 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
02-03-2019
|
||||||||||||||||||||||||||||||||
|
||||||||||||||||||||||||||||||||
رواية غضب وإنتقام طفلة/ 3
*كفاكِ عبثاً في مخيلتي ؛ فتفكيري بكِ بات يرهقني "(!*
لتين وهي فاتحه عين ومصكره عين:خير اللي عند الباب كان يناظرها وهو منصدم امس عيونها لون واليوم لون ثاني امير خق يوم. ناظر عيونها لتين:خير اميروه ايش عندك *ملاحظه:لتين ماتتغطى من. امير لان عمره قريب من عمرها* امير بلع ريقه:امي تبيك تراها جالسه بالصاله لتين:طيب دقايق واجي لتين ما انتبهت انها حاطه العدسات وراحت لبست عبايتها وطرحتها ونزلت للصاله لتين:صباح الخير ام اياد وامير:صباح النور لتين بادلتها الابتسامه:طلبتيني ام اياد سكتت وبعد ما استوعبت:لتين تعالي عندي شويه لتين راحت لعندهاا وام اياد صارت تناظر في عيون لتين ام اياد:سبحان الله نفس العيون يجننن ماشاءالله لتين ضربت راسها بغباء:نسيت البس العدسات وكانت رح تروح بس مسكتها ام اياد من يدها لتين:ايش فيه ام اياد:هذا لون عيونك الحقيقه لتين بارتباك:اي فيها شي ام اياد:لابس يجنن لاتلبسين شي عدسات لتين ابتسمت:ناديتيني قبل شويه ام اياد:لا لتين ناظرت امير بقهر امير:ماعليه بس كنت ابغا احد يلعب معي كوره فقلت لك امي تبغاك لتين:مو اليوم عزومه عندكم وانت فاضي تلعب ام اياد:لا اجلنا العزومه بعد اسبوع لين يجي اخوي من السفر لتين:اها امير:طيب تعالي العبي معي والله طفشان لتين:اوك جيب الكوره امير راح وجاب الكوره ام. اياد:لا تلعبو هنا روحو للسطح لتين:يلا قدام امير مشى قدامها ولتين مشت معه لين وصلو للسطح دخلو ولتين صكرت الباب السطح كان كبير وواسع والحيطان مو طويله يعني تقدر تشوف الحديقه بالتمام لتين نزلت العبايه والطرحه ورمتهم كان لابسه بنطلون سكيني ابيض وبلوزه اكمامها الكتف وفيها رسمه بنت بالرمادي رفعت شعرها ذيل الحصان لتين بحماس:يلا انا جاهزه امير خق على الاخر بس حس على نفسه وقال:يلا بدينا لتين:هذك. الزاويه زاويتك واللي هناك. زاويتي امير:اوك رمى الكوره ولتين صارت تركض وراهاا وامير يركض لتين اخذت الكوره ركضت بها امير اعترض طريقها لتين مررت الكوره من تحت رجوله وتفادته امير سمع احد يفتح. الباب ووقف ولتين ماانتبهت ولساتها تركض بالكوره وسددت لتين بفخر:اول هدف لي ام اياد ناظرت لتين وهي منبهره من جمالها:ماشاءالله تعرفين امير:ماعلي امي فتحت الباب وماخلتني انتبه لتين:انا اللي فزت امير:لسى ماكملنا وتقولي انا اللي فزت لتين:انا مليت وراحت للسطح وصارت تتفرج على اللي تحت لتين:امير امير:هلا لتون لتين:شوف هذيك الشجره امير:ايش فيها لتين بابتسامه:نفسي اتسلقها امير:اوك. امشي نتسابق ونشوف مين يوصلها اكثر ام اياد قربت منهم:ايش تقولون لتين:نبغى نتسلق هذيك الشجر ام اياد:لا اخاف تتاذون امير:لا لا رح ننتبه وانتي بتصيرين الحكم ام اياد:اوك لتين:خالتي ام اياد:هلا بنتي لتين فيه احد من الشباب تحت ام اياد:لا مافيه اياد بشغله وزياد وريان بالجامعه لساتهم ماكملو دراسه لتين ابتسمت:الحمدلله ام اياد:ايش فيه لتين:لا لا مافيه شي والتفتت لامير يلا امشي امير مشى ولتين مشت وراه وام اياد نزلت معهم وصلو للحديقه ووقفو قدام الشجره كانت الشجره طووويله مره وفيها جذوع كثيره ام اياد:جاهزين لتين امير بصوت واحد:ايه ام اياد:انطلقو امير ولتين تسلقو بسرعه لتين تسلقت بهمه اما امير وقف بنص الشجره امير بصراخ:يممممه علقت ساعديني لتين ماسكه ضحكتها وهي تتسلق لين وصلت لاخر الشجره مدت لسانها لامير وضحكت امير:صدق انك نذله لتين:ماجبت شي جديد امير:والحين كيف انز. ...