رواية غضب وإنتقام طفلة/15

*غمازته بالوجه مآهي مصيبه . . .لآورب البيت رآس االمصاااايب لآمن ضحك شفت لضحكته هيبه . . . ولامن زعل رآآآح عمرررررري خرآآآآآيب...??*


*البارت الخامس عشر*


الرئيس بعصبيه:وينهااا لي اكثر من أسبوع منتظر
صالح:طال عمرك مااتت البنت
الرئيس:لا ما ماتت ابيهاا عندي بكره او بتشوف شي مايرضيك
صالح:والله هي بالبدايه هربت وعاشت ببيت ثاني واليوم اكتشفنا انها ماتت يوم احترق البيت
الرئيس وهو يحاول يتمالك نفسه:الحين تقولي في اي حي هالبيت
صالح:على حسب معلوماتي انه في حي .......
الرئيس:الحين تروح انت واثنين رجال وتتحققون من السالفه
صالح:حاظر طال عمرك
الرئيس:يالله من قدامي
صالح قام وخرج من المكتب
الرئيس ابتسم بخبث"قطه بسبعه ارواح مارح تموت بسهوله القطه اللي تتعطش للانتقام رح تحارب كل شي علشان توصله رح تدور فينا الايام والتقي فيك ياقطتي"


*عند ميس*

رائد:وين كنتي تبغين
ميس:كنت أبي اروح عند البنات واشوفهن عرفن شي عن لتين او لا
رائد:الحين تاخر الوقت بعد شويه بيذن المغرب خليه بكره
ميس بعجله:اووك بروح بكره ان شاءالله
رائد:يالله نروح مطعم نفطر هناك ترا حدي جووووعان
ميس:اوك يالله نروح

