غراميات مجنونه :: قصه عن البويات :: سعوديه .. جريئه .. واقعيه ومميزه

(( بــعــد ماهــدت جـنا راحت مع هشـوم للكـافتيـرا .. كانت تبي تجلس معه لحـالـهم بس للأسف شافت نصور مع فهد جالسين واشروا لهم واخذوا فطورهم وجلسوا معهم .. ))

(وتجي بنت وتسلم على نصور وتروح

هشوم: اقول نصور هالبنت ميته عليك ورى ماتعطيها وجـه ؟

نصور: هههههه اصلا انا مااعطي احد وجـه ,,

هشوم: وليش ؟

نصور: لاني ماابي احب ولاابي اتعب نفسي ياشيييييخ بلا حب بلا وجع قلب والا شرايك يافهد

فهد: معك حق بس وجع الحب احلا وجع

هشوم: هههههه وبعدين مولازم الحب وراه وجع قلب الحب مافيه احلا منه وخاصه اذا حبيبتك كان مخلصه لك وماتشوف الا انت

نصور: هالكلام مأخوذ خيره وانا وش يضمني انها ماتخونني والا تلعب من وراي

هشوم: اللي يضمنك الثقه لان كل علاقه حب تنبني ع الثقه واذا كانت الثقه موجوده لاتحاتي .. يعني شوفي انا وجنا (وتحط يدها ع كتف جنا) انا جنا حبيبتي واثقه فيها للجنون

ولو اشوفها تخونني قدامي مااصدق لانها ماتسويها وعلاقه حبنا مبنيه ع الثقه صح ياجنـا
جنا وهي متوهقه وحاسه بالذنب: صح بيبي

هشوم(وتكذبين بقواه عين ) : يالبى بيبي انتي ..

نصور: غلطان ياهشوم انا موقصدي منك ياجـنا بس انا مااثق بحد ومع احترامي لك بس الثقه العميا انا اعتبرها سذاجه ورح تندم عليها بعدين صح يافهد

فهد ماقدر يرد: ........

هشوم: عموما انا هالسذاجه عاجبتني وانا واثق بحبيبتي مليون بالميه وهي وعدتني ماتخوني وقبل ماتوعدني هي ماتسويها لان حبي مايخليها تشوف غيري صح حبيبي

جنا بتأنيب ضمير: اكيد ياعمري

نصور: عموما هذي وجهه نـظري وحبيت انقلها لكن وماتدري يمكن الايام ثبت لك صحه كلامي ..

هشوم: ويمكن تثبت لي العكس ..

فهد: كل شي جايز .. اممم عن اذنكم انا بروح عندي محاضره مهمه وفيه اختبار الحين

نصور: من متى الاهتمام

فهد: ههههه يااخي نبي ننجح بهالماده ونفتك من اللعام وانا حاملها

نصور: بالتوفيق

فهد: اجمعين ( ويروح ويخليهم وهو ميييييت من لعبه الاعصاب اللي حط نفسه فيها .. ))

ويرن جوال جنا: الو هلا والله .. لا مالي خلق .. ماابي احضر .. ليش من جد .. طيب طيب جايه باي ..

هشوم: وين ؟

جنا: بروح للكلاس عندي محاضره واذا ماحضرت حينزل لي حرمان

هشوم: لالا مايرضيني ياروحي انو يجيك حرمان انا بنفسي رح اوصلك ..

نصور: طيب اجل انا بروح اجلس مع شله فوفو .. وبمرك بعدين زين

هشوم: صار (( ويقوم ويوصل جنا لكلاسها وكانوا ماشين وهم ماسكين يد بعض ))

هشوم: جنوو

جنا: هلا بيبي

هشوم: انا للحين ماني قادر اصدق انك سامحتيني .. مشـكوره مشكوره انك عطيتني فرصه ثانيه ..

جنا: بيبي انسـى هالموضوع طيب انا سامحتك لاني احبـك وانا مااحب ازعل اللي احبـهم .. فديتك بيبي ( وتعطيه بوسـه ع خده وتدخل للكـلاس .. ))

جنا وجلست جنب القروب: وين الدكتوره ؟

روعه: شوي وتجي .. راحت تجيب الكشف عشان تحضرنا ..

جنا: اوووف مالي خلقها هالهذره ..

زينه: جنا تعالي معي للحمام بضبط مكياجي

جنا: يلا وانا بعد ودي اضبط مكياجي .. __ ويروحون للحمام ويضبطون مكياجهـم وكان الحمام فـاضـي .. )

جنا وتعطي زينه علبه مكياجـها: زينه خليه عندك شوفي بدخل الباث (وتروح لجهه الحمامات وتوها بتفتح باب حمام الا وينفتح وانصدمت باللي شـافتـه .. شافت فهد طالع

مع فـاطمـه من نفس الحـمام ..

