 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
02-07-2018
|
||||||||||||||||||||||||||||||||
|
||||||||||||||||||||||||||||||||
رواية/انا بطبعي الوفاء بس في الحب خواندج
البارت التاسع
ع طاري فهد مره كنا عند جدتي مسويه حفله يودعون فهد لانه بيسافر يدرس برا انا كنت مبسوطه حدي اول شي فهد بيحقق حلمه وثاني شي كنت زعلانه اني ماراح اشوفه ............خلصنا الحفله وكلاً بيروح بيته انا طلعت من بيت جدتي شفت فهد استانست الحمدلله شفته قبل لا يروح كان واقف مع خويه ينقال له سيف وسمعت الكلام اللي قاله فهد ل سيف:انه مايبغى البنت الي اختارتها له جدتي وانه ماعجبته هـ التقاليد والعادات انه البنت لولد خالها اوعمها اوالعكس لو بكيفه راح وقال لخاله انا ما ابغى بنتك والله يا سيف اني اكرهها ما ابغاها فهد انتبه ل البنت وهي واقفه عند باب الصاله وعرف انها في وطنشها وانتبه ل سؤال خويه :طيب انت تحب بنت عمتك ولا ؟؟ فهد يبغى يقهر في :يمكن أي يمكن لا سيف :تكفى قول تحبها ولا فهد: انا عطيتك الجواب بس انت مافهمت انصدمت ما حسيت في نفسي الا انا قدامه و اقول له بكل غرور وتكبر:لالالالا انا الي ميته عليكك أصلا انا ودي اقول لهم كلهم اني ما ابغاك وانك اخر واحد افكر اني اتزوجه...... او افكر فيه لو بكيفي ادوسك برجولي "أصلا مدري وش كنت افكر فيه يوم اني وقفت في وجهه قدام خويه بعدها انحشت خليته يعصب وده يحرق كل شي قدامه" هههههههههههههه الحمدلله بردت حرتي هو اهانني وانا إهنته قدام صديقه كيف يتكلم عني كأني مسويه شي خطاء اوانه سمعتي زفت علشان يكرهني في ترجع شعرها ع وراء أصلا مايحق له يتكلم عني بهطريقه لوانه رجال قال ل ابوي ما ابغى بنتك موساكت للحين شكله ي في يتوعد فيك الله يستر بس انا ما كذبت ع نفسي انا كنت احبه بس الحين انا حاقده عليه لانه داس ع قلبي خلاص انا وعدت نفسي اني ما أحب من جديد لا فهد ولا غيره ان شاءالله أشوف طريقه اتخلص من الملكه ننتظر سي سيد لمن يرجع من السفر اووووف خلاص مابغى افكر فيه خليني اروح انام بس في بعد ما شغلت التكييف وراحت ناحيه سريرها دخلت الفراش وحطت راسها ع المخده الا تسمع نغمة الواتس من الفاضي ذا فتحت الواتس شافت رقم غريب كان 10 رسايل من هو ذا خليني ادخل المحادثه قرت الرسايل انصدمت وش هالكلام لالالالا يمكن غلطان بالرقم رفعت راسها من المخده ما أتوقع المحادثه لي توها بتعطيه حضر رسل رساله (سعيد جدا انك جالسه تقرين محادثاتي ي في) لالالالالا هذا يعرف اسمي بعد رجع رسل لها مره ثانيه قرتها فـي وكان كلام كبير ماينقال . ي ترى من هو ذا الشخص يمكن يكون بنت مو شرط رجال مادري يمكن فهد لالالالا ماتوقع لانه بارد وما يفكر يسوي هالحركة يمكن واحد يبغى يلعب معي والله ل اوريه نجوم الظهر ناقصه انا بعد فتحت درج الكمدينو وحذفت جوالها فيه خليني انام بس اووووف حطت راسها ع المخده وتلحفت ثواني وراحت في نووووم عميق *********************************** في مجلس ابوياسر ابومحمد جلس جنب ابوياسر في صدر المجلس بعد ماتغدو جلسوا يشربون قهوة وشاي خالد اللي كان يقهويهم : ماشاءالله الاكل كان لذيذ الله يعطيكم العافيه خالد كان واقف يمد الفنجان لابوه .... ابوياسر: بالعافيه ع قلوبكم بعدها جلس خالد جنب اخوه .....ومحمد يسولف معهم محمد في يده بيالة شاي: لذيذ الاكل ماشاءالله جايبينه من مطعم عطوني اسمه وخاصه رز الذبايح ورق العنب شي صراحه الله يعطيكم العافيه خالد وياسر يضحكون عليه.ياسر جلس وسط محمد وخالد محمدبستغراب:ليش تضحكون سؤالي فيه شي غريب ياسر: لا مانضحكك ع كلامك بس الاهل مسوين الاكل مو من مطعم محمد باعجاب:ماشاءالله تبارك الله .الله يعافيهم خالد بفخر: ترى امي مسويه الرز ها بس عجبكك أقولها تسوي لك ها بس بفلوس محمد :خخههههههههههههه ماشاءالله عليها الوالده الله يعطيها العافيه لالا ماله داعي نتعبها ياسرمسك جواله بيد وبيده الثانيه بيالة شاي يضحكك ع كلام اخوه: الله يعافيك ابومحمد : يلا ي محمد خلينا نمشي ابوياسر : وين تو الناس جلسوا معنا اليوم كله ابومحمد يوقف: كثرالله خيرك لا لا زم امشي البيت انا عندك اليوم من بعد صلاة الظهر والحين شوي ويأذن العصر لازم اروح اريح شوي ان شاءالله نلتقي قريب يلا ي محمد قوم محمد يقوم: ابشر يبة يلا عن اذنكم وكثرالله خيركم واكرمكم الله بعد ما قاموا محمد و ابوه وقاموا كلهم ييوصلونهم عند الباب ياسر: حياكم الله عاد ها لازم نشوفكم مره ثانيه زين خالد: حياءالله من جانا عاد لاتقعطون بذات انت ابوحميد محمد يبتسم : ان شاءالله يلا يبة نمشي ابومحمد :يلا . صافح ابوياسر يلا مع السلامه طلعوا من المجلس لحقوهم ياسر وابوياسر وصلوهم الى البوابه الكبيره : حياكم الله ابومحمد ومحمد : الله يحييكم طلعوا ابومحمد يأشر بيده سلام عليكم ابوياسر وياسر: وعليكم السلام سكروا البوابه ودخلوا دخل البيت من باب الصاله شافوا لمياء وام ياسرجالسين في الصاله لمياء جالسه مقابله ام ياسر جالسين يتقهوون ابوياسر وياسر :السلام عليكم الصالة مفتوحه واسعه وجنبها غرافة الطعام للعائله وجنبها غرفه مفتوحه ع بعضها الدرج وسطها شرحه واسع ام ياسر ولمياء : وعليكم السلام .