غرامك صار عنواني وانا قبلك بلا عنوان...

في المدرسه

" هذا الوقت كان وقت خروج الطالبات .. سلموا البنات على بعض وطلعوا .اول مراكبت وصايف السياره "
جنى: لاوالله كان تأخرتي
وصايف: عشان تعرفين شلون احترق بالشمس اذا تأخرتي ..
"طنشتها ولبست نظارتها"
وصايف: عطيني موبايلي
"عطتها جنى .. شغلته وقعدت تلعب فيه .. وبعدها رفعت عيونها على الشارع .. رقع قلبها يوم شافت السياره الي جالسه تمشي جنبهم كانت مظلله اسود كتم .. رقع قلبها على طول لفت على اختها جنى شافتها شتسوي .. جنى الظاهر مانتبهت لها .. نزلت عيونها على الجوال وهي خايفه ..هي جاتها عقده من العيال اي واحد يناظرها تحسه من طرف العنوود .. ارتبكت وقامت ترتجف "
جنى: وصايف شوفي السياره الي جنبك
وصايف: هاه "ولفت بسرعه ولفت على جنى "
جنى: قاعد يلحقنا هذا انا شايفه هذي السياره بالمدرسه
وصايف: لاتطالعين سوي نفسك مانتبهتي
جنى: وصايف تخافين .. انا الحين افسخ الجزمه وارميها على سيارته الحمار.. بس حسافه سيارته حلوه
وصايف: جنو اعقلي لحالي انا اخاف
جنى: ههههههههه بزرنجيه "وتكلم السواق " قادر قادر هذا سياره فيلحق انا
قادر سواقهم لف على السياره : هدا اسود
جنى: ايه
وصايف: ماعليك منه قادر خلي يولي
جنى: خليه يأدبه
وصايف: جنى فكيني والي يعافيك
"اتضح لهم ان في السياره اثنين .. لانه فتح خوي الي يسوق الشباك وكان لابس نظاره سودا ونزلها وقعد يناظرهم من فوقها "
جنى تناظر قدام : وصايف وصايف فتحوا الشباك
وصايف تصارخ: قلت لك لاتلفييييييييين اكيد انتبهوا
جنى خافت : وانا شدراني يمه قلبي
وصايف: اسمعي حنا ماندري عنهم ولاانتبهنا لهم اوكي
جنى : طيب طيب
"السياره هذي لحقتهم لعند البيت .. وصايف كانت مرتبكه ومو قادره تتحكم بنفسها وجنى خايفه ..اول ماوصلوا فتحت جنى الباب وركضت ناحية الباب .. وصايف نزلت برزانه ولفت على السياره تبي تشوف لوحه السياره لقطتها ودخلت داخل البيت مهروله "

.

.

.

" ماماوين البيبي حقهم انا ابي بيبي "


..:: اذا تزوج اخوك ياسر يجيب لك بيبي
ياسر : يمه اشوفك مستعجله على زواجي ,, خليني اتزوج بعدين فكري بالعيال
ام ياسر : دنووو اختك تبي بيبي فرحني بزواجك وفرحها هي في البيبي
ياسر وهو مستحي : الله يسهل يمه على ايدك
ام نايف : الساعه المباركه اللي اشوفك فيها انت متزوج
ياسر منزل راسه وهو مستحي : تسلمين ياخالتي عقبال مانفرح في عيال نايف
دانه : يااااااسر ياااااااااااااسر
ياسر يشيله عنده بحنيه : نعم ياقطوتي
دانه : ياسر متى بتتزوج
يلف ياسر لامه : يمه ترا بتصدق الحين هههههههههه دنو حبيبي بتزوج بعدين انشالله
ام نايف : لالا يا ياسر بتتزوج هالصيف ان الله راد
ياسر : هالصيف عاد شكلكم جد ناوين تزوجوني
بدر : ياسر انا بتزوج عنك
دانه وهي تصرخ : لااااااااااااااااااا مانبي بنت بدر نبي بس بنت ياسر
ياسر : وش مسوي لها ماتبي عيالك
بدر : وانا ادري عنها اختك ذي
" ويمسك دانه مع خدودها " : شوفي انسه دانه بتزوووووووووووج وقبل ياسر بعد عناد بس
ياسر : هههههههههه شوي شوي عليها لاتوجعها
"شوي ودق الجرس "
ام نايف: هذا هم وصلوا
ياسر وبدر ووليد قاموا بنفس الوقت : يلا نستأذن
ام نايف: اذنكم معكم
ام ياسر: في حفظه
"وطلعوا قبل لايوصلون عند البوابه الرئيسيه وتوجهوا ناحية المجلس الكبير"
.
"بدت العايله تتجمع .. وصار المكان زحمه والكل مبسوط بسلامة نجلا وكان ودهم يكون البيبي معها .."
"بسمه وقتها تحس انها مبسوطه وترحب بالضيوف وتقدم وقايمه بالضيوف بعكس نجود الي تدعي انها تعبانه .. ومالها خلق اي احد "
بسمه بفرح : واخيرا يانجلا بتجلسين معنا
نجلا : بتشبعون مني بعد وبتملووون وبتطردوني
بسمه : ماعاش من يطردك من بيتك يالغلا
نجود تلف على بسمه وتهمس لها : لا تقلدين الحريم وتسوين نفسك فاهمه كبيره تراك بزر لارحتي ولاجيتي
طنشتها بسمه وكملت : اقول نجول متى بيطلعون البيبي
نجلا : والله مدري بس يبيله سبوعين شي زي كذا

بسمه : ونااااسه صرت خاله
سهر : من قدك يابسووووووم صرتي خاله ومو اي خاله بعد
نجود بقهر تهمس لبسمه : اللي يسمعك يقول انتي اول واخر خاله
"بسمه ماقدرت تتحمل لكن عطتها نظره وخافت لاتسوي فضيحه والكل موجود وماحبت تخرب فرحة امها باختها .. وقامت بسمه تامر الخدم بتجهيز الغدا لان الكل جايين من دواماتهم واكيد جوعانين عشان كذا يكون غدا الاربعا بدري "
.
.
.
من جهة ثانيه

" هــــــو الـــــيوم ما داوم "

