 |
|
|
11-07-2016
|
#51 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
فتح تركي باب البيت يبي يطلع الا وصوت أبوه يناديه .. التفت واهو يذكر الله بداخله وقال : سم يبه ؟
أبو تركي : تعال أبيك شوي قبل ماتطلع ! تركي مواعد خالد وأخوياه بالبحر هالوقت بس ضغط على عمره وراح لأبوه .. دخل أبوه المكتب ودخل تركي وراه وسكر الباب وقعدوا أبو تركي بصرامه ولو ان عيونه فيها الاهتمام : شلون اختك ؟؟؟ تركي : ماشي حالها الحمدلله أبو تركي : متى ناوية ترجع البيت ! تركي : خلها يبه بكيفها .. أكيد مب عايشة هناك على طول بس خلها لين ترتاح وبعدين ترجع أبو تركي : وانت تأيدها على هالشي ؟؟ المفروض كلكم تحثونها على الرجعة وتذكرونها باختها واخوها المحتاجين لها .. مب تسايرونها كن الدنيا سايبة ! تركي واهو يحاول يحافظ على هدوؤه : يبه منال تعبانة .. طول عمرها تضغط على نفسها عشان اخوانها لين خلاص ماعاد تتحمل .. ولو رجعت بترجع للنكد والمشاكل خلها تروق كم يوم زيادة ومصيرها ترجع .. أبو تركي : اي نكد ومشاكل ؟؟؟؟ هالمشاكل ماتجي الا من تحت راسها .. ولا لو انها تجاري الوضع وتمشي الحال كان سلكت الأمور من زمان !! تركي بهدوء : يبه ليه مو نوال الي تجاري الوضع طيب .. منال اهي بنت البيت وتحس ان هذا مكانها قبل نوال .. وانت تدري ان نوال فعلا ماتطيقها.. ابو تركي : ماكرهتها من الباب للطاقة .. ولا شوف وش حليلها من نهى وائل تركي بخاطره .. بلاك ماتدري وش تسوي من وراك !! وقال بتنهيدة : الغلط مشترك بينهم يبه اثنينهم مايتحملون بعض .. ابو تركي : اختك ماتحمل أحد ولا انا ابوها اجي بيت أبوي وماتنزل تسلم علي !! ماتقولي هذا شمعناه ! الا انها قليلة حيا وماعرفت أربيها ! تركي : يبه هي مانزلت لأن نوال كانت معاك وماتبي تشوفها ابو تركي : اسمع ياتركي ! قلها مايصير السبت الا وهي بالبيت وماعندي كلام ثاني فاهم ولا لاء ! تركي بضيقة صدر : يبه خ .. ابو تركي بانفعال : انتهى الموضوع ياتركي ! لاتخليني اتصرف معها تصرف ثاني!! تركي بقهر : لا تكفى يبه يكفي الي سويته ! أبو تركي: اهي الي أجبرتني والا من متى أنا أمد إيدي على بناتي تركي : صار الي صار .. وبحاول أقنعها أبو تركي واهو يطالع ملابسه : رايح البحر ؟؟؟ تركي ضايق صدره خلاص يبي يطلع ويرتاح من هالتحقيق وقال : ايه متواعد مع خالد والشباب .. أبو تركي واهو يهز راسه : خالد .. ماشاء الله خطب بنت خالته تركي : اي الله يتمملهم على خير أبو تركي : آمين .. وعقبالك ! تركي ابتسم واتمنى يصارحه هالوقت بالي بخاطره .. حاول يجمع الكلمات عشان يقوله انه يبي عبير .. ما أمداه يجمع كم كلمه الا قال أبوه : اذا نويت تخطب فبيت عمتك مفتوحلك ! تركي بصدمة : عمتي ؟؟؟؟ أبو تركي : ايه عمتك سعاد تخير حدا بناتها .. وجدان او بشاير .. بس وجدن أكبر وتناسبك أكثر تركي واهو حده مصدوم : بس يبه بنات عمتي صغار .. ومافكر فيهم أبد و ... أبو تركي : الزواج مايعرف صغير ولا كبير ياولدي .. ممكن الصغيرة تتكيف مع الزواج وتعيشك بسعادة ماتقدر عليها وحده كبيرة ! تركي : اي بس يبه أنا بصراحة أبي ع .... أبو تركي واهو يمد ايده : لا تجادل وانا ابوك الحين .. هالموضوع سابق لأوانه ولاجا وقته تناقشنا ولو اني ماشوفلك غير بنات عمتك سعاد الي كنها أم لكم من يوم طلعتوا على هالدنيا حس تركي ان شوي وينفجر .. مابقى الا زواجه يحدله من الي ياخذها !! ارتاح ان أبوه أجل الموضوع لأن بقلبه حريقة من بدا الحكي مع أبوه لهالوقت .. طلع من عنده واهو يتذكر أبوه الطيب الحنون .. لازال هالانسان ساكن بداخل أبوه لكن انطوى خلف قناع متحجر تكوّن من يوم مات أمه .. أه يايمه ليتك ترجعين وتشوفين الشتات الي صاير بيننا .. ليتك ترجعين تزرعين الأمل بقلوبنا وتضميننا بحنانك وتنسينا همومنا .. لو كانت امي فيه كان صارحتها بالي بقلبي .. كان قلتلها يمه أبي عبير بنت عمي وكلمي ابوي يخطبها .. كان تم كل شي على هواي من زمان .. مو الحين الي نرتب الوقت ونرتب الكلام ونحسب الظروف عشان تتم حقونا ! اتحجرت الدموع بعيونه .. ورفع راسه للسماء واتنهد من قلبه وقال : الله يرحمك يمه وركب سيارته ومشى للبحر .. وين مايرمي همومه وسط قاعه .. ويطلع كل الي بخاطره بمصارعة أمواجه :: وصل البحر ولقى الشباب متجمعين .. وقف سيارته ومشى لهم .. شاف نفس الشلة المتوعد عليها بس هالمرة لمح شخص غريب .. مشى واهو يتبين ملامحه وبالآخر عرفه .. هذا بدر خوي ناصر غريبة شجايبه معانا ! سلم عليهم وقعد .. فيصل : الحين ليه قاعدين ؟؟ امشوا نطلع البوت لا تغيب علينا الشمس ناصر : عيب عليك فيصلوه احشم ضيفي على الأقل ! فيصل واهو ينقل عيونه بين ناصر وبدر : وانا شقلت الحين ؟؟؟؟ ناصر : تبينا نركب البوت وبدر قاعد معانا ! فيصل : وشالمشكلة انا مو فاهم ! بدر ليه مايركب معانا ؟؟ بدر واهو يضحك : لا خذوا راحتكم انتوا وانا بامشي .. فيصل : لا والله ماتمشي تعال معانا ترا والله بتستانس ناصر باستهبال : بلاك ماتدري عنه هذا تلوع كبده مع الامواج ويجيه دوار ويخرب علينا ام الطلعة بدر : الله واكبر عليك وانت ذا الي همك لاخرب عليكم بس تركي : جد يابدر ماتحمل البحر ؟؟ بدر : اي والله من يوم وانا صغير لاركبت بوت جاني دوار وتعبت خالد : يوه والله انك محروم من أحلى متعة صالح : اي والله زين اذا ماتمشيت بالبحر وين تتمشى؟ بدر : لا انا اهتماماتي غير ! صالح : ماشاء الله وش اهتماماتك بدر بجرأة : دورني بالاسواق وبالشوارع اذا عجبتني وحده حطيتها براسي مايهنى بالي لين أطيحها ناصر تفشل من خويه الي مايهمه أحد .. وفيصل قال : يالله يابدر بنات الناس مو لعبة ! بدر : بنات الناس ذولا لو اهم خايفين على أنفسهم ماصاروا عرضة للكل .. تلقى الوحدة بشكلها وعبايتها ومكياجها كنها تقول تعالوا غازلوني ! واذا قربنا منها