بوياسر يجلس في صدر الصاله وياسر جنب لمياء ابوياسر: الله يعطيك العافيه ي ام ياسر بيضتي وجهههي ام ياسر تبتسم : الله يعافيكك اهم شي عجبكم الاكل ياسر: الا طاحوا فيه مدح حتى انه نص الاكل راح وخاصةٍ الورق العنب موبس البنات يحبون حتى حنا نحبه ابتسمت لمياء عجبهم الورق العنب حقها ام ياسر تشرب شاي وتحط البياله ع الطاوله :الحمدلله اهم شي عجبكم ياسر :الحمدلله اهم شي الضيوف عجبهم لميا كانت ماسكه جوالها تكلم جواهر ع الواتس رسلت لجواهر ابوي جالس معنا بعدين اكلمك اوكي جواهر مومشكله بيننا الو سكرت الواتس وحطت جوالها في مخباتها كانت لابسه جلابيه ناعمه :الا يبه وين خالد ما اشوفه معكم ابوياسر : هلا يابنتي .تضايق انه ذكرته بلبس خالد’في المجلس هالولد بيطلع الشيب من راسي والله لو اني ما مسكت حالي كان قمت وكفنته ع وجهه الين يقول بس ام ياسر تعدل جلستها : وش فيكك عليه ليه وش مسوي بعد لمياء تتحسفت انها ساأت عنه ابوياسر: لانه لبسه موعاجبني المفروض يحترم الضيف يلبس زي الناس لمياء تغير السالفه: انا بروح المجلس الا يبه تبغى دلال الشاي والقهوه اخليهم في المجلس ولا اشيلهم ابوياسر:لا ي بوك شيليهم الله يعطيك العافيه لمياء : الله يعافيك .....تبعد طاولة الخدمه عن رجولها علشان تقوم ام ياسر : يمه بعد ماتشيلين الدلال روحي انت وجيسي شيلو صحون الاكل ادري تعبتك معي اليوم لمياء قامت: وش دعوه يمه تعبكك راحه عادي انتي تامرين بس ام ياسر: الله يعطيك العافيه لمياء: الله يعافيك’بعدها طلعت من الصاله متجهه للمجلس ابوياسر يتفقد في : الا وين في ما اشوفها لي يوم كامل ماشفتها ام ياسر مصبعه منها: اذ انت معصب من خالد انا معصبه من بنتك هذي بتجنني بتطلع روحي من محلها ابوياسر: وش فيكك عليها حررام عليك انتي كل حاطه دووبك من دوبها ام ياسر ترجع جسمها وراء ع الكنبه: أقول لها اصبري لاتنامين سوي المطبخ مع جيسي ولمياء’ تقول لي لا مالي شغل انا كافي اني سويت معكم فيني النووووم تبغون اغسل المواعين لالالا والف لا بروح اكمل نومتي ياسر يضحكك ع هبال اخته: يمه هدي حالك تراها مهبوله لاتاخذين عليها< ووالله لو تدري في انك سبيتها لتغسل شراعككك ي ياسرأقول هايدي كملي كتابه وانتي ساكته هايدي ان شاءالله طال لعمرك ابوياسر اول مره يشوفها معصبه منها هـ الكثريبتسم ع هبال في:كان خليتيها نايمه بعدين صحيتوها تنظف معكم ام ياسرتصب لها فنجان قهوه علشان تروق تسال: ابوياسر تبغى قهوة’خليني ساكته بس حتى لو قلت لها نامي بعدين جلسي اشتغلي بتقول يمه توني جالسه من النووم ماقدر اشتغل بنتكك اعرفها عدل كل تتحجج بوياسريضحححك: شربت من القهوة الين قلت بس عليك بالعافيه’ انتي مابقى كلام ماقلتي عنها كانها عدوتكك موبنتك بعدين تقولين خليني ساكته هههههههههههههه ياسر :هههههههههههههههههههههههه أي والله ماخليتي شي يمه الا قلتيه عنها بعدين تقولين خليني ساكته ههههههههه ام ياسر طنشتهم يضحكون ع كيفهم ******************************** في المجلس الخارجي خالد منسدح ع الكنبه وحاط رجل ع رجل وهو منسدح ويكلم فهد ع الواتس : فهيدان الحين انت متى تجي السعوديه ؟؟ فهد ببرود مطنش خالد يوم ناداه فهيدان: قريب ان شاءالله اذ بجيي بعطيكك خبر خالد: انت بارد في كل شي ’ اوكي انتظر منك خبر فهد : كيفي أكون بارد ولا فاهم ...ان شاءالله اخليكك بروح اريح خالد : زين بكيفك خل برودك على نفسك سلام فهد : اكيد بكيفي اجل بكيفك وعليكم السلام فهد عمره 27 انسان بارد لابعد الحدود يروح هالبرود اذا كان مع جدته لمياء دخلت وهي تنادي خالد : خالد وينكك خالد يجلس بكسل : هينا لمياء تعالي لمياء كانت واقفه قدام باب المجلس دخلت بعد ما ناداها خالد جلست جنبه : زين انك ماطلعت خالد مستغرب :ليه تبغين شي مني لمياء : لا مابغى شي منك بس انت ما تجلس في البيت ابدٍ ..الاهل لهم حق عليك انك تجلس معهم خالد: ادري اني مقصر معكم بس وش اسوي لازم اطلع اشوف ربعي يلا ان شاء الله اليوم بجلس معكم لمياء قامت بتشيل الصحون: الا خالد تغديت عدل انت ، وهي ترتبب البيالات والفنجايل تحطهم في الصحن علشان تشيلهم خالد: الحمدلله بس ورق العنب خلاص عليه الدب محميد وياسر لمياء وهي تشيل الصحن تبغى تروح لغرفة الطعام تحاول تفتح الباب وهي تضحكك ع قهر اخوها....