائلاً ب امر : لاتعتب رجلك الباب .
سحبت الغطاء بقوة ورمته ناحية الباب وخلفة الفراش وبدت تضرب بقدمها الارض حتى تُفرغ غضبها .
شعرت بعدم اتزان في ارضية الغرفة انزلت نظرها والغضب يُعميها : ولا انا ناقصتك بعد .
تحسست زواية السجاد بفضول لترفعها وعينيها تقع على كُراسة الرسم الصغيرة .
.
.
___
تهز جسدها بتوتر واضح .
رفعت نظرها وصوت فهد يصل لها : تراك وترتيني معك .
انتصبت في ظهرها لتعود للهز بعد ثواني بسيطة .
تافف بصوت مسموع .
بهدوء : ترى انا ماكلمتك .
قاطعها : ادري احمد اللي كلمني .
تنهدت براحة ، ليرتفع صوت رنين هاتفها .
فتحت الخط ناطقة بصوت عالٍ مُتناسية فهد : لُجين وينك عن جوالك ؟! .
غطت جسدها بالغطاء وبهدوء : كنت تحت مع البنات .
عبير بتساؤل : بالجامعة ؟!.
لُجين لوت شفتيها : لا البنات ماداوموا وجلست معهم .
عبير بضيق : طيب متى بترجعين للبيت ؟ .
لُجين بخوف من نبرة صوتها : العصر ، فيك شي ؟ .
عبير بغصة وهي تمنع دموعها من الهطول : ماقدر اقولك ع الجوال .
لُجين جلست : انتي وينك الحين ؟ .
رفعت راسها لتقع عينيها المليئة بالدموع في عينان فهد لتهمس : بروح الدوام .
لُجين بقلق : لا تروحين تعالي لبيت خالتي عايشه .
عبير بهمس : ماقدر اليوم فيه اجتماع .
قاطعتها لُجين : النائبه تستلمه عنك ، ولا ترى جيتك بالدوام .
بهدوء : خلاص بس لاتقولين لاحد شي لين اجيكم .
اقفلت الخط مُتنهده : خلاص مابي اروح الدوام ، روح لبيت خالتي اللي وديتنا له مره .
حرك راسـة : احسن .
بضيق : وش قصدك ب احسن ؟ .
ابتسم : لاتفهمين غلط ، بس واضح مودك مو لدوام فقلت احسن .
التزمت الصمت وحدقت في الخارج بتفكير طويل .
اتاها صوت القلق : كان الموضوع كبير ؟ .
ضغطت ع نفسها قائلة : وانت من عشان تسال ؟ .
وبنبرة صارخة وهي تُفرغ غضبها فيه : مو عشان طبعي هادية واسكت واتجاوز اشياء كثير دايم اكون اخر من يدري .
واكملت ب انفاس مُضطربتة : كانك مو موجودة .
قاطعها بعد ان اوقف السيارة : اخت عبير ، انا ماقصد بس شفتك متضايقه ومن اليوم مو ع بعضك .
قبض بقوة على المقود وصوت بُكائها يرتفع .
تأكد من ثبات شماغه على راسة وبتوتر : انا اسف .
قاطعته بنبرة مخنوقة : شوي مضغوطه انا اللي اسفة .
نزل من السياره وبجمود : راح اخليك لحالك حتى ترتاحين .
تنفست ب ارتياح ومسحت دموعها بقوة مُتذمره من نفسها .. مالقيت ابكي واطلع ضعفي الا قدام ذا .
تافف برجفة : اوف ي عبير اوف.
استنشفت هواء عميق واغمضت عينيها تطرد الفشلة من راسها .
اشرعت عينيها ببطء على فتحة للباب وركوبة حاملاً كوب قهوه ومده لها : تروقك .
حركت راسها برفض وانزلت نظرها بفشلة .
حرك يده : لو اختي مكانك سويت كذا .
ببتسامة صغيرة ارتسمت على شفاتها .. وهو كل مره بيتذكر خواته فيني ؟ .
نطق بتساؤل ونظرة اماماً : بتاخذين الكأس ؟ .
سحبته لتلتمس اصابعها اطراف اصابعه بهدوء ترك الكوب ومسكتة قبل ان يسقط برجفة .
وبنبرة خافته : شكراً .
هز راسه وهو يقود بتوتر .. فالاول مره يشعر بهذه الرعشه والاول مره ايضاً تلمس اصابعه فتاة غير محرمة له .
تركت الكوب في المكان المُخصص له بدون ان ترتشف منه .
.
.
__

