علمني كيف أترك يدك في عز حبي لك كاملة

البارت الثالث و العشرين


خفت زياراتي لعبدالله و صارت مرتين في الأسبوع بعد ما كانت كل يوم !
لأني كم مره رحت له و تقابلت أنا و وحده تقول عنها أماني انها بنت عمها !!!
أماني : يوووووه يا أميره مالقيتي تتجابلين الا مع شمه !
أميره : ليه شفيها ؟
أماني : تموت في شي اسمه عبدالله تحبه بس هو مب معطيها ويه ؟!
ابتسمت بحزن و قلت :
أميره : ليه !
أماني : يقول ما تعجبه و شايفه روحها عالفاضي شرات امها ؟
أميره : شكلها تحبه صدق فعلا !
تنهدت بصعوبه
أماني : و الله انك صادقه رفضت عرسان كثير يبونها عشانه و هو صاد عنها
أميره : خلاص بخفف من زياراتي له أحسن ما ودي أجيب لنفسي مشاكل فوق مشاكلي
يكفيني جوادو و هو يراقبني في الطالع و النازل و لا مشاري اللي يخذني كل ما شافني
بنظراته الناريه و ما شفتي شيخه و عبير و ابتهال يطلعن كشخاااااااااااات الميك آب الكامل و التسريحات و اللبس و يطلعن من بعد العشى ما يرجعن للبيت الا وجه الفجر !!
و لا أقولك عن سلطانه الا انقلبت حالتها و صارت تطلع بسكات و ترد بسكات !!!!
و لا خالتي بدريه و حليمه يوووووووووه ذولي عاد سالفة الشرق الأوسط !!!
قامت أماني تضحك ...
قلت و أنا أحط يدي على خدي
أميره : يطلعن الصبح و ما يردن إلا المغرب و لما تسأليهن يقولن كنا في منتدى المرأه أو عرض أزياء أو عند فلانه بنت الشيخ فلان ياااااااااااااااه يا أماني
هذا غير أمير اللي حالته مب عاجبتني ما صرت أشوفه أبد !
أماني : من الأساس ليه خوالج يسكنون عندكم و انتم مالكم هبه عليهم ؟
قلت بتفكير و أنا أعدل جلستي و ألعب بمصاص العصير
أميره : أحمد صاحب الإقتراح مع اني حسيته ما يدانيني من بعد رفضي لفيصل !؟
وش بقولك عن اللي يصير لي بعد خلاااااااااااااااااااص تعبت !!
جلسنا نسولف أنا و اياها بعدين ردتني للبيت و راحت لبيتها
لقيتهن و على غير العاده كلهن مجتمعات بالصاله طلعت لغرفتي و بدلت ملابسي و خذت لي حبه وحده منوم آخاف يصير لي شي و يقولون المجنونه !!
صليت لي ركعتين و نمت
___________________
الساعه :08:05 صباحا
صحيت الصباح مزاجي مب رايق مدري شالسبب أحس بضيقه عجيبه
قمت تسبحت و صليت لبست بنطلون جنز أسود و بلوزه سودا بدون أكمام حالتي فظيعه
أنا لما مزاجي يقلب الله المستعان تطلع لي طلعات ابداعيه !!
رفعت شعري كله ببكله و طلعت من غرفتي بدون جزمه و رحت لصالة الرياضه !!!
مدري وش أحس فيه !؟
عبادي عدل غرفة الرياضه و خلاها كلها من قزاز و دخل عليها أجهزه جديده و الأهم كيس للملاكمه جديد أثقل من الأول كنت أروح لهالغرفه عشان أفرغ غضبي في هالكيس
بس هالمره كنت أضربه بشكل هستيري و أبكي !!
لبست قفازات الملاكمه و شديتها زين و قفلت الباب بالمفتاح
وقفت قبال الكيس و قمت أضربه بقوه و أبكي و أضرب لدرجه اني حسيت بالألم في يدي
بس ما اهتميت تخيلت ان هالكيس همومي عذابي آلامي لازم أقاومها !!!
ضربت الكيس بكل قوتي فرجع علي بقوه و دفني لين طحت عالأرض !
يوووووووه ألم خيالي !!
آآآآآآآآآآآآآآآآآآه
في هاللحظه سمعت دق قوي على الباب !!!
شفت عبادي يصرخ علي من ورى الباب رحت فتحت الباب و أنا أقوم بصعوبه
أول ما فتحت الباب دفني بعصبيه و دخل و سكر الباب
عبادي : مجنونه انتي هذي الرياضه صعبه و قاتله ....... وش فيك انتي !!
و بعدين الغرفه الكل يقدر يشوفك و انتي ما تدرين !!
أميره : طيب لو قلت لك أبي أتعلمها ؟؟
رفعت راسي و طالعته
مسك ذراعي و طالعها ...
عبادي : شوفي كيف يا أميره انجرحتي

طالعته برجاء و قلت
أميره : الله يخليك !!
طالعني بتفكير و قال :
عبادي : بصراحه ما أقدر لااااااا ما تصلح لك انتي بنت !!
قلت بعصبيه :
أميره : و اذا بنت وش بيصيبني يعني انتوا كذا تقللون من شأن البنت و هي تقدر تسوي
أفضل مما تسوون انتوا يالرجال و هي بعد أقوى منكم !!!
تركني بالصاله و طلع !
أنا انهرت و فكيت البكله من شعري و جلست عالأرض أبكي من القهر
المعرض بكره و أنا هنا تعبانه نفسيا .......
و أنا لي اللحين أربع أيام ما شفت عبدالله !!
دخل الصاله شخص ما انتبهت له الا لما رفعت راسي و بعدت شعري عن وجهي شفته
أميره : أمير !!!!!!!
طالعني بإبتسامه حلوه و جلس قبالي و هو يوخر خصلات من شعري عن وجهي
أمير: مالك الا اللي يرضيك يالغلا
صديت عنه الجهه الثانيه و قلت
أميره : ممكن تتركني بروحي !
أمير : لا مب تاركك لما تقولين لي وش فيك ؟
طالعته و قلت
أميره : أبي أرتاح ..........
رفعت شعري و قلت و أنا أوقف
أميره : و أنا أعرف كيف أريح نفسي !!
طالعته بألم و طلعت من الصاله طلعت لغرفتي أخذت لي شور بارد و طلعت
لبست قميص وردي و تمددت عالسرير
رفعت السماعه و قلت :
أميره : صوفي تعالي أبيك بصالة الدور الثالث
صوفي : ok مس أميره
شعري غرقان مويه أوف مب ناقصته بعد !
قمت لفيته بمنشفه و طلعت للصاله جلست أنتظر صوفي
لقيت بوجهي شيخه لابسه العباه و طالعه
شيخه : صباح الخير
قلت بدون نفس
أميره : أهلا
شيخه : ما ودك تروحين معاي السوق ناقصني أغراض لفستاني و بروح أصلح بروفه
تدري ما بقى على العرس شي !
يااااااااااه لو عرفت اني ما صلحت شي وش بتقول هذا و أنا أخت العريسين ؟!
أميره : لا مب رايحه شكرا
قالت بدلع و هي بتروح
شيخه : كيفك !!
جتني صوفي
صوفي : يس مس أميره ؟
جلست و أنا أقولها بتعب
أميره : أبيك تفصلين لي فستان ؟
طالعتني بصدمه
صوفي : ليش انتي ما فصلتي فستان مس أميره
ابتسمت و قلت بتريقه
أميره : لا يا مس صوفي لو فصلت ليه أقولك فصلي لي !!
صوفي : ok شو بدك لون !!
أميره : رصاصي
قامت بتروح
صوفي k مس بدك شي تاني
هزيت راسي بصمت
قمت دخلت الغرفه لبست بلوزه فيروزيه حرير مخصره عالجسم
و تنوره جامعه اللونين السكري و الفيروزي
فليت شعري و لبست جزمه خفيفه سكري سويت ميك آب خفيف بخيت لي عطر بالفواكه و طلعت
نزلت للصاله ما لقيت أحد ناديت سلزيا
أميره : قولي لماري أبي فطور كل يوم ؟؟
سلزيا : ok مس
جيت بأطلع للحديقه سألتها
أميره : على فكره يا سلزيا
سلزيا : يس !
أميره : انتي وش ديانتك ؟؟
سلزيا : christianity
طالعتها بذهول و هزيت راسي ببلاده !!
تفهم عربي بس ترد انجليزي ........ دارت في راسي هالكلمه christianity
طلعت للحديقه و أنا أضحك لنفسي
أميره : مسيحيه !!!
كنت مذهوله بجد بس ........ سمعت صوت صراخ فجعني !!!!
رحت للحديقه بسرعه ..
لقيت خالي مطلق شاد شيخه من شعرها و ساحبها و هو يضربها شفت هالمنظر رحت لهم
ركض !!!
أميره : وش فيك يا خالي ؟؟
قال و هو معصب و موصل حده !!
مطلق : قليلة الأدب !!!!
فصخ عقاله و قام يضربها و أنا قمت أفارع بينهم بصراحه خفت لا يهفني أنا بعد بهالعقال بصراحه يكفيني ضربة الكيس اللي اسدحتني عالأرض !!
هي تبكي و تصرخ
شيخه : أنا ما صلحت شي ما سويت .......
قاطعها بعصبيه و صرخ بوجهها
مطلق : و لك عين بعد يا اللي ما تستحين صدق ما تربيتي أمك وينها و لا يا غافل لك الله
و قفت قباله
أميره : خلاص يا خالي هدي نفسك ما صار الا الخير
مطلق : أي خير يا بنت مساعد أي خير
تركها كذا فجأه و راح و هو يردد و كأنه على راسه هموم الدنيا هي أول ما تركها
جرت لداخل و هي تبكي !!
مطلق :أي خير يا بنت مساعد أي خير
وش مصلحه شيخه لهالدرجه !!
تدرون مدري حسيت اني استانست لما شفتها تنضرب تستاهل لأنها قاهرتني !
بس تحمست أعرف وش سوت............أنا وش علي فيها يا خبر اليوم بفلوس بكره يصير ببلاش !!! و بعدين شيخه غريبه و الله غريبه !!!
رحت لحديقة الورد و أنا أغني أغنية فيروز
يااا هموم الحب يااا قبلُ
في بحااار الشوق تغتسلُ
كلمااا قلنااا صفااا زمـــــنٌ
رجعت كااالريح تشتعلُ
قمت أتمشى بين الورد و أتأمله
ما أحلى أغاني فيروز عالصبح
أي هذااا القلب كيف لنااا
هرب من خطوه المــــللُ
أيدوم الحب تسألنــــي
حلوة جنت بهااا السبـلُ
أيظل الروض مبتسمــــااا
و يطول البوح و الخجلُ
و أنااا لا علم لي و غـدي
كل يوم بااات يرتجـــلُ
هااات لي عمري فأجعله
طااائرااا في الأرض ينتقــلُ
أنااا يوم البعد أغنيــــة
تأخذ الدنياااا و ترتحـلُ
يااااااااااه و ربي مشتاقه حيل لعبدالله
رحت للطاوله اللي عند المسبح لقيت الفطور مجهز
جلست أفطر بسكون و أنا أفكر
___________________
الساعه : 07:00 مساءا
مدري وش جا علي طول الوقت من روايه للثانيه .......
طريقة جديده للهروب من الواقع !!!
هالمره الروايه اسمها (وعد قلبين )
روايه اندلسيه قديمه تتكلم عن شابين كانوا يحبون وحده مجننتهم و معذبه قلوبهم
مع الأيام عرفت واحد فيهم في محنه من المحن اللي مرت فيها و حبته و الثاني نفس الشي أنقذها من موت محقق فدخل لقلبها و توالت الأحداث و صاروا الإثنين يبونها زوجه لهم ...مرت الأيام !!
و القدر جمع الثلاثة في مكان واحد .......
و خيروها الإثنين أي واحد فيهم راح تتزوج ابتسمت بثقه و هي تدوس على مشاعرها وقفت و قفتهم و هي تقول ما أبي أي واحد فيكم قلبي أعذبه بكيفي بس ما أبي أعذب قلبين كانوا من أطهر القلوب في هالعالم تركتهم و هي تبتسم و في الأخير تزوجت ولد النجار اللي جنب بيتهم و عاشت سعيده لين توفت !!!!
يااااااه وااااااااااو .... روايه جميله و غريبه بعض الشي بس تعجبني النهايات الغير متوقعه !!
و يمكن نهايتي تكون غير متوقعه بالنسبه لكم ............ يمكن ليه لاء !!؟؟
و طق متكرر على الباب .....
أميره : تفضل
طلعت براسها من ورى الباب بمرح
سلطانه : أهلين أميره ممكن أدخل و لا باقي زعلانه مني !!
ابتسمت و أنا أعدل جلستي
أميره : تفضلي !!مب زعلانه منك
كنت مسويه جو مشغله الأبجوره و طافيه كل الأنوار و التكييف و فاتحه البلكون
و جالسه أقرى الروايه و زين بعد اني خلصتها قبل تطق سلطانه عالباب!!
جت جلست جنبي
أميره : أشوف العمه لابسه العباه على وين ان شا الله ؟؟
التفتت لي برزتها المعتاده مدري أحسها هي و مشاري لما يلتفتون يحركون روسهم بطريقه هندسيه مدروسه !!!!
سلطانه : تروحين معاي السينما ؟؟
رديت أطالع غلاف الكتاب و قلت :
أميره : معاك انتي لاء ؟
سلطانه : ليه مب عاجبتك ؟
قمت أطالعها بتقزز
أميره : وليه تقولينها كذا ....عدوتك أنا ؟!!
سلطانه : مدري عنك !
قلت بتعجب
أميره : عجايب ؟
قمت من جنبها حطيت الكتاب عالطاوله و رحت للسرير
سلطانه : شايفه وضعك وضع نوم ؟؟
ابتسمت بتريقه و قلت
أميره : عليك لمبه محروقه ... ممتازه جبتيها
سلطانه : ما أبي أروح السينما بروحي !
أميره : عندك شيخه ههههههه هالبنت هزمتني في حكاية الخروج الكثير
طالعتني ببرود و هي تجلس على طرف السرير
سلطانه : أميره ممكن أقول لك شي .... ما عمرك حبيتي ؟
فاجأني هالسؤال و خلاني أطالعها بإهتمام
شالت الطرحه و حطتها على كتوفها و فلت شعرها البني المموج و هي تقول :
سلطانه : و لما تحبي و تبين تقهرين حبيبك و هو يموت فيك بشكل خيالي بس متكبر و لا يبين مشاعره !!
قلت و أنا أرفع البطانيه
أميره : لا أنا أحسن منك بشوي .... عذاب القلوب يا قلبي ما أقدر عليه ما أحب أقهر قلب حبني ما أقدر مستحيل !!
ابتسمت لي :
سلطانه : يعني حبيتي أو تحبين !! بس تدرين أنا أحسك تعذبين القلوب على قولك بدون ما تدرين !!
ابتسمت و أنا أقلب صفحه كامله من حياتي ....
أميره : كانت أيام !!!
سلطانه : أكيد مع فيصل
تنهدت و قلت :
أميره : مجنون أميره
تنهدنا مع بعض
أميره : وش رايك تكنسلين فقرة السينما و ننزل تحت للمرسم ؟؟
سلطانه : حل سلمي مناسب ....... أجل بروح أبدل ملابسي
قامت و طلعت من الغرفه !!
قمت و رحت غرفة الملابس مب معقوله بنزل بقميص النوم !!!

الساعه : 09:30
دخلنا المرسم و قمت أفرجها عاللوحات الجديده
و طبعا قامت تتفرج على كل اللوح الموجوده بالمرسم
طلعت اللوحه اللي رسمتها لعبدالله من الدولاب و وريتها اياها
أول ما شافتها صفرت !!!
سلطانه : مجنونه ....... مجنونه غريبه باقي عايشه انتي ؟
طالعتها و أنا ارفع حواجبي
أميره : بسم الله علي !!
سلطانه : يوه ابداع هالإنسان موجود على أرض الواقع
هزيت راسي و قلت :
أميره : عذابي اللي تو ما عرفت قيمته !!
سلطانه : بصراحه بدون مبالغه يحق لك ...... بقوه بعدين ؟؟
نزلت راسي بحزن و قلت :
أميره : الله يشفيه
حطت اللوحه عالطاوله و طالعتني بإهتمام
سلطانه : ما راح أسألك عن التفاصيل بس بصراحه شوقتيني أعرف قصتك انتي و اياه ؟؟
هزيت راسي بحزن وسكت
سلطانه : نطلع للحديقه أفضل
طلعنا من المرسم و قمنا نتمشى في الحديقه
سلطانه : لك الحق ترتسم ملامح الحزن على وجهك يوووووووووووه يا أميره انسان رائع قليله عليه بصراحه سبحان اللي خلقه !!في حلوين بهالشكل ؟؟؟ بصراحه ما شفت
طالعتها و أنا أضغط على خصرها
أميره : بس خلاص تغزلتي في عبدالله يكفي !
سلطانه : و اسمه عبدالله بعد.........بإختصار الله يهنيك
التفت أطالع الحديقه بحزن
أميره : بس مشلول و في غيبوبه
كأنه البنت جتها صعقه شتتها
سلطانه : مشلول و في غيبوبه !!!!!
أميره : بداية السالفه لما شفته عالشاطئ أول ما سكنا دبي شدني بشكل خيالي
جذبني بأدبه و تواضعه و احترامه لنفسه و هو يقولي : الأمان من الله
بعدها بكم يوم حلمت فيه مع اني كنت أقول لنفسي اني حالمه فيه قبل كذا أو شفته قبل و لو صدفه ....... و اكتشفت انه هو بعد حالم فيني ........
طالعت السما و قلت :
أميره : و أهداني صدفه بعد كذكرى ......
حبيته بدون ما أدري ليه و كيف و متى مدري !!
ابتسمت و قلت :
أميره : شدني له كنت أضحي عشانه بكل شي ممكن تتخيلينه و في الأخير اكتشفت ان عبدالله مشلول و في غيبوبه .... ما راح تصدقين لو قلت لك ان له الحين سنه و كم شهر و هو في غيبوبته ما تحرك فيه ساكن .......
رحت له قبل اسبوع يا سلطانه بكيت على يده صرخت بكل اللي في داخلي أحبك و أنا صادقه فيها .... تخيلي انه حس فيني لدرجة انه نبضات قلبه تسارعت و تخيلت ان يده تحركت ......
طالعتني بإبتسامه رايقه و هي تمسك يدي
سلطانه : لهالدرجه ؟!!
أميره : قد مره غنت لي أصاله الله يرحمها أغنيه رائعه بس ما قدرت أستوعبها الا اللحين

مااا دمت قااادر بااالجفااا تاااخذني بيدينــي
علمني كيف أترك يدك في عز حبي لك
تدرين لأنه بنت عمه تحبه موت و كم مره كنت أشوفها تجلس بقربه و تبكي و هي تمسح على شعره و ترتب سريره يعني في قلب يحبه غيري و يمكن أكثر مني !!
قمت أردد و الدمعه تخوني كالعاده
أميره : علمني كيف أترك يدك في عز حبي لك
سلطانه : أعتقد انه ما يستاهل .......
قاطعتها بسرعه و قلت و أنا أحط اصبعي على شفايفها !
أميره : لا يا سلطانه لا تقولين انه ما يستاهل حبي عبدالله كان يتعذب بعيد عني
لأنه كان متصور ان تمسكي فيه مجرد شفقه لأنه صار معاق و مريض
و ربي أحبه من كل قلبي مب مهم اللي برى أحب قلبه اللي حبني حتى بدون ما يعترف و يقولها لي ؟؟؟
حطت يدها على كتفي و قالت :
سلطانه : يااااااااااااه شكلك تعذبتي حيل
طالعتني بحزن و هي تمسح دمعه من عيني و تقول :
سلطانه : أنا سالفتي غير عنك بس ...........
أميره : وش رايك نطلع للغرفه نجلس بالبلكون أفضل ؟؟
سلطانه : بقولك شي بس ما تزعلين ؟؟؟
أميره : تفضلي
سلطانه : لوحه مثل اللي رسمتيها لعبدالله بتجيب لك مشاكل ما لها أول من آخر لو أحد من أخوانك شافها !!!
طالعت للمرسم بحزن و حنا نقرب منه و كملت ....
سلطانه : أو أخواني و خصوصا جواد
دخلت المرسم و تساعدنا على تغليف اللوحه بالجرايد و شلتها طلعتها لغرفتي ..
لأني حسيت ان كلامها مزبوط الحمد لله اللي ساتر علي طول هالوقت
طلبنا عشا معتبر تصلحه لنا ماري و طلعنا نجلس بالبلكون البيت هجده على غير العاده
مروا من قدامنا عبير و ابتهال كالعاده طالعات مدري وين ...... و ريحة العطر واصله ؟؟؟
قلت أبي أقهرهم ...
أميره : يا ويلي عالخيانه تطلعون و تتركون المحروسه شيخه تندب حظها ؟؟
طالعتني عبير بدلع
عبير : هي اللي تهورت و جابته لنفسها
هزت ابتهال كتفها
ابتهال : تستاهل بغبائها الزايد
طالعتهم بإستغراب و سلطانه ساكته و تطالع الحديقه
سلطانه : يحكي الزمن دايما عن طبقات من الناس تقتل نفسها بنفسها و تجيب العار للي حولها .........
التفتت لهم و قالت ببرود مخيف
سلطانه : و تموت !!!!
أنا بروحي انتفضت بقوه !
ردت تطالع الحديقه
سلطانه : كنت أتمنى ألقى و لو نص جمال وحده فيكن بس الحمد لله أحس نفسي أجمل منكن ........ العقل هو كل الجمال
طالعن فيها البنات كأنها وحده مجنونه و راحن ؟؟
التفتت لي ....
سلطانه : هاذي هي حياتي معاهن لين شفت مشاري !!!
ابتسمت و هي تتذكر ....
سلطانه : كانت حياتي لهو و لعب بس بحدود أحب الحدود و أعشق شي اسمه حدود
حتى مع أمي و أبوي في حدود فعشان هالسبب الكل فكر اني مغروره و متكبره و لأنه لساني سليط على قولهم و دايم أكشف النوايا و أفضح المستور !!
قمت أضحك ....
سلطانه : كنت أهوى الطلعات و الدخلات يعني أمل من جلسة البيت بس مستحيل أتم برى البيت لأكثر من الساعه وحده !!
كنا دايم نطلع مع الأهل بالديره طلعات بر و وناسه و قنص كنت أتأمل مشاري من بعيد حريف في القنص كانت طباعه حلوه صحيح رزه و مسوي لي فيها بس كانت طباعه رائعه
قلت بعدم تصديق :
أميره : غريبه من يشوفه و يعرفه يقول انه انولد كذا .......... هههههه يعني عاهه مستديمه !
ضحكت و قالت :
سلطانه : كنت اشوفه غير مع ان الناس يقولون غير كذا !!
شافني مره عند عيال خالي و من بعدها خطبني و وافقت عليه و تزوجته !!
عشت معاه أيام روعه حتى أتذكره يوم شالني في استراليا و كيف الأجانب صفقوا لنا و أنا ميته خجل !!كان يحبني بجنون لدرجة انه واحد كلمني يبي يسأل عن سوبر ماركت معين !! سوى سالفه و زعل و ما رضى الا بالشده
أميره : يا شين اللي كذا ؟
سلطانه : لاااااااااا و مواقف غريبه لو أحكي لك عنها ما راح تصدقين !مع انه عمره ما قالي أحبك ؟؟؟ بس الحب يبين من مواقفه و حركاته و غيرته الجنونيه !
جا العشا قطع سواليفنا رتبته سلزيا عالطاوله بإدقان و راحت و أنا أتأملها
سلطانه : وش فيك ؟؟
أميره : تدرين انها مسيحيه ؟
سلطانه : بس باين عليها مخلصه
أميره : مره !!
و قمنا نغرف بالصحون
أميره : بس ما قلتي لي وش سبب هالجرح اللي محليه ههههههههه قصدي اللي على خده !!
حطت الصحن قدامها بعنايه و قالت :
سلطانه : في يوم رحنا نسلم على خالي تعبان و عادتهم العيال و البنات يكشفون على بعض أنا ما كنت مأيده الموضوع مثل ما قلت لك عندي حدود كنت أجلس معاهم بنقابي طبعا مشاري ما تعود عالوضع و على حظي دخل علي و أنا مع عيال خالي يسولفون و أنا ساكته دخل معصب و فهم السالفه غلط و قام قدامهم سحبني من يدي و ضربني مسكوه عيال خالي ..... بس طرحهم كلهم و جرني للبيت جر !!!
طالعتها بإندماج كامل
أميره : و انتي وش سويتي ؟ يا مقوى وجهه وش ذا !
قالت و هي تقطع الإسكلوب بالسكين
سلطانه : طبعا أنا هجدت انصدمت فيه و غير كذا أول مره يضربني لا و قدام عايلتي
قمت أبكي بهدوء لين ردينا البيت دخلت لغرفتي و قفلت الباب و قمت أبكي طبعا تم يدق عالباب لين تعب ما فتحت !!!! آخر المطاف على قولهم كسر الباب و دخل !!!
قمت أضحك ......
أميره : شيء متوقع من واحد مجنون مثله
غرفت سلطه في صحني و قمت آكل
سلطانه : تتوقعين وش سوى !!
طالعتها و قلت :
أميره : أكيد كمل عليك ضرب ؟؟
ضحكت و هي تاكل من السلطه
سلطانه : ضمني
حطيت الشوكه و السكين عالطاوله و قلت بفجعه
أميره : و له وجه بعد !! وش سويتي ؟؟
سلطانه : عادي ضميته
طالعتها و أنا على راسي علامات تعجب و استفهام
أميره : و بعدين ؟؟؟
سلطانه : عادي قمت أمسح دمي اللي على أنفي من قوة الضرب و الكف اللي عطاني اياه على وجهي و هو راح للحمام بكل روقان يدخن سيجارته و يحلق ذقنه !!!
أميره : هذا الرعب بعينه وش هذا ؟؟ ينفع يكون قاتل محترف بأعصاب بارده مثل الجليد و ردات فعل غير متوقعه ......!!
سلطانه : اسمعي بس بنت خالك وش سوت ؟؟
قلت و أنا أشرب العصير
أميره : أهااااا أتحفينا !!
سلطانه : رحت له بالحمام و حطيت يدي على كتفه أول ما حس فيني التفت لي بسرعه و في يده المحلقه .... قلت له ممكن المحلقه شوي و هو المسكين ناولني اياه ببراءه اخذتها منه و رفعت يدي أبي أجرحه مسكني !!!
قمت أضحك
أميره : ذكرتيني بروايه رومانيه قديمه لأمير كان يحب وحده و هي كانت تعشقه بس هو كان يبيها بالحرام فلما رفضت ضربها هي زعلت طبعا و حز في خاطرها و قال ايش تبي تنتصر لكرامتها وش صار راحت للأمير اليوم الثاني و هي في أبهى حله رقصت معاه

اللي يشوفها يقول تحبه بس في الأخير قتلته !!!
سلطانه : بالزبط يا أموره طبعا هو كان يبي يبين لي انه باقي يحبني بس استغليت الموقف و رجعت جرحته مره ثانيه كنت متوقعه اني انتصرت و انه راح يتشوه بس للأسف كانت مصدر جماله مع انه يجنن بسم الله عليه المهم هربت من البيت و رحت لأهلي بتكسي من الخوف شفت دمه في يدي ارتعت أكثر و هو من الصدمه وقف !!!
تدرين انه سواق ما كان عندي !!
قال ايش هو يستمتع و هو يوديني و يجبني و كان يطلع عيني عشان يودي أي مكان أبيه و ربي عل قلبي حيل بس مع ذاك مازلت أحبه .........
قمت أضحك عليها
أميره : بعد !!
سلطانه : رحت لأهلي منهاره و قلت لهم يطلقوني منه ما أبيه طبعا اللي حضروا سالفه ضربي أيدوني بشده و بعد ضغط طلقني و للحين ما تزوج ؟؟
أميره : مسكينه اللي راح تتزوجه ؟
سلطانه : بس تدرين ... مشاري تغير عن أول صار هادئ عن أول و بس سرحان ؟!!
أميره : الحمد لله ما عندكم عيال ؟؟؟؟؟ و طبعا مب ناويه ترجعين له
قالت بحزن
سلطانه : لا خليه أحسن ذكرى حلوه في داخلي ما أبيها تتشوه أكثر من كذا !!
كانوا يجون لي عرسان بس أنا نفسي ما كنت أبي أتزوج أحس اني كذا حره مبسوطه أكثر عايشه حياتي ........ صحيح باقي أحب مشاري بس مع ذلك أفضل انه يكون بعيد
بأكون سعيده لو لقى له وحده غيري تناسبه !
_______________
الساعه :04:30 عصرا
بدت الفعاليات بالمعرض كانت رائعه و كان الحضور جدا ضخم و طبعا أغلب اللي دعيتهم جو كانوا منبهرين من ركني جدا جو كبار البلد و المسؤولين يعني كان جدا رائع و جا أخوي أحمد طبعا سووا له استقبال حافل ما توقعت أخوي بهالأبه و الفخامه !
تذكرت كلام صوفي عنه ( جنتل مان .... بدون روح )
طلعت من تأملاتي و أنا أشوف ثامر اللي جا خصوصي و هو مشغول عشاني و أمير و عبادي
و البنات الكل جاني يااااااااااه روعه .........
شيخه و ابتهال و عبير و سلطانه و خالتي بدريه و حليمه و صديقاتهن ( نساء المجتمع الراقي )
جتني وحده سلمت علي و قالت :
........ : أميره
ابتسمت و قلت
أميره : ايه
قالت و هي تصافحني بحراره و تشد على يدي
........ : يشرفني و يسعدني التعامل معاك
و مدت لي كرتها و راحت
انسانه عمليه جدا جمالها حاد ...... بملابس رسميه و ادقان لفن الإندماج مع الناس !
طالعت للكرت ..............
أسيل
الرئيسه الرسميه لفروع شركة ...... المحدوده
سألت نفسي : طيب وين اسم العائله !!!
يالله ليه متعبه نفسي أكيد أحمد بما انه له تعاملات كثيره يعرف
هالإنسانه ؟؟؟
رفعت راسي أدخل الكرت بالشنطه
شفته ....... وقفت مصدومه و أنا أشوفه يدخل لركني و يقبل علي و يبتسم
مب معقوله لااااااااااااااااااااا أكيد أنا متوهمه أو أحلم

البارت الرابع و العشرين

أقبل حبيبي
قلت يا شمس غيبي
أنورت دنيتي
مدري اني نصيبي
لما أقابل
يوم أقبل علي
أستزيد التحيه
التفاته سلام
جيت أرد التحيه
طالعوا الناس فيا
ضاع مني الكلام !!

طالعته بصمت و فرحه و مني مصدقه وجوده قدامي سلطانه كانت تطالعني و تربت على كتفي هي الوحيده اللي فهمتني !!
ِأميره :.............. عبدالله ؟!
التفت لسلطانه بذهول !!!!
أميره : عبدالله يا سلطانه عبدالله
كانت تدف الكرسي أماني و هو يا ناس شكله يخبل بسم الله عليه مب كأنه كان مريض أو كان في غيبوبه !
مدري كيف أوصف الموقف بس عيوني تملت دموع !
هو كان مبتسم و يطالعني بحنان مد يده يسلم علي ..... ارتبكت !!!
سلمت عليه و قلبي يدق بقوه يا ربي مبسوطه حيل بشوفته !
عبدالله : أحبج
حطيت يدي على فمي ميته من المستحى و مب عارفه كيف أتصرف !!
طبعا محد كان ينتبه لي غير سلطانه اللي كانت قربي
سحبت يدي من يديه و هو يقول :
عبدالله : معرض رائع لأنه الروعه من صاحبتها .... الله يوفجك ؟
أماني : احم احم ... وااااخزيها ما بتسلمين علي يا أموره !!!
طالعتها أبتسم
أميره : هلا فيك يالغلا أهلين
سلمت عليها و أنا أطالع عبدالله بتأمل أشرد شوي و أرد لواقعي شوي !
و هو يطالعي بحنان و يتأملني
قالت أماني عشان تنقذ الموقف
أماني : بنروح انتفرج عالمعرض يا حلوه و بنرد لج
أول ما راح تنهدت بصعوبه
سلطانه : طلع أحلى من اللوحه
يوم ابداعي ..................
كنت أسعد امرأه في ذاك الوقت لأني شفته ........!!
______________
الساعه : 07:30 مساءا
رديت للبيت لقيت صوفي تطالعني بفرح
صوفي : معرض كتير حلو
أميره : بس رديتي البيت بدري يا صوفي ؟؟
صوفي : على فكره مس أميره هاي جا بإسمك أبل ساعه
ناولتني كيس أحمر أخذته و طلعت لغرفتي اشوفه
دخلت غرفتي فصخت عباتي و جلست على الأريكه
فتحت الكيس لقيت كرت مكتوب بخط حلو
" توقعت الحياااه بتضيع مني بس اكتشفت ان الحياااه فعلااا تضيع لو مااا أشوفج
أحبج موت "
عبدالله
صرخت من الوناسه
أميره : ووااااااااااااااااااااااااااااااااو
كانت الهديه عباره عن عطر ريحته مره رايقه مكتوب عالكرتونه
" الحلم : شفتج في أحلاااامي كثير لأنك بنيتيهااا بيدنج تسلم اليدين اللي بنتهااا
فديتج يااا كل مااالي "
طق الباب ....
أميره : تفضل
صوفي : مس أميره هاي الورد واصل إلك ؟؟؟
جت جابته لي
أميره : أشوف الكرت من مين !! خلاص روحي شكرا
شفت الكرت
باااقي على البااال تطرين
تجفين و لا مااا تجفين
غيرك تعنى و انتي عشتي سعيده
ياااللي مجننه القلب و العين
مجنونك فيصل
لحظه صمت !!!!!!!
من قوة الصدمه طاح الورد عالأرض
و قمت أطالع الكرت بصدمه و ذهول
___________________
الساعه : 09:00 صباحا
صحيت كالعاده و قمت تسبحت و صليت لبست بنطلون جينز أزرق و بلوزه بيضا قطنيه أكمامها طويله رفعت شعري على فوق و ربطه بشريطه ورديه صلحت ميك آب وردي لبست جزمه بيضا و نزلت للحديقه كنت مبسوطه بعبدالله بس ورد فيصل حطمني و صدمني !
لقيت صوفي بالصاله
صوفي : بدك شي مس أميره
قلت بطفش
أميره : لا بروح للمرسم ؟؟
طلعت للحديقه و رحت للمرسم
لقيت الباب مفتوح !!!!!!!!!
أول ما دخلت انصدمت ؟!
كل شي مكسور و مقلوب بوحشيه لوحاتي كلها مكسوره و مشقوقه الألوان مكبوبه حتى الفرش ما سلمت تكسرت بعنف و كأنه اللي كسرها ينتقم مني حتى دولاب الخردوات تكسر بكبره دخلت و أنا أطالع الدمار اللي أشوفه و كأنه اعصار اجتاح المرسم و اختفى !
مب قادره أستوعب وش حصل حياتي كلها في هالمرسم خلاص كل شي ضاع رسوماتي كلها راحت ...أغلاها و أعزها على قلبي طب ليه أنا وش صلحت عشان أستحق كل ذا ؟؟!
جلست عالأرض حابسه الدمعه !
ليته هاللي حاقد علي هالكثر ذبحني و لا دمر المرسم بهالشكل المريع !
قمت طلعت من المرسم و أنا دايخه من قوة الصدمه !؟
قابلتني صوفي عند المسبح
صوفي : شوبكي مس أميره
طالعتها و الدمعه على طرف عيني
أميره : شفتي وش صلحوا بمرسمي كسروه روحي شوفيه ....
قمت أبكي ما تحملت !!
تركتها و مشيت طلعت لغرفتي و أنا يالله أشيل نفسي
فتحت الدرج و بلعت لي منوم
ما كملت خمس دقايق الا و أنا ما أشوف الا الظلام .......................
___________________
الساعه : 03:00 صباحا
صحيت و كأني في حلم
شفت يد تمسح على يدي و دموع تنسكب على عيني
فتحت عيوني و رديت غمضتها
رديت فتحتها مره ثانيه لقيت اني أحلم !!
لقيت نفسي بالمستشفى آه وش جابني هنا غريبه ما مت !
أنا كم حبة منوم أخذت !!
لقيت نفسي وحيده الا من الممرضه اللي جالسه عالكرسي اللي جنب السرير تراقب حالتي
الممرضه : حمد الله على سلامتج أميره
جلست ببطء
أميره : الله يسلمك ....... شلي جابني هنا ؟؟
الممرضه : كنتي تعبانه حيل يابوج على هني
طالعتها و أنا أرفع خصلات شعري بتعب
أميره : متى !
الممرضه : قبل خمس أيام
ابتسمت ببرود و قلت :
أميره : ليتني نمت للأبد
الممرضه : استهدي بالله يا أميره مب لهالدرجه باقي في ناس تحبج
طالعتها أرفع حواجبي
أميره : مثل مين يعني ؟؟
الممرضه : من طحتي و واحد يوميا يييج صبح و مسا يسلم عليج و يبكي يجيب معاه الورد و يطلع .... و ورد ييي لهني كل يوم بإسمج من شخص مدري شو اسمه فيصل أظن !
يااااااااه على كذا ما كنت أحلم لأني أحس باللي يبكي على وجهي و يمسك يدي !
أميره : فيصل ....... شكلي مجننته حيل
نزلت راسي بتعب أحس بتعب فظيع في جسمي كله
رفعت راسي و طالعتها
أميره : ممكن تطلعيني من هالمستشفى المقيته أعطيك اللي تبين ؟؟
الممرضه : صعب أميره لأن هالمستشفى ما بتطلعج الا لما يشوفون حالتج تسمح و لا لاء
غمضت عيوني و قلت :
أميره : طيب ممكن تساعديني أقوم عشان أصلي ؟
لأني فعلا مب قادره حتى أقوم .....
طالعتني بخوف
أميره : خايفه من ايش تطمني مب غداره لهالدرجه عشان أضربك على راسك مثل الأفلام و ألبس ملابسك و أهرب من المستشفى ؟؟ أنا فعلا لقيت المستشفى أفضل بكثير من البيت بتم في هالمستشفى لا تخافين يا .........
الممرضه : نسمه
أميره : تشرفنا

