غرامك صار عنواني وانا قبلك بلا عنوان...

" بعد اسبوع "

" كانت منار قاعده في الصاله تشوف التلفزيون ومسرحه مو معه ماحد عندها ولا احد جنبها .. "

" شوي ودق جوالها ورفعته وشافته رقم "

" في البدايه ماردت قالت اذا دق من جديد بترد بس الحين لا اكيد حد غلطان "

" وبالفعل دق الرقم من جديد وقامت وردت "

منار: الووو
... : السلام عليكم
منار رقع قلبها وبهدؤء: وعليكم السلام .. من معي
.....:منار
منار هبط قلبها : من بغيت
....: بغيت منار
منار نشف ريقها : من يبيها ؟

" الطرف الثاني عرفها من صوتها "

......: قولي لها سلطان يبيك

" منار بدت ترتجف وصلحت جلستها وسكنت يوم سمعت هالكلام .. رمت الجوال بخفه عليها .. معقوله وصل لهنا لااه شكله ناوي يطق باب بيتنا والله "

سلطان : الووو منار منار

" مناار اخذت الجوال ومشت فيه بسرعه لعند غرفتها حست انها مراقبه "

" وبعد مادخلت شافته لسا ماسك الخط .. اقعدت على السرير ومسكت رجلها تهدي اعصابها "

منار ووبطئ وبقوه : انا منار بغيت شي
سلطان بصوت هيمان : أي بغيتك انتي
منار عصبت : اسمع الى هنا وبس واياك ياسلطان تقرب اكثر
سلطان باستهزاء : بس الى هنا مو قريب يامنار
منار بدت تنتفض : طيب وش تبي مني ابي افهم وخير متصل علي
سلطان : فقدت ع النت وقلت اكلم اتطمن علييك
منار: تدري انك واحد حقيييير والاحقر انا اللي مواصله معك " وقفلت "

" وقعدت وهي تنتفض .. "

منار" ياربي وش سويت وهذا التبن الى وين وصل .. ياربي مابقى وقسم بالله الا يوقف عند باب بيتنا .. ياربي مستحيل.. وش اسوي الحييين "

" انسدحت منار على قلبها تهديه لانها بكبرها صارت ترجف ..وبعدها فكرت تتصل بلميس وتقولها كل شي تعرف انه لميس قويه وتسوي كل شي وغير كذا قريب منها "

" وبعد مادق "

لميس بروااااااقه : هلوووووو منوووري
منار بصوت مكتئب : هلا والله
لميس: افااااا بعينا بالسوق
منار مالها خلق: وينك فيه عندك ازعاج
لميس: والله بالصاله مع امي ومازن "وتضحك "
منار ابتسمت والله انها فاضيه : ابي اكلمك بموضوع
لميس: هممممم يعني اقوم
منار تتنهد : ياليت
لميس: طاااايب ولا يهمك " وقامت مع انه مازن كان يناظرها "
" لميس تطلع الدرج وكان مافيه ازعاج "
لميس: أي وش عندك؟تحمست
منار تنهدت : شوفي لميس اللي فيني يكفيني وانا مادقيت عليك الا ابيك تساعديني مو تزيدين الهم بله .. انتي عارفه انك اقرب لي حتى اكثر من اختي عشان كذا بقولك لك شي بدوون ماتعصبين ..

لميس: خرعتيني يالله قووولي

منار قالت لها كل شي

لميس فتحت فمها بالقوووه
منار تدمع : لمييس والله مدري وش اسوي ماكنت ادري لهذي الدرجه بتوصل نذالته
لميس: انتي كلمتيه بعد ماشفتيه
منار: لاوربي ولا ادري عنه بشي
لميس: طيب خليني افكر شكل السالفه يبيلها ..... ولالا لاخلاص خليني افكر
منار: وش يبي لها؟
لميس:والله مدري خلييني افكر وبرد عليك انا اوريك فيه ذا الحقيييييييير
منار: تكفين ساعديني والله لو يعرف واحد من اخواني لايذبحوني
لميس: وين حنا فيه يذبحونك على الفاضي والمليان وش مسويه انتي هاه
منار: بعد هم وش دراهم
لميس: عاااااد اخلصي الحين بسكر خليني افطر وبدق عليك زين
منار: لميس انتظرك تراي بمووت
لميس: لاتقولين كذا سامعه
منار: يلا باي
لميس: باي

.
" لميس حزنت على حال منار وكله من تسرعها من علاقات العنكبوتيه .. اول شي فكرت فيه .. ان السالفه يبي لها رجال .. أي اكيد حنا مانعرف نتصرف مع هذي الاشياء والمواقف .. "

" وقعدت تفكر وتفكر وتفكر "

" بينما منار بدت الشياطين والخيال يلعب فيها لوصار لوصار وش بيصير فيها .. وصارت تدمع من الخووف "

" وقطع عليها صوت مسج منه "

" منوو سوري حبيبي حسيت من صوتك متضايقه
وقلت بنفسي اتصل عليك وقت ثاني
اعرف انك بتشتاقين لي بس مابي اضيق خلقك
معليش قلبو تحملي تصبحين على خير"

منار على طول راح فكرها لبعيد ورمت الجوال ورمت نفسها بالقوه على السرير " ياااااااااري ايش اسوي " وصارت تبكي " الحقير شكلي يبي يوهقني ..... ياااااااربي وش سويت انا عشان يصير فيييني كذا "

.
.
.
" عند لميس "

" لميس قعدت تفكر وتقلب الفكرة براسها يمين ويسار .. ماتعرف يسكتون ولالا ولا ايش يسوون .. لالا هي تعرف وحده سكتت على اشياء بسيطه مثل كذا وانقلب عليها .. مستحيل تتخيل منار مكان ذيك .. فقامت تفكر "

" اول شي فكرت فيه ان منار تقول حق فواز .. بس فواز تخاف منه وفواز بنظر لميس انسان وحششي شديد ماتمشي عليه هذي الحركات .. وابعدت الفكره وطلال ماتفكر فيه لانه متهووور"

لميس " ماااااافيه غير مازن أي مازن متفهم ويحب منار يعني اكيد بيساعده واكيد ماراح يشك فيها .. مدري اقوله ولا لالا.. اخاف تذبحني منار .. ياربيه ايش اسووي .. حنا طيب وش نقدر نسوي .. ذا وصل لتليفونها بكرا ماندري وين يجي لايكون يخطفهاااااا هئئئئئئئئ " (( لووول وين حنا فيه ))

" حطت يدها على قلبها وراحت تنادي مازن لاشعووري "

لميس: ماااااااااازن مااااااااااااااااااازن

مازن من تحت : نعــــــــــــــــــــــــــــــم

لميس: تعااااااااااااال بسرعـــــــــــــــــه ابيـــــــــــــــك

مازن : زيـــــــــــــــــن

"مازن حاسه قلبها ان السالفه فيها منار وعل طول نقز "

" طلع فوق ودخل غرفتها وهي كانت قاعده تنتظره بحماس "

مازن: شعندك
لميس صرخت: سكر سكر الباب
مازن نقز: العن شكلك طيب شفيييك تصارخين خرعتيني
لميس ضحكت
مازن راح سكر الباب ودخل وسحب كرسي وقعد : شبغيتي
لميس عطته ابتسامه كرست : شخبارك
مازن ضحك : الحمدالله شعندك وراك شي
لميس تهز راسه بمعنى ايه وبطفوليه
مازن : امريني
لميس صارت جديه : مازن اسمع انا خبري فيك عاقل ومتفهم وتفكر بالشي قبل لاتتكلم
مازن: طيب وبعدين
لميسس: همممممم " نزلت راسها وبعد فتره " ماتعصب وتخليني اكمل لك كلامي كاااااااامل وبعدين لك الحرية تقول الي تبيه
مازن: اوكــي
لميس رفعت راسها : هو يتعلق بمنار
مازن فتح عيـــــــونه
لميس على طول فهمتها
لميس: أي وانا اعرف انك تحبها مثل اختك وتهمك مصلحتها صح
مازن مو بس احبها اموت فيها : أي وش فيها منار؟
لميس : طيب منا

" تررررررررررن تررررررررررن "

لميس : هذي هي لحظه برد
لميس: الوو
منار: لميس الحقييني رسل لي مسج وقال ...."وقالت لها ولميس فتحت عيونها " شوفي الحين مازن جنبي بتصل عليك بعدين اوكي انتي بس طنشي
منار اخترعت مازن عندها: زين يلا باي

" وسكرت "

مازن : شفيها مناااااار

" وقالت له كل شي من البدايه عــدا انه لحقهم لندن لانها خافت من تعابير وجهه "

لميس :,,,,,,,
مازن وقف: وبعد
لميس خافت :.....
مازن : كملي
لميس: لاتناظرني كذا تسمع

"مازن روق لان يعرف اخته عنيده وعادي ماتكمل له ولان اعصابه بدت تفلت وهدا من نظراته"

" وكملت لميس كل اللي عنده عشان يكون بالصوره لو صار ماصار"

لميس: ووبس

"مازن نزل راسه وشوي وقام "

لميس: وين بتروح
مازن : خليني افكر يالميس " قالها بتعب "
لميس: والله منار مالها ذنب وقسم بالله ا
مازن سكر فمها : انا اعرف منار اكثر منك ماله داعي تكلمين بس خليني افكر ..."وناظر بعيد " وهو الحقير دواه عندي انتي بس قوليلها تسكر جوالها طول هالفتره وانا بتصرف انتم لاتدخلون نفسكم سامعه
لميس: اوكي

" وجا بيطلع "

لميس: مازن منار بتذبحني لو عرفت اني قلت لك تكفى لاتقول لها

"مازن استغرب وهز راسه انه اوكي وطلع"

" الله يستر منك يامااازن الله يستر انا وش سوويت وش سووويت "

مازن طلع غرفته ورمى نفسه بالقوه " انا اوريييه الحقير ..والله لاخليه يندم باللحظه اللي فكر يوصل فيها لمنار خلني اخلص اللي عندي والله لاتفرغ له الحيوان "
.
.
.


" بعد هذي الاحداث بفتره .. "

" هذي هي الايام تطوي بعضها بعض .. والشهور تتوالي مثل البرق .. الامس القريب اليوم ودعناه .. وهذا حنا اليوم نوقف ننتظره مشتاقيلن للقياه .. يتسابق بنا الزمن عليه .. ونتاسابق فيه على فعل الخيرات .. اول بركات .. ووسطه غفران.. واخره عتق من النار .. نوقف له اجلال واحترام بقلوب نقيه ..ويد متصافحه بيضاء .. لاستقبال ضيف كريم عمره " شهــر" وفضله كأنه " دهــر " .. فيه يتضاعف الاجر و يتجلى على عرشه بكل الالوان معنى " الصبــر" .. تمر فينا الايام .. فالثانيه من العمر اذا راحت ماراح ترجع ..

انه " شهــر رمضــان "

من فينا مايشتاق لهذا الشهر .. لاتتركه يفوت عليك بدون ماتقدم له ولو شي بسييط وتستفيد منه لاخرتك "

" بدت الناس تبارك لبعض بهذا الشهر والكل كان متحمس له ومشتاق لاجواءه .. الاجواء سبحان الله جميله في ساعات شهر رمضان .. مهما كان لها روتينها ولها حلاوتها .. تكون احلى من الايام العاديه اللي تمر علينا من دون هدف تسويه ينفعك لبعدين .."


" قررت العايله تتجمع في اول يوم رمضان في البيت الكبيــر .. بيت بــو محمد .. يفطرون مع بعض ويقضون اول يوم رمضان فيه "

" سهر.. كانت مبسوطه وماهي مبسوطه ... مبسوطه لان اخوها بيجيهم بالعيد .. ومو مبسوطه لان بدر بيمشي بعد العيد .. سهر كانت كل يوم تطالع الفستان قرت ايميل بدر اللي قال لها فيه انه كان عارف من البدايه ان الفستان لها بس سوا هذي الحركه عشان لايشكك غزل وهذا مخليها طايره .."
" بسمه قطعت عهد بينها وبين نفسها انها تشغل نفسها بأي شي يخليها تفكر محمد وحست انها بدت شوي تنساااه وانبسطت بهذا الشي لان دخلت فكرة انه متزوج وزوجته نجوى بقوه في راسها .. وقررت تقلل طلعاتها وروحاتها وجياتها لبيت عمها عشان ماتلتقي فيه .. وقررت تترك سالفه الحب حتى تلقى اللي يخطف بصرها "

" اديم انفتحت شوي وصار شوي عايشه الجو مع البنات وصارت طلعاتها كثيره ... وقررت تدور اللي بينكتب غرامه عنوان بكتابها ..وجاري البحــث "

" منصور .. في حالة سكون قرر يمسك نفسه لو بس في رمضان .. وبنفس الوقت يبعد الظنون عن اخته واخذ عهد على نفسه انه مايقول لسهر شي مره ثانيه اخذ منها موقف لووول .. حتى لو شافها ماهو مكلمها وبيحاول يغض بصره "

" غزل .. مسكت نفسها بيوم وجلست تفكر بمنصور .. الحين هي تصير لها مواقف كثيره معه وكم مره اعترف لها وبعدها يتراجع .. وش ممكن تكون نهايتها معه .. اخذت ايجابياته وسلبياته .. ماكانت تنكر انها تكره باللحظه اللي تشوفه قدامها وبس تختلي بنفسها تضحك عليه وعلى حركاته .. ماكانت تنكر انه يضحكها وغير كذا يوم جت لشكله شافته حلوو مع انه فيه احلى منه بس هو ماهو بشين كان كيووت .. بس بنفس الوقت ماكانت هو اللي تحلم فيه .. ويوم راحت لسلبياته .. انه يطلع كل عيب فيه .. يعلق على ابسط الاشياء .. وهذا الشي ينرفزها وتنقهر لمن يجي يكلمها ويتحرش فيها ماتعرف ليش ماسك معها .. بس قررت تشوف اخر صدفه على وشو بترسي عليه "

" نجود .. تغيرت صارت نجود الهاديه اللي حتى لو غلط عليها حد مايهمها .. ماتعرف تفجر هذا الشي بفواز ولالا .. لان كل اللي صار يهمها حياتها مع فواز وين بتووصل .. ماتبي بيوم من الايام تصير مطلقه .. وبنفس الوقت ماهي قادرة تتحمل الحياه مع فواز .. وخصوصا يوم طلب منها تغطي وجهها من يوم ورايح وهذا كان اخر اتصال يوم تناقشت معه و بعدها تهاوشوا وسكروا ورجع اتصل علهي واغلقت جوالها .. عرفت ان حياتها مهدده بالخطر مع فواز .. وعرفت انها بتكون منكشفه بعد ماتاخذه اكيد بيلاحظن اهلها اذا صار شي بينها وبين فواز بعكس حالتها الحين كمخطوبه "

" بدر.. عاااايش على امل سهر .. ابتعد فكرة انه يتكلم على موضوع مع سهر الحين شاف نفسه صغير وانه بعد مايكمل ماجستير بيقول لاهله "

" منار ... قاعده تفكر بمازن طول هالفتره .. وحست ان لميس اكيد فهمت غلط .. لان مازن ماتحسه يصير بيوم من الايام حبيبها .. وخصوصا بعد ماراحت وسكنت بيتهم .. وبنفس الوقت نفسيتها صايره تحسد عليها من بعد اللي صار لها كل مادق الجرس او تليفون البيت صارت تنقز تخاف هو ولا شي .. المشكله لسا مقفلة جوالها وتحاف حد يشك بس هي وقفتها على اسا انها ماسددت فتوره وغير كذا لميس قالت لها تسكت الى متىى الى متىى"

" مازن ماكان يحس بيوم انه منار تفكر فيه هذا التفكير.. لان طول عمره من فتح عينه ماشاف غير اخته لميس ومنار بنت خاله .. حسها طفله يحب تحركاتها وهدوئها .. ويحب شكلها الخارجي واهم شي تحركاتها لانه اكثر شي ينتبه له .. بس كان فكرة انهم ماياخذون الا من بعض تقهره بس فكر وتعمق في التفكير وشاف انه ولد خاله يعني للحين من اهله وهو مافيه شي يعيبه .. واستبعد انهم يرفضونه عشان كذا شدد التفكير فيها وتعلقه فيها ... وبالنسبه لموضوع سلطان الحقير قرر بهالرمضانيه يوقفه عند حده "

"سلطان .. كل اللي همه الحين صار اهله "

"عبير وفيصل .. حالهم حال أي خطيبين مبسوطين "
" وليد .. وليد قال لطلال كل شي .. وطلال هاوش شهد على لقافتها ومهايطها وهددها .. ووليد صار ينتبه على نفسه وتحركاته لانه بدا يحس انه مراقب وقال طلال كمان .. واتفقوا بالقليل هذي الفتره قبل لايمشوون عشان لايفرقونهم "

.
.
.

" في بيت بومحمد "

" سهر ماصحت الا متأخر واول مانزلت كانت تسمع صوت اللي يتحدث في التلفزيون .. وماكنت تسمع غير تصقع في المواعين ضحكت وحست انه من جد جو رمضان .. رجعت الدوام من الساعه 12 وماصحت الا 2 .. كانت تحس بالراحه ... تحب هذي الاجواء .. وتوجهت للمطبخ وشافت امها وخالاتها جايين يتساعدون مع بعض انبسطت وسلمت عليهم "

ام ياسر: ياسهر وش ذا النووم
سهر: حرام عليكم والله مانمت الا 12 كنت دايخه صيام ودوام والله تعب
ام ياسر: اجل مسكينه اختي ماحد لحالها بالمصبخ
سهر تضحك : معها الخدامات الله لايهينهم
ام فواز :الايام العاديه قلنا يمكن بس رمضان غير
سهر تبتسم : أي والله غيرر انا من اشوفكم متجمعين بمطبخ احس برمضان
ام ياسر تضحك: طيب وش بتذوقينا حلى اليوم
سهر ضحكت بنغمه يعني وش هالسؤال المحرج : انتم بس خلكم بالفطور ولاعليكم من الحلى
ام محمد : بنشووف
ام فيصل: الحلى مره ثانيه اذا بتسوونه سووه من الليل يضبط اكثر وخصوصا اذا يحتاج تجميد
سهر تضحك يعني استوعبت وبتهرب : عن اذنكم "وطلعت "

سهر" لاحوول يبوون حلى ذولا خلني اكلم اديم تعرف تسوي حلى يمممممي بخليها تجيب تسوي معي "

" رفعت جوالها ودقت عليها "

اديم : مرحبا
سهر بأبتسامه كبيره : رمضان كريم
اديم ضحكت : رمضان كريم
سهر : ههههههه كيفك
اديم: الحمدالله انتي كيفك
سهر: والله منيييحه كيف الصياام
اديم : لاتسألين .. عورني قلبي يوم صحيت ولاشفت الفطور على الصباح
سهر ضحكت : هههههههههه انا اجل مايفرق عندي الفطور بس فقدت روحة ستاربكس الصباح
اديم : ههههههه الله يعين
سهر: المهم متى بتجوون
اديم: والله مدري
سهر: اقول خفي نفسك وتعالي الحريم يفكرون فيه حلى وانا ماسويت ولا شي
اديم: وخاله فهدى
سهر تضحك : والله مدري عنها المهم تعالي بسرعه وجيبي البنات
اديم تبتسم :طاايب
سهر تضحك : اووكي يلا ياويلك تتأخرين
اديم: اوكي
سهر تصرخ : تعالي تعالي
اديم اخترعت : وجعوووه
سهر تضحك : استغفر الله اللهم اني صائم
اديم تضحك : كله منك شعندك
سهر: أي حلى بنسوي عشان اجهز الاغراض
اديم : همممممم خلنا نسوي التراميسو و تشيز كيك وكنافه
سهر: كنافه على خاله فهدى مالنا دخل
اديم تضحك : اوكي بس طبقين يكفي وبنشوف اذا جيت اوكي
سهر: طيب تعالي اخلللللصي يلا
اديم: سلام

" وسكروا "

" سهر راحت تجهز الاغراض في المطبخ الخارجي ... بعيد عن المطبخ الداخلي بس مو مره اهم شي انه خارجي لووول "

" اما اديم راحت وشافت وصايف اللي قاعده مع جنى يشوفون اول حلقة من المسلسل وقومتهم بالغصب هم قاموا بعد ماهاوشتهم وغير كذا اول حلقة اصلا ماكانت تحمس فاقاموا"

" البنات متعودات اذا كانوا معزومين الامهات يسبقونهم وهم يلحقونهم .. "

.
.
.

" بعد مرور ساعة الاربع "

" في بيت بو محمد "

" كانت وصايف وجنى قاعدات بالصاله يشوفون التلفزيون حاطين على المسلسلات اللي سجلوها وكل وحده بمكان "
" بينما اديم كانت مع سهر يسوون الحلى عشان يثلجونه ومبسوطات مع بعض "

....: يااااااولد
جنى: وصايف استعدلي
" صلحوا جلساتهم البنات ووصايف حطت شيلتها على راسها "
"منصور طل بالصاله ماشاف غيرهم ولاهتم فيهم هالبزران بنظره "

منصور: مرحبا
جنى وصايف: هلا
منصور يبتسم : شتسوون
جنى: نشوف مسلسل
منصور: وشو وكيف اوكيه ؟
جنى: والله لسا مابين شي بس ذا شكله حلو
وصايف: والله شكله وع استعراض باللبس وماني عارف
منصور يضحك : هذا اللي غايضك
وصايف بقرف: وع وع اغيض منهم هذا اللي كان ناقص
منصور يضحك بداخله " هذا انتوا يابنات العم " : ههههههه من زينك يالعبده
وصايف تنزفزت : اللهم اني صائم ماني راده عليك
منصور ضحك ويبي يزيدها : الا شيماء علي موجوده
جنى: أي بهذا المسلسل
منصور يسوي نفسه متحمس ووصايف تناظره : ياناس وينها وينها
جنى: من جدك
منصور: أي والله يازينها تاخذ العقل
وصايف تناظره بقرف ومنصور يضحك مبسوط على نرفزتها
وصايف يوم جت شيماء علي : وووووووووووع
منصور ضحك بداخله " يمه تخرع " وعلى نفس الحماس : واااااااااااه تخقققققق ههههههههههه
وصايف: كفوك زين
منصور يضحك : طيب انتي وش حارق رزك
وصايف: لاتتفرح معنا وش مقعدك مع البنات
جنى تضحك : هههههههه وصايف ترى حنا في بيتهم
وصايف: واذا
منصور يضحك : كل بنات العم كذا ماخليتوا شي من بعض
جنى: الله يفشلك
وصايف تأففت
منصور يضحك : الحين انتي ليش منقهره ومعصبه ورافصعه ضغطك كل هذا عشان شيماء تعجبني
وصايف بقوه : لاااااااااااااااااا طبعا
منصور بضحكه : اجل ايش
وصايف: ليش تقولي يالعبده
منصور : ههههههههههههههههههههههه وانا اقول البنت ليه معصبه طيب انا ماكذبت
وصايف قامت خافت تجرح صيامها بسببه: ااااااااااااء " قالتها بقهر " قامت
منصور يضحك مع جنى : ههههههههههههه
منصور: ليت البنات مثلك
جنى تضحك
منصور: يلا انا بطلع بروح المجلس تبين شي
جنى ابتسمت : لاشكرا

"منصور ابتسم لها ووطلع"

" طلع منصور وبنفس الوقت منار وغزل وصلوا ومعهم فواز اللي كان متوجهه للمجلس "

" منصور اول ماشاف غزل كانت متلثمه هي انتبهت له "

" وهو ضحك بوجهها وهي انتبهت وانقهرت "

" منصووور ماكان يقصد شي بس يوم شافها تلثمت قال اكيد عشان رمضان وهذا اللي ضحكه مع انه كان مايبي يقربها بهالفتره ومشى الجهة الثانيه"

غزل" اااااااااااخ اكرهك ليه يضحك الحمار شايفني نكته مع وجهه استغفر الله اللهم اني صائم انا ماني مخربه صيامي بسببه "

" وقررت تسفهه وهي مقهوره منه حشا من تشوفه كل مخططاتها تنقلب "

.
.
.

" بعد مرور ساعه "

" تواجدوا كل البنات .. وكل الحريم كان بالمطبخ يجهزون ويحطون اخر اللمسات .. البنات انعصروا جوع شي طبيعي اول يووم ..يالله اسبوع عشان يتعودوون .. جنى ووصايف ماسوو شي قاعدين يفرفرون بالتلفزيون وانضمت لهم منار لانها كمان مافيها حدها جوعانه .. والبنات انشغلوا بالحلى جت غزل وسوت ايس كريم لبعد الحلى والفطور وكل هذي الشغلاات ..وبسمه تساعدها "

ام محمد : ماشاء الله وش هذا الفن
غزل تضحك ومسويه تستحي : احم احم هذا انا سويته
ام محمد: ماشاء الله من روانا ياغزل
غزل تضحك : شفتي ياخاله
ام محمد: من علمك
غزل : اخذتها من باسكن روبنز
البنات ضحكوا
غزل: والله والله اخذتها منه
سهر: مشبكه معه
غزل تضحك : لا امزح من وحده ومسميته باسكن روبنز
ضحكوا عليها
ام محمد : لالا صراحه بدعتوا
ام فيصل: حدهم اول الايام وبعدين ولابتشوفين وحده
اديم تضحك : يمه شفيك قاعده تشوهين صورتنا
سهر تضحك : صورتنا مافي حد غيرك وخواتك ملكعين على التلفزيون
اديم تضحك : يعني اغطي عنهم
ام محمد تضحك
ام ياسر: لا فيهم الخير
ام فيصل تبي تحرج عبير: وانا عد مرت ولدي ماقصرت قاعده تتابع بس
البنات تضحكوا
عبير ضحكت: شفيك ياعمه استفيد من خبراتكم مع اني ما احتاجها لان نص الحلى انا سويته
البنات ضحكوا لان نصبها مبين
ام ياسر: شفتي فشلتينا بحماتك
عبير تضحك : لالا انا ارعف اطبخ اسالي امي بس تعبانه خبرك اول يوم
البنات ضحكوا تعرف تصرف نفسها وام فيصل بعد تضحك
ام فيصل: بقول له ترى ولاحطت يدها بشي
عبيرتضحك : لالا اركدي قلت له لايفوتك الايس كريم انا سويته " وضحكت "
غزل فتحت عيونها: يالنصااااااابه
عبير تضحك : شفييك انتي خليني ابيض وجههي قدامه
ام فيصل تضحك : انا اللي بقووله
عبير: لاحووووووول حرام عليكم
غزل: بقوله اني انا سويته عشان ياخذني مكانك
البنات ضحكوا عليها
ام فواز: عاد اللي مايعرفون يتكلمون
غزل تضحك : امزززح شفييكم يوووه " استحت وطلعت من المطبخ "

غزل" صدق وجههي مغسول بمرق "

" وراحت عند البنات "

.
.
.

" الساعه 4:30"

"العايلة تجمعت بهذا الوقت العايلة بكاملها تجمعت .. الحريم لحال والرجال لحال .. طبعا هم تعودوا بداية كل رمضان .. تقعد ام ياسر بهذا الوقت او بعد الفطور تنصحهم و تكلمهم ومن هالحكي .. الكل كان ينبسط عليها وعلى اسلوبها .. حتى لو كانت المحاظرة اللي تعطيهم اياها قليله .. لان الوقت يالله يوسع في رمضان .. وهم ياخذون منها لو القليل .. "

" قبل الاذان بعشر دقايق خلصت كلامها والكل قام يساعدون بترتيب الفطور والكل شارك "

" وبعد ماخلصوا صفوا على الطاوله "

" اول ماذن الكل كسر فطوره بتمره ومويه وبعدها صاروا يرددون مع الاذان بصوت واطي .. وبعدها قاموا صلوا وعلى ماخصلوا رجعوا وقعدوا يفطرون برواقه مــــــاعدا جنى ووصايف اللي تعودوا يفطرون وبعدها يقومون يصلون مره وحده مع ان كم مره امهم تقول لهم احسن وماني عارف بس لاكنها تتكلم .. "

" اما الرجال نصهم كان يفطرون بعد مايأذن وبعدين يقومون يصلون .. "

" عشان كذا الحريم يطولون على سفرة الفطور *_^ "

جنى بعد ماشبعت : ااااااااااه بمووت
وصايف: الفيمتو وقسم بالله يخليك مُشبعه يثقل على الواحد
بسمه : ايوا المويه اخف اشربوا مويه
اديم: وش مسمنهم غير ذي الطريقة
جنى تضحك وتمسك بطنها : اخ ماني قادره كني من سنه ما اكلت واااه عذاب الاكل عذااب
ضحكوا عليها الحريم
ام محمد: بالعاافيه
جنى تبتسم : الله يعافيك
اديم : يلا قومي صلي
جنى: اسكتي ماني قادره اقوم حتى
البنات ضحكوا
سهر: شكلك موصلتها حدها
جنى تضحك : لاتسأألين
بسمه تناظر جنى: لاحظت جنى من تاكل وتشبع تصير تضحك
البنات ضحكوا
وصايف: من جد حتى ابوي يقول لها كذا اذا رحنا مطعم ولا كذا طول الوقت ساكته وعادي بس تاكل تصير تضحك وتسولف
جنى تضحك : كولوا تبن
اديم: امحححق بس توك فاطره
جنى تضحك : أي خلااص خلصنا صوم
بسمه تضحك: استغفر الله
جنى: اقول لاتسون شريفات مكه علي يعني ماتسبون طول رمضان حدكم بعد الفطور
البنات ضحكوا
سهر: ماعليك منهم ريحي نفسك
جنى تضحك : انا ادري "وتكسر الثلج "
وصايف تضحك وبصوت واطي : مسكينه امي بتقعدين بكبدها
جنى ضحكت وضربتها : ياحمااره
وصايف تضحك : من جد انتي حدك تصومين ويالله
جنى: قومي اقول بس قومي ماصدقت على الله من اذن وهي ماوقفت "وتسحب الكرسي وتقوم "

" جنى اذا قامت من الكرسي الكل لازم يدري من الصوت والبنات يضحكون عليها.. الحين بعد مافطروا بدت السوالف والضحك "

" جنى قامت وغسلت وانسدحت تقول ماتقدر تسجد الحين تحس بترجع ووصايف لحقتها غسلت و توضت وصلت وراحت الصاله "

"والباقي لسا يفطر "

.
.
.

" لنــــــــدن "

" كانت شيماء وسلطان قاعدين على التلفزيون "

سلطان: تعبتي حبيبي
شيماء بدلع : متى تغيب الشمس
سلطان راح جنبها : شوي حبيبي تحملي
شيماء: انا شكلي بروح الكويت وبس يخلص رمضان برد
سلطان يناظرها: وتتركييني
شيماء تبتسم: لاطبعا باخذك وياي
سلطان يضحك : هههههه شيليها من راسك
شيماء: والله تعب الصيام هني
سلطان: الاجر يكون اكثر
شيماء تبتسم
سلطان: والله سويت لك ذيك المكرونه اللي تاكلين اصابعك
شيماء تضحك : فديتك انا
سلطان: ان اللي فديتك والله انتي استريحي وانا استريخي وانا بروح اشيك على الاكل
شيماء ابتسمت له

" هذي هي حياة شيماء وسلطان .. سلطان كنه ماصدق على الله يعرس .. مدلعها على الاخر وماهو قادر يتركها .. صارت كل شي بحياته ومستحيل يتخلى عنها .. بينما شيماء مبسوطه على المعامله اللي تجيها من سلطان اول هي متمسكه فيه بس الحين بدت تحس العكس بعد ماخذته "
.
.
.

"في الريــــــــــاض "

" بعد الفطور قعدوا كلهم مع بعض بس ابوهم طلع يرتاح ويشوفون التلفزيون "

لميس: احس ان حدي شبعااااانه
مازن: شفتي نفسك وانتي تاكلين كنك مجنونه
لميس تضحك : لاتلومني جوع جووووع
مازن :كذا عاد
لميس تضحك
مساعد: انا احب اكون خفيف
لميس: خله لك الخفيف
مازن ضحك :ههههههههههههه
مساعد ابتسم
مازن: والله حوسه بأول يوم وعرس

" كانوا كلهم يشوفون مسلسل ووحده تتذكر يوم زواجها .."

ام مساعد:عقبال مانفرح فيك يامساعد
لميس تضحك : شكلنا بنعرس وبنجي عيال وهو للحين
مازن ضحك
مساعد : وانا واقف بطريقك
لميس تضحك : مو عن شي ياخي تحرك اعرس جيب لي وحده تونسني
مساعد: عندك وحده
لميس : أي أي
مازن فتح عيونه ليكون تقصد منار
لميس: خلاص تم
مساعد يضحك : اضحك عليك
ام مساعد : وش فيها
مساعد: يمه تونا اول يوم خلنا اوكيه
ام مساعد : هذا اللي بيذبحني
مازن ضحك : واالله اني شيخكم لو تقول لي اعرس الحين اعرست
ام مساعد تضحك : مافي لي عرس قبل اخوك اركد بس
مازن: وهو متحرك اففف
لميس تضحك
مساعد ابتسم : عن اذنكم
ام مساعد ولميس: بس بس
ام مساعد: من نطري العرس قام خلاص اقعد
مساعد : أي خلكم عاقلين

"لميس ضحكت اخوها صاير حبووبه حركات وقررت ماتخرب عليه بدفاشتها"

.
.
.

" الشرقيه"

" بعـــــــد االفطــــــور بنص ساعه "

" الكل تجمع في الصاله والبنات بأمر من الحريم قاموا يجهزون الحلى للرجال قبل لايطلعون وكذا..بس مو كلهم"

سهر: متى نحط الايس كريم
غزل: مو الحين بعد صلاة التراويح
سهر: ظنك
غزل: ايه لان الحلى كثير والرجال ماياكلون وتوهم فاطرين حطي شي خفيف بس
سهر: اوووكي بسوووم جيبي العربيه هنا
بسمه قربتها من عندها : يلانحطهم
سهر: يلا

" وصاروا يحطون الحلى بالعربيتين للرجال والحريم .. "

سهر: يلا انتي طلعيها لبرا الحين بتصل على حد يجي ياخذها وانا بوديها للحريم
بسمه: ليه مو العكس
سهر: نفس الشي مادري من بيجي انتي حطيها وتعالي
بسمه: طيب

"اخذت شيلتها للأحتياط ولبستها وصارت تمشي بسمه بالعربيه وقربت من الباب ونزلت وفتحته ونزلت وجات تبي تنزل العربيه توهقت هذا مو الطريق اللي ينزلون منه بس هي ماتبي الا من هذا الباب لاحد يشوفها .. جلست تفكر بطريقه ..........."

.............: خليها عنك
رقع قلب بسمه ولفت وطاح وجهها " محمــــــد "

محمد : انا راح انزلها
بسمه : لاثقيله بطلعها من الباب اللي داخل " قالت بسرعه وجت بتدخل "
محمد ابتسم لها : لاتخافين بشيلها بالركاده
بسمه وهي تنتفض ومارفعت عينها: خلااص انا بشيلها من الطرف الثااني
"محمد ابتسم وماكان عنده خلاف " شكله نسى انه برمضان " بس هو ماكان يقصد شي تراها بنظره بسمه مو شي ثاني اللي صار يحسها قريبه بكل الطرق"

" وهــم يشيلونها مع بعض "

.................: هئ ياســـــــلام
بسمه: بسم الله

"محمد رفع راسه بقوه وشاف نجوى وكيف راميه النظرات لهم وهي لفت وهي خايفة تطيح العربيه من يدها من الخوف "

محمد بطبيعيه : نجوى شفييك
نجوى بعصبيه: بكل برود لو انكم واثقين ماكان جيتوا من هذا الباب ولاكان اخترعتوا

" بهذا الوقت وصلت العربيه للأرض "

محمد صرخ عليها : انقلعي اشوف داخل
نجوى انصدمت وبسمه كمان
محمد بدا ينحرق: تسمعين انثبري داخل
بسمه اخترعت من اللي تشوفه
نجوى بقهر لفت ومشت بهروله لغرفتها
محمد: هذا اللي كان ناقص بعد
" اما بسمه ركضت داخل وبسرعه على الحمام وصارت تبكي من الخوف اللي تحسه "

بسمه " ياربييي وش اللي سويتيه يابسمه كله منك ياسهر ولا انا وش لي بالمشاكل .. نجوى كلمتها تجرح .. والله اني قررت اتركه والله اني نسيته ليتي ماجيت ولاشفته لييييييييييييتني "

" وصارت تبكي تحس انها مكشوفه وانها حقيره وكل شي وتحس انها مراقبة والكل يستحقرها مع انه محد يدري عنها بس بعد هذا الموقف اكيد الكل بيعرف "

بسمه " ياويللللك يابسمه ياويلك "

" محمد كان حده معصب من كلمة نجوى .. وش فيها صارت كذا مع بسمه وليه تجرحها تعرف ان بسمه من يومها معنا بس عشان الانقطاع اللي جا مفاجئ والحين صارت تعتبرها غريبه تراها بسمه وش العقل اللي قاعده تفكر فيه "
.
.
.

"اما في مجلس الرجال "

" منصور كان متحمس للحلى يجي لان امه قالت له ان غزل سوت الايس كريم ومتحمس عشان يذوقه واول ماوصل استغرب وينه .. مايدري وش يسوي يكلمهم بس بيقولون وش دراه انه فيه ايس كريم عشان كذا قرر يسكت "

" اما فواز .. اليوم يحس براحة بنفسيته يحس رمضان وبالراحة اللي يبثها بقلوب الناس .. يحس ان هذي الاجواء بالفعل اجتماعيه وبنفس الوقت تذكر نجود وتذكر الاتفاق اللي اخذه على نفسه وحس بنشوه انه يبي يكلمها الحين دامه يحس بالروقان وان اعصابه نو واي تفلت "

" استئذن وطلع الحوش وصار يدق عليها "

" نجود اول ماشافت الاسم رجفت وخصوصا البنات هدوا شوي عشانها وهي تفشلت ماعرفت شتسوي غير انها قامت وبدت التعليقات عليها وهي ترتجف من بعد اخر هوشة ماكلمته واليوم بأول يوم رمضان يكلمها يالله "

نجود بتردد ردت : الوو
فواز: مرحبا هلا والله
نجود: هلا فيك
فواز: شخبارك نجود؟
نجود استغربت من اللهجة وغير كذا يقولها شخبارك نجود كنه بس يبي يعرف اخبارها هي : انا الحمدالله
" وسكتت وبسسرعه قالت "
نجود : انت كيفك مع الصيام
فواز ابتسم : والله احلى شعور رغم التعب بس والله راحة نفسيه
نجود تمتمت : اها
فواز: شتسووين الحين
نجود قلبها يرقع : قاعدين ناكل الحلى
فواز: مبسوطه
نجود صار قلبها يرقع اكثر بهذي المكالمه يخصها هي بعد : أي الحمدالله مررره
فواز ابتسم : طيب ممكن تبعدين عنهم شوي لاهنتي
نجود: انا مو عندهم الحين
فواز ابتسم : اوكي يانجود وانا كمان بعد ماودي تخبرين وناستك وتكدرين نفسك بسماع صوتي .. احس ان السعاده تروح من تشوفيني او تسمعين صوتي .. تراك بنت عمي ويعز علي فرحك ووناستك وحزنك بعد .. نجود
نجود نشفت : نعم
فواز :اظن انك عارفه حياتنا من دخلنا على بعض غلط ماله داعي نكمل مع بعض وحنا كذا مع انه حنا تونا في بداية المشوار انا قررت اخذ رايك بلانفصال دام انه حياتنا من البدايه بدت كذا فا انتي لك الحرية بالجواب وانا لي البي لك اللي تبينه

نجود :...................................

الجزء الثاني عشر
الفصل الاول

خطأ..
تبخل .. وأنا كلي عطا..
خطأ ..
ضاعت على الدرب الخطى ..
خطأ ابتدينا ..
وان نهيناها .. خطا !!
تزرع طريقي .. بالألم..
يا خوفي .. لا توطاه القدم ..
تجرح ظلايل.. فيتك ..
وتدمي ..أماني جيتك ..
لو فرحت.. بجيتك !!
بعد الظما.. وبعد الهجير ..
تخفي حنانك .. بالضمير ..
لو ما جنت ..
عينك علي بنظرةٍٍ .. لو ما جنت
ولو ما رضيت .. تحدني ..
روح الشقاوي .. ما عنت ..
واستهونت درب الهوى ..
ولو ما غدى جرحي دوا ..
ليته غدا..
عودتني منك الحنان .. عودتني
وطال النوى وجار الزمان .. صبرتني ..
وإثر الهوى .. مثلك غريب ..
ماله .. على نفسه حبيب


نجود بتردد ردت : الوو
فواز: مرحبا هلا والله
نجود: هلا فيك
فواز: شخبارك نجود؟
نجود استغربت من اللهجة وغير كذا يقولها شخبارك نجود كنه بس يبي يعرف اخبارها هي : انا الحمدالله
" وسكتت وبسسرعه قالت "
نجود : انت كيفك مع الصيام
فواز ابتسم : والله احلى شعور رغم التعب بس والله راحة نفسيه
نجود تمتمت : اها
فواز: شتسووين الحين
نجود قلبها يرقع : قاعدين ناكل الحلى
فواز: مبسوطه
نجود صار قلبها يرقع اكثر بهذي المكالمه يخصها هي بعد : أي الحمدالله مررره
فواز ابتسم : طيب ممكن تبعدين عنهم شوي لاهنتي
نجود: انا مو عندهم الحين
فواز ابتسم : اوكي يانجود وانا كمان بعد ماودي تخبرين وناستك وتكدرين نفسك بسماع صوتي .. احس ان السعاده تروح من تشوفيني او تسمعين صوتي .. تراك بنت عمي ويعز علي فرحك ووناستك وحزنك بعد .. نجود
نجود نشفت : نعم
فواز :اظن انك عارفه حياتنا من دخلنا على بعض غلط ماله داعي نكمل مع بعض وحنا كذا مع انه حنا تونا في بداية المشوار انا قررت اخذ رايك بلانفصال دام انه حياتنا من البدايه بدت كذا فا انتي لك الحرية بالجواب وانا لي البي لك اللي تبينه

نجود :...................................

فواز : اعرف يمكن تنصدمين بس هذا اخر ماوصلنا له يانجود ونجود انا ابي ارتااااح مافيني اشيل هم فوق الهم اللي عندي

نجود كان حاسها قلبها في شي بيصير وراحت غرفة ثانيه : توك تنتبه توك تحس ؟ مو كنه بدري شوي
فواز : انا كنت متأمل انك بتعقلين بس الحاله قاعده تزيد
نجود بأستهزاء : اعقل ايش اعقل وش قصدك
فواز: اقصد انك بتبطلين عناد المهم نجود اسمعي تناقشنا كثير بهذا الموضوع انا الحين بسكر منك وبخليك تفكرين براحتك وتستخيرين وبعدها برجع اتصل عليك واخذ رايك مع السلامه

" وسكر "

"فواز حس بالراحة يبغى يرتاح ما يبغى يشيل هم فوق الهم شكل راسها عنيييد "

" اما من جهة نجود كانت منصدمه ولسا تحت تأثير الصدمة من كلامه"


.

