قصائد_-_°•/ حمدان المري /°• مقروءه/مكتوبه

الشاعر القطري

حمدان المري

شاعر جميل ورائع من هنا

اليكم قصائده لتحكي عنه

ياهاجسي

تحميل


ياهاجسي .. غن طاروق الشعر غنه


الحق على مابقى .. والا العمر فاني


وياصدري اصبر مثل صبري على الونه


ياطول صبرك علي وشين ماجاني


يلج فيك الحزن .. واخفيه واكنه


واذا بغيت اشتكي .. ماطاوع لساني


وانا اللذي لو ظروف الوقت حدنَه


يموت مايشتكي لفلان وافلاني


من سبة اللي عشقته من صغر سنه


اتناه يكبر .. مثل ماكان يتناني


كنه خلق مني .. وكني بعد منه


والله مدري .. من اللي يموت في الثاني


ابيه .. واقدره .. واغليه .. واحنه


مثل ماهو .. يرخص الدنيا على شاني


كم واحدٍ .. ما غدت بقعا على ظنه


لو هو على الكيف .. ماقفى وخلاني


نبغا من الحظ .. والله ماعطا منه


ياما تمنيته .. وياما تمناني


يسوقني خافقي للوصل .. واعنه


ولولا غلا صاحبي .. ماكان عناني


من اول يزورني محدٍ درى عنه


واليوم عذره .. بلاي .. عيال عماني


يابو علي .. صار لامن مرني كنه


يستعجل بخطوته لجل يتعداني


واجيه .. واقدامي اللي كل ماجنه


يردها سلم ابوي .. وسلم جداني


العين في شوفته .. لامر ممتنه


ياجعل يسقى علي قدام يجفاني


الهجر طوَل .. وقدني مبطيِ منه


واخاف اذا زيد جا .. ماعاد يلقاني


القلب يصبر على فرقاه .. لكنه


الى طرالي .. وانا في الليل .. سراني


ان كنت انا غاليٍ في ناظره فإنه


غلاه يجري مع دمي وشرياني


لاصار مابه عشم لإبليس في الجنه


احسن لي اعيش باقي العمر وحداني


ولو سج مني .. عساني ماخلا منه


والله منساه .. كود الموت ينساني

النايفات

تحميل



ياوقـت وش ذنبـي وانـا مديـت لـك ماقلـت هـات


خسرتـنـي رحـلـة عـمـر مـرتــاح مـــن يتعـبًـهـا


تعبـت واحلامـي عـلـى بــاب الامــل والامنـيـات


ارضابهـا وقـت الرضـى واذا زعلـت اذنـب بهـا


احيان ياخذني الحزن وتضيق بي الاربع جهـات


واعـاتــب حـظــوظ الـدهــر واذمًــهــا واسـبًـهــا


ياليل وش حدك على صدري وانا صدري شتات


كـنـك تـنـاول طــارف ضـلـوع الـشـقـا وتشـبـهـا


خليتـنـي مـاعـاد امـيًـز شالحـيـاه مـــن الـمـمـات


ياجعـل نفسـي ماتحـوش الا الـرضـا مــن ربـهـا


يابـري حااالـي كـل مادنقـت وازرانــي السـكـات


اجمًـع هجـوس الشعـر واشمـل بهـا واجنـب بـهـا


كثـرت سكاكيـن الجمـل وانــا اســأل الله الثـبـات