ساعدتني قمت توضيت و صليت اللي ربي قدرني عليه و جلست أقرى قرآن بعد ما طلبت من الممرضه تجيبلي مصحف !!
قريت شوي و لقيت نفسي أطيح عالسجاده بتعب لأني ما قدرت أتماسك !!
______________
الساعه : 02:30 بعد الظهر
فتحت عيوني ببطء
الممرضه : أميره
التفت أطالعها بإبتسامه بدون معنى
أميره : نسمه انتي باقي هنا ؟
الممرضه : ايه
أميره : ما طفشتي !!
قمت جلست ...... لا الحمد لله أحس نفسي أحسن شوي من أمس
الممرضه : هذا شغلي ما طفشت
أميره : المفروض تروحين ترتاحين ؟؟
الممرضه : أمس صابتج أزمه فإضطريت أتم وياج بس تبين الصراحه أخوج أحمد طلب مني أتم وياج عشان ما تهربين من المستشفى ؟؟؟
قمت أضحك
أميره : انتي طيبه يا نسمه .... تطمني مب هاربه و الله بس انتي روحي ارتاحي أفضل لك
أكيد أهلك يحتاجونك و بعد انتي تحتاجين للراحه
ابتسمت لي بمرح
الممرضه : أكيد !!
أميره : إيه أكيد أوعدك وعد شرف بس انتي روحي ارتاحي شكلك مره تعبانه ؟
الممرضه : مشكوره
قامت المسكينه و راحت أكيد تعبت و طفشت من وحده مثلي !!
قمت توضيت و صليت و جلست أقرى قرآن شوي
بعدها قمت أتأمل الورد اللي مزين في المزهريه ؟
صارت قصتي إبداع و حلي الوحيد حبوب منومه بس ليه أنا أخذتها أصلا
يبيلي أرد ألف الشريط في راسي !!
طويت الشرشف و السجاده و حطيتهم عالكرسي ...
أهااااااااا
المرسم !!!
تذكرت ... من اللي حاقد علي بهالشكل و ليه المرسم بالذات يعني لو انتقم مني بشي ثاني أرحم صراحه !!!
جلست على طرف السرير و أنا أرتب شعري .......
يمكن تكون شيخه أو مشاري بصراحه الكل حاقد عليك يا أميره الكل المفروض تحطينهم في دائرة الإتهام !!
طق خفيف عالباب
أميره : تفضل ؟!
انفتح الباب بهدوء
أميره : الجوهره ؟؟
جت ضمتني بقوه و هي تقول
الجوهره : انفجعت عليك حيل ..... وش هذا يوه نحفتي حيل يا أميره وش جا عليك !
ابتسمت و أنا أشوفها أحسها تصلح حركه و نشاط في حياتي لما تكون معي !!
أميره : كالعاده يا قلبي
الجوهره : المنوم ....... أوف يا أميره بطليه و ارحمي نفسك
أميره : تدرين ان الدكتور واصفه لي عشان أعصابي ما تتحمل و الله يا جوجو ما فيني أكرر اللي قاله الدكتور و بعدين لما أتنرفز أو أزعل من شي ما أقدر أتماسك مثل الناس و أواجه مشاكلي غير بهالمنومات ......... بدونها أروح فيها
قالت لي بحزن
الجوهره : متى بتطلعين ؟؟
أميره : لما تتحسن حالتي ؟!
الجوهره : توني جايه من سويسرا
أميره : الله لفيتي العالم ماشا الله عليك
الجوهره : و جيت هنا عشانك ؟؟ و على فكره قررنا يكون العرس هنا
طالعت للشباك بحزن و قلت
أميره : هنا هناك كله واحد !!
الجوهره :لا يا قمر مب هنا و هناك واحد أبد و بتمين حزينه كذا على طول !
التفت أطالعها
أميره : و لو قلت لك اني حتى فستان ما فصلت قلت لصوفي تفصل لي على ذوقها
الجوهره : أوف لهالدرجه ؟
بعد سين و جيم انتهت الزياره و طلعت الجوهره بتروح البيت قلت لها راح تنصدم من اللي بتشوفهم و خصوصا جايه هي وخواتها ياااااااااااااه مدري وش بيصير بصراحه بيفوتني !!
طالعت الجدار الأبيض بتأمل و قلت :
أميره : بكره بينتهي كل شي و تستمر الحياه
طق عالباب
و دخلت الدكتوره اللي أفتكر اني شفتها المره الماضيه
ابتسمت لي برقه
الدكتوره : صباح الخير يا أميره
ابتسمت
أميره : صباح النور
جلست جنبي تقيس نبضي
الدكتوره : لا الحمد لله اللحين صحتج ممتازه
طالعت للشباك بحزن
حطت يدها على راسي
الدكتوره : شفيج يا قلبي ... ممكن أعرف ؟
التفت لها أطالعها
أميره : عدم المعرفه بالشيء أفضل مية مره من المعرفه يا كثر اللي قالوا ليتنا جهلاء
أو أطفال ما نفهم ؟؟ آه لا تشغلين بالك هي الدنيا بتوقف عشانا !!!
الحياه بتستمر مين احنا عشان توقف عندنا الحياه !
الدكتوره : شكلك تعبانه حيل ؟
أميره : لا مب تعبانه أنا ميته من زمان !!
____________
مرت ثلاث أيام بعدها طلعت من المستشفى و رديت لحياتي الأولى و لواقعي المر !
تجهزت الأجواء كلها لعرس عبادي و ثامر و الكل محيوس و يجهز الا أختكم في الله
أميره !!! طول الوقت بغرفتي مقفله علي بابي و محد مهتم فيني الكل مشغول حتى الجوهره و سلطانه و كلهم يعني الجميع بالعربي !
أماني كانت الوحيده اللي مواصلتي بالجوال دوم تتصل و أكلم عبدالله بين فتره و الثانيه!!
تمددت عالسرير أفكر في عالمي الكئيب !
و ليه ما فيني حتى أقوم السوق أشتري عالأقل هدايا للمعاريس صدق ما أستحي !!!!أوووووووووف على قول أمي الله يرحمها ما تعرفين للأصول ؟!
رن جوالي بنغمته الكئيبه مثل صاحبته .... رقم غريب
خفت أرد يطلع لي فيصل حطيت الجوال جنبي و صار يرن بدون ما أرد !
قفل شوي و بعدين رن ثاني ........ مين اللي بيتصل علي و يبيني بهالإلحاح !!!!!
أخيرا قررت بعد ما شاورت نفسي و رديت !
أميره : ألو
....... : ألو مرحبا
انساب صوته بعذوبه
قلت بإرتباك
أميره : فيصل !!!!!!!!
فيصل :هلا فيك يالغلا
أميره : وش تبي فيني ارحمني الله يخليك
فيصل : أحبك
أميره : بس أعتقد ان اللي بينا خلاص انتهى
فيصل : عندي أنا باقي ما انتهى !!!!
الساعه : 02:20 بعدالظهر
جلست في الخيمه مع اخواني أحمد و عبادي و أمير و ثامر
كنت ماله و مقروفه و مالي خلق أروح مكان كلهم طلعوا و بقيت أنا بالبيت مع أخواني
كنت ساكته أسمعهم يسولفون ...
أحمد : كيف تعاملاتك مع شركة ....المحدوده ؟؟
من سمعت هالإسم التفت لأحمد بإنتباه
عبادي : ممتاز أسيل آل .... التعامل معها جدا مريح مافيه تعقيدات مثل الشركات الثانيه
فتحت عيني على كبرها بصدمه
أسيل أخت فيصل ياااااااااااه طب ليه ليه !!!
أحمد : و شركة عيال مهدي
عبادي : وقعت عقد جديد على معدات للمشروع مع شركتهم تدري غيروا المسؤول
صار عبدالله آل .....
طلعت من صدمتي لما سمعتهم يتكلمون عن عبدالله !
أحمد : سمعت انه معاق و ما يقدر يمشي ؟!
عبادي : يا رجل أصح منه ما في و توه مستلم ادارة الشركه من أسبوعين و يمشي الرجال عادي مثل الناس
قلت ببلاهه :
أميره : يمشي !!!!!!!!!
و مستلم الشغل من أسبوعين و صاير رئيس الشركه ههههههههه
التفت لي أحمد بإستغراب
قلت بذهولي و مب قادره حتى أرتب الكلام
أميره : هذا .... أخو أماني ... اللي .....
ما قدرت أكمل خنقتني العبره كتمت أنفاسي قمت من الخيمه و طلعت لغرفتي على طول جلست عالسرير أبكي ...
عبدالله يخدعني يلعب علي ليه طيب وش سويت له ؟؟
دايم يكلمني بس ما جاب لي سيره على هالكلام كله هههههه يضحك علي ليه لهالدرجه
قبل كم يوم تقابلنا بس كان جالس عالكرسي مب معقول و أماني ليه ما تقولي آه يخدعني يكذب علي ليه ليه يا ناس أنا أستحق هالشي اللي قاعد يصير لي ....!!
قمت بسرعه مسحت دموعي و بدلت ملابسي لبست عباتي و خذت أغراضي و طلعت
ركبت مع السواق و أنا أقول له عن شركة عيال مهدي طبعا عرفها لأنه كان يودي أحمد لما يكون عنده شغل مع هالشركه ...
طول الطريق و أنا أعطيه أعذار يمكن يكون الكلام اللي سمعته مب صدق ....
طب ليه يكذب علي ما عنده أي مبرر للكذب ليه يكذب ليه ؟؟
وصلت الشركه و دخلت طلبت يدخلوني على الأستاذ عبدالله بسلامته !
بس ما قلت اسمي الحقيقي !!
جلست شوي عند سكرتيرة مكتبه المزيونه !
السكرتيره : الأستاذ عبدالله عنده اجتماع !!
كنت أطالعها بصمت
ما أعتقد انها من النوع اللي يعجب عبدالله !!
ما كملت ربع ساعه الا و دخلتني عليه
دخلت و أنا أطالعه ببرود !!
هو لما شافني ارتبك كنت أنتظره يقوم يوريني طوله بس ما وقف !!
دخلت و جلست عالكرسي اللي قبال مكتبه بدون أي كلمه
قالي بإرتباك :
عبدالله : وش هالمفاجأه الـ ....
قاطعته و قلت بصرامه !!
أميره : الحلوه طبعا
قال و هو يصرف
عبدالله : طبعا طبعا
طالعني و طالعته عيونا التقت و في أشياء كثير لازم أعرفها
عبدالله : أميره وش فيج ؟؟
وقفت و قمت أتأمل المكتب الكبير
أميره : مبروك رئاسه الشركه
طالعني و نزل راسه
و اللي قاهرني انه للحين ما وقف ؟؟
للحين يا ناس ما وقف !!!!
ما في حل غير اني أوقفه بطريقتي !!!
قمت أتأمل الجدران و الطاولات و الباب الكبير المفتوح اللي يودي على قاعة الإجتماعات
عبدالله : كنت بقولج
هزيت راسي بتفهم و قلت
أميره : كنت بتقولي قبل أسبوعين ؟؟!أهاا
عبدالله : لا كنت بس .....
قفيته و أنا أطالع لكره كبيره من الكريستال بحجم اليد
مصقوله بنعومه قمت ألمسها و أفكر !!
هو ما في غير هالحل عشان أتأكد بنفسي .............لازم !!
رفعتها في يدي بهدوء و لفيت عليه بحركه سريعه و رميتها تجاهه بقوه !!
لحظة ذهول بين اثنين يحبون بعض ؟؟
طالعته ببرود !!
طبعا الأخ سريع بديهه على طول قام بسرعه و تفدى الكره اللي اصطدمت في الجدار و تهشمت بصوت عالي معلنه نهاية حياتها !!!
كنت أبي أشوفه واقف عشان أتأكد بنفسي لأني كنت أعطيه الأعذار لآخر لحظه !!
لآخر لحظه !
لآخر لحظه !
لآخر لحظه !
مب عارفين كيف لما وحدة تحب و تنخدع في حبيبها و يطلع كذاااااااااااااب !!
طالعته بصدمه غمضت عيوني و فتحتها بصعوبه و هو يطالعني متفاجأ من حركتي !
خنقتني العبره و أنا أشوفه واقف قدامي من اسبوعين و هو يمشي و لا قالي و كان يخدعني لأني كنت أشوفه بالكرسي المتحرك كانت صعبه على نفسي حيل لأني أكره الكذب !
و خصوصا الكذب في الحب لو يبي يكذب من البدايه ليه حبني ؟؟
جاني و قف قدامي و مسك يديني ....
عبدالله : أنا .....
طالعته و دموعي تنزل على خدي بحراره بس باقي صوتي ما ارتجف
أميره : ليه ممكن أفهم ليه تكذب علي ليه !
عبدالله : يا أميره و الله العظيم
رفعت يدي في وجهه
أميره : لا تحلف أبد لا تحلف لأنك خدعتني .... كنت بتقولي من اسبوعين !!!
انك تشافيت و صرت تمشي !!
بعدت يدي عنه و قلت و أنا أقفيه
أميره : مشكور
عبدالله : انتظري يا أميره بقولج اني أحبج ما كذبت فيها
التفت له و قلت بمراره
أميره : آسفه ما راح أقدر أصدقك لأنك .... لأنك ....
سحبت نفس عميق و كملت :
أميره : لأنك كذاااااب .. كذاااااب .. كذاااااب !!!
مشيت و هو يناديني
عبدالله : أميره ... أميره ... أميره
طلعت من الشركه بسرعه و أنا أبكي
ركبت السياره و رديت للبيت طلعت لغرفتي و سكرت على نفسي
ارتميت عالسرير و بكيت و صرخت بكل ما فيني بكل اللي في داخلي
حسيت بيد تمسح على شعري قمت بخوف أطالع اللي قبالي
أميره : ناديه ؟؟
ابتسمتي ابتسامتها الحنونه دايما
ارتميت في حضنها و قمت أبكي بحراره و أصرخ بألم
أميره : آه يا ناديه خدعني خدعني ليه يا ناديه ليه ليه الناس اللي تحبيها و تثقي فيها تخونك و تكذب عليك ....
ناديه : دايم نسيء الإختيار و بعدين نندم بعد ما يفوت الأوان
رفعت راسي و قلت :
أميره : كذب علي طول هالوقت يكذب علي ليه وش سويت له !!و أنا بغبائي صدقته
ناديه : طيب و في النهايه هل بتعذرينه ؟؟
طالعتها و قلت :
أميره : لا لأنه كذب علي !! و جرحني جرحني حيل لا لاء
ناديه : اطلقي سراح نفسك و عيشي بإمتياز بعيد عن المشاكل كوني نادره في كل شي
خلي حياتك مختلفه و ردي اختاري الناس صح بطريقة أميره مب طريقة الناس و الأهم يا أمورتي واجهي مشاكلك و بطلي تهربين منها !
قلت و أنا أرجع أبكي في حضنها
أميره : بس أحبه حيل أحبه يا ناديه
_________________
مرت أيامي حزينه كئيبه حتى مع وجود ناديه !!
طول الوقت ساكته و أطالع اللي حولي بصدمه أسأل نفسي عن حبيبي و أرد مره ثانيه
أبكي ...... محد فاضي لأحد و الجوهره حتى ما سألتني وش فيك و لا سألت عني
أشتاق لعبدالله بس أجبر نفسي على نسيانه !
ليه أنساه و أنا للحين أحبه و أعطيه مبررات و دمعتي تنزل تنتظر يقولي ليه صلح كذا !
أبي أفهم وش كان يبي عالأقل ....... يا ناااااااااااااس صدقوني أحبه !!

جا يوم العرس قرروا يصلحونه بالقصر لأنه القصر كبير كل جماعتنا جو و الدنيا شايله بريحة العود و البخور و الورد اللي واصله لغرفتي !!
و أنا جالسه عالسرير بقميص النوم ؟؟!!
و الباب يندق و لا أرد .....
أول ما دقت علي ناديه فتحت
يوم شايفتني انصدمت !
هي كاشخه و مصلحه شعرها و مكياجها و لا بسه فستان عنابي ماشا الله طالعه تجنن !
ناديه : انهبلتي انتي !! المعازيم وصلوا و انتي بقميص النوم
رفعت شعري اللي كنت رابطته بإهمال و قلت :
أميره : ما لي خلق يا ناديه ؟
سحبتني من ذراعي و هي تقولي بعصبيه
ناديه : الا لك خلق وين فستانك ؟
أميره : مدري .... اسألي صوفي ؟؟؟
صرخت و هي تضغط على يدينها
ناديه : آه من هالبنت بتشلني !
قالت و هي تدفني للحمام
ناديه : خذي لك شور سريع و بسرعه ألقاك هنا فهمتي !!
طلعت من الغرفه و هي تصفق الباب ؟!!!
لهالدرجه هنت على عبدالله حتى و لا يتصل يسأل أو ........
ما فهمت هالإنسان كيف يحبني و .......الـ لا هو أصلا ...لا لا
هذا اللي كان قاهرني و كنت أفكر فيه !
دخلت الحمام و عبيت البانيو بماي بارد و جلست فيه ؟؟
قمت أصب من الزيوت فيه بإهمال و أطالع يديني .....
لي كم يوم حابسه نفسي في هالغرفه ..... لي كم يوم دافنه نفسي بالحيا و لي كم يوم
أكلم الجمادات اللي عاشت معاي أكثر من البشر ؟؟!
تسبحت ساعه كامله بعدين طلعت لقيت ناديه جايبه وحده مدري من وين ؟؟
ناديه : شوفيها طلعت سوي لها وجهها و شعرها بسرعه لا تتأخر !!
هزت الكوافير راسها بتفهم
طلعت ناديه و تركتني مع هالكوافير
قالت لي :
الكوافير : بدي شوف فستانك كيف شكله عشان أحدد التسريحه و المكياج
قلت و أنا أنشف شعري بالمنشفه بلا مبالاه
أميره : يمكن هذا اللي عالسرير !
كان مغلف بالبلاستك الشفاف فكته و رفعته تشوفه أنا جلست عالكرسي قبال التسريحه
الكوافير : حلو كتير فستانك
حطته عالسرير ...
قمت أطالعها في المرايه .....
أميره : لو سمحتي لا تولعين السيجاره ما أحب ريحتها ؟؟
هزت راسها بتفهم و دخلت السيجاره و الولاعه في شنطتها و جلست تسوي لي شعري
بعد أقل من ساعه خلصت استشورت لي شعري و خلته على طوله لفته بطريقه محترفه على تحت و قصصته على طوله و جمعته كله من جهه وحده على جنب و مدري كيف لفته بطريقه حلوه أحلى شي انها ما بخت لي مثبت مكياجي بما ان فستاني لونه رصاصي فاتح حطت لي مكياج دخاني و حطت لي
غلوس بلون لحمي غامق رايق مره بس مدري كيف طلع شكلي!!!
دخلت لغرفة الملابس ألبس فستاني شكله حلو توني أشوفه كان بدون أكمام
ضيق من الصدر و الخصر واسع من تحت طويل حيل و مفتوح لين عند الركبه
كانت عليه اكسسوارات ناعمه و رايقه جدا
لبست صندل شفاف كعبه من الكريستال
أول ما طلعت لقيت ناديه
طالعتني بإنبهار
ناديه : ما شالله تجننين بسم الله عليك
أميره : وين الكوافير ؟؟
ناديه : طلعت
رحت جلست عالسرير و قلت بحزن
أميره : ناديه ما ودي أطلع ما ودي أقابل أحد ؟
جلست جنبي و قامت تقرى علي ...... أول ما خلصت
ناديه : خذي هالطقم البسيه و أنا بتم معاك ان شالله
لبست طقم ألماس مره حلو ..... جابت العطر و عطرتني
مسكت يديني و قمت معاها ..
نزلنا تحت للصاله اللي كانت مليانه حريم و الورد منتشر في كل مكان ....
أول ما شافوني بنات أعمامي طالعوني بإستغراب ...
سلمت عالحريم و جلست شوي مع جدتي شهده اللي توي أكتشف انها جايه من يومين !!
و طلعت للحديقه أشوف بقية المعازيم ؟!
نادتني سلطانه
سلطانه : وينك مختفيه لك مده ؟
طالعتها بسخريه
أميره : انتي اللي غطستي و ما سألتي !!
سلطانه : انشغلت
كملت بلهجتي الساخره
أميره : تعلمت في هالحياه انه مهما كانت أشغالي عمري ما أنسى الناس اللي أعزهم لأنه كلمة مشغوله مالها أي مبرر عندي يا مس سلطانه !
قفيتها و مشيت .... رحت للبنات بالصاله الخارجيه هي بعد مليانه ناس بس كانت مخصصه للطق و الرقص و الأغاني ....

و قفت من عند الباب و قمت أشوف الرقص و أتفرج بهدوء على الناس ....
كنت أتأمل السقف و اللمبات اللي على شكل كور ملونه !!
تذكرت رنا الله يرحمها في ذيك اللحظه .... مدري وش طراها على بالي في ذاك الوقت !!
رنا : ههههههههههههههه
أميره : ليه تضحكين ؟؟
رفعت العصا و هي تنفخ على حافتها و تقنص عالكره البيضا ...
رنا : البلياردو لعبه سخيفه !
رفعت حواجبي بإستغراب
أميره : وليه تلعبينها ؟؟
قالت و هي تهز كتفها
رنا : ضياع وقت !! .... تدرين تذكرت أمي الله يرحمها و هي تحكي لنا قصة واحد من قرايبها .....
أميره : وش فيه ؟؟
رنا : كان انسان فقير ..... هو الوحيد اللي كان فقير في عايلته و رافض ياخذ ورث أبوه قال ايش ما يضمن اذا كان حلال أو حرام لأن أبوه سيرته الذاتيه شينه شوي !
المهم عاش صديقنا الفقير حياته مسوي لي فيها كريم النفس عزيزها اللي ما يقبل قرش أحمر يدخل في جيبه من باب الشفقه !!
قلت و أنا أدق الكره الحمرا برقه
أميره : وش فيكي تقولينها كذا بالعكس برافو عليه نادرا تلقي مثل هالناس اللي مثله الله يخلف عليهم اختفوا من قرن !
ابتسمت و هي تضرب الكره الزرقا
رنا : المهم ..... سمع مره في الراديو طبعا ما كان عنده حتى تلفزيون من فقره .... سمع بالراديو عن مسابقه الجائزه الأولى فيها مليون ريال اللهم انه يرسل كلمه بالـ sms و ينتظر حظه يمكن يختاره الكومبيوتر !
أميره : يعني هالقصه صارت قريب ؟
رنا : ايه يا قلبي وش تحسبين انتي ؟!
ضربت الكره السودا فدخلت في الفتحه
رنا : طبعا هو كان يشتغل شغله متواضعه و عزابي رافض الزواج بكل أشكاله و صوره !
مثل أخوي محمد طباعه مقيته !!
كان يستلم ألفين ريال في الشهر من بعد ما سمع عن المسابقه انهبل و صار ليل مع نهار يشحن جواله و يرسل للبرنامج لين تعب و يأس و صار يصرف راتبه على هالشغلات !!
و كان يعشم نفسه دايم انه راح يكسب و يقول للناس هالشي و محد يصدقه ...
صار هالرجال حديث المجالس يسخرون منه و من حظه التعيس اللي اختاره بنفسه !
طبعا هو يئس من الفوز و مل فيوم من الأيام و هو يسمع لهالإذاعه سمعهم يتكلمون عن الجائزه و يقولون اسم الفائز بالمليون من سمع اسم الفائز طب ساكت و مات مسكين لأنه سمع اسمه !! و في الأخير بعد ما توفى توزعت المليون على أخوانه و هو مات بحسرته !!
ضحكت من قلب و أنا أسمعها يااااااااااااااااه في قصص بهالشكل روعه و حزينه في نفس الوقت !
الله يرحمه انسان عنده اباء !!!
قطعني من ذكرياتي و أنا أبتسم صوت أعرفه
التفت لقيتها أماني
طالعتها ببرود سلمت عليها و دخلتها الصاله هي و أختها ود اللي كانت جايه معاها
ود : وش لونج أميره ؟؟
قلت و أنا أطالع أماني
أميره : ماشي حالي الحمد لله
ود : ماشاالله شكلج مره حلو
ابتسمت لها بنعومه و قلت
أميره : عيونك الحلوين يا قلبي
جت عيني في عين أماني كنت أبي أسألها عن عبدالله بس غيرت رأيي !!!
رحت عند المضيفه و أشرت لها على أماني و أختها تودي لهم العصير و القهوه و الحلى
طلعت من الصاله شفت شيخه نادتني رحت لها !
شيخه : ما ودك ترقصين ؟
أميره : لاء ما ودي !!
شيخه : طيب ممكن نتمشى في الحديقه شوي ؟؟
قلت لها و أنا أبتسم ببرود
أميره : ما راح يخرب فستانك ؟؟
ابتسمت بمرح و هي تقول
شيخه : كيف يخرب و هو فوق الركبه ؟؟!!
مشينا في الحديقه و هي تقول
شيخه : تدرين ليه أبوي ضربني ذاك اليوم ؟؟!
طالعتها بإهتمام و قلت :
أميره : ليه ؟؟
شيخه : لأني ضربت جواد ولد عمي !!
التفت لها بإستغراب و قمت أطالع يدها الصغيره معقوله هاليد قدرت تضرب ذاك
الإنسان ؟؟؟!!
أميره : شالسبب !
نزلت راسها بخجل
شيخه : تبين الصراحه هو اللي قلب مرسمك فوق تحت ؟!
وقفت و طالعتها بهدوء ردت فعل غريبه مني طبعا !!
أميره : أها ايه و بعدين ؟؟
وقفت و طالعتني
شيخه : تخاصمنا على شي !
مشيت جنبها و قلت
أميره : ممكن أعرف وش هو هالشي ؟
قالت و خدودها محمره و تتجنب تطالعني
شيخه : يحبك !!
قمت أضحك بهستيريه
أميره : لا يا شيخه لا تقولين ؟؟ و تبين تقنعيني انك ضربتيه عشان كذا ؟؟
ترددت و هي تقولها و مازالت تتحاشى تطالعني !
شيخه : لا لأني ........ لأني ..... كنت على علاقه معاه !!!!!!
و قفت أطالعها بصدمه
أميره : وجع يوجعك ....ايش ......نعـــــــــــــم ؟؟؟؟!!!!
شيخه : أميره الله يخليك لا تعصبين بأقولك ؟؟
قلت لها و أنا أطالعها
أميره : علاقه يعني ايش فهميني ؟؟
نزلت راسها و قالت :
شيخه : عاديه يعني .....
أميره : يعني ايش ؟؟
شيخه : يعني مب رايحه فيها لا و الله انه ما لمسني أبد صحيح
حاول كم مره بس صديته ؟؟ و اعترفت له اني ما أبيه لأن قلبي يحب ثاني ؟!
طالعت الأرض و بعدين طالعتها
أميره : أهااا و هو حب يفضحك بعد هالكلام فضربتيه ؟؟
شيخه : لا هو بعد اعترف لي انه يحبك و انه ناوي يدمر مرسمك لأنك تحبين واحد غيره
و قلبك مشغول عنه !!!
ضحكت بسخريه و قلت :
أميره : و ربي لو هو كان آخر واحد في هالكون ما حبيته !!
شيخه : هو قال انه بيفضحني عند أبوي لأني رفضت أقول له عالإنسان اللي حبه قلبي بصدق في حياتي ما حبيت غيره ؟؟
قلت بتفكير :
أميره : طبعا واحد مثل هذا ما أعتقد انه وعدك بالزواج يبي يتسلى و خلاص ؟
شيخه : أكيد لأنه يعرف غيري كثير
أميره : طيب خلينا من الإنسان اللي تحبينه انتي من البدايه ليه جريتي ورى هالأهبل جواد ....!!
نزلت راسها مستحيه
شيخه : لأنه ....... لأنه هو اللي جذبني له ؟
طالعتها بصدمه و غمضت عيوني المواقف تتزاحم في راسي بعد الكلمه اللي قالتها و قمت أتذكر بسرعه يوم شفته مع الجوهره و لما لحقني في المستشفى و قربني منه
حمر وجهي لما تذكرت كيف كان قريب مني حسيت بالكهربا تسري في كل عرق من عروقي تذكرت صوته و هو ينطق اسم عبدالله و نظراته و هو ماسك يديني و عيونه و الإحساس الغريب اللي حسيته ....و ...
فتحت عيوني بسرعه على صوت ناديه
ناديه : المعاريس بيدخلون تعالوا خلاص زفوا العروسه
همست لشيخه
أميره : بعد العرس تمريني في غرفتي ضروري !!
رحت للصاله أشوف المعاريس طبعا ناديه مسكتني على جنب و هزأتني لأني ما شريت هدايا و عطتني أربع علب كبيره و قالت انها شرتها بإسمي عشان أعطيها للعرسان
هذي ناديه ماشالله ما يفوتها شي تحب الواجب !!
طبعا الكوشه كانت عباره عن فراشات ملونه جاي شكلها مره روعه مع انعكاس الأضواء شكلها صاير شي ... ابداع
الناس تجمعوا بعد ما جلست العروسه عالكوشه يسلمون عليها
طبعا كانت الجوهره ......
شكلها كان مره روعه بقوه ماشاء الله مكياجها و فستانها و شكلها كله على بعضه يجنن
رحت سلمت عليها مع الناس مهما كنت زعلانه منها صعبه ما أسلم عليها و أبارك لها
لما سلمت عليها سحبتني و همست في إذني
الجوهره : أنا آسفه يا أمورتي
المجنونه الدمعه طارفه على عينها و هذا غير الرجفه اللي حسيتها فيها لما مسكتني ؟؟
قلت لها بمرح
أميره : عادي يا جوجو ما صار شي لا تاخذين على خاطرك
ابتسمت لي بهدوء ....
ياااااااااه قهر على حظي فاتتني الزفه ؟؟؟!
بعد شوي قالوا للحريم تغطوا عشان العريس بيدخل !!
دخل العريس
ما سمعتوا التعليقات البنات ذابن يوم شافن عبدالهادي
و مين أحلى العريس و لا العروس ؟؟
طبعا جلس جنب الجوهره و سلم عليها و باس راسها و مدري وش همس لها في اذنها البنت ذابت و استحت حيل هو كان مبسوط و مستانس حيل طبعا دقتني ناديه على أساس اني أقدم الهديه له و للعروسه خذت العلبتين و طلعت عالكوشه طبعا الأجواء هادئه الا من همسات الناس و صوت الموسيقى و الأغاني
كانت الأغنيه اللي صوتها منتشر بالصاله أغنية أليسا اللي عزفنها مره أنا و الجوهره في صالة الموسيقى ...!!
معئوله انااا جنبك هنااا
عيشين بشوء مااا بينتهيش
من اللحظه عمري ابتدى
من الحلم دااا متصحنيش
خليني أعيش و انااا بين إيديك
مااا تغبش يوم بعدك ماااليش
مااا يكفنيش في الشوء اليك
مليون غرااام مااا يكفينيش

من دااا اللي يأدر يبعدك
عني و يسرء حبنااا
انااا بالليله دي بوعدك
على طول هنبئ لبعضنااا
خليني أعيش و انااا بين إيديك
مااا تغبش يوم بعدك ماااليش
مااا يكفنيش في الشوء اليك
مليون غرااام مااا يكفينيش
سلمت على العريس و أنا أتحاشى أطالع عيونه باركت له و عطيته هديته سلمت على جوجو و عطيتها هديتها و جيت بنزل ناداني عبادي رحت له و قف و قابلني
عبادي : تتحاشين تناظرين لي ؟!
طالعت للأرض بإرتباك
رفع راسي بيده و ضمني
طبعا ما سمعتوا التصفير و التصفيق
طالعني و قال لي
عبادي : أنا آسف اذا زعلتك في يوم
ابتسمت و الدمعه على خدي
هو مسك يد الجوهره و قومها و قال
عبادي : لأنك عرفتيني على أجمل انسانه شفتها في حياتي
الجوهره خلاص بتموت من الخجل و أنا ابتسمت له و قلت :
أميره : الله يهنيكم في حياتكم
طالعت الجوهره و ضميتها و دمعتي على خدي ؟؟!!
قال عبادي بصوت عالي :
الرجال ما صدق على الله حصد جماهيريه كبيره من البنات
و مسك يدي
عبادي : هذي أغلى هديه في هالوجود
و التصفيق و الحماس شايل !!
طبعا العرسان راحوا بعد هالمهرجان
و بعدهم بدت زفت دانيا
نزلت من الكوشه و البنات يطالعوني و الناس كلها تطالعني
رحت لناديه لقيتها تبكي من الموقف متأثره
ضميتها أهدي عليها
رحت للمرايات أعدل مكياجي !!
رجعت أشوف دانيا اللي كانت مره أموره و شكلها مره كيوت
كانت تنزف على أغنيه أجنبيه مره رايقه
جلست عالكوشه و قاموا الناس يسلمون عليها
سلمت عليها و نزلت
أميره : ناديه أنا بطلع لغرفتي تعبت ؟؟
ناديه : ما يصير لازم تعطين أخوك و زوجته هديتهم !
بعد هيصه طويله عريضه دخل العريس ما توقعته حليو لهالدرجه قلتها و أنا أضحك
ناديه : أخوانك من نعومة أظافرهم حلوين انخلقوا و هم كذا ماشاء الله عليهم !!
قلت أبي أغيظها
أميره : عشان أحمد منهم
ناديه : طبعا أحمد عين السيح بسم الله عليه
قلت بقرف
أميره : آه مدري وش عاجبك فيه ؟
ضربتني على ذراعي و هي تناولني الهدايا !!
طبعا ثامر قام يسلم على عروسته و يهمس لها برومانسيه و نعومه
الحريم بدت تعليقاتهم اللي تضحك مره و اللي تقهر مره
و أنا رايحه عالكوشه سمعت وحده تقول :
أنا زوجي عمره ما همس لي بهالرومانسيه حتى في ليلة زواجنا !
سلمت عالعروسه و عطيتها هديتها و سلمت عالعريس و عطيته هديته
ثامر : أميره
أميره : هلا ....
ثامر : شكرا
أميره : لا تشكرني على واجب
طالعت لدانيا اللي كانت مستحيه حيل
أميره : الله يتمم لكم بخير
الدمعه خانتني و أنا أتذكر ثامر كيف كان و وش صار ؟!!
وقف و قابلني ...
مسح لي دمعتي و هو يقول
ثامر : عمري ما راح أتخلى عن انسانه رسمت الفرح في حياتي بعد ما كانت ظلما
باس على راسي و قام يمسح دموعي اللي تنزل بحراره
تركتهم و طلعت لغرفتي و أنا أبكي و أصيح !!!

