الحب عبدي وسيدي. روائع مهندس الكلمه >>

من يضـيء سـمائنـا ولياليـنا ؟
من الذي يـؤنـس وحـدة الكثيـرين ؟
من يسـافر بنـا مـع الاحـزان ؟
من يسـطر القـصيدة بمـاء الذهـب ؟
حتى اذا كان في ظـلام الطريـق .. مسـافرا
تضيء هي بـذاتهـا .. لتزول وحشة السـفر
كل تلك الاسئـلة مستحيلـة الحل ..
الا بحروف ثلاثـة
اوسطهـا .. الدال .. والاخـير .. راء
والاول .. يقـال انـه الثـاني مـن حـروف الهجـاء









من هو ..؟

بدر بن عبد المحسن بن عبد العزيز آل سعود

من مواليد مدينة الرياض في 2 ابريل عام 1949

و هو الابن الثاني لصاحب السمو الملكي الأمير عبد المحسن بن عبد العزيز - رحمه الله -
تولى والده سمو الأمير عبد المحسن بن عبد العزيز
إمارة المدينة المنورة في ربيع الثاني عام 1385 هـ، وخطت المدينة في عهده خطوات واسعة نحو التقدم والتوسع العمراني،
وكان لين الجانب لأهل المدينة، حريصاً على لقائهم ومجالسة وجوههم.

ووالدة الأمير بدر بن عبد المحسن
هي الأميرة وضحى الحمود الرشيد - رحمها الله -

وله من الإخوان كل من ..

- سمو الأمير سعود بن عبد المحسن بن عبد العزيز
أمير منطقة حائل.
- سمو الأمير وليد بن عبد المحسن بن عبد العزيز.
وله سبع أخوات.

وله ثلاثة أبناء هم..

- سمو الأمير خالد بن بدر بن عبد المحسن بن عبد العزيز.
- سمو الأمير سلطان بن بدر بن عبد المحسن بن عبد العزيز.
- سمو الأمير سعود بن بدر بن عبد المحسن بن عبد العزيز

و له عشر بنات و هن..

- سمو الأميرة نوره بنت بدر بن عبد المحسن بن عبد العزيز.
- سمو الأميرة لمى بنت بدر بن عبد المحسن بن عبد العزيز.
- سمو الأميرة العنود بنت بدر بن عبد المحسن بن عبد العزيز.
- سمو الأميرة صيته بنت بدر بن عبد المحسن بن عبد العزيز.
- سمو الأميرة بسمه بنت بدر بن عبد المحسن بن عبد العزيز.
- سمو الأميرة لين بنت بدر بن عبد المحسن بن عبد العزيز.
- سمو الأميرة سلمى بنت بدر بن عبد المحسن بن عبد العزيز.
- سمو الأميرة مشاعل بنت بدر بن عبد المحسن بن عبد العزيز.
- سمو الأميرة الجوهرة بنت بدر بن عبد المحسن بن عبد العزيز.
- سمو الأميرة وضحى بنت بدر بن عبد المحسن بن عبد العزيز.

حفظهم الله جميعا.


الشعراء

تجربة بدر بن عبدالمحسن ناجحة الى ابعد الحدود وتشهد الجماهير الغفيرة المتذوقة لشعر سمو الأمير بدر بشاعريته وابداعه


خالد الفيصل بن عبد العزيز آل سعود
=======

بدر بن عبدالمحسن إبن عم لشعره خاصية يتفرد بها وتفرض عليك إحترامه

عبدالعزيز بن سعود بن محمد


========
بدر بن عبدالمحسن شاعر لا ينافس إلا نفسه .
- البدر كبيرنا الذي علمنا الشعر
- بدر بن عبد المحسن أكثر شاعر احترمه و هو الشاعر الوحيد الذي لا يغضبني أبدا ان اكون تلميذا صغيرا له. أحس انه أول أساتذتي و أخرهم

عبد الرحمن بن مساعد بن عبد العزيز آل سعود
=======

خالي الأمير بدر بن عبدالمحسن تربيت بين أحضانه ، وارتويت بمياه شعره
لفترات طويلة خاصة في صغري بجانب أخي محمد بن خالد وقد أفادتني تجاربهم نهلت من إبداعاتهم الشعرية كثيرا .
- الأمير بدر هو الشاعر الذي أقف طويلا عند قصائده .. إذ أجدفي كل قصيدة له شعرا جديدا فقصائده لا تتكرر.
فهد بن خالد بن عبدالله بن محمد آل سعود
=======
الأميران خالد الفيصل وبدر بن عبدالمحسن مدرستان كبيرتان لأي شاعر أن ينهل من عطاءاتهما.

نواف بن فيصل بن فهد
=======

بدر بن عبد المحسن الشاعر العلم لا نستطيع ان نفيه حقه كمبدع مهما بلغ الكلام سواء كأحباء او مدحا او نقدا
فما اجمل هذا الشاعر المتشح ببياض النقاء
و صفاء السريرة و حب الجميع و ما أروعه
بكل ما فيه و ما لديه

سعد بن سعود بن محمد آل سعود
========

بدأت أكتب الشعر و أدخل عالم الشعر
و عندما يدور الحديث حوله اسمع الكل
يتكلم عن بدر بن عبد المحسن
و تميز بدر و تفوق بدر و كنت اخالفهم الرأي
و أقول فلان و علان احسن منه هل تعلمون لماذا؟

لأن مستواي فكري واستيعابي لم يصل لدرجة
فهم بدر بن عبد المحسن و لكن الان أقول و بكل
تجريد بدرمن العشرة الأوائل و فلان و علان
الحادي عشر و الثاني عشر
و طفولتي تقدم اعتذارها للبدر.


