رواية الأقدار والنصيب / الجزء السادس

قديم(ـة) 12-05-2013, 11:28 pm
شمعة حياتيm


الجزء السادس . .

بعد نص ساعه جت سجى . .
مشاعل : متى بتدخل ديمة
سجى : الحين بعد مافجر راسي زوجها
رناد : هههههههههههههه
سجى : والله جنني
ايمان : ليه
سجى : يقول تأخرتو قلت تصور البنت وهو مطفووق
مشاعل : هههههههههه

^ دخلت ديمة ع موسيقى هادية وحلوووة

كانت ديمة جمييلة ونعومةة ملامحها ناعمة شعرها مرفوع وعليها فستان.احمر وفيه ذهبي فخم وناعم

في ذا الوقت جوال سجى يرن . .
ايمان : سجوووي جوالگ
سجى حطي يدها ع راسها : ياربي ليش انا
مشاعل : هيييه فشلتينا الناس تطلع اشفيك
سجى : والله حسين جنني كل دقيقة يتصل
رناد : مشتاق الولد
سجى : الوو دخلت وانا ما اسمعك ازعاج بااي
رناد : ههههههههههه
مشاعل : يويلك منه بعدين
سجى : الحين شوي وبيتصل ماراح يعقل الا اذا جا هو
ايمان : خلاص قولو لها ماتتأخر واجد
سجى : مطفوق مثلة مافيه
مشاعل : إلا فيه اخووي اعظم منه
جنن امي جنون على مادخل ولاا يوم دخل ويسوي مررا مو مهتم وثقيل حظي
رناد : هههههههههههههههه
ايمان : ههههههههه اييه اذكر صحيح
سجى : من تحت لتحت
مشاعل : إيييه اصلا كانو يكلمون بعض ومسوين ثقيلين
غدير : هههههههههههه فضيحة انتي
رناد : ههههههههه اصلا عادي
مشاعل : إية بنت عمة
اريج : سلامم
الكل : وعليكم السلام
اريج بنت عم سجى وفي عمرها ' (:
سجى : اهلين ارجواننتي
اريج : هلا بآأميرتي الحلوووه.
سجى حضنتها :
اريج : عمممري بنت عمي
سجى وهيه مستحية : حياتي احلى بنت عم

^
بعد.مرور اربع ساعات
رن جوالها . .
سجى : فكرت حسين بععدد

هلا حمودي
امم اوكك خلاص طيب . . باي


لحظة بنات

وجدان : تعالي ادوررك
سجى : ايوا شنو
وجدان : الحين مرت اخوك بتقوم وحسين بموت على م يجي هنا
سجى : عاد ذاا مراا مطفووق تقولين بتطير ولاشي
وجدان : مدري عنه المجنون

^ طلعت ديمه وراحت للغرفة وجا حسين ولبسسها الدبله والذهب . .
ومسوي مستحي ولا كأننهه جنن اهله

سجى بصوت خفيف : جود شوفيي مسوي موو.مطفوق وعادي بعد
وجدان بصوت خفيف : اول م دخل ابتسم بس مستحي ومرا يعني
ام حسين : كللوووووش . .
سجى : ههههههه خفت

^بعد ماخلصو تصوير طلعو من الصاله الى بيت ديمه . .


في بيت ابو حسين
سجى : وي وي رجوولي ماني قادرة
محمد مبتسم ويطلعها بطرف عيونة: محد قالك البسي ذا الكعب وش قدهه هذا لو انك قصيرة وش سويتي بعمرك
سجى ؛ اسسكت ماني قادره حتى ارد
محمد : اروح غرفتي ابدل وش حلاتي بلا مكياج وبلا حوسة طبيعي فديتني
سجى :.لا اقومم
وجدان : ههههههههههههه
محمد وهو راكب ع الدرج : يمه يمه خفت انتي ب الأول اقدر توقفين علشان تجين وراي
احمد : محممممد
محمد وقف في نص الدرج : بسم الله من وين طالع
احمد : وينك من متى ادورك
محمد : اوب اوب صرت مهم وحركات
احمد : اقل بس اركب اركب
محمد : طيب ي الله

