نفســي عزيزة يا بندر ... الكاتبه ::: قلم نابض بجويتي

( سيـــاره محمـــــــــــــــد )

محمد بحرقه و قهر سوى بريك و وقف السياره على جنب و ألتفت لبندر و قال _ الحقيـــر يعرف هالسوالف هاذي بعد جان قلتلي من أوله ..
بندر قعد قباله و كتف يديه و قال _ يعنـــي شبتسوي له ؟!!
أنقهر زياده محمد و قال بصوت أعلى _ تدري شراح أسوي فيه ؟ راح أكسر راسه هالقذر .. حسباله بنات الناس لعبه و شرفهن بيده .. من زمان و انا قلبي مو مطمن منه .. يا ما أشوفه بالدواوين .. و سبحان الله ما تقول هالوجه وجهه رجال مؤمن .. سبحان الله وجهه مظلم تحس وراه مصايب .. و أنت رفيجك هالسعد شلون تعرف عليه ؟ ليش ما حذرته من رفجته .. ؟!
بندر بعد ما شاف محمد هدى شوي و عطاه سؤال قال بهدوء _ حاولت حاولت يا بو عمر .. بس الرجال مو جاهل عشان ألحقه من مكان لـ مكان فبجذي تعرف عليه بغيابي ..
قاطعه محمد بعصبيه و قال _ آآخ لوهو جدامي ألحين .. جان أقطعه تقطع ..
بندر و يعتفس وجهه _ أجل لو شايف إلي شفته بالصور شبتسوي ..! يبا الحمدلله الصور راحت من عندهم .. و إن شاء الله ما يكون مسوي لها كذا نسخ ..
محمد _ إن شاء الله ما تكون لها نسخ .. يا رب أنك تستر على أعراضنا و أعراض المسلمين .
بندر _ آميــــــــــــن ...





جنان بفرحه _ إيه و ليش ؟!!
سارا تحرك رجولها بعشوائي _ بس جذي ..
جنان أطق كتف سارا بخفه _ اقول عاد عن الدلع الماصخ .. ودي أشوفج بالنفنوف الأبيض .. يلى سارونا .. و لا ودج بواحد مخططه عليه ..؟ ها يلى أعترفي منو هالفارس المجهول ؟
سارا بنظره وعيد أرسلتها لجنان
الي بعد ما سافر زوجها أقعدت عندهم لي يرجع زوجها من السفر ..
جنان و تقعد جنبها قالت بتأفف _ آوووف منج يا سويره خلاص يبا .. بس قولي ليش ما تبينه .. الناس بيجون بعد شوي و أنتي متردده و بعدين تقولين مابي طالعه لهم .. شهالحجي يا سارا ..!! أول شي بتزعليج أمي عليج .. و بتفشيلها جدام الناس .. و بعدين خلي عندج ثقه بنفسج .. أسم الله عليج زين و جمال .. و بنت علي بعد . شيبون أكثر من جذي ..!!
و بفضول قالت و هي تقرب حلجها لـــ أذن سارا _ إلا أقول شيعرفهم عنا .. ناس مو من قبيلتنا ..! ليكون أخو وحده من رفيجاتج ؟!
سارا تقلب نظرها بين جنان و بين سقف الغرفه قالت ببراءه _ و الله ما أدري بس يمكن يكونون من طرف وحده من رفيجاتي ..
جنان تغمز لسارا .. و أدزها قالت سارا و تحاول تقعد بعد ما أنحنت من دزت جنان _ آي هذا وانتي صايره بطه .. بغيتي تحذفيني من فوق السرير ..!! شوي شوي علي .. ( بتحرش قالت ) إلا أقول جنووو يعني أنتي ألحين واثقه أن زوجج رايح لدوره طبيه .. مو يمكـــن يكون ...
سارا بألم تمسك راسها بعد ما طقتها جنان بالمخده .. جنان بخوف _ آوص آوص هالأفكار هاذي لا دششينها ببالي أنزين .. و بعدين يا بعد روحي .. زوجي انا واثقه فيه .. و ما يشوف من الحريم غيري ..
ثم قعدت أطالع بسارا بتحدي .. حبت سارا تقهر جنان قالت بطريقه العجايز و تصفق يدينها ببعض _ يا خوفي هالثقه أنشوفها بعد شهر و لا تروح هباءا منثورا ..
جنان و هي رافعه يدها أتجاه شعر سارا .. قامت سارا بسرعه و وقفت فوق السرير قالت برجا _ سحبتها ولي يرحم والديج .. بس روحي عني .. لا تخربين تسريحتي .. تكفين جنو انا ساراااااا ..
جنان وقفت مكانها و تخصرت
_ شنو شنو ما سمعت .. إيه هاذي إلي ماتبيهم ها و ألحين خايفه على تسريحتج يمه منـــج يمه ..
سارا و ترفع يدينها للأعلى و تنزل من السرير و بسرعه تحب راس جنان .. قالت _ الله يخليلج أبو بنتج و يحفظكـــم لبعض ..
بس عندي طلب صنغنون ..
جنان و تقعد على السريـــر قالت _ آمين و قولي شنو طلبج يا أخت سارا ..
سارا و تقعد جنبها و تحط يدها على كتف جنان الأيمن _ اسم بنتج مو حلو .. طيعني سميها سارا على أسمي ..
جنان و تشيل يدها _ أقول لا تعودينها .. جومانه أحلى بواجد من سارا .. و الله أنج ماخذه بنفسج مقلب و لا سارا أحلى من جومانه ..!
سارا و فاتحه الحلج بترد على جنان و لا بدور فاتحه الباب عليهن و قالت _ بلا جومانه بلا تيخا .. يلى سارا خالتج تبيج ..
سارا بتوتر قالت لجنان _ مرتب شكلي ..؟ يعني حلـــوه ؟!!
جنان و بدور ضحكوا على شكل سارا المتوتر قالت بدور بخبث _ يا ما تمنيت اليوم هذا .. عشان بس أتأكد هل أنتي بنت تحسين مثلنا و لا لأ ؟!
سارا بنقمه _ آوووف مو فاضيتلكم خل أروح أقابل الناس أحسن لي ..




/////////////////////////




لا يا بندر .. ما يصير هاذي وصية عمي الله يرحمه .. و أنــــــت وعدته بتنفيذ الوصيه .. بس انا ماراح أرتاح معاها أعرفها عدل لسانها متبري منها .. زين أهي شراح يكون موقفها إذا خطبتها ! يلى كلها ساعات و بتشوف يا بندر .. قمت بهدوء .. بطلع لبيت عمي الله يرحمه .. لكن صوت أمي وقفني .. بندر _ هلا يمه .. بغيتي شي من برى ..؟
أم بندر _ إيه يمه و أنت بطريقك جيب معاك تميس ..
بندر _ إن شاء الله .. و طلع برى البيت ..

أم بندر تبتسم _ يا عمري يا سارا .. تستاهل الخير ..
فاطمه _ تسلمين خاله .. و عقبال تفرحين بـ بندر ..
أم بندر تعقد جواجبه _ بندر ما ظن يا فاطمه ..
فاطمه _ ليش التشاؤم يا خاله ما تدرين سبحان الله يجيج ألحين و يقولج يا يمه أخطبيلي ..
رفعت ام بندر إيدها و قالت بخضوع لله _ يا رب يا رب ..



( ديــوانــيــه العم علي الله يرحمه )

الرياجيل و هم طالعين من الديوانيه صادفوا بندر و هو ينزل من سيارته .. طالعهم بندر ثم أبتسم و قال _ السلام عليكم ..
الكل _ و عليك السلام ..
ثم راحوا لــ سيارتهم و حركوا ..
أتجه بندر لـ الديوانيه .. و شاف محمد قاعد و يقهوي عمره ..
بندر متسند على الباب قال _ منو هذيــــــــل يا محمد ؟
على طول رفع بصره محمد لناحية الباب .. شاف بندر متسند على الباب .. قال _ رياجيــل ..
بندر مسك نفسه لا يضحك على جواب محمد _ لا و الله تصدق حسبتهم حريم ..
قاطعه محمد بسرعه و قال بإبتسامه _ بلا مصخره بندر .. و تعال حياك ليش واقف ؟!
جا بندر و قعد جنب محمد .. تموا ساكتين لنصف دقيقه .. بندر ما يعرف شلون يبدي بالكلام .. هل بيقول لـ محمد عن الوصية و لا بيخطب سارا بدون ما يتطرق عنها ..
بندر أخذ نفس طويل و قال _ محمــد انا جاي أخطب سارا ..
محمد حط عينه بـ عين ولد عمه .. شراح يقول له .. بنت عمك خلاص جاها نصيبها .. و الله يوفقها .. و جيتك يا بندر جت متأخره .. مع انه أولى بها بس النصيب و الرياجيل أمبين أنهم كفو بس يبيله أسبوع و يرد لهم خبر بعد ما يسأل عنهم ..
محمد _ سارا أنخطبت يا بندر ..بندر بجمود _ البنت مخطوبه من زمان يا بو عمر ..
محمد بإستغراب _ شلــون مــا فهمـــت ؟!!
بندر _ انا خاطبها من عمي الله يرحمه ..
محمد بمقاطعه _ بس البنت لها راي يا بو عذبي ..
بندر يحاول يبين إصراره على خطبة سارا .. و انها مو مفروضه عليه _ صـــح كلامك بس البنت محجــره لي ..
محمد بــ ملامح مستنكـــره قال _ بندر شهالكــلام ؟!! وين قاعدين أحنا !!
بندر ما كان له منفذ إلا بهالطريقه .. متأكد رفض سارا له .. بس وصية عمه لازم ينفذها ..
طالع بـ محمد الي واضح انه سرحان .. قال و هو ماسك يده _ ما عليك يا بو عمر سارا بعيوني .. و انا أولى فيها من الغريب ..
محمد يحط يده على يد بندر و قال _ أبشر بعزك يا بو عذبي بس بنشوف رايها .. لازم لازم مهما يكون رايها مهم ..
بندر فك يده من يد محمد و قال _ شوف يا بو عمر .. ماراح أسمح لـــ رجل غريب ياخذ بنت عمي و هالكـــور يشم الهوا..
محمد بصدمه قام و وقف جنبه و هز كتف بندر قال بعصبيه _ إلا هالكور شفيه .. تكلم .. فجأة تبي أختي .. ما شفت الفارق العمري بينكم .. ؟ 14 سنة الفارق .. و أختي تعرفها زين ما زين .. صغيره حتى بفكرها يعني غير العمر .. المستوى الفكري آوبست ..
سكت محمد و صدره يهبط و يعلو من القهر أول مره يشوف رفيق دربه يحاول يأذي أهل بيته ..
بندر لاحظ قهر ولد عمه من تحجير أخته .. قال بنفسه _ الله يسامحك يا عم ..
قال لـــ محمد بهدوء _ سامحني يا محمد .. هاذي وصية
عمي .. و انا طقيت له الصدر .. ( قال و هو يبتسم ) و أختك صغيره صح بس ترى انا مو شيبه عشان تقول الفارق العمري و تذلني عليه ..
محمد قعد على الكرسي مصدوم .. ليش يابوي ؟ ليش أول جنان و ألحين سارا .. و نفس الشخص بعـــد .. ودي أعرف بندر من نفسه خطب و لا الله يغفر له خطبه لبنته آه يا يبا آه آه ... ليش تحطنا بموقف محرج .. !
محمد بهم _ هاااه ..
بندر يربت على كتف محمد .. يعني انا الفرحان يا بو عمر ..! حالي أخس من حالك .. شلون بعيش حياتي مع وحده رافضها قلبي و عقلي .. حتى نفسي كرجل ما أتمناها أم لعيالي مو طعن في بنت عمي يا محمد لا بس أختك صغيره بعقلها .. و بسنها إي بسنها ياخوي أعترف ان فارق العمر كبير كبير بس شسوي ما باليد حيله ...
قال بصوت عالي شوي بعد ما شاف محمد و مسلط نظره على فنجانه .. _ ع المغرب نروح المحكمه ..
رفع راسه بذهول _ و سارا ..!
بندر بلامبالاه _ شفيها ؟!
محمد و عاقد حواجبه _ شنو شفيها أنت بتتزوج منو ؟ مو سارا !
بندر _ إيه سارا ..
محمد _ لازم يكون عندها خبر .




// بــعــد ثــلاثــــ أيــــام //


طاح القلاص من إيدها قالت بصدمه _ فاطمه تكلمي عدل ؟
فاطمه بذهول _ ليش أنتي ما تدرين ؟!! أجل شلون ملجتي !!!
الدنيا تدور حولينها و الباب تشوفه بعيد عنها طاح تلفونها من يدها و أركضت برى المطبخ
متجهه لغرفة أمها تبي أحد يكذب كلام أختها ... لمحت امها مستلقيه على الغنفه ..
خففت سرعتها و وجهها محتقن من الغضب و الصدمه وقفت قبال أمها و بحرقه قالت _ يمه صج الي سمعته ؟!!
قعدت أم محمد و أبتسمت بتوتر
ياما أنصحت محمد بردة فعل أخته بس عند و أصر لأنها بتم محجره لولد عمها و ما راح يسمح لأي مخلوق يتزوجها .. فالأولى أتم متزوجه و مع العشره تتقبله و لا انها أتم بدون زوج .. ردت سارا بغيض و قالت بنبرة قهر _ يعني صج السالفه ..
يعني صج السالفه .. يعني صج السالفه .. ( و الصوت كل ماله يرتفع و يحد )
قامت أم محمد لبنتها بعد ما شافت دموعها على خدودها و وجهها أحمر من القهر و الظلم حضنتها و هي تقول _ تعوذي من الشيطان تعوذي ..
سارا برجا _ زيــــن ليــــش سوى جذي محمد ؟ ها يمه ليش ليش ؟ أنا أحبه و عمري ما قهرته بشي .. ليش يجازيني جذي و انا أخته . !
ماردت عليها أمها قعدت تمسح على شعرها و تقرى الآية الكرسي بصوت أقرب للهمس بعد ما سمعت شهقاتها الموجعه .. بعد دقايق خفت حركه سارا و هي منسدحه على الغنفه و راسها بحجر امها دنقت راسها لوجهه بنتها و تأكدت انها نامت .. نزلت راسها بخفه حتى ما تقعد .. و راحت تجيب شرشف تلحفه فيها ..
بعد ما لحفتها عدل .. سمعت صوت جنان و هي داشه على أمها ..
رحبت فيها و قالت جنان لأمها سبب زيارتها و قعدتها لي ما تولد ..
ألتفتت جنان لــ سارا ثم سألت امها بمرح و شغف لآخر أخبار خطبة سارا _ ها يمه بشري شصار بموضوع القعده ؟!
فركت أمها بيديها و قالت بأسى _ باركيلها ملجت أختج ..
جنان بفرحه _ ألــــف مبروك يمه .. ( أطالع في سارا ) غريبه ليش نايمه هالحزه ؟ أبي أباركلها على طريقتي الخاصه ..
أم محمد زفرت بألم و قالت _ شقولج يا جنان !!
جنان بخوف من ملامح أمها _
يمه شفيكــــم ؟ صاير شي لأحد .. !
أم محمد _ بنــــدر ملج على ســــارا ...
ضحكت الله يهداك يا الحمل شكلك أثرت على سمعي بعد ..
مو كافي الآلام الي ما أخذ راحتي في النوم رحت لسمعي .
قلت و دمعتي بطرف عيني مادري ليش كنت ببجي _ يمه أسم زوجها ياســــر صح ؟
أم محمد بتعقيده الحواجب _ أقولج بندر ولد عمج ملج على أختج ..
تذكرت الملف و خرابيط ولد عمها فعبست ملاحمها و قالت بقهر _ و سارا واقفت أكيد يمه صح و لو شلون ملجوا ؟
أم محمد بآهه مكبوته قالت _ شوفة عينج .. توها تدري عن الخبر ..
جنان بصدمه أبتسمت بألم _ يعني شلون مو فاهمه ؟
أم محمد _ ولد عمج مو سامح لها الزواج بغيره ..
جنان طعنة خنجره في قلبها بالصميــــم .. آها يحب سارا و كل هالحركات الي .. بس انا متأكدة انه ما يفكر فيها كلش .. بس شلون .. آخ آخ .. انا أحبه لا كنت أحبه و يطلع يحب أختي .. وااا حسرتااااه يا بنت علي .
لكن انا لازم أكلم أخوي عن الملف ..




///////////



/ بعد مــــرور 3 أشــــهــــر /




جنان بإبتسامه _ خو أبتسمي أول مره أشوف عروس مكشره ..؟
عذاري بنص عين _ اقول جنان يعني لو سمحتي لو سمحتي تكرمينا بسوكتج لانج آخر وحده أتكلم عن رفع معنويات العروس ..
الكل ضحك ما عدا جنان الي عطت أختها نظره و ردت لسارا و قالت برجا _ سارونه أبتسمي .. خلاص بس عشاني .. يلى حبيبتي ..
دشت عليهم فجأة عبير بصوتها العالي المرحب _ يا هلا بمرت أخوي العود يا هلا ..
سارا بحيا مصطنع نزلت راسها .. و بصوت داخلي بقلبها يقول _ هين يا بنيــــدر إن ما طينت عيشتك ماكون بنت علي ..

/
/
/


الجــــزء العــــشــــرون


/
/
/




بخطوات مرتجفه تمشي لداخل شقتها .. إيه شقتها الي بتجمعها مع ولد عمها الكريه بوجهة نظرها و المتغطرس .. ضغطت على يد أمها الي تسمي عليها ..
قعدوا على الكراسي بإنتظار المعرس الي جاي وراهم .. أول ما دش قعدن ييببن أم المعرس و أم العروس .. دش بندر و هو يبتسم لهن و يشوف الفرحه بوجيهن .. راحت ام محمد لــ بنتها و حبت جبهتها و قالت بهمس _ ما وصيج على زوجج حطيه بين عيونج .. يلى انا شكلي طولت تامرين على شي حبيبتي ..
سارا بعفويه مسكت يد امها و قالت بنبره ما تخلوا من الخوف_ يمه لا .. خليج معاي ..
ضحكت أمها بصوت مسموع شوي و قالت بحرج _ ما يصير يمه كاهي خالتج بتروح بعد ..
أنتبه بندر لضحكه خالته فأبتسم لأمه الي توصيه بعد على سارا ..
قال بندر و عينه على سارا الي ماسكه يد امها بقوه _ آفا يمه سارا بنت عمي قبل لا تكون زوجتي .. بنت عزيزه مكرمه و قدرها عالي ..
أم بندر _ إيــــه يا وليدي ما وصيك عليها .. تراها يتيمه و خاف الله فيها ..
ضحك بندر و قال _ و الله قمت أجك فيج يمه .. ألحـــيـن انا ولدج و لا سويره بنتج ؟!!
طقته أمه على كتفه و قالت بنبره تهديد _ شفت شفت سويــــره ها .. و تلومني يوم أوصيك عليها ..
قطع حديثهم صوت أم محمد _ ما وصيك يا بو عذبــــي على سارا ..
قام بندر و حب راس خالته و قال _ سارا بعيــــوني يا خاله ..
رفعت راسها و عطته نظرة وعيــــد .. عارفته و حافظته مثل أسمها .. الحبيب قاعد يمثل دور ولد العم الشهم و الزوج الحنون .. لا يا بنيدر مو على سارا
أضحك على أمك و أضحك على أمي بس انا لا ...
( يــــا عــــربــــ )
تغطت زين أم محمد و دش بو بندر .. و هو لابس البشت .. قال بعد ما حبت سارا راسه _ مبروك يا بنيتي ..
سارا بحيا _ اللـــه يبارك فيك يا عم ..



//////////////////////////



عذاري تحب جومانه حيل ليــ بجت و زاد صوتها بشكل مزعج ركضت جنان و هي نازله من الدرج و تقول بعصبية _ عذااااري
شالحركات هاذي ! زين جذي أرتحتي ألحيــــن ؟! و سحبت بنتها من حضن عذاري .
عذاري ببرود _ و الله بنتــــج مشتهيه تبجي .. الله أكبــــر كل هالبجي عشاني حبيتها !!
جنان تحضن بنتها بأمومه _ و الله لو يشوفج أبوها جان علمج شلون تحبينها عدل .. في أحد يحب جذي ..
مع بعض ألتفتن لصوت باب الغرفه ينفتح و أمهن تحط يدها على عينها و تقول _ يا الله سترك شفيها بنتج يا جنان ؟
بسرعه قالت عذاري و تمثل البراءة _ عادي يمه ما فيها إلا العافيه بس عياره بنتها .. حبيتها و قعدت تبجي ...
جنان بقهر _ بس ها بس ها أنتي شوفيها يمه شلون تحب الواحد أستغفر الله جنها بتاكله .
و طالعت بعذاري الي تبتسم لها بكل براءه و دنقت لوجه بنتها الي نامت و حواجبها معقده ..
قالت امهم بنعاس _ و الله أنها طالعتن عليج يومنج قدها . بس يلى يا بنات نامن .. و دشت غرفتها ..
مشن بخطوات بطيئه لي وصلن الدرج .. ألتفتت جنان لــ عذاري ثم قالت _ عذاري عمرج تصورتي يوم من الأيام سارا تاخذ بندر ..!
عذاري الي تشيل عبايتها بيدها بلا أهميه _ طبعا لا .. من وعينا على الدنيا و بندر لج .. بس أنتي رفضتيــــه و تزوجتي و هو ماله إلا بنت عمه و خطبها .. عاد أنتي تعرفينا يا البدو بنت عمي لي و أنا أولى من الغريب ....
أبتسمت جنان بــ ألم و قالت بهمس _ صح و كلن شاف نصيبه .. و يمكن حبي له كان حب مراهقه ..
عذاري وقفت و بإستفسار قالت _ أنتي شتقوليــــن تراي ما سمعج ..؟!!
كملت جنان صعودها و قالت _ أقول أعوذ بالله منك يا أبليس ..
عذاري بخمول _ شنو ترى ما أسمعج عدل ؟!
جنان بصوت أعلى _ ما قول شي .



/////////////////////////


أنتبهت سارا ان الكل طلع و ما بقى غيرهم ... بــــ قهر الضيم الي شافته من أخوها و ولد عمها غمضت عيونها بقوة .. ضربات قلبها تزيد بعنف و هي تسمع خطوات رجله القادمه لها .. قعد جنبها .. و حط يده اليمنى على كتفها .. لاحظ بندر أرتجاف جسمها كله .. قال بهدوء حتى يطمنها _ مبروك سارا .. و إن شاء الله أكون عند حسن الظن .. و ما قصر معاج .. بس أنتي ساعديني و إن شاء الله ما تشوفين مني إلا كل خير ..
بلعت غصتها و هزت كتفها لــــ ورى عشان يشيل يده من على كتفها ..
سمعوا طرق عند الباب قام بندر و قال بنبره أعلى _ يلى قومي غيري العشا وصل ..
بسرعه قالت بحده _ مابي عشا ...
أبتسم بندر بتصنع و فسخ البشت و الغتره و العقال و راح عند أمه الي جايبه عشاهم ..


// بــــنــــدر //


على طول مابي عشا ..! إذا هذا أوله ينعاف تاليه يا بنت علي .. حاولت أبتسم لها مالي خلق لها خاصه هالليله أبي أحس أني صج معرس .. و أبي أعيش لحظات ليلة العمر مثل ما يقولون .. بس بنت علي شكلها ناويه أطينها .. فتحت لأمي الباب
شفت بعيونها كلام و أحساس و مشاعر .. عرفت الحنان بعيونها لامست الفرحه بضحكتها .. قبلت راسها و يدها و أخذت العشا منها و انا أسمع دعاويها الي تشرح الصدر .. سكرت باب الشقه و أخذت نفس لأني متأكد بشوفها على وضعيتها .. لالا و أخيــــرا الحمدلله طاح إلي براسها .. شفتها مو موجوده .. فــ حطيت الأكل على الطاوله أنطرها .. مرت دقايق قليله و لا أسمع باب الغرفه ينفتح .. ثواني و لا هي قدامي تقدمت بحيا و قعدت قبالي .. أبتسمت بلا شعور آثاري العرس أدبها شوي .. سميت بأسم الله و انا إيدي متجهه للطبق .. لكن بعد ما شفتها مكتفه يدينها عن الأكل نزلت يدي و قلت _ ليــــش ما تاكليــــن ؟!
..

أنطرها ترد لكن الظاهر اني أكلم نفسي لو طوفه جان ردت علي ..
رد بندر يسألها مره ثانيه _ ليش ما تاكلين ؟!

تماسكت حتى ما تصرخ عليه .. هذا الي تبونه لو أبوي حي جان ما تزوجتك يا بندر بس لو هاذي ما تنفع ألحيــــن .. لكن بخليك تندم قد شعــــر راسك يا العمــــلاق ..
مدت يدها لــ عصير كوكتيل .. و رفعت راسها شوي عشان تشربه و طاحت عينها بعينه و بحيا العروس في ليلة زواجها أجبر كسر عينها عن التحديـــق ..
شافته يقدم الأطباق لــــ صوبها و قعد ياكل .. شهيته أنفتحت بعد ما شافها تاكل ..

. . . . . . . . . .




بــع ــد أســــبــــوعــــ ..!

عــــ الساعه العاشرة صباحا ..

نزلت سارا لصاله تقعد مع خالتها و عمها .. لكنها لقت خالتها و أختها فاطمه مع عيالها يتقهون ..

سارا بحيا قالت _ السلام عليكم ..
الكل _ و عليج السلام ..
قالت أم بندر بحب _ حياج أهني يا سارا ( تأشر على مكان جنبها )
جات سارا و قعدت بالمكان الي أشرت عليه خالتها ..
قالت ام بندر _ شخبارج ؟ إن شاء الله زينه يا بنيتي ..!
أبتسمت بتصنع و قالت _ الحمد لله تمام يا خاله ..
طالعت أم بندر الدرج و قالت بـ تساؤل _ أجل الــمــعــــرس نايــــم !!
سارا بعد ما أنصبغ وجهها أحمر من أبتسامه فاطمه لها قالت _ إي نايم ..
بقلبها كملت _ نايم نومة أهل الكهــــف آمين يارب يا رب ..
قالت ام بندر بنيه طيبه _ نوم الهنا يا بعد قلبي .. ( ورفعت يدها ) يا الله طلبتك .. .. أتقر عيني بــ شوفة عياله .. و تصلحهم لوالدينهم ..
قالت فاطمه _ آميــــن ..
و أخذت خزه محترمه من سارا الي قامت .. جان تقول ام بندر _ على وين يا سارا توج ما تقهويتي ..؟
أبتسمت لها و قالت _ لا بس بسوي دخن ماحب أكل التمر بروحه ..
و راحت للمطبخ .. تسوي الدخن .. و هي تحط السمن على النار كانت تكلم نفسها بصوت واطي _ قطيعه تقطعه .. ما قول إلا مالت .. مادري شحابه خالتي فيه ..؟ آآآخ انا سارا يرفع صوته علي زين ما هفني بقلاص الماي ..
( عسى ما شر ليش تتأففيــــن )

ألتفتت بخرعه لوراها .. شافته واقف عند باب المطبخ و بملامح سخريه .. و من الخرعه حاش أصبعها القفشه الحاره قالت بألم _ آح ..
ثم رفعت بصرها له قالت بقهر _ شتبي مني ؟!
قالت بنبره طنازه _ أبي نظره من عيونج الحلوه .. يعني شبي أبيج تسويلي ريــــوق ( حط يده على بطنه و يمسحه بشكل دائري ) حدي يــــوعان ..
بـــ تقليد قالت _ حدي يوعان يا شين الملاغه بس ..
بندر بجديه و بنظره وعيد _ شكلج مانفع معاج الي أمس .. بس بيجي يوم و أكسر راسج فاهمه بكسر راسج و أربيج من جد و جديد ..
سارا بتحدي ماكسرت عينها من عينه .. و عطته ظهرها و أخلطت السمن بالطحين و تاخذ شهيق و زفير حتى ما تتهور .. طلع بندر بعد ما عطته ظهرها .. تكره من سنوات وعيها على الدنيا و أكرهته أكثر و أكثر تحجيرها له .. لأنها متأكده هالتحجير مو حب فيها .. لا بس مسألة أستعباد حب يجربه عليها .. ليش ما حجر جنان ..؟ لأن جنان عمرها ما ضايقته أو أحتكت فيه .. لكن انا غير .. انا الي تستحقره و يشوف بعيونها نظره الأستحقار .. لي قعد يبادلي هالنظره .. حتى انا مادري ليش أستحقره بهالشكل الكبير .. يمكن غروره بوجهه نظري كرهته .. يمكن تشكي أخته عبير من تسلطه عليها كرهته .. يمكن حب جنان له و هو الي رافضها إيه رافضها انا أدري أن جنان ما طلبت الطلاق إلا بعد ما شافت شي ينفره عنها .. يا ما سمعت بذوني بجيها عليه و هو و لا أفتكر فيها و لا حسس أنها بنت عمه الزوجه المصونه له و يمكن و يمكن و يمكن .. و يمكن الي شفته أمس بجهازه و كسرت الجهاز بالطوفه خلاني أكره بزياده .. صج ما يستحي حافظه كلها أشعار عن وحده يحبها و فجأة ما تصير من نصيبه .. و مسمي الحافظه بــ أسم الهنوف .. الهنوف الهنوف الهنوف الهنوف ..
آه لا لا مو بنت جيرانهم .. حرام بس أهي مالها شغل من خلال شعره ان الحب من طرفه بس .. لا لا هاذي ما أدش بالي مادري ليش .. أشوف جنو و أسألها .. لا هاذي حياتي و انا أعرف أتصرف فيها .. بس آخ بغى يذبحني يوم شافه متكسر جدام باب المطبخ و عيونه كانت تخرعني .. آه يا يبا آه لو كنت موجود جان مــــا سمحت له يحجرني و لا يمد يده علي .. آي نسيت الريوق .. حسبي الله عليه توني عروس و قاعده أطبخ له .. هذا الناقص بعد ..!!
دخلت فجأه الخدامه و بيدها جريده .. طالعت سارا بالجريده شافتها جريده الوطن .. قالت بفضول _ مرامي هذا مال منو ؟
مرامي اطالع بالجريده _ هزا مال بابا بندر ..
سحبت سارا الجريده من يد الخدامه و قالت بلهجة أمر _ سوي ريوق لــ بابا بندر ..
و أطلعت من المطبخ و بيدها صينيه صغيره فيها صحن الدخن و الجريده بيدها الثانيه .
شافتهم سكتوا و تموا يطالعونها
أنقهرت سارا من الحركه و قالت
بقلبها _ أكيــــد يحشــــون فيني و لا فطيموه هاذي مو جنها أختي .. قاعده تحش معاهم و لا ليش أسكتوا ها ليش أسكتوا ..؟!
قطع تفكير سارا بإستمرار خالتها في الحديث بعد ما سكتوا و هي أطالع بولدها _ ها شقلت ؟
زم بندر شفته و طالع بالجريده و هو رافع حاجبه الأيمن و بعدها هز راسه بإيه _ أوكي متى تبــــون ؟
قالت فاطمه _ باجر أحسن ( و ألتفتت لخالتها ) صح يا خاله باجر أحسن ..؟
سارا و تقرص خصر أختها و بهمس قالت _ ما شاء الله مطيحه الميانه مع الحمو ..
أبتسمت فاطمه و قالت بهمس _ جب ..
سارا أكثر شي ونسها الطلعه بس وين للحين الرؤيا ما أتضحت عندها .. قالت ام بندر الي ما نتبهت لحركه سارا _ إي صح باجر على حزة الضحى .. و انت كلم أبوك و خالك و ولد عمك .. وانا أمك من زمان ما طلعنا مع بعض و البنات بعد ودهن يتجمعن مع بعض .. بس نبي شاليهات بنيد القار مو الخيران ..
بندر بإستغراب _ و شمعنى شاليهات بنيد القار ..؟ يمه ..
سارا بإنفعال قالت _ الله وناسه يمدحونها رفيجاتي .. حست بإحراج الكل طالعها مستغرب من نبرة صوتها .. سارا من الفشله قعدت تكرر يمدحونها و الصوت كل مالها يقصر .. وعيونها عليهم قال بندر و إيده على بطنه _ إلا وين الريــــوق ؟
و طالع بــ سارا .. الي طالعته بالمثل و قالت _ ألحين مرامي تجيبه ..
رفع حاجبه بإستنكار و قال _ جريده اليوم ..؟
سارا ببراءة قالت _ لا جريده الوطن ..
أضحكت خالتها و فاطمه من رد سارا العفوي .. أما بندر أبتسم و قال _ أدري انها الوطن مو عالم اليوم بس أقصد مالت اليوم ..
سارا قالت بإنحراج _ إيه تاريخ اليوم ..
مد بندر يده لها و قال _ عطينياها
عطته سارا الجريده و قعد يتصفحها و خالتها و أختها قعدن يسولفن عن جاسم ..