البارت الخامس و العشرين

سمعت طق عالباب
أميره : مين
فتحت الباب و دخلت
شيخه : وش فيك طلعتي بسرعه ؟
طالعتها و قلت :
أميره : تعبت !
جت جلست جنبي و قالت :
شيخه : ودي أرد لديرتنا ؟
قلت بإبتسامه ساخره و أنا أمسح دموعي
أميره : عشان تكملين علاقتك مع جواد !!
قالت بعصبيه
شيخه : طبعا لاء وش تحسبيني يا أميره
قلت بطريقتي الساخره
أميره : حلوه و مزيونه مثلك بطيح راسك أكبر رجال وش فيك انتي ؟
كملت و قلت و أنا أبعد شعري عن وجهي
أميره : الله يخلي عمليات التجميل
طالعتني بقهر
شيخه : و ربي تقهرين بطلي تريقه لو سمحتي
أميره : معليش آسفه ...... الا ما قلتي لي وش عجبك في جواد ؟؟
شيخه : مدري يمكن كان ناقصني حنان ؟؟
أميره : و ما لقيتيه الا عند جواد !!!
شيخه : أبوي كان خانقني و أمي طول الوقت مشغوله مب فاضيه مدري و مالقيت الا جواد اللي عرض علي اننا نكون أصحاب و تطور الموضوع و صار حب و بعدين ......
نزلت راسها و سكت
تنهدت و قلت
أميره : أعتقد ان هذا مب حب و بعد كذا صارت همسات و لمسات و خلافه و ..........
قاطعتني و الدمعه في عينها و هي تحاول تقنعني
شيخه : أميره صدقيني و ربي بعد كذا ما صار شي و خلافه هذي احذفيها .... صحيح حاول بس أنا رفضت مستحيل هالشي يصير و ربي عقلت ...
قامت تبكي
شيخه : لأني كرهته أميره أنا أحب اللحين بصدق بس اللي أحبه ما يدري عني !
أميره : و مين صاحب الحظ التعيس اللي تحبينه مسكين امه دعت عليه ؟
شيخه : أمير
قمت من جنبها و قلت بعدم تصديق
أميره : نعــــــــــم أمير !!!!!!!! ما لقيتي الا أمير !!
قفيتها و رحت للتسريحه بذهول جلست قبال المرايه
شيخه : تبين الصراحه !!
التفت لها بإهتمام
شيخه : ابتهال و عبير يعطونه وجه ؟؟
رديت أطالع المرايه و أبتسم
أميره : أها عشان كذا كل ليله طالعات و داخلات و كل وحده فيهن كاشخه و ريحة عطرها شي !!! غريبه خواتك ما تنصحينهم غريبه فعلا !!
شيخه : ليه أنصحهم و هم مب خواتي !!! أصلا أنا البنت الوحيده لأمي و أبوي !!
كنت أمشط شعري من قوة الصدمه طاحت الفرشه من يدي !
_____________
الساعه : 10:01 صباحا
جلست قبال المسبح
أتذكر كلام ناديه : كوني نادره في كل شي ..... عيشي بإمتياز بعيد عن المشاكل !!
أمير : ممكن أجلس معاك شوي
فتحت عيوني و طالعته
أميره : تفضل
جلس جنبي و قال
أمير : تدرين صح أنا وياك نشبه بعض بس تمنيت عيوني رصاصيه و خضرا و زرقا مثلك
ضحكت و قلت :
أميره : البس عدسات يا قلبي .....و أنا بعد تمنيت ان عيوني تصير عسليه مثلك
قام يضحك
طالعت المويه بحزن وقلت
أميره : أبي أسافر مع ناديه للرياض
أمير : و أنا !!
أميره : تزوج الله يخليك !؟
طالعني بإبتسامه مرحه
أمير : الزواج مرفوضه فكرته بالنسبه لي
قلت بمرح
أميره : ليه على راسك ريشه ؟!
أمير : لا ..........
ضغط على خدي و قال
أمير : أبي عرسي و عرسك يكون بيوم واحد
ضحكت من قلب
أميره : أمير حبيبي زواج ما راح أتزوج !!
طالعني و قال بمرح
أمير : أميره حبيبتي زواج ما راح أتزوج لما تتزوجين !!!
ابتسمت و قلت
أميره : طيب لو قلت لك ان في قلب يحبك و يغليك
قالي بإستغراب
أمير : أنا !!!!!
أميره : وش فيك مستقل قدرك بهالشكل ؟؟ طبعا انت ؟!!
كملت و أنا أغمز له
أميره : يا تاعبهم !!
ضحك و قالي
أمير : مين صاحبة الحظ السعيد اللي تحب واحد مثلي ؟؟
أميره : اسمع بقولك .... وش رايك تتزوج و تسكن في فيلا انت و زوجتك ؟
و أنا أرد للرياض و أعيش مع أحمد و ناديه ! و نبيع هالقصر لواحد من خوالي
أمير أنا اختنقت و تعبت و الله ......
أمير : و دراستي !
أميره : هي مشكله ..... تقدر تكملها بعد الزواج ........ ها وش قلت ؟؟!
أمير : و الله مدري ؟
أميره : و ربي عايشه هنا عشانك صعبه تبقى بروحك ...... بس ؟؟؟
سكت و أنا أتذكر كلام ناديه اللي يصرخ في راسي بقوه
كوني نادره في كل شي ..... عيشي بإمتياز بعيد عن المشاكل !!
انتبهت للواقع على صوت أمير
أمير : أنا موافق
قلت بفرح
أميره : صدق و الله ....
أمير : ايه بس تخطبين لي وحده سنعه تعرف تطبخ مثل ماري !
ضحكت و قلت
أميره : لك اللي تبيه ؟؟
رديت أطالع المويه بحزن
أميره : أمير
أمير : هلا
أميره : ابتهال و عبير بنات خالي مطلق
ابتسم و قال
أمير : لا
استغربت بصراحه
كمل و قال :
أمير : بنات خالتي شريفة اللي توفت الله يرحمها وش فيك يا أميره كذا ما تدرين عن شي انتي نسيتي ان خالتي توفت الله يرحمها و هي تولد عبير !
تنهدت بعمق و غمضت عيوني لأني فعلا ما أعرف عن عايلتنا شي لأني ببساطه من نعومة أظافري و أنا منعزله عن العالم كلـــــــــــــــــــــــــــه
فصارت هالتفاصيل ما تهمني !!
الساعه : 08:30 مساءا
سافرت ناديه هي و عيالها و زوجها و جدتي شهده
و كل اللي جوانا طبعا معدا خوالي و عيالهم !!
كنت في البلكون أتأمل الحديقه و اتنفس هوا البحر و هو يلعب بشعري
آه كيف راح أكون نادره و أعيش بإمتياز بعيد عن المشاكل !
دق جوالي ....
دخلت للغرفه أشوفه
أميره : ألو
........ : أميره !
أميره : ايه معك أميره مين معاي ؟؟
......... : أنا شمه بنت عم عبدالله
دق قلبي بقوه و تنهدت بصعوبه
أميره : هلا فيك
شمه : ممكن نتقابل في أي مكان تحددينه !؟
صوتها صوت وحده بكت لين مل البكى منها
أميره : ايه ممكن ؟
اتفقنا على مكان المقابله
بدلت ملابسي و لبست عباتي و شلت أغراضي و طلعت
____________
لقيتها تنتظرني ...
سلمت عليها ...... امرأه جميله بحق !
بس الحب تعب قلبها و أخذ من وقتها و أعصابها
شمه : ما توقعتج حلوه جذي
أميره : مشكوره هذا من ذوقك ...... وش تشربين ؟
شمه : قهوه تركي
طلبت من الجرسون قهوه تركي و عصير ليمون !
طالعتها و سكت
شمه : مشكوره على انك جابلتيني لأني ........
قاطعتها بهدوء و قلت :
أميره : تبين تتكلمين عن عبدالله ؟
تنهدت و الدمعه خانتها
شمه : أحبه ليتج تقدرين هالشي !!
طالعتها بحده و قلت
أميره : طبعا مقدره هالشي !
جا الطلب خذت الليمون و هي خذت قهوتها و قالت
شمه : بس هو ما يبيني ؟
أميره : وش الشي اللي ما يبيك عشانه ؟!!
شمه : مدري ؟؟!
قلت بهدوء
أميره : التكبر و الغرور و شوفة النفس مثلا !
طالعت لقهوتها و سكتت
تنهدت و قلت :
أميره : لو تبين عبدالله يحبك تعاملي معاه بطبيعتك اللي أشوفك عليها اللحين و يا رب يوفقكم !!
طالعتني بإستغراب
شمه : تحبينه ؟؟!!
ابتسمت و أنا أشرب الليمون
أميره : اللي يحب لازم يتمنى الخير للي يحبه
رنت في راسي كلمة ناديه : كوني نادره !!
قلت في نفسي أعتقد اني نادره لأني راح أتنازل عن عبدالله لشمه و أكسر قلبي عشان هالمسكينه تعيش حياتها هي متوقعه اني أنا واقفه في طريقها !!!!
مستحيل أبني سعادتي على تعاسة غيري ... أكيد هي تحبه و يمكن من زمان بس مع ذلك اكتشفت اني ما أقدر أستمر مع عبدالله !!!!!!!!!! الله يوفقه
خدعني و هذا يكفيني !!
حطيت العصير عالطاوله و قمت و قلت قبل لا أمشي
أميره : سلمي لي على عبدالله و قولي له تراني عالوعد أتمنى لك يا شمه زواج سعيد
مشيت و أنا أتنهد براحه !
ركبت السياره و رديت للبيت
دخلت غرفتي و رديت جلست في البلكون
طق الباب
شيخه : ممكن أدخل ؟
طالعتها و رديت أطالع الحديقه
جلست في الكرسي إللي قبالي ........
أميره : غريبه ما طلعتي و لا بالعاده انتي غير موجوده في مثل هالوقت ؟
شيخه : قلت لك اني عقلت
قمت أتأملها ؟!
الفتاه الفاتنه اللي دايما أقول انه وراها بلاوي الدنيا و طلع توقعي صح ..... معقوله راح تناسب أمير و لا بتعبه في حياته و أنا ضميري يأنبني اني زوجتها له !!
كانت عيونها حزينه رغم جمالها اللي مخلي لها بريق هادئ !!
يا ربي هي اعترفت لي انها عقلت و تركت جواد يا خوفي بس ان جواد يفضحها !!!
ما أعتقد انه يقدر لأنه بيفضح نفسه مب معقول راح يكون بهالخسه و النذاله !!
شيخه : أميره في وش تفكرين !
قلت و أنا أطالعها
أميره : أفكر فيك يا بنتي !!
طالعتني برجاء
شيخه : أميره بتساعديني ؟
قلت بهدوء
أميره : راح أحاول بإذن الله راح أحاول
_____________
الساعه : 03:20 عصرا
عزمت البنات كلهم عالملاهي ابتهال و عبير و شيخه و ديمه و سلطانه
كنت أبي أغير جو و أتحرر من عزلتي !!
كان يوم رووووووووووووووووووعه
أكلت حلاوه قطن وااااو و لعبت لين قلت بس !!
و كنا نضحك على البنات لما يصارخن ياي !
بس ما أخبي عليكم صرخت لين قلت بس في قطار الموت !!
انقسمنا فريقين أنا و شيخه و ديمه فريق
و سلطانه و ابتهال و عبير فريق " الله يعينهم مع سلطانه "
طبعا كان بينا ألو
وقفنا نشتري آيسكريم
ديمه : بنات شوفوا
التفت لمكان ما تأشر لقيت شاب واقفه قباله بنت شكلهم يحبون بعض و متخاصمين
البنت : انت واحد خاين تضحك معاها و تمسك يديها و ما سويت شي !!
الشاب : افهميني شوي لحظه
و قامت تمشي و هو يلحقها
لفت تجاهه و عطته كف
البنت : انت مب كفو أحب واحد شراتك ؟
طالعت لديمه و شيخه قامت تبتسم
قمت أغني و حنا ناخذ الآيسكريم من البايع و نمشي
أميره : هذي الحياااه مااا تكتمل الا بزعل
و هذي الحياااه مااا تبتدي الا بأمل
شيخه : و دوم الحياااه تختبر منهو الصبـــــــــور
و نكتشف إن الأماااني بحر تملاااه البحور
و قمنا نغني ثلاثتنا
أميره + شيخه + ديمه : و آه من الحياااه دوم الحياااه فينااا تخون
دوم الحياااه فينااا فينااا تخون
أميره :هذي الحياااه مااا تكتمل الا بزعل
و هذي الحياااه مااا تبتدي الا بأمل
طالعت لولد صغير يبكي !!
أميره : دااايم أسير يبكي حزين
تصدق معاااه و مره تخون
قاموا الناس يطالعونا
ما اهتمينا فيهم
ديمه : أحلى الحياااه لمااا تكون
دااايم سعيد و تفداااك العيون
دااايم سعيد و تفداااك العيون
أميره : دايم سعيد و تفداك العيون
و تفداااك العيون
شيخه : انتوا فرقه بنات روعه روعه ههههههههه
و قمنا نضحك و نجري بمرح
أميره : وش رايكم تركبون هاللعبه ؟؟
شيخه : بصراحه آخاف من الأماكن العاليه و هالدولاب مره عالي !!
ديمه : و أنا بعد
تنهدت و قلت
أميره : خلاص بركبه آخر شي
مشت شيخه قدامنا
و فجأه وقفت
طالعنا لواحد وقف قدامها
........ : يا حلوه يالمزيونه
كان يكلم شيخه و يطالعها بنظرات مالها داعي
هي ارتبكت و خافت طبعا أنا اللي مستقويه جيت برد
لقيته يطيح بثقله عالأرض
و طلع لنا أمير
وش جابه هنا ؟؟
قام يكلم شيخه و يطالعها بإحتقار
أمير: حلوه لهالدرجه تمي في بيتكم وش مطلعك ؟
طالعته أبي أنقذ الموقف و هي المسكينه مصدومه و مب قادره حتى تتكلم
أميره : يا أمير
طالعني بنظره معناها اسكتي .......... و راح ؟؟
طبعا الناس قاموا يتجمعون
فمشينا بسرعه و الذهول ممسك معانا
شيخه قامت تصيح
أميره : أمير ما يقصد يا شيخه بس يمكن انقهر ......
قاطعتني و هي تبكي
شيخه : ليه ؟؟
ابتسمت ديمه و قالت
ديمه : يمكن غار عليك يا حلوه ما سمعتيه قالها
ابتسمت شيخه مثل الأطفال و قالت :
شيخه :صدق ؟!
أميره : ايه لو انه ما غار كان ما جا أصلا و ضرب ذاك الأصلع و اسدحه بالأرض !
مسحت دموعها
أميره : و لا يهمك يا قمر نكمل جولتنا
رن جوالي
حطيته اسبيكر
أميره : هلا
سلطانه : وينكم يا بنات ؟؟
أميره : بالساحل الأفريقي الجنوبي
ضحكنا أنا و البنات و كملت
أميره : بالملاهي يا سلطانه قريبين من ساحة الخيل
سلطانه : فاتكم ؟؟!
ديمه : وشو !
سلطانه : و لا تدرون بقولكم بالبيت
شيخه : يوه يا شينك ما أحب اللي كذا
قالت سلطانه بحده
سلطانه : شيخه !!
أميره : انتوا وينكم ؟؟!
سلطانه : بالبيت
طالعنا بعض متفاجئين
شيخه : ليش وش عندكم ؟؟
سلطانه : لما تردون للبيت يحلها الحلال و أقولكم عاللي صار
أميره : أجل حنا بنكمل وناستنا و انتي خليك بالبيت هههههههههه
ضحكنا عليها و أنهيت المكالمه قبل لا تهزأنا
ديمه : تتوقعون شلي حصل
شيخه : مدري ؟؟
كنت أفكر و أتخيل ان ابتهال أو عبير مصلحين بلوه !!
ديمه : أميره في وش تفكرين !!
طالعتها و قلت
أميره : مدري ليه أتخيل ان عبير مسويه شي قوي
شيخه قلب وجهها ألوان
ديمه : ليه قلتي عبير مب ابتهال ؟!
ابتسمت ببرود
أميره : مجرد احساس
رحنا لساحه الخيول طبعا ديمه و شيخه مب طايقين المكان قال ايش ريحة خياس !
قمت أتأمل الخيول و اطالعها و أتذكر
شموخ الفرس السودا الأصيله اللي الكل كانوا يخافون منها آه أيام حلوه !
الله يرحمها ترى الرحمه تطلب للجميع لا تستغربون !!
كنت أتذكر كيف أغني لها و أسولف لها و أسابق بها و ربي كانت تخفف عني كثير !
انتبهت من الماضي على فرس تشبه بالزبط شموخ فرس سودا تمردت على مدربها بعصبيه
قمت أطالعها و هي تبي تهرب و تحاول ترفسه صرت أطالع المشهد و كأني عشته في الماضي دخلت من فتحه في السياج اللي مانع دخول الزوار و صفرت كأني أصفر لشموخ !
فجأه هجدت الفرس و قربت مني ...
صرخوا علي ديمه و شيخه
ديمه : ارجعي أميره
شيخه : يا مجنونه لااااااا
رجل الأمن صرخ علي و قالي أطلع بس المدرب التفت لي و قال لي بذهول :
المدرب : وين تعلمت هالأسلوب ؟
طالعته و أنا مشدوهه !!
أميره : فيصل !!
تدرون لما شفت الفرس تهاجمه ما انتبهت لوجهه كثر انتباهي للفرس نفسها !
التفت للفرس ..... أتأملها
فيصل : اسمها معالي
ابتسمت و طالعته و أنا اعدل طرحتي
أميره : مثلك !
مسك لجام الفرس و قالي
فيصل : باقي قصتنا ما انتهت يا أميره
ابتسمت بتفهم و قلت
أميره : معاك انت .......... باقي ما انتهت !!
التفت لجهة البنات و مشيت و أنا أحس بلذه فظيعه مبسوطه
ديمه : مين المزيون صاحب الفرس ؟
قلت و أنا أمشي معاهن و أطالع السما
أميره : سالفه مع كل يوم تتجدد و تدخلها أحداث ما تنتهي
شيخه : ما فهمت شي ؟
ديمه : و لا أنا
قلت و أنا أضحك
أميره : أحسن خليكن جاهلات على طول
طالعتني شيخه بقهر
شيخه : جاهلات !!!
هربت منها و هي و ديمه يلحقوني
أميره : ايه
هههههههههههههه
______________________
الساعه : 06:30 مساءا
ردينا للبيت و رجولي مب شايلتني آه جريت و لعبت و طلعت كل اللي براسي في هاليوم !
تركت البنات بالصاله و طلعت لجناحي آخذ شور مزبوط !
طلعت من الحمام على رنة جوالي ...
أميره : هلا بالعروسه يا مرحبا
الجوهره : هلا فيك
أميره : غريبه داقه هالوقت المفروض تكونين في أحضان الحب و النعيم ؟؟!
الجوهره : و لا تستحين ما تدقين علي تسألين عن أخباري ؟؟

أميره : لا يا شيخه وش تبين زوجك يقول عني داقه من أول يوم ؟؟
قامت تضحك
الجوهره : و لا يهمك بأخليه يتعود
أميره : عوديه وش وراك غيره ...... ما قلتي لي كيفك !!
الجوهره : الحمد لله بخير مبسوطه حيل
أميره : الله يديم عليك
الجوهره : عقبالك
أميره : يوه يا جوجو رجعنا للسيره الهباب اللي ما أحبها سكري و روحي لزوجك أبرك
الجوهره : زوجي مب موجود راح يجيب أغراض متفرغه لك يا جميل
أميره : الله يرحمك روحي تفرغي لأي شي غيري توني طالعه من الحمام دايخه !
حطيت عالإسبيكر و قمت أنشف شعري
الجوهره : ليه وين طلعتي اليوم ؟
أميره : للملاهي
الجوهره : يووووووووه عالوناسه و الفله ؟!!
ابتسمت و قلت :
أميره : اوووش يا بنت لا يسمعك عبادي ينصدم فيك ؟
الجوهره : وش صلحتي ؟
أميره : غنيت و لعبت و تنططت و .........
نزلت المنشفه من على راسي و كملت
أميره : و شفت فيصل !!
صرخت
الجوهره : ياااااااااااااااه شفتيه ؟!!!
أميره : ايه !
الجوهره : طيب وش قال وش قلتي وش اللي صار احكي لي ؟؟
أميره : ما ينفع في التلفون .... لما تردين من شهر العسل ذكريني أقولك
الجوهره : يا ربي عالنذاله
أميره : توك تدرين ههههههههه
سكرت منها و قمت أسوي مساج لرجليني لبست بلوزه صفرا نعومه و تنوره بيضا تحت الركبه بشوي ..... صليت و مشطت شعري ....
نزلت للبنات أشوف وش سالفة سلطانه !!
رحت لغرفتها طقيت الباب
جاني صوتها
سلطانه : تفضل
دخلت و سكرت الباب و راي
أميره : وين البنات ؟
سلطانه : مدري عنهن ؟
كانت متمدده عالأريكه لابسه بلوزه سواريه حمرا و بنطلون ميدي أسود !!
تعدلت في جلستها و قابلتني .... و هي تبتسم بمزح
سلطانه : أطلب لك شي تشربينه ؟؟
قلت بمرح
أميره : ان كان ما عليكي أمر أبي كابتشينو و قطعة جاتو بالفراوله
قمنا نضحك
أميره : حشا مب داخله غرفه أنا داخله كفيتريا أو مطعم !!
رفعت سماعة التلفون ....
سلطانه : و لا يهمك ثواني و الطلب عندك يا جميل ......... سلزيا أبي اثنين كابتشينو
و اثنين قطعة جاتو بالفراوله بس لا تتأخرين !!
كنت أطالعها بإبتسامه هادئه و أفكر ....
سلطانه : اللي ماخذ عقلك ؟!
أميره : ما بتردين لمشاري !!
قامت من قدامي و هي تروح للبلكون
سلطانه : أحبه و هو بعيد لا يقربني الله يخليه
قلت بجديه
أميره : طيب لو تزوجته وش بتكون ردت فعلك ؟
التفتت تطالعني بحده تبي تاكلني !!
أميره : وش فيك ما رديتي علي !!
صرفت نظراتها و قامت تطالع للحديقه
رحت لها و قلت و أنا أستند عالسور
أميره : شفتي يعني في أمل تردين له
سلطانه : قصتي يا أميره أنا و مشاري مثل قصة خبز العرافه .....
أميره : ممكن أسمعها ؟
طالعت للحديقه بإبتسامه عذبه ذكرتي بالحكواتي أيام زمان يجلس بوقار و حوله الناس و يحكي لهم الحكايه و هو يبتسم بعذوبه تشد السامع انه يسمع له أكثر ..
سلطانه : يحكي الكاتب " أو . هنري " انه في زمن من الأزمان البعيده في مدينه صغيره و نشيطه كانت مارثا مشهوره بخبزها اللذيذ و فرنها المميز الناس كل صباح تجيها مع شروق الشمس تبي خبزها الطازج اللذيذ !!
التفتت تطالعتني ...
سلطانه : ميزة مارثا يا أموره انها تبيع كل أنواع الخبز حتى الخبز اليابس للناس الفقراء اللي ما يملكون ثمن الرغيف الطازج .... كانت مارثا امرأه قلبها أبيض بس عانس و ماخذه في نفسها مقلب ان الشباب ما يبون يتزوجونها عشان بدانتها أو لأن وجهها فيه بثور مشوهته مع انها كانت غنيه و مركبه أسنان صناعيه !!!
ضحكت و قلت :
أميره : مثل بنت صديقة الوالده الله يرحمها فاتها قطار الزواج على قولها و ما تعرف شالسبب و في الأخير اكتشفت انها مغروره و تحتقر الناس كانت دايم تعلل لنا انها ما تبي تتزوج و ترفض العرسان لين في الأخير أمها فضحتها بين الناس و قالت انه ما جا لها و لا عريس !!!
ابتسمت بمرح و قالت :
سلطانه : بس مارثا غير ..... في يوم من أيامها السعيده جاها شاب وسيم لكنه رث الثياب بس أنيق مع رثاثة ملابسه و نحيف ابتسم لها و طلب منها رغيف خبز يابس حياها بأدب و مشى في حاله !
صاحبتنا وش سوت ما نامت ذيك الليله و قامت تحلم فيه و تتخيله متزوجها و توهمت ان ابتسامته لها بداية حب و قامت تعتني في نفسها و قامت تدور على خلطات تصفيه الوجه و تلبس فستانها الأحمر المنقط بالأبيض عشان تكون قدامه أكثر جاذبيه و أناقه
طبعا هو كل يوم كان يطلب الخبز البايت ففي يوم من الأيام لاحظت بقع من الألوان في يده فخمنت انه رسام مسكين فقير يرسم و يرسم عشان يكسب فلوس يشتري فيها خبز مارثا
أميره : أكيد المسكينه تخمينها طلع غلط
ابتسمت و قالت :
سلطانه : مره هالشاب و هو يشتري من عندها الخبز البايت اليابس عجبته لوحه في مخبزها فسأل عنها و قعد يسولف معاها عن اللوحه أخذ رغيف الخبز و طلع !!
مرت الأيام و مرثا تجمل في نفسها و تطرب الشاب بحلو الكلام في الرايح و الراد
فمره حزنت عليه و قالت هو عمره ما طلب يشتري مني كعك فطيره خبز طازج دايم يطلب مني الخبز البايت مسكين الفقير ؟؟!
من اليوم الثاني خبزت له خبزه مخصوص و دهنتها بالزبد الغالي و لفتها له أول ما جا يطلب الرغيف البايت أعطته هاللفه بكل الحب !!
طبعا نامت يومها تفكر فيه ياه لما يفتح الخبز و يلقى الزبد أكيد راح يستانس و باتت ليلتها الخيالات توديها و تجيبها !!
قاطعتنا سلزيا و هي تحط الكابتشينو و الجاتو عالطاوله اللي بالغرفه ...
دخلنا و جلسنا حول الطاوله !!
أميره : مدري أحس ان مارثا ماخذه في نفسها فعلا مقلب !!
سلطانه :في اليوم الثاني قامت مارثا على عادتها تسوي خبزها فجأه سمعت صوت اقتحام غاضب في المخبز طلعت تشوف وش السالفه ؟؟!!
لقت قدامها شاب يدخن أول مره تشوفه و شاب عرفته !!!
فنانها اللي حبته و سهرت تفكر فيه لقته معصب و مقهور و يزمجر بسخط و هو يرفع يده و يلوح فيها و يصرخ في وجهها بلغته اللي ما عرفتها طبعا و هو معصب و قام الشاب الثاني يبعده عن موقع الأحداث !!!
قام الشاب يسبها و يصرخ فيها يا ملقوفه خربتي علي كل شي يا عانس يا عجوز
طبعا المسكينه من قوة الصدمه استندت عالطاوله بتعب
و الشاب صاحب السيجاره يسحب صديقه من ملابسه و يهدي عليه ....
بعد ما راح حبيب مارثا رجع الشاب اللي يدخن و قالها
تدرين ليه عصب عليك لأنه مصمم معماري و حنا نشتغل في مكتب واحد المسكين كان يصلح تصميم معماري لمبنى البلديه لأنه كان بيدخل في مسابقه كبيره جائزتها قيمه لأفضل تصميم طبعا هو خلص من تحبير خطوط التصميم أمس و تعرفين المصممين يستخدمون القلم الرصاص و يمسحون زوائد الخطوط بالخبز الناشف لأنه أفضل من المساحه فكان كل يوم يشتري من مخبزك الخبز اليابس و شكلك فعلا خربتي عليه تعب ثلاث شهور! الزبده كانت فظيعه بالنسبه لهالتصميم اللي خرب أكيد ....و ما صار ينفع الا ينلف فيه سندويتشات القطار !!
طبعا يا أميره لا أقولك على مارثا وش سوت !!
شالت الخلطه السحريه اللي سوتها لبشرتها و رمتها في الزباله و غيرت فستانها و لبست
ملابسها العاديه اللي تشتغل فيها كل يوم !!
قلت و أنا أشرب الكابتشينو
أميره : قصه حلوه و محزنه في نفس الوقت بس ما أعتقد انها تشبه قصتك انتي و مشاري !
قالت و هي تطالع الكوب بحزن
سلطانه : يمكن !بس أحس ان مشاري يشبه مارثا بالزبط متسرع و ما يسمع الا صوت نفسه
أميره : ما قلتي لي وش صار بالملاهي خلاكم تردون للبيت بدري !؟
سلطانه : عبير!! الله لا يفضحنا و يستر علينا ..... شافها خويها فسوى سالفه
و بغبائه يحسبنا كلنا من طقت عبير فقام يعزمنا على الكوفي شوب مع أخوياه
طبعا يا أموره مين اللي حضر الموقف !!!
أميره : يمكن أمير ؟؟ لأنه جا للملاهي
ابتسمت سلطانه و هي تقطع الكيكه بالشوكه
سلطانه : مشاري
كان الكوب في يدي حطيته عالطاوله
أميره : وش جابه ؟؟
سلطانه : أول شي مسك الولد و ضربه بعدين مسك اخته و ضربها و خذنا بسيارته ؟؟
أميره : غريبه رضيتي تركبين معاه !!
سلطانه : بطبعي أحترم عصبية الإنسان اللي قدامي اذا ما تعدى حدوده معاي !و أنا احترمت عصبيته و ركبت مع البنات بهدوء ... طبعا في السياره قام يهزء خواته و بعدين قام يكمل علي سكت و لا رديت عليه يا حبيبتي ما عجبني الوضع أول اشاره و قف عندها فتحت باب السياره و طلعت و هو مذهول من حركتي يا حبي رجعت البيت بتكسي !!
ابتسمت و قلت
أميره : كفك على كذا !!
كملت و قلت
أميره : شي متوقع من وحده مثلك
سلطانه : على فكره وش لون عبدالله
ابتسمت بحزن و رحت للبلكون ....
لحقتني و قالت :
سلطانه : وش فيه ؟؟
أميره : عادي رجع يمشي مره ثانيه ...
و قمت حكيتها على كل اللي صار !
سلطانه : شي متوقع من وحده مثلك
ابتسمت و قلت
أميره : حسيت بإحساسين عكس بعض تماما و خصوصا لما تفادى ضربة الكره و قام
تمنيته يا شيخه معاق مثل ما هو على انه يخدعني !!
مب قادره أتقبل هالخديعه أبدا و هو مثل ما هو بارد و لا حتى سأل عني أو حاول يبرر موقفه دايم المبادرات تجي مني أنا أما هو عمره ما صلح شي عشاني كل ما أفكر اني أنساه أتعب أكثر و أحس قلبي يحرقني عليه أكثر و أكثر !
و فيصل اللي سوى عشاني المستحيل و حبني بصدق و أخلص لي مب قادره أحبه نهائيا
و ربي انه انسان نادر عارفه هالشي بس ..........
طالعت الحديقه و كملت :
أميره : بس مب قادره أحبه ........ و عبدالله يا ما جفاني و بعد عني و ما شفته صلح شي يبين انه يحبني!
حبيته و مازلت أحبه يااااااااااه متخيله يا سلطانه انه لو جا تسامح مني راح أسامحه بس مرات أقول لاء !!
طالعتني و هي تبعد شعرها البني عن كتفها
سلطانه : قلت لك من قبل انه ما يستاهل حبك انتي اللي زعلتي و قلتي لاء !!
تنهدت و قلت :
أميره : لو هو ما يستاهل حبي في غيري وحده تحبه !! بترك لها الساحه فاضيه و اخليها تشبع فيه أصلا أنا اللي جبته لنفسي بأضغط على قلبي و أحاول أنساه !!
سلطانه : تزوجي فيصل و ارحمي نفسك ؟
قمت أطالع الحديقه بتأفف
أميره : مب قادره أحبه كيف أتزوجه ؟!!
سلطانه : مب شرط يكون في حب قبل الزواج أجمل شي الحب بعد الزواج !
رنت في داخلي كلمة ناديه
كوني نادره في كل شي !!

الجزء السادس و العشرين

مرت أيامي عاديه جدا خاليه من أي منغصات لين جا ذاك اليوم المرعب !!!
و ابتدت الأحداث
____________________
الساعه : 02:00 صباحا
قمت بفزع أطالع الساعه و أتنهد بخوف كيف صحيت في هالوقت ......
طالعت للغرفه حولي أشوى هذي غرفتي الحمد لله ..... تنهدت بهدوء و رديت حطيت راسي عالمخده .....
بس رديت قمت بسرعه مفزوعه ........!!!
وش فيها غرفتي كذا .... مليانه ورد !!
ورد أحمر .. في كل مكان ممكن تتخيلونه ..!!!
حتى قربي عالسرير نطيت من على سريري و فتحت النور !
طلعت من الغرفه و ركض على غرفة سلطانه
لأنها الأقرب لغرفتي
دخلت غرفتها بخوف حتى بدون ما أطق الباب
رحت لها عالسرير كانت نايمه !
أميره : سلطانه .... قومي الله يخليك خايفه و ربي
نفضت بطانيتها بفزع و قامت
سلطانه : أميره !!!!!!!وش فيك ؟؟
أميره : خايفه يا سلطانه
قامت ضمتني و قالت
سلطانه : اهدي يا أميره اهدي
قمت أبكي
أميره : في أحد نثر بغرفتي ورد أحمر بشكل جنوني مب ... مب قادره أتخيل أنا كيف
نمت .....
شغلت الأنوار و مسكتني من يدي و قالت :
سلطانه : قومي طيب بنشوف غرفتك !
رحنا لغرفتي و أنا أرتجف بشكل خيالي !!
أول ما دخلنا الغرفه
سلطانه : آآآآآآآآآآه وش هذا ؟؟
طالعتها بخوف
أميره : أنا أتذكر اني كنت بالصاله بروحي وش جابني هنا يا سلطانه وش هذا الورد كله بروحي مب قادره أتخيل انه واحد من أخواني ....
طالعتني تهدي علي !!
و راحت لسريري اللي كله ورد أحمر منثور بشكل غريب
نفضت البطانيه و هي تقول ....
سلطانه : دم
طالعت السرير و الخوف ذابحني بكيت من الروعه
أميره : هذا مب دمي لا لا مب دمي شفتي .... ما انجرحت
و قمت أطالع جسمي بخوف
سلطانه كانت تطالعني بهدوء
سلطانه : دم ...... بس مب شرط يكون دم بسبب جرح !
طالعتها بهستريا
أميره : وش يكون يعني !! لاااااااااااا لا يا سلطانه لا
جلست عالأرض و قلت و أنا منهاره !
أميره : حرام عليكم يكفيني عذاب يكفيني
جتني سلطانه تضمني و تبكي
سلطانه : يا حياتي و ربي أحبك لا تقولين كذا مستحيل أشوفك غير اللي أشوفك اللحين
انتي بس اهدي و بيصير خير ان شا الله !!!
________________
الساعه : 08:00 مساءا
نمت بفعل المنوم كالعاده و صحيت عالواقع الأليم طالعت للورد اللي زبل تمططت بملل
و قمت أجمع الورد حرام وش ذنبه الورد يكون شكله بهالطريقه !!
رحت تسبحت و لبست توب أبيض و بنطلون جينز أسود رفعت شعري بإهمال صليت و تمددت عالأريكه .......
فجأه سمعت طق عنيف عالباب بس مب قايمه أفتح
أمير : أميره افتحي الباب بسرعه أميره قومي ..... أميره
قمت بهدوء أفتح الباب
أول ما فتحت الباب سحبني بقوه
قالي و هو يتنهد و العرق يصب منه
أمير : البيت يحترق يا أميره
تلفت حولي ما شفت شي يمكن يكون بالدور الثاني و الأول أنا هنا بالثالث ما أحس بشي
التفت للمطبخ الصغير و شفت الدخان يطلع تذكرت أمس .....
أميره : وش هذا ؟؟
سلطانه : ههههه ناويه أحطها بغرفة مشاري
طالعتها بإستغراب
أميره : ليه
قالت لي بخبث ....
سلطانه : لا تحتقرين الجهاز شكله مقرف و معفن بس يسوي العجب
قامت شبكته بجهاز في المطبخ يولد شرار ....
سلطانه : مجموعه كبيره من الطراطيع داخل هالجهاز ....
قلت بتقزز
أميره : يع قرف !!شكله مقرف
سلطانه : ميزته خطيره اذا ارتفعت درجة الحراره .... يصير بووووووووم ههههههه
رديت للواقع و أنا أشوف النار
و أمير يسحبني ....
التفت له بغباء
أميره : من وين الحريق ؟؟
أمير : من أنابيب توصيل الغاز
طالعته بإبتسامه غبيه بعدين صرخت
أميره : نبعد من هنا بسرعه لأنه راح ينفجر المطبخ
التفت للمطبخ و بسرعه سحبني أول ما جينا بنهرب انفجر المطبخ !!!!
ياااااااه كل شي ممكن تتوقعونه كنت حاطته في هالمطبخ !!
و أشياء كثيره بتساعد عالإنفجار طبعا ذكاء ما شا الله علي !!
انتشرت النار بالسرعه هي الدور الثالث و ما قدرنا نهرب دخلنا لغرفتي بسرعه و سكرنا الباب .....
تنهدت بخوف
أميره : بهالطريقه راح يطيح الباب من الحراره !!
سمعت صوت انذار المطافي و الإسعاف
أمير : اسمعي نقدر ننزل من البلكون ؟!
رحت لغرفة الملابس أدور على حبال
طلعت بحبل طويل ...
أميره : هذا ينفع ؟؟
ابتسم و هو ياخذه مني !!
راح للبلكون يفتح بابها و طل للحديقه
رد راسه مره ثانيه
أميره : وش فيك ؟
أمير : النزول من هنا خطير ؟؟
أميره : و الحل ؟؟
أمير : اسمعي بنزل للدور الثاني من الهنا انتي انتظريني بجيبهم يساعدونا !
و لا إنتظر أرد عليه فتح الباب و اختفى وسط النار
أميره : أمير لا ...
!!
جلست عالسرير أنتظر بخوف قمت أدور جوالي بس ما لقيته
يووووه وين راح ؟؟؟
فتحت الباب أبي أطلع لقيت النار في كل مكان ....
دخلت غرفتي و جلست عالسرير أطالع للجدار فجأه جت عيني عالدفايه اللي عمري ما شغلتها ..... و قمت أتذكر !
صوفي : هاي الدفايه مصممه هيك عشان البرد ...... موصله بأنابيب الغاز !!!
قمت بخوف و أنا أطالع الدفايه رجعت على ورى من الروعه ....
انا أشوف الدخان يطلع منها ......
و فجأه انفجرت صرخت بسرعه و دخلت على غرفة الملابس سكرت الباب بالمفتاح من الخوف !!!
غرفة الملابس كبيره و كلها دواليب مالها غير شباك واحد صغير !!!
و فتحة تهويه !
جلست عالكرسي أفكر كيف أطلع ماله داعي الخوف لازم أفكر عشان أطلع أمير ما راح يقدر يساعدني و لو انتظرته راح تقتلني ريحة الدخان في ثلاث دقايق
ريحة الحريق اللي بدت تدخلي من تحت الباب !!
قمت أطلع ملابسي من الدولاب و أسد فيها الفتحات عشان ما يدخل لي الدخان !!
فجأه انطفت الأنوار و حل الظلام الا من صوت النار اللي تاكل كل شي بهدوء يتبعه سحق و تحطيم لكل شي يعترضها !!
حرارة المكان مرتفعه طبعا
قمت أتحسس المكان لين وصلت للشباك فتحته
أقدر أطلع من هالمكان بس لاء مره صغير الشباك !!
طلعت راسي من هالشباك أتنفس الهوا بعمق !
التفت فجأه على صوت الباب و هو يحترق و النار تدخل بكل هدوء للغرفه و أنا ما شاء الله منثره الملابس بكل روعه عالأرض !!!