قديم(ـة) 12-05-2013, 11:31 pm
شمعة حياتيm


في الغرفة . .
احمد : محمد عزوز وش يبي منك
محمد طلع فية وسكت :
احمد : اشفييك انا اشوفك اول مادخلت مو على بعضك واحس تبي تقولي شي بس مو عارف
محمد : ها انا !
احمد رفع حاجبة : لا والله الطوفه
محمد ابتسم : طب اقوم علشان تاخذ راحتك.مع الطوفه حقك
احمد : لا بد تنرفزززني خلصني قول وش عندك
محمد : انالله شوف بقول بس نقوم نبدل تمام
احمد : طيب قوم اقلب وجهك بسرعه بدل وتعال
محمد : شوف كلمني.بآأحترام ولا مااتكلم
احمد ؛ طيب ياعمي روح بدل
محمد : ايوا خليك عاقل

#$ محمد بدل وجا بعد 10 دقايق

احمد : لا والله تو بدري ي استاذ
محمد : والله الله يسلمك انا حر وقت مابجي بجي لو جيت بكرا
احمد : يَ ثقل دمك بس تكلم خلصني
محمد : شوف يعني دامك اخوي وكذا يعني لابد تعرف
احمد : شمسوي بعد !
محمد : ماسويت
بس اللي صار ياطويل العمر جا لي عزيز وقال اخته انخطبت
احمد فتح عيونة: اختهه منوو
محمد :
احمد : ابوحمييد مب وقت تسككت منو
محمد : ر ..
اوهو خلاص مالي شغل
احمد : محمممد تكلم لاعصبني اكثر
محمد طلع فية : رناد
احمد انصدم : محمد قول انو تمزح
محمد : ش اللي امززح مافيها مزح السالفة
احمد.: يعني جد
محمد : ايه بس هيه الحين ماتدري
احمد : من ذا اللي تقدم لها
محمد: انور الآحمد
احمد : شنو قالك عزوز يعني
محمد : يسأل عن الرجاال يبي يعرف وجهه نظري الى انور
احمد : وش قلت انت
محمد : بععد الرجال مافية شي قلت انه خوش رجال وماسمعت عنه شي وقلت يسأل غيري بعد
احمد رفع حاجبة : احلففف لا اصصكك ككف ش اللي خوش رجاال انت وجهكك لييتكك ساككت ومب متكلم اححسن
محمد : تبيني اكككذب في ذا الشي مايصير ماهي نصيبك انسا خلاص
احمد : محمد قوم اطلع برا
محمد فتح عيونة:
احمد معصب: اطلعع برا
محمد : وين اروحح شدخلني بعد والله بعد بس بنام
احمد : انا بقوم بطلع
محمد يطلع فية بنظرتهه : اقول اكبر احسن
احمد : اسسكت صوتك ماابي اسمعة خووش رجال قال بعد
محمد : ايه بعد الرجال جا سألني
احمد : قول لة اخوي يبيها
محمد : ياسلااامم والله حلو جاي يسألني لا والله ياعزيز المعذرة بس ترا اخوي يحب اختك ويموت فيها ف خلاص لاتقولون الى رناد
احمد زعلان :
محمد : حموود بسس عاد اشفيك بسسكك عاد يمكن ماتوافق اصبر لاتصير مطفوق
احمد : احسن الساعه لمباركة انها ماتوافق
محمد : خلاص انت خليك عاقل ودون حركة اعرفك انا
احمد :
محمد : ايه مو ساكت وتفضحنا مع بيت الناس
احمد : انثبر ونام
محمد ابتسم : طيب ي اخوي العزيز بنام
محمد تو انسدح : ابو حميد قوم طفي النور
احمد :
محمد دار الجهه الثانية :
احممد اشفييك
احمد : تكفى محمد اسكت مرا مالي خلق حتى نفسي
محمد : نقوم نطلع !
احمد : ماابي
محمد :
احمد : خلاص نام
محمد: ماااقدر انام وانت كذا
احمد :
محمد : شلون يعني بتم كذا
احمد :
محمد : لا جنيييت رسممي

جواال محمد يرن
محمد : هلا ب الخاال
ايوا، طيب بكرا نشوفك
تلاقي الخير . .