"كل المتواجدين قاموا يتلافتون بالمجلس يدورون فواز .. الكل استغرب من غيابه المفاجئ "
بو محمد : وش قلت يامحمد ؟؟ وليه ماداوم عسا ماشر
محمد : والله مدري يا يبه
" ويلف محمد على طلال ويسأله "
محمد: طلاااال وين فواز اليوم ماجا الدوام ولا الغدا
بو محمد : المفروض يجي وش فيه والا لان ابوه مسافر قبل كم يوم مايجي هو
طلال: ها
محمد قاطعهم : يبه فواز مو من عوايده يغيب عن الدوام او مايحظر الجمعه
بومحمد : وانا ماقلت شي بس دقوا عليه شوفوه ليه مايجي
محمد : تامر يبه الحين ادق عليه
بو نايف : يلا دق وانا عمك عشان اقولهم يحطون الغدا
" ودق محمد على فواز وكان ينتظر انه يرن لكنه
عفوا ان الرقم الذي طلبته لايمكن الاتصال به الان فضلا اعد الاتصال في وقت لاحق "
محمد : يبه جواله مقفل
بو محمد : طيب دق عالبيت وشوفه
طلال وهو يحس باللي صار لاخوه : عمي لا تتعب حالك ماراح يرد
بو محمد وهو مستغرب : ليـــه
بونايف : اخوك تعبان فيه شي
طلال: لامافيه شي .. بس
"بو محمد والكل كان يناظره ينتظرونه يتكلم او يقول اي شي "
طلال "خذ نفس ": اخوي لاتعبان ولاشي بس"وسكت شوي " ماظن له وجه يقابل الموجودين وهو مرفوض ياعمي
بومحمد : طلال وش تقول انت
طلال : سكت كثير انا وجا الوقت اللي اتكلم فيه بدل اخوي
" ويلف على عمه بو فيصل وقال بأنفعال " : ياعمي بنتك خلاص مانبيها لا فواز يبيها ولا حنا نبيها واذا هي رفضته مره حنا رافضينها الف
"كل المتواجدين سكتوا وش قاعد يقول ذا شكله خرف"
بو فيصل تكلم بكل حالميه لانه ماراح ياخذ على طلال اذا فواز ماتكلم : يبه طلال ياليت تجلس وتهدا
طلال بحزن : ياعمي وشلون اهدا فهمني وبنتك ماتبي اخوي هي هي اصلا تحلم يجيها واحد احسن من فواز مدري مدري على ايش شايفه نفسها
فيصل بصرامه: طلال ياليت تهدا ولاتنسى اللي تتكلم عنها هي اختي
طلال: تدري يافيصل اسف انها اختك
بو فيصل رفع صوته : طلال ياليت تسمعني شوي
" كان الكل ساكت ويسمع حوار بوفيصل وطلال المراهق "
بو فيصل : حنا لسا مارفضنا اخوك.."وبعدين استغرب ان شلون طلال وفواز يدرون انه اديم رفضت وهم مابعد يعلنون " وبعدين ياطلال من وين سمعت خبر انه حنا رافضين
"طلال توهق هنا ماعرف وش يقول وهو صحيح مابعد يقولون له"
" الكل يناظر جواب من طلال "
طلال بجرئه : عمي انت وصلك خبر رفض بنتك امس .. وانا عندي خبر من يوم كنا بالشاليه .. بنتك قاعده تمشي وتبشر انها ماتبي فواز .."وبحزن " على ايش ترفضه .. وانا امس قلت له وشي طبيعي مراح يكون له وجه يقابلكم ويسمعكم ترفضونه .. انتم ماشفتوا اخوي وش صار فيه بعد ماقلت له .. اخوي كم قعد ينتظر منكم جواب وما ارتاح الا لمن قلت له وريحته واتمنى من كل قلبي اني ريحته
مشاري بعصبيه : ياطلال اظن ان الزواج قسمه ونصيب والبنت مو مجبوره
طلال : ودامكم تدرون انه قسمه ونصيب ليه ما سألتوا بنتكم اذا هي موافقه قبل لانجي ونتكلم
فيصل بحالميه : طلال انت عارف ان اديم وفواز لبعض من يوم هم صغار وش تغير الحين يوم عرفت انه رفضته اونقدر نقول انها ما ارفضته بس قالت تبي تكمل دراستها
مشاري: انتوا ليه ماعطين ذا البزر وجه وليه قاعدين تاخذون وتعطون معه ... فواز مايزعل على اشياء تافهه و واقعيه.. اما انت ماظن زعلك بيغير شي ..
طلال : مهما كان هذا اخوي واللي يضره يضرني وما ارضى عليه بشي حتى انا ماكنت راح اجي اليوم لكن جيت عشان عمي بو نايف ما ابيه يزعل لان محد حظر من بيتنا
مشاري : كثر الله خير زين انك تراعي شعور عمي
طلال: على الاقل احسن منك ومن اختك اللي مابقى احد ماخلته يعرف انه مرفوض فرحانه يعني حتى اخوي مايبيهااااااااا ومو زعلان عشانها
" ويمسك مشاري طلال من ثوبه ويقربه له بكل قسوه " : اسمع ياطلال لو تتكلم في اختي مره ثانيه ماتلوم الا نفسك فاهم
بو محمد : مشاااااااااااااااااااااااااااااري طلااااااااااااااااااااااااااااااااااااااااال بس احشموووووا
ماتشوفون الرجال اللي قدامكم استحوا على وجوهكم اللي كبركم عندهم عيال وانتوا تتهاوشون مابقى الا تتذابحون ماتحترمون احد ابد مو كذا ربيناكم ياخسارة التربيه فيكم بس ياخساره وانت يامشاري لاتمد يدك على احد مره ثانيه فاهم وانت يا طلال اذا زعلان على اخوك كلنا زعلانين من اللي صار وانت تدري انا حنا شارين فواز لكن البنت ماتبي ومافي شي يجبرها انها تاخذه ولو فواز طلب يد بنتبي سهر ماتغلى عليه لانه رجال والنعم فيه .. واديم مارفضته لشخصه ارفضته تبي تكمل دراسته .. انا بعتبر نفسي انه ماصار شي ولا شفت شي .. لاني عارف ان فواز ماراح يرضى على الي صار اليوم بسببه.. واديم رفضت او مارفضت البنت مالها الا ولد عمها سامعين
طلال : اوكي ياعمي بس اديم خلاص عفناها مانبيها "وطلع عنهم "
"وليد لحق صديقه على طول "
ياسر : اهدوا ياجماعه .. انتم عطيتوا الموضوع اكبر من حجمه ... لاتاخذون على طلال مراهق واكيد منقهر عشان اخوه .. هو لساته مراهق وماينوخذ عليه .. ومشاري الغلط عليك انت الكبير وبدل ماتعقله تقوم تزيده .. طلال لحاله ينتظر حد يشيطه .. بدر روح خلهم يجيبون كاسات مويه .. الله يهيديهم بس
"بدر فز من سمع طلب اخوه "
بو نايف: ياجماعه تعوذوا من الشيطان طلال ماينوخذ عليه
"منصور ونايف كانوا رايحين يجيبون الذبايح من المطعم ولايدرون باللي صار "
بو فيصل : الله يهيدك ياطلال.. والله يعين اخوي عليه
محمد : ياعمي لاتاخذ عليه .. لاتقولون حق عمي باللي صار والله ماراح يرضى بالي سواه ولده .. اعتبروا شي ماصار وخذوه على اساس انه تصرف طفولي من واحد يحب اخوه
بو نايف : مانقول غير الله يهديه
"وسكتوا الجماعه "
.
.
من ناحيه ثانيه

...: وصل وصل منصور.. بروح افتح باب المطبخ الخارجي قومي بسوم معي
بسمه : خلاص سهوره روحي وانا بلحقك بروح انادي نجود معنا
سهر: اوكي
اديم: اقوم معك
سهر: لالا مايحتاج
"راحت سهر المطبخ وامرت الخدم يفتحون الابواب .. "
سهر: سيتي هذا ودي حق رجال
"رفعت سهر راسها اول مافتح الباب وانصدمت باللي شافت كل العروق اللي بداخلها تجمدت وقلبها وقف معقوله اللي شوفه بعيونها "
وهمست : بدر
" وماعرفت ايش تسوووي غير انها تتركه وراحت تركض وطلعت من الباب الثاني وهي مو مصدقه اللي صار بدر بدر معقوله .. ياويلي شافني بهالشكل الخايس .. خلاص الاخ غير رايه ..مسكين انتظر انتظر وشافني على هالشكل وووووع وووع .. اااااااااااه يابدر يالبى قلبك وووه بس .. مووو قادره اوقف على طوولي من جد قلبي يعورني مدري مدري يووووه اااااااااااه يابدر " وقطع عليها وصول بسمه : سهر وش فيك واقفه هنا
سهر والكلام مايطلع معها : ها .. بس الباب الثاني اللي من جهة الرجال حسيته بيفتح وطلعت
بسمه : اها .. والحين في احد والا
سهر : مدري والله .. انا بروح داخل اوكي

