 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
07-01-2022
|
||||||||||||||||||||||||||||||
|
||||||||||||||||||||||||||||||
رواية صغيرات على الحياه البارت الواحد والثاني والعشرون
//الباااارت 21//
وداد : كذا ياعساف كذا .. .. بغمضت عين كل شي تنهيه لها الدرجه هنت عليك *.. .. وأنا اللي أحسب انك ماتبدلني بكنوز الأرض،آه آه ياقهري طيب ليش قطعت آخر خيط بينا وسافرت وتركتني ليه ليه... طالعت نفسي بالمرايه الحين أنا هالكه نفسي عليه بكا وهو ولاهمه سافر واستانس والله أعلم كانه تزوج أولا! وطرت ببالي فكره كيف ماسويتها من زمان أهو له أكثر من شهر من تركنا وأنا جالسه كذا مكتفه يديني لازم اروح لازم اروح.. *** تركي : كنت بسافر وراه وبنبش الأرض لين اطلعه .. .. بس قلت خلاص إذا هو فضل الهروب فهو بايع البنت بايعها والجري وراه مامنه فايد .. ووداد أبرك لها حاليا ان الموضوع يهدا ويبرد لحد ماالكل يتناسا وش ورا سالفت الطلاق .. .. الكل يظنها نفس حتى أهله وأخوانه بس انا ماراح انساها وبدور وراه لين أحصل حق اختي أنا واثق منها أشك بنفسي وما أشك بها بس ماأدري وش سمع عشان يسوي كذا؟ أكيد أحد حاكي له فيها .. .. مو الكلام * مفعوله أشد من السحر؟ *** جواد : شفت وسن ترمي التلفون بعد مارجعنا لشقتنا .. .. وتمسك راسها وتبكي بهستيريا رميت كاس المويه اللي بيدي وجريت لها بسرعه.. جواد : وسن أشفيك؟ تكلمي أحد من اهلنا صارله شي؟ .. وهزيتها بعصبيه : تكلللللللمي من *اللي ماااات؟ هزت راسها بنفي: وكن عندي امل يعني محد مات؟ هزت راسها :لاااا لاااا لااا ليته* مات ولاسواها.. جواد بشوي راحه كل شي يهون قدام الموت،مهما كان كايد.. جواد : حسبي الله علآ من روعك بهالمغربيه،عزالله ماكسب فيك خير.. وش صار يابنت الحلال ؟ وسن : عسافوه عسافوه الدب طلق وداد أختي.. جواد : من جد صدمني الخبر .. .. ماأصدق لو وافي وحنين يمكن من يومهم حياتهم مو مستقره بس عساف كيف؟ هذا مايناديها قدامنا إلا ودادي دودي ام الريم استغفر الله... قربت منها أبي اضمها :* .. يابنت *الحلال تعوذي من ابليس هذا الشيطان داخل بينهم ولاتعوذو منه دحروه ورجعو مثل ماكانو بس لايضيق خلقك.. وسن بعد ماهدت شوي رجعلها تفكيرها المجنوون ان هاللي حاظنك أخو اللي طلق أختك.. وسن : بعد عني شايف سوايا أخوك فاختي وجاي تضمني بعد.. جواد بنبرت تحذير حاول يخفي غضبه فيها : .. وسن أعقلي وأنا وش دخلني باخوي حياتنا مالها علاقه بحياتهم لاتربطينا ببعض ابد يتزوجون يتطلقون .. يتهاوشون يتصالحون .. يسوون اللي يبوون مالنا دخل فيهم.. وسن بعد ماأستشاط غضبها ولسانها رجع لطبيعته أللي تخلآ عنها في حضور الجواد غالباااا أنت مالك قلب؟ أنت ماتشوف؟ وشلون مالنا بهم.. وببكاء ررررجعني أهلي ررررجعني .. جواد بغضب عجز يسيطر عليه : مافيه رجعه لا اليوم ولا بكره آلا بعد سبع سنين .. وطلعت متنرفز وشلون صار هالشي وماقالو لنا ومن اللي قال لوسن اكيد مو أحد كبير يكون وليدووه؟ أخذت نفسي وطلعت من الشقه لين تهدا أعصابها ودقيت ع عساف جواله مقفل .. .. بعدها دقيت ع حمد اخوي عشان افهم السالفه بس مدري ليش ماأقتنعت بكلامه أحسه مو منطقي.. *** وداد استأذنت من تركي عشان أروح بيتي سابقا الم باقي أغراضي .. .. ورحت أنا ونوره* وصلنا البيت ومن دخلت وأنا أحس بنار تحرق جوفي .. .. هنا ذكرياتي أنا وعساف هنا قلت له عن حملي هنا .. وهنا كان يجلس عشان يشرب قهوته .. .. وهنا مكتبه، وهناك كان يلعب الريم وهنا وهنا... نوره : قربت من وداد وضميتها خلاص ياقلبي اللي الله كاتبه لك بتشوفينه وكان الله قاسم لك .. .. *.. *عيشتن معه عشتيها غصب عن الكل لاتضايقين نفسك وأنتي ماتدرين وين خيرت ربك فيه.. وداد : مسحت دموعي وطلعت غرفتي وقلبي يدق دق أحلا ذكرياااتي بها الغرفه الله عليك ياعساف.. * أخذت باقي أغراضي وفتشت بالغرفه شبر شبر وبملابسه ومكتبه يمكن ألقآ شي يديني أو يثبت برآتي بس للأسف مالقيت شي لميت أغراضي وقبل لا أمشي تذكرت شي: اللاب توب حقي *.. وألبوم صور زواجي رجعت أحوس عليها مالقيتها طالعت بزاويه مكتبه شفت التجوري معقوله إلا أكيد البوم الصور فيه بس وين اللاب حقي؟ يكون خذه معه .. !ماأظن .. ! طلعت وأنا ناويه أقول لتركي يكلم أهله عشان يجيبونه لي.. *** وافي : من درت حنين عن طلاق عساف وداد وهي حاشرتنا حشر.. *ومعصبه ع طول صحيح هي من قبل كذا بس زادت بشكل موطبيعي.. أنا مقدر حالتها بس عاد مو لها الدرجه لازم تخف شووي .. بس بخليها لبكره أنا اليوم تعبان وماني رايق بكره بجلس بالبيت ماني رايح للمكتب وأشوف سالفتها.. : وافي : اتصلت بحنين بجيبها من الكليه بس قالت بترجع مع محمد ووداد .. وجلست بالصاله انتظرها ابغى أشوفها قبل ماأنام أنا راجع من الدوام بدري عشانها.. حنين : طول الطريق وأنا ساكته وسرحانه والعبره خانقتني .. *** ووش بتكون ردت فعلهم لادرو؟ وافي أكيد بينبسط هو خسران .. حاجه؟ ** طيب أمي .. ! .. والله مستحيه أقولها؟ وأبوي .. وأخواني .. وخواتي ..* وأهله؟ *.. احراج احراج جد احراج وماصحيت من هواجيسي إلا لمن قالت وداد انزلي وألا عاجبك تكييف السياره تنهدت وخذت كتبي ونزلت .. وافي : سمعت صوت خبط قوي ع ألارض .. .. *التفت بسرعه شفت حنين راميه محاظراتها بالأرض وفرشها وألوانها خبطتهم ع الجدار وقربت منها بشوف شفيها بس .. .. *كانت اسرع مني رمت نفسها *بحضني وانهارت تبكي، ..* وأنا خلاص اعصابي فلتت وراح *.. فكري لابعد حاجه .. يكون أحد جايه شي حادث أو موت؟ * يكون عشان تأخر عليها محمد؟ يكون ؟ *.. لا لا مستحيل مستحيل يكون أحد تعرض لها مثل سواقنا أوسواق اهلها مثلا؟ .. طار عقلي من هالافكار السوداويه مع انها مررت بثواني.. وبعدتها عن حضني وهزيتها بعنف .. وافي :داشفيك أحد تعرض لك!اعتدى عليك مثلا؟ردي؟ هزت راسها بنفي *.. .. وتطمنت شوي حتى لو احد مات بيضل أهون عندي من ان احد يتعرض لها.. قلت بهدوء لاينقصه العصبيه : .. وش فيك طيب وش مشكتك.. حنين : تحاول تمسك نفسها* الاستاذه كسرت الجره اللي صارلي أسبوع ازين فيها .. .. قدام البناات وشرشحتني قدامهم تقول شاريتها جاهزه.. وافي :هههههههه بس هذا علا بالي مصيبه.. حنين : هزت راسها بنفي ورجعت تبكي أكثر وبتردد *..*أنااااا حااااامل وافي ببتسامة فرح :* *.. طيب قولي** *الحمد لله غيرك يتمناه مايحصله.. حنين بعد مابسط لها وافي الموضوع : .. الحمد لله بس عيالنا لسا صغااار بعدين مستحيه أواجه الناس واهلي واهلك .. وافي : وليش ان شاء الله مسووين غلط؟ .. ووش عالملاام ؟ بعدين بدل المربيه اجيب ثنتين وشغاله بعد .. .. وتدللي آمرري بس وش تبين.. حنين : كله منك أنت السبب وافي يغمزلها : وأنا أقول أنتي السبب في آني أكون السبب هههههه.. حنين : أوف احراج نزلت راسي وكل الكلام والسب اللي كنت معبيه راسي به عشان أقوله له بلعته ببطني وانطميت.. وافي : هههه احب احراجها شكلها وهي محرجه يبسطني مشيتها لغرفتنا عشان اراضيها بطريقتي الخاااصه.. *** جواد : وسن من جاها خبر طلاق اختها وهي متغيره .. .. كله ساكته وسرحانه نفسي ترجع مثل قبل حتا لو طولت لسانها .. .. بس سكوتها كذا يقهرني شفتها سرحانه كالعاده وحاطه يديها تحت دقنها وثانيه رجل ومتكيه عليها والثانيه مادتها تعمدت وأنا امر من جنبها أوطا رجلها الممدوده.. وسن : آآآي ماتشوف رجلي جعلك العمى أنت وهالعيون كبر ع *.الفاضي. جواد استانس علا ردها:* انتي اللي غلطانه موقفه والاشاره خضرا ودعمناك ماشفنا والخطا ففتي ففتي.. وسن : أووف بس منك أنت وأخوك الطول طول النخله والعقل عقل الصخله.. جواد : قربت منها ومسكتها من شعرها ولفيت يدها وراها منهو الصخله؟ وسن:آآي العفو انت مو صخله* صخل ههههه.. جواد : شديت عليها أكثر طيب مافيه فكه لين تقولين وسن صخله وجواد *. .عمي الشيخ .. وسن : طل بوجهك تحرا بس *.. *وفكني عورتني ياخبل جواد : بس انا عاجبني الوضع أذا ماعجبك الوضع تعرفين تخلصين نفسك.. وسن : ارخيت جسمي وسبلت بعيوني كنه بيغمى علي .. .. ولما جلسني ع الكنب وراح يجيب عطرومويه خذت الريموت وحذفته عليه وسكرت باب الغرفه وأنا ميته ضحك عليه .. .. هالغبي تعلمت اسوي هالحركه لا صرت ماحليت الواجب ياحلووو هذيك .. الايام.. *** عساف : قالي حمد لماكلمته ان وداد تبي البوم صور زواجنا ولاب توب حقها.. قلت : الالبوم تحلم ارجعه لها واللاب توب بمكتبي ومفتاحه بدرج سيارتي.. خل تااخذه وتشبع من هواهاا .. 