*ببيت ام اياد*

*قبل ساعه*

زياد:يمه قووومي لا تتركينا
ابو رعد:بسرعه خذوها وودوها المستشفى
اياد ركض لامه بسرعه وحملهاا
ام نايف:لحظه غطوها بشي
اياد:يالله بسرعه هاتي اي شي
شوق بسرعه جابت عبايه ومدتها لاياد
اياد بسرعه حطها فوق امه ونزل ركض وزياد وريان تبعوه
شوق:يارب تكون بخير
غزل:بنات انقهرت من اللي صار للتين والله ماتستاهل
رنيم:الحقيرة رغد كله بسببها
شوق:كان نفسي اقتلها بس ابوي مسكني افففف
غزل كشرت:والله اشتقت للتين اتمنى انه ماصار لها شي وتكون خرجت من البيت قبل مايحترق
شوق:وانا بعد أتمنى يكون كذا والله رعد هالك نفسه بسبب حزنه على لتين
رنيم:مسكين كان دايم يطقطق على اللي يحبون ويقولهم خرافات ويوم لقى حبه ضاع منه بغمضه عين
غزل:اي والله باين انه يحبها كثيير والله قطع قلبي عليه
شوق:بنات تخيلن لتين ترجع وتصير زوجه رعد وتنتقم من اللي قتلو اهلها
رنيم:لاتفرحن نفسكن باشياء مالها وجود لتين ماتت وكلنا نبيها ترجع بس سمعتي بميت يرجع
شوق:جثتها مو موجوده ولا لقو بالبيت شي يعني فيه امل
غزل:اي شوق ايش سالفه الانتقام
شوق:فاتكم والله يوم كنا بالمزرعه بعد ماخرجت لتين من عندنا وتبعها رعد انا نزلت وراهم
غزل:حماره ساعه ونحن ندورلك وطلعتي رحتي وراهم
شوق:لحظه خليني اكمل بعد ماطلعت وراهم سمعت كلشي ولتين قالت لرعد انها تعرف اللي قتلو اهلها وانها تعلمت القنص منه علشان تنتقم منهم
غزل بحماس:تدرين مين اللي قتل اهل لتين
شوق ناظرت يمين ويسار وقربت منهن اكثر:تذكرون مرام اللي باليمن واخوها فارس اللي خقت رنيم عليه
رنيم:وجع ماخقيت اخق
شوق:انتي حتى شايب تخقين عليه سريعه الذوبان
رنيم كشرت
غزل:ايه ايه كملي ماعليك منها
شوق:ابو مرام وفارس هو اللي قتل اهل لتين
رنيم بصدمه:كذااااااابه
شوق:والله وبعد فيه احد غيره مشارك معه
غزل:قولي مين بس بليز مانبي صدمات اكثر
شوق:الثاني ابو رائد زوج ام ميس
رنيم:انتي شلون عرفتيه
شوق:اعرف انه يقرب لمرام
واعرف بعد رائد من كثر مانزلت مع لتين وعرفت انه زوج ام ميس من ميس يوم كانت تحكي عنه انا ولتين
رنيم:استغفر الله بس الله ينتقم منهم
غزل:مالت كنت احب مرام بس الحين كرهتها من بعد اللي سواه ابوها باهل لتين
شوق:وانا بعد كرهتها
رنيم:حتى اناا والله
غزل بحماس:بنااات ايش رايكن ننتقم للتين من ابو فارس
شوق:اييه وخصوصاً انهم اجو من اليمن قبل كم يوم
رنيم:لا بنات انا حاسه ان لتين رح ترجع وتنتقم منهم بعد
شوق:ايه احنا حتى مانعرف نمسك المسدس
خالد جاء لهم ومعه امير وعيونه حمر
شوق بغباء:ايش فيه هذا بعد
امير:انتم اللي ايش فيكم قالو لكم لتين ماتتت وانتن تضحكن ومدري ايش
غزل:يشيخ مافيه دليل ان لتين ماتت امكن تكون خرجت من البيت قبل مايحترق
رنيم:اي ويمكن كمان تكون حست بالنار وهربت
امير:انا اللي محيرني شلون شبت النار بالبيت كذاا ولا لتين شغلت النار ونسيتها
شوق:مايهم كل هذا انا عندي احساس قوي ان لتين حييه


*عند ابو فارس*

ابو فارس:للحين مالقيت لتين
فارس:ما لقيتها كنت اشوفها بس فجاه اختفت
ابو فارس:طيب دور عليها زين لا تيأس ابيها ضروري
فارس:مارح أيأس ابد وان شاءالله القاها
ابو فارس غمزله:بس عليك تلقاها انت وابشر باللي يسرك
فارس ضحك وضم ابوه:فديتك يبه
جات مرام:يببه مليت قول لفارس يوديني عند ميس
فارس:مو فايقلك والله
ابو فارس:اصبري شويه بنروح بعدين بنتمشى
فارس:وين امي
ابو فارس:راحت عند خالتك