//// ســــارا ////

هاذي فرصتج يا سارا أحرقي دمه على الي سواه فيج أمس و سوادة وجهه .. صج إن لم تستح فاصنع ما شئت .. و إن ما خليتك يا بنيدر أتولع نار ماكون بنت علي .. أسم الله عليه
يعنني مثقف ماقول إلا مااااالت ..
صج ياما تحت السواهي دواهي
أجل يحب و يعشق ولد ضبيه !!
سارا رفعت راسها و بــ جرأة قالت _ خاله ..
أم بندر رفعت نظرها لزوجة ولدها .. قالت _ سمي ..
سارا _ سم الله عدوج .. إلا بسأل عن الهنوف بنت الجيران .. شخبارها ألحين ..؟ و طالعت بــ بندر بتحدي الي صفط الجريده بهدوء .
قالت أم بندر _ إيه الله يذكرها بالخير مسافره برى مع زوجها من سنين .. ( بإبتسامه ) ليش شيطريها على بالج يامي ؟!
سارا و أبعدت نظرها عن بندر و قالت _ مادري جذي طرت ببالي يا خاله ..
شافته يقوم بهدوء بس نظراته لها تأكد أن الــنــار في صدره شابه .. وقف بنص الدرج و قال بصوت جهوري _ سارا تعالي فــــوق ..
قالت أمه بصوت هامس لها _ قومي يابنتي شوفي رجلج شيبي ..
قامت سارا ببطء تدري انه بيبهدلها بيكسر راسها بيذبحها بس أهم شي تقهره تحرق قلبه تنتقم منه ..
شافته يعطيها نظره ناريه ثم كمل صعوده لــ شقتهم ..

سارا بقلبها _ يا عمري يعنني معصب بنشوف يا بنيدر .. شوي شوي أعصابك .. لا ينطلك عرق بس ..

أفتحت باب الشقة و هي معطيته ظهرها و تصكر الباب ما حست بالأرض ... أرجولها مرتفعه عن قاعها .. لفها له فرفعت نظرها لوجه الي بوجهها تمام .. شافت الدم يثور بعيونه و اسنانه راصها ببعضها بقهر و حقد .. حبت تستفزه أكثر و تثوره قالت بغنج و بهمس _ شفيــــك ؟!
بندر عارف انها تستفزه و بحقد حذفها على الطوفه الي جنب الباب .. طاحت على ظهرها بألم و قعدت تحسس مكان العوار قالت بضعف _ آهــ آهــــ ..
نزل لمستواها و حط جبهته على جبهتها و قال و هو ماسك نفسه زياده _ أقسم بالله إن كررتي هالحركه لــ أكسر راسج
يا سويــــره .. فاهمه العلم و لا لا ؟!
سارا على رغم ضعفها بهالوقت إلا أنها بتمرد أكبر مانزلت عينها و لا ردت عليه .. تستمتع إذا شافته يثور .. تحمل يا بندر تحجيرك لي إن ما عيفتك بالزواج ماكون سويره على قولتك ..
أبتعد عنها شوي و ضغط أصبعه على جبهتها وقال بشبه صراخ _ تفهمين و لا لا ؟!
سارا و لا حرف نطقته ..
شاف انها بتعانده فــ وقف على طوله و قال بعد ما أخذ نفس _ شكلج ما جربتي قهر الرجال و لا سمعتي عنه ..
بس أبشري ماطلبتي شي على يدي بتجربينه يا سارا ..
رفسها على فخذها بقهــــر و حقد و فتح باب الشقه و طلع ..
سارا بضعف شديد و ألم قامت بتثاقل قالت و هي تعدل كمها الي لاف على صوب _ روحه بلا رده يا حقيـــر ..
حاولت تمنع تساقط دموعها .. لكن هيهات هيهات لــ سارا ..
أنسكبت الدموع بلا نهايه ..
فدشت غرفة النوم و ملامح الغرفه مو واضحه بعيونها وقفت قدام المنظره و قالت بصراخ _ ليش تبجيــــن ؟ ليش تبجيــــن ؟ ليــــشـــ ؟
مو هذا الي تبينه ..! مو هذا مرادج .. كاهو ثار أنقهر .. ليش تبجين زين ..؟!!



//////////////////////////

جنان قاعده تخلط المايونيز مع السلطه ... قالت بحسره _ حسافه ليتنا ألحين عندهم ..
عذاري و تصب زيت الزيتون على الحمص قالت _ عادي قولي لرجلج وروحوا معاهم ..
جنان _ لا يختي باجر عليه دوام ما يقدر يطلع ..
عذاري _ عاد هذا و حظج .. خلاص يبا راحت و ولت أيام العزوبيه ..
جنان بإستعباط _ يعني تهقين ينطبق علي هالبيت :
ليت العزوبيه تعود يــــوما ..
عذاري _ آووهوو ينطبق حيل ..
جنان بحالميه _ أيــــام كانت يا عذاري .. سبحان الله سنه و شوفي شصــــار بحياتنا ..!!
انا و صرت أم .. سارونه و تزوجت .. و عبير هم بعد .. و نوف ما غيرها تغيرت و تابت لله ..
عذاري _ الله يثبتها .. إي صج شخبار عبيــر ؟
جنان _ و الله للحيــــن تقول ما صار شي ..
عذاري _ الله يرزقها ..
جنان _ آميــــن ..




// ســــــــارا //


ياربي على هالرجال الساعه بدش 11 و للحيــــن ما جا .. زين وين راح ؟!! لا يكون متزوج الحبيب و انا مدري ! يووه يا سارا لا تفكرين طيعيني .. بس يا ربي عليه يقهر هالآدمــــي .. زين ألحيــــن شلون ... أروح معاهم و لا لأ ؟! ليش معلقني جذي .. آوووف صراحه واحد يقهر و يرفع الضغط و السكر ..
( طقت جبهتها بيدها ) خيــــبه نسيت .. خل أدق على جهازه ..
بس جهازه كسرته امس .. يوه تلاقينه شاري الحبيــــب ..

دقت سارا على رقم بندر ..
( الجهاز مغلق أو خارج منطقة ..... ) حذفت الجهاز على السرير ..
سارا بملل _ آوفــــ آوفــــ يا بندر ..
قررت أطلع هاند باق و تحط فيها أغراضها كأحتياط إذا وافق .. و حطته جنب الكوميدينا ..

أنقزت بمكانها .. أكيد جا سمعت صوت مفتاح يفتح الباب .. بسرعه طفت النور و أنخشت داخل الفراش بحجة أنها نايمه ..
دقيقه و لا بندر داش الغرفه .. شافته بنــــص عيــــن قدرت تلمحه .. شكله طبيعي مو معصب و لا منرفز .. و لا كأن اليوم صار شي .. راح لــ كبته و أخذ بجامه و دش الحمام ' و أنتوا بكرامه '



( بــــنــــــــدر )

لا لا إن قعدت أكثر من جذي برتكب فيها جريمه .. بتبطي بنت علي إن حطت راسها براسي ..
متزوجها عشان هواش و عوار راس و لا متزوجها أبي أرتاح أبي أعيش عمري أبي حب حنان رحمه موده أبي ولد يحمل أسمي بعدين .. قسمن بالله جنها رجال عايش معاي بالشقه مو زوجه حسبي الله على أبليسها جانها بتعيشني بجحيم بس تنطر ....
طلعت من عندها بعد ما حلفت اني أربيها من جديد .. لأنها بصراحه مفتقره لـ تربيه الله يرحم عمي مدلعها زياده عن الحد .. و كاهي جدامي ثمره متمرده .. و زوجه ناشز .. رحت لواحد من الربع في شاليهه ما شاء الله قعدتهم تشرح الصدر ..
فطرى على بالي طلعة الأهل مع أهل عمي و خالي .. و وعدي لــ أمي .. فأضطريت أحجز لهم في بنيــد القــــار و أتفقت معهم على كل شي ..
و رديت لشاليــه و تعشيت مع ربعي .. كنت مغلــــق الجهاز لــ أني مالي خلــــق أحــد موليــه.
و خاصه سارا و حركاتها الطفوليه .. تذكرت حماسها عن روحة الشاليه بس معصي تشم ريحة الشاليه .. تنطق بالبيت و تجابله أحسن لها .. حتى تفكر و تنتقي الألفاظ قبل لا تقطها ..
مرت الساعات ليــــ حسيت أني محتاج لـ فراشي أبي أنام و بهدوء بهدوء يا سارا ..
دشيت البيت و الكل كان نايم صعدت لـــ شقتي .. و الحمدلله الواضح جدامي المعزبه نايمه الليتات مطفيه و ماكو أصوات ..
فتحت الكبت باخذ بجامتي بس كأنها قاعده مو نايمه لفيت عليها شفتها نايمه .. آوف شكلي قمت أخرف بهالعمــــر و السبه هالنايمه .. دخلت الحمام و أنتوا بكرامه أغير و أتوضأ حتى أصلي صلاة الوضوء قبل ما أنام ..
بعد ما صليت بــ الغرفه و أنا متجهه لفراشي حسيت بحركتها لا البنت مو نايمه أكيد مو نايمه .. آوووف أذتني بتقلباتها اليمين و اليسار ..
قعدت و رفعت اللحاف من عليها ..
بندر بتجهم _ ســــارا ..
سارا جسمها كش .. ما توقعت يصيدها قعدت مثله بحركه سريعه و قالت و هي تلم شعرها لصوب اليسار _ نعم ..
بندر أنتبه للهاند باق من ضوء الأبجوره الخافته قال _ قومي سويلي بلعه ..
سارا بقلبها _ يعني لو صج كنت نايمه عادي يقعدني عشان بلعه .. زقــــوم ببطنك يا بنيدر إيه ع طاري شاليه القار شبـــ ..
قطع عليها تفكيرها بلهجه أستهزاء _ شنو قاعده تستخيرين قومي سوي لزوجج بلعه يا هانم .. و ألتفت لــ للهاند باق و كمل _ ما شاء الله عليج مستعده حق الطلعه ..
سارا بقهر قامت بدون ما ترد عليه و راحت لــ مطبخها تحضر له أي شي ..
أما بندر طفى الأبجوره و حط راسه و نام ..
بعد عشر دقايق و لا سارا داشه الغرفه بس الليت طافي
سارا مستغربه _ نــــام ..
و راحت لــ صوبه و سحبت اللحاف بخفه ..
سارا _ بندر بندر قوم يلى البلعه أوه أقصد العشا زاهب ..
أنطرته يتكلم يرد عليها .. بس لا مجيب .. قالت و هي تضرب رجلها بالأرض _ سخيــــف ..
و طلعت برى الغرفه لا النوم جايها و لا أحد مقابلها .. قررت أدق على جنان و تشوف أخبارها .. راحت لغرفه النوم تاخذ موبايلها .. شافته غاط فـ النوم و صوت تنفسه واضح حيل و يدل أنه تعبان .. فخطر على بالها أتشوف شكله و هو تعبان .. شغلت الأبجوره و أخذت تلفونها و راحت لصوبه .. سارا و بإبتسامه خبيثه و لسانها عاضته .. حطت كاميرا التلفون قدام وجهه و بسرعه ضغطت على دقمه التصوير .. كانت الصوره خيال .. شكل بندر و هو نايم و تقاسيم وجهه ظاهره بوضوح و التعب عنوانه .. حست بحركته و هو مكشر و يلف الصوب الثاني .. بسرعه طلعت من الغرفه و هي تضحك بطفوله ..
سارا _ آخ عليه زيــــن بس لو يترك رفعة الخشــــم جان عشنا بخير ..
قعدت قبال صينية العشا و ضلت تاكل منها و دزت مسج لــ جنان تسأل إذا كانت قاعدة تتصل فيها .. دقايق و لا جنان تتصل ..
سارا بصوت خافت _ يا هلا يا هلا ..
جنان بضحكه _ و المهلي باقي ..
سارا _ شلونج شخبارج ؟!
جنان _ نــزقــــح يا الغاليه .. أنتي شخبارج إن شاء الله تمام ..
سارا تمثل الفرحه _ بخيــــر عايشيــــن ..
جنان تعقد حواجبها _ متأكده ؟!
سارا بضحكه _ أكيد جنو .. إلا بسألج بتروحين معانا باجر للشاليه ..
جنان بحسره _ يــــوه لا ماكو روحه ..
سارا بإستغراب _ ليش ..؟!
جنان _ سارا انا ألحين ببيت زوجي مو على كيفي .. و أوله حاولت فيه بس كلش رافض و واعدني بروحه انا و ياه ..
سارا _ الله يوفقج يا عمري ..
كان ودي بروحه جميع بس يلى خيرها بغيرها ..
جنان بتحرش _ زين ما سألتي عن عذاري بتروح و لا لأ ؟
سارا _ منو عذيير .. عشان تنكد علينا لا يبا لا تروح و لا أشوفها بعد ..
جنان _ حرام عليج .. أقول عبير كلمتها قبل ساعه .. تقول بتروح معاكم ..
سارا تهز كتفها _ مادري عنها .. أنا من الصبح فوق بشقتي ما طلعت ..
جنان _ آهاااا .. زين أنتي ليش تكلميني جذي جنج حرامي ..؟
سارا _ العمــــلاق نايم ..
جنان _ آهااا .. و أنتي ليش ما نمتي ..؟
سارا بضيقه _ ما جاني النوم ..
( بسرعه أنقلبت نبره لهجتها لفرح ) جنو جنو ..
جنان بفرحه من نبرة أختها _ سمي ..
سارا _ صورته و هو نــــايــــم
جنان ما فهمت _ هاااا شلون يعني ما فهمت شي ..
سارا أطالع بباب الغرفه _ أقولج صورت بعلي و هو نايم بس شكله كان تعبان حيــــل ..
جنان ما تحملت فأضحكت _ خخخ غربل الله أبليسج .. سويروووه أركدي تبين الرجال شيقول عنج متزوج جاهل و لا خفيفه ..
سارا _ خل يقول الي يقوله .. مو هامنــــي ..
جنان بجديه _ سارا خل عنج هالحجي الزايد .. و حطي زوجج بعيونج .. خلاص أنتي ألحين زوجته .. فماله داعي هالحركات نص جم الي قاعده تسوينها ..
سارا _ و انا شسويت حتى تقولين حركات نص جم ..؟
جنان _ طريقة كلامج تأكدلي هالشي ..
سارا _ و الله ما حد طقه على يده و قال حجرها و خــــ ..
قاطعتها بحده _ سارا بس خلاص أنتي شنو ؟ أنتي ما تبين تعيشين بسعاده و راحة بال ..!!
توج عروس و هذا حجيج !! لا بالله عينا خير .. أقول بس أحترميه حتى يحترمج و يقدرج يا بنت علي .. و لا تخلينه يقول فــ يوم من الأيام العم علي ما عرف يربي ..
سارا بعصبيه _ يخســــي .. مياصل مطاه ..
جنان بقلة حيله _ شكلي من اليوم أكلم لي صمخه .. الحمدلله و الشكر يلى يلى مع السلامه زوجي ألحين بيجي و مو ناقصه تعكرين مزاجي أكثر من جذي ..
ما قدرت سارا ترد لأن جنان سكرت الخط بسرعه ..



// جــــنــــــانــــ .. //



يا الله على هالبنت .. عجيبه بشكل مو طبيعي .. شلون قدرت أتصوره و هو نايم .. فرضا قعد و شافها .. أكيد بيشك بقواتها العقليه .. صج عش رجبا ترى عجبا .. إلا عش مع سارا ترى العجب العجاب ..

أبتسمت بحب له و هي جايه تستقبله عند الباب ..
جنان _ نورت الدار يا بو جمانه ..
يوسف و يحط الأكياس على الطاوله قال _ بوجود صاحبته ..
أخذت جنان الأكياس و راحت لـ مطبخها عشان تحضر الأكل .. بعد ما خلصتهم و هي شايله الصينيه لـ يوسف الي قاعد قبال التلفزيون .. قالها _ الأميــره نايمه ؟!
جنان بملل من تصرفات بنتها _ إيــه .. بجت بجت لي قالت بس .. ثم نامت ..
ضحك يوسف على جنان و تحلطمها من بنتها قال بعدها _ و الله خالتي أم محمد تقول أنها طالعتن عليج ..
جنان تخصر _ إيــه و هذا المونسك .. تستانس لي قعدت أمي تتشكى من صراخها و بجيها و تقول ما هي بعيده عنج يومنج قدها ..
يوسف _ و انا شكو هذا كلام أمج مو أنا .. بعدين ليش ما تبيني أستانس أن جمانه طالعه عليج .. هذا و الله الزيــن و الحلا لطلعت على أمها ..
جنان أستحت و أخذت لقمه و حطتها بحلجها ..
يوسف بجرأة _ ها و ما تبيني أستانس ليــ قالوا طالعه على أمها ..
جنان بحيا _ يوســــف بـاااااس .





// عــــبــــــيــــــــر //



يا رب يا رزاق يا وهاب أرزقني الذريه الصالحه .. اللهم لا تذرني فردا و انت خير الوارثين .. اللهم قلت و قولك الحق أدعوني أستجب لكم .. اللهم فها أنا أدعوك اللهم فأستجب لي ..
و صلى الله على سيدنا محمد و على آله و صحبه أجمعين ..

صفطت سجادتها بعد ما خلصت من صلاة الوتر .. و قامت بتروح لــ فراشها .. بعد ما دشت و تلحفت عدل .. حست بيده تقبض على يدها بقوه ..
قالت _ قــاعــد ..؟!
عيسى و هو في لذة النوم قال _ ها و ها ..
ضحكت بخفه و قالت _ و ألحيــن أي الها فيهم ؟
عيسى يترك يدها و يحك عينه بخفه قال _ كنت نايم بس حسيت بشي و قعدت شفتج قاعده على السجاده ..
عبير ما ردت عليه تدري أنه عارف أهي شنو كانت تدعوا و تطلب من الله ..
تبي تحمل اليوم قبل باجر .. تبي تكحل عيونها بشوفة عيالها ..
صح توها على الحمال .. بس غريــزه فطريــه جبلت عليها المرأة .. ما تقدر ترفضها إلا من شك في صحة عقلها .. بعد صمت طويل منه و هو يسمع شهقاتها قال بشكل جدي _ عبير خلاص خلاص .. تونا معاريس حتى ما صار لنا سنه عشان تحاتيــن بهالشكل ..!! انا يا بنت الحلال أعرف رياجيل ما الله رزقهم إلا بعد سنتين و لا خمس .. فلا تقعدين توسوسيــن و تضيقيــن خلقج .. أدعي يا عبير أدعي الله و انا بعد عبالج ما أدعي لا يا قلبي ما راح أضحك عليج و أقول ما أدعي لا انا أدعي الله انه يرزقنا الذريه الصالحه عاجلا غير آجلا .. بس ما أقعــد أوسوس و أحاتي بهالــ الطريقه الي أشوفها فيج .. و هم بعد انا مضايقني شغله فيج يا عبير ..عبير بصوت مبحوح قالت : شنو بعد ؟!
عيسى و يضغط على يدها _ مــلاحظــ أنج ما تقعدين حتى عند الحريم مثل قبل .. كل ما أجي البيت ألاقي الأهل بدونج .. سواء على الغدا و لا القهوة و لا العشا .. شصاير يا عبير عشان تتقوقعين على نفسج .. و تنزويين عن الناس ..
سكت عيسى يبيها تفضفض أطلع الي بصدرها .. بس عبير أستمرت تبجي بصوت أعلى من أول .. غمض عيسى عيونه بأسى .. بجاها يقطع فؤاده .. وده يسوي أي شي بس ما يشوف دمعه تذرف من عينها .. و عيسى مشتاق لـ دور الأبوه .. بس هالشي مو بيده ..
قال بهدوء _ زيــن ألحيــن أنتي شنو تبيني أسوي عشان ترتاحين ؟
عبير بشهقات متواصله _ نتعالــج
..
عيسى أعتدل بجلسته و شغل الأبجوره قال بإستغراب _ نتعــالج !!!! ليش انتي فيج شي ؟!
قعدت عبير و أخذت حبه كلينكس و مسحت دموعها _ ما دري يا عيسى !!
عيسى معقد حواجبه _ شلون ما تدريــن ؟ و أنتي ألحين تقولين أمش خل نتعالج !!!
عبير بضيق تهز كتفها _ مادري مادري ...
عيسى _ زين أنتي رحتي لدكتوره ؟!
عبير _ لا ...
عيسى بإرتياح _ الحمد لله .. خلاص بعد ما تردين من أهلج نروح عند دكتوره و نشوف أوكي يا حبي ؟
عبير _ أوكــي ..






؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


/ بــيــتــ أبــو أحــــم ــــــد /





نوف تحسس كتف أمها و العبره خانقتها _ خلاص يا الحبيبه ...
أم أحمد بصوت مبكي _ حسبي الله و نعم الوكيل كله مني .. انا السبب أنا السبب يا نوف ..
نوف بغصه _ لا يمه انا السبب الرئيسي .. و لا وين الرقابه الذاتيه يوم أنكم غايبين عني ؟
و بعدين خلاص هذا مصيري و انا راضيه فيه ..
أم أحمد _ بس أنتي توج صغيره و بـ حاجه لــ زوج و أطفال يا بنتي .. و هذا مصير كل بنت ..
نوف _ بس انا غير .. غير يا يمه .
لا يمكن .. لا يمكن أتزوج لا يمكن ..
أم أحمد بقلة حيله _ زيــن هذا يا بنتي طالب علم إلي رديتيه حتى بدون ما أحد من رياجيلنا يدري .. أو يكون عنده خبــر ..
يمـكـن يســتر عليج .. و ياخذ فيج أجر .. مو من ستر على مسلم ستر الله عليه ...
نوف تقعد جنبها و تمسك أصبع أمها _ يمه .. بــصراحه ترضينها لــ زوجة ولدج ..؟!!
سكت أم أحمد بحرج فـــ كملت نوف كلامها _ مهما البنت تابت و أرجعت لــ طريق ربها .. الناس ما ترضى فيها .. إلا في أندر الحالات .. و زمنا هذا يمه حتى لو البنت صارت داعيه بيظل ينظر لها كــ ماضي أسود إذا أحد فكر يقترن فيها ..
هذا واقعنــا يا الغاليه و لازم نرضى فيه .. ( و أبتسمت بحسره ) و بعدين يمه انا مو متشفقه على العــرس .. عندي دراستي بشغل فكري فيها ..
و من ألحيــن يمه مابي أشوف دموعج ..
و مدت يدها تمسح دموع أمها بصمت يتخلله حسره و ندامه على ضياع أشرف و أعز ما تملكه ..



/^/^/^/^/^/^/^/^/^/^/^/^/^/^/^/^/^/^/^/^/^/^/^



حذف الشرشف من على صدره و قام و هو يسمع نداء الله .. و دش الحمام عشان يتوضأ .. بعد دقايق معدوده .. شغل بنــدر الليت وقف قدام المنظره يعدل شماغه .. ألتفت لــ سارا الي متكوره على عمرها .. قال بصوت عالي عشان تسمع _ ســــــارا ..
شاف أنها للحين ما وعت .. فــ رد يناديها _ سارا سارا ..
سارا و أتمغط بقوه _ همممم ..
بندر أبتسم من شكلها الطفولي و طريقتها أشلون أتمغط ..
قال _ شوي شوي لا أتقطعين .. ما تسوى عليــنا ..
سارا الي ما سمعت شيقول للحين في عالــم النــومـ ..
رد بندر للمنظره و أخذ المسك و قعد يمسح فيه مكان اللحيه و الحنج .. و هو هام بيطلع تذكر أن سارا للحيــن ما قعدت .. مشى صوبها و سحب الشرشف من عليها .. قال و هو يهز كتفها بخفه _ سارا سارا ..
سارا بنص عين مفتحه _ نعم ..
بندر _ يلى قومي لــصلاه ..
ساعه و انا أقعدج ..
و عطاها ظهره و طلع برى الغرفه ..
قامت سارا و هي شبه نايمه لــ الحمام ( أكرمكم الله ) تتوضأ ..



نزل بندر لــ الطابق الأرضي و شاف أمه و أبوه قاعدين .. حب راسهم و قال و هو يتلفت لأعلى _ شنو جاسم ما قعد ..؟
بو بندر و هو يقوم _ ما طقيت على بابه ..؟!
بندر _ لا ما طقيت .. أروح أطق يبا ..؟
بو بندر _ روح استعجله بقوم المذن ..
أم بندر بحنيه _ تلاقيه نايم و هو تعبان أعرفه ولدي ..
سكتوا ما أحد رد عليها و ما خطى بندر خمس خطوات و لا جاسم واقف بأعلى الدرج و يضبط شماغه ..
بندر وقف بمكانه و لف على أبوه _ يبا كاهو جا ..
بو بندر بعصبيه _ وراك قاعد متأخــر ؟!!
جاسم و هو ينزل قال _ آســف يبا .. و كاني جيت و الحمد لله قعدت قبل لا يقيم ..
بو بندر يمشي لــ باب البيت _ لا إلــه إلا اللــه ..
واجهه جاسم أمه و حب راسها و قال _ صبحج الله بالخير يمه ..
أم بندر بإبتسامه _ صبحك الله بالنور يا بو محمد ..
جاسم يمثل الزعل _ شفيــه الوالد معصب علي ..؟
مسكه بندر من يده و قال _ أقول أمش أمش .. الناس بتصلي و حضرتك تتدلع ..
ضحك جاسم و أمه و طلع بعد ما ترك بندر يده و راح للــ مسجد ..




// الــســاعــه 8 و نــص صباحــا //


أم محمد و بدور خلصوا أغراضهم و حاطينها عند باب البيت .. ينطرون محمد يجي عشان يدخلها داخل السياره .. و بدور مع ولدها عمر فوق بشقتها قاعده تقفلها قبل لا تطلع ..
أما تحت بالدور الأرضي عند أم محمد عثمان كان يطق عايشه الي قعدت على الأرض و بجت من القهر .. مشى عثمان و أنخش ورى جدته الي ما تدري شــ سالفتهم ..
قالت ام محمد لــ عثمان _ يا ماما شوف أختك ليش تبجي ؟!
عثمان معقد حواجبه _ مابي ..
أم محمد مستغربه _ عشتوووا و ليش عــاد ؟!
عثمان يطالع بأخته الي سكتت و قعدت تمسح دموعها بيدها _ أحثن .. تثتاهل .. ثوفي لبثها وثخ .
ضحكت أم محمد من غيرة عثمان و هو بهالعــمــر ..
شافت بدور و عمر نازلين قالت _ شملبسه بنتج الله يهداج يا بدور ..؟
بدور بإستغراب أطالع بنتها _
شفيها خاله ؟!
أم محمد _ أخوها مو عاجبه لبسها ..
بدور تنزل بسرعه و تروح عند بنتها الي وجهها غرقان من الدموع ووقفتها على طولها قالت بتساؤل _ فيه شي يا خاله ؟!
أم محمد بضحكه _ عـــاري ..


