احط لك العشا

مانكبنا غير بعض امثالنا اللي نصدقها وكن اللي حاطها نيوتن مو واحد فاضي ماعنده لاشغله ولامشغله

غير صرف حكم مجانية من جنب القده، زي المثل اللي يقول ان اسهل طريق الى قلب الرجل بطنه،

هالمثل خلا الحريم عندنا شغالات حشي اكل في بطون رجالهن لين طقهم الضغط والسكر والكلسترول،

هذا اذا كانت تطبخ ولاتجيب الاكل من اقرب مطعم اسهل واسرع لأن الاخت ماتعرف تطبخ

وتقرف ان الخدامة تطبخ ونص اكلهم من المطاعم،

ولاعاد فيه مشروع ناجح اكثر من مشروع توصيل مطاعم وسط حوارينا،

تشوف هالدبابات وسيارات المطاعم ماغير تخافق بين الحواري شغاله توصيل اكل،

وش خلانا بلشانين بكبر كروشنا غير حريمنا اللي ماعندهم مواهب زوجية ومعلومات

غير ان بطنك هي الطريق الوحيد الى قلبك، اللي مصلحها ربي منهن أول ماتدخل عليها ماعندها غير كلمة: احط لك الأكل؟

ماتقول ياهلا بهالطلة والا نور البيت والا فديت مهند حقي، ابد ماتعرف تغازلك غير بسالفة احط لك الاكل،

واذا صارت رومانسية مرة تسألك قبل وش ناوي تعشى اليوم؟ هذا اطلق ماتعرفه حريمنا عشان يدلعون ازواجهم،

ويستغربون من كثر الطلاقات وكثر العوانس، ويحملون الرجال المسؤولية

وتلاقيهن بمجالسهن متفقات ان الرجل هو ساس البلاء وانهن مظلومات وساكتات،

وهن لو تقارنهن بالزوجات في دول ثانية كان طلعن راسبات ولالهن دور ثاني!

امتناني وشكري لك على هذا الطرح
محتواه جميل
ونال الاستحسان

وهذا دليل ذائقه راقيه جدا أدت
لظهوره بهذا الشكل

لك كل احترامي وتقديري



اخوك
محمد الحريري

الله يعطيك العافيه على الطرح
اللي كله ابداااااااع


حضوري شكر وتقدير لك
ولاهتمامك في مواضيعك


اخوك
نجم الجدي

يعطيك العافيه

طرح رائع
يعطيك العافيه

لازم نسوي واجبنا اتجاه زوج

يابشر باي لغة تفهمون هذا قسم نقاش وحوار مو موضوع عادي انتم ادارة عليا ايش بقيتم للاعضاء العادين المسالة مومسالة نسخ ولصق ايش هالردود حللو الفلوس اللي تدفع بسريفر الموقع
حتى الواحد لو يتسلى ولامايلقى وقت ليرد ياجل او يترك ذي واجهة المنتدى

بالنسبة لموضوعك ياجنون
نقطة التعذية هذه فعلا مهمه المشكلة حتى الابناء بالمدارس لاجينا نراقب افطارهم جدا موصحي يسبب له السمنه و الامراض بالمستقبل
انا استغرب من عدم مبالاة الام والاب الامر مومسالة جهل بالعواقب بس النفس فيها شي موصح
وبعضهم جاهل لدرجة تصدم يظن الشفاء والعافية بشربة عسل وخلطة اعشاب موقته
بس الصراحه المسائلة للزوجة وين دورك ومعرفتك
والله قلته من قبل سبب انتشار الامراض المزمنه عندنا الاكل الغير صحي اللي ينعد بالمنازل بدرجة اولى والمطاعم بدرجة ثانيه وكله بسبب الجهل
صحيح اوقات النية طيبه بس ماتكفي ولاتحمي من الامراض وخاصة لااستمرت بالاسرة تصبح وراثية وهذا يدمر استمرار الاسر وقوتها

*،




آنتقاء مميز .. مَ ننحرم من جديدك

يسلمو ع المرور