*في الميتم*

*بعد الافطار*

اسرار:بناااات كملت العد كل وحده تلزم مكانها
وراحت تدور للبنات
دخلت غرفه لتين وندى
اسرار:ندى لقيتك اخرجي من ورا التسريحه
ندى خرجت:افف دايم تلقوني اول وحده
اسرار:لان اماكنك بايخه
ندى:بس بس روحي دوري للبنات
اسرار راحت تدور بغرفتها مالقت احد راحت للمطبخ وصارت تدور فيه فتحت الثلاجه
ندى من وراها:الحمدلله والشكر تدورين داخل الثلاجه
اسرار:اسكتي بس
ندى:تعالي بكلمك
اسرار راحت لها
ندى بهمس:ترا غنج ورا الثلاجه وناديه ورا باب الحمام
اسرار ابتسامتها اتسعت لين اذونها:ايه ايه ولتين وين
ندى:ما ادري اول ماكلتي العد ماشفت الا غبرتها وترا اذا مرت نص ساعه ومالقيتيها تعيدي الللعبه
اسرار:اوووف بس
ندى:سويت اللي علي يالله جااو
اسرار راحت ورا الثلاجه:غنج لقيتك
غنج خرجت:باقي مين
اسرار:بس ناديه ولتين
غنج بحماس:ترا ناديه ورا باب الحمام
اسرار:ايه ولتين
غنج:ما ادري
اسرار:يالله بروح ادور لهن
وراحت للحمام دورت لقت ناديه
اسرار:لقيتك ندوش
ناديه:اووه ادري ان مكاني سخيف
اسرار قربت منها وهمست:تدرين وين لتين
ناديه:لا تدرين انتي
اسرار:خبله لو ادري ما كان سالتك
ناديه ظربت راسها:اي صح
نديم تنادي من الصاله:بناااااات
كل البنات راحن للصاله
نديم:بنات مالكه الميتم بتجي مع بنتها ريم وبنات اخوانها بعد شويه روحن اتجهزن علشان تستقبلنهن
لو تشوفو البنات كل وحده تصدم بالثانيه من العجله وكل وحده راحت ركض لغرفتها

بعد 15 دقايق كلهن اجتمعن بالصاله وطبعاً ناسيات لتين
ندى كانت لابسه فستان ناعم وقصير لين تحت الركبه لونه اسود وماسك على الجسم واكمامه نازله على الكتف ولابسه حذي كعب اسود
وفاكه شعرها القصير ومسويه فينكه سودا على الجنب ومسويه روج وردي وكحل اسود بس

غنج
لابسه بنطلون سكيني ابيض وبلوز اسود فيها كتابات فرنسيه باللون الابيض ورافعه شعرها ذيل حصان ومنزله خصلات على وجهها ولابسه جزمه سبورت ومسويه كحل ابيض وروج لحمي

اسرار
لابسه تنوره اسود ماسكه على الجسم وبلوزه بيضاء على تيشيرت جينز قصير ومسويه كحل اسود وروج احمر وفاكه شعرها لابسه حذي كعب

ناديه
لابسه فستان احمر ناعم ورقيق لين الركبه ضيق الين الخصر ومنفوش من تحت واكتافه(اكمامه) نازله على الكتف مسويه روج احمر كحل اسود ومعقده شعرها كله ولابسه حذي كعب لون أحمر

سمعو طرق على الباب

غنج بفرح:جووو
ندى اخترعت:لحظه بنات مو كانا نسينا لتين
اسرار حطت يدها على فمها:اوووه لتين مو موجده
نديم:روحو استقبلوهم وانا بدور للتين
ندى:انا بروح معك
ندى:خلونا ندور بالحديقه ممكن نلقوها هناك لان شفتها متجهه لجهه الحديقه
نديم حطت يدها على راسها:ياربي الشباب بالحديقه
ندى:هههههههههههه اكلتها لتين
اسرار:ههههههه بنستجوبها لدخلت
نديم:مو وقت الضحك
غنج:خلونا نروح نستقبلهم ولتين بتجي بعد شويه
اسرار:ايه بتطفش من اللعب وبتنزل
ندى:بس المفروض تكون معنا علشان تشوفها ام ريم
نديم:روحن اجلسن مع البنات وانا بجيب لتين
اسرار:طيب
مشت وسحبت ندى معها والبنات راحن وراهن

*في الحديقه*

الحديقه كانت كبيره وحلوووه وسطها نافوره صغير ونخل على الجوانب وحولهن رشاشات والعشب لساته طالع والطين مبلل بالماء وفيه طاولات وكراسي قدام النخل
لتين كانت تحت طاوله"اممم اكيد تعبن يدورن علي وفزت باللعبة بخرج الحين لهن"

