ديوان /بن شلوان

الله مـن قلـبٍ مـع الهـم جـوال
تصفق به الدنيا وصابر على الجور

صبرٍ صبرته يالحّبيب علـي طـال
وصبرالمـوده يشبـه لنـاردافـور

ياماصبرت اوقـات وايـام وليـال
وقفت لياليها مـع ايامهـا شهـور

والبارحه ياصاحبي ياهـوى البـال
كني غريبٍ من عنى الو قت مقهور

في غربته لو كان قاسـي ورجـال
يبكي على ربعه ولا هوب مسرور

وانا سواته دمعتـي تهمـل همـال
انشهد اني يالغضي فيـك مجبـور

ابكي على لا ماك مادمت اباحتـال
واون من فرقاك ونـات مكسـور

وارتاح لاشفتك علـي تقبـل قبـال
مسحوراناياصاحبي فيك مسحـور

شكلك غريب ورمش عينك له ظلال
من فوق خدك يشبه لصف طابـور

وعودٍ يشادي غصن موزٍ الى مـال
عودٍ نعم ومجـاوره ورد وزهـور

يابـو نهـودٍ كنّهـا وقـم فنجـال
فيك الحلا والملح واجمل من الحور

خلك معي يازين وارفق على الحال
تأثيـر حبـك مايداويـه دكـتـور

تأثير حبك صـار للحـال سـلال
والحب بلوى مايجي لعبـة بـزور

واقلبـي الـلـي راح بــلا محـلـه
روح مع المحبوب من بـد الاشخـاص

نتـق معاليقـه مـع صـاحـبٍ لــه
نتقة سبوق الطيـر مـن كـف قنـاص

ولا كمـا جيـبٍ مـع سـيـف تـلـه
لمن توجه يم عرعـر علـى الشـاص

مالـوم قـلـبٍ درب خـلـه يـدلـه
يتبع هوى اللي حط له منـزلٍ خـاص

لـه منـزلٍ بيـن الرمـوش المظـلـه
وان جا على صدره بوسط الحسن غاص

امـداومٍ قلبـي علـى مـدهـلٍ لــه
بيـن النهـود ولانـوى بالتـرخـاص

فـي مرتـعٍ طـول العمـر مايمـلـه
بضيافة اللـي وافـيٍ لـه بالاخـلاص

وينسخ ويلصـق مـن وصـوفٍ لخلـه
فالذاكره تلصق معـي لصقـة المـاص

قلبـي وفكـري للغـضـي مستقـلـه
فيها لحالـه صاحبـي بـد الاشخـاص

ألايامرحبـا لاجيـت تفضـل عندنافـي البيـت
وخذ فنجال لامريـت وشوفـك ثالـث العيديـن
ولاشفتك معي جالس تراني صـرت مستانـس
وحيـدٍٍٍٍٍٍٍ مالـك منافـس بقلبـي ساكـنٍ يازيـن
غـلاك يـزود يالغالـي وطيفـك دوم يبرالـي
والامن رحت عزالي ترى قلبي غـدى قسميـن
نصف قلبي ياروح الروح معاك يروح يوم تروح
والاخرباقي ومجروح ولاأرقد والعرب ممسيـن
عطاك الله (خفةدم) عسى شملـي معـك يلتـم
وطـول الوقـت مانهتـم سنتنـا كنهـا يوميـن
تسولف لي واسولف لك وتامرنـي وانفـذ لـك
وكلك لي وكلي لـك مادمنـا يالغضـي حييـن
حسين الدل والمنطوق ثمانـك مثـل درالنـوق
وعنقٍ بالحـلا منتـوق فديتـك ياكحيـل العيـن
تقول أنك علي مشتاق أنا المشتاق أجي منسـاق
سنى خدك كماالبراق ونورك من بعيـد (ايبيـن)
يانورالعين كلـك نورأنافـي نظرتـك مسحـور
تراك لعلتي دكتـور وشوفـك ثالـث العيديـن

