الزمن طبعــهـ كــذا

وبمكتـب أبـو ياســر ...
ابـوياســــر:ادري أنك متضـايق من اللي صار بس صدقنــي كل اللي سويـه لمصلحتك أنت وأخوانك ,,لاتخـاف ناصــر عمـره ماراح ياخــذ مكانتك بالشركــه مهمــا صـارت نسبة اسهمــه بالشــركــه ولاتنســى أنك نائب رئيـس مجلس الأداره فـلاتخلـي موضـوع سخيــف زي كـذا يأثــر على شغلـك,,وعشــان تـرضــى هـذ ملف المنـاصقـه الجديـده اللــي ربحــتهـا الشـركــه وراح نجنــي من وراهــا ملاييـن وخصــوصـاً أنا بنكـون المـورد الوحيـد فالمنطقــه كلهــا كل الصلاحيــات لك ســو اللي تبــي فيهـا ومحد راح يعتــرض طـريقـك ...
ناظــر ياســر أبــوه بفــرحــه هـذا كـان حلــم لـه :مشكـــور طال عمـرك ,,ومالــك الا اللي يبيـض وجهـك ..

وعــــلى الغـداء كانت الحــرب قائمــه بيـن سامــي وهديـــل,,,
أم ناصــر :سامــي خلاص اسكت عن أختك ,,خلنا نتغـداء بهدواء..
سامــي :لاااه كله علي أنا هي اللي تحــر ش فينــي ..
هـديـل :كذاب أنت اللي بديت ...
عـادل باستهبــال:خلاص لا أنت ولاهـي أنا اللي بديت ...
أم ناصــر بتحذيـر:عادل ,,اللي يتكلم اللحيـن يويلــه ...
جلست هديـل تاكل وهي شوي وتبكــي ,,وسامـي يناظـر فيهـا ويسـوس حركات تقهــرها..
هديــل :يمــه شوفيه ..
أم ناصـر :سامـي وبعدين معك ...
سـامــي :خلاص ماراح اسـوي شي ,,وسكت وجلس يأكــل ..
وهـج :لا سالي هذا كاســي ..
سالي :لاياشيخـه هذا حقــي ...
وهـج :والله حقـي أنا من اليـوم اشـرب فيـه ..
أم ناصــر :لاحـول ولاقوة ألابالله ,,خلصنـا من الكبـار بدوا الصـغار...
جنـــى :ههههههههههههههههههههههههههههههههههههههههههه,,وش فيك يمـه عكستيهـا ...

أم ناصــر :وانتي مايفوتك شـي ,,وش اسـوي دار راســي منكـم ..
سـالي :وش هـذا ليـش ماحطيتو لي كأس بايـش أشـرب يعنــي بالملعقــه ..
عادل:ه ه ه ,,ماتضحك ..
سالي :صدق سخيف ماتشـوفنـي طايحــه بورطـه تجلس تتريق علي ..
أم ناصــر :الحمـدالله والشكــر سويتيهـا ورطـه قومــي جيبي لك كأس وريحنـا من حنتك ..
سالــي :أنا سالـي ,,بنت صالح الـ.......,, اولااو أقــوم من الغـداء عشـإن اجيب كأس مويـا ...

وهج :ميــري ,,ميــري ..
سالي :وش تبغين فيهــا ..
وهج :ماتبغين كأس انتي ..
وبعد ماجت ميــري :جيبــي كأس ورجعيــه ...
ميــري :وت ...
وهج :جيبــي كأس ورجعيـه ...
سالـي:هههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههه..

وهـج :وجع ليش تضحكين ,,وانتي روحي جيبي اللي قلته لك ...
أم ناصــر :الحمـدالله والشكـر وليش ترجعــه ..
وهج :وش ترجع ..
سالي :والله أنك غبيــه تقولين للأدميـه جيبـي كأس مويا ورجعيه ...
وهج بأستغــراب :انا قلتـه ..
جنــى :لاجنيتك اللي قالتــه ,,ايه أنت تو تقولينــه ..
وهج :والله أنا قلتـه ...
سالي :قسم بالله قلتيــه ...
وهج :كله منكم طلعت براســي قرون من هرجكم وأنا تونتي صاحيــه من النوم ...
سالي :لاتحطين كل شــي علينا قولي أنك خرفتــي...
وهـج وهي تحرك الشوكه بتهديد قدام وجهـا:ساليوووووه حلي عني مو ناقصتك ...
أم ناصــر :خلاااص ,,أنتو على كل كلمـه تخانقـون ...
وبعـد صمت دقائق ..
سالي :سامــي ,,ساميوووه ..
سامــي اللي مندمج بالأكــــل :هااااه ...
سالي :بسك أكل بتنفجــر ...
أم ناصـــر :سالــي ,,قولي آآآميـــــن ...
سالي :آآآآآآميـــــن ..
أم ناصــر :جعلك لرجـــل الله يعقلك ...
سالي :ليـه وش قالولك مجنـونه ,,بعـدين كم مــره قلت لك ,,لاتدعين اني اتزوج ..
أم ناصــر :ولايهمك بكــل صلاه بدعيلك ..
سالي بنرفــزه :يوووووه مالقيتي إلى هالدعــوه,,, أجـل حتــى أنا بكــل صلاه بدعيلك بالرجــل ...
أم ناصــر:سالــي ياقليلة الأدب ..
سالــي :ياربي هذي جزاتــي أني بدعيلك ,,ولاوحـده بست عيال من يبيهــا ..
أم ناصــر :سالي ومــرض انشــاءالله وش هالكلام ...
سالي:ههههههههههههههههههههههههههههههههههههههههههههه هههههههههههههههههههههههههههههههههه..محد قالك تباريني تدريــن لساني متبــري منـــي ...
وهج :الأعتــراف بالحق فضيــله ...
سالي:أحلــى يم الحكـــم ,,بأي مقــرر قريرتي هالحكمــه ...
وهج وهي تهــز راســه بملل:سالــي واللي يرحــم والديك اسكتــي ..
سالي :وأن ماسكت ..
وهج وهي تقوم :الحمــدالله ..
سالي:اجلســي ماتغديتي,,جنـى ماودك تلحقينهـا ..
أم ناصــر:لا أنا اللي بلحقهـا ..وقامت ..
سالي:واااااااو ,يالله عادل سامي قوموا ..
عادل وهو يوقف:أنا بقــوم ,,بـس سامي لاتحاوليني ماهو قايـم ..
جنــى :اقووول خالتــي مو كنك من جلستـي تكلمين ماشوفك تأكلين ..
سالي :ليه انتي جالسه تراقبينـي ...
قامت هديـل وبعدها سامي ,,وبقــى جنــى وسالي على الطاولـه ..
سالــي بشرود :جنــى وش قصده بالكلام اللي قالـه ..
جنــى وهي ترفع راسهـا عن الأكـــل:ميــــــن !!
سالي:ياســـــر...


نهــــــايــة الجــــــزاء الســــــادس....
لاتنســـــون توقعـاتكم للجــــزاء الســابع ,,,

سلاااااااااام ...

الجـــزاء الســابــع ,,,
الفصـــل الأول,,

ســــالي :توك تفطنين تقولين لي ,,اذامنتــي ناسيـه تراه أبوي مثل ماهـو أبوك ..
أم ناصـر بعد اهتمـام :طيب انتي وش اللي مزعلك ,,وش كنتي بتسوين لودريتي أمس أو قبلـه ..
سالي :لوكنت داريـه قبـل ,,فكرت لي بعذر اتعذر فيـه لاسألني ليش مارحت له يوم طلبني ...
أم ناصــر:اقول سالي اذا كنت فاضيــه انا عنـدي شغل كثــر شعر راسي فنقلعي عنـي ..
طلعت أم ناصــر ,,وجلست سالي بالصالـه وهــي ميتـه قهـــر مسكت الرموت وقعدت تقلب بالقنـوات ..