//////////////////




فاطمه تهمس بإذن سارا _ انا قررت أتسبح ..
سارا بصوت أخف _ خلاص قررتي ..
فاطمه و تسوي حركه خلاص بيدها
سارا _ قرار نهائــي ..؟
فاطمه _ و لا رجعة فيــه ..
و لا عبير جايه صوبهن قالت عشان تستفز سارا _ ها سويره شنو شعورج و أنتي بتروحين كشته معانا و أنتي حرم الشيخ بندر .. ؟
سارا تدري ان عبير تبي تستفزها قالت بحالميه متصنعه _ شعور لا يوصف .. تصدقيــن ودي أطير في السما للحين مو مصدقه سارا زوجه بندر يااااا الله شهالحــلــم الجمــيل ..
عبير أبتسمت لــ فاطمه تدري ان رد سارا كان تطنز ..
قالت _ الله يوفقــكم يا رب ..

سمعوا صوت بو بندر مع عياله فألبسن فاطمه و سارا .. دخل بو بندر و قال _ حي الله بالزيــن ..
راحت له عبير تسلم عليه و ثواني دشوا أخوانها و سلموا عليها ..
قال بندر _ ويــن أمي ؟!
قالت عبير _ بغرفتها تشيل لها كذا شغله ..
قعدوا كلهم و صارت عبير هي الي تقهويهم .. قال بو بندر و هو يوجهه كلامه لــ بندر _ أنت أخذ معاك الأغراض ..
بندر و يعدل شماغه قال بتأكيد _ انا يبه .. انا ماني رايح معاكم ..
الكل أستغــرب من قرار بندر المفاجئ .. قال بو بندر بإستفهام _ أجل شحقه الحجز ؟ يومنك منت برايح ..!
عبير بلقافه _ حــرام و سارا ؟!
بندر بنظره ثاقبه قال _ المره مع زوجها وين ما راح ..
رد بو بندر يسأل ولده _ عسى ما شر فيك شي ؟!
بندر يغير ملامح وجهه للتعب قال _ إيــه أحس بتعــب ..
قال جاسم _ اجل خلاص يبا الأغراض أحطها انا بسيارتي ..
شفايف سارا تقوست للأسفل و قعدت تخز بندر بحقد و قهر .. و تردد بنفسها _ حسبي الله عليك جانك بتقهرني ..
همست لأختها _ شفتي الحقير شسوى ..؟
فاطمه تضغط على يد سارا _ آص آص ..
و لا على طلعت أم بندر من دارها و جايه لهم و هي ماسكه عبايتها _ ها شناطريــن
أم محمد تقول حركنا .. و أم أحمد تقول بيوصلون ع الظهــر ..
قام بو بندر _ يلى أجــل انــا ناطركم فــ السياره ..
بسرعه ركضت عبير و لزقت بأمها _ يما شوفي ولدج مو راضي يروح معانا و هالمسجينه
مرتبطه فيه ..
دزتها أمها عالخفيف قالت _ آوف وخري عني بتنفس .. و منو هذا أي واحد فيهم ؟!
عبير أطالع بــ بندر الي يدلي جاسم على مكان الشاليه .. و ردت تلزق بأمها _ بجرج يمه ..
أم بندر تسحب أذن عبير _ و أنتي شيدخل عصج بشي ما يخصج ؟
عبير بألم _ آي آي يمه .. حرام آي سويره ما تستانس آي .. آي بس يمه أذني بتنقطع ..
أم بندر بنظره ناريه _ أمشي جدامي أبوج برى ينطرنا ..
عبير _ أوكــــي ألبس و ألحقج ..
أم بندر متجهه لـ برى البيت ..
و راح بندر و جاسم يشيلون الأغراض و يحطونها بـ سيارة جاســــم ..
بقت فاطمه و عبير و سارا ..
سارا قامت و العبره خانقتها قالت _ لـــــيـــــــش ؟!!
فاطمه بحرج _ خلاص سارا .. كلها كم يوم .. ما يحتاج كل هذا ..!!
سارا بحرقه _ منتوا فاهميــــن ..
بندر ما فيه إلا العافيــــه .. حركته هاذي بس عشان يقهرني .. و شايفني مجهزه الهاند الباق عشان أبي أروح ..
فاطمه تمسك أختها من كتوفها و قالت بهدوء _ سارا يا حبيبتي أنتي توج عروس شتبين بطلعه عايليه .. أنتي حاولــــي فيــــه بهاليومين تطلعون مع بعض ..
سارا تقطعها و هي تصر على اسنانها _ انا مابي أطلع معاه بروحنا فهمتي مابي أطلع معاه..
عبير حست مكانها غلط بينهــــن
قالت بهدوء _ انا بطلع فوق أجيب عبايتي ..
قالت فاطمه بإنحراج _ خلاص انا سابقتج ..
صعدت عبير فوق لــــ غرفتها .. بسرعه هزت فاطمه كتف سارا بعصبيه _ أنتي مجنــــونه ؟! تشوفين أخته و تذمينه جدامها ..
سارا تشيل يد أختها قالت _ لا تخافيــــن عبير تدري أني ما أواطنه .. فمو شي جديد عليها ..
فاطمه بعصبية _ كان كان .. بس ألحيــــن غير .. أنتي زوجته .. و المره الي تذم زوجها من وراه تشيــــن في نظر الناس .
سارا تقعد رجل على رجل _ وفري نصايحج لــــ حور ..
سحبت عبايتها و قالت _ بيجي يوم تندميــــن على كلامج يا سارا ..
و طلعت بخطوات سريعه ..




/ عـــــبـــــــيــــــــــــــــر /


لــــ هالدرجه سارا ما تغيرت ..!
كان من المفروض تستحي مني و ما تقعد تقط حجي و انا موجوده .. ما قول إلا الله يعينك يا خوي إذا زوجتك جاهل ما تثمن الحجي .. لكن صج انا شفته ما فيه إلا العافيه بس ليش ما يبي يطلع معانا .. يمكن مسوي لها مفاجأة و بيطلعون مع بعض ..
آوفــــ انا شيدخلني بينهم .. ! أخذت عبايتي و لبستها .. و قفلت حجرتي .. و انا نازله لــــ تحت ما سمعت أصوات أكيد فطوم سبقتني و طلعت .. شفتها سويرووه قاعده جنها سرحانه و بالعميق بعد .. لأنها كلش مو حاسه فيني .. مشيت بخفه لي وصلت عندها بالضبط قلت بصراخ _ بــــــــــــــــووووووووووووووووووه ...
سارا بخرعه نقزت بمكانها _ يــــــــمــــــــااااااااه ...
بعد ما ستوعبت ركضت لعبير و هي تقول _ أوريــــج .. تعالي يا الجبانه ..
ركضت عبير لبرى البيت .. و سارا وراها تركض و لا تصدم بجسم قدامها .. رفعت راسها لــــ فوق تشوف هالشخص ..
بندر و يلتفت وراه و يرد يطالعها بإستغراب _ بطـقينــها ؟
سارا تبتعد عنه و تمشي لداخل البيت _ لا بأس طهور إن شاء الله ..
بندر يسحبها له قال و حاجبه مرفوع _ ظهرج مابي أشوفه جدامي ليــــ تكلمت ؟
سارا تفك نفسها من يديه _ آسفه خلاص أترك كتوفي ..
تركها بندر و مشى قدامها .. بعد ما دشوا داخل قعد بندر أما سارا ظلت واقفه عندها كلام له تبي تبرد حرتها .. قالت _ ما تدري أن النبي صلى الله عليه وسلم نهانا أنتميرض بالأمراض و أحنا متعافيــــن ..!
سكت بندر و بقلبه _ أصبر يا بندر .... فكملت سارا و هي منقهره من التطنيش _ ألحين شنو أستفدت يا أستاذ بندر ؟! بتربيني عدل و لا بتخليني أجرب و أذوق قهرك ..؟!!
أستمر سكوت بندر و بقلبه _ هم بعد أصبر يا بندر ..
فزاد قهر سارا قالت بقهر _ أصلا أنت لو رجــــال جان ما حطيت راسك بــــ راس مره !!!!
رفع بندر نظره لــــ سارا بعيون غاضبه و قام من مكانه متجهه صوبها .. لا هاذي سكت عنها أكثر من اللازم ..
سارا شافت الغضب بعيونه فركضت لــــ الدرج بتنحاش منه بندر شافها تركض للدرج فركض وراها و صوته الغليظ يصدع بالصاله _ ســــارا ...
سارا من الخوف قلبها ينبض بشكل سريع و عقلها وقف عن التفكير وين تروح عنه .. و هو يلحقها .. ساعدها جسمها الرشيق عن مسابقته و تخطي عتبات الدرج بخفه .. شافت باب شقتها حست بالحياه قدامها لكنها تحس بجسم بندر وراها يقرب ..
بسرعه دشت شقتها و راحت لغرفه النوم الي دايركت قدام باب شقتها و قفلت الباب وراها بيدين مرتجفه ..
بندر شافها تدش الغرفه و تقفل الباب .. هدى شويه من سرعته و وقف قدام الغرفه أنحنى شوي و هو يتنفس بسرعه .. وركل باب الغرفه برجوله ..
بندر ياخذ شهيق _ تعوذي من الشيطان و أفتحي الباب ..
سارا و أطق راسها من الخوف _ بندر لا ..
بندر بعصبيه _ أفتحي الباب يا سارا ..
سارا بصراخ _ لا .. أكيد بطقني ..
بندر يدور حولين نفسه _ أقولج أفتحي .. خلاص طفح الكيل ..
سارا بصراخ _ لا أقولك لا يعني لا .. لو شنو !!
بندر مصر على أسنانه _ ما راح أطقج .. بس أفتحي ..
سارا تخصرت _ يعني أفتحلك بس هذا الي أنت تبيه ... لا حبيبي أكيد بتكسر رقبتي ..
نطرت منه رد .. لكن لا صوت و لا حركه تدل على وجود بندر ..
سارا عقدت حواجبها و حطت عينها في فتحة الباب حتى تشوف هل بندر موجود و لا راح .
سارا بهمس _ ويــــن راح ؟!!
شكله طلــــع ..
بحذر أفتحت الباب .. و هي هامه بطلع راسها أدوره وين راح ..
و لا بندر يثبت رجوله على الباب و ببطء دخل جسمه و هو كاتم نفسه .. أما هي بخوف حاولت أتسكر الباب على جسمه لكن قوة بندر البنية حالت ذلك ..
سارا بعد ما دش بندر الغرفه و سكر الباب و قفله .. ردت ليـــ وراها و بخوف قالت من عيونه الي الشر يشع منه _ الـــ تتتـــ وبه ..
بندر بسخريه و هو يمشي لها _ ما ظنج بتوبيـــن !
سارا بخوف _ و الله توبه بس لا طقني .. زله لسان و ماعودها ..
و الله العظيم ماعودها ..
بندر وقف مكانه و يأشر بيده _ تعالـــي ..
سارا تهز راسها بـــ لا و ترد لورى ..
بندر بعصبيه _ قلتلـــج تعالـــي ..
سارا بإستمرار تهز راسها بــ لا ..
نفخ بندر بضيق و قال بصراخ _ قلتلج تعالي ..
شافها مصره فتقدم لها بخطوات سريعه .. خل سارا تنحاش منه و تركض بالغرفه و هو وراها فصعدت فوق السرير .. ثم أنقزت للأرض و هي متجهه للحمام ( عزكم الله ) لفت رجلها فأختل توازنها
و طاحت على ظهرها بألم .. وصل بندر عندها و قعد على كتوفها قال _ نلعب أحنا نلعب .. قطو و فار أخت سارا ..
سارا بألم من رجلها الي لفت ما ردت عليه .. و فوق هذا ثقل جسمه الي مثقل على كتوفها .. و مثبته عن الحركه ..
بندر و يحط وجهه بوجهها _ انا مو رجـــال ..؟!!!
سارا _ زلـــه لـــســـان ..
بندر و يضغط يده على خدودها بألم _ فهالـمــواضيـــع ما فيه زله لسان ..
سارا بألم تحاول يترك وجهها قالت بتعب _ جل ملا يسهو ..
بندر شاف إنكسارها قدامه .. كان بمد يده عليها بس شاف عمه قدام عيونه و هو يوصيه على بنته .. فقال بحنان بعد مالمح دموعها _ ليش تخليني أتمادى عليج ؟!
سارا بعيون دامعه نزلت نظرها عنه فنزلت دموعها بشكل سريع
قام بندر بسرعه و قعد جنبها شافها تحاول تقعد و هي تمسك
رجولها بألم و تئـــن .. قال _ تعورج ؟!
سارا و تمسح دموعها بكفوف يديها .. _ عــالخفيـــف ..
مارد عليها فقام من عندها و طلع بصمت ..
سارا تحسس ساقها _ آح تعورني ..
و حاولت جاهده تقوم ليـــ قدرت و مشت بعرج خفيف لباب شقتها تبي تلحقه ..

// الــــجــــزء الــحــادي و العــشــرون //



رفع راسه لها ثم أخفضه .. و كمل يشرب قهوته .. صورة عمه مركزه قدام عيونه .. و وصيته بــــ سارا ..
سارا بعرج خفيف وقفت قدامه و قالت بعد تردد _ بنــــدر ..
رفع عينه لها و تم ساكت .. قالت بترجي _ أبيــــك أتجاوبني و بكل صراحه .. أرجوك أرجوك يا بندر ..
بندر عارف شنو الي مشغل تفكيرها لكن مستحيل أتعرف .قال ببرود _ تفضلــــي ..
سارا بألم _ ليش تزوجتــنــي ؟!
بندر ثواني تم ساكت ثم قال _ تعتقدين الرجال ليش يتزوج ؟!!
سارا تهز راسها بإسى _ لا لا يا بندر .. أنت أنت تزوجتني انا بالذات ليــــش !!
بندر مومستعد يواجها البنت ملزمه تعرف فــــ نزل الفنجان على الطاوله و هو هام بيقوم فاجئته سارا بمسكت يده بقوه و قعدت تضغط عليها .. بندر بنظرات متسائله أرسلها لعيون سارا .. و صوت داخلي يقول ليش البنت مصره بهالشكل تم الزواج و خلاص . . ظل بندر يطالع عيونها بتساؤل .. أما عيون سارا كانت تطلب الإجابه من بنـــدر ..
مـرت دقيـقه و الصمت سيد اللحظات .. بندر غاص بأعماق نظراتها الحزينه .. تم واقف بدون حركه .. سارا حست بحراره تشع بجسمها و وجهها .. أنتبهت أنها تضغط على يده بكل قوتها فجأة تركت يده و لفت صوب الدرج بتصعد لشقتها ..بندر تم ساكت و يطالعها و هي تصعد بعرج بسيط ليـــ أختفت من ناظره ..
رد قعد و مسح على شعره بإهمال _ استغفر الله يا ربي ..

و قام صعد لها فوق عند شقتهم



// ســـــــــــــــــــــارا //



ليش ما جاوبني ؟! ليش بندر يسخف السؤال ! انا من حقي اسأله و هو عليه يجاوبني بكل صراحه .. الله يسامحكـــم .. ليش يا محمد ليش !!
سارا و الدموع تنهمر قعدت على السرير بضعف و غطت وجهها بيديها .. و أخذت بالبجي بصوت عالي .. تبي تخمد نار ضعفها .. تبي تعيش بسلام بس أحيانا شعورها بالضيم يحيل ذلك .. ما حست بدخول بندر للغرفه و بوجوده جنبها إلا بعد ما شال يدينها عن وجهها ..
بندر بـ حنان مسك يدها و ضغط عليها _ سارا عسى ما شر فيج شي ؟!
سارا تهز راسها بـــ لا .. و أرتفع صوتها بالبجي .. محتاجه صدر ترتمي فيه .. محتاجه لرجال يرشدها و يوعيها .. محتاجه و مشتاقه لـــ حنان أبوها ..
بندر ما هانت عليه نفسه يشوف دموع أهله قدامه و يظل ساكت مهما كانت تصرفات سارا معاه تظل بنت عمه و صغيره بعقلها و بحاجه لـ نفس طويل حتى يقدر يشكلها على ألي يريحه و يريحها .. و بجاها هذا أكيد من تزويجها له .. بندر بهمس شديد _ الله يغفر لك يا عم .. و بـــ لا شعور فتح بندر ذراعيه و سحب سارا الي محتاجه لصـــدر حنـــون ..
أخذت سارا تشاهق بإنكسار .. و فضل بندر أنه يسكت حتى ترتاح ..






//////////////////////////



عبير تحذف الكوره بعيد و هي متجهه للأطفال _ يلى مـنــاك يا حلوين يمه ضبيه راسها يعورها من الطقطقه ..
ركضوا الأطفال لـــ جهة الي حذفت عبير الكوره لها .. و هم يصرخون بفرح ..
بعد ما راحوا قعدت عبير على كرسي يطل على البحر ..
ثواني معدوده و لا نوف واقفه وراها و بإبتسامه _ السلام عليكم ..
عبير تلف وراها و تواجه نوف قالت _ و عليـــج الســـلام ..
نوف اخذت لها كرسي و حطته قدام كرسي عبير و أقعدت مواجهتها ..
تكلمت نوف بحرج و هالإنحراج لاحظته عبير من إحمرار وجهها و نظرة عيونها _ شلـــونج عبير
؟!
عبير تحاول تبين سعادتها بتغير نوف الإيجابي فإبتسمت لها _ أنا عن نفسي تمام .. بس أنتي شخبارج ؟! ( بعد ثواني من السكوت كملت عبير حديثها ) يـــا القـــاطعـــه ؟!
زاد إنحراج نوف و ردت بهدوء _ الحمدلله بخيـــر .. و أدري صرنا مو مثل أول و هاذي أول جمعه لنا بعد رمضان و العيد .. بس تعرفين وقتنا صار مزحـــوم ..
فـــ قصرنا بحقكم .. عاد راعونا
عبير بمرح _ آآآقـــعـــااااااد ..
ضحكت نوف و قالت _ و الله و الله من صجي ..
عبير و أطق إيد نوف _ أدري بس أضحك معاج ..
( بعدها سكتن ثم طالعت عبير نوف و بجديه قالت ) نـــوف ..
نوف بهدوء _ هـــلا ..
عبير خفظت راسها و ظلت ساكته ثواني و هي تطقطق أصابعها ثم رفعت راسها و عينها بـــ عين نوف .. قالت بجديه _ أنا صريحه و جريئه و يمكن البعض يفسرها بـــ وقاحه مو صراحه و جرأة ..
قاطعتها نوف بهدوء _ لا شدعوه محشومه و أخذي راحتج عبير .. و سألي أو قولي ألي بخاطرج ..
عبير تبتسم _ ما تقصرين نوف .. بس بسألج سؤال محيرني تقريبا سنه و أكثر و أكيد أنتي عارفه هالسؤال لأنه ..
نوف قاطعتها _ طبعا لا ..
عبير _ أوكي ..
سكتت عبير ثم قالت _ ليش رفضتي أخوي و أنتي كنتي ...
نوف تقاطعها كانت متوقعه هالسؤال من عبير .. قالت _ ما صار نصيب .. و هذا السبب ..
عبير مو مقتنعه بجوابها _ الله أكبر يا نوف هذا عندج سبـــب !!
نوف بملامح تعبر عن الضيق _ عبيــر .. هذا سببي و خلاص الي فات مات .. و أخوج مو أول مره ينرد عشان تسألين ليش و ما ليش !!
عبير بإنفعال _ شتقصديـــن يعني ؟! وضحي أكثر ..
نوف ماحبت لهجه عبير المنفعله قالت _ عبيـــر شهالعصبيه و التنرفـــز إلي ماله داعي .. بنت و رفضت خاطب فيها شي ؟! و أخوج عداه العيب و نعم فيه و شوفي ألحين أرزقه ربي بـ بنت عم تستاهله و عشان ما تفسرين الأمور بعقليتج .. انا ما أصلح لـــ أخوج .. و أتمنى مـــا تفتحين هالسالفه مره ثانيه إذا كان لي عندج قدر ..
عبير بشبه أقتناع قالت بصراحه _ شوفي يا نوف .. انا صح كنت رافضه هالخطبه من الأساس .. بس بعد رفضج لــه. كنت مستغربه ليش رفضتيه !!
فعشان جذي بما أنج بنت خالي فكنت أتحرى يوم أشوفج فيه و أسألج بكل صراحه عشان أتجاوبيني بكل صراحه ..
نوف بإبتسامه صفراء _ و إن شاء الله وصلنا لأملج المنشـود .
عبير تحرك كتوفها بعدم الإقتناع و قالت_ مادري مادري .. بس حطي ببالج يا نوف أنج أخت عزيزه و غاليه بالنسبه لي ..و سؤالي لج ماله نوايا سيئه .. انا فخوره فيج و بفكرج و ألتزامج ألحين و الله يثبتج بس تعرفين أحنا يا الحريم نحب نعرف الآكو و الماكو ..و يلى خل ندخل شكل الأهل يدورونـــا ..
نوف تحط يدها على كتف عبير و قالت بهمس مع نبرة رجاء _ لا تلتفتيـــن للماضي يا عبـيــر ..
ثم أبتسمت لها بعد حركة عبير الي مسكت يد نوف و ضغطت عليها .. و دشوا الشاليهه عند الأهل ..


الكل ألتفت لهن و قالت أم أحمـــد _ وينجـــن الله يهداجن تعالن تقهـــون و ذوقن قهوتي ؟!
قالت عبير بعد ما حبت راس مرت خالها _ كنا برى عند الجهال و كاني يا خاله آفا عليج بقعد و أبشرب من قهوتج ..
صبت فاطمه فنجان لـــ عبير و نوف ..
أم بندر _ ألحين يام محمد التسجيل طاف سارا ..
أم محمد تشرب قهوتها _ إيه طافها .. بنتي متعيجزه يام بندر .. عادي عندها أتسجل بعد سنة ..
فاطمه بإبتسامه _ خالتي سارونه تفضل قعدة البيت على المدرسه .. و هي بنت .. عاد أشلون و هي متزوجه ألحيـــن ..
عبير تهمس لـــ فاطمه بدون ما أحد ينتبه _ حسافه يا ريت بندر
يغصبها عالدراسه ..!
فاطمه بحنان _ حـــرام عليج عبور شفيج عليها .. و الله سارونه ضعيفه ..
عبير بدفاشه _ سارا ضعيفه ..! إذا سارا الضعيفه أجل جنان شنو ..؟
فاطمه _ حتى جنان بعد .. ضعيفه و فقيره ..
عبير _ فطوم بسج عاد .. جنان صح ضعيفه و بمرتبه الشرف بعد .. أما هالدلوعه لا و الله ما عديتي الصج .. الضعف و البراءه
شمال و أختج جنوب ..
فاطمه ترد تصب لعبير فنجان _ يختي ليت رياجيلهم خلوهم يجون ..
عبير تحط رجل على رجل و بدلع _ الله يخليلي عسعوسي .. فديته متفتح .. مو مثل هالي مناسبينه حاكر جنان حكر .. خو خلها أتنفس مع أهلها ..
فاطمه تقلد طريقة عبير _ إلا
قولي لايعه جبده من وجهج مصبح و مسي بنفس الوجه قال خل تروح جم يوم و أكسر هالروتين القاتل ..
عبير عيونها بغت تطلع قالت بصدمه _ فطوووم انا لايعه جبده من وجهي ..!!
فاطمه ماسكه ضحكتها _ إيـــه و الدليل كاهو وجودج معانا ..
عبير وجهها أحتقن من القهر قالت _ هيـــن إن ما خليتج تندمين ماكون عبير ..
فاطمه بمرح _ لـــ نرى ..

===================



جنان تبخر الدشداشه و الشماغ و جومانه على السرير تلعب بالطاقيه ..
جنان _ يا حلـــوه .. بابا ألحين بيجي و بيزعل منج ..
( و سحبت الطاقيه من بنتها )
جومانه بدلع قعدت تبجي ..
جنان تحاول تسكتها بعد ما زاد صراخها _ لا لا يا ماما بس بس خلاص .. و شالتها عشان تسكت .. و لا على دخلت يـوسـف .. الي فسخ شماغه و قعد على الكرسي بتعب ..
سمعت جنان فتحت الباب فـ راحت لزوجها .. جنان تبتسم _ لا شكلـــك هلكان مره وحده ..
يوسف و يفتح ذراعه لبنته _ حدي هلكان .. تعالي جومانه عند بابا ..
مدت يديها له و حضنها يوسف بحنان و عاطفه الأب .. و قعد يلعبها على رغم تعبه ..
جنان بحب _ الله يخليك ذخر لها .
رفع يوسف نظره لـــ جنان بنظرة حب و حب خد بنته ..
جنان تروح له و تسحب يده _ يلى قوم تسبح و تعال تقهوى قبل لا تروح عرس رفيجك ..
يوسف ببتسامه _ إن شاء الله عمتي ..
و قام عطى بنته جنان و بحركه سريعه حب خد جنان و طلع مسرع برى الغرفه .. أبتسمت جنان بحب له .. و راحت تشوف القهوه ..

بعدها بنص ساعه .. كانت جنان تعطر زوجها ..
جنان بإندماج _ إي و بعديـــن ..!
يوسف _ إيه عاد قدروا يسيطرون على الوضع ..
جنان بخوف _ آوف يا يوسف و الله صرت أوسوس .. روح أنقل من المستشفى التعبان ..
يوسف _ قل لن يصيبنا إلا ما كتب الله لنا ..
جنان وحلجها تقوس للأسفل قالت برجفه _ يـــوســـف ..
يوسف بحب _ لبـــيـــه ..
جنان و دموعها بدت تسيل _ لازم تنقل ..
يوسف يهديها _ يا عمري خلاص الإداره صلحت الخطأ .. فشحقه أنقل و أدور عوار الراس ..
جنان بخوف _ زيـــن دير بالك على نفسك مره ثانيه ..
يوسف يأشر على عيونه بإصبعه _ من عيـــوني ..








محمد _ و ليش ما جا ؟!
جاسم يعدل قعدته _ يقول تعبان ..
محمد مستغرب _ تعــبـان ..!!
جاسم بصدق _ و الله مو مبين على نسيبك بس يمكن ما يبي يطلع .. خو تعرفه توه عريس ..
محمد بخبث _ آها السالفه جذي .. خلني أوريك فيه ..
جاسم بغشمره _ هيـــي حدك تراه أخـــوي .. ما سمحلك ..
محمد ناقد عليه _ من صجك أنت أبو لـــ طفليـــن .. ؟ و جذي غشمرتك ..
جاسم يحرك حواجبه له _ عاد هذا الواقـــع .. شرايك أنت ؟!!
محمد _ خخخ تصدق غشمرتك ثقيله ..
جاسم _ آييـــبـــاااه ألحين غيرت وجهتك من بندر لـــ وجهتي ..يلى بس دق على نسيبك و أضغط عليه ..
محمد _ تراك ذبحتني بــ نسيبك نسيبك جنك مو بعد نسيبي ..
جاسم بنفاذ صبر _ ألحين بدق و لا شلـــون ؟!!
محمد و يطلع جهازه _ كاني بدق ..




@@@@@@@@@@@@@



أنتبه بندر لـــ جهازه ألي يرن في مخباته .. فـــ طلعه و عدل قعدته ..
بندر _ هلا بو عـمــر ..
محمد _ هلا فيك وينك ياخوك ما تنشاف بعد معرست ..
بندر يضحك _ في البيت ألحين أنت شتبي ؟
محمد _ ليش ماجيت الشاليه ؟!
بندر فاهم لولد عمه _ مو شغلك ..
محمد _ آفا ياذا العلم سويروه تقلبك علي .. عشرة عمر بأسبوع تنساها .. آفا آفا ..
بندر يطالع بـ سارا الي قامت تروح تغسل وجهها .. حب يقهر رفيجه فقال _ قلتلك مو شغلك ترى مو فاضي لكم ألحيـــن ..
ضحك محمد بصوت عالي و قعد يكلم جاسم _ أخوك يقول مو فاضي لكم ألحين ..
جاسم _ منو بندر ؟!
محمد _ لا حميد .. ! هو عندك أخو غيـــره ..
بندر بسرعه _ ووااااابوي بو عمر خلك معاي ألحين أنت شتبي مني ..؟
محمد _ لا يطوفك الجو خيال تعال مع سارا و أقعدوا هالجم يوم فالشاليهه .. و الله رهيب ..
بندر _ صج و الله ..
محمد _ لا و أزيدك من الشعر بيت .. قررنا نمدد بعد ..
بندر يحك راسه _ لا .. و جم يوم
..؟
محمد _ بس يـــوميـــن ..
بندر بجديه _ يلى بس ديروا بالكم على الجهال لا يغرقون تعرف البحر غدار ماله أمان ..
محمد يصيح _ يااااا ولد درر درر يا بو عذبي ..
بندر يبتسم _ عشلون عيل ...
محمد _ أنا أشهد محد معطيك وجهه كثري بس لو تتركـــ..
طوط طوط طوط طوط ...
طالع بشاشه الجهاز و الا بندر مسكر الخط بوجهه ..
عرف ان اضغط أرتفع عند بندر ..
جاسم بضحكه _ تصدق أخوي محترم ..
محمد بضحكه _ شلون ؟
جاسم _ إذا سكر الخط بوجهه أحد أعرف انه مايبي يتلفظ عليه فيسكر ..
محمد بنغزه _ يعني أستكشفت هالصفه عن تجربه ..
جاسم بضحكه _ أكيد ..


سمعوا صراخ الأطفال قام جاسم يشوفهم .. طلع من مقسم الرياجيل و راح صوب المسبح لأنه مصدر أصواتهم قال بصوت عالي _ شفيـــكم !
عايشه تبجي و تروح له _ عم داثم ثوف عثمانوو يدقني ..
جاسم راح لعثمان و مسك أذنه عالخفيف و قال _ يا ويلك إنحشت البنات زين يا عثمان ..
عثمان يكابر عشان ما يبجي قدام البنات هز راسه بإيـــه ..
و ألتفت جاسم لحور و قال _ يلى حبيبتي روحي ألعبي مع عواش ..
حور بدلع _ نلعـــب حريـــم بابا .
جاسم ينزل مستواها _ إيه يا روح بابا .. ألعبوا حريم .. و خلوا الصبيان يلعبون بروحهم ..
عمر _ وأحنا نسبح ..
جاسم _ إيه بس خل أقلل الماي و أسبحوا على كيفكـــم ..
الأطفال مع بعض يتناقزون _ هيه هيه ..