تحركت بألم و أنا أحاول أفتح عيوني بصعوبه آآآآه ألم خيالي !!
حطيت يدي على راسي حسيت بخشونه قمت ألمس وجهي
أول شي خمنته و أنا أقول
أميره : شاش وش فيني عشان يحطون شاش على وجهي !!
قمت جلست و أنا أطالع يديني ...
وش فيها يدي اليسار مضمده بهالشكل ؟؟؟
ليه أنا هنا في هالمكان اللي صار يعشقني بجنون !!
( المستشفى )
صرخت أنادي الممرضه
جت وحده و هي تطالعني !!
أميره : أبي مرايه !!
طالعتني الممرضه بخوف و راحت
شوي جت و المرايه في يدها
رفعتها بهدوء أشوف وجهي
صرخت !!!!!!
رميت المرايه عالأرض و قمت أبكي دخل الدكتور اللي قام يهدي علي !!
الدكتور : اهدي يا أميره اهدي
قلت بصدمه
أميره : كيف أهدى و أنا ....... وجهي ؟؟
و قمت ألمسه !!
أميره : أمس كنت بخير ليه أنا ....... أنا هنا !!
الدكتور : أمس !! أميره انتي لج هنا ثلاث شهور مب أمس و حالتج بتتحسن ان شا الله و ويهج بيرد مثل الأول و أحلى بس انتي تحلي بالصبر !!
عشت أيام صعبه في هالمستشفى و خصوصا اني مب متقبله سالفة حرق وجهي و يديني و اني بسوي عمليات تجميل عشان أرد مثل ما كنت !!
كنت رافضه الزيارات من الجميع بدون استثناء !!
أحمد اللي كنت أوافق أقابله و أشوفه بس طبعا كان يقنعني أقابل الناس
بس رفضت لما طفش و تعب من اقناعي عطاني جوال لو احتجت شي أو لو أبي شي
مع ذلك كنت أحس بإنسان عايش معاي لكن لما أرد أتأمل الواقع القى ان هالإنسان اختفى
دايم يجيب معاه ورد و يدخل الفرح لغرفتي بحضوره .... مين هو !!
كنت تعبانه نفسيا بس أصبر نفسي يمكن أقدر أرد مثل ما كنت قبل !!!
كانت تجيني رسايل حلوه من رقم غريب مدري ليه تخيلت انه مجنوني يرسل لي هالمسجات !!!
كل مسج أشوفه أمسحه و أنا أقول
" كيف راح تتم تحب وحده مشوهه "
مره أرسل لي أغنيه رايقه
و مره رسالة وسائط و مسجات مالها عدد
كان المجهول هو اللي يرسل لي المسجات صبح و مسا طول فترة وجودي بالمستشفى !!
أما أحمد اللي كنت أرد عليه و أكلمه و هو بعد كان دوم يكلمني بس أي رقم يتصل علي ما أرد نهائيا !!
ما راح أحكي لكم كيف كنت أعاني بجد كإنسانه محروقه !!
لكن الحمد لله عمليات التجميل اللي صرت أخضع لها خلت الأمل يلبسني من جديد
عشان كذا اختصرت لكم معاناتي في هالكم سطر اللي راحوا ..
تميت بالمستشفى ست شهور على الثلاث اللي جلستهم و أنا أعاني من الألم و الوحده و العذاب من عمليه للثانيه
ليدي و وجهي و رقبتي !!
بعد ما تحولت لمستشفى متطوره خاصه بالتجميل
تحملت بما فيه الكفايه و مب قادره أتصور وضعي بره المستشفى و أنا بهالشكل !!
عشان كذا قررت طول فترة علاجي أتم في المستشفى !
و بعد عذاب ماله أول من آخر
جا اليوم اللي أشوف فيه وجهي ما كنت متخيله الا انه وجه لأمرأه بشعه !!
جابت الممرضه المرايه قدامي و جا الدكتور و مجموعه من الأطباء و الطبيبات
يبون يشوفون شكلي بعد العمليات اللي صلحوها لي قام الدكتور يفك الشاش عن وجهي بهدوء
غمضت عيوني أجهز نفسي للصدمه لصورتي الجديده لي أنا !!
فتحت عيوني بهدوء مع آخر قطعة شاش تطيح من على وجهي
شفت شكلي شفت صورة أميره ...... أميره الأميره اللي أعرفها
صرخت من الفرح و نطيت و أنا أضم الممرضه اللي كانت عند المرايه و أبكي آآآآآآآآه انتهت معاناتي مع هالحروق اللي كنت خايفه منها
الدكاتره صفقوا بفرح على هالإنجاز و قام يسلمون علي
الدكتور : هذا انجازج انتي أميره أحييج على صبرج !!
طبعا شعري كان مقصص تحت كتفي و عموما كانت قصته قصيره و حلوه !
تميت في المستشفى يوم كامل عشان يشيكون على حالتي الصحيه و أرد أشوف الناس
و العالم يااااااااااااااااااااااااااااه
صحيح سويت عملية تجميل لوجهي و يدي و رقبتي بس أحس اني سويت عمليات تجميل للي داخلي كله !
من اليوم الثاني ... شافني أحمد مهو مصدق ان شكلي تغير بهالصوره
أحمد : صرتي أحلى بكثير
قام يحرك يده على شعري .....
ابتسمت بمرح و قلت
أميره : رديت أصغر من أول
شلت شنطتي و لبست طرحتي
أحمد : وين تبين تتغدين ؟؟!!
قلت و حنا نطلع من الغرفه
أميره : أي مكان شعبي فيه ناس كثير
طلعت من المستشفى و أنا أودع كل اللي عرفتهم فيها !
أول ما شفت الشمس حسيت بإنتعاش خيالي !
صحيح الشمس كانت تصبح علي كل يوم بس مو مثل اليوم أنا أصبح عليها بكل الحب
أميره : يااااااااااااه يا أحمد حلوه الحياه بوجود الناس
طالعني و حنا بالسياره
أحمد : آسف على كل اللي صار لك
ابتسمت بمرح و قلت
أميره : لا تشيل في بالك كل شي كان قضاء و قدر بالعكس أنا أشكرك لأنك الوحيد اللي وقف جنبي و ساعدني!!
ابتسم لي و هو يشغل السياره
أميره : على فكره شخبار نداوي و تركي و طلال و يارا الصغيرونه
أحمد : بخير كلهم الحمد لله
قمت أتأمل الشوارع و الناس و العالم بكل تفاصيله ناس رايحه و ناس راده الحياه دايم تحكي عن نفسها بتفصيل في الشارع تحكي عن الناس و عن أحوال الناس و نفسيات الناس و عني أنا كإنسانه باقي عايشه على الأرض و من ضمن الحياه و من ضمن الناس !
ابتسمت بهدوء
أميره : شخبار خالي عبدالكريم و خالي مطلق
ابتسم و قال :
أحمد : جازت لهم العيشه بالإمارات بعد الحريق خالي عبدالكريم شرى له فيلا بالعين و خالي مطلق شرى له قصر قريب من الشركه
أميره : أحسن لهم يبعدون و نبعد نرتاح من بعض شوي !!..... وش صار على بيتنا ؟؟
أحمد : بنبيعه ان شا الله باقي له شهر و ينتهي ترميمه !!
رحنا تغدينا في مطعم شعبي أكثر شي استغربته ان أحمد يرضى يدخل مطعم متواضع مثل هذا !!
أحمد : دايم أجي هنا !!
طالعته بإستغراب و هو ينادي
أحمد : أبو زكي ...... رز برياني و دجاج عالشوايه و سلطات
ابتسمت و أنا أقول
أميره : بصراحه رهيب
بعدها وصلي للبيت الجديد اللي شراه و سكن فيه هو و زوجته و عياله ؟
أول ما وطيت أرض هالبيت شفت أمير ......
طالعته بإبتسامه تطرح الغبار من عليها
ياااااااااااااااه من زمان ما شفت هالوجه
ضمني حيل و هو يقول :
أمير : توأمي شخبارك و الله لك وحشه ....... اشتقنا
أميره : الحمد لله تمام
سمعت صوت تركي
تركي : عمه أميره
نزلت لمستواه و ضميته و بسته
أميره : لا الحمد لله أخيرا نطقت اسمي صح
ضحكت و قلت
أميره : وين طلال و يارا ؟
أحمد : داخل
دخلت للبيت شفت ناديه
جت حضنتني و قامت تبكي
ناديه : مشتاقه لك يالغاليه ليه تمنعينا من زيارتك يااااااااه و ربي واحشتني
بعدتني عنها و مسكت وجهي
ناديه : شكلك صاير مره يجنن يااااااااه يا أميره وحشتيني !!
أميره : انتي أكثر يالغاليه
سلمت على يارا ماشاء الله كبرت و صارت تمشي و طلال بسم الله عليه صاير أمور يا قلبو عليه ....كنت أطالع الصغار و أسلم عليهم رفعت راسي و شفتها !!
بنفس وقفتها و ابتسامتها الباهته !!
صوفي !!
يااااااااااااااه يا صوفي
سلمت عليها هالمره برسميه سحبتني و ضمتني و قامت تبكي
صوفي : البيت بدونك مس أميره كئيب
قالت ناديه بمزح
ناديه : صوفي ليه و أنا مب ماليه عينك
صوفي : انتي الخير و البركه مدام ولو
بعد السلام و السوالف
طلعت مع ناديه أشوف غرفتي
كانت غرفه مريحه بحمام حلو يعني أصغر من جناحي الأول بس مريح أكثر يعني مافيه مسافات بين الأشياء يعني عشان أروح من السرير للحمام لازم أمشي مسافه و قدرها !
اللحين لاء ..........
جلست عالكنبه الحمرا و جلست جنبي ناديه
أميره : شخبار الجوهره ؟
ناديه : تمام ما عليها حامل ماشاالله
أميره : الله يهنيها
ناديه : على فكره صديقتك أماني دوم تسأل عنك ؟؟
التفت لها بهدوء و قلت :
أميره : شخبارها ؟!
ناديه : بخير فصخت خطوبتها من ولد خالتها و أخوها عبدالله تزوج
ابتسمت لها و أنا بنفس هدوئي
أميره : الله يهنيه
ناديه : مب هو نفسه عبدالله اللي كان .........
قاطعتها و أنا أفصخ عباتي
أميره : لو سمحتي .... لا تكملين انتي بنفسك قلتي كان و هو فعلا كاااااااااااان
أنا ما أبي أتذكر أبي أنسى فهمتي عبدالله بالنسبه لي ماضي و لازم أنساه !!
ابتسمت و هي تحط يدها على كتفي
ناديه : على راحتك بس انتي ارتاحي و روقي بخليك ترتاحين !
تركتني و طلعت
رحت للحمام تسبحت و بدلت ملابسي و قمت أطالع التلفزيون بالصاله في جناحي بعدين جلست قبال المرايه أتأمل شكلي !!
و ألمس شعري مره قصير بس مغير شكلي حيل بالنسبه لطوله الأول
شلت قلم كحل و كحلت عيني و رتبت حواجبي و حطيت مسكره و غلوس وردي و قمت
قمت أمشط غرتي اللي على كل جبهتي بس مايله شوي !!
ياه شكلي أحس انه فعلا غير لأني من زمان زمااااااااااااان ما شفت شكلي في المرايه !!
نزلت للحديقه أشوفها شكلها مره حلو بس مب أحلى من الحديقه اللي كنت أحبها
رحت للملحق اللي مصلحينه للضيوف كان مره كبير
و عباره عن دور واحد ...
دخلت للصاله لقيتهم كلهم مجتمعين مع زياده في عددهم وجهين جدد من زمان ما شفتهم!!
أول ما شافوني سكتوا و طالعوني
عبدالهادي وقف هو و ثامر طالعتهم بهدوء و سلمت عليهم برسميه مع ان عبدالهادي عيونه تقول كلام كثير كان يبي يضمني منعته ؟؟!!
التفت لأمير و أحمد
أميره : أبي أطلع من البيت
أحمد : في عبدالرزاق يوصلك وين ما تبين ؟!
ابتسمت له و قلت
أميره : شكرا
أمير : بس لا تتأخرين
أميره : ان شا الله
رحت للصاله
أميره : ناديه أنا بطلع تبين شي ؟!
ناديه : ليتك تاخذين تركي و طلال معاك يتمشون
ابتسمت
أميره : ان شا الله
خذت طلال و تركي و رحنا لمول أبي أشتري أغراض
رحنا لقسم الألعاب عشان يلعبون ...
أشكالهم تجنن ملبستهم ناديه ثياب اماراتيه مره طالعه عليهم حلوه !!
تركتهم يلعبون و جلست أراقبهم ....
جاني طلال
طلال : أبي اسكريم
أميره : ان شاالله حبيبي خلص لعب و بجيب لك اسكريم
راح يلعب !
قمت أتأمل الأطفال و هم يلعبون و أطالع لهم
حسيت بصوت يناديني التفت ببطء
........ : أميره
أميره : فيصل !
ابتسم لي و جلس يطالعني
تدرون طالعته بهدوء أول كنت أتجنب أطالعه بس اللحين صار كل شي بالنسبه لي عادي
لا مب عادي باقي أسأل نفسي عنه و لأنه كان عايش في كل تفاصيل حياتي من زمان !!
أميره : كيفك وش أخبارك ؟
فيصل : بخير دامك بخير ..... حلوه مثل ما أعرفك
ابتسمت و أنا أطالع لطلال و تركي و هم يقبلون علي
تركي + طلال : نبي اسكريم !
ابتسم لهم فيصل و قال
فيصل : نجيب اسكريم للحلوين
و راح يجيب لهم ايسكريم
شوي و جو و هو يعطيني حلاوه بالفراوله
أميره : شخبار معالي
ابتسم و قال :
فيصل : اشتاقت للي تهجدها و تعذب قلبها
قمت أضحك و أنا أضحك رفعت راسي أطالع لواحد واقف قدامي و معصب
أميره : جواد !!!
جواد : ما مداك تطلعين من المستشفى
أشر على فيصل بإحتقار و قال
جواد: ما مداك تغيرينه
قام فيصل معصب و عطاه بكس على وجهه
سحبني من يدي
فيصل : يالله بسرعه على سيارتك
خذت طلال و تركي و مشيت بسرعه رحنا للسياره و قلت لعبدالرزاق يوديني البيت
وصلت للبيت مفزوعه عطيت ناديه عيالها و طلعت لغرفتي
فصخت عباتي و تمدد عالأريكه مدري وش جا على جواد هالكثر حاقد علي !!
مر كل هالوقت و كل هالشهور ما نساني
رفعت السماعه و طلبت صوفي
أميره : صوفي أبي قهوه تركي في كوب كبير تعدل مزاجي
رحت للحمام تسبحت عالسريع و لبست بنطلون جينز ميدي و توب سماوي بدون أكمام
طلعت من غرفة الملابس لقيت القهوه جاهزه
ريحتها بقوه تعدل المزاج !!
ابتسمت لصوفي اللي أول مره أشوفها تطالعني بهالطريقه !!
تطالعني بحزن غريب و عيونها تبي تنزل دموعها بس أعرف صوفي عندها قدره عجيبه على ضبط أعصابها !
ابتسمت بمرح
أميره : وش فيها مديرة المنزل القديره ؟؟
مديت يدي أبي أشرب القهوه سمعت شهقتها بعدت فمي عن الكوب
وقفت قدامها و قلت بتساؤل
أميره : صوفي وش فيك يا قلبي ؟؟
صوفي : مبسوطه ..... مبسوطه كتير برجعتك ؟؟
شربت من القهوه بهدوء و هي عينها على شفايفي و تطالعني بإندهاش غريب
هزيت راسي و قلت :
أميره : وش فيك بصراحه ما اقتنعت بكلامك ؟؟
و قمت أشرب من القهوه
هي شهقت كم مره و طلعت من الغرفه مثل ما دخلت شكيت في أمرها مدري وش فيها ؟؟
معقوله كل هالحركات !!! عشانها مبسوطه برجعتي ؟!
بعد عشر دقايق حسيت براسي يعورني و دوخه فظيعه تجتاحني طحت عالأرض لأنه العالم كله ظلم في عيني !!
______________
الساعه : 01:00 صباحا
حسيت بشي يدغدغني في ذراعي و حركه عند رجلي !!
فتحت عيوني بصعوبه و أنا أطالع السقف اللي لونه أسود توني مب مستوعبه الوضع
خمنت اني في المستشفى غمضت عيوني و طردت الفكره بصعوبه و راسي يعورني
أي مستشفى يا أميره هذي اللي يكون سقفها أسود !!
رديت أحس بدغدغه في ذراعي ...
فتحت عيوني بصعوبه و كأنه حاسه الشم توها تشتغل عندي
وش هذا !! ريحة قطران عفنه
قمت جلست بصعوبه فتحت عيني للواقع مزبوط .......انفجعت
يع يع يااااااااااااااااااااااع صرصور اللي كان على ذراعي !!!
قمت بفزع و أنا أشوف الصراصير عالأرض تمشي بكثافه !!
طالعت للأرض لقيت فار يهرب لفتحه صغير في الأرض غرفه صغيره معفنه و ضيقه
طالعت الجدران بفزع أدور الباب و أنا أبكي يا رب يكون حلم مب حقيقه يا رب قمت أمسك جسمي و أضغطه أبي أتأكد اني أحلم !
رحت للباب و صرخت ...
أميره : يانااااااااااااااس ياعااااااااااااااالم يااااااااااااااااااهو أنا أميره في أحد هنا
ما سمعت الا صوتي اللي يتردد صداه في الغرفه و صوت تنقيط هادئ للمويه
أميره : ياااااااااااااااااااهو يا عالم
رديت أكرر الندا مره ثانيه بس لا مجيب
مين رماني هنا و ليه طيب أنا وش سويت تساءلت مع نفسي !!
رديت أصارخ بقوه
أميره : ردوا علي ياااااااااااااااااااااااااااااااااعااااااااااااااا ااااالم ؟ يا نااااااااااااس
و مثل أول لا مجيب و كأني عايشه بروحي في هالمكان اللي تخيلت انه سرداب طويل قضى عليه الزمان و تراكمت فيه الحشرات و غطته العفونه !
لفيت بالغرفه أدور على أي شي ممكن يساعدني بس ما لقيت الا كراتين فاضيه المويه خربت أجزاء منها !
جلست في ركن الغرفه و أنا بين لحظه و الثانيه أكرر الندا يمكن أحد عابر يسمعني
جلست أتأمل طابور النمل اللي يمشي على الأرض فقمت أتتبعه ..........
و ... يع عالقرف لقيتهم متجمعين على فار صغير ميت في الزاويه هو اللي مسبب الريحه النتنه اللي أشمها و تخيلت انها قطران !
يع ياااااااااااااااااااااااع !
رديت للزاويه بخوف و أنا أبكي و الدموع على خدي !!
تلصقت في الجدار بخوف و أنا أتخيل مصيري في هالمكان مثل مصير هالفار المسكين
حسيت بحركه و راي !!
صرخت بعدت عن الجدار بقرف
لقيت وزغ يمشي عالجدار خفت و بكيت شفته يدخل في فتحه صغيره
خفت بصراحه من هالأشياء اللي شفتها و قمت أدعي !
يا رب اللي حبسني هنا يحن علي و يطلعني بره يرميني في أي مكان غير هالمكان العفن !
رديت أصارخ و أنادي يمكن أحد يسمعني يسمع صرختي يرق لصوتي اللي اختفى مع قوة الصراخ و البكى يحن لإنسانه طول حياتها عذاب و ألم و بكى و دموع ليه ليه حرام و في الأخير أنرمي في هالمكان الحقير لهالدرجه ما أسوى لهالدرجه وصل مقامي أنحبس في غرفه وضيعه واطيه مثل هذي و ربي أفضل أنام في الشارع و لا في هالمكان القذر النتن !!
أميره : أووووووووف أوف !!
راح تخنقني هالريحه ..... كانت الأرض عباره عن رمل خشن حتى بلاط يا حسره ما فيها
شلت التراب بقرف و جمعته بيدين و رحت أكبه على الفار لأنه مات و ريحته بتموتني معاه و كررت المحاولات أجمع التراب و أنا أبكي و أحطه عالفار أدفنه تحتها و بعد كم مره تغطى الفار بالكامل انهرت جنب الباب و أنا أطالع يديني و أبكي و أصرخ بين فتره و الثانيه و لا أحد سمع صوتي طالعت لساعتي بألم أنتظر الفجر !!
قمت أبكي بحراره لين نمت ....
_____________________
الساعه : 07:22 صباحا
صحيت على صوت الباب ينفتح بحده و الحديد يحتك في الأرض فتحت عيوني على شخص يوقف قدامي رفعت راسي طالعته و هو يمد لي يده !!
طالعته بتعب .....
أميره : فيصل
ابتسم لي بكل الحب
فيصل : طبعا يالغلا جاي أنتشلك من هالعذاب لحياه روعه لأنك أميرتي دايما
تلاشى الحلم على صوت قوي أعرفه قمت و هو يركلني برجله
قمت جلست و طالعته بإستغراب و استفهامات العالم كلها انطبعت على وجهي
أميره : أحمد !!
قالي و هو يدور السبحه الذهبيه في يدينه بمكر فتحت فمي و غريبه ما انشق من الدهشه
أحمد : الأميره أميره البنت الغنيه المدلله أهلا
طالعني و هو يوقف قدام الجدار و يلمسه بإصبعه
أحمد : أتمنى ان الرطوبه و الريحه العفنه ما أزعجت منامك الكريم
قلت و الدموع تبرق في عيني
أميره : ليه وش سويت لك !!
طالعني بسخريه
أحمد : سلامتك طال عمرك و لا شي اللهم اني أبي منك شي بسيط توقيع بسيط على أرض في أبو ظبي و بعض أملاكك الكريمه و تطلعين من هنا بسلام
غمضت عيوني بقوه ....
( جينتل مان ...... بدون روح ) صارت هالكلمه يتردد صداها في داخلي و قمت أتذكر آخر ملامح شفتها على صوفي أعرف مديرة المنزل في الروايات تكون عارفه أسرار أهل البيت اللي تشتغل عندهم معقوله تكون عارفه أشياء أكثر من اللي أعرفها ؟
ابتسمت بألم و أنا أفتح عيوني
أميره : و اللحين ترميني هنا و تعذبني عشان أرض و توني أعرف انها ملكي
ضحك و قال :
أحمد : لما كنتي في المستشفى حضرتك قسمنا التركه علينا و طبعا كل واحد أخذ حقه
قمت و قلت و أنا أبتسم
أميره : و انت حضرة جنابك طمعت و حبيت تضم نصيبك لنصيبي .. ميلوا دراما متكرره أشوفها دايم في السينما و تحكيها الروايات ...
أحمد : صححي الجمله نصيبك لنصيبي لأن نصيبي الأكثر ...
طالعته بحده و أنا أقول
أميره : جشع
شدني من بلوزتي بقوه
أحمد : الشيخ أحمد ما ينقال عنه هالكلام
قلت بتحدي و أنا أبعد يده عني
أميره : أجل وش تبيني أقول الكريم اللي خدع أخته و بين لها انه طيب و لا الحقير اللي راماها في غرفه حقيره مثله
ابتسم بسخريه و قال :
أحمد : هالغرفه الحقيره كنت عايش فيها في يوم من الأيام قبل ما أبوك القدير يفك أسري
طالعته بعصبيه و قلت
أميره : أبوي أشرف منك ؟؟
أحمد : أشرف مني !! على فكره أنا أخوك بس مب من أمك و أبوك !!
طالعته و عيوني مب قادره أتحكم في دموعها من الصدمه طالعت الأرض و سكت !!
قام يدور حولي ببطء
أحمد : أها يعني مب عارفه السالفه .....
كمل بطريقته الساخره
أحمد : مسرحيه هزليه تحتاج لشرح ...... أبوك المحترم في أيام الطيش حب له وحده جميله كانت بنت لفراش المدرسه هي حبته و وثقت فيه و غلط معاها كانت النتيجه أحمد اللي تشوفينه قدامك أبوك عرف ان هالبنت حامل تركها و تخلى عنها بخسه و خلاها تواجه العار لوحدها مع أبوها الفقير و أخوانها ...!!
هربت أمي بعيد في ملجأ خوفا من أهلها اللي أكيد راح يكون أبسط عقاب لها عندهم ....
قرب مني و طالعني ببشاعه و هو يغير ملامحه و كمل
أحمد : الموت ... طبعا ولدتني بعد ما تفهم المركز وضعها عطتهم أوصاف أبوك و عناوينه
و مرضت بعد ما ولدتني و ماتت !!!
بعدها بخمس سنوات لقوا أبوي و قابلوه و قالوا له السالفه طبعا ما قدر ينكر أخذني و رماني هنا
خايف يقولون له من وين هالولد و ينفضح قدامهم ولد العز و لد الحمايل و طبعا الغني صاحب الأملاك و الفلوس !!
للحظه حزنت عليه لما فكرت في وضعه و هو صغير بس كرهته كرهته من كل قلبي حقدت عليه !!
أحمد : طلعت للنور و الشمس لما أبوك تزوج أمك و كذب عليها و قالها اني ولد زوجته اللي ماتت و طبعا قالها ما تقول لأحد لأنه تزوج بالسر !!
أمك حنت علي و اعتبرتني ولدها ...
طالع لسقف الغرفه بتأمل و كأنه يسترجع الذكرى المغبره !
أحمد : كلمت السقف و الجدران و الفيران و الحشرات و الثعابين و كل شي ممكن تتخيلينه يعيش مع العفونه !!!
قال بخبث و عيون بارده و كأنها قطع من الثلج
أحمد : أكره أبوك أكرهه لأنه ما يستاهل حتى القبر اللي هو راقد فيه !!
طالعته بصدمتي و دموعي
أميره : و تعذبني أنا ليه تعذبني على سالفه انتهت من سنين
صرخ في وجهي بعصبيه
أحمد : لا ما انتهت ...
أشر على صدره و قال :
أحمد : باقي عايشه هنا باقي تصرخ هنا أيام الذل و الألم و الأكل البايت اللي ما ياكلونه خدم آل.... كنت آكله لااااااااااااااااا لا تقولين انتهى لا تقولين انتهى
سحب الكيس اللي كان جايبه من عالأرض و رماه في وجهي
أحمد : الأكل البايت
و قام يضحك بهستريه
أحمد : اسمعي بتوقعين عالورقه و لا ااااااااا تتمين هنا للأبد
ابتسمت ببرود و قلت
أميره : أفضل أتم هنا على اني أعطي لواحد واطي مثلك جزء من أرض كتبها أبوي الله يعزه و يرحمه لي !!
جاني و شدني من شعري بقوه و هو يقول بحقد
أحمد : ان ما خليت هالوجه ينحرق مره ثانيه ما أكون أحمد !مثل ما حرقت قصر بالكامل عشان أحرق هالوجه راح أحرقه مره ثانيه ههههههههههههه
على فكره شويت الورد و الدم اللي شفتيهم قبل الحريق كانت مجرد فبركه صغيره لأني أتمتع لما أشوف أعصابك تدهور قدامي ههههههههههه
سمعت صفقة الباب الشنيعه و صوت باب ثاني ينقفل بنفس الشده
ضميت نفسي وقمت أبكي كل الكلام يعجز يفسر لي كلمه وحده أو أي شي من اللي قاله هالإنسان مدري انخدعت فيه و لا أنا طيبه بزياه عن اللزوم و ابتسامتي تجي وبال علي
حسيت بحركه عند الكيس
أميره : فيران ...........
قلتها بقرف بس ما تحركت من مكاني
حزنوني مساكين حتى الفيران كائنات مسكينه أول ما مسكت الكيس هربوا لجحورهم
فتحت الكيس اللي كان عباره عن جبنه معفنه ريحتها تقرف و خبزه بدى العفن يهاجمها و طماطمه ذابله
قلت بسخريه
أميره : لا كثر خيرك يا شيخ أحمد !

رحت عند جحر الفيران حطيت لهم قطعة الجبنه و قمت أفتت لهم الخبز البايت
تذكرت سلطانه و هي تحكي لي قصة خبز العرافه
سلطانه ياااااااااااااه وينك و ربي لك وحشه واحشتني قعدتك ابتسامتك دلعك و حتى غرورك و كبريائك اللي كنت أمقته و أتذكر كلمتها ( أنا أعشق الحدود و أحبها )
رديت أفتت الخبزه سمعت ان العلماء اكتشفوا ان الفيران ما يحبون الجبن هههههههههه
أجل وش سالفة توم و جيري جيري يموت على الجبنه الرومي قمت أضحك في داخلي و أنا أرد أجلس في زاويتي و أتأمل الطماطم ....
في بيت آل.... ما أعتقد هالطماطم تكون موجوده في الثلاجه عندهم الا بطلبيه من انسان حقير مثل أحمد وش دخلني في ماضيه ان شا الله يكون انذبح و لا انشل وش ذنبي يكرر ماضيه معاي أنا ليه .... سمعت أصوات الفيران و هم ياكلون الخبز و الجبن !!
قلت و أنا أبتسم
أميره : أجل خطأ نظرية العلماء ههههههه
ودي أشرب مويه أبي أصلي دخلت يدي في جيبي مالقيت غير مناديل و علك و بطاقه فيزا الذهبيه و عليها تكت صغير مكتوب عليه الرقم السري غريبه وش جاب هالبطاقه لجيبي
و العلك و المناديل عمري ما أدخل هالأشياء في جيوبي الغريب هو بطاقة الفيزا مالها علاقه بجيوب أميره !!!
قريت الرقم أحاول أحفظه رديت البطاقه لجيبي
جيت بأفتح ورق العلك تذكرت اني راح أعطش و أجوع و أنا أخدع معدتي بعلكه !
رديتها لجيبي و قمت أدور في جيوب التوب اللي لابسته يمكن ألقى شي جديد
بس للأسف و لا شي !!
قمت أطالع ساعتي اللي بالشي الفلاني الفصوص و الألماس اللي تبرق !!
وش بتنقذني فيه هالساعه اللي مرصعه بأغلى المجوهرات و أندرها آآآآآآه و لا شي
قمت أقرى أذكار الصباح و أمسح على نفسي !
رديت أطالع الفيران اللي قدامي ..... الأم و أطفالها و أكيد الفار الصغير اللي مات واحد من عيالها ....
تذكرت عبادي و هو يناديني يا فارتي الصغيره ؟!!
وينه عبدالهادي يااااااااااااه تذكرت كيف كنت عتبانه عليه و لما جا يضمني بعدته !
لو يدري اني هنا بعيد عن عالم الأحياء !!
طالعت للفيران و قلت:
أميره : عايشه بين الحياه ........
قمت أطالع لمكان الفار الميت و كملت
أميره : و الموت
رجعت أطالع السقف و أبكي بمراره مب قادره أعبر عن اللي في داخلي
تميت ساعه أبكي بعدين قررت آكل العلكه اللي كان طعمها غريب و مغلفه في كيس بلاستك شفاف !!

الساعه :03:20 عصرا
قمت بتعب و أنا أطالع الغرفه يووووووووووه أنا باقي هنا
جلست أستوعب وضعي كيف نمت ؟؟
آح حسيت بألم في ذراعي لأني نمت على قطعة حديد
تذكرت العلكه اللي كانت عباره عن منوم قوي قليله عليه قوي دوخني !!
مين حط العلكه في جيب بنطلوني !!
حسيتها في فمي تفلتها في الأرض بقرف و أنا أطالع الساعه
طالعت للمصيبه اللي قدامي بكل قرف و خوف .......

أفعى !!
و أنا انسانه ما أداني الأفاعي كله الا هاذي عندي الصراصير اللي شفتها أهون ...!!
خفت تلدغني و هي تطالعني و تطلع لسانها المقرف اللي يسيل منه لعابها ؟؟
نشفت في مكاني و أنا أقرى آية الكرسي في داخلي و أكبر
تلمست الأرض و هي تقرب مني لقيت حصى صغيره رميتها عليها بخوف و أنا أقول
أميره : بسم الله و الله أكبر
ما جت عليها الحصى بس هي تلوت في الأرض مدري كيف و رجعت من محل ما جت !!
طالعت لجسمي اللي هلكه الناموس و خصوصا لا بطانيه و لا يحزنون و أنا لابسه توب بدون أكمامي و بنطلون قصير الرطوبه خنقتني و صوت المويه صار يوترني مدري قديش نمت تنهدت و أنا أحس بالجوع يفتت معدتي و يذبحني و اللي ما انتبهت له هو فار ميت عند رجلي ....
قمت من مكاني بروعه و أنا أنفض رجلي و أمسحها بالمناديل اللي بجيبي
عشان كذا الأفعى هاجمتني تبي الفار الميت يوه عالمصير المريع !
شكلي بصير مثل هالفار بالزبط كيف مات ؟؟
قمت أفكر معقوله العلكه نومتني ثلاث أيام مثلا طالعت للبقع اللي في ذراعيني و يديني
معقول يكون الناموس بس و لا كائنات ثانيه عضتني و أنا نايمه !!
طالعت للجدار شفت الصراصير الكبيره عند مصب المويه و العفونه تنهدت بقرف
أتنازل عن الأرض لأحمد و أطلع من هالمكان أضمن لسلامتي
أرجع أقول .... و بأرجع أعيش معاه في بيته و بعدين وين ناديه معقوله ما حست فيني
سمعت صوت الباب ينفتح بوحشيه دخل أحمد و هو يطالعني بقرف
أحمد : باقي عايشه انتي ما متي و الله قط بسبع أرواح مع اني حاولت أموتك كم مره بس تقومين و لا كأنه صار لك شي !!
تدرون النور اللي تسرب بالغلط من الباب !!
عور عيوني .... جا سحبني من يدي بقوه و طالعني من هالغرفه و قفل الباب و هو يدفي
أخيرا راح أشوف النور ....!!
و أتنفس الهوا النقي ........
طلعت من المكان اللي كان بإختصار غرفة تحت الأرض
تذكرت السجون الأمريكيه زمان كيف كانت عفنه و تكون تحت الأرض !!
شفت الشمس و الهوا النقي يدخل لصدري بعنف اشتاق لي !
أحمد : اللحين تطلعين لغرفتك و تلبسين عباتك و تنزلين
قلت بخوف :
أميره : وين أروح ؟؟
دفني بعنف و هو يطلع معاي لغرفتي فتح الباب و دفني !!
أحمد : ساعة و تكونين تحت
صك الباب بقوه (( مسكين هالباب تفل العافيه بقوه ))
دخلت الحمام بإعياء تسبحت بسرعه و طلعت لبست لي بلوزه سودا و تنوره سودا
و قمت أطالع التقويم يوم شفته صرخت يعني لي أربع أيام في هالسجن
تذكرت بطاقة الفيزا طلعتها بقرف من البنطلون الجينز اللي انقرفت منه بقوه !
شلت شنطتي حطيت كل شي ممكن أتخيل انه راح ينفعني (ما خف وزنه و زادت فائدته)
أكيد ناديه ما تدري عنه وينها هالناديه تشوف زوجها المحترم وش يصلح ؟؟
انفتحت الباب بعنف و انقفل بنفس الطريقه !!!

البارت السابع و العشرين



دخل سحبني و أنا ألبس عباتي
نزلنا و طلعنا الشارع رماني في السياره
و مشى بسرعه جنونيه و أنا فاتحه فمي من كل هالتبدل الفظيع اللي أشوفه
وقفنا عند فيلا فخمه
قال و هو يطالعني بعصبيه
أحمد : انزلي
طالعته و أنا متوقعه ألف مصيبه و مصيبه
نزلت و رحت معاه و هو يطق الجرس طلع وجه الشغاله
أحمد : مس أميره
طالعتني الشغاله بمرح
الشغاله : أوه يس ولكم
دخلت مع الشغاله هو مشى ما شفت الا غبار سيارته
مشيت مع الشغاله لين وصلت للصاله الكبيره فاضيه ما فيها أحد
دموعي حابسه نفسها في عيوني قلت بإعياء و رجاء
و أنا ألحس شفايفي المتشققه
أميره : أبي أكل لو سمحتي
الشغاله : باين عليك تعبان مس أميره
طالعت لورى الشغاله بدون تصديق
الجوهره ؟!!
فرحت أنا في بيت الجوهره يااااااااااااه حسيت بالحياه لما شفتها مقبله علي و تضمني بقوه و تبكي ........
الجوهره : أميرتي .......
قامت تلمس وجهي و تبكي
الجوهره : حقيقه انتي عايشه !!
ابتسمت و قلت
أميره : الحمد لله
رفعت راسي بتعب
أميره : جوجو أبي أكل أبي مويه أبي أي شي بارد
و قمت أبكي خنقتني الدموع و آلمني نزولها و أنا كل مره أبل شفايفي المشققه بلساني لين طلع الدم ...
ضمتني الجوهره بقوه و قامت تبكي
الجوهره : اللي تبينه يا قلبي
دخلنا للمجلس و الشغاله تحط الأكل صحن مليان سندويشات و جك مليان مويه و جك مليان عصير .......
رحت للمويه ما فكرت أصب في الكاسه بلهفه قمت أشرب المويه من الجك نفسه !
تنهدت بعد ما بعدت الجك و حطيته عالطاوله !
الجوهره : وش فيك أميره ؟؟
المويه خدرتني جلست جنبها و أنا أتنفس الهوا البارد بعمق
أميره : عشت العذاب بكل صوره و أشكاله
ابتسمت و طالعتني
الجوهره : عروسه مثلك لازم تكون مبسوطه
رديت أعيد الكلمه في راسي من جديد ( عروسه )
قلت بإستفهام
أميره : عروسه !!
الجوهره : ايه يا أميره حتى قومي بوريك وش شرينا لك من أغراض أنا و البنات ؟؟
مسكت يدي تبي تقومني
أميره : يالجوهره !!
سحبتني و طلعنا فوق لغرفه كبيره دخلناها ...... كلها شنط
الجوهره : شايفه هالشنط كلها ملابس و جزم الله يعزك و كل شي ممكن تتخيلينه ؟
و هذي شنطة المجوهرات ؟؟
جلست عالسرير بصدمه و قلت
أميره : كيف صرت عروسه ؟
طالعتني الجوهره بإستغراب و هي تحط يدها على كتفي
الجوهره : أموره يا قلبي وش فيك ؟؟
شهقت و قمت أبكي أكيد أحمد مفهمهم شي غلط و بيزوجني حسبي الله عليه يتخلص مني ليه كل هذا عشان الفلوس !!
الجوهره : أميره و ربي تقطعين قلبي عليك وش فيك هذا مب شكل عروسه زواجها بعد ثلاث أيام
التفت من دموعي و طالعتها بدهشه
أميره : ثلاث أيام كيف !!
ابتسمت
الجوهره : لا شكلها الأموره متوتره من العرس بخليك يا قلبي ترتاحين
كنت بأوقفها و أقول لها عاللي صار كله .... بس عقلي يقولي لاء و أنا أشوفها
تذكرت الوعد اللي كان بينا ( لازم تعيشين مشاكلي و لازم أعيش مشاكلك ..... وعد )
ناديتها و هي على آخر خطوه من الباب
أميره : جوهره ؟
التفتت بإبتسامتها الصافيه
الجوهره : هلا يالغلا
قمت قابلتها
أميره : كان في بينا وعد اني ما أخبي عليك شي و لا تخبين عني شي طيب ممكن تسمعين أميره يمكن تقدرين تساعدينها !!
مسكت يدي
الجوهره : طبعا كم أميره عندي انتي أميرة حياتي يفداك القلب و العين ما أنسى وقفتك معاي الله لا يحرمني هالطله
جلست جنبها عالأريكه و قمت أحكي لها كل شي من أول ما تركتني لآخر شي !!
البنت من هول الصدمه شهقت و بكت و هي تطالع لذراعيني و يديني !!

و شوي تضمني و تمسك وجهي و تبكي
أميره : بس تدرين شكلي بتزوج أبرك ؟
الجوهره : تعذبتي كثير يالغاليه أخوك هذا الرحمه انزعت من قلبه
سمعت طق عالباب
الجوهره مسحت دموعها بسرعه و قامت تفتح الباب
الجوهره : هلا حبيبي عبادي
قمت أطالعه بصمت و أبتسم
جا سلم علي و ضمني
عبادي : مبروك يالأميره
قلت بحسره
أميره : الله يبارك فيه
مب عارف اني حتى العريس أجهل هويته ما تشرفت بمعرفته لما اللحين ؟!!
جلس يسولف شوي معاي بعدين طلع ... الجوهره سكرت الباب و قالت :
الجوهره : و لا يبان أبد ان صار لك هذا كله يمكن لما تتزوجين ترتاحين من هالعله أحمد
تنهدت و قلت :
أميره : مدري أي أحسن و بصراحه كل واحد ساكن في بيت بروحه و أنا متشتته
موت أبوي و أمي يا جوجو فرقني شتات و جمعني ألم لا يحتمل !
مرت أيامي الثلاث و الجوهره مستلمتني شغل فرك في يديني و رجليني بالزيوت بصراحه راحت قرصات البعوض بس باقي الألم مقطعني ؟؟
جابت لي اللي يسوون المساج و الحمام المغربي حطت لي زيوت وش كثرها في شعري ؟؟
تقول تطول الشعر و ان شعري يوم كان طويل أحلى !!
طيب هو تحت كتفي بشوي حتى الدكتور قال ان منابت شعري ما تأثرت بس أطرافه احترقت فقصوه !!
طبعا اكتشفت انهم موزعين الكروت و عازمين الناس و العالم أهل الرياض و العين
و كل من يعز عليهم .....
من الصبح جو الخدم يشيلون الشنط و الأغراض مدري وين الجوهره قالت لهم يودونها
تمددت عالسرير و أنا أتخيل عريس الغفله يوه أنا ليه ما سألت جوجو عنه ههههه
أميره : جوجو مين عريسي صاحب أكبر حظ في هالدنيا
ابتسمت بمرح و قالت :
الجوهره : خليه سر من الأسرار بعد كم ساعة بتعرفين !
________________
يوم العرس
جو الكوافيرات و قاموا يصلحون لي البدع و الجوهره تتفرج جو البنات يسلمن علي أشكالهن روعه ديمه و دانيا اللي جت مع زوجها لدبي ابتهال و عبير باقي سلطانه وينها !!
ابتهال : مره روعه لبسك يا دانيا ؟
دانيا : تسلمين مشكوره
دخلت سلطانه و جت ضمتني و سلمت علي بحراره استغربوها البنات ؟
سلطانه فتاه من عصر القدماء هيبتها دايم تسبق حضورها و الأناقه المترفه اللي تعبر عن نفسها و ربي هي أكثر وحده وحشتني !!!
طالعتها أتأملها بفستانها الأسود اللي يبرز طولها و تزينه مجوهرات ملونه وااااااااااااو توب بصراحه قصة طرزان تبين طول رقبتها و جمال شعرها البندقي يااااااااااه مكياج هادئ جدا !!
من المرايه و البنات يسولفن أقدر أشوفهن و الكوافير تسوي لي شعري
دانيا كان الحمل باين عليها حيل لابسه فستان يجمع السماوي الهادي و الوردي طالعه حلوه بتسريحتها الرايقه !!و مكياجها الهادي
ديمه فستانها ذهبي و قصير و شعرها كانت مقصصته على طوله و مجعدته بطريقه مدقنه مكياجها كان صارخ بس يناسبها
عبير مره لبسها خالع مع انه مناسب جسمها حاطه روج أحمر على أورنج ملفت للنظر و شعرها مستشور عشوائي !!
دخلت شيخه سلمت عليها عادي ما كأنه بينا شي و كانت تطالعني و كأني يا فلانه مب شايفتك !!بس بحق كانت تجنن لابسه فستان فيروزي حرير و طبعا فتحت الصدر كبيره لأني لو شفتها صغيره راح أستغرب لأنه ما يتناسب مع شخصيتها الفاتنه المثيره !
اللي استغربته انها حاطه غلوس لحمي مب بالعاده بالعاده تشوفين شفايفها من بعد أميال من قوة اللون كأنها لمبه !!
ابتهال كانت لابسه فستان سكري برضو خالع هو بعد و شعرها طايح بدلع على كتوفها
مسويه مثل مكياج أليسا طالع عليها حلو...
كانوا يسولفون و أنا كنت في عالمي أتذكر قبل ثلاث أيام كيف كنت بين الفيران و الحشرات في الغرفه المخيفه لو واحد غير مات فيها محد يدري عنه !
للحظه رديت أحزن على أحمد مب متخيلته صغير مسكين و محبوس في هالمكان المريع !
معقول أبوي كان بهالقسوة!!!
خلصت الكوافير من مكياجي و أنا في عز تأملاتي ....
رديت طالعت للجوهره و هي تقول
الجوهره : ما شا الله قمر لا إله الا الله بسم الله عليك
مالقيت البنات شكلهن طلعن من وقت
دخلت لغرفة الملابس ألبس فستاني و أفكر
يا ترى أحمد لمين زوجني !
هل لإنسان مثله ... و لا لإنسان طيب مثل فيصل
تمنيت ان فيصل يكون هو العريس أكيد راح يسعدني في حياتي
أو عبدالله اللي أكيد تزوج شمه بنت عمه !
حلو الفستان مدري تصميم مين بس مره رايق و اللي يفجع انه سواريه !!!
ليـــــــــــــــــــــــــــــــــــه ؟
ألبس بدون أكمام ايه بس بدون أي شي مره وحده كذا ما تعودت !!
طالعت للمرايه و ابتسمت لنفسي
ماشا الله عليك يا أميره تجننين مواااااااه
مع المكياج اللي بلون الفراوله طالع شكلي مدري حسيته حلو
طلعت للغرفه .........
الجوهره : ما شاء الله
على دخلت سلطانه و ديمه
سلطانه : ما شا الله عليك رااااااااااااااااائعه
ديمه : وااااااااااو بسم الله عليك روعه يا الله بيتجنن عليك جواد لما يشوفك !!
حسيت بدوخه و أنا أسمع هالإسم .....جواااااااااد !!
طالعت للجوهره
سلطانه لمعت عيونها و هي تطالعني و تقرب مني
سلطانه : أميره فيك شي !
تساؤل ما جا في محله برغم اني مذهوله
وقفت لحظه بوجه ما يحمل أي ملامح ......... ملامحي انمحت من الصدمه !
المكياج اللي على وجهي حسيته شويت ألوان تحتاج لرتوش بسيطه عشان تكون الصوره الصح عني !!
قلبي كيف قدر يتحمل كل هالعذاب كيف !!!
جلست عالسرير و الخادمه تلبسني الجزمه
حراااااااااااااااااام شهقت و حبست دموعي بلوعه