ماكمل كلمته الا والجذع اللي متمسك فيه صار هش وشويه وينكسر امير بخوف:يممممه ساعديني ام اياد ماتدري ايش تسوي وهي خايف والمسافه طويله لتين حست انه خايف صدق جات تبي تنزل وتساعده انكسر الغصن وتمسكت بالشجره لتين بخوف:خالتيييي ساعديني ماقدرت انزل ام اياد ماتدري تبكي ولا تضحك على اشكلهم شويه ودخل اياد للبيت اياد بعصبيه:ايش هالصراخ هنا ام اياد ماقدرت تمسك نفسها وجلست على الارض وهي ماسكه بطنها من الضحك اياد ناظر في امير ومسك ضحكته اما لتين خبت نفسها بين اوراق الشجره اياد:ايش مطلعك هنا انت امير:اياد ساعدني والله خايف اياد تافف وتسلق الشجره لين وصل عند امير:اتمسك فيني امير بسرعه تمسك فيه واياد نزل صارو قريب من القاع دعس اياد على غصن هش وطاح على الارض وطاح امير فوقه اياد بعصبيه:قوم ياحمار فعصتني لتين ماقدرت تمسك نفسها وصارت تضحك بقووووه اياد ناظر فيها وهو مستغرب مين هذي اهتز الغصن اللي كانت لتين عليه وتمسكت بالشجره بقوه لتين بخوف:يممممممه امير مات ضحك:لا تتشمت باخيك فيعافيه الله ويبتلك لتين:امير مو وقت حكمك والله خايفه اياد باستغراب:مين هذي امير وهو لساته يضحك:هذي لتين اياد كشر وبصراخ:تستاهلين نامي فوق الشجره ربي وراني فيك يوم يالخدامه لتين بصراخ:مين. الخدامه يالوسخ خليني انزل بس واوريك اياد بعصبيه:ميين الوسخ ياللي ماتستحي لتين:اللي على راسه بطحه يتحسس ام اياد:بسكم ... قاطعوه لتين واياد بنفس الوقت:بسكم هواش كانكم بزارين ام اياد ضحكت اياد:فوق منتي قرد كمان ببغاء لتين:ماغيرك القرد يالشامبنزي اياد:نامي فوق الشجره والله مانزلتك لتين بسخريه:اهي اهي تكفى نزلني انا خايفه اقولك ولي من هنا انا بنزل اياد:نشوف. .. ووقف تحتها يلا انزلي لتين صارت تتسلق لين وصلت لنص الشجره دعست على الغصن اللي كان متمسك فيه امير وماحست بنفسها الا يوم طاحت فوق اياد صار وجهها مقابل وجهه اياد لتين تكسرت اما اياد صار يناظر في عيونها وهو مرتبك وخاااق على الاخر ماحس على نفسه ولا تحرك حتى سرحان بس بعيون لتين اياد بهمس:خادمه وجمالها يذبح. شلون يصير هذا لتين عصبت وقامت دعست بركبتها على بطنه وكانت تبي تهرب بس رجلها وجعتها وانسدحت على الارض بجنب اياد في هالحضه دخل ريان وزياد للبيت لتين بابتسامه خوف:سوري ماكنت اقصد>>>طبعاً الكل كان يشاهد وتاركين لتين بنكبتها هههه اياد اتكى على الارض وانقلب فوق لتين طبعاً ما انتبهه لهم لانه كل همه ينتقم من لتين:اوريك شغلك ياحماره تسوين كذا فيني لتين ناظرت في عيونه ببراءة:قلت لك ماقصدت ادعس على بطنك هنا ريان وزياد فطسو ضحك اما لتين كانت مرعوبه اياد ناظر بعيونها وقام من فوقها زفر بضيق:هالمره بعبرها لك المره الثانيه بوريك شغلك لتين بقهر وهمس:متوحش اياد ناظرها:قلتي شي لتين:قلت هذا من طيب اصلك اياد:اشوه بعد ام اياد:ماتعبتو من الهواش اياد:يمه واللي يعافيك. هذي البنت مامنها الا المشاكل ايش نبغى فيها ببيتنا مانها فايده. ...