ساسيات الطله الكامله + طريقة لتنسيق اللبس

بسم الله الرحمن الرحيم

السلام عليكم جميعا




بهالموضوع راح احكي ان شاءالله عن :

1- الاساسيات اللي مفروض تراعينها في كل طله تطلعين بها
خلي في بالك ان هالشي لصالحك انتي , وانك تسوينه لنفسك انتي لانك تحبينها
قبل لا تسوينه عشان الناس
متى ما حبيتي نفسك , ما راح تسثقلين تسوين هالاشياء


و راح احكي عن :
2- طريقة التنسيق


----------------------------

بداية باللبس ..

اختيار نوع القماش و المقاس الصحيح

كثير يغلطون بهالنقطه
واكثر ما يخطؤون فيه قماش السترتش
لان كثير يلبسونه وهم مو ضعاف .. ويلبسونه مع موديل ضيق
وناس تلبسه والكلوت والمشد والعده كلها تبين

برضو الضعاف مره احيانا يلبسون فساتين واسعه عليهم بشكل واضح
واكثر منطقه تبين هالشي منطقة الكم من فوق .. عند الابط undre arm
تكون واسعه كثيرررر وتبين الستيان bra من جوا

فتحة الصدر
يا حبايبي راعوا فتحة لبسك من فوق !
انتبهي تبين الستيان ولو جزء بسيط منها ..
اكبر مشكلة اشوفها بهالبنات هالشي
راعي بالمناسبات تشترينلك نوع خاص بهالاماكن ..
خذي لون لحمي .. لها سير او مالها ,,, شفافه .. الخ
كثير بنات يغفلون عن هالنقطه مع انها جدا مهمه وتخرب طلتك كلها
لاتقولين لبسي مب مبين بلبس أي شي
ولا تاخذينلك وحده حقت بيت وما ترز .. او واسعه عليك
راعي تاخذين المقاس المناسب لك ..
وبرضو حاولي تكثرين من الساده .. لان كثير بنات لاحظتهم ينسون يبدلونها وهم لابسين لبس فاتح يبين انها مشجره او مقلمه وتطلع مش ولا بد

برضو
مقاس فتحة الصدر
لا تبالغين فيها واحترمي الاخرين , لان في كثير ناس تشمئز من هالحركه خصوصا لو كانت بنت توها والا مسويه انا اغراء

طول لبسك ..
سواء بنطلون , تنوره , او عبايه

لا تخلينها تسحب وتبهذلك وتبهذل شكلك
راعي الطول المناسب

ك عبايه
خليها فوق الارض بشوي .. اهم شي ماتحك في الارض عشان تكون مريحه لك بالمشي وماتتوصخ
انتبهي تطلعين بشيله وعبايه مو طقم , وكل وحده لون وموديل

التنوره
مثلا للجامعيات
انتبهي تلمس الارض
فوق الارض بشوي , عشان ما تتوصخ عليك

البنطلون
كثير بنات يخلونه عل نفس طوله ويصير مغطي كل الرجول يالله تبين اطراف الاصابع
انتبهي لطوله وان لقيتي واحد عجبك بس طويل , ما يخالف وديه الخياط وخل يقصره لك
مشكلة الطول نادر ماتلقين واحد مضبوط
عشان كذا ارجح السكيني وملحقاته .. اهم شي من تحت

وبرضو
اذا كان واسع عليك من فوق .. اشتريلك حزام belt
لان ما راح يكون شكلك حلو وانتي كل شوي ترفعينه
اشتريلك حزام ناعم وساده ولون محايد, وخليه عندك يفك ازمات

كيلون ( او التايت ... )
انتبهي ما يكون مشقوق ولا شي .. مب تقولين بالطقاق وعادي

لا تطلعين أبدا بأي لبس .. مغبر , مبقع , فيه شق صغير , فيه لون ...
احيانا الناس ما تتذكر الا الاشياء اللي مو حلوه بالشخص ,, وانتي دايما عطي انطباع حلو عنك


انتبهي لبجامتك !
كثير يطلعون السوق وغيره ببجامات وعادي عندهم لو بينت بعد
اذا انتي من هالنوع . حاولي تشترين ترنقات زي هذا
او بجامات ساده والوانها هاديه عشان لو بينت , يبين شي مرتب
مو دباديب وقلوب
برضو لا تقعدين بأي بجامه مشققه ولا حالتها صعبه
و زي ما قلت ,, حبي نفسك ودلعيها
البسي كل شي حلوه حتى لو كانت بجامه ومحد بيشوفك

لا تطلعين لمكان بدون شنطه ..
اقلها بوك
مافي زي الشنطه تحلي شكلك ..
اذا انتي من النوع اللي مايحب يشيل شنط
خذيلك شنطة عالجنب
Cross body



حلوه ومريحه ,, سواء سوق او سفر او ...