محمد : احمد بكرا طلال يبنا نطلع
احمد : اطلعو انتو
محمد :


^ يوم ثاني الصباح كلعادهه قعدت ام حسين و ابو حسين وفطرو وابو حسين طلع الدوام وحسين اليوم اجازة
الساعه 12 . . صعدت ام حسين

غرفة البنات . .
ام حسين : وجدان سجى ي الله قعدو علشان تصلون
سجى فتحت عيون وعيون وبصوت خاففتت : الساعه كم
ام حسين : الساعه 12 الحين
سجى غمضت : طيب
ام حسين : طيب وتغمض بعد
وجدان يالله قومي انا بنزل وخلاص قومو واجد عليكم نوم

^ قامو وغسلو وجهم وتوضو وصلو


سجى : وش ذا تقولين اسوي تمارين وانا نايمة ولاشي
وجدان : هههههههههههه ايييه مرا
ملاك ؛ تقول لكم امي انزلو
سجى : طيب
وجدان : إوك

^ تحت . .
ام حسين : سجى اخوك فهد وين
سجى : مادري مب في غرفته !
ام حسين : اطلعي فوق وشوفية
سجى : اوك



$# فوق في غرفه فهد

طق طق طق 
فهد : منوو
سجى : ادخل !
فهد : لحظة لحظة
سجى : طيب
فهد فتح الباب : ايواا
سجى : فهودي ممكن اكلمك
فهد : تفضلي
سجى دخلت الغرفة وقفلت الباب : اشفيك فهد وش صاير معك !
فهد : ولاشي ليه
سجى : اوب ككل ذا مرا معفوس ولاشي مشكلة
فهد:
سجى : إييه اشفيك

^ طق طق طق
فهد : ايوااا
محمد : فهد ادخل !
فهد : ادخل
محمد مبتسم : اوه واسرار وكذا
فهود اليوم بنطلع تطلع معانا
فهد : وين
محمد : كلعاده
فهد : اوك الساعه كم
محمد : تقريبا بنطلع من هنا 4
فهد : إوك

قديم(ـة) 12-05-2013, 11:34 pm
شمعة حياتيm


وقت الغذاء . .
ام حسين : إلا غريبة حسين ماقعد
سجى : ايييه بعد ماعور راسي البارحة
ام حسين :هههههههههه بعد عمري
حسين وهو نازل من الدرج : حيييياتي امي
ام حسين : هلا يممهه،
ام حسين : غريبة تأخرت في النوم
حسين مبتسم : لاصار لي ساعه من قعدت بس كلمت ديمه وبعدها تروشت وهذا نزلت
سجى تطلعه بطرف عيونة ومبتسمة : هاا عجبتك البنت
حسين مبتسم : اكييد مب زوجتي شلون ماتطلع حلوة بعد
سجى : ياشين الواثق
محمد : ي طويل العمر عيب فيه عزاب
الكل : ههههههههههههههههههههه
خلصو الغذا وقعدو في الصالة وشربو شاي . .


$# احمد طلع فوق . .
وشوي ومحمد طلع فوق *

محمد فتح الباب :
احمد : بسسم الله ماتعرف شي اسمه استأذان انت
محمد فتح عيونة : لا احلف غرفتي واستأذن بعد مااقوم اطلع واستإذن منك استاذ احمد ممكن ادخل !
احمد : ياثقل دمك بس
محمد : حلوه منك
احمد : قوم قوم انزل بجي وراك ببدل
محمد :طيب

$# طلع محمد . .

بعد 10 دقايق نزل احمد

وقعدو الى الساعه 4
وبعدها طلعو بسيارة احمد

في السيارة
محمد وهو يشغل المسجل : نشوف شنو تسمع . .
( انثريني بعثريني واجعليني كل شي قربي مني شوي ردي انفاسي علي اتركي خوفك تعالي ودي اشعر اني حي انثريني بعثريني واجمعيني واملكيني . . .)

محمد ابتسم :
احمد : اشفيك استجنيت ولا شلون
محمد : انثريني بعثريني واجعليني كل شي
احمد : لايسمعك راشد يعتزل بعدها خلاص يبطل يغني

$# صوت محمد جممممميل اذا يغني بس كذا يمزح معه

محمد مبتسسم ابتسسامه ع جنب: غاير صوتي احلى من صوتك
احمد : ههههههههههه
فهد مبتسم :
وصلو واتصلو الى طلال علشان يطلع
وطلع . .

