 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
04-01-2018
|
||||||||||||||||||||||||||||||||
|
||||||||||||||||||||||||||||||||
بالهداوه يا دوا المشتاق خذني بالهداوه الفصل التاسع عشر
البارت (( 19 ))
منصور نش وسار اتسبح واتلبس وسار يطالع شو صار... تدرووون اليوم عرسه... سار قاعت الخبيصي وين بيسووون العرس.. وبيكون الريااايل والحرمات رباعه في نفس الوقت.. منصور وهو في قاعت الخبيصي... يالس يطالع وعنده عبادي وحمد واحمد.. خلاااااف سار.. وطبعا سار يتزهب ويزهب عمره ويجيك على حجرته وترتبيها ويحط اللمسات الاخيره منصور : سلامي كل شي مرتب في حجرتيه سلامي : كل شي.. منصور : ما اتقصرين بنت سالم سلامي : يالله اشوووفك بتموووت من الفرحه.. منصور : ليش ما تبيني افرح سلامي : بالعكس هذا اللي ابااااااااااه منصور : عيييييييييل.. خليني... سلامي : سبحان مغير الاحواااااااال منصور : حبيبتي من زماااااان انا جيه ما اتغير فيه شي بس كنت على السايلنت.. والحينه خليته جينرال سلامي : ما فهمت.. منصور : هووووووب لاااااااااااازم.. يالله سيري خلصي عمرج.. سلامي سارت عنه هووووب فاهمه بلااااااه هالريااااال.. والعصر المفروووض وديمه اتسير تسبح وخلاف تيي الكوافيره عشان اتعدلها وديمه قافله على عمرها ام محمد ادق عليها.. وكلهم في بيت بو محمد العايله كلها.. اما الرياااايييل.. كانوا في القاعه لانهم كانوا يايبين العياااااله.. من العصر اتغني... اما فالليل بيكووون الحربيه واليووويله... منصور طبعا ما سار القاعه كان يتجهز.... في بيت بو محمد ام محمد : وديمه فجي الباااااااب وديمه : مااااااااا اباااااااااااااااا >>> ميته صااااااااااااااايح ام محمد : الله يهديج الحرمه تتريا تبا اتحدر اتعدلج.. وراها شغل.. وديمه : خليييييييهااااااااااا اتسييييييييييير ام محمد : واااااااااايه اشعنه.. فجيييي البااااااب.. وديمه : هووووووووب فاااااااااجه ولا ابااااااااااااااا اعرس قولولهم وديمه كنسلت العرس سلامي توها يايه سلامي : ما فجت ام محمد : لا اونه كنسلت العرس.. سلامي : كييييييفهاااااااااا سلامي دقت عليها الباب وديمه : اناااااااااااااااااااااااااااا قلت هووووووووووووووووب فاااااااااااجه >> بكل ما فيها من صوووووووووت في احبالها الصوتيه... سلامي : عووووذ بالله.. ودوووم فجي واستهدي بالله.. ام محمد : فجي فديتج فجي... واالكل سار فوق ام سعيد والنيره حتى اليده شلوها فوووق يطالعون لبنيه شو ياااها اليده : فديييييييتج الغاليه فجي.. وديمه : هوووووووووب فااااااااجه ... تسمعووووووووووونيه... اليده : وااااااايه اشعنه ام محمد صبري عمتيه : وديمه ان ما فجيتي بزقرهم يكسرون الباب هوووب فيه انا الدلع الحينه بتفضحيتنا جدام العرباااااان.. وديمه : كسروووووه.. والله لعق عمريه من الدريييييييييشه.. اليده : واااااااااااعثرتيه بتعق عمرها.. خليها... بو محمد درى بالسالفه واتروع وسار صوب بنته وحمد ومحمد فياااااااااه عبادي يرمس حمد عبادي : هاه شوووووووه حمد : بعدها هووووب طايعه اتفج البااااااااااااااب عبادي : عااااااااد لييييييييييش حمد : اونه ما تبا اتعرس.. عبادي : الحينه اتقووول هالكلاااااااااااااااااااااااام.. حمد : بر اااااااااااااايك بشووووفها.... عبادي : ورد عليه اتريااااااااك حمد : ما عليه.. وعقب ما سكر عنه منصور متصل بعباااااااادي منصور : يا مرحباااا عبادي : المرحب لا هاااااان منصور : عباااااااااادي.. بتخبرك.. عبادي : هلااااا منصور : شو المستوي.. اشوفهم كلهم محتشرين شي مستوي... عبادي : هااا.. أأأأأأ.. لا.. كل شي ترتوووووب... انته خلصت... منصور : بعدنيه شويه.. عبادي : يالله عيل انقفض.. انا الحينه بسير اتسبح.. هبابنيه اتكشخ... منصور : عبيد جذووووووب.. قوووول احسن لك.. عبادي : شو تبا اتعرف... منصور : اسمعهم يطارون وديمه.. شي فيها..... عبادي : بلاها منصور : انا اتخبرك وانته اتخبرنيه عبادي : يااااااا ربييييييييييه منصور : قسم بالله اتقووووووووووووووول ادري انه شي مستوي.. عبادي : قافله على عمرها.. هوووب طايعه تسبح ولا اتخليهم يساعدونها وتتعدل منصور مستغرب : لييييييييييييييييييييش عبادي : ما ادري متروعه يمكن.. اتقولهم اونها كنسلت العرس ما تبا اتعرس.. منصور : جيه كييييييييفهاااااااااا... والحينه عبادي : هوووب طايعه اتفج... منصور : ما جربوا يكسرون الباب.. عبادي : حلفت ان كسرووووا الباب لتعق عمرها من الدريشه منصور : والعثره.... لييييييش........ جيه الا عرس... عبادي : يا اخي لبنيه متروووعه يمكن ما تنلاااام منصور : جيه باكلها.. عبادي : اسمع لوحد غيرك يمكن ما بتسوي جيه.. بس لانك انته واللي اتعرفره انك تكرهاا.. يمكن اتروووعت... ومب لازم اقووولك انته اعرف.ز منصور : جييييييه ما قلت لها شي انا الحينه.... عبادي : يا ريااااال... الكل عندنا بويه محمد وعمووومتيه وخوااالك وخاااالاااااااااتك والكل هنااااااك مخلين كل شي وواقفين عند حجرتها.. منصور : بسير صوبهم برايك... عبادي : وين بتسيييير.. منصور : بسير ارمسها.. عبادي : قر بقعتك يا ويلك من عيووووزيه راعية البر منصور : ما عليييييييه منهم.. جيه بشوووف بلااااها بهديها الحينه هي زايغه منيه... عبادي : انزين لا اتسير بشووووووف طريجه.. منصور : ما عليه من حد ترانيه... عبادي : ادري.. يالخقه....برايك الحينه منصور : يالله... منصور (( يالله هالكثر زااايغه.. عنبوووه وبتجتل عمرها على لا تاخذنيه.. عثرره لو امره... )) وجان يتصل بسلامي ويقولها يخلي وديمه اطالع تليفونها وبترتااااح شويه وديمه (( ليش اطالعه.. شو اباااااه... بطالعه ليش لااااا )) >>> حتى وهي اتصيح فيها فضووول شو بلاااه تليفونها.. ويوم سارت وطالعته لقت ون مسج... ويوم بطلتها.. " ودوووووومه... فجي الباب.. واتلبسي واتجهزي.. والله ما باكلج.. ولا اقوووووولج شي... صدقيني لو كان اللي بينا انتي بنت عميه ولا اتهوونين عليه... ودوووووومه... لا اتروعييين منيه...