" من جهة بدر البسمه كانت مرسومه على شفاه ..كان يتخيل انها لسا موجوده وهي راحت .. قام قلبه يرقص .. "
بابا بدر تبي انتا شي
نقز بدر من هيامه وفي خاطره" الله يقطع هالشيفه ": اي جيبي خمسه كاس مويه يلا اشوف
وفي خاطره" فرق بينها وبين هالشيفه مدري من وين طلعت .. ااااااه واخيرا شفتها يافرحه قلبي وش زينهاااااا ياناااس .. ياربي هذي الشوفه الي صدق ماحسبت لها حسااب .. ياربي وين راحت .. انا عرفت انها بتطير لو شفتها .."
بابا بدر يالله شيييييل
بدر فز :قطع يقطع هالوجه جيبي "واخذه وراح وعلى وجهه ابتسامه بعد ماتذكر وجههها "
.
.
.
"وقت الغدا"

"نجود قامت بدري من الغدا على اساس انها شبعت ... وراحت الصاله وكانت تلف حواليها خايفه حد يشوفها .. فتحت شنطه غزل وطلعت جوالها .. واخذت منه الي تبيه وطلعت فوق على طول وراحت غرفتها وكانت متردده تدق الحين او بالليل لما مايكون فيه احد وفكرت انها ترسل مسج لكن قررت بعدين انها ماترسل تبي تدق على طول احسن وقالت ماتبي تتاخر علشان ماحد يحس عليها ونزلت معهم تحت ... نزلت وقعدت بالصاله قدام التلفزيون ولاكأن شي صار "
"بعد عشر دقايق"

"بدوا البنات يخلصون اكل ورجعوا اخذوا اماكنهم بالصاله ويسولفون على الخفيف "
جنى : ااااااااه عذاب الاكل صراحه
غزل: من جد يجنن
سهر: هالمره ضبطوه اكثر من هاذيك المره
غزل: اي من جد ماتشبعين منه
جنى: خلوه بس نتشعى فيه
"ضحكوا عليها "
اديم: عاد بسوم اعذرينا اختنا بتجي كل يوم مع امي تسنتر في بيتكم لمن يخلص نفاس نجلا
"ضحكوا عليها "
جنى: اي والله فكره .. عاد طبخ النفاس شي
بسمه : ههههههههه حياك الله
جنى: هههههههه لالا احلى شي بنخلي جمعه الاربعا بيت عمي عبدالرحمن
غزل: فكره هههههههههههههههه
بسمه: بتنورونا والله
رغد: حسافه بتفوتني جمعتكم
جنى: عاد حظا اوفر
عبير بهمس لسهر : ياكرهي لها
سهر تخزها: عيب شفيك
عبير: خلاص ماعدت استحملها
سهر: تراها فري يعني عادي تمون على ولد عمها
عبير سكتت
جنى: اي اي رغد
رغد: هلا
جنى: فيصل عطاني شريحة موبايلي الي طلبتها وجاب لك 5 بطاقات هديه منه
رغد: واااااااااااااو وينها وينها
عبير انصدمت يوم سمعت
غزل: ليه مطلعه رقم جديد
رغد: ايييه
غزل: طيب مو انتوا بتمشون ماله داعي
رغد: لا عشان اقدر اكلمكم بالرقم السعودي
غزل ابتسمت : اهاا عاد لاتقطعين
عبير بقهر: شفتي شفتي..ماصدقتيني
سهر تناظرها وفهمت حركات رغد
سهر تهون عليها : ماعليك منها كلها يوم وبتمشي
عبير: واذا كان يحبها
سهر: لالا ماظن
عبير: شفتي انها تتميلح ولا وش حاجتها في الشريحه
سهر ماعرفت وش تقول
جنى: بسكم حش انتي واياها
سهر: هههههههه والله مانحش يالملقوفه
جنى تغمز: اي طيب
غزل تناظرهم : وش مخبين عني
عبير تبتسم : اقلبي وجهك
غزل تغير السالفه : ديوومه شفيك ابد مو معنا
اديم كانت ساكته طول الوقت لانها خايفه وقلبها طول الوقت يدق.. تبي تعرف وش صار بمجلس الرجال بعد ماعرفوا انها رافضه .. :: مافيني شي بس الدوام تعبانه
جنى: ويييه مو شي جديد ديوم كله مسطله ..
اديم: اي والله ابي انام
بسمه : قومي نامي بغرفتي
اديم وين بيجيها النوم وموضوع حلقتهم على قولتها عنها : لالا بقعد معكم
"خمس ثواني وقامت اديم منهم وراحت بعييد وطلعت جوالها ودقت على اخوها فيصل "
.
" فيصل من ناحيه ثانيه كان عند المغاسل .. جفف يده وطلع جواله "
فيصل ارتبك يوم شاف رقم اديم رفع راسه وكان منصور قدامه
منصور: هاه فصييل من ورانا"ويغمز "
فيصل يبتسم : والله انك رايق ذولا الاهل
منصور يميل شفايفه : همممم
فيصل ابتعد عنه ورد
فيصل: هلا اديم
اديم: هلا
"فيصل كان ساكت وهي كانت ساكته "
فيصل : ها ديوم شفيكم
اديم : ف.. فيصل . وش صار
فيصل كان عارف بس ماحب يبين : عن وشو
اديم: عن وشو بعد عن خطبتي
فيصل يكذب: لالاتخافين حصل خير .. قالوا بالعكس خلوها على راحتها وهو لها طال الزمن ولا قصر
ارتاحت اديم جزئياً : صحيح
فيصل: اي حبيبي ها تبين شي ثاني
اديم: هاه لا شكرا .. اخليك مع السلامه
"وسكرت ويدها على قلبها.. الحين هناك ماصار شي ..كيف البنات لو عرفوا "
"اول مارجعت عبير عنهم "
عبير: الطيب عند ذكره
اديم تبتسم : شعندكم
عبير : كنا نتكلم عن خطبتك
اديم طاح قلبها متفشله قدام غزل.. سكتت وسكتت وسكتت وبعدها نزلت راسها
البنات صاروا يناظرونها.. وسهر اوردي كانت عارفه بس ماعرفت وش تقول
اديم بعد ماشافت نظراتهم تكلمت وعيونها على يدها الي كانت تقلبها من التوتر
اديم : بدون زعل
.......
اديم: انا طلبت من ابوي يأجل الخطبه لبعد ما اخلص دراستي
عبير: اااااه كويس طيحتي قلبنا ونقول شعندها بععد
اديم لسا عيونها على يدها
جنى: خلاص عرفوا انك مو مخطوبه ليش الحيا
سهر تكلمت : لا بس هي مستحيه من غزل
غزل ضحكت بتنهيده وقامت لعندها: ههههه ياحوبيلك يا اديم .. بس ريحتنيي مأجلتها ولا انتي رافضه ..دام على دراسه كلها كم سنه .. وبعدين ليه تستحين هااه "وتقرصها على خدودها"
اديم: يعني ما راح تزعلين مني
غزل بأستغراب: لاطبعا
اديم : ولاعمتي
غزل: اكيييد مايبي لها
اديم تم غزل: ياحوبيلك
غزل: هههه ديومه ياحساس انتا ترى عادي ماصار شي
اديم تبعد عنها : ريحتيني والله
غزل: شدعوى قضيه تراها خطبه
نجود: عاد راحت عليها الهبله
بسمه تفشلت بس مشتها: ههههههههه لا خلها تعيش حياتها
سهر: اي والله حنا مردنا حق ذولا الغنم الي برا
"ضحكوا البنات عليها "
عبير: اي والله.. لاتتعبون قلوبكم وتحبون لي من برا بس
جنى: طيب انا من لي
عبير: الله يسلم طلال
"ضحكوا البنات لانهم مايتخيلونهم مع بعض "
جنى: يخسي الا هو بلسانين
غزل: ههههههههه وش فيه وش زينه كشخه ورزه ويهبل
جنى: هئ هئ انتي وانتي تقولين الكلام ومن ورا لسانك ..صاحين عشان بكرا يحفل فيني على كرشي
"ضحكوا عليها "
عبير: بهذي صدقتي انا بكشتي ويحفل فيني
"وكملوا سوالفهم عاديه مافيها شي يذكر .. والكل مالاحظ سكوت وصايف المفاجئ"
.
.
.