جنا: ......

فهد انحرج وماعرف شيقول : ....

فاطمه: تبين تدخلين تفضلي يلا حبيبي (وتسحب فهد ويطلعون ..)

جنا وواقفه بدون ماتقول ولاكلمـه وهي تطالعهم يبتعدون عنها شوي شوي .. وفهد رقبته رايحـه فيها من البوسات والمصات ونفس الشي فاطمه .. وطلعوا لجهه المريات وضبطت فاطمه الروج

اللي راح كلـه .. وطلعت مع فهد وجنا واقفه مصدومه ..

زينه ملت من الانتظار: جنووون تأخرتي _وتروح لجهه الحمام وتشوف جنا واقفه وتبكي و خافت ..

زينه:جنا وشفيك

جنا : ....

زينه : جنا ليش تبكين (وتفكر : عشان فاطمه وفهد ؟

جنا وتمسح دموعها : لالا .. عيوني تعورني ودمعت بس

زينه وهي مومقتنعه بكلامها: انتي للحين تحبين فهد؟

جنا: لا وع مااحبه ولاشي انا احب هشام وبس .. ولو سمحتي سكري هالموضوع التافه .. ( ويروحون للكلاس بعد مامسحت جنا دموعها وضبطت مكياجـها .. مرت هالساعتين

ثقيله وممله وبطيئه على جـنا واول ماخلص الكلاس طلعت وشافت فهد بوجـهها
فهد: جناا

جنا واول ماشافته حقرته ومشت بس فهد مااهتم لحقرانها وللناس ومشى وراها

فهد: جنا انتي فاهمتني غلط .. اللي صار كله فهمتيه غلط ..

جنا: اوووه اي غلط واي هم .. اقول بس ترى انت كلك على بعضك ماتهمني زين

فهد: طيب جنا انا اسف لاني

جنا: لو سمحت ممكن تتركني امشي ترى شكلنا مره سخيف كذا الناس قامت تطالع وموناقصه هشوم يجي ويسوي لي قلق ..

فهد: طيب بمشي بس انا اسف انتي رفضتيني وتخليتي عني ومالقيت الا فاطمه بوجهي

جنا بغرورها المعتاد قالت بسخريه: فاطمه.. كفوك وقدرك .. فعلا انت وهي ينطبق عليكم المثل اللي قال التم المتعوس على خايب الرجـا ..وانساني يافهد لاني اكرهك اكرهك (وتروح وتخليه )

فهد وهو يراقب جنا تبتعد عنه شوي شوي ويتذكر نظرتها الاخيره له بكل اشمئزاز وقرف ندم انه تركـها وندم على كل اللي سواه وندم على ضعف شخصيته وعلى تحكم فاطمه فيه .. مل

من هذا كله وتأكـد انو بعد هاليوم مستحيل جـنـا ترجع له .. اما فاطمه فـهو قرر يتركـها بس للحين ماقالها .. مل من كل التفكير .. وراح بسـرعه ع شؤون الطالبات وقدم تأجيـل ترم ..

عشـان يرتاح من الكليـه ومن حبه لجـنا اللي يعذبه ومن ضعف شخصيته عند فاطمه وتحكمها فيه ..ومل من احتقار نصور له وتصغيره له في كل مره يشوفه فيها ..

ولمى قدم التأجـيـل .. قفل جواله وطلع من الكليه بسـلام وهو يمشي بالسـاحه الخارجيـه

للكليـه يستعد للخروج نزلت دمعه على خده بدون شعور وهو يتذكر وجـه جنـا ونظـرتها الاخيره له وهي تقول .. >>انساني يافهد لاني اكرهك اكرهك<<

مسحت دموعها بحرقه وهي حاسه ان هذي اخر مره رح تشوف فيها جــنا .. و ماكان فيه شي يعبر عن حالته غير هالكلمات اللي اهداها لجـنا بــرســاله وحطها بشنـطتها قبل لايطلع ..

أبحـكليلك عن احـوالي وابيـك تشوف لـي صـرفه... خيالك دايم ببالي واحس بشي مااعرفه ..

يوديني الحزن ويجي وشوقي لك يعنيني .. لانك لمى عنب تغيب تضيق الدنيا في عيني ..

وش احكي لك وش افسر عن احوالي وعن علومي كثر شوقي لك تصور اشوفك حتى في نومي..

تعب حالي وقلبي ضاق يشيلك سر في صدري ..وانا من زحمه الاشواق اخاف اموت وماتدري ..

ومن حبك وتأثيرك فؤادي ينبض بطاريك.. صعب يهوى احد غيرك وهو ميت اساسا فيك ..

وش احكي لك وش افسر عن احوالي ..وعن علومي كثر شوقي لك تصور اشوفك حتى في نومي ..