جواد !!!!
أبشركم حياتي بتصير جحيم معاه
ما أخسك يا أحمد تزوجني جواد يا أخي حرام عليك !
الجوهره حست بألمي عرفت بتفاجئني بالعريس عشان كذا اكتفت بالصمت
لبستني طقم الألماس بهدوء
طالعتها بعيوني اللي مليانه دموع
وينك يا يمه تشوفين مصيري وين صار و لمن صرت لراعي البنات !!
للي كل يوم مع بنت !!
و اللي سمعته رايحه فيها !!
و حياته ما يندرى كيف بتكون ؟
أخواني كيف رضو به و عبادي كيف يسلمني له بهالطريقه
دانيا : أموره يالله الزفه
قمت و أنا أرتجف خفت لا أطيح و أنا أنزف أو يغمى علي مسكتني الجوهره من يدي
و قامت تهمس لي
الجوهره : نبتسم قدام الناس بدل هالتكشيره و دموع لا يا أميره
و قامت تمسح لي دمعه طارفه من عيني
جت حماة المستقبل ما يحتاج أعرفكم على خالتي بدريه ؟!
ما شا الله صوتها مثل الطبل البلدي و هي تغطرف كانت مبسوطه و بس تتأملني ؟
انزفيت بكل هدوء و أنا أحاول أتماسك من هول الصدمه .... جواد !!
جواد لاء يا ناس قولوا غير كذا لا لا جواد !!!!!!!!!!
للحين مب مصدقه اني بأكون جنب واحد خسيس مثله !
وصلت للكوشه اللي كانت عباره عن شجره من حبيبات الكريستال الأحمر متناثره بشكل عشوائي طلعوا الناس يسلمون علي أولهم الهنوف فديتها من زمان عنها و عن سوالفها و لا وعد و حلا و هلا و رانيا و تغريد ياااااااااااااه أشكال صار عليها غبار في حياتي
جلسن يسولفن معاي و نادوا للعشا !!
و قالوا بيدخل المعرس عشان نتصور دخلوني بغرفه كبيره مع المصوره اللي مسويه الخلفيات بعنايه ......
جلست عالأريكه متوتره و مجموعه من البنات متلثمات دخلن و جلسن أكيد بنات خالي
تدرون اني ما أفتكر حتى شكله و قال ايش بنصير في بيت واحد بعد سويعات و ربي الموت أهون علي من هالإنسان المقيت !!
دخل المعرس و تقدم بخطى واثقه سلم علي و باس يدي
كنت متقرفه ياااااااااااااه كانت تجتاحني رغبه قاتلتني اني أقطع يدي قبل ما أرد أمسك مسكة الورد الأحمر تجنبت أطالعه و هو كان مبتسم و يطالعني بنعومه
قامت المصوره تصورنا
المصوره : بعيدين عن العدسه خالص ! لازم تأربوا من بعض أكتر
طالعت للمصوره بحده
قرب مني شوي ...
المصوره : لازم تأرب منها أكتر
عمى في عينك ما كفتك هالمسافه بعد نقرب أكثر
قرب مني مره
المصوره : بتبصي في ايه يا عروسه بصي لعريسك
حسبي الله على هالمصوره !!
جت سلطانه تنقذ ما يمكن انقاذه !!
قالت للمصوره
سلطانه : معليش انتظري لحظه
جتني و همست في اذني
سلطانه : كملي التمثليه يا أميره الله يرحم والديك
و ضغطت على يدي بقوه
يعني هي بعد عارفه أني أمثل !
و اني غصب علي متزوجته !!!
حط يده تحت ذقني و رفع راسي تجاهه
استسلمت بهدوء و طالعته
قمت أطالعه بتأمل
وسيم كلمه محاها لساني يوم شفته
جميل ما أعتقد ان هالكلمه راح توصف اللي شفته
لأنه بكل صراحه فتنه
حواجب ثقيله محدده عالهالوجه اللي شايل كل هالعجايب
عيون ناعسه سودا تلمع برقه رموش كثيفه تحضن هالعيون
و أنف حاد مثل السيف يفصل بين خدين حلوين
فم يحكي عن نفسه بشراسه
جذاب بشكل خيالي
قلت في نفسي و أنا أطالع لمشلحه الأسود
بس مب أحلى من عبدالله !!
قرب مني بشكل خيالي و رديت حسيت بذاك الإحساس لما قربني منه في المستشفى !
صورنا الصور و أنا أسمع التعليقات من البنات و الأوامر من المصوره سووا كذا و لا تسوون كذا !!!
دمعتي كانت بتخوني لو ما جت سلطانه و همست لي
سلطانه : تماسكي الله يخليك
طالعتها برجاء ....... يعني الرحمه !
هزت راسها بتفهم
و أخذت البنات و طلعت
سمعت صوته العذب يناديني
جواد : يا معذباهم أعطينا وجه
طالعت المصوره و هي تشيل أغراضها
و طالعته ببرود و رديت أطالع المصوره
ضغط على يدي بقوه كأنه يبي يفتتها
جواد : مب أنا اللي أنسفه بهالطريقه
سحبت يدي بهدوء و قلت :
أميره : تمنيت يدي تنقطع قبل لا تلمس يدينك !!
دخلت علينا سلطانه و في يدها العبايه
و قامت تلبسني هو طلع من الغرفه و راح
أميره : ذابحني
سلطانه : عارفه و خبر موافقتك عليه صعقني !!
أميره : أنا ما وافقت الأخ المحترم أحمد وافق بالنيابه عني ليته هو اللي كان لابس الفستان بدالي لاء يجي يتزوج بدالي أحسن !
ابتسمت بتفهم و قالت
سلطانه : جواد فيه الزين و فيه الشين و انتي بتكتشفينه بنفسك
قلت و أنا أطلع معاها
أميره : الله يستر
لبست العبايه و دعتها و ودعت الجوهره بحراره كان ودي أتم معاها بس !
هو دخل يودع أهله ........
سلمت على عبادي و ثامر ما شفت أمير توأمي المفروض هو أول اللي يودعوني تغطيت و لفيت العباه زين و طلعت للسياره مع عريس الغفله أروح لمصيري المجهول !!
طول الطريق صمت بما ان السواق هو اللي يسوق أنا العبره خانقتني انحشرت في حلقي عيت لا تطلع و هو ببروده القاتل يناولني منديل عارفه انه يتشمت بس مناديله أرميها من الشباك قبل ما تلمس وجهي !!
وصلنا لسويت فخم جدا ......جو عمال الفندق يشيلون الشنط
دخلنا الغرفه و جلست عالأريكه لهالحظه مصدومه و مني مصدقه اني معاه في غرفه وحده
حطوا الشنط و راحوا قمت فصخت عباتي و جلست لقيته داخل و هو يبتسم لي
وجع يوجع العدو انت و هالوجه !
جلس جنبي و طالعني
طالعته و عيونه بالتحديد عليه عيون سبحان اللي خلقهم
لا طلع أحلى من عبدالله !!!
قرب مني حيييييييييييل
قلت بصرامه
أميره : لو سمحت لا تلمسني
كررت الكلمه و أنا أرتجف و أبعد عنه
أميرة : لا تلمسني
شدني بيدينه من رقبتي و ضغط علي بحقد
جواد : أخنقك !!!
طالعته بخوف و عيوني تدمع
ضغط علي أكثر ....تركني فجأه و هز راسي و زم شفايفه بحركه يعني متقرف !!
جواد : لاء ما أوصخ يدي بوحده مثلك
طالعته بعصبيه و قمت رحت للمرايه أمسح المكياج و هو طلع من الغرفه
مسحت المكياج و فكيت الإكسسوارات من شعري فصخت الفستان و دخلت للحمام أتسبح لبست بيجامه حرير ورديه و أنا أحسب عليه حتى بلوزه بعشره ريال ما يستاهل ألبسها عشانه !!الله يهديك يالجوهره مالقيتي الا هالملابس مب متخيله الوضع يع مع هالجواد
جلست عالسرير بقرف مدري كيف بعيش مع المحروس زوجي و ربي هو اللي قرف و أنا اللي متقرفه منه مب هو اللي متقرف مني !
دخل و هو يدف العربه حقت الأكل و يسكر الباب قلت بسخريه
أميره : ليه ما خليتهم يدفون لك العربه أحسن ما فخامة جنابك تدفها يالعريس ؟
طالعني بهدوء مصطنع و هو يجلس جنبي
جواد :اسمعي يا مس أميره أعتقد ان صوفي كانت تناديك كذا .... أنا انسان مزاجي
بس أحب ألتزم بالقوانين .....
قرب من وجهي أكثر و نظراته الحاده تخترقني ؟!!
جواد : بتمين مس أميره مثل ما انتي أنا في صوب و فخامتك في الصوب الثاني لا أنسئل وين رحت و من وين جيت و مع مين كنت !! راح تتمين زوجتي قدام الكل بس في حياتي انتي ذرة تراب على رمشي !!
.
.
.
.
.
.
حطمتني هالكلمه هزت القوة اللي في داخلي أصلا ما بقى لي قوه !!
قام من جنبي و راح يا كل جعله بالسم الهاري اللي يهريك !!
قمت بسرعه أحبس دموعي و أمنعها من النزول
رحت أشوف الأكل شلت قطعة خيار أكلتها و صبيت لي عصير و شربته رحت عالسرير تلحفت بالبطانيه و النوم بيني و بينه بعد الأرض عن الشمس غمضت عيوني أتذكر أبوي و كلام أحمد عنه و أمي يااااااااااااااااااه أمي و ربي قدرك عندي عالي بس ما عرفته الا اللحين ....
حسيت بيد دافيه على شعري التفت بسرعه و رجفه تسري في جسمي كله و قلت :
أميره : بنام في سرير واحد ؟!!
ابتسم و هو يولع السيجاره
جواد : يعني أنام عالأرض !!
أميره : لا تقرب مني بهالطريقه لو سمحت خلي بينا حواجز و لا تلمسني
صرخت بصوت عالي
أميره : لا تلمسني ..... تفهم !!
نفث الدخان في الهوا و قال ببرود
جواد : زوجك تراني مب فيصل و لااااااااااااا
سحب أنفاس بطيئه من السيجاره و كمل بخبث
جواد : عبدالله !!
قمت من جنبه و أنا أشيل البطانيه و المخده بعصبيه
مسك طرف البطانيه و قال
جواد : كيف بنام ؟
رميت له البطانيه بقرف و رحت أنام عالأريكه بالمخده
غمضت عيوني و الدموع تصرخ بحراره تبي تنزل على خدي بس أنا حابستها غصب عني
فتحت عيوني على صوته
جواد : ما قلتي لي يا أميره شخبار حبيب الألب فيصل أكيد تبكين عليه اللحين !!
قمت بعصبيه و رحت له و سطرته كف !!!
لحظه صمت ....
عصب بعدها و مسكني من يدي بقوه
و دفني عالسرير
أميره : أنا أشرف منك يا راعي البنات !
ما كملت الكلمه الا و كف خلى الدم ينزف من أنفي طالعته و أنا أتنهد بصعوبه
تحولت ملامحه بالكامل هدى لما شاف الدم على أنفي طفى سيجارته عالطفايه و قرب مني
و هو شايل المنديل يبي يمسح لي دمي
صديته عنه الصوب الثاني و قمت أبكي
قال بلهجه آمره
جواد : طالعيني .........بسرعه
طالعته غصب عني و أنا أزم على شفايفي ما أبيه يشوف دموعي لاء
مسح لي دمي بهدوء و أنا أتأمله
يااااااااااااه يا فيصل من اليوم اعتبرني أحبك ليتني ما ركبت راسي و رفضته ليتني وافقت عليه كان أنا اللحين عندي عيل منه و عايشه في النعيم !!
بعدت عنه و رحت عالأريكه و نمت
________________________
صحيت من النوم بتعب على ريحة سيجارته المزعجه أوف قرفتني في حياتي !!
جواد : بسرعه مافي وقت بنمشي ؟
رحت للحمام و صفقت الباب بقوه في وجهه سمعت صوته و هو يرد بعصبيه
جواد : في وجهك ؟
ضحكت في داخلي على رده اللي يدل على اني نرفزته غسلت وجهي و توضيت فرشت أسناني و طلعت ما لقيته
رحت للشنطه طلعت بلوزه نعومه حرير و بنطلون أسود لبستهم بسرعه و قمت أصلي حسيت بدخوله و جلوسه عالسرير
جواد : يالله خلصينا لا تسويلي تقيه و تخاف الله وحده مثلك حتى صلاه المفروض ما تكون تعرف !
سلمت و طالعته و قلت بنفس بروده
أميره : واحد مثلك غير البنات المفروض ما يعرف !!
عصبببببببب و اشتط حيييييييييييييل !!!
قمت ببرود طويت شرشفي و حطيته هو والسجاده في الشنطه
جواد : في حياتي ما شفت بنت مثلك
قلت بدلع أبي أقهره
أميره : لأني أندرهن
قال ببرود قاتل
جواد : لأنك أخسهن و أنذلهن و أحقرهن يالأفعى
طالعني و راح يشيل الشنط
أنا في هاللحظات بكيت و أنا أتذكر كلام شيخه ...
( قال انه يحبك و دمر لك المرسم عشان قلبك مشغول بغيره )
يحبني يا ويل قلبي في أحد يحب بهالشكل بهالفظاعه !!
بروووووووووووووووده يقتلني
ليتني بس أرد للغرفه اللي كنت فيها أبرك أموت ببطئ مع الفيران و ريحة جيفهم المتعفنه أحسن لي !
دمعة عيني ساخنه على خدي و أنا أطالع للباب الا هو بوجهي أول ما شافني هجم علي مثل المسعور ... و ضربني على وجهي و شدني من شعري
جواد : تبكين عشانه يا بنت مساعد !!
قمت أصرخ و أبكي
أميره : حرام عليك حرام ليه
تنهد و هو يطالعني بحده و يتركني و يقفيني
قال بغلظه
جواد : قومي البسي عباتك خلصينا بنمشي ؟!
قمت لبست عباتي كسيره أسيره
و مشيت وراه التفت لي
جواد : وجهك غطيه ما عندي طلوع بدون غطى مثل ما تعودتي عند أهلك
لبست نقابي و أنا أطالعه
ضغط عالسيجاره بشفايفه و قام يضيق لي فتحت النقاب
قال بحده :
جواد : واسع !
مشيت و راه و ركبنا السياره
و الصمت بينا ما حكوا عنه حتى في الأفلام الهنديه !!
أشهق بين لحظه و الثانيه و أبكي و هو يناولني كرتون المناديل ببرود
وصلنا المطار جلست بالإستراحه و هو راح يشحن الشنط
رن جوالي بنغمته المميزه (أنا صاحي لهم و عيني عنهم مش غفلا )
أميره : هلا بالغاليه
الجوهره : يا هلا فيك صباحيه مباركه يا عروسه
صباحيه من أولها ضرب و خناقه مع واحد حقير مثله !!!
أميره : الله يسلمك
الجوهره : إن شا الله مبسوطه
قلت و أنا أغمض عيوني بصعوبه يده على راسي كانت مثل المطرقه عورني
حسبي الله عليه
أميره : أكيد مبسوطه و عايشه في النعيم
الجوهره : وينك اللحين ؟
أميره : بالمطار يا روحي
سلمنا على بعض و سكرنا طالعت لشاشة الجوال بحزن
و فجأه انخطف الجوال من يدي طالعته بصدمه !!
سكت لأنه المكان مليان ناس و لا رديت
قالي بصوت هامس مثل الثلج
أميره : نادوا رحلتنا يا جولييت
طالعته بحده !!
و مشيت و راه ركبنا الطياره و جلسنا بعد ما ورتنا المضيفه أماكنا بالدرجه الأولى
جلست عند الشباك مكاني المفضل دائما و هو جلس جنبي من الجهه الثانيه ....
طالعت للشباك و أنا أشوف جناح الطياره و بعيد خلف الأفق الشمس تعلن عن مغيبها كان ودي أودع ناديه اللي حتى ما حضرت زواجي كان ودي أشوف صوفي آآآآآآآآآآآآآآه
شهقت غصب عني و أنا أتذكر الغرفه اللي كنت فيها قبل كم يوم !
سمعت صوت المضيف ...
المضيف : لو سمحت ممنوع التدخين
التفت أطالع زوجي المصون و هو يطفي السيجاره و يبتسم للمضيف
عسى هالشفايف تنحرق !
رديت أطالع للشباك بحزن و أتذكر
أميره : ليه يا يبه تقول كذا ؟
مساعد : لأن الحياه تعلمنا الكثير ممكن نغلط يا بنيتي بس لازم يجي يوم نتحمل نتيجه غلطنا ( انتظر نتيجه كل سيئه تعملهااا و لو بعد حين )
و انت يا بو أميره غلطت علينا كثير حتى بدون ما تقصد !
راقبت الشمس و هي تغيب بحزن قمت أقرى أذكار المساء بهدوء و أمسح على نفسي
عودتني هالأمور المهمه الممرضه الفلبينيه الله يجزاها خير و هي تذكرني لين تعودت عليها !
شفت ان ما في أحد في هالدرجه غيرنا !!
فصخت نقابي و قمت أطالعه كان يقرى الجريده بهدوء كان ودي أغير مكاني أحس لو اني جلست أكثر من كذا جنبه بأذبح نفسي !!
أعلنت الطياره عن اقلاعها و بدى التنبيه بربط الأحزمه أكره الطياره لما تقلع أحس بألم في قلبي و أتوتر !
كنا لما نسافر أنا و رنا نمسك أيدي بعض و نضحك
رنا : غمضي عيونك و تنفسي بعمق و تخيلي الشي اللي تحبينه ؟؟
أميره : أممممممم شي أحبه !
غمضت عيوني و قلت :
أميره : أحب الورد الأحمر معطر بقطرات الندى العذبه
أحب أكون في الريف أجري و أروح و ألعب بحريه و بدون قيود
أحب ألعب مع رنا كيرم و أهزمها و أضرب الحبه البيضا بقوه و تصقع في جبهتها !!
ابتسمت و أنا أفتح عيوني و قلت :
أتمنى اني أحب و أشتاق و تستمر الحياه
رديت للواقع و أنا أطالع لجواد اللي يده في يدي لا لا يدي في يده عيني ما تكذبني !!
جواد : خير يا مدام في شي ؟؟
تنهدت لواقعي المر و قلت
أميره : لاء
سحبت يدي من يده بسرعه
الحمد لله استقرت الطياره بأمان في الجو
فكيت الحزام و قمت أتأمل الشباك اللي صار أسود من الظلام
شفت فنجان قهوه ينمد لي
المضيفه : تفضلي مدام
ابتسمت لها و قلت
أميره : مشكوره يا قلبي
صبت لجواد اللي شرب القهوه و عطاها الفنجان
المضيفه : انتي حلوي كتير مدام
ابتسمت بخجل على بال ما ألقى كلمه أرد فيها عليها راحت !!
طالعني جواد ببرود و رد يقرى الجريده
فتحت شنطتي على أي شي يسليني فيها لقيت روايه اسمها ( أتمنى )
عليها تكت فسفوري مكتوب عليه (( بتملين مع انسان سخيف و ثقيل دم أنا أخته و أعرفه اقري هالروايه و اقطعي الوقت مع قطعة الثلج اللي جنبك .. تحياتي سلطانه ))
غصب عني ضحكت التفت يطالعني
جواد : في شي .....!؟؟
فتحت الروايه بسرعه خفت يشوف رسالة أخته يسوي سالفه
رد يطالع جريدته !!
وخرت التكت بسرعه عن الروايه و أنا أضحك في داخلي
مرت ساعه و نص و أنا أقرى الروايه حسيت بثقل على كتفي حطيت الروايه في حضني و طالعته نام جواد و مال راسه على كتفي طلبت مخده من المضيفه ميلت الكرسي و جابت لي غطى قطني ...
عدلته و غطيته و رديت للروايه بس للحظه قررت اني أتأمله !!
يااااااااااااه وجه غصب يشدك ليته نايم على طول لأنه هالجمال يقلب لسخط لو صحى من النوم رفعت يدي أبي أوخر شعره عن جبهته ترددت
تذكرته و هو يضربني و يسبني بأفظع الكلمات رديت مسكت روايتي و قمت أقراها بعد نص ساعه حسيت بعيوني تنعس و جفوني تعلن إستسلامها لقوة النوم اللي ازدادت مع برودة المكيف
في الأخير نمت !
_____________________

صحيت على صوت جواد و هو يقول بدفاشه
جواد : هبطت الطياره وصلنا !
قمت بكسل و أنا أشوفه يقوم لبست نظاراتي الشمسيه و قمت نزلت من الطياره و لا كأني زوجته خفت من الأشكال الجديده اللي قمت أشوفها و رحت له
طالعني بحده
أميره : أعتقد اننا في بلد غريب على ما أعتقد فأتوقع اني بجيب لك شبهه و أنا متغطيه بالنقاب !!
طالعني بعصبيه هو قاتلها غصبن عنه صعب يضربني قدام الخلايق !
خلصنا اجراءاتنا و أنا ما أدري حتى حنا وين ؟؟
شفت أشكال الناس بالمطار و تأملت المطار نفسه فعرفت اننا بماليزيا مره جيناها أنا و أمي و رنا و أمير راااااااااااااائعه بكل المواصفات !!
ركبنا تكسي بعد ما حملنا الشنط و مشت السياره بالشوارع اللي مليانه بالناس من كل الأشكال و الألوان الجو ممطر يجنن و المقاهي اللي تناثرت كراسيها و طاولاتها بإعياء على أرصفة الشوارع و هذا التمثال الجميل يطالع الورد اللي حوله بغرور و يبتسم
شدتني المناظر الإبداعيه و حنا بالطريق لين وصلنا لـ الشقه الفخمه اللي عالبحر نزلت من السياره بعد أمر من زوجي جواد مالت عليه !
أول ما دخلنا البيت مسكني من ذراعي و شدني بقوه قربه
و رماني عالكرسي في الصاله بإهمال !!
خفت منه و هو يولع السيجاره و يطالعني بعصبيه
جواد : هنا بنعيش
طالعته بإستغراب
أميره : نعم !!
جواد : مثل ما سمعتي
و باقي الدهشه مجننتني
أميره : توقعته شهر عسل و .........
قاطعني بحده و قال :
جواد : أنا ما أعترف بشهر عسل و الخرابيط هذي ........ هذي لك انتي و حبيبك ؟
طلع من البيت بسرعه و صفق الباب وراه سمعت صوت المفتاح يدور مرتين عالباب بعدين ينسحب بهدوء !!!
لسانه مثل السم بس أنا لساني مثل السيف ان ما وريتك يا جواد !!طيب
رديت لحزني كل شي ضاع أحلامي مشاريعي ذكرياتي كله راح يضيع هنا في ماليزيا !!
قمت أدور على جوالي يمكن يكون تركه هنا و لا طاح منه و هو ما يدري ؟؟

بس للأسف ما لقيته قمت أطالع البيت اللي مصمم تصميم أمريكي كل شي فيه عشوائي يعني لا تستغربون لو لقيتوا درج بدون سور أو شوكه داخل كوب أو التلفزيون على عامود ملوي بشكل أفعى كل شي متوقع في هالبيت!!
مشيت و أنا أتفرج عالبيت شكله منظف قريب !
رحت لغرفة النوم أشوفها و كيف انرمت الشنط فيها بعفاشه !!
سرير مزدوج و تلفزيون كبير و تسريحه عصريه جدا حمام انيق مرتب و غرفة ملابس
كبيره دواليبها و أدراجها كثيره بشكل مذهل !
قمت أرتب الملابس بعد ما فصخت عباتي ملابس تجنن بصراحه على ذوق الجوهره و البنات شي رايق كل الألوان اللي ممكن تكون رتبت كل الشنط و رتبت بعد الجزم في الدولاب و رصيت الشنط الفاضيه في الدولاب الكبير و قمت أتأمل الشنط الباقيه اللي أكيد تبع الزوج المصون من الجلد البني الفاخر القاسي حتى شنطه قاسيه مثله !!
كنت تعبانه و أحس اني أبي أقرب سرير يلمني بس ضغطت على نفسي و قمت أرتب له ملابسه في الدولاب اللي في غرفة النوم نفسها
آآآآآآآآآآآآآه تعبت دخلت الحمام خذت لي شور لبست بيجاما نعومه بدون أكمام
قمت أدهن جسمي بالمرطب صليت و ارتميت في أحضان السرير الأبيض الناعم
و نمت !

البارت الثامن و العشرين



الساعه :08:30 مساءا
_____________
قمت من النوم أتمغط يااااااااااه قديش النومه على هالسرير مريحه اصطدمت يدي بخفه
بكتله مشتعله بالحراره التفت لقيت جواد جنبي رفعت يدي عنه بقرف و نفضتها
و نفضت البطانيه بسرعه و قمت ...
جاني صوته العذب الساخر و أنا أروح للحمام
جواد : مقرف لهالدرجه !!
التفت طالعته بإحتقار مالي خلق أرد على واحد وصخ مثله
رديت في طريقي للحمام
فاجأني بحركه سريعه و شدني من يدي
أميره : اتركني يا سافل أبعد عني وش تبي بعد ؟؟؟
كنت أحاول أبعده عني فجأه وقفت و أنا أطالعه
شكله مب طبيعي أبدا !
جواد : كذا انتوا يالحريم مالكم أمان
طالعت للخيط الأحمر اللي ينساب من بين خصلات شعره بنعومه و ينزل على جبينه و يمر على أنفه الحاد !
غمضت عيوني و الصور تمر في راسي بسرعه كرهت الدم و كرهت ريحة الدم تذكرت أصاله و كيف تصفى دمها على جسمي بحراره يعلن عن طلوع روحها ؟
فتحت عيني أطالعه مرتجفه لقيته يتأمل كل حركاتي
بعدت يده عني و أنا أأشر على جبينه
أميره : امسح الدم اللي على جبهتك
دخلت الحمام توضيت و غسلت وجهي طلعت ما لقيته
لبست بلوزه ليمونيه حرير ناعمه بدون أكمام و تنوره زيتي تحت الركبه بشوي
صليت و قمت أحط كحل و أرتب حواجبي ختمتها بغلوس سكري ناعم
قمت أمشط شعري و أسأل صورتي ....... انتي قاسيه !
حطيت المشط عالطاوله بملل و قمت
طلعت لقيته متمدد بالصاله بدون فنيله و يتفرج للتلفزيون
جسمه رياضي !
ما توقعته أبدا كذا توقعته جسم متهالك يبان من ورى البلايز انه جسم قوي لرجال عريض و طويل بعد !
تأملت جسمه و أنا أتذكر تدريباتنا أنا و عبدالهادي بالصاله الرياضيه يااااااااااااه
ابتسمت للذكرى بخجل مب لهالحقير اللي مقابلني !!
قال بسخريه لاذعه و قويه خلت خدودي تحمر :
جواد : وشو .....عاجبك !
انتبهت و قلت
أميره : وشو ؟
جواد : مدري عنك !
قالها و هو يدخن السيجاره و يبتسم بتريقه
مريت من الجهه اللي هو جالس فيها لأنها تودي عالمطبخ اللي مفتوح عالصاله
هزيت راسي أبي أقولها له بنفس سخريته
بس استوقفني مشهد ....... ذراعه مجروحه بشكل غاير و مخيف بس باين عليه جرح قديم !!
دخلت المطبخ بصمت .... أكيد جا بيعتدي على وحده من البنات قامت جرحته !!
ابتسمت في داخلي و أنا أطرد هالتخيل من بالي !!
طلعت العصير و قمت أشرب اللحين مافي شغاله بصراحه صعبه و أنا انسانه متعوده عالدلع و الخدمه بنت آل............. ما تشتغل صحيح أعرف مقطتفات من شغل البيت بس !
مسكت يديني الناعمات أوووووووف مب متخيلتها خشنه من الشغل أو يجرحها أي شي !
بس شكله هالإنسان مب ناوي يجيب لي أي شغاله بالبقاحه اللي يعاملني فيها شكاك و يتهمني في أخلاقي الأخ ... و الله مجنون عمري ما أكون مثل أفكاره الواطيه !
قطعني من عالمي بدفاشته و هو يدخل المطبخ
جواد : صبي لي كاس مويه
صبيت له المويه و عطيته و أنا أطالعه ببرود
قرب الكاس من فمه بعدين تغيرت ملامح وجهه بقسوة فجأه رمى الكاس بقوه عالأرض
و طبعا تفتت الكاس لقطع صامته !
مسكينه هالكاسه صحيح جماد بس حتى الجماد مكتوب له الفناء !
قال لي بوحشيه
جواد: نسيت انك نجسه و مقرفه و وصخه يا ............
طالعته مستغربه منه و هو يطلع من المطبخ و دموعي تنتظر اذني
أميره : ليه متخيلني بهالتصوير ليه وش سويت لك في حياتك عشان تعاملني بهالأسلوب
ليه تزوجتني من الأساس مع انك كارهني ليه يا جواد !!
جواد : بس اسكتي اسمي أشرف من ان وحده مثلك تنطقه
قرب مني و هو يمسك شعري بقرف ...
جواد : لا تفكرين انك راح تغريني بهالجمال أو الشعر الحرير لاااااااااء وحده مثلك مكانها جهنم حتى هالجمال كثير عليك يالأفعى !
دفني بقوه فطحت بكل ثقلي عالقزاز اللي متناثر عالأرض بسبب رميه للكاسه
مشى من جنبي بسرعه و راح لغرفة النوم

قمت متألمه في يدي بس الحمد لله ما طحت على قزاز كثير قمت بتثاقل و أنا أمسح
الدم من يدي و أبعد القزاز عنها و أتذكر كلام شيخه ( يحبك )
صرخت بكل ما فيني (( هو بعيد عنه يا شيخه بعيد عنه )) قمت أبكي و أمسح الدم
عن يدي لفيت اليد اليسار بالشاش لأنها تأثرت أكثر و اليمين حطيت لها لصقة جروح
و قمت أدور عالمكنسه عشان أشيل القزاز .......
شوي شوي تحول من تنظيف الأرض لترتيب البيت ككل و تنظيفه ياااااااااااه قال عروسه
لو اللحين فيصل متزوجني كان ما عشت هالعيشه السودا عروسه قولوا عني أي شي ثاني غير هالمصطلح ......عروسه !!!
منتهى التحطيم للعرايس اذا كان مصيرهم بيصير مثل مصيري !
تذكرت الجرح اللي بذراعه و ربي حزنت عليه و شكله المتغير و هو يطالعني أوف !
ليه يحزني و هو ما حزن علي ليه ... ليه ما حزن علي و وهو يدفني بهالشناعه !!
رديت أمسح أرض البلكون بهدوء يااااااااااااه الجو منعش
وقفت أطالع الناس من ورى السورالأنوار منتشره في المكان مسويه كتله متقده من الجمر و الهوا يهف شعري و وجهي بنعومه !!
حنيت لدبي و لغرفتي اللي صارت رماد و لبلكونتي العزيزه اللي دوم تفرج عني و أنا أطالع للحديقه و للبحر من وراها .........
نظفتها بهدوء و دخلت للصاله لقيته بوجهي
جواد : وش كنتي تصلحين في البلكونه هاااااااا ......
قلت ببراءه
أميره : أنظفها مب شايف سطل المويه و الممسحه في يدي
دفني بعنف و دخل للبلكون و قام يطل فيها
طلع و قام يصرخ في وجهي
جواد : ياويلك تطبين هالبلكون مره ثانيه و لا ما بيصير لك خير
تنهدت بهدوء و رحت للمطبخ
جلس بالصاله و هو يولع سيجاره بحده
جواد : سوي عشا بسرعه
طالعته بنرفزه ..... قام و جا لي مسكني من ذراعي و شدني بقوه
جواد : مب عاجبك الكلام !!
صديت عنه الصوب الثاني ما أبيه يشوف دموعي دموعي اللي غدرتني و نزلت اذا الدمعه يحاسبني عليها و يقول اني أبكيها عشان فيصل !
ترك ذراعي و رفع راسي تجاهه و هو يبعد شعري عن وجهي
وخرت يده عني و قلت و أنا أصد عنه
أميره : بسوي لك العشا
صلحت العشا اللي كان عباره عن دجاج صيني تعلمته من ماري لما كنت أحيانا أطفش و أجلس معاها أشوف كيف تسوي طبخها اللذيذ .....
و سويت معاه سلطه ....... غريبه الثلاجه مليانه و لا من جيت كانت مفضيه !
حطيت له الأكل
قام ياكل و هو ساكت زين ما علق عليه هو بعد !!

بعد العشا !!
أميره : ممكن تعطيني جوالي !
ابتسم بسخريه و هو يدخن
جواد : عشان تستنجدين في حبيب القلب .... جوالك صار بالبحر يا بنت مساعد
بس خلاص وصلت حدي عصبني حيل ......... رحت له و قمت أضربه
أميره : بس يا حقير كفايه اتهامات بشعه كفايه تجريح خلااااااااااااااااااااص
مسك يدي بقوه و أنا أحاول أفلت منه
أميره : ابعد عني ابعد يكفيني عذاب آآآآآآآآآآآآآه
شدني من يدي بقوه و شالني على كتفه
قمت أضرب ظهره بقوه و أمخشه
أميره : نزلني نزلني آآآآآآآآآه
وصلني غرفة النوم و رماني عالسرير
جواد : أشوف هالوجه بس يطل من الباب !
سكر الباب بعنف و قفله بالمفتاح
انهرت على السرير أبكي بألم لين ما حسيت بنفسي
________________
الساعه : 07:30 صباحا
قمت بكسل شكلي عالسرير تحفه مدري كيف نايمه و البطانيه مرميه عالأرض وضعي يفجع !!
قمت و أنا أبعد شعري اللي نكش على راسي و صار مريع !
رحت للحمام بتعب تسبحت مدري كم دقيقه و توضيت طلعت لبست فستان قصير نعوم
و صليت ...... قريت أذكاري و رحت للشباك اللي كان كبير و يطل عالبحر فتحته و الهوا يهفني !!
قمت أراقب طيور النورس بمرح و هي تصطاد السمك
ياه حلو هالنوع من الطير ....
شفت واحد منهم يصطاد سمكه بس ردت طاحت في المويه صفقت بمرح
أميره : حاول تصطادها مره ثانيه ههههههه
كنت أراقبهم و على بالي أشجعهم و هو يصطادون الأسماك
تنهدت بحزن
ليتني طير من هالطيور أسرح بعيد حيل بعيد عن الألم عالأقل ....
و ألتقي في طير من جنسي و نعيش حياتنا بهنا و نبني عشنا فوق عامود أي قارب أو سفينه
و نعيش في قمة السعاده .......
طلعت من الغرفه اللي ما توقعت ان بابها مفتوح لأني سمعته أمس يقفله بالمفتاح !!
طلعت للصاله مالقيته رحت للمجلس لقيته متلحف ببطانيه و نايم قربت منه بتردد ليه أنا أساسا أدور عليه ليه أعذب نفسي عالفاضي !
واحد مثل هذا ما يستاهل عطف أو شفقه !
قلت لعقلي أمس كان مريض و تعبان ... وش دخلني فيه رديت أبي أروح للمطبخ بس و ربي شي يقولي شوفيه يمكن يبي شي أخيرا حزمت أمري و قررت اني أشوفه !
رحت و قربت منه شفته يتنفس بألم قربت منه و جلست قباله عالأرض أشوفه
فتح عيونه بصعوبه و رد غمضهم ثاني ....
لمست جبهته اللي كانت مولعه مثل " بركان ثاير " !
بسرعه رحت عالمطبخ جبت قطعة قماش و زبديه كبيره فيها مويه و ثلج
بعدت البطانيه عنه و حطيت قطعة القماش البارده على راسه أرد أغيرها
بعد ما تسخن على جبهته أحطها بالمويه من جديد قمت جبت ليمون فركت له رجوله و يدينه و صدره
قلت بتشفي مع اني حزينه عليه .... خلك في هالجو تلبس لي شورت بس يا فالح !!
سمعت الأنه اللي طلعت من بين شفايفه بألم !!
فركت له رجوله و يده بالليمون مره ثانيه و جلست ساعتين و أنا أراقب حالته و أبدل في المويه و أرد أحط ثلج و النتيجه الحمد لله اني قدرت أنزل حرارته اللي كانت مرتفعه كأنه كان متسبح في بركان !!
فجأه تهت بأفكاري بعيد و أنا أتأمل وجهه ...
طرت أفكاري و أنا ابتسم بخجل !
شفت حالته استقرت رحت أصلح له شربه دافيه تقويه !!
قطعت الخضار و الفطر و حطيت قطعة الماجي بملل بعد ما كشنت البصل
قمت أحرك الملعقه الخشب في قدري و أنا ساهيه ؟؟!!
ياااااااااااه يا رنا و ربي واحشاااااااااااااااني موت ليتنا متنا مع بعض !
ههههههههه ضحكت عالكلمه الأخيره ( متنا مع بعض )
أتذكر المخيم اللي رحناه في هاواي كان رائع و كان يعلم الإعتماد عالنفس كنت أنا و رنا نصلح شربة الكاري بمزاج !!!
أتذكر رنا و هي تقول للأطفال
رنا : يا الله يا كشافه يا مبتدئين على خيامكم بسرعه !!
قالتها بتعب و تريقه و قامت تصفق بقوه
قمت أضحك على شكلها و هي تقولها
رنا : أطفال مملين ... مس رنا فلان ضربني و قامت تقلد الأطفال و أنا أضحك عليها
و اللي يفجع يا أميره جتني ميسون تقولي (( مس رنا محمد كان يبي يغرقني في البحر عشان لعبت مع ماجد ))
رديت لقدر الشوربه و أنا أضحك بمرح و أتذكر أغنيتنا اللي نغنيها في كل المناسبات
لين الأغنيه ملت منا هههههههه
أميره : هذي الحياااه مااا تكتمل الا بزعل
و هذي الحياااه مااا تبتدي الا بأمل
و دوم الحياااه تختبر منهو الصبـــــــــور
و نكتشف إن الأماااني بحر تملاااه البحور
مدري راح أقدر أصبر و لا بأنهار و أتعذب
حسيت بنظرات تتأملني و أنا أقلب الشوربه
التفت اطالعه بسرعه
أميره : شخبارك اللحين ؟
ابتسم لي ببرود و هو يدخن
جواد : الحمد لله
قلت و أنا أطالع لقدري و هو يحوس في الثلاجه و يطلع بور هاوس
أميره : لازم تلبس جكت أو فنيله ثقيله لأن الجو بارد شوي عليك !!
ما رد علي و راح يجلس بالصاله و هو يفتح علبه العصير
جهزت الشوربه و خلصتها غرفتها في صحن و حطيتها على صينيه و وديتها له
حطيتها قدامه بتردد و هو يطالع التلفزيون
طالعني بحده
جواد : شيليه ما أبيه ؟!
فعلا سو خير و ارميه البحر مع ان ريحة الشوربه تشهي و مغريه للأكل لكن عارفه اني طيبه و طيبتي هذي مدعوس عليها بجزمه عند هالإنسان الجامد !
قمت أشيل الصينيه
جواد : وش هذا اللي بيدك ؟؟
كانت علامه بارزه في يدي من أيام القزاز اللي حطمته في غرفتي
طالعته عادي و جيت بأكمل رفعت الصينيه .... مسكها بحركه مفاجأه و سحبني بطريقه غريبه و جلسني جنبه ....
حط سيجارته بالطفايه و طالعني !!
و هو يمسك يديني و يفك الشاش و يشيل اللصق بعنايه من عليها
ابتسمت و انا ناسيه نفسي و قلت :
أميره : طيش و عصبيه زايده فرغتها في مراية تسريحتي لمدة ثلاث أيام
نزلت راسي و طالعت الشوربه
أميره : أيام رائعه و بشعه !
رفع راسي بيده و هو يبعد شعري عن وجهي
قال ببروده اللي يذبحني
جواد : شعرك هذا ارفعيه ما أحب أشوفه كذا ؟
رفع يديني و شمها بطريقه أدهشتني و باسها و رد يديني في حضني
هالحركه شلت تفكيري شكله عنده انفصام في الشخصيه ابتسمت بإرتباك و أنا أطالعه
قام من جنبي و هو يرفع السيجاره لشفايفه
جواد : قومي اكوي لي البنطلون بتلقينه عالسرير
اختفى من قدامي ورى باب غرفة النوم و ريحة سيجارته تخلف وراه ألم في المكان !!
و أنا باقي في دهشتي من حركته
قديش فقعلي مرارتي هالإنسان !!
رحت أكوي له البنطلون هو دخل الحمام ياخذ شور و أنا التهيت بالكوي
طلع من الحمام و هو لابس روب حمام طويل و شكله يجنن !!
شعره كان روعه و هو مبلول طويل و يغطي رقبته الطويله سبسوكه محدده بإدقان على هالوجه .... المليح تميت أتأمله خلسه بخجل و هو ينشف شعره بالمنشفه !
يحق للبنات يتعذبن لا شافن واحد مثله معذب البنات ..... راعي البنات الوسيم الكلمه الأخيره قلتها في نفسي بسخريه ...
ابتسمت و أنا أخبي هالتخيل في داخلي بصمت
جواد : وش فيك ؟
أميره : أعتقد ما يهمك أمري مب هذا كلامك
قال بسخريه
جواد : مب زوجتي !!
قلت بنفس سخريته
أميره : قدام الناس يا حبيبي
انتبهت لآخر كلمه قلتها ( سقطت سهوا )
حبته العله ان شا الله وجع
جواد : نعم ؟!!!
قلت ببرود و أنا أكوي البنطلون
أميره : سقطت سهوا
جاني بعنف و سحب البنطلون من يدي و شال القميص من عالسرير و دخل لغرفة الملابس
حركات مدروسه و محفوظه أدوارها بدقه !
تمددت عالسرير ...
و أنا أطالع للسقف غمضت عيوني ببطء و أنا أتذكر آخر مره جينا فيها لماليزيا
ركبنا دباب البحر رنا تسوقه و أنا متمسكه فيها بخوف مره تسرع تبي تروعني و مره
تخفف السرعه لما تشوف دموعي هبلت بي ذاك اليوم !!
رنا : يالخوافه هههههه
أميره : من الرقه و الأنوثه اني ما أعرف في هالأشياء مب مثلك دفشه يا أندر تيكر
ما راح أستغرب لو في يوم لقيتك طياره !!
رنا : و تردين بعد ........ طيب أنا أوريك
زادت السرعه و أنا أترجاها تخففها
فتحت عيوني على قوة ريحة العطر اللي خلتني أعطس
جواد : عايشه أحلامك مع فيصل !!
طالعته بقرف وش هالكلام أنا عمري ما حبيت فيصل هذا ؟؟
أميره : وش هالكلام السخيف اللي تقوله ؟؟
جواد : مدري عنك ؟؟
قمت و قلت بقرف
أميره : قول كلام نفهمه الله يخليك
رفع العطر اللي كان يتعطر فيه و قال بعصبيه
جواد : هذا مب العطر اللي كان يتعطر فيه ؟؟ هذا أنا اللي أعطيته اياه لأنه عطري !!
طالعته فتحت فمي و الله البزر ما يقول هالكلام السخيف أنا عمري ما شميت ريحة العطر هذي و بعدين و لا عمري اهتميت في هالأمور !!
قلت بتريقه
أميره : ليه حسيت بالنقص و شريت نفس العطر ههههههههه متخلف فعلا!!!
هزيت راسي بسخريه لاذعه
بس .........ليتني يا ناس ما قلتها !!
جا بسرعه و عطاني كف و ضربني على راسي و رماني بطريقه فظيعه عالأرض !!
جواد : يا حقيره و باقي تردين عمري ما حسيت بالنقص من واحد مثل السافل فيصل يااااااااا بنت مساعد
قال الكلمه الأخيره كأنه متقزز !
لهالدرجه ما يحبون أبوي وش صلح لهم عشان يعايروني دايم يا بنت مساعد يا بنت مساعد !!
رفعت شعري عن وجهي و هو يطلع من الغرفه و يتركني
أميره : أبوي أشرف منك يالـ .........
سكر الباب و ختمه بصوت المفتاح اللي تعلمت انه لازم يدور مرتين عشان يتأكد حضرة جنابه من حبسي !!
______________
مرت أيامي معاه بهالشكل طول الوقت هو برى البيت يحبسني و يطلع أيامنا بين ضرب و صراخ و اتهامات جارحه و ربي لو كافر ما اتهم زوجته بهالشكل ما أطلع من البيت بتاتا و البلكون ما أطبها على قولته حتى الشباك الكبير اللي بغرفة النوم كان بيسوي لي عليه سالفه بس لما تأكد الأخ انه يطل بس عالبحر سكت عالموضوع !!