" هذي نجود اول مارجعت بيتهم تسترجع مكالمتها الاخيره مع فواز .. معقوله لهذي الدرجه انا كريهة .. والله مو انا الكريهة هذا هو انسان مريض .. يوم يكلمني وش حلاته ويوم يقلب علي .. استغفر الله .. الحين هو طلب مني الانفصال .. لو نفصلت وش بيقولون عني البنات وش بيقولون هذا وهم شايفينه وخاقين والكل فاضحني فيه وبكرا اقولهم انفصلت اكيد بيقولون العيب فيني .. اكيد
بيقولون الولد مايعيبه شي وماني عارف والعيب مني .. بس مو هذا اللي كنت ابيه ويوم صار افففف ياربي وش اسوي الحين .. معقوله فواز مل مني .. اكيد بيمل ولا وش مسويه له انا ياحظي .. الكل يشوف يقول عايشين ولا احلى وبكرا يقولون ذولا انفصلوا .. استغفر الله وانا ناقصه يصير العيب فيني .. افففففففف "

" قامت وقفت وناظرت شكلها بالمرايه "

نجود " سلطان وتزوج ولا يفكر فيك حتى .. وفواز خاطبك ... البنات بالجامعه يتكلمون فيه ويحسدوني عليه .. اضيعه من يدي ليش .. صحيح مو قادره ابلعه بس انا من يومي مايهمني الا المظاهر وش فيها لو كان زواجي من فواز مظاهر اصلا هو اخذني على هذا الاساس الاخ .. لالا مستحيل اضيعه فواز .. بش وش اقوله اخاف يفكرني بموت عليه وصراحة هو ليه يحطني بموقف مثل كذا ..افف ادق عليه اقول خلاص ابيك وش اقول لاحوول "

"خلها وقت ثاني مالي خلقه الحين وقامت تاخذ دش تنشط نفسها فيه "

.
.
.

" انا كم مرة قلت لك مابيك تتكلمين معي بهذا الاسلوب "

نجوى: وش رايك اشوفكم عايشين بالعسل واقعد اناظرها وهي تاخذ زوجي مني
محمد استغبى تفاهتها وبنظرة : وين حنا فيه وين عايشين تاخذ زوجي وعسل وخرابيط
نجوى تدمع : على بالك حركاتهم مو باينه مو علي
محمد: شكل الافلام مأثره عليك ومأثره عليك بالقووه زييين
نجوى : لاميب افلام كل شي واضح
محمد: نجوى انتي تعرفينا مع عيال عمي عبدالرحمن ماله داعي اتكلم طيب وبعدين لو ابيها هي قدامي 24 وعشرين ساعه ليه ماخذتها هاه
محمد عصب عليها وحاول يمسك اعصابه : انا الحين ماني متكلم معك حتى تراجعين نفسك وشوفي عقليتك هالطفوليه وين توصلك طيب يانجوى ..

" وطلع وتركها "

" اما نجوى قعدت تبكي بقهر وحقد على بسمه "

" رفعت السماعه وكلمت على بسمه تفضي اللي في صدرها "

" بسمه ارتاعت يوم شافت الاتصال بس ماعرفت تجحد ولا ترد وخافت اذا جحدت تفهمها غلط نجوى وردت "

بسمه بصوت واطي : الوو
نجوى بقهر: صدقيني راح تندمين يابسمه على حركاتك والله لاافضحك قدام الخلق ويكشفونك على حقيقتك .. مسويه نفسك بريئه وماني عارف والله لاتندمين يابسمه تغفليني على بالك اني مغفله والله لاتندمين والله " وسكرت "

"بسمه انكتمت العبره بعدها انفجرت بالقوووه .... سكرت وقعدت تبكي بقووه وبندم .. "

" اللي ماتعرفه نجوى ان محمد قعد في الصاله يهدي نفسه وسمع كل الكلام وانصدم من اسلوب نجوى وعلى تفكيرها ماقدر يدخل عليها الحين بهذي الحااله .. قام وطلع "

.
.
.

" بسمه "

بسمه تبكي بقهر" حرام انا وش سويت عشان يصير كل ذا معقوله هذي المقوله تنطبق علي ماينخاف الا من الساكت لاا لاا مستحيييل وبعدين وش تفضحني انا وش سويت والله ماقلت له اني احبه ولا بينت له شلون عرفت هي ... ليكون انا شفافه اذا نايف انتبه لي .. يافضيحتك يابسمه قدام هلك وشلون بتحطين عينك بعينهم .. ماحطيت عيني الا عليه ياربي وش بليتني فيه .. اكرهه والله صرت اكررهه مابي مشاكل مابي.. محمد والله اسفه مو قصدي اسبب لك مشاااكل اااااااااااااااااااخ اكره نفسي واكره اليوم اللي شفت فيه محمد بعد "

.
.
.

" بعد مرور اسبــوع "

" في الــريـــاض "

" كان قاعد في كوستا كافيه هالمره لحاله بعكس العاده .. رفع السماعه على الرقم اللي اعطته منار لميس بدون ماتدري ان مازن له دخل في السالفه "

" مازن رفع السماعه ودق عليه "

" وبعد كم دقه "

مازن : السلام عليكم
سلطان : وعليكم السلا
مازن: سلطان
سلطان: أي نعم امر اخوي
مازن: مايامر عليك عدو بغيتك بكلمة لو تسمح
سلطان : تفضل اسمع
مازن : ياليت لو يكون وجه لوجه
سلطان: ياليت اعرف عن وشو الموضوع
مازن : موضوع شخصي ياليت لو اقدر اقابلك
سلطان : وين القاك فيه
مازن : كوستا كافيه في شارع .........
سلطان : ثواني واكون عندك بس وشلون اعرفك
مازن: بس توصل دق علي وانا بوقف لك
سلطان : صار
" وعلى هذا الكلام اتفقوا "

" وبعد لحظات "

" انـــــا وصلــــــت وينك فيه "

مازن : انا هنا وينك فيه هذاني وقفت
سلطان : انت لحالك واقف
مازن: ايه
سلطان : خلاص شفتك الحين جــايك
مازن: اوكي " وقعد "

" ومازن يناظر قدام يبي يشووفه وهي يجي يانه وده يذبحه بيدينه بس قرر يجيه بالهدوء "

" شوي وجاه سلطان من وراه "

سلطان: السلام عليكم

مازن رقع قلبه ورفع راسه

واول مارفع راسه وطاحت عينهم بيعون بعض شهقــــــــوا ومازن وقف من غير شعــور""

.
.
.

" في سيارة منصور "

منصور: همممم لالسا بدري
بدر: وشو اللي بدري اذا راحت عليك اقعد لي اندب حظك
منصور يبتسم : لاتخاف موصي عليها
بدر شهق : اااه يالملعون
منصور ضحك : اجل شلوووون
بدر: أي حبيبي ظامن
منصور يضحك : نوعا ما يعني تقدر تقوول
بدر: العن شكلك
منصور: بس انا مابي الحيين
بدر: متى تبي بتوصل ال 30 وانت ماتبي الحين
منصور: مو بعد سنه ولاسنتييين لا بس اتأكد انها تحبني
بدر: هذي الاشكال ماتاخذ منهم لاحق ولا باطل خذها وعلمها شلون تحبك
منصور: واذا ماحبتني شسووي
بدر: لاتخاف بتحبك
منصور يضحك : حد قالك ان الحب بالغصب
بدر يناظره : وحد قالك انك صاير تتفلسلف بالحب وااجد
منصور يضحك : لاتلوومني
بدر: حظك والله الكل يدري عنك
منصور: ليه انت محروم من هذا الشي
بدر ارتبك: لا بس انا لسا مافكرت ولاافكر بالزواج الحين اصلا بس اكمل دراستي وبعدها يصير الف خير
منصور: أي والله انا ماحبيت الا توي
بدر: أي وش لي فيه
منصور: ترى السحور عندنا
بدر: شعندك
منصور: تعال تسحر معي وش عندك
بدر: طاااايب
منصور سكت وشوي
منصور: تصدق شفت الفستان
بدر ضحك : والله
منصور يضحك: أي والله سهر معلقته في غرفتها ودخلت عليها وشفته وعرفته
بدر يضحك " فديتهااااااااا والله " : ههههههه عاد انت على بالك على غزل
منصور: ااااخ بس شفت عليها فستان بلندن يابدر مجنووون وربي
بدر : اوووووب الولد رايح فيها
منصور يضحك : لا والله مانساه ذاك اليوم زاد جنووني فيها يابدر
بدر" توقعت بس انا مجنون طلعت العايله كلها ": هههههههه ياحليلك والله
منصور: والله العظيم اف اف عذاب ذاك اليوم
بدر: والله عايش الاخ في العسل وحنا نطالع
منصور يضحك: بلاك ماعشت اللي عشته معها
بدر: عاد اللي صار في بينكم مواقف واكشنات وحنا ياغافر لكم الله
منصور يضحك : عاد حظاَ اوفر
بدر ضحك " أي والله "

.
.
.

" لاتكلمنــــــــــي "

.......: سهوووره حبيبي والله اسف حدي انشغلت
سهر: وتنشغلك عن اختك حبيبتك وتؤامك شلون اهون عليك
سلطان : مره اعذريني سهوووره وهذي بوووسه اموووه
سهر: مابي زعلانه
سلطان : افاا بس يهون عليك تزعلين اخوك بهالغربه
سهر: ايش راح تجيب لي
سلطان يضحك : ايوا السؤال هنا
سهر تضحك : أي عشان ارضى مو انا سهر
سلطان : كل اللي تبينه
سهر: كل اللي ابيييه
سلطان : أي والله
سهر تضحك : اجل استنى الاييميل بيوصلك صورة للشنطة اللي ابيها
سلطان ضحك : طاااايب ولا تزعليين بس ارحمينا شوي
سهر تضحك : مشكلتك دبررلي نفسسك
سلطان : هههههههه طايب كيف امي
سهر: ماكلمتها بعد
سلطان: الاكلمتها من يومين
سهر: والله الحمدالله سلطااان حماس مابقى شي وبتجي والله اني مشتاااقه لك
سلطان: فديتك حتى انا والله مشتاق لكم كللللكم
سهر: والله لو تشوف بيتنا الله تغييير
سلطان : ماشااء الله وش سويتوا فيه
سهر: ظبطته انا وامي
سلطان : حركاااااات
سهر: بخليه سبرايز اذا جيت تشوفه
سلطان : كذا يعني طاااايب
سهر تضحك : وقلت حق امي ترتب لك قسم لك ولزوجتك
سلطان انصدم : زوجتي
سهر: أي مو ناوي تتزوج
سلطان : هاه الا بس بدري
سهر تضحك : والله ماعلي منك بتجي من هنا وبنعرس عليك من هنا
سلطان :.......
سهر: وبناخذ لك ذيك البنت اللي تاخذ العقل
سلطان يبتسم : حاطه عينك على احد
سهر: أي والله بس انت ماتبي من العايله فقاعده اقنعهم بوحده من برا
سلطان : أي تكفيين
سهر تضحك : لذي الدرجه ترى فيه حلوات
سلطان: ماااااااابيهم
سهر تضحك : انت تعال ومالك الا اللي تبيه
"سلطان كاان زيييييين "
سهر تضحك : وبعد كيف الجو
سلطان : والله تمااااام
.......: سلطااااااااااان
سهر: من هذي
سلطان اربتك : هذي شيماء
سهر استغربت : ليه وينك فيه انت
سلطان : انا طالع الحين
سهر : اهااااا فكرتك بشقتك
سلطان نشف ريقه : هههههههه وش تسوي اجيبها الشقه
سهر تضحك: انا ادري سلم لي عليها
سلطان: يوووصل المهم سهوور انا الحين بروح عند الشباب
سهر: اووكي تيك كيير
سلطان: يوتوو هني
ابتسمت سهر وسكرت

سهر " واااااه واخيرا مابقى شي على جيته .. هممم الحين هو راح يجينا الحين وبعد كم شهرين بتروح له امي وابوي اللتخرج وبعدها بيجي يااااااااي مابقى شي ااااااه واخيرا ياسلطان.. الله وبعدها بيتزوج وبطلع بزواجه وحركات ونااااااسه .. ااه سلطان بيجي وبدر بيروح والله اني اكسر الخاطر من يومي وانا منحووسه .. بس كويس بيجي سلطان يغير لي جو بعد بدر ... فديته بيروح يكمل دراسته عشاني ... كل هذا عشاني طلبت منه فديته .. أي ابوي مايبي الامتعلمين واكيد انبسط يوم قال بدر بيروح يكمل ماجستير .. ياااارب يكون من نصيبي أي اصلا انا واثقه من حب بدر لي احم "

.
.
.



" وبعد لحظات "

مازن : سلطــــــــان
سلطان ماكان يعرف ليه مازن يبيه يفكر مسوي له مفاجأه وبضحكه : مااااازن وش هذي المفاجأأأأأه الحلوه ليه ماقلت لي من البدايه انك تبي تقابلني وكان جيتك طيران
مازن كان يناظره بحقد : .............
سلطان استغرب: مازن
مازن انتبه : هلا هلا صراحه صدفه وصدفه حلوه " وسلموا على يدين بعض " تفضل
سلطان ابتسم وقعد : صراحة احلى مفاجأه اثاريك مانسيت ايام لندن ياحييك والله شخبارك وشخبار الشباب
مازن : والله الحمدالله كلهم بخير يسلمون عليك
سلطان: اجل يوم دقيت ماطلع لي اسمك
مازن بسخريه : غيرت رقمي
سلطان: عشان كذا هههههههه اصلا غريبه ماعرفتك من صوتك تدري عاد خرعتني قلت وش يبي فيني ذا
مازن : اهااا " وابتسم "

مازن " هنا انصدم وماعرف وش يسوي ارتبك كل شي في باله تشتت الا انه مشمئز من هلانسان معقوله استغلهم وتقرب لبناتنا .. وشوي وشهق تذكر سالفه منار من البدايه يعني معناها لاحقهم للندن بس لميس ماقالت لي بس وشلون معقوله منار قالت له بحسن نيه وهو لحقهم .. لان حنا التقينا فيه هناك واستغلنا عشان يقترب منها "
سلطان : شفيك مازن
مازن سكت : هاه لامافيني شي كيف خويك
سلطان: سعود لاوالله بخييير باتصل عليه يجينا الحين اكيد بينسط

" وجا يرفع السماعه وبيدق ومسكه مازن استغرب سلطان "

مازن : بكلمك بموضوع خاص
سلطان نزل التليفون : امر انا من شفتك انت مو طبيعي
مازن سكت وبعد فتره قال وهو يناظر بعيونه

مازن : انت شلون عرفت ان حنا نقرب لمنار
سلطان انصفق وجهه وشهق: منااار
مازن رفع حاجب: يعني تعرفها
سلطان ارتبك : منار أي منار اللي تتكلم عنها
مازن ناظره بقوه : منار يالسعة شوق
سلطان تقلب وجهه ولف الجهة الثانيه
مازن : هاه
سلطان لف عليه: انا ماكنت اعرف انكم تقربون لها
مازن : لاياشيخ
سلطان عصب: أي ماكنت اعرف وانا اول مالتقيت التقيت بفيصل وهو عرفني عليكم
مازن : تبي تثبت لي انك ماستغليتنا عشان توصل لها
سلطان : و
مازن قاطعه : سلطااان انا عرفت السالفه كلها ولاداعي توضح لي أي شي صراحة انصدمت فييك .. وشي ثاني انا كنت ناوي اتناقش بخصوص هذا الموضوع بس يوم عرفتك افضل اني اعطيك اياها من الاخر وبدون تهديد وحكي بزران ... ابتعد عن منار ولاتحاول تقرب لها .. لان لو وصلني شي زياده والله لاتندم على اليوم اللي انولدت فيه " ورماه بنظره وقام ماتحمل الصدمه "

سلطان قلبه صار يرجف " معقوله الشباب اللي تعرفت عليهم منار تقرب لهم .. وبعدين ذا وش عنده يهدد .. يعني هذا اللي كانت تسكن عنده منار.. أي اكيييد يحبها وبياخذها.. بس مو انا اللي اتهدد .. بتشوف ايش بسوي "

.
.
.


سهر.. والدنيا نعسانه .. سهر
والفرقا كانت عن حبايبنا .. قدر
والجرح نزف الدمعتين .. والدمع شباك الحزانا للقمر ..
ِبِعد الأمل .. لما ِبِعدت وفرحي راح ..
ِبعد الزمان .. عني .. وعن عيني الصباح ..
ذي الفرقا كانت عن حبايبنا قدر ..
والجرح نزف الدمعتين .. والدمع شباك الحزانا للقمر ..
آه .. من حنانك .. لسا مالي بالدفا كل الوجود ..
وآه .. يا حبيبي .. لو بعادك كان جفى والا صدود ..
ذي الفرقا كانت عن حبايبنا سهر ..

" كان فواز قاعد في مكتبه .. صار لها فتره ماردت عليه .. الحين بدا يحاتي وبدا قلبه يشتاق لجوابها .. الحين بدا يحس انه يبيها .. حس انه مهما كان تعود عليها .. صحيح هو مايبي يجرحها اكثر ولا يبي يأذيها .. ويعرف انه قربه منها اكبر جرح واذى .. بس الحين يحس انه يبيها .. في كل صلاة تراويح يدعي ربه انه ييسر له اموره باللي هو في لصالحه .. وربي سمع ندااه بأتصال نجود عليه هذي الللحظه "

" فواز رقع قلبه نجود متصله عليه .. اول مره يحس اتصالها عليه مهم كل مره يكون لسبب تافهه بدا يرجف رفع السماعه ورد بصوت مرتجف هادي "

فواز : الووو
نجود بأبتسامه : هلا والله
فواز استغرب حس صوتها غير هالمره : هلا فيك شخبارك ؟
نجود ابتسمت بشقاوه : الحمدالله والله انت شخبارك
فواز: انا الحمدالله
...........
نجود: كيفك مع الصيام
فواز ابتسم وطلعت نغمته
نجو ابتسمت : تعب هاااه ههههههههه مالومك مرره متعب استغفر الله وبزياده مع الدوام

" فواز يحس حد كاب عليه موية معقوله نجود اللي تكلمه .. معقوله هذي الشخصيه تكون في نجود ومخبيتها عليه .. نجود كنها حست فيه وبأستغرابه بس سكتت تنتظره "

فواز ابتسم : أي والله بس يالله الله يعين والله انتي كيفك معه
نجود: مثل ماقلت لك بس والله تحس بشعور حلوو تحس سبحان الله الناس متساويه انا اذاطلعت يعني ماحس بشعور المساواه الا برمضان

" فواز انصدم مين هذي اللي تكلمه نجود ولا غيرها .. معقوله نجود قلبها رحووم .. حس يبي يصرخ ويقول لها انا هونت عن موضوع الانفصال "

فواز بصوت كله نشوه ولهفه : أي والله من جد سبحان الله
نجود : همممم وش قاعد تسوي شكلك بمكان هادي
فواز ابتسم وحس قلبه يرقص " اول مره تسأله هالسؤال " : انا قاعد بغرفتي
نجود: اووبس كنت تبي تنام
فواز بسرعه : لالالالالالا
نجود ضحكت بداخلها : سوري ماكنت اقصد ازعجك
فواز وقف : لالا والله عادي ماعندي شي بس كنت جاي اخذ مفاتيحي
نجود: اهااا بتطلع هااه
فواز ابتسم على ذكبته : ايي
نجود بصوت كله شقاوه : وين بتروووح
فواز حس بشعور رهييييييييييييب : ماعرف ماعرف" علق لسانه لووول " بس خلاص مو طالع
نجود ضحكت بداخلها : ليييه ؟
فواز : هاه ماعرف وين ارووح
نجود بشقاوه: طيب انت طفشان وانا طفشانه ورا مانطلع
فواز فتح عيونه وشهق
نجود ضحكت بداخلها : سوري اذا فيه كلافه
فواز : لالالالا شدعوى أي عادي لحين بجي
نجود ضحكت : هييييي يعني بتطلعني
فواز لاشعوري : اذا ماطلعتك اطلع مين
نجود شوي اختفت ابتسامتها : احم ميرسي
فواز: ولو يلا البسي وبمر عليك
نجود : اوووكي باي " وسكروا "

" فواز راح يركض يبي يلبس .. هذي اللحظه ذكرته بدانه اذا جو يطلعون مع بعض ويحس انه طاااير وبسرعه لبس وكشخ وتعطر ويوم جا ينزل العطر "

فواز " معقوله نجود تبيني اطلع معها عشان تقولي قرارها بأن حنا ننفصل ولالا .. انا خلاص مابي انفصل .. ماكنت اعرف فيك صفة حلوه يانجود .. ااااه يارب لا يارب لا .. يالله معقوله نجود تتكلم معي بهذا الاسلوب "

" بينما نجود ضحكت على اسلوب فواز "

نجود " ههههههه والله مادريت اني اخقق .. ااااااه ياحليلك يافواز والله كلمه وينقص عليييك ههههههههههه حياتي يحزن مالومه اول مره اكلمه بهذي الطريقه .. يلا وبيطلعني يلا بنشوفه عشان نحكم بعد اذا انفصل ولا احم .. لا وخلني افاجئه اكثر راح اتنقب .. أي أي خلني اشوفه وش بيقول بس من وين اجيب .. شسوي ياربي من وين اجيب اخذ حق امي لالا وع حق عجايز أي بكلم عبير ترسلي حقها "

" وبالفعل كلمت عبير وعبير حفلت فيها وارسلت السواق ياخذه من بيتهم "

.
.
.

" محمد كفاية "

محمد لف عليها : وشو اللي كفاية
نجوى : صار لنا اسبوع واكثر وحنا مانتكلم مع بعض
محمد: ماني مستعد اتكلم مع ناس اقل من عقليا
نجوى انصدمت : محمد انا تقول لي كذا
محمد : أي يا نجوى .. انا مو بزر معك تحاكيني قدام الله وخلقه بهذا الاسلوب وكني واحد حمار .. انتي زوجتي وذيك بنت عمي وانتي بعد بنت عمي شلون يخطر على بالك انه حنا نخونك مع بعض وش هالتفكير السطحي يانجوى.. انتي اكثر وحده تمون على بسمه والدليل تعود سلمان عليها شلون تجين الحين وتقولين ان البنت تخونك او انا زوجك اخونك هاه
نجوى: محمد انا بنت واحس واعرف حركات البنات
محمد: ماعلي من هالحكي تحسين ولالا بس انا زوجك وذيك بسمه .. بسمه من يومها وهي ماتحب الشر ولا المشاكل.. شلون فكرتي فيها هذا التفكير هذاني اوقف مع اختك غزل منار ليش مافكرتي فيهم هذا التفكير
نجوى: ذولا خواتي
محمد : سو وااات انتي زوجتي والباقي كلهم بنات عمي اذا كنت ابي اخون وفكرت بأختك ليه ماخذها هاه تفكرين هذا الشي صعب علي
نجوى :..........
محمد: شوفي يانجوى هذا اخر تحذير لك لو شفتك متعرضه لبسمه الفقيره ولا جارحتها بكلمه والله لاتلومين الا نفسك وقولي احبها واموت فيها قولي اللي تبين لاني بعطيك الاذن الصمخه من يوم ورايح اذا ماتأدبتي وعقلتي وبكرا الفطور عندهم بنشوف وش بتسوين يانجوى عن اذنك الشباب تحت ينتظروني " وطلع "

نجوى قعدت وهي ندمانه " ياربي وش فيني انا صرت مراااااااااااهقه .. وش فينني .. اااخ ياربي ..معقوله اكون ظلمت بسمه .. والله ما الوووم الا نفسسسسسسسسسي ااااااااخ "

.
.
.
" في الريـــــــاض "

مازن : انا شفت الولد وتفاهمت معه واذا وصل لها شي منه بلغيني
لميس: اوكي
مازن بتردد: اقدر اكلمها
لميس انصدمت وو انتبه له
مازن: انا ماقصد شي بس ودي انبها بنفسي عشان تنبه منه
لميس ضحكت بداخلها وبحماس : أي عادي عشان تخاف
مازن ابتسم على تأيدها للفكره : يلا دقي عليها
لميس ضحكت واتصلت وهي متحمسه وحطته سبيكرهو ناظرها وهي خزته وهو رضخ للأمر الواقع

منار ردت بصوت واطي : هلا لميس
مازن " تبعثــــــــــــــــر ولميس انتبهت وضحكت " : هلا منار انا مازن
منار اخترعت وصلحت جلستها : مازن هلا هلا
مازن : هلا فيك شخبارك
منار: انا الحمدالله انت انت شخبارك
مازن خاث : دوووم ياعسى انا بخير بش.. " ولميس رفعت راسها المحمر من الضحك وهو انتبه" اقصد بشرينا عن الاهل " لميس نزلت راسها من جديد وتضحك"
منار: كلهم بخير
مازن قرر يخلص مو قادر يتحمل : منار اسمعي .. ايميلك يتقفل .. وجوالك يتغير .. واي شي يمسك منه عطيني خبر.. واذا ماوصلني خبر راح اعرف بطريقتي يامنارسمعتي .. خذي لميس تبيك

" مازن رمى عليها الكلام وطلع ماقدر يتحمل صوتها التعبان "

لميس تضحك : هلا والله
منار تصارخ: ياحمااااااااااااااااره قلتي له
لميس تضحك : ايوا
منار: لميييييييييس اكرررررررررررهك حرام عليك تشوهين صورتي
لميس: لوسمحتي اخوي متفهم وعاقل وشفتي هو اللي ساعدك كلم الولد ووقفه عند حده
منار: انتي وحده متهوووره لو سوا في مازن شي
لميس تغير جو على نفسها : تخافين عليه
منار شوي سكتت وبعدها ضحكت : هههههههه كولي تبن فاضيه بس والله انك تبنه
لميس تضحك: السالفه يبي لها رجال واخوانك ماينفعون ووقلت مافي غير مزوني حبيبي اقصد حبيبك سوري بالغلط
منار تضحك : اكرررررررهك يلا باي " وسكرررررررت "

" منار سكرت وهي تضحك وبنفلس الوقت حست ياحليله مازن .. وقررت تسوي اللي قال لها عليه .. وقعدت تفكر بمازن والله انه طيب.. بس تعجز توصل لمشاعرها لغير الاخوه وهذا الشي محزنهــا"

.
.
.

" قدام باب بيت بو فواز "

" كان فواز مرتب السياره ومعطرها اول مره نجود تركب معه غير يوم الملكة اللي هو أكئب يوم بحياته .. وقعد ينتظرها على احر من الجمر وكان وده يحط اغاني بس رمضان وهذا اللي منعه ماكان عنده خلاف اهم شي يشوفها بشخصية ثانيه "

فواز " يارب لاتغيرها علي يارب "

" شوي وانفتح باب بيتهم وطلعت ولفت ظهرها عشان تسكر الباب وتفاجئه بنفس الوقت.. اول مالفت وشافها شهق نجود غطت معناها سمعت كلامه واكيد انها رفضت الانفصال كان ميت شغف يشوفها ويحاكيها يبي توصل للسياره بسرعه ويحس انه قلبه بدا يرقص "

"اول ماركبت السياره "

نجود : مرحبا
فواز : مرحبتين
نجود صلحت نفسها حطت السيت بلت "حزام الامان " " ولفت عليه وهو يناظرها استحت وعطته نظره بعيونها " بنطول واقفيين
فواز صار قلبه يدق طبول : اوه سوري
نجود: لاعادي " وابتسمت "

" نجود حست براحه بالنقاب تسوي اللي تبيه من تحت لووول مايقدر يشوفها "

" فواز تشقق من نجود بس ماحب يجيب طاري انها طاعته ولا هذا عشان لاينرفزها لانه صار يعرف نقطة ضعفها انها تكون منصاعه لحد "

فواز ابتسم : تعرفين حلو شكلك بالنقاب
نجود ابتسمت " ياشين التميلح " : ثنكيوو ترى استحي
فواز " اوووه وصارت تستحي " : افا حد يستحي من زوجه

" مسك لسانه بسرعه خافها تعصب وهي انتبهت له ضحكت شكله بدا يخاف منها وهي ماحبت تحس بهذا الشعور "

نجود : أي صح
فواز فتح عيونه وهو يناظر قدام " البنت مقلبه ميب نجود : احم وين حابة تروحين
نجود: أي مكان بس مانبي نتعشى لسا بدري
فواز : اجل وين نروح الكورنيش
نجود تضحك : لالا مو لهذي الدرجه
فوازمسك لسانه " نسى انه مو من مقامها " : لالا امزح اقصد نروح نتقور شرايك
نجود هزلت راسها : يسوو يسوو
فواز ضحك عليها " الله لايغير عليك يافواز " : أي كافيه مشتهيه
نجود : مايهمني على ذوقك
فواز حس بتطور فيها وهذا وكان يداريها خايفها تتغير : اووكي نرووح د.كيف
نجود تشائمت ماتحب تدخله هالمحل بس شتسوي ماتبي تعارض : أي اوكيييه
فواز: عندهم عصير ليمون مجنوون
نجود ناظرته وضحكت عليه: كوويس والله
فواز لف عليها وهي كانت لافه وجهها اصلا وبدت تلعب بيدها

" فواز شك فيها مو هذي نجود يمكن منقبه عشان لاتبين انها نجود "

فوازوبسرعه: نجود ممكن طلب
نجود لفت عليه: تفضل
فواز: عادي تكشفين وجهك
نجود ضحكت وحست انه شك : مو انت تبي هذا الشي
فواز: أي بس ابي اشوفك السياره مظلله بس اذا نزلنا ارجعي حطيه
نجود: لا بليز بالموت ضبطته
"فواز بصم انها مو نجود ونجود تضحك بنعومه وهذا اللي خلاه ينجن وبس وقفوا عن اشاره سحبه بسرعه نجود استغربت من حركته وهو وقف يناظرها كانت نجود هالمره بنظره غيررر ونجود استحت من نظراته ولفت وجهها وسكت وعطاها النقاب"

فواز وقلبه ينتفض : اسف
نجود ابتسمت واخذته : لاعادي بس لو كنت تبيني افتحه كان فتحته لانك صراحة دفش
فواز ضحك : خلاص توبه

"نجود ابتسمت وبدت تصلحه من جديد وهو يناظرها من المرايه اللي هي منزلته "

فواز" نجود من يومها حلو بس اللي مخرب عليها وعلى جمالها طبعها .. بس الحين اشوفها غير اشوف فيها جمال نصف الارض بسبب اسلوبها المتغير صايره نجود غير غيرررر "
" وبعدها وصلوا ودخلوا نجود توها تحس انها مخطوبه وحالها حال أي انسانه وبعد مادخلوا دخلوا بغرفه فيها بارتشين نجود ماكانت تبي تقعد بس استسلمت حسته من جد معقد وش فيها لو قعدنا برا بس هو سكتها بأول ماجلسوا "

فواز : عشان ناخذ راحتنا
"نجود استحت من هذي الكلمه شفيه ذا لايخورها "

" وبعدا انشغلوا بالطلب وبعد ماخلصوا "

فواز: تبين نقوم نختار كيك
نجود :أي
فواز : اوكي يلا قومي

" فواز توقعها بتحط النقاب من جديد بس الظاهر انها نسته لانها طلعت معه بدون وهو ضحك عليها حسها غبيه وانها مو على بعضها "

" المهم راحوا اختارت كيكه شكلها يمي ورجعت وهو معها هو كمان طلب له مثلها مع انه ما يحب الشكوليت كثير بس عشان يجاملها ويسايرها "

" نجود كانت تحس بشعور متناقض بداخلها .. وكل شوي قاعد تبتعد عن هذي المشاعر لانها هي قررت وخططت لحيياتها مع فواز "

" فواز طول الوقت خايف تقلب عليه نجود بأوي وقت .. لان عادي تقلب عليه قدام الناس ويتهاوشون وكان يدعي قلبه انه هذا الشي مايصير .. وبنفس الوقت ينتظر نجود تتكلم عن الموضوع بش شكل مافي فايده .. ولكـــن .. هو فسرها انه مواافقه بطريقة غير مباشرة .. لكن كل شي ممكن يجي من نجود فعشان كذا قاعد على النار وكمان ماهو عارف سر الشعور اللي يجيه بالحماس انه يعرف ردها "

نجود : وش ذا ليه المحل صغير

" تقصد الطاوله اللي هم فيها صغيره وغير كذا فيها بارتيشن "

فواز : والله مدري بس اتوقع لانهم شافوا شخصين حطونا هنا
نجود : اي بس هم بلاساس ليه مسوينها هالصغر وش ذا البخل
فواز ضحك بداخله " شدخلني انا تهزئيني " ابتسم : اي والله مدري ليه

" نجود كان تحس بالحراره لانها تحس انها قريبه من فواز بزياده وغير كذا الغرفة صغيره وهي مستسلمه له هذا الشي كل أثر فيها واكثر شي اثر فيها الوجه الثاني من شخصية فواز واللي هي تحس ان فواز هذي شخصيته بس قعدت تكذب نفسها"

نجود : هممممم سولف " وابتسمت"
فواز ابتسم ابتسامه حلوه بأمكانه يخقق فيها اي حد الا انه متأكد الا نجود بس ماعليكم نجود سبلت عليه لووول : وين ناوية تدخلين بعد ماتخلصين جامعه
نجود : همممم بشتغل في شركة ابوي في المحاسبه او احدى البنوك
فواز بلع ريقه : اهاا بس محاسبة بشركة اشوف احسن واريح " وسكت ينتظر ردها "
نجود: اي صح بس لسا مو عارفة والله
فواز ابتسم وقال بخوف بداخله وبحركة عفوية حط يده على يدها كنه يطمنها : لاتخافين انتي ادرسي وشدي حيلك وخلي الباقي علي و كل شي بيهون بعدين
نجود خافت ونقزت وابعدت يدها هو قعد يناظرها ونجود حست فيه انحرج : سوري بس يدك بارده
فواز مع انه انقلب وجه من ردة فعله الا انه ارتاح من ردها وعطاها عذر انها مستحيه وبعيون حنونه : طيب اسف
نجود: لاعاادي "وكرهت هذا الجو اللي تحس بيدخلون فيه من نظراته " ايوا نرجع للدراسه
فواز ابتسم : اي بسس وربي يوفقك ويسهل عليك
نجود ابتسمت : امييين جميعا

" ووقتها وصل الكوفي والشيز كيك وقعدوا يسولفون وكل واحد ماخذ حذره ويتمنى الوقت يمشي بدون أي مشاكل وفواز ماتطرق لموضوع الانفصال محافظ على الجو اللي هو عايشه "

.
.
.

"في بيت بو محمد "

" كانت سهر هالوقت تشوف مسلس يجي بالمسا ومدحوها لها البنات فقعدت تشوفه مع انها مو مره مع المسلسلات هالسنه واللي قبلها لانها مو مرره ...ودخل عليها منصور مستعجل "

سهر لفت عليه : منصور
منصور لف عليها: نعم
سهر: شفييك
سهر: بطلع اغير ملابسي
سهر: شعندك
سهر: بلبس لبس بيت الشباب بيتسحرون عندنا
سهر: ااها " ومشى " اقص يدي شوف وش مسوي

سهر " وش ذا الملل وين امي راحت شكلي بطلع انام .. ولا بروح ع النت يمكن اشوف بدر.. هئئئ ..مدري عادي اكلم بدر في رمضان .. لاياربي اخاف حرام .. ولا وشو حرام .. اووه استغفر الله لالا ماني مكلمته يمكنه مع منصوور .. شكلي بطلع انام وماني متسحره مالي خلق انام ثقيله ,,"

" ومشت تسحب رجولها وطلع اخوها مستعجل كمان فتحت عينها "

سهر: منصووووووور
منصور استوعب وضحك : شتبين انتي شتبين
سهر بنظره : وش وراك
منصور يضحك : لايروح فكرك بعيد ماوراي شي بس مابي اتأخر على الشباب
سهر: ومنهم الشباب بالله
منصور: بدر
سهر: اها وبدر صار شباب
منصور: اوووه انقلعي " ونزل "

سهر" ينخاف منك انت وايااه لايكون تخربه علي .. كويس ماتعبت نفسي طلع هنا لووول خلني اطلع انام اريح لي "

"ونامت سهر وهي فاضية البال "

.
.
.

" السـاعة 11:45 "

" عند باب بيت بو نايف "

فواز يناظر نجود بعيون اول مره يناظرها فيها: بتروحين؟
نجود تحس من الحيا بتدخل داخل ملابسها : ليه مطول هههههههه أي برووح نعسانه بروح انام
فواز ابتسم : من الحييين بتتسحرين
نجود: انا مو كل يوم اتسحر
فواز: اها عشان كذا تتعبين من يوم ثاني
نجود: والله مقدر انام وانا ثقيله
فواز: طيب نامي وخليهم وقت السحرو يصحونك
نجود ابتسسمت: طاايب
فواز: ولاتبيني انا اصحيك حطي الاي تون حقي مزعج واصحيك
نجود ضحكت : طاايب ولايهمك " وبصوت واطي " اذا قمت
فواز ضحك لانه سمعها : ليه نومك ثقيل
نجود تضحك : تقدر تقول حمارة نووم
فواز: اسم الله عليك من الحمار
نجود استحت : اوكي طيب تصبح على خير
فواز حس فيها : وانتي من اهلــــه

" ونزلت "

" فواز يناظرها وهي تمشي وتكى على السيت "

فواز " ااااه يانجوود الله لايغير علييك بس خلاص فهمتها .. نجود مازال فيها غرور والغرور هو اللي خلاها ماتقول اذا انها موافقه ولالا .. جابتها بطريقة ثانيه .. والله مدري اذا انها بتظل على هذا الحال ولا راح يتبدل بعد الزواج.. يااارب يخليها على ماهي .. " وحرك سيارته " شكلها وشخصيتها غير اذا جت تضحك وتسولف اول مره احسها مستلطفتني يازينها والله عسى الله يسهل عليك يافواز وويسسر لك نجود .. ماتخيل اعيش مع وحده اكرهها.."

" اما نجود دخلت ويوم سكرت الباب شافته واقف ضحكت ومشت دخلت غرفتها وطلت من شباكها وهو توه بيحرك "

نجود" هههههههه شكله عاجبه الوضع .. " وانسدحت على السرير بعبايتها " ليش اليوم احس بأحساس غير وان فواز صاير معي غير حتى ماحاول ينرفزني ولا يجرحني بالعكس حسيت بالعكس .. بس ياربي مدري فهم اني مابي انفصل .. والله مدري بس اكيد فهم لان تصرفاتي كانت متغيره .. ياللله اول مره ادري اني استحي .. بس لا فواز يزيدها علي .. يمكن ولا بحياتي استحيت كثر اليووم .. وهذا قلت بمثل وطلع صدق .. ياويلك يانجود ترضخين له خلني بس اخذه وبعدين يصير تفاهم ثاني "

.
.
.
" بعد كــم يــوم "

"كان الفطور اليوم بيت بو نايف .. نفس الشي وبنفس الوضع تجمعوا االبنات والحريم بس البنات هالمره كانوا كسلانات ولاوحده فيها حيل تسوي شي .. بس يعني شي على شي قدروا يطلعون بشي"

" المهم .. بسمه كانت طول الوقت متمسكه وتشتغل وهي ساكته ولاتفكر تسولف مع احد ونجوى كذلك "

نجلا : حيالله من جاااناااا
البنات : الله يحيييك
نجلا: شخبارك وش مسووين ؟ اشتقنا لكم
سهر: اللي مثلك يسكت زين
نجلا تضحك : افاا ليه
سهر: ليه ماجيتي معهم اول يوم رمضان
نجلا : والله اهل زوجي مسوين عزيه مثلكم وماقدرت اجي زوجي قال لازم احضر ومن هالكلام مع اني بموت واجي معكم
غزل: كان جيتي عندنا وهو راح معهم
نجلا تضحك : أي حبيبي سويها بكرا بزوجك وشوفي وش يسوي
غزل تضحك
منار: عشان كذا مادحين الزواج الداخلي
نجلا تضحك : عن الحرش هاه
منار تضحك : امززح والله انتي الغلبانه
نجلا توطي صوتها : اسكتي بس لاحد يسمعك
منار تضحك : خلهم عشان يحسوون واااااااه " قالتها بقهر "
نجلا تضحك : ياحليلكم والله اشتقت لسوالفكم ومهايطكم
غزل: والله انتي القاطعه مشكلتك مو نجوى حنا تتلكعين معها بالمقاهي هذي زوجك عادي يسمح
نجلا تضحك : بالصدفه دايم تكون صدفه
سهر تضحك وبنظره : نصااابه
نجلا تضحك : اسمعي انتي واياها لايكون مستصغريني وحاطيني بعمركم انا وحده متزوجه و..
سهر وغزل يضحكون : اقول بس اسكتي اسكتي
نجلا تضحك : اللهم اني صائم
سهر: وش قلنا بعد
نجلا بنظره : كنها جايه سبه
غزل تضحك : مريضه
نجلا : انثبري بس
غزل تضحك وسهر : اوووووه اللهم اني صائم
منار تضحك : وحده بوحده
نجلا: وااااااه منكم خلني اقوم احسن لي " وضحكت وقامت "
منار: ماكنها متزوجه لسا مهايطيه
غزل تضحك : أي من جد
سهر ترمي المخده على جنى
جنى: وجع ان شاء الله
وصايف: هي تراك صايمه
جنى: انا ادري عنها ال...
سهر تضحك : شوي شوي لاتطير عيونك
جنى: اش مالك دخل
سهر فتحت عينها : قليلة الادب
جنى تضحك: خليني اشوف والله حماس
سهر: والله ذا بايخ حطوا قطر الحين بيبدا مسلسل يجنن
جنى: لالالالا نبي هذا
سهر: هذااك احلى

" احــــــــــــم ياولـــد "

" البنات تناقزوا مع بعضهم مو عارفين وش يسوون"


سهر: جنى جنى اطلعي له
جنى: لاوالله قاالوا لك حلال
غزل: قومي انقلعي لايدخل علينا
جنى: بس انا صايمه
وصايف تضحك : لاحول طيري الحين ماعندنا لاحجابات ولاشي
" يــــاولد "

جنى تزين ملابسها: ايوا " وراحت لعند الباب "
نايف ابتسم يوم شافها: جنى هلا والله
جنى تبتسم : هلا فييك
نايف: شخبارك؟
جنى بيطقها سالفه ذا : الحمدالله والله
نايف: وين بسمه ولانجود
جنى: بالمطبخ بغيت شي
نايف: ابي اطلع فوق لغرفتي
جنى تطل على البنات: اوكل بس خب عيونك " وضحكت وهو ضحك "
نايف: اووكي الطريق لفوق فاضي
جنى: أي بس لاتلف يمين ترى بشوفك
نايف يضحك : طااايب ولاتزعلين " ونفض شعرها ومشى "

" وجنى ضحكت ووقفت "

جنى" يموووووووووووون "

" جنو اول ماراحت للبنات يضحكون عليها "

وصايف: من متى الميانه
جنى فاتحه عيونها: مدري هههههههههه
سهر: شكلها مطيحته
جنى تضحك : لاخليناه لك
وصايف: وينفض شعرها بعد
منار شهقت : صدق
جنى تضحك : شفيكم وش سويت انا مالي دخل
غزل تضحك: يعتبرك مثل اخته الصغيره عادي شفيك من كبرك الحين
جنى: انا ادري قمتوا علي

" ونايف طلع فوق ومنزل راسه حتى وصل الردج وبدا يرفع راسه بشكل طبيعي"

...... بصوتها الناعم : هههههه ياحبيلك والله... انا بيت عمي اذا رجعت دقيت عليك ونتفاهم مع بعض.. اوووكي ههههههه يوصل يلا ... يلا مع السلامه

" على هذي الكلمة انتبه نايف ورفع راسه وطاح عينه على البنت اللي قدامه .. الود انصفق وجهه ماهو عارف وش يسوي والبنت يوم شافت ذا شوي ويلصق بوجهها تبلمت والجول لسا بيدها على نفس الرفعه.. هو ماهو عارف وش يسوي هو حيا هو فشيله ولا ... بينما البنت وقفت هي ضامنه ان البيت ماحد بيدخله لان فيه ناس شلون يصير لها كذا .."