دخــل ناصــر البيت وكانت السـاعه الخمـس عصـر ,,وشـاف سالي على حالتهـا ذيك ..
ناصــر :السلام عليكم ..
سالي :وعليكم ..
ناصـر وهو يجلس بجنبهـا :هذا وجـه بتقابلين أبوك فيــه...
سالي :وش فيه وجهــي مو عاجبك ..؟؟
ناصــر :لاااا..
سالي بعصبيه :احسـن وانشاءالله عمره ماعجبك ...
ناصـــر :ول وش فيك صايره كبريت ,,وبعدين عن طولت اللسان ,,وانا اقووول منين جايبه جُنـى طولت اللسـان ...
سالـي بسخـريه :لا أحسـن تعال طقنـــي ...
ناصــر :سالي ,,لتخليني اقـوم احوسك اللحين ...
سالي :نصور مالك دخل فيني لاتنســى أني خالتك ...
ناصــر وهو يضحك :لا مانسيت وذا شي يتنسى ,,فيــه أحد ينســى خالتـه اللي اصـغر منه بـ 8 سنوات ...
سالي :اقـول ناصــر ماتدري اذا كان سعيدان بيجــي معـه ....
ناصــربضحـكه :حسبي الله على بليسك اللحين خالي سعد اللي عياله طولك صار سعيدان ...
سالي :اذا سألتك جاوب على قد السؤال ..
ناصــر بسخريـه :حاضـر خالتي وآسف على الخطـأ ,,ايه بيجـي ..
سالي :أنا مارحت لأبــوي عشان ماشـوف شيفتـه يجـي مع أبــوي ليش ...
ناصــر:اصلاً هو ذراع جدي اليمين وين ماراح معــه ...
سالي :اصلاً مالاعـب براسي ابوي غيــره ,, بحســره:لوكان سعـود موجود ماصار كل هذا ..؟؟
ناصـر:سالي ترا خالي سعد أخوك مثل ماخالي سعود أخوك ..
سالـي:لا ماحزرت أنا ماعندي الا أخــو واحد وأخــت وحده بــــــس ...
ناصــر:طيب ماقلنـا شي انا ماعرف شي عن خوالي وخالتي الثانين بـس خالي سعـد طيب معك ..
سالي :أقول ناصــر خلني ساكته أحسـن,, ولا أقــول خل أعلمك عشان ماتكون نايم على اذونك ,,تدري أن سعــد كان ماعارض أبوي وماكان يبغاه يسدد ديوان أبـوك الله يرحمــه ...
ناصــر بصـدمـه ــل خالي سعد يسوي كذا ....
سالي:ويسوي أكثــر من كـذا ...
ناصـر:كيف.. خالي سعــد ماني مصدق ؟؟..
سالي:الا صــدق ,,,وازيدك من الشعــر بيت كان يقول لأبــوي يكتبك على اوراق عشان اذا رجعت حقوقكم من عند عمك ترجع لهم الفلــوس بـس أبـوي ماعبـره وسوى الي املاه عليه ضميــره ...

أم ناصــر اللي كانت تسمــع الكلام من بدايتـه :سالي بـــس ..
سالـي :لاتطالعيني كذا أنا ماقلت الا الصدق وبعدين إلى متـى بيبقــى على عمـاه خليـه يعرف خوالـه زين ...
أم ناصــر :المواضيع اللي تكلمين فيهـا انتهت بوقتهـا ماله داعي نفتحهــا ونرجع نعيد ونزيد فيهـا ...
ناصــر:خلاص سالي مايحتاج أفهــم أكثــر الكلام اللي بتقولينه لي وصــل ..

طلــــع ناصــر ,,جت أم ناصــر بتكلم بــس سالي طلعت من الصاله وهي تقـــول :مو وقتــه خلي الخطبــه لبكره الجمعـه ..

أم ناصــر :حسبي الله على أبليسهــا من بنت مدري وش ذكرها بهالمواضيــع ,,وبتنهيده طالعه من قلبهـا:آآآآه ياسالي متــى بتعقلين وتخلين هالعناد اللي فيك ...

دخلت سالي على وهــج اللي كانت تذاكـــر ,,تجهت للدولاب طوالي ,,
سالي :وهج تعالي اختاري لي لبس يثور شياطين سعيدان ..
وهج بغباء :سعيدان مــن ..؟؟
سالي بملل:سعيـدان خالك ...
وهج :اووووووف ,,وبعدين معك وش ناويــه عليــه ..
سالي :ولا شــي بس ودي ارفع ضغطــه شـوي ,,تعرفيـن هذا تخصصـي رفع الضغط ...
وهج :يافضواتك ياشيخــه فيــه أحد عنده امتحــان احصــاء يوم السبت ويفكــر بشــي سخيف مثل هذا ...

سالي :الشـيء السخيف هذا يسليني اكثـر من ملزمـة الاحصـاء ,,بعديـن انتي ماتحسين بالسعاده الي اشــعر فيهـا وأنا اشــوف اللي قدامــي شـوي وينفجــر من الغيـض بسـببي ..
وهـج:طيــب روحــي طلعــي مواهبـك بعيـد عنــي ...
سالـي :ترا بنتدميـن بعـدين أنك ماساعدتيني ...
وهـج وعيـونها بالكتاب:محد بيندم بالآخيــر غيـرك ...
سالـي بهباله :كني سامعــه الجملــه من قبل بس مدري ويـن ...
وهـج بسخـريه وهي تحرك حواجبهـا فوق:سامعتهـا قبـل يوميـن ,,وهي تقلد سالي :من ولد فطـوم بـس بشـكل ثانـي ..

تغيـر وجـه سالي يوم تذكـرت الموقـف وجلست تحوس بدولابهــا وهي مو مـركـزه وبعصبيـه,,وفجاءه صرخت سالي ومسكت يدها اللي صك عليـه باب الدولاب حست الدنيـا دور فيهـا بعـديـن فقدت الوعـي وماعلى لسانها إلى كلمــه وحـده :جبان ماي قدر يسـوي شـي ..

صحـت على صياح وهـج بسياره وهم رايحين المستشفـى ,,,صـرخت سالي بألم يوم حاولت تحرك يدهـا,,وهج من بين دموعها :سالي صحيتي..
سالي:آآآآآي ..توجعني ..
ناصــر:اصبري شوي نوصل للمستشفى...
سالي بصراخ :كيف شوي ونوصل وانت تمشي على بيض حرام عليكم حسوني فيني بموووت من الالم ...
زاد ناصر سرعتــه حتى يفتك من صراخ سالي وقطع كذا اشاره...

بعد ربــــع ساعــه كانــوا بالمستشفـــى,,,
سالي بألم وبصراخ :حرام عليك ياحقيـــر اترك يدي ,,,الله ياخذ روحك فكهــا,,يمممممممممممممه ...
دكتور مصـري كبير بالسن :يابنتي اسكتي خليني اشوف عملي ...
سالي :اتركك عشان تكسر ايدي ,,اتركها خلاص مابغى تعالج عندك ,,يامصـــررري اتركها ..
الدكتور بالضحكــه :طيب ياسعوديه دقايق بس اصبــري انتي ماتبغي الالم يروح ..
سالي :مابي,, مابي شي ,,بس خل ايدي ,,وصـرخت بالم يوم ضغط عليها الدكتور بقوه :آآآآآآآآآآآآآآآآآآآآآآآآآي يامجـرم ,,وسحبت يدها منــه ..
ناصر بعصبيــه :سالي بس خلي عنك حركات البزران وخلي الدكتور يشوف شغله ...
سالي :مابي غصب ..هي ايدي ولا ايدك..
عطـاهـا ناصــر نظـره والتف على الدكتـور: شوف شغلك بســرعـه ...