ياه هذي هي التسليه الوحيده اللي كنت ألقاها في هالبيت مراقبة طيور النورس كل صباح
و لااا بعد كذا ما أعتقد في تسليه غير التلفزيون و كوب نسكافيه يقسم الراس نصين !
كل واحد في مكان هو بالمجلس و أنا بغرفة النوم و أحيانا لما أنام في الصاله أصحى ألقى نفسي متغطيه ببطانيه و هو نايم في غرفة النوم و أحيانا ألقاه جنبي نايم في غرفة النوم انسان غريب !!
_____________
الساعه : 11:00 صباحا
سمعت الجرس يضرب بعد ما طلع جواد من البيت هالمره ما سكر الباب بالمفتاح
خفت أرد و خفت يكون شي مهم مع ان الجرس تم يرن بإلحاح أكثر
فتحت الباب
قابلني وجه وحده شكلها عربي لابسه ملابس ساعي البريد و حاطه على راسها قبعه
بس قلت في نفسي يمكن تكون ماليزيه و أمها عربيه أو العكس
ابتسمت بمرح
....... : مدام أميره !
أميره : yes
.......... : ?any relatives or friends in malaysia
استغربت سؤالها و أنا أطالع الشارع بخوف لا يشوفني جواد
أميره : just my husband
........ : ok where is mster
كملت بعباره عربيه و ربي فجعتني و هي تغير ملامحها و تقول
........: جواد آل .......
قلت و أنا مستغربه
أميره : ليه في شي !
ناولتني شنطه كبيره
........ : مرسل من دبي الى أميره مساعد آل ....
دفت لي الملف عشان أوقع الإستلام بدفاشه وقعت بسرعه فقفلت ملفها و راحت
دخلت البيت و أنا أفكر
يمكن تكون وحده من خوياته بس تركها و هي زعلت تبي تنتقم .....!!
ضحكت بصوت عالي على هالتخيل و أنا أفتح الشنطه
أول ما فتحتها واااااااااااااااو
وحده من لوحاتي متبروزه بشكل مرتب
و من ورى مكتوب عليها "من ابداعاتي "يااااااااااااه خطي من زمان ما شفته
قمت أضحك .......
طاحت ورقه و أنا أشيل اللوحه اللي بعدها
فتحتها !!
((((( و بعد السلام و التحيه
أدري انك متعذبه في حياتك مع انسان شكاك الله يهديه يلفه الغموض من كل جهاته
حبيتك تطلعين من عالمك و تردين للرسم و نشوف ابداعاتك
حطيت لك بعد كم روايه و كم فيلم في الشنطه تتسلين فيهم
على فكره رديت أفكر أرد لمشاري هي مجرد فكره عابره !!
ملاحظه هامه ( أعطي لجواد الفرصه و لا تسمعين أي كلام ينقال عنه حكمي عقلك و احكمي )
بزورك قريب ان شا الله
بتلاقين مفاجأه تحبس الأنفاس ؟!!
سلطانه )))))
ياااااااااااااااااه يا سلطانه و ربي مشتاقه لك حيل و ربي سألت عني فديتها طويت الرساله و حطيتها في حضني و قمت أشوف الأغراض روايات و أفلام هنديه وش بعد ( كنفا و خيش و قماش ) للرسم و فرش و ألوان زيتيه أقلام فحم و أوراق !و في الأخير ثلاث ألبومات للصور
ما اهتميت أفتحها لأني خفت يجي في أي لحظه سي السيد !!( و في الأخير اكتشفت انها المفاجأه اللي تحبس الأنفاس على قولها )
سي السيد ..
مدري ليه تخيلته كذا الرجال الحمش اللي يضرب زوجاته و يتفنن في تعذيبهم و هو يبرم أطراف شنباته الكبيره اللي مرفوعه بشموخ شيطاني رغم ان عمر الشياطين ما كان عندهم شموخ !!
قمت بسرعه لميت الشنطه و شلتها للغرفه و حطيتها في غرفة الملابس !!
ما تدرون قديش انبسطت بهدية سلطانه ياااااااااااه الحمد لله باقي في أحد يسأل عني !
رحت للمطبخ أطبخ الغدا اللي أكيد بيلاقي النقد و الأسطوانه المشروخه اللي كل يوم أسمعها !!
سويت برياني أخذت طريقته من كتاب الطبخ اللي بالمطبخ يااااااااااه ريحته ايش !!خليت الرز يستوي و رحت أتسبح من ريحة الطبخ لبست لي بنطلون جينز كحلي ضيق و بلوزه جبنيز لونها أبيض .... استشورت شعري و حطيت ربطه بيضا ختمتها بمكياج جدا خفيف مع رشة من عطر التوت البري
و الله ما أكشخ له أكشخ لنفسي !
تذكرته يوم قالي مره :
جواد : أفضلك تلبسين دراعه أو قميص بيت عادي
نفخ دخان سيجارته بلا مبالاه و قال
جواد : حتى لو مالبستي إلا هاللي تلبسينه بتمين كذا في نظري بشعه !!!
يا ربي لما أتذكر نظراته أتنرفز زياده و أعصابي تتوتر ....
رحت للصاله فتحت على ميلودي جايبين أغنيه من فيلم ... يحكي قصة اثنين حبوا بعض و فرقتهم الأقدار آآآآآآآآآآآآآه غصبن علي دمعت عيني !!
حطيت ميلودي عربي و رفعت الصوت عالعالي و قمت رحت للمجلس أرتبه و شويتين أروح للرز أشيك عليه !!
جت أغنيه مربوشه شوي لإيهاب توفيق عجبتني لأن فيها تحدي رحت للمجلس و قمت أرقص بحرفنه و أرتب الغرفه في نفس الوقت !!
قمت أنظف طفايات السجاير اللي طفحانه !!
أدك أنااا أنااا
أدك ولااا ولااا
أدك هنااا هنااا
أدك غيري أنااا
يااا نااا يااا جمااالك ... يااا نااا يااا غرورك .... أنااا يااا حبيبي أنااا اللي حشدك
أنااا مش جيلك أنااا كدااا طيلك أنااا من أبل مااا شوفك وخدك !!
فكيت ربطة شعري و قمتي أرقص بحماس و أغني معاه بمرح و أحرك شعري بدلع
أدك أنااا أنااا
أدك ولااا ولااا
أدك هنااا هنااا
أدك غيري أنااا
أنااا يااا حبيبي بسلم للي بيأرب لي و بيسلم لي
يعني تأرب حاااجي و أرب ....ابعد حصل كدااا مستني
منتى حتيجي ... حتيجي حتيجي نن عيونك أأرب مني
مهمااا تروح يااا حبيبي أنااا شيفك بسمع حتى صمت شفيفك
وقفت فجأه .... لأني بكل بساطه اصطدمت بجواد اللي كان عند الباب يتأملني
طالعته بحده و قوه
كل مااا تقوى ألبي حيقوى و كل مااا تمشي حترجع تاني
عااارف ليه أناااا ديمااا أأوى ....... علشان ألبك بين أحضاااني ؟؟
يااا نااا يااا جمااالك ... يااا نااا يااا غرورك .... أنااا يااا حبيبي أناااا اللي حشدك
أنااا مش جيلك أنااا كدااا طيلك أنااا من أبل مااا شوفك وخدك !!
رفعت شعري أبي أطلع من الغرفه
رديت لبست شبشب البيت و قمت أربط شعري بالربطه
شلت الزباله اللي كانت مليانه أوراق عشان أكبها مسك يدي
يدي هذي المسكينه اللي بتتكسر على نهاية السنه !
قالي و هو يتأملني في عالم ثاني !
جواد : ليه رفعتي شعرك ؟؟
قلت بسخريه
أميره : طلبت مني حضرت جنابك أرفع شعري لأن شكلي مب عاجبك !!
رفع يده على وجهي صديت عنه
جواد : انتبهي !!
طالعته بحقد رفع يده و مسح شي على جبهتي
بعدت يده عني
أميره : خلي بينا مسافات يا قلبي عشان ما تصيبك نجاسه مني
الرجال فتح فمه مستغرب !!
رحت للمطبخ مستانسه
أتذكر كلامه اني أخرب بلد و اني مفسده و نجسه و اتهامات فظيعه طيب يخاف أنجسه يبعد عن حياتي !!
غرفت الرز و زينته بالصحن سويت سلطه عالسريع و حطيت السفره ( بالسم الهاري )
قلتها في نفسي و أنا أطالعه و هو يجلس بالصاله
جلست قباله أطالعه و هو ياكل
كنت أبي أقوله على حكاية الطرد اللي من سلطانه بس خفت يسوي لي مشكله
قلت بعد تردد
أميره : وصلني طرد من سلطانه
قال ببرود
جواد : أدري
أميره : طيب ممكن طلب !
رفع راسه و طالعني بصمت
مدري ليه حسيته تعبان و تحت عيونه هالات سودا !
أميره : أبي أروح البحر
قال بحده و هو يشرب المويه
جواد : ليه ؟؟
أميره : أبي أرسم
قال بعصبيه
جواد : مب اليوم طبعا !
تنهدت بألم و قمت من قدامه
رحت تمدد عالسرير أزرف دمعاتي بصمت
دخل الغرفه يبدل ملابسه بعدين تمدد عالسرير
قمت من جنبه بسرعه و جلست عالكرسي
التفت له لقيته يتألم من ذراعه و فعلا كان فيها جرح جديد
تردد في بالي نفس التخيل كل ما ألقاه مجروح أو مخدوش
انه اعتدى على بنت و ضربته ؟؟!!
كل شوي ناطلي بجرح أو خدش أو ورمه ما لها غير هالجواب المنطقي وحده من البنات ضربته أو خربشته بأظافرها !!
مدري ليه ماخذه هالفكره الشينه بس تذكرت كلام سلطانه في الرساله
( أعطي لجواد الفرصه و لا تسمعين أي كلام ينقال عنه حكمي عقلك و احكمي )
قمت رحت للصيدليه أجيب شنطة الإسعافات
كان متلحف بالبطانيه و ضامها بشده
ناديته بتردد
أميره : جواد
قال بقسوة
جواد : نعممممم
أميره : ممكن أشوف جرحك ؟
بعد فتره تقريبا دقيقه
ترك البطانيه و تمدد و هو يكشف لي جروحه
على ذراعه و على صدره
مسحتها من الدم اللي تجمد عليها و حطيت المطهر
حس بحرارة المطهر فمسك يدي و هو يتألم
جواد : يألم يا أميـــــــــره
أميره : الجرح مب نظيف عشان كذا يألمك
ترك يدي و غمض عيونه يااااااااااه للحظه نسيت نفسي
فديت هالعيون الذباحه !!
رديت قلت .... وجع يوجع العدو !
و قمت أمسح الجرح و ألف عليه الشاش
باقي الجرح اللي بصدره ...
قمت أمسحه بحذر أخاف يتألم من المطهر و أقطع عليه تأملاته الساخره طبعا !!
أو تفكيره في وحده من البنات اللي حبهن !!
نظفت الجرح و حطيت اللصق و جيت بقوم مسك يدي و هو يطالعني
طالعته و هو يغمض عيونه و يحط يدي على جرحه اللي على صدره !!!
ناداني بهمس
أميره : نعم
جواد : قربي مني
طالعته مفجوعه أكيد يهذي هذا و يخرف !!!ما في مجال للشك أكيد عنده انفصام في الشخصيه !!؟؟
فتح عيونه بتعب و كرر الطلب
قربت وجهي بتردد من وجهه حسيت ثاني أكسيد الكربون اللي يزفره أستنشقه أنا !!
جواد : أبي أنام تعبان مب قادر تمي معاي
لاااااااااا جواد يهذي صدقوني عقله صار فيه شي !!
ضربه خط 220 أكيد انجن !! إلا انجن الرجال
طالعني و رد غمض عيونه بهدوء و هو باقي ماسك يدي و حاطها على صدره !!
تذكرت زمان لما كنت أنوم تركي ولد أخوي أحمد ألعب بشعره و أغني له
حزنت عليه !
حطيت يدي على شعره الناعم و قمت أغني له بهدوء و أتأمل ملامحه
براءه غير طبيعه ليتك نايم على طول عشان ما تشوه خلقتك بأخلاقك الفظيعه المقرفه !!
للحظه أقول جميل و أرد أندب حظي على هالجمال وش فايدته و اللي بالداخل معفن و ريحته فايحه آآآآآآه يا ناس خلوا اللي بالقلب في القلب
نسيت نفسي و طويت اهانته لي مؤقتا لأن حاله ما يطمن ...
لما حسيته نام بكيت ...
أميره : حن علي شوي يا جواد و ربي تعبت منك ومن أسرك اللي ذابحني و كاتم على أنفاسي !!
و قمت أبكي و أنا جالسه عالكرسي قباله
نمت !
( أحساااس الهوى و العشق يظل ساااكنا مااالم يحركه الموقف )

البارت التاسع و العشرين




صحيت على صوته و هو يطالعني
جواد : نمتي زين ؟؟
قمت بسرعه و طالعته بزعل
راح للتسريحه و هو يقول ببرود
جواد : قومي بسرعه بنروح لشاليه العيله بعد شوي ؟؟
قلت و كأنه مب هامني الكلام !
أميره : ان شا الله .........
رحت للحمام خذت لي شور طلعت صليت و لبست فستان ربيعي ناعم
جاني صوته الآمر دائما
جواد : رتبي الشنطه بنقعد كم يوم هناك
تنهدت بعذاب و قمت أرتب الشنطه و هو متمدد عالسرير
جواد : كل يوم أكتشف انك بشعه ؟؟
أبي أصرخ يا ناس من هالإنسان !!! بشعه ؟ ليه وش شايفني
مشوهه و لا مسخ و لا حيوان مستنسخ !!حتى لما أحمد حرق وجهي و سويت عملية التجميل صرت أجمل من أول بكثير و يجيني هذا يقولي بشعه !
قلت بنفس بروده القاتل و أنا أضغط على شفايفي اللي تفجرت بالدم
أميره : مب أبشع منك تدري أنا كل يوم عن يوم أكرهك أكثر أكررررررررررهك
عارف يعني ايش أكرهك يعني ما في شي راح يغير كرهي لك !!
ابتسم بحده و هو يطفي السيجاره و يولع غيرها !
أميره : يااه طبعا القلب لحبيب القلب
كمل باستهزاء و هو يصفق
جواد : برافو علي جيت أنا و خطفتك منه ...........
تغيرت ملامحه كليا للحقد و كمل
جواد : يالحقيره
غمضت عيوني و قلت مصححه
أميره : قصدك نجسه و أقرف ... تدري عاد أنا فعلا أكرهك لأني أحب فيصل !!
نط من عالسرير بحركه سريعه و لقيت رقبتي في يده في لحظات و في نفس هاللحظات بعد رن جواله !أنقذ الموقف !!
طالعني معصب وده يكسر مفاصلي طالعني و طالع الجوال اللي يدق بإلحاح!!
أخيرا قرر يرد عالجوال و ترك رقبتي ..... و طلع
الحمد لله انه ما ضغط عليها بقوه يمه هذا بينسفني من عالأرض !!
قمت أتنفس بسرعه و أنا أرتب الملابس بالشنطه
حطيت ملابسه لحال و ملابسي لحال
عدلت مكياجي بمهاره و لبست عباتي و طرحتي جيت ببخ العطر يده مسكتني محذره
جواد : بتطلعين للشارع يا مدام
طالعته بحده و حطيت العطر بالشنطه
طلعنا و هو طبعا شال الشنطتين و رحنا للسياره
في ماليزيا ميزتهم ان بعض تصاميمهم للشقق كأنها فلل بس بدون حديقه ........
قلت و أنا أطالع المحلات
أميره : ممكن نشتري أغراض من محل الحلويات ؟
بحركه سريعه و قف عند محل الحلويات و هو يقولي ببرود
جواد : وش تبين ؟
أميره : يعني شكل كيك و فطاير و حلويات ؟!!
راح بس للأسف تذكرت شي مهم فضربت له بوري !!!
التفت بسرعه و جاني وقف من جهتي فتحت الشباك
كنت خايفه من ردت فعله حبست أنفاسي ...
جواد : نعم
قلت بخوف
أميره : لا تنسى .....حلاو للأطفال
ابتسم بنعومه و طالعني بطريقه حلوه .... قفاني و راح

رحنا للشاليه اللي كان يعني بعيد شوي !
حلوه ماليزيه " قالها و هو يتذكر
لبس نظارته الشمسيه الفخمه و هو يقول باستهزاء
جواد : عجبتك ؟؟
بعدت سحابه غايمه عن ذكرياتي !!
و ابتسمت ببراءه و أنا أتذكر أيامي مع رنا و الكشافه المبتدئه ياااااااااه
جواد : وين سرحتي ؟؟
قلت بمرح
أميره : يهمك !
ابتسم بنفس الإبتسامه الجذابه اللي يدقنها من ورى نظاراته السودا طالع شكله جنان
جواد : طبعا لاء
أميره : أفضل لك و لي ؟؟ قلتها ببرود و رنا تاخذ الحيز الأكبر من تفكيري
وقفنا عند اشاره
التفت و طالع ليدي
رد يطالع الشارع و يقول ببرود
جواد : أقترح ان يدينك تقولين انك انجرحتي و انتي تقطعين السلطه
التفت بحده
أميره : أمرك ....... يا صاحب السعاده .......زوجين مثاليين !! مفهوم
وصلنا للشاليه ...
كان من الخارج حلو مجرد أبواب خشبيه مزخرفه بشكل قديم انفتح الباب و دخلنا
بالسياره طلعت من السياره و هجموا الأطفال على جواد يسلمون عليه بحماس
و هو يسلم عليهم .....
جا رجال سلم عليه
....... : هلا و مرحبا ببطلنا ؟!!
طالعت بإستغراب بطلنا ...... ما توقعت ان جواد بهالشعبيه و هالجمهور
كملت و أنا أغمض عيوني ( راعي البنات )
و الأطفال يحبونه بشكل و أشوف اللهفه في عيونهم!
ابتسمت بإستغراب رد يتردد صوت في داخلي ( في الواقع المر هذا يا أمورتي كل شي لازم تتوقعينه )) كملت بسخريه ( راعي البنات )
مشيت في طريقي مع ولد صغير
سألت و أنا عارفه جواب السؤال
أميره : وش اسمك يا قمر ؟؟
........ : راشد
أميره : عاشت الأسامي يا رشود ....
دخلنا لمزرعه كبيره رائعه كشفت وجهي ....
و طالعت لرشود
طالعني بدهشه و عدم تصديق
راشد : مس أميره
قلت بمرح
أميره : الكشافه المبتدئين
ضربنا كف بكف
كنت فرحانه ياااااااااه كنت من وقت قريب أتذكرهم وش جابهم لماليزيا ؟؟
راح من قدامي بسرعه قمت أتأمل الشمس و هي تعكس أشعتها على الخضره اللي منتشره في طول الشاليه و عرضه !!
شوي جو قدامي مجموعة أطفال سلموا علي بحماس و تموا يتأملون مس أميره ...
الروعه انهم الكشافه اللي سافرت معاهم قبل سنتين
أميره : شخبارك يا محمد و الله كبرت
سلمت على محمد اللي طال ما شا الله و صار رجال
محمد : هلا طال عمرك
أميره : هلا فيك ...... كيف الكشافه المبتدئين !
واحد منهم قال : ما صرنا كشافه مبتدئين يا مس أميره
قمنا نضحك
حسيت بيد ساخنه تحاوط خصري
حريت و احتريت و قبيت و اتقبقبت و قدام الأطفال حسيت وجهي حمر و اشتعل !!
همس في اذني بصوت ما يسمعه غيري
جواد : أشوف لك حبايب حتى في ماليزيا
بعدت عنه ......... و أنا فاهمه وش قصده ؟
نادى بصوت عالي و هو يصفق
جواد : يالله يا كشافة انتشروا ؟؟!!
في أقل من دقيقه بقيت أنا و اياه بروحنا
جواد : ماله داعي حركاتك هذي قدام العيال ... اللي كانوا من سنتين صغار كبروا و صاروا رجال ...!!
قلت بدلع :
أميره : غيران يا زوجي العزيز ...
مسكني من ذراعي بقوه
قال بإستهزاء :
جواد : على وشو يا زوجتي العزيزه تفضلي قدامي أوصلك لغرفتك !!
دخلنا لغرفتي أنا و جواد فكرت في الموضوع بملل شويتين انتفضت توني أستوعب الوضع!!
أنا و جواد في غرفه وحده صرخت في داخلي
جواد : وش فيك ؟؟!
انتبهت برجفه خفيفه
أميره : لاء ...... و لا شي
جواد : شوي و بيجون الناس ؟؟ و ياليت ما تتطلعين اللحين ؟
فصخت عباتي و أنا أقفيه رميتها عالسرير بإهمال و قلت بدلع و أنا أبعد شعري عن كتفي
أميره : يا بطلهم !!
وقف قدامي و شد على ذراعي !!
جواد : لما أكلمك لا تقفيني
أميره : ممكن تترك يدي يا زوجي العزيز ؟! عشان ما أنجسك
حسيته طالعني بإستغراب و فجأه غير نظراته (( ياخذ امتياز في حكايه تغيير الإنطباعات و النظرات ))
ترك يدي بهدوء و طلع ... توضيت و صليت و لبست فستان فيروزي طويل كمه جبنيز
لفيت شعري بالسيشوار و كحلت عيني باللون الأزرق حطيت غلوس وردي ناعم
لبست طقم فيروز شاريه لي الأخ المبجل صاحب القامه الطويله و الجسم الرياضي و الأخلاق العجيبه الزفته ...
لبست صندل فيروزي
بخيت لي عطر قصدي تنقعت بالعطر فتحت الباب بهدوء
و انصدمت بوجوده قدام وجهي ؟؟!!
جواد : وين ؟
قلت بإرتباك
أميره : أبي أروح للمطبخ أزين الأغراض اللي جبناها
ما سمعت رده فطالعت لعيونه
فيهم سحر لا يقاوم للحظه أحس انه حطمني بجاذبيته و نظراته أو حركاته المفاجأه اللي تحسسني بالحراره و بأحاسيس مب قادره أوصفها عدل و للحظه أحس انه انسان بدون قلب عارفين يعني ايش بدون قلب يعني ما يحس ما يشوف ما يرحم و أرد أتذكر كيف الأطفال يطالعونه بحب و عيونهم كلها لهفه (( بطلهم )) !!!
مشيت من قدامه بس لحقني و مسكني من يدي
جواد : عيونك ؟؟
حطيت يدي عليها
أميره : وش فيها ..... فيها شي ؟؟
جواد : لونها !!
قرب من وجهي حيل و هو يطالع عيوني
حسيت بأنفاسه تصطدم في وجهي ...
جواد : ابداع سبحان اللي خالقهم لهالعيون لمعه غريبه عيونك عسليه لا لا رصاصيه
حط يده على ذقنه ..
جواد : بين العسلي و الرصاصي أو ذهبي لا لا أزرق
طالعته و أنا أبتسم ...
أميره : يمكن لما ألبس الأزرق تبرق عيوني و تنعكس الزرقه عليها
حط يده ورى راسي و قام يطالع عيوني أكثر و أنا أحس بأحاسيس مختلطه ما أحبه يقربني لأني بنهار حبست أنفاسي و أنا أشم عطره بعد شوي في لحظه يقدر يشتتني و فجأه يجمعني ببساطه ليته فيصل كان عشت في النعيم ( فكره سخيفه رجعت أطردها من راسي ) و أنا ألاحظ القرب اللي صاير بينا !!حمرت خدودي لا إراديا .... و ارتجفت
جواد : وش فيك !
( سأل متسائل ) ؟
سكت و أنا أطالع للمساحه الخضرا الشاسعه اللي وراه بخجل
لمس خدي بإصبعه و قال بمزح طبعا لاحظوا انه اول مره يمزح معاي !!
جواد : أححح .... احترقت !
قالها بطريقه طفوليه مره قمت أضحك أضحك من قلب على شكله
طالعني بتأمل
جواد : ما كنت أعرف ان ضحكتك حلوه بهالطريقه !!

صحيح لنا ثلاث أسابيع متزوجين و عمري ما ضحكت معاه كلها ابتسامات ساخره و اهانات متبادله ؟؟!
فذيك اللحظه كان ماسك يدي و شاد على راسي الا يبي يعرف سر عيوني وش لونها بالزبط ؟ههههههه ياااااه الفضول ذابحه مالت عليه ؟؟!!
........ : احم احم امممممم احم
التفت لمصدر الصوت بإرتباك طالعاها جواد و تركني و هو يسلم عليها و يحب راسها
جواد : هلا و الله بالخاله مزنه حياك
عيونها كانت علي
سلمت عليها بإرتباك أكيد شافت منظرنا الرهيب !
و هو تقريبا حاضني !!
مزنه : بسم الله عليك ما شا الله جميله بصراحه عرفت تختار يا جواد
قلت بخجل :
أميره : الله يسلمك يا عمه عيونك الحلوين ؟؟
قامت تكلم جواد و تسولف معاه جيت بروح و أخليهم شد على يدي بقوه و دخل أصابعه بين أصابعي و شد عليها
يدي هذي مقطوعه مقطوعه الله لا يعوقها بشر من كثر ما تنشد و تنسحب ؟؟!!
دار في بالي سؤال .. حنا في ماليزيا بس شايفه الأجواء عربيه و الحريم بعبيهم
و ريحة القهوه و الخيمه اللي منصوبه من بعيد أجواء تأكد لي اننا بالسعوديه أرض العزه و الشموخ و الأصاله ..!!
ما انتبهت ان خالته راحت
قالي بلهجه تهديد و تحدي
جواد : اياني و اياك تسرحين هنا و لا هنا أنا جبتك لهنا مجبر و أتمنى تحترمين هالشي
أكد و هو يضغط على يدي بشده ...
جواد : و مشاكل ما أبي و لا أي و لا أي تدخلات من أي نوع !
ترك يدي طالعته بدلع و هو مستغرب ردت فعلي
الهوا هف شعري بنعومه و طيره طالعته بطريقة طفوليه دلوعه
أميره : لو سمحت ..... لا تقرب مني بهالطريقه مره ثانيه ... لأنها
رفعت شعري و كملت بدلع
أميره : تجرحني !!!
دفيته بنعومه من صدره و هربت
التفت أطالعه لقيته واقف سرحان في عالم ثاني وقفت أطالعه و فجأه جرى تجاهي بسرعه خفت و هربت منه و الحمد لله دخلت لمجلس الحريم بسرعه
طالعته من عند الباب و هو يضرب على يده بقوه انه ما قدر يوصلني طالعته من بعيد أبي أكيده و أغيظه و أأشر بيدي بدلع و قمت أغني بدلع
أميره : زعلان ازعل طز طز طز ههههههههه
قام يأشر لي بعصبيه و يمسح على ذقنه ان ما وريتك ؟؟
ضحكت و أنا أهز كتوفي بدلع ... و أأشر بحواجبي و أمسك أطراف شعري و أحطها على انفي !!
........: يا عيني يا عيني عالحب واااااااااو
التفت أطالعها
سلمت علي و هي تعرفني بنفسها
........: أنا ملك بنت خالة زوجك جواد و أخته من الرضاعه
أميره : هلا تشرفنا
رديت أشوف جواد لقيته راح ضحكت في نفسي اني قهرته
ملك : باين عليه يحبك ؟
تحسبت في داخلي على أحمد اللي راماني هالرميه المحترمه !!
أميره : ليه ؟؟
طالعت لملك اللي تقريبا عمرها في عمري حنطيه و شكلها مسويه برونزاج لكامل جسمها
لابسه فستان جلد أسود فوق الركبه بدون أكمام و بوت أنيق يغطي لين الركبه
شعرها أسود مموج و طويل رافعته بشباصه بعشوائيه ...
مدري ليه حسيتها في الملامح تشبه لسلطانه مع ان شخصية سلطانه الحدوديه للحين ما صادفت مثلها !!
ملك : جواد انسان جدا رومنسي مع ان الرياضه اللي يحبها عنيفه شوي
قلت بإستغراب
أميره : وش الرياضه اللي يحبها !!
قالت بدهشه
ملك : ليه ما قال لك ؟؟!!
قلت بتصريف مصطنعه
أميره : تعرفين عاد جواد من رومنسيته خاف يجرحني لما يقولي عن رياضته هو قالي انها عنيفه بس ما حب يقول لي وش هي ؟؟!
تصريفه غبيه و الله جواد ما عرف الرومنسيه أبدا الا دفش عفش مخيف !
ملك : صادقه حتى حنا ما قالنا الا بعد فتره طويله ما تشوفين جسمه رياضي بسم الله عليه ؟!
هزيت راسي أهااا يعني تبي تفهمني قديش السيد جواد انسان مب أي انسان عادي إلا ملاك !!!
قلتها في نفسي و أنا أبتسم بإستغراب
دخلت مع ملك لمجلس الحريم سلمت على خالة جواد نويره و بنات خالته اللي غير مريحات بالمره .........
جلست شوي مع الحريم طبعا لا تخلوا من السؤال و التأملات و الهمسات اللي من تحت لتحت يااااااااااه أعرف سوالف الحريم ماصخه !!
جلست جنب ملك اللي قامت تهمس لي
ملك : شايفه ذيك البنت هاذي بنت خالتي نويره اسمها ريانه يا شيخه مره شايفه نفسها بنت قشره كانت تبي جواد لها بس ما صار نصيب .... و ذيك شمس أخت ريانه مسكينه شوي عقلها خفيف .......

أميره : مريضه !
هزت راسها بنعم و كملت :
ملك : رموها في مستشفى المجانين ظلما و هي في أتم عقلها بعد كم شهر طلعوها مجنونه
شهقت بقوه !
فتداركت الكلمه و قالت مصححه
ملك : لاء مب قصدي مجنونه قصدي يعني عقلها رايح فيها يعني مجنونه يوه يا أميره ما لقيت الا هالكلمه !!
هزيت راسي بتفهم و تفكير
مزنه : يا أميمتي يا ملك خلك من الحش بالناس و قومي جيبي القهوه و الشاي
ملك : يا يمه ما حشيت وش فيك علي ؟؟
قامت ملك و جلست مكانها أمها
حطت يدها على ركبتي و قالت
مزنه : كيفك يا بنيتي ؟؟
أميره : بخير الله يسلمك
مزنه : هالله هالله بجواد هذا الغالي راعينا و سندنا
قلت و أنا أبلع ريقي
أميره : في عيوني يا عمه جواد و أهل جواد
في هاللحظات دخلت للمجلس حرمه عجوز كبيره في السن كل اللي بالمجلس قاموا لها
استغربت يمكن احتراما لشيبتها قاموا ....بس أول مره أشوف مثل كذا ؟
ملابسها قديمه مش قديمه يعني رثه لا يعني من الطراز القديم راديوها شايلته في يدها
لابسه نظاره كبيره اطارها من الذهب .... و شايله عصا كبيره بس ما تتعكز عليها لأنها تمشي ما شا الله و لا مشي الحصان قمت سلمت عليها و بست على راسها و جلست وخرت لها مكان فجلست جنبي
سألت عمه مزنه
الجده : مين هاذي ؟؟
مزنه : هاذي مرت جواد يا يمه ؟
الجده : جواد
قالتها بحنان و لهفه عجيبه
الجده : تعالي جلسي جنبي يالغاليه
نزلت لها بالأرض و جلست جنبها
أميره : آمري يا جده
وخرت الراديو و طالعتني
الجده : ما شا الله عليها مهره بسم الله عليها مثل بنت عادل بن شرف تعرفينه ؟
السؤال لعمه مزنه
مزنه : ولد المزارع ؟!
الجده : ايه
حسيت المجلس كله سكت شكلها لها هيبه بين الناس
رفعت عصاها و هي تأشر
الجده : وش هاللبس قومي ؟ لبسي لك شي أستر مالت على هالوجه نعنبو دارك ما تستحين ؟؟؟
حسيت بالحماس مع هالعجوز ....
كان الكلام موجه لريانه ههههههههههههه
الجده : كانت جميله يغني لها الطير بالسما و تضحك لها الأرض و يلين معها الحجر برمشها تسحر الناس و بعينها تحكي معالم الكون و تتكلم
ياااااااااااااه عالوصف شدتني ؟؟
الجده : اغترت بهالجمال بعد ما جوها الفرسان و عيال الحمايل يطلبون قربها و ترفض
مل الأبو و خاف لا ينقال عن بنته عانس زوجها لشحات بحارتهم القريبه و قبل ما يدخل عليها توفت من ردات الحظ و هي ندمانه عدد شعر راسها على غرورها !
يااااااااااااااااااه رهيبه
حطت يدها على يدي
الجده : منتي بمثلها ؟؟
ابتسمت بمرح و قلت لها
أميره : لاء يا جده
سهت و هي تطالعني للحظات مدري ليه حسيت عيونها دمعت
الجده : قومي يا بنيتي شوفي زوجك يمكن يحتاج شي و لا شي مابه أحد بالمجلس ؟
قلت و قلبي نغزني عليها
أميره : ان شا الله يا جده
قمت بسرعه و رحت لغرفتي
يا ربي ليه تطالعني كذا و ليه عيونها دمعت و هي تشوفني !!
دخلت للغرفه و ريحة السيجاره ماليتها أوووووووووف
أميره : أفتح الشبابيك يا أخي عالأقل ......تذبحني هالريحه
رفع عينه ببرود و طالعني
جواد : افتحيهم الله لا يهينك
رحت أفتح الشبابيك بعنف مالي خلق و ربي عكر مزاجي زود
أميره : المكيف ما راح يكمل يومين الا و يخرب ...
طلعت من الغرفه بقرف كنت ناويه أسأله لو يبي شي بس هونت ؟؟
مشيت في المزرعه أطالع الشمس و هي تغيب و العالم يستعد لإستقبال الليل بالأنوار
طالعت لهالوحه الإبداعيه و قمت أتأمل بنت جسمها صغير يلعب النسيم بشعرها الأشقر بنعومه و هي تتأمل الخضره
رحت لها
أميره : شمس !
التفتت طالعتني بعيونها الخضر الحلوين ما شا الله
ابتسمت لي بحزن
أميره : وش فيك ؟
شمس : قتلوني ؟؟
و خرت شعرها الأشقر عن و جهها يجنن ما شا الله عليها
أميره : ما عاش اللي يقتلك لا تقولين كذا اللي راح يقرب جنبك بوريه
ابتسمت و كأنها مشرقه من الشمس
شمس : صدق يا ....... وش اسمك ؟
أميره : أميره
مدري ليه شدني وجهها للرسم ودي أرسمها
شمس : بس بيقتلونك معاي ؟
ضميتها بقوه و قلت
أميره : ما راح يقتلونا يا شمس
نزلت دمعتي بسخونه و ربي مب عارفه ليه تذكرت الغرفه اللي تحت الأرض تنهدت بحراره
أميره : وش رايك أرسمك ؟؟
شمس : ايه !!
طيب جيبي لي قلم رصاص و ورقه
قامت متحمسه و راحت من قدامي
ضميت يديني و لميت نفسي و قمت أبكي على شمس المسكينه منتهى الجبروت و الظلم و عدم الإحساس بنت بسم الله عليها فلقة قمر بكامل عقلها يرمونها بالمصحه العقليه بديهي راح تنجن و يصير لعقلها البدع حزنتني شمس .... اليتيمه الحزينه المعذبه أكيد عانت المسكينه لما دخلت مستشفى المجانين اللي كنت على وشك أدخلها ؟
سمعت الصوت الساخر من جديد
جواد : تبكين فراق الحبيب ؟
رفعت راسي
قمت أطالعه بكل الكره اللي فيني رفعت يدي و ضربته كف على وجهه !!!
و ركضت عالغرفه اللي كانت حيل قريبه مني
دخلت الغرفه و ارتميت عالسرير أبكي
سمعت صوت الباب يندبج بقوه و يتسكر و كتله مشتعله بالعصبيه تمسكني
انطق الباب
و صوت ملك جا منقذ في اللحظه الأخيره
تركني بعنف عالسرير مسحت دموعي بسرعه
جواد : تفضل ؟
انفتح الباب
سلمت عليه و قامت تطالعنا
ملك : وش فيكم مب على بعضكم؟
مسكت يد جواد بدلع و ابتسمت و قلت :
أميره : ما فينا شي وش فينا يعني مبسوطين و خصوصا ان جواد مسوي البدع !!
فهم الكلمه الأخيره
و طالعني و هو يقول :
جواد : طبعا يا قلب جواد لازم أسوي معاك البدع مو زوجتي !
دقتني الكلمه و البدع تحمل كل المعاني اللي ممكن تتخيلونها بين اثنين ما يدانون بعض !
ابتسمت ملك
ملك : الله يهنيكم عالعموم الشباب يبونك بره يا خوي
ترك يدي برقه و راح و هو يقول
جواد : شوي و برد لك يا زوجتي الغاليه
بتكسر راسي يعني !!
قلت بنعومه
أميره : الله يحييك بأي وقت يا قلبي
راح و أنا عارفته لا حد بعينه جيم أوفر علي !! الله يستر
ملك : يا قلبي على أخوي رومنسي
قالت و هي تبي تسكر الباب
ملك : انتبهي عليه تراه ملاك
كان ودي أضحك على آخر كلمه لين أتعب ........ملااااااااك
امممممممم ممكن أسميه ملاك ...... بس ملاك الجحيم !!
ضحكت بشر و أنا أطالع للمرايه
و الله انتي الملاك يا ملك بصراحه مدري كيف أوصفه ؟؟
عدلت مكياجي و بخيت عطر
طلعت من الغرفه لقيت شمس جايبه القلم الرصاص و كراسه كبيره مدري من وين جابتها ؟؟
أميره : طيب حبوبه اجلسي و انتي مبتسمه !! و خلي الباقي على أموره
ابتسمت و جلست متحمسه
و ربي شدني هالوجه صح ربي أخذ منها عقلها بس أعطاها جمال رائع ما شالله
طالعت عيونها اللي تحكي عن نفسها
قمت أرسم كل الدقائق بديت بالعيون بعدين الانف الوجه و الحدود
أميره : طفشتي ؟
هزت راسها بمرح
شمس : لاء
الحواجب و الشفايف مع الهوا يتحرك شعرها بنعومه
جلست ساعتين كامله أرسمها
و الغريب انها ما ملت و قامت طول الوقت تحكي لي عن مدرستها
و أخيرا
أميره : فواااااااااااااالا
نطت من مكانها
شمس : أشوف
أميره : لا لا غمضي عيونك أول ؟!
غمضت عيونها بنعومه
أميره : يالله افتحي عيونك يا قمر
شمس : وااااااااااااااااو أميره مره حلوه رسمتيني مثلي مثل .........
خفتت ابتسامها و حلت محلها الكآبه نزلت دمعتها و هي تطالعني
شمس : مثل شمس
طالعتها بتأثر ضميتها و قلت
أميره : و أحلى شمس وش فيك أحلى منك ما في انتي حلوه يا شمس من جواك و من بره
رفعت الكراسه و هي تتأملها
شمس : بروح أوريهم اني حلوه
أميره : انتي حلوه يا قلبي بدون ما تقولين لهم
جتني ملك تلهث من الركض
ملك : وينك من زمان أدور عليك ؟
قلت بإستغراب
أميره : ليه صاير شي ؟؟
ابتسمت لي برقه و هي تسحبني من يدي
ملك : تعالي و بتشوفين ؟
رحت معاها لغرفه كبيره كلها بلالين و زينات و حوسه شكل الغرفه رايق
دخلت الغرفه و شفت سلطاااااااااانه
ضميتها بقوه و بكيت و ربي شوفتها تريح وحشتني
أميره : باقي عالوعد !!!
سلطانه : طبعا ....عالوعد
ملك : يالله يا أموره امسحي دموعك و أوقفي هنا
كانت ورى الكاميرا
ملك : ابتسمي أكثر و قربي شوي من الورد
سويت مثل ما قالت
شوي و دخل جواد ..... ضاق صدري ...
ملك : هالحفله على شرفكم يا حلوين هديه مني لكم
أميره : مشكوره يالغلا
أرسلت لها بوسه في الهوا
وشغلت الإستيريو
عسى الله مااا يجيب عتاااب
و لا بعد و هجر و غياااب
عسااانااا منتفااارق يــــــوم
عسى دااايم نكون أحباااب
طالعت جواد ببرود
ملك : يالله يا حلوين تصوير لقافه ما نبي
كانت تقولها للبزارين اللي وقفوا عند الباب سكرت الباب و راحت للكاميرا
تصوير ثاني مع هذااااااااا .... قلتها في نفسي بقرف
سلطانه تطالعني بفهم كامل
ملك : يالله يا جواد قرب شوي منها
من الدنيااا وش المطلوب
سوى راااحة فكر و قلوب
و خل في هواااه تــــذوب
و هو مثلك في حبك ذاااب
قرب مني و طالعني و أنا أتجنب أطالعه
ملك : وش هذا طالعيه ؟!
رفع راسي بيده
طالعت خده غصب عني متجنبه عيونه
قال بهمس ساخر
جواد : طالعي لعيوني ........ولا خايفه !!!
عسى تسلم و تبقى لي
فرح دنياااي يااالغااالي
بقربك يااا هني يااالي
تهنيت و زماااني طااااب
قهرني فطالعت لعيونه بتحدي
سبحت في أدغال عيونه الناعسه الذباحه الجميله و أكيد طحت في أشواكها و تعورت !
نظراته لي كانت ثابته رايقه هادئه و تلمع .....غصب عني ابتسمت و أنا أبعد خصله من شعره طاحت على عينه !
ملك : بس خلاص يا عرسان انتهى التصوير ....يا ويلي عالرومنسيه
طالعتها بخجل !!
راحت فتحت الباب
ملك : اللحين جا دور المعازيم
رفعت يدي أبي أرفع خصله من شعري
مسك يدي و طالعني بهدوء و هو يرفع شعري همس في اذني
جواد : قلت لك ما أحب أشوف شعرك بهالشكل طايح على وجهك
سلطانه : بلابل رومانسيه
عطت السيف اللي بيدها لجواد .....
تذكرت قصه رومانيه قديمه ان وحده تخون حبيبها و يُحكم عليها بالإعدام بالفأس بيد حبيبها نفسه !!! و القاضي يناول الفأس لحبيبها
ملك : يالله يا حلوين امسكوا يد بعض و اقطعوا الكيكه
طالعني ببرود و ناولني السيف ابتسمت و مسكت السيف حط يده على يدي و قمنا نقطع الكيكه