 
|
|
07-01-2022
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
//البارت 22//
عساف : مشتاق مشتاق مشتاق .. ..!رغم اللي صار بعد مشتاق ريحة عطرها وشذا أنفاسها قاعدها اشمها الحين .. إهي سلبت قلبي وعقلي وروحي وما رجعتها .. داست على قلبي برجولها وما احترمت حبي ورجولتي .. صدق من قال : ..وماالحب إلا للحبيب الاولي؛ باقي وتنتهي عدتها اسبوعين إلا ثلاث أيام بالضبط وبعدها تنهد .. كل حي يروح لحاله... بس الريم وش وضعها؟ *.. انا ماآمنها عليه *.. بينتهي انتدابي بعد شهرين لأنه تكنسل من سنه لست شهور.. *** وسن : ياربي أنت وش تاكل ليش ريحتك خايسه أعوذ بالله .. .. لو ببطنك فار فاطس ماجت هذي ريحتك أوف قرف.. جواد : اعصابك ياالفواحه ماشين ريحته إلا أنتي .. ناس معفنه ماتعودت على عطورات باريس ولاعلى عود كمبودي *.. حدك تعبئه الامارات ام مية ريال.. وسن : تكفى لاتكلمني أحس برجع لاشفتك لايكون تزرط لحم خنزير من وراي؟ جواد : أووف عيشه تجيب الهم رضينا بالهم والهم* *مهوب راضي فينا.. لا أكل سنع .. ولا ملابس تغسل مثل خلق الله .. .. ولا حكي يوسع الصدر يارب صبرني،وأجرني في مصيبتي،وأخلف لي خيرا منها.. وسن : عاد وش حدك على الهم ود الهم لاهله وافتك.. جواد : وش اسوي باهلك مبصميني على عقد بأصابعي العشره ان البضاعه لاترد ولا تستبدل بعد الاستعمال حتى لو كانت الأتلاف بسيطه.. وسن : طيب بلاحكي ماإلو طعمي .. .. متى بنزل السعوديه.. جواد:لا صار ولدي بأول ابتدائي.. وسن : لاعاد اكلمك جد ياخي مليت خشتي بخشتك 24ساعه جواد : خلاص بعرفك علا مرت زميلي هي مو من سنك بس اعرفك بتحدينها بجهه .. .وافي : أتصلت بعمادة *القسم وشرحت للعميده اللي صار لحنوو .. .. وقدمت نفسي علآ إني محامي مو زوجها عشان أخرشهم وتأسفت الاستاذه ووعدت ان درجتها كامله،وان اللي صار مايتكرر.. حنين : شفت الاستاذه طلبتني بالاسم اجل في مصيبه .. لكن تفاجأت لما حضنتني واعتذرت وأن البنات طفشوها وجت الحره فيني.. رجعت مع ابوي لبيتي وشفت وافي جالس بالصاله ركضت له وضميته .. .. وعطيته أخباري مع الاستاذه لاني عارفه إنه ورا السالفه.. وافي : عاد تراها بيزنس از بيزنس.. حنين باعتراض : لاااا،كيف.. وافي قلت وأنا احط يدي ع بطنها:إنك ماتغثين هالأمور وتعصبين به كل شوي.. حنين بدلع وخجل من عصبيتها الزايده هاليومين . *: انت عارف نفسيت الحامل ومزاجها المتقلب عاد لازم تحمل وتراعيني.. وافي بدقه : وش دراني بنفسية الحامل .. .. هذا أول تجربه لي مع وحده حامل .. واحنا بنتحمل بس هالصغيرون وش ذنبه؟ حنين بضيقه نزلت راسها بعدت : آآآسفه.. وافي يحاول يغير جوها : سحبها *.. يابنت خلي الدلع وتعالي نومي دايخ مره.. ،حنين بدلع بعد ماحاولت توازن نفسها:لاوالله ا الحين الدلع وألا انت؟ وافي : شنسوي نحب دلع الدلوعات فديتهم.. *** جواد : من جد طفشت من هالوسن .. .. كله كووم وانها تعاملني كأني حشره كووم ثاني .. حتى بالفراش شوتتني للصاله ولما حاولت اجبرها رجعت حتى حليب امها.. بس شسوي~إن شقيت شقيت جيبي،وأن ابديت ابديت عيبي~ مقدر أشكيها لاهلي أو أهلها وأنا اللي شبيت عليهم .. .. وحرمت وحليت لين خذتها ولو جيت اشكي لهم بيتفلوون بوجهي.. *..وصدقاي مقدر اطلعهم على اسرار بيتي مهما كانت الميانه بينا خاصه إنها بنت عمي.. مالي إلا أدعي أباالافراج يفرجها من عنده.. جلست ع النت اللي صار هو زوجتي وشريك حياتي ع الأقل مايسبني ويسولف علي.. وأنا ابحث شفت بمنتدى عام وحده تسأل عن الحمل،أعراضه،ووو... شدني الموضوع مع إني قبل ماأفكر حتى مجرد تفكير افتح ع شي زي كذا.. تركت الجهاز مفتوح وصوت لها.. وسااااااااااااااااان وسن:وصمه اسمعك أنا مو بالربع الخالي.. جواد بنفس متسارع : البسي حجابك بنطلع مشوااار.. وسن : بس هذا اللي مناديني له وخر بس برقد ابركلي.. جواد يحاول يصبط اعصابه : أقووول امشي قدامي إنا آمررك مو أترجاك.. وطلعنا وصلنا المستشفى وصارت قلقه لمن شافت الاطباء والممرضات.. وسن : جوادوه ليش جايبني هنا؟ جواد : ابد عادي روتين .. ..!تعرفين احنا ببلد منفتح مو محافظ والامراض الله يستر تنتشر بسهوله باخذ لك تحليل وأتطمن بس أنا حللت امس.. انطوت عليها الكذبه والتحليل بيطلع العصر رجعنا وأنا اعد الساعات والدقايق والثواني ع العصر أخاف يجيني أحباط وأنا مأمل بهاالشي مع إنه لسا بدري وبدري مرره بس غصب عن الواحد لاتزوج يبحث عن الابوه بلهفه حتى لو كان عادي قبل لايتزوج.. وسن : وش فيك مو طبيعي ياخي أحولت عيووني وأنا اطالعك رايح جاي.. جواد :انتظر مكالمه مهمه.. وسن : أخس ياالمهم .. .. طيب انتظرها وانت جالس عاد لافرفرت بتجيك بسررعه.. جواد : توني برد عليها بس دق تلفون الشقه ورديت بلهفه وأنا عيني على وسن.. وسن : ياشين الجهل .. الحين مدري لو كان يسبني وأنا أقلب هالراس مافهمت من حكيه إلا وسن سعد التركي .. ويس ونو خخخ وفجأه رمى السماعه من يده وبلمح البصر طيرني بالهوا مبروك مبروك مبروك وسونتي .. وسن : نزلني ياالمطفووق بعدين استوعبت كلمة مبروك.. وبفرحه جوادوه عسافوه رجع وداد؟ جواد:لا ياحبي قلنا مالنا شغل بأحد.. وسونتي توتو بالطريق حامل حامل يا قلبي.. وسن : أكذب لو أقول مافرحت غصب عني حسيت بزي الطير اللي يرفرف بجناحه في قلبي قلت بنفسي وأنا خجلانه منه الحمد لله،الحمد لله . جواد : حسيت بفرحتها من ابتسامتها الخجوله .. .. وهذا اللي زاد فرحي فرح كونها فرحانه بشي مني يربطنا .. فهذا يدل على إن لي معزه لو بسيطه بقلبها والجاي اكثر.. وسن :لاتعلم احد اهلي أو اهلك.. جواد : ليش أنا ابي افرحهم.. وسن :لا فشله وش بيقولون عنا؟ جواد:ههههههههه سنة الحياه زواج وعيال وتربيه ونزوجهم بعدها نرجع مثل ماكنا واحنا عرسان راسي وراسك.. ***
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