</b></i>

يا ونتي ونّـة نمـر تالـي الليـل
يومه على وضحى يجـر الونينـي
ثانـي نهـار العيـد ذاق الغرابيـل
ينعـى بصـوتٍ يزعـج النايمينـي
معشوقته ماتت وانا يـا رجاجيـل
مقوى فراق الزيـن لـو ساعتينـي
لو مات خلّي كان بصبر على الويل
وانسـاه وحنـا بالقـدر مومنينـي
لكنّ غاب وهـل دمعـي هماليـل
الله يـردّه دامـت الـروح فينـي
لا غاب عني صرت مثل المهابيـل
حلو الكرى ما طب يا ناس عينـي
حبه قضبني مثل قضـب المحابيـل
واصبحت في حبّه مؤبـد سجينـي
قلبـي عروقـه يابسـات مماحيـل
قربه حيـاة الـروح ليتـه يجينـي
قربه حياتي كنـه الوبـل والسيـل
لامن غشى الأرض الهميده تزينـي
اللي صفالي مـا يطيـع العواذيـل
ما سمع فينـي هرجـة العاذلينـي
والله مااسمع به هل القـال والقيـل
يشهد علي ربـي وبحلـف يمينـي
يا سالم ابن جخير يابـن المشاكيـل
الهـم يـا مشكـاي بيـح كنيـنـي
ماعاد فيها يا ابـن عمـي تساهيـل
بنخـاك تكفـا جـاك علـم يقينـي
معروف في راسك صعاطير حلحيل
حلحيل ما تنحال فـي كـل حينـي
فالدّرب تمشي ما تـردّك عراقيـل
للكايده يـا القـرم ضلعـك متينـي
اسمع كلامي وافهمـه بالتفاصيـل
عليك حفظ اسرار قلـب حزينـي
ولا لفينـا مـن عيونـه مضاليـل
باقي علومـي سـر بينـك وبينـي