//////////////////////////




[ شـــقـــهے عــــــذاريـــ ]


عذاري _ سبحان الله .. زين و إداره المستشفى ليش مهمله هالشغله ..!! كلش عاد و لا الكيبل ..
جنان _ حسبي الله و نعم الوكيل
إداره أهمال بـ أهمال .. عادي عندهم نفوس تروح ببلاش ..
و أهو عادي و لا كأن صاير شي يتضيحك و يتبسم الحبيب .. و انا الي قلبي بيحترق ..
عذاري تمد لها صحن الشوكولاته _ هاج و عيني من الله خيـــر ..
جنان بضيق _ عذاري .. صراحه انا قلبي ناغزني من بعد هالحادثه ..
عذاري _ تعوذي من أبليس .. هاذي كلها وساوس و الرجال ما فيه إلا العافيه ..
جنان بخوف _ يا بنت الحلال .. حياته مهدده بالموت في أي لحظه أهو موجود بالغرفه و قاعد يصرف الدوا .. حاولي تفهميني و تحسين بالي أحسه .. المره هاذي الله ستر .. بس الثانيه و الثالثه ووو شراح يصير بيروح عني و عن بنته .. ( و قعدت تبجي بضعف )
عذاري تحاول تهديها _ جنو حبيبتي .. ليش التشاؤم و الوسوسه .. خلاص خل ينقل لمستشفى ثاني .. ترى السالفه ما تسوى .. و إداره المستشفى ضبطت الخطأ و صححته ..
جنان من بين دموعها قالت _ أخاف أفقده بيوم .. مثل ما فقدت أبوي ..
حضنتها عذاري و قالت _ تعوذي من أبليس .. و الله يحفظه لكم و لأهلـــه ..
جنان بقلبها _ آميـــن يا رب تحفظه لنا ..





بندر يضغط على الزند بقوه ..
سارا بآلم _ آي آي ..
بندر يضغط مره ثانيه _ سارا يعني أهنيـــه الألم ..
سارا تمسك يده و تشيله من مكان الألـــم _ خـــلاص مافيني شي .
بندر يوقف _ أجل ألبسي بوديج المستشفى ..
سارا بمكانها ما تحركت _ لا ما يحتاج ..
بندر يطالعها بنظرات ثاقبه _ شنو ما يحتاج .. ! يلى عن الدلع ألبسي انا أنطرج تحت ..
سارا بنفس النظرات قالت _ قلتلك ما يحتاج .. بعدين شوفني كا قاعده أمشي أسم الله علي .
( و قامت و هي تحاول تمشي بدون عرج .. و قدرت تمشي عدل ) و ردت تقعد على السرير مره ثانيه و كتفت يديها و قالت بثقه _ شفت شفت مافيني إلا العافيه .. بس أنت ودك توديني للمستشفى مناك تشوفيني مريضه ..
بندر رافع حواجبه _ انا ..!!
سارا بطفوله _ إيـــه أنت ..
بندر حس كأنه قدام طفله طفله بمعنى الكلمه .. فقعد جنبها و قال _ بس انا شفت رجولج و أنتي بعد حسيتي بألم يعني لازم تروحين لـــ دكتور حتى يشوف رجلج ..
سارا بخبث _ لا انت قعدت تضغط حيل على زندي فعورتني ..
بندر سكت شوي ثم قال و هو يقوم من على السرير و رايح صوب الكبت _ ما تبين تروحين ما تبين كيفج صحتج و أنتي أبخص فيها لكن ألحين ألبسي بوديج مكان ..
سارا بتردد _ مو المستشفى !!
بندر ضحك بعفويه _ و الله مو المستشفى .. بس ألبسي ألحين ..
سارا أطالعه و هو يطلع بدله سبورت له قالت _ زين وين بنروح ؟!!
بندر يطلع راسه لها و يقول _ خو مفاجأة .. مابي أحرقها ..
و يرد يطلع باقي البدله ..سارا بقلبها _ يا خوفي تكون مفاجعه مو مفاجأة ..
و قامت بتمثيل تمشي بدون عرج و وقفت جنبه و فتحت كبتها أطلع لها بدله و عبايه ..
أنتبهت سارا أنه قاعد يلبس بدلته بنفس الغرفه .. فأحترق وجهها و أشوي و أدش بين الملابس قالت بصوت واطي _ طاع هذا صج ما عنده ذوق ...
رش بندر على ملابسه عطر فرساتشي بعد ما خلص من لبسه و هو طالع قال _ أستعجلي ..
سارا مسكت نفسها ليــــ سمعت تسكيرت باب الشقه ..
حذفت عمرها على السرير و بألم قالت _ آخ رجلي هاذي شلون أصرفها معاه ألحين .. آوووف طالعلي حنون و انا الغبيــــه المفروض ما أبين ضعفي جدامه .. بس ما أنكر اني أرتحت و هو معاي ؟! وحسيت بحنان أبوي إذا ضمني ..
آووه الرجال تحت ينطري ..
قامت ببطء عشان رجلها و ألبست .. و قفلت الشقه وراها و راحت لــــ بندر الي ينطرها بالسياره ..


سارا و هي تسكر الباب وراها _ السلام عليكم .. بندر يدور شريط من بين الأشرطه _ و عليج السلام ..
و كمل يدور الشريط .. سارا ذبحها الفضول .. ودها تعرف شهالشريط الي قاعد يدوره و ما حرك السياره عشانه قالت _بنيـــ ( و عضت على لسانها بغت تقول بنيدر .. فرجعت تسأل بحرص ) أدور على شي ؟!
بندر و يفتح الدرج _ إيو قاع أدور على شريط ...
سارا بفضول _ شسمه ؟!
بندر طالعها شوي ثم قال و متنح _ شنو شسمه ؟
سارا بحرج _ هذا شيسامووونه أسم الشريط ...
بندر أبتسم من نبرة صوتها عرف أنها أنحرجت قال _ يوه شفيني تنحت أسمه الجمهره ..
سارا سوت بنفسها ما فهمت _ شنو الجمهره ..
بندر لقى الشريط فحطه بالمسجل و قال مستنكر _ بل .. في أحد ما يعرف الجمهره ..!!
سارا بثقه _ أنا ..
بندر _ هذا الله يسلمج ديــــوان
حامد زيد .. و كاهو شريطه .. صراحه حكــــم و درر يقولها ..
سارا _ الناس أذواق و لو ما أختلفت الأذواق لــــ بارت السلع ..
بندر _ يعني أفهم من كلامج انج ما تسمعين لــــ حامد ..
سارا تحب تسمع لحامد بس حبا في العناد .. مثلت أنها ما تعرف بشعره شي .. قال بندر بإندماج _ من سافرت ريم الفلا صديت عن كل الدروب .. ما هو قصور بالعذارى .. بس ذيك ألحالها ..


سارا حست بشي يترك بداخلها نار تحرق صدرها .. قالت بنبره مقهوره _ ما خلصنا من الهــــنوف !!! طلعـــت لنا الريم
بندر لف وجهه لجهتها و قال بنبره وعيد _ بنــــرد للصفر يعني ..
سارا بتلقائية قالت _ تتغـــزل جدامي و تبيني أسكت ..
بندر بصبر _ يا ليل مطولــــك متى تغزلت ..؟ جاوبي متى تغزلت ببنت .. ؟
سارا _ ريـــم الفـــلا ..
بندر _ يا بنت الحلال شعر شعر يقولون مالا يفعلون ..
سارا _ لا الشعر له أسرار في القلوب ..
بندر شغل السياره و قال _ كيفج
و شغل حامد زيد و ظل ساكت .

حامد زيد / من سافرت ريم الفلا صديت عن كل الدروب *** ما هو قصور بالعذارى بس ذيك إلحالها ...

سارا بحقد _ ما شاء الله موقت الشريط على هالشطر ..
بندر بتحرش _ ما كنت متوقع أنج تغاريـــن ..!!
سارا _ لا يا حبي لا يروح فكرك بعيد .. و تاخذ بنفسك مقلب ..
بندر رافع حاجبه _ أجل شتسمين ألي قاعده أتسويـنــه !
سارا تغير الموضوع بدلـــع _ بنـــدر تكفى أبي أسلم على أمييي .. خل نروح الشاليهه ..
بندر بحزم _ آســـف .. و قبل يومين شايفتها ..
سارا من تحت النقاب _ آووف ..

بعد أكثر من ربع ساعه أتضح
لـــ سارا مكان طلعتهم .. بحـــر الـكــوت ..
صفط بندر فـ مكان السيارات ..
بندر و يطفي السياره و يسحب السويج _ يلى أنزلي ..
نزلت سارا و مشت جنبه .. كان الطول واضح جدا بينهم .. سارا كأنها أخته الصغيره مو زوجته ..
مسك بندر يد سارا و مشوا للشاطئ .. قال _ أحيانا البحر يكون صندوق أسرارنا و أحيانا يكون النعش لأرواحنـــا ..
سارا بحالميه _ و أحيانا يكون
إلهامنا لمشاعرنا و أحاسيسنا ..
ضغط بندر على يد سارا بقوه .. ليـــ سرت قشعريـــره بجسمها


***********************



( الـساعـــه 11 مســـاءا )

الإسعاف و دورية الشرطه .. مع المباحث .. شكل إزدحام مروري على شارع بحر الكوت .. مع إزدحام الناس و توقف السيارات ..

( ... ) إنا لله و إنا إليه راجعون شوف شلون السيارة معفوسه حدها .. يقولون الي داخلها ماتوا على طول ..
( ... ) الله يرحمهم .. عاد البحر ما ينقرب بهاليوم بذات ..
( ... ) يـــومهـــم هذا يا خوي ..
( ... ) إيه و الله صاج .. هذا يومهم ..


/
/
/


الــجــزء الــثــاني و الــعـشــرون . . .


/
/
/





جنان بتوتر أطوف الغرفه روحا و جيه .. للمره الألــف أدق على جهاز يوسف و يرد عليها الخدمه بــ الجهاز المغلــق أو خــارج منطقة التغطيه ..
عقلها بيطير اليوم هذا أسوأ يوم مر عليها من تزوجت .. من المغرب و زوجها رايح يحضر زفاف رفيجه .. و الساعه ألحيــن بدش 12 صباحا و ما رد البيت .. جنان بدون وعي نزلت لدور الأرضي و قعدت بالصاله قبال باب البيت و الأنوار مطفيه و أهل زوجها نايمين ..جنان و تلفونها بيدها و تهز رجولها بتوتر جا قدام عيونها أنها تصرخ و حريم يحاولون يهدونا .. و بنتها تصرخ تبي أبوها .. و خالتها تبجي .. هزت راسها بصرخه هامسه _ لاااااا .. أعوذ بالله منك يا أبليس ... و نزلت دموعها بخوف ..و قعدت تقرى آيه الكرسي حتى ترتاح .. حست بصوت مفتاح أرفعت راسها لــ باب البيت .. و لا يوسف جدامها واقــف ..
جنان بلا شعور أركضت له و هي تبجي ..
يوسف أنتبه لشخص بالظلام يركض له وقف متجمد ليــ قرب هالشخص منه و قال بصوت حزين باكي _ ويــن كنــت ؟!!
تحسس يوسف ملامحها بيده .. قال مستغرب _ جــنــان !!
جنان ماسكته من كتوفه _ يوسف .. ليش تأخرت و ليش جهازك مغلــق ؟ خوفتني عليك ..
أخذ يدها و مشى معها للدرج .. وهو يقول _ مافيني شي حبيبتي .. ظلت جنان ساكته و هي تمشي معاه .. و مسحت بيدها الثانيه دموعها ..

// جــــنــــــــــــانــــــــ //



الله يرحمهم .. شفت بعيونه حزن على موت الهنديين الي كانوا بشارع الكوت يم البحر ..
لكن الحمدلله رد زوجي لي بالسلامه .. قلت له بدلع _ شفت شلون حرمتني من العشا ؟!!
شفت الحنان بعيونه و قال لي _ آوه أنا آسف جنان .. تعرفين مو بيدي الزحمه و الإجراءات الي صارت .. لكن خلاص ألحين أدقلج على مطعم نطلب عشى .
قلت له بدلع و عصافير بطني تطلب مني الرحمه _ على راحــتـــك ..







سارا بتعب قعدت على طرف السرير بعد ما بدلت ملابسها .. قالت _ خلاص ما أقدر رجولي تعورني .. و راسي ذابحني بموووت ..
بندر و هو متجهه لسرير و رفع اللحاف .. قال _
عندج بالدرج الأول ع اليمين حبة بندول ..
سارا أطالعه من المنظره .. و سكتت بعدها و لا ردت عليه وقامت بتعب شديد .. و راحت يم للدرج و أخذت الحبه و هي بتطلع من الغرفه أنتبهت أنه يكلمها ..
بندر و النوم مسيطر عليه_ طفي الليت معاج ..
سوت ألي أمرها ثم راحت للمطبخ تشرب لها ماي ..
بعدها راحت لصالتهم و لا تشوف جهازه الجديد و مفاتيحه و بوكه .. جان تاخذ جهازه و هي بتفتح المنيــو و لا حاط رمز القفل .. سارا التعب راح و الألم خف .. من شوفة جهازه و بقفل .. قالت بقهر _ حاط قفــل .. بيستر على فضايحه و بلاويه ..
فكرت بحرق الكرت و أدخل كذا رقم ثلاث مرات و بجذي أحترق الكرت .. بس تذكرت عصبيته يوم كسرت جهازه القديم .. فقررت أتواجه أحسن لها و ماراح تخلي الليله تعدي عليه .. ليش حاط رقم قفل ..
سارا بعد تفكير قامت و الجهاز بيدها و راحت له ..
دشت عليه و شغلت الليت .. رفعت اللحاف عنه و هو غاط بالنوم سارا بصوت عالي _ بندر قوووووووم ..
حط يده على عينه عشان النور و بصوت خشن قال _ طفي الليت بنام .. و تغطى باللحاف ..
سارا بعناد رفعت اللحاف عنه و حذفته بعيد عنه و قالت بحنق _ أكلمك أنا قوووم ..
بندر عيونه حمره من النوم و زادته حركتها .. قال بعصبيه و هو يأشر على اللحاف المحذوف _ شنو هذا .. ؟
سارا تخصرت و قالت _ يا سلااااااااام .. و مدت الجهاز له و قالت _ انا ألي أقولك شنو هذا ؟!
بندر غمض عيونه ثواني ثم قال بصوت غاضب و يأشر على اللحاف .. _ جيــبيــه ..
سارا بقهر _ قاعده أكلمك انا .. ليش حاط قفل ؟! قولي ليش ليش ؟
بندر أخذ نفس طويل ثم قال _ جيــبيــه ..
سارا تمد له الجهاز و بتحدي قالت _ أول شغله لي و ثم أجيبلك لحافك ..
بندر سحب جهازه منها و قال بعصبيه _ أنتي حتى على النوم منكده علي .. ( و بنبره تهديد قال )جيبي اللحاف لا قسمن بالله ما تعدي الليله هاذي على خير .. ترى نفسي قصير مو طويل مو طويل مو طويل يا سارا .. قلتلج جيبيه تحركي ..
سارا بعين قويه _ و انا بعد نفسي مو طويل يا ولد عمي ..
طلــقنــي .. و ألحيــن بعد ..
طلقني .. مدام هاذي فعايلك ..
بندر حس انها ما تفهم و لا تبي تفهم .. مو متقبلته أبدا .. وهو بعد مو متقبلها بس خلاص لازم يتعايشون مع هالزيجه ..
قال بأمر _ أطلعي برى أحسنلج
سارا بإنهيار قالت _ ماني طالعه برى ..
بندر هدى نفسه و بصبر قال _ يا بنت الحلال أحسنلج أطلعي برى ..
سارا قعدت أطق راسها بقهر لي تناثر شعرها على وجهها _ طلقني يا بندر أكرهك أكرهك ..
لو بيدي جان ذبحت عمري بيوم أربط أسمي بأسمك .. أكرهك أكرهك ..
قام بندر و مشى لها النوم طار من عيونه .. و سارا ترد لورى و هي مستمره أطق راسها بيديها و تبجي _ أكرهك يا بندر ..
بندر بصبر حاول يمسك يديها عشان ماطق راسها _ زيــن ليش كل هذا ؟! عشان شنو يا سارا ! عشان قفــل !... كل هالنكد و الطق و البجي عشان قفل ..!
سارا ببجي تبتعد عنه و أنحشرت بين الباب و الكبت _ و شنو الي داخل القفــل ..؟ ما تقدر أتجاوب .. انا أدري ليش .. ؟ عشان الهنوف .. ليش رديت تحط الحافظه بجهازك الجديد ؟!
بندر تحامل على نفسه و قعد يصبرها فأبتسم عالخفيف و مسك حنجها و رفعه له و قال _ ليــش تــغارين ؟!
ضحكت بإستهزاء و قالت و هي تشيل يده عن حنجها _ آخر شي أفكر فيه الغيــره ..
بندر بحاجب مرفوع _ أجــل هالفــلم الي صار عشان شنو ؟
سارا و دموعها أتساقط بغزاره قالت _ قلتلك انا ما أغار و هالشي أحلم فيه ..
بندر بأصابعه مسح دموعها الي تساقط .. سارا كبتت نفسها و نزلت نظرها لرجوله .. بندر و هو يمسح الدموع بأصابعه قال بهمس _ زين جذي ما عينا خير أنتي زدتي الصداع لراسج و انا طار النوم من عيــوني .. و الحافظه يا سارا شعر خرابيط شاعر .. خيال مو حقيقه .. و الهنوف أسم دايما يتغزل بها الشعراء .. يعني فقط اسم أخترته .. و بعدين حذفت الحافظه بعد المشكله الي صارت و شوفي عشان تحررين عقلج من الأفكار السودا .. ( فتح قفل جهازه و راح للحافظه )
بندر _ ها شرايــج ..!!
و شال أصابعه عن وجهها و تم ساكت ينطرها أتكلم ..
رفعت له نظرها و قالت _ انا اسفه بندر ..
بندر بهدوء _ و سالفه طلقني لا عاد أسمعها .. أحنا ما تزوجنا عشان أنتطلق ..

// فــي الــشــالــيــهــ //



أم محمد جايه صوب البنات قالت _ يااا الله صباح خيــر .. حب عالصــبح .. وين الريوق ؟
عبير و تحذف حبه في حلجها _ حياج خالتي ..
أم محمد و هي تلف بتروح صوب قعدة الحريم .. قالت _ عليجن بالعافيه لكن الآوادم يصبحون بــ ريوق سنع مو حب و جاي وانا أمج ..
عبير بلقافه _ أنتي يا خاله بس تعالي و شوفي شلون طعمه ع الصبح ..
فاطمه تلكز عبير و تتدخل بإبتسامه _ ما عليج يمه ألحيــن عبير طويلة الذراع تقوم و تسوي لنا ريوق سنع ..
نوف تغمز لـ فاطمه و قالت _ إي صح ألحين بتريقنا عبير ذاك الريوق الي بناكل أصابعنا وراه.
عبير أبتسمت بوجهه خالتها و قالت و هي تقوم _ أبشري يا خاله أنتي أرتاحي بس عند أمي و خالتي و دقايق الريوق عندكم ..
أم محمد _ إي هاذي البنت السنعه و تعالن تريقن .. لا تعودن على هالخرابيط الي مالها نفعه ..
و راحت للحريم ..
أما عبير بقهر أنحنت عليهن و قالت _ بروح اسوي للعجايز ريوقهن و أياني و أياجن أشوف وحده منجن تجي عندهن و تاكل .. راح أقطع لها أصابعها .. بدال لا تاكلنه بعد الريوق انا بنفسي أقطعه لجن .
بدور بشهقه _ هــووو .. حتى اللقمه مستكثرتها علينا ..
عبير بثقه رايحه صوب المطبخ و هي تقول _ كاني قلت .. لا تطيح عيني على وحده ماده اصبعها على ريوقي ..
ألتفتت بدور لفاطمه و نوف و بدهشه قالت _ بنت عمجن مو هينه أشوى انها تزوجت قبل لا سارا تاخذ أخوها ..
ضحكت فاطمه _ حرام عليج ترى حتى سارونه ما تقصر و ماعليج من عبور لي حطت الريوق .. بتنادينا بنفسها .. و قولي ما قلت ..
بدور _ بنشــــوف ..




جاسم عند الباب _ يا ولــــد ..
قامت فاطمه له و وقفت قباله _ هلا جاسم ..
جاسم _ جهازج نبح صوته و لا سمعتيه !!
فاطمه بدهشه _ أمبيه .. أجل تلاقيه مع حور أو عالصامت ..
( و بإبتسامه ) آمــر تدلل بو محمد شبغيت .. ؟!
أبتسم جاسم و قال _ مدام جذي أجل غيرت رايي و خلي عبير تسوي القهوة و أنتي أرتاحي ..
ضحكت فاطمه و مسكت يده قالت _ آص لو تسمعك عبور جان تذبح نفسها .. أمي خلتها تسوي الريوق طبعا من بعد تحريضاتي و تحلفت فينا يا البنات أن حشنى الأكل بتقطع أصابعنا ..
جاسم مندمج _ بــل عليها من أخت ..
فاطمه تضحك _ و ألحين تبيها تسوي لك قهوة ..
قال جاسم _ أجل روحي سوي لنا قهوه لأن الشيخ بندر بالطريق ..
فاطمه بحب تأشر على عيونها _ من عيوني يا سيدي ..
جاسم _ تسلم لي عيونج يا عمري ..
عبير تأشر على الخدامه تروح بصينية الريوق جهة الحريم ثم شافت أخوها و زوجته وراحت لهم و قالت بتمثيل سينمائي _ جوليــت ماذا تفعلين عند الباب يا عزيزتي ..؟! و بشهقه خفيفه آوه يا للهول روميو هنا .. أقول الله يستر علينا و عليكم مو جن الزمان و المكان مو مناسب لكم ..
جاسم يكلم فاطمه _ هي دايما جذي معاكم ..أقول انا بروح ها .. إذا خلصت القهوة دقي علي ..
فاطمه _ أبــشــر ..
أول ما راح جاسم .. أمسكت عبير يد فاطمه _ تعالي تريقي .. ترى حطيته عند الحريم ..
فاطمه بإبتسامه _ عليكم بالعافيه .. انا بروح اسوي قهوة للرياجيل .. و بندر فالطريق جاي ..
عبير بدهشه _ من صجج .. يعني بيجيب سويره معاه .. !!
فاطمه _ أكيد بيجيبها .. ما عندها أحد عشان تقعد بالبيــت ..
عبير بفرحه _ آيــبــاه .. لو تجي بعد جنــو جان ما شفتوا رقعة وجهي عندجن ..
فاطمه بشقهه _ آووب و بالوجه تقولينها .. صج خيرا تفعل شرا تلقى ..
عبير بدلع تحرك كتوفها _ يلى يا جوليــت اعذريني بروح أتريق ..
فاطمه أدزها _ روحي لا يطيح نصج .. و انا بروح أسوي قهوة لــ روميــو على قولتج ..




!!!!!!!!!!!!!!!!!!!!!!!!!!!!!!!!!!!!!!!!!

( الــســاعــه 7:30 صبــاحــا )

بندر يفتح باب شقته .. و لا سارا مشغله الفيديــو و أتابع توم و جيري ..
بندر تماسك لا ينفجر بالضحك ..
سارا من أندماجها ما أنتبهت له ..
جا بندر و قعد جنبها يطالع معها الرسوم ..
فجأة طلع منظر مضحك .. جان يضحك بندر .. سارا من الراعه .. لفت راسها لــصوب الصوت .. سارا و يدها على صدرها _ بسم الله قلبي بغى يطلع .. خرعتــني ..
بندر بإستنكار _ يعني ما حسيتي وانا داش الشقه ..
سارا _ لاا ما حسيت .. عالأقل جان سلمت .. وردت أطالع الرسوم بإندمــاج ..
ظل بندر يتأمل وجهها الطفولي ذو الملامح العاديــه .. مر من جدام ناظريه صورة جنان و كان فيه فرق شاسع بينهن .. غمض عيونه بقوة كأنه بيمحي وجه جنان و أستغفر ربه بصوت عالي بدون شعور .. _ أستغفر اللــه ..
سارا ضنت يقصدها ألتفتت له و قالت _ أشايف جنيــه جدامك ..!
بندر لوى حلجه الصوب الثاني و قال _ حرام الواحد يستغفر ربه .
و كأنه تذكر شغله فقال بسرعه _ آيبــاه نسيت ( طق جبهته ) .. جهزي الهاند باق بروح لــ شاليهه الأهل ..
سارا قامت و كتفت يديها _ يا سلام سلم .. بتروح و تخليني حبيبي داااابعــدك . و آيبأ آبلني أن عتبت رجلك عتبة الباب .. إلا و رجلي معاك ..
بندر بصدمه _ شــــنــو ؟!





بدور تنادي ولدها عشان يتريق _ عموري تعال ..
عمر جا لأمه و قعد بحضنها ..
جان تهمس بأذنه _ وين عثوم و عواش ؟!
عمر _ يلعبــون عند المثبــح ..
شالته من حضنها و قامت بتروح تجيب عيالها ..
أم محمد مستغربه _ ويــن كملي ريــوقج ..؟
بدور _ ألحين بجي بس بجيب العيال يتريقون ..
أم بندر _ يــوه تصدقين نسيتهم و لا ذكرتهم ..

راحت بدور عند المسبح شافتهم
يلعبون مع حور .. قالت _ يلى حبايبي تعالوا تريقوا بعدين ردوا ألعبوا ..
حور _ خاله شفتي عثمان بغى يدزني داخل الماي ..
عثمان بحواجب معقده _ تدااابه ماما ..
حور بعصبيه _ أنت الجذاب مو انا .. بدور تهدي الوضع _ خلاص بس تعالوا تريقوا .. و لي ياكل بعطيه فلــوس ..
بلمحه بصر كانت بدور بروحها عند المسبح ..
بدور بضحكه _ من ألحيــن مصلحجيــن .. ما ينشره عليكم قاعدتلكم العمه ســارا ..

(( شفيــها عمتج ســارا ؟! ))


بدور بسرعه لفت وراها قالت بفرحه _ ســويره ..
سارا بدلع _ عمتج سارا لو سمحتي ..
بدور توخر عنها _ بتبطيــن أجل ..
تواجهن و سلمن على بعض ..
سارا _ أشم ريحة حش قبل شوي ..
بدور تبتسم _ لا حش و لا شي حياج داخــل ..
سارا _ الكــل موجــود ؟!!
بدور _ إيــه ..

أول مادشوا سارا قالت بصوت عالي _ كبست علــيــكم ..
رفعن روسهن و قالن مع بعض _ يا هلا يا هلا ..
قامت عبير و واجهت سارا و بغمزه مع أبتسامه قالت _ جبتي راسه يا سويــره ..
سارا _ أكيــد دانا سارا مش حيالله ..!
عبير تحط أصبعها على عينها _ يــااااو يا عوبج عوباه ..
سارا تحط جبهتها على جبهة عبير _ أقول أستريحي بس ..








جنان بحسره _ لا دقين و أنتي بالشاليه مع هالجمعه ترى أجيكم طيران ..
سارا بضحكه _ يختي سوي مثلي
عطيه العين الحمرا يمشي معاج
جنان _ لا يا عيوني انا و يوسوفي سمن على عسل لا تتدخليــن في حياتنا ..
سارا بتمثيل _ أجل انا و بندوري بصل على ثوم ؟!
جنان _ الله يا زمــن قبل بنيدر ألحين بندوري !! شتالغيــر الطارئ هذا ..
سارا _ أقول جنج قاع تتطنزين ..
انا بروح أتسبــح تشــاو حبيبتي ..
جنان بسرعه _ لحظه لحظه سويره ..
سارا _ نــعــم شتبيــن ...
جنان _ خلي محمد ياخذني عندكم ..
سارا _ ياليل ماطولك .. الظاهر ماراح أتوفق بهالطلعه مدام نفسج فيها .. يختي أرضي باللي مكتوب لج .. و تراج طولتي علي و انا وراى سبــاحــه ..
جنان أطالع بشاشه الجهاز _ لا لا ماصدق انا أكلم المتنبي و لا سويره أم الخلاجين ..
سارا _ صج ما تستحين و صدق من قال ( تفعل خيرا شرا تلقى )
جنان ما قدرت تصبر أنفجرت بالضحك و قالت _ و تلوميــني أن قلت أكلم المتـنبـي ..