دخلت سالي البيت أول وحـده ,,ناظـرت لأم ناصـر وعيالـها اللي جالسين ينتظرونهـم بالصاله تحـت ,,سالي :اكـرهه اكــرهه ..
أم ناصـر وهي تناظر بيدهاالمجبسه:من هو هـذا وش علـى يدك ..
سالي بقهـر :ومن غيره ولدك الكريـه نصـور ,, بعدين شفتو تقول يدي سمعتـي وهج تقول يدي مو يده ...
جنــى :والله مو ذنبــه انك خبلـه فيـه أحد يصك على يده الباب ..
أم ناصــر :جنـى وش هالكلام,,ماتشوفينهـا تعبانـه ..
سالي :لاخليهـا تعبـر عن مشاعرهـا,,هاه هديل سامي عادل أحد عنـده كلمــه يبي يقـولهـا عادي ترا هذي فرصتكـم أي واحد عنده حساب يبي يصفيـه معي هذي فرصتـه ,,صدق قالوهـا الاوليـــن لاطاح الجمـل كثـرت سكاكينــه ..
عادل :ول عليك حتـى وانتي تعبـانه لسانك شغـال ,,أمنيتي بهالحياه يطلع لي لسان مثل لسانك
أم ناصــر:بـس ياعيـال اسكتـو عن خالتكم اللي فيهـا كافيهـا ...

وقامت سالي اللي كانت دايخــه ومو حاسـه بعمـرها طلعت تنــام..
سـامي بصوت واطـي لعـادل :اقــول عدوول مالحضت شــي غــريب بخالتــي سالــي ..

عادل :لا وش يانبيـه زمانك ..
سامـي :خالتي رغـم كل اللي صارلهـا مابكـت ولانزلت دمـعه ..
عادل ومسوي فيهـا فاهم :اسمع ياخـي سامــي بحكم خبرتي الطويلـه,, فأن السحالي من فئـة خالتــي ترفـض اظهـار مشـاعـرهـا امام الآخــرين لأن هـذا فيــه جـرح لكبريائهـا وتنقيـص من كرامتهـا من وجهـة نظـرهـا ..
سـامي باستخفاف لعادل :اقـول مو كنك مصدق عمـرك أنت وفصحـائك المكسـره ..
جُنــى:هي أنت وياه كفـايـه حـش تراني موجوده ماطلعت ..
سامـي :والله ولافكـرنا نحـش فيك ..
جنـى بغرور :أكيـد ماتقدرون تخافـون منـي ..
عادل:أنت ليه تكلمت نفختهـا علينـا ,,اصلاً ماتطرين على بال عشان نحش فيك ..
اذن العشــاء ,,,
أم ناصــر:اذن العشـاء وابوي ماجـاء ,,عادل اتصل فاخوك شوف ليه تأخـروا ..
عادل وهي يقوم: مايحتاج اتصـل صوت سياره اكيد جو ..
سامـي اللي يطالع مع الدريشـه :ايه جو ..
طلع العيــال ومعهـم أم ناصــر للمجلـس ..


هـديـل:بروح معهـم ..
جُنــى :روحــــي محد بقايلك لا ..
هديـل:انا ماقـولك عشان تقولين لي روحي اقولك عشان تجيـن معـي ..
جُنـى :اذا سالي اللي هي بنته ماراحت تبين أنا اروح بعدين ماهو من حبي لجدي عشان اروح استقبـله ..
وهج :جُنــى وش قاعـده تقولين ,,انتي خبلــه تقوليـن لهديـل البزر هالكلام ..
هديل وهي تحط يدهـا على خصـرها :لاتقـولين بزر أنا كبيـره وافهــم ,,وأكبــر دليل ماعلمت أمـي بالي صار يوم رحنا الفيصليـه وش قالت خالتي سالي لياســر بالسيـاره...
وهج اللي جرت هديل وجلستها جنبهـا:هديلوه انتبهـي يزل لسانك وتقولين لأحــد هالكلام ...
هديـل :ليه وش شايفتنـي بزر,,يالناس افهمـوا أنا كبيــره واعـرف اشيـاء كثيـره بـس اطنش بكيفـي وناظرت جنـى بمكـر وقالت :صح جنــى ..

بالمجلـس كان الترحيب قايم على اصـوله ..
ابـوسعــد (جد ناصـر) :ويـن سالي يأم ناصـر ماجت تسلـم علي ..
أم ناصـر بحزن :سالي توهـا جايـه من المستشفــى ودخلت غرفتهـا تنام دايخـه ..
أبو سعـود بخوف:ليه وش فيهـا ..
ناصـر:مافيهـا شي طال عمـرك بس باب الدولاب سكـر على يدهــا وديتها المستشفـى وجبروها لها..
أبوسعد بعتب :الظـاهر ياهيلا منتي مهتمه بأختك زيـن ..
سعـد بدفاع:ليه هي بزر اداريـها الاهي المطفـوقـه ,, تلقاه انكســر اصبعهـا وهي عاد دلوعه الا تلقـاها متعبه أختهــا ومثقله عليهم ...
أم ناصــر:لاهي متعبتني ولا شـي ,,سالي بغلاة عيالي عنـدي ..
أبوسعـد :لاتكلم عن أختك كذا والله لو هي وحده من بناتك ماقلت عنهـا هالكلام ..
سعــد :والله مافاضحنـا وموطـي روسنـا بين النـاس الا هلأخــت ...


سالي اللي كانت واقفـه على الباب تسمـع كلام اخوهـا عنهـا:دامنـي فاضحتك بيـن الناس وش تحتـري تبـر منـي وخلص عمـرك اصلاً عمــري ماعديتك اخوي ولايشـرفنـي اتـكون أخـوي ..

أبـوسعـد بانفعـال :سالي ,,هذا طريقه اللي تستقبلين فيهـا أبـوك ..
سالي وهي واقفـه بشـموخ :أنا آسفــه يبــه بـس انا ماعاد اتحمــل كلام ولدك ...
سعـد :قص لسـان يقـص لسانك ياقليلـة لأدب أنتـي شكله يبليك تربيـه من جديد ...
سالي :والله اللي رباني هو اللي رباك فأذا انا قليلة أدب ........فكملهـا زي ماتبي ,,ولبيب بالأشـاره يفهم ...
أبو سعـد بصـدمـه :سالي ..

بـس سالي طلعت من المجلـس قبـل ماتسـمع تعليقهم على الكلام اللي قالتـه ..

سعـود :وش فيك سـرحان ..اللي ماخذ عقلك يابو الشباب..
ياســر:والله ماخذ عقلي غيـــر المشــــروع الجديد والصلاحيــات اللي عطاني ابـوي ,,وبفـرحـه :تدري اني بالمشـروع هذا ملكت رقاب كثيـر من التجـار اللي يلعبـون بالسـوق وصاروا تحت رحمتـي ,,تعـــرف وش معنــى انا احتكـرنا حقوق هالمشــــروع بالسوق السعـوديـه ..
سعـود بملل :مافهمت ولا ابـي افهـم ,,ياخي من ركبت معك السياره وانت اتعيد وتزيد بهالموضـوع...