والله ما اعض ^_*.... يالله مثل الشاطرات نشي.. اللي يسمع كلمت ريلووووه شو بنألوووه.. شاطر شاطر... يالله بسرعه مستعيل ترانيه... ما اروووم اترياااا زوووووود ريلج الشاااااااطر منصووووور ^_* )) وديمه فاجه عيوووونها (( هذا من وين ياب رقميه... وشو دراه.. اونه ما اهوون عليييه.. اسميه دهاااان سير... سخيييييييييييييييييييييييييييييف... لحظه هذا الرقم اعرفه... مره مطرش لي مسج يوم الملجه... خيييييبه ليكوون هووو بعد... لا لا مستحيييل)) ويلست ادور المسج اللي اطرش لها يوم الملجه ولقته نفس الرقم... ومن الخاااطر استغربت ام محمد : وديمه الله يهديج فجي ما شي وقت متى بتخلصي نورانا نحن شغله... وديمه : هوووووب معرسه... بو محمد : وغلاااااات ابوج ما تفضحينه عند العرباااان... فجي الباب برمسج حبوبتيه وديمه اتقربت من البااااب : ابووووووووويه.. دخييييييييلك ما ابا اعرس.. بو محمد : انزين ما شي فجي الباب ورمسنيه بس.. وديمه :ما ابا حد عندك ام محمد : جيييه ما تبين حد عنده.. وين تبينا انسير.. )) ولفت صوب بو محمد ((... هذا بزاك لها... بو محمد : ما عليه فجي بس انا بحدر وديمه فجت ودخل ابوها بس.... بو محمد : فديييت ررحج شو ياااج الغاليه.. وديمه تنتفض وميته صايح : ما ابا اعرس... باباه هووووب غصب العرس بو محمد : لا هوووب لازم.. وعراحتج الغاليه بس لا اتصيحين الحينه بنقولهم بنيتيه اباهاا وما بتعرس.. بعد شو اكثر وكل شي يفدااااج نفده ما عليج منا.. وديمه : صدق باباه ما بعرس.... بو محمد : نعاااااااااام. وديمه : كيييف جيه هوووب مالج عليه.. يعني بيطلقنيه بو محمد : اذا انتي تبين هالشي... وديمه يلست اتفكر ومنزله راسها (( يعني بكووون مطلقه... عثره شو بيقولون عنيه.. لا لا لا.. وبعدين فديته بويه قال عادي اذا ما ابا اعرس.. )) وديمه : باباه بعدين بكون مطلقه وانا ما ابا بو محمد : هوووب هذا اللي تبينه.. وديمه سكتت.. وفهمت قصد ابوووها... هوووب صدق الكلااام... يعني لهدرجه ايهووون عليها ابوها ولا هلها اتفضحهم جدام العربااااااان... واتفضح عمرها وايكووووون اسمها وديمه لمطلقه بعدها ما حدرت القاعه... نشت وهي ساكته وديمه : بسير اتسبح بو محمد : خلااااااص يعني... بتعرسين وديمه نزلت راسها مستحيه... بو محمد : الله يهديج يا الغاليه وانا بسير اطمنهم خاري.. وضهر والكل يبا يطمن واطمنوا الحمدلله... ام محمد : يا حيها يوم نشت عيل بنزقر الحرمه اتعدلها.. بو محمد : صبري عليها بتسبح ام محمد : والعثر لين الحينه ما اتسبحت.. شو اتريا بو محمد : خرووووون ...لا اتقولين شي نحن ما صدقناها تهدى.. المهم.. وديمه اتسبحت وضهرت... ودخلت هاي الكوافيره ويلست اتعدلها وسلامي وميروووه عندها اما الحرمات اتكشخن واتعدلن وسارن القاعه...الريااااايل بعد... وعالساااااااعه 10:45م وديمه توها بتلبس فستانها.. تراها متأخره لين ما اتسبحت ولين ما اتعدلها المهم خلااااف يلست تصور...... عند الرياااااايل... منصووووور معذب العرب كلها بجمااااااااااااااااله وانااااقته وكشخته واسلووووووبه وحمازته.... يااااااااااحااااااااااااااااافظ علييييييييك يا ولد سااااااااااااالم صدق لي قالوا فالعمر عنده طشه اقصور.. وفالسمت بنعده من لكبااااااااااار >>> مثل جدييييييييييييييم..... الكل مرتبش وايووووول والعرب ما شاء الله ما بقووووولكم من كثرهم.... عرباااااااااااان بلا اقياااااااااااااااس ... الكل مستاااااااااااااااااااانس... منصوووووور اكثرهم.. عبادي من الخااااااااااطر ايووول حمد فياااااااااه ربعهم هلهم.. محد بقى الا راشد ما حضر........ وكانوا حاطين فرقه ويويييييله وطبعا تصوير.. وكانوا حاطين شاشه عند الحرمات يطالعووون الربشه المستويه عند الرياااااييل..... عبادي سار صوووب منصور وقبضااااه : منصوووور.. يالله دوووووور... منصور ضحك : يالله.. )) وسار ويااااااال من الخاااااااااااااطر والكل مرتبش...(( حمد مشتط لانه بيبووون وديمه من البيت.... منصور سار صوب حمد منصور : هاه بشر عن الحرمه ربها هدت... حمد : الحمدلله... منصور : يا اخي مستعيل انا متى بتي.. حمد : ههههههههههههههه هيد طشووونه... عبادي ياينهم عبادي : ما علييييكم حمد : بلاااااااااك بلاااااااااااااك دووومك اتحرطم.. عبادي : عنبوووووها مخووووه.. انزين زقرووونيه حمد : رزه.. رزه.. عنبوووك... سر خذلك دوووووور وتعال عبادي : عثثثثثثثثره تبااااااااا الفكه.. حمد : هههههههههههههه انزيييين قووووم بنسييييير فيااااااك ناخذ دوووووووور منصور : حوووووووووووووه ... ارمسك انا... حمد : هاااااااااااااااااااه >> يضحك... منصور : يااااااااااااااا خي مستعيييييييييييييييييل... عبادي : ههههههههههههههههههههههههههه والله وكبرت يا الشيييييييييييييبه.. منصور : فعينك شيبه يا الهرم... حمد : الحينه بسوي للوالده وبشوفها.. وعند الحرمااات محتشراااات متى بيضهرووون العرووووووس.. اتأخرت.... منصور يالس ويتحرقص ......... وفرحااااااااااااااااااان ::: انا تمنيتـے شوفكـے فالعــــــمـــر مــــــــــــــــــــــنوهـے... والروح تسألـے عيــــوني وين غاليــــــــــــــــــــــــــــــها... واحلمـے بكـے انـے كنتـے صاحي وال فـي غفـــــوهـے... واليومـے دنياي تتحــــــققـے امانيــــــــــــــــــــــــــــــــها... ::: فجـــــــــــــــــــــــأه حدر وااااااااحد متكشخ وسار يسلم على العرب.. وسار لين منصور اللي كان يالس يسلم بعد ويضحك لف ويهه وجان يستغرب اختفت فجاه الضحكه... سرعااان ما ردت بسرعه... وواييهه الريااااال اللي ما اتوقع ايشوووووفه.. راشد : مبروووووووووك >> مبتسم ابتسااامت حزن.. منصور بفرح : الله يباااااااارك فيك الغاااالي.. عقباااالك ان شاء الله.. راشد : خير.. منصور : يااا حيك يوم ييت راشد : شو انسوي بعد....)) وجان يدقه على ايده ((... ما اوصيييك على بنت العمه.. ابعمرك ان سمعتها تشكى منك.. لا اتلوووم الا عمرك... منصور يضحك : ان اتشكت عاااااااد راشد فخاطره (( بنشووووف يا......... )) : مبرووووك مره ثانيه... )) وسار عنه يسلم على الباقين (( منصور يطالع راشد وهو خاطف و يحس بشعووور فرحان لانه شاف راشد يى وفي نفس الوقت منصدم وهوب متوقع حضوووره وبعد يحس انه سبب في تعاست راشد.. المهم راشد ولا عليه من حد ياااااال واستاانس وارتبش... حاول ينسى انه هذا عرس انسااانه حبها.... . ••.•°¯`•.•• بحضر زفافكـے يا حياتي بحضر زفاف الي هويتـــــــهـے ... . ••.•°¯`•.•• . ••.•°¯`•.•• وبرزف عشانكـے لا تحاتي وبهديكـے كل الي بغيتـــــــهـے ... . ••.•°¯`•.•• . ••.•°¯`•.•• بهديكـے دمعي واعبراتي والهم الي فيني رميتــــــهـے ... . ••.