 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
10-13-2021
|
||||||||||||||||||||||||||||||
|
||||||||||||||||||||||||||||||
رواية وجهان العمله واحدة البارت الخامس
" Prt 5 "
" . . بيت وضـحـى كـانـت أتقـلب بالسرير منزعجــه من الـنـور اللي أخترق عليهـا رقــادهـا ,,, ومن الحركه اللي صايرهـ حولهـا فتحت عينهـا ببطئ لقـت الخدامه تدور فيهـا تنظفهـا رفعت نفسها شوي وصرخت فيها بمزاج متعكر : مــآآآيـــآآآ !! شمدخلج الغرفـه أنقزت الخدامه من الخرعه وقالت بخوف : سووي تنظيف يور روم مداام ؟ وضحى بنفس نبرة الصوت والغضب : ومن سمح لج تدشيـن الغرفه أساساً !! يلا برررى أشووووووفـ ؟ هزت راسهـا بطاعه وطلعت على طول من الغرفه اللي تحسفت أنهـا دخلتهـا من الاساس ... وضحى ترمي روحها من يديد ع المخده : آووووووف ! خربت علي رقااادي .. " تصارخ " مب كفاااااايه مب راااقدهـ أأأمس عــــدل !!!! حتى رقادي ماأتهني فييـه .. سحبت اللحاف وغطت فيها ويها كلــه ,,,, سمعت صوت رنة جوالها المميزهـ تخترق عليها هدوء الجو وعرفت المتصل من الرنه : ماااالـــي خللقك ! طول وهو يرن ,,, وهي تتقلب تحاول ترقد من يديد لكنهـا انزعجت ,,, مدت يدهـا وردت ع الجوال : آآلووو !!!!! راشد : ياصباح الخير على ويـه الخيييير ,,, يافديت راعيــة أحلى صوت وأحلى ألوو وضحى تنفخ من قلبها : آآآااااااف.... هــلا راشد ...! تبي شي راشد : شدعوه !! وضحى : رااقدهـ ومالي مزااج شي ,, كاارهـه عمري من أأمسسس أذا ماعندك سالفه ومتصل تغاازل كالعادهـ بسكررر راشد: اللحيـن أنـا متضايق ومتصل لج أفضفض تكلميني بهلـ الأسلوب ! زيــن باااي وأأأسفيين ع الأزعااج ..... وضحى بسرعه : رااشد رااااشد ! راشد يسوي روحه زعلان : نـعـم ؟ وضحى تقوم تقعد وترجع شعرهـأ القصير لورى وتقول بصوتهـا الأنثوي : سووري ... بس والله أحس روحي متضاايقه وكارهه عمري مــن آمس !!!! راشد : عيل أنـا شقول ,, من أمس وهذي رقدتي بالـصــالـه ..... صكني شد عضلي من الزييـن بظهـري من الرقدهـ المريحه هني !! وضحى بغرابه : وشحقه ؟ راشد : متهـاوش مع هـيــا ,, شلت عمري ورقدت بالصاله بكرامتي ... وضحى : وأنـت كل يوميـن ثلاث لآزم تتهاوش معاهـا ,, راشد بأنفعال : بذمتج مجااابل لي وحدهـ تنــافس أأجكررر مخلوقات الأرض ,,, شتبيني أسوووي ! وضحى : تراك تبالغ ,,,, راشد : ماأبالغ ,,, وحتى لو قلنا هي حلوهـ ... زيــن أبي أشوف هالشي ! كفرررت ؟؟ طلبت الشمس بعز الظهــر !!!! من حقي أني أشوف مرتي وهي حلووهـ وأأبتسم لا شعورياً من أطل بويهـا ,,,, مب أتنكد من أشوفهـا وضحى تتنــهد : تربيـة العيــال مب هينــه ... وعليهـا بيـت شكبرهـ تنظفـه بروحهــا ,,وهذا غير الأكل اللي تسويـه لكم ريوق وغدى وعشا ,, وغسييل وشغل بيـت مايخلص ,,, شلون تبيهـا تتفرغ وتتسنع لك راشد : حتى ولو ,,, كل وحده تبي تتزوج لازم تعرف شلون تنظم وقتهـا ,, مب توهق ولد الناس معاهـا ,,,, وضحى : أنت ريلهـا ولازم تقدر هالشي ,, وأأكييد هيا مب لهدرجه مهمله بنفسهــا !! بس أنــت عيونك زااايغه راشد ببتسامه عريضه ولمحة خبث : واايد !! .. زييـن ماعلينـا ,, شفييج أنتي متضايقه ونفسج بخشمج من أمس ,,, وضحى : تصدق .. محد مهتم لي بالبيـت .... أمس نجحـت وخذت النتيجـه قالوا لي مبروك أبرد منهـا مافيــه وأبوي هزئني وسكر الخط بويهـي ,,, " بضييق " حتى من ونـاستي قلت للخدامه ردت علي بأسلوب يعور القلب راشد : أسم الله على قلبج يابعد قلبي أنتي ,, ماعاش اللي يتجرأ ويعورهـ ,,,, بعديـن هذي أمج وهذا أبوج تعرفينهم عدل أنتي .. شكنتي متوقعه منهم ؟ ياخذونج بالأاحضان ويسون لج أكبر حفلة تخرج بالدنيا .... ياوضحى أصحي هالأشياء ماراح تصيير وضحى بأنفعال : وليييش ماتصيير ؟ مب بنتهم أنــا ! مب أكبر عيالهم .. دامهم راح يلهون عني جذي ... ليش جابوني وجابوا أخواني من الأساس !!! علشان يخلونا نربي نفسنا بنفسنــا ؟؟؟ " تزفر بقوهـ " رشود سكر هالموضوع ! راشد : ولا يهمج راح أسكرهـ ,, شرايج أمرج ونطـلع نـتـريق بمطـعــم وضحى على طول قالت : لآ ؟ آنـســــىى ,,,,, راشد : زيـن ليش ؟ أهلج ماعندهم مانــع ... وضحى : أدري أنه ماعندهم مانع ,,, بس سالفة أني أطلع معاك شيلهـا من بالك ... راشد : شكلج عادتني غررريب .... تراني أقرب من أهلج لج .. وضحى : عـبـالك نسيـت حركت ذاك اليـوم .... وهقتني مع مرتك وخليت صورتي بعينها تهتز راشد : بطقاق ! اللي يسمعج يقول أهتمت .... وضحى بتسأل : أنت ليش جذي ؟ راشد : لا تطولينهـا وهي قصيرهـ .. بمرج اللحيــن .... وغصباً ورى خشمج بتطلعيـن .. سامعه ؟ بااااااي سكر التلفون بدون ماينطر ردهـا .. وضحى تشوف جوالها بستغراب : يـه ! شفييـه هذا .. على كيييفــه ؟؟ رجعت أتصلت عليــه تبي تقول له أنـها ماراح تطلع معاهـ ,,, بس سكرهـ بويهـا .... : أفففففففف منك ؟؟ غصب هو غصب .. ناقصتك أنا بعد أزاحت اللحاف عنهـا وتوجهـت للـحـمـام ... نثرت رذاذ الماي على ويهـا الـنعــسـان والممتزج بضيقه مالها شكل تحاول تزيلهم عن ملامحها الـنـاعمـه وبعدهـا فرشة أسنانهـا وطلعت على طول خذت لها ثـيــاب ورجعت الحمام علشان تـسبــح غـسـلـت شعـرهـا بالمرهـ علشان تخف ضيقتها شوي ,,, ولما خلصـت طلـعـت ولبـسـت ثـيـابهـا ... اللي عبـاره عن تنوره وبلوزهـ بنـص كم وأبـتــدت تنشف شعرها بالأستشوار ....... ولما خلصـت تزيـن من صباح الله خير طلعت من جـنـاحهـا كلـه ونـزلـت تحت الـصـالـه .. لقـت أمها تتكلم بالتلفون وتضحك من قلبهـا .. مامرت عليها ولا حتى سلمت .. لأنهـا متعـوده لما تقوم الصبح ماتسلم لا على أمها ولا على أبوهـا ألا نــادر حتى لو جافتهم قاعديـن بالصاله !! دشـت المـطـبخ لقـت مايا تغسل الصحون ,, تنرفزت منهـا لأنهـا كل ماتتذكر موقف أمس معاهـا تنقهـر ... فتحت الـثـلاجـه تـدور لهـا شي تاكله ألا مايا ببتسامه : مدام ,, تبيـن يسوي حق أنـتي فـطور !! وضحى بنفس خايسه بدون ماتطالعها : ماأبي شي ...! مايا بستفسار : شاي حليب ؟ وضحى طالعتهـا بنظرات شريه وبصوت غاضب قالت : ماأبي شي يـــه ! مايا أستغربت مزاجها المتعكر اليوم قالت بصوت واطي : آوكي !؟ وضحى رجعت نظرهـا للثلاجه وطلعت منها تفاحه وسكرتها بقوهـ ,,, راحت غسلت التفاحه وطلعت من المطبخ وهي تاكل كــانـت بتــروح الـصـاله الثـانـيه تقـعـد فيهـا لكن صوت امها اللي نادتهـا خلتها ترجع الصاله الرئيسيه غصب : هـلا يمه .. أم وضحى بعد ماحطت السماعه دلالـه على أنهـاءهـا للمحادثه : تـعـالي بقولج ... أقتربت وضحى منهـا وقعدت ع كرسي بعيد شوي عنهـا : قولي .. أم وضحى بفرحه خفيفه : كلمني أبوج أمس وقال أنــه اليـوم بيخلص كل شغله وبنسـافر بااجر على ماليـزيــا ,, وضحى بلا مبالاه : زيـن ؟؟؟؟ أم وضحى : مب مستانســه ؟؟ أحنا من رحنا ماليزيا أخر مرهـ وأنتي تحنيـن تبي تروحيـنهـا من يديد وضحى كلت شوي من التفاحه وقالت : هذا قبل ,,, ام وضحى : يعني شنو ؟؟ وضحى : يعني ماأبي أروح ,, بقـعـد بالدوحه ... أم وضحى : وأتميـن بروحج ؟؟ أخوانج كلهم بيروحون .... وضحى : الله يخلي مايا ومحمود ... أم وضحى : مايا بتجي معانا ,, ومحمود بوديـه بيــت خالج ماأقدر أخليـه بالبيــت بروحه مــده طويلـه ... وضحى : وليش تاخذينهم ,, أنـا بقعد خل يقعدون معاي أم وضحى : لا يايمه مااقدر هنااك بيسندروني أخوانج وماأقدر عليهم بروحي ملزومه أجيب مايا معاااي ,, ودامج بتقعديـن هني مايصير أخلي محمود معاااج ,,,, الشيطان شاطر وضحى : يكون بعلمج محمود حريص علي ويخاف علي أأكثرر من ابوي نفســه ,,, وبعــديـن تراهـ رياااال كبيييررر مب مرااهق ولــه بزر أم وضحى : ولو يمــه ,, أدري أنه محمود ريال والنعم فيــه ومعانا من خذيت أبوج وأنتي كبر بنتـه اللي تاركهـا ببلادهـ وجاي هـنـي يترزق الله ,,, بس بعد أنــا أخاااف علييج يايمــه ماأقدر اخليج بالبيت بروحج معـاهـ وضحى تنافخ : أفففف يعني شنو ,, روحه ماأبي أروووح هالسنه مالي خلق أسافـــر أم وضحى : عيل بكلم خالتج تقعديـن عندهـا ,,, وضحى : لا تكلمينهـا ولا شي بقعـد هني ..... أم وضحى : برووحــج ؟؟؟ وضحى : ايــه بروحي ,, تراني كبيرهـ يمـه مب ياهـل ... وماله داعي تحاتيني هالكثرر .. تعرفيني أقدر أدبر نفسي بنفسي .... أم وضحى : بــس ... أبوج مابيرضـى وضحى : تقدريـن تقنعينـه ,,, أم وضحى : زيـن ليش ماتبيــن تسافريـن معانا ؟؟ وضحى : لأنه مالي خلق شي ,, ومب طايقه روحي بعــد ... أنتوا روحوا ونسوا أعماركم وبترجعون تلاقوني على حطت يدكم لا تشغلون بالكم فيني أم وضحى بتسأل : أنـتي شفيج بالضبط ؟ من أمــس وأنتي معتفســه ... حد مضايقج وضحى طالعتهـا وقالت بنفسهـا " زيـن والله سألت " : لا .. بس جذي مزاجي متعكــر ..... أم وضحى : زيـن طلعي شمي هوى ,, ولـه مري على رفيجتج أو خل تجيلج وضحى بقلبهـا " أأأيه ماتبيـن تقوليـن أنــا بقـعد معااج وأأسليييج !! وراااج طلعات ؟؟ " : راشد قال بيمر علي اللحيــن ,, أم وضحى : ولــد خالتج ؟ وضحى : ليش هو فيـه غيرهـ !!!! أم وضحى : زييــن عـيـــل .... تغـيـرين جو شوي وضحى رفعت وحدة من حواجبها وقالت وهي توقف : لا وصل نادونـــي .... تــركـت الـصــاله وهي تغلي داخلهـا من الـقهـر والـهــم .... أتجهـت لجناحهـا وسيــده صوب غرفتهـا دشتهـا وسكرت الباب بقوهـ وراهـا ,,,, فتحت الكـبـت تدور شي تكشخ بــه .... مب علشان راشد ! ولا علشان النــاس !! بس علشااانهـأ متعودهـ ماتطلع من البيت ألا وهي بكامل أناقتهـا ,, رغم أنه شكلهـا بالبيـت يعتبر أناقه بحد ذاته !! ... بعد ماأختارت ثـيـابهـا اللي بتلبسهـا وبـدلـت وقفـت جدام المنـظـرهـ تمشط شعرهـا القصير بملل ,,,, سمـعـت جوالهـا يرن توقعت يكون راشد شالته بدون ماتشوف الرقم توهـا بتنطق ألا يجيلهـا صوت نـاعم : صبــااااحــووووو وضحى أبتسمت لا شعورياً وحطت المشط ع التسريحه : هلا نوريي نوره : شلوووون الحلوييـن وضحى : بخيييير ,, شعندهـأ المستانســه .... نوره بضحكه حلوهـ : عنبو حتى ع الوناسـه حاسدتنـي !! وضحى من قلبها : يعل هالوناسه دوم مب يوووووم نوره : ويااااج ,,,, ترى باجر خالتي وأمي متفقيـن يسون لنا حفلة بمناسبة تخرجنا أنا وسلوى ,, تجيــن !! وضحى أنعصر قلبهـا وقالت بصوت تجاهد تخفي به حزنهـا : أذا كنت معزوومـه راح أجي وأذا مب معزومه مالي لزمه نوره : ألا معزووومـه ونــص ,, مو الحفله حفلتي من حقي أعزم ربعي وأنتي أول المعزوميــن ,, وضحى : فديييتج ,,,,, شكلهـأ الحفله بتكون ونــاســه نوره بحماس : وااااااايــد ,, أهلنا كلهم بيجوون وربعي وبنات رفيجات أمي ورفيجات سلوى وبنات عماتهـا وبنات عماتي رغم أني مب كلوز معاهـم ,,, و واااايييد بنات.... وضحى : آها !! نوره بستغراب : شفييج ؟؟ مب طبيعيه الييوووم وضحى تبتسم : ولا شي ,, بس توني قايمـه ..... نوره : علييينـــا !! وضحى : كييفج لا تصدقيييــن ,,,, نوره بأهتمام : لا فيج شي ,,, صوتج مب صووت الدفشة وضووح,,,, وضحى ضحكت بالخفيف مجامله وقالت : ترااج شكاكه ,, مافيني شي مستانسه والفرحه مب سايعتني واللحيـن بطلع أتريق بمطعم نوره : باااااال !! من صباح الله خييير بتطلعييين وضحى : شسوي رشوود أصر علي وماحبيت أحرجه نوره : راشد ؟؟ وأن شالله بتطلعيـن معاهـ وضحى : أقولج أصرر ,, وسكر الخط بويهـي شسوي بعد أخليـه يجي وينطق بالصاله ! نوره : بروحكم ؟؟ وضحى فهمت قصدهـا : يعتبرني اختـــه ,,, نوره بحرهـ : أنـتي غبيـه ولـه تستغبييين ؟؟ وضحى : يووووه نورهـ لا تشتغلين لي نصايح ... أهلي راضيــن ولو مايثقون فيه مارضوا أني أطلع معاااهـ ؟؟؟ وبعديـن للمرهـ الألف أنـا متربيـه معااااااهـ نوره : يالهبببللله مب عن رضوا أهلج وله مارضوواا ,, هو مب محرم للج يعني حرااااااااااااااااااام تطلعيـن معاهـ بروحج ثالثكم الشيطااان .. وأذا رضوا أهلج ترى ديـنــج مايرضـى ؟! .. وبعديـن أنتي أكثر وحدهـ تدريـن عن طبعه ,,, وآآنـه واااااحد جريئ لدرجة الوقاااحه ؟ ولـه نسيتي كلامج لي ! وضحى تسند يدها على حافة التسريحه بملل : خلصتي ! ,, نوره : آنـتي ليش مب راضيه تسمعيني .... بتنـدميـن بعديــن وضحى بأنفعال : شندم عليييه !!قولي لي شندم عليـه ,,,؟؟ ولد خالللللللللتي يانـآآس ,,, مب وااااحد غرريب من الشااااارررع ..... يعتبرني أخته ...ولا ومتزوج وعندهـ عيااال ..!! وبعديـن اللي ببالج راشد مايسويه ..... آنـا وحدهـ من أهله نوره : فهلـ زمن الواحد يخاف ع الأخت من أخوهـا !! وضحى تسكر هالموضوع : جوفي جوفي ,, ماأبي نصاايح ... أعرف شلـو..... قاطعتهـا نوره تكمل جملتهـا المعروفه : شلووون احاافظ على روحي .... زيـن وبعديــن ؟ وضحى تتنهد : نورهـ ترى اللي فيني كافيني ,, بليز لا تزيديني ! نوره : زيـن قولي لي شفيييج يمكن أقدر أساعدج وضحى : مافيني شي ,,, نوري حبيبتي أنـا بسكر اللحيــن ,, بخلص لبس وبـدق لج أول ماأرجع نوره : للحيـن مصرررهـ ! وضحى : وليـن باجر باااي نوره بأستسلام : باااي ,, . . أطلقت زفير حاد بعد ماأنـهـت المكالمة وماهي ألا أقل من ساعه والخدامه داشه عليها تعلمهـا بأنه راشد ينطرهـا تحت ,, لبسـت عبايتهـا ولفـت شيلتهـا ورشـة لهـا كم رشـة عطر ,, وطلـعـت من جناحـها بعد ماقفلته وألقت بالمفتاح داخل شنطتهـا علشان لا تدخل مايا الغرفـه نزلت الدري بخطوات واثقـه ,, لـقـت أمهـا تسولف بالتلفون من يديد وتبشر امة محمد أنهـا بتسافر باجر ,, : يلا يمـه أنا رايحه أم وضحى : الله معااج يمه ... " رجعت تكمل سوالف بالتلفون " تركتهـا وطلعت من البيــت لـحــد باب السـيـاره المصفوفـه ورى سيارة الدريول وكان فيها راشــد اللي شكله يتكلم بالجوال .. ماتدري ليش حسـت قلبهـا يرقص من الوناسـه لما شافته ...... فتحت الباب الأمامي وركبت وهي تقول : السلام عليكم ... مارد عليهـا كان لاهي بالتلفون : آآآييييــه يبـه !! ههههههههههه فــديـتــك ... زيـن لا رجعت راح أوديك تشتري اللي تبييه ,,, أوكييـه .. آوكيه حبيبي ..... " ألقـى نظره سريعه على وضحى وقال " تبي تكلم عموهـ ..... آ.. آووكـي هـاااكـ مد جواله لهـا .. بعد تردد خذت الجوال : ألو .. " أرتسمت أبتسامه خفيفه على محياها " بخييير الحمدالله ,,, أنت شلووونك وشلون جوري ؟؟ ....... ههههه.. زيين خلاص لا تعصب بجيكم بأقرب وقــت ,,! آوكي حبيبي .. هاك كلم بابا رجعت عطت راشد جواله اللي لمس يدها بدون قصد لما اخذ جواله وكمل سوالف مع ولدهـ ,,, نزلت يدها ليـن حظنـهـا وحاولت تلهي نفسهـا بأي شي ,, لـحـد ماحسـت بالسياره تحركت راشد وهو يطالع الطريج وراهـ ومدد ذراعه كامله على الكرسي اللي قاعدهـ فيـه وضحى لـحـد ماطلع من البيـت وهو يقول : هـاا ,, ويـن تبيـن تتـريقيـن ؟ كانت مرتبكه من ذراعه المحطوطهـ وراهـا لكنهـا بيـنـت العكس : آي مكان ,, مب أنت طاق الصــدر تبي تريقني برى ,,؟؟ يلا ورنا ويـن بتـريق ! راشد بـبـتـسـامه جذابه وهو يطالعها : أخاف ذوقي مايعجبج ؟؟ وضحى طالعته ورفعت واحد من حواجبهـا بأستنكار ! راشد أطلق تنهيدهـ وهو يقول : ياحلوج !! .... وضحى نزلت نظرهـا لحظنهـا ورجعت طالعت جدامها وقالت : هـيـا تــدري أنك بتطلع معاي ؟ راشد : عيالهـا بـيـقولون لـهــا ,,, وضحى بتسأل : زيـن ماقلت لي ,, ليش متهاوش معاهـا ....! راشد طالعهـا بتمعـن ورجع طالع جدامه : مـب شـغـلــج ! وضحى أنحرجت من قلب ... ولا علقـت عم السـكــوت ع الـجــو مافي ألا صوت المذيع بالراديو يقرى مسجات ويحط بيـن كل مسج والثاني أغنيـه ,,, لـحـد ماقـطـع عليـهم الجو وقـوف السيارهـ عند مـطـعــم فـخــم ,, وضحى أنصدمت وألتفتت عليه : بنتريق هني ؟؟ راشد وهو يبنـد السياره : آيـه شبلاج منصدمه ؟ وضحى ترجع تطالع المطعم : بس.... بس هالمطعم غالي راشد بأسلوب غزل : الغالي يرخص لك ياغالي ,,, " قال وهو يسحب المفتاح " خـلج مو تنزليــن ... وضحى بتسأل : لييش ؟ ويـن بتروح ... راشد مارد عليهـأ ونزل من السيـارهـ شافته يمر من جدام السيارهـ متجه صوب البـاب اللي صوبهـا وفـتــحــه وهو يقول : تفضلي وضحى أبتسمت على خباله وقالت وهي تنزل : تستعبط أنت ؟ راشد يسكر الباب وراهـا : لا أستخف دمي ..... دشوا المـطـعــم وخذوا لهم طاولـه لشخصيـن مكـانهـا شاعري قـعــدت وضحى بينما راشد أستأذن منهـا على أنه بيروح شوي وبيرجع ,,, شافتـه واقف يكلم الجرسون ويأشر على الطاولـه اللي قاعديـن عليهـا ,, ويبتسم أبتسامه عريضـه ,, ويبادله الجرسون نفس الأبتسامه .. وبعد دقايق رجع وقعد وهو يقول : هاا .. شلونج بعد ؟ وضحى بستغراب : شقلت للجرسون ,, راشد : هـددتـه أذا مانفذ طلباتج بذبحــه ,, وضحى : رااشد من صجي آنـا ,,, شقلت له ؟ راشد : مب شغلج اللحيـن بتشوفيـــن ؟؟؟ وضحى تطالعه بتفحص : راااشد ! لا يكون بتقعد تسوي لي وحدهـ من حركاتك اللي ماأطيقهـا ترى والله أرجع البيت بـ تاكسي راشد مارد اللهم أتسعت أبتسامـتــه ,, دقـايـق ألا تـشـوف صـحـون مـلـت الـطـاولـه وكل مالذ وطاب من الفطور توزع ع الطاولـه جدامهـا وهي مستغربـه رفعت نظرهـا براشد لقتـه يطالعهـا ببتسامه عريييضــه وجذابــه وضحى : شسـالفــه ؟؟ الجرسون بعد ماحط أخر طبق قال بلهجه لبنانيـه : مبرووك للعروسيــن ,, آن شالله تتهنوا تركـ لهم الطاولـة بأبتسامه حلوهـ وابتعـد عنهم وضحى بصدمة : عروسييييين ؟؟ راشد وهو ماازل على وضعه : شرايج بهلـ مفاجأه ؟؟ وضحى بتسأل وهي قربـت تعصب : شنو عروسيـن .. قايل لهم أنـه أنـا ويااك معاريس يداد !! راشد : آيـه مافيهـا شي !! علشان يدلعونـا ,,, وضحى : بس !!! ... راششد مب عدلــه ! راشد وهو يـمـد يدهـ ويمسك يدهـا بحنان : عـادي ! المفروض نكون صج معاريس سحبت يدها بسرعه وقالت : شتخربط أنــت !! صاحي راشد تـنـهـد وقال : مفـكر أرجع أخطـبج من يديد من أبووج وضحى تزلزل كيانهـا لهلـ كلام ,,!!,, قامت وقفت وقالت بحزم باين أرتباكهـا فيـه : قوم ودني البيت لو سمحت ,, راشد : ماراح أقوم ,, وقـعـدي بلا فضايح ... وضحى : أذا ماتبي فضايح ألحقني ع السياره ... تركته ناويـه تطلع من المطـعم لكنه مسكهـا من يدهـا ورجعهـا خطوات للورى ووقف جدامهـا : بتقعـديـن ولـه شلوون ,, وضحى تحرك يدها بمحاولة يائسه أنه يهدهـا قالت بصوت واطي : راااشد هد يدي عورتني ....! راشد : تبيني أهدج ,, تقعديــن ! وضحى حاولت من يديد تفك يدهـا وقالت : بقـعــد ,, بس هـدني !! راشد ترك يدهـا ورجعت قـعــدت وهي تحس أنظار كل اللي بالمطعم عليهم بينما راشد ولا على بالـه راشــد : شقلتي ؟ وضحى : أأكييد لا ! يعني رفضك بالأول بيرضى فيك اللحيــن ,, وبعديـن أنا ماأرضى أكون الثانيــه راشد : اذا على سالفة الأولى وله الثانيـه ,, أنتي تدريـن أنج دايماً الأولـى ,, وهيـــا عمري ماحبيتهـا !!!! وضحى : راشد ,, هالموضوع أحنا سكرناهـ من زمان ,,,, وأنـت بنفسك وعدتنـي أنـــك ماراح تفتح هالطاري من يديد وبنتم أصدقاء وأخوان مثل قبل راشد رفع واحد من حواجبه وقال : أخواان هـا !! .. " نـادى الجرسون بصوت عالي وأول ماجالـه قال " الفـاتورهـ لو سمحت وضحى ماحبت تعلق لكنهـا لمحة الغضب بعين راشد .. وأول مادفع الحساب قام وقف وقال : يلا قومي ...!! قامت وضحى وطلعت قبله من المطعم وهو وراهـا .. وصلوا لسياره ركبوهـا وتحركوا راشد ساكت ,, ووضحى ساكتـه وقلبهـا يرجف من داخل لمجرد أنه رجع فتح سالفة الخطبـه من يديد ... أبوهـا ماراح يرضـى ومتأكدهـ ألف بالميـه أنه ماراح يرضــى ... كفايـة أنه أبوهـا راضي تشوفه وتقعد معاهـ بحكم التربيـة اللي تربت فيهـأ معـاهـ بس سالفـة أنه يتزوجهـا هذي مستحيله بتسألون ليش ,, بقول لكم !! لأنـه مسـتـوى أبوهـا الراقي والـعـالي ... مايسمح لـه يعطي بنـتـه لواحد مسـتـواهـ أقل منهم بواييد رغم أنه مب ولد فقر !! وميسور الحال ,,, لـكـن على قولتـه " حتى لو كان اللي متقدم لهـا ولد أخوي !! وبنفس مستوى راشد ماراح أعطييـه بنتي ..؟؟؟ وضحى ياياخذهـا وااحد يعيشـهـا نفس عيشتهـا عند أهلهـا وأحسـن يـا تقعد ببيـت أهلهـا بدل ماتاخذ واحد أقل منهـا وراح يعيشهـا عيشـة ماترضيهـا خاصه وهي متعودهـ ع العز والدلال ,,," يومهـا صاحت وشالت البيـت على راسهـا بينما راشد أول ماردهـ أبوهـا ماعقب ولا رد ولا قـال شي !!!! .. ترك البيـت وقطـع وضحى كم أسبوع ورجع كلمهـا من يديد ولا كأنه صــار شي و يحاول يقنعهـا أنه اللي صار ماراح يهز اللي بينهم ,,, وأذا ماكسبهـا زوجه راح يظل كاسبهـا كصديقه وأخـت ؟؟؟؟ ... تـوقـفـت السيـاره وصحـت وضحى من أفكـارهـا شافـت المـكـان اللي واقف فيـه راشد وألتفتت عليـه وبعينهـا نظرة تسائل ! توقعـت يردهـا بيتهـا ,, مب يجيبهـا هـنـي !! راشد : نزلـي ,, خل نتمشـى ... وضحى : هنـي ؟؟ راشد وهو يبند السياره بدون مايطالعهـا وبجفاف قال : لا هنــااك !! نزل من السيــارهـ ,, وعيون وضحى تراقبـه لحد ماوصل لبابهـا وفتـحــه : نــزلي ,, وله عاجبتج قعدة السياره نزلت وضحى ولـفـحـهـا الـهـوى العـليــل ,, واللي داعب خصل شعرهـا الطالعه من تحت الشيله .... سكر الباب وراهـا ... وأبـتــدوا يتمـشـون على كورنيش الدوحه وكل وااحد منهم بـالـه بمـكـــان ,,,, . . كان قاعد من صلاة الفير بغرفته .. صلى بالمسيد ورجع البيـت سلم على امه وأفترقوا عند الغرف ومن حزتهـا ليـن اللحيـن وهو قاعد بـغـرفـتــه على سريرهـ ومسند راسـه لورى وشبـه يطالع فوق وسرحـان لبـعــيــد ! مافكر يداوم اليوم أو يروح الجامعه ,, قرر يقعد مع أمـه بدل ماتجابل أربع طوف وتهـلك روحهـا بالصيـاح ,, رغم أنه تواجدهـا بالبيـت قل من توفـى بو زايد وكلـه قاعدهـ بغرفتهـا ياتصلي ,, ياتقرى قرآن ,, ياتصيييح ... أو سرحاانه .... وأذا طلعـت جـاتــه ولازمـتـه .. كل هذا خوف انهـا تفقـدهـ ,,,,,,,, تنـهـد بالخفيف وهو يغمض عيونه ويلمح صورة فايز مطبوعـه بهالسواد الـحـالك ,,, وويـهـا الـكريــه مرتسمـه عليـه أبتسامه خبييثـــه !! فتح عيـنـه وفلتت دمعه من بيـن رموشـه وأستـقـرت على خــدهـ ,,, يمكن كانت دمعه !! لـكـن الأثـار اللي تركتهـا بنفســه وبروحه وبقلبـه تفوق صغر حجمها ,,,,,,, سمع صوت امه تكلم آحد برى بالممر ,,, أسـتـغــرب !! ..توقع أنه يتخيل أو يتـهـيأ لـه ,, لكـن لما تمعن بالصوت الجاي برى تأكد أنهـا قاعدهـ تخاطب حـد !!! قام من سريرهـ وبخطوات ثابتـه أتجه للبـاب فـتـحــه وطــلـع يشوفهـا مع من تتكـلم ,, لكـنه ماحـصـل حــد ,,, وغرفة أمـه مسكرهـ ؟؟ توجه لغرفة أمـه طقهـا بالخفيف وفتحهـا دش داخل لقى المكان مرتب وكل شي بمكانه وأمه محد ,, تراجع خطوات للورى وأتجه لصوب الدري ...نزلت خطوتيـن سمعهـا تتكلم مع حــد ... وصوت مألوف لــه يرد عليهـا .. خطوهـ وحدهـ زيـادهـ نزلهـا قدر يلمح أمـه واقفـه مع وحدهـ معطـتـه ظهـرهـا بعـبايتهـا وشيلتهـا ,, وبــعــد مادقق عــدل فيـهـا تبيـن لـه من هيئتها أنـهـا آمنـه بنت خالـه ...... أرتـاح من هالنـاحيـة للحظة توقع أنـه أمه أستخفت وقامت تكلم نفسهـا ؟؟؟ نزل نظرهـ لصـدره الـعـاري كـعادة ... وتراجع خطوات للورى وأستـدار يكمل طريـجــه وسيـده على غرفته ,,,, فتح الكبـت وطلع لـه قمييص لبسـه فوق الجينز اللي كان أساساً لابســه ! دام في حـد بالبيـت ملزوم يحترم نفســه ..... وخاصـه أنــه الموجودهـ تحت بـنــت وعييييييييييييييب تشوفـه بهلـ منظرر ؟ قال بصوت خفيف واطي : لا يكون بـتـم محبوس هني ليــن حضـرت جنـابهـا تطــلــع ,,, " تنــهد بضجر وقال " شكــلي بطــلع من البيـت أبرك لي !! خذى سويـج سيارته وسحب جوالـه وحطهم بمـخـبـى بنـطـلونـه ,, وقف جدام المنظره يجيك على ملامحه يحاول يخفي كل أثارة الحزن والألم اللي كان عايشهم من شوي علشان لا تحس أمه ,, تحسس خــدى لـقـاهـ جاف ,, أطلق زفير حاد ,,, وطلع من غرفته .... نـزل تـحــت ,,,, وطـلـع من الـبــاب الـخلفي للبــيــت ماحـب يمر الصـالــه ويضطر يجامل بآمنه ,,!! واول ماوصل لسيارته طلع جواله وأتصل ع تلفون البيـت علشان يقول لأمه أنه طلـع رن شوي وجاله صوتهـا : ألو ؟؟ زايد وهو يفتح سيارته : يــمــه ,, أنــا طالـع تامريني بشي ,, أم زايد : سلامتـك يبــه .... حط بالك على روحــك ولا تتأخر زايد : وآنـا أقدر ؟؟ .. بس علشان تاخذ راحتهـا أمـنــه وماأتم محبوس بداري أم زايد : وشدراك أنه امـنـه عندي ؟؟؟ زايد يركب السياره ويسكر البـاب : مايبيلهـا ذكــاء ... أم زايد : زيـن يبـه ,, بخليك اللحيـن عشان أقعد مع البـنـت ,,, وأنـت دير بالك على رووحك زايد : ان شالله ,,, مع السلامه أم زايد : في حفظ الله ياوليدي سكر من عندهـا وأتصل بفهد دقايق ألا صوت فهد يجيه : ياحيالله زيـووووود زايد : الله يحيك ويبقييك ,,, شلوونك ؟ فهد : والله تمام التــمــام ... ومن صوبك ..!! زايد : ماشي الـحــال ,,, فــهــد : شـعــنــدك دااق ؟ زايد : لييييش ممنوع أدق علييك ؟؟ فهد ضحك وقال : لا مو القصـد ... بس مستغرب ..... زايد : أنـت بالـجــامـعـه ؟ فهد : آيـه توني مخلص محاضراتي .. أنت شله ماجيت ؟ زايد : مالي خلللق فهد بتفهم : علشان وفاة أبوكـ زايد : علشان واايد أشيـــاء أنت ماتعرفهــا ,,,,, الـمــهــم ,, شرايك نروح الـبــحر فهد : والله ياريال اللحيـن ماأقدر ... لأنه نواف عازمني فـ بيـتــه زايد بسخريـه : مسرع ماصرتوا ربـع فهد ببتسامه : خبرك أنـا وااحد أجتماعي بقوهـ ,, ونواف واحد حبوب ويدش القلب بأسرع من لمح البصرر ,,,, تجي معاااي ؟ زايد : دامني مب معزوم مالي لزمه أجي ,, فهد : لو يدري أنك راح تجي ماراح يقول لا ,, بالعكس بيستانس .... أحسـه ودهـ يتقرب منك من بعد موقفك معاهـ وأأنــت مب معطيـه فرصـــه زايد بأصرار وعناد : آسـفـ !! تعرفني عــدل يافـهــد ... ماعزمني بالأسم ماراح أرووح ,,, روح أنت ونس عمرك .... آآنــا بروح البــحـــر فـهــد بأستسلام وبدون مايجادل لأنه حافظ زايد عدل وعارف أنه ماراح يغير رايه : على راحتك ,,, يلا فمان الله ... زايد : فمان الكريم ... سكر وحط جواله أحذاه وقال بسخريه وبصوت واطي : هه ! .. يبيني أروح بيــت فاايز ,, هــذا اللي ناقصني بــعد .... خوفي أجوفـه وأأتــهــور وكل اللي بنيتــه بسنيـن أهــدمــه ... آآآآآآآآخخ ياااافاااايزز لو أأجووووفـــك راح أشرب من دمك وأقط لحمك للكلاب اللي مثلك ..... زفر بقوهـ وحاول يركز بالطريج جــدامــه رغم أنه مب قادر يركز أصــلا ,,,,, هالفــايز ملازمــه ليل ونــهـــار !!! بعد 5 دقايق الا جوالـه يرن ,, شاف الرقم .... وماعرف صاحبـه لأنه أصلا رقم غريب رد بجديه : هلأ -: أهليييــن ... شدعووه !! بيعنـا بالســـوق ؟ زايد بجديه أكثر : مــن مـعـاي ؟ -: مــعــااك نــووواف ...... زايد لا شعورياً قال بأنفعال : خيير ؟؟؟ نواف : نــوااف فااايز !! ماعرفتني زايد ودهـ يســبــه ويسكر الخط بويهـا من ثقته الزايده وهو يقول أسمه وأسم فيوز بكل قوات عيـن لكنه ماسك عمرهـ وبأسلوب جاد قال: بــلا عرفتك ! نواف بروح حلوه : شوف عازمك على كوب قهوه محترم ببيــتي ... عاد لا تردني ...!! زايد بنفس أسلوبه الجاد : ماأشرب قهوهـ نواف : نسكافيـه ولا يهــمــــك ,, بس تعــال مع فــهـــد ,,,, تــرى ودي أرد لك المعروف اللي سويتــه بحقي بس مب عارف شلون زايد تجاهل كلامه الأخير وقال : فـهــد اللي مـعــطيك رقمي ؟ نواف : آآيــه ! أذا مافيهـا أزعاااج زايد وهو مازال متحكم بأعصابه لأخر لحظة : لا لا مافيها أزعاج,,! نواف : تراني طالبك !! قول تــم ... زايد بعد سكوت قــال : تــم حس بالفرحة بنبرة صوت نواف: أوووكــي عيــل سجل العنـوان عنــدكـ زايد كان ودهـ يقول لـه " مايحتاي تعطيني العنوان ,, حافظــه عـــــــدل ! " لكنه بيـن العـكس : قول أسمعـك تم يوصّـف لـه نواف البيــت وزايد مب معطيـه أهتمام .. مب ملزوم يستمع للوصف لأنه حاافظ كل الشوارع اللي تودي لبييت فاايــز ... وشلون يقـــدر ينــســاهـا أصلا ,,,,,, بعد ماخلص كلامه نواف قال : هــاا ,, عرفت مكان البيـت ولـه أرجع أعييد زايد بـ صوت مايحمل أي مشاعر : بلا عرفته ,, مسافة الطريج وأكون عنــدكـ سكر من عنـد نواف وحط الجوال عندهـ وهو ماسك السكان بقوهـ ... مايبي يرووح بيــت فـايز لأسباب واايد هو مقتنع فيهــا وبعد لأنه أمــه خايفـه عليـه منــه ,,, لكـنه حس قلبــه نطــق وقــال .." مــدام نواف يتقرب منك ... أقتــرب منــه ... علشان تقــدر توصل لفــايز لآزم تدخل بيتــه !!! ونواف هو المفتــاح اللي راح يفتح لك أبواب تعـاسته " أبـتــدى يفــكــر بالكلام عـــدل .... الطريقه اللي كان مخطط فيهـا لدخول حياة فايز غيييير !! نوااف ماكان جزء من الـخــطــه يمكن كان موجود بالخطه بس مب بشكل أساسي !!! لـكــن دام نوااف يبي يكسب صداقـته ولازق فيـه لزقـه... خلاص ....! ماعندهـ مانـع خلـ يكسب صداقـتـه ويتحمل العوااقب . . بيت آم زايد بـعـد طلـعـت زايد من البيت بشوي ألا تجي لأم زايد جارتهـا اللي مادرت بالخبر ألا أمـس بما أنهـا كآنت مسافـرهـ ومن الواجب والذوق أنهـا تعزي جارتهـا اللي ماجافت منهـا ألا كل خير وآمنه قاعدهـ معـاهم مثل اللوح ساكته وتشاركهم السمع !! آم وليد : الله يجعل مثواه الجنه آن شالله ,, ويجمعج فيـه بالفردوس بأذن الله أم زايد وهي الـحـزن رجع أكتـسـى ملامحها قالت : آآآميـن ياأختي ,, أم وليد بستفسار : كـنـت بجيلج آمس ,, بس لما سألت جارتنا آم محمد قـالت لي أنج ببيـت أبوج ,,؟ صج هالكلام ياام زايد .... أم زايد : آيـه صج أم وليد بعتب بان بملامحها وزاد حدت الـتـجـاعـيـد اللي مرتسمه بكل وضوح على ويها : بس ياأختي مايجوز ... أنتي مرهـ معـتــده المفروض تقعـديـن ببيـتــج ماتـطـلعيـن منه كلش ألا لضرورهـ القصوى؟ أم زايد أنحرجت لما قالت لها جذي وجنهـا بنت صغيره ماتعـرف !!؟؟ ... : آدري ياحبيبتي ,, بس شسوي أول مادريت بالخـبـر أنـصــدمـــت ماقدرت استوعب أي شي وترقدت بالمستشفـى ,,.... تـصـدقيـن طول هالثلاث أيام وآنــا بحالة صدمه !! ماأنتبهت بنفسي ألا وآنـا ببيـت أبوي ,,, والـنـاس تعزيني هنـاكـ ,, آم وليد : ماتنـلاميـن ياأختي ,, بس هو المفروض من الأول ماياخذج أبوج على بـيـتــه ,,,, المفروض على طول يجيبج هـنـي .. آم زايد : يأأختـي أبوي ريال كبير ... واللي براسـه يسويـه تصدقيـن اليوم بالغصب رضى أرجع ,,,, !! أم وليد : بس يابنتي هالأشياء ماتخفى على جـاهـل ,,,, حتى أبوج لو كان مب دارس أأكييد يعرف بهلـ الأمور أم زايد : مادري ياأختي ,, مادري شلون يفـكــر هو بالأسـاس أم وليد تهز راسها بتفهم : حصل خير أن شالله ,, بس لما دريـت بهلـ موضوع قلت انورج يمكن ماتعرفيـن ياأختي ... وآتمنى ماتتضايقين من كلامي .. آم زايد أبتسمت لها أبتسامه صافيه ممتزجه بحزن : شدعوه حبيبتي ,, أنـا أزعل منج .... أم وليد أرتاحت من هالناحية : الحمدالله .. ماأبيج تستحين مني ياأم زايد .. أعتبريني مثل أختج الـعـودهـ وله أمـج .. أم زايد : آكييد ,, أم وليد جات عينها على آمنه اللي ساكته وتطالع بالأرض وتسمعهـم : ماأخبر عندج بـنـت ياأم زايد ..!! أم زايد تحط يدهـا على فخذ أمنه بحنان : هذي بنت أخوي سالم ... مثل بنتي وآكثــر .. أم وليد آبتسمت بتفهم وقالت موجهه الكلام لآمنه : شسمج يمه ..؟ آمنه بحيا غلف ملامح ويها : آمـنــه ... آم وليد : عاشت الآسامي ياآمـنـه... ماعليج آمر يابنتي أبي قلاص مااي .... آمنه قامت وهي تقول : آن شالله ... تركت لهم الصاله وراحـت تجـيـب مــاي لأم وليد اللي تــمــت عنــدهم تقريباً نص سـاعـة وأستأذنت أنهـا بتروح ,, وصلتهـا آمنه لـعـند باب الـبــيـت ورجـعـت دااخـل عند عمتـهـا بيت بو نواف أسـتـانـس أنـه زايد ماردهـ ,, آخيراً بيعرف شلون يرد له ولو جزء بسيط من معروفـه علييـه ... قام من مكـانـه علشان يجيك ع الميلس وأول ماوصل أبــتــدى ينـقـل نظرة بالمكـان ... جـاف كم شغلـه مب بمكـانه ,, راح عدلهـا ,,,,, ولما حس أنــه الميلس يبي لـه شويـت خمـام طلـع من الميلس من البـاب اللي يدخل ع البيــت وهو يـنـادي نوره بأعلى صوته : نويييييـــر !؟ نوروووهـ ماحصل ردهـا ,,, مـشــى لحد ماوصل لدري وتوهـ بينـادي ألا يشوفهـا طالعه من الحمام اللي تـحـت وبيـدهـا سلة الغسيل المليـانه ثياب : يالله صباح خير على هالصرااخ ,, نـعم ؟ شتبي !!! نواف يلتفت لهـا ببتسامه : يافديت أختي اللي قايمه بالبيـت وتحرص على نظافـة كل شبر فيــه نوره قربت منه وقالت وعينهـا بعيـنه : نعم ؟؟ عيد عيد شقلت !! آنـا أحرص على نظافة كل شبرر ,, يكون بعلمك لو الشور بيدي جان عيشتكم بزريبــه ,,, بس أأأمـــك وأأأأأخ من أأمــــك ,,,, أذا شافتني قاعدهـ لا شغله ولا مشغلـه ألا تعطيني شي أسوييــه ,,,,, وبما اني أدري بتقول لي قومي غسلي الثياب وفرت عليهـا العنـا وغسلتهم بدون ماتنطق نواف وهو يمسكهـا من ذوقهأ ويهزهـا بالخفيف : يااافديت أأختي آآنــا ,,,, شوفي بطلبج وماراح ترديني نوره تبعد خصلة شعرهـأ اللي جات ع ويهـأ نتيجة هز نواف لـهـا : خييييير ؟ نواف : ماعليج أمر .. الميلس يبيله شويـت خمام ...... لو تعطيـنـه كم خمـه من اناملج الذهبيــه وتخلينه يلمــع .. بكون لج شاااااكر نوره تطوفه بدون ماتجادل : يصير خير خل أخلص غسيل بالأول ,,,, نواف وهو يتبعهـا بنظرة : ليش باقي ثياب بعد بالغسالـه ؟؟ نوره : كل اللي بقــوا ثيابك ,,, عنبو باليوم تبدل ألف مرهـ ,,, أقــتـــصصصصصصد !!!! بصير فيك شي من كثر ماأدعي عليك والسبـه هدومك نواف بضحكه خفيفه : خلاص بجييب الثياب الباقيـه وبلحقج ... نوره وهي تفتح باب الصاله : سلة الغسيل الثانيـه تلاقيهـا ورى الـبــاب طلـعـت وتركتـه وراهـا ,, كان الجو حلو اليـوم ... من جذي مزاجيها رايق ولـه جان مافكرت تخم الميـلــس ..... بعد خطوات شبه طويل صارت ورى البـيــت وبالأاخص عند المكان المخصص لشر الثيــاب... حـطــت السله ع الأرض وأبتـدت تنشــر .... تطلع القطـعـه تنفضهـا وتعلقهـا ع الحبــل وتـدندن شوي ,,,,, لـحـد ماشافت نواف يقترب منهـا وماسك السله بطريقـه تضـحـك نوره أتسعت أبتسامتهـا وقالت : شبلاك ماسكهـا جذيي !!؟؟ نواف وهو يحـط السله ع الأرض : شلون بعد يمسكونهـأ ,,, تبيـني أحطهـا على خصري وأغني آآآآهـ ونــص ؟؟ نوره ضحكت على تعليقه : زيييـن بما أنك فاضي وماوراك شغله ولا مشغله ... ساعدني بهلـ شرشف ماأقــدر أعلقه ع الحبل بروحي نواف ينفخ عمرهـ : عيل لو ماكنت موجود شكنتي راح تسويـن ... نوره : كـالـعـادة بنـادي غـنـوم ,, سـاعـدهـا علشان تـشــر الشرشــف وبـمـا أنه مايمسك الشرشف عــدل فـ تلامس أطرافه الأرض ونورهـ ماغير تصاااارخ على نواف علشان يمسكـه عــدل ,,,, وبـعـد جـهـد جهـيــد قدروا يعلقونه ,, نوره : اأأفففف لوعت جبدي ليـن مسكته عدل ,, والله لو منـاديـه لي غنووم جــان مسكـه أحسن منك ,, نواف : وآآنـا شعرفني ,, من كثر ماأشر الغسيل ,,,, المهم خلصي اللي بيدج وتعالي نظفي الميلس ياآنسـه نوررهـ ,, نوره وهي تكمل اللي بيدهـا : زيييـن تركهـا نواااف ودش دااخل بينما نوره أنــدمـجـت بالغسيــل ولما خلصت السله اللي هي جابتهـا ألتفتت لسلة نوااف ,, , , , ع الـســاعه 12 وشوي وقـفـت الـسياره داخل الفلـه ونـزلت منها وضـحـى وتمـت واقفـه ليــن ماأشر لهـا بمعنى " مع السلامه " ورااح ... وأول ماأختفـى عن نظرهـا راحت تمشي بخطواتهـا الواثقـه ونغمـة كعبهـا ترن بالأرض وتترك أيقاع مميـز ليــن ماصارت بالصاله وزادت حدة الصوت ,, بسبب الرخام نـادت مايا وطلبت منهـا تسوي لهـا ريوق خفيف ... بما أنهـا ماتريقت أصلا ,,, وكملت مشي ليـن وصلـت جنـاحهـا اللي دومهـا حابس روحهـا فيــه ,,,!!! وليش تطلع أساساً وكل شي متوفر لهـا ... ثلاجتهـا الصغيره الخاصـه فيهـا ,, وتلفزيون وديفيدي وصالـة وتلفون وحمامها الخاص وكل شي ممكن تحتاج لــه متوفر بجناحهـا ,,, فصخـت عبايتهـا وشيلتهـا وعلقتهـا على شماعة الملابس اللي بغرفة نومها ,,, شافت فلافي يلعب بطرف الشرشف مال سريرهـا شـالتــه وهـي تـحس أنــه مـحـتــاج لسبـووح ... حطـتـه على سريرهـا وقعدت على حافت السرير فصخت نعـالهـا الله يعزكم ,, وألتفتت عليـه شالته ودشت فيـه الحمام " الله يعزكم " وجهزت لــه كل معـدات النـظـافـه وهي تدري ومتأكدهـ أنهـا راح تحارب معـاهـ ع الأقل تشغل روحها فيـه بدل ماتقعد تفكر بالكلام اللي قال لهـا راشد بالمطـعم .. بينما ببيت رفيجتهـا صـف سـيـارته عند باب الفلـه ونـزل منهـا وهو يتفحص البيـت بأنظـــارهـ ,, شكل البيـت من برى ماتغير كلش !! مازال على حـطـتـه بس لمسة العـز زادت فيـه أكثر بوايد عن قـبــل كان باب البيـت مفتووح ,, مافكر يدش أحتمال يكون عـنــده بـنــات وماخذيـن راحتهم بالبيـت يتمشون !! ومب عدلـه يدش طلع جواله وبعد تردد أتصل على نواف وعطاهـ خبر أنـه برى ,,, ثواني ألا نواف طالع لــه : ياحيالله زاااايد ,, " جا يسلم عليــه " سلم عليـه زايد بالخشم وهو منقرف من نفســه لمجرد أنه سلم على ولد فايز !! نواف : حيااك تفضل ,, زايد وهو يدش معاهـ داخل البيـت : زااد فضـلك ,,,, مشـى مع نوااف وهو يطالع كل زوايـا الحوش الـوسيـع والفـخــم واللي على جوانبــه فيـه شيــر كبـــاااار وطواال بــعــد ,,, ألقـى نظره على باب الصاله اللي طافـوهـ وتذكر أخر مرهـ وقف فيهـا بهلـ مكــان !! غمض عيـنـه ينفض هالذكريات من بـالــه ,,, لــحـد ماوصلوا الميلس اللي ديكورهـ كان راقي واايد وفـخــم بقوهـ ,, أستغـرب أنه فـهـد محد !! ألتفت على نواف وقال : فـهـد ماجا للحيــن ,,, نواف : قال لي عندهـ مشوار بسيط بيخلصه وبيجي .... زايد هز راسه بتفهم ولا علق .... وعلى قـعـدته الا جوال نواف يرن ,, جاف الرقم وقال : ولد حلال ,, شكله وصل .... عن أذنك أروح أستقبله زايد رجع هز راسه من يديد بالخفيف علامه على الأايجاب طلع نواف وخلا زايد بروحه بالميـلــس قـعــد ينقـل نظرة بالمكــان وبديكوراته اللي ماتدل ألا على الثراء اللي عايش فيــه صاحب هالفله زايد بنبرة سخريـه بصوت وااطي : والله ومدلع نفسك يافايز !!! بس مردي بذبحك ذل ,,, وهالعز هذا .. بخليـه ينقلب عليك جحييم سمـع صوت حركة جايـه من الـبــاب الثاني للميلس واللي الظاهـر وعلى حسب تخميـن زايد أنه يدخل ع داخل الفله ,,, أنفتح الباب شوي وسمع صوت أنثوي داش قبلهـا وكانت تتحلطم لما عرف أنهـا بنت تنحنح بصوت عالي علشان تدري أنه في حـد بالميلس وماتدش !! خطواتهـا توقف ورجعت للورى وسكرت البــاب ,,,,,, زايد يكلم نفسه : لا بعد !! جان دشيتي .....!!!!! من الصوب الثاني أحترقت من الفشيله .. حطت الصينيه اللي فيهـا الشاي والقهوهـ جدام باب الميلس وهي منحرجه نوره : آآمبييييييي !! لا يكون شااافننننييي .. ياويللللللللي والله نوووواف بذبحني لووو درى ,,,,, خل أروح أنخش بداااارري لا يكفر فيني رااحت ركض فوق غرفتهـا وسكرت البـاب وراهـا وقفلته ... خذت جوالهـا ودقت على نواف طول شوي وهو يرن بعدهـأ جالها صوته : هلا ! نوره : حطيييت صينية الجاي والقهوه جدام باب الميلس رووح خذهم ,, نواف : آوكي تسلميييـن ياأحلى أخت نوره " شكله مادرى للحيـن " : ترى مو لله كل هذا ,, أول مايطسون ربعك بطلعني تمشيني ,,,, نواف : تامريـن آآمررر نوره : زين بااي ,,, سكـرت وهي تزفر بأرتياح " أأشووووهـ ماقال له ,, جان جاني طيراااان فوق " , , عند نواف وصل الميلس ومعاهـ فهد اللي سلم على زايد وقعد أحذاهـ ,, بينما هو راح فتح الباب اللي يدخل ع البيت وجاب الشاي والقهوه وسكر وراهـ الباب نواف بروح حلوه : تو مانور البيت ,,, فهد : منور بأهلـه ,,, صـب شـاي ومــده لـهم فــهــد أخذ بينما زايد طالع القلاص اللي ماده لـه نواف ورفع نظرة لـه وهو يقول بجمود : مشكور ! نواف : شدعوه تدخل بيتي ولا تشرب شي ,,!! زايد : خيرك سابق ,, نواف : على راحتك ,, " حط قلاص زايد فـ الصينيـه وراح قعد مجابلهم ووجه الكلام لزايد " ألا ماقلت لي ,, ليش ماداومت اليوم ؟؟ زايد : بــس ! مالي خلق ... نواف : أحـنـا على وي أمتحانات وأنت تقول مالك خلللق !! أذا ماخاب ظنـي هذا أخر ترم لك وملزوم تشد حيلك زايد : والله يانوااف ,, آنـا آدرى بمصلحتي ... وأعرف عـدل شلون آشد حيل سواء كان آخر ترم ولـه غيرهـ ,, " ببتسامه متصنعه " الدور والباقي عليك .. جدامك ثلاث سنيـن على ماتتخرج نواف يتنهد : ربك كريم ,, فهد بتسأل : ألا ماقلت لي ,, عقب هالثلاث سنيــن شناوي تشتغل ؟ نواف : تصـدق للحيـن ماني عارف ششتغــل ,,, زايد : مايحتاي تفكر شراح تشتغل ..