وشوي رن جوال محمد
احمد : محمد رد على جوالك ازعجنا
محمد : رقم غريب ذا

محمد : الو

محد رد علية . .
محمد قفل : لا يعني يرحم امك تكلم
طلال : هههههههههه اشفيك
محمد :محد رد علي
طلال : يمكن وحده تحبك وتبي تسمع صوتك
محمد ابتسم وبمزحة ؛ افا تقول لي هلا حبيبي بعد تتصل تسمع صوتي وانا لا مو حلوة كذا
طلال : هههههههههههههههههه
احمد : ياربي وش ذي الدفاشه
محمد يغمز : رووق

^$#/ وصلو المول . .
محمد : ي الله شباب
احمد : انتو انزلو وجاي وراكم
محمد :
فهد : إوك
طلال : وين
احمد : شوي وجاي
طلال : اممم ... الله معكك

احمد يتصل الى رناد ! . .
احمد : الو
رناد : نعم
احمد :
رناد : الوو
احمد قفل

احمد : حييياتي ذا الصوت فديتكك انا
احمد : يحلمم فيك ولد الآحمد انورو على جثتي انتي لي يعني لي


هووب وش فيني صرت مجنون اكلم نفسي( ابتسم ) يالله معليه اصير مجنون !

داخل المول
محمد مستغرب شلون روق احمد $#


طلال : انا بمشي من يجي معي
فهد: انا بجي معك
طلال : محمد
محمد : لا شوي وبقوم
طلال : احمد
احمد : مابي امشي


$#تباعدو طلال و فهد . .

محمد بتعجب : احمد
احمد : ايواا
محمد : اشفيك لايكون صرت مجنون ولاشي من ذا القبيل
احمد مبتسم : لا لسا
محمد : بعد لسا
احمد : شوف بقولك
محمد : ايه اسمع
احمد : تو اتصلت
محمد رفع حاجبة : إلى من
احمد : الى الحب
محمد فتح عيونة منصدم : ايي ححب
احمد : وهو في غير رناد
محمد مصدوم :
احمد مبتسم :
محمد : احممممد وش سووويت
احمد : ماسويت بسس خلاص هيه لي
محمد فتح عيونة : احمد بلا جنوووون ترا كلها كم سبوع ونروح كندا شنو اللي لكك لعبة السالفه .
احمد : إشعلييكك انت ئئه
محمد : مالي شغل فيك
احمد : ايوواا خليك كذا
محمد : طيب قوم نمشي .
احمد : يالله قوم


$# في بيت ابو حسين . .
سجى : يمممه بطلع انا وبنات عمتي
ام حسين : وين
سجى : المول
ام حسين : لاتتأخرون .
سجى : اوك وجدان بتروحين
وجدان رافعه حاجبها : لا
سجى : بسم الله اشفيك
وجدان : لأن بككرا عندي اختبار
سجى : دفرههه مرا
وجدان : اييه ماتفيديني انتي
سجى : لا تكفيين اطلعي معي احسن بعد
وجدان : ياربي ثقييله دمم
صفحة 5 من 5 « أول ص < 3 4 5
{[ اللهم لكـ الحمد والشكر كما ينبغي لجلال وجهكـ وعظيم سلطانكـ ]} 41
قديم(ـة) 12-05-2013, 11:36 pm
شمعة حياتيm



سجى وهيه تلبس عباتها : على عمري اللي يذاكرون انا
وجدان عطتها نظره :
سجى ابتسمت وطلعت
وجدان : ويييع اصلا عاددي



الساعه 9 . .
في المزرعه
محمد يكلم جوال .
محمد : هلا
لا والله غلطانة
معليه عادي
باي .

احمد : منو
محمد : زوجتي
احمد فتح عيوني :
محمد : وش دراني منوو غلطانة
احمد : اييه قول غلطانة تقول زوجتك
محمد : مدري متى تزوجت لاإصكك كف
احمد بمزحة؛ مدري عنك يمكن من ورانا انت عادي تسويها
محمد : ايه والله بعد بعد بس مسوي فاهم
احمد : هههههههههههههههه