ياسـر:موضروري تفهم المهم انا فاهم ..
سعـود :اووووف تكفـى غير الموضـوع ترا مللتنــي,,وعلى فكـره ترا بكـره برجع جده ..
ياســر اللي وقف السياره على جنب الشارع:لاياشيـخ بكل سهـوله جاي تقولي
برجع جده بكره ..
سعـود بسخريـه:ليه الشيخ ياســر عنـده اعتــراض ..
ياســر:يالله عاد سعـود لاتكلم معـي بهالطريقه ,,بعـديـن وش عندك بجـده يوم انك مستخف عليهـا ...
سعــود:وش اسـوي ياخوك بالقلب الهـــوى غــربـي والقلب عاشـق جده ..
ياســر:بعــد هوى امريكــا صار الهوى جـده ..
سعـود:وش فيهـا جده عروس البحـر ...
ياســر:مافيهـا شي بس خلك معـي يوميـن بعـد ,,جده بمكـانها ماراح تزحزح شبـر ...
سعـود بتريقـه :لا اخاف اجي القاهـا داخلـه البحــر تسبـح ..
ضحك ياســـر وتحرك بسيارتـه بسـرعه وهو يردد مع راشـد الفارس :
كلهـا ايامي وليالي واحضن كفوفك ياغالي ..
انتا ياعمري وروحي لحضه ماتفارق خيالي..
لاتشك بالي يحبك اسأل عيونك وقلبــك..
ياما غيرك فيني حاول بس قلبك مايبالي..
اليالي تغيب عني حبك لوحدك سكني ..
انا ماعندي بدالك وانت ماعندك بدالي ..
كلها ايام وليالي ,,كلها ايام وليالي ,,

عادل :تصـدق ماتصورت خالتـي سالي بهالقوه ,,والله طلعت بنت عن مية رجال ,,الصـراحه كنت اتمنـى عندي كاميـرا بذاك الوقت عشان اصـور وجـه خالي سعـد ..
سامي :تكفـىلاتذكرني ترا بضحك قدام الرياجيـل ,,اقول قوم صب القهـوه شوف ناصـر كيف يخزك...
عادل:اوووف طفشت هالشيبان مايرون قهـوه مدري ناصـر من وين مجمعهم ,,قم أنت صبهـا انكسرت يدي ...
سامـي بسخـريـه: زملاء الشغـل,,لاماقـدر يدي اليسار فيهـا شد مقدر امسك فيهـا الدلـه ..
عادل:وانت ماعندك الاهالعذر ,,بقـوم قبـل مايقـوم ناصـر ويدوس في بطني ..
أبـونايف :شلـون يعنـي مانتي موافقـه ,,ولد عمك مافيــه عيب عشان ترفضينــه ..
فاتن بدمـوع التماسيح :يبـه أرجوك مابي اتزوج اللحين ابي اكمل الدراستي ..
أبونايف :واللحيـن من قال إن الزواج بيمنعك من دراستك كملي دراستك وانتي متزوجه ..
فاتن وهي تزيد جرعة الدموع :يبـه ارجـوك افهمنــي مابي اتزوج ,,اذا تزوجت اللحين بتتأثـر دراستـي وأنا مابي شي يخرب على دراستــي...
ابـو نايـف:خلاص تملـكون اللحيـن وذا خلصتــي دراستك نسوي الزواج ...
فاتـن بانفعـال:لا مابي اللحين ملكه مابي اتزوج ,,الله ياخذ مابيــه ..
ابونايف :قصري صوتك لاترفعينه بوجودي ,,انا عارف إن هذا مو كلامك كلام الحيــه أمك بـس بعـدهـا تسـوي اللي براسهـا بتزوجـك لولد أخوهـابس دام راســي يشـم الهواء مالك الا ولد عمـك ..
طلــع ابـونايف من المجلـس وترك وراه فاتـن بعد ماحطــم حلمــها بزواج مـن ياســـر ..
جلست فاتن على الارض وهي تبكــي بهستـريا..
دخلت شيخــه اللي كانت تسمـع كل اللي صار نزلت لبنتهــا اللي جالسه على الأرض ورفعتهـا..
فاتـن وهي تبكـي:يمـه ابوي بيغصبنـي اتزوج ولد أخوه ,,يمه انا مابي اتزوج غيـر ياســر ,,موبكيفـه ابوي يتحكم بمصيـري هذي حياتي مو بحياته ....

رفــع ياســر راسـه عن الاوراق اللي كان يوقع عليهـا وتمـدد بكسـل ضرب ياســر راســه وهويناظر لسـاعة يده اللي كانت 1ونصف ...
ياســر :هاه معتـز بقـى عنـدي مواعيـد ..
معتـز: ايه طال عمـرك عندك غـداء عمـل الساعه 3مــع الشيـخ صـالح الـ.....
ياســر:صالح الـ.....,,معتـز تأكد عندك الموعـد معـه ولامـع مندوب من شركتـهم ..
معتـز:لا الموعد معـه هو بنفســه ..
ياســر:طيب روح أنت ,,طلع معتـز وجلـس ياسـر يكلم نفسـه:والله صدفـه غريبـه ,,,اليـوم متفق اتغداء مع سعـود وبدال ماتغـداء معـه بتغداء مع ابـوه,,والله فكـره لو أخذه معــي وخليـه يقابـل ابـوه ههههههههههههههههههههههههههههههههههههههههههههه
ههههههههههههههههههه,,مقدر اتصـور شكلـه بهالموقـف...

طلع ياسـر من الشـركه على البيـت غيـر ملابسـه واتجـه للفنـدق اللي نازل فيـه الشيـخ صالح
واللي فيـه موعده معــه وهو يحس بنشـوه وحبـور مالهـا مثيــل ...
كان ابـو سعـد جالس في بهـو الفنـدق مع مديـر اعمـاله وسعـد ولده يتناقشــون بقضايا الشغـل ..
جاهم ياســر اللي عـرفـه مديـر اعمـال ابوسعـد بحكم تعـامل مع ابـو ياسـر ...
بعـــد السلام واخذ الاخبــار وبعـد ماجلسـوا ..
سيف :اهلين استاذ ياســر نورتنـا ..
ياســر:النور نورك ونور الحاضرين..
ابـوسعــد :وش رايكم ندخـل بالموضـوع مباشـره ..
ياســر:زي ماتحـب..

سالي :آآآآآي ماقدر ادخلهــا وهج ساعدينــي ...
وهج بقهـر :الله يفضحك فشلتينـا مالقيتي تلبسين الا هالعبـاه ...
عبيــر وهي تضحك:ياي منظرك تحفـه ولاشكل يدك المنفوخـه تحت كم العـباه لحاله سالفـه ..
وهج :كملت شوفوا من جاء ,,كتمت عبيـر ضحكتها يوم شافت من تقصــد وهـج ..

ابـرار:سلامات سالي ماتشوفيـن شـر ,,
سالي بملل:الشـر مايجيك ..
ابرار:كيفك وهـج ..؟؟
وهج بطريقه عمرها ماكلمت احد فيهـا :زفت من يوم شفت وجهك ...
ناظرت فيهـا ابرار بنظرات لها مغـزى وخلتهم وراحت ...
وهج :مالت فكــه من شيفتهـا..
سالي باستهبال:حرام عليك ليش تعاملين البنت كذا ...
وهج بعصبيـه :مسويه روحك ماتدرين ..
عبيـر:حرام عليك البنت قصدها شريف تبي تصادقك ..
وهج بانفعال:وانا مابي هالصداقــه ,, واذا انتي تبين صداقتهـاروحي لها ...
وجهت عبيـركلامهـا لسالي اللي كانت تناظر الموقف وهي تهز رجلهـا وعلى وجهـا ابتسـامـة رضا:وش فيهـا ذي هبت بوجهـي انا وش قلت ...
سالي بدور الحكيمه :هدوا ماصار شي لتخلون الشيطان يدخل بينكــم...

