محطات الغياب

أنا ما جيت ادوّر في خطايا الوقـت لـي تبريـر

ولا جيت اسرق انفاس المواجع .. يـا معنينـي

من اوطان المواجع جيت .. لي فيها بلاد .. وبير

ولي فيهـا سحايـب .. ماتكـفّ ولـو تكفّينـي

كريمة ماعليّ منها خلاف .. ولا علـيّ تقصيـر

وفيّة .. لو غدر وادي الوفا تمطر .. وتروينـي

مجرّد عابرة وهـم الامـان الممتلـي .. تزويـر

لا جيت ارجوك تحملني .. ولا اصرخ لا تخلينـي

بلا موعد لقيتك في دروب الهم .. تحـث السيـر

وانا مثلـك طوانـي ليـن ملتنـي .. عناوينـي

سألت الدرب عن جرّة خطاك .. ولا عطى تفسير

وانا مابيـه لا يعطـي جـواب .. ولا يسلينـي

كلام ٍ حار في فمي .. تلعثم .. خانـه التصويـر

مثل ماخانني حظ الردى .. ليـن انهـدم لينـي

كسر ساق الاماني .. مـد يدّينـه عشـان يثيـر

زلازل ويل فـي صـدري .. وتتفجـر براكينـي

أنا يا سيدي جيتـك وانـا سبقـت .. بالتكبيـر

طويت الصفحة اللي كم تحرّت .. خـط تلوينـي

على الضّفّة من الغربة قتلت الحلـم .. بالتغييـر

وذكّيت الهنـا قبـل انتظـاري لـه .. يذكّينـي

تعبت وملّت انفاسي .. من الترحـال والتهجيـر

وملّ الشّوك في درب المواجع .. نزف رجلينـي

أنا ماجيت اصبّ الهم ذنـب ويطلبـك .. تكفيـر

ولا جيت اشربك موت الهقـاوي يـا مقهوينـي

مجرّد عابرة بارحـل عـن عيونـك بـلا تبريـر

بلا عذر وبلا كلمة عتـاب .. وقبـل تقصينـي !

فمان الطهر ياغربة شعور ويـا عسـاك بخيـر

محطّـات الغيـاب تلـمّ همّـي .. يـا معنينـي


منقول.