وراح ام اياد:الله يهديك. بس لتين نزلت راسها بحزن زياد وريان قربو منـها زياد:لا تحزني هو دايم كذا لعصب يقط كلام ماهو داري ايش هو ريان:هوه دايم كذا يحب يجرح الناس من بعد ما انجرح لتين رفعت راسها لهم والدموع بعينها زياد بنفسه:ايش هذي انسان ولا ملاك سبحان الخالق عليها عيون تطيح الطير من السماء ريان:ياربيه عيونها عذاب شكلها اااااه بس على البراءة بس لحضه مو امس كان لون عيونها اسود شلون صارن بهالون زياد حب يلطف الجو:من وين اشتريتي العدسات ابغى مثلهن لتين:مو عدسات هذا لون. عيوني ريان واياد انصدمو صدمه العمر لتين حاولت تقوم بس ماقدرت زياد:ايش فيك لتين ناظرته: طحت من فوق الشجره واضن رجلي التوت ام اياد:تعالي معي حبيبتي بشوفها لك لتين ناظرتها:ما اقدر امشي ام اياد:زياد احملها وتعال وراي لتين:لالا انا بمشي. .. وحاولت تقوم بس وجعتها رجلها وجلست لتين رفعت شعرها عن وجهها وهي تتحرطم كان شكلها مره طفولي ريان"صبرك يارب":يلا تراها الساعه 12 الضهر الحين بتشويك الشمس ام اياد:خلاص قومي بسندك انا لتين قامت معها وسندتها لين وصلتها لغرفتها جلستها على السرير وجلست عندها تشوف رجلها لتين ظلت تتاملها ورمت نفسها في حضن ام اياد وهي تبكي ام اياد بخوف:ايش فيك يابنتي لتين وهي تضمها بقوه:اشتقت لماما ام اياد:لا تبكي حبيبتي ان شاءالله رح تلقينا لتين ابتسمت بحزن ام اياد:الحين ارتاحي وترا رجلك ما انكسرت بس فيها عسف بسيط وشويه ويروح لتين من بين دموعها:طيب ام اياد:يلا ابتسمي ما احب اشوف هالعيون يبكن لتين ابتسمت ام اياد:يلا انتي ارتاحي وانا بروح بقول للطباخ يسوي غداء وبصحيك لتين:لا ما ابغى شي ام اياد:مو بكيفك ويلا ارتاحي الحين لتين:طيب ام اياد نزلت وصكرت الباب لتين انسدحت على السرير وجلست تبكي الين نامت سمعها وهي تبكي حس ان وراها شي فتح الباب ودخل بشويش وصكر الباب عند فارس كان جالس بغرفته الزيتيه والكبيره كانت قدامه كنبه وقدامها تلفزيون وعلى الجهه الثانيه مكتبه كبيره وفيه غرفه لتبديل الملابس فارس بنفسه:ياربيه لازم اسال ابوي وين وداها واالله خايف عليها مره ايش صار لها وليش تتعامل معي كذا ااااه اشتقت لك يالتونه اخذ لوحه اللي رسمتها لتين وصار يتاملها مسح عليها بانامله وباسها حضن اللوحه وراح بسابع نومه *عند ابو فارس* كان جالسه بالصاله ابو فارس بنفسه:الحين احمد وخلصت ومنه ومن عايلته كمان مافيه شي يعيقني واصلاً لو ماكنت قتلته كان فضحني اني اهرب مخدرات لشريك لي بالسعوديه ورح يسجنوني بس خلصت عليه وخليت فمه مصكر شويه سمع جواله يدق ابو فارس:الو ......:هلا ابو فارس ابو فارس بفرح:هلا هلا كيفك ......:بخير ابو فارس:خير فيه شي ......:احجز على اقرب طياره للسعوديه عندي لك شي ضروري اقوله واتناقش معك فيه ابو فارس:ايش هو ......:قلت لك تعال وبعدين اقولك ابو فارس:تمام بكره وانا عندك ......:اوك مع السلامه ابو فارس:مع السلامه *عند لتين* كانت نايمه وزياد يدور بالاغراض لقى شريط كان رح ياخذه بس حطه على الطاوله يوم سمع صوت لتين وتخبا التسريحه لتين بصراخ:لا مامااا بابا لا تموتون لا تتركوني لتين. صحت بخوف:اعوذ بالله قامت وراحت اخذت صوره امها وابوها لاحظت الشريط على التسريحه اخذته بسرعه ودخلته بخوف:ياربيه مالازم احد يشوفه وقالت بنفسها:ما ابغى احد يشفق علي زياد سمع وشاف كلشي لتين راحت للحمام وزياد خرج من الغرفه بسرعه زياد بنفسه:ياربي ايش في هذا السيدي جاني فضول اعرف اي صح نسيت اخذه بس يلا ماعليه باخذه بوقت ثاني. ...