طلال العبدالله الرشيد
========

انت أكبر بكثير من أكبر بكثير
فماذا أفعل ؟
علمتنا نصف قصائدك
كيف نحب
و النصف الأخر علمتنا نحب كيف !

فهد عافت

===========

الأمير بدر أستاذ جيل .. أراد من أراد ورقض من رفض ..الذي يقول أنه لم يتتلمذ على يد الأمير بدر هذا إنسان مجحف وكاذب .. حقيقة أكبرت هذا الشيئ في الأمير بدر ..
ووالله إني عاجز عن رد هذا الجميل الكبير

سعود سالم
===========
بدر بن عبدالمحسن مهندس الكلمه
وشاعر القصيده المغناة
يكفي انه خلق مدرسه خاصه في الشعر
وابدع فيها
سعود بن عبداللهِّ








الأدبـــــــــاء//

بدر بن عبدالمحسن شعره كنثره ..صراعا متجدد ، وجدلية عميقة

التفت دوما للشاعر الكبير بدر بن عبدالمحسن بحبور وانشداد ، فهو أعطى الشعر كل حياته مخلصا لهذا الفن ، ولم ار مثله رومانسيا احب الشعر والحياة بجنون كما لو انه بدوي يجول في البرية بسيفه وسرج حصانه وشملته فارسا عنيدا في محيط اجتماعي للتو دخل الحياة
المدنية فأخذ ينشد الحرية والروحانية وسحر البراءة الأولى .. في ذاكرة الصحراء..

عبدالرحمن الحمدان

=======

ليس هنالك شاعرا على الإطلاق تحار في أمره غير بدر بن عبدالمحسن ..
فبدر يكتب الشعر لا لكي يقرأ او يسمع ولكن لكي يتأمل

عبدالله الزازان


========

بدر بن عبد المحسن لا يمثل وهو يلقي ولا يحاول الإنفعال ولا يستحضر الحلم ..أو متطلبات المنبر بل يترك صوته طليقا يتنقل بين الإحساسات بحرية تامة .

علي المسعودي

=======

أعترف ان بدر بن عبد المحسن وراء كل نجاح حققته في الشعر.

ناصر السبيعي
رئيس تحرير مجلة المختلف

=========
بدر بن عبد المحسن (شاعر طويل) ينشر الحب ‍‍‍‍‍‍‍!
أجل فأنا أحسبه مكلفا بإذاعة الحب بين الأحياء ..
حب القيم .. و حب الإخاء .. و حب الشعر .. فهم ينفثه في الهواء يبثه في همس الماء .

من مقدمة ديوان ما ينقش العصفور في تمرة العذق
د.فهد العرابي الحارثي






الفنانــــــون//
بدر موجود ولو كتب أغنية بمذهب واحد لكانت كافية ..

عبادي الجوهر

=======
الأمير بدر بن عبدالمحسن هو أكثر شاعر تعاملت مع نصوصه من الشعراء .
بدر إسم على مسمى ولقد كان لي شرف التعاون معه منذ بداياته كان ذلك عبر كلماته الجميلة في الأغنية التي أعتبرها
إنطلاقتي الذهبية ( عطني المحبة ) وهذا الشاعر يتحكم
في توصيل الصورة الشاعرية ببساطة
ولقد كان من أوائل الشعراء الذين تعاونت معهم

طلال مداح
=======

أعتقد أن البدر وكلماته المغسولة بعشق لايرى ولا تكاد تلمسه إلا بوجدانك ليس في حاجة لأن أقول عنه شيئ ولكن في النهاية هو ذلك الممهور بعشق كل الأحوال من قصص العاشقين في تاريخنا الغابر والحديث المعاش اليوم هذا ما أجده في نصوصه

محمد عبده


=========

بدر يرتب خطواته بكل ثقة ويدعونا لقراءة إبداعه
حزنا وفرحا قصائده نزرع الكون بالأحلام الجميلة
وتحصد الجمال روعة

راشد الماجد






اجمل ما قال البدر

عن الوطن

سأتحدث عنها للمرة الأخيره وسأدعها تذهب بسلام
( الفوطه) في خيلي امرأة نجدية
عيناها (غدران) يتكدس على ضفافهما
الكحل، وفمها رطب أصيل داكن اللون
وشلال شعرها الحالك يُفَلٌ في المساء
حين لا تراه عين
الفوطة هي تلك التي أدخل حماها وأنادي:"يا هل البيت"!
وحين يسألوني
عنها أقول: "المعزبة"وحين أكون معها آكل ما تطعمني
، وأشرب ما تسقيني،
الرمال بدو الطبيعة و البدو رمل البشر و كلاهما يتحرك ضمن وطن.