*

على تصفيق حار من الجميع
ما لاحظت دخول الحريم اللي متلثمات و اللي فاتشات مثل ريانه
ملك : تفضلي يا عروسه لبسي عريسك
طالعتها و أنا أرتجف
جاني صوته الهامس الساخر كلام حلو مبطن بالسخريه اللاذعه
جواد : خايفه ؟
طالعته بتحدي يقهرني شلت الخاتم و لبسته اياه و طبعا جا دوره يلبسني
دخل الخاتم في أصبعي بإحتراف
راعي البنات لازم يكون محترف في هالأمور .... قلتها في نفسي و أنا أبتسم
طبعا قاموا يباركون لنا اللي دخلوا ...
شفت شمس و هي تدخل من الباب أشرت لها و أنا أبتسم ...
انقلبت ملامحي و أنا أشوف رجال يمر من وراها طالعني جواد بإهتياج معصب و طلع من الغرفه بسرعه غريبه !!
دورتها في بالي دقيقه كامله و أنا أحط يدي على فمي من قوة اللي استنتجته
(( لا يكون حسبني أأشر للرجال يااااااااااااااويلي مجنون و ربي مجنون ))
كنت أفكر ألحقه و أوضح له السالفه
بس قلت أتم في مكاني أبرك ...!
ملك : وش فيه جواد ؟
قلت بإبتسامه مصطنعه
أميره : شوي و بيجي ؟؟
سلطانه مسكت يدي و سحبتني
طلعنا من الغرفه و الصجه للمزرعه الواسعه
سلطانه : لك وحشه أميرتي
أميره : و انتي أكثر انتي شخبارك سولفيلي عنك و عن الإمارات و عن كل شي
سلطانه : و الله الإمارات اشتاقت لهالوجه بس عاد شنسوي !!! الأقدار دايم تحكم
ابتسمت لها بحزن و قلت
أميره : صح الأقدار دايم تحكم
ابتسمت لي بمرح و قالت
سلطانه : اذا على جواد لا تشيلين هم خليه لاهي في رياضته و انتي طنشيه !
أطنشه و ربي مطنشته من أول ليله معاه بس هالقاسي ما يفيد معاه لا تطنيش و لا شي
و طول الوقت يقولي ( عارف حركاتكم يالحريم ) سخيف !! قلتها في داخلي بقرف
سلطانه : بس بصراحه أبدعتي في حفلة ملك يا شيخه تمثيل محترف و الكل يطالعونكم و يحسدونكم عالرومانسيه اللي انتوا عايشينها حتى عمتي مزنه تقول.....
ركزت أكثر و فتحت أذوني عدل و هي تكمل !
سلطانه : خايف عليها ما شا الله لدرجة انه يطالع لعيونها ما يبيها تروح !!
ضحكت ضحكت ضحكت ضحكه عاليه مرتفعه ساخره و هستيريه
أميره : خا...... يف .... ههههههههههه علي ....... جو...... اد ههههههههه
سلطانه : عارفه انك مصدومه بس مع ذلك طنشيه و اعطيه أشكل
قمت أمسح دموعي اللي نزلت بسبب الضحك
أميره : أشكل ؟؟؟
سلطانه : ايه ادلعي عليه و ابعدي عنه و طنشيه
تذكرت كيف لما كنت أصد عنه و أتجاهله ينفجر مثل البركان و يصرخ في وجهي لا تطنشيني و تصدين و لما أكلمك ردي علي !!!
الثلاث أسابيع اللي عشتها معاه عرفتني عليه صح يعني ما ينفع التطنيش أبد !!
خطه فاشله و غير ناجحه مع واحد مثل جواد
سلطانه : أهم شي ما تسمعين أي شي ينحكى عنه حتى لو .........
قطعت كلامها فجأه و هي تطالع وراي !
التفت أشوف وش تطالع لقيتها تطالع ................ شيخه
قمت سلمت عليها مثل الناس بس هي طالعتني بحقد فظيع و هي تضغط على يدي
شيخه : هلا بمرت جواد
أميره : هلا فيك !!
نفس شيخه اللي اعرفها بنفس الإغراء و الفستان الخالع الأحمر هالمره و الروج الأحمر الصارخ !
رديت جلست جنب سلطانه اللي بس تطالعها بحده قربت مني شيخه و قالت
شيخه : مبروك ؟
أميره : على !!
شيخه : فوزك بجواد
طالعتها بدهشه
أميره : وش انتي تقولين ؟
ضحكت بتريقه
شيخه : غبيه .... للحين ما فهمتي !
وقفت قبالها عصبتني
أميره : غبيه !
شيخه : طبعا وحده مثلك .........
قلت بلهجه هي تعرفها
أميره : و وحده مثلك ياااا شيخه يا بنت ال ..............
دفتني بقوه و شراسه و جت بتهجم علي مسكتها شمس بقوه و عضتها في يدها
قامت سلطانه بكل قوه و شدت شعرها
سلطانه : التزمي الأدب يا قليلته أو بالأصح يا عديمته
طالعتها بحده و مخشتها على يدها بأظافرها الحاده مطليه بعنايه و أكيد كل يوم و هي منقوعه في زبديه كبيرها مليانه ليمون و يود !!
التفتت تجاهها شمس و مخشتها على وجهها
شمس : إلا أميره !!
شيخه : انتي يا المجنونه و خري عني
و نطت عليها بجسمها الصغير و ضربتها على وجهها و دخلتها معاها في عراك شد شعور و ضرب و أنا و سلطانه نفرع بينهم في الأخير شمس رفستها في بطنها
قامت شيخه تنتفض و مشت بسرعه و هي تلعن فينا و تسبنا
طاحت شمس عالأرض منهاره نزلت لمستواها و حطيت راسها على فخذي
سلطانه : بروح أجيب مطهرات و شاش
نزلت دمعتي ساخنه و أنا أشوف كم مخشه على وجه شمس الجميل
شمس : تبي تقتلك ما راح أسمح لها
أميره : كفو و الله
مسحت الدم عن وجهها الصافي البريء
جت سلطانه بشنطة الإسعافات و قامت تمسح لها جروحها
جو البزران تجمعوا
قال واحد منهم : مين اللي تضارب !!
سلطانه : ابعدوا من هنا و عن اللقافه
....... : سمعت ان شيخه تبقست
قال الثاني : دايم شيخه تفشلنا و تخسر في المعارك
سمعتهم و هم يبتعدون
.........: هالمجنونه ورتها شغلها
طالعت لشمس اللي أحسها بجد تقطع قلبي !
قمت رحت لغرفتي بعد ما تأكدت من سلامة شمس
لقيته متمدد عالسرير و يدخن
ما تبادلنا أي نظرات أو كلام
رحت للتسريحه و قمت أفصخ الحلقان
جواد : ما توقعتك لهالدرجه تحبين شمس
قلت و أنا أطالعه في المرايه
أميره : مره هي و جدتك دخلوا قلبي من كل أبوابه
ابتسم بسخريه
جواد : كم باب لقلبك ؟
فكيت شعري بهدوء
أميره : ثلاث أبواب ؟؟
جلست عالكرسي و أنا أمسح المكياج بعنايه
أميره : باب للحياه لازم نحبها لأنها أهدتنا الكثير و الكثير عذبتنا كثير و حطمتنا أكثر و أكثر في لحظات أحس الحياه مسكينه مثلنا نرمي أحمالنا عليها و نلومها و احنا عارفين ان السبب مننا حنا ..... الحياه مالها أي ذنب
كح بقوه و بعد السيجاره عن فمه و طالعني ببرود
جواد : و الباب الثاني !؟
قمت أمشط شعري
أميره : كبير و مفتوح لكل الناس الطيبين مثل جدتك و شمس و سلطانه و ناديه و الجوهره و رنا الحبيبه ....
قطعني و هو يوقف قبالي و يلمس خدي بنعومه تذبح
جواد : أبيك !
طالعته و هو يكهربني بيده لما يرفع شعري
و يطالعني بنظرات تذوب !!
أميره : تبيني !
شال الربطه من عالطاوله و مسك شعري كله و رفعه
و عيونه في عيوني !
ضغط على شفايفه و طالعني بنظره خلتني أنهار !!
ارتجفت بخوف و هو يبعد و يطفي النور
تكهربت و حمرت و خضرت و قلبي دق بعنف
حسيت بيده تلمسني في الظلام فتح الأبجوره و قال
جواد : أبيك تنطمين و تسكتين ؟!!
محطم للأعصاب بإمتياز !
سحب البطانيه على جسمه و غمض عيونه
قلت بقهر
أميره : ممكن يا سيد جواد تقولي وين بنام ؟
جواد : عندك السرير أو اذا ما تبين نامي عالأرض
قالها بكل بروووووووووووووووووووووووووووووود أنا نفسي ثلجت من بروده
رحت للحمام أبدل ملابسي بقميص واسع و نعوم
طلعت من الحمام و أنا أشيل المخده من جنبه
أميره : بروح أنام عند ملك
جواد : ما في طلعه من هنا وش بيقولون عنا ...... الزوجين الرومنسيين
أميره : ليه تزوجتني ؟
جا سؤالي حاسم لكل شي !!
نفض بطانيته و جلس رفع حواجبه و هو يولع سيجاره
جواد : حبيت أنتشلك من العذاب اللي انتي فيه و خصوصا بعد ما طلعتي من المستشفى
رميت المخده عالسرير و صفقت بسخريه
أميره : لا ممتاز المنقذ في الشدائد ...... في حياتي ما طلبت منك تنقذني و لا راح أطلب من واحد مثلك ...... انت مين طلبك أصلا تنقذني !!
طالعت يدي و كملت
أميره : الغرفه اللي تحت الأرض أهون مية مره من العيشه معاك
جواد : غرفة تحت الأرض !!أوه ........
مره تفاعل مع السالفه
فقال سبه قويه و هو يطالعني بدهشه ممزوجه بغضب
جلست عالأرض و قمت أبكي
أميره : مع الفيران المتعفه و الجيف و البعوض اللي يعض و يقرص بقوه و الثعابين
نط بوجهي مفجوع
جواد : ثعابين !!!
أميره : وش هالحظ ليه أنا كذا حياتي ليه ؟ ليه
و غصت في موجه من البكا
سمعت صوت الباب ينصك بقوه
شهقت و أنا أرتب البطانيه بالأرض عشان أنام عليها
حطيت المخده مع ان الأرض قاسيه و صلبه بس نمت بسرعه .......
تعودت على نومة الأرض لما نمت بالغرفه اللي تحت الأرض !!

الساعه : 07:00 صباحا
قمت بسرعه لأني عالسرير استغربت !!
أكيد سيادته حطني عالسرير !
قمت أدور عليه بعيني في الغرفه مالقيته
نفضت البطانيه رحت للحمام توضيت و صليت و بدلت ملابسي ببنطلون أبيض و بلوزه تفاحي ....رفعت شعري ببكله و لبست طوق تذكرته و هو يرفع شعري حسيت برجفه خفيفه .... تنقعت بالعطر و طلعت
ياااااااااااااه المزرعه رائعه مع الرشه الخفيفه من المطر اللي تهف المكان بريحه رائعه
تكتفت و أنا أمشي و أطالع للأماكن بوضوح أمس كان ظلام شوي
هنا الفيلا الكبيره و هناك أكيد ملحق و هنا الخيمه ......
مشيت في المساحه الشاسعه الكبيره أبي أشوف وش وراها يا رب ما يكون جدار و بس
مشيت و مشيت يوه مالها آخر و أخيرا طلعت بنتيجه
غرفه كبيره بابها من القزاز
دخلت بكل ثقه ههههههه بدون تردد مشتاقه للمغامرات
افتراضا كان في رجال بالله وش بيصير ........ سكت هالصوت و أنا أقوله
ما له داعي أفكر وش بيصير ؟؟
مشيت في الممرات كانت مليانه أجهزه رياضيه مشيت و أنا أسمع صوت
خفت و تخبيت ورا شجرة الزينه و أنا أدعي
يارب ما يكون رجال و ربي بينحرني جواد نحر بدل ذبيحة العيد أدريبه انسان ما يفكر أبد !!
قلت لك لا تدخلين ... ياه ليتني سمعت كلامك ....... لا تهتمون هذا حديث قصير مع النفس !!
ما شفت أحد مر يمكن صوت في وحده من الغرف ....
مشيت بخوف و الفضول يشدني أشوف وش سبب الصوت و فجأه وقفت و أنا أشوفه من ورى الباب القزاز تضاربت مشاعري في ذيك اللحظه و تحطم السكون اللي في داخلي حطيت يدي على فمي و الدمعه تحرقني ....

جواد !!!
كان يتدرب على كيس الملاكمه بس شكله ثقيل يضرب فيه بقوه و العرق يصب من جسمه و يبرق مع النور الأبيض اللي مسلط عليه و كأنه نجم من نجوم السينما ...... قمت أتأمل جسمه .... رياضي معقوله يكون لاعب ملاكمه !!
تذكرت ...(( يا بطلنا ))
انخنقت العبره في داخلي عجزت أطلعها حسيت بدوخه في راسي طلعت بسرعه من المكان و جريت لقدر ما أقدر بس طحت عالأرض قمت ألقط أنفاسي بسرعه متلهفه على أي ذرة أكسجين ...
ملك : أميره وش فيك ؟
طالعتها بتعب
ملك : تبين ترجعين ؟
هزيت راسي
ملك : مبروك أجل حامل
شلتني هالكلمه حامل فتحت فمي و غصب علي قلت
أميره : لاء مب حامل مب حامل
ملك : إلا أكيد
قمت جلست
أميره : هو كل وحده توها متزوجه جاها شويت غثيان أو داخت خلاص رميتوا عليها حامل ....
ملك : لا بس خمنت
أميره : و طلع تخمينك غلط يا ماما
حسيت كلمة حامل فوقتني قمت بس تعبانه مشيت معاها
دخلنا الخيمه عند الجده مشغله الراديو و مسويه جو باديه محصلش !
القهوه اللي يااااااااااااااااه مسنعه مزبوط
و فطور مصلح عالصينيه النحاس الكبيره
سلمنا عالجده
الجده : هلا و الله تعالن افطرن يا بنات
جلسنا و صبت لنا القهوه
ملك : عنك يا جده
الجده : خل عنك و افطري
مسكت الراديو و قامت تدور على الإذعات
الجده : الله يلعنهم هالإسرائيلين ذبحوا في المسلمين و شنعوا فيهم
و المسلمين و العرب يتفرجون ...
أميره : ما لنا غير الدعاء يا جده وش بيدنا نسوي الله يفرج عنهم و ينصرهم يا رب
التهت في راديوها
ملك : شفتك و انتي تروحين للصاله الرياضيه
دقيتها بمزح
أميره : ابلعي الأكل اللي بفمك و بعدين... كلمينا
و قمنا نضحك
الجده : هي كذا الله يصلحها ما تسمع الكلام تتكلم و بفمها أكل
ضربتها بالعصا بخفه
ملك : يا جده لا تضربيني بهالعصا بالذات
قمت أضحك
أميره : ليه وش فيها هالعصا ؟
ملك : قتلت فيها ثعبان
أميره : آه يع
نطينا مع بعض من مكاننا من قالت هالكلمه
الجده قامت تضحك و ربي ضحكتها تجنن و اللي بهرني ان أسنانها بيضا و متساويه غريبه يعني لوحده مثلها و في عمرها كان صف أسنانها تلقونه طايح
همست بمرح لملك و حنا واقفين
أميره : جدتك أسنانها جنان ....مركبتهم !!
ملك : لا هذي أسنانها الحقيقه ما تاكل الا من المزرعه تعتني في نفسها جدتي
أميره : ما شا الله واضح
طلعنا من الخيمه و بجد شخصية الجده ابهرتني
قمنا نتمشى بالمزرعه
أميره : ملك
تأبطت ذراعي
ملك : هلا
أميره : كلميني عن جدتك
ملك : جدتي يا شطوره ما عندها عيال .... و السبب ان زمان تزوجت و في ليلة زواجها توفوا أبوها و أمها و تركوا وراهم ست عيال بنتين و أربع أولاد و لأن قلبها طيب و هي أختهم الكبيره طلبت من زوجها يعيشون معاهم فرفض طلبت الطلاق عشان تربي أخوانها بتتركهم لمين !!مافي أحد راح يتحملهم غيرها
طلقها زوجها و عاشت عمرها كله لأخوانها ياما جوها اللي يبونها ترفض و السبب أخوانها اللي كبروا و صاروا في مراكز اجتماعيه كبيره زوجت أختينها و بعدها كل واحد راح لحاله تنكروا لأختهم و ما يزورونها الا في الأعياد من فتره لفتره
و بعدين انقطعت الزيارات و عاشت لوحدها في بيت بين الجبال و الوحوش الكاسره في الديره ما شا الله عليها حرمه بعشر رجال تحلب بقرها و تروض ثعابينها يخافونها و لا يقربونها و تجيب مويتها و هي سعيده و تبتسم و مع ذلك تمدح أخوانها و تقول فيهم أشعار !!
تغيرت ملامحها للحزن و هي تقولي
ملك : مره قالت لي الأخ يعني أخ من الآاااخ يعني ألم و حسره و هو أول من يتنكر لك
تذكرت أخوي أحمد و ربي غصب علي تذكرته و تذكرت قسوته معاي يااااااااااااه
دمعت عيوني
ملك : جواد هو اللي اعتنى فيها و كان دايم يقنعها تسكن معاه و ترفض كان بالعيد يتركنا و يروح يعيد عندها و يناديها يمه و برمضان ماندري عنه الا انه عندها .. بيتها القديم رممه و صار آيه في الجمال ردت الحياه للبيت الكئيب ...جدتي في البدايه تضايقت بس تعودت الوضع و صار جواد محور حياتها الرئيسي حتى لما سافر و تغيرت الشركه صارت في ماليزيا و هو بعد بطولاته صارت هنا قالت بتسافر معاه شايفه هالأراضي الممتده كلها و هالنخيل الشامخه جدتي زرعتها كل هاللي تشوفينه حولك جواد سواه و شراه و كتبه بإسم جدتي عشان كذا الأجواء هنا عربيه الخيمه و القهوه و كل ما تتخيلي هنا عربي
قربنا من حظيرة بقر
ملك : حتى البقر ذولي جدتي كل يوم تحلبهم بس اليوم حلبت لنا حليب هالمعزه
و أشرت عليها
قلت بتقزز و فجعه
أميره : يعني الحليب اللي شربته من هالمعزه يععععععع
ملك : يا بنت وش فيك بالله مب طعمه يجنن !!
قلت بعدم اقتناع
أميره : حلو طعمه يجنن !!
ملك : أحبها هالبقره حنونه
أميره : ليه !
ملك : لأنه لما مات وليدها دمعت عيونها
أميره : حتى البقر لهم احساس كل الحيوانات تحس بس البشر كتله خاليه من المشاعر
ملك : مب كلهم !
أميره : ملوكه حبيبي كلميني عن كل شي في هالمكان و...........
قاطعتني و هي تطالعني بخبث
ملك : و حبيب الألب جواد
أميره : جواد !! وش دخله في السالفه
ملك : جواد هذا حبيبي
غصب عني احتريت و انقهرت " حبيبي " !!!
ملك : يااااااااه و ربي سوى عشاني الكثير فديته .... تزوجت من تسع سنوات
بعدت يدي عنها و قلت بروعه
أميره : يعني أكبر مني بثمن سنوات ؟؟!
ابتسمت بمرح
ملك : لا أنا تزوجت و عمري 14 سنه
أميره : يوه يا قلبي و كيف جا قلب لأهلك يزوجونك في هالسن
قالت بكل بساطه
ملك : عادات قبيليه
يقطعها " قلتها في نفسي بقهر
ملك : طبعا عشت معاه سعيده بدليل انه من أول يوم ضربني !!
أميره : جعل يده الكسر و الشلل ان شا الله
تذكرت كيف كانت ليلتي ... ليلة الدخله تبادل كلمات في الصميم و ضرب و غير الأشياء اللي كنت أرميها عليه
ملك : كان شري معاي مره و دايم أروح لأهلي أبكي من الضرب و الإهانات كان شكاك
ابتسمت بتريقه " مثل سي السيد
ملك : بس عشت معاه ... طبعا دايم جواد كان يوريه شغله و في الأخير يوعدني انه راح يحترمني و لا راح يمد يده علي ..... بعد سنتين تقريبا اكتشف المفاجأه انه عقيم ما يجيب عيال تغيرت أحواله معاي و صار يسوي بي يا دهينه لا تنكتين
أول كان يسوي لي النون و ما يعلمون يا شيخه !!
أميره : الرجال كلهم كذا ؟؟
مشينا جهة الإسطبل
طالعت السما و هي تمطر بغزاره
قالت بحنان و ملامحها تتبدل بالكامل كانت البنت تتكلم و هي هيمانه !!
ملك : مشعل غير غير عن كل الناس صحيح كان قاسي بس حنون بكيت لين قلبي انفطرعليه تدرين كانوا الناس يقولون له طلقها عشان تعيش حياتها بما انكم ما تجيبون عيال بس هو رفض بشده و أصر انه يحتفظ فيني !
ابتسمت ....
ملك : انتي ملكي أنا ما أسمح لأي رجال غيري يلمسك لو تزوجتي بأقتل زوجك بأموتكم اثنينكم!! كلمات كان دايم يقولها لما يسمع طاري الطلاق كنت أحن عليه مثل الحسناء و الوحش و في الأخير حبيته ..... حبيته بجنون يا أميره ما تتخيلين قديش لا ما كان حب كان عشق أو سميه اللي تسميه !!
و فجأه لما تعلقت فيه ! مات ...
حسيت برجفه هل هي من المطر اللي بللنا بالكامل و لا من قوة النهايه الحزينه اللي كانت غير متوقعه بالنسبه لي !!
أميره : مات ؟
ملك : ايه مات كانت صعبه على نفسي أتقبل هالحقيقه المره بكيت لين جاني حد بصري
رفضت انه أي أحد يلمسه كنت مجنونه أبوس يدينه و رجلينه عشان يقوم و يقولي انه ما مات .....
بس للأسف الموت انتشله من بين يديني في وقت كنت محتاجه له بكل لحظاتي !!
تخيلي أنا اللي غسلت زوجي و كفنته أنا اللي بكيت على كفنه و في الأخير انهارت أعصابي و تميت بمستشفى الأمراض العصبيه خمس شهور ! جواد ساعدني و رفع معنوياتي لين رديت لحالتي الطبيعيه مشعل بقلبي و مستحيل أتزوج لأني ملكه حتى بعد موته !
و مستحيل رجال يلمسني بعد مشعل !
أشرت على قلبها
ملك : مشعل عايش هنا يا أميره وسط الحشى عرق من عروقي لاء هو كلي بكل نبضاتي و أنفاسي أحبه يا أميره أحبه !!
عيوني دمعت في وسط المطر و أنا أشوفها تبكي ضميتها و بكينا تحت المطر يااااااااه مع ان اللي يشوفها ما يقول ان هذا كله صار لها " فعلا اللي يشوف مصيبة غيره تهون عليه مصيبته " بس لاء عمري ما راح أحب جواد ....... لأني بكل بساطه أكرهه !

البارت الثلاثين



دخلت للغرفه و أنا غرقانه بموية المطر و ضايق صدري على ملك
أول ما دخلت وقف قبالي و مسكني بلهفه أول مره أشوفها في عيونه
جواد : وين كنتي ؟
بعدت يده عني بعنف
أميره : ابعد لا أنجسك و أقرفك !!
يا شين أميره لما تمسك عالواحد شي هالكلمتين جرحتي حيل جرحت مشاعري و كبريائي
نجسه و مقرفه ياااااااااه و أفضل حل أوريه فيها كيف أنا نجسه و مقرفه !
طالعني مو متوقع حركتي !!
التفت أطالعه من بين خصلات شعري المبلوله اللي نزلت على وجهي
أميره : ممكن تطلع برى ببدل ملابسي
طالعني بتحدي
جواد : بتبدلين ملابسك بدليها بضرك في شي ؟!
قلت و أنا أطلع ملابس من الشنطه
أميره : قدامك !!
جواد : ليه مب زوجك ؟
طلعت لي بلوزه رصاصيه و بنطلون وردي
طالعته بسخريه
أميره : قدام الناس يا قلبي بس بينا لاء مب هذا كلامك ?
فتح علبة السيجاره و ولع وحده
جواد : طبعا أكيد قدام الناس يا بنت مساعد
رميت الملابس عالسرير بعنف و رحت له
أميره : أبوي أشرف من ........
رفع يده بوجهي
جواد : لا تكملين !
أميره : لاء بكمل في الداخله و الطالعه يا بنت مساعد يا بنت مساعد و ليتك تقولها بأدب ترميها رمي بكل القرف و الإستهزاء تراني انسانه مب خشبه أو قطعة جليد بس خلاص ارحمني النفس طابت منك بس ....
تنهدت أبي هوا نقي و قمت ألتقط أنفاسي و أنا أرتجف تسندت عالكرسي
مسك كتفي
جواد : اشفيك ؟!!
وخرت يده عني و شلت الملابس دخلت للحمام تسبحت بسرعه لبست ملابسي و طلعت مالقيته !
قمت أنشف شعري بالسيشوار
سمعت طق عالباب
أميره : تفضل
دخلت لي شمس و هي مبسوطه شكلها رهيب باللصقات اللي على خدها و أنفها
سلمت عليها و جلست عالأريكه
أميره : أخبارك يالغلا طمنيني عنك
شمس : بخير انتي كيفك ؟
أميره : بخير دامت الشمس بخير
شمس : تطلعين معانا
أميره : وين ؟
شمس : مع الكشافه
ضحكت و أنا أشوفها و هي تقولها
هزيت راسي
أميره : وين ؟
شمس : سباق في البحر
تذكرت رنا كنت بأقولها لا لأني أخاف من جواد يسوي لي سالفه بس بالأخير ما حبيت أكسر بخاطرها
شمس : وش قلتي ؟
أميره : طيب موافقه بس ألبس عباتي انتظري شوي
قمت ربطت شعري و دعجت عيوني بالكحل غلوس خفيف و لمسة بلشر بالفرشه
و في الأخير لبست عباتي و طرحتي و شلت نقابي احتياط لأي طوارئ
و طلعنا ... رحنا للمساحه الكبيره اللي ممتده بالبحر
أميره : كل هالمساحه ماشالله تبع الشاليه
شمس : طبعا كل هالمساحه لجواد
أوووووووف كرهت هالإسم اللي يتردد قدامي بكثره !!
بس معقوله انسان الكل يحبونه لدرجة ان الجده لما شافتني دمعت عيونها و هي اللي صلبه ما تلين ما شا الله كلهم يحبونه و يسولفون عن كرمه و حسن أخلاقه و أنا أحكي عن سوء أخلاقه معاي ...
رحنا للدبابات
راشد : مس أميره
أشر لي من بعيد و هو راكب الدباب مع محمد كانوا كلهم مرتصين في صف واحد
ملك : مستعدين يا كشافه
صرخوا كلهم : ايه ؟
كان في يدها مسدس صغير
و أطلقت النار في الجو
و انطلقت الدبابات ...
و البنات من الجهه الثانيه يشجعون و يصارخون في لحظه التقت عيوني بعيون شيخه
شرارات لاهبه تطلع من عينها انتبهت بصوت شمس
شمس : تركبين معاي !
قلت بخوف :
أميره : لا ما أحب أركب الدباب البحري
شيخه : خايفه من هالمجنونه
قالتها و هي تلمس شعر شمس بقرف
قلت بقرف مثلها
أميره : مجنونه ...... انتي المجنونه .... يالله يا شمس بركب معاك
تدرون تلاشى خوفي من البحر و تلاشى خوفي من كلمة مجنونه اللي يقولونها لشمس مدري أنا أشوفها انسانه عاديه !!لأني ما شفت جنونها اللي يتكلمون عنه !!
ركبت الدباب و جلست وراها
مشى الدباب بسرعه في البحر
أميره : خففي السرعه يا شمس
قلتها بخوف و أنا أشوف الأمواج تتحرك بقوه قدامي
كانت مبسوطه و هي راكبه الدباب و تسوق فيه شفت الشاطئ يبعد عننا كثير و المعالم تختفي .....مسكتها بخوف
أميره : بعدنا كثير يا شمس
شمس : مب مشكله يا أميره لو متنا سوى
قالتها بوناسه !!
قلت بروعه
أميره : نعم وش هالكلام ؟؟ ردي بسرعه للشاطىء
التفت لقيت ان الشاطئ اختفى البحر من ورانا و من قدامنا كانت ماشيه بسرعه جنونيه
خلت كل شي يختفي بسرعه !!
و هي ما زالت تمشي بسرعه و فجأه وقفت !!
التفت تطالعني
شمس : يالله نموت
فجعتني !!
أميره : لاء أكيد انجنيتي
شمس : أنا مجنونه أصلا انتي و عدتيني نكون سوى
أميره : ايه بس مو نموت سوى
ابتسمت
شمس : يعني أموت بروحي
و بحركه سريعه رمت نفسها في البحر
قمت بسرعه من الفجعه اهتز الدباب خفت و جلست خفت مره و قمت أصرخ
أميره : شمس ....... شمس يا مجنونه
كانت تعافر في المويه بشده الحياه حلوه حتى للمجانين اللي مب فاهمينها!
قمت أدور أي شي عالدباب ممكن يحل هالمصيبه و حنا في هالبحر المرعب
ما لقيت شي ... في الأخير مديت لها يدي مالي حيله غير كذا ؟؟!!
أميره : شمس ... امسكي يدي الله يخليك لا تموتين لاء
دموعي نزلت حاره و أنا أحاول أقرب منها أكثر ...
مسكت يدي أخيرا سحبتها عشان ارفعها بس الدباب خانا و اهتز بقوه ما تحمل و طحت في المويه مع شمس !!
مسكت الدباب بيدي أتعلق عليه و أنا أشوف شمس مغمى عليها و تغوص تدريجيا في المويه
مسكتها من ملابسها سحبتها و أنا أمسك الدباب باليد الثانيه !
حسيت بخوف برعب و روعه لما تذكرت وضعي في البحر لما رمانا الحرامي !!!
راسها كان داخل المويه مع ثقل جسمها ما قدرت أسوي شي حاولت أتعلق بالدباب و أركبه ما قدرت خلاص بكيت و أنا أشوف راسها بالمويه أكيد ماتت بس لاء ما راح تموت جمدت قلبي و فكيت طرحتي و مررتها حول خصرها و شديتها بيد وحده على فتحه كانت في الدباب حاولت أتعلق فيه تخلصت من جزمتي و حاولت بصعوبه أطلع الدباب و الحمد لله نجحت جلست ألتقط أنفاسي و أنا أسحب شمس من المويه خفت لا ينقلب علينا الدباب
رفعتها بصعوبه و ربطت الطرحه حولي و حولها خصوصا انها مغمى عليها حاولت أسوي لها تنفس صناعي بس حجم الدباب ما يساعد جلست قدام هالآله العجيبه اللي هي الدباب كيف أسوقه كيف أحركه مدري مسكت المقود و دورت المفتاح اشتغل الدباب و أعلن عن حركته و استعداده للإنطلاق ما عرفت كيف أسوقه بس ضغطت برجلي على دعاسه غريبه
فتحرك الدباب في البدايه خفت بس قدرت أتحكم في الإتجاهات و هذا أهم شي !
غيرت الإتجاه للشمال و أنا أستدل على الجهه عن طريق الساعه و الشمس ؟
علمتني اياها رنا أيام ضعنا في هاواي !!
عرفت الشمال و اتجهت له مرت ساعه و أنا على هالحال استغربت اني ما أغمى علي أو
جلست في مكاني .... تذكرت شمس اللي لاصقه فيني جثه بدون حياه !!
أسرعت و أنا خايفه عليها شفت الشاطئ قرب و المعالم للمباني بدت تظهر أسرعت بسرعه لين وصلت للشاطئ لقيتهم كلهم مجتمعين يطالعوني بخوف فكيت الطرحه و نزلت من الدباب تجمعوا علي البنات و الكشافه : وينك ؟
طالعت شمس و أنا أسحبها ساعدتني ملك و البنات و رفعناها
مددناها عالأرض و قمت أسوي لها تنفس صناعي و أبكي
و الأسئله تنطرح علي من كل صوب
ملك : بس اسكتوا خلوها تعرف تنقذ البنت
ترقب من الجميع لي و لشمس اللي ما تحرك فيها ساكن
أميره : بتعيشين أنا وعدتك و عدتك أنقذك من الألم واحد ... اثنين ... ثلاثه ....
بكيت و أنا أحسب كم ضغطه و أبكي
بعد فتره مب قصيره من المعاناه كحت و هي تفتح عيونها بتعب
صرخوا الكشافه بفرح و هم يطالعوني
ضميتها و بكيت
أميره : شمس لا عاد تعيدينها
بكت بهدوء
كل اللي حولي تأثروا حتى شيخه اللي قلبها مدري وين راح بان عليها الحزن
قمت أبي أروح لأنه اللي في داخلي كبير و مب قادره أطلعه
جاني جواد و ضمني بقوه
جواد : أميرتي سلامتك وين كنتي ؟؟
طالعته بإستغراب و مثلت قدامهم اني أبكي على صدره
مسك يدي
جواد : تعالي ارتاحي تعبتي حيل
و ضغط على يدي بقوه أكيد اصبعي البنصر انخلع من مكانه
طبعا ضغطه تحذيريه من كارثه راح تصير !!
و سحبني للشاليه و أنا أطالع سلطانه برجاء
أول ما دخلنا الغرفه دفني بقوه
جواد : انتي بأي حق تطلعين من الشاليه بدون شوري
أميره : شورك ؟؟ ما لك أي حق
جواد : لا و تسوين لي فيها و تركبين الدباب مع وحده مجنونه ..... افرض ... افرض صار لك شي أو .....
كان يقولها بعصبيه و هو يهتز بقوة
قلت ببرود و أنا أطالع الأرض كملت بقية جملته
أميره : أو مت صح !
طالعته و أنا أبتسم
أميره : ليتني أموت صدق و أروح للناس اللي أحبهم أبعد عن الجحيم اللي أنا عايشته
غمضت عيوني بتعب و قلت بنشوه
أميره : حيل وحشني أبوي !!
جا هزني بقووه
جواد : مجنونه انتي تفاولين على نفسك ؟!
دفني بعنف و طلع من الغرفه أنا في مكاني مثل ما تركني تميت
______________
الساعه : 01:00 صباحا
لقيت نفسي في مكان غريب
ملك : بسم الله عليك ما تشوفين شر
أميره : أنا وين !
ملك : بالمستشفى
هزتني الكلمه بعنف نفضت البطانيه و قمت
مسكتني سلطانه
سلطانه : اهدي انتي بخير ؟!
قلت بجنون
أميره : لا أنا ما أبي .... ما أبي المستشفى طلعوني من هنا أنا كيف دخلت هنا كيف ؟؟
ملك : ارتاحي و هدي أعصابك
مسكت يدها برجاء
أميره : ما أبي هنا أبي بره .....أبي أطلع بره هالمكان
سلطانه : أميره !!
قالتها بحزم
هديت و طالعتها و عيوني تدمع
أميره : أبي أطلع من هنا يا سلطانه افهميني !!
ملك : ان شا الله بس انتي قومي توضي و صلي
طق عالباب و دخل أول ما شفته
أميره : بره ..... بره بره بره طلعوه بره
مسكتني ملك بس بقوه سحبت نفسي و قمت من عالسرير و أنا أضرب صدره بقوه
أميره : يا عديم المشاعر و الإحساس بررررره اطلع بره تبي ترميني هنا
صرخت بعلو الصوت و سلطانه و ملك يمسكوني
أميره : طلعوه بره ما أبيه ........ أبيه بره اتركوني ما ابيه
ما تحرك من مكانه الا بقى على نفس وضعيته يطالعني ببرود !
دخلوا الممرضات و أنا أصارخ فيه و فيهم و في كل الناس اختفت الصوره من قدامي و حل محلها الظلام ؟!
_____________
الساعه : 05:00 صباحا
صحيت و أنا عارفه اني بالمستشفى
رحت للحمام توضيت و صليت و أنا أشوف الطيور من شباك الغرفه
جلست عالسرير و قمت أسبح و أستغفر
طق خفيف عالباب
أميره : تفضل
دخل و طالعني
طالعته و أنا أبتسم شكله مره تعبان حزني ..حتى الهجوم اللي كنت ناويه أشنه عليه
لما شفت شكله حنيت عليه و هونت !!
جا و جلس جنبي و طالعني
طالعته غصب عني طالعته
و ربي وحشتني هالعيون الناعسات الجاذبيه اللي فيهم مب طبيعيه هو كله على بعضه جاذبيه ابتسم لي بنعومه
جواد : شكلك بشرشف الصلاه حلو
صلح لي طرف الشرشف و هو مبتسم
أميره : جواد ؟
جواد : هلا
طالعت للباب بإرتباك
رد راسي تجاهه
جواد : قولي اللي تبينه ؟
تدرون كيف لما مغناطيس يجذب قطعه من الحديد وش يصير !!
بس أحاول أقاوم هالجاذبيه بكل اللي أقدر عليه ؟!!
أميره : تعبان ؟
فصخ الجاكيت اللي كان لابسه و حطه عالكرسي بتعب
جواد : تعباااااااااااان
مسك يدي و حطها على صدره
حسيت بنبضاته المتسارعه طالعته بحزن و عيونه الناعسه تطالعني بتعب
حنيت عليه و بعد حزنت عليه حيل مدري ليه قلبي كذا يحزن بسرعه و يرضى بسرعه
حط راسه على فخذي ...
أميره : جواد انت مره حار قوم للدكتور
قلتها بخوف عليه غصبن علي
رفع راسه بتعب
جواد : يالله قومي نمشي من هنا
أميره : بس الطبيب ما كتب لي خروج
ابتسمت له شكله رهيب و خصلات شعره القصيره على جبهته الجميله
حطيت أصبعي على خده
أميره : أححح أي أصبعي حرقني
ابتسم لي و هو يبوس اصبعي
باسني لااااااااااااااا مني مصدقه بس لاء ملامحه الشريره ما تغيب عن نظري أبدا
جواد : ما عاش اللي يحرقه
مسك يدي و رد حط راسه على فخدي
حطيت يدي على شعره بعد تردد
جواد : لازم نرد للبيت ؟
أميره : بس أنا أبي أتم بالمستشفى ؟!
رفع راسه و طالعني بإبتسامه حلوه
روعتني أكثر من انها عجبتني
جواد : لأني قاسي عليك !
قلت و عيوني تدمع
أميره : روح اطلب من الدكتور انه يطلعني ؟؟
سمعت طق عالباب
مسحت دموعي بسرعه
أميره : تفضل ....
دخلت عمه مزنه و ضمتني و قاموا يسلمون علي بالدور ملك و سلطانه و عمه نويره
مزنه : وش مدخلك هنا يالله يالله اطلع ؟؟ كل هذا ملهوف عليها
و قامت تدف جواد بخفه و تضحك
قالت عمه نويره
نويره : لا تكونين حامل و حنا ما ندري ؟
التقت عيني بعيون جواد
ارتبكت و حريت مع ان الجو حلو
قال بتريقه و هو يطالعني من طرف عينه و يبتسم
جواد : لا يا خاله مب جايبين عيال الا بعد عشر سنين
نويره : وليه ما تجيبون عيال وش فيكم !!
أميره : ما فينا شي يا عمه مب حمل و الله انه تعب بسيط يا قلبي
طلع جواد و هو يبتسم بإستغراب
همست لي سلطانه
سلطانه : ياه ما شفتيه أمس وش سوى لما طردتيه من الغرفه ؟
شمقت بشفايفي و قلت بدلع
أميره : يعني وش سوى ؟!
سلطانه : راح ضرب الدكتور و طلب دكتوره تكشف عليك ؟؟
قمت أضحك ...
دخلت الجده بدون ما تطق الباب جت سلمت علي و طالعتني
الجده : عسى ما شر يا بنتي
ابتسمت بمرح
أميره : بخير دامك بخير يا وجه الخير
جلسوا اهل جواد و هم جايبين معاهم شيله محترمه من المأكولات من كل الأنواع
نويره : يالله حبيبتي كلي عشان تتقوين كذا و تجيبين لنا جواد صغيرون
قديش أحرجتني ما أحب أجيب هالسيره حمل لا يا ربي أعوذ بالله و من مين من جواد ؟
طردت الفكره بسرعه قبل ما يبان على وجهي !!
مدت لي الجده صحن
الجده : خذي يا بنتي هذا أفيد لك من الخرابيط اللي جايبينها هذا جريش مصلحته على شانك ؟؟
أخذته منها ريحته رائعه
مزنه : يا اميمتي و الله أكلنا صحي
الجده : أي صحي خلها تاكل الجريش شوي و هي مثل الحصان
ابتسمت بإعياء و قمت آكل ارضاءا لهم
ملك : مين قدك جدتي بكبرها خايفه عليك ؟
طالعت للجده و ضميتها غصب عني بكيت و ربي بكيت من قلب أبي قلبها الطيب يحضني أبي أصرخ أطلع كل اللي بداخلي !
طالعتها لقيت دموعها على خدها كلهم استغربوا و بكوا .... تأثروا بالحيل !!
بعدين عرفت من ملك ان الجده ما عمرهم شافوا دمعتها و هي أعتى الرجال ما يقدرون عليها لو دخلت المجلس كل اللي فيه يقومون لها احتراما يسلمون على راسها و يدها و يسمعون كلامها و يسكتون لا تكلمت
رفعت يدي أبي أمسح دمعتها وقفتني
الجده : خليها هالدمعه اللي ما نزلت من عشرين سنه خليها تحرقني و ترتاح
رديت ضميتها و أنا أشهق بست راسها و يدها و رديت أضمها
كلهم تأثر و بكوا !!
انتهت الزياره
يااااااااااااه تمنيتهم يبقون هنا أكثر خلو لي الأكل رتبوه بالأكياس و الحافظات ودعوني و طلعوا ...