( الــســاعــــه 11 مســاءا )



فاطمه بعصبيه _ تعالي يالي وجهج لوح حتى حشيمه له ماعندج ..
سارا بنفس العصبيه _ مالج دخل بحياتي أنتي فاهمه ..
فاطمه بصرخه هامسه أمسكت يد سارا _ ماكو طلعه بهالليل ..
سارا تحاول تفك يد فاطمه من يدها _ وخري عني ..
شالت فاطمه يدها و أستمرت سارا بصوت واطي عشان الحريم _ فاطمه أياني وأياج أتدخلين بشي ما يخصج .. فاهمه ..؟
فاطمه _ أنتي ألي لازم تفهمين و توعين و تعقلين .. طلعه بهالليل للبحر بدون ما تقوليــن لــ بندر ماكو طلعه و انا الي بوقف بوجهج .. سارا لا تسببين لنفسج مشاكل أنتي غنى عنها ..
سارا _ انا وين رايحه يعني كلها جم متر و برد ..
فاطمه _ و هالجم متر بتسويلج مشاكل .. و بعدين أنتي ضامنه ان ماكو شباب يمنا بهالشاليه ..!
سارا بتنهي النقاش _ يــوه خلاص بروح أستاذن منه .. أستغفر الله سوت من الحبه قبه
فاطمه بقهر حذفت كوشيه صغيره على وجه سارا _ روحي بس لا تبجين علينا ..
سارا مسكتها و حذفتها على أختها و راحت لجنطتها أطلع جهازها ..
جان تكتب ( لو سمحت بروح للبحر )
أستمر دقيقتين ما وصل رد لــ سارا ..
سارا بقهر أطالع أختها _ شفتي مارد علي .. كله مني لو ما سمعت كلامج جان رحت و لا درى ..
فاطمه حاولت تمسك أعصابها و قالت بهدوء مصطنع _ لا إله إلا الله .. أنتي جنج أول مره أتشوفيــن بحــر ..! خو مو هالمره رحتي .. بتروحين بالمره
الجايه ..
سارا عيونها أغرورقت بالدموع جان تقوم فاطمه بسرعه لها قالت _ لا .. سارا مو لهالدرجه .. لا تبجين بعد عمري .
خلاص دقي عليه يمكن ما يبي مسج يبيج أدقيــن عليــه ..
سارا و الدموع على خدها يسيل
قالت _ أهو يحب يعاندي .. أصلا ماكان يبيني أروح للشاليه ..
ألحيــن شوفي بتصير خمس دقايق و ما رد ..! انا خبله ..
فاطمه تهديها _ تعوذي من الشيطان .. أنتي دقي عليه و شوفيه ..
طالعت سارا جهازها و كانت بتضغط على أتصال و لا بندر يتصل بــك ..
سارا أطالع فاطمه و قالت بصوت باكي _ كاهو داق فطووم ..
فاطمه _ زين ردي عليه ..
سارا ضغطت على زر الرد ..
سارا تمسح دموعها _ هلا بندر .
بندر بإستغراب _ هلا سارا !! شفيه صوتج .. عسى ما شر ..
سارا _ عادي شرقت وانا أشرب عصير ..
بندر بغشمره _ أكــيد من عيون
عبير ..
سارا تغمز لأختها _ أكيــد أختك عليها عين حاره ..
فاطمه تهز راسها بــ حرام عليج .. و طلعت برى الغرفه .. ما رد بندر بعدها .. يبيها أتكـلـم ..
سارا أخذت نفس و قالت _ بندر أبي أتمشى عالبحــر ..
بندر _ بس هذا ..! أبشري جم عندي سارا ..؟
سارا كشرت وجهها و قالت _ وحــده طبعــا ..
بندر يبتسم _ و بالشتني ..
سارا بقهر _ انا قايله و الله هالعملاق وين و الرومانسيه وين !
بندر بإستغراب _ منو العملاق هذا الي وين و الرومانسيه وين ؟
سارا _ أنــت ..
بندر بصراحه _ اجل أسمحيلي انا كنت مراعي مشاعرج بس شكلج ما تبين هالشي إذا انا عملاق بالنسبه لج .. فلأنج سنفــوره ..
سارا بصدمه _ انا سنــــفـــوره ..!!
بندر بضحكه حلوه قال _ تراني أنطرج عند الباب يلى أستعجلي ..
سارا أنتبهت انه بيروح معاها بس ما حبت تبين أنها ما تبيه يروح معاها .. فأسكت و سكرت التلفون ..
لبست بدي حفر على جينز برمودا و فوقها عبايتها ..
و أخذت جنطه صغيره ..
وبسرعه راحت للمطبخ و أفتحت الثلاجه و طلعت عصاير و بطاطات و كاكاوات .. و دخلتهم بالجنطه .. و هي طالعه من جناح الحريم شافته واقف عند باب الشاليه و لابس تي شيرت أبيض و جينز برمودا ..
وقفت جنبه و قالت بمرح _ يا قــلاااااد ..
بندر طالع بملابسه ثم قال بإستغراب _ على شنو قلاد !
سارا أفتحت العبايه و قالت _ لابس مثل لبســي ..
ضحك بندر على طفولتها و قال بتساؤل و هو يأشر عالجنطه _ زين هذا ليش جايبته ..؟
سارا بدلع _ أول خل نشوف البحر بعدين تعرف ليش انا جايبته ..
بندر _ يلى أجل أمشي جدامي ..

مسك بندر يد سارا و مشوا متجهين للبحر .. سارا بفرح و سعاده أطالع مياه البحر المتحركه .. لي قربوا منه أخذت سارا نفس عميق و طلعت تنهيده ..
ألتفت بندر لها و قال _ لهدرجه أتحبيــن البحــر ..؟
سارا _ ما تتصور شكثــر ..
بندر بمزح _ أكثــر مني ؟!
سارا حست بزياده ضغط بندر على يدها و شدها فأرتبكت من الأحراج .. ما تبي تجرحه .. و تقوله الحقيقه .. بندر أنتبه لإحراجها .. فألتزم الصمت لأنه عارف أن علاقتهم للحيــن ما تطورت و سارا شايله بقلبها عليه من تحجيره لها .. الجو متوتر .. و سارا ما قدرت تسحب يدها من يده .. قطع الصمت القاتل بالنسبه لهم .. خطوات واحد قريب منهم .. ألتفت بندر وراه .. و أبتسم ..
محمد بضحكه _ و الله منت بهين .. شاعري حدك ..
بندر يطالع سارا _ قول لــ أختك أهي الي مطلعتني ..
محمد يبتسم لسارا .. قال _ حيلج فيه يا بنت امي و ابوي ..
سارا بإبتسامه _ ما يحتاج ياخوي ..
ضحك بندر و لا رد .. قال محمد _ بما انا جدام البحر .. بطلبك يا بو عذبي .. قول تم ..
بندر فهم طلب ولد عمها قال _ لا لا أسمحلي يا بو عمر ..
محمد بإصرار _ طلبتك ..
بندر بجديه _ خلاص طلقتها ..
سارا بشهقه _ طلقتها منو هاذي ..
ضحكوا على شكلها.. ضل بندر يكح من الضحك ..
سارا بقهر فكت يدها منه و هامه تروح بس مسكها بندر و قال _ يا بنت الحلال أصبري ما فيج صبر ..
محمد و هو يضحك _ مو مره شفيج أنتي .. على طول سوء ظن ..
سارا تصبرت بالغصب _ أحد يفهمني يا جماعه .. بدال الضحك هذا ..
بندر يمسح دموعه _ أقصد الشــعــر ..
سارا بتشكيك _ قول و الله انه الشعر ..
محمد _ طاع هاذي صدقي يبا شنو قول و الله ..
بندر _ و الله أقصد الشعر ..
محمد _ زين آخر شعر كتبه قوله .. طلبتك بو عذبي لا تصير نذل .. بندر يمد يده عند حلج محمد _ زين حبها أول و أقولك .
محمد دز يد بندر و قال _ أجل أستريح ..
قال بندر _ تم يا بو عمر ..


سارا و محمد واجهوا بندر ..

قال بندر بهدوء .. مع أصوات أمواج البحر المتلاطمه أشعلت أحاسيس و مشاعر مدفونه بين الضلوع ..



لعيون سارا بكتب من الغزل لون ..
واشرح تفاصيل الهوى في حياتي ..
مع مهرة تقضي على القلب و تمون ..
فيها طموحاتي و كل أمنياتي ..
من شوفها عودت مغرم و مجنون ..
و من عينها ضيعت كل الجهاتي ..
فيها جمال مادركه كل مزيون ..
و بحضورها ينزعجن المترفاتي ..
مملوحة معها غدى العقل مرهون ..
و في عينها خيل الهوى مسرجاتي ..


بندر _ و سلامتكم ..
محمد _ صح لسانك ..
بندر _ صح بدنك ..
محمد _ يلى أجل ماطول عليكم
و راح محمد بدون ما شعرت فيه سارا .. الحراره راكبه من راسها لأخمص قدميها ..
قالت بهمس تحاول تخفي توترها _ ابروح أغطس بندر عادي ..!
بندر بهدوء قعد على الرمل و قال _ روحي ماكو أحد ألحين بس مو بعيد تروحين ..
سارا هزت راسها بإيه و أفتحت الجنطه بيدين مرتجفه و طلعت الأكل قالت و هي مادته له _ بندر هاك جايبته لك ..
بندر أبتسم لها و أخذهم _ تسلمين ..

راحت سارا للبحر و فصخت عبايتها و دشت داخله ..
ضل بندر يطالعها و يحرسها ..


..










الـجـزء الثـالـث و العـشـرون ، ،







سارا أطشر ماي البحر بشكل هستيري و بوناسه تقول _ ياااااي بندر لا يطوووفك تعااااال.
بندر قال و هو يضحك _ خلينا يا بنت الحلال راضين بمجنونــه وحده مو أثنين .
سارا ما علقت عليه و بنشــوة الفرح و المتعه رفعت نفسها فوق ثم أغطست داخل ..
ظل بندر يطالعها و هو مبتسم ..
اليوم نفسيته و نفسيتها مرتاحه يمكن لأنهم أبتعدوا عن بعض بهالطلعه و شافت أهلها و خفت شحنـة التصادم بينهم ..
بندر تمغط و بهدوء قال _ يلى سارا انا تعبت أطلــعي بنــرد داخل ...
لا جـوابـ من سارا سوى مياه متحركه هائجــه ..
بندر يضحك و يحك جبهته _ خلاص يا معوده بوديج للبحر مره ثانيه انا الحين تعبان ..
لا جـوابـ من سارا سوى أمواج تتصاعد ..
بندر أنتبه ان سارا مو موجوده على سطح البحر قام و هو معقد حواجبه و غطس أرجوله بـ المياه .. قال بصوت عالي فاقد الصبر _ ســاراااا ..
بعدها مشى خطوات داخل لي وصل الــ مياه عند صدره و قعد يحرك يدينه على الماي بـ حركات عشوائيه يبي يمسك أي أثر لــ سارا عالأقل يأكد له على وجودها ..
بندر و عيونه أدور على سارا لف على عمره كذا مره و دقات قلبه زادت سرعتها ..
بندر و الأفكار قعدت تشتغل عنده قال بألم _ كلـه منـي.
كـلـه مني .. وين راحت ؟!!

فجأة بجسم يطلع من داخل أعماق البحر و يطشر الماي بوجه بندر .. و صوت ضحكتها تشق الطبله ..
سارا _ صــــاااادوووه ..
بندر لا إرادي رجع لــ ورى قال بعصبيه
_ مجـنـونه أنتي ؟
و بدون ما ينتظر ردها سحب يدها بخشونه و مشى بيطلع من البحر ..
سارا و علامات الإستفهام راسمه على وجهها .. فضلت السكوت و التحديق بملامح وجهه المتشنجه ..
وصل عند الرمل و حذفها عليه ..
بندر بحرقه _ أنتي شنــو !!
سارا بإستغراب_شـ ش شفيني
بندر و مأشر أصبعه على البحر _ الي منساع شنو تفسرينه لي ؟
عقلي طار تعرفين شنو طار ؟!
سارا عينها بعينه _ حبيت أسوي مقلب فيــك ..
بندر بسرعه و يهز راسه بــ لا ..
قال و يصر على أسنانه _ مقلب بايخ سخيف تعبان !
سارا ما تدري شتسوي فيه .. أقوله مقلب يقول بايخ صج ما مو وجهه وناسه .. وقفت جدامه و قالت _ زين خلاص حقك علي انا آسفه ..
بندر يمسك جنطتها و يمشي جدامها للشاليه _ الشرهه مو عليج الشرهه علي انا ..
سارا مشت وراه ثم وقفت بمكانها و بهمس قالت _ شفيه شصاير كان شحلاته و عالطول أنقلب .. جبح ..!
وصل بندر عند باب الشاليه و ألتفت لسارا و قال بصوت مو عالي عشان الأهل _ بسرعه شناطره بعد ..!
سارا أسرعت بـ مشيتها و أوصلت لــ عنده .. و وقفت تنطره يوخر عشان تدش .. شافته ثابت بمكانه رفعت راسها لــ وجهه و قالت و هي مطنقره _ وخــر بــدش ..
بندر و يتأمل وجهها مع شعرها المبلول .. حط يده ورى مؤخره
راسها و قال بعد ما هدت نفسيته بــ حنان واضــح _
لا تعيدينها مره ثانيه .. و بهمس قال عشان يأكد عليها _ أوكــي ســارا !!
سارا تلقائي نزلت راسها و قالت بهمس _ أوكــي ..
وخر بندر شوي عشان أدش و مد لها جنطتها عشان تاخذها ..
سارا ما توقعت نفسيته تتغير عشان المقلب .. أخذت الجنطه و دخلت قسم الحريم ثم دشت غرفتها الي تضمها مــع أختها فاطمه ..
ولعت الليت و أتجهت للهاند باق عشان اطلع لها ملابس لأنها بتسبح ..
( أرتــحــتي ؟ )
بخرعه حطت سارا يدها على قلبها _ بسم الله .. خرعتيني فطوم ..
فاطمه تبتسم _ أسم الله عليج و على قلبج .. ها بشــري تسبحتي ..! طيبتي خاطــرج ..!
سارا تهز راسها بفرح و قالت بحماس _ طاااافج صراحه .. البحر كان شي و صوت أمواجه شي ثاني ..
فاطمه بغمزه _ بس البحر و لاااا !!
سارا رفعت حواجبها فوق و قالت _ شقــصدج ؟!
فاطمه بـ مباشره _ أقصد بنـدر أستانستي وياه !!
سارا أخفت حرجها بأسلوب أستهزائي _ نامي أحسـن لج .. و أنا بــ روح أتسبح أبرك لي ..
فاطمه ضحكت على خدود أختها الحمراء .. و سحبت شرشفها و أستسلمت لـ سلطان النوم ..
سكرت سارا ليت الغرفه و راحت تتسبح ..




/@/@/@/@/@/@/@/@/@/@/@/@/@/@/@/@/@/@/@



(( جـهـة الـريــاجــيـــل ))



حذف المنشفه على الطاوله و ألتفت لـ الرياجيل الي نايمين بأريحيه ..
سحب جهازه لقى الساعه
1:30 صباحا ..
فـ لوى حلجه لصوب اليمين .. النوم ماله تأثير لا على عقله و لا على عيونه .. فجأة سمــع أصوات تصدر من بطنه .. الـجـوع قرصه فـ تالي الليـل .. أبتسم بألم .. و ضغط على رقم (( سـارا )) عشان تسويله أي شي بس يسد جوعه ..
لـكـن سارا ما تـرد .. قال _ أكيد نامت .. خل أطلب لي من المطعم ..

دق على مطعم شرمبي و طلبله ربيـان .. أشتهاهـ من شاف البحـر و تذكر الأكـلات البحـريه ..

طلع من قسم الرياجيـل لـ المطبخ الي بقسم الحـريم و تطمن من الظلمه الي تأكد له أن الكـل نايم ..
دش المطبخ و ترك ليته مثل ما هو طافي .. و أخذ قلاص ماي و
قعد عـ الكرسي يشرب ..





)( ســــــــــارا )(



وانا طالعه من الحمام اكرمكم الله .. كان جدامي المطبخ بس سمعت داخله صوت سحب كرسي .. لكن الليت طافي ..
آهـــا لا يكون قطوه داشه المطبخ .. اللـــه .. خل أحكرها بزاويه .. أحب ألعب مع القطاوه و الأرانب .. مشيت شوي شوي حتى ما تحـــس القطوه فيني .. و ابتسامتي مرسومه على وجهي .
دخلت راسي و قلت و انا أقلد القطاوه _ مـــيــــاوووو ..
لـــكـــن ..

صورة رجال عملاق جاي يمي يمشي بسرعه ..
سارا بخرعه صرخت _ حـرااااااامي .. حراااامي حراااااا ..
بندر بسرعه سد حلجها بيده .. و بيده الثانيه ماسك مقفى راسها و سحبها داخل المطبخ ..
سارا مغمضه عيونها بخوف و جسمها ينتفض بين يديه .. خلاص رحت فيها أكيد باق شي و بيذبحني لأني بكون شاهده عليه .. يا ستير أستر علي .. وينك يا بنـــدر ويـــنك..! ألحـق علي ..
بندر بصوت خفيف _ سـارا انـا بندر .. زوجج ..
سارا من سمعته .. شالت بيدها المرتجفه يده من على حلجها .. و تنفست بـ عـمق و قالت بحرقه _ أنــتــــ ! زيــن جـــذي قلبي بغى يطيح .. !!
و بعدها طالعته بـ تفحص و قالت بـ ملامح مستنكره _ بنـدر شمدخلك أهنيـه ؟!!
بندر _ شوفة عينج جاي أشرب ماي ..
سارا و حاجبها الأيمن مرفوع و عيونها تحرق بندر قالت _ و ليش ما دقيت علي أجيبلـك قلاص ماي ..!
قال بندر بعبط _ صج و الله ..!
روحي يا عمري و شوفي الـ مكالمات بجهازج .. و بعديـن ما شاء الله سارا بشحمها و لحمها تعرض خدماتها لـي !!
سارا بـ شوية عصبيه قالت _ ليش شايف أن الحريم كلهن محارم لك عشان تسرح و تمرح أهنيه .. خاصه نـوفـ بنت خالـك ما أظنها محرم لـك و فوق جذي بنـــت ..!
بنـدر _ زين انا قبل لا أدش شفت المكان ظلمه .. فأكيد الكل نايم ..! يعني أشرب من ماي البحر مثلا و لا أقعد أموت عطش ..؟
سارا تأشر على عمرها و بغضب افلتت أعصابها و قالت _ زيـــن فرضنا كانت نوف فـــ مكاني .. شبــ يكون الموقف .؟
بندر سحب نفس و أبتسم بـ خبث و قال _ إلا بسألج .. نــوف موجوده أهنيه ؟!!
سارا بحقـد طالعته ثواني ثم قالت _ ليش تسأل ؟!
بندر أستانس من نبـــرة الغيره في صوتها يعني في تحسن .. يعني في تقبل .. يعني في سلام و ود يعني سارا تغيرت لو بـــ شي بسيط ..
قال بتمثيل البراءة _ تراها على فكره بنت خالي ..!
سارا بإستهزاء _ صج .. توني أدري صراحه يبيلك تكريم من الشيخ صباح على هالإكتشاف الخطيـر .. أدري انها بنت خالك .. فعشان جذي ممنوع انك أدش أهنيه ..
بندر رافع حاجبه _ و محـمد ..!!
بسرعه و بزلة لسان قالت _ كيفه ما علي منه .. بس أنـــت لا ..
قرب بندر منها و سارا ردت لـ ورى و تسندت على باب المطبخ شفيه هذا اليوم مو صاحي ..! و شدت على قبضة يدها بـــ توتر واضح ممزوج بـــ خوف .. قرب أكثر بعد و ما يبعدهم عـــن بعض غير خطوه فـ حط جبهته على جبهتها .. و قال بهمس مع أبتسامه _ تغــاريـن ..!
سارا سكتت و بـــ توتر غمضت عيونها و مدت يدينهـــا لصدره و دزته بخفه عشان يبتعـد ....
بندر رجع خطوات لـ ورى .. و دخل يدينه بمخابيــه قال بهدوء _ طلبت ربـيـان ..
سارا رفعت راسها له و علامات الإستياء على وجهها قالت _ ما أكـل ربيـان ..
بندر مد بوزه و قال _ آيـبــااااه .. خلاص شنو تاكليـن ؟!!
سارا و للحين على وضعيتها قالت _ جـكـن فيـليـه ..
بندر بـ غشمره _ وجبه أطفال ؟!
سارا مبتسمه _ إيـه و معاها هديه بعـد ..
ضحك بندر و مسك يدها و سحبها له قال _ زيـن بتظليـن واقفه عالباب ..
أبتعدت سارا عن الباب .. و مشى بندر بيطلع و قال _ إذا جا المطعم أدق عليج ..
و راح ..
سارا راقبته بـ عيونها و هو رايح صوب الرياجيــل غطت وجهها بيدينها و قالت بإحراج _ بيييه .. شقلت انا .!




.................................................. ....


)( ج ـــــنـــــانــــــــــ )(


جنان بدلع _ متى ؟!!
يوسف يلاعب بنته و هي تضحك بشكل هستيري قال _ الأسبوع الجاي إن شاء الله ..
جنان تاخذ بنتها من يدينه _ خلاص بتذبحها عطنيياها .. أممم .
يوسف يجاريها _ أممم .. قولي قولي ..

جنان _ باجر بروح السوق ..؟
يوسف _ ليش شعندج ؟
جنان _ بجهــز لي شغلات لــ السفره ..
يوسف يحك جبهته _ أوكــي .. بس متى تبيني أوديج ؟!
جنان _ باجــر عــ 6 المغــرب ..
يوسف يعقد حواجبه _ آوه أكون بالمستشفى ..
جنان تبتسم _ لا عادي .. عندي عذاري تروح معــاي ..
يوسف _ ما شاء الله عليج مجهزه الـحــل عــلى طــول ..
جنان بضيق _ شفيك يعني أروح مع الدريول بــ روحي ..؟!
يوسف _ أكــيــد لا ..
جنان _ أجل خلاص ماكــو إلا أخـتـي تروح معاي ..
يوسف و يضحك _ روحــي معاهــا .. ماسكج انا ..
جنان بضحكه _ أنــا أدري عنك ..

<<<<<<<<<<<<<<<<<<<<


) ( نــــــوفــــ ) (



أعوذ بالله .. شوي شوي لا طيح عينج ..! شفيها هاذي بدال لا تعقــل أستخفــت .. لا لا هاذي يبيلها وحده تصــغــر عقلها و تخزها بالمثــل .. آوف وليــه .. ما تكســر هاذي عينــهــا ..

نوف بطفش _ آووف .. سارا عيونج لاطيــح ..
سارا تفشلت و وجها أحمر أوهامها السودا أنعكست على ملامحها و أنفضحت جدام نوف .فـ قالت _ سوري كنت سرحانه ..
نوف _ آهـــااا ..
سارا سمعت أصوات صـراخ و ضحك بـرى الشاليه قامــت بسرعه و ركضت لــ الدريشــه أطل على البحــر و قالــت بفرحه _ بــنــات تعالــوا ..
ركضت عبير أما فاطمه و بدور و نوف صاروا يمشون و هم يضحكون على عبير ..
فاطمه _ عبيــر جــرفــتــار ..!!
لــو يشــوفــج عيـسـى ..
عبير و سارا يتصايحن بحسره _ يــا حظهــــم ..!
وصلت بدور لــ ستارة الدريشه و سحبتها ..

شافت ( بو بندر و بو أحمد ) مع بندر و جاسم و محمد و أحمد و نواف .. مسوين فريقين و يلعبون كرة طائره .. فريق بو بندر ( بو بندر _ بندر _ محمد )
و فريق بو أحمد ( بو أحمد _ جاسم _ نواف ) و الحكـم أحمــد ..
بدور _ يا حبــي لـهـم .. شوفوا عم بو بندر شلــون يحــذف الكوره ..
قالت عبير بفخر _ أبوي جنــه بن صرخوه ..
سارا بتحرش _ كل فتاة بــ أبيها معجبه .. شوفي حمووود شلون
يسجل ..
فاطمه أطــق راس سارا عالخفيف _ أمحــق عروس قاعده تمدح بأخوها و تاركها زوجهــا ..
عبيـر بنظره خبث _ أنطــري
بس كذا أسبوع و شوفيها .. جانها آآيي شعري يا مجنونه ..
شالت سارا يدها من شعر عبير و قالت _ مالج شغــل . أنزيــن .
قطع تحرشهن ببعض صوت بدور و بحسره تقول _ يا ويلي من محمد ..
الكــل ألتفت لها و قالن _ ليــش ؟!!
بدور _ نسيت لا طرش الفرشه و القهوه .. هذا و مــحمــد أموصيني ..
بعدها راحت صوب الخدم ..

سارا ردت أطالعهم و حطت يدها على حنجها عشان أتسند و أتشوف بإريحيه ..
و غنت بــ صوت ناعم ..

البحر ما حلى البحر يا ناس محلاه ..

يطرد هموم النفس و يشرح صدرها ..

البحر قصة عشقي ياناس نهواه

نهوى حياته رغم شدة خطرها ..



بتكمل و لا لكزتها عبير على خصرها ..
سارا بألم تحسس خصرها _ آههـ خصــري ..
عبير _ عشــان ما تحرفيــن بــ الأبيات ..
سارا بألم _ زيــن خلاص بقول بر مو بحر .. بس لا أطقيــني ..
فاطمه تسكر الستاره عــ الدريشه .. و قالت _ يلى بنات خــ روح عند أمهاتنا ..
سارا بحسره _ ما أقدر .. الجو و الحماس قاع يغريــني .. و الله ودي أروح ألعب معاهم .. بس هذا ..
قاطعتها عبير بنذاله _ بس شنو ؟
خلاص يا حبيبتي أنتي مدام أخذتي الشيخ بندر الــ تفكير
عندج لازم يتعطــل . بس رددي سمعنــا و أطعنــا ..
سارا سحبت الستاره عالخفيف و شافته يلعب بحماس قالت بنفسها _ حسبي الله و نعم الوكيل على الظــالــم ..
عبير بسرعه ناقضت نفسها حتى تقهر سارا قالت بفخر _ بس تراه الشيــخ بو عذبــي ..
سارا عفست وجهها و قالت و هي تصر على أسنانها _ عبيــر شقاعده تقولين .. بسج عاد شيخ و شيخ .. خــلااااااص مصختيها و الله .. إلي يسمعج جني بنت لاقطيني من الشارع و قاع تتمننين علي ..
الكــل أنصدم من الأسلوب الي تغير بين سارا و عبير ..
عبير وجهها أحمر و قالــت بإنحراج _ آسفه سارا .. ما كنت أقصد جذي .. كنت أتغـشـمر معاج و الله ..
سارا بـ إنفعال و بعصبيه _ أعذريني غشمرتج حدهااااا سخييييفه ( قالتها بالــ مد و بنبره دلع )
فاطمه بغت تضحك بس تماسكت عشان ما تنقلب السالفه عليها ..
تدخلت نوف و قالت _ شدعــوه
بنات أحنا جايين نستانس و لا نتهاوش .. لا نتحسس بكل كلمه تنقــال ..
قالت سارا بسرعه _ لا أهي دايما ترددها علي .. الشيخ و الشيخ .. جن قصدها شي ثاني .. و لا هو و أنتي تحمدون ربكم أني وافقت ..
فاطمه بعصبيه _ سارا شهالحجي الجديد .. أطفال أنتوا .. ؟ إي و الله أطفال .. شهالألفاظ الي قاعدين تقطونه على بعض ..
عبير بحرج _ خلاص قلتلج انا آسفه ..
سارا ظلت أطالع بــ عبير بكل حقد و بثواني سمعت نغمة تلفونها فــ طلعت من عندهن تشوف منو ألي داق عليها ..

سارا بنفخه _ هــلااااا ..
جنان بإستغراب _ بلبل بلبل .. شفيها السيده سارا تنافخ .. عسى ما شر ..؟
سارا _ إلا الشر بعينه و علمه .. رفيجتج هاذي يبيلها قص لسان ..
ضحكت جنان لـيـ قالت سارا بضجر _ أضحكي أضحكي .. أصلا أنتي و ياها مثل هالمثل ( من شاهدك يا حصين قال ذنبي )
جنان من كثر الضحك دمعت عيونها و قالت و بوسط ضحكاتها الرنانه _ حــرام عليــج نحبج أحنا ..
سارا بزعل _ مابي حبكم وفروا لرياجيلكم ..
شافتها للحين تضحك فقالت بقهر _ جنان بس وقفي ضحك ..
أنا ما قلت نكته عشان كــل هالضحك ..
تماسكت شوي جنان و قالت بنبره ما تخلو من الضحك _ شــ
سوت لج ..؟!!
و أنهلــت ســارا على أختها تقول
السالفه من أولــها لــ أخرهــا ..



..


فاطمه بتعابير ضيقه _ لا يا عبير مو جذي الغشمره ..
عبير بتأنيب ضمير _ و الله انا قصدي زيــن بس أختج فهمت شي ثاني ..
تدخلت نوف و قالت _ عبيــر .. صح كلمتج ما فيها شي عادي شفيها لــ قلتي الشيخ .. بس أهي يمكن أتحسس منها .. فأنتي أقطعيها من قاعها و لا تكرريــنها عليها ..
فاطمه بــ قلبها _ وي بلاج ما تدرين أهو الشخص بنفسه ما تواطنه .. تجي عاد أخته و جنها تستكثره عليها ..
فاطمه _ خلاص عبير روحيلها و تفاهمي معاها مو تتناجرون .. ترى من ألحيــن أقولج .. أختي أحيانا تنسى عمرها و تقعد أتخورها ..
قامت عبير و هي تقول بمرح _
ما عليج منها .. ساعة زمن و بيطيح كل الي براسها ..






/\ مـج ـمــــع مــشــهــور \/



جنان _ عذاري دقي عالدريول خل يجي ..
عذاري أطلع جهازها و أدق _ آلـو سيد يلى تعال سوق .. شنو ؟! آووه خلاص أوكي ..
و تلتفت لــ جنان _ خالتــج مــا خذته ..
جنان بضيق _ آووف الله يهديها بس .. أنزيــن ألحيــن شنسوي !
لا تقوليــن ننطر .. أنا إذا خلصت
شغلي ماحب أتنقع فـ السوق ..
عذاري _ بشــوف بو طـلـووول
إن شاء الله يكون فاضي ..
جنان بشغــف _ يا ريــــت و الله ..
عذاري أطلع جهــازهـا و أدق على زوجــها ..

عذاري _ آلــو .. بو طــلال .. شخبارك .. يبا جامــل يبا .. أوكي .. لك و لا للذيــب .. ؟ بعدي و الله بو طلول .. السايق خالتي ما خذته .. و انا و جنان بالسوق .. إي إي مخلصيــن بس تعــال .. يلى بحفظ الله يا الغــالــي .. مع السلامه ..
بعد ما سكرته طالعت جنان و قالت بزهــو _ شفتي زوجــي طــيــر شلوى ..
جنان _ يسلم و الله .. ما يقصر بو طــلالــ .. ( فجأة ألتفتت لــ عذاري ) آووه عذاري نسيت شغله .. ولي يعافيج خمس دقايق و أجيج .. و أنتي أنطري بو طلال أهنيــه ..
عذاري _ زيــن ليش أنطر انا .. نروح مع بعض و أهو إذا جا بيدق علي و بنطلع مع بعض ..
جنان _ لا لا يا عمري عارفتج انا .. بتشوفيــن شي يعجبج و بطقينها مكاسر و يلى يا وقت روح ..
عذاري بنقمه _ روحــي بس ها .. إن طولتي بزعجج بالتلفون . بس تعــالــي شنو هالشغله ..؟!
جنان بتحرش _ مو شغــلج .. مع السلامــه ..
و أختفت جنان عن عيــون أختها

..