الرمال بدو الطبيعة
والبدو رمل البشر
وكلاهما يتحرك ضمن وطن
ويعشق ضمن أحاسيس
ويتغير ضمن أخلاق
========

عن الاسماء

عبد العزيز هو الأمير والإمام والشيخ والملك والغريب أنه لم يطلق على نفسه أياً من هذه الألقاب
هذا القائد وحّد أجزاء مملكته دون أن يفكر في إطلاق اسم عليها
أو لقب يخصه شخصيا
وأتخيل أن مستشاريه اقترحوا عليه مسميات لهذه المملكة
ومسميات له شخصيا
ووافق هو على ما اتفقوا عليه
باختصار اعتقد أن
عبد العزيز بن عبد الرحمن الفيصل آل سعود
خلق ليقوم بهذا الدور وليصنع هذا
الإنجاز العظيم خلقه الله سبحانه ليعلي كلمته
ويوحد هذا الجزء الغالي من
بلاد المسلمين
========

عن نشأته


نشأت في بيت علم وأدب حيث كان والدي الأمير عبدالمحسن بن عبدالعزيز - رحمه الله - محباً للعلم والأدب، كما و انه شاعر مبدع ولديه مكتبة ضخمة تضم العديد من الكتب كما أن مجلس والدي - رحمه الله - مليء بالعلماء والأدباء وكبار المفكرين في ذلك الوقت
مما كان له الأثر البالغ - بعد الله - في حبي للأدب والشعر.

=========

عن أمه

أمي .. تعـتـقـد انني شاعـر عـظيـم
( وكل أم تعـتـقـد ان ابنها عـظـيم بشـكـل ا و بآخـر)
يـكــفي ان جــدي .. عـبـيـد العـلـي الـرشـــيــد .. وخـالي .. ضـاري .. وقـد ورثـت ...
وعـنـدمـا أ قـول .. ا نـتـي مـثـل قـمـرا عـلى صـفـحـة الـمـا..
لـه صـورة عـنــدي وهـي في السـمـا فـوق...
لـه.. تعـني ان للـسـناعـيـس مـن دمـي قـسـط وافـر.. وا نـها محـقـه في اعـتـقـادهــا
أن جـدهـا .. عـبـيـد .. فــارس وشــاعــر عــظـيـم ...

=======

عن أبنائه

نورة بنت بدر بن عبدالمحسن بن عبدالعزيز ..قلبي البكر .. وقصيدتي الأولى ..ولدت وانا في التاسعة عشر من عمري ...
وأسميتها على عمتها الكبيرة ( نورة بنت عبدالرحمن الفيصل ) ...سبق لي أن قلت أنني أحمد الله على صلاح ابنائي ...
ونورة تمثل لي قبل أن تكون ابنتي ... المرأة السعودية الواعية الملتزمة بدينها وعراقتها وأخلاقها ... ودورنا نحن الآباء غالبا ما يكون ثانويا ... لذلك فالفضل الكبير لوالدة نوره في نشأتها ...ونورة الآن أم وتمارس ذات الدور العظيم الذي تقوم به كل إمرأة عربية مسلمة في تربية أبنائها ..وكم أسعدني أن نوره كذلك تمارس دورا عملا مفيدا ونافعا لمجتمعها ووطنها ...
يربطني الكثير بنورة ... فهي كبرى بناتي .. وأختي .. وصديقتي كذلك ..ولن أضيف شيئا لو قلت أنني أحب نوره ...
ولكن لــ دانا ... وفهدة ... وسلطان ... وعبدالله ... والصغيرة لين في قلبي شكن .. وشرفة واسعة في عيوني ...
أتمنى من الله أم يكون توفيقي الأكبر في أبنائي ... وان تقر يهم عيني ...

========

عن خالد الفيصل

ان يستطيع أحد أن يجاري خالد فيما ما اختص به الشعر النبطي النجدي
من عذوبه وإذا اجتمعنا لنسمر واشتقنا للسامر وعلا صوت "الطار" يحتل
خالد الفيصل أكبر مساحة من قلوبنا وأصواتنا
احـــــــــــــسب أن الرمـــش لا ســلــهــم حــنـــون
أثر رمش العين مـــــــــــا ياوي لاحــــــــــد
يوم روح لي نظر عــــــــــــينه بهــــــــــون
فــــــزله قلبي وصــــــــفَق وارنعـــــــد
لفني مـــــثل الســـــحـــــــايب والمزون
في عـــــيـــــــوني برق وبقلبي رعــــد
نقَض جروحي وجـــــــدد بــي طعــــــــون
قلت:يكفي!قـــــــالت: عـــيـــونه بعــــد
أخيرا هذا جانب من الجوانب المشرقة في شعر خالد الفيصل يكاد أن ينفرد
فيه
كم الشعر النبطي بحاجة له في وقتنا الحاضر وكم نحن ننتظره دائما من
" أبي البندر" ؟!