وبرضو انتبهي لشنطتك من ناحية اذا مشقوقه ولا مبقعه بالحبر ولا طايحه حدايدها ولا شي
واذا انتي من النوع اللي يشتري شنطك كثير ويحب يريح نفسه
خذيلك لون عملي ومايل للغامق عشان ماتتوصخ عليك
ومافيه حدايد او اشياء رفيعه كثير عشان ما تطيح او تنقطع بسهوله
انتبهي لنوعية قماشها ..
اذا جلد .. جلد كويس او لا عشان ما يتقشر عليك
قماش خفيف ينشق بسرعه او يتأثر

وزن الشنطه ,, بعضها تكون متعبه وثقيله
طريقة حملها
خيذلك شي يناسب وتقدرين تنوعين فيها
مره عالكتف ومره باليد ومره ممكن على جنب لو كان لها سيرين

تأكدي انها تكون واسعه وتشيل اشياء كثير وفيها عالاقل جيبين الى ثلاث


اظافرك ..

لا تطلعين ابدا بمناكير مقشره ,, وحاولي تحتارين الالوان الحلوه والراقيه
واللي تناسب كل شي
اهتمي بأظافرك واللحم اللي حولها شيليه .. دايما نطفيها ورتبيها

اذا انتي من النوع اللي يسوي حواجبه.. احرصي انك تسوينها على طول
لا تستخدمين الاضاءه تحت الحواجب اذا كنتي تشقرين شعر كثير لانها ماراح نطلع حلوه
ولا ترسمينها بالكحل نفسه حق العيون
لان سواده ما يناسب للحواجب .. في الوان ودرجات للاسود خاصة بالحواجب وتجي فاتحه شوي

مكياجك

دائما انتبهي لمكياجك
وشيكي على كحلتك كل شوي
بعضهم وهم مايدرون , تلقين الكحل eyeliner لين نص الخد مع الحر ساح
او روجها نصه منلحس
واذا رجعتي من المناسبه اللي كنتي فيها
امسحي مكياجك دائما ولا تنامين فيه عشان بشرتك ماتخرب
اهتمي للارواج .. حاولي قد ماتقدرين تحطين روج دائما وابدا
لو لابيلو
اهم شي شفايفك يطلع فيها لون .. ولا تكون شهبه

شعرك
اذا كنتي مسويه تسريحه
لاتنسين تتأكدين انك شلتي كل البنس اللي فيه , او شبكه او أي شي
ودايما شيكي عليها لا يكون فيه بنسه ناشبه ولا متدلدله ولا شي , وثبتيها كويس

في أي مناسبه كنتي ..
لا تطلعين المرايه قدام الكل وتتمكيجين ..
حاولي تروحين دورات المياه وتعدلي براحتك


كماليات

اذا رحتي لاي مناسبه خلي معك كيس للعبايات حلو ومرتب
مع ان الناس ما عاد صارت تقصر في الزواجات وغيره
بس احتياطا
وعشان ماتنسينه جهزيه وسفطيه وخليه بشنطة السهره
وخلي واحد ثاني للمناسبات الباقيه للشنظ الثانيه


اذا انتي من النوع اللي يعرق كثير
انتبهي وراعي للالوان ولاقمشه ااذا جيتي تشترين
عشان مايبين العرق
وبإمكانك تعالجين هالمشكله بمراكز التجميل على فكره


أي شعر بالوجه ينشال ..ما عدا الحواجب
لاتطلعيين للناس بشنبك .. ولا تخلينه مشقر بعد لانه بيبن
دائما اهتمي بالنظافه


اسنانك .. انتبهي لرائحة فمك دايما
خلي بكل شنطك حلاو يعطر الفم
فقس – هولز ...
وانتبهي لالونها وشكلها بشكل عام .. اساس جمال الوجه الاسنان والحواجب فإهمتيلهم كثير


رائحتك ورائحة شعرك عموما...

------------------------------------

ثانيا :
مسألة التنسيق باللبس

افضل طريقة وعن تجربه ..
تقيسين اختياراتك باختيارات بالمشاهير
سواء من مصممين او ممثلين وغيرهم

الطريقة :
حددي اولا مين يعجبك من المصممين
تصاميمه ؟ ذوقه ؟ الوانه

مثلا انا احب
روبيرتو كافالي ..