(( بــ,ـ,ـــــنــــ,ـ,ـــــدر ))




وليه هذا وقته .. وصـاني رفيجــي المسافر برى الديره .. أشتري له بخور معيــن لأن كميته بالسوق محدوده .. و بيجي بعد ثلاثة أيام فــ طلعت من الشاليــه مغصوب و متجهه لــ محل عبد الصمد الــقرشي ..
عشان أشتريله هالبـخــور فارس هذا عشقه البخـــور ..
دخلت محل القرشي و سلمت على البــائــع ..
بندر و هو واقف جدام البائع _ شخبارك مقـبل ؟
البائع _ الحمد لله بخيـــر .. أنت كيفـــك يا بو عذبـــي ..
فجـــأه و لا صوت طيحة موبايل متناثر على الأرض .. رفعت راسي لصاحبة الموبايـــل .. شفتها تشيـــل بقايا الجهاز المتناثـــر من على الأرض .. بس في شـــي مـــو عاجبني يا نـــاس شي غلط .. غضيت طرفي عنها لــ شابيـــن واقفين ورى البنـــت .. و يتهامسون بأصوات ما تنسمع .. وضعهـــم كان مشبوه و هم واقفيـــن وراها .. رديت أطالع البنت و كان لبســـها ساتر .. يعنــي يكونون أهلها .. أوكي أهلها أهلها .. رديـــت أكـلــم البائـــع بندر _ خلاص مقبـــل حط أثنين من هالبـخــور .. و واحـــد معمول القرشـــي ..
لااا .. قلـــبي ناغزني يا جماعه .. شكلهم غـلــط بــ غلـــط .. قبل لا أفتح البـــوك .. شفت البنت تمشي بتوتـــر ملحوظ لــ عندي .. و تقول بصوت واطي _ لو سمحت الحساب جم ؟!!!
شـنــو !!!!
جـنـــــان أهنيـــه .. و هذيـــل شنو .. شفتهم يقربون أكثر لجهتها يعني يتحرشون بـــ عرضـــي ..!! و أنا موجود و جدام عيني ..!
أخذت نفس عميـــق و قلت بصوت واطي تسمعه _ ويـــن رجالـــج ؟!!
سمعتها بتردد تقول _ شـ شـ شـنو ؟!
بندر بإصرار _ بو جمانه وينه ؟!
قالت بهمس _ بـــ الدوام ..
قطع علينا صوت الشاب و هو يكلم رفيجه _ خلاص يبا أنطرك عند الكوفــي .. و طلع برى المحل ..
رد بندر يسألها بنبره عصبيه و هو يستلــم الجيس .. _ يعني أنتي بروحج جايه للسوق ؟! بترد جنان و لا الشاب يقطع الحديث بينهم و يوجهه كلامه لـ جنان _ آفا يا الزيـــن صارلنا ساعه نحاول و نحاول .. و هذا بس ..
انا بسرعه لفيت راسي له ..( ما كمل الـشـاب كلامــه بس أكتـفى بإبتسامه خبيثه حقيـــره ) حسيت أن نــبــض عروقي بـ تتفجر ..
دمي أحتقن و ثبت فـــ أعلى وجهي ..
رحت لــ صوبه و وقفت قباله ما يفصل بينا غير أنفاسنا المتضاربه ..
بندر و عيونه حمر _ شعــندك ؟!
الشاب رجع لــ ورى شوي و قال بتصنع الـ قوة _ أنت الي شعندك ؟!!
بندر بـ صبر _ أنا الي شعندي !!
ليش مو تارس عينك و انا واقف عند أهلي ..
الشاب بوجهه منحرج و تلعثم قال _ آســف أخوي ..
و بلحظه طلع برى المحــل ..

ألتفت لـ جنان و قلت لها بحـزم _ يلى أمشي جدامي ..
أخذت أغراضهــا بيــد مرتجفه أوضحت لي من عدم قدرتها على مسكه بشكل صحيح ..
و مشــت جدامــي بسرعــه ..
يا الله .. شلون تروح السوق بروحها ..! يا قوي قلبك يا يـوســف ..!
طلعـت آهــه مخنــوقه .. شفتها تطلع من المجمع بكبــره و توقف جنب وحده .. و يلتفتن لـ وراهن ..
أعتقد شافني واقــف عند بوابة
الدخــول .. ثم كملت طريقي لــ مصــافط السيــارات ..



/:/ ج ــــنــــــانــــ /:/


مسكت يد عذاري و حطيتها على قلــبي ..
قلتلها و أنفاسي متلاحقه _ شوفي قلبي شلون يدق ..!
عذاري تسحب يدها _ يا خبله شفيج ..!! شصايــر لج ؟!
جنان أطالع وراها _ شوفي منو ورانا !!
عذاري أطالع صوب المجمع شافت بندر ثم ألتفتت لجنان و قالت _ هذا بنــدر .. زين شفيج خايفه .. رجال و رايح يتسوق شفيها !!
بس جنان ألتزمت الصمت و ظل يدينها ترتجف .. قالت عذاري بنفاذ صبر _ يــووه منج يا جنان تكلمي .. في شي صايــر ؟
شكلج وراج مصيبه ..!!
جنان أخذت نفــس و قالــت برجفه _ دخل علي بالمحل و شباب كانوا يغازلــوني ..
عذاري بإندماج _ و بعــديــن !!
جنان _ قالي وين زوجج عنج ؟!
عذاري تضغط يدها بيد جنان _ آويــلااااه .. عاد شقلتــيله ؟!
جنان _ قلتله بــ الــدوام ..
( جنان شافت بندر يروح لــ مصافط السيارات ) شوفيــه رايح لسيارته ..
لفت عذاري وجهه أختها لوجهها و قالت بحزم _ ما علينا منه الحين وين يروح وين ما يروح ؟
قوليلي شصار بعد ؟
جنان _ انا أصلا من سمعت صوته طاح الجهاز من يدي ..
عذاري بنفاذ صبر _ كملي ..
جنان _ راح لواحد قعد يقط حجي مثل وجهه .. لو تشوفيــن
وجهه بندر خاصه عيونه .. يمــاه
يخرع .. جان يروحله و يوقفه عند حده .. و ان هاذي أهلي و بعدها بلع الولد العافيه و أنحاش .. و قالي بصوت يخرع _ أمشي جدامي ..
يا ويلــي .. ألحيــن تهقيــن شبيسوي ..؟!
عذاري بتأكيد _ ليش أنتي سويتي
شي مو زيــن ؟
جنان _ أكيــد لا ..
عذاري _ خــلاص أجل .. ليش خايفه ؟!
جنان _ لا أهو تعرفينه ما يحب البنات يطلعن بروحهن .. و شافني بروحي فاهمتني ..
عذاري أطلع جهازها _ آهــوو بس أسكتي . عبالي عندج سالفه .. آوف هذا شفيــه تأخر !
جنان _ يمـكـن زحمة الطريــق
لا لا كاهو كاهو شوفيه ..
عذاري بـ غشمره _ آووووولــه خوش نظــر عندج .. إلا و الله صج أهو ..
جنان بــ خرعه _ يهب يا وجهج .
أذكــري الله بــس ..
ثواني و لا موبايل عذاري يرن و مكتوب ( بو طلــول يتصل بك )




,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,



( الــســــــاعــــ 11 ــــــــه ( مســاءا ..،



الـكـل يشيــل الأغراض عشان يردون لــ بيوتهــم .. لكن في زاويــه من زوايا الغــرف .. كانت سارا واقفه مع امهــا المستنكــره لـ طلب بنتها _ لا يعني لا ..
سارا بترجي _ تكـفـين يمه بس يوم واحــد ..
أم محمد بـ نظرة وعيد _ أنا شقلــت ..! لا تخليني أعيد كلامي
سارا تحب راس أمها _ الله يخليج لي يمه ..
أم محمد تمسك يد بنتها _ فيــج شي أنتي اليــوم ..!! و الله أنــج مو وجــه زواج ..! الوحده تعقـل
و تركــد مير أنتي أعوذ باللــه .. الله يعين بنــدر عليــك ..
سارا بـ عناد _ آخــر الــكــلام ..!
أم محمد بـ عصبيه _ شوف هالبنت .انا مالي شغل فيج .. عنــدج زوجــج و روحي أستأذني منه ..
بس و الله و الله و الله أن قلتي له يا سويــره أني قايله لج تعالي معاي .. لــ ها لسان أقصه لج ..
فجأة سارا قالت _ يـعـني شنو يمه ؟!!!
أم محمد طالعت بنتها ثواني ثم أبتسمت لها كأنها أكتشفت شي _ يعني أنتي منتي داقه عليه ..؟
سارا بـ تلعثم _ لا يمــه مــو قصدي جذي بس أنتي كلميــه ..
أم محمد بـ صبر _ يا بنتي .. عيب و الله عيب .. توج عروس حتى ما مر عليــكم شهريــن .. تروحين تناميــن عند أهلج .. شبيقولــون عنج النــاس .. !
سارا بـ زعل _ يعنــي مانتي مكلمته ؟!
أم محمد بـ حزم _ لا ..
سارا بـ صدمه _ يمه .. أنا سارااا.
أم محمد بقلة حيله _ يمج ادري أنج سارا .. و ما تغيرتي بعد .. سارا .. هي سارا .. و للأســف .
شافت سارا جهازها يرن و لا بندر الــ متصــل .. بردت ملامح وجهها و طالعت بأمها و قالت بصوت ذليل و ترجي _ يمه تكفيــن ولي يرحم والدينج كاهو داق .. قوليله بس يوم ..
أم محمد بعصبية _ و الله أنج ما تستحيــن .. راسج يابــس ..
قلتلج روحي لــ بيتــج يا مره ..
انا طالعه لــ أخوج .. مع السلامه
و راحت أمها برى الشــاليــه ..
سارا شافت بندر يدق كذا مره ..
أخذت نفس و حطته ع الصامت و لبـسـت نقابها .. و ألحــقت أمها ..


شافــت الشباب يحطــون الأغراض داخل السيــارات ..
و بنــدر معــاهم يشتغــل ..
أسرعت بـ خطواتها لــ سيارة أخوها محمد . و أركبــت معاهم
أمها لفت جسمها لـ المقعــد الثاني جان تقول _ ســارا ..
سارا تمثل الهدوء _ هــلا يمه ..
سكتت أم محمد من القهر و الأسف لـ حال بنتها و عنادها .. و لأن بدور كانت موجــوده .. ما حبت تكسر ببنتها ..
أما سارا عيونها كانت ترقــب حركات بنــدر .. شافته يمشي أتجاه سيارة أبوه .. بعدها بــ دقيقه راح لــ سيــارة أخــوه .. و قعــد يتعبــث بــ جــهــازه ..
ســارا بـ نفسها _ أشوى جهازي عـ الصامت ..
لكنها حست بــ ظل يتقــدم لــ سيارة أخوها ..
دققت على جســم الشــخص
عدل .. و لا بندر يمشي لهم و منزل راسه كأنه يفـكـر ..
سارا بخوف قالت بهمس _ يــا الله السـتـر ..
أم محمد بترحيــب أفتحتت الجام و قالت _ يا مرحـبـا يا مرحــبا بـ بو عذبي ..
أنحنى على الجــام و قال بإبتسامه لــ خالته _ مرحبا بج يا خاله .. شلونــكم إن شاء الله بخار ؟!
أم محمد _ الحمد لله تمام يا مال الصلاح و الفلاح ..
رفع راسه لــ جهة المقعــد الخلــفي و قال عشان الصوره توضح له أكثر _ شخبارج يا أم عمر ؟!
بدور بحرج _ الحمد لله بخير ..
أبتســم بندر الصوت جايه من ناحية اليميــن من ورى مقعد السايق .. يعني سارا قاعده ورى أمها ..
أخذ نفس و قال _ ها مو ناسين شي مني مناك ..؟
أم محمد _ لا الحمدلله ..
سكت بندر ثواني و قال بعد زفره قهر _ يلى شي في خــاطـركم ؟!!
أم محمد _ ســلامتــك يا ابو عذبي ..
بندر _ مع الــسلامــه ..
و راح لــ سيارته و حرك لــ للـبيــت..
طالعت سارا مكان السيارات جان تشوف سيارة أهل بو أحمد راحت .. و سيارة بو بندر راحت بعد فـ ما بقــى غيــر سياره جاسم و سيارة أخوها ..


دقيقتــين و لا جاسم يروح لــ سيارته .. و محمد جاي لــ سيارته ..
ركب السياره و هو قاعد يضبط الحمدانيه على راسه قال بهمس _ بسم الله .. يلى هــا نمشي ..؟
أم محمد بـ حنان _ أمــش يا ولدي الله يسهل دربـنـا ..
لــف راسه بيشوف عياله و لا بنتيــن قاعدات ورى جـان يقول بإستغراب _ منــو سارونــه ؟!!
سارا _ إيــه .. صح مفاجأة ..؟
محمد يبتسم _ خوش مفاجأة و الله .. بس شجايبج ؟!
سارا بـ زعل _ شدعــوه .. تقولها بـ الوجه بعــد ..!
محمد يضحك _ أضحك يا ماما أضحــك .. أقول بدور .. العيال مالهم حــس ..
بدور _ نايميـن من أول لا يركبــون ..
قالت ام محمد _ أحــســن لهم .
بدور _ إي و الله يا خاله .. انا أحيانا أدش هوشه معاهم عشان بس ما ينامون 7 أو 8
لأن مــن 12 تــلاقيـنـهــم مصحصحيــن ..
سارا شافتهم يسولــفون .. فـ طلعت جهازها من جنطتها .. و لا مسج جايها من قبل 5 دقايق
.. كان من بنــدر ..


" منــو سمــح لــج تروحيــن مع أهلــج ! "


سارا بـ قلبها _ شــ ســوي ألحـيـن يا ربــي ..؟!
بـ ثانيه ضغطت على زر إغــلاق
الجـهـــاز ..



ســيــارة بــنــدر

// بـــــنـــــــدر //



بالله هاذي شسوي فيها ألحين ! لا إله إلا الله .. على هالــ العمر تجي بنــت تلعــب علي .. ( بعصبيه ضغط يده على السكان ) أنا أعلــمج حقــوق الــزوج يا سارا جانج ما تعرفيـنـها .. و ما عند ذوق حتى ..
اخذ جهازه و دق على محمد ..
محمد _ أرحــب أرحــب يا بو عذبي ..
بندر _ أقـول بس ..
محمد _ ســم ..
بندر _ سارا معاك صح ؟!
محمد بـ غشمره _ إيــه .. ليش منحاشه منــك ..؟
بندر يحك شعره _ لا بس انا بمر واحد من الربع باخذ منه شغله و أنت ما عليك أمــر نزلها عند بيتي ..
محمد حاط أصبعه على خشمه _ أبــشــر أبشر .. جم عندي بندر ..؟
بندر يبتسم _ شيخــك لا تقول بندر حافي جذي !
محمد _ اقول و الله أنك حيل عايش الدور ..

بندر يقاطعه _ أنت بالطريــق ألحيــن ..؟
محمد _ إيــه .. شبغيت بعد ..!
بندر يضحك _ أدري أذيتك بس عطني سارا ..
محمد يمد جهازه لـ سارا و يقول _ سارونا هاج بنــدر ..
سارا عظامها تيبست قالت _ هـاه ..
محمد _ هاج بندر عـ الخط ..
أخذت الجهاز و بهمس قالت _ بندر ..
جاها صوته الـ غليظ الي يكشف عن مشاعرك الحاليه و هو يقول _ نص ساعه و ألقاج فـ البــيــت ..
و سد التلفون .. سارا مدت الجهاز و قالت _ هاك محمــد ..


بعد ربـع ساعه و لا محمد موقف قدام بيــت عمي ..
قال لي _ بل على زوجج مسرع وصل ..!
قالت أمي بصوت عالي _ لا إله إلا الله صك ولد عمك عين !!
قلت بنفسي _ أنا ودي أعرف أمي ليش تحب بندر كـ هالحــب ..!!
ضحك محمد و قال _ ما شاء الله عليه تبارك المولى .. ها رضيتي يمه ألحين .؟
قالت امي بحزم _ راضية عليك يمه .. سارا أنزلي يمي ..
قلت _ مستعجــله على فرقاي يمه ..!
لانت أم محمد و قالت _ لا و الله يا بنيتي بس رجولي ذبحتني أبي أريحها ..
قلت و انا أنزل و أروح أفتح بابها و أحب راسها _ سلامتــج يمه و يلى مع الســلامه ..
رديت علي _ مع السلامه يا بنتي .


دشيت البيت لقيت الكــل راح لــ داره يـنـام ..
وقفت عند الــدرج و انا أرتــب الكلام الي بقوله .. يا ربي يكون نام .. أستغفر الله ما ظني ..! أكيد قاعد ينطرنـي فوق .. أقول يا جبل ما يهزج ريــح .. لا تخلينه يشوفج ضعيفه عاد بعدين يتسلط أكثــر رياجيل مالهم أمان .. بسم الله .. واحــد .. أثنيــن .. ثلاثــه ..
أخذت نفس و بطلت باب شقتي
تفحصت الصاله و ماله أثــر .. مشيت لـ غرفة التحقيــق أقصد النــوم .. لكن ليــت الغــرفــة طــافي .. معقــوله نايــم !!
فتحت الباب بهدوء .. و بطلت الأبجــوره عشان أفتح الكبـــت
و أطلــع لي مــلابــس .. طالعت مكانه فـ الســريـر لكن ويـنـه !! ويــن راح ..؟
بسرعه ولعت اللـيت .. و أخذت لي بجامه عــ السريع .. عشان أنام قبل لا يجي لأنه أكيد تحت بالديوانيــه .. بما أن سيارتــه موجوده برى ..

.
.

‏^‏^^


.
.

الجــزء الرابــع و العشــرون


و الـأخـيـــــر ..


.
.





(( بــنــــدر ))


قعدت عالسرير أنطرها تخلص من السباحه .. سمعت صوت الباب يتبطل .. جان ألتفت لناحيته .. و لا الروعه بـ عيونها قلت بإستخفاف على شكلها _ عدال لا اطيح عيونج من الخرعه
شنو .. ! شايفه جني يعني ؟
قالت و هي تلمس فوطة شعرها _ هــا .. لا بس ..
وقفت و مشيت لـ صوبها شفت ملامحها تغيرت و كأنها خايفه مني .. مسكت يدها يااااه يدها دافيــه .. فجأة و لا تسحب يدها منه و تحطها على بطنها و تنحني على نفسها ..
سارا _ آآي يا بطنــي .. بموت يمه ..
بندر بخوف يحاول يرفع راسها _ سارا شفيج ؟
سارا على نفس وضعيتها _ أبييييي أمي .. بطني بطني .. أبي امي ..
بندر ما يدري شيسوي قعد يتحسس بطنها يدور مكان العوار _ زيــن أهنيــه العوار و لا أهنــيه ..؟
سارا تعصر عيونها عصر الدموع على وشك النــزول .. قالت و وجهها محتقــن _ أهنيــه .. ( تأشر على وسط بطنها )
قال بندر بحنان _ خلاص ألبسي عشان أوديج المستشفى ..
سارا تمشي بألم و بخفه لـ السرير _ لا أبي أنام يمكن يروح مع النــوم ..
بندر راح لـصوبها _ ما يصير يا سارا بيرد لج مره ثانيه ..
سارا أدش تحت اللحاف و تقول _ تكـفـى بــندوووري خلني أنــام ..
بندر جنه طقته البوهه .. ألتفت لها و هي مغطيه نفسها بـ الشرشف .. و طلعت من فمه شبه أبتسامه ..
نسى كـلـ شي كان بقولها عن حركتها المتمرده .. كان بيعطيها درس قاسي عشان قبل لا تسوي شي تفكر ان عندها رجال مسؤول عنها .. و له حقوق لازم تأديها .. و له عشره لازم تحسنها ..
قال بهمس يبي يشوفها نامت و لا للحيــن _ ســارا ..
أما سارا كانت حابسه الضحكه لا تنفلت و يخرب عليها كل شي سوته .. قدرت تمثل التعب و بجذي نسته حسابه لها ..
سمعته يناديها .. لـكـنها فضلت تكمل التمثيل و تسوي نفسها نايمه .. ثواني و تسمع صوت باب الغرفه ينفتح .. جان ترفع اللـحـاف بسرعه .. و لا بنــدر طلع ..
سارا مستغربه _ ويــن راح ؟!
و لا تسمع صوت خطوات رجل جان ترد أتلحــف .. تخش عيونها عنه .. لـكـن بهاللحظه تأكدت عن صدق مشاعر جياشه تحركت في ضلوعها ..
ما تدري ليش قلبها تسارع ضرباته بزياده يوم كانت معاه في البحــر .. ! كانت تجذب هالمشاعــر .. و تحاول ترسم صورة الرجال الي يبي ياخذ أي شي له و يملكه بس بسلطه و جور و ظلم . و زيجتها أقرب دليل لــ أفكارها و نظرتها عنه ..
دخل بندر الغرفه و طف الليت و راح للســرير يـنـام ..

( الـسـاعــه 8 صــباحــا )



سارا تشيـل اللحاف من عليها .. ألتفتت لجهة بندر لقته نايم فــي سبات عميق . أبتسمت لاإراديــا
و أنزلت من على السريــر بتغسل وجهها و منها أتريــق مع خالتها و عمها .. طلعت لها دراعه راقيه مخصصه لـ وقت الضحى .. بــ ألوان هاديه مع ميك أب ناعم ..
حست بحركه من جهة السريـر .
جان تشوفه يتقلــب شكله منزعج في منامه ..
ترددت سارا أتقعده و يتريــق معاها تحت و لا تخليه ينــام و يرتاح .. بس شكله يكســر الخاطر و هو قاعد يتقلب عــ الفراش ..
لكنها أخيــرا قررت أتقعده منها يتريــق و منها تشوفــه جدام عيونها ... !!!
سارا تروح صوبه و تسحب الشرشف بنعومه .. قالت بهدوء _ بنــدر ..
بندر يحفر وجهه داخل المخده يبي ينام و يسحب الشرشف .. بس سارا قعدت تهزه بخفه و هي تقول بـ دلع _ بندوووري .. يلى عــااااااد كل هذا نووووم ..
شافته يرفع راسه لجهتها يمه عيونه حمــره .. قالت بحنان له _ واااعليــه شكلــك تعبان .. خلاص أرقــد بندووري ..
و عطته ظهرها بــ تطلع .. لكنه
سحب ساعته و لا عــ 8 جان يقوم و هو يقلدها _ لا حبيبتــي خلااااص النــوم طاااااار ..
قالت بدلع _ آوكي أجل بنطرك أهنيــه ..
و قعدت على الســرير .. بنــدر ظل واقــف بمكانه و يطالـعـها .
سارا لاحظت وقوفه بمكانه فأرفعت نظرها له .. شافته يتفحص وجهها .. حست بـ حرج من نظراته المتفحصــه .. فـ نزلت عيونها لــ حجرها .. من تزوجتــه و بنــدر ما يطالعها بهـ النظــرات الحـمـيمــه ..
بـنـدر كان حاس بشعور جميــل
يسيطر على قلبه .. توه يحس أنه
عريس من جــد .. و متــزوج أنثـى .. لاحظ انها مستحيــه فدخل الحمام أكرمكم الله ..
سارا قامت بسرعه لـ تسريحتها
أتجيك على هيئتــها .. شافت خدودها شلــون محمــره و وجهها تحسه حــار ..
قالت و هي مستغربه و متسائله من حالها المتغير _ تحبيــنه يا سارا ؟!! تحبيــن بنــدر !!
أبتسمت بـ نعومه لــ نفسها ..
( دوم هـ الضحــكــه يا رب )
ألتفتت له و بحيا قعدت تلعب بأصبعها .. قالت بصوت واطي _ تبيني أنطرك و ننزل مع بعض و لا أسبقك تحت ..؟
بندر يوقف جنبها جــدام التسريحه و ياخذ مشطه و بسرعه جنه تذكر شي ألتفت لها و قال _ إيه .. صج شخبار بطنج ؟
سارا بتلعثم قالت _ ها .. لا .. راح العوار .. ما فيني شي ألحين ..
بندر يعقد حواجبه جنه الوضع ما عجبه قال _ لا سارا لازم أوديج المستشفى .. ألحين ننزل عند الأهل نص ساعه ثم نروح لـ المستشفى ..
سارا بوهقه أبتسمت _ لا الله يهداك بندووري شوفنــي ها ( قعدت أدور على نفسها ) مثل الحصان ما فيني شي .. بس أنت بسرعه ألبس أنا حدي جوعانه.
بندر _ خلاص روحي قبلي و خمس دقايق تلاقيني تحت ..
سارا تمشي للباب _ أوكي أنطرك لا طــول ..
بندر قال و هو مستغرب _ غريبه هالبـنـت أمس بتنحاش لأمها و اليوم بندوري و حركات ..
و بطنها أمس يعورها بغت تموت عندي و ألحيــن أسم الله ما جنها تشكي باس .. ياااه هالــ سارا الي بطير قلبي و عقلي ..
لبس و تعطر و نزل لتحــت لقى أمه و أبوه و سارا قاعدين يتريقون ..

بنــدر يحب راس أبوه _ صبحــك الله بالخير يبه ..
بو بندر _ صبحك الله بالنور ..
و قام بيروح لــ ديوانيه بو خالد جاره ..
راح بندر يحــب راس أمه _ صبحــج الله بالخير يمه ..
أم بندر تضغط على يد ولدها بحب و قال _ صبحك الله بالنـور يا ولدي .. ما شاء الله اليوم مصحصحيــن أمبجر انت و مرتك ..؟
بندر بغزل يأشر على أمه _ تلوميــنا و عندنــا هالـ غزال ..
لازم نصبح بهالوجه الصبــوح ..
ضحكت امه بحيــا و قالت _ يمه منك عليك لســان ..
( و انا يعنــي مالــي نصيــب ! )
بندر على طول طالع بـ سارا ظن انها و لا يشوف الي واقفه جدامه ثم جات لصوبهم ..
قال _ عنــدج عيــسى .. ليش الطمع ها ؟!
عبير و تصب لنفسها حليب و جاي قالت و هي تمثل الزعل _ شدعوه بو عذبي شــاح علي بجم بيــت غــزل ..
بندر بنذاله _ آســف .. انا شعري بس لحبايــبي ..
عبير تغمز لـ سارا _ زيــن و منهو هالحبــايــب ..؟!
بندر يطالع أمها _ هاذي شفيها صايره لزقة عنزروت .. خو ما عندها بيت و رجال تروحله ..
عبير بشهقه _ آووووله و جدامي بعد .. هـيـن يا بندر .. وأنتي يمه راضيه على كلامه أكيد مستانسه
هذا بندر بجرج حبيبج وانا خنت حيلي بالطقاق الي يطقني .. ألحين بدق على زوجي الله يطولي بعمره و يحفظه لي .. و هذا وجهي أن شفتوني بعد هاليوم ..
سارا أطالع بـ عبير و تبتسم لــها أول مره تشوفها منفعله جدام بندر ..
أما بندر فضحك بقوه و قال _ يبا أضحك أضحك .. ليش عصبتي ؟!
عبير و وجهها أحمر من الغيض قالت _ إيــه ألحـيـن أضحــك ..
بندر _ زيــن شتبيــن أســويلج ..
عبير أطالع سارا و ردت أطالع أخوها _ راضنـي بشعر غــزلي .
سارا تأففت بهمس و بـ قلبها قالت _ صج مليــقــه و بتم مليقه ..
قال بندر و يحط أصبعه على خشمه _ عــ الخشــم ..
جان تاخذ فنجان قهوه و تصبله و تمد له و هي بإبتسامه تقول _ هاك يا خوي ..
بندر و يشرب القهوه .. ثم قال _
شوفي ما عندي غير هاذي ..
قالت بدلع و هي تطالع بسارا _ عادي ماكو مشكله عندي ..
سارا و امه ينطرونــه يشعــر ..
و عبير شاقه الحلج من الوناسه جان يقول بندر _

وشلون آفكر في هوى هذي وذيكـ’ ؟ !

وانتي على كل العذآرى . . . { أميرهـ


قالت عبير و هي تصفق _ صح لسانــك يا بعد طوايف أهلي ..
سارا برفعة حاجب قالت بقلبها _ حشى جني قاعده جدام معاريــس مو أخــوان ..
ألتفتت لزوجها و هو يبتسم و يقول _ صح بدنــج .. يا بعد طوايف أهلي .. ( قالها بـ تقليــد )
جان تقوم و هي تقول بغرور _ يلى بعلــي بيجي ألحيــن خل أجهز أغراضي ..
قالت أمها _ أهم شي أرتحتــي ..
طيبتي خاطرج ..!
عبير تغمز لـ سارا بمكر و قالت _ إيــه يمه ..
و مشت تصعد لــ غرفتها ..
سارا تصنعت أبتسامه على محياها .. و رفعت عينها لـــه فجأة حســت حراره تســـري بوجهها من نظرته .. لكنها ما غضت الطرف .. ظلت أتميـــز سواد العيـــون و تدخل أعماقها
.. يا ترى هالنظــره صادقه بأحساسها ..؟! يا ترى إرغامه بزواجــي حبا فيني و لا ؟!
أستوعبت أنها معقده حواجبها فأبتسمت بـ وجهه المذهول من تغير ملامحها .. و أنتبهت لـ خالتها الي تقول بغشمره _ زيــن وزوجتك مو المفروض تتغــزل فيها مو رايح تتغــزل بأختك ..!
قال بغرور واضح _ أجــل أسمعي يا سارا ..

يكفي إنك على ثنتين محسوده
***
بنت عم الشيخ و شاعرك بندر

_ ها شرايــج ؟!!