قام خالد بسرعه فتح لها الباب دخلت ليماء غرفة الطعام وخالد لحقها: شكرا .. لاتخاف ترى في ورق عنب ماخلص خالد: الحمدلله زين الا لمياء تبغين افتح الباب الثاني لمياء: أي تكفى علشان اشيل هالمواعين وين اروح برا حر خالد يفتح الياب ويشرع لها: زين تبغين اساعدك بشي لمياء: لا شكرا بس خل الباب مفتوح ’ أي معليك امر روح داخل وناد لي جيسي خالد: والله انها الوهقه اذا دخلت الحين ابوي بيعطيني كلام من الي يحبه قلبي لمياء:هههههههه الله يعينك ع فكره تراه معصب علييكك قبل لايجي هنا خالد: هو بيهاوشني بيهاوشني ’بروح انادي جيسي لك لمياء تضحككك ع خالد طلع من غرفه طعام ينادي جيسي ولمياء تكمل باقي ترتيب الموواعين ******************************** في بيت ابورائد في غرفة يجلسون فيها اذ بغو يشوفون فلم شاشة تلفاز كبيره كانها سينما نوف شبكه الاب مع التلفزيون حاطه ع فلم انمي تشوف وجالسه ع الكنبه ماده رجوله ع الطاوله وحاطه في حظنها زبديه كبيره فيها بوب كورن جالسه تاكل منه قدمها لاوازم السهره وشاي وقهوة ومطفيه الانور هي عيونها ع التلفزيون بس سرحانه في عالم اخر تفكرفي كلام بنت عمها مغروره وفاء كلا تعيرني انه ابوي مايهتم فيني وانها كل تسافر ف الصيف تقول مابقى منطقه في السعوديه مازارتها صحيح يمكن تفكيري سطحي اني افكر في كلامها بس تقهرني كل ماشافتني تقول ابوك وابوك ودي اصطرها كف ع وجهه اهم شي عطيتها كلام يحبه قلبها لابعد تكذب ع ابوي تقول انه متزوج ودي لو انها طلعت لي من السماعه علشان ازنطها صحيح ابوي كله مشغول في شغله الا انه مسلم اخوي رائد الخيط والمخيط ماقصر اخوي يسفرنا بس حلاتها مع ابوي لا مشكله ثاني اخوها الي خطبني وابوي وافق ياليت سمعته زينه علشان ابوي يوافق عليه الا دمار ويمشي مع ناس زفت مثله ولابعد ياليته يشتغل والله ابوي مادري وش يفكر فيه ....... نوف جميله لابسه بلوزه مشجره وتنوره كحليه طويله رافع شعرها ذيل حصان عمرها 21 هي وفي وجمان ومها نفس العمر دارسين مع بعض من الابتدائىه ...... ولا بعد يقولي ي بنتي اذ رفضتي جاسر لاانتي بنت ولاعرفكك والله يقهروني الاباء الي كذا يحطون طاعتهم في هالشي وحررام طيب مغصوبه او اوافق غصباً عني ليه دايم كذا الله يعين بس انا مو بس مو موافقه انا اكرهههه كره العمى رائد جلس من النووووم ماحصل امه ولا نوف وين راحوا ذولا: نوف يمه ’دورهم في الصاله والمطبخ برا الحوش ماحصلهم قال يمكن في الغرفه الي نجلس فيها دايم فتح الباب وشاف اخته سرحانه وشغل الانوار نوف انتبهت لاخوها :ليش شغلت الانوار رائد جلس في اول كنبه مقابل اخته: شغلتهم لانك سرحانه’ بسخريه ها بس عسى حلوه قصة الفلم نوف : اوووف منك كيفي سرحانه مو سرحانه مالك شغل طفى الانوار بس رائد: أقول بس عيدي الفلم وشوفي بتركيز موتشغلينه وتخلينه كذا ... المهم وين امي؟ نوف وهي ترجعع الفلم الى البدايه: امي تغدت ودخلت غرفتها تأخذ قيلوله رائد: طيب في غداء لي لاني من رجعت من الجامعه ع طول حذفت عمري ع السرير جوووعان نوف : أي فيه ’وقفت تشغيل الفلم’ بروح احط لك رائد يسال : وش الغداء نوف :برياني دجاج مشوي وسلطه تبوله .. تساله تبغى اجيب بيبسي معه رائد : يليت تجيبينه هنا الغرفه مابغى اكل في غرفة الطعام باكل هنا بشوف الفلم نوف قامت : طيب ’ راحت المطبخ تحط له الاكل سخنته في الماكرويف وحددت الوقت الي يخلص فيه اسرع وين بتقعد تنتظر ع مايسخن في الفرن احسن شي الماكروويف بسرعه فتحت الثلاجة طلعت علبتين بيبسي وحده له وحده لها الماكرويف يطلع صوت يعني خلص تسخين راحت تكب الارز في الصحن وحطت دجاج مشوي فوقه وراحت تحط تبوله اخذت السفره رجعت الغرفه فرشتها في الأرض ورائد جلس يشوف السناب بجواله وراحت تجيب صحن الأرز ووالتبوله والملاحه وليمون وبيبسي كلهم حطتهم في صحن كبير راحت الغرفه وزعتهم ع السفره واخذت بيبسي حقها: يلا رائد تعال اكل رائد سكر جواله حطه ع كنب : يلا بجي بروح اغسل يدي واجي بس اها لاتشغلين الفلم الا لما اجي نوف: طيب ’تفتح البيبسي تشرب رشفه يازين البيبسي زينه يبرد ع القلب ... رائد دخل الغرفه جلس: نوف شغلي الفلم خلينا ناكل ونطالع نوف : طيب شغلته . المهم كل علشان تخلص ترى باقي نص ساعه ع اذان العصر رائد هو ياكل لقمه بلعها :طيب هذا انا اكل بس خلينا نشوف الفلم وانتي ساكته نوف : زين كل بس كل ********************************** في بيت اول مره ندخله بيت أبو جاسر عم نوف ورائد تحديد في غرفة وفاء جالسة تبكي في سريرها منسدحه ومتلحفه ب بطانيه بالكامل مغطيه ووجهه بعد الكلام الي قالته لها نوف قبل يومين وهي تكلمها في التلفون جرحتها بالحيل قالت لها انتي مادري وش شايفه نفسكك عليه تراك ماحد يشوفك بسب غروركك والي يجلسون معكك بس منظر يجاملونك كثير اصحي ع نفسك تعبت من كثر ماتقطين علي كلام اذ ابوي مسافر فهو يشتغل علشانا ومو جالس يلعب ترى انا ماعندي انك تجرحيني واسكت لك لالالا حبيبتي ذولا ربعك الي يجاملونكك موانا حاسبي ع كلامك الي تقطينه علي فاهمه... وفاء مستحييل خوياتي يجاملوني ابغى اتاكد من كلام نوف بس كيف اعرف انهم مصاحبيني علشان مصلحة بس فتحت بطانيتها وشعرها التصق بوجهه خليني اروح الحمام وانتو بكرامه دخلت الحمام غسلت وجهها بعدين مسحت وجها بالمنشفه