وراح وهو يفكر ايش ممكن يكون سر لتين لتين بعد ما غسلت ولبست جلابيه بيضاء مع اسود وفيها. فتحه من الوسط وحجاب ابيض فيه نقشات بالاسود صلت العصر ونزلت للصاله لتين:ريان وين امير زياد:انا زياد مو ريان لتين:اممم طيب وين امير زياد:راح لبيت خالي عند ياسر لتين:افففف زياد:ايش فيك. تتاففي لتين:والله ملانه ام اياد نزلت من المطبخ:لتين تعالي تغدي ماكلتي شي من الصباح لتين:ما ابغى شي والله مو جوعانه زياد قام:يمه بروح لتين:خالتي ترا انا بروح معه كمان زياد كان بيتكلم بس لتين دعست على رجله ام اياد:تمام بس لا تتاخرو انا بروح بيت الجيران شويه . .. وراحت لغرفتها لتين:زياد وين تبي زياد:مارح اقولك لانك ضربتيني لتين ناظرته بعيون بريئة:زيااااد بليز زياد:ابي الاستراحه عند الشباب لتين:انا طفاشنه ابي اروح اي مكان زياد:سوري ما اقدر اخذك الاستراحه للشباب فقط لتين ابتسمت بخبث:الا اذا زياد رفع حاجبه:الا اذا ايش لتين:زياد بليز جيبلي ثوب وشماغ بروح معك زياد:والله فكره مو بطاله على الاقل بيكون فيه شويه حماس لتين:اعجبك انا زياد:تعالي معي بس لتين راحت معه زياد رمى عليها الشماغ والثوب راحت للحمام ولبست الثوب ولفت شعرها وحطت الشماغ فوق راسها ونزلت له لتين:هاه ايش رايك زياد بضحكه:خكري درجه اولى لتين:احترم نفسك زياد:هههههه والله شكلك تحفه لتين:اقول اسكت بس وتعال عدلي الشماغ ما اعرف اسويه زياد قرب منها وعدلها الشماغ وحط العقال فوقه وبعد شويه زياد:اعطيك. تقييم 0 من 10 لتين كشرت بطفوليه:لهدرجه شكلي مو مقنع زياد:ابد ولا فيه ذره اقناع لتين ظربت راسها:اي صح معك شاش زياد:اي ايش تبغي فيه لتين:جيبه وبس زياد راح جاب الشاش ورماه لها لتين دخلت للحمام وسوت الشاش على صدرها ولبست الثوب ونزلت زياد ضحك:عرفت ليش تبغين الشاش لتين باحراج:اقول امشي يلا قدامي زياد وهو لساته يضحك:يلا وراحو للسياره مسكو طريق الاستراحه لتين:زياد ريان واياد وينهم ماشفتهم يوم نزلت زياد:اياد راح للشركه وريان راح معه لتين:وانت ليش مارحت زياد:قلت لهم امي تبيني وصرفتهم بعد 10 دقايق وصلو للاستراحه نزل زياد ونزلت لتين وراه زياد ماحس الا باحد يتمسك. فيه من ورا التفت لقى لتين متخبيه وراه زياد بضحكه:لتونه ايش فيك لتين:خايفه زياد:مو انتي اللي قلتي تبغي معي وبعدين ليش تخافين وانا معك لتين تطمنت شويه ومسكت يده وسحبتها:اوك يلا ندخل زياد:اوووه ومين كان خايف قبل شويه لتين:مو انا .. يلا ندخل زياد:يلا دخلو الاستراحه وكاانت كبيره مررره وفيها اشجار برتقال وتفاح وطريق وسط الاشجار وبنهايه الطريق نافوره دائريه ووسطها دولفين ينفث ماء وقدام النافوره ثلاثه بيوت جنب بعض مصممه تصميم غربي وورا البيت ومكان لتعليم الرمايه وفيه اهداف مرصوصه جنب بعض على جنبه ملعب كره قدم متوسط الحجم لتين وهي تتامل