عابر سبيل

(( عابر سبيل ))



ان سـالتــي مــن انا قلت لك عابر سبيل

وان سالتي كيف انــا قلت لك انــي اكــون

الخطـاوي التايهــه في دروب المستحيل

والدمــوع السايحه من عنــا فوق الجفون

والصحــاري الضاميه والامـل فيني قليل

والسكون اللي سبق عاصفة طبعي سكون

والطموح المنجرح من طموحات الهبيل

والبحــور المظلمه والاغــاني والشجــون

والعيــون الغـارقــه والفــؤاد اللي عليل

والسيوف الجارحــه في فــؤادي يسكنون

واليتيـم اللـي بكـا مــن شقــا وقـتٍ ذليل

مــا جنــى في دنيته غيـــر دمعٍ في عيون

والحـزن صــوبي انــا عارفٍ دربه دليل

والامــاني والفــــرح من دروبي يستحون

صـرت انــا في دنيتي للحزن كني دخيل

مــا جنيت الا حــزن والحــزن فيني جنون

ناظــريني والالــم مـالــه ابـدربي بديــل

ناظريني مــا بقى غيــر جرحــي والطعون

لـــو فهمتــي مــن انـا مـا تركتيني قتيل

والفــؤاد اللـي رجـا رجعتك صــار مغبون

لا سالتـي مـن انـا قلت لك ليلـي طــويل

والاجـابه مبهمه لــو سالتــي كيــف اكون


بقلمي / عيسى العنزي