من جهة الرجال

"وليد رجع بعد عشر دقايق من خروجه مع صديقه طلال .. دخل عليهم بسكوت وتغدا حاله حالهم ..
المجلس كان هادي اصلا وقت الغدا وبعد الغدا كانوا العيال ساكتين والرجال يسولفون شوي ويسكتون"

منصور يهمس لوليد : وليدووه كل هذا على خويك
"وليد يناظره من جنب"
منصور : لاتكفى خوفتني بنظراتك
وليد بهدوء: منصور تكفى خلنا حلوين
"منصور سكت عنه ولف على بدر الي كان يضحك "
منصور بصوت هادي بس مسموع : هاه بدر اشوفك مبسووط
بدر والضحكه مافارقت وجهة وهذا هي بوقت غلط : تذكرت شي وضحك انت شكو
منصور : شكو في عينك اشوفك قلبت كويتي
بدر : فديتني كويتي والا سعودي
منصور يضحك بصوت واطي: اسكت اسكت بس لايسمعونك الي هناك "ويأشر على كبار العايله"
بدر يمسك فمه لايضحك بصوت عالي: هههههه والمشكله الوقت غلط
منصور: ايه خلنا كذا حلوين ماتشوفني صاير عاقل
بدر : اووومااا عاقل كثر منها
منصور : شكلنا مطرودين اليوم محد مروق غيري وغيرك
بدر : قوووم نطلع قبل مايطردونا
منصور : وين نروح .. وبعدين تعال وليدوه اخوك وش فيه تقول هو اللي رافضينه
بدر : والله مدري عنه "ويلف على بدر " ها بو محمد عسى ماشر
وليد ابتسم ابتسامه هاديه : لا ابد عن اذنكم "وطلع"
"منصور وبدر والكل التفتوا عليه يوم طلع بس بعدين صفطوه "
منصور: بدر بدر لايفوتك ذولا رازين اعمارهم مع الشيبان ولا عايشين الوضع
بدر قام يضحك من دون شعور: ههههههههههههههه اي والله .. محمد متزوج ماقلنا شي بس ذولا الثنين شعندهم
منصور: اقول قم قم محد احسن من احد
بدر: اقول اقعد والي يعافيك لايغثونا الحين .. ترى عادي الحين يقولون خلصنا على منصور وبنت مدري من
منصور قام يضحك : هههههههههههه اجل خلنا هنا بس

"عند الشيبان "
محمد : اقول ياعمي ماحصل الا كل خير انشالله
بو فيصل : ودي اعرف منه وش سامع عن بنتي اللي قاله مو شوي واللي خله ينفعل شي مو سهل
ياسر: ياعمي هذا مراهق واي شي يخليه ينفعل وياجماعه لاتاخذون عليه ..بكرا يفهم ويعقل ويفهم قيمة الي قاله
محمد : من جد ياعمي .. وياليت عمي بوفواز مايدري عن الي صار
بو محمد: انتم لاتبينون شي لا عمي ولا الحريم يوصلهم خبر
فيصل : الله يسهل بس
نايف: محمد بغيتك شوي
محمد: تامر امر يابو عبدالرحمن
" وقام معه وراحوا يمشون بعيد عنهم "

محمد : هلااااا نايف امرني ياخوي وش فيك
نايف : ابد والله بس تبي الصراحه مدري وش اقولك
محمد : قول اللي يعجبك
نايف : امممممم تدري روح انتظرني في البيسمنت وانا راجع لك
محمد بأستغراب : اوكي
"مشى محمد ناحية المدخل الخلفي الي يودي على البيسمنت ... نزل الدرج ودخل .. دخل محمد وكان داخله من قبل .. لف هالمره ناحية الجهة الثانيه ورفع نظره على هذي الجهة اول مره يدخلها .. كانت كلها لوحات ومزينه الجهة باللوحات وبأبجورات صغيره مو كبيره وكان المكان ياخذ العقل مره شكله يجنن اللي خله محمد ينبهر فيه وقرب منه اكثر وكانت الاضاءة فيه هاديه ورايقه وعند كل لوحه ورد مجفف منثور حواليها بنفس الوان اللوحه وصاير المنظر خيالي ... ولاحظ ان كل لوحه تحتها نفس التوقيع وكل لوحه عليها عباره..قرب من وحده من اللوحات وكانت عباره عن باب في وسط بحيره وفي خيال لبنت تحاول تفتح الباب وكانت السماء صافيه في هاللوحه وشجر وورد يتخلل البحر وجلس يتأملها ولقى باخر اللوحه توقيع ويوم شاف الاسم انصدم .. معقوووووووله الاسم اللي اشوفه .. ياحليلك والله وطلعتي خطيره مو هينه وابتسم وكمل يبي يشوف باقي اللوحات وجذبته لوحه انجذاب نقدر نقول كلي .. جذبته لوحه خياليه ماتلتمس شي من الواقع ..كانت عباره عن الوان بكل جهة وكان يشوف فيها ملامح ابدا ماهي غريبه عليه .. بس استغرب شلون رسمتها طريقة رسمها عجيبه ملامح متشوشه بس استغرب من نفسه فهمها بس سرح سرح بهذي اللوحه... حس انه يبي هاللوحه .. هو من النوع الي عجبه شي ياخذه ويستولي عليه ..بس هذي مو ملكه بس يحس انه يبيها .."
" محمد انت هنا "
محمد لف على مكان الصوت وراح له عند بدايه الباب
نايف: عجبتك اللوحات صح
محمد: مررررررره مره تجنن
نايف ابتسم : هذي بسمه اختي
محمد: ماشاء الله عليها ... بس تعال شعندك تأخرت
نايف: خذت وقت حتى قلت لبسمه تسوي لي طريق وجمعت الاوراق وذا
محمد : طيب نايف قوووول يلااااا وش تنتظر
نايف بعد فتره: جايتني بعثه لكندا
محمد بصدمه : جــــــــــد
نايف : الجامعه بتبعثني هناك عشان اتخصص وسالفه طويله بس محد يدري ماقلت لاحد غيرك
محمد : بصراحه فاجاتني
نايف : انا نفسي مو مصدق بس عارف ان امي ماراح ترضى لانها مارضت ادرس برا قبل
محمد: قول حق الوالد والجماعه دامهم مجتمعين
نايف: ابوي ماهو قايل شي بس امي
محمد: هذي بعثه من الجامعه يعني فرصه ماتتعوض وعمتي بنقدر نقنعها ان شاء الله.. انت توكل وقول حق عمي
نايف: تشوف كذا.. خلاص اجل بفاتحه بس بعدين
محمد: لاتضيع الفرصه يانايف
نايف: لا ان شاء الله مايصير الا كل خير...تفضل هذي الاوراق
"اخذ محمد الاوراق وقعد يقراها ..وانبسط لولد عمه "
"بعد شوي"
محمد يدخل الاوراق مكانها : الله يوفقك يانايف .. والله انك قدها من يوم كنت صغير وانت كله تقول لعمي انا برفع راسك وتقول لابوي برفع راسكم كلكم وهذا انت قدها وقدود والله
نايف استحى شوي : تسلم ياخوي على الدافع
محمد : يلا توكل وانصحك الحين تكلمهم
نايف: اجل انا بروح اشوف الوضع اذا كان اوكي ولالا
محمد : خلاص وانا معك
"سبق نايف محمد ومحمد كان وراه "
"اول ماتحرك محمد ورا نايف تذكر شكل اللوحه ورجع لها وماعليه من نايف .. وقف قدامها وهو لسا يتأملها .. اخذ ورقه من عند الاوراق وكتب عليها من دون شعور "