نايف: أحــم " وراح يهرول عنها لغرفته "

" بينما البنت وقفت منصدمه بسرعه نزلت تحت تلهث "

" واول ماوصلت الصاله "

ياويلي ياويلي نايف شافني نايف شافني
البنات ضحكوا
سهر: اووه اووه ماقال شي
غزل: يلا اديم قولي لنا
اديم قلبها ينتفض: وش يقول وش يقول هاه اسكتوا ليه ماقلتوا لي
جنى: مدري على بالي بالمطبخ
اديم حاطه يدها على خدها : شسوي
وصايف: عادي بالغلط يمكن بكرا يجي ويخطبك عادي تصير في اكثر العائلات
البنات ضحكوا واديم مالها خلق مالها وجه
اديم تغطي : أي هين بيخطب على هاللبس
جنى تضحك : أي والله يشوف بسمه ويجي يشوف اديم
اديم: أي والله
سهر تضحك: عاد مو لهذي الدرجه
غزل تضحك : من جددد بس عادي بالغلط
وصايف: ليه وش صار
اديم: اففف ماني برايقه بس شافني واخترع هذا اللي شفته
البنات ضحكوا
جنى: مسكين الولد صايم
اديم : احلفي وانا
جنى تضحك: وانتي بس هو ماتسوى عليه الخرعه
اديم تناظرها: اكرهك
" البنات ضحكوا "

" انا نايف دخل ويده على الباب"

نايف " من هذي اول مره اشوفها .. توي ادري في بنات كذا عندنا .. ناعمه وش زينها .. والله ميب هينه عليها صوت ..اف اف اللهم اني صائم وين وصلت انا "

"وتذكر ليش هو طالع وراح ياخذه "

.
.
.

" في مجلس الرجال "

"وعند الشباب "

منصور: بيعنا بالسوق
مشاري: نشتريك يابوسلمان
منصور: شدعوى لاصوت ولاهمس
بدر: شكل الولد غرقان
منصور خزه وبدر ضحك
مشاري ابتسم: بدر بليز لاتنشب
بدر يضحك
مشاري: وانت واياه اللي سارح او ساكت غرقان
بدر: عند تفسير ثاني
مشاري ابتسم : اقول خلنا صيام زين
بدر ضحك
منصور: من جد لاحد يسمعك وانت تخورها
بدر يضحك
منصور : وش فييك
بدر: مايضحكني غير ذولا ثنين عايشين الجو
منصور يضحك : وليد وطلال
بدر: ايه امس وليد ساري من 12
منصور يضحك:تطور والله
بدر: أي والله
منصور: زين والله يتعودون
بدر: ماهقيته
منصور: تعال انت خلاص بتروح 3 ايام العييد ولا تقدمتوا
بدر: أي والله خلاص
منصور: بتخليني لحالي مع وجهك اصارع غربتي
بدر ضحك ومنصور بعد
منصور: والله تعودت عليك وعلى افكارك الجهنميه
بدر يرفع حواجبه: للمصالح هاه
منصور يضحك : تقدر تقول
بدر : طاايب بنشوف وش بتسوي اذا رحت قول امين وانا صايم ياخذها اللي جنبي

"منصور شهق وبدر ضحك وقام غير محله ومنصور صار يخزه ويقوله طايب شغلك بعدين"
" هذا الحال كان عند الشباب حتى وصلوا الرجال متأأخر "

.
.
.

" يآآآآآآآآآآآآآآآآآسر يآآآآآآآآآآآآآآآآآآآآسر "

" وقف ياسر من غير شعور بسماع هذا الصووت وفيصل بنفس الوقت نقز يوم سمع الصوت او بلاحرى كل الشباب والرجال وقفوا من هذا الصوت وياسر بأشارة منه فضل انه يطلع لحاله لانه صوت اخته حتى فيصل ماتدخل وياسر طلع بسرعه "

" وانصفق وجهه يوم شاف عبير وبنات واقفات حول شي مرمي بلارض وماعرف وين يروح بين هالبنات "

ياسر: عبيييير وش صاير ؟

" البنات سمعوا الصوت ووسعوا له وشاف اللي شافه "

" شاف نقطة ضعفه تتلوى بلارض ومختنقه ..صدرها يطلع وينزل تدور انفاسها .. طار لها من غير شعوور "

ياسر نزل عند ماكانت سهر وعبير قاعدين واخذها من يدهم بكل قووه

ياسر شالها بحضنه : بدررر بدررر

" ياسر لف على سهر وشافها وحس انه مو وقتها والناس صايمه وسهر من نظرته قامت وراحت مع البنات "

" بدر من سمع عبير تنادي ياسر خقت رجوله ماقدرت تساعده والحين صوت ياسر بجد ماعرف وش يسوي "

منصور: بدر شفييك
بدر يتنفس: وليد منصور روحوا شوفوا ياسر وش يبي ماني قادر احرك رجولي

"وليد راح ركض ومعه طلال بينما منصور راح يشوف بدر رجوله يحس انها انشلت وقلبه يهتز .. والرجال طلعت "

" ياسر كان حاضن اخته دانه اللي مغمى عليها وووجهها مزرق ويبي حد يساعده ينقلها المستشفى "

وليد اول ماشاف دانه : دااااااااااااااااااااااااانه
طلال اخترع
وليد: داااااااااااانه " وركض لعند ياسر وياسر خبى وجه دانه وقام فيها "
وليد يرتجف : ياسر وش فيهاا
"عبير كانت تبكي والبنات واقفات بعيد من جو الرجال وهم ماهم قادرين يقربون"

"فيصل راح لعند وليد "

فيصل: وليد هدي مافيها الا العافيه
وليد بعد عن فيصل: وين بتروح فيها
نايف: وش صاير
فيصل: دانه مدري وش فيها

" وركض نايف لعند ياسر اللي كان متجه ناحية السيارات وهو حاضن دانه "

نايف: ياسر ياسر
ياسر وقف
نايف قرب منه: عطني اياها
ياسر: بنقلها للمستشفى
نايف: انت قاعد تكتم نفسها بحضنك لها افتح السياره وخلها عندي
نايف اخذ دانه بلطف وياسر يناظره بقلب مكسور و الشباب قرببوا من عندهم "

بو محمد: وش صاااير

" وعرف بالسالفه والكل عرف فيها انه دانه تلعب واغمى عليها واصفر واخضر وجهها وعبير خافت عليها والكل تجمع عليها ونايف يبعدها عنهم لايضيق نفسها وجهز ياسر السياره وركبوا وانطلقوا المستشفى "

" بدر اول ماعرف بالسالفه ضغط على رجله وقام ووقفه منصور بس هو يركض كنه مجنون الشباب شافوه ووليد شافه وسبقه والشباب مسكوه"

وليد: اتركوووني ماني ناقص دانه تروح مثل ماراح ابوي
فيصل: وليد اهـــــجد
بو محمد: بــــــــدر
بدر وقف بقوه
بومحمد: وين رايح
بدر عمي مو وقتـــــــك : بروح معهم
بو محمد: الحين بيوصلونها ويعالجونها ويطمنونا عليها ماله داعي هالروجه هذي كلها

" بدر وقف ووليد والبنات على طول دخلوا داخل ووصل الخبر للحريم وام ياسر انقبض قلبها والبنات وصلوها الوضع برا فاماقدرت تسوي شي غير انها تدعي لبنتها ويعين ياسر اللي ماتدري بحاله الحين "

" برا "

بو محمد: يلا ياعيال ارجعوا
وليد قعد على العتبه بقوه : بقعد هنا ماني بداخل
بدر ناظره وكان عارف ان وليد بينحش وبيروح لهم وقرر يقعد معه وقال لبومحمد : بقعد معه شوي
بومحمد تفهم الوضع ودخلوا الشباب وقلبهم قابضهم على دانه بومحمد حس انه يبي يروح لهم يبي يتطمن عليها بس دام ياسر معه ولايبي يكبر الموضوع ..ودخلوا

" بعد ماها الوضع شوي قام وليد "

بدر: وليييد
وليد: بدر تكفى
بدر: ماقلت شي خذني معك ماقدر اسوق
وليد ارتاح: اوكي يلا لايجي عمي

" وطاروا ثنينهم للمستشفى "

.
.
.

" بعـــــــــــد لحظــــــــــات "

"في المستشفى"

" صارت هوشه بين وليد والريسبشين بسبب الطوارئ الفاشل حقهم والكل يهدي الوضع حتى ها نايف الوضع ودخلوها بسرعه وحطوا عليها الاوكسجين وكذا .."

ياسر: زين كذا
وليد: لو قاعدين على برودك كان ماتت البنت علينا
ياسر فتح عيونه
بدر: وليـــد
وليد : اووووووووووه " وراح الجهة الثانيه "

" ياسر عارف ان نفسية وليد ماتأهل يتكلم معه واصلا مو وقته وغير كذا عادي وليد بهذي الحاله يسب ياسر واللي جابه فقرر يسكت عشان لايجرحه وليد بكلامه اكثر.. ولامن بخاف على دانه كثر ياااسر "

" نايف رجع لهم وطنهم ان نبضات قلبها بدت شوي تستقر وانرخت اعصاب الشباب برا"

وليد: بدخل لها
نايف: ممنوع مو الحين
ياسر بنظره : ولي بعدين

"وليد سكت ولف وجهه على الجدران وبدر يناظر ويده على قلبه شكل السكر انخفض عليه صايم و صدمه حس انه دمه ماراح يشيله وكان عادي يفطر لانه يحس اشواك بحلقه "

وليد بقهر مسك الجوال ودق على عبير
عبير: الووو وليد
وليد : كله منك يالمهمله تاكرتها تلعب وانتي عارفه الجو غبار شلون تتركينها تلعب لحالها لو انك ماسكتها او منتبهه لها ماصار لها اللي صار

"عبير انصدمــــــــــــــــــــــت"

" وبدر وياسر فتحوا عيونهم ياسر قام بقوه وسحب الجوال منه وقفل التليفون "

ياسر يرص على اسنانه : وليد صير عاقل ولا ارجع البيت سامع لاتزيدها علي

" وليد من كثر خوفه على دانه حس انه مافي حل غير يمسك عبير ويحط اللوم عليها على الاقل يقدر يقلل من التوتر اللي عليه "

" بدر يراقب بصمــت ..ماهو عارف وش قاعد يصير فيهم "

ياسر قعد على الكرسي وكل تعب الدنيا عليه " معقوله تكون عبير السبب.. بس عبير مالها ذنب ..اااااااه كل مااقول الامور هانت تزداد ياياسر انت وينك ووين الزواج انا شكلي ماراح اتزوج حتى تتزوج دانه ... يالله ووليد ماعرف وش اخرته معك متهور لابعد درجه مايهمه أي شي غير يرضي نفسه .."

"بدر يحس انه بدوامه مو عارف تاليها "

" وليد يحس انه ممكن يسوي أي شي "

.
.
.

الوقت قاعد يمشي ودانه داخل وصارت الساعه 5:00 مابقى الا قليل ويأذن والناس تتعصر جوع تنتظر الاذان واللي بالمستشفى ينتظرون متى تطلع دنووو ركبوا عليها مغذي .. وينتظرونها تطلع وبهذا الوقت سمحوا لها يدخلون عليها ودخل عليها وليد وضمها من تحتها لحضنه وبدر خايف عليها من دفاشة وليد..بس موقادر يتكلم لاياكلهم .. حتى حس على دمه وابتعد عشان اخوانه يبوسونها دانه هالوقت كانت نايمه وبدت تحس شوي من بعد ماتركها وليد "

ياسر: أمي انتي في عدوينك ان شاء الله
نايف يبتسم : لا ان شاء الله ماعليها شر الحين وتقوم مثل الحصان
بدر ابتسم : ممكن ياسر عاد عطنا مجال
ياسر يبوسها : مقدر ياناس
بدر: اقوول بس

" نايف يناظر بدر اللي شوي بدا يرجع من شاف دنو ولا من قبل مو قادر يفتح فمه "

نايف: طيب الحين انتوا شفتوها وتطمنتوا عليها روحوا البيت عشان الفطور
وليد: لاااااا بقعد هنا
نايف: بس هنا مافي فطور والناس كلها تروح تفطر
وليد: ماني طالع يعني ماني طالع الا ودنو معي
بدر: بيني وبينك حتى انا
ياسر مو هاينه عليه دنوو بعد

نايف: افا الحين العزيمه لكم وتتركون الترتيبات وتجون انا بقعد معها وبداريها وانتم روحوا افطروا واول ماتخلصون تعالوا لها هذا اذا ما خلصتوا فطور وهي عندكم

وليد: صدق
نايف يبتسم : أي شوف مابقى على المغذي شي وبجيبها معي
ياسر: وانت يانايف
نايف: انتوا روحوا على الاقل امس تنبسط وابوي وانا شبعان من اكل بيتنا وبعدين وصيت يجيبون لي فطور
وليد حس تفشل من نايف وطيبته : كلفت على نفسك نايف ماله داعي والله
نايف ابتسم : ولو ياولييد
ياسر: مو عارف وين اودي وجهي يانايف اخجلتنا بطيبتك
بدر: من جد لالا روحوا وانا بجلس معها
نايف: استغفر الله والله لاتصل على امي واخليها تعطيكم من ذاك اللسان
الشباب ضحكوا
نايف: والله لاتزلزكم من ارضكم اسمعوا الكلام وقوموا يعني شلون مو واثقين فيني
الشباب: لالا افا بس
" وقعد يقنع فيهم وهم يقنعونه ووليد شكله غير رايه الا والاذان يأذن"
ياسر: اجل خلاص عشان خاطر عمي يلا ياشباب قوموا
بدر: يلا مشكور وماتقصر وعقبال مانخدمك بلافراح يارب
نايف ابتسم : وش دعوى
وليد: لاتخاف بنخليهم يحطون لك من الاكل الزين
نايف ضحك
ياسر ابتسم لان وليد تحسنت نفسيته

" وراحوا ... دخلوا والناس تفطر وليد ناظر بعيون عمه اللي عطاه نظره عتاب وضاق خلقه وليـد والشباب كانوا ياكلون من غير نفس ودخلوا وشافوا نفسيتهم وصاروا ياكلون بأطمئنان انبسط بو محمد على نفسية وليد اللي صارت اوكيه بس كان يبي يأدبه لايتهور ولايطلع عن شوره .."

" اما البنات كانوا اكثر خوف على دانه فكانوا قاعدات قدام الاكل يتذوقونه بس وعبير انسدت نفسها كليا من كلاام وليد ولافكرت تتصل ماتبي تنجرح اكثر ووعدت نفسها انها تنبته على دانه اكثر .. طبعا ماوصلهم خبر ان ياسر واخوانه رجعوا فاكانوا قاعدين ينتظرون على نار وام ياسر قررت بس تخلص تدق على ياسر ياخذها او حد من العيال يوديها لبنتها .. البنات كانوا حزناننين على حالة عبير.. بينما سهر تتذكر نظرات ياسر لها .. استغربت من نظراته ولاعرفت وش تفسيره معقوله يلومها على دانه .. انشغل بالها من نظرته .."

" طبعا نجوى ومحمد وضعهم مايطمن محمد قاعد يلومها ويعاتبها و بسمه كمان انسدت نفسيتها مرتيييين من الحال اللي تشوفه في نجوى .. حست ان هي السبب وهي مخربه وهي كل شي غبي في الدنيا .. قلبها محترق على فكره انها فكرت بيوم بمحمد وعقلها كل لحظه يلومها وقلبها يعاتبها .. حست انها بتطلع من طورها .."

" اديم طول الوقت خجلانه من نفسها على الموقف اللي انحطت فيه بس في نفس الوقت انجذبت انجذاب كلي للأنسان الغامض لها.. ماتشوفه كثير وخبرها انه قريب بيصير دكتور وهي يجذبونها الدكاتره معقوله يكون نايف فارس احــلامهــــــــــا .. بس حسته مو بتاع هذي السوالف وهذا اللي جذبها اكثر وخلاها احتمال انها تظمنه "

" اما غزل انتابها شعور انها تشوف منصور لانها شافت صوره ثانيه فيه لمعه بعيونه كانت غير اول مره بحياتها تحسها فيه .. ماتعرف هو تصنع ولا وشو بس هذا اللي حسته وقررت تشوفه بأي طريقة وقعدت تفكر شلون "
.
.
.
" المهـــــــــــم "

" اللي صار ان ام ياسر دقت على ياسر وياسر طمنها بدوره .. ورفض انها تروح لان نايف راح يجيبها لان المغذي انشال منها .. وعبير اول ماسمعت ارتاحت وانبسطت .. وصاروا ينتظرون دنوو تجي .. نايف كان مبسوط على شكل دنوو البريئ .. وبعدها رجع ومعه دنو شايلها بحضنه كانت صاحيه بس مو فوعيها كانت عيونها تلمع ومسطله على الااااااااااخر تناظر ولاتدري وش تناظر نايف اخذها على الصاله يوم دخل محد حس فيه فقال بيدخلهم على النسوان ."

نــايف يفتح الباب بصعوبه : يــاولد

" تناقزوا البنات اللي تبي شيلتها واللي تبي تقوم اصلا وبعد فتره وصل له صوت اقلط "

نايف: خاله ام ياسر
ام ياسر نقزت على طول وراحت اخذت منه دانه وتبوسها وعبير جتها تركض نايف يوم شافهم تركهم وطلع والحريم قاموا لها "

ام نايف: جيبيها اقرا عليها
ام ياسر: خليني خليني اتطمن عليها .. " وتحضنها " ياحياتي يادانه جعله فيني ولا فيك
ام نايف تضربها: في عجوينكم
ام ياسر دمعت على بنتها ودانه ضامه امها وتناظر عبير وعبير تبي تاخذها وماهي قادره امها مساكتها بقووه "

" بعد لحظات تحمدوا لها السلامه وام نايف كان عند زيت مقري عليه قعدوا يقرون عليها ويمسحوون عليها زيت .. وعبير جلست تبوسها ودق جوالها وكان وليد "

" ماعرفت ترد ولاتطنشه بس قررت ترد "

عبير بصوت هادي : نعم
وليد كان عارف انها زعلانه : عبير انا بجي الحين باخذ دانه
عبير: قاعدين يقروون عليها الحريم
وليد: بلاخرابيط بجي الحين
عبير تنرفزت: انت تسمع الكلام ولالالا؟
وليد بصوت هادي : زعلانه
عبير تأثرت :.......
وليد: عبووره تلوميني
عبير بصوت مفعوص : لا
وليد: اجل ليه تزيدينها وتزعلين
عبير حست انها بزر يوم زعلت على وليد : مو زعلانه بس صدق يقرون عليها
وليد: طيب بس يخلصون قولي لي اوكي
عبير: اوكي
وليد: يلا تبين شي
عبير ابتسمت : سلامتك

" وسكر"


" وليد اصلا بس يبي ياخذ بخاطرها ويشوفها زعلانه ولالا "

.
.
.

" ماكانت جمعه اليوم مره وناسه وكذا جاهم اللي ينكد عليهم .. ياسر رغم تحسن دانه الا انه تضايق من جهة ثانيه ... الاجواء بدت تستقر وصاروا في حالة ركود البنات تسدحوا بالصلات واللي نامت واللي تفكر واللي ماني عارف..."

" ترررررررن ترررررررررن"

........: الوووو
نجوى يلا اطلعي برا انتظرك
نجوى حست بشي في حلقها موقف وبصوت واطي : طيب

" وسكروا من بعض وقامت نجوى"

ام نايف: على وين
نجوى: محمد يقول اطلعي
ام نايف: الله يهديه اقعدي شوي
نجوى ابتسمت لها : مره ثانيه ياخاله
ام نايف ماحبت تضايقها : خلااص على راحتك اصلا شكلك تعبانه
نجوى: اي والله مانمت امس
ام نايف: عشان كذا خلااص الله معك
نجوى: مع السلامه ياجماعه

" وقامت وراحت جابت عبايتها واغراضها ولفت تدور سلمان ولا لقته قالت يمكن برا وطلعت بعدها وكان محمد يصيح لها وسلمان مو معه كملت طريقها للسياره "

" بعد ماركبت "

نجوى: السلام
محمد : وعليكم
نجوى استغربت مارد عليها السلام كله : ترى السلام لله والرد واجب
محمد ببرود : مو انتي قلتي السلام وانا رديت وعليكم يوم تعرفين تقولين السلام عليكم قلت لك وعيلكم السلام " وحط سلمان عندها بمعنى اسكتي بس "
نجوى: وين سلمان
محمد: بيرجع مع امي

" انقهرت نجوى من هذا الاسلوب وقررت تكلمه بس توصل عشان لاتتهاوش معه بالسياره "

" وطول الوقت كانوا ساكتين .. خافت ينزلها ويروح عنها"

" وصلوا ونزلت ولا لفت عيونها عليهـ بس كان احساسها عنده بتشوف اذا بينزل ولالا .. المهم عقدت حواجبها يوم حست انه بالسياره لسا مانزل وبعدها انفكت عقده حواجبها بعد ماسمعت صوت تسكيره السياره وكملت طريقها ودخلت البيت وحست به يمشي وراهـا .. وتوجهت هي لغرفتها فهذا خاب ظنها انه راح يلحقها .."

" بعد ثواني استغربت نجوى انه ماطلع غيرت ملابسها وشافت الوقت لسا الساعه تسعه تلبس بيجامه من الحين لالا .. قررت تلبس لبس بيت جينز وبلوزه .. لبستها بسرعه وقررت تنزل وقبل لاتنزل ظبطت شعرها .. وبس خلصت ونزلت المشط توجهت للباب الا الباب سبقها وانفتح ..
طاحت عيونهم على بعض ومحمد فهم انها كانت ناويه تنزل وهي فهمت انه اكيد راح يطلع لها بس تأخر شوي..."

محمد: احم بتنزلين..!
نجوى: اي فكرتك بتقعد تحت
محمد ترك الباب يسكر لحاله وتوجهه لغرفة تغير الملابس : لا انا بجلس فوق
نجوى هزت راسها ورجعت على الخفيف وتكت على الكمدينه حقتها بخفه " اففف ليت سلمان هنا يسوي حركة شوي .. ياربي الله يعيني مافيني افتحه من جديد"

" بعد ثواني جا محمد وهو لابس شورت وبلوزه كت وتوجهه للصاله حقتهم اللي على قدهم وهي فهمت يعني الحقيني .."

" فتحوا التلفزيون وهم بحاله ركود حتى استقروا على محطه ولف محمد على نجوى وقرر يفتح الموضوع "

محمد: ايوا وبعدين
نجوى ناظرته : وشو
محمد: وبعدين على هذا الحال
نجوى لفت راسها
محمد بنظره : نفسي اعرف وش تفكرين فيه
نجوى ناظرت يدها وهي تلعب فيها
محمد: نجوى انتي كم عمرك
نجوى انصدمت ورفعت عيونها
محمد فهم معناتها: اظنك كبيره كفايه انك تكونين عاقله وفاهم صح..!
نجوى : ماظن ان الغيره مع الكبر تقل
محمد: غاري يانجوى غاري بس مو الغيره اللي تودينا جهنم
نجوى: محمد وش تفسر اللي يصير وش تفسره
محمد: افسره عادي لو كانت اختك غزل مكانها وش بتقولين..!! بتسوين لي مثل ماسويتي معها
نجوى: بس اختي غير
محمد: اكيد غير لان اختك ماامون عليها كثير بتفرق بس بسمه امون عليها اكثر من اخوها .. والتصرف اللي صار طبيعي مافيها شي لو شلت معها الطاوله لانها ماتقدر عليها
نجوى: .......
محمد: نجوى لا يكون انتي تفكرين اني راح احب بسمه بعدك
نجوى: ماعرف ماعرف
محمد قام وقعد جنبها وقريب مره : وشو ماتعرفين
نجوى صارت ترتجف ونزلت راسها
محمد: الحين يوم صار مدري كم على زواجنا تشكين بحبي لك و لا مع بنت عمتي يعني وين اصرفها بخونك مع بنت عمي وعمك بعد
نجوى صار تتنفس
محمد رفع راسها بطرف اصبعه من دقنها: طالعيني
نجوى رفعت راسها وصارت تناظر يمين ويسار قام ضحك هو
نجوى نزلت راسها بعد مابعد اصبعه
نجوى:اسفه
محمد: تؤ تؤ تؤ مابي اسمع اسف سمعتها انا كثير هالمره ابيك تتأسفين من بسمه
نجوى فتحت عيونها : وشو
محمد: اي البنت مسكينه ماشفتي وجهها شلون انصفق يوم حست انك مفكره فيها هالتفكير اكيد انها تستحقر نفسها بسمه وانا اعرفها ما تحب تضايق حد ولامعقوله يكون تفكيرها كذا
نجوى : طيب
محمد ابتسم: طيب كذا بدون حتى ابتسامه تشفي الغليل
نجوى ضحكت بخجل وبدلع : محمد
محمد : وهـ وهـ زمان ماسمعت هالنغمه
نجوى ضحكت وبعدت : ترى حنا برمضان
محمد: اي صح ولاتنسين كمان ان فتره الصيام خلصت " وغمز لها "

"هي ضحكت وقامت بسرعه وهو مسكها ودخلوا غرفتهم "

.
.
.

" بعد هذي الاحداث بفتره .. "

" بدت تهدا الاوضاع برمضان .. وليد وطلال مالهم اي بينه هذي الايام... مافي شي يستحق الذكر .. حتى المواقف قلت والاحداث المهمه قلت بين الابطال خلال هذي الفتره ... كلن يبي يعيش يومه برمضان .. مايبي يفوت عليه رمضان بدون مايسوي شي ينفعه بأخرته .. الايام صارت تمشي.. والوقت يقترب لليوم الموعود لكل بطل من الابطال .. اللي ينتظر سلطان واللي ينتظر العيد واللي ينتظر متى يسافر .. كذا مضت نص الفتره .. هذا غير انشغال البنات والحريم بالسوق والتقضي حق أياام العيد .. لان البنات عطلت حق رمضان "

" في الاسبوع الثاني من الاجازه اهل الرياض التمو بالشرقيه .. ومن ضمنهم بيت بو مساعد .. اللي قرروا يجون الشرقيه يغيرون جو ويعيشون رمضان معهم "

" كان بيت بو فواز زحمه وحوسه ووناسه .. البنات مبسوطات ... طبعا ابوهم ماجا الشرقيه لاسبابه الخاصه .. وخصوصا انهم قرروا يقضون الفتره بيت خالتهم ... منار ماكانت تبي تلتقي بمازن تحس ان مالها وجه لعدة اسباب وهي واضحه ..."

" غزل كانت عازمه البنات الفطور يفطرون سوا بالخيمه .. وكلمت على كل البنات بس .. وقررت هي ولميس يسووون بعض الاطباق اللي يعرفونها وقالوا للبنات كل وحده تجيب معها شي .. ودهم يتذوقون اشياء مختلفة بشرط محد يجيب مثل الثاني .. وشي طبيعي راح يتفقون على هذا الشي "

" غزل قالت للعيال لايجون اليوم وكلمت سهر تخلي اخوها منصور يعزم اخوانها وعيال عمها لوووووول .. عشان ياخذون راحتهم وسهر قالت له ومنصور ماعنده مانع لان سهر بينت انه طلب من غزل وهو وافق بس سوى نفسه مافهم انه الطلب من غزل "

" على الساعه 4:30 وصلت سهر اول وحده وصلت من البنات "

سهر: هلووو منووور

" كانت منار بالصاله تضبط التلفزيون والبنات الباقي داخل "

منار ابتسمت : هلا والله مابغيتي تجين
سهر: احسن من غيري " وغمزت وسلمت عليها "
منار تضحك : كيفك
سهر: والله الحمدالله وين الناس
منار: والله بالمطبخ
سهر: حركااات
منار: وش الحركات اللي معك
سهر تغمز : مالك شغل
منار تضحك : يلا عاد وشو
سهر: جبت فتوشيييني
منار تسحب نفس بقوه : همممممممم يمي يمي
سهر تضحك : بروح احطه بالفرن
منار: طبعا مو انتي اللي مسويته
سهر تضحك وتخزها : خل يطلع
منار تضحك : اوكي جيبيه عنك وانتي اخلعي عبايتك
سهر: في عيال هنا
منار: لالا ماتوقع مافيه حد البيت حتى ابوي خذي راحتك
سهر: اوكي

" وراحت وشالت عبايتها ومنار راحت المطبخ لحقتها سهر بس خلصت "

سهر بعد ماسلمت عليهم : اوه اوه وش هذي الحركات
لميس تغمز: يمديييك
سهر تضحك : على غزل أي بس انتي توي ادري
لميس تضحك : ا..اوبس اللهم اني صائم
سهر ضحكت
سهر تتكي على الكاونتر : وش مسووين
غزل: كووووول اللي تبين
سهر تغمض عيونها : هممممم يعني فيه كبسه
غزل تضحك : لالا مابعد نوصل هناك
سهر تلمس بطنها : يالله زمااان عن الكبسه
لميس : احسن ماسوت فينا خير غير نفختنا
سهر تضحك : بس اشتقت لها والله هي الوحيده الللي تسد جوعي
غزل تضحك : امقاعده اشوف سهر قاعده اشوف جنى
سهر تضحك : اسكتي بس لاتسمعك
غزل تضحك ووقفت جنبها وبعدها نطت على الكاونتر : وين البنات
منار: شوي ويجوون بس بسمه ونجود مدري عنهم
سهر: بتصل عليهم

" وبعد ماتصبت عليهم قالوا انهم بيجون بعد ربع ساعه وبيكونون عندهم "

سهر: يلاماخلصتواااااا قوموا نقعد بالصاله
البنات: الا يلا
غزل: روحوا وبلحقكم
سهر وهي تطلع : لاتطولين

" وقعدوا بالصاله "

سهر للميس: وش المسلسلات اللي تشوفونها
لميس: انا ماشوف مسلسلات الا بعد الفطور
سهر: اها أي احلى من وقت والصيام
لميس تضحك : عشان عادي اسمع مقدمه الاغنيه والاغاني اللي داخل
سهر: استغفر الله ههههه بس تفطرين انتي شكلك تنسين رمضان
لميس تضحك : ههههههههههه استغفر الله لا
سهر تضح : هبله
منار تضحك : من جد
" شوي ويدق تليفون البيت "

منار: الووو
ثواااااااااااااااني وافتحوا الباب تسمعين لاتلطعونا برا
منار عقدت حواجبها: وينكم فيه
جنى: هذا حنا جاييين قربنا يلا اطلعي لنا في اغراض كثير
منار تضحك : مع ذا الوجه يلا باي
منار تضحك : بعيريه هالبنت ثوواااني وفتحوا الباب مدري مين بيلطعها
سهر تضحك ولميس
منار: ولا اطلعوا جيبوا الاغراض مدري ناقله بيتهم
لميس تضحك : اطلعي خل نشوف وش عندها
منار: وه اقعد تحت الشمس
لميس : احسن من ماتاكلك بلسانها
منار تضحك : قسم بالله قلق بس والله لو يطلع ماعندها شي يا انا ياهي

" وطلعت منار وقعدت على عتبت الباب تنتظرهم وقاعده على اول عتبه ورجولها موصله لاخر عتبه " من كثرهم كلهم ثلاث عتبات لووول " وحاطه يدينها على خدها ومنزله شعرها على وجهها عن الشمس و تنتظر تسمع حسسهم "

منار: اففف وينهم

" منار تنتظر من هنا .. وناس تاخذ اثم من هنا استغفر الله لووول "

" شافها وماقدر يصد جذبه فوضويه شعرها ورجولها الممدوده "

" وهـ وهـ وهـ قلبـــي وش مجيبك يامازن هنا "

" طااااااااااااااااااااااااااااط "

" رفعت راسها من هنا وصحى الاخ من هناك وصد عن تشوفه وطل بخفه عشان يشوفها وصد بسرعه اكبر اول ماعرف انها منار صارت ضربات قلبه تتراكض وصار يشوفها وهو صاد لانها قامت تفتح الباب للسياره اللي تنتظر وصولها وفتحته وصارت متخبيه وراه وهو رجع المجلس الرجال بسرعه "

جنى نطت بوجهها: بووووو

منار ضحكت يوم شافت جنى داخله وبيدها اكياس سوبر ماركت وكيس الشيبس بوجهها

جنى رمت الكيسه بوجهها ودخلوا خواتها وراها

اديم: الله يفشلك ياجنى

منار تضحك : ليه " وسلموا على بعض "

اديم وتترك الباب شوي مفتوح وراها: ادخلي السواق بيدخل الاغراض

منار دخلت مع وصايف : وش فيها جنو

وصايف : ودتنا السوبر ماركت قلتوا لها جيبي معك شي وتشيل لك نص السوبر ماركت قلنا لها ماراح ناكل ذا كله اليوم قالت الا عادي ننام بيتهم وناكله
منار تضحك : ياحبي لها والله

" دخلوا وسلموا على البنات والخدامه دخلت الاغراض من السواق "

" وبعدها قعدوا واستقروا ووكمان ربع ساعه وصاروا ينقلون الاكل للخيمه اللي فضت نهائيــاًً"

.
.
.

" بعد الاذان جلسوا البنات وبدوا يفطرون ولكن هالمره ماقامو يصلون قرروا ياكلون وبعدها يصلون لان الاكل كان يمي ولا يقاوم وبالفعل كان كل طبق نوع وهذا كان لذيذ ومسوين كميات من الطبق قليله عشان تتأكل ويذوقون باقي الاطباق هذا كله تخطيط غزل *_^ غزل صايره حرمه اليوم معتمده على كل شي "

وصايف تضرب جنى : كم مره قلت لك لاتطلعين صوت وانتي تاكلين
البنات ضحكوا عليها
جنى تضحك : هو مقرمش
وصايف تضحك
عبير: مبين الروزيتو صار مقرمش
جنى تضحك وبتصريفه: الدجاج اللي يقرمش مو هو وبعدين مالكم دخل كل واحد ياكل بالطريقه اللي يبيها
البنات ضحكوا
سهر: خلوها تاكل على راحتها شفيكم
وصايف: حومت كبدي استغفر الله
جنى تخز اديم بصوت واطي بس ينسمع: شفتي تفشلني لاتقولين ليه ترفعين صوتك عليها انا اوريك فيها
البنات يضحكون
عبير: هههههه حياااتي حزنت عليك
جنى: كولوا تبن ولاعليكم مني
لميس تناظرها بتفحص: زعلتي
جنى حز بخاطرها ولفت على لميس: لا بس يشغلون الواحد عن اكله
البنات ضحكوا
" جنى بالعمدا عشان محد يلاحظ "
غزل: خلاص ماحد عليه من احد

" وكلوا وخلصوا مع انه باقي اكل كثير لانهم كثروا "

سهر: حرام الاكل غزل خليهم يرتبونه وينقلونه عند خيمة المسجد
غزل: ايه اصلا تعودوا الاكل الباقي بترتب وينقلونه
سهر: كووويس

" وقاموا والخدم جو ونظفوا بعدهم وقعدوا على القعده بالخيمه .. وكان شبه منسدحات عشان يريحون بعد الاكل ويقومون يصلون"

عبير: ماعاد اكل قبل ماصلي مافيني اركع
البنات يضحكون ونفسهم منكتمه : من جدددد
اديم: اقول خفي اكل زواجك مابقى عليه شي فيصل مايحب السمان
عبير تضحك: لاهو عادي قالي اكل اللي ابيه يقول احلى علي سمينه
البنات يضحكون
جنى: ابوك يالثقه
عبير تغمز: شفتي شلون
جنى: أي من قدك الرجل واخذتيه وش تبين
لميس ضحكت
اديم تضحك : اهم شي عند جنو انها تعرس وتضمن نفسها
جنى: اجل وشو
" البنات ضحكوا وقاموا وصلوا ورجعوا"
منار: احس اني سكرانه مدوخه حدي
لميس: لانك صايمه وفجأه اكلتي اكل كثير
منار: أي من جــــــــد وهـ
وصايف: لاتقولون الحلى الحين لاني برجع عليكم على طول خل ننام اول

"البنات ضحكوا ودهم ينامون وبالفعل كل وحده اخذت لها جهة وانسدحت اللي غمضت عينها واللي بس تسترخي لان قعدت الخيمه مريحه "

سهر تكلم غزل اللي منسدحه جنبها : وش رايكم تنامون عندنا
غزل : تئ مدري
سهر: الا تكفييين والله اطفش من جت العطله وانا طفشانه
غزل: مدري اذا بيوافقون منار ولميس
سهر: بقول لكل البنات بلييييز
غزل: لا فشله وامك وش بتقول
سهر: اقول انقلعي زين
غزل تضحك بتعب: والله فشله
سهر: انتي وش دخلك
غزل تضحك
سهر: لاتصيرين سخيفه زين
غزل: شوفيهم انا ماعندي مانع
سهر: بناااااااااااات

" تمتمموا البنات بمعنى نعم "

سهر: اليوم بتنامووون بيتنااااااااااااااا
اديم: كلناااااااا
سهر: أي
جنى: حمااااااس
اديم: وشو انتي بعد لاوين انتي بعد وش كثرنا
سهر: لاحوووول وش فيكم والله وناسه
اديم: لالا انتوا تعالو بيتنا
عبير: ماااااااااااافي امل
البنات ضحكوا
نجود: اجل بيتنا
سهر: لالالالا تعالوا عندنا
بسمه: والله بيتنا وناسه ماعندنا حد وغرفنا كثيره يلا بليز بنات
سهر: الحين انا اعزم وانتوا تقررون
بسمه تضحك : لااا تعالو عندنا تكفووون
اديم: والله بيتنا وناسه
جنى: من جد عندنا سووني وو
البنات ضحكوا : بس بس
جنى تضحك: والله حماس ونصووور وكذا ونسبح بالمسبح أي يلا يلا
سهر: حتى حنا عندنا مسبح والله انكم سخيفات
اديم: انتي مافي غير غرفتك
سهر: وبنفتح غرفة سلطان
نجود: لاوالله تعالوا عندنا والله اونس
عبير: لالا عندي
سهر وقفت: احلفوااااااااا بس لو رحتوا بيت وحده ماني جايه هئ
غزل وقفت تضحك
منار: عندي اقتراح دامكم واصلين هنا ناموا عندنا وش رايكم
غزل: والله فكرررررره

" وقاموا يتناقشون بس سهر زعلت وعلى اخر شي قالوا بنجي عند سهر عشان لاتزعل "

سهر طقت الكشره : احم احم

جنى: ترى نهووون
البنات ضحكوا
سهر: تكفيين لا
جنى: يلا منار قومي جيبي حلوياتي بنوديها معنا
البنات ضحكوا
وصايف: الله يفشلك
جنى تضحك: امززح بس لا لا صدق عشان لايشترون حنا شاريين وخلاص
منار تضحك أي طيب قومي جيبيه

.
.
.

" على هذا الكلام اتفقوا البنات يروحون عند سهر بيكلمون هنا لعند صلاة التراويح وبعدها يروحون هناك .. كلموا امهاتكم وضحكت ام محمد الله يعينها عليهم اليوم بس انبسطت عشان سهر .. وتركوهم ينبسطون بالفتره "

" سهر كانت مبسوطه واتصلت على منصور تحاول فيه يرجع البيت متأخر بس منصور من عرف انهم بيجون سوا نفسه مريض مايقدر يطلع بس قالها بيقعد بغرفته لوووول "

.
.
اختلفنا
وماعرفنا شنهو \ الراي السديد ..
يا تضحِّي في عنادك ..!
أو أضحِّي في سبيلك !

ليه كل عيد إنتْـفارق ؟!
صرت أكرَه كل عيد !
وإنتْـ فارق .. في [ غلاتك ] ..
وقلبي ما عنده مثيلك !

.


" أي أي بس اشوفها بعطيها هذي الورقه .. "

" سكر منصور الورقه و قال بما انه مايقدر يكلمها بيعطيها هذي الورقه ."

منصور " ياربي مشتاق لها زمان ماشفتها .. بس وشلون لو طلعت بتذبحني امي وسهر ياربي هممممم الحين انا بقوم بنسدح في الصاله وبشوف وش يطلع معي "

" اخذ لحافه معه وراح وانسدح بالصاله .. وقعد ينتظر والورقه بيده متى بيدخلون .. ماعرف متى بيجوون اصلا ومايدري يعطيها اول مايجوون ولابعدين همممممم وهل هو بيطول وهو منسدح بينكسر ظهره .. انتظر وانتظر وانتظر وانتظر ............... حس الورقه بتخرب من كثر ماهو ماسكها حطها تحت المخده وانتظررررررر "

منصور صلح جلسته بملل" اففففففففففف مدري ادق عليها اقول وينهم .. ياربي متى بيجون ذولا انا مابيهم كلهم بس بشوفها هي "

" وعلى هذا التفكير انفتح الباب بس متى بعد ماطلعت ريحته وعلى طول تخبى من جديد في اللحاف وقلبه يرقع ماعرف وش يسوي .."

" والبنات تحت بأزعااجهم وكان يسمع ويضحك يحس كنه معهم "

جنى: يلا وين نحط الحلاويات عندك ثلاجة بغرفتك
وصايف: فكونا من حلوياتها اذتنا شكل من كثر ماتحن عليهم محد ماكلهم
سهر تضحك: الظاهر كذا
منار: وانتي الصادقه من خذتهم مني وانا عارفه انه ماراح ناكلهم
جنى تضحك : طيب طيب بس عشان لايجي سلومكم وياكله او يخربه بقوم اخبيه
اديم بنعومه : حطيه بالمطبخ
جنى شهقت : لااااااا
عبي: ليه
جنى: بعدين اذا بغينا وكان فيه عيال تحت شلون انزل اجيبه لالا مالي لق خل نحطه فوق من الحين
بسمه : جنو انا عندي اقتراح
جنى: وشو
بسمه : علقيهم بيدك وبكذا بيكونون معك وين ماتروحين
البنات ضحكوا عليها
منار: من جد فضحتينا عليهم
جنى تقعد بقوه واكياسها معها : العن شكلكم والله ماتذوقونه
البنات ضحكوا
غزل تو تتكلم : يوووووه بنات خلاص لاحد يزعلها جنو انا وانتي بنخبيهم وبناكلهم لحالنا
جنى تناظرها من تحت : أي يوم شفتي الموضوع صار جد قلتي بتصيرين صديقتي مافيه
البنات ضحكوا
غزل: مالت عليك من زينك وانتي وحلوياتك
جنى: ههههههههههه امزح خلاص خلاص
سهر: يلا قوموا بنات نغير عشان ناخذ راحتنا
اديم: الله يعينك بتخلص بجايمك
سهر تضحك : حلالكم والله يلا

" وقاموا البنات وهم يسولفون وقلب منصور يرقع خبى وجهه بالكامل وسوا نفسه ناييم"

عبير تشهق : هئئئئ في حد نايم هنا
سهر تغير وجهها : اووه مين منصور
البنات وقفوا
سهر تناظره: مروا نايم مروا مغطي وجهه مايشوفكم
ادييم: ليه نايم هنا
سهر: تعبان
غزل بسرعه: حراااام خوذيه الغرفه
جنى: من جد مو ناقصين امراض
البنات ضحكوا
اديم: امشوا الله يفشلكم لايقوم من ازعاجكم

" وتراكضوا داخل"

سهر راحت لعند منصور: منصور منصور" وتهزه"
منصور انقلب الجهة الثانيه
سهر شالت اللحاف وهو اختبص
سهر: اووه شلون يحس ذا الحين
سهر تقرب من اذنه: منصور منصور قوم الغرفه اريح لك
منصور لف عليها وعفس وجهه: شتبين
سهر: قوم الغرفه اريح
منصور بسرعه شال اللحاف وغطى وجهه وراح غرفته بس مسوي نفسه نايم
سهر: مدري وش فيه منصور جاه فجأه يلا بشوفه بعدين

" وقامت للبنات ومنصور دخل بسرعه حمد ربه مانكشف وقعد يفكر"

"سهر قامت حق البنات وراحت تغير معهم "

جنى: وين الكام حقك بصور حلوياتي
سهر تضحك : تلقيها في اول درج
وصايف: الحين وبن راح ننام
سهر: بننقسم غرفتيني غرفتي وغرفة سلطان
بسمه: فشلله
سهر: لاعادي سلطان وين بيطل عليكم وكل شي مغير والغرفه جديده عادي

" ترررررررن تررررررن ترررررررن "

" وطوا اصواتهم البنات يوم دق جوال نجود "

" نجود انحرجت لانه دق عليها جنب البنات وهذي اول مره البنات يشوفونها تكلم فواز"

وصايف تصفق: اووووووووه امداه يشتاق
نجود ضحكت ومسكت الجوال
منار: اخس تتغلين
نجود: لا بس بغير ملابسي اول وبعدين برجع ادق عليه
غزل: وقمنا نستحي اخسسس بس
نجود تناظرهم وبضحكه خجل : ياشينكم
غزل: يلا انا بطلللللللع الحقوووني بنات
اديم: يلا بجي معك
بسمه: وانا بعد
سهر: انا بطلع بجايم للباقي وبجي
جنى : بجيب الاغراض وبلحقكم

" وطلعوا "

اديم: مسكينه خالتي احس نشبنا لها
بسمه تضحك بنعومه : من جد
غزل كانت وراهم
اديم : الحين وين نروح
غزل: بنروح المجلس الكبير اصد
بسمه: أي اريح

" استوقف غزل شي "

اديم لفت: وش فييك
غزل: لا نسيت شي بجيبه معي
اديم: خلاص الحقينا اوكي
غزل: اوكي بلحقكم وانتم روحوا

" مشوا بسمه واديم "

غزل " منصور كان قاعد هنا صح "

" بعد ثانيه "

سهر: شفيك رجعتي
غزل: نسيت جوالي
سهر: اهااا
منار: أي لازم الجوال
سهر: يلا راح ننزل
غزل: لا انتظروني شوي اخاف يطلع لي حد بس بدخل الحمام شوي
جنى: خلاص بنتظرك على ماصور
سهر: وش تصورين
جنى: مالك شغل انزلي
سهر تضحك : خلاص جنو معك

" دخلت غزل وبيدها شنطتها وفتحت الورقه ولقت الكلام اللي مكتوب فيها "

"
ما أبي من زود حُبي .../ أربكك !
لمَّا تسألني أحبك ..؟ قلت " أموت " !!