ياســر بداخلــه وهو يقلب عيونـه بوجه ابوسعد وولده:والله وجتك لحد عندك ياياســــــر....
ياســر:والله كان ودي اخدمكم بس تعرف هذي عقـود واتفقيات وأنا مقـدر الغـي العقـود اللي وقعتهـا مع شركـات ثانيـه ...
سعـد :من قال الغهـا ,,كل شركـه تاخذ حصتهـا وشغلنا غيـر شغلهــم ..
ياســر بمكــر:بس الكميـــات اللي انتو طالبينهـا كبيــره ومانقـدر نغطيهـا الا اذا كنتو لحالكم وهذا بحكـم المستحيـل...
ابـوسعــد :آخــــر كلام ..
ياســر:آسف كان ودي اتعامـــل معكم بس العقــود اللي وقعتهــا مقيدتنــي...
سعــد:بندفــع ضعف اللي يدفعـــونـه,,وحنا بعـد موقعيـن عقود مع تجـار الصغـار وهذي فيهـا سمعـه وخراب بيــوت ...
أبو سعد :وحتــى الوالد مايقــدر يسـاعـدنا..
ياســـر:الوالد معطيني كل الصالحيات وشايل يده من المشروع هذا يعنـي ماراح ينفعكـم ..
سعــد:ولا النسب الي بينـا يشفــع لنـا ..
ياســـر بخبث:الا يشفــع ليه مايشفع ..
ناظـر ابوسعـد بولده باستغــراب من كلام ياســر المتناقض تو يقول مستحيـل ويم جابو طاري
النسب اللي بينهـم غيـر كلامــه ...
سيف وهو يوقف :انا استئذن ..
ابوسعد :تفضـل..
سعــد بعد ماراح سيف :وش قصدك مو فاهمين شي ..؟؟
ياســر:يشرفنــي اخدمكـم بصفتنـا نسـايب ومكـانة ناصـر ولد عمـي عندي كبيــره فمايهـون علي
ارد خوالــه ...
ابوسعـد :كذا بكـل سهـوله ,,موكانك اللي تو رافض مع انا وعدناك نضاعف لك الثمــن ...
ياســر بداخله :لاتخاف باخذ اللي مايقـدر بثمــن ...
ياســربأبتسـامـه :بشـرط واحد اتوقـع ماراح يضايقك بالعكس بيسعدك ...
سعـد بأستغراب:وش هالشـرط ...
ياســر:نقـوي النسب اللي بينـا ...
ناظـروا بعض وهم مو فاهميـن وش يقصد :كيف يعنــي ...
ياســـر وهو يناظر ببو سعـد:يعنــــي يشرفنـي القـرب منك وزواج من بنتك ...
أبو سعـد اللي تفاجيء من طلبـه الغـريب :بنتــي ,,يعنـي بتزوج من وحده من بناتي ولا....
ياسـر يقاطعـه :انااللي عـرف وحده وهــي اللي ابيهـا..

نهــاية الفصــل الاول
من الجــــــزاء الســــابــع ,,,

الجــزاء السابع
الفصل الاخيــر..


رحـاب:احلفــي يعنـي الحين انتي اللي مبلغه عليهم ..
جنـى :ايه تصوري هههههههههههههههههههههههههههههههههههههههههههه..
رحاب:ماشكو فيك ..
جنـىل ولاحتـى طريت على بالهم ..
رحاب :طيب ليه ماقلتي لنا اليوم بالفصل ..
جنـى:لا حبيبتي اخاف احد يسمعنى وحنا مو منتبهين بذاك الوقت من بيفكنا منهم ..
رحاب:معك حق الباب اللي يجيك منه ريح صكه واستريح ...
جُنـى:رحابووه اكلمك بعدين اسمع نويصـر ينادي ...
رحاب:اقول جُنـى وش رايك تزوجيني اخوك عشان تفتكين من حنته ...
جُنـى :لاياشيـخه ,,وش قالولك اخوي طايح بكبودنا عشان تزوجينه ..
وبهالطريقه ارجعت المياه لمجاريهـا بين رحاب وجنــى...
ناصــر:جُنـى جُنـى ...
صكت جُنـى السماعه حتى قبل ماتودع رحاب ,,ونزلت تركض على تحت ...
ناصــر:ساعه اناديك ,,
جنـى تكلم نفسهـا:ومافيه بالبيت احد غيري تناديه ..
ناصـر اللي جالس يتقهـوى ويشوف التلفزيون:وين أمـي ..
جنـى:أمي مع جدي بالمجلس ...
ناصـر:سالي معهم ..
سالي:لا أنا هنـا ..
جٌُنـى:ههههههههههههههههههههههههههههههههههههههههههه ههههههههههههههههههههههههههههههههههههههههههههههه..
سالي بغضب:وش تضحكين عليه انتي وخشتك ...
ناصــر:من حقهـا تضحك انتي شايفـه شكلك بالمرايه ..
سالي:ماشفته بالمرايه شفته بالسمـاء يوم14 ..
ناصــر:جنـى انتبهي تطلعين مثلها بهذي بعد طولت لسان وسكتنا عليهـا غرور بعـد محد متحملك ..
جنـى:لا انا متواضعـه من تواضع لله رفـعه ....
سالي:ترا مو فايقه لسخافتكم ..

دخلت أم ناصــر عليهــم وجلست فتـره تناظر بسـالي بعدين تكلمت :سالي روحـي سلمي على أبــوي قبـل مايمشـي ..
سالي :يووه مالي خلق اشوف أخوك ...
أم ناصـر:روحـي مافيـه الا أبـوي سعـد موفيـه ...
طلعت سالي وهي حاظنـه يدهـا المكسـوره ,,وطلع ناصـر بعـدهـا ...

جلست سالي عشـر دقايق مع أبـوها وطلعت يوم سمعتـه يكلم سعـد وفهمـت أنه برا وبيدخـل قابلته عند باب المجلس,,,سعـد جالس يناظر فيهـا من فوق لتحت كأعتراض على لبسهـا اللي كان تنوره ميد وبلوزه حفــر ,,لفت عنــه ودخلت البيـت ,,هز سعـد راسـه بأسف ودخـل المجلـس سمـع أبوه يسأل ناصـر عن رايـه بياسـر ولد عمـه ...
ناصـر اللي ظن السؤال عشان شغلهم معـه :والله شهـادتي فيـه مجروحـه وسمعتـه سابقتـه ومعـروف عنـه أنه عند كلمتـه هذا بالنسـبه للشـغله..
سعـد:الكلام هذا الكل يعرفـه حنـا نسأل عن اخلاقـه وحياتـه الشخصيـه ...
ناصـر:ياخالي وانت سيد العارفين إن علاقتي بأهل ابوي مو لذيك الدرجـه وصراحه ماعرف عنه غير الي اسمعـه من الناس ..
ابوسعـد وهو يتنهـد :ولد عمك خطب خالتك ..
جلس ناصــر فتـره عشان يستـوعب اللي انقال بعدين تكلم :بس كيف ,,مستحيـل ؟؟
سعـد :هذا اللي صار ولد عمك كان رافض يتعامل معنـى وجلس يتحجج بعدين يوم ذكرناه بالنسب اللي بينا قلب وقال انه بيساعدنا بس بشرط اللي هو يتزوج خالتك ...
أبوسعد:يعني ماقدامنا الا انوافق ...
ناصـر:وخالتي..
سعـد:وش فيهـا خالتك ..
ناصـرل ترضى أكيد بترفضـه مثل مارفضت غيره ..
سعـد بعصبيـه:ومن قال بنشاورهـا غصبـاً عنهـا بتـزوجــه..
ناصـر:جدي صحيح كلام خالي,,
أبوسـعد:ليه أنت عندك حله غيـره وبعـدين ياسـر رجال ومافيـه شي يخلينـا نرفضــه ...
ناصـربأنفعـال:فيــه مليون شي مو شي واحد يخليك ترفضــه ,,بدايه بماضي أبـوه وجده معكم ولانسيت أنه كان رافض زواج أبـوي من أمي ,,وانتهـاء بموقفـه الانتهـازي وهذي مو علوم المرجله إنـه يستغلك ويلوي يدك ..
أبـوسعـد :قلتها لاوي يدي ,,يعني موافقتي مجبور عليهــا مو بأختيـاري ولا أن مستحيـل اعيـد الماضي ,ووماضي ابـوه معـي مايشفـع له ...
ناصـر:جدي ارجوك فكــر أكثــر ولاتبيــعه بنتك عشان الفلــوس...
سعــد بعصبيـه:ناصر اشوفك تعـديت حدودتك لاتنسـى إن اللي جالس تكلمه يصير جدك ...
أبوسعـد:خله ياسعـد ناصـر معه حق ,,ياناصـر لو الموضوع على الفلوس مابيعها بملايين الدنيـا بـس هذي سمعـه واســم عايلـه وعشان احافظ عليــه ابيع مو بنت وحده ابيع عيالي كلهـم عشان احافظ على الاسم اللي بنوه ابوي وجدي ..
صحـى ياسـر على صوت الجوال اللي يدق ..
ياسـر:اووووف وش هالازعاج الواحد مايقـدر ينام ساعتين على بعضهـم ..
رفـع الجوال وشاف المتصـل :وش فيـه سعـود ماذكـره مزعج ...
ياسـر بصوت مليان نوم:نعم ..
سعـود :مابغيت ترد كل هذا نوم ياخي خاف ربك من العصــر اتصـل عليك وانت ماترد..
ياســـر :ليه حنا باي وقت ..
سعـود :لاحوول اصحـى ياحبيبي الساعــه عشــر بالليل ..
ياســر:لامستحيـل والصلاه ,,اوووف محد صحاني,, وبسـرعه :سعود انتظرني بالشقـه نص ساعـه واكون عندك ..
وهج: بسم الله عليك سالي وش فيك ..
سالي وهي حاطه يدهـا على فمهـا:اطلعي برا ..
وهج:وش فيك ..
سالي:حرام عليكم اطلعي مو قادره استحمــل وراحت تركض على الحمــام ...
طلعت وهي تجفف فمهـا بالفوطـه :كم مره قلت لك اكرره البيض ليش ماقلتي انا الساندويش فيـه بيض ..