و لسموه ثلاثة دواوين هي :

1 - ماينقش العصفور في تمرة العذق.
هو الديوان الأول لسمو الأمير بدر و الطبعة الأولى صدرت في عام 1409 هـ الموافق 1989 م ، و يحتوي على 159 صفحة من الورق الفاخر ، ولقد كتب مقدمته الدكتور فهد العرابي الحارثي ، و يحتوي على مجموعة من القصائد النبطية و العامودية و الحرة، كما انه يحتوي على العديد من اللوحات التي رسمها البدر

2 - رسالة من بدوي.
الديوان الثاني لسمو الأمير بدر و الطبعة الأولى صدرت في عام 1410 هـ الموافق 1990 م ، ويحتوي على 101 صفحة من القصائد النبطية فقط ، و قد اهداه سموالأمير بدر الى والده الأمير عبد المحسن بن عبد العزيز- رحمه الله - و كتبت قصائد هذا الديوان بين عامي 1388 و 1410 هـ و تصميم الغلاف و خلفية القصائد بريشة الأمير بدر بن عبد المحسن.

3 - لوحة ربما قصيدة.
هذا الديوان الثالث لسمو الأمير بدر بن عبد المحسن وهو ديوان يحتوي على العديد من القصائد الجميلة و التي كتبت بخط يده وزينتها لوحات رسمها البدر بريشته، يحتوي على 72 صفحة من النوع الفاخر ما بين قصيدة و لوحة، طبع في عام 1416 هـ و خصص ريعه لصالح الأعمال الخيرية.


و لسموه العديد من الدواوين التي لا تزال تحت الطبع و هي تحتوي على الجديد من القصائد و اللوحات




تبعا البدر موسوعة شعريه
جمعت لكم من قصائده اللي قدرت عليه
اتمنى ذوقي ينال رضاكم

•-:¦:-• أوقات •-:¦:-•


أوقات ياخذنا الحكي ..
وننسى بالحكي أوقات ..
واوقات .. يا ليت الكلام سكات ..
يجرحنا الحكي ..
اسهر .. مع حبيبي .. يا قمر الكلام ..
لين يغفى حبيبي .. وجروحي تنام ..
ابعد عن حروفي .. وعن المي وخوفي ..
وابحر في سفينه .. عن بحر الظلام ..
وصلنامدينه .. من عطر وغمام
انا وين القى كلام .. ما مر فــ كلام
اوقات .. يا ليت الكلام سكات ..
يجرحنا الحكي ..
بغني لعيونك .. في حزني وفرحي
وبكتب عيونك .. قصيده لجرحي
واخلي ابتسامك .. دموعك كلامك
قمر هالسوالف في ليل السكوت ..
ولو الف نجمه في عيني تموت ..
في حزني أحبك .. ويأسي أحبك ..
أحبك .. مأقول أوقات

•-:¦:-• اقول أحبك •-:¦:-•


قالوا حروفي عمي وعيونك بروق
مافي قصيدي جنح ليلٍ وبارق
قلت الذي له داخل ضلوعي حروق
أقرب من اللي في سما الناس شارق
غيري يشوفك وأجود الشعر مطروق
وأنا أحسـّك وأصدق الحب فارق
ياللي عيونك دم وعيونك عروق
ولهاث قلبٍ فـي نواعسك غارق
أقول أحبك يخرج البحر صندوق
تبرالغزاة وكنز سود البيارق
وأقول أحبك صدرالايام مشقوق
عن وجه غرناطه وعن مهر طارق
وأقول أحبك والله إني من الشوق
ألقا طيوفك في جميع المفارق
كتبت لك قلبٍ من القلب مسروق
ولا طاب لي وصفٍ من الوصف سارق

•-:¦:-• الاختيار •-:¦:-•



ودي اختار.. الليله درب ..
ما تعرفه ..
ودي اجلس في مكان ..
ما يذكرني بصدفه ..
أو وعد ..
ودي أحكي يا حبيبي .. مع احد ..
غيرك احد ..
لجل النهار .. وحريتي ..
اعطيني .. لحظة اختيار ..
وحدي وغديت أنت الزحام ..
وحدي أبد .. وانت الكلام ..
نورك وما غيره .. ظلام ..
عذب الحروف .. طاغي الطيوف ..
أبعد عن عيوني .. بااشوف ..
لجل النهار .. وحريتي ..
اعطيني .. لحظة اختيار ..
ابي درب .. مايوصلني لدارك ..
ابي وعد .. ماحتمل فيه انتظارك ..
وابي ليل .. مايجي بعده نهارك ..
ودي ادري .. هي حياتي ..
اختياري .. أو اختيارك ..
ودي انسى .. ليله وعدك .. أنسى وعدك .. ماأجيك ..
وش يضرك .. لواخونك .. مره واختارك عليك

•-:¦:-• أجمل الحزن •-:¦:-•


يا اجمل الحزن .. لدموعك سلام
من حبيبٍ ... بقى منه الكلام
وين انا منك .. غربني الزمان
وخانني النور ... وابعدني الظلام
لو بعزيك ... سالت دمعتي
تدري الدمع في حبك ... حرام
لو بواسيك ... مايكفي الهوى
ولو أبي ... عذر مايكفي الغرام
أعطنى من عذابك يا البعيد
صرخةٍ ... تجعل ظلوعي حطام
آه ...لو في يدي أبكي معاك
قطرةٍ مادرى عنها الغمام
ماابخل الوقت ... يحرمني البكا
وانت لجلك حرمني الإبتسام
يا اطهر الحزن ... لو كان القصيد
يكشف الغم عن بدر التمام
لكتب الشمس شعرٍ في سناك
وامحي إمن السما...عج وكتام
ياعسي البدر نوره مايغيب
عن حبيبٍ بقي منه الكلام