توها بتنزل تحت الا اسمعت اذان العصر جلست تردد مع الاذان اللهم صل ع محمد وعلى ال محمد استغفرالله لاحول ولاقوة الابالله رددت دعاء بين الاقامه والاذان خليني اصلي بعدين انزل تحت راحت تدخل الحمام مرة ثانيه وانتو بكرامه توضت للصلاه بعد طلعت من الحمام وانتو بكرامه فرشت سجادتها تصلي ولبست شرشفها الله اكبر خلصت صلاتها جلست ع سجادتها استغفرالله استغفرالله استغفرالله تقراء اذكار الصلاه واذكار المساء بعد 15 دقيقه خلصت اذكارها صفطت سجادتها وحطتها ع التسريحة قالت خليني اغير الملابس وانزل تحت مو حلو انزل بالبجامه وفاء بنت جميله بس شايفه نفسها حييل نوف تكسر هالغرور لها .. تدرس ثالث ثانوي عمرها18 وفاء غيرت ملابسها لبست جلابيه لونها اسود خفيفة وناعمه نص كم ... شعرها رفعته كله ذيل حصان تقول حرررر لازم ارفع شعري.. تعطرة من العطر المفضل عطربربري .. خليني انزل تحت ماابغى اجلس وحدي بتضايق اكثر نزلت تحت درج معزول عن الصاله والصاله مسكره الباب مودي للحوش من الصاله ماحصلتهم في ولا في الغرفة ولا في الصاله وينهم ذولا سمعت أصواتهم برا الحوش راحت تشوف وش يسون في الحوش شافت أمها تشيل الرمل وتحطه في السطل لانه رمل متجمع وامها تحاول تشيله وهند ترش المويه ع الحوش وورافعه جلابيتها مربطتها ع خصرها لابسه بنطلون تحتها وفاء: وش تسووون هنا في هالحر هند توقف عن رش المويه: مثل ماتشوفين قاعدين نغسل الحوش تعالي معنا اشتغلي بدال منتي جالسه وفاء :لالا برجع داخل توي مغيره ملابسي مالي خلق اغسل في هالجو ام جاسر: روحي داخل اجل وش له واقفه هنا وفاء : ان شاءالله يمه بروح بس كنت ابغى اتكلم مع هند هند بخبث ماسكه خرطوم المويه رشت على وفاء وهي غافله وفاء شهقت كل ملابسها مويه وشعرها لصق في وجهه معصبه : ي الحماره والله ما اخليك هند تضحكككككك ونحشت وراء امها وتركت الخرطوم متمسكه بجلابية أمها : يمه تكفين خلي بنتك تحل عني والله ي وفاء حلو شكلك كذا ام جاسر: هند وخري عن ظهري مالي شغل فيكم كانكم بزران . خليني اخلص شغلي بس وفاء وجهه احمر من القهر توها متكشخه ومتعطره ياربي منها واقفه قدام امها:تعالي والله مااخليكك... وفاء مسكت الخرطوم هند تترجاها: تكفين هالمره سماح توبه ام جاسر: علشان خاطري خليها تولي عنك وفاء بقهر: الحين بطلع فوق اخذ شاور الله ياخذك ان شاءالله بس علشان امي والله كان رويتكك شغلك دخلت داخل البيت صعدت فووق تأخذ لها شاور ام جاسر:الله يهديك ي هند خليتيها في حالها الا غصب تشتغل معنا هند :لازم تترك عنها هالغرور وتتنازل شوي وش فيها اذا غسلت معنا بيطح نص عمرها . يلا يمه خلينا نخلص من الرمل المتجمع بشكل كبير كله من الغبار قبل يومين. الا يمه بسالك مافي اخبار عن اخوي جاسر ام جاسر متضايقه من تصرفات ولدها مفشلها في كل مكان : مادري عنه الله يهديه بس لو يسمع كلامي ويترك الي يمشي معهم هند: ادعي له بالهدايه الله يهديه ام جاسر : هذا انا داعي له بس مايطع وفاء جات بعد ماخذت شاور لابسه جلابيه لونها وردي فاتحه تاشر ع اختها: والله رشي مره ثانيه اعلمك.. المهم هند اذ خلاصتي الي في يداك ابغى اكلمك هند : طيب اذ خلصت جيتكك وفاء : طيب بروح اسوي شاي والقهوة ام جاسر: أي سوي وفاء دخلت داخل وهي ترد ع أمها : ان شاءالله . راحت المطبخ تركب شاي والقهوه ع النار وتصف البيالات الفنجايل في صحن وجهزت الدلال حطت لبتون 3 حبات في دلة الشاي ...و معلقه ونص هيل في دلة القهوة ركبت غوري القهوة ع النار وغوري الشاي حطت فيه فنجان سكر جهزت المكسرات والحب والشيبس بانواعها وشوكلاتات حطتهم في الصحن جلست ع كرسي طاوله الطعام في المطبخ تنتظر غليان الموويه "هند عمرها 23 متوسطة الطول طيبه حنونه شعرها قاصته لرقبته خلصت الجامعه جالسه في البيت تدور لها وظيفه ************************************** في بيت أبو محمد جالس في الحديقه في كرسي الحديقة طاوله وسط الحديقه في الحديقة عشب و مرجيحه ونافوره فيها مويه وكان يقراء الاخبار في جواله لما خلص من جواله حطه ع الطاوله ومسك في يده سبحه يعدد فيها وسرحان يفكر كيف يفتح الموضوع مع ولده محمد يبغى يخطب له وحده من بنات أبو ياسر بس المشكله اذا كان يبغى منيرة بنت عمه هذي مشكله اشوف ولدي وش يقول بعدين افكر في سالفة ابوياسر خليني الحين في موضوع سعاد ابومحمد يدخل داخل... الصاله مفتوحه ع اليسار غرفة الطعام وع اليمين الصاله غرفة المعيشه والدرج وسطها شاف ام محمد جالسه تشرب عصير بارد طازج جنبها فرح ماسكه جوالها ..