وهج بغباء :هااه صح ,,نسيت ..
سالي:طيب اطلعي ماحب ريحته ,,والله وهج ماكذب برجع استفرغ ...
وهج وهي تحرك يدها بطريقة اهدي:طيب بطلع ...وطلعت .
جلست سالي على السرير وشغلت شريط شعـر لحامد زايد ...
مابقى الا سود الأيـام تحرمك الرقاد
كيف الاوهام تجرى تسريك مغبـون ..
من متى تجزع من الدمع واتخاف البعاد
من متـى تقفيبك ظنون وتجيبك ظنون
صرت تأخذ كذبتي صدق ومزاحي وكاد
لوبقول اني بخونك تحسبنــي بخون
ماتعرف إن كل شاعر يهيم بكل واد
وأنهم دايم يقولون مالايفعلـون
ابك انا لوقلت ابنساك وانكرت الوداد
والله اني لانسيتك ولاهم يحزنون
من جزع من صفعت الشمس يطمع بالبراد...
ومن فقد وجهاته الخمس يلقابك ركون ..
اعتبرهـا هقوة انسان أو كبوة جواد..
لوبتسمح فانت غالي ولوتجرح تمون..
عدصداتك مروه وطعناتك ضماد ..
خلهن لراحن الطعون ولاردن طعون..
خنجرك يستاهل الطعن ومتوني الشداد..
ومنك يازين الخناجر ويبخت المتون..
وعنــد هالمقطـع صكته سالي وقالت: كذاب ياحـامد ماصدقت مافيه رجـال يحب بنت مثل اللي قاعد تصـوره بقصايدك ,,كريه مثلك مثـل الحقيـر اللي انكسرت يدي بسبتـه ..

:بوووووووووووووووو..
سالي :ماخفت ..
هديل وهي تنسدح جنبهـا على السرير:جدي سافـر..
سالي بحزن :والله بهالسرعـه...
هديل :ايوه,,خالتي .
سالي :هاه..
هديل وهي تأشـر على يدهـا:توجعك..
سالي :اذا لمسهـا شي ..
هديل:خساره لويدك مو مكسوره سويتي لي العمـل حق الفنيـه مثل كل مره صح ..
سالي ابتسمة لها بحنيـه:صح ..
هديل:خالتي لاترجعين عند جدي وابقي معنـى.
سالي باستغـراب:من قال برجع انا بجلس عندكم..
هديل:احس قريب بتتركينـا..
سالي بضحكه :هديل ياحمــاره وش المسلسل اللي متابعتهـا ...
هديـل:مو مسلسل اتكلم صدق..
سالي وهي دزهـا:اقول انقلعي يأم احاسيس انتي ..
هديل:طيب بنقلع بس لاتزفيـن ..

كانوا جاسين بلكونة شقتهــــم ..
ياسـر اللي واقف على الدربزين يطالع الشارع ويدخن :تصور مع مين تغديت اليوم …
سعـوداللي كان جالس على الطاوله :ومع مين أكيد مع أهلك …
ياسـر:وأنت الصادق مع أهلك انت ..والتفت على سعـود عشان يشوف تاثير الكلمه عليه …
سعـود بعدم مبالاه :مافهمــت ..
ياسـر وهو يطفي السيجاره ويجي يجلس جنبـه:كان عندي غداء عمــل مع مندوب شركة أبوك بس تفاجاءت يوم دريت أن أبوك بنفسـه كان جاي ومعــه أخوك سعــد …
سعـود وهو يوقف: بروح اسوي لنا عشاء …
ياســر اللي رفع رجليه على الطاوله :كان ودي اساعدك بس احس عظامي مكسـره ..
سعـود :ايه درينا,, درينا,, ماتقصـر أنت ..
ياسـر وهو يضحك :سعوووووود …
دخل سعود المطبخ وهو يضحك …
وطلع ياسـر جواله من جيبـه وفتحه وطلعت له صورتهـا اللي بالخلفيـه جلس يتأملهـا فتـره بعدين فتح واحد من مقاطع الفيديو الكثيره اللي للحين ماشافهـا كلهـا (كانت نايمه على سرير وسماعات بأذنيها وجالسه تلعب بشعرها وتتكلم مع احد عندهـا بالبدايه كانت تستهبل وتضحك بعدين جلست تكلم بعصبيـه ونرفزه,,,كان يناظر فيها وهو مبتسم بدون قصد كان مره مندمج بالي يشوفـه اكنت كل تصرفاتها غريبه غير متوقعه لابتسمـت ابتسمـت بغمـوض ,,تضحك بسخـريه واستخفاف,, تعصب بتكبر وغرور ,,ماتسـوي شي بعـفويـه كل حركه منهـا محسـوبه وكأنهـا مخططه لها من قبـل…قربت الجوال من عيونـها وكانت تضحك ,,كانت عيونها واسـعـه كحيلـه ورموشهـا طويله ذباحـه,,,خبث الدنيــا كله فنظـراتهـا اللي ترسـل سهـام مسمـومـه لقلب اللي يشوفهـا,,,هذا كان راي ياســر باللي شافـه ,,سالي كانت كلأحجيـه بالنسبـه له اللي لازم يحلهـا ويفك رموزهـا)…
:انتبـه على عيونك لاتدخـل بالجوال …
نزل ياسـر بسـرعه جوالـه …
تقرب منـه سعـود بخبث :ورني وش كنت تشوف …
ناظره ياسـر بأرتباك :ماكنت اشوف شي كنت اقـرأ مسج ..
سعـود: طيب ياللي تقرأ مسج عطني بفتش جوالك …
ياسـر دخل جواله بجيب وقال :دا بعــدك ..
سعـود وهو يمثل الأســف:افاااا ياســر ماتوقعت من هالنوع ..
سفهه ياسـر ودخل ..