الطريق: وااااااو نفسي اتسلق هالشجر وانزل لي تفاحه زياد:بالله القرد اللي داخلك لا يطلع ماحنا ناقصين مشاكل لتين بضحكه:اووك شويه ولقو واحد جاي من بعيد الشاب:هلا هلا بالطش والرش وضم زياد لتين على طول تحبت ورا زياد زياد:هلا خالد اخبارك خالد:والله اخباري تسر انت كيفك زياد:الحمدلله خالد انتبه للتين: مين الطفل اللي وراك لتين عصبت وحاولت تخشن صوتها:انا مو طفل خالد:واااو ويتكلم بعد لتين:وجععع خالد:ماعلموك كيف تتكلم مع اللي اكبر منك لتين:لا انت شعليك خالد قرب من لتين ومسك خدودها وناظرها بنظرات متفحصه:وااااو كيوت وعيونك روووووعه كلمه روعه قليل عليها شكلي بخطبك زياد سحب خالد:اترك ابن اختي بحاله خالد:من متى عندك اخت تراني اعرف عايلتك كلها زياد:ماعليك هذا واحد جبناه من الشارع لتين نزلت عيونها:نعم خير ايش من الشارع زياد:امزح صدقت بسرعه خالد:ماقلت لي ايش اسمك لتين:اسمي لتي ....لا لا اسمي امممم اي صح اسمي راشد زياد:ابلع لسانك وامشي قدامي لتين وقفت تتحرطم خالد:يشبهه البنات لا وبعد احسن منهن لتين:خير لا تشبهني بالبنات زياد بنفسه:لازم اخذها قبل ماتفضح نفسها هالغبيه مسك يدها وسحبها وراه خالد:لحضه لحضه زياد زياد وقف:ايش تبي خالد:ماتبي معسل ظابطينه اليوم وجايبين النكهه اللي تبي زياد:والله نفسي فيه لتين:وانا بعد نفسي في معسل زياد بعصبيه:انت من متى تعسل لتين ببراءة:ولا مره وما اعرف ايش هذا بس نفسي اجربه زياد ضحك:اقول امشي قدامي قال نفسي بمعسل قال لتين كشرت بطفوليه:طيب تروح تعسل وتخليني لوحدي خالد مسك يد لتين:لا تعال انت وشوف العرض اللي مسويه رعد وجماعته واحنا بنعسل لتين باستغراب:اي عرض خالد:يقنصون لتين اتسعت ابتسامتها:صدق خالد:اي تعال معي بوريك اياهم واجلس تفرج عليهم واحنا بنروح بنعسل زياد:لا مابخليه لوحده خله يجي معنا لتين:لا لا روح عسل بكيفك انا بروح بشوفهم زياد:ما اقدر اخليك لوحدك لتين:لاتخاف والله ما اشبر عن المكان وبجلس بتفرج بس خالد:يارجال مافيها شي زياد وهو مو مقتنع:اوعدني تجلس هادي وتبقى بعيد عن المشاكل لتين بابتسامه:لا تخاف انا دايم هادي زياد:اوك وراحو ودو لتين لمكان القنص ومشو للمكان اللي فيه المعسل وكان قريب من بعض لتين جلست تتفرج والشباب واحد ورا واحد يقومون ويجربو حضهم بالقنص واحد من الشباب حط يده على كتف لتين:هذا المكان مو للبزارين لتين بعصبيه وبصوت عالي:انا مو بزر كلهم انتبهو لهم وصارو يناظرون فيهم الشاب (فهد):بزر عصباً عنك ويلا روح عند اخوك علشان ماتخاف لتين بسخريه:انا ما اخاف الشاب:كلام بس لتين طنشته وراحت لواحد من الشباب اللي كان حامل مسدس واخذته منه بسرعه وبدون مايحس الشاب2 (ناصر):لا ياولد اتركه هذا خطير لتين ابتسمت بخبث:بوريه مين البزر مشت بخطوات واثقه لمكان التصويب ومسكت المسدس تمام تنفست بهدوء وصوبت على الهدف ضغطت على الزناد وانطلقت الرصاصه بسرررعه فائقه واستقرت بوسط الهدف ابتسمت بانتصار وراحت لفهد لتين:هاااه مين البزر الحين انا ولا انت فهد عصب وكان يبغى يضرب لتين بس وقفه رعد ومسك يده لتين راحت واعطت ناصر مسدسه ورجعت عند فهد اشرت لرعد يتركه لتين:اتركه بشوف ايش يقدر يسوي رعد ابتسم على شجاعه لتين فهد:بزر وقوي عين بعلمك