إنت مثل " الحلم " ولمَّا أمسكك
أدري إنِّك واقع / وتطري البيوت ..

يا عيون الغزال وشلون أشبكك ؟!من يشوفك قال : ما شا الله توت ..!
"
" صار قلب غزل يدق ويدق ويدق "

غزل" معقوله منصور كاتب الكلام لي وكان ناوي يعطيني اياها .. بس شلون لهذي الدرجه جريئ بيمدها لي قدامها ولا ناوي يسوي شي بالغلط مثل الافلام ... خلني خلني ارد عليه واحطها بنفس المكان "

" شقت الجزء السفلي من الورقه وطلعت قلم من شنطتها بس اكان فسفووري وكتبت فيه كلام اللي طلع معها وبعدها طلعت"

غزل خبتها ببجامتها : ماخلصتي
جنى: الا خلصت بس بدخلهم وبالكيس وبنزلهم معنا
غزل: شكلك مطوله اجل انا بنزل
جنى: زين

" غزل طلعت وحطتها بسرعه بنفس المكان بس مبعده شوي عشان لاتشوفها جنى ونزلت تركض "
.
.
.

" بعد لحظات "

" في غرفة منصور "

منصور" اففففف شلون اشوفها اخ لو داخل بيتنا كاميرات لاقعد في غرفة السواق واشوفها,, شلون اشووفها اففففففف واعطيها الورقه .. الورقه اووه وينها " وضرب راسه "ياللللللللللللللللللللللللله نسيتهااااااااااااااا " وقام يدور بغرفته شلون يطلع يجيبها " بروح اجيبها لو شافتها سهر بتذبحني بس اكيد شافتها انا قمت وهي لسا قاعده اف اف " صار قلبه يضرب من الخوف " وقرر يطلع

منصور من باب غرفته : اححححححححم
جنى ضحكت وخافت : لامنصور لحظه لحظه شوي بنزل

منصور عرفها و سكر الغرفه " افففففففف ياربي لاحد يشوفها بروح فيها من جــــــــد "

" وقعد ينتظر وينتظر وطلع من جديد "

منصور: احححححححم

" محد رد وطلع وتطمن وتنفس الصعداء يوم شافها واخذها وبسرعه رجع غرفته وانسدح بارتياح "

" وااااااااااااااااه واخيرا يمه قلبي قلت بروح فيها لو حد قراها او طاحت عند احد " وجا بيفتحها " خلني اتأكد من الكلام لاتضحك علي هههههههه "

" وفتحها وبدا يقرا "



" فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!

إيه بـ أرحل والطريق أدري .. طويل ..
مشكلهـ " قربك " .. وبُعدِك مشكلَهـ ..

غــزل "


" وقف على حيله يوم قرا اول حرف استغرب من اول حرف هذا مو كلامه وطار قلبه عند اخر اسم "

" جرحه الكلام اللي كتبته قاسي كثير عليه"

" انبسط انها خذت الورقه و زعل يوم ردت عليه .. معقوله بهالسرعه وصلت لها.. مدري ارد عليها واحطها بنفس المكان ولالالا اخاف حد يكشفنا .. "

" ياربي ماعرف انبسط انها قرت كلامي وردت علي وانها شافتها ولا ازعل على الكلام اللي قالته .. معقوله كل الكلام اللي قلته وفاقد احساس .. على أي اساس تحكم "

" تنكد منصور بالحييييييييييل وقرر يسوي اللي في باله واللي فيها فيها "

.
.
.

" ماكنت اعرف انه لازم استأذن اذا اروح بيت عمي ولالا "

فواز: لاحبيبي مره ثانيه لازم تعرفين
نجود: أي بس انا رايحه بيت عمي محمد
فواز: واذا
نجود: شلون واذا يعني تسوي انك ماتعرف اني اربع وعشرين ساعه ملكعه عندهم بس من اخذتك انحرمت من هذا الشي
فواز: ماظني منعتك انا
نجود: اشوفك شايل الدنيا ليش اني جيت
فواز: اول شي ماستأذنتي وثانيا ماقلتي انك بتنامين عندهم
نجود: يعني عيب لو نمت بعد
فواز: عندهم عيال
نجود انصدمت : ماعندهم غير منصور
فواز: ومنصور مو رجال
نجود وقفت معصبه : ااااااااااااااااااخ فواز لاتنرفزني
فواز عصب : نعـــــــم ..!!
نجود: لوسمحت لو سمحت هذاي اقولك لوسمحت لاتنكد علي
فواز مسك نفسه : الحين لاني اعاتبك نكدت عليك ترى هذا الشي من حقي اني الومك لو طلعتي من البيت بدون اخذ اذن زوجك
نجود بنفاذ صبر: توني مابعد اصير زوجتك لسا عندي ابو وام استأذن منهم
فواز بصوت مرتفع : لاحوووووووووووووووووول وبعدين معك انتي
نجود : افففففففففف انت وبعدين معك
فواز : نجود لاتخليني اسوي شي تندمين عليه
نجود بعناد : مثل...!
فواز: لاتخلينها توصل اني ارجعك بيتك الحين
نجود : ياسلااام
فواز بصوت عالي سوا نفسه ماسمع: نعم
نجود ارتجفت : لا ولا شي
فواز: هاذي انتي سمعتي
نجود رصت سنونها : اسفه زين وماني عايدتها عن اذنك بروح الحمام ضروري "وسكرت السماعه "

نجود " انا مافي شي بيموتني غيرك يالللللللللللللللللللللللله "

.
.
.

" تحت عند البنات "

" غزل ماهي قادره تقعد على حيلها كلامه كان يجنن بس عارفه انه رده يجرح بس هي هذا اللي تبيه .. تحس منصور يكذب عليها ويقضي وقت معها لانه مو معقوله منصور يحبها عشان كذا قررت تبين انه كاشفته من البدايه .. تموت وتعرف وش ردة فعله بس وشلوون ماتعرف "

سهر: مره خطير فستانها
غزل:وشو
سهر: اللي ماخذ عقلك
غزل تضحك : امحق شعندك
سهر: نجوى فساتينها حلوه
غزل: أي أي دايم

" تك تك تك تك"

سهر تضربها : اوووووه مسجات
غزل تضحك : اكيد ندووش
سهر: ماعندك غيرها
غزل ضحكت وفتحت المسج

"ليه أحبك وأدري إني في بحر غدْرك غريـق
وليه أتصفّح حياتـك؟ دام عذّبنـي الغـلاف
إن عشقتك صدقيني كني عاشقْ لـي حريـق
الحَطبْ عمري ..{ وناركْ بس تاكلْ ما تخـاف }
قلبي إختـارك وجيتـك طايـرٍ حـرٌ طليـق
ما ملا غيرك عيونه .. وياما في دنياه شاف
إحتمل \ قلبي وجودك وإحترى يصبح عشيـق
ما لقا فيك المزايا وإسمحي لـه " الإنصـراف "

منصور "

" غزل طارت عيونها بالشاااااشه ايش...............!!! " " ووقفت "

سهر: شفييييك
غزل لفت عليها وبيدها الجوال: هاه مافيني شي هذي ندى
سهر: شفيها
غزل: مدري مدري شكلها متضايقه بروح اكلمها

" طلعت برا من اقرب باب وقعدت على العتبه "

غزل" ياخي هذا من بداية الجيه كذا .. ليتني ماجييييييييييت .. منصور.. ياربي وش سويت انا ليتني تجاهلت الورقه اف اف اف.. وشلون يتجرئ يرسل مسج لو كنت تاركه جوالي .." وصار قلبها يضرب

" نزلت راسها على رجلها خافت يطير من ضلوعها

غزل" وش اسوي ذا الحين .. منصور.. معقوله زعل مني ولا بس كلام مسجات هذا .. أي اللي قلته مو هين .. اصلا اووووه شلون يأثر فيه وهو يقص علي تلقينه مبسوط اني عايشه التمثيليه بس انا اوريه وقامت ومسحت المسج وقعدت مع البنات "

.
.
.

" منصور بس ارسل المسج ارتاح وماهمه وش بيصير بعدين "

منصور" مدري وش فيها غزل علي.. وش فيني انا عشان ماتحبني.. انا كني مرض بالنسبه لها مو راضيه تتقبلني حتى.. معقوله اهدم شي وانا توي مابنيته .."

" ووقف يناظر نفسه بالمرايه وشاف انه ابد مو شين وغصب عن غزل تنعجب فيه "

منصور " مصره تكملين اللعبه معي ياغزل.. ان ماحطمت الرقم القياسي للعبه وجيتك باللي يضربك على راسك ويكسر غرورك طاايب لاخليك صح شلون تلعبين معي "

" منصور قرر على شي ابد مو هين وبيصير يلعب صح اذا سوا هذي الخطوه "

" قام ولبس وقرر يطلع "

.
.
.

" فـــــــواز "

" كل ماقلنا البنت عقلت وتأدبت وزانت يطلع شي يخرب كل شي .. مدري وش اسوي معها عنيده صعب التعامل معها مع انها لانت شوي بس لسا عنيده .. الله يصبر قلبك يافواز .. ياربي وش حلاتها هاديه ومروقه.. ومن تعصب ولاتعاند ودي اذبحها .. المشكله مع انه معروف عني اني اتحمل واسكت الا عليها ماقدر .. يمكن لانها خلاص صارت زوجتي وانا حر فيها طلعت هذي الصفه اللي فيني عليها .. مدري وش اخرتها معك "

" فواز هذي حياته مع نجود من زانت ذاك اليوم وحس انها بتتغير نهائي .. بس فجأه تنقلب مزاجيه البنت لابعد درجه .. ماهو قادر يفهمها ويفهم مزاجها وهذا الشي مسبب له ازمه مع انه يموت عليها اذا صارت تسولف ومبسوطه ومن تنقلب شوي خلاص ياشينها بعينه .. ماهو عارف وين بيوصل معها وكان عارف انها تبي شي عشان تقفل بوجهه من العصبيه اللي فيها .. لانها عصبيه بزياده "

.
.
.

" عند منصور"

بدر: مبسوط من قدك البنات عندكم
منصور يضحك: ااااااااه وش اقولك في البدايه مبسوط بس بعدين كل شي راح
بدر: وشو بعد شفتها
منصور: ليتني عشان اخنقها
بدر يضحك: افا
منصور: أي والله
بدر: زين قول وش صار

" منصور قاله كل شي "

بدر: اححححححححححححح
منصور: شفت شلون
بدر: قوووووووويه قوووووويه قلت لك
منصور: لعنبو دارها بس
بدر: وين بتروح الحين
منصور: هئ انا اوريك فيها
بدر: وش بتسوي
منصور: بعلقها
بدر: شلوون
منصور: تعرف بعدين بس الحين بقول حق امي تتكلم وتقول اني باخذ غزل ولااحد يفكر يحط عينها عليها
بدر: وشوووووووو
منصور: الللي سمعته
بدر: والله لو يدرون لايزوجونك
منصور: مو بكيفهم انا بتكلم الحين وبقولهم اني مابي الا بعد زواج فيصل وفواز وقبل ابي اكمل مشروعي ومحد له دخل فيني والكلام بييني وبين الحريم بدون الرجال
بدر: والله مدري وش اقولك
منصور: خلاص يابدر مصختها البنت اذا عرفت اني جاد اتحدى تحط عينها بعيييني
بدر: هقوتك
منصور: أي طبعا اصلا بروح لامي الحين يقال اني بسريها وبقول قدامهم لايحطون عينهم عليها
بدر: براحتك وانا معك شوف اللي تشوفه في مصلحتك

" وبكذا قنع منصور بدر باللي يسويه وبدر معه على الخط يستفيد الاخ من خبراته لووووول .. المهم راح منصور بيت عنه بوياسر وين ماكانوا الحريم قاعدين فيه "

" وصل ودق على امه واللي مو حلال على منصور تحجبت.. لان عندهم الحريم عادي يقعدون قدام العيال بس متحجبات .."

" دخل منصور والكل رحب فيه "

ام محمد: هاه كيف البنات
منصور: والله مدري عنهم بس اكيد ماعليهم
ام ياسر: الله يعينك عليهم
ام محمد ضحكت: يوم بالسنه مو مأثر بروح وبنام وبتركهم اهم شي اسوي لهم سحور وبس
ام فيصل: ماياكلون والله سحور بس على هذي الحلويات والسحور يقعد
ام فواز: ههههههههههه اجل انا عندي غزل ماتنام قبل ماتتسحر بس الثانيه لا عادي عندها
ام محمد ضحكت يوم شافت منصور اللي قعد يبتسم
منصور: متى بتمشين .؟
ام ياسر: اقعد شوي خل نشوفك
منصور ضحك: لاموناقص تتوحدون فيني
ضحكوا الحريم
ام ياسر: ماعليك بتولاهم لو توحدوا فيك
منصور يضحك : اي كذا اوكي
ام فيصل: يلا عقبال مانفرح فيك يامنصور والله تستاهل
منصور يضحك : عاااااااااد اووووووه خالتي نوره والعرس
الحريم ضحكوا
منصور: نشبت لفيصل حتى تزوج مو ناقص انا
ام فيصل تضحك : لاوالله هو سوا كل شي انا ماغصبته
منصور يغمز : علينا علينا
ام فيصل:ههههههه اي ابي افرح فيكم
ام محمد: مو مرتاح حتى تعرسكم كلكم
ام فيصل تغمز له : مو حاط عينك على وحده هنا وهناك
منصور يسوي نفسه ضحك: خالتي لو سمحتي عن الاحراج
ام محمد: الاا افا عليك
منصور : يمممه
ام محمد: ماني قايله شفيك
ام ياسر: اووه حاط عينه على وحده وحنا ماندري قولي خل نفرح فيك بعد انت
منصور ضحك : لاحوووووووول

منصور" هذا اللي ابيه بس مو قدامهم كلهم "

ام محمد: ميب بعيده
منصور: قومي نمشي عادي انتي تسوينها
ام محمد: خلني اقول وش فيها
منصور: يمه بعدين بعدين
نجوى: اوه يستحي منصور
منصور يضحك : انتي اسكتي لاكلم محمد ياخذك
نجوى تضحك : يلا قول مين مين منصور
منصور يطالع امه وفيه الضحكه : يلا انا بمشي وبخليك
ام محمد تمسكه: اقعد بس ترى والله اقوول
منصور تشجع : قولي
ام محمد: عادي
منصور مالف عليها
ام فيصل: الله عليك تقوولين
ام محمد: ولدنا وده
منصور لف من جدها
ام محمد طنشته : والله لاقول
منصور يضحك: يمه
نجوى: يلا يلا عمتي
ام محمد: يبي بنتكم غزل
منصور لف على امه
ام فواز: وهـ هذي الساعه المباركه
منصور وقف واستحي: انتظرك بالسياره "وطلع بسرعه وهو يسمع الحريم مبسوطه والكل يقول يستاهل ومن هالكلام "

" منصور سوا كذا لانه عارف سوالف الحريم بس كان يبي امه تقول لنجوى وامها بس مو كل الحريم "

ام فيصل: هههههههه يا ام محمد خذتي المزاين كلهم لعيالك
ام محمد: شسوي يوم عيالي مايطيحون الا على الزين
ام فواز: زانت ايامك والله هذي الساعه المباركه
نجوى مصدومه
ام محمد: لاوالله البنات كل وحده الزود عندها بسس القلب ومايهوى
ام ياسر: اي والله القلب ومايهوى
ام فيصل: وغزل تستاهله يابختها والله
ام محمد تضحك : الله يقدم اللي فيه الخير نجوى قومي لايذبحنا
نجوى تضحك :يلا يلا

" وبعدها سلموا عليهم وطلعوا ..وركبوا السياره وام محمد سكتت خافت يهاوشها منصور "

نجوى : احلى يامنصور مادريت انه عينك على غزل
منصور ضحك ويناظر امه : كله منك انتي ماتعرفين تسكتين
ام محمد: عشان لاحد يتكلم فيها نحجزها من الحين
نجوى: لو ادري انك تبيها كان ضبطتك معها بس خلاص راحت عليك انت الخسران
منصور تشقق: احلللللفي
نجوى تضحك : عاد خلاص راحت عليك
ام محمد تضحك : لاتشيطينه خلي البنت بحالها الحين تصير تستحي ولاتدخل بيتنا
نجوى تضحك : لاغزل ماعليك منها ماتأمن الا على الشي اللي قدامها
منصور ضحك " اهااا يعني غزل كذا .. خلاص الحين بتعرف وشلون انا صادق "
منصور: شكلها عنيده
نجوى: اف الله لايوريك عنيده هي بس تلين بس شلون طحت عليها غزل خبري محد يفكر فيها احسها بتنشب لامي
منصور يضحك: هذا الحظ
ام محمد: هذا توك والحظ قول تبيها من الحين ولا لاتعلق البنت
منصور يضحك : لالالالالالا ابيها شفيك انتي بس هي تغلط عليها
نجوى تضحك : اوه وبدينا ندافع
منصور: هههههههه اقول نجوى
نجوى: هلا
منصور: حبيبتي انتي مرت اخووي والله
ام محمد ونجوى ضحكوا
ام محمد ضربته : مسود الوجه تتغزل بمرت اخوك
نجوى تضحك : يحرم محمد يركبني معه
منصور يضحك : شفيك امزح يووه اسمعي اسمعي قولي لغزل الحين
نجوى: وشو اقول لها
منصور: اني خطبتها
نجوى تضحك : اف مستعجل
منصور: ابي اعرف ردة فعلها
ام محمد: ماعليك منه خل البنت تنبسط واذا راحت بيتهم قولي لها
منصور: نجوى لالا تكفين
نجوى: هممممم بشوووف بلمح لها بس
منصور متحمس : أي أي تكفيين
ام محمد: اما انتوا بعد وش سوت نسيمه السحور
منصور: مدري عنها ماطليت بالمطبخ
ام محمد: عسى تدري ان البنات بيجوون
منصور: مدري يمكن سهر قالت لها والله ماعندي أي خلفيه

" ووبعد ماوصلوا نزلوا ومنصور يترجى نجوى تقول لغزل ونجوى وافقت "

" نجوى على طول راحت للبنات وسلمت عليهم وقعدت "

سهر: وين سلوومي
نجوى: طالع مع ابوه مع دنو وياسر
سهر: والله مادريته
عبير تضحك : حتى انا مادري

" شوي وصلت ام محمد وسلمت عليهم وقالت لهم ان السحور جاهز وقت مايبون يخلون الطباخه تسخنه لهم "

" تررررررن تررررررن "

عبير: هلا ياسر
ياسر: هلا عبير وينك فيه
عبير: اووه ماقلت لك انا بيت عمي محمد بنام عندهم
ياسر: ودنو قالبه البيت عليك
عبير: يووووه ودها حق امي
ياسر: ماتبي قاعده تبكي بجيبها لك
عبير: لاااااا
ياسر: قاعده تصييح
عبير: اففف يالله بتطفشني عطها امي
ياسر: امي قالت لي اجيبها لك
عبير: ياربييه
ياسر: وش عليك خليها تلعب مع سلمان
عبير: وانا ناقصه بعد خلاص جيبها
ياسر: اوكي خلااص
سهر سمعتها: خليه يجيبها
عبير: بتطفشني
سهر: بنخليها مع سلمان " وسمعت السياره من برا " هذا محمد وصل باخذ منه سلمان ويبنخليهم يلعبون مع بعض
عبير تنكدت : واانا جايه انبسط يجيبون لي دنو اف
سهر: وش عليك انا بنتبه لها
عبير: لاياشيخه
سهر: والله
عبير تناظرها: عليك
سهر تضحك : علي ...لاتعصبين بس

" وبعد لحظات "

جنى: يلا ناااكل
نجوى: بناااااات ماقلت لكم
البنات لفوا: وشو
نجوى تتحنحن : احم في وحده فيكم انخطبت اليوم
البنات تناقزوا: مين مين
سهر: وبتكملونها مع عبير ونجود
ضحكوا البنات
نجوى: لا بس في ناس قالوا يبونها

" غزل طبعا استبعدت نفسها "

وصايف: مين مين
نجوى تضحك: مدري قولوا مين
سهر: اديم
نجوى تضحك : لالا
جنى : بسمه
نجوى تضحك : لالا
وصايف: اجل غزل

"نجوى ضحكت وماعلقت"

البنات ضحكوا وغزل انصدمت: معنااااتها غزل الا الا غزل
غزل: كولوا تبن لا
نجوى: هم بس قالوا يبونها
سهر: يعني غزل
نجوى تضحك : أي
غزل فتحت عيونها مين اللي يبيها " اكيد مو منصور توني متهاوشه معه "

غزل: متى قالكم سعيد الحظ
نجوى تضحك : تو وحنا كنا قاعدين
جنى: والله ميييييين ابي اعرف
وصايف بذكاء: لحظه امي ماسرت
نجوى: لا
وصايف: اجل من سراكم انتم
نجوى بعفويه: منصور
وصايف نقزت : معناتها منصوووووووور

"غزل فتحت عيونها ونجوى ضحكت بقوه على ذكائها ولفت تشوف ردة فعل غزل اللي انصدمت وسهر اللي شعر جسمها وقف شلووووووووون "

" بلحظتها دق تليفون عبير"

عبير اسكتوا يعني بترد : هلا ياسر
ياسر: يلا اطلعي
عبير: اوكي

عبير توقهت شلون تطلع مافيها تشوف حد وفيصل منبهها

عبير: سهر قومي جيبي دنو من ياسر
سهر فتحت عيونها
عبير: من ورا الباب مو شايفك بس جيبيها فشله اطلع انا

" سهر قالت اوكي اصلا تبي تطلع تشوف منصور بطريقها وش ناوي يسوي اخوها "

" وراحت من جهة الصاله "

سهر: منصووور منصوووووور

نسيم: بابا فيروح مجلس الرجال فيطلع من هنا

" وطلعت سهر من الباب الرئيسي وشافته مفتوح شوي قالت بسرعه بتركض توقف وراه عشان لايدخل عليهــا وهي تركض امداه دخل "

سهر: هااااااااء
ياسر رفع راسه :..............

ياسر " ســـــــــهـــــر"
" سهر حطت يدها على قلبها "

سهر " لااااااا "


الجزء الثاني عشر
الفصل الثاني

"
قالوا :
وش اللي بين قلبكـ وبينه
من حضرته يومه عن الناس ملهيكـ !

قـلت :
العفو عمري رخصته لعينه
وأرمي بروحي له بدرب التهاليكـ ..

لو قال :
ابي الاثنتين ماهي ثمينه

أو قال :
أبي عمركـ وباّقي لياليكـ ..
"

" ياسر ماقدر يرفع عينه عن سهر .. انجذب انجذاب كلي .. كل جزء من جسمه انشل عن الحركه .."

" سهر بعد ماحست بنفسها رجعت على وراء خطوتين ولفت وكملت ركض لداخل "

منصور: ياسر يالله حيوووووووو

" ياسر وصله صوت منصور مثل وخزه ونقز بسرعه "

ياسر استوعب : هلا هلا منصور
منصور: هلا بك زود كيف الحال

" وسلموا على بعض"

ياسر: الحمدالله انت شخبارك
منصور: ماعلينا زوود ها اشوف دنو معك
ياسر: جايبها لعبير قعدت تبكي من شافتها مو بالبيت
منصور يضحك: فديتوو يانااس " ويأشر لها " حيااا
دنو عقدت حواجبها
منصور : افاا وش دعوى
ياسر ضحك : مزاجيه بنتنا لو سمحت
منصور يضحك : والله مو مزاجيه على اخوها طالعه
ياسر يضحك : افا
منصور: هههههه امزح تعال دنو خالو بيبوسك بس
ياسر: يلا روحي دنوو

"دنو وقفت قدامه وشالها على طووول"

ياسر: خذها لعبير الله لا يهينك
منصور: ولايهمك
ياسر: يلا انا بروح

دنو يوم شافته بيروح عقدت حواجبها ومدت يدها : هئئ هئئ
ياسر: دنو حبيبي خالو بيوديك حق عبير اوكي
"دنو ناظرت منصور ومنصور شق الضحكه قامت حطت يدها على فمه كان بياكلها قام باس يدها وودع ياسر اللي طلع مستعجل "

منصور: يلا

" ومشى فيها لداخل ودخل الصاله ماكان فيه غير سهر على الاريكه قاعده "

منصور: الله جااابك
سهر وقفت: دنووو " وابتسمت لها مع انها تحس اطراف خدودها متخدره "

منصور: يلا خوذيها

"سهر اخذتها وحضنتها .. مع انها كانت ناويه تكلم اخوها الا ماكان تحس بنفسها قلبها لسا يدق "

.
.
.

" يـــاسر "

ياسر" يالله شلوون وقفت كذا متصنم قدامها .. ماصدق شفتهــــــــا .. ليتني ادري انها بتطلع لي كان صلحنا هالخشه.. وضحك .. لا عادي حتى هي بالبيجامه .. يالله شكلها يذبح بالبيجاما .. اااااه منها.."

" وعاش ياسر هذي الفرحه انها شافها لحظات وبعدها رجعت له احزانه "

ياسر" يالله اذا ابيها بتنتظر كثير .. انت وين وتعيش بسعاده وين .. دنو الحين حالتها زايده وين تفضى لنفسك ياياسر .. كفايه ياياسر لاتعيش بأحلام كثير.. خلني اعيش بالواقع وبس... سهر اذا من نصيبك بتنتظرك ... ربي يسهل علي ويخليها من نصيبي "

.
.
.

غزل: بناااااات خلاص
لميس: خلاص بنات جننتوها تستحي
غزل تمثل: أي عاد بلا سخافه

" وعقلوا البنات كانوا يجننونها "

" بينما غزل منصدمه توها ماعطته كلام مثل السم يقوم يخطبها ذا وش ناوي عليه .. معقوله منصور خطبني جد.. او قال لهم انه يبيني متهور صراحه .. بس ياللله شلوون... انا مستحيل اوافق الحين مستحيييييييييل"

" سهر وغزل كانوا يتبادلون نظرات يقدرون يفهمون منها تلاطيش .. سهر اشرت لها انها ماتدري عن شي "

" نجوى يوم جت تروح غرفتها وقفها منصور وسألها وقالت له اختي تستحي منصور استانس فكرها بجد استحت بلاه مادرى انها انصدمت "

" البنات قضوا اليوم سوالف واكل وتصوير ولعب "

.
.
.

" بعــد هذي الاحــــــداث بفتره "

"الايام صارت تركض .. والحظات تقترب.. رمضان قرب يخلص بقى عليه ايام معدوده.. سفر سلطان قرب .. العيد قرب .. كل شي بدا يقرب حتى سفر طلال ووليد وبدر قرب "

" رمضان رحــل .. الكل حزن على رحيله .. وندم من فاته بدون مايسوي شي ينفعه لاخرته .. "

" ليلــة العيــــــــــد "


" بكرا العيـد.. كل العالم تجهز وترتب ليوم العيد .. كل العايله كانت مشغوله بالتجهيزات والترتيبات.. والكل كمان متحمس لجيه سلطان .. الكل يعرف ان سلطات بيوصل بيوم العيد بس متى محد يدري حتى سهر .. بهذا اليوم وصلت الجده والجد اللي ماوافقوا انهم يجوون الا بعد ما الح عليهم بو محمد عشان سلطان .. ولا بالعاده هم يعيدون بالرياض عشان الجد والجده واخوالهم هناك .. لميس كانت زعلانه بهذا العيد مافي حد بيجيها .. فالجد والجده جو الشرقيه .."

" سهر كانت طول الوقت عندهم تحت بالغرفه سهرانه معهم"

الجده: عاد خلاص ياسهر قومي نامي
سهر بدلع : مافيني نوم
الجده: عن العياره قومي نامي وريحي ملائكتك بكرا العيد بتتعين اذا سهرتي
سهر تسوي لها حركه بعيونها: لاتخافين علي
الجده سكتت : زين قومي خليني انام
"الجد طبعا مايتكلم لان جايته جلطه ومقعد اصلا فامنسدح على السرير ويطالعهم ويأشر براسه"
سهر: يعني طرده
الجده : لااااه بس ورانا قعده من الصبح يلا يمه قومي
سهر: هممم طييييب " بتذمر بس بدلع "

" قامت باستهم وطلعت "

" سهر بس طلعت شافت منصور توه داخل "

منصور: ناموا
سهر: ايه

منصور تقدمها وراح وقعد في الصاله وهي لحقته

سهر: وناسه بكرا العيييد
منصور يبتسم : من جد نظفتوا غرفة سلطان
سهر: ايه بس قولي بجد متى بيجي
منصور: ماعرف متى بالضبط يمكن على التسعه على العشره
سهر: اففف مره متأخر ماراح يحضر العيد الصباح اففف خساره حلاته الصباح
منصور: محد قال يجي بيومها
سهر: من جد بس يجي بهزئه
منصور بنظره : بدا عرق التوم يطلع
سهر ضحكت: ياشين الغيره
منصور : ماغار ماغار من زينك
سهر تضحك : طيب ليه انفعلت هد اعصابك
منصور: تدرين انك ترفعين ضغطي قومي انقلعي نامي
سهر: قلة ادب انت انقلع زين
منصور خزها: ياسلام
سهر وقفت بسرعه: تستاهل" وقامت بتسرع "
منصور وقف وراها
سهر حست فيه وصرخت وصارت تركض
منصور يلحقها : غزل غزل
سهر تضحك وماتسمعه مو مصدقه انه يلحقها شفيه الولد
منصور مسكها وسهر صرخت وحط يده على فمه
منصور: اشششششش العن شلك بقولك شي
سهر ضحكت ووبعد يده: اترك يدي
منصور: زييين
سهر : شعندك
منصور: ادخلي الغرفه

" يقصد غرفتها لانها وصلت عندها "

منصور ينافخ: العن شكلك مافيني اركض
سهر: شدراني انك تبي تقولي شي
منصور: قعد
سهر قعدت كمان : شعندك
منصور: سهووره
سهر: اخلص عرفت وش تبي بالضبط
منصور: زين تختصرين لي الطريق
سهر: اها
منصور: انا بس ابي اعرف شي واحد
سهر: وشو
منصور: ردة فعلها
سهر وقفت وتكت على كومدينتها : بكل بساطه انصفق وجهها وانصدمت
منصور: من جدك
سهر: لاتلومها مو بس هي حتى انا
منصور: ليه.. ما استاهل انا
سهر: الا بس وش تبي بغزل وانت تكرهها
منصور: انا اكرهها متى قلت
سهر: عطني اثبات انك تحبها
منصور يفكر: مو شرط ابين
سهر: مو لازم تبين للكل بس لها بالكثير
منصور: مشكلتي والله ماعرف اعبر بس انا احبها وابيها وباخذها
سهر: والله تقدم لها وشوف وش ترد عليك
منصور يناظرها من تحت: يعني ماتقدرين تشوفين رايها المبدائي
سهر: سوري بس انا وعدتها ماجيبها لها هالطاري
منصور: كذا زين ياسهر
سهر: منصور سوووري لاتحرجني معها لو سمحت
منصور زعل وقام : خلاص براحتك تبدين راحة الغريب على راحة اخوك

" سهر حز بخاطرها كلمته "

سهر راحت لعنده قبل لايطلع وطلت بوجهه : زعلت
منصور ناظرها بنظره بس مبين زعلان : لا راحة الغريب الزم
سهر مسكته من يده توقفه: منصووور وشو غريب وماغريب
منصور: اسف بس هذا اللي فهمته بالله عليك من اولى
سهر: مو الحين انت تحبها
منصور سكت
سهر: اجل شلون تقول انها غريبه
منصور: لاني مابعد اخذها
سهر: طيب لاتزعل
منصور يتنهد: خلاص ياسهر مافي داعي
سهر: خلاص خلاص بقولها
منصور ابتهج : صدق
سهر ابتسمت عن خاطره: اي بس وش اقولها

" منصور سحبها من جديد واخذها وقعدها قدامه "

منصور: هي كلهم كم كلمه تبين اخوي منصور ولالا
سهر: واذا قالت لا
منصور فكر " لالا انا حاس انها تبيني ودامها بتشوفني صادق وخطبتها اكيد بتوافق " : ماعليك لكل حادث حديث
سهر: تبيني اكلمها الحين
منصور فتح عيونه : عااااااادي
سهر: اي وش يفرق اهم شي مايقعد شي شاغل بالي اكثر
منصور يغمز: وش شاغل بالك
سهر تضحك وتضربه : ههههههه ياحمار من غيره سليطين
منصور يضحك : امزح شفيك يلا اتصلي

" سحبت سهر الجوال ودقت على غزل بس قالت الو اشر لها منصور تحط سبيكر "

سهر وهي تبعد يده : هلا والله
غزل: هلا فييك
سهر: شخباارك
غزل: تماام
سهر استغربت وترص اسنانها لان منصور طفشها : شفييك
منصور سحب الجوال وحطه سبيكر وسهر تهاوشه بهمس وهو طنشها
غزل: مافييني شي ليه
سهر: صوتك مو طبيعي
غزل: نعسانه بس
سهر: اهااا طيب اقولك
غزل: هممم
سهر: ممكن اسألك سؤال صريح
غزل تبتسم وهي مالها خلق : اسئلي ياصريح
سهر: لك مزاج بلاول ولالا
غزل: لعيونك يصير لي مزاج
سهر تضحك : لا شوي شوي
غزل تضحك : اقول يلا وش عندك
سهر ومنصور يبتسم وقلبه يرقــع : غزووله تبين منصور اخوي
غزل : وشــــو
سهر:.......
غزل صلحت جلستها وسهر انصفق وجهها وكمان منصور صلح ظهره
غزل: سوري سهر مو قصدي بس فاجئتيني
سهر: ليه انتي ماعندك خلفيه
غزل: الا بس يعني استغربت انك داقه هالوقت وتسأليني
سهر: منصور شاغل بالي هاليومين وحبيت اتطمن عليه بس
غزل نشف ريقها
سهر: ماجاوبتيني
غزل تتلعثم : مادري ... ياسهر انتي اكيد اكثر وحده تعرفين ان منصور مايحبني ولا يبيني بياخذني بعناد وبس صح
منصور وقتها هنا تكلم من غير شعوره : من قال من قال
سهر انصدمت وغزل انفجعت
منصور سحب السماعه : مابقى الا اجيب لك الشمس بيد والقمر بيد عشان تقولين احبك المشكله فيك انتي عديمة احساس وقليلة فهامه

" ورمى موبايل سهر ومنصور طلع من غرفتها وراح غرفته وسكر الباب بقوه لدرجه سهر سمعته من غرفتها كنه جنبها "

سهر تلخطبت ماعرفت وش تسوي بس سمعت صوت قفل الخط

سهر " يااااااااااااااااااااااربي وش الحظ اللي علي ... اكيد غزل الحين بتزعل ولاهي مكلمتني اوووووووف يامنصور وربي انك بلوه مالومها البنت يوم انها ماتبيك.."

" رجعت سهر اتصلت عليها وماردت عليها وغزل وشوي وقفلت غزل جوالها "

سهر " الله يخسك يامنصور اففف ناقصه مشاكل مع غزل الحين وشلون بتكون نظرتها لي مكلمتها وحاطتها سبيكر قدام اخوي اففففففففف ياربييييييه .. انا اوريك والله انا اللي بوقف بوجهك يوم تفكر تخطبها "

" سكرت غررفتها سهر بقهر وطفت الانوار وانسدحت على الفراش وقعدت تفكر وماجاها النوم بسبب اللي سواه اخوها .. وماهي عارفه غزل وش صار عليها الحين "

.
.
.

" يـــــــــوم العيــــــــــــــد"

" طل فجر العيد ويحمل في طياته الكثير من الافراح والمفجآت .. هذا العيد .. انك تقضي احلى اوقاتك ولحظاتك مع اهلك وعايلتك والاحبه .. مع الضحكات البريئه والقفشات الحلوه والمواقف اللي تخليك تضحك بصدق وبعفويه من غير ماتحس برقيب ومن غير تصنع .. هذا العيد انك تحس انه في مكان كبير للكل في الحياه .. تحس الناس مصلك فرحتك من فرحتهم وفرحتهم من فرحتك .. مع انه مو دايم .. بس هذا الشعور الوارد ..وبكذا تحس ان الحياه تعاون على الخير والتسامح والعفو .. تحس بقيمته اكثر لمن تكون اكثر عفويه وبساطه وتشارك الاطفال فرحتهم .. العيد يولد شوق وعمق المحبه وتقرب القلوب من بعضها ..
مو يكفي هذا العيد جمال انك تلتقي بأعز الناس لقلبك او على الاقل تسمع اصواتهم .. ولو من بعييد ..مو يكفي انك تعرف حقيقه مشاعرهم .. اشياء كثيره يمكن نضيفها على العيد تخليه احلى واجمل ..
جعل الله ايامنا وايامكم كلها اعيادا وكل عام وانتم بخير*_^ ولاتنسوون كونك صادقه وصافيه بك يسعد العيد .."

" نرجع لاجواء قصتنا ..."

" الساعه 7:00 صبـاحا "

" في هذا اليوم صحت العالم من بدري والبنات بعضهم ماجاهم نوم اصلا .. والعيد عند العايله يبدا من الصباح ماعرف اذا كنتوا غير*_^ .. "

" صحت الجده وام محمد والكل كان صاحي من صباح الله .. سهر من صباح الخير نزلت وسلمت على جدها وجدتها وبعدها ماشافت امها وطلعت فوق تلبس وتتزين .. اما بالنسبه لابو محمد فهو من بعد صلاة العيد وهو بالمجلس ينتظر المعازيم .. ومنصور ماصحى لصلاة العيد اصلا كان تعبان ونفسيته ابد ابد مو اوكي .. "

" في الغرفة "

" اول مارجع كان تعبان وعلى طول حط راسه ونام .. كان مبسوط على الغرفه منظفه وريحتها تاخذ العقل .. صحى بدري ودخل ياخذ له دش اشتاق حق هذي الاجواء بس كمان يحس بشي ناقصه بس مو عارف وشو بالضبط ... بعد ماخلص من دش ساخن اول ماطلع استند على الكرسي يسحب انفاسه وسند راسه على الجدار وقعد يتنهد وبعد ماحس براحه اخذ المنشفه ونشف فيها شعره بسرعه وفوضويه .. وبعدها اخذ نفس عميق لفوووق .. ولفت نظره دولابه المفتوح وكان مقسم وقف يبي ياخذ له ملابس مؤقته .. بس اللي لفت انتباهه اكثر الاشياء الغريبه مجمعه على الدولاب المقسم .. شاف بنستين " مشابك شعر " وربطه شعر فوشيه واسواره من ستان مع سترس " كرستال " وسلسال .. رفع حاجب وش هذي .. شكلها اغراض بنت .. سهر معقوله سهر... بس سهر وش مدخلها هنا وانا مو موجود .. مسك الاغراض بقبضه يده وقربهم وشاف السلسال اللي كان من فضه ومكتوب عليه اسم ........"

" اول ماقرى الاسم انصعق ........."

" معقووووله وش مدخلها الغرفه وليه حاطه هذي الاشياء هنا .. "

" اخذته افكاره لبعيييد بس هز راسه ومسك الاغراض اللي ولاشي بالنسبه بقبضه يده وحطهم بالدرج حقت الكمودينو حقته .. وشاف ان الوقت مو مناسب عشان يستفسر عن السبب اللي جابها هنا .. وقعد يلبس وتكشخ حق يوم العييد وبس خلص .. قعد يناظر نفسه .. اشتاق هذي الشخصيه حق طلته هذي اللي كانت مميزه وجذابه يوم كان هنا .. عجبه مظهره الكلي وناظر ساعته شاف ان الوقت لازم ينزل قبل لايفوته اي شي "

" فتح باب غرفته وطل وماشاف حد بوجهه وقرر ينزل دام مافيه حد بس هو نازل سمع صوت امه "

ام محمد : برليتا تيك ذيس تو مجلس

" وحس برعشه بقلبه وصار ووقف عند هذي الدرجه "

.........يغني :صوتها عندي انا مثل المطر وضحكها مثل الفراشه والزهر .. ولاا زعلت شيصير في هذي الحياه لافراش ولا زهور ولامطر

ام محمد صار تدور تدور مصدر الصوت وبس من شافته صرخت وطارت له : يمممممممه سلطااااااااان

سلطان وهو يركض لها : عيوووون سلطاااان

" وصارت تبوسه وتضمه وكل شي وتسمي عليه وتعاتبه ليه ماقال لها وصارت عيونها تدمع الجده بس حست فيه انقزت من مكانها وسلطان لمحها وطار لعندها وحضنها بقوه لدرجه كان عادي عنده يشيلها لانها كانت خفيفه والجده تسلم عليه وصارت تبكي .."

سلطان وهو يسمح دموعها : فديت الدمووع انا بس يلا شيليهم اليوم عيد وسلطان جاي ودمووع

سلطان حس حتى هو وده يبكي جدته زمان ماشافها ورجع يضمها

سلطان يبتسم : كذا خربتوا الشخصيه
ام محمد: فديت الضخصيه انا
سلطان يقرص خدودها : فديتك انتي الله يلا بروح اشوف جدي وبسلم على الرجال في حد جا يمه
امه وهي تناظر بعيون تلمع : اي عمانك وصلوا اكيد او على وصول تعال ابخرك
سلطان : طيب يلا بسرعه

" وراحت امه تجيب البخور والدهن عوود "

" وراح المجلس وكان مفاجئه للكل عدا الاب وسلم عليهم وقعد والكل يرحب فيه وهذا الشي زاد من شموخه شوي "

" اما بالنسسبه لمنصور .. على انه نام ومزاجه منعفس وقام وهو على هذا المزاج الا انه تذكر ان سلطان اخوه وصال وينتظره وهذا الشي خلاه يفرح .. بعد ماخلص وطالع شكله "

منصور" اااااخ والله اني مزيون بس مدري ليه ماني بعاجبها شينة الحلايا . اف اف لالاعاد مابي اطريها ماني ناقص اعكر مزاجي الله يعكره عليها .."