قفلت الكمبيوتر وجلست تطالع فيه بقهر متى بيفهم انها تعتبره مثل أخوهـا صدق انه مراهق غبـي بس هي بعد تستاهل ليه تعطيه فرصـه هي كانت تعامل معه بحسن نيه ماتوقعته بيتعلق فيها ويحبهـا ,,رددت الكلمه بقرف :يحبني ,,اووف صدق أنه غبي كيف يحب وحده اكبر منه...
شافت جوالها يرن طالعت بالرقم لقته هو ...
ابتهال بملل:الوو.
وليد :ليش طلعتي لهدرجه موطايقتنـي ..
ابتهـال:وليد وش فيك ماتفهم أقولك تعبانه بنام ...
وليد بحزن:ابتهال ليه تغيرتي ,,من يوم اعترفتلك اني احبك وانتي متغيره علي ,,صدقيني مو بيدي غصباً عنـي أحبك ...
ابتهـال:وليد أرجوك لاتكم معي بهالطريقه اتقرف ...
وليد بغصـه وعيونه مليانه دموع :حرام عليك ليش تعامليني بهالطريقه عشاني اصـغر منك الحب مافيـه صغيـر وكبيـر ...
ابتهـال :خلاص اسكت لاتكلم مليت من هالاسطوانه ,,اوووووووف وليد ترا تحملتك وتحملت سخافتك كثيـر كله مابي اجرحك ابغاك تفهـم من نفسك وتنسحب بس أنت مو راضي تفهم ..وسكرت بوجهه..
جلست تبكــي أبتهــال بألم وهـي تقــول :
اللي يبينــا عيت النفس تبغيـه,,,
واللي نبيــه عيا البخت لايجيبــه ,,,
وش لك ياوليد بالحـــب لاحق على الهــم ,,بايش نفع الحب اللي أكبـــر منك ,,,شوفنــي قدامك لي خمــس سنين أحب واللي أحبـــه ولاداري عنــي ويمكن مايدري أن فهالدنيـا وحده اسمهـا أبتهـال
ليش ياقلبي..؟؟ ليش تحب..؟؟ وتعذبنـي بهالحـب ...
سمعت نغمـة مسج عرفت أنه من وليد كــإن:
الموت...
ماهو لا تكفنت بتراب..
الموت ...
لا فارقت حي تحبه..
واستـمر بارسال المسجات الواحد وراى ثانــي وكلهـا تدل على عمق جرحـه وألمــه ...
عيوني تحجب الدمعه ,,
وعقلي يكتم الهوجاس ,,
وقلبي صابته صدمه ,,
من فرقااعز الناس,,
ــ ـــ ـــ ـــ ــ ـــ ـــ ــ
ادري اتفقنا نفترق "
ادري وصلنا لنهايه"
صدقني قلبي ينحرق"
اعذريني اشقيتك معايه"
ــ ــ ــ ــ ــ ـــ ــ ـــ ـــ
ياحبيبي هزني يوم الوداع.. وافترقنا عقب ماكنا جميع ..
تحكم الأقدار وأمرالله مطاع..ماكتب ملزوم وحنا له نطيع ...
ولاتقول ان الأمل يازين ضاع..يمكن ان الوقت يصفى للجميع...
اغلقت أبتهـال الجوال وجلست تبكــي بألم لأنهـا حست إن وليد في حالة صـدمـه ,,موقادره تتصـور أنها تسببت بالألم لــه ,,طـول عمـرها تعتبره زي أخوهـا لأنهـاكان قريب منهـا مره من يوم كانوا صغـار وبعد ماكبروا مانقطعوا عن بعض بالعكس زادت علاقتهـم وخصوصاً بعد ماتركت أبتهـال الدراسـه علمهـا وليد على النت وصاروا دايم مع بعض يجلسون يتكلمون بالساعات على المسن ومع بعـض فالمنتديات كانوا وليد معها فكل خطواتها يعلمها ويشجعها ...
مـن أربع اسنين وهـي تكلمه بالجوال عمره ماطرى على بالها أنـه يكن لها مشاعر حب ,,لين صدمهـا فيـوم
لماقالهـا أنهـا المقصــوده بخـاطرتـه اللي يعتـرف فيهـا لحبيبتـه ,,فالبدايـه أبتهـال حسبتـه يمـزح بس وليد اثبتلهـا جديتـه يوم تغيـر بمعاملته معها الشي اللي خلى أبتهـال تنصدم بالواقع المــر أن وليد يحبهـا بس مو بالطريقه اللي كانت تمناها كانت تمناه يحبهـا كأخت مثل ماكانو امن يومهم صغـار بـــس الـزمــن اللي لعبتـه تغيـر النـاس كان له رأي ثانـي ....

سالي بشك:ليش سكتوا يوم شفتوني ..
ناصـر:خلصت السالفه اللي كنا نقـولها ..
سالي :وش فيك هاليومين كله بالبيت …
ناصــر:اخذ اجازه ..
سالي:وليه تأخذ اجازه بهالوقت ..
ناصـر :بس كيفي اخذ اجازه بالوقت اللي يعجبني ..
سالي :لامو على كيفك حنا ندرس وانت ماخذ اجازه …
سكت ناصـر وهو يطالع بالتلفزيون ..
سالي اللي انتبهت على أم ناصر اللي كانت سرحانه ومهمومه بالحمـل اللي طاح عليها كيف بتبلغ سالي مرت خمس أيـام من سافر أبوهـا ومابقى على موعـد ردهـم على ياسـر بالموافقـه الا يوم وسالي لازم تدري قبل مايردون عليه حتى لوكانت رافضـه لازم تنحط بالصـوره :هيلا ,,,أم ناصـر ,,,بنت صالح ,,,اوووووووف أم نصـوووور..
ناصـر وهو يرميها بكرتون الكلينكس:لاتقولين نصووور..
أم ناصـر:نعم وش تبين ..
سالي:وش فيك ساكته ..؟؟
أم ناصـر:مافيني شي ,,وبعد دقايق :سالي وش رايك تودين هديل للمكتبه بتشتري لها أغراض …
سالي :يووووه ماتشوفين يدي مكسـوره كيف اروح معهـا …
أم ناصـر:يدك المكسوره مو رجلك يالله روحـي ناديها ..
سالي :طيب اوديهـا بشرط ..
أم ناصـر :وشووو..
سالي :بنروح للمشغـل بعده ..
أم ناصـر بشك :ليه وش عندك بالمشغل ...
سالي :حلوه كيف وش عندي بالمشغل بروح وبدون تحقيق ولا دوري أحد غيري يوديها عندك ناصـر ..
ناصـر:لا انا ماقدر متواعد مع رجال اللحين بيجينــي ..
أم ناصـر:امري لله روحي للي تبيـن ..

هـديل:لا أمــي بتهاوشني ..
سالي بقهـر:لاتكونين غبيـه شكلك بيطلع أحلــى لوقصتيــه ...
هـديل :بالمدرسه يهاوشوني يقولون تشبـه ..
سالي :اووووف ماعليك لاقالو لك بالمدرسـه شي قولي لي وأنا اروح لهم ...
هديل :طيب ابي اصبغ مثلك ..
سالي :اووه خليك كذا,,تعجبنـي ,,وطلباتك كلهـا أوامـــر ...
سالي رمت على راجـو كست :شغله على الوجه b...

هديـل وهي تغني مع المسجل وتصفق :ياحلأ اعملـي غره فرحلي البـــي شـي مــره لا حـرأص ابن الجيــران ياللي عيـونه لابــرا...
سالي :ياحـلأ أعملـــه غره فرحلـه ألبــه شـــي مــره لنحرأص ابن الجيــران ياللي عيونـــه لابـــرا ...