•-:¦:-• إنطلاق •-:¦:-•


* راج ..
طيري في السما ..
شالته امواج الرياح ..
يا ترى وين نيته ..
انتزع حريته ..
وخانني مع السحابه .. والعجاج ..
انشر فْـ كل السما ..
ريش جنحانك ..
يا طيري اللي عذبتك ...
قيود خلانك ..
كل زادٍ .. وانت في الاغلال جوع ..
وكل شربٍٍ وانت في سجنك هماج ..
يا رفيق الخير ..
لك حق تختار ..
بين الديار .. ديار ..
وبين الاهل صحاب ..
وبعض العمار قفار ..
راج طيري في السديم ودار ..
(لاواحلالاه ياطيري)
*راج:طار في السماء

•-:¦:-• أبي النسيان •-:¦:-•

تذكرتك .. وأبي النسيان ألايا خل ساعدني
أنا مالي ورى الذكرى .. إلى مات الأمل خيره
أنا ودي على الفرقا حبيبي لو تعاهدني
وإلى شفتك .. تصد ولاتجيب لما مضى سيره
تخيّر غير هذي الأرض .. مكانٍ به تواعدني
تخيّر لك مكانٍ صعب .. أعرف فيوم تقديره
عسى الجرح الذي يدينك أشوفه عنك يبعدني
أنا اللي أكرهك .. وأحبك .. شعورٍ صعب تفسيره
حسيبك .. يالهوى الظالم .. حسيبك لاتعاندني
بيلقى صاحبي غيري وأباالقى في العرب غيره


•-:¦:-• إنشد البحار •-:¦:-•


أنشد البحار على سر الحنين
عن قصيد البحر .. وجروح السفين
عن حبال الشوق تظمأ للشطوط
عن حروق الملح في شفاه السنين
ما عرفت الغوص في اليم المخيف
ولا رهنت العمر في الدر الثمين
جيت أنا من نجد .. في قلبي الرياض
وفي عروقي التهم .. والبيت الأمين
في كفوفي تصرم نخيل الحسا
ومن ذواري الرمل غادي لي جبين
جيتكم .. والعشق يطرحني سؤال
هو صحيح الشط له صدر ويدين
عانقتني بيوتكم .. وأنا بعيد
ما عبرت الجسر .. ما شفت القطين
ياهوى البحرين مريت الديار
عابرٍ والقلب باللهفة ضنين
لين حطت بي رحالي في هواك
وانبعث نبع المحبة في الكنين


•-:¦:-• أغنية في العشق والموت •-:¦:-•


ضمي مَلامح صورته ..
ضميه .. لعله يفيق ..
يَشهق .. أو يَردّ النَّفسْ ..
ضمّيه لعَله حبس ..
صٌوته .. رعشة عرٌوقه ..
وخيم حزين الصمت فُوقه ..
مات .. مات
من قبل ما يكتب له فـ قٌربك حياة ..
من لبسه ثوب البياض ..
من سبل عيٌونه ..
مسح غبرة جبينه ..
وش يفيد ..
اللي زرع نصلٍ حديد ..
في قلبه الطيّب نسى ..
قولي عسى .. ما تلمحي ..
فـ طرف ثُوبك له دما ..
يا خٌوفتي .. اللي سبح في نهرك الجَارف ..
غد اموته ظما ..
ضمّي ملامح صورته ..
ضمّيه لعله يفيق ..
يشهق أو يرد النفس ..
صوته جرس ..
ينحب على بوابة الليل ..
يوقظ خدر جرحك ..
يتل من عينك احبال الدّمع
ضمّيه لعله سمع ..
انك تحبينه ..
ولا ..قلتي تحبيه ..
ولا .. قلتي تحبيه ..


•-:¦:-• الله يرد خطاك •-:¦:-•

الله يرد خطاك لدروب خلانك ..
لعيون ما تنساك لو طال هجرانك ..
دام الأمل موجود فالنفس خضاعه ..
حق العيون السود السمع والطاعه
الله يردك لي .. يا مطول غيابه ..
يا معـذبي هجري .. مدري وش أسبابه ..
دام الأمل موجود .. فالنفس خضاعه ..
حق العيون السود السمع و الطاعه ..
ياللي بعدك اليوم .. نبكي على باكر ..
صبري عليك يدوم .. مادمت أنا فاكر ..
إن الأمل موجود .. فالنفس خضاعه ..
حق العيون السود السمع و الطاعه ..