شركة أبوكـ موجودهـ وأكيد مكانك محفوظ نواف : من هالناحية مستحيل ,, ماأبي أشتغل عند أبوي .... أبي أحس أني لما أجي أستلم المعاش أخر الشهـر أني استحقـه ,, مب جنـه مصروفي اللي أخذهـ من الوالد أخر الشهـر فهد يغمز له : تعجبببنــي صرااحــه ,,, زايد ألتفت عليه وهو يقول : اللي يسمعك يقول بتسوي نفســه !!! فهد : آنـا صحيح راح أشتغل عند أبوي ,, بس الوالد الله يحفظــه بالشغل مايعرف عيالـه كلنـا وااحد ,, من اكبر وااحد بالشركة ليـن أصغرهم نواف : والله زيـن ,,! عن نفسي وللأمانه أبوي مع أنه منصف مع الكل والكل ياخذ حقـه بس لو أشتغل عندهـ معروف شراح يسوي ,,, بيعطني وظيفــه عااليـــه تخلي نص اللي بالشركة يكرهوني فهد ضحك : ههههههه من هالناحيـة آآكييييد راح يكرهونك ,, ناس تشتغل سنين وتكد وتتذبح عمرهـا علشان يرتفع مستوى الشركة وبالأخير ولد صاحب الشركة يجي ياخذ اعلى المناصب بارده مبردهـ صراحه أنا وااحد عاذرهم ,,,, نواف : وآآنــت يازايد !! ماقلت لنا شـبـتـشتـغـل زايد : والله مفكر أصير وزييير ولــه سفييير ! أختار اللي يعجبك فيهم فهد ضحك وشاركة نواف الضحك بينما زايد كان راسم أبتسامه عريضه على محياهـ ببراعه ,, : يعني بالله شراح أشتـغـل ,, بخلص جامعه وبقدم أوراقي على الشركات والمؤسسات .... واللي بيكون عندهم مكان لي أشتغلت عندهـــم ,,, فهد يطلق تنهيده : صج الأيام تمر بسرعه مابقى شي وراح نشتغل ونعتمد على أنفسنا .. " ببـتـسامه حلوهـ تنور ويهـا الطيب " وبيصير عندنـا بيت ومرهـ وعياال نواف بسرعه : لا لا .. لا يحوشك ! عن نفسي مابي أتزووج بقـعـد عزابي طول عمررري .. شلنا بالزواج وعوار الراس ,,,, فهد : تصدق ! أنـا مايبط جبدي ألا الشباب اللي يقولون جملتك ذي ,,, وأخر شي تشوفه متزوج ومعيل وأذا قلت لـه وين كلامك أول ,, يقول كبرنــا ! نواف : عـاد أنـا مو مثلهم ماراح أتزووج ليـن اخر نفس ! فهد : بنشوف ,,!!!!! أما أنــا بخلص جامعة وبشتغل وسيدة بتزوج ... نواف : آآووهـ ,, ليش المرهـ موجوده ؟؟ فهد : آآآحـــم أحم ,, شكلك ماتدري أنــي خاطب ,, نواف بفرحه بانت على محياه : ع البركه أن شالله ,,, فهد : الله يبارك فيك ,, كمـلـت قـعـدتـهم تعــرف على بعـض كأول زيـارة لفهد وزايـد لنـوااف صحيح كان زايد مايتكلم وايد بس قدر نواف يكسبه " على حسب أعتقاده طبعاً " بينما زايد كان مرخي الحبل شوي وكل ماكلمه رد عليه وحاول مايخلي نواف ينفر منــه لأنه الخيط الوحيد المتعلق بـه علشان يوصل لفايز كـان قـاعد يسمع أسلوبـه وطريقة كلامـه ويحاول يتصيد الأماكن اللي يقدر يتقرب من نواف فيها ووسط الكلام قـدر يـعـرف أنـه نواف مـدمـن بلياردو وكل ماتملل راح يلــعــب ..... فوق بغـرفـة نورة كانت تكلم سلوى وتتفـق معاهـا متى راح يروحون السوق يتشرون حق حفلة باجر : جووفي أنتي تعالي مع سايقكم وأنـا مع سايقنـا وهنـاك نلتقي ,,, لأنه صراحه بيتكم بعييد وعلى مانوصلج رااح نص الوقت ,, خبرج الساعه 8 بالضبط لأزم أكون بالبيـت ولو أتأخر ثانيـــه بنذبح سلوى : زيييـن أبوج مساافــر !! ليش بعد ترجعيـن 8 بالضبط !!!! نورووهـ لآزم نتشرى اليوم ونخلص أغراضنا بسرعه ,, وكل وحده فينا ذوقهـا صعب يعني مستحيل نقدر نخلص قبل الـ 8 !!! قولي حق أمج بترجعيـن 9 ! نوره : لا والله ,, ماراح ترضى أمي ,,,, وبعديـن نسيتي أنه عندي نووااف ... بيذبحني لو أتأخرر سلوى : خلينا من نواف ,, أذا امج رضت هو ماله شغل يتحكم فييج ,,,,, أنـتـي قولي لهـا وهي بتتفهم وبعديـن غانم بيكون معااج ليش تخاف بعد نوره : بس غنووم صغيييررر لا يغرج طوولــه ,,, سلوى : ياالله نوورهـ لا تصيريـن لي غبيـه !! العالم شدراهم أنه بزر بأول أعدادي ,,, شكله يعطي أول ثــانوي ! عليـه طوول لا آله الا الله ماأبي أنـظـلـه ! وبـعـديـن غنوم عن ألف رياال نوره تعض على شفايفها بتفكير : مممم ,, ماادري بشوف أمي ,,,,, المهم ... عزمتي حد من ربعج !! سلوى : عزمت آماني بس وقالت مب أكيد بتجي ,, وباقي رفيجاتي كلهم مسافريــن مب مثلنا مالت على حظنا الردي قاعديـن بهلـ حررر نوره ضحكت : هههههـ أنـا ماعززمت غير وضحـى والـبـاقي مافكرت أعزمهم ,,, سلوى ماحبت تعلق على وضحى فقالت : وليش ماعزمتي الـبـاقي ,, نوره : ماادري أنـا مب معاهم لذاك الزوود ,, صج أسولف معاهم بالمدرسة وجذي بس ماأظنهم بيجون سلوى : شكلهـا الحفلة بتكون عائليـه بحتــه ,, أهلي من صوب أمي وأبوي وأنتي نفس الشي نوره تضحك : عااادي .. ع الأقل ناخذ راحتنا أأكثر ونرقص على كيف كيفنـا ونحتل القاعه باللي فيهـا ,, سلوى بوناسة : نورووهـ مب مصدقه أفتكينا من المدرسـة خلاااص ودعنا أياامهـا ,,,, رايحيـن الجامعـة كبرنا يابنت ههههههه نوره ماتت ضحك : ههههههههههههههههـ صرنا حريييم ,,, سلوى أطلقت ضحك بفرح وهي تقول : عقباااااااااااااااال مانحتفل بتخرجنا من الجامعـة ,, نوره : ونشتغل أحسن شغلـه بأحسن مكااان بأحسن رااااتــب ,, ونفلهـا بالطول والعــرررض سلوى : آي والله ,,, أول ماأستلم الراتب عـازمتج على عـشــى بأفخم مطاعم الدوحه نوره : ههههـ أنتي أشتغلي بالأول سلوى : خل نــحــلم شورانــا نورهـ تنسدح ع السرير وتقول بحالميـه : وبعدهـا يجيني فارس الأحلام ,, ذاااك المزيون الطويل المعضل بو شعر حرير وعيون خضر ذباااحــه ويخطفنـي معاااهـ ونعيش أحلى قصـة حب مليانه أكشـن وحركات سلوى تكمل بحالمية : أنـا ماأبي عيون خضر ماأأدانيهم أصلا ,,, آبي وااحد عيونه عسليـــه وملامحه تذوووب يحبني بجنووون ولو أأطلب الشمس يجيبهـا لي لو بعز الظهــر ,,,, آبي يصبحني بغزل ويمسيني بغزل ,,,,, نوره تنسدح على بطنهـا وتكمل : أأأبي لا زعلت يراضيني بسفـرهـ لباريس ولـه لـنــدن ,,, وله جزر المالديف .... أبـي كل نهـاية أسبوع يغرقني هدايـه ,,, أبيـه جريئ ورومنسي وحنون وطيييييب ويحترمني وأهم شي يحترمني ,,,,,, سلوى : ولأزم يثق فيني بعد ,,, ماأبيـه شكااااكـ نوره : ولا غيـور لدرجة الينون سلوى : ولا بخييييييييييل نوره : ولا ثقييييل دم ,,, يملغ علللي طول اليوم ,,, سلوى : ولا مغاازلجي نوره نقزت : أأهم شي مب مغازلجي ,, لو يلتفت على وحدهـ بس أأبطط عيووووووونــه ,,, سلوى : أأنـا بشلعهم لــه ,, نوره : وبحررررقهم بــغــاااز سلوى : ألا ماااااي نــاااااااااار ,,, علشان مايشووووف كلللللش نوره أنفجرت ضحك لما أنتبهت على أحلامهم اللي شطحت فيهم لبعيييد ,, وشاركتهـا سلوى الضحك لما فهمت سبب ضحك نورهـ نوره بعد ماخفت نوبة الضحك : تتوقعيـن في حد فـ هالدنيـا بهلـ مواصفــات !! سلوى بعد تفكير : آآكييد فيــه ,,, بس مـاتـدريـن ويــن ,,,, يمكن مايكون فارس احلامج قطري أصلا!! نوره ببتسامه عريضة : يمكن يكون هنـــدي سلوى نقزت : يييييييع ! الله يقرفج ,,, عليج ذوق يجيب المرض نوره تدافع : يالعنز الـهـنـود أيـننوون ,, شعررفج أنتي ,,, تقيسيـن جمالهم على اللي عندنــا ,,,, سلوى : حتى اللي بأفلامج اللي تشوفينهـا تلاقيـنه مفـرمتين ويهـا ليـن قال بس ,, علشان يطلع بهلـ حلاهـ ,,,, نوره : المهم أنهم حلويـن ,, أنـا شفت لهم صور بأيامهم العاديـة أيـنـون خاصه البنات بمكياج بدون مكياج قمررر سلوى : المهم المهم ,, جوفي بروح أأقول لأبوي أني بطلع العصر علشان أظـمـن الروحــه ,,, وأنتي روحي كلمي خالتي ,,, مانبي يصير شي يخرب علينا حفلة باجر نوره وهي تقوم من السرير : آووكيه ,, . . الـعــصــر كـانـت قـاعـدة بالسـيـاره ورى... وجدام آحذى السايق قاعد غانم اللي مسنـدرهـا أوامر : شوفي مو تلفيـن فيني السوق كلــه ,, سوق وااحد دشيـه وخمي قشج منـه ... بـــــــس ! نوره : شقالولك ,,, ! حبيبي أنا أبي أشتري شي عــدل أكشخ فيــه مب خلاجيييــن غانم وهو يعدل غترته : المهم وصلج الحجي ,,, نوره : وأنـت بـعـد وصلك الحجي ,,, لا تمللت مني خذ برهووم وفارجونـا غانم يلتفت شوي خايف ع الكشخه ويقول : لا والله !! وأخليج برووحــــج ,,, مافي قاعديـن على قلوبكم نوره : قـعــدوا ,, حد قال لكم لا ,,,, بس مردكم بتتمللون وبتـعـطونـا مقفاكم ...... غانم رجع أستعدل بقعده يطالع الطريج جدامـه ومانطق بحرف ليـن وصلوا الـسـوق ,, نـزلوا نوره وغانم ووقفوا جدام السوق ,, طلعت جوالها وأتصلت على سلوى ... نوره : وينج !! تأخرتي سلوى : أبراهيمووهـ نقعنا عند الدكان ,,, من جذي تأخرنـا .. عطيني 3 دقايق وبنكون عندج نوره : عيل أنـا بدش أتشرى ولما توصليـن دقي لي سلوى نقزت : لا لا ,, نطريني ,,, كاني قررربت نوره تنفخ : زييـــن ! ننطرج سكرت ألا غانم يقول : هــاا وينهـا ؟ نوره : قرييبــه اللحيـن بتوصل غانم بتملل : مو تنقعنا بنت خالتج هذي ,,, أنـا ترى بسرعه تطق جبدي نوره ماردت عليه وتمت تدوّر سيارة سلوى بيـن السياير الرايحه والراده ,, لحد ماجافت سيارتهم توقف وينزل أبراهيم بعدهـ سلوى .. جات سلمت على نوره وأبتدوا رحلة الشوبنج وغانم مستانس أنه جاف أبراهيم تم طاق سوالف معاهـ وهم يمشون ورى خواتهم وكل مادخلوا نوره وسلوى محل تموا هم واقفيـن عند بــاب المحل ينطرون ,, ينقال لهم يستحون يحشرون روحهم بيـن الحريم اللي داخل بينما عند نوره وسلوى ماكان يعجبهم آي شي بسهولــه وكل شوي طالعيـن من محـل وداشيـن محـل طالعين من محل وداشين محل لـحـد مافروا راس غانم وأبراهيم اللي قاعديـن يتحلطمون وراهم ,, وكل شوي طالبيـن منهم يخلصون بسرعـه وهم اذن من طيـن وأذن من عجيـن بيت أم زايد وقف سيارته بالبيـت بعد ماتعـب من اللـف بدون هــدف من ماطلع من عند نوااف ,,, علشان مايرجع البيــت ويقعد على قلب آمنـه ,, توقع تكون راحت ,, لكـن أول مالمح نعـالهـا الله يعزكم عند باب الصاله تأكد أنهـا مازالت موجودهـ دااخل ,,, أطلق زفير حااد .. وبعدهـا طق الـبــاب وأنتظـر جواب ..