جلس في صدر الصاله : الا ي ام محمد وين سعاد .. ماشوفها جالسه معكم ام محمد تحط الكوب في الطاوله: من هاوشتها ذاك اليوم مانزلت لها يوم كامل.. اليوم ماشفتها ابومحمد انصدم: شنهو من ذاك اليوم !! مهبوله تحبس نفسها وش فيها انهبلت بنتك والله مو في صالحها تسوي في نفسها كذا عسى تاكل ولا حارررمه نفسها من الاكل بعد ام محمد : وش تبغاني اسوي بنتك ماتبغى عامر فرح تغير الموضوع: لا يبة ماكلت شي من امس رحت كلمتها قلت لها تعالي اكلي قالت مالي نفس ابومحمد :فرح يمه روحي شوفي اختكك وناديها قولي لها ابوي يبغاك فرح قامت : ابشر.. توها بتصعد الدرج الا اختها في وجهه يبه هذا سعاد جات بنفسها سعاد تنزل الدرج فرح ابتعدت عنها راحت تجلس جنب أمها.. سعاد نفسيتها في الحضيض ومصدعه وعيونها حمرار من قلة النوم وتفكير ماودها تكلم احد تحسفت انه ماسالت اختها قبل لاتنزل كان ابووها هنا ولا لا .. سعاد جلست في الكنبه مقابل امه وواختها ابومحمد: اسمعي ي سعاد الي جالسه تسوينه ماراح يغير من رايي سامعه انتي بتاخذين عامر يعني بتاخذينه ف احسن لك تقبلي موضوع الخطبه لاتقعدين تسوين لي أفلام هنديه او روايات الي تقرينها حنا في الواقع خلك عاقله مثل ماربيتك فرح ماسكه جوالها سكرته تسمع ابوها شيقول لاختها بهمس ل امها : اوووخص ابوي يعرف روايات وافلام هندي هههههه ام محمد :سكتي ليجيك دورك الحين فرح : ان شاءالله يمه سعاد ساكته ولاترد ع ابوها بكلمه ابومحمد: وش عندك بعد ساكته ليكون اكل القط السانك ردي عليه سعاد برود العالم كله : وش تبغاني أقول لك خلاص انت قررت وانا انفذ صح ابومحمد يحاول يهدي من حاله: انتي ليه ماتفهمين اني ابغى مصلحتك وترى ادري انك حاطه في بالك ماتتزوجين ابد بس شيلي هالفكرة من راسك واسمعي بكرا لازم نروح المستشفى نسوي التحاليل ولاتتحججين لي عندك شغل انت هاليومين غايبه بعد بكرة غيبي سمعتي وش قلت سعاد بضيقه لو تقدر تهرب كان هربت بس ماتقدر بصوت خافت : ان شاءالله قلت لك سو الي تبغاه ماعاد يفرق معي سواً تزوج ولا لا ابومحمد والله وده يقوم يسطرها كف ع وجها : أقول سعاد اعقلي لاتشوفين شي عمرك ماشفتيه مني سعاد رجعت لسكوتها مرة ثاني هزت راسها ل ابوها ان شاءالله طلعت من الصاله راحت المطبخ ابومحمد: الله يهديها بس مادري متى تفهم ..المهم ام محمد اسمعي اذا خلصت بكرة التحاليل راح نحدد الملكه بعد اسبوع سمعتي يعني جهزوا عمركم أم محمد : ان شاءالله انت بس هدي حالك والي تبغاه بيصر ابومحمد : ان شاءالله عن اذنكم بطلع فرح وام محمد : اذنك معك فرح ابتسامه : ي سلام بيصر عندنا ملكه واخيرررراً ام محمد تضحكك ع هبل فرح : قولي الله يتمم ع خير فرح: امين سعاد في المطبخ: ماري وش فيه اكل؟ ماري جالسه ترتب المطبخ :باتا (باستا ههه) في هذا معدنات ( معجنات هههههههه ) في تبول وثاورما ميني سعاد جلست الأرض متربعه: عطيني شاورما 2ومعجنات وتبوله وجيب بيبسي اذا فيه ماري : ماما لايجلس في الأرض مافي كويس سعاد مو مهتمه : عادي بس وسوي الي قلت لك عليه .. أصلا يازين جلسة الأرض ماري تسخن له شاورما ومعجنات ع المكرويف حطتهم لها في الصحن وحطت لها تبوله وحطت فوقه لميون وجابت لها ملاحة وشطه لشاورما وجابت لها بيبسي بارد حطت الصحن اقبلها : تفزلي ماما كُلِ سعاد تضحكك ع كلامها : تفضلي مش تفزلي هههههه والله شر البليه مايضحك الله يسعدك ماري ماري ولافهمت من كلامها شي تهز كتوفها ههههههههه سعاد جالسه تاكل : ييمممممممممممممممممممي لذيذ مادري ليه حارررمه نفسي علشان عامر طـــــــــــــــــــــــز فيه ******************************** هند بعد مخلصت الحووش راحت تأخذ شاور نزلت تحت أتجههت للمطبخ شافت اختها سرحانه : وفاء وش فيك متضايقه شوفي غوري الشاي يغلي وفاء انتبهت ل هند بس بسرعه راحت تطفي النار تزل الشاي : مافيني شي بس انا تهاوشت مع بنت عمك هند بستغراب : أي بنت عم تعرفين حنا عمامي ماشاءالله كثار وفاء بكراهيه وهي تشوف غوري القهوة يغلي تحط في الغوري قهوة وزعفران تقصر ع نار : نوف هند تروح تجلس ع الكرسي : وش قلتي لها وفاء: صراحه هي الي تستفزني هند: وش قالت لك وفاء : قالت لي بسخريه ها وين سافرتوا هالمره هند بحده: طيب كملي لا تسكتين اخذي الكلام منك بقطاره وفاء جلست بالكرسي الثاني مقابل اختها: قلت لها ليه منقههر انتي ان ابوك ما يسفرك قالت لا انقهر ولا شي ابوي مسافر برا يشتغل من علشانه يشتغل علشاننا عادي عندي اخوي رودي يطلعني ويسافرني اذ بغيت قلت مسكينه ابوك كل مسافر واشك انه متزوج ع امك عاد هنا هي انقهرت وماتت حره قامت تقط علي كلام يجرح قالت لي انتي من يبغى يماشيك مغروره وشايفه نفسك مادري وش عليه وع فكره نص الي يماشونك يجاملونك ولايحبونك ولاشي هند حطت يداها ع راسها : ي وفاء انتي ووش غبرتي راح تكلمينها علشان تعايرينها انه عمي كل مسافر والله انك مهبوله ...... واحنا كل صيف نسافر تقهرينها احسك بزره مانتبهوا انه في احد برا سمع الكلام كلها وفاء بعيونها دمووع من كلام نووف عنها: تستاهل خليها تولي هي دووم تقهرني تعالي بسألك والله تجاوبيني بصراحه بدون لف و لا دوران فاهمه انا بسألك تشوفيني صدق مغروره ولا أحد يتقبل يصادقني يعني اصدقائي يمشون معي مصلحه هند : صراحه أي انتي مغروره ما تشوفين الناس الا من طرف خشمكك وكل اللي يمشون