•-:¦:-• انفاس •-:¦:-•


يازين مافي العيون نعاس
والقلب مشغول بهمومه
اما معي نطرد الهوجاس
والا لك النوم وحلومه
هذي نجوم السما .. جلاس
وعيبٍ على العاشق القومه
لاجل الهوى عذبونا الناس
ومن بيح السد ما الومه
انفاسنا ماغدت انفاس
من حرها دوم مكتومه

•-:¦:-•انا الجفا •-:¦:-•


عن كل نجم ظهر بسدل أجفاني
لعل ما عيش حزني لحظة غروبه
وعن كل خلٍِ طويل الصمت كفاني
الصاحب اللي قليل الهرج عذروبه
وعن كل ثوبٍ جديد باالبس أكفاني
وأدله ولا ألقى رسايل هم في جيوبه
أنا الجفا ليه أخاف الناس تجفاني
وأنا الحبيب الذي من يعشق عيوبه
راعي الوعد وأن صدق مرة ولاقاني
يحتار بين السراب وقلب محبوبه
يامن عذابه يشققني ويرفاني
فرقاك غصب علي بالحيل مكتوبه
خبرت نصف تعب من نصفه الثاني
بعضي الرماد وبعضي نار مشبوبه


•-:¦:-•البتول •-:¦:-•


كـل أرضٍ تشيلك يـا ثـقيـل الحمــول
وكل وقتٍ كريمٍ بالرضا والزعل
وين مـارحت تلقى لك حبيب وعـذول
وين ما كنت تلقى مثل ياسـك..أمل
ياطـريق الترجي والوله والـنـحول
والله إني مـشيـتـك... لـين حد الـثـمل
مالقيت فوصولي لغـير قــبري وصول
ولا عـرفت فـحياتي مثل عرفي الجهـل
لا تظـن المـسافر مـن يسوق الـرحول
مـن وقف دون حلمه عاجزٍ ما رحـل
وما لمخلوق منجا في الحذر والجـفول
مـا تـصيب السـهام ولا يـطـيـش الاجــل
الـلـيـالي خـــــوات.. مــير مـنـهـي البـتــــول
والحــوادث عـشــــايـر مـير ويــن الفـحـل
ليلةٍ لـك .. وليله بـالفـــرح مــا تـطـــــــول
ولـيـلـةٍ مـن شــهــدهــا ذب راس الــجبـــل
أتذكّر في عين الشمس طفــلٍ خـجـــول
شـالـتـه فــي هــدبــهــا وقـت لــين إشـتـعــل
أعجب الناس وهجـــه بالجــدل والفـضــــول
ما دروا عن (جمـــال الجـرح) لــين إنـدمــل
والله اني كتـبـتـه في العطــش والذبـــــول
لــين غــصــنــه تــعـــدل بـالــورق وإعـتــدل
والله إنـي كــتـبـتـه لــــين قـــــــال الجـهــــــول
والله إنـي كـتـبـتـه وانــتــشـى واحـتـفــل
ما أتفه الشعر كانه هالحكي اللي نقول
لا تـعـدى الــمــــديــح ولا تـعــدى الـغـزل
إن لثمت الزهــــــور وصــــاحبتني الحقــــول
مـاهقيت ان صافـي الشهـد عيب النحل
مابقى في ضلـوعي كود ريـح مـعـمــــول
وثــــوب شـاشٍ عـليه مــن النــدامـه وحــل
ألـتـفـت للـطــــريــــق ومــا عـــبر مــنــه زول
فـــي جـفــوني تـزاحم عبرتي والـوجــل
طـلـت يالعـمر والا قــلــعـتـك لا تـطـــــــول
طــاولــتـنــا الـلـيــالي بالـســــهــر والــمــــلـل
إن تـعـبـنــــا نـــحـب ولا لــقــيــنــا قـبـــــــــول
مـا تــسـر الامـــانـي .. ولا يـفيـد الـعــذل
لكن .. الله كريم وكل همٍ يزول
مـا على الله بعيد .. ولا جـفـاك الـمـحـل
كـل أرضٍ تشيلك .. يـا ثـقيـل الحمــول
وكل وقتٍ كريمٍ بالرضا والزعل


•-:¦:-•أنا النخيل •-:¦:-•

بين القلم وأصابعي والورق شوق
عشرين حولٍ .. من كتبت القصايد
من يوم بان القلب .. واخفيت بالموق
دمع .. وغـدالي بالمحبه .. وعايد
كتبت ما كني على الشعر مسبوق
وقريت ماكن افـ قصيدي .. جدايد
ونزفت لين اتعبت لا حصل اعروق
وسهرت لين امست نجومي قلايد
وصرت الليالي بين عاشق ومعشوق
وصرت الوصل مابين حاضر وبايد
أنا النخيل وشعري اظلال وعذوق
وانا السحاب اللي على الناس جايد
وفـ ليلةِ حسيت من جرحي اعقوق
وقف النزيف وما بذي له عوايد
صار الورق مابين مهمل ومشقوق
وحار القلم ما بين ناقص و زايد
من الشعر مليت ياحادي النوق
و من الجروح اللي .. تمل الضمايد
و من الحروف ونقصها مع هل السوق
وكذب الحسود .. وهم راعي المكايد
ومجاد لي في كل ساذج ومطروق
وخوفي على غر المعاني الفرايد
عشر السنين وعشر .. والجوف محروق
ما غير أشب أطراف ليلي وقايد
مانيب ادور من ورى نزفي احقوق
و لا ابي من سهر عيني فوايد
لو ما بقالي في الملا غير مخلوق
لا من ذكر شعري .. جفته الوسايد
كني بجبين الشمس .. والليل مفروق
وكني بدمعٍ .. فوق خده نضايد
افداه عمرى .. ماشكى صاحبه عوق
لاشك ما في النفس لو قيل كايد