كيف تتكلم مع اسيادك واللي اكبر منك رعد:فهد اتركه هذا بزر لا تحط عقلك بعقله ناصر جاء لهم:هيه يابزر لا تورط نفسك ترا فهد قوي و بيمسح فيك الارض لتين ابتسمت بثقه:بنشوف مين بتمتسح فيه الارض اليوم رعد حس ان ورا ابتسامتها ثقه كبيره فك فهد لتين:بس قبل مانبدا ي و ناظرت في رعد رعد:اسمي رعد لتين:قبل مانبدا يارعد اذا فزت رح اطلب طلب وانفذوه لي فهد:في احلامك تفوز رعد:اذا فزت لك اللي تبي فهد:انسحب قبل ماتنكسر كل عضمه فيك لتين ابتسمت بثقه:تقدم اذا انت قدها فهد عصب وهجم على لتين بسرعه لتين تفادته ولفت له ووجهت قبضتها لبطنه فهد توجع واحنى ضهره وهو ماسك بطنه لتين ركضت له واحتملت بيداتها على رقبته وضعطت عليها وقفزت فوقه فهد حس ان رقبته انكسرت اما الباقين مصدومين من اللي يشوفون ويصارخون ويشجعون حتى ان اللي كانو يعسلون واللي يلعبون كوره واللي باماكن ثانيه سمعو الصراخ والتشجيع وجو يشوفو ايش اللي فيه زياد انصدم من اللي يشوفه:مجنووون بيكسره فهد خالد:ماتشوف فهد بالارض باين صار اكشن قبل مانجي زياد كان بيدخل ويسحب لتين وراه بس خالد وقفه خالد:شوف راشد مع انه صغير وبنيته صغيره بس باين انه البدايه موفقه معه زياد جلس يتفرج وهو مو متطمن اما فهد عصب وراح للتين ووجه قبضته لوجهها لتين وطت ونزلن من بين رجوله وركلته على رجله طاح على الارض فهد:والله ما ارحمك الحين بتشوف كيف بسوي فيك لتين وهي تتثاوب:مليت اسرع اضهر اللي عندك ولا بنهي المعركه فهد عصب وقام ظرب لتين بس تفادت الضربه فهد:هه خكري مارح نهزمني لتين عصبت وانطلقت له والشرار تتطاير من عيونها لكمته بوجه ووطت وصارت تلكم ببطنه وفهد مالحق يدافع عن نفسه اما لتين فحبت تنهي هالمعركه لانها بدت تمل ضربه على رقبته وطاح فهد على الارض لتين:الحين مين الخكري يالضعيف الكل كان مصدوم منذهل هذي صدمه العمر رعد ركض لفهد يتفقده خاف عليه لتين يون حست بخوفه عليه قربت له وجلست عنده وناظرت في عيونه رعد ارررتبك بقوه وهو يناظر عيونها النيليه:لا تخاف هو فقد الوعي بس رعد بتلعثم:ش شلون قدرت عليه لتين بابتسامه:لا يغرك الشكل بالرغم من صغر حجمي الا اني قوي لتين:صار لازم تنفذ وعدك وطلبي انك تعلمني القنص تعلمني القنص رعد ابتسم:انا قد كلامي بس انت باين تعرف لتين:لا ما اعرف بس مجردر حض رعد:رح اخليك قناص محترف لو تبي لتين:وهذا اللي ابيه ماحست الا باحد يمسك يدها لتين ناظرت له وابتست بفهاوه زياد:غبي ليش تسوي كذا خوفتني لتين:ادري قلت رح ابقى هادي بس نرفزي هذا السخيف زياد:صراحه فاجاتني ماكنت اتوقع انك بهالقوه لتين ناظرته بفخر:قلت لك اعجبك انا رعد باستغراب:زياد مين هذا زياد تلعثم: .............. *ملاحضة:رعد يكون ابن خال زياد* 
 
|
|
02-03-2019
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
100
جميل الطرح وجميل اختياره يعطيك العافيه
|
|
  مهم جدآ قرار بخصوص احتساب المشاركات وتوضيح مفصل بالاضافة لشروط استخدام الخاص وصندوق المحادثات تفضلوا بالدخول طريقة احتساب المشاركات وكيف تحصل على مشاركات اضافيه بنجاح - منتديات قصايد ليل قوانين استخدام الشات والرسائل الخاصة - منتديات قصايد ليل
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