البارحة ماغمض الطـرف برقـاد
كثرت هواجيسي وعفـت المنامـي

على وليفٍ صد مـن جـد وعنـاد

قلت السـلام ولا يـر دالسلامـي

ويش السبب يامخلـفٍ كـل معتـاد

ويش غيرك ياشبـة قايـد الادامـي

قال السبب واللي جرى يابن الاجواد

شاعر تلاحـي نايحـات الحمامـي

متهيضٍ يا نعير وجر و حك جـداد

والعلم واضح يـا جديـد الغرامـي

تقصد بغيري وان تعذرت وش عاد

خلك معة وادع بحسـن الختامـي

ماجاك منـي هجروزعـاج وبعـاد

يومك تنوح وتشتكـي كـل عامـي

هذاجزااللي ماسمـع فيـك حسـاد

قلي الصراحة لايطول الخصامـي

قلت الصراحة زاد حبك معـي زاد

الشاهدالمعـبـود رب الأنـامــي

والله ثـم والله يـاغـض الأنـهـاد

ديـن القطـع مقرونـةٍ بانتظامـي

ما حب قلبي غير شخصـك ولاراد

أنتالوحيـد ولايمـي بـك يلامـي

محدٍ سقانـي يومنـي كنـت ورأد

ذيك السنين اللـي بهاكنـت ظامـي

قدام أعرفك عايـشٍ عيشـة انكـاد

واليوم طاب الكيف وأسمع كلامـي

ميزات ذوقي مالها أرقـام وأعـداد

والله جمعها فيـك والحـظ قامـي

ريح ضميرك من هواجيس وجهـاد

لايلحقك مـن سـو ظنـك أثامـي

كان القصيد بيجرحك قلـت لاعـاد

والصلح مثل النور يجلى الظلامـي

وكان العذر والحلف ويـاك مافـاد

وش تنتظرعجـل بحكـم العدامـي

واعذابي يوم هب الهوى صلـفٍ شمـال
ثم تعزّل عود من مرّني وصفـه غريـب
ضافي لبسه يحب الستـر عقـل وجمـال
والهوى بيّن وصـوفٍ غريبـه للحبيـب
شفت شيٍّ صابني واشتعل قلبي اشتعـال
قدرة الله جابته حـط فـي قلبـي لهيـب
عود موز كل ما ذعـذع النسنـاس مـال
ويتثنّى من الهـوى ليّـنٍ عـوده رطيـب
نـادرٍ فالبيـض جنسـه حلـيٍّ للغـزال
لا حشى ما شفت مثله بعيـد ولا قريـب
الحلى والملـح والحسـن كلـه والـدلال
من صفات اللي جرحني وانا منّه صويب
جوهرٍ غالي ثميـن اشهدانـه راس مـال
كامل بالزين مافيـه ابـد مثلـه رهيـب
الخطر بعيونه اللـي هدبهـا لـه ظـلال
سحرها ما ينقضـه لا مطـوع لا طبيـب
واتصبر ماقدرت الصبّـر والدمـع سـال
والضلوع الحدب لجّت وقمت أنحب نحيب
مثل ذيبٍ اصبح الصبـح ماجالـه مجـال
ثم عوى بالجال يبغى العشا وسط الشّعيب
حدّته سحم الضّواري على روس الجبـال
ثم تزايد بالعوى قـام يقنـب لـه قنيـب
كلها من سبّة اللـي عسـى رب الجـلال
يجمع بشملي مع اللي خيالـه مـا يغيـب
سعد من يمسك يمينه على السنّـه حـلال
والله انّه كاسبٍ مـن يجيلـه ذا نصيـب
واهني منهو رشف مـن ثنايـاه الـزلال
رشفةٍ من مبسمه تبري الجـرح العطيـب
والله ان يطري علي كل ما هب الشمـال
كيف أبنسى صاحبٍ مرّني وصفه غريـب

يا قمر بالسّماء ليلـة ثمـان وسبـع
عندنا واحدٍ في الأرض مثلك تمـام
صغيّر السن كامل وصف زين وطبع
كمّله بالوصايـف رب كـل الأنـام
نظرة العين له من عاد فوقـه قبـع
قبل يطغي جماله قبـل عامـا بعـام
يهتني صبي عينٍ من وصوفه شبـع
يسعد اللي يشوفه وان هرج ببتسـام
العسل طعمته بيـن الشفايـف نبـع
ونور خدّه كما برقٍ يزيـح الظـلام
شوق قلبي لغيره قد جبعتـه جبـع
من عرفته وانا غيره عليّـه حـرام
طابعٍ حب محبوبـي بقلبـي طبـع
متّصل بالعروق وباللحـم والعظـام
نار بعـده بقلبـي تشتعـل ياالربـع
وان قربلي تجي بردٍ علي وسـلام

وا قلبي اللي كل يـومٍ وأنـا أنهـاه
ميّس من اللي حال من دونه اليـاس
لاجيت أبنهى القلب عن غايـة منـاه
واجوز من اللي وقفوا دونه النـاس
غصبٍ علي أبكي إلا حـل طريـاه
تبكي عيوني بدمعها تصير غطـاس
حسبي على اللي سهّر الطرف وأبكاه
لجله سبحت بحـور هـمٍ وسـواس
ما شفت أنافي البيض مثله وحليـاه
خلٍ جميـل ولا لقينـا لـه أجنـاس
محلا وصوفه يـوم أحلّيـه محـلاه
كتفٍ وردف وعنق ونهـود جـلاّس
وخـدٍ كماالبـرّاق حمـرٍ شفـايـاه
وحجان سود وخشم وعيون نعـاس
لامن نظرت أوصاف خلّي أقـول آه
واحمس كبدي حمس بـنٍ بمحمـاس
سبحان ربٍ خالـق الزيـن سـوّاه
منساه أنا لو يطلع الشيـب بالـراس
يطري لمن شفت القمـر كنـه إيّـاه
يطري علي ويزورني كل هوجـاس
نور القمر نصف الشهر جاب ذكراه
ذكراً تخلّي صاحي العقـل ينحـاس
آخر كلامي قلت يـا نـاس منسـاه
قلبي صخيفٍ له رهيـفٍ وقرطـاس
عزيل حالي من هوى الترف عـزّاه
مكّن بي العلّه وسيـس لهـا سـاس
ومن لامنـي يـاالله تصيبـه بدنيـاه
من لامنـي عسـاه كـدّه بالأفـلاس