•-:¦:-•اغفر لي الزله •-:¦:-•


أبيك في كلمةٍ لو هي خطا تغفـر لي الزله
وردتك ظاميٍ وان عز وصـلك بااقطع حبالي
أحبك ذا ترى أول كلامي .. وآخره كله
ولكن وش يضر اليـوم لو تدري عن احوالي
وخذ ما جـاز لك من هالحكـي واللي تبي خلـه

انا لا قلت ما في خاطري والله ما بالي
ظلال العاشق جروحه ومن ما يتبعه ظله
أمانة يا شعاع الشمس لا تغضب من ظلالي
وتقـدر تطـوي الدرب البعيد وتقـدر تفـّله
ولكن صعب تمنع في الهـوى صبري وترحالي
وتقـدر تغمد السيـف الرهيف وتقـدر تسلّه
ولكن عـند خلاّق البرية علم الأجالي
متى عمرك سمعت بعاشق قد مات من غلّه
هذاك الحاسد وراعي الهوى تتلفه الأمالي
حبيبي من يعـزك في الهوى ما تقدر تذله
ترى قربك يزيدك بالغلا وان عفتني غالي

•-:¦:-•الجريده •-:¦:-•


الجريده ..
ادري وش سر الجريده
به أحد .. يقطع وريده ..
وينزف أخبارٍ جديده ..
وحنا نقراها الصباح ..
دنيا مكتوبه فـ ورق .. دنيا من دم .. وعرق ..
دنيا مجنونه ارق .. وهم ..
انسرق .. إحترق .. المهم
كلها أخبارٍ سعيده
وحنا نقرلها الصباح ..
لو طبعنا .. صفحة ما فيها خبر ..
لا حروف .. ولا صور
صفحة يملاها البياض ..
صفحة تملانا بياض .. ما يعكرها الحبر ..
كان ذي الصفحة الوحيدة
اللي اقراها الصباح .. في الجريدة

•-:¦:-•الدواير •-:¦:-•

يا رامي المـاء .. بالحـصا.. لأجـل الـدواير.. تكـبر..
لا تـوجـع المـاء .. أكــثر.. هـذي حـدود .. الـمـاء..
يـجـيـبــك الـهــاجــوس .. و يــروح بـك..
يا شــين وش نفع الحكي .. لا روح بـك..
تخـط فالـرمـل البحـر.. وتـرزّ وعـودك .. سـاريه..
وتبـقـى الحـقـيـقــه .. عــاريـه ..
ما عـاد في الـسـفـر الا دوايـر ..
بيـن الـكـواسـر.. والبـدن ..
ماكان لي صـدر.. وما كان لي كـف.. لحـمي تـنتـف ..
ناظـر.. عـلى راسـي تحـوم .. عــقـبـان الهـمــوم ..
وتـرســم دوايـر .. وقـلّ لـي .. وش اللـي صـايـر..
وكانـك حـبيبـي .. فـسّـر الكـون ..
و الا حـبيبـي .. اتـرك الـكـون ..
وقـل لي .. من خـذا منـي محـلي .. ليـن ضـاقـت ..
فسّـر اشـتاقـت.. تـبينـي .. حـدد اقـدامي .. جـبيني ..
و آخـر الجـدب .. العــوايـر ..
واتـرك الـمـاء .. لأشـهــب الـمـاء .. و الـدوايــر..


•-:¦:-•السكوت الكلام •-:¦:-•

ياحروفنا الملح.. في شفاهنا الحنضل ...
كان السكوت أفضل .. ولا الكلام ؟
قلت اللي في قلبي ..
وخرج الحكي..من الحكي وما عاد..
اخيامنا طويت ..كافي ندق اوتاد
الكلمه .. ماهي انتصار
ولا انكسار ..
كانت حقيقه ..
يوم انقطع حبل الحوار
يا حروفنا الحنضل.. في شفاهنا الملح
زعلوا حبايبنا..كان السكوت أفضل



•-:¦:-•السهر والخوف •-:¦:-•


نبي .. نطفي قمرنا ..
لو يعذبنا السهر .. والخوف ..
نبي ننثر قهرنا .. يا حبايبنا ..
على مد النظر .. والشوف ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..
سامحينا يالمحبة .. لو جرحنا وانجرحنا ..
س امحينا لو نسينا .. في الهوى ضحكة فرحنا ..
وآه يالنصل الحرير ..
ياهوى القلب الضرير..
يالجروح اللي مضت .. واللي بتصير ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..


•-:¦:-•الشمس اللي تغيب •-:¦:-•

أركض ورا الشمس .. اللي تغيب ..
ابي النهار .. وينتحي ..
أخاف أنا وجهي الى طاح الظلام ..
فوق الملامح .. ينمحي ..
كافي سواد العين والظل الحزين ..
وشمسٍ تبين .. وماتبين ..
ورا السحاب ..
كافي بَعْض ليلٍ يجي .. قبل الغياب ..
عن ليل الغياب
يا موقد الشمعة ..
وجهي أنا .. أو نور ذا الشمعة ..
قاسي الشحوب ..
في رعشة الضي العليل ..
وتكبر مسافات الهروب ..
يا صاحبي الشمعة غروب ..
به قريةٍ .. تحت الظلام .. مريتها ماجيتها
وبنيةٍ .. تحت الظلام ..
ورسالةٍ في الليل ..
خانتها الحروف .. من القهر شقيتها ..
كلي عيون .. وماتشوف
والناس .. ياظل .. وطيوف ..
والظلما .. نسيان .. الحبيب .. لحبيب ..
أركض ورى الشمس اللي تغيب ..