"وطلع وبيده اللوحه مسكها وراح فتح سيارته وحطها من ورا ورجع من جديد المجلس وهو مبسوط"

.
.
.
في الريـــــــــــاض

الساعه 7:00

"كانت لميس ومنار قاعدين بالصاله الي تحت يسولفون"

"بعد ثواني من السوالف الي خذتهم"
لميس: هممم منار
منار تناظرها يعني هلا
لميس: متى سلطان ولد عمك بيرجع
منار عقدت حواجبها : والله مادري بالضبط..ليه؟
لميس توهقت : وشو بعد ليه مايصير اسأل
منار تضحك : هههههههه لالا خذي راحتك.. بس بجد مادري هو تقريبا مابقى عليه شي
لميس: اهاا باي ذا واي الله يوفقه
لميس: منار شرايك نطلع
منار: لامالي خلق
لميس: انتي شفيك كل شي مالي خلق مالي خلق
منار: بس جد مالي خلق اليوم الاربعا وانتي تعرفين زحمة الاربعا
لميس: يعني اذا زحمه مانطلع هاه..من متى
منار تضحك بهدوء: يوووه تبين تطلعين اطلعي
"شوي ودخل مازن عليهم "
لميس تهمس حق منار: وهذا الشكوى لله ماكنه ساكن في بيت حشا انه فندق
منار: ههههههه اي والله
مازن: السلام عليكم
منار ولميس: وعليكم السلام
مازن يعقد حواجبه: وين امي
لميس: بيت خالتي نوره
مازن: اهاا "وقعد "
مازن يناظره منار: جهزوا حالكم بكرا بنطلع الشرقيه من بدري..وبنطول هالمره
منار تشققت : جد والله
مازن : اعصابك اي جد
منار طنشته: ياااي وناسه
لميس بدلاخه : ليه؟
منار مثلها :ليه جد ؟
مازن نرفزه غبائهم : ليه بعد بنوسع صدرنا هناك يعني ليه ماتدرين عن بنت عمك نجلا اظن اسمها كذا ..وغير كذا يوم الاحد اجازه يعني بنشبكها بهذا الويك اند والشباب معزمين يحتفلون هناك
منار فتحت عيونها: ايييييييييييييييييي صح
لميس: ههههههه غبائنا شلون ماطرى
منار: ياحوبيلها اول بيبي ..وناسه شرقيه وجازه ويوم وطني ياربي ماصدق ..لميس لميس قومي ننام من الحين
لميس ومازن فتحوا عيونهم
لميس: من جدك اقول اقعدي انا ابي اطلع "وتناظر مازن " مازن تكفى طلعنا هالي عندي ماتبي تطلع تقول زحمه
منار: لاتحاولين اطلع وبكرا بنروح الشرقيه
مازن بقهر: وخير ياطير الوقت لسا بدري وفيه وقت تطلعون
منار مغمضه عيونها بوناسه: ماابي اعد الدقايق والساعات ابي اغمض وافتح واشوف نفسي بالخبر
"مازن كان منقهر من الشاليه والي بدا يغار عليها حتى من حبها للشرقيه"
لميس: مازن مازن ماعليك منها خل نطلع
مازن: انا ماعندي شي تبون قوموا البسوا
لميس: اووب ولاول مره تكون فاضي الاربعاء
مازن يناظرها :تترى هاه تراي ما اعطل تليفون واجمع الشباب واروح لهم واجحدكم
لميس توقف وتسحب منار: قومي قومي تكفيين قومي
منار وقفت بسرعه قبل لاتسحب لميس ثيابها: زين زين "وتدزها" امشـي
مازن يناظرها وبخاطره "مادري من عندها بالشرقيه تحبه هالكثر امها وابوها ماقلنا شي بس كل هذا حب للشرقيه عشان اهلها اي طييييييب "
.
.
.
نرجع لجهة الحريم

" بعد فتره وصل للحريم خبر تأجيل ملكة او خطبه فواز لاديم .. وماصار شي مثل ماصار عند الرجال "
"اديم كانت خجلانه من خالتها مع انه خالتها مسالمه وكانت عارفه انه اديم صغيره على الزواج لان عندها بنت واكبر من اديم وللحين ماتبي تعرس "

غزل: عاد يايمه قولي لها
ام فيصل: ماعليكم منها تتدلع
اديم: يمه
"ضحكوا البنات عليها "
ام محمد : الله يقدم اللي فيه الخير.. اسمعوا ياجماعه بو محمد قال لي اقولكم عن سفرة هذا الصيف وقالي انه حاب هو والرجال تكون سفره جماعيه وحنا من زمان ماسافرنا مع بعض
سهر تشققت
والبنات يناقزون
جنى: أي أي تكفووووون ولا مره سافرنا مع بعض الا مره وحده وكنت صغيره
غزل: أي والله
ام فيصل: أي والله بننبسط
رغد: يمه يمه نبي نروح معهم
عبير قعت تناظرها"تخسين والله "
ام رغد : والله مادري يايمه
رغد برطمت
ام فيصل: قولي لزوجك وشوفيه
ام رغد: بشووفه والله ودنا بجمعتكم الي ماتنمل
ام محمد : اجل خلاص تم
"الحريم والبنات : حنا مانقول لا "
جنى: هيووو واخيرا
وصايف: الا ماقلتوا وين بيروحون
ام محمد ابتسمت : بنروح لندن منها نشوف ولدي ومنها نسافر سوى وننبسط
غزل والبنات : هيووووو
نجلا: أبي اجي معكم
وعبير: ورجلك؟
نجلا: وش علي منهم ينذلف بيت اهله
"ضحكوا عليها "
ام نايف: صاحيه انتي
نجلا برطمت : مالي دخل بجي معكم بقول لابوي
ام محمد : اخ منك طيب تعالي انتي معه
نجلاء: لا اذا رحت معه بيسكني بفندق لحالي لا انا ابي معكم
بسمه فتحت عيونها: طراار ويبي ثوب فيه كبك
"ضحكوا "
ام نايف : عيب يايمه اصلا ابوك ماراح يرضى تتركين زوجك
"نجلا برطمت من جديد"
سهر: واااو بنببسط وكل شي في ناس بيفوتهم
نجلا انفعلت : والله لاتشوفون لاجي معكم يعني بجي معكم
سهر: صدق ناس ماتستحي افهمي قلنا مانبيك
عبير: محد قالك تعرسين من برا
"قاموا يضحكون عليها "
نجلا: انثبري بس
عبير: امزح ياحوبيلك انتي وزوجك
نجلا: وش تبين بزوجي بعد
عبير: ههههههههههه من زينك زين انتي واياه
"وصاروا يسولفون عن حماسهم وشلون بيقضون حق الصيف "
.
.
.