•°¯`•.•• . ••.•°¯`•.•• بحضر ولو بعرسكـے مماتي شايل معي قلبن نسيتهـے ... . ••.•°¯`•.•• . ••.•°¯`•.•• واجمل قديم الذكرياتي والضيم لي منكـے خذيتـــــهـے ... . ••.•°¯`•.•• . ••.•°¯`•.•• وبذكر ليالي الماضياتي كنتـے الوليف الي اهتويتـــهـے ... . ••.•°¯`•.•• . ••.•°¯`•.•• كنتـے الذي لجلهـے اباتي ساهر ونومي ما اهتنيتــــــهـے ... . ••.•°¯`•.•• . ••.•°¯`•.•• بهديكـے في ليلة وفاتي حلم الليالي لي طويتـــــــهـے ... . ••.•°¯`•.•• . ••.•°¯`•.•• واعطيكـے من قلبي امنياتي تلقا الهنا فدربن مشيتهـے ... . ••.•°¯`•.•• . ••.•°¯`•.•• وتعيش في راحه وسباتي ويا الذي عقبي لقيتـــهـے ... . ••.•°¯`•.•• . ••.•°¯`•.•• بحضر زفافكـے ياحياتي بحضر زفاف الي هويتـــــــهـے ... . ••.•°¯`•.•• محمد سار صوب بيتهم اييب اخته.. اما سلامي وميرااانه سارن فياااا احمد صوب القاعه...... دخلن القاعه طبعا ....وكااااااااااان شووووووووو طرررر من الخاااااااااااطر.. رووووووووووووووعه ولا عرس الاحلااااااااااااام الديكووووور والترتييييييب والاضاءه والكووووووووووشه صوب والكل في صووووب روووووووووعه من الخاااااااااااااااطر الكل اتعذب من حلات الكووشه وترتيبها.. ومن ترتيييب العرس... ما شاء الله صدق العرس كاااااااااان طر.. والحرمااااااااااااات شكلهن هوووووب ضاهرات لين الصبح... صدق العرس يستاااااااااااهل... بو سعيد ومنصور ما قصروووووا امره... شوي ولانه محمد وااااصل القاعه.. كان في مرسدس من ليداد... ام محمد وام سعيد وحرمت خالهم وعماتها وخالاتها.. وحرمات العايله كلهن ضهرن خاري.. محمد نزل من السياره وحمد وبو محمد وبو سعيد وعمهم راشد وخالها مطر وفلاح كلهم ساروا ووقفوا يمسكوووون مثل القطعه عشان وديمه يوم اتخطف محد يشوفها .. محمد سار وركب وعدل السياره ويت ام محمد ونزلت وديمه طبعا متستره.. والكل متنووومس وفرحاااااااااااااااااااااااااااااااااااااااااااان. .. وديمه تنتفض وهوووب رايمه اتشل الفستاااااااااااان من ثقله.. ويالله يالله.. ودخلت وديمه وعقوووا عنها اللي مثل العباه بس لونه ابيض.. واللي دخلها يدها محمد وابوها.. واخوها محمد وحمد وفلاااح وعمها مطر... دخلوووا فياااااااااهاااااااااا... وطبعا يدها قابضنها..واتبندت الليتات فالقاعه كلها بقى ليت واحد مسلط على ودميمه ويلحقها وين ما اتسييير... ومشااااااها يدها وابوها وخوانها وعمها لين وصلت الكوشه وخلااااف ضهروا عنها.. ويت سلامي ومسكتها وتمت تمشي يعني اتسوي شرى العرض.. والكل وقف وساكت مبهوووووور من هالملاااااااااااااااااااااااااااك اللي ضاااااااااااااااااااااهره عليييييييييييهم سحرتهم بجماااااااااااااااااااااالهااااااااااااااا وحسنهاااااااااااااااااااااااااااااااااا ودلاااااااااااااااااااااااااالها.. وكانوا طبعا حاطين اغنية تناسب الدخله... وديمه تنتفض وبتمووووووووووووووووووت من الرووووعه حتى ما اترووووم تمشي... ولو حد دقق النظر بيلاقي سلامي يالسه اتسحب وديمه... وديمه كاااااااااااااااااااانت فعلااااااااااااااا ܓܨܓ قمة في الجمــــــــــــــــــــــــــــــــــــــــــــال ܓܨܓ سبحاااااااااااااان ربن مسونهاااااااااااااااااااااااااااااااااااااااا.. وابدع في تصويرهاااااااااااااااا.... ミ♡彡ミ♡彡ミ♡彡ミ♡彡ミ♡彡ミ♡彡 ミ♡彡 ミ♡彡 هيمن على أرقى الجمال ولـــــــمهـے وجمع ثقافات البشر فـــــــــي تاجهـے قمه على قمه وذوقه قمــــــــــــــــهـے ذووق وجمال وغره وهـــــــــــاجهـے طرفن كحيل وفي رموشه سمــــــهـے والعود يسبي داجه وديـــــــــــباجهـے خصرن مثل كسره وراهــــا ضمهـے وفتحه على حد الســــــكون اتواجهـے أهتم من همه وهمي همـــــــــــــــهـے ومنهاج قلبي منهــــــــــجه منهاجهـے دمه على دمي ودمــي دمــــــــــــهـے اهو الدوى وأنا طبيب علاجــــــــهـے في ذمتي يا نور عيني ذمــــــــــــهـے ذمه ولا لي حاجتن محـــــــــــتاجهـے لكن لك شي(ن) فوادي ضــــــــمهـے يا من على قلبي حكم باســـــــياجهـے ياسيد مغرورالجمـــــــــــال وعمهـے يا تاج راس الحسن زيد احراجـــهـے قل تم ياعمري وقولي يتمـــــــــــهـے يا نشوه القلب الشجي وافراجــــــهـے ミ♡彡ミ♡彡ミ♡彡ミ♡彡ミ♡彡ミ♡彡 ミ♡彡 ミ♡彡 صح لساااااااااااانك يا الشاعر سعيد بن دري.. اسميك الا صدقت قمـــه على قمـــه.. وصدق وديمه كاااااااانت في منتهى الجمااااااااااااااال ما شاء الله عليها... ام محمد قبل لا تضهر بنتها على الحرمات دخنتها شبه وقرت عليها ووصتها تقرا على عمرها ووصت سلامي بعد تقرا عليها >>> ما تنلام خايفه على بنتها...... الواحد المفروووض يذكر اسم الله اذا شاف شي ابهره او لفت انتباه او عيبه هوووووووب يفج عيوووونه شرى البقره ويفج حلجه شرى لبعييير ويبهت...عوووووذ بالله من هالنااااس اللي جيه.. واذا ما اتقول جيه ... عود عمرك مره مرتين ثلاث خلاااف بدون حاسيه بتذكر الله في هالموااااااقف....... الموووهيييييييم وديمه زااااااااااايغه ومنزله عيونها تحت هوووب رايمه اطالع الحرمات... سلامي : وديمه رفعي عيووونج هب زين جيه وديمه : ما ارووووم اخاااااف سلامي : ورفجه حرااااااااااااام رفعي لا اتخاافين خلاااااااص ضهرتي عليهم باقي شويه وبتيلسين على الكرسي يالله وعقب تردد وخووووف رفعت وديمه عيوونها وطاااااااااالعت وزااااااااايدت الروووعه والنفضه خلااااااااااااف سارت ويلست على الكووووشه.... عقب اللي سار يسلم عليها.. واللي من اليهاال شل ورده ووداها للعرووووس..واربيعاتها سارن يباركن لها... وكان التصوير........ وطبعا العرس كان مرتب وهذيلا الحراميه هوووب موجودين لانهم حاطين شرطه على الباب والبطايق اللي موزعينهن كان فيهن بطايق دخووووول... الحرماااات نشن يتعشن... وديمه ارتاااحت شويه لانه محد الكل تقريبا سار يتعشى.... فكان حرمات بسيطه يالسه..... منصور حااااااااااااااااااااااااااااااااااشر البقعه خااااااااااااااااااااااااااااااري ومسووووووووي صدعه يبااااااااااااااااااا يدخل... ممنصور : قسم بالله اذا ما حدرتوووونيه.. لحدر ابروووحيه ولا عليه منكم.. بو سعيد : ايييييييييييهااااااااااااااااااااااااااااااااااااا اا عنبووك ملغوووووووووث.. منصور : هيييييييييييييه... شو اسوي.. عنبوه لازم يعني اتريا هالكثر .. بو سعيد : صك الدعنه .. وننحن بندخلك عليها لم ثمك بس وسر يوووول طشووونه خلااااااااف بندخلك عليها منصور : جيه يااااااهل اتقصووون عليه.. بو سعيد : لااااااا حوووووووول... وين تليفونك منصور شاااااااااااق الحلج : هذوووه بو سعيد : اتصل بأمك ورمسها... منصور : بعاااااااااااااااد... منصور اتصل بأمه... ام سعيد : مرحبااا منصور : المرحب لا هان.. الغاليه متى بهبط القاعه .. ملييييت من الانتظاااار.. ام سعيد : اصبر طشوووونه.. ان دخلناك بتضهر العروووس.. نباها بعدنا شويه تيلس ما وحالها من هبطت.. منصور : ياااااااااا ربيييييييييييييييييه.. امايه الريااايييل اتعشوا وسااااروا.. محد بقى الا شويه.. وانتن بعدكن... ام سعيد : ما عليه .. انته اتزهب... طشوونه وبسويلك مشغوووله الحينه )) منصور كان على الخط ويلست اتسلم على حرمه ...(( منصور (( لا حوووووول )) : اماااااااااااااااااااه... امااااااااااااااااااااااااااايه... انا على الخط.. ام سعيد عقب ما سلمت : هاه برايك برايك الحينه )) وسكرت في ويهه (( منصور طالع التليفون (( انا شو اسويييييي الحييييييينه )) عند الحرمات... وديمه تضحك واطالع اليهااال ايولون عنها والبنوووتات ينعشن.... واربيعاتها عدالها يسولفن طبعا منصور امه سوتله وقالتله يتقرب... سار بلا حاسيه وقرب الهمر مالته بسرررعه وخلاف اترياااا شوي ولانه يده محمد وابوه وعمه سلطان وراشد ومطر... وخاله عمير ومحمد وعبدالله واخوانها محمد وحمد وفلااااح واحمد وعبادي وحمدان وسيف كلهم وافقين خاري عند منصور يتريووون لين يقولون لهم دخلوا... عقب... ام محمد سارت وقالت انه المعرس بيحدر.... وسارت وخبرت البنات اللي بتتغشى ولا بتلبس عباتها.. يعني... وخلاف خبرت بنتها انه المعرس بيحدر .. وديمه من سمعت انه المعرس بيحدر حاولت بس تمسك عمرها عن لا اطييح لانها اتحس عمرها مدوووخه... ومترووووعه.... >>> هوووووب عرس هذا فلم رعب ^_^ المهم... ام محمد رمس تريلها وقالت له عسب يدخلوووون بو محمد : يالله وين منصور.. منصور : نعاااااااااااااااااام بو محمد : بتحدر يالله منصور في خااااااطره (( اخيييييييييرا.... )) : ما عليه ياي شوي.. ودخل اول شي اليد محمد عقبه منصور عقبه بو محمد وبو سعيد... منصور اول ما دخل كان يبا يطالع حرمته .. طبعا دخلو من صوب الكوووشه... اليد كان يمشي.. عقبه منصور.. ويوم رفع راسه منصور شااااااف شي... وش الذي عيني تشوووفهـ... وجه البدر او مـــــطلع الشمس... الله يا محـلى وصوووفـــهـ ... بالحسن هذا بابصم بـــــخمس... وديمه طبعا وقفت بمساعدة امها... وكانت واقفه واطالع سيده اكييييد طبعا ما بتلف وييهاا.. وكانت تلمح شي ابيض ياي وجااااااااااااان اتمووووووووووووووووووت.. زاااااااااااااااااد كل شي عليييييييييهااااااااا منصور وقف شااااااااااااااق الحلج ومبهت.. منصور في خااااااااااطره (( كم بعييييييييييييش اناااااااااااااااااااا يا وييييييييييييييل حاااااااااااااااااااااااااااااليه.. اسمينيه الا متخشع تخشيييييييييييييع.. هوووووووووووب من الييييييووووووم او من الباااااااااااااارحه الا من سنييييييييييييين.. بس محد درابي... كاتم الحب في يوفي وفي قلبي ماحد درابي ولا درى عن حااااااااااااااااااالي... اااااااااااااااااااه يا ودييييييمه كم تمنيييييييييييت هذي اللحظه... قسم بالله وربيه الشاااااااااااااااهد من يوم انولدتي فهدنيا وانا ميييييييييت فييييييييييييييييييييييييييييييييييج.... محلاااااااااااااااااااااااااااااااااتج... مااااااااااااا شاء الله عليييييييييييج... كل هالجمااااااااااااااااااال... سبحاااااااااااااااااان ربن مسونها.. ظبي الفلا )) منصوووووووووور كان متخببببل ومنبهر من جماااااااااااالهاااااااا وحسنها... المووووهم اليد سار صوبها وسلم عليها .. وخلاف خاز شويه لانه ريلها بي يسلم عليها وبيوقف عدالها.. اتقرب منها منصوووووور... وديمه زاااااااااغت بالقووووو والابتسامه اختفت فجأه من محيااااااااهااااااااااا وارتسمت ملامح خووووف ورعب .... منصور اتقرب منها ومسك ايدها وحبها على راسها وديمه يوم حبها على راسها كانت مغمضه عيونها ما تبا اتشووووفه... عن لا يغمى عليها واطيح جداااام العرب.. منصور وقف جدامها وقالها والحلج مفتوووح عالاخيييييييير من الفرحه هوووب رايم يلايمه ولا يسكره منصور : مبروووووووووك الغااااااااليه... وديمه استحت ونزلت راسها... وديمه كانت لابسه فستااان كله شغل وشعرها منشوووووول لانه منصور طالب انه ايكون شعرها مفتووح ما يبا تسريحه.. واذا يبووون يسوون حركه يسوونها فوق طبعا كانوا معدلين شعرها ورافعينه شويه من جدام وحاطين عليه اكسوارات من كرستال والقصه كانت هووب مرفوعه على عيونها ومفروقه هوب من الطرف من اليمب والطرحه كانت شرى الشيله محطووطه على راسها.. وكانت ملكه الحفل.... بو محمد سار وسلم على بنته وحبها على راسها... بو سعيد بالمثل.. ووقفوا حذاها.. واتصوروا.. شوي وعمها (( راشد – مطر )) وخوانها (( محمد – حمد – فلااح )) خوالها (( عمير – عبدالله – محمد )) كلهم حدروا وسلموا عليها وخلاف ساروا ويااااالوا.. وديمه يلست.. والكل ايوووووول... محمد وحمد مسكووا يدهم ويالوووا فيااااه يبا ما يبا.. اما بو سعيد ضهر خاري وفياه عبدالله اما الياقين يااالووووا.. منصور قبض بو محمد ويلسوا ايووولووون وديمه يالسه على الكرسي واطالع والكل يصفق واللي خلص العشا سار داخل ويلس يطالع اليووواله واستوت الحفله والبنات الصغار سارن ينعشن..واليهال الصغار بالمسجبه وايووولوووووون شوي منصور سار صوب حرمته ويبس عندها... ولحقه حمد ومحمد وخلاف مطر وفلاح وبو محمد ويبسوا عندها... ووقفوا خلاف وتموووا ايووولوووون والكل فرحااااااااااااااااااااااااااااااااااااااااااااااا ن ومستاااااااااااااااااااااااااااااااااااااااااااااا انس من الخااااااااااااااااااااااااااااااااااااااااااااااا ااااااااااااااااااااااااااااااااطر 
 
|
|
04-01-2018
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
وديمه ما اطالع منصور يالسه اطالع يدها وابوها والباقين.... خلاف منصور والباقين يبسوووا عند اليده وديمه هنيه طالعت منصور ورفعت نظرها صووووووبه لانه كان عاطنها مقفاااه ومنصور يوم ايووول ما شل نظره عن وديمه يالس ويطالعها.. واتصووووروووا .. ام محمد تحت يالسه واتصيييييييييييح..