مسك جبينه بكفة الايسر بعدم تصديق مما سمع .
مساعد وعيناه في الملف الطبي الذي يشرحة عبدالرحمن : يعني تقول ان الطبيب اللي كان ماسك حالتها مو طبيب ؟ .
هز راسه : ايه وهذا واضح .
واشار لتوقيعات : زي ماتشوف هو الوحيد اللي يدخل عليها ومشرف في حالتها .
سعود وقف : يعني الموضوع فيه تزوير ؟!
هز راسه عبدالرحمن : اية اللي فهمناه انه مو طبيب ومزور اسمه .
واكمل واقفاً : وحتى بحثت عنه ومالقيت له اي اثر .
سعود بغضب : وكيف اشتغل واستلم حالتها وهو مو طبيب ؟! .
عبدالرحمن رفع كتفيه : هذا السؤال .
مساعد بعد تفكير : نسبة حياتها كانت قليلة وكانت على وشك الموت بعد ساعات قليلة من انتشار المحلول في جسمها ، ليش الخطف ؟! .
هز راسه عبدالرحمن بتأييد : وهم بالنهاية عارفين اننا بنعرف انها ماتت مقتولة .
سعود مسد على جبينه : المصيبه انها مامات كانت عايشه في الاستراحه اللي داهمناها .
نظروا لبعض ب استغراب .
مساعد بعدم تصديق : وهي عايشه الان ؟ .
حرك شفتيه بخيبة : مالقيناها الاستراحه كانت فاضيه .
رفع هاتفه على رنينة واعتذر مُبتعداً : هلا .
راكان بتوجس : وينك ؟! .
سعود تنهد بضياع : للحين مع الدكتور عبدالرحمن والدكتور مساعد .
بتردد فهو لا يعرف كيف يُخبره : وكيف النتائج ؟! .
سعود تنهد : اخيس من توقعاتنا .
ضرب راكان المكتب بقوة .
نطق سعود : لما نتقابل راح اشرح الموضوع .
اتاه صوت راكان قبل ان يُقفل : طلعت تحاليل الشخص الثاني .
اشدت نبضات قلب سعود ليهمس : من ؟! .
واكمل بخوف : لاتقول اعرفه ؟! .
راكان عاد بظهره للخلف وهو يُغطي ثغره بظهر يدة : مع الاسف انك تعرفه .
وبنبرة هادية : وكنت شاك فيه من اول ، بس ماحبيت اعتقله بدون سبب واضح .
قاطعه سعود وصبرة ينفذ : راكان منهو ؟! .
راكان ببطء : ***
فتح سعود عينيه ...
.
.
___
.. ( نهاية البـارت الواحد والـأربعون ) ..

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

100


‏جمال الاختيار
خلفه ذآئقة جميله جدا

تعرف ماذا تقدم

‏محتوى الطرح اكثر من راقي

من الاعماق
اقدم لك شكري واحترامي



‏ليل المواجع
محمد الحريري

سلمت يمناك
طرح جميل جدا

سلمت اناملك لروعة ذوقك يسعدك ربي ويحقق أمانيك

راقني انتقائك الماسي
تسلم يمينك
ودام عطائك العذب
پآقة ورد

طرررحك رووووعه للموضوووع
والله انك ذوووق

يعطيك العاااافيه

- أنتقآؤكْ رَبيعٌ فاتِنْ ..
أروتني معرفتٌك حد الإكتفاء
لقلبك بياض لا ينتهي

سلمت الآكف ومَاجلبت
إبداع دآئم وتميز مُستمر
لا عدمنَاك
قوافل شكري وتقديري لك