من مكان بعيد بعييييد عن هذي الاجواء الي قاعده تعيشها العايله ... هناك مكان ما سلطان عايش عالم لحاله .. الي مايعرف سلطان يقول يابخته بعيد عن هالكأبه والهم .. والي مايعرفونه انه سلطان عنده كأبه وهم مثلهم بس الفرق ان هنا محد يشاركه وهناك العايله كلها تشترك في هذي الهموم..
كان سلطان قاعد مع القروب ال تعرف عليهم من دخل الجامعه وكانت شيما جنبه وبعدها باقي القروب
سلطان: nice style jojo
Jojo embarrassed : than u honey
"شيماء تناظره بغيره"
سلطان تجاهل نظراتها
Nick Drawing attention : heey guys would u like goes to snema
الكل :good idea
شيماء تناظر سلطان : بتروح
سلطان : أي عادي ماعندي خلاف
شيماء : كووول
سلطان يتذكر شي ويستأذن من الشباب
سلطان يبتسم : With your permission "وقام "
شيماء تناظره وكنها تبي تقوم معه
سلطان بنفاذ صبر: ماني مطول بدق على الاهل
"شيماء تفشلت وقعدت والباقي ماعلق "
"راح سلطان بعيد عن الشباب واتصل على اهله بما انه اليوم متجمعين "
سلطان دق على جوال ابوه
"وبعد دقتين رد عليه ابوه وصوته كله تهليل "
ابو محمد : بو سليمان يالله حيه
سلطان تشقق : هلا يبه الله يحيك ..شخبارك
ابو محمد: بخير الله يعافيك.. وينك ياولدي شوف كم صار لك مادقيت ماعندك اهل تشتاق لهم لا ابو ولا ام يحاتوونك
منصور من بعيد : ولا اخوووو يشتاق لك
سلطان ضحك وعيونه تلمع : فديتكم والله يبه ماتدري وش كثر مشتااااااق لكم خلاص يبه ابي ارجع ماعاد فيني صبر
ابو سلمان : هانت يا يبه هانت
سلطان : شخبار الاهل اجل مجتمعين
ابو سلمان : أي والله مبسوطين ماعلينا
سلطان : من عندك
ابو سلمان: خذ عمامك بيسلمون عليك
سلطان: عطني
"خذ سلطان يكلم عمه واحد واحد على السريع لان العيال كانوا متلهفين يسمعون صوته الي من زمان ماسمعووه "
سلطان : اجل فواز وينه عنكم
بدر اختبص : فواز"ويناظر الي قاعدين بمعنى اسعفوني "
بدر: أي أي سلطان رجع اليوم البيت من بدري ..كان تعبان شوي
سلطــان: ايواا..مايشوف شر
بدر : الشر مايجيك
منصور من بعيد : بدير اسأله اسأله بيحتفلون هناك باليوم الوطني بلندن
بدر يضحك : الا تعال بتسوي انت وربعك احتفال باليوم الوطني
سلطان : ايييي صح ذكرتني أي اكيد الجامعه بتسوي
بدر: حركات والله
سلطان: وكيف الاجواء عندكم شسويتوا وش ماسويتوا
بدر: ابد بنسوي مسيره بالكورنيش وضبطنا السيارات طلال وبدر ماقصروا من يومين مجهزين
سلطان : حلوو والله ليتني معكم
بدر: أي بنفلها
سلطان : ومتى بتبدون المسيره
بدر: مادري بس يقولون من بعد صلاة المغرب
سلطان: ايوا وبتمدونها لاخر الليل
بدر: هههههههه عليك نور
سلطان: عاد ارسلولي صور
بدر: لاتوصي
سلطان: والله ياحظكم هئ هئ ابي اكون معكم
بدر: عاد حظأ اووفر
سلطان: حظأ اوفر بعينك يلا اقلب خشتك بروح مع الشباب تأخرت عليهم
بدر: ايوا ايو اجل الشباب.. اوكي خلاص اخليك معهم
سلطان يضحك : هههههههه عاد الي ماشافوا خير يلا يلا سي يو
بدر يضحك : سي يااااااات
منصور: الا صحيح طلال سوى سي ديات
بدر: اكيد مجهز كل شي
فيصل: وليد وينه فيه
ياسر يلتفت:هو طلع بس مارجع
منصور: لاوالله مدري وين راح فيه
ياسر : بدر اتصل فيه شوفه وين راح
بدر: ان شاء الله
"بدر كلم على بدر وقاله انه مع طلال "
بدر وهو يسكر التليفون : مع طلال
مشاري : اكيد مايقدر فيه
" ياسر ناظره ولف بعدها وسوى نفسه ماسمع شي "
منصور: اكيد راحوا يضبطون السيارات
بدر يغطي مع منصور : أي اكيييد بدر من اسبوع مأذيني
فيصل يبتسم : عشان كذا.. ياسر بتشاركهم بالمسيره
ياسر : والله مادري مالي خلق زحمة ودوشه
منصور: يااااسر من جدك
مشاري: ورا ماتخاوينا والله بنببسط
بدر: أي والله بنرقص وحركات
بو محمد : بترقصوووووون
منصور وبدر يضحكون
منصور: هههههههههه لالا مايقصد بس بقصد يعني بننبسط ولا وش يرقصنا
بدر يكمل معه : أي والله رجال وش كبرنا ننرقص
بو محمد : أي ماخبر فيكم
منصور: افا عليك يبه
بدر: ليه ماتخاوينا ياعمي
"لف عليه عمه والكل ضحك "
بدر ينزل راسه وياسر يناظره : هههههه امزح امزح
منصور: يبه شفييك بس قاعد يوسع صدرك
بو محمد يبتسم : عسى الله يوسع صدره دنيا واخره
" بدر ابتسم بحيا"
.
.
.