" وطلع وبوجهه طلعت غزل وبس رفع راسه وشافها "

شق الحلق وصار يصفر : اووووووووووه اخق انااااااااااا

سهر ضحكت ومسويه مستحيه : عيدك مباارك
منصور : علينا وعليك يلوموني انا في العيد اللي اصبح على وجهك انا
سهر تضحك وتسلم عليه : عاد استحي
منصور يغمز : انتي مو لابسه ومتزقرته الا عشان يمدحونك احمدي ربك اني امدحك
سهر تضحك : مايصير لسانك حلو طول الوقت يعني مايصري
منصور يضحك : كيفي

" ونزلوا مع بعض وهم يسولفون ولامبين انه صاير عليهم امس شي يوم عيد والكل فرحان محد يبي يكدر الثاني "

منصور: سهر ليتك مو اختي كان خاطبك من اول مانخلقتي
سهر تضحك : اقول ترى الغرور عادي يطق
منصور يقرص خدودها : يحق لك ياهووو
سهر تضحك

" وشافوا جدتهم وراحوا لها وسلموا عليها وامها وبالهوقت بدوا الحريم يوصلون ..ومنصور بعد ماسلم طلع للرجال واول ماشاف سلطان حضنه وصار يصارخ طاير من الفرحه .. وسهر طبعا ماتدري بشي على بالها بيوصل باليل "

.
.
.

" فـــــــــواز "

" فواز من امس بعد ماوصل سلطان كان مره متوتر وبعضه مو على بعضه .. مو عارف شلون يضمن نجود بعد ماجا سلطان وخصوصا صار يقارن نفسه بسلطان بدرجه كبيره ... و ارسل مسج لنجود بس تلبس وتخلص تتصل عليه "

" وبالفعل نجود بس خلصت دقت عليه ...وهو بالسياره "
فواز بأبتسامه ومبالغه : عيدك مباااارك ييا احلى نجود بالعالم
نجود ضحكت : علينا وعليك وش هالمزاج الرايق
فواز يصبغها بالحكي : شلون ما اروق وانا اول صوت اسمعه من اصبحت صوتك
نجود تضحك لانها هي كمان مروقه كانت تعرف هذا العيد حلو لاسباب ومن احد الاسباب الخفيه وجود سلطان : لالا كذا انا ماقدر
فواز يضحك : كيفك...
نجود: والله الحمدالله وانت ؟
فواز: والله ابد
نجود: مارحت عمي محمد
فواز : لا ياحلوه
نجود : ليه ؟
فواز: انتظرك جاهزه
نجود فتحت عيونها : وين
فواز: بجيك اعايد عليك
نجود: ياسلام وكل هذي مو معايده
فواز: مايصير يعني اشوفك
نجود " شالسالفه شفيه فواز متغير لهذي الدرجه وقررت تواصل معه ولاتعكر مزاجه " : الا يصير بس مو الحين
فواز: واذا قلت لك انا اول واحد بشوفك
نجود ضحكت : اقووول شعندك
فواز يضحك : واحشتني شسوي من متى ماشفتك
نجود : فواااااااااااااااز لايكون مغلط
فواز ضحك واستغرب يعني تغار عليه لااه زين شي طيب : ههههههههههه مععي نجود واغلط
نجود زادت ثقه : اي افكرر
فواز : لا ثواني واطلعي لي اوكي
نجود تبتسم : اوووكي

" وسكروا"

" فواز تطمن على الاقل اذا جت تقارن تحس بفرق ولو بسييط هو مايقول انه احسن من سلطان بس يمكن فيه صفه تجذب نجود اكثر من سلطان .. "

" نجود ابتسمت على الصباح ناظرت شكلها كان اوكي "

" طق طق طق"

نجود تبتسم : تفضل
بسمه : صباح الخير عيدك مبارك
نجود تناظر اختها بأعجاب : علينا وعليك
بسمه: وش هلابتسامات
نجود تضحك لانها كانت على قعدتها من بعد ماسكرت من فواز : لامافيني شي مبسوطه اليوم عييد
بسمه تضحك : طيب يلا نايف ينتظرنا
نجود: امي تحت
بسمه : وييين امي راحت
نجود تبتسم : طيب وانتي بعد لان فواز بيمرني
بسمه : يقطع ام الحمااااااااس
نجود تضحك
بسمه تغمز: عشان كذا هلابتسامات على هالصبح مسكين ارحم حاله
نجود تضحك : قومي انقلعي
بسمه تغمز : يلا يلا قبل لايجي
نجود: ياويلك لو شافك
بسمه تضحك : عنده هالقمر ويناظر ففيني
نجود بنظره : اي هيين اقلبي وجهك
بسمه ضحكت ونزلت

"قررت ماتلبس العبايه الا تحت شالتها بيدها ونزلت تحت .. وراحت على المرايه الطويله ..وتناظر شكلها وترتب نفسها .."

نجود تدندن : احبك لو تكون حاظر احبك لو تكون هاجر احبك لو تكون حاظر احبك لو تكون هاجر ومهما الهجر يحرقني

....: راح امشي معاك للأخر

" نجود انصدمت ولفت وشافت فواز عندها بس كان عند الباب الرئيسي عقدت حواجبها وقلبها يرقع "

" فواز غار عليها يوم شافها وماوده اصلا تطلع كذا وتروح بيت بو محمد بس مابيده حيله عادي تحرقه لو يقول لها اغسلي وجهك لووووول .. وتكى على الباب حق الصاله الرئيسيه "

" بهالوقت نجود واقفه عند اخر الصاله وفواز في بدايتها "

فواز: بنطول

نجود اصلا ماتستحي منه عادي بس يوم شافته يناظرها من فوق لتحت ارتاعت وصارت ترتجف وابتسم وتحس فكها ضاق عليها : اوه اسفه

" ومشت متوجه له و كانت مرتبكه وتناظر يمين ويسار وتلعب بيدها بس ماتناظره وكانت بتروح تجيب عبايتها بس وقتها كان فواز قريب ومد يدينه "

نجود بس حست فيه ارفعت راسها فيه وفواز خق عليها بس يوم شافها شكله بيقول لها تغير اللي مسويته بس ماتروح كذا واللي فيها فيها

فواز: كذا الناس تسلم على ازواجها وبيوم العيد

" فوا كان ماد يدينه ينتظرها تحط يدها بيدينه بس شكل مافي امل مع نجود "

نجود وقفت ونزلت راسها .. فواز حس ناحيته شعور ثاني بعد ماشافها

نجود رفعت راسها من جديد : فواااز
فواز قرب اكثر : سمي
نجود صارت تنتفض : سم سم الله عدوك تأأ.أأخرنا
فواز بلامبالاه : واذا
نجود: بيفقدوني
فواز" حددي من بيفقد الثاني ..؟؟ " : هممممم الحين هم صاروا اهم
نجود ارتعشت : ماقلت كذا بس اليوم عيد
فواز ابتسم : ياشيخه " وعطاها نظره واخذ يدها بسرعه وبسرعه باسها وهي انصدمت وشهقت"

فواز خافها تضربه بشي خاف على نفسه وطلع : انتظرك بالسياره

" نجود انصدمت من حركته بس اول ماطلع حطت يدها على قلبها تحس انها تحلم اللي سواه فواز يسوونه اي حد يحبون بعض من جد بس ماتخبر انها تحب فواز او فواز يحبها .. هههه ضحكت على نفسها وبسرعه لبست عبايتها واول ماطلعت انتبهت على نفسها لا يفتح لها محاظره وغطت وجهها وطلعت وركبت السياره"

" في البدايه كانوا ساكتين "

فواز وهو سرحان بلاشاره : نجود
نجود: همم
فواز: تدرين انك جميله
نجود ضحكت : اي
فواز يوم سمع جوابها لف عليها : ماتحمل الثقه
نجود ضحكت : وش قصتك انت
فواز: ابد
نجود : تعرف اشك انك مو فواز وشالت الطرحه وطلت وبوجه وهو غمز لها بسرعه هي استحت ورجعت على ماكانت عليه

نجود تضحك وترجع الغطا

فواز : تأكدتي
نجود : أهاا

" وبس وصلوا شالت الطرحه نجود ونزلت انصدم من الحركه ... وبسرعه سكر السياره ونزل وراها .."

" والي خلاه ينصدم اكثر انه شاف سلطان ومنصور بنفس الوقت اللي هم واصلين فيه كانوا طالعين من مجلس الحريم .."

فواز نشف ريقه

نجود اول مالمحته شهقت بالخفيف وصار قلبها يدق بقوه ماتوقعت تشوفه من اول ماتوصل

منصور اول مالمحهم صار يصفر : عااااااشوا

فواز " منصوور مو وقتك "

فواز بصوت واطي : غطي
نجود لفت وبنفس النغمه : نعم
فواز ما امداه يرد لانهم وصلوا
سلطان بترحيب ويضحك : هلاااا والله وغلاااا بالمعااريس
فواز يسلم عليه وعلى منصور
منصور: من جد عايشين الدور
نجود ضحكت وطول الوقت منزله راسها
سلطان : عيدك مبارك نجود وش دعوى انخطبتي وتغليتي علينا
فواز وصل حده يبي يوخرها عن سلطان
نجود رفعت راسها وطاحت عينها على عين سلطان اللي ذوبها : وش دعووى بس تعرف مشاغل الدنيا
سلطان يناظر فواز : لادامك مشغوله مع فواز معذووره بس اهم شي مايغيرك علينا
فواز يبتسم من غير نفس
نجود لفت وشافت نظرات فواز وقررت تستأذن مع انه ودها تقعد
نجود : عن اذنكم " ومشت "
منصور انتبه لهم: ابووك يالخوف نجود صارت تخاف من حد ههههههه ماصدق
فواز يناظره : منصور اعقل
منصور يبي قهره : واااااااه وش هالحلاه انا ماني قاعد مع الرجال الحريم يبوني اصير قهوجي لهم

فواز وسلطان ضحكوا
فواز: منصووووور
منصور: واااه والله هالبنات يجننون الواحد " ويتنهد ومشى "

فواز يناظر سلطان: شف قليل الادب

منصور سمعه وضحك بالعمد قال كذا عشان يعرف فواز غيووور

سلطان يضحك : ماعليك شخبارك
فواز : الحمدالله
سلطان : مبين عليك اووكي
فواز يضحك : الحمدالله على كل حال
سلطان وفواز يمشون : صراحه اهنيك على الذوق
فواز: مشكور

" فواز من داخل قاعد يحترق ............"

سلطان : اووه نسيت ليه انا جاي عن اذنك بروح اخليهم يجيبون شاي وقهوه زياده
سلطان انصدم من هالتصرف من سلطان مع ان سلطان ماكان يقصد شي وتركه فواز يروح وهو لسا مصدوم

.
.
.

" في المطبخ "

سلطان : برليتااا تيل ذيم ميك كوفي اند تي موور
برليتا: اوكي سير

" وجا بيطلع سلطان وشاف هالقمر اللي بوجهه كان يضبط الساعه اللي بيده "

سلطان قلبه طار : سهوووووووووووور
سهر اول مارفعت راسها انصدمت سلطان : سلطااااااااااااان

" اخذها سلطان وضمها بالقوه وسهر تضرب تلومه وتعاتبه "

سهر: ليه ماقلت لي بتجي الحيين متى جيت ومتى .ومتى وتى ..

سلطان يضحك : بسبس بعدين بقولك كل شي المهم شخبارك
سهر تضمه : وحشتنييييييييييي
سلطان : ياعساي ماخلا منك حتى انا والله
سهر: ليه ماناديت علي
سلطان: كنت بسوي لك سبرايز خاص فيك
سهر تضحك : مره ثانيه مابي سبرايز مثل كذا بتجي قولي سامع
سلطان يضحك :ولايهمك
سهر: يااااااااااي وناااااااااسه
سلطان يتفداها بداخله : يانااس عليك سهور حلوويتي
سهر تضحك : صدق
سلطان: وتشكين بتؤامك
سهر تضحك : يعني عشاني تؤامك مو عشان شي
سلطان يقهرها : اي عشان تقولين لي حتى انت
سهر تضحك : والله وانت تجنن بعد
سلطان يضحك : ياقلبي بسسسس

"سهر وتشوف حد وصل .."

سهر: سلطان طيب خلاص روح بروح البنات وصلوا
سلطان: اووكي

" وسلطان راح من الباب اللي على جهة الرجال وسهر راحت تستقبل البنات اللي بالتدريج يجوون "

" سهر بدت ترحب وتحيي فيهم وبس وصلت عند سهر ناظروا بعض وسلمو عادي حز في خاطر سهر حركه غزل بس من حقها "

" وبس خلصوا البنات وصلوا كلهم قعدوا يسولفوون مع الحريم "

نجوى: قوموا ادخلوا داخل الحين في حريم بيجوون
جنى: وش فيها عادي
نجوى تناظرها وتضحك : عادي ماتستحين
جنى: لا ليش لابسين حنا عشان تشوفنا الناس ويخطوبنا

البنات ضحكوا

منار لاديم : هذي اختكم لو ماتعرسونها بتنجن
اديم تضحك : لاتسألين
منار تضحك

نجوى: اسكتي بس لاحد يسمعك
جنى تضحك : امزح لاتقعدون تخزون
وصايف: وانا اقول وش عندها جنوو حاطه الميك اب اول مره تحط لاحظتوا
البنات: ايييه صاير كيوت " ومن هالكلام "
جنى تسوي تستحي : يوووووه عاد العين ترى حق
البنات ضحكوا
جنى تستهبل : ماتدروون انتوا
عبير تغمز: وراك شي
جنى تستهبل على البنات ومسويه خاقه : ااااااه انا كنت عارفه اني بشوفه اول ماشفته خقيت خقه مو صاحيه
البنات ضحكوا واستغربوا وش تخربط
غزل : مين مين جنو
جنى تأشر على سهر: اخوها سلطاااان وهـ وهـ يانااس
البنات ضحكوا
منار: امداك تشوفينه
جنى: وه يخقق لاتسألون
سهر تضحك : خلاص بقوله جنى خقت عليك
جنى: اي تكفين يمكن يحس فيني ويخطبني
البنات ضحكوا
اديم تخزها: جنى شفييك
جنى : لاحوووول من برا مانتم ماعطينا مايصير نتشرط من داخل
سهر تضحك عليها : ولايصير بخاطرك
جنى تضحك : اي عاد مو تصدقين
عبير: الله يقطع بليسك
جنى تضحك : قوموا بس نقعد هناك يمكن حد يشوفنا بالغلط من هنا وهنا
وصايف تضحك وفتحت عينها : قسم بالله لسانها متبري منها
البنات ضحكوا
منار: خلها تسمعها جدتي
جنى بحركه عفويه: اوه اوه نسينا

" وعلى هذي السسوالف كانوا قاعدين وكل واحده كاشخه "

" كل شوي تطيح عين غزل في عيون سهر وكل وحده تطنش الثانيه وبس بدوا البنات يتحركون كل وحده راحت مكان "

سهر قربت من غزل : غزووله
غزل لفت وجهها : نعم
سهر تبتسم : انا اسفه
غزل ناظرتها بنظره قويه : ماهقيتها منك
سهر: مو مني ولا غصب عني
غزل: يعني اهون عليك ياسهر
سهر: والله انتي ماتدرين عن شي هو غصبني
غزل : مو قدامهم بعدين نتفاهم
سهر: طيب لاتجحديني غزل والله مبسوطه لاتنكدين علي
غزل: طيب خلاص بعدين نتفاهم
سهر تبتسم :خلاص لاتزعلين
غزل تبتسم بالقوه : زيين
" سهر عرفت انها مجامله لانها بتاكلها من غزل بعدين "

.
.
.

" تلخيص المهم في هذا الوقت "

"سلطان وصل لبلده والكل استقبله ... بيت بومحمد كان البيت اللي اجتمعت العايله فيه بما ان الجد والجده هنا ..سهر وغزل كانوا ممشين وضعهم مع العايله ببعض الحساسيه .. نجود كانت هاديه طول الوقت بس شافت سلطان حست انها بتعثرت .. فواز كان يبي يشوف نجود يحس انها تغيرت من شافت سلطان وخاصه النظره اللي طاح عليهم فيها .. بدر كان متحرقص يبي يشوف سهر ماهو قادر ومنصور يقهره وهو يمدح في البنات لان منصور عجبه المطبخ بذا اليوم لوووول وتوعد لمنصور انه اي شي يبونه من المطبخ هو اللي بيروح يجيبه .. اديم كمان كانت محافظه على هدوئها تبي ترجع البيت بسرعه بدون اي لقاء بينها وبين سلطان اللي تحسه وجه شئم عليها ... "

.
.
.

" فيصـــــــــــــل "

" فيصل واااه اشتقت لها ياناس .. فيصل مثل مانتم عارفين عايش بالعسل مع عبيره ... منصور طبعا قعد يقهر فيصل بفواز يوم درى انه ماشاف عبير وفيصل كل شوي يدق عليها وهي سايلنت سايلنت قام ارسل لها مسج "

" ردي احسن لك "

" عبير يوم قرته عرفت انه عصب عليها وقامت وطلعت فوق ودقت عليه "

عبير: مرحبا
فيصل: احلفي
عبير تبتسم: وشو له
فيصل يقلدها: وشو له ليه ماتردين
عبير: ما نتهبت البيت ازعاج وماسمع الجوال وماني جنبه
فيصل ابتسم: اهاا فكرتك جاحدتني
عبير ضحكت : افاا بس
فيصل: اي افكر المهم
عبيير: همم
فيصل: متى بشوفك
عبير: ليه اليوم يوم مفتوح
فيصل يضحك : هيهيهي سخيفه ترى بزعل لو ماشفتك
عبير: الحين مافي امل مدري متى والله بس افضى بدق عليك
فيصل: احلللللفي
عبير: والله
فيصل: شفيك انتي شفيييك
عبير : لاحووول
فيصل: خلااص خلااص بلاها هالشوفه ماتسوى علي يلا عن اذنك " وقفل "

عبير انصدمت معقوله يزعل " لالا بس يتدلع خلني بعدين ادق عليه بيحطون الغدا الحيين "

" وطنشت ونزلت تحت والاخ ينتظرها ترجع تتصل بس اللي صدمه انها ماترد عليه ..وانقهر هييين هييين "

.
.
.

الساعه 1:00 ظهراً

" انحط الغدا وكان طبعا ذبايح وتوزعت الحريم والرجال والكبار والصغار .. البنات كانوا اكثر من ماهم عليه لان عيال اخوال سهر موجودين وهذا اللي كان مقيدهم مو دايم يلتقون معهم عشان كذا .."

" بعد الغدا بدت الناس تقل والرجال تتشتت الكل بيروح بيته ياخذ له غفوه وبأواخر العصر يرجعون من جديد "

منصور: شعندك ناشب ماودك تقوم
بدر يضحك : ماني بقايم زين
منصور يضحك : بتنطر واجد
بدر : ماعندي مانع
منصور يضحك عليه

طلال: يلا قوووم بتزعل علينا
وليد: يلا زين زين مع ذا االوجه
طلال يناظره : ياشين الثوب على بعضهم
وليد بنظره: مو عاجبك
طلال: ابد ابد
وليد يغمز له: خل يجي الليل وبنكشخ مسوي فيها راز نفسك بالثوب وقاعد
طلال: ارحم من عليك
وليد: انثبر بس

" وعلى هالحال كملوا طريقهم للبوابه الرئيسيه "

طلال: يمكن فيه بنات
وليد: تنحنح
طلال يتجهز : طيب

" وفتحوا بالخفيف الباب "

طلال: يااااولد

" وصلهم الصوت من داخل بأن ينتظرون ورجعوا سكروا الباب "

وليد: والله بتزعل علينا
طلال: بنقولها كان زحمه والحريم هنا شلون نجي
وليد: اي بس ولو الكل سلم عليها
طلال: شوف لاتنشب لي
وليد يناظره : مدري ليه مو طايقك
طلال يضحك : سبحان الله الشعور متبادل

" وانفتح الباب "

برليتا: يس وات دو يو وانت
طلال: سوي طريق فيروح سلم على ماما الجده
برليتا: اوكي
وليد: كاااااااااااااااااك هههههههه عجبتني ماما الجده
طلال يضحك بعد ماستوعب: انثبر بس
وليد يغمز : وش رايك ندخل خل نكحلهم ولو شي بسيط بنقولهم شفنا الخدامه وقلنا لها وقالت اوكي الطريق فاضي
طلال تشقق على الفكره : خوووش يلا

" وزينوا انفسهم ودخلوا "

طلال ووليد : يــاولــد
" شوي ويشوفونهم قفا البنات اللي قاموا يركضون طيران وليد وطلال فقعوا ضحك عليهم بالتنانير والشعور تغرد وراهم "

طلال يغمز لوليد : خوووش
وليد يضحك : عرس مو عيد
طلال يضحك : من جد
وليد: امش بس امش

" وكملوا طريقهم للصاله وراحوا يسلمو على جدتهم "

.
.
.

" وبهذا الحال مر يوم العيد .. ضحكه من هنا .. وغمزه من هنا .. وصدفه من هنا .. واكل قضى يومه باللي ينتظره ويبيه الا من عفاه ربي .. وهذا تصير بأحسن العائلات "

" الكل نام بدري .. مابعد اول يوم عيد الا التعب .. غزل وسهر ماجابوا اي طاري على الموضوع .. مابقى الافيصل و سلطان ماهو قادر ينام بسبب تغير الوقت عليه وجسمه وعقله مابعد يتأقلم مع الوقت الجديد "

"اخذ التليفون وكلم شيماء "

شيماء: هلا والله وغلا
سلطان: هلا والله فيك انتي
شيماء: شخبارك
سلطان: مشتاااااااااااق لك مووووووت
شيماء: فديتك حتى انت والله
سلطان: كيف العيييد
شيماء: والله اووكيه وانته
سلطان: انا عال العال مانقصني الا انتي
شيماء: بعد عمري والله تحمل بدوني
سلطان: الله يصبرني
شيماء: كيف امك واخوانك
سلطان: ماعليهم زود انتي بشريني عن اهلك
شيماء: ماقاصرهم هاك امي تبا تعايد فيك
سلطان : اوكي

" واخذ امها وعايد فيها بعدين عطته شيماء "

شيماء: اي وبعد ماتفكر تييينا الكويت
سلطان: ودي حبيبي بس تعرفين ابوي بيقولون شعندك بالكويت ومن هالكلام
شيماء: ياربييه
سلطان: ماعليش هانت حبيبي
شيماء: طاايب

" سلطان وقتها كان واقف على الكومدينو وشاف الاشياء المجمعه "

سلطان: سو حبيبي الحين بسكر منك مرررره نعسااان خبرك بس مادري شلون بنام وانتي مو جنبي
شيماء تضحك: عيااار
سلطان يضحك : يلا تصبحين على خير
شيماء: وانت من اهله باي

" وسكروا "

" واخذ الاغراض وحطهم قدامه وقعد يناظرهم "

سلطان " هالبنت وش مجيبها غرفتي وش موصلها هنا .. معقوله بالعمد ولا بالغلط .. بس ياربي وش تبي فيني انا بالذات.. افففف لازم اعرف السبب اللي جايبها هنا ..شكلي بسأل سهر عن السبب ولالا خلني اعرف بنفسي .. الحين اخليهم عندي ولا ارميهم بس حرام السلسال من ذهب اكيد تبيه وبس تفقده بتجي تسأل عليه .. "

" ورجعهم مكانه وانسدح يبي يحاول ينام .. وقعد يتذكر اللحظات اللي مرت عليه اليوم كل فرحان فيه ومبسوط بجيته وشلون فرحتهم بتخرجه والاكبر الزواج .. اكيد الكل ينتظرني اتخرج واتزوج .. ياربي وش اسوي الحين ابوي لو عرف عادي يتبر مني وجدي ااااه شبيسوي لو عرف عادي تجيه جلطه .. يارب وش اسوي الحين الوقت قاعد يمشي واان ماني قادر اتصرف .. شيماء مستحيل اتخلى عنها .. احبها ومافي امل احب بعدها .. بس وش هالعايله الفاشله همها الزواج وبسس اففففففف بس لسا عندك فرصه ياسلطان منصور مابعد يتزوج .. بس منصور كبير وبيتزوج اليوم وبكرا وبيجيني الدوور .. مافي حل غير اني اقولهم بس ارجع السعوديه .. واللي فيها فيها .. ومن هذي اللحظه بدا العد التنازلي لذاك اليوم ودقات قلبه تزداد لذيك اللحظه "

.
.
.

" فيصل "

" فيصل انقهر انه ما شافها اليوم وغير كذا بس رجع واتصل عليها حول ثلاث مرات ماردت ويوم جا بيرجع يتصل اتصلت عليه "

فيصل: خير ان شاء الله
عبير: وشووو
فيصل بحماس: كم مسد كوول عندك معقوله توك تنتبهين
عبير قعدت وهي تتنهد: فيصل لاتصارخ حدي مالي خلق
فيصل ماكذبها لانها بجد متغيره عليه وبصوت كله حنان: عبورتي شفيك وش مضايقك

عبير انفجرت وهي تبكي
فيصل انتفض قلبه يوم سمعها تبكي اول مره تبكي عنده : عبير عبير شفيييك
عبير تبكي
فيصل: عبيرر واللي يرحم والديك تقولين وش فيك
عبير تبكي فيصل خلااه تفضفض حتى ترتاح وهو يحترق

عبير يوم حست انه فشله من الحين تبكي وتدلع : احم
فيصل فهم انها الحين اوكي : عبير
عبير بصوت متقطع : هلا
فيصل: شفيك حبيبي من زعلك
عبير حطت يدها على راسها خصوصا توها طالعه من الدش والمكيف شغال وتبكي فصدع راسها : مافيني شي
فيصل يقاطعها : شلوون مافيك شي
عبير: بس بس تذكرت ابوي
فيصل تقطع قلبه " عشان كذا يعني " :.......
عبير:.......
فيصل: حبيبي ترحمي عليه هذا حال الدنيا وصدقيني لو عرف انك تبكين عليه وش قد بيكون زعلانه
عبير: اشتقت له يافيصل هذا ثاني عيد يمر بدونه ماحس اني تعودت اول عيد ماحسيت اني مشتاقه له كثر هالعيد
فيصل وقلبه معوره: ماعليش حبيبي عشاني خبري انك اقوى من كذا
عبير تشهق بس بدون بكي: اسف فيصل
فيصل: افااا عليك كم عبير عندي انا اذا مابكت وتدلعت عندي على مين تتدلع
عبير ابتسمت
فيصل: عبيير
عبير: هممم
فيصل: اااه اموووت فيك
عبير تضحك : مو وقتك
فيصل بالعمد : شسووي بالله ياعبير انتظر اليوم عشان اقولها لك بكشخة العيد وانتي ماخليتيني مالقيت الا الحين وانتي تبكين
عبير تضحك : الحظ يجي كذا ايام
فيصل يضحك : ياشيخه لو تبين خليتيني اشوفك حال حال فواز شايفها الاخ وموسع صدره
عبير: ماتوقع حد يشوف خطيبه كثري انا
فيصل يضحك: بس هم يملون انتي الحين مليتي مني
عبير : لا طبعا
فيصل : شفتي شلوون هذا الفرق

عبير ابتسمت بأرتياح

" وقعد يسولف عليها وعيير كل شوي تبي تسكر وتنام بس هو ماسمح لها عشان مايبيها تقعد تفكر يبغاها تسكر منه وعلى طول تنام وبالفعل قعد يسولف حتى حس انها بجد نعسانه لان صوتها بدا يقفل وبكذا فهم السبب في رفضها تشوفه اليوم ونفسيتها عشان كذا عذرها "

.
.
.

" ثالث ايام العيد"

" في هذا اليوم شدوا الرحال اهل الرياض جااين للشرقيه .. يستغلون الاجازه بأنهم يعيدون مع اهلهم.."

" كانوا البنات متجمعين اليوم بيت بو محمد وعلى اعتبار انه غزل ومنار بس توصل لميس بيجون ويجيبونها معهم ... "

" سهر رتبت كل شي وجالسه بأنتظار البنات وصلت جنى وتركت خواتها وقعدت ترتب مع سهر "

جنى: الله يلعنهم ذا البنات على هذا الطبع
سهر فتحت عيونها وتضحك: شفييك انتي
جنى: ليه يتأخرون مسوين انه من جد عزيمه ترى بيجون بيتكم مو بيت غريب
سهر تضحك : بس الناس عيد تبي تلبس وتتزين
جنى: الزين زين لو يقعد من النوم
سهر تضحك : طيب ليه معصبه روقي
جنى: ماطيق الانتظار
سهر: حتى انا بس وش اسوي فيهم

" يــــــــاولــــــــد "

جنى شهقت
سهر: اقعدي بس سلطان هذا تعال سلطان مافي حد
جنى: احلفي
سهر تضحك يعني عادي: لاتسوين فيها هاه

سلطان وصل وعلى وجهه احلى ابتسامه: هلااا والله وغلااا
سهر: هلا بك
سلطان: شخبارك جنوو
جنى مستحيه : تمام وانت
سلطان : والله مانسأل الا عنك وينك ماشفناك تتغلين
جنى تضحك : هي شفيك انت حنا بالسعوديه خل حركات التشره لهناك
سلطان ضحك عليها : ياحليلك
سهر تضحك
سلطان: شعندكم قاعدين لحالكم
سهر: ننتظر البنات
سلطان : عازمتهم
سهر: أي والله اهل الرياض بيجووون
سلطان وبفرح : لاااااه زين زين تبون شي من هنا ولاهناك
جنى تصرخ: أي أي
سلطان وسهر ضحكوا وهذا مسويه تستحي
سلطان: امري
جنى: نبي ورق عنب من ممتاز
سلطان يضحك ويحك راسه : ممتاز وين هذا نسيته
جنى: بكلم سواقنا يدليك
سلطان وسهر ضحكوا عليها
سلطان: لاا صراحه حليتيها
جنى تضحك : وش فيها عيب تكلم السواق
سلطان يضحك : لاا ابد امري لله
جنى : ثنكيوووووو
سهر ضحكت عليها
سلطان: اجل الحين انا بطلع
جنى وسهر: الله معك
جنى: لاتتأخر
سلطان يضحك ويغمز لها: افا كم جنو عندنا
جنى ضحكت وحركت كتوفها بخجل وسلطان ضحك عليها

" ومشى سلطان وبطلعته الا بدخول اديم ووصايف "

" سلطان عطاهم نظره عشان يثبت مين هم "

" اديم اخترعت يوم شافته ووصايف استحت ونزلت راسها "

سلطان ابتسم ابتسامه جانبيه : السلام عليكم بنات عمي عيدكم مبارك
مافي رد واستحت وصايف: وعليكم السلام علينا وعليك

" وسكتوا وكمل سلطان طريقه بدون مايعطيها أي اعتبار .. واديم قلبها ينتفض من شافته وشافت الشر معه نظراته جايه مع ملامحه كل هذا يخوفها منه وبدون سبب "

سلطان " هئ على بالها باهتم فيها ولا بخشتها بنات اخر زمن وراح يجيب اللي وصته جنى وبعدها بيطلع مع الشباب ناوين يروحون البحرين "

.
.
.

" الســاعه 8:30 "

" تجمعوا البنات وكانوا مبسوطين وماعليهم "

سهر: عبوره وش فييك
عبير: مافيني شي ليه
سهر: مو طبيعيه
عبير تضحك : مافيني شي بس حزنت يوم شفت وليد وبدر يصلحون ملابسهم
سهر : ليه ؟ هو قرب سفرهم
عبير: ياحليلك بيمشون مع سلطان بس هم رحلتهم الصباح
سهر شهقت : من جدك
عبير هزت راسها يعني ايه
غزل: من جد وطلال فاضحنا هلايام طول اليوم بالسوق تقول بنت مو ولد
وصايف: والله صاروا يلبسون ازين منا
جنى تضحك : من جد

" البنات فتحوا هذي السيره وسهر سرحت ببدر ماشافته ومابقى شي وبيمشي قامت لاشعوري وراحت الصاله بعد ما استئذنت "

سهر وقلبها ينتفض " معقوله بدر بيروح بدون ماشوفه ولا كلمته "

" الشيطان وسوس لسهر وخلاها ترفع التليفوون تبي تتصل عليه وشوي تراجعت "

سهر" لااه وش بيقول عني بس يووه برسل مسج اجل "

" وبالفعل ارسلت له "

" كل عام وانت بخير "

.
.
.
" بدر "

" بدر يوم سمع المسج فتحه وهو طفشان حده ابد ماله خلق "

" واول ماشاف المرسل شهق بقوه وبس قراه تشقق وحس الدنيا مو واسعته بس يوم شاف الوجه الزعلان على طول اتصل عليها بدون تردد "

.
.
.

" سهر يوم شافته دق انتفضت وشوي خلته يدق بعدين ردت وسكتت "

بدر: سهررر
سهر:.....
بدر: سهر حبيبي وحشتيييييييييييييييييييييييني
سهر خلاها تسكت اكثر:.............
بدر حز بخاطره : ليه ساكته .؟
سهر: صحيح قريب تسافر
بدر ذوبه جننه نغمة صوته اللي مبين الخوف والقلق عليها : لالا من قال لك
سهر استغربت وانبسطت : يعني مانت مسافر الحين
بدر كذب عليها عشان يقدر يسمع صوتها : لا اصلا انا هونت ماقالوا لك
سهر صرخت : صدق
بدر ضحك : والله لعيونك بسوي كل شي
سهر:............
بدر: شفيك كل ماقلت شي سكتي سهر وحشتيني وحشتيني
سهر تغير الموضوع : انا عبير قالت انك بتسافر مع سلطان و
بدر ينتظرها بلهفه : و ايش
سهر:....
بدر: و وايش سهر كملي هبلتيني
سهر بخجل: وانجنيت
بدر: وااااااااه ياناااس وااااااه
سهر استوعبت : خلاص دامك مانت مسافر يلا باي
بدر يضحك: ياسلام
سهر: بااااي
بدر: واللي يقولك بسافر
سهر: نصاب هع باااي
بدر يضحك : والله بسافر
سهر: انت وش تقول بتسافر ولالا
بدر: بسافر ياسهر
سهر حزنت : اجل ليه كذبت علي
بدر: مشتاق لك بسمع صوتك حتى عيدك مبارك ماسمعتها منك
سهر: ......
بدر: سهر بتوحشيييني

"سهر عورها قلبها وكسرت الجوال بوجهه ماتعرف هو خوف ولاخجل ولا حزن وراحت مع البنات"

.
.
.

" بدر "

بدر" اااااااه ياسهر ماتوقعت انك تدقين .. والله اني مشتاق لك اكثر من انتي مشتااقه ..الله يعينك يابدر ببلاد الغربه ااااااااخ بس لازم العم مايبي الا دكتوراه وش نسوي بعد ... الله يعينك يابدر الله يعيييييييينك .. واه فديت صوتها جننني خبل فييني انا اوريك والله لاشوفك ودق على عبير "

عبير: هلا بدر
بدر: اسمعي بس تخلصون دقي علي عشان ارجعكم
عبير: اوكي
بدر: يلا باي

" انا اوريك والله لاشوفها لاشوفها قبل لاتروح عن خاطري "

.
.
.

" الســاعه 11:45 "

" خلصوا البنات جلساتهم وقعدوا ينتظرون اهاليهم "

لميس: نعساااانه
غزل: مانمتي؟
لميس: لا
غزل: من بيجي ياخذنا
منار: مدري بشوف طلال
لميس: خلاص اخلي مازن يمرنا " وناظرت منار "
منار شهقت : لالا
لميس تبتسم : ليه

" والبنات يضحكون يوم انتبهوا على حركاتهم "

منار: لا بس فشله توهم واصلين اليوم ونكلف عليهم

"لميس فهمت شي ثاني انها خايفه علي
بس منار قصدها ماتبي تلتقي فيه
بينما البنات حسوا انها فشله مثلها"

لميس تغمز : لاوش دعوى خلني ادق

" وقامت دقت عليه وهو طبعا ماعنده اي مانع بالعكس "

عبير: يلا بنات انا استأذن
سهر: وييين
عبير: اخوي وصل
غزل فكرت وليد : طلال مو معه
عبير هزت كتوفها : والله مدري عنه
غزل: شوفي وقولي لي او حتى اساليه عن طلال
عبير: اوووكي
لميس: خلاص دقيت على مازن
غزل تضحك : اللي يوصل اول
لميس تضحك : ياحبك للمشوره
غزل ابتسمت واسكتت

" سهر قامت مع عبير توصلها من الذوق طبعا وقعدوا يسولفون بالطريق سوالف خفيفه يعني "

عبير: والله لو ابيه يسريني والله يسرييني
سهر: اي طييب
عبير تضحك : مانتي مصدقه يعني
سهر: طبعا
عبير: لو مو اخوي اللي بيجي كان كلمته
سهر وتفتح الباب: عياااره عبير كنك بديتي تسمنين بالعبايه
عبير شهقت :احللللللفي
سهر تضحك : والله مو كثير بس كنك يعني
عبير: سهر لاتقولين
سهر: قلت لك اللي اشوفه
عبير: ياويلي
سهر: مو مره باللبس غير بس مدري كنك شوي
عبير: ياشينك يالمعقده
سهر تضحك وجت تبي تسلم عليها : يلا مع السلامه

" وسلموا ومشوا مع بعض بيروحون للبوابه الخارجيه طلت عبير ماشافت حد وسهر وقتها تبي ترجع "

عبير: سهر
سهر: هلا
عبير: لايكون مشى عني
سهر تضحك : تخيلي شدعوى مافيه صبر
عبير تلف وجهها: لاحوووول " ورفعت الجوال "
سهر بحركه عفويه تبي تصلح شعرها ميلت وجهها شوي وصارت تنتاظر وتدقق بشي وبدون حاسيه : عبير هذي سياره اخوك
عبير: وينها "وناظرت مكان ماهي تناظر"
عبير تصرخ: الااا
سهر عرفت انها سيياره بدر الاخ مدخلها للداخل بالكراج وتصرخ هي الثانيه وترووح ركض وعبير تضحك

عبير" وش مدخله هنا وسكرت الجوال "

" بدر كان منقز عيونه طول الوقت ينتظرها تطلع ماتوقع انها تطلع وبس طلعت جن جنونه وهي يشوفها تتمايل من بعد بس مو مره بعيده وبس استوعب انهم فهموا عليه نزل عيونه على الاساس انه يلعب بالجوال وملتهي مو منتبه وقلبه يطبل عليه من طلت عليه "

عبير تركب : احللللف
بدر يسوي انه بجد ملتعي بالجوال وبصوت تمتمه: وشو " وعينه على الجوال "
عبير ركبت وهزته : البنت اخترعت
بدر رفع راسه وبدلاخه : اي بنت
عبير: ماشفتها اللي كانت معي
بدر: لا ولافكرت ليه منهي
عبير تضحك وترجع راسها وهو حرك السياره "وحكت له اللي صار "
بدر يسوي نفسه مانتبه : ليتني مناظر
عبير تضحك : احلف بس كويس طلعت اميين
بدر يضحك : ياشييخه

بدر" بجدك انتي بجي هنا وبتطلع قدامي ولا اناظرها .. يازينك بس "

.
.
.

" بعد ربع ساعه "

لميس تتأفف : وينه الحمار
غزل : من جد وينه
سهر: ليه مستعجلين ؟
غزل : ماحب انتظر
سهر تقهرها : منصور وصل تبون اخليه يوصلكم
غزل ناظرتها بخزه
لميس: لا مازن بيجي الحين
منار ساكته
اديم : يلا بنات تصبحون على خير
سهر: ماشيين ؟
جنى: اي بعد ماشبعتي
سهر تضحك : الاا وحامت كبدي بعد
وصايف تبتسم : يلا مع السلامه
اديم: مع السلامه
سهر: حياااكم

" ومشت معهم حتى طلعوا وهي تسمع سوالفهم "

سهر تصرخ قبل لايطلعون : بدينا الحش
البنات ضحكوا وطلعوا وسكرت الباب وراهم
غزل قلبها يدق منصور هنا خايفه يكون يطل عليها من جهة

" شوي وينفتح الباب "

سهر عقدت حواجبها : رجعوا
لميس وغزل لفوا يناظرون مين االلي جا وكان سلطان مقبل البنات على طول تحجبوا وسهر ابتسمت
سهر: في بنات هنا
سلطان يدقق يبي يتعرف عليهم : مييين
سهر: غزل ومنار
سلطان يبتسم : اوه ذولا نسايبنا شخبارهم " وقرب منهم الاخ ماعنده مانع الكل عادي عنده "
سهر تهز كتوفها لهم يعني هي مالها شغل
سلطان : شخباركم
غزل ومنار منزلين روسهم : الحمدالله
سلطان ولف على الثالثه وعقد حواجبه : مين هذي
لميس رفعت راسها وهو انتفض
سهر: هذي بنت خالهم
سلطان بس شافها ضيع اسمها وعقد حواجبه : اهاا حياكم الله
" وجا بيمشي بس لسا يناظر فيها وتقدم بسرعه قبل لاحد يشك "

" شوي ويرجع "

سلطان : تبون اوصلكم
منار ولميس: لالا مشكور مازن بيجي
سلطان يناظر لميس: دقوا عليه اذا بيتأخر اوصلكم مع سهر مافي مشكله
لميس : لا لاتكلف على نفسك مشوار الطريق وهو جااي
سلطان يبتسم " يازينهااا"
لميس استحت ونزلت راسها
سلطان : خلاص اجل عن اذنكم

" وطلع وهو بالدرج "

سلطان " ياملحها من بنت .. ماصدق في مزيونه مثلها ..ااه بسس ... لاتسمعني شيما وانا اتغزل فيها خلني اطلع بس .. بس سبحان الله الله خلق وفرق "

" ودقايق ووصل مازن وطلعوا له "

" ماخلا مشوراهم ولميس تتحرش بمنار ومازن حتى فهمت غزل اللي طارت من الفرحه اصلا هي شاكه شلون بتسكن بيتهم وماراح تحبه والحين لميس اكدت لها "

.
.
.


إلى من .. يهمها أمرى .. إلى من ..
رجاءٍ .. إلى متى صبري .. رجاءٍ
أنا لن .. اشتكي .. همي لغيرك ..
ياروحي ..اشتكي روحي على من
رساله .. حبرها ..دمي ..
رساله ..تصرخ ابهمي ..إلى من ..
سألت الرمل .. في دروب القوافل ..
سألت الجدب .. عن لون السنابل ..
سألت الناس عن وجهك حبيبي ...
عن الشمس .. ومتى تشرق مساءً
أحبك ..يالصحاري اللي ..
فـ هجيرك .. احترق كلي..وفاءً
كتبت لواحة عيونك رسايل ...
بسراب الدمع ... وانفاس القوايل ..
كتبت وذي ترى .. اخر رسالة
أحبك .. وان نسيتيني .. وداعا

" في هذا الوقت كان مشاري يسمع لبدر بن عبدالمحسن .. وكأنه قاعد يحكي عن حال مشاري ... مشاري هذي العيديه ماعيد مثل باقي الاعياد .. من انحرم منها وهو عايش في غيام ... وبنفس الوقت منصدم منها .. شلون هي تقدر تلعب عليه وتعتبره مثل باقي الشباب مع انه متأكد انها ماتعرف حد غيره .. بس وشلون وهي عمياء تلعب على حبلين .. هذا الموضوع مجننه .. هو بس يبي يوصله لها وماهو عارف شلوون .. وسكوته ذابحه قاتله ... ماهو قادر يحكي او يتكلم .. مايبي يحط الانظار فيه .. ولايعرف القدر وش كاتب له .. عارف يشكي لحد من اقاربه وبكرا ياخذ غيرها وش بتكون نظرتهم له وهم يعرفون انه مايحب بنتهم .. "

مشاري: ااااااااااااخ بس بس اطلعي مني اطلللللللعي

" وقف السياره بقوه حس انه يبي يقتل نفسه .. الافكار تلعب فيه لعب والشيطان بدا يوسوس له بأشياء .. شلون يووووصل لها شلووون "

مشاري " ليه تسوين فيني كذا شلوون .. معقوله يكون صار فيها شي "

" رفع جواله وقرر يدق عليها مع انه عارف الرد .. ومثل ماتوقع .. كان يبي يرمي الجوال بس خاف يصير بالشريحه شي ويضيع رقمها .. ييهون عليه يسمع صوت اغلاق الجوال ولا يضيع رقمها .. معقوله امها عرفت وحرمتني منها ... بس شلون بتدري .. يااااربي مافي غيرها اكيد امها كشفتها .."