تـخـالـف ضـلـوعـي سكـاكـيـن الـجـفـا وتـجـبًـهـا


معـادنـي بـإيًـاااي الــى مـنــي بـغـيـت النـايـفـات


مـــن عـقــب مـانــا لابـغـيـت النـايـفـات آذبًــهــا


قولـو لهـا قولـوا لهـا وان عـوًدت مـافـات فــااات


اربــهـــا لاشــافـــت ديـــــار الـخـلـيــل تـنـبًـهــا


وان كانـهـا بتـطـوًل الغيـبـه وانــا مـالـي غـنـات


فـي ذمتـي ان آمـوت ويمكـن موتتـي مــن حبـهـا


كن الزمان يشب في صـدري وانـا مالـي سـوات


الا انـــي اشـــرًع ضـلـوعـي للهبــــوب تـهـبًـهـا


والغيبـة اللـي خلـت عروقـي مثـل جــف النـبـات


ياليـتـهـا مـاتـحـرق اعـصـابـي ولاتـلـعـب بــهــا


اسـرح مـع نفسـي وانـادي بإسمهـا واقـول جـات


وافـــز يـاقـلـبـي لامـنـهــا دعــــت قــــوم لـبًـهــا


والله لولا الخوف من ربـي ومـن هـرج الشمـات


لاحــط صورتـهـا عـلـى راحــة يـــدي واحـبًـهـا


واذا بغـيـت اراجـــع ايـــام الـعـمـر والـذكـريـات


ابطـيـت ولسـانـي عـلـى عــل وعـسـى واربًـهــا


عــزي لقـلـبٍ لابـغـا يـرتــاح مـاحـصًـل مـبــات


وعــزي لعـيـنٍ لابـغـت حـلـو الـكــرى ماطـبًـهـا


كلـه سبايـب جـادلٍ ماهـيـب مـثـل بـاقـي البـنـات


نـــذرٍ عـلــي ان احـيــا وامـــوت وآنـــا احـبـهــا

برج القاهره

تحميل


يامحمـد أخلـص لا تطولهـا وهـات المختـصـر
لاتنشـد إلا مـن مـيـاه النـيـل و بــرج القـاهـره
لاعاد تسألني وش اللي مبطـيٍ بـي فـي مصـر
ليـت العيـون النايمـه سـوت ســوات السـاهـره
البارحه عند العصـر ماكـن حـن عنـد العصـر
غشًـى سـواد الليـل عيـن اللـي زمـانـه قـاهـره
من يوم شفت أم العيون السود ضامرة الخصر
وأنــا أتحـاشـى شوفـهـا والا عيـونـي جـاهــره
الفـارع الـلـي كنـهـا تعـصـر معاليـقـي عـصـر
الـى استمـال عويدهـا اللـي كـن ربـي صاهـره
لـو انهـا ماتستحـق الزيـن وتقـفـي بــه حـصـر
ماكان حتى عروقهـا مـن خلـف يديهـا ظاهـره
قامـت وقـام النـاس ومـن جـاء بيتعداهـا قصـر
حسبـي عليهـا ان كنًهـا عـلـى التغـنـج مـاهـره
خلـت جماهيـر الهـلال تشلشـل أعـلام النـصـر
نادي النصـر مـن لبسهـا شهـر وربـي شاهـره
لو اني معها في عريش أخير من بيـت وقصـر
منزالـهـا يسـمـو عـلـى كــل البـيـوت الـبـاهـره
هذي مصر واذا بغيت تعرف وش معنى مصر
إشــرب مـيـاه النـيـل والا ذب بــرج الـقـاهـره