سارا تخصرت و بعفويه قالت لـ خالتها _ شفتي خاله ولدج حااااااده مغرور !
ضحك بندر مع أمه على وجه سارا المحمر من الغيض ..
قال بندر _ ألحيــن هذا جزاتي يوم أتغزل فيج ؟
قالت سارا _ أي غزل !! البيتين مدح فيك مو غزل فيني .. بنــدر قص على غيري مو علي ..
ضحك بصوت عالي و قال لأمه _ شوفــي الطمــع يمه .. صج إن كيدكن عظيــم ..
أم بندر كاسره خاطرها مرة ولدها قالت _ بندر تضحك علينا هذا مدح فيك يحسدون بنت عمك لأنها تقربلك .. و يحسدونها عشانك شاعرها ..
سارا لوت حلجها على صوب و قالت بدلع _ خلاص يا خالــه .. بروح لـ بو عمر يقصد فيني .. بذمه و ضميــره ..
ضحك خالتها و قالت _ و الله الظاهر جذي ..
بندر بحاجب مرفوع _ صــج كفارات العشيــر ..
سارا بحاجب مرفوع _ و خيركم لأهله ..
قالت ام بندر _ اللهم صلي و سلم عليه ..
بندر و سارا _ صلى الله عليه و سلم ..
قامت ام بندر بكسل .. قال بندر _ على ويــن يا الغاليه ؟
ام بندر _ بروح آخذ غفوه قاعده من الفجر يمي .. مع السلامه ..
سارا و بندر _ بحفظ الباري ..
بندر أول ماشاف باب امه يتسكر قام و راح لــ سارا و مسك يدها .. شافها تنزل راسها بحيا ..
قال بإبتسامه _ ما ودج نطلع ..؟!
سارا ودها تقول أبي أسافر برى لكنها أستحت منه .. و قالت _ ألي تشوفــه ..
أنتبهوا لــ نزول عبير من الدرج و تقول و هي متجهه لباب البيت _ يلى أشوفكم على خـيـر ..
بندر يوقف و يمشي صوب أخته _ من زمــان عن عيســى ..
عبير تضحك _ كاهو برى ..
قال بجديه _ خليج أهنيــه .. بقهوي الرجال بالديــوانيه ..
و طلع من البــيت يستقبــل نسيبهــم ..

شاف أخو زوجته العود جاي يمه .. فـ نزل من السياره يسلم
عيسى _ السلام عليــكم ..
بندر يمد يده لـ عيسى _ و عليك السلام .. شخبارك إن شاء الله بخير ؟
عيسى يبتسم _ بخير .. أنت شخبارك يا بو عذبي ؟
بندر ولازال ماسك يد زوج أخته قال _ نـزقـح .. إلا ويــنك يا رجل ما تنشــاف ..؟ حياك حياك عــالقهوه .. ( يسحب بخفه يد عيسى بإتجاهه )
عيسى _ السموحه يا بو عذبي قهوتك مشروبه و الله مستعجل .
بندر _ أجــل نبي نشوفكم لا تقطــعنا ..
عيسى _ أبــشر .. ( ألتفتت للبيت و ثم قال ) _ أختــك وينها ؟!
بندر _ أي انا قلتلها تنطر عساس تتقهوى ..
عيسى يضغط بيده اليسار على يد بندر الي ماسكه يده اليمين و قال _ بيض الله وجهك يا بندر ما تقصر ..
بندر يسحب يده قال _ خلاص انا بدش داخــل و بخليها تطلعلك ..


.................................................. ..



بعد ما طلع بندر يستضيف زوجها راحت لـ صوب سارا الي قاعده بكل هدوء .. و قعــدت جنبها .. قالت بضيق خلــق _ آوف ما لي خلق ..!
ألتفتت لها سارا و قالت _ ليش عسى ما شر ! توج كنــتي مستانسه !
عبير بهم هزت كتفها و قالت _ ما دري .. تصدقين !!
سارا أطالع بعيون عبير لــ ثواني ثم قالت _ مزعلــج أهو !و لا أهله مضايقينج ..؟
عبير _ تبيــن الصج .. و لا واحد من هالثنتيــن .. بس انا أحيانا تجيني أفـكـار انا عن نفسي ما تعجبني بس غصب تجي جدام عيونــي .. أحاول أطردها من مخيلتي بس ترد و تجي ..
سارا مو فاهمه على بنت عمها قالت بحرج _ مثل شنــ .... ؟!
قبل لا تكمل كلمتها و لا بندر يقول بصوت جهوري _ يا ولــد ..
عبير تلتفت ناحية الباب و تقول _ دش يا بو عذبي ..
دخل بندر و عيونه تتفحص سارا و عبير شكله قطع عليهم الحديث من طريقة الجلسه قال _ زوجج ينطرج برى ..
قامت عبير و أخذت جنطتها قالت _ مع الســلامه ..
بندر و سارا _ مع الســلامه ..

بعد ما سكرت الباب وراها .. تقدم بندر لــ سارا و هو لازال واقــف .. قال _ هـا نـطلع ؟!
سارا وقفت و رفعت وجهها لأعلى و قالت ببشاشه _ أوكي بروح ألبس ..
بندر _ خلاص جيبي معاج مفتاح سيارتي تلاقينه عـ الكوميدينا ..
سارا _ إن شاء الله ..
و طلعت لــ شقتها تلبـــس ..

..


على دخول سارا لـ شقتها سمعت جهازها يرن .. مشت بـ خطوات سريعه لغرفتها .. و لا الجهاز يوقف عن الرنيــن .. لقت ثلاث مكالمات لم يرد عليها و كلها من جنـــان ..
أستغربــت شنو كانت تبي جنان منها .. فضغطـــت على زر الإتصال .. ثواني و لا صوت جنان عـ الخط ..
جنان _ آلـــوووه ..
سارا تضخم صوتها _ الجهاز مغلق أو خارج منطقه التماس الرجاء الإتصال بعد صلاة العصر ..
جنان بخرعه سكرته الخط بوجه سارا ..
جنان بإستغراب _ يماااا شهالخدمه العبيطـــه هاذي شنو منطقه التماس و الإتصال
بعد الصلاة .. من وين جات هاذي .. ( أطق جبهتها ) آآآآآآآآخ صج غبيـــه .. و هالسويره خبله و بتم خبله و بتموت خبله ..
جان تاخذ جهازها و أدق عليها بعد ثلاث رنات ردت سارا بضحكتها العاليه _ عـــلـيــج واحـــد ..
جنان أضحكت معاها .. ثم أمسكت عمرها و قالت _ سارا ..
سارا و تسكر باب شقتها _ آمـري ..
جنان أبتسمت من كلمة آمري لأن سارا الي قالتها ثم قالت _ ما يامر عليج عدو .. قولـــي آمين ..
سارا تنزل من على الدرج _ آمين .. قولي شعندج بسرعه ..
جنان بقهر _ آوووله صج ما عندج ذوق .. هذا أسلـــوب تكلمين أختج الكبيره فيه ..
سارا _ تكـفيــن و لي يعافيج عارفيـــن بعض أحنا .. قولي شعندج .. لأني بطلع ألحيـــن ..!
جنان بزعل _ داقه لأني ألحيــن رايحه للمطــار .. و داقه عشان أودعج بس طلعتي مو كــفو ..
سارا بإنحراج قالت _ أمبيــه غمضتيني .. و الله من صجج أتكلميــن ..؟
جنان _ لا أقص عليج .. انــــا بالطريق ..
سارا تحسفـت جان راحتلها و ودعتها قالت _ الله يهداج جنو جان قلتيلي من أمس .. أنزين شفتي أمي ..؟
جنان بجديه _ أكيــد و هذا يبيله سؤال .. رحت لبيتنا و سلمت عليها و على بدور و الحمدلله محمد كان موجود .. ثم حركنا للمطار ..
سارا _ أنزيــن صج ويــن بتروحون ..؟
جنان بدلع _ حــزري فــزري ..؟
سارا أخذت تفكر شوي ثم قالت بغشمره _ تايلــند ..!
جنان بققت عيونها _ ليش رايحين ناخذ مســاج صج ما عندج سالـفه .. يلى فكــري ..

( سارا .. سارا .. )
سارا بسرعه قالت _ جــنــو بالسياره أكلمج ألحيــن مع السلامه ..
قالت بصوت عالي شوي _ كاني جايــه ..
و هي نازله مع على الدرج .. شافته واقف عند آخر درجه .. مكتف يدينه على صــدره .. قال بإستغراب _ وينج كل هذا لبس ؟
سارا تبتسم _ آسفه .. بس كنت أكلم الأهــل ..
بندر و يتحرك لـ ورى قال _ شخبارهــم ؟؟!!
سارا تمشي وراه _ الحمــد لله كلهم بخير ..
بندر _ الحمد لله ..
و مد يده لــ سارا الي مدت يدها له فـ مسك يدها و طلعوا برى البيت ..




// في ســيــارة بــــنـــــدر //


بندر يلتفت لها _ ها سارا ما تبين مكان معين ؟!
سارا بقلبها _ ودي بحديقــة الحيــوان ..
قالت _ ما عندي مكان معين .. ثم قالت بحيا _ كل الي يجي منك حلــو ..
بندر أبتسم و لف صوب الأمام و حرك السياره ..





(( بـعـد يــوميــن ))




( ديــوانيــة بيــت العم بو محمــد )



بندر يمسك أعصابه _ و لــو .. يا بو عمر الي انا شفته يخلينــي أكسر راسها لو أهي أختي ..
محمد بعصبيه _ بندر .. لي شفتها متبرجه ذيج الساعه انا معاك أكسر راسها و رجولها بعد .. بس مدام انها متستره و حاشمه عمرها ما تلومها تلوم الحذاله الي وراها ..
بندر يمسح وجهه بيدينه .. ثم قال ببطء _ أهــوا ويــنه ما شوفه عنــدك ..؟!
محمد رافع حواجبه _ مســافر .
بندر بسرعه _ أعــوذ بالله .. يا بالشغــل يا مســافر .. !!
محمد يعقد حواجبه _ أنت الي
شحارقك ؟! رجــال و أهلــه سافروا فيها شي ..!
بندر جنه أرتاح _ آهــاا مع أهله زيــن .. عبالي بروحه ..
محمد بصدمه _ طاع هذا و انت شكو ..! ترتاح ما ترتاح .. صج أنك غريــب ..
ضحك بندر _ و الله العالــم انها مثل عبير .. أحاتيها مثل ما أحاتي عبيــر ..
محمد بغشمره _ لا و اللــه و جدامــي بعد ..
بندر يعطي محمد بكس على كتفه الأيمن _ يا رجــل أسكت أحسن لك ..
محمد يرد البكس على خد بندر بخفه و قال _ لا أطــق ..
بندر يمسك يد محمد و قال _ إلا تعال .. تذكر رفيجي سعــد .. هذاك .. ذكرته ..؟
محمد بسرعه _ أيــه .. ليش شطراه ..؟!
بندر بهدوء _ ما شاء الله أمس مطرش لي مسج من السعوديه
قاع يتعالج بـ مستشفى الأمــل .
محمد _ الله يشفيــه و يبعد عنه أصحاب الســوء .. و الله كان خوش رجال ..
بندر _ صاج و الله .. الله يشافيه و يثبته ..
سمعوا صوت طق عـ الباب .. قام محمــد يشوف شتبــي الخدامه ..
فتح الباب بس الي جدامه كانت سارا و معاها صينيه فيها كيكه مانجا و صحنين و شوكتين قالت بدلع _ بالهــنا و الشــفا ..
ضحك محمد و قال _ تسلـمـين يا سارا ..
قالت بسرعه و عيونها مبــطله بقوة _ صح ماكو غير بنــدر ..!!
قال _ صح ..
سارا _ أشوااا .. لأني ما جبت غير صحنــين ..!
حب محمد يقهرها قال بنذاله و هو يسحب صحن و شوكه _ هاج مالوت بنيــدر مو لازم ياكل ..
سارا بدلع ترد الصحن و الشوكه فالصينيــه و تقول _ يا سلااااااام عليــك .. الحلا ما ياكل إلا الحلا ..
محمد _ يا ويل حالي .. بدور ما تغزلت فيني إلا بعد ما جابت التوم .. و أنتي ها ما صارلج شهريــن .. و قاع تتغزلين فـ زوجج جدام أخوج ..!
قالت بغشمره _ وي عاد أنتوا من العصر الحجــري ..!
محمد بقهر _ أنا أوريج ..
ثم صاح محمد بصوت عالي _ بنــداااار ..
و لا صوت بنــدر من الداخل يقول _ لبــيــــه ..
قال بصوت واطي لـ سارا _ عز الله لا يقيــن لــ بعض .. أنتي حلا و هو لبيــه ..
قال بصوت عالي _ تعـال تعـال
سارا بطنها عورها و قعدت تتحسب على أخوها بـ قلبها من شافت بندر جاي لهــم ..
أبتسم لـهـا بندر و وقف جنب محمد .. قال له _ هــلا ..
محمد بنذاله _ مو انا ألي أبيــك ..
زوجتك الي تبيــك .. ( جان يلتفت لها ) و أنتي مسرعج لحقتي تشتاقين له ..؟
سارا بشهقه قالت _ محــمااااد ..
ضحك بندر بصوت عالي و طالع محمد بنظره جانبيه .. و ضحك معاه محمد ..
سارا شافتهم يضحكون فـ بحرج مدت الصينيه لـ محمد و قالت _ هــاك ..
أخذها محمد و قال بطريقه تستفز سارا _ شفيج طنقرتي يبا أضحك أضحك ..
سارا بقهر _ لا تكلــمني أقولك ..
بندر أبتسم على شكل سارا فـ حط يده على كتفها .. قرب فمه لأذونها و قال بهمس _ ما عليج منه أخوج حاسدنه .. و أدري أنج مشتاقه لي ..؟!!
سارا تصلبت و نزلت راسهــا للأسفل .. لاحظت محمد يروح لــ داخل الديوانيه .. رفعــت راسها لـ بندر و ضحكت بخفه ..
ضحك معاها بندر .. قالت له _ أمي بتجي تسلم عليــك ..
قال بندر _ لا انا أجيها .. عندكم أحد ..؟
سارا _ أيــه بس أم عمر ..
قال _ خلاص أجل خليها تجي ..
سارا _ آوكي ..





/ مـ,ـ,ـ,ـالـ,ـيــ,ـ,ـزيـ,ـ,ـ,ـ,ـ,ـا /


جنان أطل من دريشة الفنــدق .
_ يااا الله .. جنــه في الأرض ..
يوسف يوقف جنبها قال _ أجــل ما شفتي شي بعدج ..!!
جنان تبتسم له _ تصدق يوسف شنو أتمنى ألحيــن ..؟!
يوسف _ شنــو تتمنيــن ؟!
ملامحها تحولت لـ حزن و قالت _ ليت أمـي موجوده معانا ..
حضن يدها بيدينه الثنتين و قالت _ أبشري بالإجازه الجايه نروح عمره ثم الطايف جميع ..
جم عندي جنان ..؟
جنان بحرج _ وحده و أكيــد ضايقتــك ..
يوسف يعقد حواجبه و بجديه قال _ شهالـحـجي يا جنان .. أمج .. خالتي .. و لي يسعدها و يسعدج تبشرن فيه ..
جنان _ الله يحفظك لـنـا يا أبونــا
..
يوسف بضحكه قال _ آقعــااااد .




<<<<<<<<<<<<<<<<<<<<


سارا معقده حواجبها و مبققه عيونها و مضخمه صوتها ..
و حــور قاعده جدامها عـ الغنفه .. قال سارا _ شويــه ..
حور بخرعه _ لا ..
سارا ماسكه ضحكتها _ أمبــلا ..
بمسك حمودي و بخنقه لـيـ يموت ..
حور الحلج تقوس للأسفل قالت _ لا ..
سارا بيدينها تمثل جنها تاكل _ و باكله ..
حور تتلفت يمين يسار و تكرر كلمتها _ لا ..
سارا _ و بذبح أبوج بالسكين .. و أمج بطقها ليـ تموت .. حتى حتى خدامتكــم بذبحها .. و أباكلهم مره وحــده ..
( سكتت شوي و هي تشوف عيون بنت أختها الي أغرورقت بالدمــوع ) جان تقول و هي قايمه _ يلى نروح نذبحهــم ..
و لا بنت أختها تبجي بخــوف و تهز راسها بـ لا ..
سارا شافت البنت تبجي من قلب فأكسرت خاطرها .. و راحت صوبها .. و مسكتها من كتوفها قالت بصوتها الطبيــعي _ حور يا الحلوه أضحك معاج ..
و لا أبوج بطل و أمج بطله ..
شافتها منهاره جان تحضنها بقوه .. شكلها صج أخترعت من الفـكـره ..
سارا تحاول تهديها _ خلاص حور بس بس .. أبوج قوي .. يلى تبيــن كاكاو و عصيـر ..
حور تهز راسها بـ نعم و يدينها مغطيه عيونها ..
سارا تفك يدين حور الي تغطي عيونها و تمسكها ..
سارا بإبتسامه _ يلى خــــل نشوف منو يسبــق الثــاني ..
بطت ركضها سارا عشان تسبقها
حـور .. و بالفعل حور وقفت بأعلى درجه و قالت بفرح و بقايا دموعها على خدودها _ آآآآ
آآآ فزت علــيج يا البطاااا ..
سارا تكمل صعودها ووصلت نص الدرج و قالت _ آووه خساره .. زين أسبقيني لشقتي .
جان حور ما تصدق خبر و تركض لشقة خالتها ..
ضحكت سارا و كملت صعودها لشقتها .. شافت حور تحاول تبطل الباب بس مو قادره لصغرها .. ضحكت سارا بصوت عالي على شكل حور ...
قالت حور بإحباط _ ما يتبطل ..
سارا و هي واقفه جنب حور قالت _ ألحين أبطله ..
و فتحت الباب .. قالت لحور _ يلى دشي ..
جان أدش بهدوء يعنني مستحيه
قالتلها سارا بعد ماشافتها واقفه بمكانها _ حور تعالي يا ماما ..
حور تمشي بحيا صوب سارا .. و لا باب غرفة النوم تنفتح و يطلع بندر .. أول ما شاف حور وقف على أركبه و فتح ذراعه قال بحب _ تعالي ..
حور بشوق ركضت لــ عمها
الي غطاها بيدينه ..
أبتسـمـت سارا على حــب بندر الكبيـر لـ بنت أخوه .. و تعلــق حور فـ عمها ..
تركتهم و راحت لـ الثلاجه تجيب لـ حور مثل ما وعدتها .. كاكاو و عصير ..
سمعت بندر يناديـهـا .. قالت و هي جايه لهم بالصاله _ هــلا ..
شافت حور قاعده بحضنه و تبتسم .. قال بندر بإبتسامه _ أنتي شقايله لها ..؟
سارا أطالع فـ حور و أبتسمت بحرج ثم قالت _ أضحــك معاها
بس بنت أخوك عيــاااااره ..
ثم قعدت جنبهم و مدت كاكاو لها و قالت _ هــاج يا الزطيــه ..
قال بندر بضحكه _ قولي لا إله إلا الله ..
سارا بدلع _ لا إله إلا الله .. لا تخاف بنت أختي هالفتانــه .. ما راح أحسدها ..

..



( بعــــد مــرور شـــهـــر )



// غــرفــة ســــــــــارا //




سارا فاتحه كبتها _ لا هاذي ما تصلح لـ العشى ..
( ردتها داخل الكبت و طلعت دراعه ناعمه بنفسجيه ) _ إيه هاذي أوكي ..
نزلتها عـ السريــر .. و راحت لـ المنظره تحط الميــك آبـ . .
حست بدوران الغرفه حولينها ..
قعدت جم ثانيه .. ليـ خــف عنها الدوران .. ثم ردت تحط الميك آب .. أنتبهت لـ باب الغرفه يتبطل
و لا بندر داش عليــها .. و يقول بإستغراب _ سارونـه .. ! فــي أحد بيجــي الليلــه ..
سارا بدلع _ أمبييييه ما تدري منو بيجي الليله ..!
بندر و يقعد على السريــر _ لا مادري .. ليش منــو ؟!
سارا تلف جسمها أتجاه السرير و قالت _ أمي و خواتي و مرة محمد ..
ضحك بندر و قال _ زين جان قلتي أهلي بدال ما تقوليــن أمي و خواتي و مرة محمد ..
سارا تكشر بوجهها _ كل الطـرق
تؤدي إلى رومــا .. قلت جذي و لا جذي بالنهاية نفس الشــي ..
بندر أبتسم لها و قال _ تصدقيـن
وجهج متغيــر ..
سارا ردت أطالع وجهها بـ المنظره .. ثم قالت _ أكيــد حاطه مكياج بعد ..
قال بندر بسرعه _ لا لا ... أحسج
متغيــره مادري شلــون أقولج بس شكلج متغيــر ..
سارا بفضول _ يعنــي أحلى و لا أشيــن ..
بندر رد يبتسم و قال _ لا مــو أشين بس جنج تعبانه و وجهج شاحب ..
سارا بضيق _ صــج بنــدوري .؟
بندر بـ حنيه مسك يدها و قال _ سارا تحسيــن بشي ..
سارا تهز راسها بـ لا ..
بندر يرفع يدها لـ فمه و يحبها قال بحب _ يلى باجــر أشوفج على خيــر ..
سارا تسحب يدها و قالت بحسره _ ألحيــن .. بتــروح ..
بندر يفتح أزاريــر دشداشته و هو يقوم من على السرير رايح لكبته قال _ المفروض رايــح من العصر بس الشركه كانت مضغوطه فقعدت فيها لي خلصت .. ( ألتفت لها ) المهم كل شي حطيتيه فـ الهاند باق ..؟!
سارا _ إيه حطيت كل شي تبيه ..
بندر اخذله بدله و راح صوب الحمام أكرمكم الله .. و قال _
بعــد عمــري و اللــه ..
سارا أبتسمت و ردت أتكمــل مكياجها .. تغيرت نفسياتهم و تحسنت و أنعكس هالشي على وجوههم . و تقربــوا من بعـض
بكل حب و موده و أحترام ..
أنتبهــت لوقفته وراها و ينشف شعره .. ثم حذف المنشفه عـ السريــر و أخذ المشط .. قامت سارا من الكرسي ولا بنــدر يقول و هو يبتسم _ و ألحيــن يلى شوفي شغلــج !
ضحكت سارا و أخذت عطــر سان لوران الرجالي و عطرته ..
نزلت العطر عـ التواليــت .. و واجهتــه .. مسك يدها و قال بحب _ تــامريني على شي ..؟
سارا تبتسم له _ سلامتــك .. أو ما توصل للمخيم طمــني ..
قال _ أبـشـــري ..
و سلــم عليــها و أخذ الهاند باق
و راح لــ باب الشقه و ســارا تمشي وراه .. قال _ مع السلامه
سارا _ بحفــظ الله يا الغــالي ..

وقفــت ســارا أطــالع البــاب ..
لهدرجه أشتاقت له بدون ما مـر
على وداعه دقايــق .. أنتــبهــت
لـ رنـيـن تلفونها .. فراحــت لــ غرفتها .. أخذت تلفونها من التواليــت لقت (( أم عمور يتصل بـكـ ))

ضغطت على زر الرد و قالت _ آلــووو ..
بدور _ السلام عليج .. أم عذبي
سارا تضحك بصوت عالي _ و عليج السلام يا حبي ..
بدور تضحك معاها _ شفيــج عشان قلتلج يام عذبــي ..
سارا _ يلى بس قولي شتبـيـن داقــه علي .. ما وراج عزيمه ..؟
بدور أبتسمت و قالت _ أعذريني
يا عمري .. عثمان جاته حراره ..
و تعرفين ما أقدر أتركه بروحه مع الخدامه و هو مريــض .. و الله الود ودي أحضر بس شنسوي قدر الله و ما شاء فعل
سارا _ الله يشافيــه يا رب .. و معــذوره يا عمــري .. بس ها بعزمج في المره الجايه .. و يا ويلــج إن ما جيتي ..
ضحكت بدور و قالت _ أبشــري أنتي بس أعزمي و شوفي ..
ها عاد شخبارج ..؟!
سارا بغشمره _ لا تـو النــاس ؟
بدور ضحكت _ أحمدي ربج أحد عبرج ..
سارا _ آووهوو .. أقول عندج شي ثاني ..!
بدور _ آوف يعني تصريفه ..
سارا بدلع _ وااا الله تعرفين عندي عزيمه و بأشرف ع الخدم
بشوفهم شنو سو واو ؟
ضحكت بدور و قالت _ يلى مع الســلامه ..
سارا _ مع الســلامه ..
سكرته و طلعت برى شقتها تشوف الأوضاع تحــت ..



//////////////////////////



/ / بـــنـــدر / /

بندر يلف مع الدوار _ يا خي موقعكم غلــط .. و الله .. يا معود طيــر .. أقول عطني بــو عمر بس .. تراني ماني فاضيلك انزيــن .. هلا بو عمر يا عمي شهالنذاله .. جان مريتني بدال لا أضيع وقتي تعرفنــي ما أدل هالمخيــمات .. شنو ..؟ لا ما مريتها .. لحظه بعد خمس دقايق أدق عليك ..

بندر بقهر _ عليــهم مواقــع أستغفر الله مادري من وين ناخشينها ..!


أستمر يمشي سيده لي مر عليه خمس دقايق جان يدق على محمد .._ ها وين أروح .. يا عمي و الله أول مره اروح لها عبالي الي دوم نروح لها .. أوكي إيه يعني ألــف يميــن .. خلاص أنت أوقف لي عند بدايه الطريق
أوكي يلى فمان الله ..

دقايــق و يلاحظ بندر سيــاره مشغله ليتاتها .. فـ راح صوبـهـا ..
بندر و يوقف جنبها فتح الجــام و قال _ السلام عليكــم ..
فتح الجام محمد و قال _ و عليك السلام .. تأخــرت علينا ..
بندر _ حـرك حـرك .. ظهــري تكســر من طول الطريق ..
محمد ضحك _ ترى الكويت كلها تفرها بساعتيــن ..
بندر بتعب قال _ زيـن يلى حرك.



//////////////////////////

جاسم يتمغط و هو على السرير ولا تلفونه يرن .. جان ياخذه و لا ( الوالد يتصل بك )
جاسم و صوته ثقيل من النوم قال _ هلا يبا .. و عليك السلام ..
تو قاعد من النوم .. منو ؟ إيه ربع ساعه و جايك .. أبشر أبشر يبا .. مع السلامه ..
وقف جاسم بكسل و هو يقول _ صج ماكو شغل .. أربــع و عشرين ساعه ذبايــح .. !
أخذله ملابس و دش يتسبــح ..

دخلت فاطمه و بنتها حور في شقتهم .. فاطمه يتكلم بنتها _ قولي يلى يا بابا قوم ما صار نوم ..
حور بتوعد _ و تعطيني حلاوه ..
فاطمه تضحك _ أعطيج حلاو واجد مو حلاوه وحده ..
أبتسمت حور بشطانه و أركضت لـ غرفة النوم و راحت لصوب السريــر .. تفاجأت ان أبوها مو موجود .. جان تركض لبرى الغرفه و لا أمها داخل المطبخ
تشرب عصير .. قالت حور بحزن _ ماما بابا مو موجــود على سريره ..
فاطمه أطالع ببنتها بإستغراب _ مو موجــود ..!!
حور تسحب دراعه أمها بقهر _ عطيني حلاوه ..
فاطمه توخر يد بنتها و تقول _ ألحيــن أعطيج حلاوه بس شلون مو موجود ..؟ يعني قعد من زمان .. غريــبه !!
ثم قالت لبنتها _ تعالي معاي عشان أطلعلج الحلاو ..
حور بـ براءة مدت أصابعها العشر بوجهه أمها و قالت _ أبي حلاو كثر هذا ..
فاطمه تضحك على بنتها _ لا يا ماما بعدين أسنانج تصير سوده و ياكلها السوس و تطيـح و تصيرين مثل العجـوز ..
حور تأشر بأصبعين _ خلاص ماما بس جذي ..
فاطمه تمسك أصبـع واحد _ أوكي بس أصبع واحـد .. و الثاني
باجـر .. أوكي ماما ..؟!
حـور _ أوكي مـامـا ..
و هم طالعين من المطبـخ و داشين غرفة النـوم .. شافـوا جاسم جا يمهم و هو مشخص و ريحة العطر فايحه .. جـان أتخصر فاطمه و تقول بإبتسامه _ هالله هالله ويـن على الله ..؟
جاسم و يطالع بالمنظـره الكبيره في صالتهم و قال _ عندي مشوار مهم ..
فاطمه أطالعه بتفحص _ و كل هذا عساس مشوار ..
ضحك جاسم من نظراتها فـ قال _ أعوذ بالله من تفكيـرج على طول سوء ظـن ..
فاطمه _ أنزيـن ليش ما تقولـي وين بتـروح ؟!
جاسم بضحكه _ قلتلـج بروح لـ مشوار ..
فاطمه ترد أتخصر _ و هالـ مشوار ماله أسـم ..؟!
جاسم يضحك و يتجهه لـ باب الشقه و يقول _ بو خالد عنـده عشى و عازمنا .. هـا شي فـ خاطرج ؟
فاطمه تبتسم له و تقول _ سلامتـك يا بو حـور ..