كانت بتخرج بس سمعت اصوت شباب قريب من الطاوله اللي تحتها لتين
مشعل:هالمكان حلوو بالنسبه انه ميتم
سيف بغرور:ايه اصلن هذا بيتنا بس امي قالت بتسويه ميتم للبنات المساكين
لتين كانت تسمع كلامه تغلي من القهر
مشاري:يب سوت خير فيهن
مشعل:ايه المفروض يكونن الحين بميتم فقير بس جدتو عطفت عليهن
سيف:ايه ويوم اذا رح ازوج ولقيت البنت اللي تستاهلني مع انه مافيه بس يالله وقتها رح اخذ الميتم واسويه بيت لي
مشاري:تو تو والبنات المساكين وين بيروحن
سيف بغرور:يروحن لميتم من مستواهن
مشاري ومشعل:هههههههههههههههه
لتين خلاص الدم غلى عندنها ووصل للميه رفعت راسها ودق بالطاوله
مشاري:شباب شي تحت الطاوله
مشعل:وطي راسك وناظر ايش موجود
مشاري بخوف:لا انت ناظر
سيف بملل:ابعدو انا بشوف ايش فيه
لتين كانت خايفه بقوووه
سيف وطى راسه وناظر تحت الطاوله فرك عيونه بيده
وغمضهن ورجع فتحهن
مشاري بخوف:ايش فيك
سيف:ماشوف الا عيون زرق يلمعن يمكن فيه قطه تحت الطاوله
مشعل:اتركها خلاص
سيف بعناد:لا بجيبها عيونها اعجبني
مشاري:طيب جيبها بنشوفها
لتين"يمامي ايش ناوين عليه افضل لي اهاجم بدل اجلس كذا ما اسوي شي"
سيف حاول يدخل بس لتين نزلت من تحت الطاوله بسررررعه وصدمت براس سيف بقوووه وطاحت فوقه
سيف مصدوووم وراسه يوجعه اما مشاري ومشعل مفهين بلتين
لتين قامت بسرعه تبي تهرب بس مسك رجلها
لتين:اتركني ياحقير
قام سيف من الارض ومسسك بذقن لتين بقوووه:قطه مشاغبه رح اخليك تندمي على صدمتك براسي
لتين:ابعد ياااحقير اتركني لاتلمسني ياسافل
سيف ضغط على ذقنها:تكلمي بادب اذا تبغيني اتركك
مشاري بهمس:الله يعين البنت راحت فيها مافيه احد يكلم سيف كذا الا ويندم
مشعل:اووفف بس عليها جمال بنت اللذينا
مشاري بتحسر:الله يرزقنا
لتين بسخريه واستفزاز:تخسى اكلم الحشرات بادب
سيف فااار دمه ورفع يده يبي يضرب لتين
لتين ناظرت فيه بنظرات مليئه بالقوه والثقه ومسكت يده قبل ماتوصل لوجهاا
لتين بثقه:ما اسمح لك تمد يدك علي واذا انت تبي تنام بالمستشفى اليوم جرب حضك ...لفت يده ورا ضهره بقووووه
سيف المه بس حرر نفسه منها ودفها بقوه عنه
سيف ابتسم بثقه:عضلاتي مو على الفاضي موجوده
لتين:وانا لا يغرك مضهري ترا اقدر اوديك المستشفى
سيف:اوك تقدمي وريني وش اللي تقدرين علين
لتين ابتسمت بثقه:لا الوقت مناسب ولا لبسي وشكلي مناسب ولا يصير ابقى اكثر كذا عندكم ان شاءالله المرات القادمه بنحسم الامر بينا
ولفت عنهم ومشت
سيف كان يبي يروح وراها بس مشاري مسكه
مشاري:كلامها عين الصواب مايصير تطلع لنا كذا احنا جينا فوقها ان شاءالله الجايات اكثر دامها موجوده هنا
سيف بصراخ:رح تندمي ياقطه
لتين طنشته وكملت ركض الى ان دخلت للبيت
لقت الصاله كلها بنات دخلت بهدواء وهي تتسحب لين خرجت من الصاله ووصلت
غرفتها ودخلت وصكرت الباب
انسدحت على سريرها وراحت بسابع نومه