الكبر

تحميل


ياصاحبي ... ابشرك عقب البطا قدني بخيـر


اتابع اخبار العصـر .. واسايـره واواكبـه


خليتني وانا رفيقـك والرفيـق اللـي يغيـر


الصده اخير من العتب لاتنشغل بحكـاك بـه


الوقت علمك الكبر .. ماتـدري ان الله كبيـر


وان التواضع من سمة نبيـك ووصـاك بـه


والرزق ماهو في يدين الناس واكثرهم فقيـر


لو ان رزقك في يدين اغنى غني .. ماجاك به


بالشان وفعل ايماننَا والعـز والمـال الوفيـر


اوضاعنا متخالفـه .. واحظوظنـا متراكبـه


مالك رفيق الا رفيق"ٍ ذاخرك وانت الخشيـر


لو لحم كتفينه عشـاك وتطلبـه عشـاك بـه


كم واحدٍ مافي يده مايشتري كـوب العصيـر


مغنيـه نفـس والقناعـه والمراجـل تاكبـه


وكم واحد تكاثر فلوسه لكن .. مافيـه خيـر


عليه ظل" من ظلال اهـل الوجيـه الساكبـه


اللي تعلمك بفضل قدر الحشيم مـن الحقيـر


مخوته مثل المرض لو طولـت اعـداك بـه


خلك على سجيِتك .. والعز فـال المستشيـر


الطيب بشتٍ من لحقك من العرب غطاك بـه


واكبر دليل .. ان الامير اللي بما معنى اميـر


يمكن يشلَونه لـو أن بشتـه علـى مناكبـه


لاتتبع اهواءك ولو طال الزمن يبقـى قصيـر


ماينكب نفوس الضعوف الا الشفوف الناكبـه


الوقت علمك الكبر .. ماتـدري ان الله كبيـر


وان التواضع من سمة نبيـك ووصـاك بـه


والرزق ماهو في يدين الناس واكثرهم فقيـر


لو ان رزقك في يدين اغنى غني .. ماجاك به

نسمة الشوق

تحميل

هبي علي يانسمـة الشـرق ونسانيـس الشمـال

لـي وقفـةٍ لابدهـا .. لــي وقـفـةٍ لابـدهـا

في خاطري قصيدةٍ ترقـا علـى روس الطـوال

مـن محتواهـا .. والهجـوس تكدنـي واكدهـا

اصفق بها في جال .. تصفق بي على عشرين جال

لكـن علـى ماتشتهـي نفسـي لـزوم احـدهـا

مادامني شاعر .. ولي جمهور .. وبيوتي جـزال

باعدهـا واصوغـهـا واصوغـهـا واعـدهـا

الوقت موزينا لكـن مـال الحمـول الا الجمـال

حنـا جمـال كـل مـازاد الحـمـول تشـدهـا

صدورنا تاسـع بلـد واعزومنـا مثـل الجبـال

بدري علـى الايـام واصـدوف الزمـان تهدهـا

لاتضيق وانت من الرجال اللي يضدون الرجـال

عوق العدو عون الدخيل اللي سكـن فـي حدهـا

ياصاحبي وانت المعرًب من عمام ومـن خـوال

رفيـق ومثلـك فـي الرجـال تودنـي واودهـا

افعالكم تشهـد لكـم والطيـب مايبغـي سـؤال

ربعـي وربعـي كـل ماجـات اللـزوم تسدهـا

استغفـر الله ماخلقنـا الا علـى شـان الثـقـال

حتـى البحـار تهابنـا مـن جزرهـا لامـدهـا

تشره علي لاابطيت والا انـي قطعـت الاتصـال

وانـا تعبـت اجمًـع كروتـك واضيًـع عدهـا

لكن علومك وش علـوم جنيـف يامـال الـزوال

واعطيك علم اللي تسولـف للعـرب مـن جدهـا

تنشدني البارح وانا مالي علـى الهرجـه مجـال

بغيـت اعلًـم والعـرب ماينـدرى وش سـدهـا

لاتطول الدعوى ترى مالي على الصبـر احتمـال

الكلمـة اللـي تستحـي مـن قولهـا لـي بدهـا

ان كان قصدك في الوصل مابه وصل ياابن الحلال

الله (......) نازحـات البيـن و(......) جـدهـا

والجادل اللي روًحت عقب العصر قبـل الـزوال

راحت وانا فـي موقفـي وش حيلتـي واردهـا

شلـون وانـا اعدهـا رصيـدي الا راس مـال

ياليـت نفسـي تنعطـى مـن مدتـي وامـدهـا

صغـيـره وربــي مكملـهـا ولله الـكـمـال

الزيـن آيـه والوصـوف الباقيـه فـي قـدهـا

حتى الصغير اللي مهو يعرف سوى كلمـة تعـال

يشفـق علـى دناقهـا ويحبهـا فــي خـدهـا

علي الحرام ان اعظـم مامرنـي طـول الليـال

قفَايـهـا وانــا اتفـكـر مـاقـدرت آردهــا

الذنب العظيم

تحميل


يالله اني طالبك وانـت الكريـملادعاك العبد اتجيب لـه دعـاه
رحمتك يااارب جنـات النعيـمالغناه ان قيـل ياويـش الغنـاه
جعل دمعي لاحدر مثـل اليتيـممايهل الا على شـان الصـلاه
جعل موتي بين زمزم والحطيـمساجدٍ وجهي على حد الصفـاه
في ذرى اللي يحيي العظم الرميمواحدٍ ماخاب منهـو فـي ذراه
ياالله انك تغفر الذنـب العظيـمذنـب عبـدٍ ماقتلـه الا خطـاه
يوم ذنبـي كنـه الليـل العتيـمويوم نفسي تتبع ابليـس وهـواه
احداهـا للصـراط المستقـيـموتحداني لأكبر ذنـوب الطغـاه
الطغاة اللـي معيشتهـم جحيـملاصـلاة ولاصيـام ولازكـاه
وين انا باروح من ذنـبٍ قديـملا التقينـا الـرب اذلالٍ عـراه
ياكريـم يــاودود ويارحـيـملادعاك العبد اتجيب لـه دعـاه
جعل دمعي لاحدر مثـل اليتيـممايهل الا على شـان الصـلاه
وجعل موتي بين زمزم والحطيمساجدٍ وجهي على حد الصفـاه