صرخت (( ويقلد صوت البنات : ياحكير ! خالد ولؤي طالعوا بعض وضحكوا بخفة وماعلقوا .. وناصر قال : يالله عاد يابدر صح كلامك بس الأخيرة الي بالشنا فيها ذي محترمة ولا عرضت عمرها ولاشي وهذاك مآذيها بدر : ياحبيبي من قالك مآذيها ذيك انا باتزوجها ! ناصر : ههههههههههههههههههههههههههههه ياكبر احلامك (( ويحكي الشباب : تصورا شاف وحده بالسوق .. ضحكت مع اختها واهو من ذاك اليوم ماغير يسولف فيها وبشكلها وبضحكها وصوتها لا وآخر التطورات يبي يتزوجها تركي الي عرف السالفة من ناصر قبل بس طبعا ماعرف منهي وقال : يابدر ان كان عاجبتك رح اخطبها بس لاتأذيها باتصالاتك ترا ان دروا أهلها بتكوت صدمة لهم لأنهم ماراح يستوعبون انك انت تبيها وبتزوجها بيفهمون انها علاقة وبس بدر : ومن قالك اصلا انها ترد علي وتعطيني وجه ! هي مره الي ردت وليتها ماردت مسحت فيني البلاط بس ولو .. نفورها مني علقني فيها أكثر ومو مرتاح الا اذا خذيتها صالح باستهبال : القلب معاك وداعيلك فيصل انقرف من هالكلام وقال : طيب نرجع لموضوع البوت بتركبون ولا شلون؟؟ بدر : ههههههههههههههههههه الظاهر تبي تصرفني انت فيصل ماعاده مستسيغ وجوده وقال : ودي تجي معانا بس لو مابغيت احنا ودنا نستغل الوقت وممكن نتقابل باليل بدر : زي اجل ماعطلكم .. وسلم عليهم وراح واهم ماظيعوا دقيقة ركبوا البوت وانطلقوا بالبحر .. صيد .. لعب بدبابات البحر .. سباحة .. متعة لاتفوقها متعة مع النعمة الإلاهية .. نعمة البح ر ! وبعد ماخلصوا تفرقوا.. الا تركي وخالد وصالح راحوا كلهم لبيت الجد وين مالعيلة كل ابوها متجمعة هناك ! دخلوا مجلس الرجال وسلموا على عمانهم الي ماريحوهم من تعليقاتهم على أشكالهم وحمار عيونهم وجيههم .. وبمجلس الحريم .. منال مانزلت والكل تضايق منها يعني مكبرة الموضوع ولاتبي حتى تشوف عماتها وتشوف أحد ! اما البنات عبير وفتون وجدان وبشاير ونهى أخذتهم السوالف والضحك متناسين أي أمور ثانية ممكن تعكر عليهم أجوائهم .. بعد العشا راحت وجدان للمغاسل وغسلت وقبل ماتطلع زينت شكلها وتعطرت طلعت وشافت عبير واقفة عند المدخل تطالعها وتبتسم وجدان وهي تسبل عيونها : شفيك معجبة ؟؟؟ عبير بابتسامة : مافيها شك.. تهبلين ! وجدان : ليتني أجي ربعك بس عبير : والله مو ناقصك حلى ماشاء الله عليك وجدان واهي تغمزلها : يعني في مجال أنخطب ! عبير : هههههههههه يتمونك أصلا وجدان واهي تمسك قلبها : آآآآآآآآه ياليته صدق يتمناني ! عبير خفق قلبها حيل واهي تحس وجدان تقصد تركي ولقتها فرصة تعرف عن الي بينهم وقالت بابتسامة بريئة : وجدان منهو ؟؟ وجدان : منهو الي منهو ؟؟ عبير بضحكة : منهو الي ليته يتمناك ! وجدان ولع وجهها وقالت بحيا : ولا أحد ياعبير انا بس كذا أجاريك عبير : على مين ياجوجو .. لا أنا متأكدة ان فيه أحد قوليلي ترا يمكن أساعدك وجدان : ياليت تساعديني بس ماظنيت لان اخته نفسها ماقدرت ! عبير وهي تحاول تتحكم بانفعالها : اخته ؟؟ مين من قرايبنا له اخت .. امم .. معقولة تركي ! وجدان وهي تمسك قلبها بذوبان : آآآآآه لاتقولين اسمه أموت ولعت عبير من الغيرة بس حاولت تضبط مشاعرها واهي تقول : ياحليلك ياوجدان تحبين تركي ؟؟ وجدان : أموت فيه مو بس أحبه .. عبير ضغطت على جوالها بقوة وأنفاسها بدت تتسارع وقالت : واهو يحبك طيب ؟؟ وجدان : اهو درا عن حبي أصلا عشان يجبني ! ارتاح خاطر عبير نوعا ما وقالت : غريبة مادرا احسكم دايم مع بعض وطلعاتك انتي واهلك معاهم معقوله ماحس ! وجدان : ماحس ياعبير ولا شكله بيحس لين أصرخ بوجهه وأقوله اني أحبه .. احسه معتبرني مثل نهى .. وكم مره وسطت نهى انها تلمحله بسؤالي عنه واهتمامي فيه بس مافيه مخ (( وتأشر على مخها وتقول : هذا مقفل !!!! عبير مع انفعالها المكبوت وغيرتها الا انها ضحكت على خفة دم وجدان .. وارتاح خاطرها ان حب وجدان مخفي عن تركي وان تركي يعاملها كأخته .. بس باقي تتأك من محبة تركي لها .. سمعوا أصوات الحريم جاين يغسلون .. دخلت عبير واهي تقول : ابعدي يالهيمانة خليني اغسل .. ضحكت وجدان وطلعت وعبير حطت جوالها على طرف المغسله غسلت وطلعت واهي تسترجع كلام وجدان .. ياحليلك ياتركي شفيك مو حاس بالي يحبونك ؟؟ ولا انت مستوعب كبر قدرك بقلبونا .. وانك انسان مو عادي .. شفيك مو مصدق ان فيه ناس تحبك وتهيم بهواك وتموت باليوم الف مره كثر شوقها لك .. !! كنت رائع يوم ماحسيت بوجدان .. ولو انك ماقسيت عليها وكنت اشوف بعيوني طيبتك معها .. بس كنها اختك .. لكن انا ياتركي لاتعاملني كني أختك .. أنا أحبك وبكل احساسي أتمناك .. وصلك شعوري ولا تبيني أعترفلك بلساني .. وياترى لو اعترفت .. وش بيكون ردك .. اتذكرت مواقف كثير هالحظة وآخرها الي صار بالمستشفى .. معقولة يكون ردك .. وانا بعد .. أحب ك ! انتبهت انها قاعدة لحالها تفكر وماحبت تلفت النظر وقامت وانضمت للبنات بعدها بشوي قام الكل يتوادع .. تركي ظل لين راحوا كلهم ودخل يبي يشوف منال .. مر من المغاسل الي كانوا فيها ولمح شي يلمع .. عليها .. قرب وشاف جوال !! مسك الجوال وقلبه بإيده .. ناعم وصغير ومبين انه لحدا البنات مو الحريم لأنه مره بنوت .. حب يعرف جوال مين وراح للأرقام المخزنة .. أول رقم كان " أغلى حبيب " رفع حاجبه مستغرب ! بس يوم قرا الرقم ماكان غريب عليه .. طلع جواله وقارن بين الرقمين لقاه رقم عمه ! ابتسم يوم عرف انه جوال بنات عمه ياعبير يافتون .. باقي يشوف رقم وحده منهم اذا مخزن فهو للثانية .. ويوم شيك لقى رقم فتون مخزن وخفق قلبه يوم عرف ان الي بين إيده .. جوال حبيبة روحه عبير .. لم الجوال لصدره واهو ياخذ نفس عميق .. يحس آثار لمساتها عليه وريحتها فيه .. حط الجوال بجيبه وقر ان اهو الي يوصله لها اول مايطلع النهار
|
|
 
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