•-:¦:-• الرسايل •-:¦:-•

وليله كانت الفرقا
و قالت لي .. فـ أمــان الله
و ليله ذكرها يبقى
على جرحي .. و لا انساه
و جت تاخذ رسايلها ..
و خصله من جدايلها
و تديني جوباتي
بقايا عمر بسماتي
و قالت لي .. فـ أمــان الله
في ليله كنها الليله عرفتك بسمتي و فجري
و ليله زي ذي الليله و هبتك في الأمل عمري
و يا ليت البسمه ما كانت ولا الاحساس
وياليت الدنيا خانتني و كل الناس
و لا خنتي هواي انتي
و لا قلتي .. فـ أمـان الله
لا تردين الرسايل ويش اسوي بالورق
و كل معنا للمحبه ذاب فيها و احترق
لو تركتيني في ليله بسمتك عند الرحيل
دمعة العين الكحيله عذرها الواهي دليل
و ليله كانت الفرقا
و قالت لي فـ امان الله





العشـــق //
عندما يحدثني أصدقائي عن قصص العشق أشعر بأني سأذج
ليس هناك قمر أو شباك أو شجرة لوز
ولا حتى شعر فيما يروونه لي من قصص!
وأنا لا أتحدث كثيرا عما في قلبي
ولا أجيد الكبر
ولا أزال أنظر إلى السماء بالعين المجردة
وأعتقد أن الزهور كانت موجودة قبل الحدائق
وأن الوصال يكتمل أحيانا بالنظر
وأن لحروف الحب رائحة النعناع
وطعم الرطب الناضج
أشعر أني ساذج لأنني لا أراك بما يكفي
وأحيانا لا أراك بما لا يكفي
=========

الحب//

النبات حب
ينشأ بين البذرة والريح
والريح والرمل
والرمل والمطر
شبيه بحبنا نحن البشر
الريح لاتختار أي بذرة تحمل
والبذرة لا تفكر في أي رمل تسكن
والمطر لا يهتم إن تساقط على وادي أو رابية
ونحن نهتم ونفكر ونختار
لماذا برب العباد
لا نحب مثل النبات؟
قالها العجوز قالها ثم مات

==========

أعياني الجدل مع محب وكاره //

أكبر تحد يواجهنا في المستقبل أننا كبشر مهددون بالجوع والعطش
والاختناق حاول أن تقتصد في الأكل والشرب والتنفس
أعياني الجدل مع محب وكاره
ومن أنصفته العقول كثيرا لاتظلمه العواطف
وأعياني أن لا يجد بي المحب ملاكا
والكاره شيطاناً
وأعترف بآدميتي فينكر الجميع سقوطي وشموخي

أعيتني الكتابة فيما لا أحب فمتى أكتب ما أحب ؟

يا سيدي وأنت تلقي بكبدك على خنجري
من الملام أنا أم أنت أم الجرح
قالها للقاضي ولكنه أدين !!

لست صديقك لأنني لاأعرفك
ولست عدوك لأنني ماني ناقصك
قالها رجل لرجل آخر أصر أن يقرأ معه نفس الجريدة

وتسمعين عني أشياء كثيرة وتصدقين ولا تصدقين
وربما كنتُ أشياء كثيرة
لا يعرفها إلا من يعرفني
إختاري بي ما يبعدك أو يقربني إليك .. وصدقي فقط
أنني لست لأحد سواك
و انا دائم الرحيل .. كوني صحرائي.

بخيوط سهري أخيط قصب الظهيرة في
مخمل منتصف الليل .. لذلك يتعرى الزمن.

عندما يصلي .. إنسان الصحراء ..
صلاته سريعة .. و لكنها واضحة و ناصعة.

وأرضى بما لا يغضبها
///
الرمال بدو الطبيعة
والبدو رمل البشر
وكلاهما يتحرك ضمن وطن
ويعشق ضمن أحاسيس
ويتغير ضمن أخلاق

///













لآتجرحيني

جمرة غضى

الرسآيل

كثير من الفنانون تغنوو بكلمات البدر
لكن اعذروني صفحتي
لا تكفي لابداعات البدر الطربيه

يسلمو ياقلبي عالطرح الرائع

وماننحرم منك ولامن تواجدك

الف شكر لتواجدك وصوفي

من متابعيك وسآكون كذلك باذن الله
قد لا أوفيك حقك بالرد
فأتمنى قبوله


يعطيك العافيه

دووم هالتميز ماشاء الله عليك
ربي يحفظك

طرح أكثر من رائع
بارك الله فيكـ

يسلمووووووووووووو على المرورعود الليل

يسلمووووووووووو على المرورسعودي

يعطيييييييييييييييييييك العافيه قلبي
ويسعدك ربي

متابعه لك

يسلموووووووووووو على الطله الغاليه جنونه

ناااااااااايس

يعطيك العافيه

يسلمووووووووووو