معك يجاملونك انا اسفة بس انتي طلبتي الصراحه دخل جاسر المطبخ ما قدر يصبر واخته تسب حبيبته وخطيبته من الباب الخلفي ويناظر اخته وفاء:تستاهلين وهذ اقل من جزاك وان شفتك مرة ثانيه تجرحين نووف اوتقولين لها كلام يجرح ما تلومين الا نفسكك فاهمه ترى عقلك صغير تقومين تعايرينها انه عمي مسافر عنهم تراها وقاحه وفاء تبكي : مفرووض تدافع عني انا موهي جاسر معصب قرب من اخته مسكها من كتوفها ويهزها كأنه ورقه : انتي ليه ماتفهمين من الغلطان انتي ولاهي!! وفاء سكتت عرفت انها هي الغلطانه طلعت من المطبخ بخطوات سريعه راحت غرفتها تبكي جاسر جلس ع كرسي: هند تكفين عطيني كاسة موويه نشفت ريقي اختكك هند : طيب جابت له علبة مويه : تفضل . راحت تشوف القهوة زلتها في دله اللي جهزتها اختها وحطتهم في صحن وشالتهم واقفه عند الباب : تبغى قهوة وشاي تعال الصاله جاسر لبس طقيته وغترته ع كتفه : طيب بلحقكك طلعت من المطبخ متوجهه لصاله .جاسر لحقها : الا هند وين امي هند : امي في غرفتها.. وهي تصب لها الشاي تبغى شاي جاسر يأخذ له كندر بوينو صبي لي قهو بس هند تصب له القهوة تمد له الفنجان : الا بسالك غريب جاي البيت مبكر موعادتك انت تقعد برا البيت الى الساعه خمس الفجر جاسر يعدل جلسته يحط رجل ع رجل : والله انا حر متى مابغيت ارجع مبكر متأخر مالك دخل فاهمه هند ماتعجبها تصرفات اخوها: الله يهديك بس جاسرياكل الكيندر : الله يهدي الجميع ان شاء الله ... صبي لي القهوة دخلت في المخخخ يازينها زيناه هاذي القهو ولابلاش هند تحاول ترتب كلامها ماتبغى يعصب عليها دامه مروق: جاسر انت ليه ما تبتعد عن الي تماشيهم هم الي خربوا سمعتكك جاسر بعصبيه خفيفه: انتي وش دخلك ان شاءالله لو يقولون لي طب النار بطب والله هذا اللي ناقص بعد اختي تعلمني أقول بس صبي لي قهوه وانتي ساكته أي والله ما باقي الا تراقبيني بعد وين رايح وين جاي هند اسكت احسن لي تعبت وهي تقنع اخوها انه يبتعد عن الربع ذولا هم سبب في دماره كم مرة تكلم ويتهاوش وياها :زين بصب لك كيفك انت الي بتضيع حالك جاسر: أي كيفي اجل بكيفك هند فضلت انه تسكت ام جاسر في غرفتها كاني اسمع حس جاسر طلعت من غرفتها متوجهه الى الصاله : وانا أقول منور البيت جاسر عندنا جاسر يقوم يبوس راسها ويضحكك يرجع يجلس: يمه تطنزين علي ام جاسرتجلس جنب هند بسخريه: دامك عارف ليه كل وقتك برا البيت قبل أسبوع سمعنا انك ذابح لك واحد باقي شوي تخلص عليه وين العقل ياجاسر الكل اللي كانوا يحسدونك عليه .... هند يمه صبي لي قهوة هند : ان شاءالله يمه ... تصب لـ أمها قهوة: سمي يمه ام جاسر : سم الله عدوك جاسر بحسره : الا يمه مليت بس وش اسوي صعب الي تطلبونه مني ام جاسر بحسره ع ولدها :ي وليدي شوف انت وش مسوي في حالك سمعتكك صارت زي زفت عند اللي يسوى واللي مايسوى جاسر يتنهد : يمه تكفين لا تعورين قلبي ب كلامك انا مااقدر ابتعد عنهم الله يخليك افهميني ام جاسر: وش افهم .... علمني فهمني خذني ع قد عقلي ....انا اللي فهمت اني مربيتك عدل جاسر قام ويحط يده ع فم امه : يمه تكفين لاتقولين هالكلام ...وكل شي بوقته حلو بس انتي ادعي لي ام جاسر ترفع يده الى السماء: الله يحفظك ويحميك من عيال الحرام جاسرمن قلب : امين ..وقف أي يمه اخليكك بروح اريح من امس مونايم ام جاسر : روح ي ولدي ريح نوووم العوافي جاسر يبوس راسها وينزل يبوس رجيلاتها: الله يعافيك يارب هند تسمعهم وهم يتكلمون وساكته ولاكلمه تبغى تخليهم ياخذون راحتهم ام جاسر فقدت وفاء : الاهند وين اختك وفاء هند :صعدت فوق ام جاسر : غريبه ليش ماجلست تقهوى هي مسوي القهوة هند ماتبغى تقول لامها وش سوت وفاء خلاص كافي جاسر هاوشها ان شاء الله تصحى ع نفسها: أي يمه قلت عندها واجبات علشان كذا راحت تخلصهم وتنزل ام جاسر: اذا كذا الله يوفقها .... صبي لي قهوة هند : امين صبت لـ أمها فنجان قهوة مدت لها جاسر شخصية له حضوره هيبه طويل وسيم اسمر شخصيته غامضه عمره 34 راح تكتشفونه من خلال الاحداث سمعته زفت بندر 30 طيب يشتغل مدرس ملامحه عاديه ماله ظهور كثير في الروايه *********************************** في بيت ام زايد تحديد في غرفة جمان جالسة ع سريرها ترتب اوراق البحث اللي طلبت منهم دكتوره جمان : يارب ان شاء الله يعجبها عاد ذي مايعجبها العجب ..... انتبهت على ضوء جوالها حطته ع صامت رقم ظل مده طويل يتصل : خليني اشوف من هو.. الوووو من معي البنت : لا لالا زعلت منك مسرع مانسيتيني جمان : صدق من معي ماعرفتك البنت : انا كلمتك قبل يومين علىشان اشكر زوجك جمان تقطع عليها الاسترسال بلكلام: يعرفتك ي هلا بس ماعرفتيني باسمك البنت: صح اسفه انا غلطانه بعد معك الهنوف ام سعد جمان : ي هلا بالهنوف الهنوف : هلا بيك زود بس حبيت اسالك عادي اجيك اليوم جمان توقف : حياك الله في أي وقت الهنوف بمكر: خلاص بجيك بعد صلاة المغرب جمان ترجع شعرها ع وراء: حياك الله الهنوف :الله يحييك .... سكرت منها ************************************** في مكان اخر بعيد جدا عن اراضي السعوديه فرنسا تحديدا باريس’’مشهورجدا شارع الشانزلزيه وهو كذلك من ارقي وافخم الشوارع السياحة والتجاريه في العالم ,توجد بالشانزلزيه ارقى المحلات التجاريه العالميه والمطاعم الراقيه مثل مطعم بيتزا بينو كما تكثرفي الشانزلزيه المقاهي ع جنبات الرصيف والطرقات الجانبيه ’’ في نهاية الشارع يوجد قوس النصر احد معالم المدينه منقوول مزدحم بالناس ’’ فهد يتمشى في شارع الشانزلزيه وحاط يده في جيوب بنطلونه لابس بلوزه حمراء بنطلونه جينز اسود وهومتضايق جدا مايدري ليه هومتضايق كان سرحان وهويمشي يشوف هالعالم رايح و راد تذكر انه خلاص باقي له كم يوم ويرجع السعوديه رجع بذكرياته وراء يوم انه يسافر علشان يدرس تذكر لما كان واقف مع سيف يتكلم معه ويقول له انه مايبغى يتزوج بهالطريقه وبذات بنت خاله مايبغاها وده يقول لخاله بس خاله بيفهم خطاء ان البنت فيها عيب بس مايقدر...... ولي قاهره اكثر لما شاف في جايه له ولا بكل وقاحه ترفع صوتها عليه وقدام خوييه والله بغيت امسكها من شعرها واعطيها ذاك الكف اللي يعلمها كيف تتكلم رجال مايحل لها بس ماقدرت اولا وجود سيف منعني ثانيا لانها نحاشت من قدامي ..... والله من ذاك اليوم وانا فيني حره عليها يلوموني لما اقول ماابغاها صبرك علي يا في خليني بس ارجع وأوريك شغلك تضايق اكثر من سيرة في لو اني اللحين في سعوديه كل ماتضايقت امسكك خط ع مكه ع طول اه ه ه ه ع طاري مكه مر على وفاة امي وابوي واخوي 10 سنوات كان الحين موجودين الله يرحمهم اخوي عمار كان عمره في ذاك الوقت 20 وانا عمري 17 لوانه عايش الحين كان عمره30 الله يرحمه كان يحلم انه يصير مهندس هذا انا يااخوي حققت لك حلمك طاحت دمعه من عين فهد لانه افتقد امه وابوه واخوه لانه صار يتيم من دونهم انا مارحت معهم لاني كنت نايم حاولوا يصحونيبس نومي كان ثقيل .... بس سبحان الله كان الله كتب لي عمرجديد وهم راحو بعدها مارجعوا راحو بحادث سير شاحنه طلعت عليهم مسرعه فهد يمسح دموعه اه ه ه ه يالله انك ترحمهم برحمتك انا عايش عند جدتي بأردتي اول شي لانها لحالها في البيت مع خدمتها مافي البيت بنات اتغطى منهم وثاني شي عمامي ماقصروا معي قالوا بيوتنا مفتوح لك اروح لهم زيارة بس لاني ماأقدر أجلس عندهم في بيوتهم بنات وبعد ماقصروا الراتب ابوي يعطوني إياه شهرياً **************************************** بعد صلا المغرب في بيت ام زايد جمان ترتب غرفة الضيوف مجهزه القهوة والحلا المالح ومعجنات ولوازم السهره حتى البارد حاطته و المويه جمان عطت أمها خبر انه بتجيها وحده من البنات قالت أخليكم تاخذون راحتكم انا في غرفتي اذا تبغين شي قالت لأمها ماراح احتاج شي تسلمين يمه سمعت الجرس يرن طلعت للحوش : طيب طيب كاني جايه جمان فتحت الباب دخلت الهنوف مع ولدها وشايله كيس معها : السلام عليكم جمان تسلم عليها : وعليكم السلام ي هلا باست سعد: كيفك ي بطل انت شاطر سعد ابتسامه : أي انا شاطر لانه استاذي الوليد طيب مررره معنا ابتسمت جمان له: شطور سعودي .... انتبهت الهنوف وهي تكلمها الهنوف : هلا فيك زود عادي افتح نقابي في احد هنا جمان : خذي راحتكك مافي احد هنا ... تعالي معي دخلتها غرفة ضيوف : ي حيا الله من جانا الهنوف تجلس بس فسخت نقابهاوشيله ع كتفها (جمان جميله ويحق لك يالوليد ماتبتعد عنها بس صبرك علي يالوليد’’ سعد ولدها عاقل موؤدب جالس يلعب بجواله جمان جلست جنبها وتصب لها قهوه تقدم لها الحلا : تفضلي الهنوف : زاد فضلك الا بغيت اسالك انتي ساكنه هنا وحدك جمان : لا والله معي امي الهنوف وهي تشرب القهوة: اها ... الحمدلله اني شفتك والله ودي انك تشكرين الوليد عني جمان تضايقت لانها نادت اسم الوليد حاف بدون أستاذ: ان شاءالله يوصل الهنوف : ماعليك امر تجيبي لي مويه جمان : جنبك المويه الهنوف : لالا هاذي حاره ابغى ابرد من كذا جمان مستغربه توها حاط المويه وهي بارده بعد : طيب بروح اجيب لك ..جمان طلعت من غرفة الضيوف وفتح الباب الهنوف تراقب كان احد يشوفها تفتح شنطتها طلعت منها كيس صغير.....قامت حطتها في بياله شاي لجمان بودره بيضه وحركتها بمعلقه شافت جمان جات ارجعت مكانها بسرعه ونظفت الطاوله من البودره جمان بابتسامه بريئه: تفضلي المويه .. جمان جلست اخذت بيالتها الهنوف جلست تراقبها: تصدقين المويه لذيذه ترجعك للحياه جمان تشرب من البياله : أي الحمدلله ع نعمة المويه .... تأخذ رشفه ثانيه الهنوف قامت بعد ماتاكدت انها شربت من البياله : يالله لازم امشي الحين جمان قامت : وين توا الناس اجلسي تعشيي معنا الهنوف: لالا مشكورة ماتقصرين ترى اللي اكلته يكفي وزود ماقصرتي تاخذ الكيس اللي جابتها معها تفضلي هذي هديه من سعد ولدي لأستاذ الوليد جمان تبتسم ل سعد: سعد مشكور يابطل راح أقول انه منك سعد : مشكوره سلمي عليه