نسيييت اقوووولكم... يوم وديمه داخله القاعه وعالكووشه كانوا حاطين شرييييط مسواااي على شكل فيديو كليب.... اهداء من العايله للعروووس كل شرايط الفيديو اللي مصورينهن من يوم وديمه ومنصور صغار لين اليوم يمعوا بعض اللقطااات وربتووهن وسوا شرات الفيديو كليب وكان على اغنية قمه... وخلاااااف بالهداوه... واغنية يا حبيبي خلاااااف كل الرياااييل ضهروا.. منصور سار صوب حرمته وقبضها خلاااص بيضهروون ... سلامي سارت صوبها.. منصور قابض وديمه من صوب وسلامي وافقه عدال وديمه من صووب.. وديمه خلاااااااص بطييييح لفت صوب سلامي وقالت لها بصوت واطي.. وديمه : سلامي بطييييح قبضيني.. مدووووخه.. >> وكان شكلها صدق مدوووخ سلامي قبضتها.. منصور لاحظ شي.. منصور : شو المستوي.. سلامي : ابقضها مدوووخه.. منصور بسرعه مسكها : شو يااااااااج... وديمه ما ردت عليييه.. بس بعدها ما طاحت.. بس مدوووخه... ومسكها ومحد درى انها مدووخه...غير منصور وسلامي.. ومشوا لين وصلوا عند الباب يت ام محمد وام سعيد .. بيساعدنها تركب السياره...طبعا لبسنها شرى العباه.. ومنصور لف الصوب الثاني وركب السياره.. وساعدنها وركبت وديمه السياره سلامي والنيره ركبن عند احمد لانهم بيسيرون البيت يساعدوون المعاريس.. منصور مشى ومحد فياه غير الله وحرمته... وديمه صابتها دووووووخه وراسها يعورها... >>> من الروعه اللي اتروعتها... وحط اغنية وهو ساير صوب البيت وكانت بالهداوه لانه يحيد وديمه اتحبها... وهو ماشي طبعا سيارته معدله.. مسك ايدها.. وباسها.. وضحك منصور : بعدج مدووخه وديمه ما ردت عليه مستحيه.. منصور : فديت اللي يستحووون يا ربييييه.. وديمه انصدمت من رمسته.. هذا هوووو نفسه منصور اللي اتعرفه.. منصور ولد عمها... ولا غيره.. او يمكن هذا لانه توه معرس جيه متغير... منصور ما كلمها لانه يدريبها مستحيه... ووصلوا البيت ونزل وخلاف سار صوبها وساعدها عشان تنزل ما اتروم بروحها... وساروا فوق حجرته وطبعا لمصوره يت وسلامي والنيره واحمد فالبيت ورفيعه وسعيد.... وديمه ومنصور فالحجره وفياهم لمصوره اتصورهم.. وكل مره اتقولهم يسوون حركه وديمه كل ما اتقولها لمصوره سوي جيه وديمه ما اطيييع بالغصب منصور ميت ضحك عليها لمصوره ارتفع ضغطها... خلااااف قالت لمنصور يمسك وديمه من خصرها ووديمه اتحط ايديها حوالين حلج منصور ويطالعووون بعض وديمه ما طاعت.. امرره وغصب حطت ايدها بس ما رفعت عيووونها.. المهم اتصوروا وضهرت روووح وديمه من التصوير ولو بايدها راغت لمصوره وديمه في خاطرها (( عنلاتج يا الخايسه صدق مضيعه لمذهب عنبووووه تبيني اطالعه وين ابا استحي.. لا وهو عايبنه... متى بتذلف هالخايسه )) طبعا وديمه ما اطيع ترمس امره اللهم اتقول لا بس هذا اللي فالحه فيه.. ويوم خلصوا.. يت لمصوره بتسير وديمه بدوون شعور : وين بتسيرين وبتخلينيه بروووحيه اخاااااااف المصوره طالعتها وهوب فاهمه عليها.. ضحكت لمصوره >> الا جيه والا هي هوب فاهمه وديمه شو قالت لها.. لمصوره : يس..يس.. اوكيه منصور مات ضحك : جيه باكلج انا.. )) ورمس لمصور (( .. اتس اوكيه يو كان قووه لمصوره : اوكيه.. ثااانكس.. اند كونقراتوليشن.. فور يووووه... قود نايت >> بالانجليزي وضهرت لمصوره وبقى فالحجره وديمه ومنصور.. وديمه واقفه فرت الورده على الكرسي... منصور : مبرووووووووووووووك حبيبتي وديمه زاغت (( خيييييييبه حبيبته.. عثثثثثثثثره )) >> في خاطرها منصور : ليييش واقفه.. وديمه (( كيفي مالك خص )) منصور : وديمه ليش متروووعه.. والله ما باكلج.. ما اعض انا.. ^_^ وديمه (( سبحان الله ثرك من قبل اتعض والحينه لا )) منصور سار ومسك ايدها ومشها ويلسوا على الكرسي.. منصور يطالعها وماسك ايدها : الله يعينج عنبوووووه هوووب فستان من ثقله.. فديتج اكيييد اتعذبتي... وديمه لا جواااب ومنزله راسها.. سار ومسك راسها ورفعه وقالها : ليش ما ترمسين.. وين السانج الحينه.. لوووّل كان طلييييق.. ويضارب.. الحينه شو صار.. )) سكت يتريا منها الرد وخلاف قال ((.. عراحتج الغاليه.. ادري انج تعبانه.. بسير اطالع سلامي والنيره... وبرد... بعطيج برييييك سريع منيه ما ببطي بس ^_* وسار واتصل بسلامي وقالها تيي حجرته.. خلاف وسلامي والنيره دقن الباب منصور : الباب مبطل سلامي دخلت ووراها النيره سلامي + النيره : السلام عليكم )) هنيه وديمه برد فوادها... حد عندها غير منصور (( الكل : عليكم السلام سلامي : مبرووووووووووووووووك فديييييييييييييييييييتكم منصور : الله يباااااااااااااااارك فيييييييج.. عقباااااااااااااااااالج يا رب.. النيره : منوريييييييين ما شاء الله.. منصور : مشكوووووووووووووره حرمت اخوي سلامي : يالله اضهر.. منصور : جييه زاقرنكن اضهرنيه.. سلامي : عيييييييييييل... منصور : هوووووووب ضاهر (( وسار ويلس على الشبريه (( .. يالله عالسريع...ابا اتهنى انا النيره : يالله يا وديمه اشعلييييج.. ريلج ما ايروووم يصبر بلااااااااج وديمه استحت منصور ضحك : حوووووه.. لا اتفشلين حرمتيه.. ابروحها مستحيه بعد اتزيدينها.. النيره : ما انرووووووووم... هذا شكله من زمااااااااااااااان يحب.. هووب من امس ولا اليوم هنيه منصور قفط : انزين يالله خلصن.. وسارت وديمه الحجره الثانيه وساعدنها عشان اتعق الفستااااان اللي ما رمت اتعقه وساعدنها.. وخلاااااف النيره ضهرت لانه احمد يباها.. سلامي : برايج سيري انا بسدها ودوم النيره : سامحينيه فديييتج.. وديمه : مسموووحه الغاليه... النيره : يالله مبروووك وتصبحين على خير نتلاقى بااااااااااااجر.. وديمه : وانتي من اهله وضهر النيره .. منصور من شافها قام.. منصور : هاه خلصتن.. النيره : لا.. منصور : عيل وين تبين النيره : بسير احمد يبانيه تصبح على خييير منصور : مشكوووووووووووره وانتي من اهله النيره : العفووووووو )) وسارت (( ويوم خلصت وديمه يلست على الكرسي وسلامي واقفه وديمه : سلامي لا اتسيرين دخيييييييلج سلامي : ههههههههههه ليييييش ريلج يتريى وديمه : لا برايه.. سلامي : ما بترقدين كلنا تعااابا وديمه : انزين رقدي عندنا سلامي : ههههههههههههههههههههههههههههههههههه لا والله تستهبلين حضرتج وديمه : والله ما ارووووم دخيييييييييييلج.. سلامي : وديمه استهدي بالله وديمه : انزين انا بسير ارقد عندج.. ورفجه.. سلامي : هههههههه وين تبين .. منصور بيتغيض وديمه : براااااااااااايه.. هوووب راقده هنيه سلامي : هههههههههههه صعبه وين تبين وديمه : هوووووب راقده اقوووووولج.. سلامي : انزين لا ترقدين ..)) ويت بتضهر (( وديمه : وين سلامي : بسير خلاااااص وديمه : بسير فيااااااج سلامي : صدق الحينه ترمسين ولا تستهبلين وديمه : قسم بالله صدق.. سلامي : لا وديمه شوووووه.. وين تبين.. وديمه : ما يخصني برقد عندج.. والله.. سلامي : انزين