طلع جاسم من الشقه ..
فاطمه كانت تمشي صوب غرفتها .. فجأة طقت يدها على جبهتها ..
فاطمه _ آوووه نسيت أهلي تحت ..
جان تسرع بمشيتها و تفتح باب شقتها .. و لا جاسم متجهه صوب الدرج .. جان تعلي صوتها
_ جاسـم ..
جاسم يلتفت صوبها و قال _ هلا ..
فاطمه تعض على شفتها السفلى و تروح يمه قالت _ أبيييه
نسيت لاقولك أهلي تحت عند خالتي ..
جاسم _ خالتي موجود أهنيـه ..!
فاطمه _ إيـه بس خل أقولهم انك بتنـزل ..
جان تنزل قبله و تقطع عليهـن سوالـفهن و تقول _ جـاسـم بيسلـم ..
تغطن البنات و قالت فاطمه _ حيـاك جاسـم ..
جاسم نزل و راح لصوب خالته و حب راسها وقال _ شلـونج يا خاله شخبارج ؟!
أم محمد منحرجه _ بخيـر يا بو حور .. أنت شعلومك إن شاء الله تمـام ..؟
جاسم _ الحمد لله بخـار ..
جان يلتفت صوب جنان و قال _ شخبارج يا أم جومانه ؟!
جنان بصوت واطي _ الحمـدلله بخيـر ..
جان يلتفت لـ أمه و قال _ هـا يمه تامريـني على شي ؟
أم بندر _ سلامتـك يا وليـدي ..




/////////////////////////



لـقت مكالمتيـن من بنـدر و مسج منه ( أطمنج انا وصلت المخيـم )


ضغطت سارا على زر الإتصال و بعد كذا رنه .. جاها صوتـه _ هلا سارونـه ..
سارا بـ شوق _ صباح الخيـر ..
بندر و هو نازل من السياره و شايل أجياس المطعـم .. قال _ صباح النـور ..
سارا _ آمم شقاعـد أتســوي بهالفجـر ؟!!
بندر يطالع الأجياس _ تو جاي من ماكدونـالدز .. و جـايــب للشباب وجبـات ..
سارا _ عـافيـه .. متى بتجــي ؟
بندر دش الخيمـه و حـط الأجياس عنــد الشـبـاب ..
قال _ أنا و الله بخيــر ..
ضحكت سارا و قالت _ شلونك ؟
و شمســوي إن شــاء اللــه مرتــاح ؟
بندر _ أكيــد مرتــاح مدام أخوج معــاي ..
ضحكت سارا و قالت _ تطــنــز حضرتــك ..!
بندر يضحك _ عنــدج مانــع ..!!
سارا بدلع _ إيــه هذا حمــودي .
ما أرضى عليــه ..
بندر رافع حواجبه _ شخليـتي لي
أجــل ..
سارا بحيا _ لا عــاد أنت غيــر ..
أبتسـم بنــدر من كلمتــها ..
قال بجرأة _ شلـون يعني غيـر ؟
سارا _ أنت زوجي و هو أخـوي
قال بإحباط _ بــس جــذي ..
قالت _ و أنت أبو عـيـالي .. و هو خال عيــالي ..
بندر بسرعه قال _ يلى عاد تضحكيــن علي .. شايفتني مدهن شعري .. أدري اني أبو عيالج و محمد خالهم .. بس خير هالحجي ماكــو ..
سارا ضحكت و قالت _ أنــت تعــال و انا أقــولك ..
بندر يبتسم _ أبشري نص ساعه و انا في البيــت ..
سارا بإستغراب أطالع ساعتها و قالت _ بندر الساعه 2 الفـجـر ..
نام و أرتاح و تعال بعد ما تصحصح و تشبع من النوم أما تجي ألحيــن بهالفجر و انا أعرفك مو متعود تسهر لهالحزه لا لا تجي ..
بندر _ شفيج .. ؟ انا قايــل للشباب عـ 3 انا بحرك و بوصل واحــد لبيــته و انا على طريقي .
سارا توصيه _ بندوري عمــري دير بالــك على نفــسك ..
بندر يضحــك _ أبشــري ..
سارا تقاطعه بسرعه و تقول _ و سوق على مهلــك .. شــوي شوي لا تســرع ..
بندر يبتسم على توصياتها وقال _ أبشــري يا بنت الحــلال و أنتي نامي لا تنطريني يلــى حبي تبيــن شي ؟
ســارا _ أبــي ســلامتــك ..




(( الــســ/ 5 فجرا / ــاعـــه ))




أبو بندر يعدل شماغه و هو يستغفــر ثم شاف جاسم نازل من الدرج قال _ يلى مشيــنا ..
جاسم شاف بندر مو موجود فسأل أبوه _ للحيــن بو عذبي في المخيم يبا ؟
بو بندر يمشي لباب البيت _ أكيــد
في المخيم .. لنــك تعرف أخوك ما يطوف صلاة الفجــر و هو ألحين مو موجود معانا فأكيد فالمخيــم .. يلى مشيــنا ..
و طلعوا لــ بيت من بيوت الله يذكر فيها أسمه ..



طلعت ام بندر من غرفتها بتصلي
فــ الصاله ..
كبرت الله .. و قــرأت دعــاء الإستفتاح .. ثم شرعت بقراءة سورة الفاتحه و بعدها سورة من قصار السور ..
ليــ ما خلصت من ركعتي سنه الفجــر .. و لا تلفون البيت يرن ..
أرفعت السماعه و لا شاب يسلم
قالت _ و عليك السلام يا ولــدي
بو بندر و الله طالع للمسجد .. و حتى جاسم .. الله يسلمــك ..
و سكرت السماعه ..
قلبها نغزها شهالإتصال الغريب في وقته .. قالت بخوف _ أستغفر الله .. و أعوذ بالله مــن الشيطان الرجيــم ..
ثم كبرت تصلي صلاة الفــرض .
و بعد ما خلصت من الصلاة جلست ام بندر تقرأ أذكار الصلاة و أذكار الصباح .. و لا التلفــون يرن مره ثانيــه .. جان ترفعه .. قالت بهدوء _ نعــم ..
و لا نفس الشاب الي أتصل قبل شوي قال _ السلام عليكم يا خاله ..
أم بندر بخوف و العبره خانقتها قالت بما يملي عليها أحساسها _ يا ولدي بـنـدر فيه شي ؟!!
الشاب يهديها و قال _ خاله هدي
و تعوذي من أبليــس .. بو بندر و جاسم وينهم ؟ للحيــن ما جــو من المسجــد ..!!
قالت و الدموع تذرف _ لا يابوك ما جو للحيــن ..
قال _ خلاص خليــهم يجــون في مستشفــى الأميــري ضروري .. و مع السلامه ..
و سكر التلفــون .. أم بندر في مكانها ظلت تبجي من الجــاي ..
و أخذت التلفون و أتصلت على بو بنــدر ..

أم بندر بصراخ و بجي _ ألحــق يا بو بنــدر .. ألحــق ..
بو بندر بخوف قال _ شفيــج يا مره تبجيــن ..؟
قالت و الصوت يتقطع من البجي _ ولــدي بنــدر .
بو بندر حس بحراره و صخره طاحت على راسه قال ببطء _ شفيــه بنــدر ؟
قالت _ واحد دق يقول تعالوا للأميــري ..
بو بندر بسرعه _ يلى يلى أحنا رايحيــن ألحيــن له ..
قالت ببجي _ و انا بروح لــ ولدي ..
قال بعصبيه _ ألحين خلينا نلحق و نشوف .. و سد الخــط ..
جاسم لون الحياه شبه راح من وجهه .. الكلام الي دار بين أبوه و أمه أستنتج منه .. أخوه الكبيــر فــ المستشـفـى .. ليش و متى و شنو صار له ؟ الأجوبه كلها في الأميري .. ما سأل أبوه لأنه عرف الخبر .. أسرعوا في مشيتهم لــ مصافط سياراتهم الي جدام بيتهــم ..
و ركبوا بسرعه سيارة جاســم ..
و حرك لمستـشـفى الأميــري ..




سارا قعدت على منبه الصلاه ..
شغلت الأبجوره .. و لا إراديــا شافت مكان بندر فاضي .. خطر ببالها انه راح يصلي في المسجــد .. قامت بتروح تتوضأ ..
بعد 10 دقايــق .. كانت سارا تقرأ الأذكــار .. ثم قامت بتشرب ماي .. بس صوت خالتها واصل لــ عندها .. قعدت تميــز الكلام و لا خالتها كانت تبجــي و تقول _ يا ويــلي على ولــدي .
يا ويــلي عليــه ..
سارا لا إراديا أركضت لـ غرفتها و تفحصتها بنظراتها أدور الهاند باق أو أي شي يأكد لها عن وجود بندر .. بدون تفكيــر صرخت بــ إنكار _ لاااااااااااااااااااا
و سحبت عبايتها و ركضت برى الشقه ..
و هي تنــزل شافت خالتها و فاطمه تحاول تهديها و تقعدها ..
نزلت بسرعه و مسكت خالتها من كتوفها و قالت برجا _ بنــدر شفيــه يا خالــه ..؟
فاطمه تلف على أختها و تمسك يدها و تحاول تهديها _ ما فيه إلا العافيه .. بس هدي و تعــوذي من الشيـطـان ..
سارا و دموعها على خدودها _ زيــن ويـنـه ألحيــن ؟ و خالتي ليش تبـجـي ؟! ( ثم لفت على خالتها ) خاله بندر شفيه ؟!!
أم بندر بألـم تقعــد على الغنفه
و تقول _ بالمستشـفـى ..!
سارا بخــوف _ ليــش ؟!
فاطمه بهدوء _ للحيــن ماندري ليش ؟ بس عمي و جاسم راحوله و ان شاء الله ماكو إلا العافيه ..






/////////////////////////



// مستشفى الأمــيــري //



جاسم و أبوه صعدوا الأصنصير
و كلن في همه و نجواه لــ ربه بسلامة بندر ..
أنفتح الأصنصير و مشوا لــ غرفته .. لقوا شاب واقف عند باب الغرفه و شكله متوتر .. جاسم قرب منه .. أول مره يشوفه في حياته .. و أستغرب منه .. ربع أخوه يعرفهــم .. و هذا وجهه جديد عليه .. مد يده له و قال _ السلام عليـكـم ..
الشاب و يرد يسلم _ و عليك السلام .. أنت جاسم و هذا أبو بندر ؟
جاسم يطالع أبوه و يرد يطالع الشاب و قال _ إيه انا جاسم و هذا الوالـــد .. خير بندر شفيه ؟ ( تحرك جاسم و ابوه لباب الغرفه لكن الشاب مسك يد جاسم ) و قال بأسف _ أعذرني
الزياره ألحيـــن ممنوعه ..
أبو بندر بهم قال _ زيـــن يا ولدي الله يبارك فيك .. بندر ليش موجود أهنيـــه ..؟ طمنـــي .. ريح قلبي الله يريح قلبـــك ..
الشاب ألتفت وراه لقى كراسي جان يقول بأدب _ ممكــن نقعد
بالأول ..
( جان يقعدون عالـ كراسي )
قال الشاب و كأن الحادث جدام عيونه ينعاد .._ ع الساعه 3 الفجر كنت عالخط السريع جان أشوف جيب جدامي يطير بالهوا حوال بعده عن الأرض مترين .. و سبحان الله كذا مره يطق الأرض و يطيـــر ..
أبو بندر غطى وجهه بيدينه .. بجـــره .. سنده .. ذراعه اليميـــن .. معرس توه ما صار له خمس شهور .. فــ غرفة ما يدري هل بيطلع سيده لـ المغسله و لا بيطلع لـ بيته .. جنته .. بين أهله و ناسه ..
أنتبهت بو بندر ان الشاب و جاسم ساكتيـــن .. و مراسم الحزن مرسومه على وجيههـــم
قال برجا _ يااا الله أسألـــك العافيه لـ ولـــدي ..
سمع التأميـــن منهـــم .. و سكتوا ينطرون الدكتور يطلـــع من الغرفه .. بعد ربع ساعـــه طلع الدكتـــور .. أجتمعوا عليه ..
قال بو بندر _ طمنـا يا دكتـــور ..
الدكتور _ الحمدلله ان الله أمداه بعمر جديـــد ..
بو بندر تنفس براحه و قال _ اللهم لك الحمد و الشكر ..
جان يكمل الدكتور بأسف_ لكن بقول شي لازم تستوعبونه .. و تؤمنون بقضاء الله و قدره ..
جاسم بخوف _ عسى ما شر يا دكتور ؟
الدكتور يطالع بوجيه الكل _ المريض فقد عضـــو من أعضاءه ..
بو بندر احباله الصوتيه خانت ما قدر يسأل الدكتور .. قال الشاب بسرعه _ شنهي يا دكتور ؟!
الدكتور _ نص ساقه الأيمــن ..
أضطريـنــا نبتـــره .. و الحمدلله
و هو ألحيـــن منوم ..
بو بندر و دموعه تنزل _ اللـهـــم لك الحمد .. أهم شي أشوفـــه قدام عيوني عايش لو بدون أرجول ..
جاسم يربت على كتف أبوه _ الحمدلله و تستاهل سلامته يا الغالـــي ..
بو بندر قال _ زين يا دكتور متى الزيـــاره ..
الدكتور _ عالعصـــر إن شاء الله ..
و راح .. مد الشاب يده لأبو بندر وقال _ حمدلله على سلامة بندر ..
بو بندر بتعب _ الله يسلمـــك .. و بيض الله وجهك يا ولدي ..
الشاب _ وجهك أبيض يا عم ..
و سلم على جاسم و طلــع من المستشفى ..
و مسك جاسم يد ابوه و قال _ يلى يبا خروح البيت تلاقي الوالده ألحين حالتها حاله ..
بو بندر بيمشي بتعب _ يلى يابوك ..






@@ بيـــــــــت بو بنــــــدر @@


الكل كان قاعد في الصاله ينطر
أي خبر يطمن قلوبهم على بندر
و لا باب البيت يتبطـــل .. سارا تغطت و هي تبجي بصوت واطي .. دخل ابو بندر و جاسم و راح بو بندر سيـــده لـ غرفته ..
يبي يرتاح حس ان هالسويعات الي قضاها في المستشفـــى جنها دهـــر ..
أما جاسم مشى صوب أمه و حب راسها و يدها و قعد جنبها ..
أم بندر و البجى قطع قلبها قالت و هي أطالع باب البيت .. تنطر ضناها تنطر شوفته سالم تنطر سلامه لها .. قالت _ ويـن أخوك يا جاسم ؟!
سارا غطت حلجها بيدها تمنع صوت بجاها عن جاسم ..
جاسم قال و يحاول يحسن صوته من الحزن و الهم _ الدكتور قال أحسن له يقعـــد اسبوع و ثم يرخصونـــه ..
أم بندر تحط عينها بعين ولدها و ما خفت عليها نظرته الحزينه قالت و صوتها مبحوح _ و ليـــش
هو بالمستشفـــى ..؟!!
جاسم أبعد عينه من عيون امه المتسائله و قال بهدوء متصنع _ سوى حادث .. و الحمدلله طلــع سليم بس ..
سارا بسرعه قالت بتعب _ بس شنو ؟
جاسم _ أبتــروا نص ساقه اليميــن لأنها أنقطعــت في الحادث ..
سارا شهقــت و قالت بصدمه _ شنــووووو !!!
أم بندر صوتها على و هي تبجي و تقول _ ودونــي له ..
جاسم حضنها بقــوه و العبــره خانقته من منظر أمــه ..
سارا بسرعه قامت و أركضت بتصعد الدرج .. لكـن الــدوران سبقها و طاحت على أول عتبـه عـ الــدرج ..
فاطمه صرخت _ لااااااااااااااا ..
و ركضت لـ أختها .. طلع بو بندر من غرفته مستغرب الصرخه .. شاف سارا طايحه و أختها تشيل و جاسم و ام بندر جايــن
صوب سارا .. بسرعــه ركض و شال بنت أخــوه .. و نزلها عـ الغنفه .. طلــع جاسـم مــن الصـاله و راح للديــوانيــه ..
فصخــت فاطمه عباية أختهــا
و صرخت عـ الخدامــه تجيـب ماي بارد ..
أم بندر بخوف _ سارا يمي ..
سارا سارا ..
سارا تهز راسها ببطء .. و عمها يمسح شعرها بيده .. و يقول _ سارا .. سارا .. تسمعيـنـي ..؟
سارا بألم _ آه .. آه ..
بو بندر يلتفت لـ يمين و يسار ثم قال _ ويــن جاســم ؟!!
فاطمه أدوره بعيــونها و ما شافته .. قالت _ يمكن صعــد فوق ..
قال بو بندر خلاص انا بروح أشغل السياره و انتي ساعديني فالـ مشي و طلعوها لــ سيارتي
أول ما طلع شاف نعول جاسم عند باب الديوانيــه ..





%%%%%%%%%%%%%



الدكتوره تبتسم لـ بو بندر و جاسم _ لا الحمدلله .. المدام ما فيها إلا العافيــه ..
( جان تلتفت لـ جاسم و تكلمه بفرح ) _ مبروك المدام حامــل .
قال بو بندر و هو يبتســم لولده ثم طالع فــ الدكتوره _ زوجها مو موجود .. و هذا ولد عمها و حماها و انا عمها .. الله يبارك فيـج ..
الدكتوره تبتسم _ و النعم عمي.
خلاص بما أن زوجها مو موجود فـ بعطيك الإرشادات .. سارا عندها فقــر دم .. و الحمد لله ما طلع أنيميا حاد لأنه بيكون ضرر عليها و على الجنـيـن .. فبكتبلك حبوب و أطعمه تكثر من تناولها مع أشربه ..
و قعدت توصيهم على سارا ..





** بيــــت بو محــــمد **


وجهه أسود كأن هموم الدنيا على راسه .. حذف الهاند باق على الأرض و كمل طريقه لصاله .. شاف أمه و بدور قاعدات يسولفــن .. جان يحب راسها و يحط راسه على ركبة أمه و يسحب يدها و يحب بطنها .. شافته امه و حست انه مهموم .. مع انه مجتمع مع ربعه .. لكن وجهه عكس باطنه .. ولدها متضايق و نفسيته شكلها تعبانه .. مدت يدها الثانية تمسح على راسه .. و تقول بحنان _ متضايــق يا محمد ؟!
محمد و دمعه خانته و سالت على خده قال ببحــه _ حيــل حيــل يمه ..
بدور ظلت صامته بدون حس ..
و تراقـب زوجها بألــم .. تعرفه إذا تضايق و مهموم و تعرفه إذا كان فرحان و سعيــد .. قامــت بهدوء و راحت للمطبخ تجيــب له ماي ..
لمحت امه دمعة ولدها فمدت يدها و مسحتها و قلبها أنقبض قالت بنبرة خوف _ زيــن قولي شمضيقك ؟!
قال بصوت متحشرج _ بنــدر يمه ..!
أم محمد بخوف قالت _ شفيــه ..؟!!
محمد يقعد و قال _ ســوى حادث و بتروا رجله ..
سمعوا قزاز ينكســر .. ألتفتوا بسرعه لـ مكان الصوت ..
بدور و حولينها القزاز و دموعها تتجمــع .. قالت بصوت باكــي _ متى ؟!
قال محمد _ فجــر اليــوم .. و عـ العصــر الزياره مفتوحــه ..
ام محمد بألــم _ الله يصبــر أهله .. زين و سارا شخبارها ما شفتها ؟!
محمد _ أمبلى شفتها و طاحت عليهم .. و ودها عمي و جاسم و بشرتهم الدكتوره بنتج حامــل
على رغم هالبشاره و هالخبر المفرح إلا ان مصيبة بنـدر أكبر و أبعدتهم عن الشعور بالـفـرح ..
قالت امه _ خلاص اجل أخذنا على العصر نروح له ..
محمــد قام بكسل و صعــد فوق ..




.. )( 3:30 عصــرا )( ..



سارا تلبس نقابها بعد ما أتصل جاسم بـ فاطمه ..
فاطمه بحزن _ سارا خلاص تعوذي من أبليــس ..
سارا و تمسح دموعها بكلينكس
و هي ماشيه لــ برى البيت _ أعوذ بالله من الشيطان الرجيم
فاطمه اسرعت بمشيتها لــ وصلت جنبها و مسكت يد سارا و ضغطت عليها .. و قالت بهمس _ تحبيــنه ؟!
سارا بسرعه لفت على وجهه أختها و قالت بألم _ ما توفيــه هالكلـمـه .. لو يبي روحي فدوة له ..
سكتت أختها و كملن طريقهن لــ سيارة جاســم .. و كان خالتهن و عمهن موجوديــن في السيــاره ..





// الــ مستشــفى //



بندر بجهد مع أحساس بالألــم قعد عدل و ساعدته النيــرس
عشان يقعد براحه .. قالت بأدب _ عاوز حاكه سيد بنــدر .؟
بندر بضيق قال _ لا ..
قالت _ خلاص إزا كونت عاوز أي حاكه بس أزغط عالــ زر و انا حاقي..
قال _ مشكــوره ..
و طلعت من الغرفــه ..
طالع بندر ساقه الأيمن بحزن و ألــم .. تذكــر شلون صار الحادث .. لو سمع كلام سارا جان ما صار له كل هذا ..! لو .. لو .. لو .. وين بيوديها ألحيــن .. و صار له القدر المحتوم ..
( قل لن يصيبنا إلا ما كتب الله لنا )
قال بصوت واطي مختلط بألم و عزيمه _ يا الــلــه تلهمني الصبــر و الرضا بالــ قــدر ..
تمنى انه ما راح .. تمنى بات في المخيم .. تمنى يشوف سارا .. تمنى يشوف أهله .. تمنى يطلع من المستشفى ألحيــن .. و يمشي بحريــه .. بدون مساعده بدون أتكــال ..
قطع حبل أفكاره صوت طق باب و ثم دخول أهلــه .. بسرعه طاحت عليه أمه و هي تبجي .. حضنها بندر و هو يرسم أبتسامه قالت امه _ بنــدر يــا قلــبي.. ( ثم رفعت راسها ) و كملت _ شخبارك الحيــن ؟ ما تونس بشي ..؟
ضحك بندر و قال _ بخيــر يمـال العافيــه يمه .. ليش ليش هالدموع ..؟ كاني جدامج مافيني إلا العافيه .. شوفيني يمه ..
قال ابوه و جاي يسلم عليه _ حمدلله على السلامه .. و شلونك يا بو عذبي ..؟
بندر بهدوء _ الله يسلمــك يبا .. بخير يعلك بصحه و عافيه ..
جا جاسم و هو يبتسم لـ و يقول _ حمدلله على السلامه ..
( جان يقول و هو رايح صوبه _خشمــك .. و حبوا الأخوان خشوم ..
بندر _ الله يسلــمك يا بو حور ..
جان يتلفت و قال _ إلا وين الأميــره ؟
جاسم _ نايــمه .. مو يقولون نوم الظالــم عبــاده ..
جان الكل يضحــك .. ثم قطع عليهم صوت فاطمه و هي تقول _ خطاك السو يا بو عذبي ..
رد بندر عليها _ خطاج اللاش يا ام حــور ..

و بعدها بصوت واطي قالت سارا و هي تقرب يمه _ الحمد لله على سلامتــك ..
بندر عينه عليها و قال _ اللــه يسلمج ..
قربت سارا اكثر لي قعدت بــ الكرسي الي جنبه و قالت بهمس _ شلونك بندر ؟!
بندر حس بتعبها و إرهاقها قال بنفس الطبقه _ بخيــر بشوفتج ..
ابو بندر و جاسم فضلــوا يطلعون شوي حتى تاخــذ سارا راحتها .. قالوا بصوت واحد _ يلى نترخــص ..
قال بندر _ تو النــاس ..
جاسم يبتسم _ لا بس ربع ساعه عشان الأهل ياخذون راحتهم و جاييلك .. لا تخاف بقعد على قلبك لي تقول عوع .
ضحك الكل و قال بندر _ والله عســل على قلبي ..
جاسم _ حبيبي و الله ..
و طلع بو بندر و جاســم ..

ألتفت بندر لــ أمه و قال بلهجه ترحيب _ يــا الله حي بأم الغالي ..
ام بندر تمسك يد ولدها و تقول _ الله يحيــك ..
ثم ألتفت لــ صوب الثاني و شاف سارا فصخت نقابها _ يا الله حي بأم عذبــي ..
ضحكت بخفه سارا على رغم شحوب وجهها و قالت _ الله يحيك و يبقيــك يا الغالي ..
و طالع بــ فاطمه الهاديه بوجودها و قال _ يا حي الله بأم حور ..
فاطمه _ الله يحيك ..
ثم رد يطالع سارا بتفحص و تم عاقد الحواجب و قال _ ســارا شفيه وجهج ؟
سارا تبتسم بحيا و قالت _ تعبانه شوي ..
بندر بإهتمام _ و رحتي للطبيــب ؟
قالت و وجهها مع التعب ظهر له أنحراجها _ أمم إيه رحت له ..
قال _ ها شقالــج ..؟
سارا أرفعت نظرها لــ خالتها و ثم طالعت بــ عيونه و قالت _ حــامــل ..
بندر بسرعه لف عاليسار ناحية أمه و قال بفرح مو مصدق الخبر _ صــج و الله ؟!
أمه تهز راسها بـ نعم و قالت و هي تبتسم له _ مبروك يا بو عذبي .. و عن قريب بتشوفه و تملي عينك منه ..
ضحكت سارا و هي تشوف بندر يطالعها جنه مو مصدق .. ثم قالت و هي تهز راسها _ و الله حامــل ..
ضحك بعدها بندر و قال _ زيــن جم لج شهر عشان أحسب جم باقي و أشوف عذبــي ..؟
سارا تضحك معاه و قالت _ في الشهر الأول ..

( يــا ولــد )

سمعوا صوت محمد فتغطت أم بندر عدل و قال بندر بصوت عالي _ حيــاك يا بو عمــر ..






// بــع ــــد مــرور أسبــوع //


الـكـل درى بحادث بندر و زاروه في المستشفى .. و كانت حالته النفسيه شوي تعبانه إذا قعــد بروحه .. و يحاول ان يظهــر الفرح إذا شاف أهله .. و استانس من قلبه .. يوم عرف ان سارا حامــل .. و ان عذبي قرب جيتــه ..



بندر بالعكازه يحاول يدش البيت
و يساعده أبوه و جاسم ..
و لا صوت اليباب واصلهم .. رفعوا راسهم لقوا ام بندر و عبير يببن و سارا و فاطمه قاعدات ..

جان يصفن ام بندر و عبير و هن يغنن هالأبيات ..


يا الله طلبناك يا الوالي
يا خيرن نرتجي منه
انك تسلم لنا الغالي
بنــدر عسى ما يصيحنه
يا ذيبهن بالخلا الخالي
و الهجن بالقيض ينصنها


..

و على ما خلصت و لا بندر قاعد على الغنفه ..
قال بو بندر لـ بندر و قاعد جنبه و بصوت واطي شوي _ تــرى العمال ما باقيلهم شي و يخلصون من الأصنصيــر ..
أحسنلك من صعدت الدرج و انا بوك ..
بندر عقد حواجبه _ ليــش ما كان له داعي .. انا بطلب ساق صناعيــه من ألــمانيا .. ان شاء الله .. و اصعد الدرج براحه و سهوله ..
بو بندر قال _ هــا عــاد بــدو العمال و ما باقي شي ..







(( بعــد سنــة من الأحــداث ))



بعد توه راد من الشركــه .. لقى حور ترقص عـ الغنفه و تغني _ منــو الحلــو ؟ انا الحلوه .. عاشوا عاشوا عاشوا
ضحك بندر و قال لها _ صج العرق دساس طالعه على خالتج .. بس أبشري بزوجج عذبي ..
حور تخصر و تقول _ لاااا و الله
بندر يتخصر مثلها و قال _ ليش طايح من عينج ..
حور بعفويه _ مابي عذبي ..
بندر _ و ليش ما تبيــنه حضرتج ؟
حور تهز رجلها _ دلــووووع ..
بندر قال _ أصلا ما بياخذج يا العجوز .. أنتي شيفه و جيكــره
شلون عذبي ياخدج ..؟ يلى مناك ..
و لا جاسم نازل الدرج مع فاطمه و قال بقهــر بعد ما شاف علامات البجى قاعده تظهر على وجهه بنته _ عــدال أنت و ولــدك .. منو قاص عليكم
و قالكم مزايــن ..؟
بنــدر يرفع خشمه و قال _ عاد ولدي لا تتكـلـم عنه .. المفروض
يوم عندك محمد و حور تستحي ما تقول عذبي و عذبي ..! ( ضحك هو و فاطمه )
جان يقول جاسم بقهر _ أقول أقول روح نام أحسنلك .. حور يا ماما تعالي .. ( جان تركض لـ أبوها و اطيح بحضنه و حب راسها )
قال بحنان _ ما عليج منه بيجيله يوم و يترجاج تاخذيــن شيفته هال مستانس فيه عذبي ..
حور تقول _ بابا ما بي عذبي ..
ضحكوا كلهم بصوت عالي .. جان يقول بندر _ طاع هاذي صدقت السالـفـه ..
و لا تلفونه يدق لقى ( نــور العيــن ) يتصــل بــك ..
قال و هو واقف _ يلى تامروني بشي ..
الكل _ سلامتــك ..

مشى بندر بعرج بسيط جدا .. و صعد الدرج .. أحيانا يصعــد بالأصنصيــر .. لكنه يفضل الدرج ..



بطل شقته لقى سارا تلاعب عذبي الي منسدح على الغنفه ..
شالت سارا ولدها و راحت تستقبله _ نــور البيــت ..
بندر يحب راسها _ بـ نورج يا عمري ..
جان ياخذ منها عذبي و قعد يحبه بطريقة خلت الطـفـل يضحك بصوت عالي ..
ضحكت سارا و قالت _ بس بنـدر .. حرام عليــك ..
بنــدر يفكه و يمده لـ سارا و قال _ يلى انا بروح انــام .. حدي تعبــان ..
سارا تمشي معاه صوب الغرفه
_ ما تشوف شــر ..
بندر و يطلع له بجامه _ الشر مـا يجيــج ..
و راحت للفراش و لحفته عــدل .. و قالت بحب _


أرقد و آمن حبك اليوم موجود ؟
لا ما يزيحه غير قولة وفاتي ..




بندر أبتسم لها و خذ يدها الي تضبط اللحاف و حبها بـ حب .. من التعب و الإرهاق ترك يدها و غط في سبات عميــق ..
حبت سارا جبهته و راحــت أطفي النــور عشان ينام براحه ..



النهايه ..

متصفحٌ تنحني له غيمات السماء
وتمطره شكراً وامتناناً ..
لقلبك من نور الأمل ضيآء