جـنونتي انا اسف على كل الالم اللي سبتته لك يااحلا واول حب بحياتي .. انا ضعت من بعدك وماابي اضيعك معي اتمنى لك السعاده مع هشام ورح انساك مثل ماطلبتي ..

فــهــد .. قرت جنـا الرسـاله وضحكت بأستـهزاء وقالت بخاطرها : مستحيل ارجعلك يافهد انا احب هشـام ومااقدر افكر بغيره ..


وبــعـــد مـــرور نــص ســاعه ع خــروج فــهد من الكليــه .. طبــعا انتــشـــر خبــر تأجيله بسرررعه بالكليه وطبعا لان فهد من الشخصيات المهمه والمشهوره الكل يهتم باخباره اول باول

وبمكان الشـله المعتاد كانت جنا جالسه تفكر باللي صار مؤخرا ... ترك هشوم لها بالبارتي وتبريراته وخياتنها له مع فهد وبعدها بيوم انهت كل شي .. وبعد مرور ساعات من تركها لفهد
خيانته لها كل هذا موقادره تستوعبه احداث كثيره صارت بيومين .. وبالاخير خروج فهد من الكليه مباشره بعد ماتهاوشت معه جـنا .. وكالعاده لمى انتشرت الاشاعات قالوا ان فهد طلع

من الكليه لانه ماقدر ينسى حب جنا وخصوصا ان بنات شافوا لمى يترجى جنا وهي تقوله انا اكرهك وانســانــي .. ملت جـنا من نظرات الشـله والبنات لها وقامت واتصلت بسواقها يجيها

الا وع جيه هشوم مع نصور بوجهها وخافت جنا من رده فعل هشوم ..

نصور: صحيح جنوو ان فهيد الوسخ طلع من الكولج

جنا وهي متوهقه بس مابينت لهم : مدري هذا اللي قاعده اسمعه من البنات ..

نصور: اتصلت فيه جواله مقفل .. صدق انه كلمك قبل مايأجل يقولون انتي اخر وحده تكلمتي معه

جنا وتوهقت وماعرفت شتقول وهي تشوف ميه سؤال وسؤال بوجهه هشام توهقت بس مشتها بأسلوب مزح وقالت: ههههه حلوه ذي اخر وحده .. لو هو فعلا اجل اخر وحده تكلم معها مسؤوله

شؤون الطالبات

نصور (ذكيه) : هههههه يمكن .. عن اذنكم (ويروح )

( ويرن جوال جنا : الو هلا طيب طيب الحين بطلع باي

هشوم: وين رايحـه

جنا: بروح البيت

هشوم : الحين توا الناس باقي ساعتين على اخر الدوام

جنا:اعصابي تلفانه اليوم بروح البيت وبنام

هشوم: سلامه اعصابك حبيبي .. طيب تعالي اوصلك للباب ..

جنا وتسمك يده: طيب حبيبي ((وهم طالعين كانوا طول الوقت ساكتين وجنا خايفه ومتردده .. ودها تعترف لهشوم باللي صار وودها تكتم هالشي بخاطرها بس تخاف انو يتركها لو يدري

.. فكرت وفكرت وملت من التفكير وقالت له اخيرا : هشومي

هشوم: هلا حبيبي

جنا : عندك شي اليوم ؟

هشوم: امممم ليش ؟

جنا: بيبي خاطري انك تجي اليوم عندي البيت

هشوم: بيتكم ؟

جنا: اي بيتنا .. وش رايك .. حبيبي خاطري اكون بمكان انا وانت لحالنا فيه كلام كثير ابي اقوله لك بس لمى نكون بالكليه والا احد البارتيات

مااخذ راحتي وبالمره انت ولامره جيت بيتنا تعال ياقلبي لاتردني ..

هشوم: ماعاش مين يردك وانا اقدر

جنا وتضمه:ياحــيـــاتي .. طيب حبيبي انا رح اخلي سواقنا يمرك بعد المغرب يناسبك الوقت

هشوم: اكييد ينـاسبنــي ..

جنا : طيب اجل صـار يلا باي (وتلبس عبايتها وتطلع )

هشوم ويرن جواله: هلا نصوري .. ايه لاتحاتي خويك ذيب للحين كل شي ماشي حسب الاصـول .. هههههه الحين بجيـك باي .. (ويسـكر )

ياتري لشنــو يخطط هشوم ونصــور .. وجـنا هل رح تعترف لهشـوم او انها رح تخبي كل شي وتنسـى .. فهد ليش اجل وهل رح ينتهي دوره هنا او انه رح يحاول يرجع لجنا

ونصور هل رح يتركه بحاله والا لا ؟ هالبارت مره غامض وفيه تساؤلات كثيره رح تتوضح لنا بالفصول القادمه....