شو بتقولين لمنصور وديمه : ما بقوله شي بنضهر انا وانتي ونحن ساكتات سلامي : لاااااااا والله.. الا جيه بنضهر واذا قالنا وين وديمه : قوليله الا هنيه.. سلامي : لاااااا حوووووول.. وديمه : فدييييييييييييييييتج.. بس اليووووووووم لانيه تعباااانه وابا ارقد وبعدين زااااااااا يغه ومدووووخه سلامي : انزين يالله... وفجت سلامي الباب ووديمه سارت ومسكت ايدها عند الكوووووع منصور سمع صوت فج الباب يلس منصور : اخييييييييييييرا.. عنبوووووووووه هوووووب فستااااااااااان هذا سلامي : شو انسوي.. لين ما ساعدتها وخلاف سارت غرفة تبديل الثياب وسكرت على عمرها ولين ما اتبدل ما خلتنيه اسييير.. منصور : المهم خلصتن.. مشكووووره سلااامي.. سلامي : العفووو منصور: يالله تصبحين على خييير سلامي : وانته من اهله سارت صوب الباب وديمه فياها منصور يتحرى وديمه بتصول سلامي الباب وبتسكره عقب ما تضهر.. شوي ولانها ضهرت فيااها سار منصور بسرعه صوب الباب سمعوا حجرت منصور في زاويه لها باب وممر وخلاف باب حجرته وحجره ثانيه... وبعدها سلامي ما ضهرت من الممر.. منصور مسك ايد وديمه منصور : وين تبين سلامي لفت ويهه : أأأأأ...أأ..تباااا منصور : شو أأأأأأأأأ عنبوووج بقره سلامي : هههههههههههه اونه تبا اتبات عنديه اليوووووم منصور : ههههههههههههه شوووووووووه.. ااااااااااسف ما اسمح سلامي : قلت لها ما طالعت .. وديمه مطت ايدها من عند منصور واندست ورى سلامي.. منصور : جيه وحش انا هههههههههههههه تعالي تعالي وديمه اول كلمه سمعها منها : ما ابا >> بصوووت واطي.. منصور : اخيييييرا رمستي.. شو ما تبين كيفج هو.. سلامي : دخييييييلك خلها اليوووم بس.. والله اليوووووم منصور : يالله فارجي.. اونه خلها.. وين عايشه... تستهبلين سلامي انتي ولا شوه سلامي : لا بس حليلها والله متروووعه واصلا صابتها الدووخه من الرووووعه منصور : جيه ما بقولها شي انا... يالله سيري وتصبحين على خير ومشت ودميه فياها منصور : انا ما قلت اتسيرين فياااااهاااا >> مبتسم سلامي : وديمه قلت لج يالله تصبحين على خييييير.. وسارت سلامي .. وديمه واقفه بعقتها اطالع سلامي منصور يطالع وديمه شوي وديمه : سلاااامي.. لا اتسيرين انزين تعالي انتي باتي هنيه منصور : هههههههههههههههههههههههه سلامي ههههههه سيري سيري ما عليييج منها..هههههههههههههههههه سلامي ضحكت وخلااااااااف سارت منصور سار وسكر الباب... الكل في بيته يبا يرقد ويرتاااح تعبااااااااان من عقب العرس... الكل من وطى راسه رقد بعمق عقب التعب هذا كله........... وديمه سارت تغسلن ويهه عن المكياج اما منصور يلس يبدل ثيابه ... وديمه (( عنبوووه ما يخوووووز.. ويهي عورنيه من كثر ما اغسله... ))..خلصت وضهرت وسارت اتفج الشباصات من شعرها.. وخلاف سارت ويلس على الكرسي عدال الدريشه... عقب ما اتعطرت.. >> وديمه تعشق العطووور مثلي..^_* كل ما اسوي شي اتسبح بالعطر... حتى يوم اخطف يعرفون انيه انا خاطفه... من ريحة العطر.. ^_* منصور سار صوبها ويلس.... منصور : اونه تبين ترقدين عند سلامي.. ههههههههههههه وديمه قفطت ونزلت راسها.. منصور : عنبووووج ما مليتي دووومج عندها... بعد نحن الحينه لنا نصييب ونصيب اكثر عن سلامي تدرين بعد ^_* المهم... عربانا رقدوا وعينوا خييييير وارتاااحوا... وفاليووووم الثــــــــــاني.. وديمه طبعا نشت >> اللي يسمع رقدت.. وديمه ما ياها النوم الا قرب الصبح.. يعني يمكن 4 ساعات رقدت بس المهم كانت الساعه 9:15ص نشت وسارت واتسبحت وغسلت شعرها عن السبريه والسشوار..ونشفته وخلاف اتلبست واتكشخت وكانت يالسه تجحل.. منصور توها قايم من رقاده.. كان منسدح وفج عيووونه وشاف وديمه يالسه عالتسريحه تتعدل تم منسدح بقعته ويطالعها وهوووووب مصدق انه صدق الحينه معرس .. وتم يفكر.. خلاف قام وديمه طبعا كالعادتها اتسبحت بالعطر سبووووووح.. منصور يوم نش منصور : صبـــــــــــــــــــــاح الورد.. وديمه بصوووت واطي هباب ما ينسمع : صباح النور.. منصور سار واتسبح واتلبس واتكشخ وسار صوب التسريحه اللي بعدها وديمه يالسه تتعدل عليها وما خلصت.. كان لابس كندوووره بيضاء .. منصور : بعدج ما خلصتي.. ^_^ مسك المشط ومشط شعره الطويل... وديمه قامت وسارت ادور شيله ما ادل ثيابها وين... كانت لابسه مودييييل.. وطبعا ذهب وحشره.. يعني.. ورفعت شعرها .. منصور عقب ما خلص لبس السفره واتعطر بعد واتسبح بالعطر وحط الدهن العود ولبس الساعه واتجهز ما شاء الله عليه.. وديمه لقت الشيله عطرتها وخلصت منصور : بتنزلين تحت اتسلمين.. وديمه نزلت راسها مستحيه.. منصور : عراحتج انا بنزل وبرد لج.. وعالساعه 11 بنسير دبي وضهر عنها سار تحت يسلم عليهم.. عقب اتريقوا كلهم الا وديمه ما طاعت تتريق.. ما تشتهيه سارت ام سعيد فوق اتسلم عليها ولحقتها سلامي والنيره ورفيعه وخلاف بو سعيد والكل سار سلم على وديمه اما في بيت اليده... وبتحديد فالصــــــــــاله عبادي منسدح : اماااااااااااااااااااااااااااااايه اليده : عووووونك عبادي : انا متة بعرس.. اليده : اليوم عبادي : ههههههههههههه صدق يدوووه اليده : انزين بسير اطالع لك حرمه عبادي اعتدل : غااااااااايته.. اليده : يالله عيل قم انسير عبادي مستغرب : وين امااايه عنبوه الحينه بنسير انطالع ما يصير هوب دبشه بنسير انطالع وبني اليده : جيه منوه قالك بسير اطالع لك حرمه الحينه عبادي : عييييييييل اليده :بنسير مساااجن.. عبادي : ههههههههههههههههههههههههههههه عيوووزيه ما تنصرين اليده فلعته بالفنيال : اص صه جلمه اتعوزك عبادي : عيووووووزيه بلاااااااااك جان خبقتي عينيه اليده : احسن ليته الا صدق مسود الويه عبادي : افاااااااااا منوه يبانيه اعور خلاف اليده :ذلفه.. عنبوووووك مضيع المذهب عيل عبادي : شوووو سويت الحينه.. اليده : اص.. عبادي ك عيل وخلى مطر هووووب مودنج مسااااااااااااااجن.. وبنسير ولا بتشووووفينيه مره ثااااااااانيه.. ادريييييييييبج هاللي تبينه عيووووووووووزيه.. خلي مطووووور.. ولا حموووووود ينفعج.. اسميج ما بتعوضين فيه.. ترااااااااااني زعلاااااااااااااااااااااااااااان اليده : هه.. اتريانيه لين ارضيك... عبادي : بعااااااااااااااااد.. انزين.. فمان الله )) وضهر ركب نسيانه وضهر يحوووط وخلاف اتصل بحمد وساروا رباعه صوب الموول عند الربع.. (( واما في بيت بو محمد ام محمد وبو محمد يالسين فالصاله تحت ام محمد : شوووف بالله عليك.. اشقايل فضى البيت عقبها فديتها يا ربيه بو محمد : صدقتي.... ام محمد : واااااااااااايه يعلني افدا حسها يوم يصبح علينا.. فديتها...))