ديوان /بن شلوان

البارحه نامت العالم وانـا صاحـي من كتمتٍ بالصدر والهـم متحـدي
شفت الغني لونذل ويدنه اشحاحـي كلـنٍ يعـزه معـزه مالهـا حـدي
المال يرفع رخمت القوم لاطاحـي والفقر حيل السنافـي منـه ينهـدي
يابو علي خاطري ماهوب مرتاحـي يصعب علي انشراحه والزمن ضدي
ياعزوتي فالقشر وايـام الافراحـي ياطيب الساس طيبك غصب ينعـدي
انخاك انا وستشيرك قبـل ينباحـي صبرٍ صبرته بدى ينباح مـع سـدي
والقلي بين الهوى والنفس ملواحـي ملواح طيرٍ غدى في حزت الهـدي
ياوين ابلقى طبيب الجرح جراحـي اللي يداوي جروحي ليتـه يـردي
المسك والورد لامنه هـرج فاحـي من مبسمه ليت جده ياولـد جـدي
وخدٍ كم البرق لامنه كشف لاحـي صوبه سريعٍ بممشى الرجل ماهدي
لامن طرى ماتمل الرجل مرواحـي انصاه وان جيت له محظور مالـدي
جنبت ماكـن قلبـي لجلهـا ناحـي كني مدور لغيـره رحـت متعـدي

يقول من ضاقت عليـه الوسيعـه
شرّفت من همّي طويل المراقيـب
وكثرت هواجيسي جداد ورجيعـه
هواجسِ منها الطّفل راسه يشيـب
أصارع همومي ونفسـي وجيعـه
واسباب مابي من هموم وعواقيب
من عالمٍ وقت الرّخـى بالطّليعـه
ما مثلهم وقت الرّخـا بالتراحيـب
واقول ذا ذخـري وهـذا تبيعـه
واللي بقى بانصاه ما عنه تجنيـب
طبيعتي يـا حلوهـا مـن طبيعـه
حسبتهم مثلي على فعلـة الطّيـب
واثر الرّخى تاليه يطلـع خديعـه
واكبر خديعه فيه تكثر الاصاحيب
يالله عسى وقت الرّخـا للقطيعـه
ماقل صدقانه بوقـت الاصاعيـب
توّي فهمت من الضروف الشنيعه
ليت الليالـي بكّـرت بالتجاريـب
وعرفت منهو فزعته لي سريعـه
اللي على وجهي يشوف المتاعيب
من صلب جدّي والوفا ذب ريعـه
فهد ولد جخير ذيبٍ علـى ذيـب
له هيبـةٍ مثـل الجبـال الرفيعـه
عون الرّفيق اللي همومه محاضيب
له وقفةٍ مثل الحصـون المنيعـه
فيه اتذرّى من سمـوم ولواهيـب
كن الكرم فرضٍ عليـه وشريعـه
وكنّه مكلّف في جميع المواجيـب
نفسه على كسب المعالـي تطيعـه
ويفزع لمن صكّت عليه المغاليـب
جمايلـه ماهـي جـدادٍ بديـعـه
ورثٍ من اللي كسبهم شمّخ النيـب
ذا قول من ضاقت عليه الوسيعـه
شرّف من الضّيقه طويل المراقيب