*في الصاله*

ريم:ندى وين البنت اللي قلتي جات جديدة
ام سيف:اي صح قالت لي ماريا انه فيه بنت جديده جات وجيت علشان اشوفها بس مو موجودة
ندى بهمس:كنا نلعب غميضه وتخفت وللحين مالقيناها
ريم ماسكه ضحكتها
المديرة:بروح اناديها الحين
ندى:لا اجلسي انا بروح اجيبها
المديرة:تمام بس لا تتاخرن
ندى:تمام
وراحت بسرعه
غنج:ايه والا كسسوارت تجنن حق هذا المحل
لمار:ايه مرره حلوو واشكالهن غريبه
غنج:حتى فساتينهم شي غير
لمار:انا اذا مافصلت فسان من باريس اشتري من هذا المحل
غنج:والله شكلك تشبهيني
لمار بغرور:قصدك انتي اللي تشبهيني
غنج تضايقت
منار برجه:اتكلمي ليش ساكته
ناديه بخوف:ايش اقول
منار:اي شي بس لا تجلسي ساكته كذا
اسرار بابتسامه:اعذريها البنت شويه خجوله
منار بمزح:خليها عندي اسبوع بجيبها لك راديو مايتوقف عن الحن
اسرار ابتسمت بمجامله
اما ناديه خافت و قامت من مكانها وجلست بعيد عنهن
منار باستغراب:ايش فيها نفسيه هذي
اسرار تنرفزت:ما اسمحلك تقولي كذا عنها
منار:ايش فيك شبيتي اسفه ما اقصد
اسرار هدت شويه:اعذريني بس ناديه حساسه من يوم ما ماتو اهلها صارت كذا خجوله وماتحتك بالناس وتخاف منهم
منار بحزن:الله يجمعها بهم في الجنه انا بعد امي ماتت وحاسه فيكن
اسرار:الله يرحمهاا
منار تصرف:تصدقي حبيتكن من اول ما جيت وانتن تعاملنا باحترام وتمزحن وتضحكن معنا
اسرار بابتسامه:نفس الشعور