" مشاري يقول كذا عشان يهون على نفسه ولو شي بسييط .. وهذا العذر اللي حطه لها ريح شبي بسييط لان الهم الاكبر وين يلاقيها ... شكله بيروح بيتهم "

مشاري" مين بيعرفني ومن يقدر يمنعني عنها "

" وحرك السياره وراح جهة بيتهم او بلاحرى الشقه .. بس بالطريق تذكر انها من سكان الرياض مو من هنا "

" قرر يروح بيتهم قبل لايسوي شي بنفسه على اخر لحظه "

.
.
.


سهر... طول الوقت قاعده تبكي على اخوها وعلى بدر حابسه نفسها بغرفتها .. قلبها مو متطمن تحس انه في شي بيصير لها هي او اخوها او حتى حبيبها بدر... امس طول الوقت قاعده تكلمه بالماسنجر وهو قاعد يوعدها بأشياء كثيره ويهون عليها .. بس سهر لليوم تبكي تحس ان نفسيتها مو اوكي وانها مكتومه تحس بعدم الارتياح حتى من ناحية اخوها ..

عبير.. كانت هي كمان زعلانه على اخوها .. بس كان اهم شي عندها ان اخوانها بيحظرون زواجها .. وهذا اللي كان مهون عليها بس مو معناته ماقعدت تبكي على فراقهم ..

سلطان .. كان مبسوط انه بيرجع اشتاق لزوجته وبيطير لها وحزنان حزن بسيط على اهله انه بيرجع يفارقهم ولكن سلطان ماراح يقدر يحظر زواج عبير وفواز .. لميس انجذب لها فتره وطنش بعدها ونسى موضوع السلسال والاغراض المجمعه

نجود وفواز .. علاقتهم بدت تتحسن بس مو مستقره .. نجود احيانا تطلع لفواز بطلعه يطلعه من طوره وهي كذلك ماتتحمل حد يصارخ عليها فينقلب حالهم .. بس فواز كل شي يهون على نفسه .. حاس ان كل شي بيتغير بس ياخذها .. ويعرف ان الزواج احيانا يكسر روس البنات .. وهذا هو يهون على نفسه بهذي الافكار

غزل ومنصور.. لا لقاء ولا اي تطور.. منصور صافظها هذي الفتره .. وهي مستغربه انه ساكت .. مع انه امه تلمح لامها وغزل .. وغزل خايفه من منصوور وسكوته

مشاري.. حاله من اردى لاردء والعايله بدت تلاحظ عليه بس هو مو متكلم وتعب من كثر مايجامل عشان كذا قلل قعدته معهم ..

منار ومازن ... لامن تطور مازن من جا ماشافها الا مره وحس انها كمان ماتبيه .. مع انه لميس قاعد تحاول تقرب بينهم بس منار ساكته ومازن يحترق ..

اديم .. تنتظر اللحظه اللي بيسافر فيها سلطان .. تكره تجي بيت عمها والسبب هو ماتحبه ولاتطيقه واللي شاغل بالها نايف ..

نايف ... ســكوت يسبق العاصفه

بسمه ... انشغلت هذي الايام مع اختها وبالتجهز لزواجها .. وتحاول على قد ماتقدر انها ماتفكر فيه وتبتعد عنه .. بسمه امتنعت انها تروح بيت عمها نهائي عشان تقلل الصدف .. والمشاكل ... وهذي هي مع اختها وتتحملها على حده مزاجها ..

ياسر .. اجل فكره زواجه وحبه لبعدين ... ابد مو وقت انه يفكر بزوج او حتى حب .. التهى عن سهر .. بس من شافها وهي قاعده تتردد عليه .. يحس انها بدت تستغل كل خليه من خلاياه .. يحس انه شعور حلو وبنفس الوقت انه مو مناسب لحاله ياسر الحاليه .. وهذا اللي قاعد يأخر زواجه ..

بدر.. كل امانيه واحلامه انه يرجع بالماجستير وياخذ اللي يحبها وتحبه .. ماحسب حساب اشياء ثانيه ..

طلال وووليد .. حياتهم حياه اي ثنين مقبلين على الدراسه *_^

.
.
.

" وعلى هذا الحال مشت الايام والساعات وجا الوقت اللي بيسافر فيه بدر وسلطان ووليد وطلال .. والعايله قررت تسوي لهم عشا قبل مايسافرون .. ماخبي عليكم فرحة طلال ووليد بسفرتهم ومايهمهم أي شي "
" بمعنى ثاني ان العايله كلها متجمعه بيت بو محمد "
" في غرفة سهر "
"تعودني عليك ايام ابد ما افارقك ليله
واذا عنك اروح اليوم اقولك نلتقي باكر
تعودني على لطفك على اسلوبك وتدليلك
وتتوقع انا بحيا بدونك يوم بتسافر
انا ماودي اشكيلك ولكن قلة الحيله
اليمه فرقتك والله وانا عالبعد مو قادر
دخيلك اجل الموعد اذا تقدر تأجيله
دخيلك حط دمعاتي في عينك قبل ماتسافر
ياشين الوقت في بعدك دقيقه كأنها ليله
شو يصبرني وانا احبك ومثلك في البشر نادر
تعلق قلبي في قلبك يسمع منه ويحكيله
تدلل قول بس اطلب واقولك غالي وحاضر
انا مادري اذا قلبي رفض يصبر شو اسويله
تخيل حالتي بعدك انا تحطمت عالاخر
اكلم نفسي في غيابك الوم القلب واشكيله
واصبر نفسي بالقوه واقضي الليل انا ساهر
انا اتمنى قبل لايروح يلمس دمعي منديله
ابيه يحس باحساسسي ابيه يقول تامر
ابي حضنه يدفيني خليل يودع خليله
واقول بصوت به شهقه فمان الله يامسافر
وارجع من المطار وحدي شيلني الهم واشيله
شو يصبرني انا شهرين وهو بس توه مسافر
عزايمنا اخذ قلبي في وسط عيونه يشيله
وانا اصبحت في بعده وحيد واكسر الخاطر"
" طارق المحياس "
" هذي القصيده اللي ارسلتها امس سهر لبدر ومانتظرت رده لانها مو قادره تتحمل "
سلطان: بس سهووره حبيبي
سهر تحاول تهدي نفسها : قول حق ابوي يجبني معهم ابي احظر تخرجك
سلطان : بس كذا ماطلتبي شي
سهر تناظره : تتريق حظرتك
سلطان يضحك : افا وعد مني بحاول اخليهم يجيبونك بس الجامعه
سهر بعصبيه: مالي شغل
سلطان يضحك : طيب طيب ولاتزعلين .. غسلي وجهك وقومي انزلي تحت ينتظرونك لاتخوفينهم بخشتك المنفخه
سهر تضحك : لاتنزل انتظرني
سلطان : طاايب
" ودخلت الحمام وانتم بكرامه "
" وسلطان وقتها كان كاشخ متجهز وقام يدور بغرفتها الكبيره .. يحب غرفتها .. اللي يشوفها يحس انها صاحبه ذووق .. مالومها اخوها سلطان ... قالها بثقه .."
" قعد يشوف الصور معلقه .. صور سهر مع امها وابوها وثلاث صور معه وصوره مع منصور ومعه وصوره مع منصور لحاله .."
سلطان ابتسم وهو يشوف الصور
سهر طلعت والابتسامه على وجهه : شفييك
سلطان لف عليها ويده بجيبه : يلوموني بتوأمي والله
سهر تضحك
سلطان يأشر على هذي الصوره : هذي الصوره كم كان عمرك
سهر: مدري اتوقع ثاني متوسط
سلطان يضحك : حشا كنك خامس سادس
سهر : لا والله
سلطان يضحك : يلا ننزل
سهر: لااستنى بحط شي بوجههي
سلطان : والله وش زينك انزلي كذا
سهر : لاشوف عيوني منفخه مسكرا بالقليل
سلطان : يعني المسكر تخفف التنفخ
سهر تبتسم : تقدر تقول كذا
سلطان يضحك : كويس اجل باخذ لي وحده
سهر ضحكت : لاااااه
سلطان يضحك
" وقعدت سهر على تسريحتها وطلعت الميك اب بتحط لها على الخفيف وجا سلطان وتكى على الطاوله ويناظرها وهي تحط "
سهر: لاتطالعني
سلطان يضحك : كيفي
سهر ابتسمت
" سلطان صار يلعب بالميك اب حقها ويطفشها .. ذكرتها هذي القعده بقعدتهم اول سهر تموت بالميك اب ودايم تخلي سلطان يحط فيها .. هذا الكلام قبل لايسافر والحين اخوها قاعد يذكرها فيها "
" سلطان اخذ قلم الكحل بعد ما حطت اختها بعيونه ووقف على حيله سهر لفت تناظره "
سهر: وش بتسوي
سلطان يغمز لها : بصلح السكسكوكه
سهر تضحك وتشهق : من جدك
سلطان يناظرها : أي عادي " وبدا يرسم فوق شعره وهي وقفت تناظره ووقفت معه "
" وبس خلص غمز لها "
سلطان: وش رايك
سهر تناظره وعيونها مفتوحه : حركاااااااات تخقق
سلطان يضحك : اعجبك
سهر: يعني كل الشباب يحطون كحل وانا اقول ليه بعضهم سكسوكتهم سوده
سلطان يضحك :الا كلهم
سهر تضحك
سلطان يبتسم : يلا خلصتي
سهر حطت الروج ونفضت شعرها بحركه عفويه وسلطان يناظرها
سهر : يلا
سلطان وبغمزه : ادوخ انا
سهر تضحك وضربته : امش
" ونزلوا مع بعضهم ومنصور فتح وقتها بابه "
منصور : توكم تنزلون.. بدري
سلطان يحط يده على كتف اخته : كيفنا
منصور يناظر اخته : تتدلعين عليه هاه
سهر تضحك : وش يدخلك يالغيره
منصور: من زينك " ونزل "
" سهر ماتنكر انها ملاحظه اخوها يغار ومتضايق هلايام بس بينت انه شي عادي جنب سلطان "
"سلطان ضحك ونزلوا مع بعض وبعدها كل واحد راح مكانه "
" وحان الوداع .. ودعوا الاهل بعضهم بدموع وبحزن .. العيله فقدت نص عيالها .. اكثر شي كان حزنان سهر وعبير وامها .. امها فقدت ثنين وقريب بتفقد عبير"
.
.
.
" بعد هذي الاحـداث بشهرين "
" تحـديدا يوم زواج عبير ونجــود "
" عبيــر "
" عبير من امس والنوم ماهو قادر يلامس جفونها .. شريط حياتها قاعد يمر في مخيلتها .. الافكار والذكريات اتعبتها .. بكرا بتنتقل بيت زوجها وكل نموذج حياتها بتختلف .. حياتها من فتره اختلفت كليـا .. واليوم راح تختلف نهائي عن ماكانت عليه .. ذكريات اسعدتها وذكريات المتها ... بكرا راح يتحقق حلمها الوردي اللي ياما قعدت تعد الايام واليالي تنتظره .. بس فرحتها فيه مازالت ناقصه .. ناقصه تشوف فرحه ابوها فيهــا .. مع انها شافتها بعيون ياسر اخوها الا انها غابت عنها من ملامح ابوها .. حاولت تبعد هذي الافكار وتهدي نفسها .. صلت لها ركعتين وعلى الفجر قدرت تناام او تقيل بهذا الوقت .. عرفت انه ابوها ماهي واسعته الدنيا لمن يعرف انها اخذت فيصل فارس احلام اي وحده .. فيصل بطبعه الهادي الرومنسي المتفهم والحنون كل هذا له دور على نفسيه عبير .. كل بنت بليلة زواجها تخاف وترتبك من الشخص اللي بترتبط فيه بس عبير كانت تحس بشي من الطمأنينه .. "
" صحت عبير حول الساعه ثمانيه .. بدر ووليد وصلوا امس الفجر مالحقت عليهم عبير وصحى بدري وقام يصحيها.. وامها كمان صحت من بدري.."
بدر يطق على الباب ويغني عليها : عبييير يلا قووومي
عبير:.........
بدر يطق ويغني عليها : لا اله الا الله على النبي محمد يلا صلوا عليه
بدر شاف مافيه فايده وقام يطق بيده ورجله : عبير ووجعووه قومي ماكنه اليوم عرسسك
" عبير اصلا قامت وهي تبتسم بس راحت تغسل قبل لاتشووفه وهو يفكرها ماقامت وقعد يطق يطق حتى تفتح "
" بس خلصت امداه بدر يرتفع ضغطه حشى هذي حماره نووم "
عبير افتحت الباب وبدر شافها مبين عليها انها قايمه ومغسله
بدر: احللفي
عبير ابتسمت بخجل: والله
بدر اخذها بقوه بحضنه وضمها : الف الف مبرووووووك
عبير من الخجل حست بتدمع وقلبها يرقع : لسسا مابعد اتزوج
بدر يضحك : اي صح بس بالليل تتزوجين
عبير ضحكت وتضربه: وحشتتتتتتتتني متى وصلت
بدر يبعدها ويحط يده بين وجهها: بالفجر والله ياني مشتاااق لك يالملعونه اول مره احس اني بفقدك
عبير ميلت شفايفها
بدر: اووه خلاص مانبي دمووع
عبير: وين وليد
بدر: اووه نايم ذا تلقينه المهم انتي يلا امي تقول بتروحين الصالون يلا تجهززي عشاني بوصلك
عبير حست انه كل شي صار جد : اوكي
" نزل بدر وخلاها تتجهز وهو راح يلبس ملابسه "
.
.
.
" نجـــــــــود "
" حال نجود من حال عبير بس تفرق في اشياء واشياء كثيره .. نجود بس بهذا اليوم بدت تحس انه كل شي صار جد .. بكرا بتكون تحت سيطره فواز وبتكون خاضعه له .. هذي الفكره لحاله جننت نجود .. خلتها مو على بعضها ..هي اوكيه سلمت امرها انها بتاخذ فواز مجنن عقل الملايين.. بس تكون خاضعه له هذا الفكره شالت نهائيا من بالها .. اول شي حطته في بالها ان فواز الكل يتمنى نظره منه .. وهي صارت من نصيبه .. يعني نظره الناس لها انها اخذته عشانه حلو والكل يتمناه .. حطت في بالها انه هو اللي يبيها مو هي اللي تبيه .. وراح توري الناس انها ماهي ميته عليه وانما العكس .. ماتبي الناس تحكي انها اخذته عشانه حلو تبغى الكل يقول ان فواز اخذها هي عشانها حلوه .. وهذا اللي خلاها ماهي عارفه وشلون تتصرف اليووم.. صحت من بدري لحالها وعلى اتفاق انها بتروح الصالون مع نجلا.. طبعا نجود بصالون وعبير بصالون .. وصحت وصلحت اغراضها اللي بتاخذها معها ونزلت تحت .. شافت امها قاعده لحالها "
الام اول ماقبلت بنتها قامت ترحب فيها وتزيد من معنوياتها ونجود مصفر لونها من التوتر والقلق
نجود : اليوم صرت حبيبتك وكل ناسك يوم بتزوج هاه
امها ضحكت عليها: والله من يومك يانجوود
نجود باست امها وقعدت بحضنها : ماما بتشتاقين لي ولا بس كلام
ام نايف تمسح على شعرها : شلون ماشتاق لك وانا ماقدر عليك وعلى مناقرك
نجود ضحكت: بس مناقري هاه
ام نايف تضحك : والله نقرتك وكل شي
نجود: طيب وين بسمه صحت
ام نايف: وهي جاها نوم نظر عيني بس قامت تتروش بتمر عليها سهر
نجود: اها نجلا ماوصلت
ام نايف: لامابعد
" شوي واتصلت نجلا وطلعت لها .."
.
.
.
"في السااعات الاولى من هذا اليوم "
" انقسموا البنات كل ثنتين وكل ثلاث او حتى اربع بصالون عشان يخلصون بدري ..والحريم كذلك انقسموا مع عيالهم "
" عبير ونجود مالتقوا اليوم الا بالحمام المغربي اللي كانوا حاجزينه .. وراحوا له من بدري وبعد كذا بيروحون الصالون .. عبير ماقدرت تحكي مع نجود كثير لحالها متوتره بس اكتشفت ان نجود اكثر منها توتر فتركتها لحالها "
.
.
.
" فيصــل "
" فيصل الفرحه ماهي واسعتــــــــــه .. ماهو عارف وش يسوووي .. كل شي ماشي مثل ماهو يبي واحسسسن امعنده شي يحاتيه.. العايله ماقصرت معه والكل قام بزواجهم والترتيبات .. مضت شهور وهو يراكض ورى طلبات العروسات ومعه فواز .. بس هو كان متحمس اكثر*_^ .. فاليوم قعد على الساعه 11 ومافكر يتصل بعبير لان صار لها اسبوع جاحدته يقال انها حركه يعني مافي امل ترد عليه اليوم فا ماخسر نفسه .. هو كمان حاجز له حمام مغربي هو وفواز بأتفاق منهم كمان "
.
.
.
" فــواز "
" ماقدر اقول انه فرحان مثل فرحة فيصل .. بس فرحان انه قدر يوصل لهذي المرحله مع نجود .. حس انه يقدر يسوي شي .. لانه من اخذ نجود او بلاحرى من عرفها حس انه انسان مايعرف يسوي شي .. فواز من النوع اللي اذا بغا شي يجيبه مافي شي يعيقه ... بس من عرف نجود ماقدر حتى يوصل للي يبيه معها .. وهذا الشي حسسه بالنقص .. بس يوم وصل يوم زواجه حس انه بالفعل يقدر عليها .. وحس انها يقدر يكمل معها بأي طريقه من الطرق .. ماكان يعرف انه ظنونه قد تخيب في بعض الايام.. كان اكثر توتر من فيصل ومن نجود بعد ... لان هذا اليوم اللي حلم فيه بأنه يكون جنب دانه .. لكن القدر انه يجيب نجود مكانها ... مايعرف شلون بيعيش معها .. رسم مع دانه تفاصيل حياتهم اذا اخذوا بعض .. ولكن مع نجود ماقدر حتى يتعمق معها بموضوع حياتهم .. مع انه يكتشف اشياء حلوه مفونه بنجود بس تخبيها احيانا بتصرف منها .. ومن اخذ نجود وكل يوم لها نفس ومزاج .. مايعرف مزاجها اليوم ايش ولا نفسها كيف اليوم .. وهذا الشي زاده توتر وقلق ... فيصل لاحظ هذا الشي على فواز بس ماتسأل كثير لانه شي طبيعي ... وكانه فيصل قاطع عبير اسبوع بس فا فواز اخذ من قاطعها ثلاثة اسابيع ولا واليوم اللي قبله كانت هوشه بينهم "
.
.
.
" الســاعــه 8:30 مســاءً"
" في افخم صالات مدينه الخبر الي تم اختياراها من الطرفين .. والي تشهد على زواج نجود وعبير من فواز ونجود .. ومن هذا الوقت وبعد وصول اهل الزوج والزوجه بدوا المعازيم بالوصول وبدت الناس تتجمع .. "
" بدت الناس تناظر الصاله بأنبهار واعجاب .. كأنها ماقد حظرت زواج بيوم في هذي الصاله .. نجود قلبت الصاله من فوق لتحت .. ماكانت تبي زواجها يكون عادي مع ان عبير ماتفرق معها .. اعطت لمساتها للصاله شكل وفخامه ثانيه بغير عادتها .."
" كانت الطاولات مجهزه بكل شي مثل العاده .. والكوشه كانت قمه في الروعه اللي يناظرها من بعيد مايقدر يلمحها لانها كانت شبه شي من الخيال لانهم مزودينها بالبخار من فتره لفتره حتى تدخل اول عروس .. بس يقدرون يلمحون الورد الابيض والعنابي الطبيعي اللي طلبته نجود من هولندا وكانت موزعه بكل ناحيه من القاعه ... وكان الممر " السيب" طووويل والمسرح بالوسط عشان الكل يقدر يناظر .. بأختصار الكل انبهر من تصميم الصاله .. والصاله طابع عليها اللون السكري والعنابي وهذا الشي اعطى فخامه للصاله "
" البنات تأخروا شوي على ما انتظروا حد يوصلهم ..."
" كانت اول دفعه وصلت هي دفعه سهر وبسمه واديم ... واول مادخلوا على طول توجهوا لغرفة العروس عشان يضبطوا نفسهم قبل لايطلعون "
" شوي ووصلت جنى ولميس ومنار ووصايف وبعد شوي وصلت اخر دفعه مع بعض "
" اول شي طلعوا سهر واديم وبسمه مع بعض وكل وحده كانت بطلتها "
" سهر .. كانت اكثر البنات حلاوه ورقه ودلع ... اول ماقبلت الكل صار يناظرها بما انها اول وحده تطل .. كانت لابسه فستان اسود ماسك على الجسم حتى نص الساق بعدين يتسع .. الفستان كمان احلى منها كان .. واللي محليه الطقم اللي كانت لابسه اعطى الفستان اكثر جمال ... شعرها البني الغامق مع تسريحته الملمومه شوي حلتها اكثر.. وحبت تحط ميك اب نيلي مع الفستان .. كانت خايفه بالبدايه بس طلع شكل ثاني مع الفستان والشعر"
" بسمه .. طلت بسمه بعد سهر.. ماكانت تخلو من الانوثه والعذوبه .. كانت لابسه فستان اوف وايت " سكري " وله ظهر عاري وشعرها الويفي " المموج " والمايل على الكستنائي ولونها القمحي كان له دور على جمال الفستان مع جسمها .. كان فستان بسمه فيه شغل وكان ماسك من الخصر والباقي واسع .. وغمازاتها اعطتها حلاه اكثر مع شفايفها المليانه شوي "
" اما اديم .. اديم كانت تمشي وتقطر نعومه ... شعرها القصيركان لايق عليها وماعطيها حلاه وجمالها الجذاب اللي يميل للنعومه اكثر من الجاذبيه .. لون اديم فاتح وكانت لابسه فستان بنفسجي اللي دارج هذي السنه ماكانت مكثره أي شدو بكثر لون الروج البنفسجي اللي يميل على فوشي .. اكتفت بكحل سميك واي شدو بسيط .. وكان لايق مع وجهها .. "
" كل وحده ماشاء الله تمشي وتقول الزود عندها .. الكل كان يناظرهم اول مادخلوا .. ام محمد بأشاره منها طلبت من البنات يوقفون معهم بلاستقبال والبنات قالوا لهم انهم بيسلمون على البنات اللي داخل وبيرجعون ..."
" بعدها وصلت دفعه وصايف مع الباقي .."
" لميس كانت لابسه فستان نيلي .. هذي كانت احلى وحده لابسه نيلي بهذا اليوم .. لميس بطلتها وبهيبتها ماحد كان يشابهها حتى بحلاتها .. مع انها ماكانت احلى من الباقي الا ان شخصيتها تحليها .. شعر لميس كان عند كتوفها وكانت مسيحته على الاخر ورفعه بسيطه بس "
" اما وصايف .. كانت اكثر البنات جاذبيه .. وصايف بما انها مسويه تان فكان لونها بروزني .. ولابسه فستان ابيض .. واكثر شي بارز بوجهها روجها الاحمر .. ولابسه فستان ابيض ومسويه شعرها كيرلي ومسويه برمه من الوسط وباف من ورا وكان شكلها جذاااب مع غمازتها وضحكتها الحلوه اللي مطلعه جمال اسنانها البيض .. الكل اول ماشافها انجذب لها .. كانت حركيه بطبعها ماحد يحس ابد انها رزينه *_^ ولون شعرها كان يميل على اللون الكستنائي الفاتح "
" اما جنى فكانت لابسه فستان قصير لونه تركوازي غامق .. ماكانت جنو متكلفه الميك اب بالموت حطته .. بس كان شكلها كيووت"
" اما منار.. كانت انيقه بنظرهم وشينه بنظرها .. ابد ماعجبها شكلها .. مع انها لابسه فستان لحمي وماسك على الجسم .. وماله خيوط ماسك على الصدر بس ورافعه شعرها كله بتسريحه حلوه وناعمه تلوق مع الفستان بس بما انها اول مره تسويها فا ماعجبتها عليها .. منار كانت رمز للأناقه بنظر اللي يشوفها .. وكان ميك ابها ناعم حتى روجها "
" باقي غزل ويـــــــــــن غــــــــزل ؟؟؟؟؟؟؟؟؟؟؟؟؟؟؟؟؟؟؟؟ "
.
.
.

" في قاعه الرجال "
" كانوا الرجال مرتبشين .. مسوين عرضه والكل كان مبسووط ومستانس .."
منصور بأبتسامه : وش عندك ..؟
مازن يضحك : ماعندي شي والله بس بنت خالتي متوهقه البنات الظاهر مشوا عنها وتركوها مدري وش صاير بس بروح اجيبها
منصور رفع حاجب : من هذي
مازن : غزل
منصور بخبث: اوووووه لالا توني اسأل طلال وين بتروح قال بيروح يجيب اخته
مازن : من جدك
منصور بخبث اكثر: أي
مازن : كويس اجل مافيني اروح اجل بتصل عليها بقول لها ان طلال جاها
منصور: لا ماهي بضايعه عن اذنك بروح اشوف مشاري
مازن : خلاص
" منصور كذب على مازن .. هو لاشاف طلال ولايدري وينه اصلا .. اجل هي تنتظر حد ياخذها والله لا اخلك تاكلين تبن هناك .. بس شاف انه اولى يجيبها من ولد خالتها"
" رفع الجوال واتصل على طلال "
طلال: هلا والله
منصور: هلا طلال وينك فيه
طلال: انا بالصاله
منصور: طيب اسمع شوف اذا حد سأك عني قولهم اني بروح اجيب البنات من الكوافيره اوكي
طلال: أي شوف واختي بعد بالمشغل جيبها اوووكي
منصور: أي خلاص وين سيارتك طيب انا ماعندي سياره جيت مع مشاري
طلال: خلاص تعالي عند البوابه
منصور بخبث: اوووكي
" منصور كان عارف ان طلال يبي الفكه فقال بما انه اليوم عرس والكل لاهي خل يروح و يشوفها وهي تحترق .."
.
.
.
" غزل كانت خايفه تأخروا عليها فكرت انهم نسوها وقعدت تنتظر طلال يجيها وهي محترقه الساعه صارت تسعه ونص وماحد معها والمشغل يسكر على ال11 وهي تخاف لحالها تقعد هناك اكثر ..."
" منصور بس وصل قال ماراح ينادي عليها الحين بينتظر خمس دقايق تحترق اكثر .. شوي واتصل على طول يقوله يخلي غزل تطلع "
" غزل ماصدقت خبر .. قامت بسرعه وحطت الغطا عن وجهها وشوي نزلتها لثمه تبي تشوف السياره وشافت سياره اخوها وراحت له .. ومنصور يقزها قز وقلبه صار يرقع وش بتسوي فيه بعد ماعرفت انه هو اللي جاي ياخذها .. عشان يضمن انه يشوفها فتح النور اللي بالسياره .. اول ماقربت قدام السياره شبط تسريحه الغتره عشان ماتنتبه عليه بسرعه وتنزل من السياره وسوا نفسه يطلع سي دي "
" ركبت غزل بكل قوه وسكرت الباب بقوتها .. وشالت الغطا تاخذ انفاسها "
غزل تنافخ : احلف .. امحق اخو وقسم بالله .. ماحالك حال العيال الباقيين مايمشون قبل ماخذين اهلهم وانا جاحديني لحالي بالصالون
" ورجعت سندة راسها واستغربت انها مارد عليها .. كانت عارفه انه ماراح يرد عليها اذا هي معصبه .. وقعدت تقلب شنطتها تدور الجوال وشوي وتشوف حد دق عليها ورفعت وشافت الاسم " طلو يتصل بك " انصدمت شلون طلال يدق عليها ولفت تناظره واشهقت ومنصور وقفت دقات قلبه ووقفت هي دقات قلبها الثانيه..طاح الجوال من يدها ومنصور فهم انها عرفت .."
غزل: منصوووور
منصور لف عليها وذاب شوي عليه يوم شافها وبصوت خايف: ايه
غزل ارتفع ضغطها : ليه ان شاء الله جايني لحالك
منصور رفع حاجب " وش قواة هالعين " : ليه انا مو محرمك
غزل: محرمي طل بعينك وقف السياره
منصور بغباء : نعم
غزل تناظره بقوه : وقف السياره بركب ورا
منصور كمل طريقه براحه خاف انها تبي تنزل : ليه قالوا لك سواق انا
غزل بصوت يهدد بالبكي : والله لاقول عليك امي
منصور ماهز فيه هذا الكلام شي : قولي لها اصلا الكل يدري اني جاي اخذك ترى عندهم خلفيه بالموضوع
غزل شافت انها تسكت احسن لها واخذت الغطا ورجعته على وجهها وهي تكتم شهقاتها
" منصور سند راسه .. حس براحه وهي جنبه .. بس بصراحه تخوف هالبنت تقول حد مولع فيها كبريت .. معقوله هي دايم عصبيه .. بس مانكر ان صورتها ماهي قادره تفارقه طول الطريق صار يطول الطريق ويروح يمين ويسار بس عشان يطول معها .. شاف منصور اشرطه طلال وكان عنده شريط مجيد القديم وقرا محتوى الاغاني وشاف اغنيه قمر .. حس كنها جايه من السماء عليه شغله وحط رقم الاغنيه .. غزل صلحت جلستها حست انه يقصدها بهذي الاغنيه .. بس وصل الكومبليه الثاني قامت وسكرته بكل قوه.. شافته الاخت مروق ويغني معه "
منصور انصدم
غزل بعصبيه : مو كنا الوقت تأخر الساعه عشر الا عشر
منصور: للأسف مافيها السياره جوانح عشان اطير فيك
غزل : سخيف وطول عمرك سخيف
" غزل قاعده تحترق كل شي بيفوتها .. وغير كذا خلاص مزاجها تعكر شلون بتحظر الزواج "
" وبس بينت ملامح الصاله تبين .. منصور بحركه لعينه رفع الجوال وسوا نفسه يدق وينتظر حد يرد عليه "
منصور :احم هلا والله سهوره.. شخبارك .. كيف الزواج .. هههههه على كيفي اجل هااه .. حنا زواجنا بعد حلو .. اسمعي الحين انا قريب ابيك تطلعين لي " وسوا انه بدا يوطي صوته " واللي قلتي لي عليها معك ..."شوي ويرجع صوته طبيعي " ههههههههه سهر حبيبي انتي تكفيين .. ليه مو من حقي .. عادي محد بيحس .. سهووره عشان اخوك حبيببك .. اانا مو بتمقل فيها بس لمحه عن خاطري .. ااااوه منك .. اجل خلاص انا اللي بسريكم لاتجين الا وهي معك .. بذبحك سامعه هههههه سلام يلا باااي
" غزل انصدمت .. معقوله سهر دخلت في باله وحده ثانيه .. مين ؟؟ .. اصلا مبين انه هون عني .. يكلمني ببرود .. ولاهامه وجودي جنبه .. طيب يامنصور على بالك اخر همي "
" منصور قعد ساكت طول الوقت وغزل كمان بس وصلوا وجت بتنزل ماهان عليها تنزل كذا بدون كلمه حلوه تقعد تدور في باله "
غزل افتحت وجهها وبنظره تعرف وش تسوي فيه .. منصور استغرب من حركتها وابتسم بس شافها لافه عليه : وانت حمار طيب تشااو
" وسكرت الباب "
" منصور انصدم .. صدق انها قليله حيااااااااااااااااا .. ااااااااااااااااخ منك اكيد تحترق تبي تعرف من اللي باخذها والله لاتشوفين ياغزل يالحمااااره والحين دق على سهر بجد وهو معصب بس ماردت عليه .. ومشى لصاله الرجال وهو يتذكر نظرتها ... وبقهر " ياللللللله شلون حلوه التبن بس شي يخرب على شي ياغزل ليتك مثل بسمه بس ""
" غزل وطول الطريق خايفه من حركتها اللي سوتها بس قلبها كان يحترق وهذا من قهرها .. مشكلته يوم انها فشت خلقها عليه .. واصلا يستاهل لانه حمار حتى احترام مو محترمني .."
"غزل دخلت على طول لغرفة العروس ..راحت وظبطت شكلها وشربت كاس مويه لان ريقها ناشف وقلبها لسا يرقع .. "
" غزل كانت لابسه فستان بنفسجي وذهبي مررره كان خطيييير ... وشعرها كانت منزله غرتها على جنب وبعض خصل من شعرها الملتفه لف ملمومه .. وصاير شعرها خطييير .. وطولها اعطى الفستان دوور في جمالها وطلتها .."
" دخلت القاعه تمشي بثقه ورزانه وشنطتها بيدها .. سلمت على حريم عمانها .. وكملت طريقها في انها تفتش على البنات .. ولمحتهم من بعييد واشروا لها .. بس هي ماراحت لهم دايركت صارت تسلم على الناس اللي تعرفهم ... وبعدها راحت لهم "
لميس: ويييينك
غزل تخزها: كولوا تبن شغلكم قدام
لميس ضحكت ومنار
منار: مشكلتك حبيبتي ولا كان قعدنا لهنا
غزل تناظرها: قلت لك بعدين
منار للميس: يمه خوفتني
لميس ضحكت
غزل: رقصتوا
سهر: اييي رقصنا
غزل تناظرها: كولوا تبن
اديم بنبره حاده : شعندك انتي كل شوي كولي تبن كولي تبن مو قدام الناس
غزل خزتها هي الثانيه وقعدت وشوي تلتفت: وين بسمه
وصايف: مادري من ناداها وراحت له
سهر: صديقات نجود
غزل: اها بروح معها
وصايف: بدينا بحركات النسايب
غزل تضحك : مالك دخل " وقامت"
جنى: قولي تبين تترزيزين عشان تنخطين اهجدي مافي غير منصور
سهر والبنات ضحكوا وغزل رمتها بنظره ومشت " مابقى الا هو "
جنى تحرك كتوفها لمنار :ههههه ياويلي بتذبحني
منار: انا مالي دخل
" وشوي بدت الطقاقه تطق "
جنى تشهق : بنات قوموا قوموا
لميس تهز رقبه : يلا قومي
وصايف : يلا بناااات قوموا
سهر تضحك : شوي مو على طوول
وصايف: والله عادي
سهر: لا انا برقص بعدين
لميس: مو كل شوي بتغني كيف اصدق خبرك ماتعيد الاغاني
سهر: لا عادي روحوا ارقصوا
" وقاموا "
سهر: قومي منار
منار: لا ماعرف ارقص على كذا
سهر : هههههه مثلي ذولا بتاع هرج
منار تضحك : شوفي لميس الحين شلون ترقص عليها
سهر ضحكت
"والبنات كانوا يرقصون نسوا شي اسمه رقه وعذوبه لان وصايف من تبدا الطقاقه تطق تنسى نفسها وجنى مثلها .. جنى ووصايف متعودين على الرقص مع بعض فكان شكلهم لافت بس كانوا ثنائي خطير .. بينما لميس ترقص وترقّص أي وحده قدامها وكل وحده تعطيها جوها "
" البنات كانوا يصفقون على الخفيف للبنات "
" من جهة ثانيه "
منيره : ماما هذي غزل اخت العريس
الام : ياحي هالبنات شخبارج
غزل بخجل : الحمدالله ياخاله كيفك
الام تناظرها بأعجاب : الحمدالله انت شخبارك وكيف الوالده
غزل : الحمدالله والله
الام : عقبالك يارب
غزل بخجل : تسلمين ياخاله
غزل لمنيره : ها بتجين مع البنات
منيره: وين قاعدين فيه
غزل تأشر لها هناك
منيره: يلا ماما انا بروح مع البنات
الام : أي معليش
" الام طول الوقت تناظر غزل بأعجاب .. وشكلها تخطط عليها ومنيره تعرف نظرات امها .. وراحت ماشيه مع غزل "
" الاجواء هناك كانت رقص والكل مبسوووط "
.
.
.
" بعد ساعه "
" عند الرجال "
" كانوا الشباب مسوين عرضه ومبسووطين .. فيصل اكثر انسان بالعالم مبسوووط .. بعكس فواز اللي وجهه كل شوي يقلب ويصفر .. وكل هذا مبين على وجهه "
منصور: وش دعووى ياخوووي كلها عرس ليله وبتعدي
فواز يبتسم بمجامله : بلاك ماجربته مع انك اولى
منصور يضحك : لاخليناه لك واهله
فواز:الحين من بيدخل انا ولا فواز
منصور فطس ضحك : مدري يقولون فواز
فواز يناظره : سلامات
منصور يضحك : حلوه يافواز يافواز بس سمعتهم يقولون فواز
فواز استوعب وضحك بربكه : الله يهديك لاتدقق
منصور يضحك : لهذي الدرجه
فواز: اللله لايوريك
منصور: لاشكلك انت بلاول
فواز حسه بنزله معويه ببطنه : احلف
منصور يضحك : أي هم قالوا كذا عاد انا مادري
فواز تنفس بالقوه ومنصور يضحك عليه
"شوي وجا نايف"
نايف: فواز دقايق وبندخل
فواز: وشو
نايف ابتسم : شوي وبندخل
فواز: لازم ندخل يعني
نايف فهم عليه : أي لازم عن اذنكم
فواز : منصور مابي ادخل
منصور: خلاص بدخل معك
فواز يتأفف : باخذ زوجتي وبطلع
منصور يغمز له : متحمس الاخ
فواز ضربه : فواز ترى ابد مو وقتك
منصور ضحك
" اللي صار .. ان فواز وصله الخبر انه راح يدخل .. وراح يدخل معه ابوه ونايف وابوه ومعهم طلال .. مع ان العيال يبون يدخلون بس رفض اللاباء .."
" وصل خبر للحريم ان الرجال بيدخلون .. اللي غطت واللي تحجبت واللي لبست عبايتها واللي مالبستها ابد .. كل وحده بكيفها "
" دخلوا الرجال بدزه من الطقاقه "
" دخل فواز بكل ثقل ورزانه مع انه خلف هذا الغطاء خوف وقلق مو طبيعي كأنه هو العروس لووول .. الكل حق على فواز وعلى طلته حتى البنات .. الكل يحسد نجود انها اخذت فواز .. فواز جميل والاكثر جمال هي عيونه اللوزيه العسليه "
" فواز حس انه ناشف ونايف كان مستحي .. شوي وطقت الطقاقه عليهم .. ولاحد رقص فيهم .. شوي وطلع طلال مابقى الا نايف وابوه و فواز ينتظر زوجته تدخل "
" اشتغلت زفه نجود اللي كانت هديه من فواز لها اللي سوالها طلبيه خاصه من عباس ابراهيم.. نجود ماكان عندها خلفيه .. اول ماسمعت القصيده اللي في البدايه انصدمت مو هذا اللي اختارته بس كان الصوت جاذبها .. هذا صوت فواز .. فواز كاتب قصيده عنها .. شلون ومتى وليش ماقال لها .. وهذا شوي و اشتغلت الاغنيه وبدت تمشي عليها نجود .."
"نجـــــــــود"
" نجود .. طلت نجود بهيبتها وبكامل شموخها .. نجود هالمره كانت غير عن مره من حقها يومها .. كانت انيقه بكل شي .. نجود كانت جميله بهذا اليوم مو حلوه الا جميله .. الكل يعرف انها حلوه وجميله بس هي احيانا تخرب على نفسها .. فواز اول ما لمحها بعينها صار قلبه يطق طبول .. معقوله هذي نجود .. كانت احلى من الحلا كله .. فستانها كان راقي ماكانت مكلفه بالطرحه الطويله .. لها ذيل مو طويل مره .. بالمختصر رحتها كانت راقيه اكثر من انها تكون مبالغه فيها .. مسكتها كانت عباره عن ورد ابيض طبيعي جاي مع بعض ملموم كانت حلوه مسكتها وصارت تمشي وفواز يناظرها .. البنات ماتوقعوا انها بتطلع حلوه مثل كذا .. والناس كل شوي يناظرونها ويناظرون نظرات فواز لها .. فواز كان يناظرها بلهفه .. اللي يشوفهم يقول ربي جمع ووفق .. بس ماحد يدري بالقلوب .. بس اللي ثبت لهم نظرات فواز لها.. وهي مافكرت انها ترفع عينها حتى .. بس وصلت نجود لنصف المسيره .. من غير شعور تقدم لها فواز ونجود اول مارفعت عيونه شافته تحرك طاح قلبها في بطنها .. "
" الناس انجنت على حركته يحسون انه مجنوونها .. ماحد يقدر يلومه يلوقون مع بعض .. هذا من برا بس من داخل عكس بالكليه .. نجود صارت دقات قلبها تخترق صدرها وصار صدرها من الخوف يطلع وينزل .. ماكانت تتوقع انه العروس ينتابها شعور مثل كذا .. بس وصل لها باس راسها ويدها .. ونجود ترتجف ..وبس مسك يدها صار يساعدها وهي تمشي .. وهي قاعده تمشي خطوات ابطئ من البطيئه بس وصلت عن البنات صاروا يصفقون لها يشجعونه هي ابتسمت لهم وفواز لاشعوري لف وناظرهم .. وشوي شوي وصلوا قرب نايف وباسها وشوي سلمت على ابوها وعمها ومشت مع فواز .. وصارت نجود بينهم .. وبدت المصوره تاخذ لهم كم صووره وبعدها طلعوا مابقى الا فواز .. وبس شوي وطلعت ام فواز وام نجود وطلعت غزل ومنار وسلموا عليها وصاروا يرقصون قدام اخوهم .. فواز صار يبتسم لهم .. ويناظرهم .."
فواز لنجود : الف مبروك عليك انا
نجود ابتسمت وماردت
فواز فهم انها ماراح ترد عليه
غزل وقفت جنب اخوها : ياملحك يازينك فديتك والله طالع على زوجتك تخقق
" نجود استغربت غزل تمدحها "
فواز ابتسم لها : عيونك الحلوه والله
منار شوي وجات : واااه ماصدق عندي اخو يخقق مثلك ياناااسي انا
نجود ضحكت بهدوء شعندهم يتغزلون بأخوهم
فواز انتبه لها ولف عليها وطاحت عينها بعينه وبعدت عينها على طول
غزل تضحك : اخس يالحيا يلايلا بنصور معكم
" عند البنات "
جنى: خلااااص ابي اعرسس
"البنات ضحكوا "
اديم : وطي صوتك
جنى: روحي زين الكل يبي يعرس مو بس انا
اديم ضحكت
وصايف: تهقون انه يحبها من اول
سهر: انا احس شوفوا شلون يناظرها
جنى: ما الومه انا اول مره احب نجود
بسمه تناظرها
جنى تضحك : بعد اذنك يعني
بسمه ابتسمت لانها تعرف اختها
وصايف: كيووووت ابي اعرس وااااه
اديم : الله يفشلكم بتفشلونا
سهر تضحك : من جد بنات تحمست انا من سمعت القصيده وانا خاقه تهقون بيجيني واحد يشعر علي
وصايف: ماظنيته
سهر: لاااه الله لايقول
" البنات ضحكوا عليها "
" شوي وقعدوا يصورون وبعدها بفتره طلع فواز وترك المجال للحريم يسلمون عليها وبعد ربع ساعه لحقته "
.
.
.
" عبيـــر "
" عبير كانت العكس بتدخل هي بلاول بعدها بيدخلون اخوانها وزوجها.. البنات وقفوا مع عبير يمشون معها ..عبير كانت ايه من الجمال والدلال .. عبير كانت تمشي وتقطر نعومه وبراءه .. عبير كانت نفسيتها احسن من نجوود .. طرحه عبير كانت تختلف كلي عن نجود .. طرحة عبير كلانت ملامسه الارض بدون زيل .. بس من فووق في لها شال لعند تحت ظهرها بشوي.. كانت بسيطه وناعمه .. عبير كانت تختلف عن نجود بأشياء كثيره بضحكتها وبرائتها ونفسها الحلوه .. الكل يحبها بالعايله .. طول ماهي تنزف البنات يهبلون فيها عشان تضحك .. عبير اليوم نست ابوها لفتره ماعرف كم بتطول .. ياسر طول الوقت كان عندها ويحذرها من انها تبكي قدام الناس .. والبنات صاروا معها فماكان للدموع مجال .. "
" بس وصلت على الكوشه وصلهم الخبر ان العريس بيدخل ومعه عيال .. البنات نزلوا ولبسوا عباياتهم من جديد.."
" وصل فيصل مع ابوه وياسر وبدر ووليد ومشاري.."
" البنات بنظرهم كانوا دخلت العيال هذي احلى من دخله اهل نجود .. عشان عيال اكثر فقط *_^ "
" بدر من دخل ماهو قادر يمسك نفسه بلابتسامه.. بدر حذره ياسر لايرقص بس صار يأشر بالبشت كالعاده لان الطقاقه دزها كان خطير وبدر مايمسك نفسه .. وليد كان كيوووت .. ياسر قدام فا مايشوفه وش يسووي .. وصلوا العيال باسوا اختهم وفيصل كمان باس زوجته .."
فيصل بس شافها حس انه يطير مو يمشي .. ماصدق انه اخيرا اخذها وهي الحين بيده .. عبير وفيصل قعدوا يناظروا بعضهم نظرات تبين مدا الحب والشوق اللي بينهم .. عبير ماقدرت تقاوم نظرات فيصل لها "
بدر : فيصل قول لهم ياخي نقعد شوي يقولون لنا اطلعوا
فيصل يضحك : لا لازم تطلع عشان بنصور الحين انا وزوجتي
بدر يناظره بنظره : بتشبع منها ترى خلنا شوي حنا نشبع تكفى تراها تهز رجال
فيصل يضحك ويناظر عبير: نخليهم
عبير تهز راسها
فيصل : اه قلبي نخليهم " وصار ينادي على امه وقال لها "
" شوي وطلع بو فيصل وياسر وبقى مشاري و بدر وطلال .. شوي ونادوا على العشا .. شوي وبدت الناس تقوم ... بس بقوا ناس ماقاموا والعايله ماقامت .. بقت طاوله البنات كلهم ..طلعت جنى ووصايف على المسرح ...بدر وقف جنب فيصل .. وامه ووليد جنبه .. "
"بس وصلت وصايف وجنى وباسوا عبير وفيصل ومشاري انصدم يوم طلعوا "
مشاري قرب من وصايف : وش عندكم طالعين
وصايف: عادي مافيها شي امي قالت لنا نطلع نسلم
مشاري سكت مايبي يحكي : طيب سلمتم يلا انزلوا
وصايف يالله
" بدر اول ماشاف وصايف .. عرف انها هاذيك البرونزيه اللي بالملكه .. ابتسم لاشعوري وحس قلبه يرقص انه عرفها .. جنىى طول الوقت واقفه قدامهم وتسولف "
" شوي ونزلوا وصايف وجنى ورقصوا اليعال على اغنيه رابح وبعدها طلعوا وشوي لحقتهم عبير وزوجها "
" على هذي الاجواء انتهى الزواج وادمت افراحكم عامره *_^ "
.
.
.
" بعــد ســـاعه "
" وفي احدى فنادق الخبر .. وفي السويت اللي اختاره فواز له ولنجود ولهذي الليله اللي بالنسبه لهم ليلة العمر "
" نجود من طلعت مع زوجها مسكتهم المصوره وصارت تصورهم.. نجود كانت منصاعه لكل اوامرها لانها تحب تصور والتصوير اصلا وتبي صورها تطلع حلوه .. خصوصا وهي واقفه مع اطخمها .. وبس قالوا بيروحون الفندق البنت بدلت تنقلب .. قالت ماتروح لحالها مع زوجها لازم اخوها يوصلهم وامها بعد .. الام رفضت لان الزواج مابعد بخلص فتكفل نايف بأنه يوصلها .. طيب وصلها وكانت البنت محافظه على هدوئها حتى وصلوا للغرفه المحجوزه وبس دخلوا .. اقعدت نجود وفواز انشغل بانه يدخل الشنطه .. نجود طول الوقت قلبها يرقع وتنتفض ومشبكه يدها وتقلب في اصابيعها .. كان نفسها تبكي هذي اللحظه .. وبس خلص فواز كل هذي الاشياء اللي تعمد انه يطول من كثر ماهو مرتبك .. حتى نجود من الخوف ماهتمت للغرفه اللي كانت مزينه بالورود الحمرا... وبس خلص فواز جا وجلس جنبها بعد ماخلع البشت " المشلح " "
نجود نقزت لاتلقائي
فواز : احم كيف الزواج
نجود وهي منزله راسها : تمام
فواز : همم كل شي بيرفكت
نجود ابتسمت : اها
فواز يفكر بشي يقوله وحك راسه : كيف كانت الزفه
هنا نجود رفعت عيونها له وهو ذاب بعدها
نجود : عجبتني مررره ثنكيو فواز
فواز ابتسم وكان يشوفها دانه وقرب لاتلقائي : الععفوو حبيبي كله يهون لعيونك
نجود استوعبت وبعدت عنه
فواز استغرب :!!!!!!!
نجود :.....
فواز :.......
" لحظه صمت "
فواز : تعشيتي
نجود تكذب: ايه الحمدالله
فواز: الحمدالله
" رجعوا سكتوا "
فواز حك راسه : ماودك تنامين بعد الليله المتعبه
" فواز قالها بحسن نيه "
" نجود فجأه تذكرت كلمته يوم قال لها انها من النوع الخفيف "
نجود وقفت بقوه وعيونها بدت تغرغر وبجنون: من قال اني بنام وانت معي هاه .. وش قالولك من يوم وليله بنام مع واحد غريب .. لاتفكر اني ساكته عنك طول الفتره هذي معناتها اني ناسيه الكلام اللي قلته لي واللي جرحتني فيه .. اليوم اان اقدر ارد لك الصاع صاعين.. اطلع برا مابي اشوفك اطلع برا اطلع
فواز :................................................. .................................................. .................................