عزّالله إنّي يا أريش العين مسـرور
صدفه بلا ميعـاد والنـاس غيّـاب
ومن أولٍ لاجيت لين أنت محضور
وتشّر على الحضّار وتقوم مرتـاب
وأتابعك بالعين والحـال مخطـور
وعليك دمعي فوق الأوجان سكّـاب
حط الوعد يـومٍ محـدّد ومخبـور
لاتتركه مفتوح والقلـب منصـاب
وجاوبتني بالهمس ثم قلت حاثـور
حاثور تاتي وإنتظر منّـي اكتـاب
وأقفت ليالينا مـع أيامهـا شهـور
وأنا أنتظر هالخط يا تلع الأرقـاب
والحمد للي بأمـره أيامنـا تـدور
اللي جمعنا اليوم ياسيـد الأحبـاب
شل البريقع يظهـر النـور يانـور
يانور عينـي كيفنـا تـو ماطـاب
وغير المبيسم يا هوى البال معذور
مالي هوى إلا طقّت الناب بالنـاب
عندي قناعه وأنت ماحولك قصـور
عطيتني روحك مسلهـم بالأهـداب
مشكور ياسيـد الغناديـر مشكـور
ملكتني ولاعادلـي عنـك مجنـاب
يفداك خلٍ ضيّع الوقـت مغـرور
ضاع العمر ويّاه ظنّي معـه خـاب
وألحين نادم خاين العهـد مقهـور
مقهور منّي يوم ماأحسب له إحساب
وإن شفت حاله شين ماقلت ماجور
خان العهد والحلف من بين الأطناب
باصوم لأجل الحلف والذنب مغفور
رب البريّة يغفر ذنوب مـن تـاب
ماني على طرد المقفّيـن مجبـور
ما خلق لي قلبين صـادق وكـذّاب
لي قلب واحد ما يداني هل الـزور
لكن أشوف الزين للصدق حـرّاب
حظّه تردّى خاطـره دوم مكسـور
ومن أولٍ يطلب وذالحيـن طـلاّب
مطلوب يوم إنّه صغيـرٍ وغنـدور
يوم الهوى فالجوف عاصف وهبّاب
والحب في وقته مثل ورد وزهـور
لاصار في وقته يجي شي جـذّاب
وقتٍ بغيته راح من دونه عصـور
توّه يجيني يشتكـي هـم واتعـاب
راح الربيع وموسم الحب محصور
وأقفى الهداد وحط للطير مقضـاب
ماعاد له رجعه وبالخيـر مذكـور
باجنّبـه مـا دام للكيـف شـرّاب
غيره لقيته صاحـبٍ كنّـه الحـور
وحظّي تعلّى وانفتـح تـوّه البـاب

يـا ليتنـي مارحـت للبـر كشّـات
ولالقيـت امخلّـي البـال مشغـول
ماشفت مثلـه بالعـذارى الجميـلات
قدام أشوفه جاني الوصـف منقـول
من وصّفه لي جر بالصـوت ونّـات
وأكذّبـه وأقـول مـا هـو بمعقـول
وأثره صدوق وكل مـا قالـه اثبـات
جاني اختلاف وضعت وش عاد باقول
شفت الجمال اللي بحوره غزيـرات
يجذب ويشبك من يشوفه على طـول
أول نهـارٍ شفـت سيـد الحسينـات
خلاّ ضميـري بالهواجيـس مدهـول
وآخر نهارٍ شفـت فيـه المسـرات
من عقب ذاك اليوم والحال مسلـول
حدرا مـن الشملـول زاد التنهـات
واقلبي اللي من هوى الزيـن منتـول
حرّك به السـوّاق ثـم لـد نظـرات
واقفى وأنا مـن نظرةالعيـن مقتـول
لـد النظـر بعيـون سـودٍ جريّـات
حط بضميري نار والعقـل مذهـول
له نظـرةٍ ترسـل سهـومٍ سريعـات
عزّالله إنـه جانـي الهـم مرسـول
لاوالله إلاّ حـط بالقلـب حـسـرات
ياسعد من زاره من الحـول للحـول
سبحان رب الكـون رب السمـاوات
من صوّره شكله غريـبٍ ومجمـول
ليته معـي وأقابلـه كـل الأوقـات
وعن حب غيره بعلن البـاب مقفـول