*عند ندى*

ندى:لتييييين قومي تعبت اقومك
لتين:اممممم
ندى:لتين لتين قومي فيه احد انتحر
لتين فزت:مين مين انتحر
ندى بسخريه:صرصور كان فوق سريرك وانتحر
لتين نطت من فوق السرير:وينه وينه
ندى:ههههههههه اقولك انتحر
لتين ناظرتها بقهر:في احد قالك انك سخيفة
ندى:لا معلومه جديده سجليها لو سمحتي
لتين:اقول انقلعي بس ابي انام
ندى:لتين يالله المديره تبيا نسلم على مالكه الميتم
لتين:اوووف مشوار
ندى:لتييين يالله البسي
لتين بكسل:اووك وين الحمام
ندى:شوفيه قدامك
لتين:طيب ابي ملابس
ندى:خذي هذا الفستان والبسيه بسرعه
لتين اخذت الفستان وراحت للحمام
ولبسته ونزلت
ندى:واااااو طالع يجنن فيك
لتين وهي تتثاوب:اووه شكراً
فستان لين تحت الركبه لونه اسود وماسك على الجسم كمه قصير ونازل على الكتف وفيه حزام ذهبي على الخصر
ندى:تعالي بسويلك كحل وروج
لتين:قالو لك بزره
ندى:يبب والله شكلك زي الدميه يختي تجنيين فيك برائة الاطفال احسك بنتي
لتين:هيه هيه تراك اكبر مني بسنه بس مافيه فرق
ندى:اوك اوك يالله بسرعه لا نتاخر
لتين جلست قدامها وندى سوت لها كحل وروج احمرررر
ندى:اسويلك رسمه العين
لتين:لالا تبغين تطبقين فيني
ندى: سبحان الله شلون عرفتي
لتين:اقول بس امشي يالله
ندى:يالله
لتين:لحظه باقي شعري
ندى:اتركيه كذا مفكوك افضل بس يبغاله ترتيب شويه
لتين:يالله بسرعه
ندى رتبت شعر لتين
سمعو طرق الباب
ندى:ادخلي
اسرار دخلت:تقولكن استاذه مار. .......سكتت يوم شافت لتين
اسرار:كلولوللولوليش الف الصلاه والسلام عليك ياحبيب الله محمد كلولولولولوليش
لتين:لا زفيني افضل
ندى:اعذريها هذا طبعها ماتقدر تتمالك نفسها كان المفروض يكون مكانها بين طقاقات الشرقيه بس خبطت بالعنوان
اسرار:سخيفه تراك
لتين:اي والله امشي ماعليك منها
ندى:اقول امشن بس
نزلن كلهن وراحن للصاله
لتين وندى واسرار وقفن ورا البنات مقابلاات لنديم وماريا وام سيف
ريم:يمه وش فيك فاتحه فمك
لتين بابتسامه:السللااااام عليكم
البنات كلهن لفن
ام سيف:هذي البنت الجديده
ماريا:ايه
ام سيف:بسم الله ماشاءالله عليها
ريم:ندى هذي البنت الجديدة
ندى:ايه
ريم قامت فوق الكنبه ومسكت خدود لتين:يبوووي تجنن مثل الدمئ
لتين بخجل:شكراً
لمار بغيرة:شيفه من زينها
منار:مالشيفه الا انتي هالجمال كله ماشاءالله وتقولي شيفه
لمار بقهر:اقول انطمي انتي بس
ماريا بهمس:ايش رايك تبقى معنا هي مالها احد
ام سيف:انا ماعندي مانع دام لسى فيه اماكن فاضيه بالبيت
لتين مشت وجلست بجنب ريم وندى
ام سيف:كم عمرك ومن وين جيتي
لتين:عمري 17 سنه وجيت من .......... منطقه بالشرقيه
ام سيف:طيب امك وابوك وينهم
لتين:توفو بحادث
ام سيف:من متى وكيف
لتين قامت:اسفه ترا ما اقدر اجاوبك انتي تجرحيني بهالاسالة .....ومشت
المديرة:لتييين تعالي هناا
لتين مشت وماردت
ام سيف:اتركيها المفروض مااسالها هالاساله
ريم وندى قامن ورا لتين
ريم ندى:نترخص
ام سيف بابتسامه:انا بجي معكن
ندى:اوك
ومشن لغرفه لتين
دقت ندى الباب
لتين:ادخلي
ندى دخلت ووراها ريم وام سيف
لتين مسحت دموعها بطفوليه وابتسمت:تفضلن
ام سيف مشت عندها وضمتها:اسفه ماكنت اقصد
ريم بهمس:شي نادر ان امي تعتذر ترا
ندى ابتسمت
ام سيف:لا تحزني نحن هنا زي اهلك
لتين ضمت ام سيف وصارت تبكي وتشاهق من قلب وتذكر كل اللي يوجعها
ام سيف وجعها قلبها عليها: خلاص لاتبكي ان شاءالله تلقينهم بالجنة
لتين وهي تبكي ومو حاسه على نفسها:ت تخيلي م ا ماتو م اههيي مقتولين
ام سيف كان الصدمه نزلت عليها
ام سيف خطر ببالها سؤال:لتين ايش اسمك الكامل
لتين بعد وجهها عن صدرها وناظرت فيها
ام سيف:اتمنى تجاوبيني
لتين:لتين احمد محمد ال.......
ام سيف بصدمه:احمد مستحيل