زين جمان : زين الهنوف : يالله ي سعد السواق برا مع السلامه نشوفك مرة ثانيه تلبس شيلتها ونقابها (لهالدرجه في الناس طيبه كذا مسكينه ياجمان جمان توصلها الى عند باب الشارع :حياكم الله الهنوف : الله يحييك ..... طلعت راحت تركب سياره وقالت لسواق :روح بسرعه للمطار جمان سكرت الباب دخلت دخل البيت ********************************* ساعه التاسعه ناصر كان يتمشى بسياره الحمدلله خذت اوراقي و اغراضي من الشركة بكرة اداوم في الشركة الجديده الحمدلله هذا من فضل ربي باقي نخلص من امور السفر ودي اليوم اسافر بس احاتي اختي رحيل اخاف ابوي يزوجها غصب عنها مثلي الخوف اكثر اذا كان ولد عمي والله اذا ابوي سواها إعلنها حرب اهم شي اختي ماتاخذ هالسكير يقطع سرحانه اتصال من خالته : هلا خالتي امرري ام فارس بعجله : مايامر عليكك عدو بس ابغاك تودي بنت بنتي نور المستشفى تعبانه خوالها موهنا لو ماجيت في بالي كان مااتصلت عليك ناصر بزعل: افا ي خاله موعادتني ولدكك زعلت خلاص ام فارس : لا والله انتي وليدي اتشرف بعد ناصر: لالالالا زعلان منك ام فارس بعصبيه خفيفه: نويصر وبعدين معك وقتك تزعل البنت بتموت علينا ناصريبتسم : أي اللحين عرفت اني ولدك مسافة سكه وانا جايك بجيب معي اختي رحييل علشان تروح معي ام فارس : أي مومشكله انا انتظركم ناصر سكر من خالته وغيرطريق رجعت البيت ناصر اتصل ع رحيل يكلمها علشان تروح معاه "*********************************** في شريكة ابوعامر المكتب حقه فخم طابع عليه لون البني وذهبي هو في شركة نائب المدير عامر جلس في المكتبه مسك قلم يشخبط فيه ع الورق خطوط دائره وهو سرحان ابتسم توه عمي مسكر مني يبلغني انه بكرة لازم نسوي تحاليل اخييرا حلمي بيتحقق باقي خطوه وتصير سعاد حلالي يالله تيسر امورري انا سعيد جدا اليوم ودي كل العالم يكون مبسوط معي ولابعد بكره بشوفها واللي اسبوعين ماشفتها اشتتقت لها ياليت تحس فيني شوي والله شكل راسك عنيد ي سعاد بس انااللي بلينه و بروضككك ****************************** ناصر واقف قدام بيتهم ماسك الدركسون : يلا ي رحييل ترى انا عند الباب انتظركك لاتتاخرين رحيل تلبس عبايتها بسرعهه: طيب دقايق .... أي بعد بعطي أمي خبر اني بطلع ناصر :أوكي المهم لاتتاخرين رحييل : زين ..... تركض بسرعه من غرفتها الى الدرج ام ناصر كانت بتصعد فوق الا قابلت رحييل وقفت قبل لاتصقع أمها: ووش فيك كذا.. بطير دنيا علشان تركضين تسالها بأستغراب ....وين بتروحين لابسه العبايه رحيل تتنفسس : أي يمه انا مستعجله لانه ناصر ينتظرني برا لانه بناخذ نور بنت بنت خالتي المستشفى ماعندها احد يوديها ام ناصر : طيب لاتتاخرون رحيل بعجله : طيب .... طلعت بسرعه سكرت باب البيت راحت ركبت السيارة وسكرت الباب: تاخرت عليك ناصربعجله علشان مايتاخرع خالته : لا ...... حرك سياره مبتعد عن بيتهم رحيل تسسال: وش فيها نور ياقلبي عليها مشتاقه لها ناصر يلف يمين الا في وجهه إشارة حمراء وقف : ذي وقتها الإشارة اوووف ... ماادري عنها خالتي تقول انها تعبانه مالقت احد يوديها المستشفى اتصلت علي رحييل : أي ....... طيب أمها وينها عنها ناصر موطايق هالزحمه واختى تكمل عليه باسالتها: وش دراني انا شايفتني ولي امرها علشان تساليني عنها رحييل : لا قلت يمكن قالت لك خالتي ناصر: لا ......يعني لاتسالين بعدها رحييل فهمت انه اخوها مايبغى يسولف بعدها ساد صمت السيارة أضاءت الإشارة بلون الأخضر حرك مسرعه متجهه بيت خالته ******************************* في بيت ام زايد تحديد في غرفة المعيشه جمان جالسه وحدها تتابع مسلسل حاطه التلفزيون ع صامت ....... تكلم نوف ع الواتس تسال بتداوم بكرة ولا لا حست بمغص خفيف قالت عادي باكل بنادول ويروح توها بتقوم الادنيا تدور براسها حذفت الجوال راحت تركض للمغاسل ترجع تحسس سكاكين تقطع في بطنها قالت وش اكلت انا من المغرب مااكلت شيء بموووت وجهها صار احمر حرارتها ارتفعت طلعت من الغرفه وهي ماسكه بطنها : بموووت تمشي يمه وينك يمه ألحقي علي يمه بموووووت ........طاحت وغمى عليها كـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــت اهم شي تعليقاتكم تشجعني اعطوني توقعاتكم ادري القفله خفيفه صح < النحشه ماتشوفون الاغباري هههههه أتقبل رأي الناقد والحاقد ...الناقد يصحح مساري الحاقد يزيد إصراري ما احلل ولا اسامح اللي ينقل الرواية بدون ذكر اسمي هايدي فتاة صحراء سبحانك اللهم وبحمدك، أشهد أن لا إله إلا أنت، أستغفرك وأتوب إليك، لا إله إلا الله وحدهُ لا شريك له، لهُ الملك وله الحمد وهو على كل شيء قدير. بقلم : هايدي فتاة صحراء 
 
|
|
02-07-2018
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
الله يعطيك العافيه على الطرح
اللي كله ابداااااااع حضوري شكر وتقدير لك ولاهتمامك في مواضيعك اخوك نجم الجدي
|
|
 
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