الجزء الثالث عشر
الفصل الاول


لوٍ تّظن الصْمتُ | قاسي |
إعْرٍفً إنْ البُوح أقسّى
لنْ مثّليٍ لًوٍ يمُوتْ ~ بحّسْرتًه ~
[ لآ ]
~ مآ يبوح ~
لوْ يّصير البُعد ( بًحْركّ ) والجًرحْ ليّ فٍيهْ مًرسَى
مُستّحًيل بٍكلمًه ( لُوعًه ) أطيبْ هًالجُروُحْ !

" بعــد ســـاعه "


" وفي احدى فنادق الخبر المجاوره .. وفي السويت اللي اختاره فواز له ولنجود ولهذي الليله اللي بالنسبه لهم ليلة العمر "

" نجود من طلعت مع زوجها مسكتهم المصوره وصارت تصورهم.. نجود كانت منصاعه لكل اوامرها لانها تحب تصور والتصوير اصلا وتبي صورها تطلع حلوه .. خصوصا وهي واقفه مع اطخمها .. وبس قالوا بيروحون الفندق البنت بدلت تنقلب .. قالت ماتروح لحالها مع زوجها لازم اخوها يوصلهم وامها بعد .. الام رفضت لان الزواج مابعد بخلص فتكفل نايف بأنه يوصلها .. طيب وصلها وكانت البنت محافظه على هدوئها حتى وصلوا للغرفه المحجوزه وبس دخلوا .. اقعدت نجود وفواز انشغل بانه يدخل الشنطه .. نجود طول الوقت قلبها يرقع وتنتفض ومشبكه يدها وتقلب في اصابيعها .. كان نفسها تبكي هذي اللحظه .. وبس خلص فواز كل هذي الاشياء اللي تعمد انه يطول من كثر ماهو مرتبك .. حتى نجود من الخوف ماهتمت للغرفه اللي كانت مزينه بالورود الحمرا... وبس خلص فواز جا وجلس جنبها بعد ماخلع البشت " المشلح " "

نجود نقزت لاتلقائي
فواز : احم كيف الزواج
نجود وهي منزله راسها : تمام
فواز : همم كل شي بيرفكت
نجود ابتسمت : اها
فواز يفكر بشي يقوله وحك راسه : كيف كانت الزفه
هنا نجود رفعت عيونها له وهو ذاب بعدها
نجود : عجبتني مررره ثنكيو فواز
فواز ابتسم وكان يشوفها دانه وقرب لاتلقائي : الععفوو حبيبي كله يهون لعيونك
نجود استوعبت وبعدت عنه
فواز استغرب :!!!!!!!
نجود :.....
فواز :.......

" لحظه صمت "

فواز : تعشيتي
نجود تكذب: ايه الحمدالله
فواز: الحمدالله

" رجعوا سكتوا "

فواز حك راسه : ماودك تنامين بعد الليله المتعبه

" فواز قالها بحسن نيه "

" نجود فجأه تذكرت كلمته يوم قال لها انها من النوع الخفيف "

نجود وقفت بقوه وعيونها بدت تغرغر : من قال اني بنام وانت معي هاه .. وش قالولك من يوم وليله بنام مع واحد غريب .. لاتفكر اني ساكته عنك طول الفتره هذي معناتها اني ناسيه الكلام اللي قلته لي واللي جرحتني فيه .. اليوم اان اقدر ارد لك الصاع صاعين.. اطلع برا مابي اشوفك اطلع برا اطلع

فواز :................

"فواز وقف بقوه .. وش صار .. وش قلت انا .. مين هذي اللي اشوفها .. فواز بليلة زواجه شاف الوجه الحقيقي لنجود مثل ماعرفها ... هو صحيح مو شي جديد عليه بس هو فكر انها تغيرت .. نسيت كل شي ... كل شي تغير وانمسح ... طول الفتره اللي عاشها نسته اشياء كثيره .. ماتوقع بيوم ان نجود ترجع مثل ماكانت بلاول .. واليوم تفاجئه بكلامها ... ولاااه تطرده في الليله اللي يسمع انهم يقولون انها ليلة العمر ... فواز ماعرف ايش يقول ولا ايش يرد .. "

فواز وكنه حد صب عليه مويه : نعــم ..!!

نجود طاحت على السرير وهي ترتجف ونزلت راسها وتصارخ : قلت لك اطلع برا .. يا انا يا انت بالغرفه

" فواز دار مخه ليه تطرده.. معقوله على قولتها تبي تاخذ حقها مني "

فواز وببرود : ليــه ..!

نجود نرفزها رده : وشو ليه وشو ليه مابيك ماني طايقتك تسمع

فواز حس انه وشوي يثور عليها بس حاول يطول باله عليها وبقله صبر قال : ليـه ..؟

نجود : ماحبك مابيك مابيك تسمع انت اصلا ماتستاهلني

فواز هنا ثااار وحس انه عادي يحرق الفندق او الغرفه اللي هي فيه : اذا كان على حب انتي عارفه مافي أي حب متبادل بينا ولا في امل نحب بعض " وبدا يعلي صوته " بس على انك ماتبيني اظن تكلمنا عن هذا الموضوع وعطيتك حريه الاختيار وانتي اخترتي ان حنا نكمل وجايتني اليوم تقولين مابيك

نجود وقفت من جديد وعيونها تطلع نار : والله لساني ماقال انه يبيك .. مشكلتك اذا انت تفهم غلط .. انت عطيتني فرصه افكر واليوم هذا هو جوابي

"فواز انصدم من كلامه وحس انه لو قعد لحظه عادي يطلقها او يذبحها بالقليل اخذها ورماها على السرير واخذ غترته وطلع وهو ياخذ انفاسه "

" نجود حست كنه شي طاح من ظهرها .. انسدحت على ظهرها بكل قوه ..وصارت تبكي ..بحرقه .. وش اللي سوته وش اللي سوته "

"فواز .. جلس حول خمس دقايق على الكرسي اللي قدام الغرفه ياخذ انفاسه ويفكر وش بيسوي اليوم .. جود غرته بالقناع اللي لبسته هالفتره .. ماتوقع ابد انها تسويها وبليله زواجهم .. خبره البنت تضعف بهاليوم .. وهذي طلعت له مثل الوحش .. حس انها مو نجود .. معقوله في وحده عاقل تسوي اللي هي سوته .. فواز حس انه انجرح .. كم ليله قعد يحتري هالليله وهي احرقت ليلته بتصرفاته البزرنجيه والجنونيه ... ضبط نفسه وحاول يتماسك ونزل تحت وطلب غرفه .. مالقى قريب منها لانه الدور اللي هم فيه كله سويتات وكلها محجوزه سلم امره واخذ له بدور ثاني .. راح ودخل فيها وانسدح بكل قوه وشال الغتره بكل قوته ورماها على الارض "

فواز يتلافت " وين الشنطه "

.
.
.

" من الجهة الثانيه "

" عبير اول مادخلت الغرفه انهبلت على شكلها .. ماتخيلت ان عندها زوج رومنسي قد كذا .. تشوف مثل اللي تشوفه في الافلام .. تحس انه ماعندنا واحد بالسعوديه كذا لووول .. بس لقته بفيصل *_^ .. فيصل كان عارف انها بتعجبها "

فيصل يسكر الباب: وهذا حنا الحين لحالنا
عبير ابتسمت ودخلت داخل : فيصل وش هذا كله
فيصل وقف وراها ويناظر وحط يده على كتوفها : عجبك...!!
عبير لفت عليه وبعيون تلمع : أي مرررره بس
فيصل يسكر فمها بصبعه : لابس ولاشي كم عبير انا عندي "وقرص خشمها وسحيه من يدها لداخل"

" وكملت عبيير لفتها مع فيصل بالسويت "

عبير: اول مره اسكن فندق بالخبر
فيصل يبتسم : ياحليلك يعني انا اللي كل ماخذت سكنت
عبير تضحك : والله ماكنت ادري ان عندنا فنادق حلوه
فيصل يغمز لها : قصدك زوجك ذويق.؟
عبير تضحك بنعومه وكملت طريقها
فيصل يتنهد : واه ياقلبي

" عبير سمعته وصارت تضحك وقلبها يرقع .. راحت وشالت عبايتها وبدت تطلع ملابسها لانها ناويه تاخذ دش عن تعب اليوم "

فيصل يناظرها : بتتحممين
عبير وهي تطلع ملابسها : أي احس اليوم تعب وابي اشيل القرف اللي على وجهي
فيصل يضحك ويجننها : الحين هذا قرف تحممس بس خليه ماني ناقص اشوف الوجه الثاني تو اليل باوله
عبير ضحكت وخزته بعيونه : فيصــل ...!! طاااايب
فيصل يضحك
عبير متوجهه للحمام : انا اوريك ......." وسكتت " من زينك " ودخلت "

"فيصل قعد يضحك عليها"

فيصل تكى و كله راحه مع انه اليوم هذا وقفته من الصباح الا انه يحس توه يرتاح " يالله ياعبير مابغيت اخذك .. يازينها وزين روحها على الواحد .. ربي لايحرمني منها .. "

.
.
.

" من الجهة الثانيه "

" نجود من طلع فواز وهي مو عارفه وش تسوي .. بعد ماطاح اللي براسها دخلت الحمام وانتم بكرامه .. تبي تاخذ لها دش يريحها عن الهم اللي فيها .. وبنفس الوقت تحس انها نعسانه ... ومالها مزاج .. ماهي عارفه اخرت سواياها .. يوم طلع فواز بدت تحاسب على نفسها وعلى كلامها .. اتعبها التفكير بهذا الموضوع .. وكرهت كل شي .. وبعدها طلعت وولبست وقعدت .. ماهي عارفه شتسوي .. خايفه تنام لحالها بهالفندق .. كرهت الساعه لحظتها .. "

" شوي وينفتح باب الغرفه اخترعت.. ووقفت وشوي تبين لها ان فواز اللي داخل.. انصدمت معقوله رجع.."

نجود تناظره بنظرات
وهو فهم ورد عليها : جاي اخذ شنطتي

" اخذها وطلع ..وهي قعدت لحالها وشوي انسدحت وماسكرت الانوار من الخوف .. من التعب نامت ولاحست بالدنيا "
.
.
.
.

"عند عبير وفيصل "

فيصل : ليه كذا طولتي ..؟
عبير تناظره بأستغراب
فيصل يتميلح : وحشتيني
عبير ضحكت وهزت راسها وراحت عند الكمدينو تكد شعرها " تمشط شعرها " : اركد بس
فيصل قام لها ووقف وراها : والله وحشتيني
عبير ترفع عينها له: عيااااار
فيصل وواقف وراها ويمسك خدودها ويلعب فيها بقصد يطفشها : والله والله
عبير ابعدت بأنها وقفت وهي تضحك وبصوت واطي مبحوح : خلااص صدقت
فيصل : أي لمن يقول فيصل شي يعني خلااص
عبير تبتسم وتطلع سنونها : ممكن اكد شعري
فيصل بنظره : كديييييييييه

"عبير استحت وقعدت من جديد تكد شعرها وفيصل قعد مقابلها على الكمدينو بخفه يناظرها .. هي بس حست انه يناظرها نزلت راسها وصارت تمشط شعرها ... ماتبي عينها تطيح بعينه ..."

فيصل بعد سكوت : عبير
عبير من دون ماتطالعه : هممم
فيصل : تدرين انتي وش سويتي فيني

"عبير حست الحراره بتطلع من خدودها من الخجل وبهذا الوقت خلصت شعرها .. وقامت بسرعه "

فيصل يمسكها من يدها عبير نزلت راسها : وين رايحه انا اكلمك
عبير لسا منزله راسها وبصوت واطي : طيب
فيصل : ماجاوبتيني تدرين ولا ..!
عبير كانت تحس انها بتولع من الخجل وبخفه تسحب يدها : فيصل انا نعسانه وابي انام
فيصل يرفع راسها بطرف اصبعه : يعني ماتبين اقولك
عبير هزت راسها بمعنى لا

فيصل ابتسم : أي حبيبتي مو بكيفك الا بقوول
عبير تبعده عنها بخفه : فيصل
فيصل يضحك وبتسبيل : عيووووونه

عبير " لاحوول ذا رايح فيها " ومشت عنه متوجهه للسرير

فيصل يجننها : يووه لهذي الدرجه مستعجله على النوم
عبير لفت عليه وخزته
فيصل يضحك : طيب انا راعي سهر مافيني نوم
عبير حست انها بدت ترتجف : اسهر لحالك انا تعبانه من الصباح واانا صاحيه واحس رجولي بتتكسر وبكرا ورانا قعده من الصباح

"فيصل ضحك عليها .. وبعدها راح ينام لانهم بكرا وراهم قعده وسفر حوسه "

.
.
.

" صبـــاح يوم ثاني "

" صحت منار من بدري حست انها شبعانه مع انها نامت متأخر بس قامت وراسها مصدع .. نزلت تحت وقعدت تفطر واخذت لها حبه مهدي او مسكن .. "

منار شافت خالتها : صباااح الخير
ام مساعد: صباح النور منار وش عندك صاحيه من بدري
منار تبتسم لخالتها : والله راسي مصدع بالموت نمت واليوم صحيت بدري ماحس اني اقدر انام
ام مساعد: اخذتي لك بندول او سابوفين
منار تبتسم : أي والحين بصير اوكي استريحي
ام مساعد تقعد على طاوله الفطور : اجل امك ماصحت
منار تشرب الكوفي : اانا من قمت ماشفت ولا احد
ام مساعد: اهاا
منار: خالتي متى بترجعون الرياض
ام مساعد : الساعه 4 ان شاء الله بنطلع
منار: يووه ماشبعنا منكم
ام مساعد : بعد تعرفين مانقدر ورانا مدارس
منار: أي مدارس الله يهديك ماعندك الا لميس ولميس تغيب كم يوم
ام مساعد تضحك : لا ياحلوه ناقصين حرمان
ام مساعد : منوور ماقلت لك
منار تبتسم : وشو
ام مساعد : نجوى حامل
منار تشهق : احلللللللللفي
ام مساعد تضحك : قالولك بزر معك
منار تضحك : امااااا ياناااااسي وانا اقول ليه وجهها شحبان
ام مساعد : اووه عاد بدينا
منار تضحك : لالا امزح بس من جد ياحبيلها اختيييي ليه ماقالت لنا
ام مساعد تضحك : الله يهديك توها محلله واكيد نست تقول لكم مع المراكض للعرس
منار تضحك : حركااات ياحبيلها الله يسهل عليها عاد هي شين حملها
ام مساعد تبتسم : هههههههه مسكينه تتعب
منار: البنات يدروون
ام مساعد : مابعد نقول لهم
منار: بقوم اصحيهم
ام مساعد تضحك

" منار طلعت تركض وتشوف الساعه كم اذا كفايه عليهم"

" stoooooooooooop “

اخذت منار بريييييك قوي كاد انه يطيحها على ورا وشهقت ويدها على فمها : مازن
مازن وقف وشاق الضحكه : صباح الخير

"منار طارت من جنبه فخاطرها شعنده يصبح الاخ .. منار بنظرها من عرفت انه يحبها مافي ميانه بعد اليوم "

" مازن يضرب بلارض .. لااااه ارجعي اف الواحد مايقدر يشبع منها ذا الحمار مسويه انها تتغلى هييين "

ام مساعد سمعت الحوار وتضحك .. مازن بس شاف امها وهي تناظره عرف انها درت

مازن يتدارك الوضع : مخرروشه هالبنت قاعده لي تفحط من صباح الله خير
ام مساعد تضحك وصل لعندها وباس راسها ويدها
مازن: صباح الخير
ام مساعد: صباح النور والسرور
مازن : افطرتي
ام مساعد : أي الحمدالله
مازن : اقعدي اجل معي

" مازن لاحظ مكان منار لان مافي غير مكانين وتعمد يقعد محلها "

مازن عشان لاتنتبه امه : بقعد جنبك
ام مساعد مانتبهت وابتسمت له : حياك
مازن : اجل تررقصتوا امس
ام مساعد : أي البنات طاح حيلهم
مازن يضحك : مربوشات
ام مساعد : لاوالله فرحانين لهم والله
مازن يضحك : فاهم بس مشكلتهم مايعرفون يعبرون

"ام مساعد ضحكت.. شوي ويدق تليفون ام مساعد.. كان بو مساعد داق عليها يبي يعرف متى بيرجعون ... "

.
.
.

" الساعه 11:00"
" عنــد نجـــود "

" قامت نجود على صوت نغمه جوالها .. كان نايف اخوها داق عليها .."

نجود بصوت كله نووم : الوو
نايف : صباحيه مباركه " ويشهق " ناااايمه
نجود تبتسم : ثنكيوو أي
نايف: وفواز نايم
نجود توهقت وخافت يطلبه وهي اصلا ماتدري هو صاحي ولانايم وخافت انه يتصل على فواز : لا فواز صحى قبلي بس الظاهر ياخذ دش
نايف ابتسم : اهااا خلاص يلا قومي الناس تنتظرك هنا
نجود : طايب طايب

" وسكرت "

نجود : افففففف الواحد مايشبع نوم
" وقامت وتروشت وطلعت وبدت تسشور شعرها .... ماكان لها خلق كوافيره اليوم حق صباحيتها فقالت تكتفي بانها تضبط نفسها.. وهي ميب هينه *_^ .. وصارت تسشور شعرها .. وبس خلصت سوت فيه تسريحه ناعمه تلوق بالفستان اللي بتلبسه اليوم .. وبعدها على طول بدت تحط الميك اب وتوها بتبدي بالفونديشن الا وصوت المسج يوقفها "

" فتحته ولقته من فواز "

" قدامك خمس دقايق .. اذا مانزلتي كلمي حد يجيبك "

" نجود فتحت عيونها .. سلامااات يهدد الاخ .. اصلا مايقدر "

" هذا الكلام اللي قالته وبعدها طنشت وبدت تحط الميك اب وبكل تفنن بعد .. عشان اذا بيده حيله يسويها عشان تقوم عليه اهلها .."

"وبعدها قامت ولبست الفستان والصندل وطقمها اللي جابه لها فواز في فتره الخطوبه .. كان يلوق مع الفستان قالت بتلبسه بس ماراح تخليه يشوفه .. غرورها مايسمح لها "

" ناظرت نفسها بالمرايه ورضت بشكلها الخارجي .. شوي رفعت الجوال وكتبت .."

" انا توني صاحيه كيف يمديني البس"

رد عليها بنفاذ صبر

" حاولي تخلصين خلال خمس دقايق "

نجود ابتسمت بغرور

" وصارت تضبط اغراضها بالشنطه وتحط اللمسات الاخيره وبعدها كلمت على احد العاملين عشان ياخذ اغراضها "

" وبعدها نزلت وبكامل شموخها وعناد لفواز ماحطت الغطا على وجهها لبست النظاره واكتفت .. وبعدها كملت مشيها حتى انتبهت له وهو اللي كان منتبه لها من فتح باب الاسنسير وبس شافته خلت حق الشنط يمشي وراها وهي قدامه وشنطتها ماسكتها بيد وعبايتها بيد "

" فواز بس شافها جن جنونه وعرف ان السالفه عناد فقال بيخليها جت على الغطا هي .. بس اكتفى انه يوم شافها شوي وتكون قريبه اشر لها وسبقها .. وهذي الحركه اللي تكرها نجود اذا شافت رجال يعامل زوجته كذا .. انقهرت منها حيل ولكن كملت طريقها وكانت السياره موقفه عند باب الاوتيل.. ركبت السياره وسكر العامل الباب وراها وهو يناظرها على الغرور اللي فيها بس قرر يسكت .. بس سكوووته لمتى بيطوووووووووول "

" طول ماهم بالسياره محد كلم الثاني نزلها بيتهم وراح عند الرجال هو "
.
.
.


ياصباح الخير ياعطر ٍ مـلا صبحـي عبيـره
عطر الله هالصباح اللي مـلا الدنيـا شـروق

" على هذي النغمات صحى فيصل زوجته .. طول عمره ينتظر هذي اللحظات والحين يوم جات بيده .. مستحيل يفرط فيها .. جود حست فيه وبدت تحك خشمه لانه قاعد يقرصها من خشمها "

عبير تفتح عين وعين : همممم
فيصل: همممم يلا بس قووومي حبيبي .. الناس تغدوا وانتي لسا نايمه
عبير قامت وتصلح شعرها: الساعه كم ..؟؟
فييصل: الساعه 11 ونص ..

عبير شهقت وقامت

فيصل يطقها من ظهرها : قومي لابارك الله فيك ماخليتيني انامك حشا كني نايم في حلبه مو بسرير

عبير ضحكت وماردت عليها لانها من النوع الدفوشي وقت النوم

فيصل ضحك عليها

" عبير .. نفس الحاله دخلت تتروش وبعدها بتبدا تجهز نفسهاا مثل نجود .. فيصل دخلت عبير من هنا ولبس ثوبه وشماغه من هنا وقعد يرتب اغراضهم على ماتطلع عبير عشان يمديهم لوقت ... "

" وبعد فتره طلعت عبير وفيصل كان توه بيطلع "

فيصل بأبتسامه : اسمعي حبيبي جهزي نفسك على ما اخلص اجراءات الغرفه اوكي وو الفطور جاهز على الطاوله

"عبير هزت راسها بأبتسامه رضا "

" بدت عبير تلبس وتضبط نفسها وتجهز "

.
.
.

" في بيت بو فواز "

" كان غدا المعاريس هناك... الكل تجمع هناك كالعاده والحريم بدوا يجون والبنات قرروا مايجون مالهم خلق حريم حتى غزل ومنار ولميس راحوا بيت بومحمد "

" اول مادخلت نجود البيت بدوا الحريم يزغرطون عليها ابتسمت لهم وبدت تسلم على الموجودين وبعد ماخلصت قامت تتلافت وين البنات وتوقعتهم فوق ولا بأحد المجالس ... ولكنها طلعت واسألت عنهم قالوها لها ان كل البنات بيت بومحمد ونزلت وهي تبي تتصل ... الا بدخله عبير بوجهها "

نجود ابتسمت لها : صباحيه مباركه
عبير ابتسمت لها ابتسامه اكبر: علينا وعليك
نجود ضحكت وسلموا على بعض
عبير: شخبااارك
نجود: الحمدالله انتي شخبارك
عبير: والله ماشي الحال في حريم
نجود: أي
عبير تلوي شفايفها: يعني لازم نسلم
نجود تضحك : شرايك
عبير: سلمتي انتي ؟
نجود: ايه بس طلعت ادور البنات
عبير: ووووين توني اتصلت على سهر وقالت لي انهم هناك مايبون يجون هنا مالهم خلق
نجود تشهق : افا تو ماصار لنا يوم وبدوا يجحدونا
عبير تضحك : شفتي شلوون المهم خليني اسلم بتخلين
نجود تتنهد : يلا بعد وش اقعد اسوي

" ومشوا مع بعض "

.
.
.


" في بيت بومحمد "

سهر: بسووم عن السخافه
بسمه : سهر ترى مالي خلق والله
سهر: وش عليك منهم انتي جايه لي ولا لهم
بسمه : لاتنسين انهم بيكونون موجودات ومالي مزاج بالمره
سهر بنبره : بسمه
بسمه: سوري سهر
سهر: ترى بزعل
بسمه : سهر لاتضغطين علي تعرفيني اني ماحتك فيهم كثير ولا بعد التش مافي امل اصير امون بعد
سهر: ترى صاروا نسايبك
بسمه : على عيني بس ماقدر واصلا بنات خالتي قالوا راح يجون عندي
سهر زعلت : بسمه من جدك
بسمه : أي والله قالوا بيجون وقلت لهم حياكم
سهر: طيب خلاص براحتك باي
بسمه : باي

" وسكروا "

" بيوم الزواج صار تش بين غزل وبسمه .. بس غزل في لحظه انفعال وبسمه من النوع الحساس وكل شي يأثر فيها .. وهي اصلا ماتمون عليهم مرره فقررت تكلم بنات خالتها ويجوون .. اللي ماتعرفونه صحيح انهم بنات عم مع بعض بس في منهم تحيز حق بنات خالتهم .."

غزل: سهر وين باقي البنات
سهر تبتسم : وين خلصوا بعد هذي اديم وجنى وهذا انتم وعبير ونجود اعرسوا خلاص
غزل تضحك : ما امدا ماقلينا
سهر: من جد
جنى: الحين انتي مو اكبر منهم ليه اعرسوا قبلك
اديم خزتها وسهر ضحكت ولا اهتمت
سهر: مابي اعرس الحين اصلا
جنى تضحك : وليه ان شاء الله عاجبتك حياة العزوبيه
سهر بدلع تهز راسها بمعنى اي: اهااا
جنى : غريبه بس مالومك وحدك بين عيال تتدلعين عليهم ويسون لك اللي تبين
سهر تضحك: ماشاء الله يعني انتي اللي ماتدلعين
جنى: وييه ياحسره
اديم : ماعليك منها اكثر وحده تتدلع
جنى تناظرها : احم احم اخر العنقود سكر معقود
البنات ضحكوا الحين
غزل: توك ماتدلعين
جنى: أي بس دلع عن دلع يفرق
سهر: الله واكبر عليك

" البنات ضحكوا"

.
.
.

" هذي الاجواء اللي كانت حاليا.. البنات نقلوا لهم غدا وبسمه قعدت مع بنات خالتها ريم وساره ... والباقي ببيت بو محمد .. والحريم كانوا مبسوطين سوالف وماني عارف ... وجا الوقت اللي بيمشون فيه مساعد واخوانه .. لميس ماكانت تبي تروح عندت في البدايه بعدين قالوا لها ان ابوها معصب وقامت وهي زعلانه ماتبي تروح للنكد هناك .. ونجود وعبير راحوا بيت بومحمد عشان يقعدون مع البنات .. وقعدوا معاهم حول ساعه الاربع "

" تررررن ترررررن "

جنى تصفق على النغمه : حبيبي يتصل بك

البنات ضحكوا

نجود بداخلها يخسي الا هو وابتسمت مجامله وقامت

سهر تصفر: اووه وصرنا نقوم

غزل تضحك : هههههههههه حدكم عن مرت اخووي
سهر بنظره وبصوت واطي : سبحان الله
غزل استوعبت وضحكت : لاحظتي هههههههههه
سهر: سبحان الله يغير ولايتغير
غزل تأشر لها يعني اسكتي

.

نجود بصوت واطي : الووو
فواز : يلا انا على الباب انتظرك
نجود عقدت حواجبها : ليه
فواز ماهو قادر يسمع صوتها حتى وبصوت مشمئز : ورانا رحله ولازم ترتبين اغراضك
نجود تتكي : هو حنا بنسافر اصلا
فواز بقلة صبر: شفتي الحظ ايه
نجود: وين بنروح
فواز متنرفز منها حده : مو وقته الحيين
نجود علت صوتها شوي: أي عشان اعرف وش اخذ معي
فواز رفع صوته اكثر: انتي اطلعي وبتعرفين " وسكر "
نجود تناظر الجوال " ومسوي لي فيها بعد شهر عسل .."

" وراحت للبنات"

نجود تلبس عبايتها : يلا بنات عن اذنكم
البنات: وييين وييين
نجود تبتسم بمجامله : يقول فواز لازم اطلع عشان ارتب اغراضي
سهر: اهاا بتسافرررين ياحبيييلك
نجود ابتسمت
جنى: عاد ماقلتي وين
اديم تخزها: وش عندك انتي صايره مثل الحريم
جنى: تكفين وش فيها عادي ترى يسألون
اديم ماتعجبها تصرفات جنى
نجود ابتسمت : على قولته سبرايز
سهر تضحك: اووه فيها سبرااايز دام كذا اوكيه
غزل: اعلمك اخووي بس واانا اعرفه

نجود تضحك : طيب يلا خل اسلم عليكم مدري اذا بشوفكم قبل لامشي ولالا

" وصاروا يسلمون على بعض .. سهر حز في خاطرها ان نجود بتروح عنهم.. وبيفقدونها بجمعاتهم مع انهم يتضايقون منها الا انهم تعودوا عليها.. نجود ضمتها بالقوووه.."

نجود: بس سهر ترى لحالي ماني قادره اتحمل
سهر تبتسم : انسي روحي وانبسطي ووسعي صدرك

" وسلمت على الباقي وطلعت "

جنى بغباء: شلون بتروح ووراها جامعه
منار: بكل بساطه سوت وقف قيد .
جنى: اهااا حظهااااااا صدق لاقالوا الحظ ل
اديم تخزها : جنى

جنى ضحكت وغطت وجهها

سهر تناظرها : يالله منك جنيييه ماتخافين

جنى ضحكت

.
.
.

" في سياره فواز"

نجود بقواه عين : وين بنروح
فواز بأنفعال : وليه مهتمه لو نروح جهنم وش بيفرق عندك انتي
نجود اخترعت وردت بسرعه : عشان اعرف وش احط لي
فواز: ليه هو لكل مكان لبس " وباستهزاء " يعني لو رحنا جزر المالديف بتجيبين شورت ولا مايوه..!!
نجود انقهرت منه : تتريق حظرتك وش شايفني ماستحي

فواز مارد عليها

فواز " لا من يقول انك ماتستحين دامك طارده زوجك بيوم زواجكم اكيد انك تستحين "

" نجود صلحت جلستها وقعدت تتحرطم بقهر وهو منتبه لها ومطنشها "

" وصل فواز نجود بيتها وقال انه بيرجع لها .. نجود نزلت وشافت اختها ومعها بنات خالتها سلموا عليها وباركوا لها وبعدها راحت تحط اغراضها وترتبها لان الساعه الحين قريب السته وهم على الساعه تسعه مسافرين وين ماتدري....!!!!! نجود اصلا وهي تشتري اغراضها اشترت لها حجابات لانها تعرف طبع فواز ... مع ان شكلها ناويه ماتلبسه اول ماتروح تبي تقيس نبضه ... ومن بدت تحط الاغراض اللي تحتاجها امداها تجس الساعه 8 وربع .. نزلت نجود وكانت امها واخوانها موجودات .. اول ماشافتهم قعدت تبكي .. توها تحس انها بتفارقهم من جد .. سلموا عليها وهدوها وواسوها لانها ميب رايحه بعيد عنهم ... شوي ويدق فواز ويامرها تطلع نزل فواز سلم على عمته ونايف وبعدها طلعت نجود وكانت تبكي .. كان وقتها سياره جايه تاخذهم للمطار مو بسياره فواز وهذا اللي صار حتى وصلوا المطار .."

.
.
.

" في بيت بوياسر "

ياسر: فيصل ماوصيك عليها
فيصل يبتسم : افااا توصيني انا عليها وصوها هي علي ..
عبير تضحك وتناظره يعني شلون تجي
فيصل: خبركم بنتكم مره دلوعه وانا مافيني حيله دلع
عبير وياسر ضحكوا
بدر: أي حبيبي اجل شلوون خلها تتدلع وتاخذ راحتها كل يوم بتروح شهر عسل حدكم هالشهر وبعدها سوو اللي تبونه
عبير ضحكت واستحت
فيصل: فال الله ولافالك " ويناظر عبير" جعل ايامنا كلها عسل
ياسر يضحك : من جد بدر وش هالكلام
بدر يضحك : لامن جد ولامن ابووه "ويمسح على دقنه " بتقولون بدر قال
عبير: بدرررر وش هالكلام تفاول على اختك
بدر يضحك
فيصل يناظرها : اااه يالملعون انت مايومك قلت شي زين
بدر يضحك : مشكلتكم اذا مانتم راضين بالواقع
وليد فجأه : أي من جد كل الناس كذا
عبير: يووه شفيكم علي
ياسر يضحك : ماعليك منهم حبيبتي ..
بدر: يلا قوموا الحين بيصير الطريق زحمه
فيصل: طيارتنا الساعه 3
بدر: أي عشان يمديكم تتعشون وذا
وليد: الا يبي يرميكم بالمطار ويحوط بالبحرين
بدر ضحك يوم عرف انه وليد فهمه : انثبر انت بزر انا معك بزر تكلمني كذا
وليد ضحك وهو يناظره
ياسر ابتسم :بس انت عندك بطاقه المسار يعني مافي زحمه
بدر حك راسه وش ذا الحاله : يعني شلون مانتم ماشيين الحين
عبير: لا
بدر يناظر فيصل: عاد شوف الحين انتم تزوجتوا لاشوفك جايبها كل يوم عندنا .. حتى لو انت بالدوام خلها تنثبر بيتها
وليد ضحك
عبير: افاا بدر ماتبيني
بدر يناظرها وفيه ضحكه : أي حبيبتي حنا ماعرسناك عشان نقابلك كل يوم خلاص عشرين سنه كفايه مقابلينك
عبير وياسر شهقوا وفيصل ضحك
فيصل:اوووه بيدنا نغلط
ياسر: بدر وش صاير معك من رجعت وانت مو طبيعي
بدر ضحك : شفيك انا قاعد انصحها انها تهتم بزوجها "وبنغمه" حبيبتي الرجاجيل مايحبون البنت اللي كل يوم ناقزه بيت اهلها صيري رزينه وعاقل
ياسر ضحك عليه وفيصل طول الوقت يضحك وليد بعد وعبير منحشره بينهم
عبير: ياسر سكته عني
وليد تلقائي : ياربي
بدر ضحك عليه
فيصل : حبيبي قومي نروح مدري شلون قاعده معهم " ويرفع حاجب " ولايهون ياسر
بدر ضحك ووليد
بدر : لالا يارجال امزح معكم انا

" وقرب من فيصل "

بدر بصوت واطي : اغير جو عليها عشان لا تقعد تتبكبك عليك بالطياره
فيصل ضحك : ااهااا اووكي أي خلاص دام كذا اوكيه
عبير تناظر بدر: وش حشرته
بدر يكتف يدينه ويناظر فوق ولوى بوزه ورفع حاجب حتى طلعت غمازته اللي جنب : ياربيه اذا الغيره وبعدين هذا حكي رجال وين حاشره نفسك
عبير بنظره وبصوت واطي : من زينك
ياسر: بدر شوي شوي عليها
بدر: لا لاتتعلم اللقافه
عبير: بدر شفييك علي
فيصل : ماعليك منه هذا من كثر ماراح يفقدك مو عارف يعبر
بدر يضحك ويصفق: ايوااااا هاذي هي
عبير تضحك : ياشين الوحشه اللي منك
بدر يغمز : يمديك انتي بس

" وبهذي الاجواء قضتها عبير مع زوجها واخوانها قبل لاتسافر .. بدر يحاول انها ماتفكر دقيقه لحالها يبي يشغلها في اشياء ثانيه ويبي يعودها على فيصل .. مايبيها تستحي منه لان عبير اذا استحت مصيبه .."

.
.
.


" في بيت بو نايف "

" قرتها للمره الالف ..قرتها بأعجاب وبعيون تتلامع .. اكتبت هذي الكلمان من قلب مجروح انظلم بشي مالها ذنب فيه .. واللي انكتبت من قلب حنوون يختلف عن اغلب القلوب اللي تعيش بينا هالايام من قلب يتمنى يحب وينحب حب حقيقي واقعي ... "



اضحك مع الناس واخفي همً قتلني
همٍ بوسط العين بين ومفضــــــــــــوح

اخفي دموعي بأبتسامه وكــــــــني
كني سعيد بدنيتي بضحك ومـــــــــــزوح

وانا اللي فيني هم وحزنٍ سكـــــني
لو سكن غيري من القهر بات مذبــــوح

اداري همومي وانسا منهو ظلمنـي
لاشك بلقاها بوجهه وين مـــــــايــــروح

مشكلتي بهالدنيا محداٍ فهمنـــــــي
وكل ماوفيت لشخص زادني جــــــروح

مشكلتي بها الدنيا زماني طعنــــي
من احباب واصحاب كلن له ســــــروح

كلن تلذذ في عذابي وتركنـــــــي
اعاني جروحه ولا فادني النــــــــــــــــوح

بكتم جروح الزمن لو حتى قتلني
واقول اجرح يازمن تفضل ومسمــــــوح

اجرح وزيد في تعذيبك واطعنـــي
وش فرقها مادام كل مابي صار مذبــــوح

هذي ابياتٍ من همي وغمــــي
كتبتها تخفيف علي من بعض الجــــــروح

" سكرت بسمه الدفتر وهي بجد مهموومه .. متضايقه هموم الدنيا على راسها .. المصايب تحس بتجيها بسبب شي صار هي مالها علاقة فيه ومو من كيفها .. تذكر هوشتها مع غزل .. وكل ماتتذكر تحس انها بيوم الكل بيعرف عنها.. اكيد الكل بيعرف.. وش ذنبها هي .. قلبها مال له وماهي قادره تعيق طريقه.. شافت فيه فارس الاحلام اللي ياما حلمت فيه ورسمته وتخيلته .. وجزاها انها خبت اللي يحتويها "

" رجعت تطالع الكلمات وحست انها طالعه من قلب قررت ترسم لوحه وتحط الكلمات معها .. كانت الساعه الوقت مره متأخر فقررت تنام ومن يوم ثاني تسويها "

.
.
.

ساعات احس ان الزمن قاسي ولايمكن يلين
ساعات احس ان الفرح محال ولايمكن يحين
هذا اللي شفته بدنيتي وكل مامضى لي من سنين
يامن يعلمني الفرح ويفرح القلب الحزين


" فــي الطيــاره "

" بعد ماصارت الساعه الثانيه والنصف صباحا اعلنت الطياره رقم 21172 عن الاقلاع والمتوجهه الى روما.. نجود بس توها عرفت هي وين رايحه .. على ايطاليا .. انبسطت بس مو مره .. فواز بس عرف ان نجود عرفت على وين هم رايحين لف عليها يطالع تعابير وجهها اللي ارتسمت عليها بسمه خفيفه .."