جلست عالسرير أطالع الغرفه بألم و الدموع ماليه عيوني
متعوده دايم الغرفه فاضيه غير من ريحة المطهرات و المعقمات و خطوات الممرضات
و أصوات الأجهزه !!
هم أسعدتني جيتهم و رفعت معنوياتي حيل أحسن من هلي اللي تنكروا لي !
03:20 عصرا
تذكرت رنا ...
رنا : الخير في الغرباء أحسن من الأهل اللي في الحشا يطعنونك
أميره : صح بس أحيانا الأهل يكونون طيبين
قالت بسخريه و هي تقلي البطاطس
رنا : الأهل ما فيهم خير و انتي قلتيها بنفسك أحيانا و هم أحيانا يا أميره
رميت الروايه عالطاوله و رحت لها
شلت قبعة الشيف من على راسها
أميره : يعني تبين تقنعيني ان الغرباء فيهم خير أكثر من الأهل ؟!
رنا : طبعا
أخذت القبعه من يدي و حطتها على راسها
أخذت بطاطس ضربتني على يدي و ردتها بالصحن
أميره : طيب انتي أهلي و ناسي و فيك كل الخير
شلت البطاطس رميتها في فمي و رحت للطاوله و أنا أضحك
انتبهت من الذكرى على وجهين حلوين يطالعوني
شمس : أمورتي
ضميتها بفرح مستانسه و مني مصدقه
مسكت وجهها
أميره : انتي بخير
ضميتها ياااااااااااه باقي عايشه الحمد لله
طالعت لجواد اللي كان الوجه الثاني و اللي يتأملني بصمت
قال و هو يطالعني بطرف عينه و يطلع السيجاره
جواد : خلاص يكفي أحضان كل هذا حب !
قلت بسخريه
أميره : طيب لا تولع السيجاره تراك في مستشفى
ردها في جيبه بهدوء
أميره : واحشتني حيل
شمس : متى تردين البيت ؟
أميره : حسب ما يقول الدكتور
رد جواد مصحح و هو يضغط عالكلمه
جواد : الـ د ك توره !!
أميره : الدكتوره ..... كيف جيتوا تو الزياره مخلصه ؟
شمس : جواد اللي جابني !!
قال ايش شمس تكشف على جواد عادي لأنها مجنونه بس و لو البنت حلوه و مزيونه يعني عيب و بعدين كانوا راكبين في سياره وحده يعني خلوه و يبتسم لها و عادي يعني منتهى المصخره .........آآآآآآآآآآآآآه
غرتي !!!!!... صوتي الداخلي العجيب اللي يسألني دايم الأسئله اللي تجي في الصميم و تحشرني في زواياها الضيقه
لاء ما غرت بس ...... بس ايش !!
شمس : أميره ؟
أميره :هلا يالغلا
شمس : بنطلعك اليوم وش رايك ؟!
طالعت جواد اللي كان ساهي يطالع الشباك قصدي اللي برى الشباك ......بتفكير عميق

الساعه : 5:00 عصرا
طلعت من المستشفى مع شمس و جواد و هم طول الوقت يسولفون و أنا ساكته أطالع الطريق بصمت وصلنا للشاليه و استقبال حافل ...
جلست مع الكشافه
أميره : كشافه وين بتكون رحلتكم بكره ؟
محمد : و الله طال عمرك نفكر نروح الخليج
جواد شب وجهه و بدت ملامح العصبيه ترتسم على وجهه حيل قال ايش محمد كبير الولد تو عمره عشر سنين بس جسمه ما شالله و طويل !!
ابتسمت لمحمد بمرح و أنا مبسوطه ان جواد ياكل في نفسه !
جلسوا الأطفال حولي
أميره : خليج ؟؟؟!! خليج في ماليزيا
راشد : حنا كشافه يا مس أميره بنروح و نكتشف !!
أميره : و مين قائدكم الهمام اللي راح يشرف عليكم ؟؟
محمد : قال لنا المشرف ان اسمه ...... اسمه
واحد منهم : فيصل آل .......
انتفضت و أنا أسمع هالإسم طالعت لجواد اللي أشوى انه كان بعيد و يسولف مع سلطانه
....فيصل !!
تذكرت كلمته اللي دايم يقولها و صوته الرخيم الدافي يرجفني
مجنونك : فيصل
ليه فيصل يطلع لي في كل مكان أكون فيه ليه معاي بدبي بالملاهي بالبحر و أخيرا في ماليزيا باقي يحبني لهالدرجه ما قطع الأمل لما عرف اني تزوجت جواد ؟!!
تردد صوته في داخلي ... مجنونك فيصل !!
سوى معاي اللي حبيب مستحيل يسويه لحبيبته طيب معاي لأبعد درجه بس أنا خذلته و رفضته ......
راشد : مس أميره ... مس أميره
ابتسمت ببهوت
أميره : هلا حبيبي
راشد : وش فيك ؟؟
قمت و أنا أبتسم معلله
أميره : تعبانه شوي بروح أرتاح
رحت لغرفتي فصخت عباتي و دخلت أتسبح
أراقب قطرات المويه و هي تنساب على جسمي بهدوء
فيصل !!
لو عرف جواد ان فيصل موجود أكيد بيقتله و بيسوي مصيبه !!
لو عرف أكيد بيقتلني أنا قبله و بشكه الزايد بيقول اني واعدته فجا لماليزيا
طرت هالفكره اللي عرفت انها بشعه و أنا أطلع من الحمام !!
لبست سواريه أحمر عليه جكت جينز و بنطلون جينز ميدي من نفس لون الجاكيت
لبست جزمه حمرا نعومه
لميت شعري على ورى رفعته كله فوق و لفيته بشريطه حمرا
دعجت عيوني بالكحل و حطيت غلوس أحمر ناعم تعطرت و طلعت أتمشى
محتاجه أصفى بروحي شوي
مشيت في المزرعه بهدوء و أنا سرحانه في فيصل
ليتني تزوجته و وافقت عليه اللحين عرفت سبب ترددي في رفضه كنت حاسه و أنا ما أدري اني راح أنرمي هالرميه الشينه !
و جواد معقول يكون راعي بنات و لا شيخه تكذب علي !!
يمكن كانت تبيه و صدها فحبت تنتقم و تتبلى عليه ممثله محترفه يمكن و يمكن لاء
انسان بكل هالصفات معقوله يكون حق هالشغلات لاء مب معقول!!
تذكرت كلام سلطانه
( لا تسمعين أي كلام ينقال عن جواد حكمي عقلك )
بدى الصوت اللي في داخلي يتكلم ... لا تفكرين ان كم لمسة ايد أو كم بوسه لك من قلبه
تراه لعاب ...... مب معقوله لاء !!
ليه ما يكون الحب في المعاني الساميه اللي ممكن يظهرها بدون هالحركات جواد يكرهك
لو انك مع فيصل كان نمتي في أحضانه سعيده و تتمنين الوقت يوقف و لا يمشي بوجوده
و انتي اللحين شوفي نفسك تنتظرين متى تموتين و ترتاحين ؟؟!!
طيب و الحل ؟؟ ........... اهربي لفيصل
صرخت بصوت عالي
أميره : لااااااااااااا ء مستحيل
بتمين كذا لمتى ؟!.... بس أنا متزوجه و مو من طبعي الخيانه .... طيب جواد قيدك أهانك أذلك و اعتبرك ملكه انتي في نظره نجسه و قذره انرمت في طريق أقداره فحن عليها و تزوجها حن عليها مثل ما حن على جدته مثل ما حن على ملك و مدري مين بعد !!
اصحي و شوفي العالم و عيشي حياتك في دبي اللي كانت عالأقل أهون مليون مره من هالعيشه .... بس أنا مب من طبعي الغدر و الخيانه .... طيب ليه ما تطلبين الطلاق
كل اللي مر بينكم شهر تقريبا و لا اكتمل
رجعت للغرفه بعد جوله دامت ساعه
لقيته متمدد عالسرير يقرى جريده
سكرت الباب و قلت :
أميره : جواد
حط الجريده جنبه و طالعني بإهتمام
جواد : نعم !
أميره : طلقني
ضحك بسخريه و هو يولع سيجارته اللي كل ما جيت أتكلم معاه ولعها ليه لهالدرجه
أوتره !!
جواد : متى تبين الطلاق ؟؟
وترني زياده و خلى ضغطي يرتفع يعني مب أنا اللي أبي الطلاق و بس هو بعد يبيه
أميره : ياليت اللحين ؟
قال بسخريه
جواد : ليه ناويه تهربين لفيصل ؟
ابتسمت ببرود لأني كنت متوقعه هالكلمه
أميره : يمكن ؟
قام بسرعه و دفني للجدار بقوه و طالعني بحده و عصبيه
جواد : طلاق ما فيه انسي اني أطلق و فيصل أنا عارف انه في ماليزيا و راح أقتله فاهمه بقتله ......
طلع من الغرفه بسرعه و صفق الباب و هو يقفله بالمفتاح
وقفت في مكاني أقل من دقيقه و أنفاسي محبوسه في داخلي تنهدت بألم و انهرت عالأرض سمعت صوت المفتاح يدور بالباب و ينفتح بسرعه
دخل جواد يدور في الدولاب بعصبيه و أنا أمسكه
أميره : جواد الله يخليك لاء أبوس يدك لاء
طلع شي طويل مغلف بكيس أسود
بكيت على يده سحبها بقسوه و بعدني عن طريقه بقوة
أميره : جواد جواد و ربي حرام اللي تسوي
جواد : خايفه عليه بقتله
أميره : لا مب خايفه عليه خايفه عليك الله يخليك لا تتهور
رحت له مسكت يده حاولت معاه انه لا يتهور
دفني بقوه و سكر الباب بالمفتاح
بكيت بقوه بكيت حيل خفت لا يسوي مصيبه قمت أدور على جواله مالقيته
فكرت أضرب عالباب يجيبون لي مفاتيح احتياطيه و يفتحون الباب بس هونت في آخر لحظه فصخت الجكت و رميته عالكرسي و قمت أدور في الغرفه أهوجس فيه مرت الساعه الأولى و الثانيه و الثالثه وين سلطانه و ملك ما حسوا في غيابي !!
تعبت مالقيت الا السرير بيحضني بنعومه تمدد عالسرير و تلحفت بالبطانيه و ضميتها
بهدوء نعست عيوني و نمت !!
_____________
الساعه : 04:30 صباحا
جواد : شايفه هالدم ... دم حبيبك فيصل قتلته خلاص ههههههههه
و اللحين جا دورك يالنجسه عشان أقتلك ؟!
حطيت يدي على فمي من الخوف و الرجفه تقتحم كل أوصالي بشده
أميره : جواد لا الله يخليك لاء أنا ما سويت شي أرجوك
قرب مني و قال بوحشيه
جواد : الموت للخونه اللي مثلك يا خاينه
فتحت عيوني بخوف
الحمد لله انه حلم طالعت الساعه و قمت !!
لقيته جنبي !!
قمت جلست أطالعه بس وجهه ما كان يقابلني ...جيت بقوم تذكرت السواريه اللي لابسته رديت تمددت تحت البطانيه بإرتباك
قام جلس
جواد : السافل سافر لدبي
طالعته و هو معصب و فضلت السكوت لأنه كف من يده راح أنام في المستشفى سبع شهور عالأقل !!
قام و فتح النور كان لابس بنطلون طويل بس بدون فنيله
قمت أتأمل جسمه ؟؟
ولع سيجارته و قام يسحب الأنفاس منها بقسوه
جواد : وش فيك ؟
قلت بإرتباك و أنا أشد البطانيه على جسمي
أميره : مافيني شي ؟؟
قرب مني و طالعني بشك
جواد : وش فيك ؟؟!!!
قالها بإلحاح
ضميت البطانيه بخوف
أميره : لابسه لبس عاري ما أبيك تشوفني فيه
مشى و راح للمكيف بيطفيه
أميره : ممكن أبدل ملابسي ؟
جواد : يعني أطلع ؟!
رفعت حواجبي يعني مدري عنك !!
وقف مقفيني
جواد : قومي بدلي ملابسك ما راح أشوفك
ترددت أقوم بصراحه
طالعني و قال
جواد : مب واثقه فيني !!
أميره : يالله بقوم بس يا ليت لو تقفي زين !
رد قفى مثل ما قلت له
قمت من عالسرير أطلع ملابس من الشنطه عشان ألبس
أميره : وش هالجرح اللي على ذراعك؟
كان يبي يلف يطالع الجرح قلت محذره
أميره : باقي ما خلصت لبس !يا جواد
كنت ألبس الهاي نك الحرير بأكمام طويله لونه ليلكي
جواد : أيام التدريب بالمدرسه الثانويه تضاربت مع واحد فلبيني
قلت و أنا أربط حبل الخصر
أميره : ليه في أي مدرسه درست ؟
جواد : في بريطانيا ..... تدرين ليه ضربته ؟
قلت و أنا أسكر ازرار التنوره الغجريه
أميره : ليه !!
جواد : لأنه ضرب لينا بنت الجيران
عضيت على شفايفي معصبه
لف و طالعني !!
جواد : كنت متأكد انك خلصتي ؟
حطيت الملابس اللي فصختها على جنب
أميره : مين لينا هذي اللي ضربت الفلبيني عشانها ؟
جلس عالكرسي و قال
جواد : بنت جارنا أبو حمد كنت أستلطفها كانت أيامها بالمتوسط
تضاربت أنا و الفلبيني و ضربني بالسكين على ذراعي !
قلت في نفسي بتشفي .. أحسن ان شا الله زود
قمت بعد ما خلصت تمشيط شعري
أميره : تبي شي بطلع ؟
جواد : لا تطلعين !
أميره : ليه ؟
جواد : بنطلع نتمشى البسي عباتك ؟!!
طالعته مني مصدقه
جواد : ما تبين !!
توه معصب و كان يبي يقتل فيصل و اللحين مبسوط و يبي يتمشى !!
لبست عباتي و رتبت أغراضي و هو راح يبدل ملابسه و طلعنا
ركبنا السياره و مشينا
ظليت سرحانه طول الطريق أتأمل الشوارع و الناس و لا انتبهت انه شغل أغنيه الا لما نبهني بصوته
جواد : سرحانه !!
أميره : فيك ؟!
جواد : أنا !
أميره : ايه أفكر في .........
قطعت كلامي فجأه لأني أفكر متى نتطلق من بعض و أرتاح
انت غير الناااس عنــدي
انت عندي شي كبيـــر
كيف بصبر و أنااا شااايف
ناااس من حولك كثير
و أنااا أحبك و أقولهااا لك
هذي خليهااا في بااالك
أنااا ماااني أي عاااشق
أنااا لمااا أعشق أغير
و الله لمااا أعشق أغير
و قام يعيدها بإستمتاع و انسجام
جواد : أنا لمااا أعشق أغير
و الله لمااا أعشق أغير
جواد : بنقضيها صمت على طول
يديني كانت باردة ببرود جبال الألب كنت كسيره من جوه حزينه محطمه أعزف أحزاني بصمت على أوتار قلبي التفت أطالعه و رديت أطالع يدي البارده
مسك يدي بقوه .....ارتجفت
جواد : ول انتي وين كنتي لا تقولين كنتي بالإيسكيمو ؟
من عيون الناااس و الله
أغااار يااا عمري عليك
مااا تطمن و أنسى خوفي
الا و يديني بإيديك
بس تحمل كل جنوني
لنك أغلى من عيوني
لو تدور مااا تلاقي
منهو غيري يموت فيك
حسيت بيدي تمتص حرارته و تحضن دفاه حيل كهرب قلبي على طول بس قاومت كالعاده
و هو مبسوط يردد الأغنيه و هو محتفظ بيدي
قلبي في يدينك يااا غااالي
بس خل بااالك عليه
يااا حبيبي هذااا قلبي
و انت أدرى الناااس فيه
لو أعيش العمر كله
مااا انسى حبك أو أمله
مااا أبي شي بحياتي
انت بس اللي أبيه
و الله بس اللي أبيه
سحبت يدي بهدوء
كنت أطالع الخضره اللي منتشره حولي
و المزارعين يحصدون الـ ...........
مدري !!
أميره : هذي مزارع ايش ؟؟
جواد : عنب
و المزارعين يحصدون العنب ياه مره روعه
أميره : بس المطر ما يخافون البرد
ابتسم و قال
جواد : متعودين على كذا !
أميره : ممكن نوقف هنا شوي ؟!
جواد : ان شاالله
استغربت هالطاعه و التنفيذ السريع للطلبات
نزلنا و أنا أشوف المزارعين يحصدون بهمه و نشاط
أميره : ياااااااااااااه الجو روعه
كان ودي أسألهم بالإنجليزي كيف يحصدون في المطر بس ........
توقعتهم ما يتكلمون بالإنجليزي لأنهم قرويين فأكيد يتكلمون بلغتهم
جواد لا أقولكم عليه كيف كان يدخن
غصب علي مسكت يده اللي يدخن فيها
يخرب ريحة المطر و يكتمني
أميره : ممكن ما تدخن !
طالعني ببرود رمى السيجاره و دعس عليها و قال بنفاذ صبر
جواد : نمشي !!
تنهدت بحراره
أميره : يالله
مشينا يين المزارع و شوي مسكنا خط جبلي طويل ذكرني بجبل الهدا و كيف المنعطفات فيه حاده ..... تذكرت قصة واحد انحرفت سيارته و حطمت السياج و بسرعة بديهته ما شالله نط من السياره اللي كان متوقع انها بتطيح في المنحدر بس في الأخير هو تهشم في المنحدر و بقت السياره مكانها !!
أميره : ليه حنا بماليزيا
قلتها بتردد بس .....
جواد : هنا شركتي الخاصه و هنا حياتي أصلا اللي متعود عليها
و أخيرا وصلنا لقمة الجبل اللي كان يطل على كل الإبداع الرباني اللي في المنطقه !!
طلعنا من السياره
قال و هو يستنشق الهوا بإنتعاش
جواد : هنا مكاني الخاص محد يعرفه غيرك
شلت النقاب عن وجهي و أنا أقول بمرح
أميره : واااااااااااااو مكان مذهل ياااااااااااااه
استنشقت الهوا بعذوبه طالعت للأراضي الخضرا اللي ممتده بشكل مدقن
ذكرني بجبل قارا اللي في الحسا يطل على الحسا من فوق بشكل جنان .......
جلس يطالع المكان بتأمل
ما حبيت أقطع عليه تأمله
جواد : تعالي اجلسي
رحت جلست جنبه بهدوء بس طبعا بينا مسافه و قدرها !
أميره : جيت كم مره لماليزيا بس عمري ما شفت هالمكان الحلو
جواد : طبعا سر من أسرار جواد كيف بينعرف ؟
كلك أسرار يا جواد ما ينعرف وش تفكر فيه أو وش في داخلك كلك على بعضك غير تقليدي ردات فعلك حركاتك عصبيتك في كل شي غير حتى .............
تنهدت بحزن
حتى في قسوتك و تعاملك آآآآآآآآه منك
جواد : كيف تعرفتي عالكشافه ؟؟
ابتسمت بمرح و أنا أقلب دفتر ذكرياتي على أجمل صفحات حياتي :
أميره : رحنا هاواي أبوي الله يرحمه مسويها لنا مفاجأة الصيف قبل سنتين
أنا و رنا طبعا سافرنا مع بعض ذاك الصيف استانسنا حيل ....
أبوي في مخطط رحلته عرفنا على جون مخطط رحلات طبعا كان يسوي فرق و مجموعات للي يكتبون أسمائهم في استبانات !!
و طبعا طلع حظنا حلو مع مجموعه الكشافه كلهم عرب معدا اثنين كانوا ألمان
و مستر جون خلاني أنا و رنا المشرفين على الكشافه
قال اننا ثنائي مثير و سلوكنا مثير
قمت أقلد مستر جون و هو يقولنا بالعربي المكسر
أميره : مشاكسات
قام يضحك و ربي ضحكته تجنن
أميره : عشنا أيام رائعه تعلمنا فيها الإعتماد على النفس كنا نطبخ شربة الكاري و لما الكشافه يسوون شي مخالف للقوانين نسوي لهم كاري مليان فلفل حار عقابا لهم
مره ضعنا أنا و رنا و راشد و وحده فلسطينه اسمها نارمين أحلى موقف صعب مريت فيه
رنا علمتنا أشياء كثير ركبنا القوارب سبحنا في البحر أكلنا القوقع قرصنا البعوض و كهربنا قنديل البحر صحنا صرخنا جرينا تعبنا بكينا شهقنا خفنا كل شي كنا نسويه
و بعد ثلاث أيام ودعنا بعض بدون وداع يعني اتفقنا اننا ما نودع بعض لأنه اتفقنا اننا راح نلتقي في يوم من الأيام شفت ...... التقينا بس بروحي بدون رنا مجرد سؤالهم عن رنا كان يكويني بس الحمد لله... عدت بسلام ... الله يرحمها
كان يطالعني بإنتباه كامل سارح بعيد مع أميره
طبعا أنا ارتبكت و حريت من نظراته قال و كأنه فكر في هالسؤال قبل لا يطرحه
جواد : وش رنا بالنسبه لك ؟
طالعت للخضره اللي حولي بسرحان
أميره : رنا كل شي بالنسبه لأميره ماخذه مساحه كبيره من أميره انسانه فوق الوصف
ان قلت عصبيه فهي كبريت سريع الإشتعال .. و ان قلت عنيده راسها أنشف من الحجر و ان قلت حنونه حنونه و تنسى بسرعه يعني تعصب في وقتها و فجأه تلقاها تحن عليك و تنسى طيبه لأبعد درجه و متهوره حيل متهوره تحب المغامرات بشكل ما تتصوره ان قلت مغروره هي كل الغرور بس على أعدائها تفهمها و هي طايره راعية تخيلات مجنونه
كنت أسميها أندر تيكر
ضحك بقوه و قال بإندماج
جواد : ليه ؟
أميره : لأنها مره عفشه و دايما أنا و اياها صراع بالمخدات و علب المناديل و الكتب
كانت رقيقه لأبعد درجه حالمه و رومنسيه و نعومه و دلوعه كانت مهره عجز خيالها يروضها تروح بمشاعرها بعيد و تطير مكان ما يوديها الريح !
و بحكم ان تخصصها علم نفس فصايره بس تتفلسف مثل صوفي !!
( الحياه ابتسامه ساخره حطمها قبل أن تسخر منك )
جواد : الحياه ابتسامه ساخره حطمها قبل أن تسخر منك .. حكمه عقلانيه
تنهدت بحزن
أميره : بس راحت كذا قدام عيني أمقتها للحظات لأنها غدرتني و ماتت بس لما أرجع أفكر ألقى ان من الجنون أفكر كذا ....قدرها و قدري اننا نفترق !!
توفت و هي تعلن عن رحيل أيام السعاده و حلول الألم
غمضت عيوني و رديت فتحتهم
أميره : قالت لي مره أحيانا نحزن على الماضي و الحاضر و ما ندري ان المستقبل سعاده عظيمه تستحق الصبر ....
بدت حبات المطر تصطدم بوجهي ....
طالعت جواد اللي كان سارح في داخلي أربكني قلت بعصبيه و أنا ألبس نقابي
أميره : مب زين نبقى هنا و المطر يهطل عشان الصواعق و حنا في مرتفع
ما رد علي
قلت بإلحاح
أميره : جواد !!
جواد : هاااااا
أميره : بسك عاد يكفي تأمل المطر غرقنا
جواد : انتي مثل رنا بالزبط كأنك توصفين نفسك بس اللي عيونهم رصاصيه اذا حبوا أخلصوا !!
أميره : جواد يالله
كان كلامه غريب و أحيانا مهو منطقي صحيح اذا حبيت أنسى نفسي بس ........
ركبنا السياره و مشينا
جواد : بنرد الرياض
طالعته بإنتباه
جواد : قصدي بردك للرياض
أميره : ليه ؟؟
جواد : بخلص أشغالي هنا و برجع لك
أميره : ممكن أعرف شالسبب ؟؟
رد بعصبيه
جواد : قلت لك شغل
هزيت راسي و قلت
أميره : نسيت اننا مجرد أصدقاء ما لازم نسأل بعض هالأسئله اللي تعتبر لقافه
حسيت الحزن يرتسم على ملامحه
وصلنا الشاليه
شلت أغراضي و لميت قشي كله و علمت الكل اني مسافره بكره للرياض طبعا حزنوا كلهم و ملك طلبت تروح معاي بس جواد رفض بحزم حزنت على الجده و على فراقها مدري وش سبب هالسفره المفاجأه و ليه لازم أروح للرياض و عند مين ؟؟
شمس صاحت لين قالت بس و هي تمسكني ما تبيني أروح سلطانه ودعتني بحراره و هي تناولني دفتر جلد فخم مره شكرتها عليه و سلمت عالجميع و طبعا ما أنسى الكشافه المبتدئه كيف كان وداعهم صعب و رحنا عالبيت
يا ربي على هالبيت مع اني كرهته من كل قلبي الا اني مشتاقه له حيل حيل
هو جلس في الصاله يدخن و أنا فصخت عباتي و رحت للمطبخ أسوي نسكافيه
أميره : تبي نسكافيه ؟
جواد : ايه ؟!
سويت له و لي و عطيته و جيت مقفيته رايحه الغرفه
قمت أرتب أغراضي بالشنط خلصت بعد ساعه تقريبا رحت لدولابه أتأمله
ياه كيف راح يدبر أموره بدوني مدري كيفه عاد !!
رديت أطالعه بحزن و أنا أسكره
فتحت الشنطه اللي أرسلتها لي سلطانه و قمت أتأمل محتوياتها من جديد
شلت الألبومات الثلاث و أنا أتسأل لمين يا ربي فتحت الأول كان صور للعائله
سلطانه و جواد و دانيا و هو يلعبون بالرمل
تذكرت جواد فقمت سكرت الباب بالمفتاح
الألبوم عباره عن صور للعائله عائلة جواد قديمه و جديده ناس عرفتهم بالصور و ناس ما عرفتهم ....
الألبوم الثاني عباره عن ........بإختصار عباره عن جواد !!
كلها صور له و هو في بطولاته يلعب ملاكمه صوره له و هو يضرب خصمه في الحلبه و صوره له و هويستلم ميداليه و صوره له يتلقى ضربه من خصمه ......
ضحكت على هالصوره و أنا أتذكر فيصل كيف أعطاه بكس قوي في المول ... بس أكيد فيصل اتصفق من جواد لأني في الشهر اللي عشته معاه عرفت انه فظيع من ناحية ضرب و مضروب ههههههه يعني يحب يكون الضارب دائما مش المضروب !!!
قانون الغاب بس بطريقه محرفه شوي !!
و صوره و هو يسلم على خصمه بروح رياضيه بس الصوره اللي من جد عجبتني و شدتني الصوره الي لابس فيها قميص سماوي و يكتب للمعجبين في الأوتوغراف
شلتها من الغلاف و حطيتها في الدفتر الجلد اللي عطتني اياه سلطانه !
فتحت الألبوم الثالث طبعا صور زواجي اللي طالعه مره رومنسيه مع ان العكس صحيح

الصوره اللي كهربتني و أنا أسترجع أحداثها لما رفع وجهي تجاهه يوه يوم عصيب
حسيت اني مثل الدجاجه في الشوايه مره الطباخ يقلبها يمين و مره يسار لين تنشوي من كل الجهات .....!!
رتبت أغراضي و شيكت عليهم طبعا اخترت شنطة يد كبيره شوي و حطيت فيها كل خرابيطي و أولهم الدفتر الجلد اللي ما تجرأت أشوفه طلعت الملابس اللي راح أسافر فيها عدلت كل شي بعدين رحت تسبحت لبست بيجاما حرير مره نعومه لونها عنابي تركت شعري ينساب بحريه دورت المفتاح في الباب بهدوء طفيت الأنوار و شغلت الأبجور
شلت الدفتر الجلد لأنه ما عندي نوم
تمدد و أنا أسند ظهري بالمخدات تعرفون عاد و ضعية وحده تبي تقرأ روايه !!
فتحت أول صفحه من الدفتر كانت بخط حلو بس مرتجف شوي
ينطبق عليه هالعباره (( يا صاحب الخط العصبي أجبني ))
إلى أحلام الصقيع
إلى من انتشلتني بقوه من براكين الألم
إلى من قيدتني بأغلال الغيره
إلى من عذبت قلبي برقه
إلى دنيا أفلاكها صاخبه
تمتزج بإثاره مع نهاياتي
إليكي يا من أحبك
أهديكي مذكراتي
التوقيع : ********
صدمني الكلام و حطمني من التوقيع عرفت انه لجواد ما أعرف خطه لأني ما صادفت و شفته يكتب بس مبدع !
فتحت الصفحه الثانيه و الفضول ذابحني و مقطعني حتت !!
مسويها على شكل فصول أو موضوعات منفصله
عندما رأيتها ......
تناثرت أحبار القلم في الساحه
و تعلقت بأسوارها القصص
و البداية تحكي النهايه
في عالم متجدد تحكيها
ملكتي و أميرة عرشي الفاتنه
قلت بسخريه
أميره : أكيد وحده من حبيباته و معجباته يطلع منك يا جواد
سمعت خطواته تقترب حطيت الدفتر بالشنطه بسرعه و تمددت و تغطيت بسرعه
فتح الباب و أتبعه بفتح النور
جواد : أدري انك باقي صاحيه ؟!
ما تحركت من مكاني نهائيا موهمه نفسي اني بأنام و النوم مجافيني
مدري وش قربع و وش سوى بعدين طفى النور و نام قربي ؟!
جواد : راح ترتاحين من وجهي كم أسبوع ؟!
التفت له و قلت
أميره : كم أسبوع ؟!!
جواد : عادي بين زوجين عايشين كأصدقاء صح ؟
أميره : صح
قلتها بإبتسامه مرحه و من جواتي أنكوي بنار تحرقني ...و ين ناوي ترميني يا جواد !
و بعدين وش هالشغل اللي مهم لهالدرجه تبي تبعدني عنه !!
أكيد وحده من حبيباته اللي كاتب عنها في الدفتر !!
لا تلوموني يا ناس فكرة انه راعي بنات مره راسخه في مخي و مقتنعه فيها بالكامل
جواد : مرتاحه
سؤال غبي المفروض ما أنسئله يبيني أكذب و أقول ايه و لا أقول لاء
جواد : قولي لاء
طالعته و أنا مفجوعه كيف عرف اني قاعده أخير نفسي بين ايه و لاء !!
اتصال روحي " تذكرت رنا و هي تقولها و تمسك اطار نظارة القرايه اللي تلبسها مسويتلي عالمه ........
جلست بملل
أميره : مالي خلق مب جاي لي نوم
جلس هو بعد و طالعني
جواد : و أنا بعد
نزلت راسي بملل فطاحت خصلات شعري على وجهي بنعومه
رفعتها بسرعه بس ردوا طاحوا من جديد
قال و هو يتأملني
جواد : وش فيك ؟!
مسكت الفرشه اللي كانت عالطاوله جنبي و قمت أرفع شعري
أميره : قلت لي انك ما تحب شعري يكون على وجهي أو طاير
تنهد بعمق و حك راسه من ورى و قال
جواد : خبري بشعرك أطول من كذا
ابتسمت بمرح
أميره : قصدك أقصر من كذا ... كنت دايم أقصه بس من بعد وفاة أهلي الله يرحمهم
تركته على راحته بس لما احترق البيت احترقت أطراف شعري معاه و قصوه الدكاتره
جواد : و ما عرفتوا مين سبب الحريق ؟!
ابتسمت في داخلي تتوقعون مني أقوله أحمد اللي حرق البيت عشان يلطش ورثي و ياخذ فلوس التأمين و يرميني في المستشفى تسع شهور أتعالج من حرق هو سببه !! أقوله !؟؟ و يقعد يعايرني بأخواني اللي تخلوا عني و لا أسكت و أخلي لي قدامه عزوه استند عليهم حتى لو كانوا و لا شي ؟!!!
أميره : انفجار في أنابيب الغاز ....
ابتسمت و قلت
أميره : تدري يا جواد أحلى شي انه ما صار عندي بصمات ؟!! حتى شوف بنفسك
و وخرت خصلات شعري ورى اذني و فتحت يديني له
طالعهم بتعجب
أميره : تتوقع في أي يد فيهم ؟؟
أشر على اليسار و هو يتأملها بدقه
مسك يدي و قرب راسه منها و قام يطالعها بإندهاش
حريت من جد و قلبي دق بقوه و الإحساس اللي أحسه لما يقرب مني انشحن و بدى يشتغل
يقهرني و يقسى علي و يزعلني بس لما يقربني أو يلمسني أصير حمل وديع عنده !!
أميره : يعني لو أرتكب جريمه مو مهم لو مالبست قفازات
قال بمزح
جواد : راح تلبسين قفاز في يدك اليمين بس
و قمنا نضحك
جواد : وش هذا !
قلت ببراءه
أميره : جرح انجرحته في الغرفة اللي تحت الأرض
طالعني بتسأل
جواد : وش سالفة الغرفه اللي تحت الأرض .... مغامراتك وصلت لتحت الأرض ؟!