*بعد 10 ايام*

*في بيت ام اياد*

ام اياد:اياد الحين أخرج من غرفتك معي موضوع مهم
اياد:يمه مووو فايق لشي والله
ام اياد:اخرج يالله
اياد فتح الباب وخرج من غرفته
ام اياد مسكت بيده وسحبته معها للصاله
ام اياد: انت كبرت ياولدي ولازم تتزوج
اياد:يمه واللي يرحم والديك مالي خلق هالسالفه
ام اياد بعصبيه:اجل لين متى بتضلي على هالحال لين متى بتضلي منتظر لتين
اياد:يمه اذا قررت اتزوج وقتها بقولك
ام اياد:لاوانا ابيك الا تتزوج اليوم قبل بكره ابي اشوف عيالك قبل ما اموت
اياد:سلامتك يمه
ام اياد:اذا تبيني ارضى عليك دنيا واخره واموت وانا راضيه عنك وافق انا ابي مصلحتك خلاص التحسر مارح يفيد شي وافق ياولدي
اياد احنى راسه:مابي ازعلك مني اللي تشوفينه يصير يمه
ام اياد:الف مبروك ان شاءالله تبي تعرف مين البنت اللي اخترتها لك
اياد:مايهم يمه ....ومشى بسرعه بدون مايلتفت وراح لغرفه لتين ودخل انسدح على سريرها وضم وسداتها وصار يبكي بقهر

ام اياد تبعته وسمعته يوم يبكي وجعها قلبها عليه وصارت تبكي"مصيرك تحبها وترضى فيها كل اللي اسويه علشان مصلحتك ولا مين كان يتمنالك لتين تكون من نصيبك بس مافيه قدر"

*في الميتم*

لتين:واااااو بنروح رحله
ندى:يااااسلاام اول رحله ولتونه معنا
ريم:واناا بعد معكن رح تكووون رحله رووعه
ندى بضحكه:انتي احسك وحده منا دايم نايمه ومتغديه ومتعشيه هنا
ريم:هههههههههههههه ايش اسوي احبكن
لتين:افضلك اكيد ملل بالبيت
ريم:اي والله مافيه احد يفهمني الا لتونه
ندى:من لقى احبابه نسي اصحابه
ريم:هههههههههه مانسيتك بس فهيت شويه
لتين:اقول بنات وين بنروح هالمره
ريم:ريف وبعد امي وسيف وعيال خواني بيجو معنا
لتين:هههههه ماشاءالله رحله عائلية بس صراحه سيف ماله داعي
ريم:ادري ينرفزك ....وغمزت لها لاتحسبيني مادريت بالسالفه
لتين:ههههههههه مايختفي عليك شي بس كيف دريتي
ريم:قنصت مشاري ومشعل يتكلمو على بنت لقوها بالحديقه وخليتهم يحكو لي كلشي طلعو وقعو فيك
لتين:مساكين مايدرون اني حاصاله على الحزام الاسود بالكارتيه واعرف للتايكوندو بعد
ريم:هههههههههه الحمدلله ربك ستر ولا كان الحين لساتهم بالمستشفى
ندى:لحظه بنات خلوني استوعب ايش كارتيه وسيف ومدري ايش ايش السالفه قولو لي
ريم:السالفه طال عمرك
لتين:لالا بتحسبني متوحشه
ندى:كملي مالك منها
ريم قالت لها كلشي بالظبط
ندى تصفق:لتين اعجبتيني صراحه
لتين نفخت صدرهاا:ادري انا اعجبت الكل
ندى:ريم الحقي عليها لا تنفجر
ريم:هههههههههههه
لتين:ه هه هه بايخه مررره
ندى:الا لتين وين ميس اللي قلتي انها بتجي بعد كم يوم
لتين:ايه صح امس كلمتها اطمن عليها وقالت بتجي اليوم لان صارت معها ضروف وماقدرت تجي
ندى:يعني بتعيش هنا
لتين:ايه اتمنى يبقى هالشي سر بيننا
ريم:بس ليش بتهرب من بيتهم وبتجي تعيش ميتم
لتين:اضن اني اقدر اوثق فيكن رح احكيلكن القصه كااامله
ندى:تقدري توثقي فينا احنا اخواتك
ريم:ايه بالزبط قالت اللي كنت ابي اقوله
ندى:يالله قولي
لتين بدت تقولهن كلشي وتشرح لهن قصتها من الالف للياء ويوم التقت بيميس وايش يربطها فيها وايش السبب اللي يخلي ميس تترك اهلها وتتخلى عنهم علشان تجي للتين وقصه ام اياد والبيت المهجور ماخلت شي الا وقالته لهن

