&^ عناقيد السحاب ^&

اهلا وسهلا في عشاق القصيد ومحبي الشعر مرحبا تراحيب المطرهذي قصيدة تعبرعن نفسها لعلها تنال رضا الجميع تحياتي مقدما

اعرفك باية صفة ؟ واملكك باية كتاب ؟
قلي بربك باية دين نسبح في الهوى ؟
ياخوي الشوق قلي اعشقك من أي باب ؟
من بيسمح للقلوب العاشقة تسهر سوا ؟
كيف اضمك في كفوفي ياعناقيد السحاب
والفضاصحراءكبيرة وسطها ذيب عوى
من بغى ياخذ من انفاس الهوى منها يهاب
يترك العاشق دروب الحب لوقلبه نوى
عاد انا ليه اتعنى واكتب اشعار العتاب
و المشاعر ماذبحها غير ابيات الجوى
من هنا مانيب كاتب عن متاهات الغياب
حتى لو انه خفوقي يتعبه طول النوى
مابي اوراق القصايد تحمل هموم وعذاب
من هجوس لوبغى ينسى همومه ماقوى
بعتبر نزف المحبة حرف اذنب ثم تاب
دام من يكتب احاسيس الغلا شخص غوى
والكلام الي حبسته في صدى الآهات ذاب
كبله قيد انتظاره في سجن صدري ذوى
خايف بوح المعاني ينتثر فوق التراب
تتركه كف الثريا ياكل خدود الثرى
ظامي حرفه وطايح في مساحات السراب
يلفظ انفاسه على سطر القهر لينه ثوى
في مكان مالقى حرف الغلا ظل وشراب
مالقى غير السموم الي شربها وارتوى
بعد هذا اعذر الي قافه المولود شاب
واعتبر مخطوط شعري زال حبره وانطوى

بقلمي
عذب

يرتجف القلم خجلاً
أمامَ رعشه تائهه يسكنها هذا الكم الهائل من الإحساس والإبداع
أكثر من رائعه
دامَ نبض القلب ومداد القلم
تقديري

صح لسانك شاعرنا العذب
وانت عذب في ابياتك الراقيه
واللي كل مره تثبت فيها انك
شاعر متمكن وتطربنا

صح لسانك يالغالي
وابياتك لها قيمتها عندي

شاعر فحل

تركيبة حرف
انتقاء مفرده
مخزون كبير من اللغه
تمكن عجيب من النص

مل شي مكتمل ياعذب الشعر

صح لسانك

كلمات جميله
يعطيك العافية

الله عليك ي عذب
جمال لحد الابداع

صح لسانك وعلا شانك
قصيده مميزه
وننتظر جديدك

500 تقييم + اعجابي

شكرا ع الطرح المميز فعلا
عاشت الايادي
••
مع أجمل ودمني

هُنآ آلروعه أكتملت فصولهآ ,

تسسّلم الأيآدي المخمليه ,

لِ روعـة مآجلبتْ ,

بِ إنتظآر جديدك آلعذب وآلمميز ,

خآلص ودي ووردي لِ أنفآسك ..

أبيات جميله
صح لسانك اخوي