الحب أن تسلم قلبك لشخص .. بيديك ولكن دون إرادتك "غالباً"
تسلمه اياه على طبق من ذهب .. بيديك ..
تسلمه اياه .. ليفعل به مايشاء

منهم من يطعن في هذا القلب المسكين ليمزّق احشاءه ..
فيتفتت من الطعنات المتكرره غلاف الحب .. فيكون بسهوووله محي هذا الحب من الحياه واسترداد القلب بجروحه العميقه التي لا يُعرف متى تتشافى وهل سوف تتشافى بالفعل ..
ومنهم من يحافظ عليه اكثر من نفسه ..
يهتم بذلك القلب وراحته .. أكثر من راحته نفسه
فيزيد سمك الغلاف أضعاف مضاعفة ... ليكون رادعا عن كل تأثير خارجي


جلس فواز في زاوية غرفته المظلمة بعد أن انتهى من كتابة قصة جديدة تحكي كالعادة عن الألم والبؤس فكر في انسجام قصصه مع عزلته ومع إحساسه بانفصاله عن العالم ... ابتسم بحسرة وابتسمت جدران الغرفة وهي تستمع لأنفاسه الهادئة عند خروجها من حلقه الملتهب ... كانت الجدران هي الوحيدة التي استمعت بكل صبر لقصصه وهي وحدها التي تحملت بؤسه وسخافه حلقه الملتهب... سنوات من الانفعال البادي على تشققات الجدران وهي تحاور أنفاسه الهادئة لإقناعه بضرورات الرحيل والبحث عن مكان معزول يمكنه من الكتابة بصدق أكبر... ازدادت تشققات الجدران لتعطي الفرصة لصاحب الغرفة لطرد صاحب الحلق الملتهبة....وتقرر هدم الغرفة. ..
كان منقهر من ضيم ايامه .. من حظه الي خلاه يمشي في هذا الطريق ..
كان يتساءل عن الاحداث الي ممكن تصير بجمعه الليله .. ماكان عنده خبر بأن خبر رفض اديم راح يتم هلاسبوع.. بس كان متوقع أي شي من بعد كلام اخوه طلال امس ..
شلون هنت عليك ياطلال تجرحني بهالصوره . هل هو حب فيني ولا مجرد انتقام.. انا وش سويت له عشان ينتقم مني .. الظاهر انه ماحب اني اسمع خبر رفضي من العايله عشان كذا عطاني اياها بالوجه .. والله مدري كل اوراقي متخلبطه .. جا بيفتح جواله بيدق على سلطان بس بعدين تراجع " وش تدق على سلطان ... سلطان اكيد مو فاضي لي ..اكيد سلطان الحين مبسوط وماعليه وش له اكلم عليه وانكد عليه .. اففف "

.

.

.

"بعد ماسرت كل العوايل بيتها .. فيصل ماقدر يروح بيتهم قبل لايكلم طلال .. كان شاغله تصرف طلال الطايش .. قعد في سيارته يدق ويدق على جوال طلال "
"بعد مانحرق تليفون طلال"
رد طلال ونفسه بخشمه
طلال: نعم
فيصل ماستغرب ولاشي متعود على طلال ومزاجه : طلال وينك فيه؟
طلال: طالع
فيصل: طيب ممكن نلتقي؟
طلال: بس انا الحين مع الشباب
فيصل: بس انا ابي اتكلم معك
طلال: همممم طيب اتصل علي وقت ثاني
فيصل: طلال لو سمحت انا ماني قاعد اترجاك.. احترمني يارجال
طلال يتأفف : وين تبي؟
فيصل: تعشيت ؟
طلال: اي
فيصل: سو اسبقني في ستار بكس انا مسافه طريق
طلال: هممم طيب ماتقولي وش تشرب عشان ماتوصل الا هو جاهز
فيصل انقهر نوعا ما : ابي كابتشينو
طلال: تم ..انتظرك
"قفل فيصل من طلال ومنقهر.. اذا في البدايه وكذا الله يعيييييني عليه ..بس لازم اتحملك اففف... وحرك متوجه لمكان ماطلال قاله "
.
.
"بعد ربع ساعه كان فيصل موجود ويلتفت يدور على طلال.. الا طلال يصفر له ..شافه وراح له"
فيصل: السلام
طلال بأبتسامه :وعليكم السلام ياهلا عاش من شافك ياولد العم
فيصل ابتسم ابتسامه خفيفه : عاشت ايامك..وعن الطنازه
طلال ضحك ببراءه : شفيك ياخوي علي ماقلنا شي..وشوفني ماشربت حقي قاعد انتظرك
فيصل: لاااه فيك الخير والله
"طلال ابتسم وسكت "
"وفيصل كان ساكت "
طلال تكلم وصدم فيصل: انا مقدر مكالمتك ياولد عمي .. وانا عارف انك زعلان علي بسبب الي صار ..ويحق لك ماقول لا .. وبنفس الوقت يحق لي ادافع عن اخوي مدامه مو موجود .. فواز لو كان ماقلت له من قبل بليله كان حضر اليوم وتقبل رفضه بكل بساطه احترام لعمامي والموجودين..فواز يكتم مايتكلم .. انا لا يغرك ترا افهم فواز مع انه نادر حد يفهمه .. وانا من حبي له قلت باخذ حقه وبتكلم وبطلع كل الي بقلبه نيابه عنه
فيصل: طيب ياطلال وش تاخذ حقه حنا وش سوينا
طلال: اوكي بعتبرك اكثر من صديق وبقولك .. انا كم مره اطيح على اختك واسمعا تتكلم في اخوي..اول مره ماقلت لها شي وسويت نفسي ماسمعت شي بس ثاني مره كلمتها ووقفتها عند حدها وهذا صار بالشاليه .. كل ما تطيح اذني عليها اسمعها تقول مابيه مابيه .. ترى حتى فواز مايبيها اذا كان يبيها بس عشانها بنت عمه لا اكثر ولا اقل ..
فيصل ماعرف وش يقول : طيب ياطلال الحكي هذا قلته قدام الاهل كلهم وقدام عيال عمي وش بتكون صورة اختي قدام عينهم
طلال: لاتخاف على فواز مايدري بالي صار.. وفواز على قولتكم لها طال الزمن ولاقصر مو صح..يعني مافي شي تغير
فيصل: طيب انت استفدت شي من الي قلته
طلال: مادري بس احس اني ارتحت نفسياً
فيصل: طلال والله انت والنعم فيك ..الي يشوفك يقول بزر وطايش بس الي يقعد معك تكبر بعينه ..لاتضيع نفسك بتصرفات طايشه تندم عليها بعدين
"طلال سكت"
فيصل: انت ماشفت عماني كيف زعلوا من تصرفك
طلال: وان وش دخلني ماقلت الا الحق
فيصل: طيب بس لازم تعتذر منهم
طلال ناظره وفتح عيونه
فيصل : اي لازم مهما كان هذول عمانا.. يعني احترامهم واجب.. صدقني ابوك ماراح يرضى بالي سويته لو عرف
طلال: اوووه والحين
فيصل: انت بس عليك تعتذر وصدقني بيقبلون اعتذراك وكون واثق انهم عاذرينك
طلال سكت وبعدين قال : ابشر لك من يعتذر لهم وعلى راسهم عمي عبد العزيز
ابتسم فيصل : هذا العشم فيك والله ياولد العم ..والحين دام خذت الي بخاطرك .. عن اذنك بروح احط راسي وانام
طلال ابتسم ابتسامه هاديه : اذنك معك
"شوي ومشى فيصل وقعد طلال يفكر ويراجع نفسه "

,
,
,
يــوم الخميـــس

"في هذا اليوم وصلت منار بعد ماسافرت رغد وامها الي كانت طيارتهم 10 الصباح .. مشاري تكفل بتوصيلهم ودعهم ورجع .. طلال راح حق عمه عبد العزيز واعتذر .. وكلم عمانه واعتذر منهم مع انه كان وده يرسل لهم مسجات بس عارف انه مالهم شغل في المسجات"
.
.
.

في بيت بو ياسر

كان بدر جالس بغرفته و فاتح المسن وينتظرها تدخل .. يااااربي مو معقوله للحين مادخلت .. كل هذا مستحيه اني شفتها والا يمكن زعلت يوووه وش يزعلها مافي شي يزعل شفتها وبالغلط بعد بس فديتها هالعسل يااااربي مافي غير اني ارسل لها ايميل وامثل اني معصب عليها هههههههههه حليلها بتصدق اني زعلان وفتح الاليميل وبدا يكتب فيه وقرب يخلص منه شوي ويطلع له
تم تسجيل دخول


..:: جعـــــــــ منــي أسطــوره للحب ــــــــلت ::..