لمـا ماسمع الـرد دش لقـى الصـاله فاضيـة ركب الدري وهو متجهه لغرفته سمع صوت حشره بغرفة أمـه تأكد أنهـا قاعدهـ بدارهـا مع آمنـه والظـاهـر أنه آمنه قدرت تطلعهـا ولو شوي من الكـئابه اللي غامرتهـا سكر الـبـاب وراهـ ,, فـتـح كـبـتـه لـمــح الأثواب اللي مايلمسهم أبــداً ألا بالمناسبات !!! أو بالعزى ,,, وحتى لما لبسهم بالعزى أول مارجع البيـت سيدهـ بدل وقعد ببنطلون وقميص علشان لا يـزيــد أمه اللي كل ماشافته بثوب وغتره وعقال فتحت له الموال المعـروف " نسخه من أبوكـ ,, ذكرتني بأبوك ,, ياليت أبوك موجود ويشوفك بهلـ منظر جااان أستانس أنك تشبهه !! " وغيرهـا من الكلمات اللي يدري ومتأكد أنهـا راح تذرف دموع لمجرد أنهـا تذكرت أبوهـ ,,,, من يومها قرر يعتزل الثوب يمكن من اول أعدادي ,,, مايلبسـه ألا بالمناسبــات أبعد نظرة عن الثوب ودور لـه بنطلون وتي شيرت بدون أكمام ,,, ودش يــســبــح ,, وبـعــد ماتروش ع السريع بحمام داافي يرخي أعصابـه المشدودهـ ,, لبس ثيابـه وطلع من الحمام " الله يكرمكم " وقف جدام المنـظـره يتأمل نفـســه ... رغم صغر سنه ألا أنــه يحس روحه جدي حيل بكل شي وآآحيـان يكرهـ نفســه لمجـرد أنــه عايش بسـن أأكبر من سنه بـ عشر سنيـن جداام !! الـيـوم لمـا كان عنـد نواف ,, تـضـايق لما سمع كل واحد فيهم يطري أبوهـ لكنه مابيـن ولا حسسهم ,,,,,, وأساساً مب لازم نواف يحس ولو 1% أنــه مفـتـقــد أبوهـ علـشــان يـقــدر يخطي أول خطوهـ تجااهـ هدفـه حس ببـاب الغرفه ينفـتــح ألتفت يشوف من ,, لـقـى آمنه داشـه ولما شافته آخترعـت ,,, وتجمدت بمكانهـا زايد عقد ملامحه بستغراب وقال بصوت هادي : خير آمنه في شي !! آمنه : لا بـس ,,,,,, " بسرعه قالت " لا ولا شي ,,, ولا شي طلعت وسكرت الباب وراهـا بينما زايد مازال يطالع الباب بستغــراب !! " شــبـــلاهـا ذي !!!!؟؟ " أحترقت من الفشيله لما شافته بدارهـ " هذا متى جى ؟؟؟ حتى ماعـطـى عمتي خبرر ! ياااااااااافشيييييييييلتـــي بس ! " جافت أم زايد طالعه بويهـا وقالت بأستفسار : آمنه ! شفيج يمــه ,,, آمنه أنتبهت على خالتهـا وقالت : لا بس زاايد موجود بغرفته ,,, أم زايد : متى وصل ,,, آمنه : ماادري ,,, دشــيت أجــيك ع الغرفة لقيته موجود ,, أم زايد هزت راسها بتفهم وقالت : خلاص عــيــل دامه موجود هو بيتكفل بترتيب غرفته مايحتاي نرتبهـا أنـا وياج آمنه بادلتهـا الآبتسامه بدون ماتعلق أم زايد تزفر بـ هم : أمشي يمه خل نقـعـد تحـت ,, أبوج شكله بيوصل بعد شوي نزلت مع عمتهـا تحت الصاله وقعدوا ينطروا سالم يوصل لأنه أتصل على أم زايد وقال لهـا أنه مسافة الطريج وبيجي ياخذ آمنه ,, وأذا تبي باجر راح يجيبهـا ,,, 15 دقيقه بالضبط والجرس ينطق يعلن عن وصول سالم البيـت قامت آمنه وبعد ماسلمت على عمتهـا طلعت لأبوهـا اللي ينطرهـا برى أول ماطلعت آمنه من البيــت ,, شالت نفسهـا آم زايد وراحت فوق تطمن على ولدهـا ,,, فتحت الباب بدون ماتطقـه جافته واقف عـنـد الدريشـة وباله سارح لبعــيــد ,,, أم زايد ببتسامه : زااايـــد ! ألتفت عليها بويهه الشاحب اللي رغم كل هالهموم مازال يمتلك جماله الطاغي عليه وقال : هـلا ,,, " رجع صد عنهـا " جات وقفت أحذاه وقالت : متى جيت ؟ زايد : من شوي ماطووولـــت ,,,, أم زايد : وليش ماعطيتني خبر أنك وصلت ؟ ع الأقل مر علي ! زايد بدون مايطلعهـا بأسلوبه السلس : كنتي مع آمنه ,, أم زايد : وأذا ,,!!! زايد يلتفت عليها ويتسند ع الدريشـة مغير الموضوع : شكلهـا قدرت توسع صدرج ,,, آم زايد تذكرت آمنه وقالت : آآآي فديتهـا ,, هالبنت طييبــه ... آحسهـا مثل بنتي اللي ماجبتهـا ..... تصدق علشان تخليني أغير جو أصرت ألا تنظف معاي البيـت علشان أنشغل بأي شي بدل الهم اللي معيشه روحي فيــه .. خففت علي فديتها زايد يحط يدهـ على خد أمه وترتاح على ظهر يدهـ خصله من شعرهـا : يعلهـا دوم هالأبتسـامه ,,,يعلني ماألمح دموعج طول ماأنـا حي أم زايد تبوسـه براحت يده : ويـاك يــارب ,,, شعندك واقف هني وسرحااان .... شتفكر فيــه ؟؟؟ زايد يرجع يطالع الدريشه ويقول : واايـــد آشـيـــاء ,, آم زايد : مــثــل شنو ؟ زايد : لا تشغليـن بالج أنتــي ,,,,, " بصوت وااطي " لا تشغلين بالج . . اليــوم الـتــالي ســافروا أهلهـا الصبح ع الـساعه 10 ... وفـضـى البيـت تماماً مافيـه روح غيرهـا !! لا أم ولا أبو ولا أخوان ولا حتى الخدامه أو الدريول مافي ألا هي تتسكع بأركان هالفله العــوودهـ أو ماأشـارت الساعه لـ 3 الـعـصـر أتصـلت على راشد وطلبت منه يوديهـا الـصـالـون بما أنه ماعندهـا لا سايق ولا هم يحزنون وبرستيجهـا مايسمح لهـا تطلب لـمـوزيـن أو تاكسي .... وآآكيييد ماراح يرفض لهـا طلب راشــد ,, أول مافضـى جال لهـا وطلعت معاهـ بعد ماخذت معاهـا فستانهـا اللي بلون دم الغزال متجهه لصالون وطول الطريج يسولف معاهـا ويتغشمر مثل ماأعـتــادت عليـه دوم ولا جاب لهـا سيرة الخطوبة لا من بعيد ولا من قريب وأول مانزلهـا وراح ... دشت الصالون مالقت زحمـه وايــد بس في كم وحدهـ جدامهـا قـعـدت تنـطـر دورهـا وأتصلت على نوره دقايق ألا صوت نوره جايها وضجه أحذاهـا : ياهلا بوضحى وضحى : هلاوي نوري ,,, هااا وينج فيـه ؟؟ نوره : بالسياره رايحيـن الصالون .. خلاص قربنـا ,, وضحى بتسأل : شكلج مب بروحج ,,!! نوره ضحكت بالخفيف : ههههه آيـه معاي الشعب كلهم ,, أمي وسلوى وهنادي وخالتي وضحى : وووووي شكلهـا السياره زحمه ,, نوره بهمس : نواف واصل حدهـ ههههههههههـ يقول السياره ماراح تمشي وضحى : ههههههههههههههههههههههـ ودي أقول أخوج فله بس للحيـن محاربته نوره : ههههههـ فديتج ,, أعرفج ماتنسين بسرعه ..... " قالت بسرعه " وضوح كانا وصلنا الصالون بدق لج أول ماأخلص ,, ماأوصيج أكشخي بذممممممه أأبي كل أهلي ينخبلون عليييج ,, يمكن أصير حمااتج وضحى : ووووووووووووي ماعوزززج ,,, من حلات خوااانج الشييييييف كل وااحد يقول للجكر قوم وأنا أقعد مكانك ,,, نوره ضحكت : جببب زييييـن ,, بااااااااااي وضحى : باااااي قلبي ,,, سكرت من عند رفيجتها ونزلت من السياره بعد ماشبعت دززز من سلوى المختنقه ومرتعصه بالنص وتبي تنزل بسرعه من هالسيارهـ لما نزلوا الا سلوى تقول بغضب : اموت وأعرف شله ماجانا أخوووج بالسياره الكبيرهـ ,,, شهلـ نذاله اللي فيييـه ,,, نوره : يعااااااند يابلفييييت ههههههه أم هنادي : يلا يابنات دشوا ,,, دشوا كلهم الصالون لقـوا المكان زحمه شوي ,,,, قـعـدوا ينطرون دورهم وسلوى ونورهـ طايحيـن حش بالعالم الموجودهـ وتعليقات لهـا أول مالهـا أخر بينما هنادي بما أنهـا كبيرهـ فكانت قاعدهـ مع امها وخالتهـا وتحاول تدش معاهم بحوار ,,, لأنه سوالف أختهـا ونورهـ ماتعجبهـا ! مر الوقت سريع عليهم رغم أنه كان بطيئ على وضحى اللي ماغير قاعدهـ تتصفح مجله تنطر دورهـا وكل وحدهـ أكشخت آخر كشخــه وكلهم يتنافسون بالحــلـى رغم أنه جمال سلوى يغلب على جمال نوره آكثــر ,, بس أنهم ثنتينهم حلوين,,,,, لكن ليـن جينـا عند وضحى الكل يوقف مافي حد ينافسهـا بالـحلـى !! ودم الغزال اللي لابسته وكان قماشه حرير ,,,, زااايــدهـا حلا فوق حلاهـا وحتى المكياااج أضاف لمسة جمال وجاذبيه لا تقاوم على ملامحهـا ,, عنقهـا زيـنـتـه بأكسسوارات من نفس لون فستانهـا ,,, وحتى أذنهــا ,, وبمعصمهـا اليميـن كانت تلبس ساعة بنفس درجة اللون فـاخرهـ مرصعه بالآلمـاس وخاتم يزيـن صبعهـا ,, وبيدهـا الثانيـه أساور ناعمه وأظـافـرهـا لونتهم بدم الـغـزال مما زاد نعومة منظر يدهـا الرقيقه ,,,, طلــعــت قــــــــــمـــــــــــر وآحلى منـه بعد آول ماخلصت كشختهـا لبست عبايتهـا فوق ثيابهـا وغـطـت شعرها بأهمال كعـادتهـا ,, وأحرصت تـقـرى على نفسهـا مب ناقصـه حد من هالزبونات الموجوديـن بالصالون يصكونهـا عيـن تروح من جيس أهلهـا أتصلت على راشد وطلبت منه يجي لأنهـا خلصت كانت الساعه تشيـر لـ 6 الا ربـع ,,, وبعد مانقعهـا وصل ع الساعه 7 ,, طلعت له بعد ماتغشت بشيلتهـا ,, وركبت جدام كعادتهـا وهي تتحلطم : شفيييك تأخرت ياراشد !! كنت أبي أروح مبجررر القاعه ,, مب حلوهـ أوصل متأخرهـ ,,,, راشد وهو يحرك من جدام الصالون : شسوي ,, كنت مـودي اليـهـال الجمعيـه يخمون لهم حلويات ,,,, وأول مارجعتهم جيتج ,,,, " يطالعهـا ويرجع يطالع جدامه " المهم ماعلينا ,,,, أشوف ورينـي كشختج ,,؟! وضحى سحبت الغشوهـ من على ويها وطالعته ,,, ألتفت عليهـا راشد وبـغـى يوقف قلبه من حلاتهـا أطلق صفيييير حااااااد وهو يقول : لا لا مااااانــــقــــــــــــــــــدر جذي ! وضحى أبتسمت بخجل وقالت : حلوو ,,, ؟ راشد وهو من صجه مب قادر يشيل عينه عنهـا من حلاتهـا ونعومتهـا : حلو وبس !!! ألا صـااااااااااااااارووووووووووووووووخ وضحى ترجع تحط الغشوه على ويهـا : ياحبك للمجامل ,, ودني البيت بجيب عبايتي الثانيــه ,,,,,, راشد بسرعه : لا لا ! شله تغشيتي ,,, شيليهـا خل نجووف الكشخه ,,,,, وضحى : تراني عطيتك وي واااايـــــــد ,,, راشد : يافديت الوي وراعية الوي آآنــا ! ,, وضحى طنشته وصدت عنه ,,, وصلهـا البيـت وصف سيارته داخل البيت مثل كل مرهـ فتحت الباب بتنزل ألا راشد ناط : أنــزل معــاج ؟ وضحى : شله تنزل ,, بجيب عبايتي وبرجع .... خللك ... نزلت ورااحت صوب باب الصاله دشت وسكرت الباب وراهـا وراشد عينه تتبعهـا بكل خطوهـ ..لحد ماأختفت عن نظرهـ راشد وهو ذايب بجمالهـا : آخ ! بينما داخل راحت دارهـا تكمل على كشختهـا وتبدل نـعـالهـا " الله يعزكم " بوحدهـ ثانيـة تزيدهـا طول أكثر وشكلهـا جذاب أكثر ,,, وخذت عبايتهـا الثانيـه ولبستهـا ولفت شيلتهـا على راسهـا اللي بأطرافهـا فيـه آحمر بدم الغزال ,, ورشة لـهـا عــطـــر ,, خذت شنطـتـهـا الحمــرهـ وحطت فيهـا العطر علشان ترجع تتعطر هناك ,, وطلعت من غرفتها بعد ماتطمنـت أنه فلافي مازال بغرفتهـا ,,, طلعت لقت راشد مازال ينطرهـا ركبت ولما قعدت رجعت تغشت ووصفت له مكان القاعه وهو ماردهـا سيدهـ أتجهه للقاعه وكل شوي ملتفت عليهـا يملي عينه ! ع الـسـاعه 8 ونـص وصلت القاعه ,,, نزلـت بعد ماترجت راشد يجيـهـا علشان يردهـا وهو وافق مافكر أصلا يرفض !!! دشت الحلفه اللي قايمه أغاني ورقص وضحك وسوالف بيـن البنات ودورت نوره بعيونهـا وبصعوبـه لمحتهـا واقفـه تسولف مع بنات أول مرهـ تشوفهم فصخت عبايتهـا وكشفت عن جاذبيتهـا وسحرهـا وراحت بغنج لصوب رفيجتهـا اللي أول ماجافتهـا فرحت : وضوووووح ,,, وضحى ببتسامه حلوه : سبرااااااايز ,,, نوره بأعجااااب : يالخاااااااااااايســه صااااااااااااااااااااايرهـ قمرررررررررررررررررررر ,, وضحى بغرور مصطنع : القمر ياخذ حلاهـ مني هههههـ نوره تضحك : مالت عليج ههههه ,,, شرايج فيني ؟ وضحى : نعوووووووومـه وتهبليييييييين ,,,,, الوردي مطلعج بيبي شكلج كيوووت نوره بغنج ودلع : ثاااانكس يالدبآ من ذوقج ,,, " تلتفت ع الثلاث البنات اللي واقفيـن معاهـا " ذولا بنات عمي من زمان ماجفناهم من جذي ماتعرفينهم ... هذي غاليـة وهــدى وفطووم ,,," تكلم بنات عمهـا " هذي وضحى رفيجتي وأأأحسن رفيجه بعـد ,,,, وضحى بروح حلوه : تبالغ ماعليكم ,, " أقترب منهم تسلم عليهم و تأقلموا معاهـا بسرعه وأستلطفوهـا كأول تعارف بينهم " ,, جات سلوى وهي رافعه طرف فستانهـا وقالت لنوره : نوروووهـ اللحيـن بيقولون أسماءنا وبيغنون علينا لآزم نرقص ,,,, نوره طالعت وضحى وطالعت سلوى وقالت : لحظة ,,,, طلعت من بينهم وأتجهت صوب المطربـه اللي جايبينهـا تغني ,,, جافوهـا تكلمهـا بس مادروا شقالت لهـا بينما وضحى ببتسامه قالت : شدعوهـ سلوى ماعرفتيني ,, سلوى ألتفتت عليهـا وقالت بأستغراب بعد مادققت بملامحها : و .. وضحى ! صح وضحى : آيـه فديتج ... " أقتربت منهـا وسلمت عليهـا " شلوووونج حبيبتي سلوى بعد ماسلمت عليها : بخير وآنتي ,,, وضحى : الحمدالله ,,, شكلج غير بالميكــاج ,,, سلوى : تصدقيـن حتى أنتي ماعرفتج من مكياجج الأوفرر ,,, وضحى ماأنتبهت على نبرة أسلوب سلوى اللي كلهـا أستهزاء وقالت : قلت لهم أبي شي يناسبني ومايطلعني متصنعه ,,, حطوا لي هذا وصراحه أحسه يناسبني .... مايخفي ملامحي تماماً سلوى تطالعهـا بنص عيـن : آآهـاااا ,, وضحى بتسأل : الا كم نسبتج ؟ سلوى بغرور : 98 ,, وضحى : مبروووووووكـ تستاهليـن أكثر ,, سلوى : الله يبارك فيج ,, وأنتي ! وضحى : 96 ,,, سلوى : يعني شااطرهـ ؟ وضحى : اي الحمدالله ,, ليش يبيـن علي العكس ؟؟ سلوى كانت بتقول وايد بس أحترمت نفسهـا : ممم شوي ,,, جاتهم نوره وأنظمت لهم بفرحه غامرهـ ملامحهـا شوي ألا صوت المطربه تهـنـي نـوره وسلوى و ..... وضحى ! بالـنـجــاح والتخــرج وضحى أنصدمت لما سمعت أسمهـا ماتوقعت أصلا طالعت نوره وضحكت لا شعورياً ,,, وسط تصفيق كل الحضور نوره سحبتهـا هي وسلوى علشان يرقصون ,, ومن ركبوا الستيج أبـتــدى الرقص والطرب يصدح بهم ,,, والعالم حولهم تصفق والونـاسـه مرتسمه بـكـل مهـاره على وجوهــم والأنظـار تمر عليهم كلهم ,, وكل وحدهـ تفكر بعروس لولدهـا ,,,,, اللي تعجبهـا برائة ملامح نورهـ ,,, وجمـــال سلوى ,,, وســحر وحلا وجاذبيه وضحــى و .. و .. و !!! بس بختصار كانت الحفلة رمززز للونــاسـة تصوروا مع بعض ورقصوا مع بعض ,,, مرت عليهم الساعات ورى الساعات بسرعة الـبرق ماحسوا بعمرهم ألا والساعه تشير لـ 1 بعد منتصف الليل كل وحدهـ أتصلت على أهلهـا يجون ياخذونهـا ,, ووضحى أتصلت على راشد وأول ماسكرت ألا نوره جايتهـا : وضووح ممكن جوالج شوي ,, بدق على نواااف أنـا وسلوى جواويلنـا بالبيـت وأمي جوالهـا مافيـه رصيييد وهنادي جوالهـا مبند أصلا مافيـه جرج ,,, و وضحى قاطعتهـا : خلاص خلاص بتعطيني العيله كلهـا هاااج ,, بروح أجيب عباتي ,,, خذت نوره الجوال وأتصلت بينما وضحى راحت تجيب عبايتهـا لبستهـا ولفت شيلتهـا وهي تحس روحهـا تبي تنام وبس .. جاتهـا نوره بعد دقيقتيـن تقريباً وعطتهـا جوالهـا رن ولما شالته ألا راشد يقول لهـا أنه برى ,,, حطت جوالهـا ع الطاولـه وحذفت الغشوه على ويهـا وأحكمت أغلاق عبايتهـا من جداام وطلعت من القــاعــه كلهـا لراشد اللي ينطرهـا ,, ركبـت لـقـتـه ينطرهـا قالت بأعتذار : سوري سندرتك معاي اليوم ,, بس تدري ماعندي حد كلهم مسافريـن ومخليني بروحي ,,, راشد بتسأل : بروحج ؟؟ ليش الخدامه محــد ! وضحى : أي مــحـد خذتهـا أمي معاهـا تقول ماتقدر تداري اليهـال بروحهـا ,, راشد بغموض : آهـااا ,,,,, عم السكوت بالسيارهـ وبعد مسافة الطريج وصلوا بيتهم ,, راشد وهو يبند السياره : ماعليج آمر أبي قلاص مــاي ,, وضحى وهي تنـزل وتسكر البـاب : آوكي ,,, دشت دااخل وماأنتبهت على راشد اللي نــزل وراهـا ,,,, دخلت البيـت وسكرت الباب وراهـا وهي تحس روحهـا بتنام خلاص ,, مشت بخطوات طويله ليـن وصلت للمطبــخ فصخت شيلتهـا ..خذت قلاص مــاي فاضي وراحت تغسله ببطـئ علشان تصب بـه الماي وتوديـه لراشد اللي ينطرهـا برى بالسيارهـ ..... غسلته مليون مرهـ بالصابون من كثر ماهي متسندرهـ ,, سكرت الـمــاي وهي تنفض قطرات الماي المتعلقه بالقلااص وبأصابعهـا وماحســت ألا بـ يــديــن تـحــوط خصرهـا بأحكام ألتفتت بسرعه وراهـا بعد ماتصرقعت وأنصدمت براشد اللي واقف قريب منهـا بدرجة فضيعه وقالت بأرتباك : ر... را... راااشـ...ــــد ! راشد بخبث : آآيــه ! وضحى تحاول تبعدهـ : وخرررررر شبلاااااك لازق فيني جذذذذي ,,, راشد بأسلوب غامض : مو تبينـا نتزوج ,, هذي هي الطريقـة الوحيييده علشان يرضى أبوج !! وضحى أنصعقت من كلامهـ وحسسسست كل جزء بجسمهـا أرتتتتتتتتجف ...... طاح القلاص من يــــدهـــا وأأصــــدرررر صوووت أرتطااام قوي برخااااام أرضيـة المطبخ . . نــهــايــة الــبـــارت الـخــامس 
 
|
|
10-13-2021
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
يعطيك الف الف عافيه
موضوع رائع وجهود أروع ننتظر مزيدكم بشوق
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