اشوف تصاميمه عالعارضات والمشاهير
طريقة تنسيقه
الاقمشه والالوان اللي استخدمها
اللي لبس من ملابسه, بشوف كيف طقم معه !
سواء بشنطه او ميك اب او تسريحه

تقدرين تختبرين نفسك كل فتره والثانيه
اختاري قطعه مثلا توب .. من تصاميم احد المصممين
واختاري في بالك لو عندك هالقطعه وش بتطقمين معها
بموديل ولون (اختيار ذهني طبعا)
بعدين ااذا خلصتي
شوفي المصمم نفسه مع ايش طقمها
وقارني بين ذوقك وذوقه ..
شوفي ليش اختار هاللون وهالموديل..

وهكذا ,, شوي شوي بيتطور ذوقك

انا اخترت روبيرتو كافالي
لان له بوتيك فاتح عندنا
ف احيانا احب اروح اشوفه بنفسي ...
اشوف قصات اللبس كيف !
خامة الاقمشة ونوعيتها .. طريقة تنسيقه بالالوان

اللي يعجبني فيه انه ينزل من القماش الواحد كذا موديل
مثلا
ينزل من التايقر
تنوره طويله . بنطلون , جاكيت , بالطو , توب , قميص ..الخ
ف يكون مجال التنويع لي اكبر واحلى

الخ ..


بالنسبة لكماليات اللبس
من تسريحة وشوز وشنطة وميك اب
شوفي هوليوود كيف مطقمين
وامشي على مسارهم
ممثلا .. لبسوا بيج
وش بيحطون الوان الروج ؟؟
ممكن في بالك يطرا على طول,, بحط احمر
بس لو خذتيلك لفه على تنسيقهم
بتلقين ان
بعضهم يحطونه بيج وبعضهم ممكن احمر
... الخ
وبكذا بتكون المجالات اكبر واوسع بالنسبة لك
وبتنوعين وبتصيرن عندك افكار اكثر

ممكن يكون عندك طقمين بيح
بدال مايكون ستايلك واحد كل مالبسيتهم
تقدرين تنوعين
مره مع اللبس الاول روجك احمر او عنابي وشوز بيج
ومره مع اللبس الثاني روج بيج وشوز مشجر

مو كل ما لبستي بيج بتطقمين معه نفس الكماليات
وبكذا تكونين حسنتي ذوقك
ونوعتي بشكلك
على مقياس الخبراء والمشاهير



انتهى موضوعي

واعذروني على هالموضوع السريع .. بس كان بخاطري من زمان ولا فضيت الا الحين
أتمنى تستفيدون ,, وتطبقون "طريقة التنسيق" لانها بتنفعكم كثير
حاولوا داءما تنسقون مع نفسكم قبل لا تستشيرون احد
حاولا تنوعون دائما باللبس ودمج الالوان


توضيح .. بالنسبة لبعض الكلمات اللي كانت بالانجليزي
لاحظت سابقا ان بنات ودهم يعرفون الكلمات التداوله كثير بالانجليزي وعشان لو انطرحت بيفهمونها
فكتبتها للتوضيح لا اكثر

أما بالنسبة للتقييم .. ترى ابدا ما همني احمر او اخضر
ولكن اللي يهمني اسلوب النقد فيه !
اتقبل النقد ولكن بإحترام
راعي الالفاظ اللي تستخدمينها مو عشاني , عشانك .. وعشان ماتكتبلك سيئه
تحلي بمكارم الاخلاق

والله يوفقكم يارب

سبحانك اللهم وبحمدك اشهد ان لا اله الا انت استغفرك واتوب اليك

منقووووووووووووول للاستفاده،،،،،،،،،،

تسلمي عالطرح الجميل بروووقه

ما اجمل الفكر عندما يكون بهذه الجوده في انتقاء المفيد
من ماده تُقدم للمتلقي

ذائقة على اعلى مستوى في
هذا الطرح

كل شي أنيق ومكتمل وجذاب

استهواني ما قمت بالمرور عليه من ابداع

لك مني كل تقدير واحترام

اخوك
محمد الحريري

يعطيك العافية طرح في قمة الروعه و نال الاستحسان
اخوك
نجم

طرح متكامل ويجنن مثل راعيته
الف شكر ي قمر

خمس استارز

طرح رااائع

وربي مايحرمنا من تواجدك وجديدك الراقي

وننتظر ابدااعك

طرح مُفيد جداً
شكراً

منورين يالغالين