بدر بين وبين نفسه " ياا حبي لها دخلت وراح لها على طوول "

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

ياحوووبي لك انتي وهالحب

..:: جعـــــــــ منــي أسطــوره للحب ــــــــلت ::..

فيس مستحي

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

فديت اللي يستحون

..:: جعـــــــــ منــي أسطــوره للحب ــــــــلت ::..

بدر ترا بطلع شوي شوووي عاد خلني اسلم عالاقل

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

سلمي ياقمر سلمي
..:: جعـــــــــ منــي أسطــوره للحب ــــــــلت ::..

اهلين شخبارك ؟؟

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

تسأليني عن اخباري .. مبسووط ! لالالا حزين هممممم لالا مدري مدري عن اخباري مضيييييييييييييع حتى مدري من انتي ولا اعرف بعد انا وييييييييييين نسيت كل شي فقدت عقلي وكل شي

..:: جعـــــــــ منــي أسطــوره للحب ــــــــلت ::..

اووووف وليه كل هذا

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

ياربي على هاالبنت بتجنني وتساليني لييييييييه ياربي منك مدري وش اسوي فيك

..:: جعـــــــــ منــي أسطــوره للحب ــــــــلت ::..

طيب بدر العقل يمدحونه

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

والتغلي بعد يمدحونه فيس يغمر

..:: جعـــــــــ منــي أسطــوره للحب ــــــــلت ::..

هههههههههههههههههههههههه

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

فديتك

..:: جعـــــــــ منــي أسطــوره للحب ــــــــلت ::..

فديت قلبك

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

سهر ايش سويتي فيني ذاك اليوووووم

..:: جعـــــــــ منــي أسطــوره للحب ــــــــلت ::..

انا ايش سويت

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

سهر لا تستهبلين .. بس تدرين الاسود عليك جنااااااااااااااااااااااااااااان رووووعه

..:: جعـــــــــ منــي أسطــوره للحب ــــــــلت ::..

فيس مستحي

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

لا تستحين اكلمك جد والله مررررررررررره روووعه عليك صايره قمرررررر

..:: جعـــــــــ منــي أسطــوره للحب ــــــــلت ::..

انا من يومي قمر والا لاني لابسه اللون اللي تحبه

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

لالالا ابد لاني اللي احبه لابس اسود

..:: جعـــــــــ منــي أسطــوره للحب ــــــــلت ::..

هههههههههههههه تاخذني على قد عقلي

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

هههههههههههه محشومه ياقلبي

..:: جعـــــــــ منــي أسطــوره للحب ــــــــلت ::..

الله لايحرمني منك

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

ولا منك ياقلبي سهوووووووووووووره جد مو متخيل الحياه بدونك

..:: جعـــــــــ منــي أسطــوره للحب ــــــــلت ::..

ولا انا

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

طيب سهورتي اسمعي بقولك شي وما ابيك تطلعين طيب

..:: جعـــــــــ منــي أسطــوره للحب ــــــــلت ::..

هممممممممم

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

ايه بقولك بس ما ابيك تطلعين وتخليني مثل ذاك اليوم

..:: جعـــــــــ منــي أسطــوره للحب ــــــــلت ::..

طيب بس اذا ماعجبني ماراح اعلق

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

افا معقوله في شي بكلامي مايعجبك

..:: جعـــــــــ منــي أسطــوره للحب ــــــــلت ::..

هههههههههههه مو قصدي كذا ..وقووول يلا

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

ياحبي لك .. شوفي انا لازم هاليومين اتحرك واخطبك وش قلتي

..:: جعـــــــــ منــي أسطــوره للحب ــــــــلت ::..

لا تعليق

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

سهر تدرين اني احبك واموت فيك وابي اتزووجك خلاص

..:: جعـــــــــ منــي أسطــوره للحب ــــــــلت ::..

مدري وش اقولك بس مابي الموضوع الحين

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

بالعكس وخصوصا بعد اللي صار مع فواز خطبتنا بتفرحهم

..:: جعـــــــــ منــي أسطــوره للحب ــــــــلت ::..

مدري مدري

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

اوكي على راحتك انتي فكري بالموضوع

..:: جعـــــــــ منــي أسطــوره للحب ــــــــلت ::..

اوكي الغلا

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

تدرين سهر محد كاسر خاطري غير فواز

..:: جعـــــــــ منــي أسطــوره للحب ــــــــلت ::..

كل شي قسمه ونصيب

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

اوكي ماقلنا شي بس تبين الجد اديم ليه ترفضه

..:: جعـــــــــ منــي أسطــوره للحب ــــــــلت ::..

تبي تكمل دراستها

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

تكمل دراستها .. سهر بسالك اديم في احد في بالها

..:: جعـــــــــ منــي أسطــوره للحب ــــــــلت ::..

بدر انت وش قاعد تقول

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

لا جد تصرفها ماعجبني لو تبي تكمل دراستها كان ملكت وبعدين الزواج مو لازم الحين

..:: جعـــــــــ منــي أسطــوره للحب ــــــــلت ::..

انت كلمت فواز

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

لا ادق عليه مغلق بس كاسر خاطري واذا هي ماتبيه لا تقول انها تبي تكمل دراستها

..:: جعـــــــــ منــي أسطــوره للحب ــــــــلت ::..

بدر انت سامع شي

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

شي !! مثل ايش

..:: جعـــــــــ منــي أسطــوره للحب ــــــــلت ::..

يعني عن اديم مثلا

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

لااااا بس احساسي يقولي كذ ا .. حتى انصدمنا يوم تكلم طلال

..:: جعـــــــــ منــي أسطــوره للحب ــــــــلت ::..

امممممم طلال ياربي هالانسان يقهرني

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

وليه يقهرك

..:: جعـــــــــ منــي أسطــوره للحب ــــــــلت ::..

مايعجبني وبس

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

طيب وخلي كل شباب العيله مايعجبونك

..:: جعـــــــــ منــي أسطــوره للحب ــــــــلت ::..

ايه كلهم كلهم مايعجبوووووووووني ولا احد حتى واحد اسمه بدر مايعجبني

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

ايه كذا احسن ولا احد وخصوصا بدر

..:: جعـــــــــ منــي أسطــوره للحب ــــــــلت ::..

هههههههههههههههههه حدك عن بدر

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

لا توك تفكرين تدافعين عني مابي مااابي وخري زعلت

..:: جعـــــــــ منــي أسطــوره للحب ــــــــلت ::..

" سهر بدلع " طيب بطلع

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

يووووووووووووه ماعندها وقت ماصدقت اقول لها روحي

..:: جعـــــــــ منــي أسطــوره للحب ــــــــلت ::..

لا بس بدر نجوى تناديني

انــ.ــا وخــ..لـ.ي كـ.ــل دار وطـ..نــ..ـا قـ.لـ..بــ.ـي وروحـ.ـي كـ..لـ.ـهـ.ـا لـ.ـه هـ.ـديـ.ـه:

اهاااا .. اوكي يلا اشوفك وقت ثاني ياحلوووه فمان الله عسولتي

..:: جعـــــــــ منــي أسطــوره للحب ــــــــلت ::..

فمان الكريم
" وطلع عنها وهووو مررررررره مبسووط "
.
.
.