وبعد ماخلصت الغنيـه ...سالي للهديـل:كفـك..طقوا لبعض :تصدقين أول مره ادري إن صوتك حـلو ...
هـديـل :أحلـى من صوتك بعـد ..
سالي :أقووول هديلـوووه احلمـي على قدك ...
هديـل :افااا هـذا وأنـا خليفتك بالعائلــه ...
سالي :من ناحية أنك خليفتــي هذي مايختلف عليهـا اثنين ,, وقرصتهـا مع خدهـا:بـس لاتنسين العيـن ماتعلى على الحاجــب..

بعــد ماخلصــوا من المشغـل راحـو المكتبـه ...
سالي :هديلوووه بـس والله تكسـرت رجولي وأنا امشــي وراك ...
هديـل:وش اسوي مالقيت اللي ابغيــه وبكـره علينا والله تلعـن خيــري أبله هنـد لو ماجبتـه ..
سالي :اووووووووف منك طيب انتي روحـي دوري عنـه وأن بروح جهت الروايات بدور روايه ابيهـا ...
هديـل:طيب لاتضيعين مو ناقصه ادورك ,,ولاتسوين مشاكل مع أحد ...
سالي بسخريـه :طيب طسي خالتي هديـل لألفـك بطراق ...

صـرخت هديـل بفـرحـه: لقيتيهـا..
خطفت هـديـل الألـوان من يد الرجال اللي كان ماسكهـا يطالع فيهـا ...
هديل :وااااااااو نفس اللي ابيهـا ,,وضمتهـا:مابغيت القاكي ...
سعـود :ههييييييييي ياحلـوه انا اخذهـا قبلك...
هديـل:اقول طس دور وحده غيرهـا هذي خلاص صارت لي ..
سعـود اللي تفاجيء من هجومهـا بالكلام :عيب ياحبيبتي وش هالكلام بعدين ذي ألـوان رسم للكبـار ,,روحـي للرفوف اللي هناك فيهـا دفاتر تلوين لصغار اللي كبرك ...
هديـل:وش شايفنـي بيبي يالشايب ,,ولاتحاول الالوان خلاص صارت لــي..

ياســر اللي عرف هديـل لبس نظارته ولف على الجهـه الثانيه عشان ماتشوفـه وتعرفه ,,قال:سعـود وش فيك على البنت خلها تأخذهـا وأنت خذ وحــده ثانيــه ..
سعــود بعصبيـه :كيف اخليهـا لها ماكأنك شايفنـي من الصبح كم مكتبـه مريت أدور عن الالـوان ذي ومالقيتهـا وآخـر شي اتنازل عنهـا لبزر ماتعرف قيمتهــن عشان تلعب فيهــا...
هـديل :ألعـب فيهـا ارميهـا احرقهــا الواني واشتريتتهـن بفلوسي اسوي فيهـا الي ابـي ..
سعـود وهو يجلس على ركبـه عشان يكون بمستواهـا:وش اسمك ياحلوه ...
هديل :ماني حلوه ومالك دخـل باسمــي ..

ناظر فيها سعـود بتمعن يعـرف هالملاح يعرف العناد هذا مو غريب عليــه ...
صـرخت فيه هديــل: ياهوووووووووه وش تطاااالع فيـــــه ...

سالي :هديلوووه ياحمـاره وش هالصراخ فضحتينـا ...
انصـدم ياسـر يوم سمع صوتها ولف عشـان يتأكـد مـع أن وجود هديل كان كجرس انذار له بتواجدهـا ,,,
ابتعــد ياسـر وجلس يناظر الموقف من بعيد ...
هديل اللي مشت لين وقفت عندها:خالتو سالي لقيت الالوان ...
سالي اللي تطالع سعـود بنظرات شك: زين مابغيتـي تلقينهن ...
كانت الكلمه تردد في مخه :خالتو سالي ,,,خالتو سالي ,,سالي أختـي ...
رفع عيونه عشان يتأكد ,, أول ماتلاقت عيونهم نطقت :سعود ...

تحرك سعود بجهة ياسـر وكأنه منتبه لكلامها عشان ماتشك أنه يعرفهـا ,,,,سالي بصوت أعلــى:سعوووود,,,سعوووووود ....
بس سعود مارد عليهـا وزاد سـرعتـه ولف بأول ممر صادفــه عشان يضيعهــا ...
سالي بصراخ:سعود تعال ارجوك,,, لاترووح ارجع سعــود ,,,سعود لاتخليني أن سالي أختك ..

سعود كان يسمعهـا ويحس قلبه يتقطع وده يلبي ندائه بس فيه شي أكبـر منه يمنعــه ..
كانت سالي تمشــي بسرعه ودور وجه أخوهـا بوجيـه الناس وكأنها طفل صغيــر مضيع أمــه ...
هديل اللي ماكنت فاهمـه تمشي وراها وفوق راسهـا مية علامة استفهـام ...

ركب سعود السياره وبعد عشـر دقايق جاء ياســر ...
سعـود :وش فيك تأخـرت ...
ياسـر:انتظـرهم يطلعـون ..
سعــود :طلعوا..
ياســر:لاللحين داخــل,,ماتوقعت تشوف أحد من اهلك ..
سعـود:توقعت أي أحد الا سالي ...
ياســر:ليش يعنــي..
سعــود:احس بتسبب له بألم اذا درت اني هنـا ومارحت لهـم ,,ماقـدر اواجهـا بعـد ماكذبت عليهـا وقلت اني تخرجت وصرت دكتـور واشتغـل بـرى...
ياسـر :طيب ليش سويت كـذا ...
سعـود :ماكنت ابي ارجع وهي بس تلح علي ,,فقلت لها اني اشتغل برى ...
ياســر:موقفك صعـب وش بتسوي اللحيــن ...
سعــود :مدري شكلي برجع أمريكــا غلطت من البدايـه يوم قررت ارجع ...
ياسـر الي ماتوقعه يقول ابرجع :لا مستحيـل تترك البلد عشـان شي سخيف زي كـذا ماعليك منهـا,, بعدين صدقني مافيـه أحد يسـوى تضيع عمـرك عشانـه واذا كانت اختك تحبك زي ماتحبهـا ترضى فيك زي مأنت ...
سعـود بتردد:رايك كذا ..
ياســر:أكيـد مايكفي اللي ضاع من عمـرك بالغـربـه أنا عشت أربـع سنين ماتحملت كيف أنت اللي جلست 11سنــه ...
سعـود:مدري احس فكري مشوش موقادر اتخذ قرار بروح لجده واقرر هنـاك ....
ياسـر بداخلــه :أحســن بعد تكون بعيـد هالفتـره لين كل شي يمشـي زي ماني مخطط لـه ,,,وبنشوة الانتصــار :بكــــره بيردون بكـــره ببدأ خطوة الالف ميـــل........

هديــل: خالتي يالله ننزل وصلنا ...
هديل وهي تهــز كتفهـا:سالي يالله انزلي وصلنا ...

جلست سالـي على سريرهـا وهي حاسـه بالضياع ,,,الي شافتـه سعـود ولاهـي تخيلتــه سعـود ,,لاهـذا سعود انا اعـرفه صح ماشفته من ست السنين بس برضوا أعــرفه مستحيــل اضيع عنــه ,,طيب ليش تركني وراح ليش مارد علي ,,ومن متـى وهو هنا وليش ماخبـرنا أنه رجـع ,,آآآآآه أحس راسي بينفجــر ,,ليش ياسعود ليش تسويي فينـي كذا ,,وراحـت في نومـه عميقـه وصورة سعــود وهي يلف ويتركهـا مافارقت بالها ...



نهـاية الجـــزاء الســابــع ,,,