وجان تدمع عيونها (( بو محمد : جيه وين بتسير عنج.. وبعدين لبنيه ما ماتت الا في بيت ريلها والله يوفقها ان شاء الله ام محمد : الله فاااااااااال خييير منوه قال انها مااتت.. لكن البيت فضى عقبها.. بو محمد : لبركه فيهم كلهم ان شاء الله ام محمد : ان شاء الله.. وعالساعه 11 منصور جرب سيارته ليديده.. وسار صوب حرمته اللي كانت تستعد حق السيره... منصور فاج الباب وحادر : ها الغاليه خلصتي.. وديمه بصوت واطي وطبعا كل ما يرمسها غصب اترد عليه ومستحيل اتحط عينها في عينه : هيه منصور يضحك : لو ما سمعت شي بس احس انه هيه.. يالله عيل بننزل.. وديمه طبعا لو بيت عمها ودوووم كانت عندهم بس هالمره الوضع غيييييير مستحييييييييه.. اتلبست عباتها وكااااااانت متكشششششششخه من الخاااااااااااطر وشلت شنطتها وتليفونها >> طبعا مغيره الرقم والتليفون وقفلوا قسمهم وساروا ونزلوا تحت وسلموا عليهم قبل لا يسيرون وركبوا السياره واتوجهوا صوب دبي... وفالطريييج منصور : هاه الحينه ربج اشوى عن البارحه وديمه طبعا وبكل تأكيد : الحمدلله منصور : الله يعيني امره ما اسمع شي.. يا غييييييير معذوووووره بنت سلطااااان... بنحاااول انزيد حاسة السمع عندنا عسب انرووووم نسمعج لين الله ورايح وحاطوا المعاريس شويه في دبي ويوم نزلوا في وافي سنتر .... وديمه متعوده يوم تنزل بقعه تتمسك في حد يعني تقبض ايده.. ابوها اخوووها او حتى اختها.. طبعا امها ما تسمك فيها لانه امها ما يعيبها... وتوها نازله بدون شعور سارت ومسكت في منصور اللي استغرب من حركتها.. وفي نفس الوقت فرح وضحك منصور مسكها.. واتمشوا شويه فالمووووول... منصور : شو رايج انسير بيت الرعب وديمه مستحيه يالله يالله ترمس : لا منصور : ليييش بنستااانس.. احيده يعيبج بيت الرعب.. وديمه : استحي منصور : ما عليه يوم بتحدرين بيخوووز المستحى وديمه : عنبوه رعب من اول يوم عرس.. منصور : ههههههههههههههههههه عسب يخوووز المستحى بسرعه وديمه : لا دخيلك.. منصور : ان شاء الله.. المهم ضهروا من المول وحاطوا شويه في دبي خلاااف قرر يسير شويه صوب الامارات الشماليه.. وفالليل الساعه 2:45ص ردوا البيت لانه وراهم وراهم سفره فاليوم الثاني... طبعا كانوا تعباااانين ... فاليــــوم الثــــــــاني.. وديمه طبعا من قبل مجهزه الشنطه اللي تباها حق السفر وحاطه كل شي تحتااااجه... قبل العرس... وطبعـــا عربنا بيسيرون ايطـــاليا.. لانها تشتهر بالاماكن الرومانسيه.. عشان جيه منصور اختار هالدوله... الطيــــــــاره كانت بطيـــر فالليل الســـاعه 10.... من مطــــــــــــار دبي.. والظهر الكل في بيت اليد محمد معزومين عنده..... وديمه ومنصور يبون يودعووون هلهم قبل لا يسافرون .. محد فالبيت غير منصور وحرمته منصور : ها متى تبين انسير انودعهم وديمه : الحينه.. منصور : وانا اقول جيه كلهم هناك الحينه.. لانه عنديه شغله عالسريع قبل السفر وديمه طبعا ما ردت عليه منصور : ما عليه بنسافر وبترمسنيه... يالله اتزهبي الغاليه )) وضهر عنها (( وديمه (( حنووووووون هالرياااال.. وطييييييييب... المشكله معروووف عنه انه جيه.. لكن كان يتعامل معايه بطريقة خايسه.. الحينه اتغيرت المعامله.. يمكن لانيه استويت حرمته.. او يمكن ما يبا يجرحنيه او يجرح عمره تونا معاريس.. الله يستر... ما ادري شو متيودلي الايام اليايه )) واتلبست واتكشخت كشخه رهيييبه وقفلت قسمها ونزلت تحت.... وساروا صوب بيت يدهم.. سلامي وميروووه يالسات يسولفن... ميره : حرااااااااام والله سارت عنا وديمه سلامي : شو حرام.. الله يهنيها وبعدين ما سارت موجوده ميروه : جب اونه وين سارت.. تراها بتكووون عندج اربع وعشرين ساع هالا انا حليله بيلس مجابلتنج ويا هالشيفه سلامي :يا الغنز انا شششششيفه.. زين.. ان رمستج )) وفرتها بالمخده وضهرت عنها (( ميروه : فدييييييتج زعلووونه وحده تعاااااالي.. صدق اشخره ما تقهرين.. خييبه سلامي : برد بس حبي راس عمتج اول ميروه : منوووه سلامي : انا يا العنز ميروه : اتخسيييين الا انتي.. سلامي : عيل هووووووب راضيه عليج ميروه : بترضين وغصبن عنج بعد توهم قوم منصور حادرين الحوش.. ميره : سلاااااااااامي لحقي.. سلامي بعدها ما ضهرت لفت ويهه : شوووووه ميروه : تعااااااااالي هذي هووب سيارة خووووج سلامي سارت صوبها : هيه.. ميروه : اللله.. ودووووووم يت.. والله ما اتوقعت ايوووون سلامي : وانا بعد قلت بيسيرون دبي وبييلسون في فندق لين موعد الطياره ميروه : حتى انا جيه اتحريته سلامي : الله متى بعرس انا ميروه : جيه يوم بعرس انا انتي عرسي.. سلامي : ورفجتج اذا حد يى هوووب رادتنه.. شرى قبل ميروه : ههههههههههههههههههه واذا هندي سلامي : اتخسين الا انتي مسودة الوييه عبادي دخل وما حسن به يالسات يرمسن ويتمنن طبعا سمعهن عبادي : احممم... انتفضن مثل حد ضاربنه كهربه.. عبادي : واشعنه اتوايقن هاااااااه.. منوه اتشووووفن... >> بخبث ميروه : محد انطالع الجووو.. اسميييه طرررر ما شفته.. سلامي : هيه صدقها.. حتى افكر اسير العزبه عبادي : هههههه صدق والله.. بس اشوف الجوووو حر وشمس لاهووووب.. وين حلوووو.. يالله اعترفن منوه اطالعن هاه ميروه : وانته شو يخصك.. عبادي : وال تبن اتعرسن هاه .. غايته امره.. المعاريس حاضرين.. ميروه : في ذمتك عبادي : صدق فاصخه الحيا.. ومستلغثه عنبوووج ميروه قفطت.. عبادي : هذا ومحد يى يخطب استحيتي.. وين لو يىى سلامي : اقوووووولج عبادي فارج لو سمحت يلست بنات شو تبا عبادي : وينهن سلامي : هوووب عايبينك عبادي : انتن بنات هههههههههههههههههه سواااالف والله ميروه : هاه ها هاه ها سخيف عبادي : صدق اول مره اعرف... في نفس الوقت وديمه نزلت ومنصور بند سيارته وقفلها وديمه كانت واقفه جدام السياره تترياه.. منصور (( فديييييتهااااااااااااااااااااااااا )) سار ومسك ايدها وساروا داخل منصور بصوت عالي : هووووووووووووووود.. هل البيييت علي : هدااااا اقرب.. منصور : السلام عليكم >> وسار صوبه يتواييه فياه علي : علييييييكم السلاااااااام.. مرحبا بالمعارييييييس... منصور : مرحب بااااااجي علي : مبروووووك منصور : الله يبارك فيك... علي : واشحالكم.. منصور : يسرك الحاااااال علي : واشحالج بنت العم... وديمه مستحيه : ابخير علي : لا حوووول راح الصوووت.. ما عليه معذوووووره يا ام لسان... منصور : انا بعد اقووول جيه علي : ههههههههههه منصور : وين عربك.. علي : موجودين اقرب... وساروا طبعا الرياااييل كانوا في ميلس الريااييل اللي داخل البيت هووب اللي برى في الحوش.. اما الحرمات في ميلس الحرمات... علي : الريااييل هنيه.. والحرمات هناك.. منصور : عوبد الله جيه اندل نحن علي : هههههههههه ادريبك يا غير الحينه شوي وضع غييير منصور : هههههههههههه الا نفسه.. مع شويت تعديل.. علي : جان بتقرب هنيه وديمه ادل.. منصور : لا بسير فياها بعد علي : اتخاااف عليها اضيييع ههههههههههه ولا ما اتروم تصبر عنها منصور : ههههههههههههههه لا هووب جيه.. يا