ريم بحزن:لتين هالمعاناه كلها صارت بسببهم لازم تنتقمي منهم بالاصل ونحن معك
ندى:ايه من حقك تقيمي الحد عليهم وتحرميهم من الحياة مثل ماحرمو اهلك منها
لتين ابتسمت:وانا قدهاا رح تشهدو الانتقام قريباً
ريم بدراما:اتعطش للدماء
ندى:وتقطيع الجثث ايضاً
لتين:ههههههههههههههههههههه مجرمات درجه اولى
ريم:افا عليك مانشوف افلام على الفاضي
سمعو دق على الباب
لتين:ادخلي
انفتح الباب وبدت بوجهها
لتين فرحت كثيرر وقامت ركضت لميس وميس ركضت باتجاه لتين وضمتها بقوووووه
لتين:اشتقت لك ميوسي
ميس:والله انا اكثر
لتين:طمنيني عنك
ميس:صرت باحسن حال من شفتك وانتي طمنيني عن احوالك
لتين:الحمدلله فرحتني جيتك
ميس:الله اشتقت لك ولمغامراتنا
لتين ابتسمت:تعالي اعرفك على البنات
ميس ابتسممت
لتين:هذي ريم وهذي ندى اعز صديقات لي بالميتم
ميس:تشرفت فيكن
ندى ريم:واحنا بعد
لتين:ميس كيف عرفتي اني بهالغرفه
ميس:ماعرفت بس بعد ماجيت عند المديره وقلت لها مالي مكان وابوي مات ومدري ايش قبلتني وقالت بتكلم مالكه الميتم وبتقولها ودلتني حرمه على هالغرفه ولقيتكم هنا
لتين بابتسامه خبث:بنات بدأ الحماس
البنات فهمن لتين وابتسمن بخبث وكلهن بصوت واحد:اكييييد






*🌸نهايه البارت🌸*

- أنتقآؤكْ رَبيعٌ فاتِنْ ..
أروتني معرفتٌك حد الإكتفاء
لقلبك بياض لا ينتهي

الله يعطيك العافيه

اطيافي
لِرُوحكْ وَردْ مُخْمَلِي’..يَ عَبقِ البَسآتِين ...’♥

غزلان
لِرُوحكْ وَردْ مُخْمَلِي’..يَ عَبقِ البَسآتِين ...’♥

الله على اختيارك للموضوع الروووعه
شكرآ على المجهووود

بالتووفيق ان شاء الله

نجمكم

سلمت الآكف ومَاجلبت
إبداع دآئم وتميز مُستمر
لا عدمنَاك
قوافل شكري وتقديري لك

100
أناقة طرح وجاذبيه
إهتمام و..

اجتهاد واضح في الطرح
وذائقة عالية المستوى

استمعت النفس بما مرت عليه هنا،،،
فبهذا العطاء سنرقي

من أعماق القلب أشكرك

اخوك
محمد الحريري

نجم
لِرُوحكْ وَردْ مُخْمَلِي’..يَ عَبقِ البَسآتِين ...’♥

ملاك
لِرُوحكْ وَردْ مُخْمَلِي’..يَ عَبقِ البَسآتِين ...’♥