ليتني جوالك

تحميل

ان كـنـت لاذلحـيـن فــي عيـنـك طلبـتـك خـلـنـيالا انـا ليـه اطلـبـك وانــا ادري ان هــذا مـحـال
يمـكـن لــو انــي دمـعـةٍ فــي نـاظـرك ماتهـلـنـيلأننـي فـي ناظـرك مثـل الجـسـد هــو والـظـلال
خليـتـنـي مـثــل الـــورق ســـود الـلـيـال تفـلـنـيوانــا معذبـنـي زمـانـي مــن شـقـا ســود اللـيـال
لـيـت الـزمـن قـــدام يحـرًمـنـي عـلـيـك يحـلـنـيبـس البـلا ان الوضـع دونـك لاحـرام ولا حـلال
مليـت مـن صبـري وصبـري مـن كثـر ماملـنـياصبحت اداري دمعـةٍ مهـي تبـي طـرح السـؤال
ينـتـابـنـي بــعـــض الامـــــل لـعـلـنــي لـعـلـنــيحـيــن الـلـقـاء أٌجـــزم بـأنـهـا لـحـظـة وصـــال
تــدل بـيـتـي وتـعــرف ويـــن سـكـنـي وتـدلـنـيماباقـي الا اقـولـك عـجـل عـلـي يـاابـن الـحـلال
تـدري وش اللـي فـي المحبـه مـن سببـك يعلـنـينظرات حزنٍ تنولد وتمـوت فـي عيـون الرجـال
مااعتـدت اجـي لـي فـي مكـان يسرنـي ويذلـنـيمـعــزة الـرجــال دامـــه حـــي مافـيـهـا جــــدال
لـــك وحـشــة اتَـلـنـي لااشـتـقـت لـــك ويـتـلـنـيوجـد يحـايـل دمعـتـي لاعرضـولـك فــي مـجـال
ياليـتـنـي جـوالــك الـلــي فـــي يـــدك وتـشـلـنـيعـشـان صـوتـك مايفارقـنـي مــع كــل اتـصــال
لـكـن اخـــاف انـــه اذا جـــاك اتـصــال تمـلـنـيثـمٍ تسكرنـي وانـا مالـي عـلـى الصـبـر احتـمـال
امــا فشغلـنـي عـلــى طـــول الـزمــان وخـلـنـيوالا اني ابقى في نظرك مثل الجسد هو والظلال

الحب الاول

تحميل

أقول بنسى وأحسب انـي نسيتـه
الحب الأول صعب نسيان راعيـه
عانيت في بعده كثـر مـا هويتـه
لا احتلت في قربه ولا نيب ناسيـه
لو اني أقـدر جيتـه كـان جيتـه
اللي بقوله آآآآه ويلي علـى أجيـه
بس البلا أنـي كلمـا جيـت بيتـه
أخذ ثلاث أيام مدري (شنـا) فيـه
ليل ونهـار وليـل واللـي قفيتـه
وأنا مابين أسمه ورقمـه وطاريـه
الله عطاني مـن غـلاه وعطيتـه
وغيره بغى مني ولانيـب معطيـه
قالوا هويتـه قلـت أأيـه هويتـه
قالوا تركته قلـت مانـي مخليـه
له منزل" في وسط روحـي بنيتـه
جدرانه ضلوعي وهو ساكن" فيـه
دورت له بيـن الضلـوع ولقيتـه
خلف الضلوع يبين(ماطى)خطاويه
واليوم لا أحتجت اللقا ماأحتريتـه
حتى ثره من بين الأضلاع ما حيه
ياجعـل يسقـى عادنـي لا بغيتـه
يغفى على ضلعين صدري وأصحيه
ما فيه شخص في حياتـي بكيتـه
الا الذي قد مـات مانيـب راجيـه
لكـن هـو حـي ومـع ذا رثيتـه
من قلبي اللي أحسـن الله تعازيـه
حملـت قلبـي بالهمـوم ورجيتـه
كني ما عرف الا غيابـه وأحاتيـه
أقـول بنسـى وأثرنـي مانسيتـه
الحب الأول صعب نسيان راعيـه
</STRONG>