غير ابا اسلم علي : هيه.. عراحتك.. بعد ان ما سلمت بياكلنك الحرمات من الهده >> قصده اليده عليا منصور : عشان جيه هههههههههههههه علي : ههههههههههههههه وساروا صوب ميلس الحرمات عبادي : هذا هوووب صوت منصور... سلامي : هيه.. عبادي : جيه اتحريته في دبي سلامي : ما ندريبهم هذيلا.. وضهروا سارواكلهم (( عبادي – سلامي – ميروه )) بعدهم قوم منصور ما هبطوا الميلس عبادي : ويااااااااااااا مرحباااااااااااااااااااااااااااااااني... منصور لف ويهه وضحك : المرحب لا هاااااااااااان الغااااااااااااااالي اتواييهه فيا عبادي ولوى عليه.. والبنات بالمثل... عبادي : واشحاااااااالكم عيال العم.. مبروووووووووووك منصور : يسرك الحال.. والله يبارك فيك عبااااااااادي : دب والله اتولهت عليييييييييييييييك >> ااونه بيصيييح منصور : صدق .. وانا بعد... >> ويونه بيصيح عبادي : منصوووووووووووور >> ومد ايده منصور : عباااااااااااااااادي >> ومد ايده اونه لمون ونعناعه ^_* عبادي : منصووووووور... يــــا شوق هزنيه هوى الشــــوق... هزيز غصن(ن) تــــــاح لاوراق... كل اغرض(ن) م الوقت ملـحوق... الا وصول الصـــاحب أشـــــفاق... منصور : عباااااااااااااااادي... يـــا شوق في المعلوق بي عــوق... رسمه على لـــــــــفواد نتـّــــــاق... يــا كسر قلبي كشر مدقـــــــــوق... فــــي نــــــــاعم للــــبن خفــــاق... اونهم عاد يسووون مسرحيه والبنات يطالعنهم بعيون خبااال سلامي : شو هالخباااال بخبركم.. ويونك منصور معرس وريال... منصور : مالج خص... كيفي عبادي : كييييفه.. منصور منصور.. بي من وداده باحث الـــعوق... واللي الكسب الحال ســراق... لايام وصله بدّي حقـــــــوق... وباصوم لله عقب لـــــــفراق.. منصور : ببدل صلاتي صوبه اشــروق... لنه خليلي شمس لاشــــــــراق... لولاه ملـّــت شرعي ابـــــدوق... عن ذا الهيام أو خشر لاسواق... اونه يغايضووووون حركات... منصور : بسك عاد.. يالله وديمه بنسلم.. عبادي : سبحااان مغير لاحوال.. الحينه.. نسيينااا.. منصور : بعدين.. هوووب متفيج انا معرس الحينه... ودق الباب ودخل الميلس.. وسلموا عليهم.. منصور وايهه امه وخالته ويدته.. وديمه سلمت عليهم كلهم... ام سعيد : عيل ما نهيتوا ؟ منصور : قلنا بنوادعكم خلاف بننهي.. الكل : يتكم العافيه والله يحفظكم ان شاء الله منصور : حد في خاطره شي اماره حايه الكل : ذخيره.. منصور : فمان الله اليده : وااااااايه ما بتغدون عندنا... منصور : اسمحيلنا ان شاء الله يوم بني من السفر.. اليده : لا بتغدون خلاف بتنهيون.. عنبوه جانكم واصلين لين هنيه ولا بتغدون... منصور ضحك : امايه.. سمحيليه مره ثانيه ان شاء الله عمتهم مريم : امايه شو تبينهم خليهم يعلهم فداعت الله توهم معاريس وبيجابلونا.. سيروا يعلكم في حفظ الله منصور : سامحوونا... بعد ورانا انسلم على الريااييل الكل : مسمووحين.. وضهروا عقب ما وادعوهم... منصور : بسير اسلم على الريااييل بتهبطين ولا اخلي اللي يوايهج يضهر وديمه : ما ادري.. منصور ابتسم : ما عليه اتريي ودخل منصور : هوووووود.. سلام عليكم الكل نش : علييييييكم السلام.. اتواييهووا اليد : عيل وينها حرمتك.. منصور : خاري اترياااني.. اليد : جيه ما بتسلم علينا بو محمد : برايها نحن بنضهر لها.. وطبعا اليد محمد وبو محمد ومحمد وحمد وفلاح وعمها مطر وراشد و بوسعيد وعيالهم (( احمد – سعيد – سيف -)) ضهروا يسلمون عليها لانه داخل ريال عماتها وعيالهن (( سلامه – مريم وفاخره )) وهي اتغشى عنهم وتستحي ضهروا وسلموا عليها وخلاف وادعوووهم.. منصور وديمه ركبوا السياره وساروا صوب بوظبي.. لين قرب موعد الطياره.. وطبعا شنطهم فياهم.. اتفقوا فيا حمد وعبادي انهم يتلاقون فياهم فالمطار عسب واحد منهم يركب سيارة منصور ويسوقها والثاني يسوق السياره الثانيه عالساعه 11 فالليل طارت طيارت المعاريس صوب إيطاليا.......... حمد ركب سيارة منصور وعبادي في سيارته... وطبعا حاطوا شويه في دبي.. خلاف ردوا العين.. وفي دب الرده.... عبادي اتصل بحمد ..... عبادي : حوووووه اقوووووووولك... حمد يسوي عمره ما يسمع عبادي.. حمد : الوووووووووووه.. الوووووووووووووووووووووووووووووووووووه >> بصوت عالي عبادي : والخيبه طريت ذنيه عاده.. هوووب اصمخ انا حمد : عبادي تستهبل حضرتك.. الوووووووووووووووووووووووووووووووووه.. عبادي : خييييييييبااااااااااااااااااااااااااااااااااات... حمد يضحك : عبيد.. يا الهرم بترد عليه ولا اسكر في ويههك عبادي سكت ما رد عليه.. حمد : حووووووووووه.. ألووووووووووووووووووه عبادي : يا الجلب.. ادريبك انج تجذب يا السباااااال.. احسن لك رد عليييييييييه.... حمد : عبااااااااااااااادي.. عنبوووووووووه هالتليفون الخرب.. عبادي : محد غير ويههك خرب....... حمد : الوووووووووووووووووووع عبادي سكر في ويهه حمد حمد : هههههههههههههههههههههههههههههههههههههههههههههه رد ثاني مره يسوي له.. عبادي : الوه حمد : الوووووووووه عبادي : مرحبا حمد : الوووووووووووووووووووووووووووووووه عبادي سكت.. حمد : عبااااااااااادي... ليش ما ترمس.. عبادي : خلاص ردتلك الحاسيه.. حمد : الووووووووووووه عبادي : ااااااااااااااااييييييييييييهااااااااااااااااااااا اااااااااااااااااااااااااااااااااا >> فوووول... حمد :عبادي.. عن المضخره ورد عليه ارمسك انا... الوووووووووووووووه عبادي : ثرها مطوله السالفه.. اراويك يا الهرم.. )) وسكر مره ثانيه في وييهه طبعا حمد ميت ضحك عليه (( عبادي اسرع ولف على حمد اللي ما انتبه على عبادي ولف بالقو.. وعفد على السيد الثاني ولف عسياره اللي لفت هيه بعد عن لا يدعمها حمد .. والحمدلله يت سلميه... حمد في خاطره (( خيييييبه جان جتلنيه الهرم... يوم الله سلمنيه.. )) السياره الثانيه تمت محتشره وراعيها زلمه يالس ويتحرطم بروووحه.. هالمره عبادي اتصل بحمد... حمد : ما عليك يا الهرم.. جان جتلتنيه.. عنبوك هاي حديد ما يلعبوووبها.. عبادي : هاااااااااااااااااااااااااااه... حمد : يعلك الصمغ... يا الجلب شوووووووووو سوييييييت.. عبادي : الووووووووووووووووووه... حمد.. وينك.. الووووووووووووووووووووه حمد : لا وعلموووووك اتقلد بعد براويييييك خلنا نوصل عبادي : الووووووووووووووووووووه.. حوووووووووووووووووه حمد.. وييييييييينك الووووووووووووووه حمد سكر في ويهه عبادي.. عفكره السيايير هووووب لعبه هاي حديد.. ان استوابها شي غيرها موجود ولها عوض لكن الروح ان استوابها شي مل لها عوووووض ابد... فما اوصيييييكم.. انا قلت لكم عبادي طبق الاصل من شخصية ولد خالتيه وعميه ودوووووووم يرمسوووونه عن اللعب بس هووو ما يسمع الرمسه.. الله يهدييييه بس
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