محمد جوالة يرن . .
احمد وهو يضحك : ها زوجتك

محمد : هلا يبه مفاجأة !
طيب اوك . معلية . باي

احمد : مفاجأة شنو
محمد رفع حاجبة : وأنت قاط نفسك هنا لييه اقلب وجهك عني واركب السيارة
احمد : شوف ترا السيارة سيارتي لا اقول لاتركب وتخيس هنا
محمد : وانت الخسران
احمد : خسران في ايش ي حسرة
محمد : خل يقولك وين المفاجأة
احمد : وي اركب يابعد كل اهلي
محمد : ايه مصالح
فهد : إشفيكم انتو
محمد : جا حكيم زمانه
فهد رفع حاجبة :
محمد ابتسم : وي بسم الله
فهد لسا على نفس الفيس
محمد يتكلم مثل لهنود : بابا آسف مافي انا عيد حركة
فهد : هههههههههههههه
احمد : ههههههههههههههه
محمد مبتسم.: والله زين اعرف اتكلم مثلهم خلاص بمثل بفلم هندي
فهد : ههههههههههههههههه اقول ارككب بسس
في السيارة
احمد : يا استاذ محمد الحين وين
محمد : تعرف الشاليه حق ابو عز
احمد : ايه
محمد : قال ابوي نروح هناك
احمد مستغرب : غريبة ليه
محمد : شدراني الحين نشوف
فهد : حق ذاا اللي يسمون ولده الدلوع !
محمد : ايوا
احمد : مدري يدلع على ويش ي حسرة بعد لو جميل بلعنا الدلع
محمد : هههههههههههههه
تدرون مره طالع من البيت هو قبال البيت طلعت فية وابتسمت وحسيت شوي ويطيح من الفرحة وجا سلم علي وشفت شلون البنات اذا سوت كشخة وكذا اقوله حلوه الساعه وبعدين.ندمت اني تكلمت ذي ماركة وذا و ذا وماسكت
احمد ؛ هههههههههههههه،لو منك اقول لو سمحت انا مشغول
فهد : مااأتحمله يفكر نفسه مدري ايش ملك ولاشي ككذا
محمد : إييييه وبعدها قلت توبه لاعاد تبتسم في وجهه
احمد.: ههههههههههههههه

$#الدلوع اسمه عز ويكون ولد جيرانهم وطبعا مايواطنوه


بعد ساعه ونص وصلو الشاليه

ابو حسين : اهلين تفضلو
دخلو كلهم وهم ساكتين ومستغربين
محمد : اييه شنو المفاجأة !
احمد : ايوا
فهد ينتظر الأجابه:
ابو حسين مبتسم : وش رايكم بالشاليه
محمد : حلو
احمد : جميل
فهد : مرتب
ابو حسين : ايوا خلاص مبروك عليكم اجل
محمد مبتسم : لاتقول يعني خلاص لنا
ابو حسين : ايوا لكم
فهد : تمااامم
احمد : ياسلام خلاص يوم خاص لنا
ابو حسين شوفو هناك العلبه كل واحد ياخذ مفتاح

$#المفاتيح حق الشاليه علشان اذا جو كل واحد.معه مفتاح ! . .

محمد : انا بوزع عليكم قعدو
احمد : انتبه لاتطيح علينا
حسين : ههههههههههههه
محمد : يمه بسم الله من وين جاي انت
حسين : عيب كذا تكلمني اخوك الكبير انا
محمد : ولك حيااااتتي انت.
حسين مبتسم : يلا ارجع انا بعطيكم المفاتيح
محمد : لاتقول انت اللي تحط القوانين ولا ضاعت حقوقي !
حسين : وش رايك لو تحط القوانين انت ضاع الشاليه
محمد : الله يسامحك
حسين : امزح.معك خلاص يالله قوم عطينا المفاتيح
محمد ابتسسم وعطا كل واحد مفتاح ورجعو البيت وهو تقريبا يبعد من بيت ابو حسين ساعتين وماقالو الى البنات علشان تكون مفاجأة لهم . .
بقلم:
شمعة حياتيm

اختيار ذووق ووطرح انيق
ربي يعطيك العافيه لجهودك المميزه واختيارك المميز
كل الود••

*،




آنتقاء مميز .. مَ ننحرم من جديدك

تميز دائم في الاِنتقاء
وفي روعة الطرح
دمت بكل خير

نقل جميل ورائع
الف شكر
ودي

أجمل التحااايا
أقدمها لك

لمرووري بصفحه جميله بمستوى رااقي

يعطيك العااافيه

شكرا لك

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

يعطيك العافية على اختيار الموضوع
وحرصك على اختيارك مادة مفيدة

الله يكثر من أمثالك
وشكرا

نجم

اقتطافة أنيقة
لاعدمنـآ هذا الجمال بالطرح..
بإنتظآرجديدك بكل شوق..
ودي وشذى الورد..