فواز ارتاح جزئيا: يلا نجود

" شوي وقاموا وصاله الانتظار حقتهم ماكانت مزحومه مره .. بس كان معهم اشخاص من بلدان مختلفه وفي منهم سعودين ... ركبوا الطياره وبعد ماستقرت الطياره بالجو .. كانوا طول الوقت ساكتين .. ماافي اي نقاش بينهم .. نجود على طول طلعت ايبودها وحطته باذنها تبي تستعد للنوم ..شافها فواز وعرف ان مافي امل يحكي معها .. فواز ماينام كثير بالطياره من النوم اللي يقعد طول الوقت ويغط شوي ويرجع يصحى .. لانه مايرتاح .. قعد شوي يفكر ويفكر لو صحت نجود بأي لحظه .. يظل ساكت مثل ماكان ولا يكلمها ولا وش يسوي .. الرحله حول تسع ساعات ولابد من انها راح تقوم "

" حس بلحظتها بالتناقض بين اللي قاعد يصير وبالاحساس اللي داخله .. هو باقي على فكرة ان نجود تغيرت بس نجود مو قاعده تثبت له ولا شي من اخذها وهي جاحدته... شوي وطلع كتاب حق د. كونيرا أندرياس وستيف أندرياس اللي كان يبي يقراه وما امداه الوقت وجابه معه لانه عارف هذا اللي راح يصير ..مع قراءة الكتاب مشى من الوقت حول ثلاث ساعات وبدا يعدي شوي وحس بأن نجود قلبت ناحيته .. نايمه وماهي قاعده تحس.. كانت مغطيه وجهها باللحاف .. خاف عليها فواز انها تختنق او يضيق نفسها فقام بعد اللحاف ورجع يقرا ثانيه ورجع يلف عليها .. حن قلبه بعد ماشافها نايمه .. وجهها وهو نايم غير عن وجهها لمن تكون صاحيه او حتى متزينه او بدون او حتى فرحانه .. لحظتها ماشبه وجهها الا بالملائكي .. سكر شوي الكتاب ولف عليها .. يحس فرصته الوحيده اللي يقدر يناظرها بدون لاتلومه او يتهاوش معها او حتى تكشر بوجهه .. لاشعوري قرب يده وبظره كف يده لمس خدها بنعومه .. شوي وكنها حست فيه.. على طول مسك الكتاب وبدا يقرا مع انه تركيزه شارد .. هي حست فيه لان يده بارده ونومه الطياره على اي دقه تحس فيها .. فهي حست فتحت عيونها بالخفيف وشافت جلستها وشافت نفسها مقابله فواز ... قامت وهو سوا نفسه انه ماحس فيها.. شوي وشالت الطرحه وظبطت شعرها وصلحت الكرسي .. وقامت بعدها على طول لدورة المياه "

" سحب فواز نفسه .."

فواز " اااه واخيرا .. والله ماتشوفني الا تقوم الناس علينا بالطياره.. حشا شلون حست..وه طلعت منها يافواز "

" ثواني الا نجود راجعه وقعدت لف عليها وهي تربط الحزام من جديد وهي حست فيه بس مالفت وبعدها رجع يناظر الكتاب .. الحين جا دورها تلف عليه .. ابتسمت لاشعوري يوم شافته يقرا كتاب وابتسمت بسخريه او اللي تقولونه "

نجود بحركه مو قصدها شي منها نزلت الكتاب من يده : مسوي لي فيها انك تقرا كتب
فواز استغرب ورفع حاجب وناظرها
نجود فهمت نظراته : مانمت
فواز: اللي تشوفينه
نجود: انا توني صاحيه
فواز يرجع يرفع الكتاب : لا
نجود: اهاا " وحست بالطفش لانه جاحدها .. هي عارفه انه بيجحدها على اللي سوته وقررت تسكت بدل تتهاوش معه "

" فواز حي انها طفشانه .. هي ماتحب تقرا كتب ولا شي من هالقبيل فرجعت الايبود باذنها وسندت راسها بقوه وعلت على الصوت .. فواز الصوت بدا يطلع له .. قام وابعدها عن اذنها .. نجود بعصبيه لفت عليه "

نجود : نعم
فواز بنظره هاديه :شوي شوي على طبلتك بتنفجر
نجود من القهر والطفش: خل تنفجر وش حارق رزك
فواز بنظره يعني كذا : من قالك محترق .. انا بس خوفي حد يمر ويسمعك ويقول توها جايبته ماكنها شايفه خير
نجود طالعته وهو لف نظره ورحع يقرا

" اكذب عليكم لو قلت لكم ان من قامت نجود قرا حرف.. بس قاعد يترقبها ويترقب الاصوات اللي تصدر منها .. نجود وقتها ماعرفت شتسوي اذا زوجها يقول عنها كذا تسندت وهي مقهوره .. طفشانه وماتبي ترجع تنام جسمها متكسر .. وين ترووح .. تذكرت رحلاتها مع اتخها كان يعدي الوقت ولاتحس فيه من السوالف والضحك حتى لو كانوا يتهاوشون يعدي الوقت وهم يلعبون.. واذا نامت بسمه راحت لعند نايف .. بس الحين ماعندها غير فواز .. وبما ان التش لسه موجود ماعرفت شتسوي.. والوقت قاعد يزحف.. قررت تقعد ساكته لفتره .. مشت ساعه وهي ساكته وهي تنتظر وتحس ان الانتظار وصل معها باقي على وصولهم اربع ساعات وثلث .. هذي الفكره جننتها.. وبعد مايئست لفت على فواز وشافته يقرا نفسها لو تصررخ بوجهه وتقوله نزل هاللي بوجهك .."

نجود تمسك نفسها وبعدها سحبت نفس ورسمت على وجهها ابتسامه خفيفه : فواز

" فواز واخيرا كلمته "

لف عليها على طول كنه ماصدق على الله : هلا
نجود ارتاحت هلا ولا نعم : ماطفشت من اللي معك
فواز: ماعندي شي اسويه

" نجود انقهرت .. وجع ان شاء الله ماعندك غيره وانا كني جدار جنبك ماكني زوجتك .. بس قررت تمسك نفسها "

نجود ابتسمت باالقوه لانها متغصبه تبتسم : طيب مايصير تلعب معي
فواز ابتسم ابتسامه جانبيه وسكر الكتاب شوي وصلح جلسته : العب معك وشو العب
نجود: بنلعب اي شي شده اونو اي شي
فواز ابتسم ورفع حاجب ويبي يشوف ملامحها لمن يوافق لان الطفش مبين بعيونه : معك الحين
نجود هزت راسها بأبتسامه من قلب يوم عرفت انه بيترك اللي عنده وبيفضى لها
فواز سكر الكتاب نهائي : اوكي يلا طلعي
نجود بفرحه: صدق
فواز شاف فرحتها كبير وقرر يقلب ملامحه : لامزح
نجود بسرعه قامت تجيبها من الشنظه اللي معها قبل لايغير رايها

"فواز ضحك عليها حس ان فيها امل "

"جابت نجود الشده وحطتها وصاروا يلعبون .. نجود انبسطت ومع كل لعبه تبتسم وفواز يناظرها .. راق له روحها الحاليه .. وكان يعرف ان الشي الوحيد اللي مصبره ومخليه يتأمل فيها انها اذا صار مزاجها اوكي كل شي تسوي ..وتصير مافي احلى منها "

نجود تشهق وتضحك وعلى طول لاشعوري حطت يدها بالقوه على يد فواز ماتبيه يحط الورقه اللي بعدها : هههه لالالالالالا
فواز ضحك بس بنفس الوقت انتفض قلبه من مسكه يدها : اتركيني بحطها خلاص مافي مجال لك
نجود تضغط على يده عشان لايحط: هههههه فواز شوي شوي والله حطيتها بالغلط
فواز قرر يعاند عشان تظل ماسكه يده .. الل من مسكها كل مافس صار يتنفض .. مايعرف ليش من بروده يدها ولا من نعومتها :مشكلتك يا ماما
نجود شالت يدها وهي مو حاسه باللي تسويه اصلا تصرف عفوي مثل ماتقولون : يالله وش هذا
فواز قرب من الورقه : مستعد ماحطها بس بشرط
نجود ابتسمت : وشو
فواز بتردد : اكيييد
نجود: ايييي
فواز بصوت اوطى لخبط كل مافي نجود : ترجعين تمسكين يدي
نجود ارتعش قلبها وناظرت فيه تذكرت انها مسكته بس كان بعفويه مو قصدها شي .. بس يوم عرفت انه فهم شي ثاني بأشمئزاز رمت الورقه بحضنه : كمل لحالك

" فواز انصدم وحس بأن خاطره انكسر.. وش الل يصير معه توهم وش زينهم .. يعني وشو مو من حقه يمسك يد زوجته "

" نجود لفت الجهة الثانيه وقررت ترجع تنام احسن لها .. وهو تأفف و لم الورقه و نفس الشي قلب الجهة الثانيه وسدح الكرسي بس مانام جلس يفكر بحالته اللي بتطلعه من طوره "

فواز " عمره ماكان ساكت على حق من حقوقه الا معها ليش مايدري ......!!!!!!!!! "

.
.
.

"من الجهة المقابله"

" من جهة عبير وفيصل .. كان خط سيرهم غير .. كانوا متوجهين الى دبي عن طريق الخطوط الاماراتيه .. توجهوا لدبي وكانت مسافه الطريق ساعه ونص تقريبا مع الجوازات والشنط .. خط سيرهم عباره انهم يمشون من البحرين الى دبي عبير الخطوط الخليج ويوقفون بدبي ويقعدون فيها يوم وبعدها الى مطار مالي جزر المالديف .. كانت عبير مبسووطه انها بتشوف جزر المالديف اللي ياما حلمت انها تروح لها .. وحتى فيصل حلمه يروح لها .. والله قدر انهم يزورونها مع بعض.. مع انه فيصل عجز مع الحجوزات لها .. بدا يشتغل عليها اكثر من شهرين .. وبالموت لقى .. "

عبير: متى بنطلع مع دبي
فيصل يناظرها : الساعه 12 الظهر
عبير : والرحله كم مدتها
فيصل يبتسم : ميب طويله 3 ساعات
عبير: واللله
فيصل يبتسم : أي والله
عبير: كويس طيب ليه مو كل الناس تروح لها دامها قريبه
فيصل: المشكله مو بالبعد.. المشكله على حجوزاتهم يعني صعب تلقين حجز ..وغير كذا حجوزات الفنادق.. يعني كل هذا ياخذ وقت وفي ناس تستغليها
عبير: اهااا.. عشان كذا
فيصل يبتسم : أي عشان كذا والحين خل ننام عشان بكرا نصحى بدري .. لان ورانا طيران ورحله متعبه
عبير: 3 ساعات صارت متعبه
فيصل يبتسم : 3 ساعات للمطار وللجزيره والجوازت شوفي كم بياخذ لان جوزاتهم تبن تاخذين اكثر من ساعتين وانتي واقفه وغير كذا مافي عامل يشيل معك يعني بكرا التعب فينا فينا
عبيير فتحت عيونها :حشا
فيصل: هههههه يلا تعالي خل ننام
عبير: طيب
فيصل انسدح : حلاتك الحين نعسانه وانتي قاعده لي
عبير تضحك: مدري والله مو جايني نوم
فيصل يلف عليها: ادري بك مو مصدقه انتي معي حتى انا مو مصدق بس فيني نوم
عبير تضحك وترميه بمخده: من زيينك

"فيصل قبض المخده وحضنها وابتسم وشوي وناموا"

.
.
.

" على متن طياره نجود وفواز "

" مر الوقت وبقى على الهبوط ربع ساعه .. صحت نجود وهي نايمه بجد .. لفت على فواز ولقته يشوف فيلم.. حشا ذا ماينام ..صلحت الكرسي وشافت اشارة ربط الاحزمه موجوده .. يعني قربوا يوصلون .. قامت واخذت شنطتها الصغيره وراحت الحمام وانتم بكرامه .. شالت عبايتها وكانت ناويه تشيل الحجاب بس تعوذت من الشيطان وخلته .. لبست وغسلت ورتبت شكلها وبعدها طلعت .. فواز وهو يناظر التلفزيون ويدينه عند دقنه رفع بصره وشاف رجولها وبنطلونها ورفع بصره وشافها شايله العبايه ماعلق .. جت ورجعت وقعدت "

نجود: كم باقي
فواز: ربع ساعه
نجود تحط يدها على بطنها : جوعانه
فواز: انتي من ركبتي نايمه ويوم قمتي .. " سكت وبعدين " تبين اخليهم يجيبون لك شي
نجود: لا انا بقولهم ..

" شغلت النور وطلبت لها كوفي وكورسان "

" نجود سكتت وهي تلم اغراضها وتنظف مكانها .. نامت كثير والحين راسها مصدع حده .. وشوي وصل لها اللي طلبته وقعدت تاكل بهدوء .. "

نجود: فواز عندك بنادول ولا سابوفين راسي بينفجر
فواز : عندي بنادول فلو
نجود: توء مايصلح تتوقع عندهم
فواز: لاماعتقد

" سكتت نجود ماتبي تتكلم عشان لاينفجر عليها راسها وشوي وطلبت لها قهوه تركيه "

فواز: نجود كفايه قهوه
نجود: فواز واللي يعافيك راسي بيطير مني

"فواز سكت بكيفها هذي من يقدر يكلمها"

" شوي ووصلت وشربتها بثواني معدوده .. وبعدها عشر دقايق اعلنت الطياره بالهبوط .. تجهزوا المسافرين للهبوط على ارض المطار "

.
.
.

" اليوم التـــــــالي في السعوديه "

"في بيت بو محمد "

" اليوم كان سفر بو محمد وام محمد لامريكا على اساس يحظرون تخرج سلطان .. سهر كانت متضايقه ولاكلمت احد .. الكل صار يروح منها .. اغلب الناس سافرت وتحس انها وحيده احيانا ..."

ام محمد : يا يمه انتبهي عليها ولا تخلين منصور يزعلها ولا يضايقها خبرك فيهم
الجده : لاتوصين حريص انتوا روحوا واستانسوا وسهر ماهي بضايعه
ام محمد: عارف بس هذي هي فوق حابسه نفسها ماهي راضيه تطلع
الجده : تتدلع يابمه بنيتك الوحيده وتبي تتدلع
ام محمد تبتسم : ماقلنا شي يايمه بس ولو
الجده : لا لاتحاتين سهر بعيوني ومنصور ياويله يزعلها
منصور: افاااااا حش ومن ورااي
ام محمد تبتسم : هلا يبه

" سلم على امه وجدته وقعد جنبها "

منصور: الله يهديك ياحصيص الحين انا العاقل المزيون تحشين فيني ومن وراي والله مايدرون بعض الناس الا
ام محمد ضحكت
الجده تتريه يكمل كلامه : الا وشو يامسود الوجه انا جدتك تقول لي كذا
منصور يضحك : أي اجل صيري عاقل ولاتحشين خلاص ياجده انتي كبرتي ماحد يضمن يومه
الجده شهقت
ام محمد: منصور ووجع بعد عمرن طويل
الجده: انا اوريك فيه مسود الوجه مايستي على وجه قم عني
منصور يضحك وحضنها بالقوه وباس راسها : بعد عمر طويل شفيك امزح معك بس عشان تتوبين ماتحشين
ام محمد تضحك : تغديت
منصور: أي.. اجل وين سهر
ام محمد: ماصحت للحين
منصور: يامسكينه ياسهر سلطان ومافي بابا وماما مافي مدري وش بتسوين
ام محمد : منصور ماوصيك عليها لاتجننها لحالها من راح اخوها منجنه
منصور: افا لاتوصين حريص
ام محمد: أي مو بس كلام
منصور: ولايهمك
الجده : هو بيده اصلا يزعلها
منصور لف يناظرها من وراها وام محمد تضحك عليه
منصور يبتسم : أي صح هو انا اقدر وانتي عندي
الجده : أي معصي
منصور يضحك من وراها: أي لامن يقوول

" وقعدوا يسولفون لمده ساعه وشوي نزلت سهر .. سلمت عليهم وقعدت ساكته "

ام محمد بحنان : سهوره تغديتي
سهر: لا مو مشتهيه توني صاحيه
منصور: قومي كولي لك شي وشيلي هالعقده اللي بوجهك
سهر ناظرته يعني مالي خلق ارد عليك

" منصور حس ان سهر على دقه.. كلمه وحده وتفتح لهم مناحه "

منصور: اجل يلا عن اذنكم
ام محمد: وين
منصور: بطلع شوي وراجع لكم ع العموم الساعه 6 راح نحرك من هنا
ام محمد: على خير

" سهر من سمعت نزلت راسها ودموعها تهدد بالنزول.. ام محمد حست فيها بس قررت ماتكلمها عشان لاتبكي قدامها .. "

ام محمد: يلا انا بروح اشوف الشنط عن اذنكم

" ام محمد قامت من هنا وسهر حطت راسها بحضنها وصارت تبكي..."

الجده : امي سهر انتي تعالي عندي تعالي

"سهر قامت وطاحت بحضنها.. الجده خلتها تنزل اللي في خاطرها"

الجده: عاد بس سهر يمه اسكتي امك بتروح تخرج اخوك ماهي رايحه جهاد
سهر :..........
الجده : هذاني معك وماراح تحسين بفراقها غمضي وفتحي غمضي وفتحي وهي راجعه
سهر:....
الجده: سهر يمه بس لاتوجعين قلب امك بصياحك
سهر شوي سكتت

" الجده سكتت عشان تسكت سهر كمان "

" سهر شوي وسكتت "

الجده: يلا قومي غسلي وجهك لاتشوفه امك وتخترع

سهر ابتسمت وقامت

" ومر الوقت وجا الوقت اللي بيروحون فيه ... سهر طول الوقت ماسكه نفسها .. ومن حضنت امها اخر حضنه صارت تبكي منصور عوره قلبه عليها .."

منصور يسحب سهر: خلاص سهووره ماما وراها طريق لاتعبينها

" شوي وبعدت سهر عن امها وهي حزنانه ودعتهم كلهم وكانت خالتها ام نايف معهم .. وبعد ماطلعوا حست سهر البيت فضى عليها طلعت وتركت اللي بالصاله وراحت غرفتها ورمت نفسها على السرير"

سهر " ياربي ليه الكل قاعد يسافر .. سلطان بدر عبير نجود امي ابوي الكل.. المكان فاضي بدووونهم .. الله يصبرني ماعرف وش بسوووي .. "

" بكت سهر بكت حتى نعست ونامت وبطنها مادخل فيه شي "

.
.
.

" في ايطــاليــا "

" وصلوا نجود وفواز الى الفندق اللي حجزوا فيه

St. Regis Grand Hotel, Rome

يحب فواز هذا الفندق لانه قريب من شارع فينيتو .. نجود ماقد نزلت بهذا الفندق عجبها بالقوه التصميم وكل شي فييه ..والفخامه اكتشفت انه فوز ذويييق .. بعد ماخلصوا اجراء الغرفه طلعوا فوق ..اول مادخلت الغرفه انهبلت عليها وعلى كل شي موجود .. وعلى السرير اللي كان فيه من اعلى لوحه زيتيه مرسومه باليد اعجبتها بقووه ودها لو تاخذها وتوديها لاختها هديه لووول .. نزل العامل اغراضهم وودعهم .. فواز ماكان فيه حيل على طول راح وانسدح وترك نجود تاخذ راحتها وهي تناظر الغرفه .. نجود صورت كل شي موجود مابقى شي ماصورته حتى الحمام وانتم بكرامه .. وبعد ماشبعت عينها بشوفته طلت على البلكونه واعجبها الفيو " المنظر" المطل عليه .. انجن عليه .. صحيح انها جت ايطاليا من قبل بس كانت صغيره .. الحين تغيرت صارت احلى .. انجنت عليها كنها اول مره تشوفها .. وشوي وقعدت وشافت ان فواز طالع .. قررت تلبس وتطلع مالها نفس ترتب ملابسها .. قالت بتشوف الفندق من تحت والاماكن القريبه من الفندق لان فيه كم محل عجبها ومافيها تنتظر فواز يصحى فاطلعت .. لبست ونزلت تحت ... صارت تمشي باللوبي وتقرا اللوحات المعلقه عن تاريخ الفندق ..تعرفت نجود على اغلب الموجودين بالفندق على الريسبشن والكل تبتسم له .. وبعدها طلعت شوي تلف على المحلات القريبه .. كان النهار لسا مابعد تغيب الشمس ومابقى عليها شي اصلا .. ولفت على هالكم محل ومرت كم ساعه وهي تلف حتى غابت الشمس "

" في هذا الوقت انقلب فواز على الجهة الثانيه ناظر الشباك حس انه نام كثيير .. مع انه مانام الا شوي وقال بيتعشى وبيرجع ينام .. قام ودخل الحمام وانتم بكرامه على طول .. وبعد ماطلع .. مشى للصاله وماشاف حد انصدم معقوله طلعت شلون تطلع ولا تقول له وشهق ليكون هربت .. كل شي يتوقعه من نجود .. طق يده على الطاوله بقوه .. شلون تطلع بدون ماتقوله ولحالها هو الى الان مايثق فيها .."

" شوي وينفتح الباب وتدخل نجود وهي مبسوطه سكرت الباب وحطت الكم كيس اللي اشترتهم.. شافت فواز واقف حطت الاكياس ومشت له وهو يناظرها بعيون تشع شرار "

نجود : فواز صراحه اهنيك على المكان .. صراحه ذوق

فواز :...................

نجود انتبهت انه مارد عليها ولفت وشافت العصبيه تشع من نوره وقفت مكانها: سلامات
فواز يصرخ بوجهها : انتي شلون تطلعين لحالك وبدون اذن مني
نجود ميلت شفايفها بأستغراب : نعـم
فواز: قوليلي شلون تطلعين لحالك ياست نجود
نجود: مارحت مكان بعيد نزلت اللوبي وكم محل مقابل الاوتيل على طول
فواز : بأذن مين يا ست نجود
نجود استنكرت حماسه : محد
فواز وقتها كل مافيه نفذ وتوه صاحي من النوم كملت راح وقرب من عندها ومسكها من كتفها : نجود خلاااص كفايه... تصرفات مثل العيال البزران تراها وصلت معي الى متى الى متى
نجود عصبت من الحركه وبقوه ابعدت يدها : اترك يدي .. انت مالك دخل سامع مالك دخل فيني
فواز بعصبيه اكبر وقرب وحط وجهه بوجهها ورماها على الكرسي ويأشر بصبعه : مالي دخل فيك اول بس الحين انا زوجك ولي امرك الاول والاخير وكلمتي هي اللي تمشي سامعه ... لعب الجهال اتركيه عنك وانتبهي يانجود تحاولين تلعبي بأعصابي لاني ماعدت اتحمل تصرفاتك الطفوليه

نجود وقفت بقوه وبعدته عنه وصارت تبكي : لاتصارخ علي تسمع لاتصارخ علي

" نجود بعد ماصارخ عليها صارت تبكي بحرقه وهي ميته خوف منه .. شافت وجه اول مره فواز يوريها اياه ... وصارت ترجف "

فواز شاف نجود تبكي اول مره يصير هذا الشي قدامه وبصوت اوطي : انتي يانجود السبب في كل شي .. انتي اللي خليتي حياتنا توصل لهذي الدرجه .. ولا انا اعطيتك فرصه ولا استغليتيها .. جايه الحين تعانديني وتمشيني على كيفك... كانت ممكن حياتك معك توقف ساعتها بس انتي اللي طلبتي ان حنا نستمر .. صار هالكلام ولا ماصار " وركز على هذي الكلمه "

نجود بقهر: كنت عميانه ماشوف .. البنات خدعوني فيك .. خلوك ملاك بعيني وانت ولا من جنبه حتى

فواز انقهر حده : شششلون يانجود تقدرين تحكمين علي وانتي ماعطيتيني فرصه حتى اعبر او افتح صفحه جديده معك .. تغاظيت عن اشياء كثيره عنك .. كنت اسكر عيوني واسكت اسكرها واسكت واسوي نفسي ماسمعت ولا شي .. مو عشان شي .. انا اعرف اللي رباك واعرف انك بيوم بترجعين لصوابك ... بس انتي مصره تتظاهرين بعدم الاهميه والاهتمام الى متى الى متى

نجود:.............

فواز : نجود كل رجال وله صبره .. وانا ماعمر صبري نفذ بقد مانفذ قدامك .. انا تراني انسااان ولي احسااس .. مزاجيه قلنا ماعليش هذا الشي مو بيدك وقلنا مستعدين نتحمل مزاجك .. بس انتي زودتيها طردتيني بيوم زواجي وتطلعين بدون حتى ماتقولين لي او حتر تتركين مسج لي .. فرضا ضعتي حد خطفك انا وش يظمني وين ادورك وين القاك في هذي الارض ..تبيني بكرا اقول لاهلي ضيعتها .. ولا ضيعت نفسها ولا وش اقوول .. حسي بالمسئووليه شوي يانجود .. انتي ماعدتي بنت ابوك انتي الحين حرمه ووراك مسئؤوليه يانجود .. انتي ماعدتي لحالك .. انتي صرتي تحت مسئووليتي يانجود ..

"وسكت ياخذ انفاسه .. ونجود تسمع كلامه .. اول مره فواز يحكي معها كذا ويقول لها اللي في قلبه "

فواز حس نفسه بدا يضيق وتكى على الجدار ونزل راسه : نجود خلي هالفتره تعدي بخير لو سمحتي اترجاك

" نجود حست بالذنب يرتكبها .. حست بأنها شلون عذبت هالانسان الحساس اللي قدامها.. اول مره تحس ان فواز ضعيف وقوي بنفس الوقت .. هي تبي تقوله عن السبب اللي خلاها تسوي فيه اللي سوته بيوم زواجهم بس ميب قادره "

" نجود لاشعوري راحت لعند فواز وارتمت بحضنه.. فواز بردت عظامه بعد ماشاف ردة فعله .. مالقى نفسه الا يضغط عليها ويبادلها نفس الشعور رمت نجود كل الهم اللي على ظهرها على فواز وفواز حس بالراحه في حضنها "

نجود تبكي: فواز انا اسفه اسفه والله مو قصدي والله اسفه
فواز يمسح على راسها وباسها على راسها : صدقييني عاذرك ياقلبي عااذرك

"نجود ارتجفت من كلماته صار فواز يأثر فيها "

نجود : والله ماعاد اعيدها
فواز : خلاص حبيبي الحين انتي هدي وبعدين نتكلم

" شوي وابتعدت عنه ومشت وقعدت على الكنبه وجا فواز وجلس جنبها وحط يده على ركبتها "

فواز يلف وجهها بطرف اصبعه : نجود
نجود نزلت راسها : سم
فواز حس براحه العالم كله : سم الله عدوك .. خلاص يكفي دموع
نجود بعدت وجهها : فواز انا ما استاهلك
فواز بيدينه الثنتين لف وجهها عندي : غلطانه اذا كنتي تفكرين كذا
نجود فتحت عينها
فواز: انتي الوحيده اللي تستاهليني .. مهما كانت المشاكل بينا يانجود الا مايكون لها حل وبعدين حنا تونا في بدايه مشوارنا .. وكل طريق فيه عوائق .. وان شاء الله نكون عدينا اكبر عائق قد نمر عليه .. وان شاء الله نكفي حياتنا ونكون راضيين على بعضنا .. صدقيني يانجود حنا نستاهل بعض .. نجود انا شفت فيك اشياء انتي ماشفتيها ولاتعرفينها بنفسك .. صدقيني نجود هذي ازمه وبتعدي وبعدين انتي لساتك صغيره ومن حقك تتدلعين انا ماني مانعك على الدلع بدلع لاخر يوم بحياتي .. بس نجود ابيك تفهميييني بس تفهمييني

"نجود حست بالندم وضربت راسها بصدر فواز بقوه من الندم اللي فيها .. وفواز مااثرت فيه هذي الضربه كانت عسل على صدره ..حضن راسها وقعد يلعب بشعرها "

فواز بعد راسها : وش رايك ننزلت نتعشى
نجود هزت راسها بمعنى لا
فواز: وان قلت عشان خاطري
نجود: .......
فواز: وش تقولين
نجود رفعت راسها وبصوت واطي : طيب
فواز ابتسم : يلا قومي تجهزي وانا باخذ اغراضي وجاي اوكي

" وباسها على راسها استحت نجود ..وقامت الحمام وانتم بكرامه وغسلت وجهها وبعدها طلعوا مع بعض وفتحوا الاسنسير وبس نزلوا مسك فواز يد نجود .. اللي ارتخت يدها بوسط يدينه .. وتوجهوا للمطعم"

.
.
.

" بعد مرور يــومين "

" في بيت بو محمد "

بسمه : اذا بتكلمينهم ترى بطلع ..!!
سهر: ماني مكلمتهم شفيك انتي
بسمه تتنهد
سهر: يعني بتطولون على هذي الحاله
بسمه : خلااص سهر انا ذولا ماعدت اتحملهم
سهر فتحت عيونها : ليش
بسمه : كل شي يفسرونه بكيفهم
سهر: طيب انتي قولي لي وش صار بالضبط عشان افهم
بسمه تتنهد : اللي صار ان وحنا رايحين للصالون مو كنا انا وانتي وغزل واديم
سهر: ايه
بسمه: مين اخذنا محمد.. المهم وحنا نازلين انتي دخلتي داخل طبعا وانا بقيت معهم ناخذ الفساتين والاغراض.. حظرتك ما اخذتي فستانك فاضطريت اشيله وغير كذا الشنطه حقتي الصغيره .. طبعا مافي حد يساعدنا فا كله صار علي المهم اخذت الاغراض وقلت بمشي بركاده علشان لاطيح ولاتطيح الاغراض اللي صار اني يو جيت بنتبه على الارض اللي امشي عليها قد انا قربت من الرفعه ماكنت قادره اشوف ارتفاعها بس جيت بطلعها مرت من قدامي بسه " قطوه " اخترعت وصرخت وقتها طحت وطاحت الاغراض اللي معي
سهر ضحكت
بسمه تنرفزت : لاتضحكين يادبا
سهر: سوري كملي
بسمه : وبعدها قعدوا يضحكون وجا محمد ومسكني من يدي ومن الاغراض انا ماكنت ابيه يمسكني فشله قامت غزل ماني عارف تغمز ومادري وش تخربط قمت صرخت بوجهها قلت لها احترمي نفسك قالت مافي داعي تعصبين "وتقلدها " كذا قالتها .. قلت لها وشو اللي ماله داعي المهم قمنا نتناقر بالكلام حتى صرخت بوجههي وراحت
سهر: بس
بسمه : اي بس اللي قهرني تبين كأن بيني وبين محمد شي مو كفايه اختها ... متخفلات الحمدالله والشكر
سهر:ماعليك ماصار الا الخير وبعدين كلنا نعرف انك مو معقوله تفكرين بواحد متزوج
بسمه تضايقت حدها : المهم مابي التقي معها
سهر: مشكلتك تعصبين بسرعه
بسمه انفعلت : وشو ياسهر وليه مانفعل اسلوبهم ينرفز انا ماعدت اطيقهم
سهر رفعت حاجب: غريبه بسمه تعرف تكره
بسمه تشبك يدينها ببعض : مو سالفه كره بس الاسلوب له دور ياسهر مهما كان
سهر: طيب لمتى بتقعدون ماتكلمون بعض
بسمه تهز كتوفها : مدري
سهر: والله مدري وش اقولك بس انتي عارفه ان حنا نتجمع كثير وبتقعدين كل جمعه ماتحظرينها
بسمه: ماعلى وجههم وله
سهر تضحك : طيب طيب لاتعصبين قومي ننزل
بسمه : يلا قومي

" نزلوا بسمه وسهر تحت وكان فيه منصور "

سهر: مافي الامنصور تعالي
بسمه : اجل خلينا فوق
سهر: شوي وبيطلع صدقيني
بسمه : طيب

" وصلحت حجابها وكملت طريقها "

سهر: السلام عليكم
منصور رفع عيونه وبأبتسامه : هلا والله وعليكم السلام
بسمه : مساء الخير
منصور يموت في هالبنت : مساء النور والسرور ياذوووق
بسمه تضحك
منصور: شخباركم
بسمه وسهر: الحمدالله
منصور: شعندكم مسوين حزب لحالكم
بسمه : سهر طفشانه وكلمتني اجيها
منصور: اهاا شخبارك بدون نجود
بسمه : لاتسأل عز الحال
منصور: صرتي مثل سهر واسوا بعضكم الحين
بسمه تبتسم وسهر بعد
سهر: منصور شعندك الحين
منصور: ماعندي شي ليه
سهر: ممكن تطلعنا طفشانه حدي
منصور: وين تبين تروحون
سهر: أي مكان
بسمه: من جدك
سهر: أي خلينا نطلع طفشنا
منصور: يلا قوموا اذا تبون تطلعون
سهر: صدق
منصور: اجل امزح معك

"سهر ابتسمت وقامت ومعه وراحوا يلبسون ونزلوا له بمده دقيقتين .. ومنصور صار ينتظرهم بالسياره "

" ركبوا السياره ومشوا "

منصور يشغل السي دي : ووبعد شخباركم
بسمه : منصور وطي الصوت شوي بقول لامي

"منصور وطى الصوت على المسجل وبسمه قالت لامها وامها ماقالت شي "

منصور: وين تبون تروحون
سهر: خل نروح الصيني
منصور: اللي بالراشد
سهر: ايه
منصور: اووكي

" وبعدها توجهوا للراشد وهم يسولفون سوالف بسيطه بالطريق.. وصلوا الراشد وتوجهوا على طول للمطعم واخذوا لهم طاوله برا بما انهم شوي وقعدوا عليها وعلى طول طلبوا لانهم عارفين طلبهم "

منصور: ايواا وبعد
سهر تبتسم : والله ابد
منصور: بسووم شخبار نوويف
بسمه: والله الحمدالله
منصور: ماهو عاجبني هاليومين متغير
بسمه : مدري يمكن

" شوي ويدق جوال سهر ورفعته "

"منصور يناظرها وبسمه تناظر منصور وعلى طول نزلت راسها قبل لاينتبه عليها وشوي ثنينهم لفوا على سهر "

سهر : وشو جاحدينكم ياغزل الله يهديك كنت طفشانه ودقيت عليها بس

بسمه فهمت الموضوع وتأفف وحطت المنشفه على الطاوله بقهر ومنصور مو فاهم شي

سهر: سوري طيب مره ثانيه بقولك.... لاهي مالها دخل .. غزل افهمي هي مالها دخل ... خلاص تبين تجين بخلي منصور يجيبك

بسمه تأففت

سهر: طيب انا وش ذنبي وش ذنبي تهاوشيني انا مالي دخل فيكم وبعدين وين حنا فيه بصفها ولا بصفي

بسمه انقهرت وحست تبي تقوم من الطاوله

سهر: المهم بعدين نتفاهم وصل الطلب... باي

سهر تناظر بسمه

سهر: بسمه انسي
بسمه : ماتهمني زين
منصور عقد حواجبه : وش فيكم وش صاير
بسمه: مافي شي
منصور: تكلموا
سهر: لالا مافي شي بس تش بين بسمه وغزل

" منصور رقع قلبه "

منصور: ليش ..!!
بسمه: لالا مافي شي خلاف بسيط وعدا
منصور تحمس: مو علي كل هذا الكلام وبسييط

بسمه وسهر يناظرون بعض

سهر: مافي شي يامنصور يستعدي صدقني

" شوي ووصل الستارتر وسكتوا "

بسمه صدت نفسها

بسمه بصوت واطي بس كان مسموع لمنصور : ماصدقتي يوم قلت لك بفسرون كل شي بكيفهم
سهر صدقت : ماعليك طنشي
منصور لسهر: سهر انتي تدرين
سهر تلعثمت : هاه
منصور: قولوا لي وش بسوي انا
بسمه : منصور انسى

" منصور قرر يسكت وبس يروح البيت لازم يعرف "

" وقعدوا ياكلون بهدوء وبسمه صدت نفسها "

منصور: بسومه كولي
بسمه: هاه هذاني اكل
منصور: عن الدلع وكولي

بسمه صارت تاكل وهي متملله تبي ترجع البيت

" بسمه كمان ماودها تخرب شي بين سهر وغزل وماهي عارفه وين تروح "

"سهر ماهي عارفه وش تسوي محتاره ومنقهره من غزل وحركتها "

" ومنصور من جهة يحترق ويعرف غزل وش مسويه .."

" قعدوا ياكلون بهدوء ومنصور يحاول يطلف الجو وبعدها دفعوا وقاموا لان الوضع متوتر .. وبعدها ماكانوا يبون ياخذون شي لانهم شبعوا وقالوا بيرجعون البيت .. راحوا ورجعوا بسمه بيتهم "

بس نزلت بسمه

منصور حرك السياره : يلا قولي
سهر تستغبي: وشو
منصور: وش سالفتكم
سهر: مافي شي يامنصور سوالف بنات
منصور: شوفي انا بعرف بطريقه وثانيه فقولي و ريحيني
سهر: ماني قايله لانه مايسوى وماله داعي اقول
منصور: طيب قووولي وش حارق رزك
سهر : والله انت وش حارق رزك

" وقعد يحاول فيها حتى وصلوا البيت ولحقها لفوق وهو ماسكها ويحاول فيها "

سهر تضحك : منصور ياشينك زين
منصور: طيب قولي
سهر: طيب اطلع بغير ملابسي بعدين اقول لك
منصور: الحين تقولين
سهر: استغفر الله

" وقالت له كل شي منصور انصدم من الكلام اللي انقال "

منصور فتح عيونه: من جدك
سهر: وبس بسمه عشان كذا مقهوره
منصور: مالهم حق يطلعون عليها كلام زي كذا وبسمه ميب بزره .. سهر عقلها يسبق عمرها بعشرين سنه
سهر: والله مدري وش اسوي

" منصور انصدم من غزل شلون تتكلم عن بسمه بهذي الطريقه .. بسمه مو معقوله يكون بينها وبين محمد شي .."

منصور: غزل شلون تحكم على موقف مثل كذا هذي المواقف تصير وبعدين محمد متزوج
سهر: غزل ماقالت انها تحبه بس شي زي كذا وبسمه عصبت ان غزل فهمت كذا
منصور: من حقها تعصب
سهر: وش اسوي انا ماني قادره فيهم
منصور: انتي خليك برا
سهر: ماقدر لان شفت شلون بس كلمت بسمه عشان تجيني زعلت غزل
منصور: خليها تنقلع دام تفكيرها كذا " وقام "

" سهر انصدمت .. شلون يقول عن غزل كذا "

.
.
.

" منصور"

" طلع من غرفة سهر ونزل تحت .. وهو يفكر بتفكير غزل .. صراحه هذي التهمه اللي اتهمت فيها بسمه كبيره .. نو واي بسمه تسويها .. بس غزل ليه تقول لها كذا .. لاحووول .. الظاهر تفهم كل شي بالغلط .. مثل ماهي فاهمه حبي لها بالمقلوب بس هين ياغزل .. انا راح اعرف كيف اتصرف معك "

.
.
.

" امــريكــا "

" وليد وبدر يدرسون بجامعه

California State University,Long Beach

مبسوطين مع بعض ومبسوطين في الجامعه اللي هم فيها .. بعد ماطلعوا من الجامعه كانوا ناوين يروحون يتغدون "

بدر: وين نروح
وليد: مدري بس مشتهي مطعم عربي
بدر يضحك: من وين نجيب لك بالله
وليد: مادري بس اكييد فيه
بدر: هو فسه بس تعرف اسمه
وليد يضحك : لا
بدر: استنى ادق على واحد من الشباب يمكن يعرف هنا
وليد : طيب

" صار يكلم بدر وبعدها مدحوه له اكثر من واحد نفس المطعم "

بدر: يلا توكلنا
وليد: وين قالولك
بدر : الـopen sesame
وليد: ياويلهم اذا شين
بدر: لا يقولون احلى المطاعم العربيه هنا
وليد يفرك يدينه : حمااس يلا تعرف وين
بدر يضحك : لاماعرف بس نوصل عند محطه الباص بدق عليه وبيوصف لي
وليد: طيب

" وبعدها راحوا وركبوا السياره ومسكوا الطريق بس وصلوا عند المحطه .. دق بدر على صديقه وكمل لهم باقي الطريق "

وليد: الللللله شكله حماااااس
بدر: من جدددد
وليد يضحك : الحين هذا ستايل عربي ولاهندي اشك انه هندي
بدر يضحك : تخيل
ولييد : فيهم خير يسوونها
بدر ضحك

" اول مادخلوا كان المنيو قداهم تحمسوا له وعلى طول راحوا وقعدوا وبعد ماطلبوا وكل شي "

وليد: ياناي بتوطى فييه
بدر: يحمس المنيو حقهم
وليد: الحين انا وانت بناكله لحالنا
بدر: لامع جدي اكيد لحالنا
وليد يضحك : كأنه حنا كثرنا
بدر يبتسم: الزياده ولا النقصان
وليد يضحك: اماا

" شوي وسكتوا ووليد يهز رجوله وياكل في اظافره وبدر يلعب بالجوال "

وليد: بدر
بدر: هممم
وليد : شفت هاذيك اللي معي بالكلاس
بدر رفع رساه : ياشيخ
وليد: شفييك
بدر: ياكثر البنات اللي فيه مين تقصد
وليد: هممم تذكر يوم تجييني الكافتريا اللي كانت قاعده مع مايلي و فيكي
بدر يضحك : عرفتها صراحه تستهبل
وليد يبتسم : السعوديه اللي معي بالكلاس
بدر بنظره : اهااا يعني كذا
وليد يضحك : مافهمتني انت عرفتها
بدر: ماعلينا شفيها
وليد خاف: لابس بقولك ان لونها حلوو " وبعد عيونه عن اخوه "
بدر يناظره وبأبتسامه جانبيه : وليدووه
وليد يضحك ويطالع الجهة الثانيه : هااه
بدر يبتسم : وليدووه اعقل هااه
وليد يضحك : شفييك شسوويت
بدر يغمز له: عن التبلتع هااه
وليد يضحك ضحكته الحلوه : والله ماقلت شي غير ان لونها حلوو شفيك تفسر كل شي بكيفك
بدر بنظره يعني فاهمك : اييه عاد سمعت
وليد : لاحوول .. بس بس وصلت وصلت المقبلات

"بدر ضحك بصوت واطي وانتظر الويتر يحط الاكل "

وليد" حششا بس قلت لونها حلو وقام يهدد شلون لوو ااااخ نشبه وربي .. وينك ياطلال محد يحس فيني غيرك "

وليد: بدر
بدر: نعم
وليد: بنقل مع طلال
بدريضحك : احلف
وليد: والله مو متعود اقعد بدونه
بدر: لاتحاول مافيه حق اللعب
وليد: ماصدق يقعد خمس سنوات ماشوفه
بدر: من يقول كل ويكند بتشوفون بعض
وليد: مو شرط
بدر: من يقوول
وليد: يمكن علينا كويز
بدر: يعني لو هو هنا وعليك كويز بتشوفه
وليد يبتسم : لا بس ادرس معه
بدر يضحك : اقول لايكثر هرج وكلّ

" بدر ووليد عايشين حياتهم البدائيه بهذي الطريقه بالموت عودوا نفسهم على هذا الحال .. وليد ماهو قادر ياخذ راحته مع بدر.. وبدر خايف يفلت لسانه قدام اخوه ويصير خوش قدوه له *_^ ... وكل واحد منضبط هالفتره بس وليد يحس انه بينفجر ماوده يبتعد عن طلال بس القدر جابهم كذا .."

.
.
.